الاختلاف فى البتنجان افسد للمسقعه الصنيه


وسلم ليه على المهلبيه ايون هو ده باقى العنوان ومش بهزر
ندخل فى الموضوع وسعوا شويه والبنات فى مكان والاولاد فى مكان مش عاوزة انخلاطات انا بقول وبحنذر.....
اليومين دول بجد بشوف حركات غريبه ومريبه بينا احنا المدونين والناس فى الشارع يعنى ممكن الواحد يقول رأيه فى موضوع بكل صراحه وبأدب جدا والتانى يرد بنفس الطريقه ودول بيبقوا ناس محترمه جدا . او واحد بيسال ويستفسر والتانى يفهم كلامه غلط على انه هجوم او مع او ضد الموضوع ودول بقى بيجيبوا ليه حساسيه والتهاب فى المرارة اللى اتفقعت من بدرى وببقى عامله زى اللى لبسه فرده شراب فى دماغها هو انا لما اتناقش مع واحد فكرة واتجاهه غيرى يبقى انا معاه او ضده هو مينفعش نفهم بعض مينفعش نقرب وجهات النظر لا ازاى لازم يا ابقى معاهم يا عليهم بزمتكوا ده ينفع بزمتوكوا احنا شعب مجهز للديمقراطيه .
بجد احناا بقينا فى المهلبيه يا عطيه وبقينا عاملين زى المجانين سيبين الحكومه والهم اللى احنا فيه وبنتفكك داخليا ونهاجم بعض وكل واحد ماسك قله فى ايده وبيخبط التانى بيها وما بيصدق يمسك له غلطه طيب احنا سيبنا مشاكلنا مع البلد وحالنا اللى اتعوج وبقى زى الفيل ابو زلومه مايله ومسكنا فى خناق بعض طيب امتى هتتفرغوا للبلد يا اللى عاملين مثقفين وعاوزين حالها يتصلح اذا كان مش قادرين تقفوا مع بعض لغايه لما تقضوا على الفساد اللى بره لووووووووووووووووووووولى والله ساعات بقيت احسن اننا مينفعش لينا غير حكومتنا الغبيه دى.

حاجه تانيه لو فيه علاقه بين اتنين مثلا وسألها او سأتله عن احساسها او هو بيمثل لها ايه بترد بكل صراحه فيه ناس بتتقبل وفيه ناس لا تتقبل ايه ازاى وليه واشمعنى انا وليه متوافقيش حتى فى الجواز الله طيب يا سيدى ما هى قالت لك الحقيقه اللى جواها او قالك اللى جواه . نقوم نلاقى ايه بقى الديك الرومى نفش والغباء طفح ولسانهم دلدل ونطر عرق الهطل على الاستعباط على البجاحه ويبدأ يشهر بالبنت او البنت تبدأ تضايق فى الولد عن طريق اى حاجه معاكسات تلفيق اى مواضيع تشهير فى النت تركيب صور ودى بقت موضه بين الناس وبقيت مصيبه طيب ايه عاوزين يضحك عليكوا .
سؤال كده من النحله والدبور هو احنا ليه بنستخدم التكنولوبيا فى المصايب وبنسيب استخدامها الصح .اممممممممممم بما اننا عندنا غل صح ومش بنعرف نستمع لبعض ولا نحترم آراء بعض ودماغتنا مزنوقه فى كعوب الشوز بتاعتنا .
حاجه تانيه اتنين اتناقشوا فى موضوع مثلا واختلفوا تلاقى ده راح غلط فى ده يا نهار طيب ليه يا جماعه ما هو ربنا خلقنا مختلفين فى البتنجان خالص يعنى كل واحد عنده بتنجانته اللى فى دماغه وعجباه طيب بنخنق على بعض ليه
ولا الاقى واحد شاغل نفسه بحياة غيرة يا سحالى ويا تماسيح ما تشغلوا نفسكم بحياتكم مش بحيات غيركم هو الفضول بيأكل فى قفاكم ولا ايه ما تسيبوا الناس فى حالها . والله كل واحد لواتلفت لنفسه لهتبقى الدنيا حلوة انما ايه المصريين والفضول بقت سمه عندنا زى كان زمان المصريين والفول دلوقتى اتغير والفضول.
نيجى للبجاحه بقى تلاقى الناس عارفه انها غلطانه لا وتلاقيها بجحه تعاند فى الغلط ودول بصراحه بيكون نفسى اجيب النمل الكبير الرخم اللى بيطلع من الشجر ده واسيبه عليهم يقرقص فيهم ويعذبهم واقطع عليهم الميه علشان يجلهم حساسيه واخلص منهم او تلاقى حد اخد حاجه مش من حقه وبرضه يبقى بجح ويطلب اكتر مفبيش عندنا بتاع من الاحمر ده ولا خلص من السوق خلاص الكرات البيضاء والحمراء دول خلاص

نيجى للصفه التالته الاستعباط بقى هو ايه والناس اللى واكله مستعبطه ومستهبله هو الخبر اللى جاى ده واللى اخدته من المصرى اليوم
.
109استقالات جديدة من «الوطني» في الجيزة والشرقية.. وتوقيعات بتقديم استقالة جماعية في السويس بسبب ترشيحات المحليات.
ههههههههه وايه السبب بقى حبوا يأخدوا كل واحد حته من التورته منفعش بمعنى ايه طبعا الحزن المستوطن بتاعنا بيوزع التورته اللى هى المحنيات بمزاجه وطبعا بقيت المعازيم عاوزين فمش عجابهم الطريقه لان فيها محسوبيات فيعملوا ايه يهددوا بالاستقاله يعنى وقعوا فى بعض اخيرا وبانت حياتهم بصراحه يعنى المفروض الاحزان التانيه متزعلش ما حتى بتوع الوطنى مكوسين ما بينهم وعاملين خرفان فدا ههههههههههه مش خرفانى بعينهم طبعا انا خرفان تتيقراطيين ملهوش فى الانتخابات طبعا.
ومن هنا يبان الاستعباط بتاع الحزن المستوطن على قلوبنا ويبان الاستعباط اللى احنا بقينا فيه واننا الحمد لله رب العالمين هنفضل سلبيين وسيبين حياتنا فى ايدين شويه ناس واكلين مهلبيه ومولوخيه بالتقليه وريحتها طلعت علينا واحنا برضه نايمين ومستعبطين وقفلين مراخيرنا وودانا اللى بقت زى ودان الفيل .
ومن هنا احى الشعب المصرى الايجابى اللى مش احنا طبعا على الحركه اللى يا رب تحصل فعلا يوم سته ابريل وهى الاضراب العام محدش يروح شغله ولا مدرسه ولا يفتح محل يمكن الناس التانيه تحس على دمها وتعرف اننا مش عاوزينهم ونبطل بجاحه ونقول الحكومه هى السبب اذا كانت الحكومه عندها نسبه فاحنا عندنا النسبه الاكبر ونصارح نفسنا بالحقيقه اننا بقينا زى الدببه ورجعنا اطفال بالببرونه تانى عاوزين كل يوم الرضعه ونسيب الدنيا تمشى برحتها وبقينا موكوسين وكسه كحك العيد ومحدش يسال يعنى ايه وسلم لى على البتنجان


كان معكم مهندس استاذ دكتور / سعاده الشيف آبى هانم بتنجانى

124 اخبط وقول رايك:

3abdo me7tas said...

أنا بس قلت أحجز مكان وهنزل الشغل ولما أرجع هرد على الموضوع
ادعيلنا

Anonymous said...

أختى الفاضلة / آبى
نحن شعب طيب جميل صامت و لا حياة لمن تنادى ،قديما قال الشاعر أبو القاسم الشابى "إذا الشعب يوماأراد الحياة فلا بد أن يستجيب القدر"أذن مطلوب إرادة الحياة و هى غير متوفرة الأن صدقينى إرادة الحياة لم تعد متوفرة عند هذا الشعب العظيم،و لا تقولى لى دى صورة قاتمة أو نظرة تشاؤميةلا و الله ده و اقع معاش فماذا تنتظرى من عدم المبالاة و الأكتراث التى تعم شعبنا إن الله لا يغير ما بقوم حتى يغيروا ما بانفسهم ..
أبو خالد

Soooo said...

هحجز وجاي
تشربي فيسكافيه معايا؟؟؟


سلاموووووووووووز

Soooo said...

غريبه قوي انتي بجد
هو انتي مش قادره تستوعبي ليه اننا فاضللنا عصور كتير على مانوصل لمرحلة اننا نبقى دوله من دول العالم الاول بدل ماحنا عالم تالت .. وبالمناسبه مين هم العالم التاني؟؟؟
----
بخصوص الاضراب العام .. انتي هتضربي ايه؟؟
عشان انا بافكر اضرب كشري .. او اضرب شعري جيل




سلامووووووووووووز

دكتور حر said...

يقول ربنا

خذ العفو وأمر بالعرف وأعرض عن الجاهلين

ويقول أيضا

وجادلهم بالتي هي أحسن

ويقول
ولا تجادلو أهل الكتاب الا بالتي هي أحسن

ويقول
ادع الى سبيل ربك بالحكمة والموعظة الحسنه
ويقول
ولا تسبوا الذين يدعون من دون الله فيسبوا الله عدوا بغير علم

والكثير الكثير من أصول ديننا الكريم
ومواقف الرسول والتابعين

وليكي دول كمان

حياتنا
حوارات


الحوار من عند العصفور

اجندا حمرا said...

العزيزه ابي

شوفي ياابي انتي دايما بتتكلمي عن موضوعات في الصميم و اتكلمتي في حاجه بفكر فيها علي طول ليه مانحترمش اراء بعض
مش معني اننا مختلفين اننا نقل ادبنا
اي موضوع يحتمل اننا نوافق عليه او نرفضه لكن نستخدم الفاظ تخلو من الأدب مايصحش
للأسف ياابي اغلبيه الناس عامله فيها ابو العريف و بتتكسف تقول انها غلطانه علي اساس انها مش بتغلط و طبعا زي ماحنا عارفين ماحدش كامل

روقي اعصابك كده
في الدنيا دي ياما حنسمع و نشوف
تحياتي ليكي ياقمر

أنا إنسان said...

طول عمرك رائعه يا ااابي
عجبتني جدا الجمله دي
..............
وبقينا عاملين زى المجانين سيبين الحكومه
والهم اللى احنا فيه وبنتفكك داخليا ونهاجم بعض وكل واحد ماسك قله فى ايده وبيخبط التانى بيها وما بيصدق يمسك له غلطه
..............
فعلا والله
عنك ألف حق
بس تفتكري ايه الحل
؟؟؟؟؟؟؟؟؟؟؟!!!!!!
................

عارفه حضرتك
المقال ده فكرني بالآيه الكريمة
"فاستخف قومه فأطاعوه"
هكذا وصف الله فرعون بانه يستخف شعبه
ووصف الشعب بأنه يطيع من يستخفه

وبأنه ماكان شعب ليستذل في الارض الا عقابا له أنه رضى باستخفاف الحاكم له
وأي أخبار بتطلع من الحزن والغم الوطني
أنا باعتبرها استخفاف بالشعب
حسبنا الله ونعم الوكيل
بس برده
ياريت الشيف العظيم اابي
يدوقنا طبخه حلوه
يشيل بيها مراره الاكل المعفن اللي احنا عماين ناكله
ويقولنا فيها
ايه الحل
بجد
احنا محتاجين حد يرشدنا للحل
أيا كان
.............
ملحوظه للكريمه اابي
اسلوبك جميل وشيق
لكن انا ساعات باجد بعض الصعوبه في فهمه
لسبب لا اعرفه
ربما لكثره المجازات والكنايات والاستعارات فيه
أو ربما لذكر الاكل
وانا مش لاقى ااكل
ياريت ترحمي شعب فقير
وغبى
وتبسطيلنا الموضوع
هذا مجرد رجاء
من واحد مش لاقي ولا اكل ولا شرب ولا حتى سعاده
تحياتي

appy said...

عبده محتاس

يا اهلا اهلا انت كنت قاعد على باب المدونه ربنا يوفقك يا رب فى ايه مش عارفه بس يوفقك وخلاص مستنياك يا كابتن بس مش هتاخد جايزة اول تعليق هههههههههه




اخى العزيز /ابو خالد

طبعا بما انى محنذرة قبل كده من حجز او كومنت والمشى بدون راى فحضرتك رجعت للمقدمه وده لانى تيكتاتوريه ههههههههه فى كوكبى وكسبت زجاجه زيت بيتهيأ ليه التورته مبقتش تنفع او اجيب لك كيلو بتنجان مثلا ههههههههههههههه
طيب وهنفضل لامتى لا حياة لمن تنادى عجبك حالنا اللى بقى زى الدمل اللى بنأخد له علاج بجد انا خلاص تعبت وبدأت افقد الامل فى الناس نورتنى يا اخى العزيز

appy said...

سووووو
يا غلس انت عارف مش بحب الفسكافيه دة منكن شاى لو سمحت هههههههه

بص بقى العالم التانى ده اللى هو الكوكب بتاعى اللى رقص على السلم مش عارف يطلع فوق ولا تحت وبقت حوسه وكوسه وفعلا احنا عمرنا ما هنبقى عالم اول طول ما بنفقد الحوار وعيشين فى كدب وخداع وانانيه وتسترات على الغلطات هههههههههه
وبعدين جل ايه انت هتهنزر معايا ولا ايه انت عندك شعر ههههههههه وانا مش بحب الكشرى علشان بيتخن وبيوجع ليه القاولون
انا هضرب كابتشينو تيجى هههههههههههههههه






د/ حر

ونعم بالله والله يا دكتور نفسى الناس تفهم شويه بقى انا تعبت والله وزهقت وانا بعمل كويس وبتعامل كويس بس الناس بشوفه مع بعض صعب جدا وتلاقى دماغهم مزنوقه فى حتت ضيقه موت
وميرسى ليك انا فعلا قريت التدوينات دى من قبل كده وكتير قريوها بس تقول ايه محدش بيعمل فبجد بقى حلهم معايا اخبط وانطح ههههههههههههههههه ميرسى ليك

appy said...

اجندا حمرا


ميرسى ليك على ذوقك بجد وموضع الصراحه كمان بقيت بحس اننا عايشين علشان نضحك على بعض او حتى احنا عاوزين نضحك على بعض وبقت نيله
انا مروقه خالص بس قولت اصحصح كده بكام قله هههههههههههههههه




انا انسان
ربنا يكرمك اول مرة تدخل ومتحسدش شوفت نتيجه حسدك جبت ليه اكتئاب وقفشان فى مواتير دماغى
بص والله اسلوبى بجد مش صعب بس بكون متغاظه شويه من السلبيات فتلاقى تعبيراتى طالعه بسخريه عموما علشان خاطرك هعملك قاموس فى تفسيرات بوستات آبى هههههههههه وابعته لك على البيت

اما الحل اللى طلبته ننضف قلوبنا نبطل حقد وغل نأخد الدنيا ببساطه نواجهه مشاكلنا بقلب جامده احنا بنأخد مسكنات لحياتنا ما نقول لا ما نواجهه هنخسر ايه ليه عايشين على المضاد الحيوى فهمت لو عاوز اكتر اقولك كمان
نورتنى وسلامتك من الهم والجوع

الشنكوتي الكبير said...

هييييييييه طلعت العاشر كويس برده اهو فيه تحسن شويه
المهم بقى

قبل ما اعلق ايه حكاية اضراب 6 ابريل ده ولا دي كدبة ابريل يعني

ما علينا انتي قلتي تصنيفين جامدين قوي
وحتة التشهير دي والمشاكل اللي ممكن ولد يعملها لبنت علشان رفضته بقت حاجه سافله جدا خاصة لما الرجاله يتحدوا على بنت اديكي شوفتي البوست عندي انا نفسي ساعتها كنت متأكد ان البنت هي الظالمه وان مفيش راجل هيعمل موقف زي اللي هي بتقوله ده وقعدت اقول الرجاله والجدعنه وخيانة النساء للصداقه وحاجات تخينه كده المهم في الأخر طلعت انا مضحوك عليا خالص

ما علينا ربنا يسامحني
واتمنى هي كمان تسامحني
نرجع لموضوعنا

مادام الحزن المستوطن ده مبني على الفساد والكوسه متخيله هيبقى في بينهم عدل دي ناس ثقافتها هي الظلم والأستهتار بحقوق الناس يبقى اي حد هيقدروا يظلموه هيظلموه بدون تردد

وسلم لي على البتنجان يا ابي يا الذ واجدع بتنجان

سلااااااااااااااااااااااام

احساس لسه حى said...

عزيزتى

اكيد الاختلاف فى ميزة الكوسة افسد على الملوخية طشتها

اكيد مفيش فرق بين المدونيين والمواطنين وكل الصفات الحلوة اللى فى مجتمعنا موجوده فى مدونتنا وكل الصفات الوحشه برضوا موجوده

واكيد المفروض اى انسان يقول رائيه بادب بس فى ناس تستفزك وتخليكى تسخرى منهم ممكن توريهم صورتهم الحقيقيه ممكن تفضحيهم فضيحة الكتكوت يوم طلوعه على المعاش ممكن

وشعبنا متجهز للديمقراطية اكيد وكل ديمقراطيه فيها بعض المصالح والحسابات

وعلى رائيك فى ناس سايبه الحكومه وتصريحاتها وشغله بالها بتصريحات ناس بتعارض الحكومه تفتكرى ايه الاهم بالنسبة للمواطن تصريحات نظيف ولا عاكف

وساعات على رائيك الواحد بيحس ان فى ناس محتاجه وتستاهل حكومتنا وبشرطتها بالفساد اللى فيها بدل بتدافع عنهم وبتجبلهم مبررات للحاله اللى وصلت ليها البلد

دى مصر بذمتك ده مستوى معيشة المواطن المصرى بقينا نتذل علشان العيش وفضيحتنا بقيت بجلاجل فى العالم

وموضوع المعاكسات والتشهير بقه فى العالم كله والناس ما بتصدق تلاقى فضيحه وتتلم عليها وتتكلم فيها


وليها بتقولى بنستخدم التكنولوجيا استخدام غلط ومش صح

انتى بتتكلمى عن نسبة وفى ناس بتستخدم النت احلا استخدام فى خدمة دينه وساعات وطنه وساعات مبادئه

وكل شئ فى دنيتنا ليه الاستخدام الكويس والوحش

بس دايمن الوحش بيكون صوته اعلا وبيلاقى اللى يسمعله ويشجعه

تصدقى

اكيد الاتنين اللى اختلفوا وفيهم حد غلط بيكون الاضعف هو اللى دايمن يغلط

المهم غلط ازاى ونوع الغلط ايه فرق بين الغلط والدفاع عن رائيك بحده وقوة

اما بقه موضوع الحزب الوطنى مش محتاج كلام علشان لما واحد ليبى يقولى بتتخنقوا على رغيف عيش وناس بتموت يبقا ولا حكومة ولا ريس ولا حزب

يستهلوا يقعدوا فى البلد دى

ولو هتقولى بينهم ناس حلويين

هقولك الحلو اللى يقبل يعيش فى الجو الفاسد ده

اكيد بكره هيكون فاسد زيهم

وكل رموز الحزب تقريبا ناس مشكوك فى طهارتها

وكفايه كده
اتكلمنا كتير

تحياتى

سلام

fatima said...

آبى الجميلة
كعادتك دائما صريحة و دمك خفيف
و نفسى أشوف خرفانك دى شكلهاعامل غزاى ؟؟
بصى مقدرش اقول فى كلمك ربع و لا نص حاجة غلط
بس التربية عليها عامل كبير برضو
زمان و انا صغيرة سافرنا الخليج و قعدنا اربع سنين
البلد جميلة و هادية و ميعرفوش يعنى إيه سياسة أصلاً...
بس كل واحد فى حاله و بيعمل شغله و المطلوب منه و بس
اتعلمت كدا .. و قررت ان تكون حياتى انى أعمل اللى عليا و بس .. مليش دعوة بغيرى وحش اد إيه ...
كنت و ما زلت امسك فى أيدى ورقة و لا كلينكس أحطه فى شطنتى لحد ما الاقى باسكت زبالة و أرميه ..زو علمت يوسف كدا ...
زمايلى فى الشغل كانو بيبصولى على انى عبيطة دى و لا أيه و يعنى اللى بنرميه هو دا اللى بيوسخ البلد ..و دى شغلة عامل النظافة احنا اللى هنشتغله ...
بقى عندى 35 سنة و ما زلت مصرة ...ان تصحيح الكون يبدأمن عندك ..
بس للأسف اكتشفت ان الناس الدنيا مبتديكيش فرصة تعيشى صح و بينغصوا عليكى عشتك ...
و لأن الدنيا خير و شر
هيفضل دا سر الحياة و جوهرها
و هدف وجودنا فى الدنيا
الوجود دوما فى دائرة الصراع
هتقوليلى ما انتى اتهزمتى و سبتى الشر يهلك حياتك ... عملتى أيه عشان تسترجعيها
هقولك ... معرفش أكون غير نفسى .. و أعمل اللى عليه و لا يكلفنى أحد الا ما فى وسعى ...
ناس كتير زيى يا آبى .. ...
تحياتى يا حبيبتى

wael said...

جامد جدا تعليق الاختلاف في البتنجان افسد للمسقعه الصنيه
عندي سؤال هو احنا ماشاء الله بقينا عالم تالت وتطورنا ماشاء الله علينا ماشاء الله علينا
يا ابي ضحكو عليكو احنا مش عالم اصلا

مجداوية said...

انتى راجعة من بيت العيلة مليانة كلام وده سببه أكل العيش السخن طبعا فبيطلع الكلام منفوش وسخن وملهلب بس اللى بيحصل ان بعد شوية بيهبط ويبتدى يبرد ويتلج وبعدين يبقى عيش ملدن ,,مش كلامك طبعا ,,ده وصف لأى كلام سخن,,الملاحظ فينا كمصريين ده ودى صفة جديدة مش قديمة يمكن متوعيش يا آبى للنخوة المصرية اللى كانت موجودة فينا قبل التطبيع مع اسرائيل كل المعايير اتغيرت بعد التطبيع اتحول العيش السخن الملهلب لعيش ملدن بعد التطبيع واللى لسه عيش سخن بيلدن بعد شويه بالعدوى ,,اللى حيصلح كل عيوبنا الكتييييييييييييرة اننا أولا نلغى المعاهدة عشان نرجع لينا النخوة ونقدر نرجع قيم كتير لدنت وأددت فينا ساعتها حنكون مهيأيين للاصلاح الجماعى مش الفردى وكل واحد مع نفسه زى ما بنعمل ,,ده هو الحل فى نظرى ,, ولو كان ده كمان رأى ناس تانية تفتكرى نقدر نلغى التطبيع ؟؟ احنا محتاجين اعادة فرمته اتملينا فيروسات وبنهنج أو ننزل ويندوز جديد

Mahmoud(WHYME) said...

إسلوبك رائع واعجبت به كثيرا
وأعجبنى العنوان
تحياتى لقلمك المنفرد وإسلوبك الجميل

حازم سويلم said...

الأختلاف فى الرآى والرؤى قديم قدم الكلام ذاته يا آبى لكننا وبعد عقود ودهور من الأفلاس الفكرى والأنهيار الأجتماعى المتزامن مع ارهصات العولمة لا نملك ثقافة التعامل او تقبل الآخر ونريد ان نكون نحن ونحن فقط فى جانبنا الصواب على الدوام

العالم كله خاصة العرب والمسلمين استهجن قول كلب اميركا "بوش" لما قال أنك معنا أو علينا , للأسف لا يوجد خيار ثالث .. وكلنا بوش من يختلف معنا فكريا يعتبر من الأعداء فورا

من أفضل التعريفات التى عرفت التطرف تعريف الفرنسى العظيم "جارودى" حيث قال -لا فض فوه- التطرف هو الادعاء بأمتلاك الحقيقة المطلقة ومحاولة فرضها على الأخرين .. أعتقد انه نفس كلامك يا بت يا آبى لكن الصياغة مختلفة

تحياتى لصاحبة العقل الفحلقى

appy said...

الشنكوتى الكبير

مبروك عليك العاشر لك بربع جنيه ترمس ههههههههه
الحكايه دى ان الناس هتقعد فى البيت وعاملينها عمال المحله اساسا والشعب كله هيتضامن ولا هنروح شغل ولا كليات ولا مدارس خلى الحومه تشم على دمها بقى وتعرف ثورتنا بس مش كدبه بس يا رب تتحقق

انا قولت لك راى فى الموضوع بتاع البنت وكمان ان شاء الله تسامحك لانك راجل واعترفت بغلطك
نورتنى على طول يا اجدع شنكوتى فى كوكبى




احساس لسه حى

عموما بص هو انا محشرتش الاخوان ولا الشرطه فى الموضوع ومش فاهمه ليه انت حشرتهم وعموما هو ده اللى بقول عليه كل واحد له نظرة ووجهه نظر يا يوصلها بأدب يا خلاص كفا المؤمنين شر القتال انما التشهير اللى انت بتقول عليه والكتكوت والحركات دى انا مش معاك فيها وزى ما قولت كل واحد يعدل من نفسه الاول ومنحجرش على اراء غيرنا
ومعلش احنا مش شعب مجهز للديمقراطيه احنا مجهزين للملوخيا وبس لان تفكيرنا ضيق سورى ده رأى شخصيا ومن معاملاتى مع الناس
وميرسى ليك

appy said...

فاتيما

حبيبة قلبى ربنا يكرمك ويخليكى ليه ويخلى ليكى يوسف
بصى يا سكر لازم نبقى اقوياء وانا عارفه انك كده بجد ولازم تبقى كده ومتسبيش حقك خديه بايدك وسنانك يا حبيبتى بصى انا معرفش ظروفك بس اكيد فى ثغرة ممكن توصلك لحل ومقدرش احكم من غير ما اعرفها قلبى معاكى يا اقوى ست وده املى فيكى والتربيه فعلا عليها عامل تسلم ايدكى على الاضافه



wael

اهلا بيك يا دكتور هنا لاول مرة ماشاء الله كوكبى اتملى دكاترة ده فال كويس لاقينا حد يعالجنا ههههههههههههه
لا مضحكوش ولا حاجه احنا فيه امل فينا والله بس نتحرك بقى ملاقيش عندك حقن مقويات للناس دى تفوقهم من الغيبوبه هههههههههههههههههههه

Desert cat said...

طبعا انا متفقة معاكى بس اللى لفت نظرى اكتر موضوع الناس اللى سايبة نفسها وعمال تبص على غيرها النوعيات دى بتضايقنى جدا وببقى عايزة اديهم باللى فى رجلى بس يخاف يتقطع وامشى حافية
عموما انا هقولهم حاجه صغنونة واجرى من هنا ولو حد جرى ورايا كعبليه
يابن ادم لاتنظر لعورة امرئ فاللناس السن وعيون

appy said...

مجداويه

انا مع اننا نلغيها ونبهدلها ونقطعها بس تفتكرى هتجيب نتيجه المشكله فينا احنا بجد احنا اللى محتاجين نفوق فى حياتنا يا حبيبتى بس
ميرسى ليكى على النفشه اللى ادتيها ليه وعلى لقب آبى الصحاح هههههههههههههههه



Mahmoud(WHYME)

ميرسى ليك ونورت الكوكب كله ويا رب دايما كتاباتى تعجبك وتستفيد منها ...خد بقى خروف نونو وانت ماشى هديه اول زيارة ههههههههههههههههه



حازم سويلم

يا اهلا وسهلا انت ابو الكتابات الجامده طبعا كلامك مشابهه لكلامى او الغرض واحد بس انت متوقع اسلوب ايه من واحدة مرارتها اتفقعت ومواتير دماغها فوتت ومسكنه نحله ودبور فى دماغها ولسانها الفرامل بتاعته بايظه هههههههههههههههه
وايه دماغ فوحلقى دى ..هى دى شتيمه يا كابتن علشان بس اجيلك ترفع ليه قضيه على نفسك ههههههههه نورتنى

جمعاوى روش طحن said...

الدنيا لما تفتح على الناس يا أخت آبى

تخيلى لو مفيش نت ولا مدونات ولا كلام من ده

كان إيه اللى حصل

appy said...

قطتى الحلوة

وتجرى ليه يا حبيبى الكوكب بتاعك واللى مش عجبه يرمى نفسه من فوق هههههههههههههههه
وبعدين ادى براحتك هجيبلك واحد جديد بجمله اللى دوبتييهم وكل سنه ومدونتك وانتى طيبه



جمعاوى روش طحن
ياااااااا يا راجل دا انا هدبح لك خروفين ايه كان فيه حاجه بتكعبلك على باب الكوكب حمد لله على السلامه
والله مش عارفه الدنيا من غيرهم ايه بس الاختلاف موجود سواء على النت او بره النت يعنى فى الحياة العاديه بس منفرضش ارانا صح ولا غلط نورت الكوكب كله

حدوتة مصرية said...

والله لو المسقعة باظت انا اعمل مصيبه الا المسقعه ديه الوجبه اللى بتبوظ اى دايت انا عامله وامى ما بتعملهاش الا وانا عامل رجيم وبتمرن فى الجيم
ويا ريت يا ايبى تدينى وصفه المستهبله والمستعبطه ويا ترى عايزه عيش ولا بتتاكل بالمهلبيه

مدحت محمد said...

لحد دلوقتى مش عارفين نبقى متحضرين
ولا عايزين نتعلم فن الاختلاف
وفقه الاختلاف
اللى ربنا ذكره فى القرءان
الى جانب قاعدة اساسية احنا متجاهلنها جدا
ان الخلاف فى الرأى لايفسد للود قضية
لكن
للاسف
احنا بنختلف عشان كرامتنا
مش عشان نوصل للحقيقة
عشان كدة بنسمع سب مابين اصحاب وجهات النظر المختلفة
كل واحد عايز يثبت انه هو الصح بكل كبر
وتعالى

ربنا يهدى
تحياتى ليكى

وجهة نظري said...

يا سعادة الشيف بتنجان، ما كل المواضيع الي إنتي كتبتيها هنا منفدة علي بعض، من دة إبتدا ده وانتهي لنفس ده.... فاهمه حاجة؟؟

الحزب الوطني هوا سبب التخلف إلي إحنا فية، الشعب عايز تربية من جديد علي رأي مدونة مكسوفة... شعب طالع شيطاني من غير تربية، عايزاة يفرق إزاي بين الديموقراطية والمهلبية؟؟ بين حرية الرأي والأرهاب الفكري؟؟ بين التعبير عن الأراء وقبول رأي الأخر وبين التطرف إلي عامينا؟؟؟

ينسحب هذا الكلام علي الأديان وعلي الأداب العامة وعلي الحوار بين الناس وحتي علي اتنين بيحبوا بعض وقاعدين علي ترابيزه واحدة

مفيش تربية من أساسة

بحبك يامصر said...

اببى
انا مش هزود عن الكلام اللى اللى سبقونى قالوه بس فى نقطه ان دايما فى الاختلاف كل واحد بيكون مفكر انه هو الصح ومش بيعمل حسابه انه ممكن يكون غلط واللى قدامه هو الصح تظهر بقه العنجهيه وان ازاى انا ابقى غلط وده يصححلى خطأى فعلا مشكله
انا كمان بيضيقنى ناس من المدونيين زى ما يكون عاملين المدونه عشان ناس تدخل توافقهم على ارائهم وبس طيب بالذمه يبقى ايه لازمتها انا شايف ان فايدة المدونات انى اكتب اللى عندى اللى بيمثل وجهة نظرى ويكون فى فرصه لغيرى اللى ممكن يكون مثقف اكتر منى او مطلع فى الموضوع اللى بكلم فيه اكتر منى
يجماعه هو فى حد عارف كل حاجه؟
اكيد لا
والله انا كنت هكتب بوست مخصوص عن الموضوع ده وكنت هسميه( تعالوا نتفق على الا نخنتلف)يعنى مثلا انا واثق ان فلان ده اللى مختلف معايا فى وجهة نظرى بيحب بلده وبيكره الفساد زيى يعنى متفقين انا وهو فى المهم ما هو يخدم بلده بطريقته وانا كمان احاول اخدم بلدى بطريقتى
اسف طولت عليكى
اه بجد بخصوص الاضراب فعلا دى خطوه مهمه انا شايف من وجهة نظرى انها مؤثره وياريت الفكره تلاقى رواج
وتحياتى ومعذرة مره اخرى على الاطاله

appy said...

حدوته مصريه

روح للحزن الوطنى يديها ليك هما اللى بيكلوها ههههههههههه نورت يا بتاع المعارك




مدحت محمد
طيب ايه يوصلنا اننا نختلف على كرامتنا وليه نجرح كرامه بعض من الاول شوفت لو كل واحد احترم نفسه الدنيا هتتظبط ميرسى ليك ونورت المطبخ ههه قصدى الكوكب

appy said...

وجهه نظرى

ما هو حضرتك كله موصل على بعضه فى تلات كلمات الصراحه ...والبجاحه ...والاستعباط هههههههههده تلخيص البوست فهمت وكل دول فى اخلاقنا اللى بايظه لو اتربينا صح كنا بقينا صح بس ممكن نعدل من سلوكنا مش صعبه لو عاوزين نورت وميرسى ليك على متابعت صنيه المسقعه بتاعتى ومطبخى




بحبك يا مصر
ايون الاختلاف يبقى باحترم برافو عليك وبعدين مش عيب نصحح لبعض او نختلف واحنا محترمين ميرسى ليك وطول براحتك الكوكب بتاعك والمطبخ كمان

صيدلانيه طالعه نازله said...

يابنتى احنا احسن شعب مايصدق يلاقى مصيبه و يهريها كلام و نقاش وجدال و فى الاخر سب علنى
عندك مثل:اما عماره لوران وقعت سابوا الفساد اللى فى المحليات و قالوا ان المحافظ القديم هو السبب لانه فتح باب تراخيص الارتفاع للمبانى مقابل التبرع من اجل تجميل المدينه
مش هو ده الراجل اللى خلى البلد عروسه و مسكوا فيه و سابوا الاهم لانه بقى من المغضوب عليهم
عندك الماتش بتاع مصر و الارجنتين:بدأت الفتاوى بخصوص الحضرى يلعب و لا ميلعبش و الخناقات كترت مع ان الموضوع ده من اختصاص الجهاز الفنى بس
انا اول ما تحصل مصيبه اول ناس بافرح لهم بتوع الجرايد علشان بيلاقوا حاجه يتخانقوا عليها و يتلهوا فيها بعيدا عن نفاق الحكومه أو شتيمه الحكومه

امام الجيل said...

ايه ده كله

احنا فعلا نفتقد لازمة كبيرة فى الحوار
ووحتة ان كل واحد يتمسك برايه حتى لو متاكد انه غلط
دى للاسف متمكنة فى الكتير مننا

نلاقى الواحد ماسك على رايه ومش عايز يسيبه ولو بالزق حتى
محدش بيحب يبقى شكله وحش قدام الناس انه يبقى غلطان بس سبحان الله لو اعترف بخطئه يبقى شجاع فعلا

اما بخصوص 6 ابريل
فاتمنى اذا تبنينا جميعا اليوم ده كلنا نشارك فيه اعتقد من اسهل الاشياء الواحد ميرحش شغله :)
بسيطة يعنى بس العملية محتاجة تضافر من الشعب كله عشان تبقى قوية

ومنسيبش حد يتكلم بلسان الشعب
عشان اكيد مش هيمثل الشعب بمختلف افكاره وطوائفه
امتا الشعب ينزل بقى ويتحرك ويفوق

nigro said...

والله يا آبي أنا مش عارف أقول إيه؟
الناس مبقتش طايقة بعض
و بيقفوا لبعض على الكلمة
ده تفريغ شحنات كبت و غيظ و زهق
بس للأسف في غير طرقها الطبيعية
بالنسبة للإضراب العام .. على فكرة مسمّيينه انتفاضة الشعب المصري
تفتكري ان الناس لسه عندها ثقافة الإنتفاضات و الإضرابات و كده
و الله أنا نفسي.. لأن الحالة اللي احنا فيها دي أدعى لذلك
أنا مش بقصد فئة عن فئة
لأن لسه من قريب كان اعتصام لدكاترة الجامعات و قبله الأطباء
أنا قصدي جماعية .. يعني الشعب كله
على فكرة أنا من المحلة
مش هقدر أوصفلك شركة مصر دي كبيرة أد إيه.. كفاية اني أقولك انها على مساحة 400 فدان
قبل كده كان فيه اعتصامات فيها و مش يوم .. لأ ده بالأسبوع و الأتنين
تخيلي انت بقى مصنع على مساحة 400 فدان يقف فيه الشغل لمدة أسبوعين
و بعدين إيه اللي حصل؟... و لا حاجة
مش عارف العيب في مين
ربنا معانا و يهدينا و يعينا على تغيير ما بأنفسنا
معلش رغيت كتير بس أصل أنا مبقوق قوي

صانعة الأحلام said...

ياااااااااااه يا بنتي دة انتي شايلة في قلبك اوي

نبتدي بقى الحدوتة....منذ ايام الفراعنة والشعب المصري غلباااااااااااان...وبيسمع الكلام
عدب علينا اليونان والروان والخ الخ...وصولا للحزب الوطني الحاكم
والشعب بردة غلبان ومسالم...دي سمات شخصية...اتحفرت في الجينات الوراثية
وسايبة بصمة ممتدة هتفضل الى ان تقوم الساعة

وشكرا

مفيش فايدة
توقيع...سعد اللي مات مالحسرة زغلول

ammar said...

كلام حلو وزى الفل
بس الموضوع بيتهيألى مش منتشر اوى كده
دى حاجات بتحصل فعلا بس قليله يعنى
او جايز انا مش متابع اوى
احييكى على البوست الجامد ده
وفعلا الاختلاف فى المسقعه لايفسد للبتنجان مش عارف ايه كده
تقبلى مرورى

haitham said...

آبى الدم محروق بما فيه الكفاية مش ناقصة حرقة دم زيادة بعد كده مش هلاقى الدم بتاعى
وبعدين تعالى هنا انتى بتتكلمى فى مين فى الشعب اللى مات من زمان ولا فى الاحساس اللى انضرب بالنار ولا فى البدنجان اللى طلع كشرى

مدونات زوجة عاشقة said...

عارفة انا فعلا بتخنق من الناس اللى بتشغل نفسها بغيرها وتعد تنتقض وهى اصلا كلها عيوب ،تقبلى مرورى ،بس بصراحة اكتر حاجة عجبتنى العنوان،لذيذ قوى0

NIDAAL PAL said...

العزيزة / آآآبى
صاحبة الصنية البايظة
بالنسبة للناس الى بيفضلوا يتكلموا من تحت لتحت ويعملوا حركات مش كويسة انا مش هتكلم عليهم لانه هيبقى فيه تيتات كتير و انا عندى حرف التيت عطلان
وأعتقد اننا اتكلمنا قبل كدة فى الموضوع ده و انتى عارفة رأيى "فرى جوودى" ولا أيه؟ .. وفيه تعليق تانى جاى فى السكة بس المعبر مقفول ..
ألا هو مين عطية ده ؟ يكونش مع الفراخ المستخبية؟ ولا من القلل المتنقية ؟

NIDAAL PAL said...

اعذرينى يا آآآبى واسمحى بالمداخلة دى وليكى حرية الحذف طبعاً
الاخ/ haitham
حضرتك بتقول :وبعدين تعالى هنا انتى بتتكلمى فى مين فى الشعب اللى مات من زمان ولا فى الاحساس اللى انضرب بالنار
........
ممكن أسال حضرتك سؤال .هو سؤال واحد بس و اهو انت من الشعب الى احساسه انضرب بالنار ..مش فاضل غير احساس حضرتك فيه لانه تقريباً ضد النار .
حضرتك عملت ايه ؟ هل عملت خطوة ايجابية؟و لو عملت كملتها؟و لو كملتها جربت تنصح غيرك بيها؟
بس كدة خلاص ..واتمنى ان تتقبل انتقاضى بلا اى ضغينة ..
والى بيقول :انه مفيش فايدة
طب ليه؟ ما تحاول حضرتك تغير من نفسك الاول و لما حد هيشوفك بتعمل حاجة صح هيتكسف يعمل حاجة غلط .. احنا الى بأيدينا نقول فيه فايدة ولا مفيش
مش سعد زغلول الى مات بحسرته ..دى ايامنا احنا و احنا الى نملك ان نغيرها للافضل او للاسوأ

عمو said...

إزيك ابى عامة أية
أولا شكرا على مرورك على هناك
وقلت رد الزيارة واجب بردة
اية الكلام الجامد دة
واية كل التعليقات دى
هو الكوكب دايما زحمة كدة
نصيحة بلاش تجيبى سيرة الاكل خالص
بتنجان ومسقعة ومهلبية
والبوست اللى فات قولتى
عييييييييش
يا بنتى لميتى عليكى الخرفان
:)
ملحوظة بلاش تسميهم كدة
دى استعارة مش حلوة
وبعدين كل الناس بتختلف احيانا وتتفق احيانا ، مافيش انسان زى التانى بشكل مطلق، وايضا مافيش انسان سوى 100%ـ
بس زى ما قالت فاتيما التربية ليها عامل وهية الأساس، بس دور التربية بينتهى لما ننضج ونقدر نفرق الصح من الغلط وفى الوقت دة بيبقى لكل واحد رأى ومنهج مختلف
(بتنجان خاص بية)
ويبقى كل واحد مسؤل عن تصرفاتة
ـ(مش قادرين تقفوا مع بعض لغايه لما تقضوا على الفساد اللى بره لووووووووووووووووووووولى )الفساد مش برة ودى المشكلة الفساد جوة وجوة جداااااااااا
ونفترض اننا قضينا علية ممكن بعد كدة نضرب بعض
:)))


مش عارف لية كتيير ببقى مشفق عليكى وصعبانة عليا خالص واكتر من مرة يبقى على لسانى انصحك تاخدى اجازة واسكت

لكن هقولك اية قولى يا بنتى قولى
مهو التكرار يعلم اييييية
الشطار
وسمعينا زغروتة

ايوة ايوة
لأ طبعا مش جاى وايدى فاضية

تحية خاصة

somaa said...

والله ايبى معاكى حق وانا نبهت كتير بس قالولى بيوتنا واحنا حورين فسكتت
وبعدين مش قلتلك احنا مجانين من زمان بس البلد هى العاقل
ابقى اقرى مدونه شى حااا اللى نزلتها
بس الوم على الناس وانا نفسى فى لحظه اتغظت من مجهول علق عند فرنسا واندفعت فى الكلام
للاسف احنا فعلا لدينا ما يكفى من الاخطاء
اما بتوع الحزن الوسنى فطبعا التورته مش حتكفيهم كلهم لانهم بقوا كتير كله بقى يقولك معاهم مدام حياكلونا بس للاسف بقى تعملى ايه فى ناس منهم مع ملىء كروشهم لسه مشبعوش
وحيدبحوا كلهم فى بعض
ياله خلى ربنا يسلطهم على بعض جميعا
تحياتى ليكى سومه_87

بطوط حبوب said...

لان كل واحد بيدور على مصلحته
المعارضه عايزه مصلحتها مش مصلحه الشعب
عشان كده رؤساء احزابها واعضاءها منشقين على بعض

وعشان كل واحد فاكر انه محتكر الصح
اقولك ع حاجه خلى الواحد ساكت احسن

إبـراهيم ... معـايــا said...

أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

د/اجدع بنوته said...

والله العظيم بقى

عظمه ع عظمه ياست

البوست ده دخل دماغى وررربع

احسن بوست ف وجهة نظرى انتى كتبتيه

فعلا انا م خلال احتكاكى بيكى

لقيتك دماغك كبيره

وبتتقبلى الراى الاخر وبتردى باللى عندك

ولو متفقتوش خلاص مبتختلفوش

مش زى ناس تانيه

رأى انا اللى صح

واهلا باللى معايا وهقطع اللى وجهة نظره غيرى

بجد برافون شيف أأبى

البتنجانه المرادى طعمها يجنن

مهندس مصري said...

طيب ما كلنا متفقين على صحة كلامك اللي في التدوينة يا آبي
أمال ساعة الإختلاف في الراي في الحوار ما بيطبقش ليه؟

ليه البعض بيوافق نظرياً لكن ساعة العملي في كلام تاني

عموماً ربنا يهدي الناس انها تقتنع بكلامك العاقل ده و تنفذه بجد مش مجرد كلام
:)

مروة الزارع said...

هههههههههههههههه

تحفة يابنتى

عجبنى العنوان موت انتى بتجيبى العناوين دى منين

..............

بصى بقى لحنا الشعب الوحيد اللى بنعمل كدة

وعلى راى المثل تعرف الهايف منين يجى فى التافهة ويتصدر

واحنا كدة سايبين كل حاجة وقاعدين نفش غلنا فى بعض

موضوع فى الصميم

سا مواضيعك يا ابى يا جااااااااااامد

...............

انا ايملى

new_life294@yahoo.com

هستنى تضيفينى يا حجة

:)

mohand said...

المصيبه ان كل واحد فاكر انه صح والباقيين كلهم سلطه ومهلبيه

محدش حاطط في دماغه نسبة الغلط عنده ولو 1 في الميه


اما عن الموضوع التاني

لا تعليق

وكما قال واحد من الناس

اللهم اهلك الظالمين بالظالمين واخرجنا منهم سالمين

الراقص مع الذئاب said...

السلام عليكم
ايه يا بنتي دا
انتي بلاعة ردايو
اغيب اسبوع ارجع الاقي 5 مواضيع
طيب انا عاوزلي اسبوع عشان اجمع قواي واتابع
فعلا احنا لما بنختلف صوتنا بيعلي
بس فيه خلاف يا اختي الكريمة يستدعي تعلية الصوت...وطول الايد كمان
ربنا يهدي

3ala asm masr said...

احنا كل حاجه فى اخلاقنا محتاج تعديل وتهذيب واصلاح
مش عارفين نسمع بعض ابدا كل واحد شايف انه هو الصح انا عايزه بس كل واحد يدى نفسه نص ساعه كل يوم ويسال انا ايه عندى غلط ومفيهاش حاجه لو خد راى اللى حواليه واشتغل على نفسه عشان يبقى احسن
ربنا يرحمنا برحمته

فرنسا هانم said...

والله يا ابى ياريت نختلف لكن يكون الاختلاف بطريقه مهذبه
وانا بعانى من الموضوع ده الايام دى
لاننا خلطنا بين الاختلاف والخناق
واصلا احنا متعودين على الخناقات مش الاختلافات
تحياتى لكى
وتصورى
انا بموت فى المسقعه

ceaser said...

على فكرة انا قرأت مدونتك كلها
اسلوبك ساخر و جميل
بتفكرى و بتعرفى تحللى كويس
و ده نادر اليومين دول
المهم ان فى مصر حاجة غريبة جدا فى اسلوب الحوار
ان معظم الناس لما وجهات نظرهم بتختلف بيدوروا ازاى يقنعوا اللى ادمهم باسلوب البلطجة
اللى هو قانون الاقوى دايما هو اللى صح
لو عاوزين نبقى متقدمين لازم يبقى فيه ليونة فى النقاش سواء وصل فى الاخر لتأيد فكرة احد او انشاء وجهة نظر معتدلة
بوست رائع بجد
و اعتقد انى اقتنعت بأسلوبك
و دة برده نادرا ما بيحصل

L.G. said...

ياريت نتواصل على الماسينجر يا بنيتي ووعد أول واحدة حفصص الفاصوليا بتاعتها لما أدخل الكابل مدونتك لأني نفسي أقعد أمزمز فيها
اعذريني الفاتورة مشكلة
بطمن عليكي لما ألاقي فيكونات كتير بيقولوا رأيهم
فيكونة ضعيفة راجية العفو

كلاكيت تانى وتانى said...

ابى الجميلة ياروح قلبى لازم اكون انا كدة فالأخر ع طول طب يابنتى زمرى وقوليلى احنا ع النت كل يوم سوا
ادى كلاكس وانتى بتركنى البوست
ع العموم بوست لذيذ زى عادتك وكل اللى فية مش مستعرب احنا بقينا بلد العجايب عشان كدة مش هنتقدم لحظة احنا بنهاجم نفسنا وشيوخنا ونفسنا وملنعرفش نتحاور ومصر بقت سلطة بجد سلطة
وع رااى تيتة ربنا يطلعنا من الملوخية الحمضانة دى ع خير قصدها الدنيا
تحياتى

الفارس الملثم said...

انا متهيالي الزوار بتوعك بيناموا امام المدونة , يعني مجرد اروح مشوار الاقكي المدونة زحمة "حبة قر علي الماشي ..

ما علينا

عارفة كان في كاتب فرنسي بيقول بما معناه انا علي استعداد للتضحية بحياتي لكي تقول رايك حتي لو كنت مخالف لي في الراي

هي دي القضية او مشكلتنا اننا بنتكلم عن الديمقراطية واحنا حوارتنا لا مجال فيها لاي ديمقراطية

حتي تلاقي استاذ جامعي محترم لو طالب خالفه في الراي يبقي طبعا دبور وزن علي خراب عشه ..

وبالنسبة لا ستعباط الحزب الوطني ,, تفتكري لولا الاستعباط ده كان قاعد كاتم علي انفسنا كل ده ...

سلام يا ابي

Reham Mahmoud said...

موضوعك جميل ورائع يناقش مشاكل جامدة
بجد احنا فى بلد كوسه بس الكوسه بايزة ممكن اسال سئال هى المسقعة بتتعمل بالكوسه
تحياتى
ريهام

أحمد سعيد بسيوني said...

عجايب

الربان said...

تحياتي

لا بجد البوست ده مطبوخ تمام...و يعيني علي البتنجان و المسقعة و المهلبية..

غسلنا ايدينا و نمسك الشوكة و السكينة و نقول باسم الله....

الاختلاف له آداب و اصول...و هو يعكس البيئة او الثقافة للشخص...نجد اساتذة
في الجامعات لا يسمحوا لطلابهم بالاختلاف معهم في الراي....و اباء و امهات نفس الشيء لابنائهم...
مع ان الاختلاف في الرأي يؤدي الي تكامل
و شمول النظرة الي الموضوع...و يثري الحوار....

اما الشعب و الديمقراطية فتأتي من اين؟ اذا كان غير مسموح بالاختلاف في الرأي..في المنزل و لا المدرسة و لا الجامعة....حتي الاختلاف اثناء اللعب مرفوض...

تحياتي و تقديري...و شكرا علي الوجبة الدسمة.

احساس لسه حى said...

عزيزتى

انتى محشرتيش الاخوان والشرطه

بس انا حبيت اوريكى صورة من اهتمام المدونين بتصريحات عاكف ومش بيهمها تصريحات نظيف

تفتكرى انتى ده سؤال مين تصريحاته اهم فى حياتنا

اما بقه اننا مش مجهزين للديمقراطيه يبقا انتى مش عارفه شعبك ولا فهماه ونسيتى ان موريتانيا وليبريا وزر الواق واق بقيت عندهم ديمقراطيه

احنا اقل من الواق واق يا ابى

وكمان الديمقراطيه حق وسواء متجهزين اولا المفروض اى حد ياخد حقه ويعفيه اللى عاوزه

ولا عاوزه الاوصياء دول اللى بيقولوا نفس الكلام يفضلوا على قلبنا بحجه اننا مش متجهزين

عدى تفكيرك

وشوفى الهند وباكستان انا طبعا بجبلك امثله لاقل شعوب متجهزه للديمقراطيه

مش عارف احنا عاوزين ديمقراطيه ولا لا من الاخر بدل من نلف وندور حولين نفسنا

وضحيلى علشان افهم انتى عاوزه ايه

سلاااااااااااام

رئيس جمهوريه نفسى said...

العزيزه ابى
استاذنك انى حرحرح واخد رحتى فى التعليق
اى حوار فى الدنيا لازم يحمل وجهتين نظر وبالتالى فيهم اختلاف بس لما نختلف نفتكر قول الامام الشافعى ( على ما اعتقد ) راى صواب يحتمل الخطا وراى غير خطا يحتمل الصواب انما العكس احنا بنتناقش تحت شعار راى صواب يحتمل الصواب وراى غيرى خطا يحتمل الخطا
وبنتشدد فى الراى
النقطه التانيه غايه الاختلاف ايه هو الصالح العام بس للاسف الشديد فى ناس بتختلف لمجرد الاختلاف
الفرق ما بينا وبين الغرب انى الغرب بيتحاور بطريقه الخلاف فى الراى لا يفسد للود قضيه مثال شوفى اى انتخبات فى دوله متقدمه شوفى او تصريح للى بيخسر الانتخبات بيطلع بكل شجاعه بيقول انى انا خسرت ويوجه تهئنه للتانى
موضوع الاستعداد للديمقراطيه احنا مش لنحترم راى بعض حنطبق ديمقراطيه

appy said...

صيدلانيه طالعه نازله

ههههههههه والله انتى عسل صح برافو عليكى واهى سببوه فعلا لبتوع الجرايد بس يا حبيبتى لازم نغير فى تصرفتنا الغلط ونعدل من نفسنا
نورتى الكوكب بأول مرة زيارة وليكى خروف هديه فى ايدك العبى بيه وهاتيه تانى ههههههههههههههههه




امام الجيل

اهلا وسهلا بيك نورت الكوكب اول مرة وفعلا هى حاجه سهله بس يا رب الناس تعملها
ام الاختلاف فاشك ان الناس تحترم بعضها لانها فقدت احترامها لنفسها



نيجرو
بلاش ياس نحاول تانى مش مهم المهم اننا نوصل للى عاوزينه والتغير يبقى مننا ونجبرهم على كده نورت الكوكب

appy said...

صانعه الاحلام

طيب ليه يا امى بتجيبى ليه محباطات نفساويه يعنى انا واقفه فى الصحرا وبنادى على اسد ما انا بقول للناس اعيط يعنى ولا اعمل ايه هههههههه
عموما نورتى الكوكب وخدى قله فى ايديكى وانت ماشيه



ammar

لا منتشر والله اتمشى فى المدونات وفى الحياة وانت تعرف وتتصدم بالواقع وميرسى ليك على وجودك هنا فى الكوكب واوعى تقع هههههههه



هيثم

امممممممم شكلك هتضرب بقله فى دماغك واسيب عليك خروف ينطحك هههههههههه بص يا هيثم احنا اللى نعمل واحنا اللى نقوم الدنيا احنا البلد دى يا هيثم ولا زم نعمل ولا ايه رايك

la3lahakhier said...

والله ما انا
ههههههههههههه
يا سلام على دماغك المظبطة دى يا ابى
معلش ياستى ابقى خدى الناس على اد عقلها وخليك انتى الكبيرة
كل التحية

appy said...

مدونات زوجه عاشقه

طيب خدى حته من المسقعه بقى ههههههههه هديه اول مرة زيارة نورتى الكوكب يا
احلى رومانسيه وميرسى ليكى



نضال

عطيه يا راجل متعرفهوش يا نهار ابيض عليك دة بيقعد معانا وتلاقيه فى كل مكان فى الدنيا .
وبطل ضرب نار فى المدونه يا نضال ههههههههههههه براحه على الناس يا خويا خليك حونين والنبى




عمووووووووو

اولا حضرتك بدأتها بحسد يعنى هو ده رد الزيارة عاااااااااااااا
وبعدين حضرتك خرفانى اللى هى بدافع بيها عن الكوكب بتاعى وبتنطح الناس ههههه

انا معاك فى الاختلاف موافقه بس بأدب واحترام مش طوله لسان
ـولما نقضى على الفساد لا منضربش بعض ما هو الخلاف هيكون زال اصلا هههههههههه
وربنا يخليك على شعورك بس انا وراهم لغايه لما يتصلحوا والله وده دورنا كلنا نفوق بعض وميرسى ليك يا عموو على الزيارة واردهالك فى بلوجاتك يا رب

appy said...

سومه
المجنونه قريته يا قمر والاتنين كان المفروض يتلخبطوا على بعض عندك وعندى هههههههههه ونعمل شى حاااااااا ومسقعه كبيرة نورتى الكوكب يا حبيبى


بطوط حبوب

لا وتسكت ليه اتكلم وسمعنى صوتك لازم صوتنا يطلع بقى يا بطوط ولا ايه رايك



د/أجدع بنوته
سمسه حبيه قلبى من جوه ربنا يخليك وبعدين ايه عضمه لعى عضمه دى كده يا سمسم بدل ما تجيبى اتنين ككليلو درة للخرفان يالا مقبوله منك يا رب بس نعمل بكالمنا ده

appy said...

مهندس مصرى

ايه النور ده يا هندسه يا رب الناس تعمل ساعه الشيطان بتكون وحشه معلش بس كلنا قلوبنا بيضه زى الفل نورت الكوكب يا بشمهندس



مروة الزراع

بجيبها من مطبخى يا كوسه يا محتاسه انتى وهضيفك يا مروة وميرسى ليكى نورتى الكوكب


مهند

اهلا وسهلا بيك ما هو بقى لازم يبقى فيه لين شويه واعتراف بالغلط يا مهند ربنا يهدى الجميع ونرت الكوكب يا مهند

appy said...

الراقص مع الذئاب

تمام يا فندم حمدلله على السلامه يا حضرة الظابط اعمل ايه دا انا بلعه النيل سات كله هههههههههه الناس فقعت مرارتى يا محمد والله معلش اقعد وتعالى براحتك هههههههه بس متخافش عليا ساعه الخناق انا متوصاش ههههه



على اسم مصر

حبيب ممكن نتغير ونغير نفسنا لو عاوزين نورتى الدنيا يا سكرة



فرنسا هانم
قلبى من جوه يا حبيبى انا بهدلت لكى الراجل الرخم ده خليه ينقل هنا وهتشوفى اعمل فيه ايه هخلى خرفانى تنطحه وتموته انا ليا الا فرنستى ووسعوا يا فياكين للعجله كده هههههههه

appy said...

ceaser

ميرسى لذوق حضرتك نورت الكوكب والله واحرجتنى بكلامك ........زوخدلك بقى خروفين وانت ماشى هديه لك ولاحلى رهف فى الدنيا ربنا يخليكوا لبعض وافضل عند حسن ظن حضرتك




l.g
احلى فيكون عندى عنيه هعمل خطه شريرة واديكى بيها الميل هههههههههه وهقولك ازاى فى ودنك هههههههههه وعفونا عنك يا فيكونى الجميل


كلاكيت تانى وتانى

معلش يا حبى بركن بسرعه هههههههههه علشان الزحمه بس هقولك من عنيه
وتعيش جدتك وكلامها ويصحوا الناس بقى من اوهامهم دى

simple girl.. ..simple dream said...

عندك حق يابنتى فى كل اللى قلتيه
وانت اكتر واحدة عارفة انى مقروصة جامد منه
واكتر من مرة باكتر من شكل
فى ناس كدة بيدعوا الثقافة والمعرفة وهما اساسا بطييييخ

البوست جامد يا آبى

appy said...

الفارس الملثم

طيب بص بقى بجد شكلى هانتخ من كتر الحسد ههههههههه الحمد لله الناس بتحبينى يا رب دايما ومتفقه معاك من غير حسد ههههههههه



ريهام محمود

ميرسى ليكى يا سكر ولكلامك ونورتى الكوكب كله


احمد سعيد بسيونى
وماله

appy said...

الربان

استاذى ربنا يكرمك ده من ذوق حضرتك بس والله وفعلا هو من النشئه والتربيه الغلط بس بايدينا نصلح ده دلوقتى نورت الكوكب كله


احساس لسه حى
ما انا عارفه انك انت اللى حشرتهم وبعدين دول مش دليل ولا انت متبنى القضيه دى ههههههههههه وبعدين ما هو تصريحات عاكف يعنى ما هى بتمس فئه كبيرة من اللى بيأيدوا الاخوان والاخوان بقى ليهم صوت فى المجتمع يعنى برضه يهمنا ونشغل بالنا بيها مه هو من القوى اللى فى البلد صح ولا ايه.......ز
احنا مش متجهزين علشان مش بحترم أراء بعض وبس بس انا نفسى نبقى مجهزين ليها ومنعش بالقمع القهر ومش هتناقش كتير فى ده كل واحد يحتفظ فى وجهه نظرة لنفسه وميرسى ليك خالص على متابعتك ليه



رئيس جمهوريه نفسى

تفتكر بعد كلامك اقدر اقول حاجه غير هات ابو ربع جنيه لب اللى عليك ههههههههههههههه كلامك مظبوط ميه فى الميه يا ريس

appy said...

simple girl.. ..simple dream

ايه ده العروسه عندنا يا مرحبا يا مرحبا معلش يا شاهى بقى فى اللى حصلك ما هو حصل لنا كلنا بس كل واحد لازم يأخد حقه بطريقته يا حبى نورتى الكوكب

appy said...

la3lahakhier

لا انتى ارفعى ايديكى لفوق انا بقولك اهو ههههههههههههههه

مش مسأله تكبير دماغك اكتر ما هى مساله اعاده نظر لحياتنا وسلوكنا وبعدين انا ضد تكبير الدماغ يا قمر

نورتى الكوكب كله

أنا إنسان said...

تاااااااااااااااني
نسيت احسد
طب عقابا لييه ان انا نسيت حاجه مهمه زي دي
أنا والله مانا حاسدك بوست كمان بعد ده
:)
............
مستني القاموس
!!!!!!!!

رونى المصرى said...

بااااااء الخير . لو كنا بليل
باااااح الخييييير . لو كنا الصبح
بوست جميل وزى العسل
بس انتى سريعه اوى يا ابى فى مواضيعك
ممكن اتعرف عليكى
ROONEY

Abo 7anf said...

عارفه
اولا البوست جميل جدا
بس المشكله انى حسيت ان الشعب بتاع كوكبا مش كوكبك
بقى بيحب كده
ومش عارف ان كان دا صح ولا لا
احنا محتلين من الاف السنين
من ايام الهكسوس
حتى لما استقلينا احتلينا نفسنا
بنطلع غضبنا على نفسنا
وبنصدق البتقلنا
ومبنشغلش عقلنا
عارفه ليه
علشان من الصغر لغم فكرنا
وعرفونا ان حريه الراي دى هبه ممكن ياخدوها مننا
احنا عندنا مليون خاين وسطنا
بي لما قالوا الحضري خاين خرجنا صحياتنا
مش عارف
مع اننا والله شعب زكى
بس زكائنا بنستخدمه ضد نفسنا

محمود المصرى said...

بسم الله الرحمن الرحيم

المشكلة ليست فقط فى تقبل النقد او الاختلاف بل فى توجيه النقد والاختلاف , يعنى لما تلاقى ناس بتشتم وتقل ادبها وتقول دا رأيى ودا نقد , دا لا رأى ولا نقد دى قلة ادب , وطبيعى ان الطرف اللى اتوجهله الكلام يرد بنفس الاسلوب , لكن المفروض قبل ما نتعلم تقبل الخلاف نتعلم ازاى نختلف .

arsenalwy said...

ياسلام عليكى

نورينى فى مدونتى وشوفى موضوع الضمير العربى

اية دة خدتيها من على طرف لسانى زى ما قال ايوان؟؟؟

سلام يا ابى

Nsreen Bsunee said...

انا بقي شايفه بعد اذنك ان الديموقراطيه مش انى اسمع كل الناس واخدهم على قد عقلهم لا مجرد انى اسيب كل واحد يعتنق افكار عاجباه يبقي هى ديه الديموقراطيه وده ميمنعش انى اختلف معاه واشتمه واضربه بالجزمه كمان لما يتناقش معايا ويستفزنى
:)
ومن منطلق الحريه المطلقه والديموقراطيه المبعزقه انا باقولك انى فيه واحد عندك هنا اول حرف فى اسمه "احساس لسه حى"انا مش طايقه اشوفه عندك فى مدونتك مدونه اختى حبيبتي ابي وده اللى باختلف معاكي فيه انك بتاخدى الناس على قد عقلهم لييييييييييييييييه لييييييه خليكي عنيفه وشريره يا ابي لو سمحتى واكرشيه من الكوكب لو سمحتى

:)
انتى عايزه تكرشيه صح بس ذوقك مانعك
ما هو ذوقك ده هو اللى فقعلك المرارتين اللى قبل كده وحيفقعلك الجديده كمان
:)
يا هبله يا طيبه
خدى منى شويه شر وخليكي شريره انا بعتلك شويه شر على الاميل خديهم فى الوريد وحتبقي ميت فل يا حبيبتي
:)
بوسه
اموااااااااااااه

رئـــــيسـة حزب الأحلام said...

السلام عليكم
احنا شعب المهلبية

رهف said...

مرسى ياقمر على الدعوات الجميله
وبجد انتى جامده جدا وبتختارى مواضيع فى الصميم عندك حق والله احنا حتى مبنعرفش نعمل برامج حواريه تلاقى كل طرف ربنا مديلو حنجره عمال يستعرض بيها وهاتك يزعيق والمحاور محتاس ولايص ولا دول فهمين ولادول فهمين ومش ممكن ابدا توصلى لمعلومه مفيده او حتى تفهمى هما عايزين ايه
ولا موضوع الحشريه كل الناس تلاقبهاوقفه بتتفرج على الخنافات والحوادث ومن غير ميعرضو المسعده مجرد حب استطلاع وخلاص نفسى المصريين يبطلو فضول وغوغائيه
سلامى ياقمر
وفى انتظار البوست اللى جاى

حــدوتـــة said...

شوفى يا سيتى
الاختلاف ده ثقافة وذى ما احنا متخلفين فى اكثر مجالات الحياه
فمن المنطقى ان ميبقاش عندنا ثقافة الاختلاف
كل واحد داخل فى اى مناقشة مهمت كانت متحضرة ومهذبة بس هو من جواه مقتنع ان اللى قدامه غلط وانه مش هيقتنع غير برأيه وبس مهما التانى قال
سلالالالالالالالالالالالالالالالالام

mado80 said...

آبي

ازيك

أديني جيت علي طول أهو يا دوب روحت جيبت العيش وجيت علي طول هههههههه

بصراحه يا آبي معاكي حق في كل اللي بتقوليه مش عارف ليه خلقنا بقي ضيق علي بعض وليه كدا ما بقيناش نستحمل بعض

يعني مش عارف ماهي سنه ربنا كده ربنا خلقنا مختلفين ليه بقي فيه ناس متخلفين عاوزه تمشي الكون علي دماغها حاجه تقرف بجد

أنا مؤمن أوي بمقوله لواحد كده ابن حلال أسمه فولتير ده من اشهر شعراء الثوره الفرنسيه بيقول ايه الراجل ده بيقول

أني أختلف معك في رأيك ولكني مستعد أن أموت دفاعا عن حريتك في التعبير عنه

تفتكري في حد عندنا عنده استعداد يموت نفسه علشان غيره يقول رأي هو نفسه مش مؤمن بيه طبعا كلا وألف كلا

يلا بقي سلام مش كل مره أجي وارخم عليكي كده بس بجد مواضيعك بتيجي علي الجرح ربنا يعافينا يارب

تحياتي ليكي يا آبي وألف تقدير لشخصك الكريم

عمو said...

انا معاك فى الاختلاف موافقه بس بأدب واحترام مش طوله لسان




يا بنت يا لمضةانتى حد يقول لعمو طولة لسان والحاجات الوحشة دى
أنا لسانى طويل؟؟
هو الاختلاف فى البتنجان بيصحبة ضرب قلل
:)
وبعدين فين الزغروتة

Zika said...

بصي يا حاجه
بالنسبه لموضوع الاولاني بتاع النقاش تعالي خشي علي موضوع العنصريه وشوفي الرد بتاع الجدع المجهول اللي رد عليا ده ... بلاش تجيبي موضع المناقشات في مصر يحسن انا كده هتتفقعلي المراره وانتي عارفه انا لسه صغير ومعرفش حاجه :P
بالنسبخه للموضوع التاني مش فاهمه
متضحكيش
اه مش فاهمه
اما الموضوع التالت .. هو كان بيتكلم عن ايه ... انا نسيت

Whispers just for a Night said...

أحيكم على إثارة مثل هذا الموضوع الهام وندعو الله أن يهدي الأمة كلها إلى أن يتعلموا أخلاق الحديث وآدابه كما علمنا إياها أبا القاسم صلى الله عليه وسلم

الفاتح الجعفري said...

ااااه شوفتي زعلتي ازاي وخدتي المسأله علي محمل شخصي
مفيهاش حاجه يعني لما امسكلك في التعبانات والعواصم ,عادي جدا خلاص مش هاقولك التعبانات والعواصم تاني
بصي ياابي هو للاسف احنا طول عمرنا شعب خفيف من ايااااااااااااام فرعون لما استخف قومه فأطاعوه ناس غلابه جدا الراجل طلع قالهم انا ربكم الاعلي عبدوه علي طول من غير سؤال ولا جواب يبقي مش عايزين فرعون يطغي لا ده يطغي ويظلم ويقتل الاطفال ويستحي النساء براحته بقولك عبدوه!!!ومن النفاق تلاقي الناس بتشتم الريس او الحكومه بس وقت اي حاجه يهتفولها علشان شوية ملاليم لو اتيح ليهم الامر يبقوا عيالوا بتموت من الجوع وتقليله اعترض يقولك انا عندي عيال ؟
خلاص بقي هنعمل ايه
خلينا في خبيتنا لحد اما يقضي الله امرا والله المستعان
بس بوست جميل جدا فعلا
جزاكم الله خير

Anonymous said...

احبه لانه بستحق ان احبه
ذهبت بعيدا ولكن رجعت اليه
اخذتني الدنيا ولكن رجعت لاني احبه
عرفته بالحب عدت بالحب
هل تحبه هل تسمعه ,الك قلب
ان كان لك قلب ستسمع
حتما ستسمع ,
الم يان للذين امنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم الامد فقست قلوبهم وكثير منهم فاسقون
اياك ان تذهب اياك ان تمضي ارجع فقط ,ارجع فحسب ,ارجع ان كنت تحب
ارجع قبل ان يأتي يوم ولاتستطيع الرجوع ,
الك اله سواه الك رب غيره ,ماهذه الدنيا ومن فيها ومن عليها ,
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
العائد الي النور

الساحرة said...

دة انا جيت متاخرة اووووووووي

كل الكلام اتقال اقول ايه انا دلوقتي


اقولك صباح الخيرههههههههه

appy said...

انا انسان

الله يخليك ارحمنى بقى طيب اقولك هديك حته من الكوكب وتقعد ساكت بقى ماشى وحاضر هعملك القاموس هههههههههه


رونى المصرى

ميرسى يا رونى لك ربنا يخليك لذوقك


Abo 7anf
ان شاء الله نتحرك وعقلنا ميركنش وانت بتحشر الحضرى ليه يا زملكاوى انت هههههههههههههههه نورت الكوكب

appy said...

محمود المصرى

وادفع بالتى هى احسن صح ولا غلط ربنا يكرمك يا محمود انت كنت غايب ليه كده انا اخدتك غياب كتير ابقى هات شهاده مرضى علشان اشيلك الغياب نورت الكوكب


arsenalwy

ضمير عربى عااااااااااا حرام عليك يا راجل بس حاضر هجيلك اجيب بطوط ونيجى على طول نورت الكوكب


Nsreen Bsunee

بصى يا قلبى وعقلى وروحى انتى انا معاكى لما يبقى انسان مستفذ ورخم وافكارة على المستوى الطبيعى غلط يبقى ده نعمل فيه كده .
وبعدين بعزق يا حبى فى الديمقراطيه عادى ههههههههههه انا والله يا نسرين فهمت بطريق محترمه جدا بس تقولى ايه لانه حد زانق نفسه فى تفكير معين ومش عاوز يحيد عنه اعمل ايه بس ربنا يهدى وانا مقدرش اقول لحد متجيش عندى الا قليل الادب ده يبقى اخرة معايا انتى عارفاه طبعا وتلاقى قلل طارت فى الهوا بقول اسيب الناس لعلا وعسى ربنا يهدى يا رب ويأخد بايديهم وابقى سبب فى تنوير لمبات دماغهم بقى
وبعدين ما انتى عارفه انى لما بقلب ببقى شرير اخر حاجه وخلاص انا اخدت الجرعه ههههههههههههههههه بوسه كبيررررررررررة ليك وترجعى بالسلامه يا قمر اسكندريه

appy said...

رئيسه حزب الاحلام

اهلا وسهلا بيك يا ريس نورت الكوكب كله وربنا يصلح حالنا نطلع من طبق المهلبيه ههههههههههههههه


رهف
حبيبه قلبى لا ميرسى على واجب هههههههههه بجد انتى بتنورينى بس والله يا رهف فيه ناس بتساعد ونفسى الدنيا كلها بتبقى كده



حدوته

صح بس لازم نتعلم نحترم بعض صح ولا غلط نورتى يا قمر

appy said...

مادو

حمد لله على السلامه يا مادو طيب كنت قول وانا اجيبلك وبعدين فرنساوى ليه وانجليزى ليه ما عندنا الرسول عليه الصلاة والسلام وكان خير مثل لنا ربنا يكرمك يا رب وافرح بيك كده نورت الكوكب يا قمر


عموووووووو

لا يا عمو يتقطع لسانى واعمل عليه مسقعه مش اقصد حضرتك خالص يا نهار ابيض وبعدين اعلى زغروطه لحضرتك لووووووووووووووووووووووولى بس ليه ها نورتى بجد


زيكا

اه يا مشقلب انت انا حاجه ايه حاجه دى اللى انت مسكتها ليه ماشى هطلع عليك اسم هههههههههههههه
بص يا زيكا الموضوع التالت بتاع الحزن الوطنى والتانى الاستهبال فهمت ولا لسه هههههههههههههنورت يا زيكا

appy said...

Whispers just for a Night

ميرسى لحضرتك وزيارتك هنا نورت الكوكب بجد



الفاتح الجعفرى

اممممممممممم انت هتهزر ولا ايه طيب لنا كوكب نتخانق فيه وبعدين اصلا اصلا انت اللى ساقط لغه عربيه ومش بتعرف تفسر الكلام بتاعى هكسب فيك ثواب واعلمك ههههههههههههه
لا بجد كلام صح بس مينفعش بقى نسكت كده طيب ما هو علشان نربى العيال دى لازم نربيهم بالحلال والصح مش الغلط ولا ايه يا ابو المعارك



العائد للنور

ونعم بالله فعلا ولو عملنا كده هيرضى عنا ربنا يجازيك خير على كلامك

appy said...

الساحرة

حبيبة قلبى صباح قشطات ومربات وعسل ابيض وسكر ليكى ومتتأخريش تانى يا حبيبتى

appy said...

انونيمس او مخفى الاسم

او مخفيه الاسم اللى دخلت ولا دخل وقل ادبه بيتهيأ ليه يعنى انا مبقولش حاجه حرام ولا غلط ولما بدعو الناس انهم يصلحوا اخلاقهم واننا نعدل فى سلوكيتنا يبقى انا تافهه واستاهل مباحث الاداب تدور عليا طيب اديهم العنوان يكونش انا بدعو لقله ادب فى مدونتى وانا مش واخده بالى ولا يكونش الدعوة للتصليح والاخلاق بقت مباحث الاداب بدور عليها لا حول ولا قوة الا بالله فعلا المهابيل فى نعيم هههههههههههههههه طيب كويس والله انك شايف ان دى تفاهه طيب علمنا بقى ياللى مش تافهه انت ولا انتى ايه الحاجه الكويسه
ولو انت محترم او محترمه زى ما مدعى وده اشك فيه كان على الاقل تدخل باسمك ولا اقولك احسن انك مدخلتش باسمك لانه كان هيبوظ ليه نظافه المدونه بتاعتى ومباحث الاداب اللى بتقول عليها هى فين منى بتدور على اللى زيك ويكفينى ان الناس اللى بتدخل عندى عرفانى فى الحقيقه وعلى المدونة ومش عاوزة زباله تانى منك هنا اصل المرة الجايه بجد هشتغل على الاى بى بتاعك وهتبقى وقعتك سودا ملهاش يوم ومش هتعدى

الطائر الحزين said...

ارى انه لا يوجد خطأ مطلق ولا صواب مطلق

لازم نرجع الأمر الى الظروف التى تواجدت بها


هناك اناس يكون معها الحق لطن لا تعرف ان تسترسل فى حكاية ما جرى فى الموقف فيظهر انهم مخطئون


تأخرت فى الرد
انشغلت شوية
وعندما دخلت وجدت كم تعليقات جميلة غطت كل شىء فقلت لن اضيف

بارك الله فيك وفقك الله


تحياتى

الطائر الحزين said...

على فكرة وكسة كحك العيد فى عبد المجيد الصحاح

هو ان يكون مكمكم و وتضربى الكحكة فى الحيط ترد لك تانى

او ربما ينكسر الحيط وتذهب الكحكة الى بيت الجيران

appy said...

اخى العزيز /الطائر الحزين

ويا ريت تسمح انك تكون اخى والشرف ليه طبعا

بجد وجود حضرتك بالاسم فقط بيضيف عندى الكثير وبكون منشكحه كده انك بتشوف موضوعاتى حتى لو اختلفنا بتفيدنى اكيد
ومبسوطه جدااااااااااا جدااااااا انك فسرتلى وكسه كحك العيد ههههههههههههه علشان كنت بسمعها ومش فهمه هى ايه بس طلعت تخدم الموضوع هههههههه
ربنا يبارك فى حضرتك واولادك يا رب

elmancy said...

السلام عليكم
عزيزتى آبى موضوع جامد وكتير شغل بالى
بس للأسف مش عارف أعمل معاه إيه
فعلا يبقى واحد إنت بتكلمه فى موضوع مقتنع جدا بللى فى دماغه ومش عاوز يسمعك ولازم يقنعك بوجهة نظره حتى ولو كانت غلط ولا بقى فى أدب فى حوار ولا فى نقاش وكله بيكبر
بس الحاجة الوحيدة إللى محسسانى إن لة فى شعب ولسة فى رأى ماتشات المنتخب بجد
إمبارح كنت لسة بتفرج على ماتش مصر وأرن الطين بجد فى ناس بتفهم وناس منتمية بس بيظهروا فى الكورة بس لإنها الحاجة الوحيدة إللى هايقولوا رأيه فيها ومايلقوس رد فعل عكسى زى الضرب على القفة مثلا يعنى
أما بالنسبة للإضراب فعايز إستشارة صغنونة هو أنا بإذن الله ناوى أضرب وعملت كده حاجة صغير على مدونتى بدعوا فيها للإضراب بس يوم 6 إبريل هيبقى يوم حد والوم ده هو يوم الثلاثاء إللى بعديها لازم أبقى متواجد فى إسكندرية لإنى ب‘ختصار ورايا تسليم مشروع فى اليوم ده واليوم ده قوليلى بجد أعمل إيه لو روحت الإضراب ممك أسقط ولو ما روحتوش هموت نفسى وأخلص

همس الاحباب said...

اتاخرت كتير مش كده
اسف على التاخير
بس الشراب كان ماسك على دماغى قوى
ومش عارف اجى
بجد موضاعتك حلوة وشيقة
واجمل ما فيها واقعية وحاسين بيها
بس مش بنغير منها حاجة
انا اكتر حاجة بتخنقنى البجاحة
ويا سلام لما يكون حرامى وبجح
بيبقى نفسى اديله بالشوز
ربنا يسترها علينا ويكغينا شرور انفسنا
تحياتى خالد

رونى المصرى said...

مردتيش يعنى يا ابى
ممكن
وايه ده ههههههه
مين اللى شتم عندك ده وايه الكلام ده
مباحث وبتاع نحلها ودى احسن
ده انا اخاف بئه بعد كدا واظبط كلامى
لو مش عايزه تتعرفى خلاص اوكيز مفيش مانع خالص عاتى
ROONEY

Anonymous said...

العزيزه ابى
تخيه طيبه
مارايك لو عملنا ندوه عن طريق ياهو ميسنجر مع تلاته اربعه من الأخوه المدونين لأذاعتها
؟ارجوا ان ترسلى لى عنوان بريدك الألكترونى على بريدنا
netonradio@yahoo.com
ويارب تكونى زرت موقعنا
http://dear.to/cairo

only spot said...

ياه دا انتى معبيه اوى يا ابى
عموما هتكلم فى حبة نقط
الاولى بالنسبه لاحترام راى الاخر فاعتقد اننا محتاجين نتعلم ثقافه الاخر بس الى بلاحظه ان المتحدث ليكى مش بيحاول يقنعك برايه لا دا بيحاول باستماته
انك لازم تعمله والا انتى حره بقى

وكمان سوء الظن بقى ده قضيه لوحده
ثانيا اعتقد ان كل شئ بالخناق الا الجواز بالاتفاق بس الايام دى فهو برضه بالخناق هههههههه
استخدام التكنولوجيا والفضول بعانى منهم بجد وبقت ظاهره واضحه بين المدونين
الاستعباط والبجاحه عادى وزودى عليهم تنبله وبرود وغتاته وهكذا
عموما يا ريت بجد الاحتجاج يعمل حاجه والناس تتحرك
خالص تحياتى

rona said...

احنا من كتر مبقينا مش عارفين نتكلم بنتكلم على بعض محدش بيسمعنا احنا كده من زمان محنا لو بنتكلم مكنتش فلسطين بقت كده ولا لبنان والعراق والبقيه قادمه ياريتت نصحصح ونفوق من الغيبوبه اللى الكبار عيزنها يلا بقى لو هينفع نضرب كل واحد ببقله عشان يفوق تعالى نعمل كده

Cleo said...

مشكلتنا فى الشرق إن ماعندناش ثقافة احترام الأخر.. الأخر دائما إما سيد و إما عبد.. من هنا بييجى احساسنا ان الأخر مش من حقه يعبر عن نفسه.. مش من حقه يعترض..

إلا لو الأخر ده صوته عالى ونابه أزرق.. يبقى احلامه أوامر.. وتشويحة إيديه تخطيط لمستقبلنا

m5m said...

مسقعة...مسقعة...مسقعة

أنا سمعت الاسم ده فين قبل كده؟

موجود عندنا ده فى جولف بورتو مارينا؟

حاروح اسأل اونكل عامر

monaliza said...

لأن ببساطة ياعزيزتى لو حبيتى تعملى خير او توجهى حد ليه بيبقى فيه الف باب مقفول وانتى وطولة بالك بقى ياتستمرى ياتزهقى لكن حين عمل الشر ياسلام كل الامور متاحة ومش محتاجة تزهقى مجرد ماالفكرة الشريرة تتولد ممكن تتنفذ فورا

دنيتى الجميله said...

كوكب ابى
وصلت بالسلامه
الحمد لله
كان نفسى ادخل من زمان كوكبك لكن مكنش فى نصيب والحمد لله اخيرا قامت الرحله وجيت
هحاول اتعرف اكتر واكتر على مدونتك واتمشى فيها لحد معرف اكتر واكتر عنها
ولحد هذا الوقت تقبلى منى فائق الاحترام
حفظك الله ورعاكى
سلااااام

Ahmed Al-Sabbagh said...

ازيك يا تانى يا بتنجانة

:)

انتى اسلوبك حلو اوى بجد

بس هرجع واقولك لا مسقعة لمن تنادى قصدى لا حياة لمن تنادى

هههههه

تحياتى لكى

احمد

مفقوع مرارتي من حماتــــــــــــي said...

كويس انك ناقشتي الموضوع ده ياآبي بجد ذاد عن حده ... انا عن نفسي لو حد عارضني بطريقة مش مهذبة وفيها هجوم علي شخصي
بألغي التعليق بتاعه حتي مش باأرد عليه
هو الواحد ناقصؤ حد ييجي يطير البرج اللي ناقص في المخموخ بتاعه
تحياتي علي مناقشتك البتنجانية الهادية

Marvel said...

البجاحة والاستهبال والاستعباط..كلها امراض مزمنة في الشعب المصري

ربنا يشفي
:)

nonoymm said...

ازيك يا ابي
والله انا واحددة من الناس اللي عانت من حكاية ان اول ما تتكلمي مع حد وتعارضيه او تستفسري حتى منه على كلامه دة
خلاص النيا اتقلبت وبقيت من الناس التانيين وهاتك يا بهدلة ويا سلام لو افصحتي عن انك مش عارف او لسة بتتعلمي
يا نهار مش طالع ايه الافلاس دة مفيش فكر عندك كدة خالص ناسيين اصلا ان كلما ازدت علما كلما ازدت تواضع
يعني لما اقولك علميني يمكن اكون اعرف اكتر بس عاوزة يبقى فيه جسر حواري بينا لانك بتقفليه
بس هتقولي ايه
الاجر على الله والناس ضربت بعرض الحائط اداب الحوار اللي ديننا وصى بيها ودة قالوا دكتور حر الله يكرمه بالنسبة بقى لحكاية الاضراب بقى بصراحة انا مع الاضراب ونفسي اضرب بس مش مع الاضراب دة
حاسة انه مش منظم وغير مجدي وحاجة كدة نصرخ بها وخلاص
مش عارفة انا غلط ولا صح بس دة رايي
دمتي بود واعتذر عن عدم المتابعة الجيدة
بس خلاص حطيت مدونتك على الرايدر علشان اتابع كويس
دمتي بود

دكتور بيطرى said...

وبرضه أخر تعليق ههههها
أنا شايفك مزعلة نفسك من حكاية الإختلاف فى البتنجان دى سواء كان من المدونين أو غيرهم فالكل فاهم إن هو الصح وإن المسقعة بتعته هى الحلوة بس .
وهذا سببه ثقافات وموروثات تربينا عليها فى البيت وفى الشارع وفى المدرسة ومن الساسة اللى كابتين على قلبنا فالكل يتعامل مع كل من هو مسئول عنه بطريقة (انت غبى حتى يثبت العكس ) وما يدراش البعيد ده إن الأخرين دول بينظروا ليه نفس النظرة
والحل أن نكون أذكياء عندما نفترض أن من نعاملهم أذكى منا
والحل الأخير : خليهم يقرأوا مدونتى الدعوة إلى الله فن وذوق
هههههههههههههههههها

حزيــــــــــــــــــن said...

هو حضرتك اسمك الحقيقى ابى ؟
طب والاسم دا معناه ايه

أحلام عمرنا said...

السخريه واضحه في كلام وفي تعبيراتك مش عاجبك الحال الي احنا فيه
بس طريقتك لذيذه بجد
واسماء مواضيعك تحفة
دماغك حلوه
وشكرا لرأيك في مدونتي

Heart Beat said...

العزيزة آبي

ايه بس الكلام الكبير ده

على فكرة انا بحب المسقعة جدا و مابحبش حد يفسد عليا طعمها ابدا بزعل جدا و ممكن اقلب الترابيزة كلها على اللي يعمل كده

شوفي اعتقد ان ثقافة الاختلاف في الرأي غير متوفرة في الاسواق العربية ... ده حتى الناس الكبار اللي المفروض يكونوا مثال يحتذى به بالنسبة لعامة الشعب بيختلفوا مع بعض و بيعلنوا الحرب على بعض على الملىء و كل واحد بسلاحه بقى

و طبعا مدعين المعرفة دول كتير جدا و هم عنوان للجها بعينه و يارتهم يعترفوا بأخطائهم بالعكس دول بيزدادوا غباء و اصرار على الغلط

عشان كده محاورتهم مش هاتجيب اي نتيجة و فيها مضيعة للوقت

روقي اعصابك كده يا فندم و سيبك من الناس دي

تــــايه ومش تـــايه said...

فى الغالب اللى بيسمع ويتكلم بهدوء وبيتناقش وعندوش مشكله ان حد يختلف معاه .ده اللى عايز مصلحتو ومصلحة البد دى
غير كده شوية السنه بتعلى صوتها علشان تقول انها هنا.بيعوضو نقص جواهم.انما مصلحة بلد وكدا فدى حاجه بيوهمو نفسهم بيها

سهر الليالى said...

والله يا برنسيس انتى كلامك صح الناس بقى جواها غل غريب اوى وكلو مش مستحمل حد يعارضو او يعمل حاجة عكس اللى شايفها صح بس دى من علامات الساعه تقريبا ان كل واحد يعجب بنفسه وبرأية

يعنى عارف ةفى مشكلة زى مشكلة الحضرى اللى هبلت الناس دى يا عينى لاقيتلك واحد طالع فى النص كدة يطالب بسحب الجنسية المصرية منو استغربت اوى للدرجة دى الغل والتفاهه ليه يعنى دول اللى مبهدلين البلد أكتر من كدة مبيعملوش معاهم كدة

شفتى بقى مبقناش فاضين الا للغل أو الهبل
تحياتى ليكى ولأسلوبك الجميل


اة وعلى فكرة عجبنى أوى أوى جدا موت بالهبل العنوان
ههههههههههههه

أختشيك سهر الليالى

مدونه من اجل الحب said...

ايه يا بنتى مالك انتى شكلك مفقوعه من ناس كتير
وانا مفقوعه من ناس اكتر
بس لا تفقدى الامل فى امل ان شاء الله اننا نتغير كلنا وللاحسن
وان شاء الله ربنا ينصرنا يوم سته ابريل وناخد حقوقنا بدراعنا

appy said...

elmancy
اهلا بيك نورت الكوكب تانى مش هترحمنى بقى وتقولى انت مين عاااااااااااااااااا



همس الاحباب
مش قولت لك اقلع الشراب مفيش فايده هههههه نورت يا قمر


رونى المصرى
اهلا بيك فى مدونتى اخ صغير

appy said...

only spot
اه والله معبيه وهنفجر يا حبيبى خالص نورت الكوكب كله


rona

اهلا بيكى نورتى الكوكب والله كلام مظبوط مكنتش كل الامه الاسلاميه كمان بقت كده


cleo
احلى ملكه فى الكوكب عندى ههههههههههههههه والله صح بقت نيله بقى

appy said...

m5m

ايه النور ده يا بشمهندس انت فينك من زماااااااااااااااان وانا اقول الكوكب نور ليه الا مين اونكل عامل ده اللى فى البتاع السخنه دى



موناليزا
ربنا يجعل فى قلوبنا جميع الخير علشان نتقبل بعض


دنيتى الجميله
حمد لله على السلامه ياااااااا دا الكوكب هيزيد نور واشراق وحب كمان اتمشى براحتك بس اوعى تقعى فى خيمه فيكونيه ولا حاجه ههههههههه وحاسبى من خرفانى وتشرفينى دايما

appy said...

صباغ

الريس احمد عبد العال ههههههههههههه ربنا يخليك ليه ويبقى فيه مصقعه للى بنادى عليهم


المفقوع مرارتها

يا حرام يا بنتى طيب هيهجموا عليكى ليه هو انتى بتكتبى حاجه غلط والله حرام الهبل ده معلش بقى يا قمر



Marvel

اهلا وسهلا بيك اول مرة هنا فى الكوكب نورت الكوكب كله


nonoymm
اهلا بيكى ازيك انتى هو بصى الاضراب ممكن يحرك اى حاجه وربنا يهدى يا رب ونقدر نعمل فعلا وميرسى ليكى انك هتابعينى

appy said...

دكتور بيطرى

ههههههه لا مش دايما بجد اكيد حد بيجى بعد حضرتك انا فعلا هعمل لينك للمدونه دى لعلى وعسى ربنا يهدى وميرسى لمتابعتى ده شرف كبير ليه بجد



حزين
لا اسم الدلع آبى دلع اسمى الحقيقى ومتسألش اسمى الحقيقى ايه هههههههههههههههه


احلام عمرنا
ميرسى ليك ولذوقك ونورتنى خالص


Heart Beat

انا مروقه خالص يا فندم ولا بزعل انا بتغاظ بس ههههههههههه نورتى


تايهه ومش تايهه
بجد انت ربنا يحميك يا رب تكون تصرفاتك زى كلامك العاقل ده يا رب

appy said...

سهر الليالى
اهو انتى اللى برنسيسه ههههههههه ازيك يا قمر نورتى الكوكب اسكتى دى مشاكلنا كوووووووم والحضرى ده كوم يا حبيبتى



مدونةمن اجل الحب

لا خالص انا مفقوعه من 80 مليون بس هههههههههههه نورتى يا قمر