انا اخدت حقى ..حد هيتحرك ولا باركنج باركنج


ايووووون اللى كتبته فوق ده انجليزى مش عربى ههههههه وحصل بلا حرج فى مصر وتحديدا فى القاهرة الجديدة اللى مبقتش بنت ام عز .
بما انى عندى هوس النظافه وبتجيلى حساسيه فى عنيه ومراخينى وبهرش فى شعرى (تقريبا بقلب على قرد هههههههه) من عدم نظافه السلم اللى فى العمارة بتاعتنا وكمان الجناين والشارع . هى الجناين المفروض تتنظف يوميا او على الاقل كل يومين وكمان السلم مرة فى الاسبوع بس بما انى عندى فى العمارة مش اطفال لا دول الجيش الخامس فأول ما السلم يتنظف يجروا عليه ويجمعوا الورق ويرموه من تانى وبما ان اهاليهم عاملين سيئات مجتمع (سيدات سابقا) فمعندهمش اهتمام بالموضوع خالص وانا تعبت ومش بيتكسفوا على دمهم ومحدش بينظف والكسل بقى محدش عاوز يعمل حاجه ولازم يعتمدوا على غيرهم ....المهم انا خلاص قررت الانتقام من الأشرار ركبت بطوط وشحنتها على الأخر وبقت زى الثور اللي شاف فنله حمرا ورحنا دخلت لمدير الشركه المسئوله عن النظافه يقولى ارتاحى حضرتك قولت له مفيش راحه قولت له اسمع سلم مش نظيف جنينه مش نظيفه محدش مهتم باى حاجه انتم مستنين ايه لما يطلع علينا حشرات وتعبانات من الجناين والمكان بقى فيه كلاب بتجرى ورايا وانا راكبه العربيه فرد بأدب وده غصب عنه لان عاوزة اقولكم صوتى كان بيهز القاهرة الجديدة بلا فخر ههههههه (وده لاثر رجعى لانى رحت حوالى اربع مرات واتكلم بالذوق وبرضه يهملوا تانى يتعدلوا مرة واحده بس)فقررت المرة دى استعمل خطه مضاده للذوق والأدب واصهلل زى الحصان وفى الأخر بعد ما قالى هنعمل كل حاجه قولت له متشكرة

بس على فكرة انا عملت فيكوا محضر فى قسم الشرطه رقمه 1009 وقولتها وانا بجرى على الباب زى الفأر اللى واقع فى حله شوربه سخنه.

وبرضه النحله والدبور اللى فى دماغى مسكتوش قعدوا يزنوا عملت ايه بقى ايوووون رحت للمهندسه سونه اجدع ناس هههههههه والله اسمها سونه دى فى البيئه عندنا اللى مسئوله عنها طلعت ست ذوق ومحترمه واتكلمت معاها وفهمتها اللى بيحصل وابتدت عجله الروتين الهبله تقولى طيب هطلبك المهندس زعبوله تروحى له فى المكتب اللى جنبى تقولى له طبعا لقيت الدبور خبطنى وقالى هتهزرى دول بيباصوكى لبعض يا هانم ضربته على قفاه وقولت له استنى رحت بقى للمهندس زعبوله راجل محترم وبااااااااااااااارد اخر حاجه وكان قدامه اتنين عندهم مشكله وانا دخلت ونفشت ريشى وقولت عليا وعلى اعدائى حمرت عينى ونكشت شعرى ودخلت من غير صباح الخير قولته اسمع حضرتك الموضوع وقمت حكيت على عدم النظافه قالى طيب هتصل بالشركه قولت له اسمعنى كويس ده ميخصنيش ده شغلكم مش كل واحد قاعد على مكتب وماسك تليفون ويقولى هتصل انتم مستنين الناس تجيلكم ولا ايه انا مليش فيه والست والراجل ياعينى اللى كانوا قاعدين يبصولى باستغراب قوى لانهم تقريبا بيتكلموا بصوت واطى معاه ههههههههه وفجأة قالى طيب انا المهندس المسئول وهكلم الشركه اقعدى علشان تتاكدى قولت له مش قاعده انا مش فاضيه لكم انتم عاوزين واحد يمشوا وراكم يقولكوا تشتغلوا ازاى كل ده والراجل متنح بجد مش فاهم انا ليه بتكلم كده (عبيط مش عارف ان النحله والدبور هما السبب )

وانا ماشيه قولت له مين مسئول مباشرة عن شركه بتاعت الجناين قالى ادخلى ادارة الزراعه جنبنا قولت ايوه يعنى اسمه ايه قالى المهندس اليف الناس اللى قاعده بدأت تبتسم ليه وسمعت صوتهم عالى بعد ما طلعت ههههههه وانا خارجه رميت قله فى وشه زى الاولى وقولت له على المحضر ههههههه.

بس مجرتش قولت له المرة الجايه مش هجيلكم هنا هروح للوزارة على طول وهتبقى مشكله وخدت ديل بنطلونى فى سنانى وادحرجت زى الانبوبه جرى على ادارة الزراعه نفس اللى حصل عملته هناك بس سى اليف مش موجود اقولهم فين يقولولى بيمر قولت لهم على اللى عملته وبرضه المحضر قالوا ليه هنتصرف قولت له انا مش جايه تاني وده اخر انذار انا اتقرفت.

المهم النحله قامت قرصتنى فى لسانى وقولت له ممكن اسالك سؤال هو سى اليف لما بينزل من هنا بيمشى من الباب ولا السطوح رفع حواجبه زى شنبات الصرصار وقالى من الباب ليه قولت له وانا معتمده عليكوا تراعو الجنينه عندى اذا كان قدام المبنى اللى المفروض انه خاص بشئون البيئه مش نظيف اتكسف الراجل وقالى العماله اصلها قليله
وهنا انفجرت والشكمان ضرب وطلع دخان من ودانى قولت له عماله ايه مش بتشغلوا الشباب ليه ومخلين البلد فيها بطاله ما الشباب مرمين على الكافيهات زى البسله اللى اتفرطت الله يحرق نظيف على اللى مش نظيف على اللى ماسك دى بلد معندكوش تنظيم فى اى حاجه. ومشيت والنحله والدبور فى ايدى وحذرته فى خلال يومين يعمل اللى قولت له عليه والا هتصرف بس انا مكنتش عارفه انا يعنى ممكن اعمل ايه بعدين ههههههههه وقد كان يا حلوين السلم اتنظف ومرتين فى الاسبوع اللى فات الجنينه بقت زى الفل وجابوا واحد كمان للنظافه فى الشارع بدل عم محمد راديو لانه راجل كبير وطول اليوم ماشى يلم ورقه ورقه فى كيس ويقعد باقى النهار يرتاح ويسمع الراديو.
بجد انا مكدبتش انا رحت القسم قبلها بيوم بالليل وعملت محضر فى الشركه المسئولة عن النظافه حتى اونكل الظابط استغرب من المحضر بس طلع ذوق وقعدونى وانا كنت متنكه ونافشه ريشى مش فاهمه ليه وعمل المحضر وسالنى بتعمليه ليه قولت له علشان الحشرات والتعبانات والكلاب اناخايفه وحسيت انه عاوز يضحك بس كتم فى قلبه هههههههه وكانوا تلاته ظباط فى الاوضه وقعدت وكتب المحضر وقالى اقريه وامضى عليه وبعدين خلصت وماشيه قالى استنى خدى الرقم قولت له رقم ايه اصلها اول مرة اعمل محضر ههههههههههه قالى فيه رقم وقالى بتبقى ادارى قولت له ليه قالى لان محدش اتعور فسكت وقولت له يعنى هطنشوه ولا هترموه فى الباسكت بتاع الزباله ولا ايه قالى لا هنبعت لهم الشكوى وكمان تلات ايام هتلاقى المحضر فى النيابه شكرته ومشيت واول ما رجلى جت بره الاوضه جريت زى القطه وسمعتهم بيضحكوا عليا مووووت (حد يعرف ليه)

نستفيد من هنا ايه يا حلوين:-

1-اننا منفرطش فى حقنا ما هى شركات النظافه بتأخد مننا فلوس على قلبها قد كده وانا افرط فى حقى لييييييييييه

2- زعق وانفش ريشك زى الديك الرومى وانت صاحب حق

3-هدد كل اللى فى العمارة ان هيتعمل فيهم محضر هما كمان علشان عدم النظافه ههههههههههه شعب يتقرص بالفلوس وناس تخاف متختيشيش

4-كل واحد يعمل شغله بما يرضى الله واللى يقصر التانى يديله على قفاه ومنسكتش ونبطل سياسه تكبير الدماغ

5- اخذ الحق نفشه ريش مش هز كتاف هههههههه

بجد انا اخدت حقى وبقى كل شئ تمام هتتحركوا ولا هتفضلوا سلبيين على كده كل حاجه بلغ عن الافران اللى بتبيع الدقيق فى السوق السوده بلغ عن اى غلط متسكوتوش ومتركنوش فى الباركنج بتاع الحياة وبس احنا بنأكل علشان نعيش مش بنعيش علشان نأكل فيه اساسيات كتير تانيه وبتصليح الاخلاق والتصرفات الدنيا هتعدل


كان معكم سياده اللواء طبيب جراح كيميائى مسئول عام النظافه عن القاهرة الجديدة آبى هانم كعبل الغزال المتحنى.

ملحوسه منحوسه :- انا مسافرة المنصورة حد عاوز حاجه ومسمعش حد يقولى هاتى عيش وانتى جايه دا انا هوريكوا مهازل بالصور عند فرن العيش انما ايه مقولكوش عيش طعمه وريحته ولا الزبده الفلاحى هههههههههههههههههه وكل سنه وانتم طيبين علشان كل المناسابات اللى جايه وقلبى معاكوا ومعاي فى هديات عيد الام خخخخخخخ

75 اخبط وقول رايك:

الطائر الحزين said...

مش هحجز

Anonymous said...

طبعا مع فروق التوقيت أختى آبى و الكلام على التاسعة و النصف أعتبر نفسى الأول .
ثانيا أنا أحترم أخى الطائر الحزين لأنه حريص على متابعة أخبار كوكبك الفخيم .
ثالثا و ده الأهم أحمدى ربنا و بوسى أيديك وش و ضهر أنك سيدة لو كنتى راجل كانوا نفضوا له قفاه و طرشوه الدم .
أبو خالد

Anonymous said...

نسيت أقولك سفر سعيد و عود حميد بإذن الله و رجاء منك أن تسلمى لى على المنصورة و أهلها أجدع ناس يا فواخرية
أبو خالد

appy said...

استاذى/ الطائرالحزين

اممممممممم انت قاعد تفكر كل ده تطلب منى عيش ولا لا طيب خلاص متتعبش تفكيرك هجيب لك وخلا بس ادينى العنوان اجيبه لك هوم تليفرى ههههههههههههه وبعدين انا قولت مفيش حجز قبل كده انتم ليه مش بتسمعوا الكلام لازم اعمل فيكم زى ما عملت فيهم هناك وكسبت معانا بجنيه عيش ههههههههههه




اخى العزيز / ابو خالد
ايوة هو فيه فروق توقيت فى الكوكب ما تحسبها حضرتك هههههههه طبعا استاذى واخى الطائر الحزين بجد من الناس الغالين زى حضرتك عندى اللى بتأنزح وبفرح ولاتنطط انى بشوف تعليقهم وانه ببهتم باكوكب بتاعى
لااااااا انا زعلانه منك فى ثالثا دى المفروض بجد منسكتش ما كان ممكن يكبروا دماغهم والله وبعدين سواء راجل ولا ست المهم منطلبش بحقوقنا ليه وبعدين هما عارفين انهم غلطانين
انا اقولك علىالطريق انت انفش نفسك والبس نظارة شمس واياك تقلعها هيشوفوا الخوف فى عنيك على طول ههههههههه وزعق بس بعد ما تتكلم بذوق لقيت منفعش ادخل شمال على طول بس اوعى وشك والحيطه ههههههههههههههههه
وربنا يكرمك هسلم لك على المنصورة واحد واحد وكل سنه وحضرتك طيب والاسرة الكريمه

A.SAMIR said...

كل دة حصل في القاهرة الجديدة؟
اومال مصر القديمة بيعملوا فيها ايه؟

دكتور حر said...

جدعه
جدعه
جدعه









هي بتبدأ بالنضافه
ومصيرها هتكبر ان شاء الله

شدي حيلك
والله ينور
وما ضاع حق وراه مطالب

Anonymous said...

شعرت أنكى ستسافرين من أجل زيارة الأم
أرجوكى آبى قبلى يداها و قبلى قدماها خاب و خسر من أدرك أحد و الديه و لم يدخلاه الجنة
أختى العزيزة كل عام و أنتى و أسرتك الكريمة بخير

Anonymous said...

شعرت أنكى ستسافرين من أجل زيارة الأم
أرجوكى آبى قبلى يداها و قبلى قدماها خاب و خسر من أدرك أحد و الديه و لم يدخلاه الجنة
أختى العزيزة كل عام و أنتى و أسرتك الكريمة بخير
أبو خالد

appy said...

a.samir
نورت الكوكب وشايفه دى اول زيارة وجاى ايديك فاضيه مفيش كيلو فول ولا ذرة للخرفان ولا قلتين يالا ما علينا ههههههههههههههه
ماهو انا لو سكت القاهرة الجديدة هتتحول للقديمه هههههههه وبعدين هما مهتمين بمناطق مناطق بس لان عندنا اجانب ووزراء وحركات كده يعنى



دكتور حر

ربنا يخليك ويا رب الناس كلها تتحرك والله هنبقى كويسين نورت الكوكب والقاهرة الجديدة يا دكتور


اخى العزيز/ابو خالد
حاضر من عنيه وانا عندى الا امى حبيبتى ربنا يكرمك يا رب بس كلمه فى سرك انا بموت فى بابا برضه ههههههههه

الطائر الحزين said...

انتى مش واخدة بالك
انتى قلتى مفيش حجز

وانا قلت مش هحجز


فين العيش

DoctorAllam said...

لأ راجل من ضهر راجل
دا على كده الواحد يخاف يتكلم معاكي يارح رح ويركب فلتر ثلاثي على بقه
بس أنا ساعات بعمل زيك كده خاصة لما تكون حاجة تبع وزارة الصحة على أساس إني مشروع دكتور يعني
بأشخط وأزعق لو الحاجة بتاعتي مش خلصت على طول .. أمال يعني مش حعرف آخد حقي المادي ولا المعنوي من أم الكلية دي ولا إيه
وفي الآخر ينجزوني علشان يريحوا دماغهم خاصة مع طوووووووووووولي
هو عامة اللي يزعق ويشخط وينطر العالم بتفكره مسنود وينجزوه ، إنما اللي يتكلم بأدب مش يعبروه خالص ؟؟؟
عالم سلطة بصحيح
بس إيه التعبانين دي ولا مش عارف إيه اللي بتقولي عليه ؟؟

dr.Roufy said...

هههههههههههههه
بجد انتي عسولة وجدعة كمان آبي
فعلا ..احنا سلبيين ودا سبب الغم الى عايشين فيه
بداية من طابور العيش انتهاءا بالراس الكبيرة
:)

كل التحية

الفاتح الجعفري said...

التعبانات لالا الف سلامه
مين اللي تعبان ده؟
هههههههههه
لاوالله بجد موقف جميل جدا فعلا ,وايجابيه غايبه عن مجتمعنا للاسف بنعاني منها طوال النهار والليل
بنعاني منها في كل حاجه لحد اما هنموت بسبب سلبيتنا ,فعلا كل واحد قاعد مستني غيره يتحرك ويجبله حقه
بس عامة مشفيش حد هيغيرنا الا اذا كنا احنا عايزين كده
ولايغير الله مابقوم حتي يغيروا مابأنفسهم
بس ايه بقي
الحشرات والامراض والتعبانات اللي كانت هتخرج عليكم طيب وفين العقارب والوحوش وكل ده
ومستنين نشوف تحقيقات المنصوره ,بس اوعي تعملي كده هناك ,وبالذات في مشكلة العيش ,انا سمعت ان اللي هيتكلم في المشكله دي هيتشد علشان الفتنه الطائفيه وزعزة استقرار البلد وهيقولولك ساعتها باركنج باركنج
فعلا ايجابيه رائعه ربنا يبارك فيكي
وجزاكم الله خير

Desert cat said...

حبيب قلبى اجدع واحد ياخد حقه بدراعه
شطووورة مووووت
هو فى ناس كدا تخاف متختشيش وطول ما انتى ذوق معاهم يقولوا عليكى ضعيفه توريهم العين الوارمة
سورى الحمرا يستخبوا فى بير السلم
الا هو الراجل بجد كان اسمه اليف الناس
هو كان نوعه ايه طيب
لولوووووووو
المهم ابقى جيبى لى معاكى عيش من المنصورة بس خبي عندك واوعى حد ياخدوا لحد ما انا اجى اخده بنفسى اصلى يوم الجمعه مش هكون فى الشرقية
I will go to Isma

Soooo said...

!!! تعبانات
!!! تعبانات

طب والكِلِبه ايه موقفها هي والصرصارات ؟؟؟
------
بس تعرفي .. انتي جرعه اخر حاجه والله يابنت انتي
جرعه جرعه يعني
وفعلا .. اخد الحق نفش ريش .. مش هز كتاف
(ده فرارجي اللي بيتكلم ولا ايه)



ملحوظه
نحيطكم علما .. باننا عايزين بسبعتاشر جنيه عيش بلدي فااااخر .. اضافة الى كام دكر بط وكام جوز حمام .. ومش هنوصيكي عالرز
تجيبيليش معاكي دوا الماراتيزم بتاعي؟؟




سلاموووووووووووووز

راجى said...

عاوزك فى مشوار كده نخلص مصلحة فيها نفش ريش وضرب قلل ممكن ؟ عاوز اقرب ميعاد على الاجندة
دمك زى العسل

رونى المصرى said...

كان نفسى الحق اول تعليق
واااااااء
يلا عاتى بئه بس ياريت الحق الموضوع الجى
انا هاقرء الموضوع اللى انتى بتقولى عليه ده
تعليقى على الموضوع ده :
دى مشكله بجد والله عندنا بجد
بس لو احنا عملنا الكلام ده ده هايمشى بجد ولا هانضرب
انتى مجربه ولا ايه
rooney

appy said...

استاذى/ الطائر الحزين

فين العنوان هههههههههههههههه



د/علام

ابو طويله القمر انا راجل كل ده وراجل منك للى اكلت دراع جوزها هو يعنى مينفعش يتقال اى حاجه تانيه ههههههههههههه
وبعدين يا ابو جهل الكلمه دى معناه البتاع اللى بيقرص ويجيب سم ده للناس ثعبان جمعها ثعبانات شوفت الثقافات يا عطيات ههههههههههههه



د/ روفى

ايه النور ده كله ميرسى ليكى وايه الغيبه دى حمد لله على السلامه نورتى الكوكب يا سكر

appy said...

الفاتح الجعفرى

ايه بقى الجهل ده اعمل فيك ايه امال لغه عربيه وبتنجان ايه
تعبانات يعنى جمع ثعبان التصريف التلاتاشر بتاعها فهمت ولا اذنبك على الحيطه
وبعدين ما هى الجنينه مش نظيفه فهيطلع علينا الحاجات دى منها وبينى وبينك الجيران او بعضهم بيرموا حاجات ساعات علشان كده هددتهم ههههههههههههه
المنصورة انا مسيطرة هناك الفرن قدامنا على طول وبعدين ايهالفته الطائفيه دى هى غير الفته اللى بالخل والتوم عشنا وشوفناهههههههه
انا لاحمد لله عمرى ما اعمل باركنج خالص لعقلى ولا حقى نورتنى





سووووووووو

انت هتتريق ولا ايه بقى احنا فينا من الحركات القرعه دى وبعدين دى اللغه الحديثه فى قاموس آبى بتنجانى وانت جاهل اصلا تعبانات دى جمع ثعبان دول هتلاقيها التصريف التلاتاشر ههههه

وبعدين ايه جرعه دى اختار ما بين الاقواس (قرعه يعنى ----ولا جرعه دواء علشان افهم)

طيب هش من هنا بقى على العشه قبل ما اجيب رقبتك هههههههههه

الملحوظه ولا كأنى شوفتها ترررررررررررررارررررررر

appy said...

استاذى /راجى

حاضر حدد الميعاد والزمان وانا اجيلك على طول ههههههههه وميرسى ليك على ذوقك


رونى المصرى

لا والله مجرب متخافش يا قمر اتوكل على الله وانفش نفسك والبس نظارة وادخل على طول بس اوعى الحيطه هههههههه وبطل عياط مبحش الزن ههههههههههههههه

Soooo said...

تصدقي انتي جاهله
جرعه دي التصريف التلاتاشر من كلمة جدعه
وعاملالي فيها لغات وبتاع
اجري اجري


وبقى ماخدتيش بالك من الملحوظه
مااااااااشي
ماااااااااااشي
ليكي يوم
هيه
بس


طب بجنيه عيش بس حتى؟؟؟؟




سلاموووووووووووووز

عــــــدنـــــــــــان المـــصــــرى . said...

السلام عليكم ورحمة الله وبركاتة

اكيد علشان جديده ؟؟؟؟؟؟؟؟؟؟؟

بسد بجد برافو على الموقف الجاد ده

اهنيكى على الموقف ده

تحياتى

appy said...

قطتى الحلوة
قطة الصحراء هانم من غير كعب الغزال ههههههههههه

هو انتى شوفتى عينى الورم يا حبى كنت لابسه نظارة هههههههه وبعيط من تحتها
انا قولت اقول اليف دى كده من عندى ههههههههه اسمه المهندس شريف اسم مش على مسمى خالص
مش انا قولت محدش يقولى هاتى عيش قومى امشى من هنا احسن لك يا قرعه
وبعدين هتكونى فين هههههههههه السؤال الغبى اللى انا عارفه اجابته مقدما ههههههههههه





سوووووووو


ههههههههههه ولا اخدتى بالى من اى حاجه حتى بجنيه دى اللى انت بتقول عليها تررررررررررررراررررررر تن تن تن تن
وبعدين انت اللى جاهل ده التصريف بتاع جدعه هههههههه ده التصريف الرابعتاشر هههههههههه

appy said...

عدنان المصرى

اهلا وسهلا بيك فى كوكبنا المتواضع لا مش شرط كل مكان تقدر تعمل فيه اللى انت عاوزة اقرى بوست قديم عندى عن الرشوه وانت تعرف اسمه كل سنه وانتى طيبه يا هانم .....الناس عاوزة اللى يحركها
ميررسى ليك ونورت الكوكب خالص لدرجه ان الخرفان بتاعتى بترقص من الفرحه ههههههههههههههه

د/اجدع بنوته said...

برافووووووووووووو

والله برافوووووووووووووو عليكى

انا برده خدت موقف زى ده قريب

بس جامده اوى حكاية المحضر ده

ده احنا نبدا نخاف منك بقى

همس الاحباب said...

جدعة يا ابى
برافو عليكى
بس بلاش اتنفشى ريشك كتير
علشان انفلونزا الطيور ههههه
القاهرة الجديدة هههههه
ومال القديمة اخبارها ايه
هى الفوضى فى كل مكان كده والاهمال ورانا ورانا
تحياتى وربنا يكون فى عونك وترجعى من المنصورة منصورة باذن الله
تحياتى

Cleo said...

القاهرة الجديدة!!! وكمان بتقولى القاهرة الجديدة!!! لأ وبتقولى إن شركة النظافة لا بتنظف عمارات ولا جناين؟؟

همممم...

شكلك كدة ساكنة معانا فى العمارة :))

إحنا أصلا أصبح لا عندنا نظافة ولا أمن.. شركة الأمن فى البداية بتتعفد على عدد معين من الأفراد وتلتزم بيه... بعدين لما يجيلها مشروع تانى.. تسحبين نفرين من المشروع ده على نفرين من المشروع التانى وتوديهم المشروع التالت و أهو من دقنه وافتلله..

فعلا القاهرة الجديدة أصبحت محتاجة وقفة خصوصا لأن قلة النظافة وحوادث السرقة أصبحت لا يمكن السكوت عليها أكثر من ذلك..

بس يسلم الريس اللى اتنفش وسوى الهوايل :-)))

بحبك يامصر said...

ابى
ربنا يبارك فيكى يارب
هى دى الايجابيه المطلوبه لو كله
عمل زيك كده اكيد فى حاجات كتير
هتتغير فى موظفيين كتير بيرحوا الشغل
ومش بيشتغلوا اكيد تصرفك هيخليهم
يشتغلواوبدل ما هم محسوبين عالدوله موظفين ومن غير ما يعملو حاجه هيشتغلوا

تحياتى

مجداوية said...

ماشاء الله ما شاء الله ,الحركة النسائية وسياسة خدوهم بالصوت بتنفع أهه فعلا وما النيل المطالب بالتمنى ولكن تؤخذ الدنيا غلابا ممكن نعدل البيت ده على ضوء ما كتبت ونقول وما نيل المطالب بالباركينج ولكن تؤخذ الدنيا صف تانى ..جدعة يا آبى بس مش كل مرة تسلم القلة ممكن فى مرة واحد يلقفها ويدشها عليك ههههههه أنا باضحك اوعى تخافى من بشر طالما انت على حق ,,وأنا اقول القلل شحّة من السوق ليه

عبده الرايق said...

نو
نو
نو
انتى لسه بتعتمدى على نظافه يدويه
نو
ومن شركه نظافه ؟
نو
اسمعى مس ابى
انا هاعمل باسمك مناقصه نظافه فى نيو يورك او باريس
ومش هتكلفك كتير
تو مليونز دولار ان مانس
اظن مبلغ تافه

مروة الزارع said...

جادعة يا بنت

اةةةةةةةةة

هو انا كنت داخلة اقولك اية كنتى هتنسينى

كنت داخلة اقولك اية الاغانى الجامدة دى

(وش بيغمز)

ههههههههههههههههههه

ولا طلعتى رومانسية يا ااابى

:)))

mohand said...

اكتر حاجه ضحكتني التعبانات

هههههههههههههههههههه


بس بجد ايجابية ميه ميه

احيكي علي شجاعتك
بس متكونش في النظافة بس


تحياتي

فرنسا هانم said...

كده بقى انا هاروح لعمو اللواء
واعمل عشرين الف محضر نظافه فى المسئولين عن النظافه فى السويس
والمشكله انهم بياخدوا 3 جنيه مع وصل النور من كل عداد
غير المحلات
شوفى بقى يبقوا كام
عموما
انا عرفت الطريق
بس
قوليلى
انفش ريشى ازاى ؟؟؟؟؟؟

فزلوكة said...

عارفة المشكلة إيه؟؟
إن لو واحد اتكلم الناس مبتقفش مع صاحب الحق , لأ مع صاحب السلطة

الإيجابية شىء ضرورى جدا وصح جدا جدا

نفسى ألاقى الشعب دا إيجابى قبل ما أموووت
والله أمنية حياتى

ساعتها هتتغير حاجات كتيير لإن مصر بجد حلوة بس محتاجة ناس عارفة حقها وبتاخده ومبتخافش

دمت إيجابية

somaa said...

اهلا ايبى هو التعليق جاى متاخر بس معلش بقى مجنونه يعنى حاجاتها مش مظبوطه
انا حلمت نفس الحلم دا خير اللهم اجعله خير انى ماسكه فى رقبه الظباط عشان اخدوا رشوه...مش بالزمه الزبالين كانوا مظبطينا
تحيه منى اللى الزبال افندى الغلبان اللى كان بياخد تلاته جنيه ويوم ما يغيب نبهدله وبهديله من هنا
يا منضفنا ومظبطنا ...يا زبالنا المتين
تحياتى ليكى من مجنونه جدااا
لدرجه العقل سومه_87

بطوط حبوب said...

انا متغاظ من العربيه الى اسمها بطوط دى
متجبيش سرتها تانى خالص مالص
ومش عايزين عيش ولا اى حاجه
ال بطوط ال
والبوست يعاد بالعند بقى
فاكره الكلمه دى لما كانت بتتكتب فى ابتدائى
يعـــــــــــــــــــــاد

monaliza said...

حلوة العين الحمرا اللى انتى نورتيها عليهم دى
هتنورى المنصورة وسفرية سعيدة وتيجى بالسلامة

NIDAAL PAL said...

if we have 1 milion from 80 mil
are live in Egypt
i thing our condition will be better more than now
but how we can convince the ppl by alter mode of them life
the ppl were to ask them rights
but in the course of time ppl are forget them rights
we should decide now either die for our rights or life with out dignity..must overcome our scare

NIDAAL PAL said...

i mean 1 milion from 80 milion like u .. or like ppl can get them rights

حمادة زيدان said...

يا ست آبي يا ملكة النضافة
كان زمان بنؤل القطنة ما بتكدبش ... دلؤتي هانقول آبي ما تكدبش ومفيش مدام نظيفة من هنا ورايح آنسه آبي طبعا ... وكبروا بقي للقطنة ولنظيفة وخلونا مع ملكة النضافة الجديدة آبي

وجهة نظري said...

لية انت مفترية كدة؟؟ دول ناس غلابة وطيبين ومسكوهم مناصب، طيب يعملوا اية، يستقيلوا؟؟ لأ بجد حرام عليكي، اية يعني سلم عمارة مش متنضف والا الزبالة سارحة في الشوارع والا التعابين والفيران هجوا علينا، هما التعابين والفيران دول مش مخلوقات ربنا خلقها؟؟ ذنبهم اية بقي الموظفين الغلابة تعكنني عليهم يومهم علشان كام تعبان؟؟ إخص عليكي

كاميليا said...

برافو عليكى

انا بصفق لك

لو كل واحد يسيب البارك
ويطلب حقه
الدنيا هاتبقى أحلى بكتير

برافوووووووو
أصل أنا دايما بعمل زيك كده
فى كل مكان واى مكان

تحياتى

كاميليا

اجندا حمرا said...

برافو عليكي ياجميل ايوه كده لازم كل واحد يتحرك و يعمل اللي عليه
النضافه دي شئ مهم جدا و زي مابيقولوا من الايمان بستغرب من الناس اللي مش بتهتم بالنضافه و اللي بيعصبني برضه النضافه الشخصيه حاجه بجد توجع البطن

يالا حصل خير المهم ترجعلنا بالسلامه و خودي بالك من نفسك و ماتتأخريش علينا
سلام ياعسل

ضد الظلم said...

والله احنا زمان فى بيتنا كنا كلنا ايد وحده هو بيت اهالى كنا بنجيب واحد ينضف السلم مره فى الاسبوع والمره التانيه كنا احنا الى بنضف كل واحد بينضف الدور بتاعه وطبعا مهممتنا كانو بيخلونا احنا الى ننضف فمن الطبيعى اننا هنعتنى بالسلم ومنرميش حاجه لاننا احنا تعبنا بردو فى تنضيفه

انا بقى مش عارف اشتكى مين انا فاتح محل وبدفع 10 جنيه رسوم نضافه فى الشهر ومش عارف والله انا بحس انى بشتغل معاهم انا الى بنضف بردو قدام المحل وبروح ارمى الحاجه بنفسى وخلاص اتخنقت وتعبت والموضوع بقى صعب جداا

وطبعا انا لو روحت القسم مش هيعملونى ذى ما عملو حضرتك اكيد هاخد على قفايا ويقولولى هى نقصاك
وبس خلاص

دكتور بيطرى said...
This comment has been removed by the author.
Zika said...

بصي يا حاجه هلا هلا عالجد والجد يالا يالا عليه
مش انتي عملتي اسد هناك..برافو عليكي
ابقي قابليني لو حتي حد شال ورقه من الجنينه
لان بكل وضوح وبكل صراحه
البرووووووووووووووووووووووووووود
هو الحل العصري لكل مشاكل الحكومه
ولو عايزه الجنينه تبقي نضيف
تمسكي زي الشاطره راجل بتاع زباله محترم كده وشكله غلبان وتهرشيه ( تديله ) خمسه جنيه في ايده عتلاقي عينيه بتلمع وهييجي كل خميس وجمعه يكنس الجنينه ومش بعييد يزرعهالك مانجه كمان
اه رشوه .اه .. اوما ايه يعني ماهي مالهاش اسم غير كده رشواااااااااه

رئيس جمهوريه نفسى said...

لو كل واحد حافظ على حقه فى البلد دى زيك حجات كتير تتغير

haitham said...

آبى كل سنة وانتى طيبة المهم اختى حقك

أنا حر said...

برافو عليكي انت لازم تكوني قدوة لينا ونخدك مثل اعلى كمان علشان عرفتي تاخدي حقك
عقبال 80 مليون مصري يارب
تحياتي

رهف said...

ايه الأبداع ده
انا عايزه دبور ونحله لكل مواطن
عارفه احنا بجد لوبطلنا نكبرال جى ونعمر ال دى
حالنا هيتصلح
بالتوفيق ياقمر
مرسى على الخروف

Nsreen Bsunee said...

يا صايع يا صايع يا مصيتنا

سلميللى على المنصوره يا بت جزء من اهلى هناك
وقولى لماما كل سنه وهى طيبه وربنا يخليكم لبعض يا ابي
:)
حلوه اغنيه اصاله
يا عاطفي انت
فاهمك انا فاهمك
:)
:)
:)

WhItE HeArT said...

مبرووووك

دي اول مرة اسمع فيها ان حد في البلد دي خد حقه

عقبالنا يارب

بصراحه انا لو تعرضت لموقف زي ده كنت ههزأ في الجيران والراجل بتاع الجنينه وخلاص مش هوجع دماغي واروح اعمل محضر واستناهم ياخدولي حقي

البلد فيها قانون اللي هوه خد حقك بدراعك ومتوجعش دماغ الحكومه

المرة الجايه استخدمي القانون ده

وبالنسبة للمنصورة بيقولوا ان فيها حلاوة المولد كويسه ابقي هاتيلي سمسمية وفوليه وبصراحه بقيت الاسامي مش فاكرها المهم هاتي تشكيله معاكي

تحياتي

الشنكوتي الكبير said...

مش عايزين عيش طبعا عايزن حلاوة مولد وانتي جايه

ويا سلام لو تسلمي لينا على جمال المنصوره

واحمد صاحبي عايش هناك سلميلي عليه برده
متعرفيش احمد مش مشكله انا هابقى اسلم عليه بالتليفون وخلاص
سلاااااااااااااااااام
تروحي وتيجي بالسلامه

نوسه said...

آآبى انا مش هعلق ع البوست :)
هعلق على حاجه تانيه :))
كمية الاغانى الرومانسيه اللى بتحطيهاوتغيريها تجنننننننننن
وحاسه ان فى الامور امور يعنى :))
ربنا يهنيكى يااااااااااارب

مروة الزارع said...

داخلة اقولك كل سنة يا اابى وماما كمان طيبة وبابا كمان وان شالة ما حد حوش

:)

أنونيمس said...

عارفه يا آبي نظرية أن تعيش أسداً بتاعة الغلس عمرو أديب؟؟

اهو ده مثال حي للتطبيق
ألف مبروك وغقبال كل حد ليه حق في المخروبه دي

سمية said...

انا عن نفسى مقتنعة ان الدنيا بقت مش بالدراع و بس لأ و بالدماغ كمان

تحياتى لك و لدماغك

3ala asm masr said...

جدعه والله بميت راجل
هاتيلى بقى معاكى حاجه حلوه من المنصوره وانتى جايه

دكتور بيطرى said...

اخر تعليق ههها
والله عجبتينى فى إيجابيتك وإصرارك وصبرك على الإهمال واللامبلاة من جهاز حكومى فاسد فقد الإحساس بالحياة وعاش فى غيبوبة غاشمة وظالمة محتاج طريقة خاصة فى التعامل معه وهى طريقة (الخربشة والتأسد) اللى عملتيها فى مجتمع يحكمه قانون الغاب وإنا لله وإنا إليه راجعون!!!!!!!!!!!!!!!!!!!!

حازم سويلم said...

درس اليوم هايل يا آبى , وعقبال كل درس .. وبعدين هو ذنب علينا تسمع اصالة فى البلوج عندك
انا بحبها بس مش فى كل وقت , والا ده السلام الجمهورى لكوكب آبى

أنا إنسان said...

راجل والله يا أستاذه ابي
طول عمرك راجل
:)

.........................
وبعدين هوه انا كل ماغيب اسبوع اجي الاقي 3 بوستات جديده

انا مش ملاحق والله

...................
وكمان رايحه المنصورة
ياااااااااااااه
المنصوره
يابختك
!!!

طبعا ده كان امتدا للسلسله المستمره
حسسسسسسسسدد آآبي
:)

على فكره جميله جدا حكايه الدروس المستفاده دي
فعلا والله
عندك حق
أنا باعتبر كل ده
بسبب الاخلاق الغير سليمه اللي عند الشعب
ربنا يهدينا جميعا

وتروحي وتيجي بالسلامه ان شاء الله
وسلميلي على معهد الكلى

appy said...

د/أجدع بنوته

سمسمه يا حبيبى انت بالذات اوعى تخاف ولازم تأخد حقك دا انت امل الزقازيق يا ريس


همس الاحباب
ما هو لما انفش ريشى هما كمان يخافوا من الالفلونزا يقوموا يمشونى بسرعه خليك مفتح هههههههههههههههههههه


cleo
انت من القاهرة الجديدة ولا ايه بص الحوادث انا كان قبل كده شقتى هتتسرق وبصراحه رحت القسم وبلغت وفعلا ركزوا على المنطقه عندنا شويه فى المستقبل وما زال الموضوع محتاج تحرك بس من الناس مش اكتر نورتنى خالصواهال بيك فى الكوكب

di el2mr said...

لذيذ قوى موقفك وانك مستهترتيش زى كل الناس
بجد خطوة حلوة قوى ان الواحد يدور على حقه ويفضل وراه لحد ماياخده


اما موضوع المنصورة فاحنا طلعنا بلديات بقى
سلميلى على المنصورة كلها لحد مابقى اروح انا كمان
ومش هقولك هاتيلى عيش علشان بيجيلنا من هناك :D

وكل سنه وانتى طيبه وكل الناس طيبين
علشان المولد النبوى وكمان عيد الام

appy said...

بحبك يا مصر
ميرسى يا جميل بس يا ريت الناس تتعلم بقى نورت الكوكب


مجداويه

حبيبة هارتى طبعا هو فيه زى الحركة النسائيه اوعى وشك والحيطه بلا رجاله بلا بتاع هههههههههههههه


عبده الرايق

يا استاذنا انت من هير ولا ويير ههههههههههه

appy said...

مروة الزارع

مش جدعنه يا مروة قد ما هى تشغل دماغ وده حقنا كلنا يا قمر وبعدين اوعى ايديكى والرومانسيه هههههههههه هو انا علشان شكلى بيبان صعبه شويه ابقى مش رومانسيه لا خالص وبعدين بيقولك ما دام بتحب هتنكر ليه وكل سنه وانتى والدنيا كلها طيبه يا مروة ميرسى ليكى يا حبيبتى



مهند

ايه يا مهند تعبانات التصريف التلاتاشر بتاع ثعبان انت مش دارس لغه عربيه فسحه ههههههههه والله الحمد لله شجاعتى فى كل حاجه بس نفسى الناس كلها يا مند تعمل كده وميرسى ليك



فرنسا هانم
حبيب قلبى من جوة اللى مشوفتوش وبموت فيها اعملى وانا اجى معاكى اقولك بقى على طريقه نفش الريش البسى نضارة شمس واوعى تقلعيها لما تقعدى حطى رجل فوق رجل واقعدى فرده ضاهرك كده واتكلمى وانتى بتشاورى بصباع واحد بس ههههههههههههههه هو دة شوفتى سهله ازاى


فزلوكه
بلا صاحب سلطه ولا سلاطه انا ولا كده ولا كده احنا ننفض الجبن والخوف اللى جوانا بس مرة بمرة هنعمل حاجه

appy said...

سومه
اهلا بالمجانين بصى انا هرد من اللى فهمته اولا انا متخانقتش مع الزبال يا قلبى انا رحت لرئيس الجهاز ولما اشتكيت مقولتش العيب من الزبال بالعكس انا كنت بشفق عليه لانه شخص واحد فى منطقه كبيرة انا اشتكيت الشركه بتاعت النظافه لانها قطاع خاص والجهاز متعاقد معاها فهمتى يا قمر وابعدى عن الظباط الله يكرمك مش طالبه فى حلم من دول اروح اضمنك من القسم وساعتها هتوه لانى مش هعارف انتى بتحلمى فى قسم ايه ههههههههههههههههه نورتى الكوكب كله



بطوط حبوب
دودو السكر اعمل لك ايه اسمى عربيتى ايه هى اسمها كده طيب بص هى ماروتى سميها انتى بقى وعموما لغايه اشعار اخر اسمها بطوط ههههههههه ابقى اقرى فوق تحت عنوان البلوج هتلاقى اسمها دى شريكتى فى الكوكب


موناليزا

الله يسلمك ميرسى يا قمر وكل سنه وانتى طيبه

appy said...

نضال

معاك حق يا نضال والله نفسى اللى بكتبه الناس تعمل زيه ونبقى حاجه واحده .......وبعدين مش قولت لك يا نضال امشى على العلاج علشان ترجع للغه العاميه بتاعتنا اقولك تانى اشرب كوب ميه بسكر تلات مرات فىاليوم ههههههههههههههههههههه


حماده زيدان
يا ملك الكوميديا يا سكر انت ميرسى ليك يا حماده والنظافه من الايمان ولا ايه ههههههههههه


وجهه نظرى
ههههههههههه زنبهم انهم وقعوا تحت ايدى وانا قويه ومفتريه .....وانا اسيب حقى ليييييييييييه بقى وانت كمان متسبش حقك

appy said...

كاميليا

تعيش الستات حرة مستقله ههههههههه وهفضل وراهم لغايه لما يسيبوا الباركنج بتاعنا


اجندا حمرا

ميرسى ليكى وانتى عارفه انا كتبت فى النظافه الشخصيه قبل كده برضه بس نفسى الناس تستفيد كلها يا ريت وميرسى ليكى يا قمر


ضد الظلم

ليه فوبيا الخوف من الاقسام اكيد لا طبعا عادى انت داخل تعمل محضر وبعدين روح اشتكى فى الحى بلاش خوف كسر الخوف اللى جواك وجوانا كلنا علشان نعيش صح

appy said...

زيكا
عقابا ليك اقرى بوست كل سنه وانتى طيبه يا هانم ههههههههههههه انا ادفع رشوة ليه معنديش دم معرفش الحلال والحرام وبعدين مين قال مش شالوا يا ابنى هو انا نزلت البوست الا لما ظبطوا الدنيا عيب عليك وبعدين انا وراهم وراهم لو اهملوا تانى ههههههههههههه



رئيس جمهوريه نفسى

طيب ما نحافظ ايه اللى مانعنا يا محمود غير الخوف والكسل ...كل سنه وانت وست الكل طيبه


هيثم
وانت طيب يا قمر عقبال كل الناس لما تتحرك بقى وتأخد حقها

appy said...

انا حر

اهلا وسهلا ربنا يخليك والله كل واحد جواه حاجات كتير كويسه بس لازم تطلع وعاوزة عزيمه واراده وكل سنه وانت طيب


رهف
لا دبور ونحله دا انا مربياهم من صغرهم وعندهم اطفال دى اسرة كامله فى دماغى ههههههههههههههههنورتى الكوكب كله


نسرين بسيونى

حبيب قلبى انت منكم نستفيد يا قمر وبلاش حركات التشريد دى عارفه اكتمى بقى واسكتى ههههههههههه ما هو بقى لاجئ سياسى فى البلوج بعيد عنك ههههههههههههه فلازم برضه ندلعه ولا ايه

appy said...

white heart

انا اخدت حقى انت نواى باركنج ولا ايه لا اوعى لبقله فى دماغك هههههههههههههههلا طبعا مش معاك وبعدين يا خويا انا زعقت دا الجيران قفلين ودناهم بقطن وشمع الله يهديهم نورت الكوكب

الشنكوتى الكبير

ايه انت مين قالك ان زوج اختى عنده مصنع حلاوة هى الاشاعه انتشرت فى المدونات يا ساتر لا عارفه احمد اللى ساكن هناك وهبقى اقوله ينقل علشان عمارتهم فى الشارع من جوه مش واجهه يعنى هههههههههههههههه



نوسه
يا دكتورة يا قفشانى كده على طول يا رب احنا وانتم وبعدين انتم السابقون نحن اللاحقون وبعدين هنا برنامج ما يطلبه المستمعون ههههههههه
نورتى الكوكب يا ننوسه

appy said...

انونيمس

غلس غلس هنعمل له ايه وبعدين يا دكتور ما احنا علشان سلبيين خربناها وكلنا جوانا اسود بس الكسل والحر بعيد عن حضرتك هههههههههه نورت الكوكب يا دكتور


سميه
ميرسى يا حبى خالص وبعدين ما هو ربنا ادانا دماغنا نشغلها هنعمل لها باركنج وتصدى ولا ايه

appy said...

على اسم مصر
هنود يا قمر انا بميت ست ما احنا فى عصر الستات يا سكر انترفيش انتى هههههههههههههه


دكتور بيطرى

اهلا يا دكتور انت مش اخر تعليق فى بعدك ههههههههه والله حكومه فاسده وشعب عايش فى البرسيم متزعلش منى بس عيبنا احنا كمان مش الحكومه بس ونرت الدنيا كلها


حازم سويلم
اهلا بيك فى نجوم اف ام ههههههههه لا ده مش النشيه الوطنى يا حازم باشا بس يا رب دروسى تيجى بفايده بجد




انا انسان
بجد مش عارفها اعمل معاك ايه ولا المعوذتين نافعين ولا تعليق حجر ازرق على باب الكوكب حتى نافع طيب ادهن خرفانى ازرق علشان ترتاح ههههههههههههه وبعدين ايه راجل دى انا ست عيب عليك هههههههههههههههه
نورتنى

appy said...

di el2mr

كل سنه وانتى طيبه يا سكر ومش هجيب لك هههههههه وكويس اننا طلعنا بلديات اهلا بيكى فى كوكبى دايما يا قمر

بطوط حبوب said...

سرزوكى ماروتى
يا بنتى كل الناس بيسموها حسن , السيد , عبد الوكيل
اختارى الى تحبيه
ههههههههههههههه
ال بطوط ال