حبايبى اصحاب المصاطب


الامثله دى لكل الحلوين اللى غاوين قاعده مصاطب وبصراحه الموضوع مش علشانى علشان حد بحبه وقريب من قلبى وعلشان مش قادره اتدخل اوى وعارفهم هما أذكياء ، وعلى راسهم بطحه وهيحفروا فيها

ولانهم خرجوا من حياتنا عموما

فبهديهم شويه الامثله دى يا ريت يا ريت
يدوبوها فى شويه ميه بعد ما يقروها على غيار ريق اربع مرات
وبعد الغداء اربع مرات
ولا مؤاخده وهما مزنوقين على الشات وقعده المصاطب خمس مرات
وبعدين يدووبوهم فى ميه ويرشوا شويه فى كل ركن من البيت ، ويخطوا على الميه سبع خطوات ونطه كبيره

وبعدها يكتبوها فى ورقه تانى ويتبخروا بيها ساعه لا اكثر ولا اقل
بس احب اقولكم بعد كل الى هتعملوها

حمرررررررررررررررا

الامثله النافعه لقعده المصاطب وفك عقد والنميمه

اللى يعرف أبويا يروح يقول له واللى كتب كتابى يحله

اللى تخاف من العرسه ما تربيش كتاكيت

اللى كواها الفراق تطبخ محشى ( وش بيغمز

تكلم الزباله تلهيك واللى فيها تجيبه فيك

اتلمت الشبشب على القبقاب
مره تضحك على مره من الربايه الخره

الغيره تعلم الحيره

حره ململه ولا قليل اصل مفعتشه

الشردوحه ست جيرانها

مكسحه وقالت العيب فى الخلخال

بالشفا والعواف عليكم

خمسه وعشرون سنه اعدام

الصورة رسم الفنان اشرف حمدى ودى عباره عن كيس اخضر فيه بانجو

أيوه متستغربوش من العنوان هى كدا احنا بنتعدم كل يوم بينزل ضرب فينا تلاتين مخبر من اللى اديهم زى المركب دى واحنا عاملين مش واخدين بالنا خمسه وعشرين سنه واحنا بنتسحل ونتهان ويستخفوا بعقولنا واحنا مش داريين وخاصه الداخليه ويا سلام عليهم لما يتزنقوا بقى اعتقد لو دخلوا موسوعه جينس للغباء هيكسبوها بجداره الامر ببساطه الداخليه قالت لفافه البانجو هى اللى قتلت خالد ابسلوتلى اى نعم هى المجرمه دى الناس ثارت وهاجت وماجت والشباب السيس طلع فى مظاهرات وبقينا نشوف العجب شباب خارجين مظاهرة علشان بانجو طيب علشان حشيش ماشى النائب العام قالك شرحوا الجثه تانى اللجنه اخدت العصير والبيبسى والشندوتشات وراحت على هناك تقطع وتشرح ومنعوا الدخول او الخروج من المقابر وفى النهايه ربنا هداهم انهم يلاقوا لفافه البانجو تانى مع ان فى البدايه قالوا حشيش بس ما علينا دول ناس متربيه ومش هيعرفوا الفرق بين الاتنين طيب السؤال بقى ومتأخدوهوش بمحمل انى عيله سيس وسو ولا قاسم السماوى ابدا بتاتا البته بس انا عاوزه دكر من بتوع الطب الشرعى ولا حتى طب من بقك ولا حتى حانوتى يجاوبنى على الاسئله دى ومتقولش ليه مقولتيش دكر من الداخليه لانى قولت قبل كدا الداخليه مفيهاش دكر فيها دكر بط دكر وز دا كبيرهم

السؤال الاول
المره الاولى لما شرحوا مش المفروض طلعوا أم الكيس اللى محير تلاتين ابوهم دا وحللوه وعرفوا ان فيه بانجو؟

السؤال التانى لما اتشرح تانى لقوا برضه لفافه البانجو ونفس الكيس على اساس انه بيتكاثر جوه زوره مثلا ؟

طب مصير لفافة البانجو ايه؟ سابوها في زوره تاني؟ تحسباً لتشريح تالت؟ و
لا شربوها و هما بيكتبوا التقرير؟ و لا رجعوها للمخبرين على إنها عدة شغل؟
معاً من اجل معرفة مصير لفافة البانجو

لو عرفت الاجابات دى ابعتها على وزاره الداخليه ولو لقيت دكر منهم يرد ابقى حطوها فى عينى انا

الداخليه اتزنقت ومش عارفه تطلع من المزنق زنقوهم يا مرزوق اخوكم مزنوق
ساعدوهم بقى
بس على شرط يجاوبونى على السؤال دا بس
انا لو مكانهم عارفه التفكير دا الداخليه او اعترفت بالموضوع يبقى كأنها بتقول للناس انا بكدب رسمى فى كل حاجه وعارفه ان الناس مش هتقول دول فاقوا ورجعوا لضميرهم عارفين اننا هنقول دول كدابين فطبعا لازم تبجح وتطلعنا غلطانين طيب احنا غلطانين بس حد يجاوبنى على السؤا ل دا لان ببساطه لو محدش جاوب احب اقولهم ان التقرير اتكتب بالتليفون بناء على التقرير اللى قبله وبالشفا علينا الاعدام

ملحوظه مهمه :-
تعاطفى مع موضوع خالد مش علشان خالد كشخص انما علشان الاف الناس اللى بيحصل ليهم كدا ومنهم صاحب كشك مدينه نصر عم سعيد اللى فجأه وقع وجاله السكر ودماغه اتخبط فى الرصيف ومحدش جه جنب انا بنصح الداخليه تشيل كل الارصفه والمقشات وكل حاجه بتعور وربنا على القوى

كان معكم ابن بطوطه ابى هانم

حكمة الامبراطورة


لا تأمن لمن خانك مرة

احساس غريب


قررت فجأه امبارح اننا نخرج نتفرج على الماتش بتاع الجزائر وانجلترا ولا اخفى عليكم خبر ان اختكم بطيخه فى الكورة يعنى اى فريق قدامى كبيرى اقول عليه ليبيا ما عدا فرق مصر طبعا اللى حفظاهم فلنه فلنه وشراب شراب
وبعد مشاورات ومحايلات من محمد ليه انى ربنا يهدينى واتفرج على الماتش وافقت بس الاول نعدى على المول اتفرج او اشترى حاجه ودا طبعا مش استغلال للموقف قد ما هى انتهازيه منى نيهاهاها
المهم جت لنا دعوة من صديق كويتى اننا ممكن نتفرج على الماتش فى صاله اسمها المونديال
وافقت وقولت فى عقل بالى احسن خليه يتلهى مع اى حد بدل ما انا مش عارفه اصلا انا هتفرج على ايه وفى الاخر ممكن لو جه جون اقول هيييييييه مصر كسبت
فعلا رحت الخيمه مكان كبير وعاملين باصات فى باركنج تركن عربيتك والباص يوصلك
كل دا مش مهم
المهم ان تليفزيون الراى بيسجل فى الخيمه واختكم قاعده بتستخبى هقول ايه بشجع ليبيا ولا انجلترا
وكان فيه طبعا ناس جزائريين
فجأه المذيع جالنا ان ان ان تششششششش
ودا كان مقلب من صديقنا الكويتى الله يسامحه
بجد محمد قال انجلترا هتغلب تلاته صفر
انا لقيت نفسى بقول لا مش هتغلب ولو حصل اجوان الجزائر اتنين واحد
المذيع جالنا وطبعا محمد اتكلم كويس بس مقدرش احكم احساسه ايه همن جواه
وزنقنى المذيع وسالنى وطبعا كان قاصد علشان انا مصريه
قولت له الجزائر فريق قوى وانا طبعا بشجعه احنا كلنا عرب
وفعلا لاول مره احس انى مسئوله عن شكل بلدى وعن اى لازم اقول كلام كويس
مش بس كلام ولا والله فعلا كان احساسى انى نفسى الجزائر تكسب وتلعب كويس
واللى اكد ليه احساسى طول الماتش والقاولون اللى جالى
وكان معايا بنت لبنانيه اول مره بشوفها فرحت قوى لما قالت ليه اكيد لو مصر اللى كانت بتلعب كان هيبقى احسن بكتير معاكم بنحس بالفرحه اكتر
كل الك اللى فوق دا ليه بقى
علشان فعلا كلمه مصر مش قليله كونك تحس انك بتمثل بلدك مش قليل
كونك تقول الكلمه بصدق مش مجرد كلمه وخلاص وتحسها بيديلك احساس بالفخر فعلا
يا ريت الساده المتسولين بتوع بلدنا يأخدوا بالهم من دا
وكل الناس المغتربه لاننا فعلا مش بنمثل نفسنا وبس
كان معكم مزنوقه هانم بنت بطوطه

حكمه الامبراوطورة
فشخرنجى بنى له بيت فلسنجى سكن له فيه

هام جدا لمساعدة عاشقه النقاب محتاجين لنقل دم

البوست دا من عند عاشقه النقاب


محتاجة لكم بشدة فينك ياخيخة

السلام عليكم ورحمة الله
والدتي ترقد الان في مستشفى الدمرداش قسم الباطنة والمتوطنة عنبر10طواريء
تحتاج بشدة لنقل دم فصيلة اوه موجب مستعدة اشتري كيس الدم المشكلة عندي في توفر الدم اصلا
بنجيبه من هيئة المصل واللقاح وبندفع حقه لكن ما ينفعش اشتري غير كيس واحد بس
امي امس اخدت اربع اكياس دم وكيسين بلازما وقدرت تتكلم اشتريت كيس وبطريقة ما حصلنا على الاخربضعف تمنه والكيسين الاخريين من المستشفى اللي مليانة عباقرة بتتعلم في المرضى وهنحكي كتير في دة
اليوم لفينا لحد مالقيت كيس واحدبس عارفة ان شباب الخير كتير وباذن الله ربنا هيقف جنب امي
احتاج لكيسين دم على الاقل ياشباب الخير اليوم الاربعاء
دة رقم تليفون المرافق لامي لمن يريد الحضور للتبرع بالدم 0161620023

احترس الحشيش والبانجو بيضربوا ويخرشموا


االسيد المحترم النائب العام افرج عن مجاذيب القسم الاتنين المخبرين وقال ان التكرير التبى قال ان الموت استفسكيا
ولا مش عارفه اسمها ايه عموما اسفوخس عليكم
نتيجه بلع الواد حته حشيش معاه
نسى يكمل بقيت التقرير ويقول ان حته الحشيش طلعت بعد كدا وضربت الواد على وشه وخرشمته وبعدين كبرت فى دماغها وقامت خبطه دماغه فى الحيطه ليه وليه يبلعها هى هفأ ولا ايه دا انا حته حشيش وفيه ازمه يبلعنى كدا من غير شيشه ولا جوينت دا يبقى عيب فى حقها
الواد الله يرحمه طلع بلطجى وبيحمل سلاح ابيض الحمد لله ان السلاح البينك مش فى الموضوع
وعليه قضايا
وهو اللى فجر صوباع عرابى فى ميدان التحرير
وهو اللى قتل السادات وهو العضو الكبير فى القاعده وهو حفيد صدام وهو السبب فى انتحار الشاب من على الكوبرى علشان مرضيش يديله حته الحشيش مش زى ما بيقولوا ان حبيبته سابته عيال خرعه صحيح
السيد النائب العام انت تمام يا باشا
بس احياه ابوك متنساش تفتش الظباط بيتوع الداخليه ودا مش لا سمح الله شك فى سلوكهم
لا طبعا دا علشان تحميهم من الحشيش المتوحش
ومتنساش برضه تبقى تكتر من الفياجرا معاهم العيال غلابه
واوقلك اعمل ليهم نادى يلعبوا فيه بوكس يطلعوا كبت اهاليهم وكبت اللى اكبر منهم فيه بدل ما بيضربوا الناس فى الاقسام بعصيان المقشات ويرجع التقرير الطبى يقول المقشات اتجننت وبتضر
ب الناس فى الاقسام والعيال السيس بتوع الفيس بوك يعملوا جروب اسمه احترس المقشه بتقتل فى الاقسام ويتهموها فى رجالتك سوى صحيح الحقيقه انا معرفش هما رجاله ولا حاجه تانيه بعد اللى حصل ليهم فى فيكتوريا برضه غلط ابوهم الكبير يسيب ولاده فى الشارع لوقت متاخر وشويه ناس سيس تضربهم ويجروا زى الفراخ ولا بلاش غلط فى الفراخ

ودا برضه علشان تحافظ على ايديهم من الخدوش
ولا تكبر فى دماغ عصايه تضرب الظابط اااااااااه

وبوس الواو يا سياده النائب

حقه فى رقبه اللى سابوه



شاب اتنين مخبرين خولات ضربوه فى اسكندريه
حقه فى رقبه الخولات اللى شافوه بيتضرب وسابوه هى البلد مبقاش فيها رجاله
صحيح اللى يخلوهم يشووفوا واحده بتغتصب ويسكتوا زى حادثه العتبه واللى يخلوهم يشوفوا بنات بتتشد من جسمها ويسكتوا وبنات تتضرب فى الشارع ويسكتوا
مش هيسكتوا لما اتنين مخبرين معفنين يسحلوا ولد قدامهم ويموتوه القصه فى اسكندريه
يا عينى عليكى بلد وعلى اهلك والله احنا نستاهل يوصل بينا الحال اكتر من كدا

ادى النظام وادى اللى فى ايده سلطه بيعمل ايه
ادى تربيه الشرطه واللى بيجى منها
ملعون ابوهم كلهم واللى يسمح ان انبه يكون له علاقه بيهم ولا يكون واحد منهم يستاهل يتركب
ولا تربيه هتنفع ولا حاجه بتنفع كلهم ساديين وعندهم نقص
سواء هما ولا اهلهم
ملعون ابوكم ميه مره

Share |