الطفوله المشرده المتشرده


يا صباااااااااح الخير عليكوا انا قولت ارحمكم شويه من الرغى بتاعى وانزل موضوعين فى الاسبوع وبينى وبينكم هو افلاس فكرى (هو مين افلاس فكرى ده) او يعنى مواضيع متلخبطه فى دماغى ومش عارفه اجمع والبوست ده مفيهوش سوياسه ولا باميا اتفقنا.

المهم بقى الموضع ده تاعبنى جدا بتاع الاطفال وخاصه اطفال الشوارع اللى بقوا مالين الدنيا وعملوا مجتمع ما بينهم يعنى بيكونوا صغيرين فى السن وفيهم بنات بتكون حامل وطبعا دول مشردين ولا ليهم اهل ولا مأوى حتى الاماكن اللى الدوله خصصتها لهم زى قريه الوفاء والامل مثلا واللى كان فيها مشكله كبيرة قريب نتيجه انهم عاوزين يطردوا الناس اللى كبرت بره المكان والاولاد معترضين علشان ملهومش مكان تانى وداخل فى الموضوع كالمعتاد ناس كبيرة وسرقه ونهب وده اللى بقينا متعودين عليه (طبعا مش فى بلدنا دا احنا بلدنا كميله ههههههههههههه)
نيجى بقى ليه اصلا المشكله دى موجود بعض الحالات بيكون الاب والام منفصلين عن بعض ودى نسبه كبيرة ونلاقى البنت او الولد مش عارف يقعد فين مع امه ولا ابوه وفى النهايه ممكن الاتنين يكونوا اغبى من بعض ويكرهوا الاولاد فيهم او الاب يكرهه اولاده فى امهم او العكس طبعا .

وده نتيجه الغل اللى مستوطن والغباء اللى معشش فى دماغهم ومش بيهمهم غير نفسهم وبس وتمثيل فيلم الانتقام من الاخر بس فى الاولاد وبالتالى اللى بيضيع فى النهايه الاطفال .
ومن غبائهم الاكبر اللى هما ميعرفهوش بما انهم معندهمش دم ولا احساس ان الطفل ده اصلا بيبدأ يكرهه الاب او الام اللى هو مقيم معاه من كتر محاوله انه يكرهه فى الاخر ففى النهايه اللى بيدمر الطفل.

الطلاق حق ربنا اداه لينا بس فيه ناس بتستخدمه غلط وخاصه ان انا شايفه ان امهاتنا غيرنا خالص او الجيل القديم كانوا عندهم صبر وحكمه وحب للبيت والاسرة اكتر من الجيل المتنيل بتاعنا ده اللى كله ماشى حاطط كرامته على مناخيرة وبيبص لها فبيجيله حول فى عنيه وينسى اى حاجه فى الدنيا وزاد الطين بله قانون الخلع على الرغم من ان له مميزاته بس له عيوبه وده هتكلم فيه فى موضوع منفصل واقولكم وجهه جزرى فيه ومش هنتناقش دلوقتى انا قولت اهو اجلم خناقوا معايا لبعدين اكون اشتريت قلل للكوكب هههههههههه

انا بنادى من قلبى كل اب وام سواء مطلقين او غير او ام ارمله ومتزوجه شخص اخر او العكس يا ريت تبصوا للنعمه اللى ربنا اداها لكوا وتحافظوا عليها ووتحتوا اولادكم ومش علشان انتقام غبى جواكم تشوهوا صورة بعض قدام الاولاد ده هيجى بالعكس عليكوا وكمان بلاش خناقات قدام الاطفال والله بيحسوا جدا وبياثر على مذكرتهم وطريقه تعاملهم مع الاخرين.

حافظوا على اولادكم علشان مش بعد يوم او اتنين تلاقوهم فى الشارع ومش عاوزين يرجعوا تانى البيت وبيعملوا مصايب.
كمان الاباء حاول تصاحب ابنك وبلاش لو اتعصبت عليه او غلط تعالج الغلط بغلط اكبر وتقوم تطرده من البيت لانك متعرفش هو هيروح فين ولا مين هيقابله ولا ممكن يحصل ايه هتقول بأدبه لا غلط كبير لان بره بيته ممكن يلاقى مخدرات وسرقه والناس الوحشين بقوا كتير .

كمان الامهات راعوا بناتكم شويه وصحبوهم من وهما صغيرين علشان مشاكل البنات مش بتنتهى خالص وبتحتاج لحضن امها .

واياكم والدلع الزايد وده ولد يعمل براحتوة ويجى وقت ما يحب لا ااااااااااااااا لازم يبقى فيه رقابه.

ويا ريت اللى يقدر يساعد الاطفال دى بجد بأى شكل يحاول يعنى اللى بيكون فى منطقته اطفال من دول يحاول يحتويهم اوجهوهم للجوامع

للصلاة للدروس للنصح كل واحد يحاول يعلمهم او لو يقدر يرجعهم بيوته
الحكومه مش هتقدر تعمل كل حاجه لوحدها بما انها مش فاضيه وراها غسيل جيوبنا (((يا دى النيله عليك دبور مش قولنا مش هنتكلم المرة دى فى السياسه).

ملحوسه من واحده مفروسه :- اقسم بالله العظيم اللى هيدخل مخفى الاسم ولا مخفيه الاسم ويقل ادبه فى اى كلام ما حد هيرحمه من ايدى ولا لسانى وفيه اختراع كده اسمه الاى بى هعرف عن طريقه وساعتها بقى يقول على نفسه البقاء لله لانى ولا بقول حاجه غلط ولا حاجه عيب فى الكوكب مش عاوزة طوله لسان من ناس تافهه وهايفه. وقد بعتر من فنجر وعنذر


كان معكم مدير عام الشئون الاجتماعيه فى بلد التقليه والملوخيه نقيب رقيب فقيد مشرد دكتور نفساوى آبى هانم بتنجانى

الاختلاف فى البتنجان افسد للمسقعه الصنيه


وسلم ليه على المهلبيه ايون هو ده باقى العنوان ومش بهزر
ندخل فى الموضوع وسعوا شويه والبنات فى مكان والاولاد فى مكان مش عاوزة انخلاطات انا بقول وبحنذر.....
اليومين دول بجد بشوف حركات غريبه ومريبه بينا احنا المدونين والناس فى الشارع يعنى ممكن الواحد يقول رأيه فى موضوع بكل صراحه وبأدب جدا والتانى يرد بنفس الطريقه ودول بيبقوا ناس محترمه جدا . او واحد بيسال ويستفسر والتانى يفهم كلامه غلط على انه هجوم او مع او ضد الموضوع ودول بقى بيجيبوا ليه حساسيه والتهاب فى المرارة اللى اتفقعت من بدرى وببقى عامله زى اللى لبسه فرده شراب فى دماغها هو انا لما اتناقش مع واحد فكرة واتجاهه غيرى يبقى انا معاه او ضده هو مينفعش نفهم بعض مينفعش نقرب وجهات النظر لا ازاى لازم يا ابقى معاهم يا عليهم بزمتكوا ده ينفع بزمتوكوا احنا شعب مجهز للديمقراطيه .
بجد احناا بقينا فى المهلبيه يا عطيه وبقينا عاملين زى المجانين سيبين الحكومه والهم اللى احنا فيه وبنتفكك داخليا ونهاجم بعض وكل واحد ماسك قله فى ايده وبيخبط التانى بيها وما بيصدق يمسك له غلطه طيب احنا سيبنا مشاكلنا مع البلد وحالنا اللى اتعوج وبقى زى الفيل ابو زلومه مايله ومسكنا فى خناق بعض طيب امتى هتتفرغوا للبلد يا اللى عاملين مثقفين وعاوزين حالها يتصلح اذا كان مش قادرين تقفوا مع بعض لغايه لما تقضوا على الفساد اللى بره لووووووووووووووووووووولى والله ساعات بقيت احسن اننا مينفعش لينا غير حكومتنا الغبيه دى.

حاجه تانيه لو فيه علاقه بين اتنين مثلا وسألها او سأتله عن احساسها او هو بيمثل لها ايه بترد بكل صراحه فيه ناس بتتقبل وفيه ناس لا تتقبل ايه ازاى وليه واشمعنى انا وليه متوافقيش حتى فى الجواز الله طيب يا سيدى ما هى قالت لك الحقيقه اللى جواها او قالك اللى جواه . نقوم نلاقى ايه بقى الديك الرومى نفش والغباء طفح ولسانهم دلدل ونطر عرق الهطل على الاستعباط على البجاحه ويبدأ يشهر بالبنت او البنت تبدأ تضايق فى الولد عن طريق اى حاجه معاكسات تلفيق اى مواضيع تشهير فى النت تركيب صور ودى بقت موضه بين الناس وبقيت مصيبه طيب ايه عاوزين يضحك عليكوا .
سؤال كده من النحله والدبور هو احنا ليه بنستخدم التكنولوبيا فى المصايب وبنسيب استخدامها الصح .اممممممممممم بما اننا عندنا غل صح ومش بنعرف نستمع لبعض ولا نحترم آراء بعض ودماغتنا مزنوقه فى كعوب الشوز بتاعتنا .
حاجه تانيه اتنين اتناقشوا فى موضوع مثلا واختلفوا تلاقى ده راح غلط فى ده يا نهار طيب ليه يا جماعه ما هو ربنا خلقنا مختلفين فى البتنجان خالص يعنى كل واحد عنده بتنجانته اللى فى دماغه وعجباه طيب بنخنق على بعض ليه
ولا الاقى واحد شاغل نفسه بحياة غيرة يا سحالى ويا تماسيح ما تشغلوا نفسكم بحياتكم مش بحيات غيركم هو الفضول بيأكل فى قفاكم ولا ايه ما تسيبوا الناس فى حالها . والله كل واحد لواتلفت لنفسه لهتبقى الدنيا حلوة انما ايه المصريين والفضول بقت سمه عندنا زى كان زمان المصريين والفول دلوقتى اتغير والفضول.
نيجى للبجاحه بقى تلاقى الناس عارفه انها غلطانه لا وتلاقيها بجحه تعاند فى الغلط ودول بصراحه بيكون نفسى اجيب النمل الكبير الرخم اللى بيطلع من الشجر ده واسيبه عليهم يقرقص فيهم ويعذبهم واقطع عليهم الميه علشان يجلهم حساسيه واخلص منهم او تلاقى حد اخد حاجه مش من حقه وبرضه يبقى بجح ويطلب اكتر مفبيش عندنا بتاع من الاحمر ده ولا خلص من السوق خلاص الكرات البيضاء والحمراء دول خلاص

نيجى للصفه التالته الاستعباط بقى هو ايه والناس اللى واكله مستعبطه ومستهبله هو الخبر اللى جاى ده واللى اخدته من المصرى اليوم
.
109استقالات جديدة من «الوطني» في الجيزة والشرقية.. وتوقيعات بتقديم استقالة جماعية في السويس بسبب ترشيحات المحليات.
ههههههههه وايه السبب بقى حبوا يأخدوا كل واحد حته من التورته منفعش بمعنى ايه طبعا الحزن المستوطن بتاعنا بيوزع التورته اللى هى المحنيات بمزاجه وطبعا بقيت المعازيم عاوزين فمش عجابهم الطريقه لان فيها محسوبيات فيعملوا ايه يهددوا بالاستقاله يعنى وقعوا فى بعض اخيرا وبانت حياتهم بصراحه يعنى المفروض الاحزان التانيه متزعلش ما حتى بتوع الوطنى مكوسين ما بينهم وعاملين خرفان فدا ههههههههههه مش خرفانى بعينهم طبعا انا خرفان تتيقراطيين ملهوش فى الانتخابات طبعا.
ومن هنا يبان الاستعباط بتاع الحزن المستوطن على قلوبنا ويبان الاستعباط اللى احنا بقينا فيه واننا الحمد لله رب العالمين هنفضل سلبيين وسيبين حياتنا فى ايدين شويه ناس واكلين مهلبيه ومولوخيه بالتقليه وريحتها طلعت علينا واحنا برضه نايمين ومستعبطين وقفلين مراخيرنا وودانا اللى بقت زى ودان الفيل .
ومن هنا احى الشعب المصرى الايجابى اللى مش احنا طبعا على الحركه اللى يا رب تحصل فعلا يوم سته ابريل وهى الاضراب العام محدش يروح شغله ولا مدرسه ولا يفتح محل يمكن الناس التانيه تحس على دمها وتعرف اننا مش عاوزينهم ونبطل بجاحه ونقول الحكومه هى السبب اذا كانت الحكومه عندها نسبه فاحنا عندنا النسبه الاكبر ونصارح نفسنا بالحقيقه اننا بقينا زى الدببه ورجعنا اطفال بالببرونه تانى عاوزين كل يوم الرضعه ونسيب الدنيا تمشى برحتها وبقينا موكوسين وكسه كحك العيد ومحدش يسال يعنى ايه وسلم لى على البتنجان


كان معكم مهندس استاذ دكتور / سعاده الشيف آبى هانم بتنجانى

الاقاليم طلعت اجدع من العواصم يا رجاله





انا جيت الكوكب تانى
هاى عليكم يا فياكين يا اصحابى ويا فيكونات انا اكتشفت ايه بقى ان مش انا لوحدى اللى نفشت ريشى دى العيله كلها وهقولكم ازاى بعدين .
الصور اللى فوق دى بالترتيب كده شكل العيش فى الفرن اللى قدام البيت وبما انه رايق موت وهتعرفوا ليه انا دخلت زى الاسد الفيكونى وصورت بقلب جامد وكلمه فى سركم الفرن قدام البيت على طول ههههههههه فالسيطرة موجوده .
وبعدين البطاقه اللى معموله علشان نستلم بيها المخضروات قصدى العيش وبعدين صورة داخليه خارجيه ليله للبطاقه مقسمه شهور وسياده المفنتش بتاع التنوين اللى فى الفرن بيمضى فيها بالشهر مش معقول هيمضى باليوم ده يبقى وجع دماغ ههههههههه
رحت اكتشفت ايه انهم عملوا بطايق لاستلام العيش وده بصراحه اختراع خزعبلى وخطوة تقدميه انتحاريه من حكومتنا الغير احممم احممم ومش انا اللى بقول لا والله الناس لان عمرنا فى البيت ما كنا هنحس بالموضوع ده بما ان ماما مسيطرة على المنطقه هى ووالدى العزيز فايه بقى بينفشوا ريشهم على الناس ويقفوا فى البلكونه ويشاورا عاوزين بكام عيش وبعدين الولد اللى فى الفرن ينادى عليهم يأخدوا العيش ههههههههههههه
لقيت المجلس المحلى عمل البطايق دى والناس هى اللى بتحدد هى عاوزة بكام يعنى فى اليوم بخمسين قرش ولا بخمسه وسبعين والرغيف بخمس قروش بس آه والله ده لسه حاجه بالثمن ده والله انا احترمت الخمسه قروش دى
المهم عملوا حاجه زى مجلس ادارة الحى بيختاروا ناس كبيرة وهما اللى بيكونوا مسئولين عن الموضوع ويلموا 4 جنيه من كل واحد ويعملوا البطايق لاهل المنطقه اللى فيها الفرن وبعدين كل يوم لما الفرن يشتغل يتنقل العيش لمحل على اول الشارع والناس تسلم البطاقه وينادوا عليهم كل واحد باسمه يستلم العيش بتاعه ...... بس فيه افران تانيه بتوصل للبيت وانت وذوقك بقى تدى للولد اللى جايب لك العيش تيبس او لا.
طبعا الموضوع ده بصراحه عمل حاجات حلوة كتير جدا اولها فيه ناس اشتغلت التلات ساعات بتوع الفرن دول يعنى وظفوهم شهريا ب150جنيه اللى بيقفوا فى المحل وينقلوا العيش تانى حاجه مبقاش فيه زحمه ولا سرقات لان بجد بابا واخويا حكوا ليه على مهازل بتحصل عند الافران يعنى واحد غلبان بيشتغل على عربيه كارو كان معاه 70جنيه وواحد ابن تييييييييييييت سرقهم منه والراجل ياعينى قعد يدور عليهم لدرجه انه رجع الساعه11 بالليل يدور تانى فشباب الشارع واخويا قالوا له روح ومتقطعش قلبنا عليك ولما من بعض للراجل فلوس من معاهم .....غير سرقه موبيلات فى الزحمه وبلاوى طبعا تانيه انتم عارفينها فى الزحمه بقى والحركات من الناس اللى مش محترمه.
هتتلمضوا طبعا وتنطحوا زى خرفانى وتقولوا ما فيه زحمه على المحل اللى بيسلموا منه العيش هقولكم لا لان الناس بقت تروح بعد ما الفرن يشتغل بساعه يكون عيش كتير طلع فمش بيقفوا كتير يسنوا غير كده المحل فى مكان واسع والناس واقفه عارفه ان مفيش محسوبيات ولا بتنجانات و(قطعوا الفرصه على امى انها تنادى من البلكونه وانا فرحانه فيها هههههههههههههههه).
غير كده بقى اللى اكتشفته فى حكومتنا الفزيعه المريعه الشنيعه انهم اغبياء اخر حاجه بمعنى احنا عندنا افران كتير فده مغطى كل منطقه تقريبا بيكون فيها فرن او اتنين تعالوا بقى فى القاهرة تلاقوا فى القاهرة الجديدة مثلا كلها فرن واحد يعنى سوء توزيع ومن هنا بيجى القتل والسرقه والزحمه والازمه اللى من غير لازمه طيب يا حكومه تايهه من نفسها ما ترخصى لافران العيش المدعم وهيبقى فيه وافرة فى كل حاجه انما تقول ايه لناس دماغها مزنوقه فى كعب جزمتها .
الاحلى كمان بصراحه اللى شوفتها التعاون اللى بين الناس عندنا يعنى لو العيش خلص من المحل تلاقى الشباب بتوع الشارع يجروا على الفرن يجيبوا الاقفاص ويودوها مش علشان يأخدواعيش لا علشان يساعدوا الناس ده غير اللى بيشتغلوا ويأخدوا فلوس
وكمان واحد عنده عربيه بحمار صغنتوت كده سكر بيحمل عليها العيش وينقله وده من غير فلوس .
طيب الحكومه المتأندله بقى بتاعتنا دى مش بتعمل كده ليه فى كل الاماكن والله انا شايفه ان الموضوع كويس جدا وانتم هتشوفوا شكل العيش والوزن بتاعه 120جرام بالظبط والحصه بتطلع كامله يعنى مفيش سرقه .
طيب لو الناس راعت ضميرها فى الافران والحكومه اتحركت بدل ما هما قاعددين فى التكيفات اللهى الدور اللى فوق يقع على دماغتهم ولا يوعدهم بقرد اهبل يطنطط فى دماغهم ولا دبور عبيط يدخل ودانهم ....
وبليز بلاش تحسدوا الرغيف عندنا اصل بصراحه شكله هتشوفوه وطمعه زى السكر ههههههههههه (بطلع لكم لسانى )
لا بجد يا جماعه اللى فى منطقه يحاول ينفذ الموضوع ده ويروح الحى وطالبوا بيه بلاش تروحوا الافران خلو العيش يجلكم انا شايفه انه كويس جدا .
اقولكم ليه انا اكتشفت اننا عيله نافشه ريشها على طول الحاج والدى العزيز حبيبى بيقف مع الناس على اعتبار انه من الناس الكبيرة فى الحى يعنى لما الناس أخدت العيش وفيه ناس مرحتش مش عاوزين ايه بقى باقى مجلس الادارة بتاع الحى نده فى الجامع ان فيه عيش زياده للى عاوز وخاصه ان اقصى حاجه ممكن تأخدها هما 15 رغيف فى اليوم بس فدى فكرة كويسه اللى عاوز زياده يروح المهم فيه ناس راحوا يشتروا بتوع مجلس الادارة المنيلين عاوزين يبيعوا ال15رغيق بجنيه وهو اصلا بخمسه وسبعين قرش وهنا بابا بقى مش فرامل لسانه اللى فلتت لا ده كل الموتور باظ وزعق وتييييييييييييييييت وانا بقى التييييييييييييت بتاعت بابا مش زى التييييييييييييت بتاعتنا واتحدى اذا حد وقف قدامه وفهم هو بيقول تيييييييييت ايه بما انه من العريش فمحدش بيفهم قوى التييييييييت وهو بيتعمد يعمل كده وراح تانى يوم للمجلس المحلى بتاع المدينه واشتكى لرئيس المجلس وقاله انتم اولى تعالوا امسكوا الموضوع ولو هتغلوا على الناس وتكسبوا الربع جنيه خدوه بس اعملوا بيه لنا خدمات احسن المهم قاله لا خالص حضرتك مؤقتا امسكوه انتم لغايه لما نظبط وهنمسكه احنا
وراح بابا تانى والناس زعلت منه قالهم انا مش هقبل نأخد حق حد وليه ننصب على ا لناس هنبقى احنا والحكومه يعنى بجد صعب عليه قال هو لو الحكومه مسرقتناش نسرق بعض وبعدها بقالهم كام يوم ماشين زى النمل على السطر هههههههه.
وصح كلامه مظبوط احنا ليه بنيجى على بعض كده حرام والله يعنى مينفعش نعمل حاجه كويسه بس سيبكوا طول ما الحاج موجود الوضع تحت السيطرة هههههههههههههه والكل بيعمل له الف حساب وانا اكتشفت انا جبت عرق التناكه ونفش الريش منين طلع من بابتى حبيبى.

ملحوسه منحوسه مبسوسه :-
والناس اللى بتقولى على الاغانى انا عامله لكم برنامج ما يطلبه المدونون علشان ادلعكم بس ما هو مش لازم يبقى قلل وخرفان يعنى شويه دلع كده علشان الكوكب ميكونش خنقه وبلاش النيات الوحشه انا بحذر .........واحد بس اللى ييقى نيته وحشه هههههههههه مش كلكم وهو عارف نفسه اتهدوا بقى .

كان معكم مراسلكم دكتور استاذ لواء جزار آبى كعب الغزال المتحنى من امام فرن ابو عزيزة


انا اخدت حقى ..حد هيتحرك ولا باركنج باركنج


ايووووون اللى كتبته فوق ده انجليزى مش عربى ههههههه وحصل بلا حرج فى مصر وتحديدا فى القاهرة الجديدة اللى مبقتش بنت ام عز .
بما انى عندى هوس النظافه وبتجيلى حساسيه فى عنيه ومراخينى وبهرش فى شعرى (تقريبا بقلب على قرد هههههههه) من عدم نظافه السلم اللى فى العمارة بتاعتنا وكمان الجناين والشارع . هى الجناين المفروض تتنظف يوميا او على الاقل كل يومين وكمان السلم مرة فى الاسبوع بس بما انى عندى فى العمارة مش اطفال لا دول الجيش الخامس فأول ما السلم يتنظف يجروا عليه ويجمعوا الورق ويرموه من تانى وبما ان اهاليهم عاملين سيئات مجتمع (سيدات سابقا) فمعندهمش اهتمام بالموضوع خالص وانا تعبت ومش بيتكسفوا على دمهم ومحدش بينظف والكسل بقى محدش عاوز يعمل حاجه ولازم يعتمدوا على غيرهم ....المهم انا خلاص قررت الانتقام من الأشرار ركبت بطوط وشحنتها على الأخر وبقت زى الثور اللي شاف فنله حمرا ورحنا دخلت لمدير الشركه المسئوله عن النظافه يقولى ارتاحى حضرتك قولت له مفيش راحه قولت له اسمع سلم مش نظيف جنينه مش نظيفه محدش مهتم باى حاجه انتم مستنين ايه لما يطلع علينا حشرات وتعبانات من الجناين والمكان بقى فيه كلاب بتجرى ورايا وانا راكبه العربيه فرد بأدب وده غصب عنه لان عاوزة اقولكم صوتى كان بيهز القاهرة الجديدة بلا فخر ههههههه (وده لاثر رجعى لانى رحت حوالى اربع مرات واتكلم بالذوق وبرضه يهملوا تانى يتعدلوا مرة واحده بس)فقررت المرة دى استعمل خطه مضاده للذوق والأدب واصهلل زى الحصان وفى الأخر بعد ما قالى هنعمل كل حاجه قولت له متشكرة

بس على فكرة انا عملت فيكوا محضر فى قسم الشرطه رقمه 1009 وقولتها وانا بجرى على الباب زى الفأر اللى واقع فى حله شوربه سخنه.

وبرضه النحله والدبور اللى فى دماغى مسكتوش قعدوا يزنوا عملت ايه بقى ايوووون رحت للمهندسه سونه اجدع ناس هههههههه والله اسمها سونه دى فى البيئه عندنا اللى مسئوله عنها طلعت ست ذوق ومحترمه واتكلمت معاها وفهمتها اللى بيحصل وابتدت عجله الروتين الهبله تقولى طيب هطلبك المهندس زعبوله تروحى له فى المكتب اللى جنبى تقولى له طبعا لقيت الدبور خبطنى وقالى هتهزرى دول بيباصوكى لبعض يا هانم ضربته على قفاه وقولت له استنى رحت بقى للمهندس زعبوله راجل محترم وبااااااااااااااارد اخر حاجه وكان قدامه اتنين عندهم مشكله وانا دخلت ونفشت ريشى وقولت عليا وعلى اعدائى حمرت عينى ونكشت شعرى ودخلت من غير صباح الخير قولته اسمع حضرتك الموضوع وقمت حكيت على عدم النظافه قالى طيب هتصل بالشركه قولت له اسمعنى كويس ده ميخصنيش ده شغلكم مش كل واحد قاعد على مكتب وماسك تليفون ويقولى هتصل انتم مستنين الناس تجيلكم ولا ايه انا مليش فيه والست والراجل ياعينى اللى كانوا قاعدين يبصولى باستغراب قوى لانهم تقريبا بيتكلموا بصوت واطى معاه ههههههههه وفجأة قالى طيب انا المهندس المسئول وهكلم الشركه اقعدى علشان تتاكدى قولت له مش قاعده انا مش فاضيه لكم انتم عاوزين واحد يمشوا وراكم يقولكوا تشتغلوا ازاى كل ده والراجل متنح بجد مش فاهم انا ليه بتكلم كده (عبيط مش عارف ان النحله والدبور هما السبب )

وانا ماشيه قولت له مين مسئول مباشرة عن شركه بتاعت الجناين قالى ادخلى ادارة الزراعه جنبنا قولت ايوه يعنى اسمه ايه قالى المهندس اليف الناس اللى قاعده بدأت تبتسم ليه وسمعت صوتهم عالى بعد ما طلعت ههههههه وانا خارجه رميت قله فى وشه زى الاولى وقولت له على المحضر ههههههه.

بس مجرتش قولت له المرة الجايه مش هجيلكم هنا هروح للوزارة على طول وهتبقى مشكله وخدت ديل بنطلونى فى سنانى وادحرجت زى الانبوبه جرى على ادارة الزراعه نفس اللى حصل عملته هناك بس سى اليف مش موجود اقولهم فين يقولولى بيمر قولت لهم على اللى عملته وبرضه المحضر قالوا ليه هنتصرف قولت له انا مش جايه تاني وده اخر انذار انا اتقرفت.

المهم النحله قامت قرصتنى فى لسانى وقولت له ممكن اسالك سؤال هو سى اليف لما بينزل من هنا بيمشى من الباب ولا السطوح رفع حواجبه زى شنبات الصرصار وقالى من الباب ليه قولت له وانا معتمده عليكوا تراعو الجنينه عندى اذا كان قدام المبنى اللى المفروض انه خاص بشئون البيئه مش نظيف اتكسف الراجل وقالى العماله اصلها قليله
وهنا انفجرت والشكمان ضرب وطلع دخان من ودانى قولت له عماله ايه مش بتشغلوا الشباب ليه ومخلين البلد فيها بطاله ما الشباب مرمين على الكافيهات زى البسله اللى اتفرطت الله يحرق نظيف على اللى مش نظيف على اللى ماسك دى بلد معندكوش تنظيم فى اى حاجه. ومشيت والنحله والدبور فى ايدى وحذرته فى خلال يومين يعمل اللى قولت له عليه والا هتصرف بس انا مكنتش عارفه انا يعنى ممكن اعمل ايه بعدين ههههههههه وقد كان يا حلوين السلم اتنظف ومرتين فى الاسبوع اللى فات الجنينه بقت زى الفل وجابوا واحد كمان للنظافه فى الشارع بدل عم محمد راديو لانه راجل كبير وطول اليوم ماشى يلم ورقه ورقه فى كيس ويقعد باقى النهار يرتاح ويسمع الراديو.
بجد انا مكدبتش انا رحت القسم قبلها بيوم بالليل وعملت محضر فى الشركه المسئولة عن النظافه حتى اونكل الظابط استغرب من المحضر بس طلع ذوق وقعدونى وانا كنت متنكه ونافشه ريشى مش فاهمه ليه وعمل المحضر وسالنى بتعمليه ليه قولت له علشان الحشرات والتعبانات والكلاب اناخايفه وحسيت انه عاوز يضحك بس كتم فى قلبه هههههههه وكانوا تلاته ظباط فى الاوضه وقعدت وكتب المحضر وقالى اقريه وامضى عليه وبعدين خلصت وماشيه قالى استنى خدى الرقم قولت له رقم ايه اصلها اول مرة اعمل محضر ههههههههههه قالى فيه رقم وقالى بتبقى ادارى قولت له ليه قالى لان محدش اتعور فسكت وقولت له يعنى هطنشوه ولا هترموه فى الباسكت بتاع الزباله ولا ايه قالى لا هنبعت لهم الشكوى وكمان تلات ايام هتلاقى المحضر فى النيابه شكرته ومشيت واول ما رجلى جت بره الاوضه جريت زى القطه وسمعتهم بيضحكوا عليا مووووت (حد يعرف ليه)

نستفيد من هنا ايه يا حلوين:-

1-اننا منفرطش فى حقنا ما هى شركات النظافه بتأخد مننا فلوس على قلبها قد كده وانا افرط فى حقى لييييييييييه

2- زعق وانفش ريشك زى الديك الرومى وانت صاحب حق

3-هدد كل اللى فى العمارة ان هيتعمل فيهم محضر هما كمان علشان عدم النظافه ههههههههههه شعب يتقرص بالفلوس وناس تخاف متختيشيش

4-كل واحد يعمل شغله بما يرضى الله واللى يقصر التانى يديله على قفاه ومنسكتش ونبطل سياسه تكبير الدماغ

5- اخذ الحق نفشه ريش مش هز كتاف هههههههه

بجد انا اخدت حقى وبقى كل شئ تمام هتتحركوا ولا هتفضلوا سلبيين على كده كل حاجه بلغ عن الافران اللى بتبيع الدقيق فى السوق السوده بلغ عن اى غلط متسكوتوش ومتركنوش فى الباركنج بتاع الحياة وبس احنا بنأكل علشان نعيش مش بنعيش علشان نأكل فيه اساسيات كتير تانيه وبتصليح الاخلاق والتصرفات الدنيا هتعدل


كان معكم سياده اللواء طبيب جراح كيميائى مسئول عام النظافه عن القاهرة الجديدة آبى هانم كعبل الغزال المتحنى.

ملحوسه منحوسه :- انا مسافرة المنصورة حد عاوز حاجه ومسمعش حد يقولى هاتى عيش وانتى جايه دا انا هوريكوا مهازل بالصور عند فرن العيش انما ايه مقولكوش عيش طعمه وريحته ولا الزبده الفلاحى هههههههههههههههههه وكل سنه وانتم طيبين علشان كل المناسابات اللى جايه وقلبى معاكوا ومعاي فى هديات عيد الام خخخخخخخ

قانون للمهلبيه فى دولة الفراخ المستخبيه


مش انا قولت قبل كده محدش سمع كلامى ارجعوا بقى لبوست (عاوزة اتجوز ميكانيكى ) بتاعى ده شوفوا الساده المتحقوقيين دول اللى مستهبلين ومستعبطين بيقولوا ايه هو الخبر كالمعتاد من عند مصراوى اللى بقى بيعلى الضغط ويوطى الصوت ويجيب التهاب فى الجيوب الانفيه
طالب حقوقيون وبرلمانيون بسرعة التصدى لظاهرة الزواج العرفى (والله ناس فيهم الخير بجد ) وذلك فى إطار مشروع مراقبة الأداء البرلمانى للمعهد الديمقراطى المصرى فى ندوة بعنوان ( هل تنتهى ظاهرة الزواج العرفى ؟ ) (الا حد يفهمنى ايه دخل البرطمان فى الموضوع ده والمعهد التيتوقراطى ده فين بس علشان افهم فى مصررر ولا الهند ) قالت ابتسام حبيب عن أن مشروع القانون يأتى فى إطار حماية المجتمع من هذه الظاهرة ومحاولة تقنينها والتغطية القانونية لها وخاصة بعد انتشار هذه الظاهرة فى الأوساط الطلابية ،والعديد من فئات المجتمع بزيادة مطردة-حسبماذكر موقع حزب الجبهة الديموقراطية.
(هو ايه حزن الجبهه ده كمان ده دمل جديد وتفكك جديد عندنا ولا ايه

وقالت أنها لا تتحدث عن شرعية الزواج أو عدمه بقدر ما هى مجرد محاولة لتوثيقه وأضافه الإطار القانوني لها ولمعالجة الأزمات الناتجة من هذه التصرفات غير المسئولة.

هو ده بقى اللى انا عاوزاه مش بتفكر فى شرعيه يعنى ايه طيب ما هو يا هانم يا عضو مفروض بترة يعنى طالما مفيش شرعيه يبقى مفيش جواز اصلا وعلى ما اعتقد وفيه ناس ممكن تفيدنى اكتر ان حتى الزواج العرفى له شروط بس عموما انا مش بعترف فى عرف الديك ده
محاوله توثيق ايه بقى طالما مفيش شرعيه ما هو بنى على باطل اساسا يبقى توثق ايه هى بتحفظ حقوق فى الدنيا طيب واحنا قدام ربنا طيب ليه طالما عرفى ميكونش رسمى ما المحامى بيأخد على قلبه قد كده ولا صحيح محامى ايه ما هو دلوقتى الموضه التسجيل على شرايط والناس الكلاس شويه يا مان بقى على ام بى ثرى او بالدم للناس اللى معندهاش دم دول
أضافت أن الظروف الاقتصادية السيئة التى تمر بها البلاد ليست هى السبب الرئيسي فنجد أيضا أن الظاهرة منتشرة فى الجامعات الخاصة والطبقات العليا من المجتمع ممن تتوافر لديهم الإمكانيات المادية.
طيب يا ناس ياللى مش عندكم دم ايهالفرق يعنى هما عاوزين يعملوا شكل قانونى للحرام ولا ايه ولا يسهلوها على الشباب ويخلوهم ميتحملوش المسئوليه ويلهوهم فى اى حاجه علشان البلد تتأخر كمان طيب ما تصلحوا الاقتصاد

أضافت أبتسام أننا لا نريد أكثر من إيجاد شرعية قانونية على هذه العلاقات والتى تتنافى مع أخلاقيات المجتمع بعيداًَ عن مسألة الحرام والحلال ، فعدد حالات الزواج العرفي انتشرت فى الفترة الأخيرة ولابد من مواجهة ظاهرة الزواج العرفي والتصدي لهاوالعمل عكس ذلك سينتج عنه أزمات لن يستطيع أحد السيطرة عليها.

طيب مش عاوزه حد يمسكنى بقى سبونى عليها هى الست دى شاربه حاجه مش مظبوطه ولا شربت عصير كرنب عمل لها دماغ غازات سامه يعنى العبيطه القرنبيطه عارفه انها حرام انا مش فاهمه هما خرفانى تقلوا العيار علىالصبح طيب حد يفهمنى عااااااااااااااااااااا
والناس المجنونه دى بيقولوا ان البدو بينهم موضوع الزواج العرفى لوووووووووولى ده هما مش عاشوا هناك ولا يعرفوا تقاليد الزواج فى القابائل بيفتوا ليه بقى ولا هى بقت اى عبط فى استعباط الناس دول واكلين مستهبله ومستعبطه وبيطلعوها علينا ولا ايه طيب بدل مايوعوا الشباب على الزواج الشرعى يقولك نعمل قانون لغير الشرعى علشان نحمى الاطفال الناتجين عن كده وفين حقوق الاسرة وفين شرع رنبا اللى هو اصلا بيحمى الستات والرجاله والاطفال يعنى بقى دلوقتى القانون بتاعنا لوووووولى ونسبنا الحكومه وكل اللى عاوز قانون يشتريه من السوبر مركب هههههه وهنقوم الصبح نلاقى الفنادق فتحت كلها للحرام رسمى ما هو يا قانون يا شرع اصل بلدنا خلاص مينفعش فيها الاتنين. بجد نداء من قلبى لكل الشباب والاهل خلوا بالكوا من اولادكم يا بنات اوعوا تمشوا ورا الموضوع ده ...بجد حرام يا شباب انت مش هترضى لاختك ولا اى حد قريب منك بكده يبقى بلاش تبهدل بنت ناس معاك اقفوا ضد الرغبات اللى بتبقى جواكم وفى النهايه اتقوا ربنا الناس دى بتخرف وهتودى البلد فى داهيه يعنى عاوزين تحلوا مشكله تقوموا تعملوا لها قانون يعنى واحد قانون هنا وصلحه للغلط ههههههههههه
كان معكم بعد عوده قويه من الحرب الصهيونيه قائد جناح الفرخه اليمين لفرق الصاعقه سعادة المستشار رئيس محكمه الكوكب الشماليه آبى بتنجانى

انا بكره اسرائيل الاغبياء



صباح الفل والياسمين والورد البلدى بتاع مصر مش الصين

بصوا بقى البوست اللى فات ناس فهمت غلط مصريين وزعلت بس عادى دول اخواتى وانا وضحت انا مش ضد حماس انا قولت يليموها شويه حتى لو معاهم حق مع بتوع فتح وكمان بتوع فتح والشعب يتوحد كله ضد الكلاب اللى محتلين البلد .انا عارفه ان حماس حكومه شرعيه ...وانا قولت دى احلامى اللى بتمناها .

سيبكوا بقى من ده الاقى ايه واحده غبيه من الكلاب دول دخلت الكوكب لووووووووووووووووووووووولى اه والله انا بزغرط من الخيبه بتاعتى يعنى سابت كل البلوجات ومسكت فى كوكبى وانا اللى بقالى تلات ايام بتفرج على الضمير العربى وعنيه بقت عامله زى عنين النمله من كتر العياط مش على الكلمات لان الكلمات هلاميه وقشوريه بصراحه انما على المناظر اللى بشوفها قدامى وانا زى الغبيه كل ما يجى مقلبش القناة لا اتنح قدمها بصراحه بيصعب عليا اشوف حاجه تانيه غير الحاجات بحس انى معنديش دم لو جبت قناه تانيه يالا ما علينا

انا جبتم لكم ردها عليا انا اخدته كوبى وبيست علشان كنت متأكده ان بعد ما تقرى ردى عليها فى التعليقات هتمسحه وكمان هى طلبت منى كده بس بما انها غبيه مش عارفه هى بتتعامل مع مين فانا هنشر ردها ........ بس مش علشان تطبيع ولا تطبيق ولا تلطيخ ولا بطيخ ولا حوارت وثقافات وبتنجانات لا علشان الناس كلها تعرف قد ايه دول اغبياء وبيضحكوا على نفسهم قبل ما يفكروا يضحكوا علينا وانهم زى التعالب ملهومش امان ودموعهم دموع تماسيح جربانه فى مياه راكده ضحله ريحتها قرف بجد مش عاوزة اقعد اشتم انا بس عاوزاها انها حشرة ولعبت غلط مع الشخص الغلط ومش عارفه هى منين جابت انى موافقه على الاحتلال طيب بزمتكوا انتم تصدقوا كده هى الناس دى عبيطه ولا مستعبطه ولا تايهين فى العالم ده

اانا نفسى تدخل ويجلها صدمه عصبيه لما تشوف كلامها انى حفظته ومرمتهوش علشان تلعن اليوم اللى فكرت تحط ايدها على الكيبورد وتكتب حاجه او تتمنى الموت قبل ما تفكر تلعب بعقول المصريين وده دليل قاطع على غبائهم بس هى منها لله امريكا اللى مقوياهم وهتلاقوا فى النص ردودى عليها يعنى كلامها باللون البرتقالى وانا ردودى بالبينك.

رد العبيطه القرنبيطه

AYA said...

هاي انسة او سيدة ابيه
كيفك

انا حاسة معك بكل دقة قلب وبكل دمعة منك على الوضع وعلى الحياة وانك بدك الخير لجميــــــــــــع اهل فلسطين ولكن مو بايدك تعملي شي اكتر من اللي بتكتبه

دول كلمتين حلوين قوى كده انتى دخلتى صح

للاسف كلنا عارفين الحقائق المرة اللي معقدة مشكلة اهل فلسطين وهي طبعا مش الاحتلال وانما الاحتلال هو ذريعة

*كده حضرتك بدئتى تلخبطى ابو قرش على ابو قرشين مش الاحتلال ازاى يعنى الفلسطنين هما اللى بيقتلوا فى بعض ولا هما اللى محتلين نفسهم مفهمتش يعنى هو ليه الاسرائلين قاعدين مش هما تحت جناح امريكا عاوزين ارض العرب ليه ولا هو طمع وفراغه عين وبس ولا فاكرين انهم هيحققوا مطامعهم فأن الارض تكون من النيل للفرات لا يبقوا اغبياء لاننا مش هنسمح بكده

للوصوليين بيتسترو فيها علشان السيطرة والخكم ونهب المال ونهب المساعدات اللي كانت بتوصل للشعب, والكن الشعب المسكين ما وصلتو مساعدات ولا حتى سمع عنها بسبب سياسة تعتيم الاخبار

طيب لما الشعب صعبان عليكوا قوى كده مش بتسيبوه فى حاله دلوقتى ليه كده كل يوم قتل ونهب ما انتم بينبكم فى الحب الجانب مش بتأخدوا مساعدات من امريكا اوعى تكونى فاهمه ان احنا مغيبين على الواقع لاااااااا احنا شايفين واذا كان فيه انقسام فى الشعب فده وقتى مش اكتر

معلش / انا يهودية يا سيدة ابيه وانا مش باتعاطف مع احد او ضد احد ولكن باقول الحقيقة حسب ما باعرفها

*يا اااااااا دا انتى هايله يهوديه ومش بتتعاطفى مع حد وتفتكرى هثق فى كلامك وانا اصدقك ليه اذا كان ليه ناس عايشه هناك وناس بتموت وناس بتنزل مصر تتعالج تفتكر اسيب كل ده واصدقك انك بتنقلى حقائق لا برافو على دماغك اللى خلتك تعتقدى ان المصريين اغبياء

وما في حدا بيقدر يحاسبني فيما لو كنت في دولة تانية كان ما كنت اقدر احكي لاني راح اخاف على حياتي , ولكن لا حماس ولا فتح ماشيين لمصلحة الشعب علشان الاموال المروقة ما حدا كشف عنها من كلا الطرفين


* طيب لو انتى عارف وعندك اثباتات ما تورينا شطارتك بقى بص اللى زيكم كده هما اللى عاملين الفتنه ما بينهم واذا كان فيه انقسامات فدى وقتيه وهيرجعوا لبعض او عندى امل لكده

اكيد كل واحد بيستعجل وبيشتم اسرائيل معناتو مخبي سر في نصب واحتيال وشتيمة اسرائيل مثل التراب اللي بيعفر بعيون الناس علشان ما يشوفو الحقيقة


** لا ازاى هو فيه زى كلاب اسرائيل اللى معندهمش دم ولا قلب اسمعى يا ااااامش عارفه اسمك ايه ما علينا اذا كنا مش شايفين اسرائيل فى فلسطين فكنا شايفنها فى مصر وفى الاحتلال والمجازر كانت بتعمل ايه فينا عاوزة تفهمى ولا لسه مفهمتيش

لمعلوماتك من قبل الانتفاضة كانت حياة الشعب الفلسطيني احسن بسبب توفر العمل والاجر العالي واما اليوم يتوفر الجوع والاهانة

** ده كداب مين بيقول كده طيب ما تروحوا تحتلوا بلد تانيه اشمعنى مركزين على الشعب الفلسطينى وفلسطين يعنى ومين قال حالهم متغيرش من الاف السنين انتى بتضحكى عليا ولا على نفسك هههههههههه


قبل كام سنة كانو يشتغلو عندي فلسطينيين ولما كان في منع عليهم من دخول اسرائيل كنت اشحن في سيارتي مواد غذائية واخدها ليهم على البيت وكنت اخاطر على نفسي من جيش كلا الطرفين لكن انا ما بخاف من الموت علشان لما بدو ييجي بييجي حتى على الفراش في البيت

والله قلبك طيب لو كلامك مظبوط بس اشك

معلش كمان حقائق ما بيعرفها حدا :- نصف الشعب تحولوا الى لصوص سيارات اسرائيلية بالاشتراك مع اسرائيليين وعلى راس هذه العمليات يقف رجال اعمال اسرائيليين وفلسطينيين ولا كانو في اي حرب ولا اي مشكلة والاتفاق موجود بدون توقيع معاهدات

الناس ما بيهمهن حماس ولا اسرائيل او مين يحكم - المهم الخبز واكل العيش وكل الشعب بيتمنو يقدروا يحصلو على هوية اسرائيلية او تصريح من اسرائيل لدخول اسرائيل للعمل او للعلاج

**لا طبعا كلامك مش صح مين قال ومين برهن على كده هو حضرتك مفهمتيش ان ليه صديق فلسطينى وكان بيكلمنى يقولى ادعى معانا على الاسرائليين انتم ليه عاوزين تطلعوا بشكل الحمل الوديع

ارحو ان تفهموا بعض الحقائق المرة بدل تسكيت اوجاعكم في لعن اسرائيل والغرب

عادة الامراض في الجسد وليس بعيدا عن الجسد لان الجسد يعاني

ارجو ان لا اكون قد احرجتك لانني يهودية وبامكانك حذف رسالتي بعد قرائتها


لاصحيح يقتلوا اطفال ويشردوا كبار وخلوا فى مصر على الاقل فى كل بيت شهيد ومندعيش عليهم روحوا ربنا ينتقم منكم ويومك جاى بلا محاله واشيل ليه رسالتك خليها الناس تشوف اللى انتم بتعملوه وتزييف الحقائق دا انا هعملها بوست عندى يا شيخه الا انتى صحيح شيخه هههههههههههههههه شكرا

March 13, 2008 12:51 AM

ارحموا من فى الارض يرحمكم من فى السماء


هاى عليكو يا حلوين اكيد افتقدتونى صح وافتقدوا قللى وخرفانى معلش نكدت عليكوا (هو انا ليه بركه الا انتوا) بس حبيت اعرفكم ان الحياة لا تساوى اى شئ خلاص مش هنكد تانى الا فى الضرورات التى تبيح المخضروات.
الولد السكر اللى فوق ده فادى أكرم فلسطينى ابن أكرم او كرمله كوكى صديقىمن فلسطين بقالنا اصدقاء اكتر من 3 سنين اكرم لما اتجوز كان نفسى ينزل مصر استضيفه هو وزوجته مقدرش ومقدرتش اروح له هناك احضر فرحه بس كان بيكلمنى على النت على طول حتى لما بقت مراته حامل كلمونى قالوا ليه ولما جاب فادى بعت ليه صورة اكرم شاب عادى عنده 27سنه وبيحب اسرته جدا كان من فترة اختفى ومش عارفه عنه حاجه لغايه لما قابلنى على النت تانى واطمنت عليهم وبعت ليه صور فادى ....اكرم الصبح بيشتغل فى مستوصف فى غزة وبالليل عمه عنده فندق عند ميناء غزة ....اكرم وعيلته مش عاوزين حاجه فى الدنيا غير انهم يعيشوا فى امان وسلام ويربى ابنه ويجيب له اخ عاوز اللى بيحصل فى بلدهم ينتهى خالص وانا معاه انا مليش دعوة مين مع مين ولا مين ضد مين انا مش عاوزة اشوف فى يوم صورة اكرم ولا ابنه ولا مراته ولا امه اللى بتحبنى على الرغم انها مشفتنيش على التليفزيون فى الناس المصابين ولا المحروقين الناس دى ممسكتش سلاح ولا راحت حاربت دول طالبين ابسط حاجه فى الحياه انهم يعيشوافى امان وسلام وحب .

انا عاوزة الناس التانيه بقى يهمدوا شويه ويبطلوا يقطعوا فى الفلسطنين شويه اللى اختاروا يمسكوا سلاح ربنا معاهم يا رب وينصرهم انما الناس التانيه عاوزة تعيش دى ابسط حقوقها مين سلب اداميتها من قال انه سهل طفله تطلع فى التليفزيون تقول (اى امال اللى باقيه عليها انا مبقاش عندى امل فى حاجه ولا احلام بس اتمنت ترجع بيتها).
اى عقل وديانه فى الدنيا تقبل ان راجل ابنه يموت قدامه وينزف ومش قادر يعمل له حاجه ويبكى عليه ولا طفله تفقد اهلها قدام عنيها ولا راجل يهان من كلاب اسرائيل ويضرب بالقلم ولا بالرجل .
انا مليش فيه حماس عاوزة فتح عاوزة ولا الحكام العرب عاوزين ايه حتى ..... انا عاوزة حد يتنازل وميكابرش علشان يحافظ على بقيت الناس ...الناس دى عاوزة تعيش وبس ليه القيادات متتنازلش ليه ميخفوش الفرم اللى عاملينه على الفلسطنين اتمنى ان يوم يحصل وحد يتنازل مش علشان حاجه وحشه انما علشان شعب واطفال مختاروش حاجه غير انهم يعيشوا ويعبدوا ربنا وبس كمان الناس اللى بتعمل فتنه بين الفلسطنيين والمصرين اللهى يجلكوا الفلونزا القرود وهبل النعام ونطح الخرفان العبيطه خفوا شويه هى مش ناقصه ....شويه احذروا من حكومه مبارك والمصريين ..وليه مش بيسمحوا للفلسطنين يتعالجوا فى القاهرة ويطلعوا كدابين فى النهايه والتليفزيون والفضائيات تنقل حالات من قلب القاهرة فى المستشفيات عاوزة اقولهم اتبطوا بقى وابقوا زى البط المكتوم على نفسه ويارب تفطسوا العمليه مش ناقصه سواء اللى بيعمل كده فلسطينى او مصرى اهمدوا بقى الله ينتقم منكم متكرهوناش فى بعض.


نفسى كل الشعوب تبقى كويسه فى العراق والفتنه الطائفيه الله يحرقها بجد وفى لبنان الناس لغت عقولها ليه طيب ايه الاستفاده من الاهانات اللى بتحصل دى مش عارفه بجد انا قلبى بيتقطع لما اشوف مسلم بيقتل او يضرب او يتخانق مع مسلم طيب ليه منحبش بعض.
يمكن احلامى ورديه بس هو ده اللى عاوزاه بجد من قلبى.
ومصررررررر حبيبتى اللى بقيت اسمع اسمها بالصدفه (الا محدش يعرف النشيه الوطنى بتاعنا راح فين هما خصخصوه هو كمان انا مبقتش اسمعه) نداء من قلبى للناس اللى فوق قوى دول ربنا على الظالم انا نفسى اعرف احساسهم ايه لما بيشوفوا راجل كبير فى السن طالع وماسك رغيف عيش ميأكلش طفل صغير ويقول لما يبقى ده بربع جنيه ااكل ولادى فى الشهر بكام واجيب قد ايه ومرتبى مش بيكفى الزيت بقى ب11جنيه الارز بقى 3.5 الملوخيه ب4جنيه الفول الكيلو ب6جنيه العدس اللى كنا بنقول عليه اكل بتاع المساجين والله انا بحقد عليهم دلوقتى بيأكلوا عدس الكيلو ب10جنيه وبابا علشان انا مش بحب العدس ولا البصارة كان يقلى يا رب تروحى الجيش وتأكليهم علشان النعمه اللى مش حسه بيها أه دلوقتى حسيت بيها بجد يعنى اخوانا اللى بيروحوا الجيش ميزعلوش هيأكلوا حاجات غاليه وقيمه.
اللحمه بقت ب42ج ومحدش يقولى ليه وازاى يمكن معندناش مزارع حيوانيه خدوا البقر والجاموس وكل الحيوانات فى نزهه مفتوحه لخارج البلاد او طلعوهم اعارة ...انا مش عارفه احنا هنفضل ساكتين لامتى وهنفضل مش بنطالب بحقنا لامتى وهيفضلوا بيلهونا بقضايا تانيه وحاجات تانيه ويسبونا نزيط ونبقى عاملي زى كدابين الزفه لامتى وهما يغلو كل حاجه من غير ما نأخد بالنا وهيفضلوا الظلمه كابسين على قلوبنا لامتى


احنا بقى ترتبنا فى العالم رقم 38فى الفساد (ريحته طلعت زى الشراب اللى بقاله قرن متغسلش يعععععععع ) السيد أبو طويله المسبسب ظيف رئيس الوزارء بيقولك مفيش ازمه عيش ولا ازمه حديد ولا اى ازمات انا نفسى اعرف امال فيه ازمه فين فى رباط الجزمه بتاعتنا ولا ازمه فى عدم استيعبنا للامور وان البلد بقت بتاعتهم واحنا نهاجر على الواحات ولا الصحراء انا بدعى عليهم من قلبى ربنا يوعده برئيس حى محترم يشيل منه دور ابو طويله ده او طيارة تدخل فى دماغه .
قال ايه الغوغاء هما اللى عاملين كده طيب اسكتوا يا غوغاء يا وحشين يا دببه هما الناس دى معندهاش شويه من اللون الاحمر مش شايفين بعيونهم ولا اتعمت


اخيرا بجد هدعى على كل واحد ايديه تتمد على طفل فلسطينى ولا شعب فلسطين
وربنا يهدى شعب العراق لبعض ويفهموا ان عدوهم هو اللى فرقهم
ويأخد الناس الطويله الهبله والقصيرة الأوزعه اللى فى الوزارة بتاعتنا ويا رب لو من بابها يعنى تأخدهم من أول فوق لغايه اصغر واحد كل الشعب مش مهيعترض .
يا رب نفوق بقى ومنفرطش فى حقنا ونتكلم بقى وننطق بدل ما الصبح كلنا نمشى ببوت فرده وفرده وشورت فى الشارع ونكشين شعرنا وميلاقولناش مكان فى العباسيه .
يا رب نفوق من سلبيتنا ونقول لا للظلم بدل ما يتلف حولين رقبتنا ويخنوقنا ولسنا يطلع يدلدل .
يا رب خد اللى فى بالى وعذبه عندك فى الاخرة وبلاش يعذبنا هو فى الدنيا .
ومن هنا سوف اقوم بوقفه احتجاجيه مهلبيه والدعوة عامه واهو منها نشغل اخوانا الحلوين بدل ما هما ملبوخين فى المحنيات ههههههه بداخل كوكبى وادعى كل الادعيه اللى ممكن تفوقنا وتخلصنا من الظلم اللى احنا بقينا فيه وتجعل الرحمه فى قلوبنا على بعض وترحمنا يا رب
وتفوقنا يا رب من الغفوة اللى احنا فيها ويطلع لنا لسان ونوقف ايد ةواحد ونطالب بحقوقنا


تهديد واعذار على يد محضر رخم رزل مضروب على قفاه لخمسين سنه :- مش عاوزة واحد ولا واحده دماغه مزنوق فى كعب جزمته يقولى انتى ضد حماس ولا مع حماس ولا انتى مع فتح ولا ضد فتح انا مليش فيه زى ما قولت انا مع الشعب العادى اللى اختار يعيش ..... واللى يختار يجاهد ربنا ينصرة يا رب فمش عاوزة تصنيفات مليش فيها خالص انا بتكلم من قلبى انا كده انسانه بسيطه ..... ربنا على الظالم ومع المظلوم وهو اعلم ما فى القلوب والنيات.
انا حذرت اهو احترسوا الخرفان ملت الكوكب على الاخر وسلحت نفسى بالزير الكلاشينكوفى ولسانى ولا مطار امبابه ههههههههه

كان معكم مراسلكم حول العالم من قلب المعارك والتفكك الطائفى والثقافى البتنجانى استاذ لواء اركان حرب دكتور فيكونى آبى بتنجانى من قناة الفياكين الخاصه ا ولا عزاء للساسيين البمياجيه.

فقدتك يا اعز الناس


عم محمد مات آآآآه رحت أمبارح ملقتوش.

عم محمد ده راجل كبير فى السن يعنى فى أواخر الخمسينات كان يشتغل فى مشتل بتاع زرع كنت بروح ليه دائما اشترى منه وكان بيدينى بأسعار رخيصة علشان كان بيحبنى قوى ويقولى يا ريت ولادى زيك يحبوا الورد والفل والياسمين .

عارفه لو كل الدنيا زيك هنكون ناس طيبه وحلوة وبنحب بعض قوى ومش هيبقى عندنا مشاكل كنت بقعد اضحك واقوله بطل تجاملنى يحلف بالله انه مش بيجاملنى ولا يعرف بس دى نتيجه خبرته وتعامله مع الناس.

كنت كل يوم الصبح وانا رايحه الشغل الاقيه فاتح باب المشتل من الساعه ثمانيه اعمل له كلاسك بالعربيه واشاور له بايدى وامشى ولو لقيته قافل اعدى عليه اخر النهار واقوله كنت فين يا راجل يا عجوز يا شقى يضحك وملامحه الطيبه كلها تضحك يقولى كنت بجيب فطار اقوله ولا بتقابل البنوته بتاعتك على الصبح يقولى يا بنتى انا ولادى قدك فى سنك كده اقابل ايه دا انا بنام بعد ما اصلى العشاء واصحى على الفجر وافضل صاحى ابقى نادى عليا هتلاقينى.

فاكرة انا لما الزرعه بتاعتى دبلت شويه ومبقتش تطلع فل جريت روحت له وهى بين ايدى وانا مضايقه واقوله ماتت لما لاقانى حزينه قالى ولا يهمك أنا هأخدها منك وهديكى واحده تانيه وعلشان يضحكنى قعد يزعق ليه ويقولى ينفع كده ينفع حد ميهتمش ببنته استغربت قالى الزرع ده زى الطفل لو مأكلش كويس يتعب ويدبل وتلفى بيه على الدكاترة وانا الدكتور وقعد يعلى صوته علشان اضحك وقولته له خلاص يا عم محمد أروح اذنب نفسى على الحيطه قعد يضحك وقالى هو ده اللى انا عاوزة .

كان بيدينى لما اروح له ورده بلدى ويقولى دى بلدى اصلى زيك كده شربت من ميه مصر واتغذت من ارضها مش زى التانين ولا هما من ولادها ولا شربين منها .

كان يقولى عارفه اللى زيك لو طلع بره مصر يموت اصلك خدتى عليها مينفعش تعيشى بره مصر استغربت له وسالته ايه عرفك قالى يا بنتى سنانى وقعت بس اقولك وتشربى معايا شاى قعدت اضحك قولت له عز الطلب انت عارف انى مدمنه قالى اللى يحب الزرع وانت بطيبتك وفطرتك وطبيعتك عنيكى بتروح للحاجات البلدى والمصرى انا كنت بسيبك تختارى علشان افهم انتى ايه دماغك انتى زى زرعها مينفعش يعيش برة.

آآآآآآآه كان قد ايه طيب وفاهم اللى احنا مش فاهمينه كنت بعدى عليه خمس دقايق حتى لو مش هشترى حاجه بس اسلم عليه ولو عجبنى حاجه يقولى خديها وابقى هاتى فلوسها اى يوم اقوله لا هدفع يقولى روحى يمكن تحتاجى حاجه فى الطريق ويدعيلى ....غاب عن عينى شهر مبقتش اشوفه قولت يمكن سافر بلدهم دخلت اسأل عليه امبارح علشان اشترى ورد بلدى وشتلات زرع تانى لقيت واحد غريب مش فاهمنى سألته على عم محمد قالى الاول سافر وبعد شويه قالى لا بصراحه مات ...اتصدمت حطيت الزرع فى العربيه ومشيت افتكرت حد تانى كمان

ايهاب صديقى وأبو فريده بنوته صغيرة زى القمر ومؤدبه جدا ايهاب قريبى وفى نفس الوقت صديق واخ ليه ايهاب فى نفس سنى انا اكبر منه بأربع شهور افتكرت قد ايه هو كمان كان حنين وافتكرت يوم ما خالتى كلمتنى وقالت ليه ايهاب مات مبقتش مصدقه اقولها لا بطلى هزار تلاقيه عامل فيكى حاجه وانتى زعلانه وبتقولى اى كلام حلفت قولت لها لا انا كنت هتصل بيه النهارده اصالحه علشان هو بقاله اسبوع مخاصمنى ومبقتش عارفه اعمل ايه خصمنى علشان اتأخرت بره البيت شويه قعدت اعيط وانفعلت عليه خصمنى علشان كان خايف عليا .افتكرت يوم اختى الصغيرة وهى اللى انا مربيها كانت بتعمل عمليه الزايده واتصلوا بيا قالولى وانا من خضتى عليها رحت قعدت فى اوضه تانيه عند خالتى وقعدت اعيط دخل ورايا وقالى مالك يا ست الكل لقانى بعيط زعل علشانى مات وكان مخصامنى مقدرتش اقوله سورى كان احن انسان فى الوجود كانت ضحكته زى البيبى مات وساب فريده وهى بتعتبرنى صديقتها كان بيضحك لما تقوله يا بابى كلم صحبتى يقولها صحبتك مين تقوله اللى عندها صورتى كانت تقصدنى انا وكانت تنادى عليا باسمى وكان ساعات يضحك ويقولى انتم اطفال زى بعض لما يلاقينا بنلعب مع بعض او نحكى فى التليفون كتير.

انا مش بكتب ده علشان تعزونى او تواسونى ...دى حاجه بتاعت ربنا وانا مؤمنه بيها بس ده تأكيد على البوستيين اللى فاتوا بتاع الصداقه والاب والام اقولكم ازاى يعنى لو حافظنا على صداقتنا وتخطينا كل الصعاب وفتحنا قلوبنا وبيقنا ناس نظيف وكويسه هنلاقى ان الدنيا متستاهلش اننا نقف قدام بعض ونغلط فى بعض ونضيع لحظات جميله ممكن تسعدنا وتسعد غيرنا السؤال عن الاصحاب ومصالحتهم حتى احنا على النت ليه نزعل من بعض ونجرح فى بعض ومنتقبلش أراء بعض ليه ننقسم وبعدين لما حد يموت التانى يزعل ويندم .

ممكن الخمس دقايق متفرقش معانا بس تفرق مع اللى قدمنا فى اسعاده او اننا نحسسه اننا معاه ....بجد حرام نجرح فى بعض ونبعد ونهمل بعض ونتبع سياسه تكبير الدماغ علشان منندمش ومنلاقيش فى نفسنا فى يوم وليله فقدين حد عزيز علينا وكمان ده لاخرتنا صله الرحم والعطف على الناس مش شرط فلوس حتى لو بابتسامه او سؤال الدنيا صغيرة قوى بلاش ننكد على بعض فيها ولو مشينا زى ما ربنا قال اكيد عمرنا ما هنندم على حاجه.

بجد مش عاوزة عزاء من حد اقروا الفاتحة لكل موتانا وأتمنى اننا نراجع نفسنا فى حاجات كتير ونصالح غيرنا ونبلاش نبعد.

كان معكم أستاذ ورئيس قسم الإهمال الأول فى الناس اللى بنحبهم آبى هانم الندمانه

Share |