سلطانيه السلطان


سلطانيه وجردل لبسته فى دماغى من ابو المخاليل الصباغ بس انا هقولكم على حاجه الاجابات افتكاسات وتخاريف خرفان من بتاعتى ولازم نبقى متفقين على ايه بقى يا حلوين ايوووون الاختلاف فى البتنجان لا يفسد للمصقعه صنيه

تانى حاجه انا مدخله مقاطع اغانى ودى بتعبر عن رأى بجد مش هزار يعنى افهموا بقى زى ما تحبوا وكالمعتاد يا شطار انا برحب بالمناقشه انما حد يشمر كمه ويدخل انا بعنذر وافنذر من الاول الزير الكلاشينكوفى وخرفانى جهزين اقول هجوم انتم عارفين


هل توافق على حذف خانة الديانة من البطاقة الشخصية ؟
كان يا مكان فى قديم الزمان شمس بتضحك وقمر ما بينام ......وكان فيه بيوت ملونين وولاد واغانى حلوين هناك فى الاحلام ...

ليه هى هيبقى عليها وزن زياده فى المطار ولا الجمرك بتاعها هيبقى200%


ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟


الكلام لو كان يعبر عن الحنان كنت قولت انى كرهتك من زمان
اكاد اشك فى نفسى لانى اكاد اشك فيك هههههههههههههه
اه اعترف فى امن الدوله لما يكهربونى ويعذبونى وروحى تطلع .....وادعيلك بأمانه روح منك لله
الا ما ليا عادين هيبقى ليه دول والنبى يا صباغ انت عليك كلام يودى فى شجرة


هل تعتقد بوجود إضطهاد للمسيحين فى مصر ؟

شخبط شخابيط لخبط لخابيط مسك الالوان ورسم على الحيط ...اعمل ايه وياك يا حماده اللى عملته ده اسوء عادة عاوز ترسم ارسم من غير ما تشخبط على الحيط


من هو الشخص الذى تختارة لرئاسة مصر ؟


اصبر يا قلبى عليا دموعك بتقل فيا هجيب القذافى يمسكها اصله دماغ هههههههههههههه
لا بجد مصر عامله زى الجنينه الحلوة نفسى فى جناينى يراعى الورد اللى فيها هيطلع منها احلى بوكيه فى الدنيا بس يكون بيعرف ينسق انما مين هو.......ممكن يبقى صلاح الدين الايوبى الله يرحمه ......او حد من الخلافه العثمانيه بتوع زمان علشان العرق التركى ينفش عندى براحته خخخخخخخخخخخخخخخخخخخخخ ...يعنى مش شايفه حد كويس لغايه دلوقتى


اذا قمت بتأسيس حزب سياسى من هم الاشخاص الذين ستقوم بضمهم فى الحزب ليشاركوك فى حكم مصر حال فوزك فى الانتخابات؟ هل توافق على مشاركه كل من الاخوان المسلمين والاقباط؟

على حزب وداد قلبى يا بوى راح اقول للزين سلامات ضيعت عليه العمر يا ابوي
عمرو صديقى.......سووووووو .... الجعفرى واليعقوبى اعملهم فرع للاعلام الدينى ومتسألوش ازاى هعمل بينهم فته واخليهم يخنقوا بعض واللى يخلص على التانى يمسك الموضوع ههههههههههه

مصر فيها 27 حزن واحنا 80 مليون حزين انا اقضى على 27 حزن واخلص من ال80مليون حزين وابقى انا الوزراء كلهم والشعب واهيص مش هعمل اسأل القذافى مش هو اللى هيمسكها ...

اخوان ...وأقباط ..... يا خاين ملكش أمان وريتنى العذاب ألوان ... انت هتستعبط انت مش قولت سياسى ايه دخل الدين بالسياسه


فى رأيك الشخصى .. ما هى أفضل مدونة على بلوجر قمت بزيارتها ؟

لما احب اسمع قصص الشهداء بروح لخالتى فرنسا واخد عجلتها واحاول اطير لاخى الطائر الحزين لكى اسمع تغريد عصفور المدينه وارجع لارض الصعيد لسووووو صديقى واروح الزقازيق لد/أجدع بنوته واشوف شقاوتها وقطه الصحراء اللى عامله أسد واتصدم بأرض الواقع بقضيه فلسطين عند نضال بحب البنت الخيخه اللى مش اى كلام خالص وحزن بنوته مصريه بيفكرنى بحبى الاول والاخير ولما احب اتفرج على المعارك اروح للفاتحان اليعقوبى والجعفرى والهزار والمخاليل عند المخلول الكبير الصباغ

لما افصل عن الواقع اروح لايمى وكوكا وطراقيه الدماغ وحكاوى شهرزاد عند الكائن المائى

...بجد كل اللى عندى فى اللينكات ناس بزورهم تقريبا يوميا لما هترفد من شغل بسببهم هههههههههههههه

للإناث فقط : هل توافقين على الزواج من رجل مطلق ؟

لا تعاتبيني وتسألي شو بك عم دق باب البيت ومسكر اقبالى راح جن راح جن انطر على الشباك وحياتك ومن الشباك لرميلك حالى

يعنى والله اذا ربما لو لابد حينما اعترف بأنى من الممكن ان اعتصم وارفض وانتحر واشجب
ايه يا عم هو حد لاقى هنمثل بقى مش مهم بس اعرف السبب


اذا تزوجت وأنجبت ولدين وبنتين .. أى الأسماء تحب أن تسمى ؟


كنزى وعمرى وشادى وعمرو ....علشان اغنى يا عمرنا ويا كنزى وكل ما ليا وانا شادى غنينا سوى ....اما بقى عمرو فلو غنيت ليه العمر كله مش كفايه عليه ....مش عاوز ح يفهم غلط ده علشان عمرو ابن العاص بطلوا النيات السيئه دى ههههههههه


هل تعتقد أن توريث الحكم فى مصر . . سيتم فعلا أم لا ؟

مقدرش اقول احساس كان لعبه فى ايديه ................وتفيد بايه يا ندم يا ندم وتعمل ايه يا تعبان ههههههههههههه...


فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟


بكيتنى فى ليله عيد يا خسارة غرامى فيك طفيت شمعه التنهيد ودعيت ربنا يهديك نسيتنى ابتسامه فرحى وريتنى مرارة جرحى


حيرت قلبى معاك وانا بدارى واخبى قولى اعمل ايه وياك ولا اعمل ايه ويا قلبى هههههههههههه


افضل انجاز انه قاعد على مراوح قلبنا اسوء انجاز اننا اتخنقنا وكرهناه وبرضه كتم على مراوح نفسنا وقلبنا

كان معكم سعادة لواء اركان حرب مساعد اول مراجيح مولد النبى الفقيد الشهيد آبى


51 اخبط وقول رايك:

محمد مارو said...

انا اول واحد ؟
معقول ؟
طيب يا رتنى ما كنت دخلت هههههههههه

دكتور حر said...

ايه الدماغ ده كله يا ابى

الروقان صحيح له ناسه

انت مركزه فيه فعلا بس بدماغ

ردود ظريفه وحلوه
بس كده تنسيني
مش مشكله المره دي بس سماح

محمد مارو said...

بصى به

اجمل حاجه عجبتنى فى البوست

الاختلاف فى البتنجان لا يفسد للمصقعه صنيه

و مش فهمت رئيك لا فى حذف الديانه و لا فى المثليين

Desert cat said...

حبيبتى ابى عاملة ما يطلبة المستمعون ومش حرمانى من اى اغنية بحبها
اموااااااااااه
لكن مين القطة اللى عاملة اسد دى
انا هفضل اقول منه لله لحد ما اموت
طبعا اجابات بطريقتك المعتادة وبالتالى الله ينور عليك يا كبير

NIDAAL said...

كدة ظلم والله انا المفروض اول تعليق بس حظكوا ان النت عندى 16 كيلو بايت بس ...
البوست ده جااااامد وانتى يا آآآآآبى راى الشخصى انك دبلوماسية فى الاجابات
عارفى تنطقى امتى و فين و ليه
بس اجابات موفقة ..
بس نفسى اعرف ايه علاقة المصقعة بالموضوع
و اسلوبك فى عرض التاج اسلوب مميز
جميلة اجاباتك يا آآآبى

الطائر الحزين said...

مش فاهم حاجة

تحياتى

appy said...

محمد مارووووووووو

يا ساتر عليك ليه كده بس عاوز تعرف راى فى حذف الخيانه لا طبعا مش موافقه
المثليين اكيد مش هعترف ولا بحبهم ولا اعرف غير انهم شواذ والشواذ غير مقبوله عقليا ولا دينيا بس فهمت ومش هتكسب معايا اى حاجه بالعند فيك هههههههههههههيعنى ولا شيكولاته ولا حاجه كبيرك خروف صغير



د/حر
الله يخليك بس والله مش روقان انا زهقت من التاج ده وبعدين نسيت حضرتك ايه بس لا طبعا انت فى اللينكات اللى فى جنب وربناعالم انى بذورك على طول فى البلوج عندك


قطه الصحراء
ادعى عليه من هنا للسنه الجايه مش مهم المهم انه كشف حقيقتك هههههههههههههههههههههه

appy said...

نضال
دبلومسيه ايه دى تخارق خرفان ههههههههههه المصقعه وبما انى بموت فيها فمش عاوزه اقولك ان حياتنا بقت زيها ههههههههههه



استاذى / الطائر الحزين
ليه بس دا انت اكتر واحد عارف اسلوبى يعنى اولا رافضه حذف الديانه والمثليين شواذ وحاجه رفضاها العقل التوريت مش بايدى وهنعمل ايه يعنى لو حصل احنا شعب تكاسل الزواج من مطلق اكيد محدش هيرفض فى الدنيا كل انسان وعنده اسبابه اسماء الاولاد واضحين واسماء البنات انجازات مبارك انه خانقنا وطابق على مراوحنا الحزب السياسى مش موافقه اصلا غير يبقى فى مصر حزب حكومى وحزب معاض ومش شايفه حد مناسب لاى حزب فعلا بتمنى ان مصر ترجع للعهد القديم بتاع العثمانيين او صلاح الدين لو حكمنا واحنا بالتكنولوجيا دى هتبقى مصر احلى دوله فىالعالم فكل ايجاباتى فيه شئ من السخريه ارجو انك تكون فهمتنى

الفارس الملثم said...

الا قوليلي صح يا ابي ايه حكاية التاجات دي هي دي اصلا عمولة ولا بيجيبوها من محل معين من وسط البلد ؟؟؟؟؟؟؟؟؟

وكمان حكاية الاغاني دي شكلك كنت نفسك تغني وانتي صغيرة .....
ممممممممممممممم

تصدقي حلوة حكاية القذافي دي بس انتي برده مش شايفة ان جحا اولي بلحم توره هو بس ممكن جمال يروح ليبيا اعارة عشان ياخد خبرة العقيد في حكاية الكتاب الاخضر ويرجع يعملنا الجزء التاني من الكتاب الاسود " طبعا معروف مين صاحب الجزء الاول "

اه قبل ما امشي لو الراجل بتاع التاجات عدي من ادام بيتكم احجزيلي واحد

سلاممممممممممممم

Desert cat said...

يا ابى بيسلم عليكى وبيقولك هكذا تكون النساء
ومينفعش اسدين يقفوا قصاد بعض
والا هيخلصوا على بعض ..... يا حنييييين يا حبيب قلبى

Ahmed Al-Sabbagh said...

من الأقوال المأثورة التى شهدتها كتب التاريخ والجغرافيا للمؤرخة الجليلة آبى

الاختلاف فى البتنجان لا يفسد للمصقعه صنية

هههههههههههههه

والنبى يا صباغ انت عليك كلام يودى فى شجرة

مش قادرة تنسى انك سايقة عربية

وكمان مش كاتبة اسمى فى حزب وداد بتاعك
الا مين وداد دى ؟

بكيتنى فى ليله عيد يا خسارة غرامى فيك طفيت شمعه التنهيد ودعيت ربنا يهديك نسيتنى ابتسامه فرحى وريتنى مرارة جرحى

عااااااااااااااااااا

بس تسلم ايدك اجابة غريبة ومتميزة على التاج

تحياتى

لواء مراجيح السبتيتة

خالو احمد المطرب

appy said...

الفارس الملثم
ده خبطه فى الدماغ كده بعيد عنك عموما هديه منى ليك جاوبه بقى ومتزعلش الا لو مجاوبتوش انت حر فى اللى هعمله فيك هههههههههههههه وايه يا عم جمال يروح فين ويجى منين ما تسكت بقى متودنيش فى داهيه




قطه الصحراء
تحياتى للسيد غدنفر ههههههههه يا خوفى يا بدران منك


خالو ابو المخاليل الصباغ

هو انت متعرفش انى قاموس فى المصطلحات اللى معرفش اصلا انا جيباها منين خالص ولا اعلم عنها شئ وبعدين انسى ايه انا حياتى شغلى وبيتى وعربيتى انسى وانا كل يوم بتخانق مع حد وميرسى لذوقك يا سياده اللوز ههههههههههه

محمود المصرى said...

بسم الله الرحمن الرحيم

كالمعتاد احب ابدى تحفظى على نقطتين :
النقطة الاولى هو ان البوست اللى اخدت وعد بيه لسه مانزلش
النقطة التانية هى كلمة حضرتك ايه دخل الدين بالسياسة , هو دا موضوع كبير ان شاء الله هاكتب عنه تدوينة قريبا علشان الناس اللى ماسكة كلمة لا دين فى السياسة , لكن اكتفى الان بقول الله تعالى ( قل ان صلاتى ونسكى ومحياى ومماتى لله رب العالمين ) وحضرتك بقى تقوليلى الدين داخل فى السياسة ولا لا ؟
مرة رابعة او خامسة البوست بتاع فلسطين مازلت انتظره وشكرا على حسن الضيافة .

appy said...

محمود المصرى
عنيه مش هنساه وهكتب فيه بس تاج احمد الصباغ كان من زمان وصدى فلازم اجاوبه
انما نقط الدين والسياسه فهى وجهه نظرى معلش سامحنى عليها واعرض رايك واشوف أرائك والله ممكن اقتنع بيها ليه لا
وميرسى ليك ومرورك
طيب معلش فسر الايه وليه استشهدت بيها ممكن بعد اذنك يعنى

محمود المصرى said...

بسم الله الرحمن الرحيم

هى الاية معناها ان نتجرد تجردا كاملا لله ويكون مبتغانا هو الله فى العبادات والنسك وكل مناحى الحياة وبالممات وما وراءه , اى لا نشرك مع الله اخر فى حياتنا كما لا نشرك معه احد فى عباداتنا .
وبالتالى لا يصح ان نشرع بخلاف ما شرع الله او يحكمنا غير شرع الله ومنهجه , او ان تكون غايتنا من اى فعل غير الله سبحانه وتعالى كما ابدع الشهيد سيد قطب بقوله ( انها تسبيحة التوحيد المطلق والعبودية الكاملة تجمع الصلاةوالاعتكاف والمحياوالممات وتخلصها لله وحده لله رب العالمين ... فى اسلام كامل لا ستبقى فى النفس ولا فى الحياة بقية لا يعبدها لله )
يعنى من الاخر مافيش سياسة من غير دين ولا تشريع من غير دين ولا اقتصاد من غير دين ولا اى سلوك بشرى لا نبغى به وجه الله , ولا نسعى به لرضى الله .

د/اجدع بنوته said...

ايه الدماغ دى

اليه الروقان ده

ايه الفضا

ايه اللى انا بقول ده

بأمانه افضل اجابه

جت ع التاج ده

مش م ناحية الاراء

انما م ناحية الاسلوب

ابدعتىىىىىىىىى

وميرسى جدا ع اعتزازك بمدونتى

ربنا يديم المعروف ياغاليه

Yahia said...

لأ ده انت دماغ ورايقه ودول حاجتين صعب يكونوا موجودين في الزمن اللي احنا فيه ده

سلام

الطائر الحزين said...

انا قلت مش فاهم حاجة مش على كلامك

دى بردة سخرية

انا مش فاهم حجة من ليه ده بيحصل

؟
فهمتينى؟؟؟؟

الطائر الحزين said...

وبعدين حضرتك كاتبة اسمى وسط المدونين وهذا شرف لى وحسن ظن منك

الله يكرمك

تحياتى

همس الاحباب said...

اولا باعتذر عن الخطا الغير مقصود فى الكومنت
وثانيا مش اعلق على البوست
عارفة ليه
لانى خايف من الخرفان والزير الجديد
تحياتى خالد

Anonymous said...

بغض النظر عن الموضوع
كنا عاوزين السلطانية ألا مش بتاعتنا .. وهو كل ما أديكي حاجة تضيعيها كده
ونسيتيني في الحزب بتاعك ده وكمان في المدونات اللي بتحبيها .. آه منك يا زمن بنحب ونعشق اللي ناسينا (كله بحسابه)
وربنا يهديكي وتثبتي في شغلانة واحدة بدل ما إنت في كل بوست بوظيفة شكل

mohamed hesham said...

ضحكتيني بجد

appy said...

محمود المصرى
مستانيه بوستك ومىرسى لشرحك


اجدع بنوته

ميرسى لىك يا قمر ربنا عالم بحبك قد ايه

استازى الطائر الحزين

عرفت وجهه نظرك حضرتك غالى عندى وانت عارف


يحى
ايه يا عم الحسد ده والله نادر جدا عندى هههههههههههههههه

همس الاحباب
لا مفيش حاجه قول براحتك هههههههه متخفش

انو نيمس
هو انت مين الاول ههههههه ويعدين دى سلطانيه الصباغ معلش بقى نورتنى

محمد هشام
يا رب تضحك دايما هههههههههههه

أنا إنسان said...

ههههههههههههههههه
ده حضرتك طلعتي كارثه
ههههههههههههه
والله أحلى اجابات على التاج قرأتها على الاطلاق
بسم الله ماشاء الله
استمرارا لسلسله الحسد
ياااااااااااه
تجاوبي احلى اجابات كده
ياااااااااااه


...............
واتحدى اجدع عين زرقه وللا سوده حتى
تاثر في الحسد بتاع النهارده
:)

Anonymous said...

الباشمهندس المحامى الدكتور حضرة الظابط الفيزيائى الكبير أمبراطور الكوكب / آااابى
طبعا الكوكب ده فيه كوسة قصدى و صايط
جمع وصطه أنا فى رأى بالصاد مش بالسين نتيجة إختلاف الجاذبية بين كوكبك و الأرض،ما علينا كان نفسى أعلق على ردودك على التاج و لكن حضرتك غيرتى ميعاد البوست علشان يخش أستاذك الطائر الحزين قبلى و لأننى كان عندى مأمورية فى مطار القاهرة تابعة لعملى فلم استطع قرأة البوست إلى الساعة السابعة مساءا ، و عموما أنا سعيد بالردود البتنجانية اللى مش فاهم منها حاجة سوى أنى متفق معك من حيث المبدأعلى المدونات اللى عجباكى و جأنى عشرون طلب من السادة الأعضاء لقفل باب المناقشة موافقة ننتقل إلى جدول الأعمال. أبو خالد

فرنسا هانم said...

وانا اقول كل ما اركن العجله واجى اركبها تانى الاقى الجنزير واقع
اتاريكى بتيجى عندى وتاخدى العجله وتلفى بيها
طالما الموضوع كده
اروح اشحمها واغسلها واروقها واصلح الجنزير علشان تتشرف ان ابى تركبها
تحياتى ليكى
وسؤال الاضطهاد الدينى
اجابته دماغ خااااااااااالص

مدحت محمد said...

اغرب واظرف اجابة تاج شفتها لحد دلوقتى
ايه رايك فى المثليين
الكلام لو كان يعبر عالحنان كنت قلت انى كرهتك من زمان
ههههههههههه
تحياتى ليكى

عصفور المدينة said...

بما أن هذه المدونة ملغمة بالناس اللي بيختلفوا معك في إجابة فصل الدين عن السياسة ومنهم الاتنين الإرهابيين بتوع وزارة الإعلام الديني والدكتور الحر وبما أننا حريصين على الحفاظ على مكتسبات الشعب من صواني المسقعة أهديك هذه التدوينة من تراثي الذي كتبته قبل أن تتابعينا

RSS تاني


مهمة جدا للناس اللي مش عايزين يترفدوا من الشغل

CheToS said...

هو انا دخلت برنامج أطلب واتمنى ولا إيه هههههه مش عارف أقول إيه بجد لو قولت كل الكلام حيكون شويه عليكى وعلى أسلوبك الرائع واستغلال الأغانى فى الرد على الأسئله أسلوب أكثر من رائع ومايعملش كدا إلا انسان دماغه عاااااليه جدا فى السحااااااب قوليلى انتى بتعملى الدماغ دى إزاى... وياترى بقة بمناسبه المصقعه بتعرفى تطبخى إيه ولا البنات فى الكلام زى الفل وف الأفعال ماتعرفش تعمل حاجه وياترى صوتك حلو زى ما انتى حافظه الأغانى كدا أنا مش حطول فى الرد مع أنى كان نفسى ارد على الأسئله اللى انتى مجاوبه عليها بالأغانى دى بس بفكرك اننا ممكن أعمل حزب وأسميه على حزب وداد قلبى يا بووووى يلا حسبنا الله ونعم الوكيل

بطوط حبوب said...

احنا اضحك علينا يا رجاله
متسأليش ليه احنا اضحك علينا وخلاص

حسن توفيق said...

ايه يا بنتى ده قلة فى الدماغ... ايه
مفيش مطوة احسن
خوفتينى
انا ماشى

حــدوتـــة said...

الواحد محتاج كتالوج عشان يعرف رأيك
اجاباتك تدل على انك عامله دماغ ودماغ جامدة كمان ذى بتاعت اللمبى
بس انا فى الاخر فهمت والحمد لله
سلالالالالالالالالالالالالام

Miss Dot said...

احلي اجابات يا آبي

و شكرا ع الزيارة و اسفه علي الانقطاع كنت ف حاله صعبه بس الحمد لله
و كنت قافله مدوناتي

وطني said...

السلام عليكم ورحمة الله
واضح من كلامك و كلام محمود و كلام مهندس مصري إن فيه سوء تفاهم حصل
و أرجو أن تفهمي أنه ليس من أسلوبي أبدا الإساءة للأشخاص .. قد أكون انفعلت بعض الشيء على ما تصورت أنه فهم خاطئ ولكن هذا لا يعطيني الحق في الإساءة لأحد
عموما .. إذا كنت اعتبرت رأيي إساءة شخصية لك فانا أعتذر عنها و أرجو قبول اعتذاري

fatima said...

آبى العزيزة
برافو عليكى
ردود متميزة و مختلفة عن التيجان الآخرى
بس دانتى عصرتى مخك و ودانك جامد قوى عشان الدرر دى تطلع
بس النتيجو 99,9% يعنى واصلة لكرسى الحكم بأذن الله و اصلة
و إحنا وراكى
و القذافى يا آبى ؟؟؟
حرام عليكى يا بنتى إحنا وصلنا للدرجة دى ؟؟
تحياتى و حبى

فزلوكة said...

هههههههههههههههههه
إيه يا بنتى موسوعة أغانى

أحلى رد بصراحة شوفتوه لإنجازات مبارك

أما "كنزى " فأنا كمان نفسى أسميه
إجاباتك مطرقعة ولذيذة موووووووووت

walaa said...

هههههه
هههههه
انت دخلتينى شمال ويمن
ولا مخك جايب من عبد الحليم وطالع لحد ااخر الجيل
اللهم ما لا حسد اهو مسكت الخشب
وجميله ردودك مميزه صراحه
انا اول مره القى حد رادد على التاج بالاسلوب ده
لا تنفعى مديره
تحياتى يا جميل ولاء

مهندس مصري said...

ههههههههههههه
اجابات رايقة
من نوعية خفيف التقيل
بس الكلام كله مليان حكم مستخبية

حازم سويلم said...

عليكى شوية أفتكاسات يا بت يا آبى , على فكرة عاجبنى الديكور الجديد

تــــايه ومش تـــايه said...

والله تاج جامد .والدماغ عاليه
والمعنى فى بطن الشعر!!!!!!!!!

الفاتح الجعفري said...

اابي
تاج اجابته متميزه جدا
والاعلام مره واحده
وكمان حطالنا السم في العسل وهتخلينا نموت بعض بس اليعقوبي لسه صغير وعايز يعيش ليه تضيعي مستقبله بدري
---------------------
وقولنا موضوع الدين والسياسه يتوقف علي
احنا نعرف ايه عن الدين
ونعرف ايه عن السياسه
يعني اصلا الفصل بينهم هيكون ازاي وده يتوقف علي كلا الامرين علي العموم مش هنفتح النقاش ده دلوقتي
-----------------------
بس فعلا اجابات جميله جدا
ربنا يبارك فيكي
وجزاكم الله كل خير

monaliza said...

اسمحيلى أقول سؤال واجاوب عليه بطريقتك
ايه رأيك فى أزمة الحضرى؟
اللى بيسع كلمة أهله شو بنقله شاطر شاطر
عجبنى اسلوبك وأحييكى عليه

حمادة زيدان said...

آبي
سلطاتك وبابا غنوبج مش عارف كاتب غنوبج صح ولا غلط ... بس المهم ما في أحسن من التهييس وإيههههههههههه
على رأى سي الأستاذ شعبولا
أما عن رأي في كل اللي أنتي كتبتيه فأنا مفهمتش حاجة "يعني علشان تبدأى من بكرة عمل كتاب البسيط في فهم المدونة" وبعد ما تنزلي البوست تكتبي
للأذكياء فقط
أنتي عارفة طبعاً أني بهزر لأنك شرحتى البوست حتة حتة يعني اللي مش هايفهم
طوخيه
سلام
واشوفك عالبوست الجاى بخير
حمادة زيدان

appy said...

انا انسان
انا كارثه طبيعيه نتيجه حكم مبارك بعيد عن حضرتك ههههههههه وبعدين هااااااا ولا بيهمنى حسد ولا غيرة الحمد لله محصنه نفسى
منورنى دايما


اخى العزيز / ابو خالد

دا انا استغربت وقولت انت استوليت على الكوكب وقعدت وحطيت بطيخه صيفى فى التلاجه يا حرام انا ظلمتك معلش بقى هبقى ابعت لك فيكونات تنبهك بس والله استاذى الطائر فات منهاول تعليق هو كمان معلش
لاالو بجد مش فاهم اجابتى هتلاقينى ترجمتها فى رد قبل منك لاستاذى الطائر وبعدين انقل جدول اعمال ايه هو انا عارفه جدول الضرب الاول ههههههههه طيب انت كده داخل على طمع فى رئاسه الفياكين الفضائيه بتاعتى ممكن ابحث الموضوع ده ههههههههههههههههه نورتى يا اخلى العزيز




فرنسا هانم

حبيبه قلبى من جواه بجد انا سعيده قوى انك فهمتى ردودى واضح ان الدماغ واحده وواضح انك ركزتى اصل انا تعمدت اركبهم مراجيح ههههههههههه اما بخصوص العجله معلش بقى سامحينى اصلى بحب العب بيها زى الاطفال بتنورينى ربنا يخليكى ليه

appy said...

مدحت محمد

اعمل ايه صواميل عقلى فوتت يا مدحت بس كويس انك فكيت طلاسم الموضوع هههههههههه نورتنى فى الكوكب


أستاذى /عصفور المدينه

ربنا يبارك فى حضرتك انا اتناقشت مع ناس وبحاول افهم الموضوع فعادى يعنى انما الاتنين بتوع الاعلام دول سبهم ليه لازم اقضى على حد فيهم ههههههههههههههه ودكتور حر زعلان علشان مش كتبت اسمه انما ربنا يعلم انه من الناس اللى بحترمها واهم حاجه فعلا لازم نحافظ على صوانى المصقعه الا الحكومه تسحبها مننا دى كمان وتبقى مصيبه علينا وميرسى لحضرتك على اللينك


شيتوس

ايه النور د ه مش قولنا لما تيجى متجيش ايديك فاضيه ولا ايه هااااااااااقولك بعمل الدماغ دى من ارض الواقع اللى عايشينه ومن القرف اللى بقينا بنشوفه هى دى الدماغ بتاعتى بس واه بعرف اطبخ وصوتى حلو وعندى شقه ومش بدور على عريس هههههههههههههه
منورنى يا دكتور



بطوط حبوب

ما طول عمرنا مضحوك علينا ههههههه احم احم بس ممكن اعرف فيه ايه بس بجد هزعلى منك لو مقولتش عااااااااااا

أستاذى حسن توفيق

لا والله انا اخرى قلل وزير كلاشينكوفى انما مطوه مليش فيه بصراحه نورتنى ما تقعد حبه ههههههههه


حدوته

كتالوج ايه انت هتتريق ما انت فكيت الطلاسم اهو هههههههه واصحابى قالولى اعملى مدونه لفك طلاسم بوستات آبى او ترجمتها هههههههههههههه دماغ اللمبى جامده فعلا بس عارف ليه لانه عايش على فطرته وواقعى وانسان ابسط مما تتخيل نورتنى يا حدوته المدونات

appy said...

miss dot
حمد لله على سلامتك يا قمر الحمد لله انك كويس وميرسى لذوقك


أستاذى العزيز /وطنى

انا كان زعلى الشديد ان حضرتك متعرفنيش وحكمت عليا بس انما بوجود حضرتك عندى ولو حتى لم تكتب تعليق فهذا كافى لى وشرف فعلا وانا اسفه اذا كنت ضايقت حضرتك بس انا نيتى خير مش اكتر ونورتنى حضرتك فى الكوكب


صديقتى /فاتيما

انا دا انا عصرت كل الدبابير اللى فى دماغير والنحل علشان اعرف ارد ....
لا كرسى ايه الله يكرمك يا ام يوسف لا خالص مليش فيه طيب انام ازاى على راى سووووو وانا مضروبه بالنوم اصلا
اه يا اختى العزيزة القذافى هو انا لقيت حد تانى نورتينى يا قمر



فزلوكه

ايه يا سكر نعمل ايه دنيا بقى ما هو سرق فرحه الناس كلها بجد وكتم راوحنا ولا نافع معاها تشحيم ولا تزييت ....وربنا يديكى كنزى يا رب وافرح بيكى

appy said...

ولاء
حبيبى ازيك شوفتى بلعبكم عادى يعنى اهو رجيم بقى لا اصلى بجد بحب الاغانى قوى وبعدين هو التاج ده فى نظرى ميتجاوبش عليه غير كده هههههههههههههه منورانى يا قمر على طول


بشمهندس مصرى

ربنا يكرمك ومبسوطه انك فهمتها بالعمق اللى انا عاوزاه منورنى وكنت منور القاهرة بنت ام عز



حازك سويلم

طبعا دا انا آبى افتكاسات هههههههه هو انا ورايا حاجه تانيه انما الديكو ممكن اعملك بس هااااااا هتدفع كام ههههههههههههههه


تايهه ومش تايهه

ربنا يستر وبطن الشاعر متوجعوش منورنا يا عمنا



اخى العزيز / الجعفرى

ههههههههههههه لا خلاص نخلى اليعقوبى دا انتم اكتر اتنين بجد وربنا عالم بحترمكم قد ايه بس برضه ميمنعش انى اعمل فتنه بينكم هههههههههههههه
موضوع السياسه والدين اوكى انا دلوقتى شبه متفقه معاك معنديش مانع بس هقرأ كتير فى الموضوع ده ان شاء الله اوعدك لنفسى مش علشان حد تانى ان شاء الله
ميرسى لزيارتك ومنورنى يا ابو المعارك


موناليزا

اسمحيلى ارد على سؤالك انا بطريقتى
ادى الملاك البرئ ابو قلب طيب قوى ادى اللى كان كل شئ كسر لى قلبى القوى ههههههههه


حماده باشا زيدان

شكلى هطوخك انت الاول يا ولد العم ...يعنى لو انا مكنتش شرحته مكنتش عرفت الاجابه يا نهار منى ليك دى يا حماده بقى ........
مكنتش مبين وعامل حنين ما كفايا بقى تمثيل عااااااااااااااااا
يا خسارة كنت فهماك فاهم انما كنت بتمثل عليا ماشى يا زيدان

الفاتح اليعقوبي said...

السلام عليكم
ازي حضرتك يااستاذة ابي عاملة ايه
اول هام صعب ان يتعمل بين يوبين الجعفري فتنه لانها موجودة اصلا ومش ده الشخص اللي يوصل بي الحال اني اعمل معاه فتنة لانه اضعف من انه يشارك ضدي في فتنة ولولا السكر الضغط الذي عند والده لاحزنت والده عليه بدري بدري
ههههههههههههه
بس الحاج موصيني علي الواد ولازم اخلي بالي منه


عامة واضح ان حضرتك مزاجك رايق عامة ربنا يدم عليك النعمة دي لانها نعمة لايحس بها الا من يفتقدها
وربنا يكرمك ان شاء الله ويعزك
والسلام

Bongo said...

مدونة لذيذة و ستايلها جميل


بس ردودك علي التاج مش واضحة اووي
محتاجه تركيز علشان الواحد يفهم تقصدي ايه

بس دمها خفيف

تحياتي

appy said...

الفاتح اليعقوبى
اهلا وسهلا بس انا كده فعلا عملت الفته ههههههههههه شوف رده وشوف ردك
يالا ربنا يقدرنى على فعل الخير ههههههههههههههه

Bongo
اهلا بيك الاول لو مش فاهم ردى بجد اقرى تعليقى على أستاذى الطائر الحزين انا فسرت فيه كلامك معلش انا فكرى ملخبط شويه ومحتاج كتالوج لو حضرتك تابعتنى من الاول هتفهم اسلوبى
ونرت الكوكب كله بما فيه المجرات الاخرى

Zika said...

ايه الردود دي .. انا كل رد اقرا مرتين علي بال ما افهم المخزي والمقصود بهذا الكلام المريب الغريب :D:D
عموما انا هلطش منك الاسئله دي وان شاء الله اجاوب عنها عندي lately :p
بس بجد الردود تحفه
هقرا الموضوع اللي فوق تعالي هناك بقي