قانون للمهلبيه فى دولة الفراخ المستخبيه


مش انا قولت قبل كده محدش سمع كلامى ارجعوا بقى لبوست (عاوزة اتجوز ميكانيكى ) بتاعى ده شوفوا الساده المتحقوقيين دول اللى مستهبلين ومستعبطين بيقولوا ايه هو الخبر كالمعتاد من عند مصراوى اللى بقى بيعلى الضغط ويوطى الصوت ويجيب التهاب فى الجيوب الانفيه
طالب حقوقيون وبرلمانيون بسرعة التصدى لظاهرة الزواج العرفى (والله ناس فيهم الخير بجد ) وذلك فى إطار مشروع مراقبة الأداء البرلمانى للمعهد الديمقراطى المصرى فى ندوة بعنوان ( هل تنتهى ظاهرة الزواج العرفى ؟ ) (الا حد يفهمنى ايه دخل البرطمان فى الموضوع ده والمعهد التيتوقراطى ده فين بس علشان افهم فى مصررر ولا الهند ) قالت ابتسام حبيب عن أن مشروع القانون يأتى فى إطار حماية المجتمع من هذه الظاهرة ومحاولة تقنينها والتغطية القانونية لها وخاصة بعد انتشار هذه الظاهرة فى الأوساط الطلابية ،والعديد من فئات المجتمع بزيادة مطردة-حسبماذكر موقع حزب الجبهة الديموقراطية.
(هو ايه حزن الجبهه ده كمان ده دمل جديد وتفكك جديد عندنا ولا ايه

وقالت أنها لا تتحدث عن شرعية الزواج أو عدمه بقدر ما هى مجرد محاولة لتوثيقه وأضافه الإطار القانوني لها ولمعالجة الأزمات الناتجة من هذه التصرفات غير المسئولة.

هو ده بقى اللى انا عاوزاه مش بتفكر فى شرعيه يعنى ايه طيب ما هو يا هانم يا عضو مفروض بترة يعنى طالما مفيش شرعيه يبقى مفيش جواز اصلا وعلى ما اعتقد وفيه ناس ممكن تفيدنى اكتر ان حتى الزواج العرفى له شروط بس عموما انا مش بعترف فى عرف الديك ده
محاوله توثيق ايه بقى طالما مفيش شرعيه ما هو بنى على باطل اساسا يبقى توثق ايه هى بتحفظ حقوق فى الدنيا طيب واحنا قدام ربنا طيب ليه طالما عرفى ميكونش رسمى ما المحامى بيأخد على قلبه قد كده ولا صحيح محامى ايه ما هو دلوقتى الموضه التسجيل على شرايط والناس الكلاس شويه يا مان بقى على ام بى ثرى او بالدم للناس اللى معندهاش دم دول
أضافت أن الظروف الاقتصادية السيئة التى تمر بها البلاد ليست هى السبب الرئيسي فنجد أيضا أن الظاهرة منتشرة فى الجامعات الخاصة والطبقات العليا من المجتمع ممن تتوافر لديهم الإمكانيات المادية.
طيب يا ناس ياللى مش عندكم دم ايهالفرق يعنى هما عاوزين يعملوا شكل قانونى للحرام ولا ايه ولا يسهلوها على الشباب ويخلوهم ميتحملوش المسئوليه ويلهوهم فى اى حاجه علشان البلد تتأخر كمان طيب ما تصلحوا الاقتصاد

أضافت أبتسام أننا لا نريد أكثر من إيجاد شرعية قانونية على هذه العلاقات والتى تتنافى مع أخلاقيات المجتمع بعيداًَ عن مسألة الحرام والحلال ، فعدد حالات الزواج العرفي انتشرت فى الفترة الأخيرة ولابد من مواجهة ظاهرة الزواج العرفي والتصدي لهاوالعمل عكس ذلك سينتج عنه أزمات لن يستطيع أحد السيطرة عليها.

طيب مش عاوزه حد يمسكنى بقى سبونى عليها هى الست دى شاربه حاجه مش مظبوطه ولا شربت عصير كرنب عمل لها دماغ غازات سامه يعنى العبيطه القرنبيطه عارفه انها حرام انا مش فاهمه هما خرفانى تقلوا العيار علىالصبح طيب حد يفهمنى عااااااااااااااااااااا
والناس المجنونه دى بيقولوا ان البدو بينهم موضوع الزواج العرفى لوووووووووولى ده هما مش عاشوا هناك ولا يعرفوا تقاليد الزواج فى القابائل بيفتوا ليه بقى ولا هى بقت اى عبط فى استعباط الناس دول واكلين مستهبله ومستعبطه وبيطلعوها علينا ولا ايه طيب بدل مايوعوا الشباب على الزواج الشرعى يقولك نعمل قانون لغير الشرعى علشان نحمى الاطفال الناتجين عن كده وفين حقوق الاسرة وفين شرع رنبا اللى هو اصلا بيحمى الستات والرجاله والاطفال يعنى بقى دلوقتى القانون بتاعنا لوووووولى ونسبنا الحكومه وكل اللى عاوز قانون يشتريه من السوبر مركب هههههه وهنقوم الصبح نلاقى الفنادق فتحت كلها للحرام رسمى ما هو يا قانون يا شرع اصل بلدنا خلاص مينفعش فيها الاتنين. بجد نداء من قلبى لكل الشباب والاهل خلوا بالكوا من اولادكم يا بنات اوعوا تمشوا ورا الموضوع ده ...بجد حرام يا شباب انت مش هترضى لاختك ولا اى حد قريب منك بكده يبقى بلاش تبهدل بنت ناس معاك اقفوا ضد الرغبات اللى بتبقى جواكم وفى النهايه اتقوا ربنا الناس دى بتخرف وهتودى البلد فى داهيه يعنى عاوزين تحلوا مشكله تقوموا تعملوا لها قانون يعنى واحد قانون هنا وصلحه للغلط ههههههههههه
كان معكم بعد عوده قويه من الحرب الصهيونيه قائد جناح الفرخه اليمين لفرق الصاعقه سعادة المستشار رئيس محكمه الكوكب الشماليه آبى بتنجانى

66 اخبط وقول رايك:

Soooo said...

احجز اول تعليق مره من نفسي
جايلك



سلاموووووووووووووز

الطائر الحزين said...

بحجز اول تعليق برده

الاول مكرر

بنوته مصرية said...

احجز تالت تعليق سوو والطائر سبقوني

اصلك انتي ولا طابور العيش
هههههههههههههه


رجعالك يا قمر علطول

تحياتي
رودي

الطائر الحزين said...

انتى ايه بيوديكى عند الناس الوحشة دى


دى مش عارفة تقول حلال ولا حرام الجواز العرفى

يعنى عاوزة تتكلم بعيد عن الشرعيه يعنى بعيد عن الدين ونقول انها بتتكلم فى الدين


لكن عاوزه تتكلم من وجهة نظر مجتمعية من منظور المواطنه وايضا وجهة نظر سيكولوجية نفسية عصبية بتنجانية

الامر ببساطه

حلال ولا حرام


مش نتصدى له و خلاص

بطلى تروحى هناك

انا قلت لك اهه

وعقلك فى راسك تعرفى خلاصك


تحياتى

بنوته مصرية said...

والله فعلا الست دي مستعبطه

والنبي يا ختي انا بسمع انواع زواج اول مرا اسمع عنها
ايه زواج المسيار ده كمان ده منتشر جدا في السعوديه

وجواز مش عارفة ايه والله نسيت اسمه

فعلا ربنا يسستر علي البنات لانهم هما اللي بيخصرو وبعدها الاطفال هما اللي بيدفعو تمن طيش ورغبات شبابيه مجنونه

بجد بوست جميل وهادف جدااا

تحياتي يا قمر

رودي

appy said...

سوووووووو

انت اتكعبلت ولا الهواء رماك ههههههههههههه رحت فين بص عندنا فيك مش هعتبرك اول تعليق وهلغى الحجز فى كوكبى وهطلع لك لسانى ههههههههه بس علشان انت صديقى الجميل هجيب لك شيكولاته بربع جنيه بس



استاذى الطائر الحزين

انا هحط رسوم للحجز ههههههه بالعند فيكم بقى هو هنقضيها حجوزات ولا ايه نورتنى نيجى لتعليقك بما ان حضرتك الحمد لله مشيت بدرى من طابور العيش وازمه المواصلات هههههههه

اى مجتمع ده فى الهند ولا فين هما الناس دى بتنسى اننا مسلمين يعنى بدل ما نعالج الجرح نحط عليه طين ونسيبه ويرجعوا يقولك الشباب بتضيع والحرام فى كل مكان ونرجع نسأل البلد بترجع وراء ليه .....ما هو علشان احنا سيبنا الدين وبقينا بنتكلم فى المصقعه والبتنجان الا متعرفش كيلو الطماطم بكام هههههههههه نورتنيى يا اخى العزيز وحاضر هسمع كلامك بس مش قوى يعنى مش هوعدك غصب عنى ايدى بتأكلنى على المراوح بتاعت هناك


بنوته مصريه

طابور عيش يا رودى طيب هعديها لكى طيب ممكن باتنين جنيه معاكى بقى هههههههه

appy said...

بنوته مصريه

عودا محمودا وعباس وخليلا وزعبوله يا قمر
المسيار ده يا رودى يا حبيبتى يعنى تمشى كده وواخده جوز جزمه فى ايديك علشان تمشى فيهم ههههههههههههههه ربنا يخليكى يا قمر ويستر على المسلمين جميعا يا رب

احساس لسه حى said...

عزيزتى
خلاص صافى يا لبن
وصدقينى انا عمرى ما بقصد اهين حد

اعارضه ممكن بحده بس الاهانه لا

شوفى الموضوع ده قريته فى مصراوى وانا بصراحه من كتر الحاجات اللى تخنق زى دى مبقتش اهتم واثقول كله كلام وصعب يحصل

واظن هما كده مش بيحافظوا على حقوق البنات بالعكس بيدوا فرصه لاى شاب يتجوز بالطريقه دى ويقنع البنت

ما ده بقه قانونى بقه

كل كلامك سليم واحنا مش ندور على الاشياء اللى تساعد على تفكك الاسره

المفروض ندور على الاشياء اللى تقوى الاسرة وتخليها سليمه

احيكى على موضوعك

ليها ملحوظتين

انتى متعرفيش انا كام سنه ويمكن اكون اكبر منك وسنى موجود فى تعليقى لعاليا حليم فى احساس لسه حى اخر موضوع

والسن ملهوش دعوى بردوا بانى اقول راى بوضوح بالذات فى التدوين لان شئ عام

تانى ملحوظه

عجبنى ردك على لوووف
ولو دخلتى المدونه بتعته هتشوفى اد ايه بيشتم فى الاسلام واهله

وانا الحمد الله كنت كل كام يوم اخش ارد عليه واهزقه لحد ما قفل التعليقات ومنع اى حد يعلق

ده انسان مريض بيكره الاسلام والرسول واهل الاسلام كلهم

ومدونته تشهد

علشان بس متقوليش انى بفترى عليه

كده خلصت كلامى
وارجوا دايمن تخدى كلامى بحسن النيه

لان ده اللى جوايا دايمن

وربنا شاهد على

سلام

Soooo said...

مالو بقى الجواز العرفي؟؟؟
ماهو عرفي والناس كلها عارفاه
يعني شرط الاشهار موجود اهو بدليل ان الناس عارفاه

شاخدالي بالك من حتة الفتوة دي

اما بقى بالنسبه لحقوق الاطفال .. فدي بقى على حسب
يعني لو هو متجوز عرفي بقاله فتره .. يبقى حلال الله اكبر .. ولازم يراعي ولاده .. بس مع مراعاة انهم هيبقو ولاده عرفي برضك .. يعني الواد يبقى متعارف عليه انه ابن فلان .. انما شهادة ميلاد وبطاقه ده كلام فاضي ياشيخه

شاخدالي بالك من الفتوة اللي فاتت دي برضك

------
كان معكم مفتي الديار التهيسيه
سوووو



سلامووووووووووووووز

بنت الاسلام said...

البرلمانية ديه شفتها من فترة علي التلفزيون بتتكلم في نفس الموضوع وغاظتني جدااا

الصراحة

بس احنا برده لازم نكون صرحة مع نفسنا وكلنا مأمنين ان الزواج العرفي ده بقي عامل زي الادمان والعن

لازم نفكر ازاي نواجه ونتصدي له

هي حاولت تلاقي حل عملي لكن للاسف نسيت او تناست امور كتير متعلقة بثقافة شعب نابعة من احترامه والتزامه لتعاليم دينه

وياريت شيوخنا وازهرنا يشارك وبدل ماالكل عمال يقول حرام والنار وووو


كل الناس عارفة انه حرام وده موضوع منتهي الامر فيه

لكن عاوزين حلول بقي الشباب كل يوم بيضيع ويضيع واحنا لسة بنتكلم

ربنا يسترها معانا وعلينا

واجدع ناس البدو ياسيتي

وتحية كبيررررة لخرفانك

Desert cat said...

ايه ده
هى بقت سلطة كدا وكل واحد يفتى فى اى كلام وخلاص
حزب الجبهة يطلع قوانين .. وحزب الملوخية يلغى قوانين .. وحزب الكفتة يفتى فى شرع ... وحزب البطيخ يرمى بلا على ناس البدو بيتجوزوا جواز عرفى ... امال الافراح اللى بيعمولها 3 ايام دى علشان ايه .... المشكلة ان فى ناس بتصدق العالم اللى مخها نزل درجات السلم ودخل البدروم دى ... وبيغلطوا ويقولوا اصل حزب المهلبية قال كذا ميقولش شرع ربنا قال كذا ... ربنا يريحنا جميعا من الاحزاب دى ..

رئيس جمهوريه نفسى said...

صباحو يا معلمه حلوه حكايه دماغ غازات سامه الواحد بيفكر يجربها موضوع الجواز العرفى مش حيقل وحيزيد لاسباب كتير زياده المهر وكمان زياده اسعار الذهب وحديد عزو ربنا يهزو الى خلى الناس مش لاقيه شقق
موضوع توثيق الزواج هى لم تاتى بجديد لانى البركه فى ماما سوزان خلتى ابناء الجواز العرفى يتم اثباتهم لابوهم ومش بس هى لا البركه فى احمد بك الفيشاوى وهند الحناوى
القانون الجديد لمحكمه الاسره بيدى الحق فى اثبات الوالد او الابنه الناتجه على زواج عرفى لابيه اذا تم اثباته وده كان المبداء بتعهم علشان يحدو من ظاهره ابناء الشوارع
الخطوه التانيه توثيق الزواج العرفى بتاع الكتاكيت علشان تاخد كل حقوقها
الخطوه الثالثه الغاء اى اثبات وبرضه نكتفى بزوجتك نفسى وزوجتك نفسك وهيصه هيصه ويتلغى الجواز كنظام اجتماعى
حديث الرسول عليه الصلاه والسلام
(لانكاح الا بولى وشاهدى عدول )
يعنى شرعا زواج البنت نفسها بنفسها بدون ولى لها حتى لو كان رسمى حرام يبقى عرف الديك ده موقفه الشرعى ايه

appy said...

احساس لسه حى

اتفقنا خلاص وميرسى ليك

سوووووو

قلبى هنهزر ولا ايه هو انت بقالك كام يوم بتأكل فته هطلعها علينا يا ابنى ولا ايه ويالا هيصه اشمعنى انت يعنى ههههههههه
بزمتك اه الناس عارفاه اسما بارك الله فيك يا شيخ سووو


بنت الاسلام

بطوط الامور وازاى تغيظك وتسكتى لها هههههههه كنتى قفلتى التلفنيون فى وشها على طول ههههههه
دا الادمان معترفين بيه يا بطه انما الجواز عرف الديك ده قرف يا شيخه ولعبوا بعقول الشباب الله يخرب بيوتهم لازم يبقى حل مش مرمات نورتينى يا بطوطه الحلوة

appy said...

قطه الصحراء

ايه اجيب لكى طبق من السلطه يا قلبى ههههههه
سيبك من الافراح فيه ناس بتعملها اسبوع وحياتك احممم احممم ههههه انما دول ناس فاضيه وعلى راى الاغنيه الجميله احزان ورا احزان كبسين على حلمنا هههههههههههههه نورتينى يا قطتى



سياده رئيس الجمهوريه

اللى تعاب نفسه مع الناس ههههههه والله يا فندم انا المفروض اعمل تمثال عجوة لطنط سورزى واونكل الفيشاوى واديهم للغلابه يأكلوهم ههههههههه
اقولك بقى موقفه بيكون فى احمد حلمى هههههههه او فى عبوود عارفه هو ده موقف الجواز العرفى او عند الديك لما تقطع رقبته نورت المحكمه يا باشا نورتنا كمان تعالى بقى همسكك الشئون القانونيه فى الكوكب هههههههههه

Anonymous said...

أختى العزيزة/آااابى
إذا الايمان ضاع فلا أمان و لا دنيا لمن لا يحيي دينه
الا تعلمين أن هذا كله من صنع مؤتمر السكان ..
أنهم يملون علينا ما نفعل و ما نترك و يشرعون و يجدوا من يفتى ، و يارب سلم سلم .
غيرى مواعيدك و مواعيد بوستاتك على كيفك وراك وراك و مش مهم تورتة المهم متابعة معاركك العظيمة و على فكرة أنا سعيد كونك من العريش أهل العريش كثير منهم هجر مع مدن القناة و كثيرا منهم أصدقاء قدامة من عائلات واكد وحجاب .

أبو خالد






أبو خالد

appy said...

اخى العزيز/ابو خالد

والله ابدا دا انا اجيب لك تورته المرة دى كبيرة علشان انت زعلت منى المرة اللى فاتت وقولت انى خليتك بكيت بجد زعلت من نفسى

طيب اقولك على سر ابقى بص على المدونة كل يومين بس من الساعه 9.30 هتلاقى المواضيع الجديدة ان شاء الله ههههههههه بس اوعى تقول لحد
انا من عائله الفواخرى فى العريش

سمية said...

عرفى عرفى..خلى القطط تهيص

الله يلعنهم مترح ماهما..ربنا على الظالم و المفترى و هينتقم من كل الظلمة حتى لو كانوا مستخبيين فى المعهد التيتوقراطى

سمية لطفى

كلاكيت تانى وتانى said...

بصى يا قمر انا مش هعلق ع صميم البوست عشان كتير علقوا ورفضوا وشجبوا بس انا عاوزاكى تعرفينى وتكسبى فية ثواب ع الناس المحترمين دول اصلى مزنوقة ففتوى تبيح اكل العيش الفلاحى وهو سخن والبطاطس والرز بلبنوهمة خارجين من الفرن الفلاحى وانا صايمة
واللة همة ممكن يعملولى فتوى تمام وهيبقى الذنب عليهم
مش علية
ماما بتخبز كل اتنين وانا خلاص جبت اخر
والنبى يا ابى يا اجمل ابى خلينى فدماغك ماشى انا هعتمد ع الله وعليكى

كلاكيت تانى وتانى said...

حطها فرقبة عالم واطلع سالم هو دة المبدأ الأيام دى

عبده الرايق said...

الزواج العرفى اه
هى طالما قالت بعيدا عن الشرعيه الدينيه
يبقى الباقى كله هبل وعبط
ده نظام الغرب
عايزين يخلوها نظام صداقات
تحيه لكى

مجداوية said...

عزيزتى
اللى بين الطالبات والطلبة دول جواز باطل وجواز سرى لأنه من ورا أهلها وتم بدون ولى وده رأى جمهور العلماء ,وده زنا مقنع بالشرعية وحيخلوه زنا م}كد باصدار قانون زى قانون البغاء فى التلاتينات يعنى حيكونوا لهم رخصة ,,ولا حول ولا قوة الا بالله ومش عايزانى أحزن

همس الاحباب said...

عزيزتى ابى
انتى دماغ بجد
بوست رائع انتى عارفة يا اختى انه فى بلدنا 3 مليون حالة زواج عرفى
يعنى اكثر من المتجوزين شرعى حاليا
ولسه هو ربنا بينزل غضبه علينا من شوية
الحلال بين والحرام بين
وحسبى الله ونعم الوكيل فى اللى كان السبب
تحياتى يا اختى وخلى بالك من جناح الفرخة

WhItE HeArT said...

?????؟؟؟؟؟

اقطع دراعي ان كنت فهمت كلمة في كمية من الجمعيات اللي اول مرة اسمع عنها اتقالت في البوست ده خلتني مش فاهم انا عند مين اصلا

لاو الظريف اني قعدت اقرى للآخر انا مالي ومال الجواز العرفي انا مش فاهم

مش هقول بوست حلو لا بست وحش لإنه ودخني ومفهمتوش ومش عايز افهمه

يله سلام

حــدوتـــة said...

الموضوع ده فى غايه الاهمية وبيمس كل واحد فى البلد دى
مجتمع الشباب بقى يخوف فعلا والله العطيم البلد باظت ومحدش حاسس بحاجة
انا بشوف وبسمع حكايات تودى فى داهية
عندنا فى اسكندرية طول ما انتى ماشية على الكورنيش تلاقى الولاد والبنات اتنين اتنين زمان كان الموضوع كلام وضحك ومسك ايد اما دلوقتى العمليه كبرت ومحدش بيتكسف ولو اتكلمت يقولك وانت مالك
العلاقات بقت عادى مش فى الجامعة والمعاهد بس ده الموضوع بقى مع بنات ثانوى واعدادى كمان
وخلى بالك الولاد مبقتش تضحك على البنات وتقولها انا بحبك وهتجوزك ذى زمان
لا الموضوع بقى بصراحة وبموافقة الطرفين احنا مع بعض عشان ننبسط

انا معاكى فى اللى بتقوليه بس النصيحة دى تبقى للبنات اكتر لانهم هم اللى بيحددوا طبيعة العلاقة مع الولاد هتبقى اذاى
سلالالالالالالالالالالالالالام

حدوتة مصرية said...

تعالى يا ابى وشوفى المعركة وعايز رايك ضرورى لو سمحتى

بحبك يامصر said...

مصيبه فعلا طيب احنا معترفين بوجود الزواج العرفى ده وبنحاول نتصدى ليه ونوعى الشباب وكده تقوموا تلفو من الناحيه التانيه وعايزين تقننوه تعملو له قانون يادى النيله المنيله بنيلا
انا اتخنقت من ولاد الذين دول

alshared said...

علي فكره

الحل والحرمه في الزواج هيا بالأشهار

يعني هما كانوا زمان مكانش موجود فيه مأزون وكانوا بيتجوزوا

والمأذون ده اصلا أستحدثوه علشان التوثيق القانوني للجواز

بينما الجواز في حد ذاته مش محتاج مأذون كل اللي محتاجه أشهار ووكيل للعروسه

طيب أنا أصلا مخنوق والموضوع زود خنقتي الناس سايبين الحكومه والغلاء والناس اللي بتموت من الجوع ورايحين يتكلموا في الجواز العرفي

هيا أكيد مشكله محتاجه لحل
بس متهيألي فيه أولويات

تحياتي

محمود المصرى said...

بسم الله الرحمن الرحيم

بصراحة يا ابى الحالة اللى جاتلك دى لما قريتى الكلام حصلتلى قبل كده, كانوا جايبين ميلاد حنا فى لقاء صحفى ايام موضوع وفاء قسطنطين والمظاهرات والشد والجذب , فالراجل الكبارة اللى معدى السبعين سنة طلع يقول ان السبب هو الكبت اللى عند الشباب , وتساءل يعنى ايه الشاب يقعد خمسة وعشرين سنة لا يمارس الجنس , يعنى ايه مايمارسهوش قبل الزواج , وكأن اللى عمل المشاكل هو ان شباب مصر لا يزنى قبل الزواج .
كذلك هذه المعتوهة التى تتكلمى عنها , هى مش مهم عندها حلال ولا حرام المهم ان الواد مايبلفش البت ويشربها حاجة اصفرة ويمضيلها على ورقة , فهى عاوزة الورقة دى تكون معتمدة قانونا .
المشكلة بقى ان النسب فى الاسلام لا يثبت الا بالزواج , فهذه خطوة لأثبات النسب بعد ذلك حتى من الزنا , فهذه خطوة لتنحية الاسلام جانبا .
اما موضوع الزواج العرفى فهذه تسمية مغلوطة , الزواج العرفى بيبقى زواج عادى جدا لكن مش موثق , لكن دا اللى بيتكلموا عليه لا فيه موافقة ولى الامر ولا فيه مهر ولا فيه اشهار ولا له علاقة بالزواج اصلا .

عمو said...

ههههههههههههههههههههه
ههههههههههههههههههه
هموت من الضحك على اسلوبك

بصى بقى انا اول مرة ازور مدونتك دى ووالله انا جيت على صوت الزغاريت بتاعتك دى اللى جايبة آخر الدنيا
قلت فى فرح ولا فى حاجة رخصت تانى ولا الضرايب قلت ولا أية
لكن للأسف كالعادة
أوجاع و أوجاع
والزغاريت طلعة حاجة تانية
هم يضحك وهم يبكى
لكن :ـ
لو كل راع يبقى مسؤل عن رعيتة ، لو كل أب وأم يهتموا بأولادهم مش هيبقى مهم فلان قال ولا فلانة عادت
المعاييييييييير فيييييين
الحق الخير الجمال
الباطل الشر القبح
فليكن لنا معايير نتعرف بها على جوهر الأشياء لأن فى هذا الزمن " آخر الأزمنة" قد يختلط ما على على ما دنى

وعندك واحد قهوة على ماية ساقعة للحاج وشاى ميزة للأستاذ وشيشة حممى للست
هههههههه
ولا داعى للقلل
وتحياتى

بطوط حبوب said...

ياااااااااااااااه هم لسه بيتكلموا عن الموضوع ده
احسن حاجه بجد يرجعوا عصر الجوارى وبدل الجواز العرفى الواحد يشترى له جاريه

mohand said...

عايز اقولك ان كلامك نخشش في دماغي

بس الزواج العرفي لو اكتملت شروط الزواج فيه يبقي حلال

طيب ما ممكن يقننونه ويخلوه له حقوق

مش فاهم ايه المشكلة لو عملا كده

المشكلة انك هتلاقي ارامل بتتزوج عرفي عشان المعاش لا ينقطع وحاجات زي كده

يعني مش الشباب بس اللي بيعملوا كده

تحياتي لقلمك

مروة الزارع said...

يا حبيبتى

اهم حاجة القانون

الأنون فوق الجميع

شرعية اية وبتاع اية

انتى قديمة قوية

وتعيش جمهورية الكوسة الشعبية حرة مستقلة

قولوا ورايا

NIDAAL PAL said...

SIS / appy
dont know what can i say
theres nathing to say .. we should exracted.the source.. where the reason ? the covernment are the mainly reason here
the condition of countery become so bad.. most of youth is useless
alot of point,s mack this catastrophe mubarak drive us to a big hell &we keep silent
great bost .. waiting more

haitham said...

موضوعك كبير قوى يا آبى لانه مرتبط بحاجات كتير
بس احنا عايشين فى كوكب سايب كل مشكلة
لحد ما تبقى ازمة وبعدين يفكروا

آبى هما ليه مش بيفكروا فى الاول مع بوادر الازمة

د/اجدع بنوته said...

ههههههههههههههههههه

هههههههههههههههههههه

ماهما عارفين انهم لو محللوش الحرام

الناس كلها هتعيش فيه

هههههههههههههههههههه

فيلحقوا يدووه صبغه قانونيه

هههههههههههههههههههههههههههه

كان ف دكتور نفسى جاى

م مركز حموم المرأه

بيقول احصائيات

ان 20 الف بنت اغتصبت ف 2006

مش اتتجوزت عرفى حتى

ههههههههههههههههههههههههههه

ده شويه شويه هيحللوا الاغتصاب والله

ههههههههههههههههههههههههههههههه

موضوع يهلك م الضحك

ربنا يهدى الجميع ياأأبى يااختى

Nsreen Bsunee said...

يا حبيبتي هو حد لاقي الجواز العرفي حتى
هو حد لاقي علاقات غير شرعيه اساسا
الهانم الحقوقيه ديه متعرفش ان رجاله مصر عفا عليهم الزمن ومبقاش ليهم فى الجواز اساسا باي شكل من اشكاله
امراض الضغط والسكر والجلطات والانتحار والاستشهاد فى طوابير العيش ولحم الحمير اللى عند الجزارين والفاكهه المسرطنه والحمام والزغاليل عندهم انفلونزا وطبعا الجمبرى والمأكولات البحريه لغوها رسميا فى مصر وتقوليللى جواز

جواز ايه وعرفي ايه قلبك ابيض
:)

فرنسا هانم said...

يا حبيبتى الغاليه الجواب بيبان من عنوانه
هى قالت انا لا اتحدث عن الشرعيه
والزواج اصله شرعيه
حتى المأذون اسمه مأذون شرعى
والمحكمه المهتمه بامر الزواج كانت اسمها المحكمه الشرعيه
يبقى هى بتتحدث عن سراب
وعن انحلال

الفاتح الجعفري said...

والله الواحد مش عارف يقول ايه
هو كل مصيبه تطلع يبقوا عايزين يقننوها ويخلوها شرعيه
مش عارف ايه ده
يعني الشواذ عايزين يبقي ليهم حقوق ,وبتوع الجواز العرفي ,والنصابين والحراميه
مش عارف ليه كده هو اي حد بيعمل معصيه ليه بيبقي عايز يحللها لنفسه
وبعدين كده هيساعد علي انتشار الفاحشه وبالعكس يزيد الظلم اكتر
يقول الله عزوجل
ان الذين يحبون ان تشيع الفاحشة في الذين امنوا لهم عذاب اليم في الدنيا والاخرة والله يعلم وانتم لا تعلمون
--
شوفي بقي اللي بيرتكبوا المعاصي والفواحش مش ممكن يعيشوا زي بقيت البشر العاديين ,بالعكس مهما حاولوا هيفضلوا فئه منبوذه ساقطه سواء الشواذ او بتوع العرفي او اي حد
لانهم ببساطه يخالفوا الفطره
يقول الله تعالي
ام حسب الذين اجترحوا السيئات ان نجعلهم كالذين امنوا وعملوا الصالحات سواء محياهم ومماتهم ساء ما يحكمون
--
استمري في المقاومه يااابي
واكيد هننتصر ان شاء الله
وجزاكم الله خير

صحفية روشة said...

با بنتى انتى استاذة
بتنقى مواضيع صح
وبتتكلم كلام صح
استاذه والله

الربان said...

تحياتي

دائما ما نجد عنك الجديد و المفيد...و اسلوب خفيف رشيق لمعالجة الموضوع..

في رأيي :

1ـ ما يتم بين طلبة الجامعات و سنجد انه اكثر انتشارا بين الابناء المدللين
من ابناء الطبقة فوق المتوسطة في المجتمع.

2ـ هذا الزواج ليس بعرفي...لان الزواج من شروط صحته الاشهار...و هذا ما يتم
عادة عن طريق الزغاريد و الطبول و دعوة الاهل و الجيران و الاحبه للحضور..
بينما هذا النوع من الزواج لا ينطبق عليه هذا الشرط...ففي رايي هو زواج
سري و ليس بعرفي.

3ـ الزواج العرفي يقصد به الزواج الصحيح شرعا المستوفي كافة الشروط و لكنه غير مسجل لدي السلطات المختصة
بالدولة....

4ـ زواج المسيار...افتي بصحته بعض المشايخ الاجلاء مثل القرضاوي..و هو زواج مستوف الشروط و الاركان...لكن
تتنازل فيه الزوجه بمحض ارادتها عن
بعض حقوقها...مثل نفقة الزوج عليها
او المبيت لديها...
القصد من هذا الزواج هو الإحصان للمرأة... و خاصة ان بعض النساء
لا تستطيع ان تعيش بدون رجل في حياتها
يعفها...و يرعاها.

5ـ ما أكثر المنظمات و الجبهات و الهيئات...التي تتحدث عن حقوق الانسان
و حقوق المرأة...و غيره...هذا في رأيي
بعض الاشخاص الذين يحاولون ام يجدوا لهم
دورا امام الإعلام و الحصول علي الاموال
التي توزعها سفارة الولايات المتحدة الامريكية سنويا علي مثل هذه الجمعيات
و الجبهات و المكاتب.. و الباقي معروف.



تحياتي و اعتذر عن الإطالة.

دمت بألف خير.

appy said...

سميه

مين يهيص فين طيب ما هو حرام يا سمسمه يا قمر وبعدين دول مش بتفرق معاهم يا حبيبى عرفى ولا على شريط حتى ربنا يهديك للصح ومعاكى يا قمر



كلاكيت تانى وتانى

صديقتى العزيزة المفجوعه هانم يعنى اعمل فيكى ايه صومى لغايه الظهر وافطرى هههههههه وبعدين انتى مسمعتيش الفته اللى أجاز شرب السجاير ههههههه فى رمضان طيب انت مش بتشربى بدليها باى حاجه نورتينى يا سكر


عبده الرايق

نظام صدقات ده يعنى هيعملوا بيه كوبنات هو كمان ولا ايه ههههههههههه نورت يا رايق


مجداويه

حبيبة قلبى الا الحزن برضه لا مش موافقه الاباء والامهات يقدروا يحتوا اولادهم انا واثقه من كده ربنا يكون فى عون كل الاهل يا رب ويقوى ايمانا جميعا

appy said...

همس الاحباب

انا دماغ بجد طيب ازاى دى خرفان خالص بس عموما ربنا يكرمك وميرسى ليك لا اوعى حد يتكلم عن جناح الفراخ بتاع ده محصن يعنى عندنا حصانه يعنى خيل عربى اصيل ههههههههه ربنا يستر على اولادنا واخواتنا ونوعيهم



white heart

وليه تقطع تعالى اقعد جنبى وانا افهمك الست الهبله عاوزة تعمل قانون للجواز العرفى وليه تدوخ مش ميت مرة قولت لك خد دواء طيب انا حكمت عليك بالحبس هنا فى الكوكب لغايه لما تخف نورت يا اطيب قلب


حدوته

احنا حاسين انا وانت وغيرنا فاهمين ده دورنا اننا ننصح ونقول لا ومنحللش حاجه حتى لو هى فى مصلحتنا بس غلط وكفايه شرعا بس .....بص موضوع بنت وولد الولد كمان مش هيقبل على اخته كده فميعملش كده وربنا يهدى الجميع يا رب



حدوته مصريه

ايوه انا جاى ربنا يستر هركب المركبه وجايه

appy said...

بحبك يا مصر

ايه يا قمر هدى اعصاب حضرتك بس انا هفهمك احنا ده دورنا احنا لينا ولاصحابنا هو ده الغرض من الموضوع فهمت يا سكر




الشارد

الجواز ولى واشهار صح والمأذون اتعمل لكده لان زمن الرسول غير زمنا فهمت وبعدين اقعد هنا بلاش تروح هناك طالما هناك بيخنقك ههههههه تقول لمين ان فيه اولويات دى حكومه فاشله ما هما لو ظبطوا لااقتصاد هينهى على الهبل التانى بس



محمود المصرى

ايه يا راجل انا انتقلت لجدول الاعمال من بدرى فينك الا مين يا اخويا اللى بتقول عليه ده يعنى حد مهم قوى كده يعنى ولا ايه...هو لسه ايه اللى مش فيه انا فاهمه دول ناس عاوزة فعلا تحلل الزنا طيب ما هما الشباب اصلا متنيلين بدل ما يحلو المشكله بيقننوها يا محمود ربنا يستر



عمو

يا اهلا بيك فى كوكبنا المتواضع لاول مرة
وميرسى لمجملتك اتمنى كل ما قلته ان كل واحد يراعى ربنا اولا ومن هنا هيجى المراعاه لكل شئ...وبعدين هو حضرتك قلبتها كافيه ليه انا عندى خرفان هنا مش بتحب الدوشه هههههههههههههههههههه


بطوط الحبوب

ما بلاش انت احسن افكرك فين المصروفه يا امينه ههههههههه يعنى نجيب جوارى وتأخد انت المصروف منهم هههههههه نورت يا احلى بطوط

appy said...

مهند

الحمد لله ان حاجه دخلت دماغ يا صديقى انا معاك فى دى بس هما عاوزين يحطوا شرعيه للتانى مش واخد بالك حضرتك يعنى بين الطلبه ازغرط ولا اسكت انا عارفه ان فيه حالات بيجوز فيها الموضوع ده زى الارمله اللى لها معاش دى اهم بس ليه برضه ميخلوهاش عادى ويسبوها تأخد معاش ويلغوا الحاجه العرفى من الاساس علشان ميكونش فيه لخبطه وكل واحد يفتى صح ولا ايه نورتنى يا مهند


مروة الزارع

قلبى النون تعيش جمهوريه مصر العربيه قولى ورايا يا قطه احسنلك انتى عارفه هحرمك من الكوسه خالص واهو بالمرة ينوبك فيه صواب واسمع النشيه الوطنى تانىههههههههههههههه


نضال

اخى العزيز تفرنج بقيت من الفرنجه يا نضال لا حول ولا قوة الا بالله معلش خد الدواء وان شاء الله تخف وتكتب عربى تانى يا قمر ههههههههههههههههه

appy said...

هيثم

الازمه عامله زى الدمل بيسبوه يشوفوا هيعمل ايه هينفجر يبدئوا يحلو مش هينفجر ويصفى لوحده يبقى يا دار ما دخلك شر وبما اننا متعودين على المسكنات يبقى خلاص فهمت ولا اوضح يا قمر


د/اجدع بنوته

سمسمه اللى ضحكتها بتنور العالم وصوتها بيجلل فى ودنى ربنا يستر علينا يا اححلى سمسمه


نسرين بسيونى

يعنى شردتى الرجاله يا نسرين مش حرام عليكى بزمتك هههههههههه كده الرجاله هتقلب عليكى نورتينى يا حبيبة قلبى

SKOBL- Little Lazy Me said...

أولا نورتينا بزيارتك .. ثانيا .. موضوع الجواز العرفي و كل القرف اللي ملى المجتمع ده بسبب الوضع الاقتصادي العظيم .. هو اللي خلى الولد عارف انه عمره ما حيلاقي شغلانه و اذا لاقى عمر مرتبه ما حيكفيه يجيب شقة و اذا جاب مش حيلاحق على مهر و شبكة و غيره و غيره .. يبقى الواد يأس من الحلال .. طيب و البنت .. ما هي برضه نفسها تتجوز و خايفة لا تعنس و عندها مشاعر .. ييجي واد ربنا يسامحه يرسم نفسه ملاك و يفضل يدحلب يتدحلب لحد ما تحبه و يقوللها نتجوز عرفي و بعدين أهلك يوافقوا و ده الحل الوحيد و هي تحت ضغط رغبتها في انها تتحب و اليأس من أي فرصه تانية و غياب الوعي و نوم الأهالي في العسل .. بتوافق .. قلتلي بقى غياب الوعي و نوم الاهالي .. و ده برضه لأن الهالي طالع عينهم بيسعوا ورا اللقمة و الرزق عشان يأكلوا ولادهم في زمن بقى كله مظاهر و فشخرة و عته .. و في وسط كل الشحتفه دي عشان الجنيه اللي ما يستاهلش بينسوا يربوا ولادهم .. يلاقوهم مدمنين .. متجوزين عرفي .. عبدة شيطان .. تلاقيهم ينهاروا و يسالوا بمنتهى الغباء .. ليه يا ربي .. ده أنا ما حرمتوش من حاجة .. يبقى الحل ايه في الاقتصاد بتاعنا .. لازم نعمل ثورة و نقتل .. الجنيه طبعا عشان هو اللي مرجعنا ورا .. ممكن نجيب عمله نسميها شزوفت .. انا عندي احساس انه حينجح و يبقى بخمستاشر دولار استرليني .. يلا بقى .. بس بجد الأقتصاد هو المحرك ورا كل حاجة منيله بتحصل في بلدنا
تحياتي

appy said...

فرنسا هانم

القلب الكبير بتاع المدونين اه والله انحلا وانفلات وكفتات يا اختى العزيزة تحيه لاغلى فرنسا فى الدنيا وشوفتى الباركينج بتاع العجله اتوضب ازاى اى خدمه براحتك يا غاليه


الفاتح الجعفرى

انت عارف كلامك مبعرفش اتكلم وراه خالص ادينى مرة فرصه ازنقك فى كلمه يا راجل ههههههههههه وبعدين ايه استمرى فى المقاومه مش قولت لك انا اخرى جناح فرخه اذا عرفت امسكه شكلك هتودينى فى شجرة ههههههههههه نورت يا ابو المعارك


صحفيه روشه
الله يخليكى يا قمر وانتى كمان والله مواضيعك سكر زيك خالص نورتى الدنيا

appy said...

استاذى /الربان

ربنا يبارك فيك على الكلمتين الحلوين دول
بس انا مش مع زواج المسيار لان الزواج شكل اجتماعى متكامل كمان والمسيار بيفقد الموضوع ده بس
ربنا يستر علينا يا رب وميرى لزيارتك اللى بتنور الكوكب كله
وحضرتك متعتذرش عن شئ ده شرف ليه تعليقك هنا وان مواضيعى بتعجبك







SKOBL- Little Lazy Me

يا اهلا وسهلا بانور اللى عندنا بص النقطتين اللى انت قولتهم لو راجعت بوست عاوزة اتجوز ميكانيكى وبوست ماما وبابا دقه قديمه هتلاقينى اتكلمت ونبهت للحاجات دى تسلم ايديك وميرسى لوجودك فى الكوكب خد خروفين باقى هديه اول زيارة وانت خارج هههههههههههههه

اجندا حمرا said...

صديقتي العزيزه ابي

للاسف يابنتي الفتاوي مابقاش فيه اكتر منها و الجواز العرفي بقه منتشر جدا و عمال يزيد و خصوصا مع الغلاء اللي بنعيش فيه
و تلاقي جمال البنا مطلعلك فتوي بتقول القبله تجوز بين الغير متزوجين و لو وصلت لزنا تجوز برضه طالما اول مره شوفتي بقه الفتاوي ديه الله اعلم حتودي لفين

تحياتي ليكي ياقمر

كلاكيت تانى وتانى said...

ميرسى يا مرشدى الجميل ع حط الصورة والأغانى وبعد الجمايل واللة اهوة 1 3 7 8 00000000 خلاص كفاية

ياسر حسين said...

حقيقي أسلوب كتابتك مرح للغاية
وإن كان يندرج تحت مسمى الكوميديا السوداء
لأن شر البلية ما يضحك

خالص تحياتي

walaa said...

ههههههههههه
دول ناس بيحولوا يلهوا الناس عن الغلاء والفساد اللى فى البلد بحاجات تانيه العن
واااه صحيح هما ولاد الناس الغنيين بيتجوزو عرفى لييييه
مش انحلال فى البلد نتيجته ايه وبس
والبنت تسمح لنفسها تعمل ليه كده الا من قلة ان الشباب مش لاقيه تتجوز
متعرفيش فين الحقيقه اصلا
تحياتى ولاء

بنت القمر said...

ههههههههههههههههههه
دمك عسل تحياتي

appy said...

اجندا حمرا

ايه الفتوى دى هى دى غير اللى........... اه فهمت طيب بجد منهم لله هما الناس دى مش فاهمه ولا بتستعبط
نورتينى يا قمر


كلاكيت تانى وتانى
لو قعدتى من هنا للسنه الجايه تعدى هتلاقى جمايلى زى البحر مش هتقدرى تعدى ههههههههههههههههههههه اى خدمه يا حبى


ياسرحسن

ميرسى ليك على ذوقك المدونه بتنور بحضرتك خالص

appy said...

ولاء

لا خالص دى ناس مستعبطه وهتودينا فى داهيه يا حبيبتى او عاوزة تشتهر بس
نورتينى ونورتى الكوكب



بنت القمر

يااااا بنت القمر عندنا يا مرحبا يا مرحبا مش تقولى كنت فرشت الكوكب ورد ميرسى ليك ونورتى الكوكب كله

Sharm said...

والله كنت داخل اكتب تعليق و بعدين لقيت التعليق عندك بالحجز و الاسبقية .. اول و اول مكرر و تاني و تالت

نسوني انا عايز اقولك ايه

مدحت محمد said...

ياسلام على الدماغ ياريت لو يعملو قانون كمان يشرعو بيه المخدرات والسرقة والزنا
وهتبقى عيشة

المفقوعة مرارتها said...

في جوازات تانية كتير غير الجواز العرفي نزلت في السوق وبيعلنوا عن نفسهم في التليفزيون كدة عيني عينك ذي زواج المسيار
مش عارفة الناس دي هاتودينا فييين بعد كدة
سلامي ياقمر

عمو said...

وعندك واحد قهوة على ماية ساقعة للحاج وشاى ميزة للأستاذ
ـ وشيشة حممى للست ـ
اعتذر
انى لم اقصد ان اطلب تلك المشروبات طبها ولكن تلك صورة من الصور المقلوبة
عفوا للتداخل
شووووووووووو
بصوت واطى اهو علشان اللى مش بيحبو الدوشة
مشفق علكى من كتر التعليقات والردود

NIDAAL PAL said...

انتى خليتى فيها قمر ولا بتاع بقى
ايه اتفرنج دى .. انا مش بكتب منظرة يا آآآبى
بس لانك انتى بنفسك شوفتى الكلام لما بكتب بالعربى بيظهر عندك ازاى و حاولت احل المشكلة بالاينكودينج
لكن مش عارف .. فلازم اكتب الاول على الوورد بأستايل Arial
و اخده كوبى و بعدين بست .. شغلانة يا آآآبى .. وانا مو فيا دماغ روحت كاتب بالانجليش الطووووول دى كل الحكاية
بس متأكدة انى هخف يا آآآبى

رهف said...

انا اول مره ازور المدونه بجدبهرتنى
انتى جامده جدا اتكلمتى عن موضوع خطير فى قالب كومدى بحت وموضوع دماغ غازات سامه هلكنى ضحك
بتوفبق ياآبى
مع خالص ودى وتقديرى

الشنكوتي الكبير said...

بقولك ايه قبل اي حاجه الفرخه اللي انتي قايده جناحها دي اديني منها اي حاجه انشاله الزور بس
مش مهم
ثانيا
عرفي ايه اللي انت جاي تقول عليه
كل الحكايه واحد عايز واحده وهي مش موافقه تخش في حاجه حرام بس هي بدأت تلين معاه طيب يكمل عليها ازاي يخليها تحس انها مش بتعمل حرام ولأن هي اصلا على شفا الوقوع في حفرة الحرام بتقولك اهو كده يبقى مش حرام
وقيسي على كده كتييييير
في بلدنا كل حرام بنحلله بطريقة ما اشطر ناس نلف وندور
والله خايف نبقى في الأخر زي اليهود لما ربنا قالهم عقابا ليهم ميصطادوش يوم السبت فبقوا يسيبوا الشبك في المياه من يوم الجمعه ويلموه يوم السبت لأن الحيتان بتعدي يوم السبت فيبقوا قال ايه ماصطادوش الشبك هو اللي بيصطاد لوحده
عموما ربنا ينجينا جميعا وزي ما انتي قلتي احسن رد هو لو كل واحد يرضى بده لأخته ولبنته يبقى ماشي يعمل كده براحته
سلاااااااااااااااااااااام

appy said...

sharm

هو انت نسيت ولا اتكعبلت على الكوكب ميرسى للنور اللى عملته فى الكوكب
وبعدين اقف فى الصف لو سمحت ههههههههههههده طابور عيش


مدحت محمد

ما هو القانون ده بيشرع الزنا عاوز ايه تانى ههههههههههه المخضروات مزروعه جاهزة

appy said...

المفقوع مرارتها

والله يا حبيبى مش ناقصين اقفلى تليفزيون الجيران وبلاش تتفرجى ههههههههههههههه


عموووو
لا حضرتك براحتك خالص انا بهزر مع حضرتك وعادى يعنى انا فهمتها والله ههههههههههه بس برضه فى سرك بدون صوت عالى انا بشيش يعنى انا صورة مقلوبه بس الحمد لله على اول الطريق فى انى ابطلها خالص هههههههه

appy said...

نضال

ايه الدوشه دى اللى انت عاملها اقف ساكت خالص هههههههههه
انا عارفه والله المشكله انا بهزر معاك مبسوطه بالثقافات بتاعتك وفيه امل يا ابنى لو قعدت تلات ايام تشرب ميه بسكر قبل النوم هههههههههههههههه


رهف
الله يكرمك وميرسى لذوقك يا قمر ونورتنى الكوكب وخدى خروف وانتى ماشيه بقى فى ايديك هديه اول مرة هههههههههههههه

appy said...

الشنكوتى

ايه ده انت داخل على طمع ولا ايه لا اسمع الا فرختى دى اللى طلعت بيها من الدنيا ههههههههههههه
وتسلم ايديك يا باشا على الكلام وفعلا ده صح والله بجد يا ريت تكتب تعليقك ده بوست عندك يا ايهاب بجد مش هزار ومتخافش انا عليا المعازيم ههههههههههههه
وده علشان نوضح حاجات للشباب ونعمل حاجه ايجابيه بقى