الادعاء الثقافى والحضارى والبتنجانى المخللى


شوفتوا العنوان مكعبل ازاى اه بجد انا بقول كلام مكعبل بس فعلا دى حقيقه اليومين دول بقى طلعوا شويه شباب حافظين كلام من كتب سواء بنات او اولاد ويقعدوا يرجعوه فى وشك (يععععععععع ايه القرف ده معلش ما علينا ) ودول بقى بيجيبوا ليه غممان فى النفس وميل للنطح وساعات تقلب بميل لاكل الفول السودانى والموز وهما بعاد تمام البعد (بتكلم زيهم اهو)عن الثقافه او التحضر يقولك ايه حريات ....حريات (طيب والله النحله والدبور اللى فى دماغى بيفهموا اكتر منهم ) طيب طبقوها على نفسكم بقى ياللى بتنادواا بيها وانتم اول ناس تنتقد معلش بقى اتحملونى بجد اصل المرارة بتاعتى اللى اشتريتها من الصين بكام يورو انفجرت فى وشهم خلاص .
كتير اشوف اولاد مع بنات فى كافيه فى نادى فى الشارع واحنا كمان على النت على الرغم اننا بنتواصل عبر الاثيهه قصدى يعنى عن طريق النت ونادر منا لما حد يشوف حد وعلى الرغم من كده فيه منا المحترم وفيه منا اللى داخل يتكعبل فى (اوكشه او موزه ) شوفتوا الثقافات المنيله دى اخرة قعدتى على البورصه ما علينا يعنى يدخل يتعرف على بنت طيب ده اصلا هدفه معروف نيجى للنوع التانى بقى طيب احنا ليه ميكونش بينا علاقات محترمه شويه يعنى والله وعن تجربه فى المعمل ه قصدى تجربه شخصيه انا ليه اصدقاء اولاد بقالنا بالظبط 14 سنه مع بعض (الله اكبر ماشاء الله حسه انى حالا هقوم اقتل واحد فيهم من كتر الحسد اللى بيطق من عيونكوا )وعلى فكرة منهم اللى اتجوز ومعاه بيبى كمان وعلاقتنا كويسه جدا وزوجاتهم عارفه وفيه طبعا اللى مش اتجوز لسه بس بيستشرنى فى حياته وشغله وكل حاجه وانا نفس الموضوع هتقولوا ليه من قله البنات يبقى اولاد يعنى هقولك انت وهو وهى اتبطوا (زى البط كده البيكينى ) بقى وبطلوا نيه منيله بنيله اصل بالقله على دماغكوا لا مش من قلتهم بس فيه حاجات بجد مش بيفيد الولد فيها غير بنت ولا بيفيد بنت فيها غير ولد برضه شايفه ناس بلسان طويل تقولى ما اخواتك طيب اذا كانوا اخوات كان وإن ..... صغيرين او بلاش فيه فعلا من التربيه بعض البيوت بلاقى ان الاخوات مش متواصلين وكل واحد واخد البيت ده على انه اوتيل ينزل فيه كل يوم بس اوتيل فوووول بورد (ده غير الفول والطعميه اللى بيجيب ليه القولون)يعنى اقامه كامله ودى حقيقه .
انا بصراحه بسال ليه كل ولد بيهتم ببنت ويخاف عليها وتكون نيته كويسه لانه حاسس ان دى اخته (ومش عاوزة فذلكه هى اسمها على اسمه لا طبعا )بس بيعاملها على انها اخته او قريبته تقوم البنت تعيش فى البحر الابيض المتوسط وتفتكر انه بيحبها وتبدأ تسمع الاستاذ عبالحليم ابو حافظ يا امى فوقى والمصيبه بقى انها تدعى الثقافه وانها متفتحه طيب ما انتى فهمتى الواد غلط اهو ولا هو على راى الاستاذ بعاء قرطاس (الواد قلبه بيوجعه وعاوز حد يدلعه).
لا فوقى يا امى ده بيخاف عليكى بس وبيهتم بيكى من باب انه شايفك ملكيش خبرة فىالحياة او انسانه طيبه او اى حاجه وبصراحه دى مشكله قابلتها مع ناس اصحابى.
او اعكس بقى بنت حلوة وشيك وامورة وبنت ناس (هههههههه زى كده وبطلع لكم لسانى )
تتعرف على واحد اوباااااااااااا تقوم الدنيا ومتقعدش وتلاقى بنات اوزعه مش بينين من الار ض مع الاعتذار للقصرين طبعا بس اقصد فى تفكيرهم يبقى دى مأنتمه مع ده ياااااا سلام طيب ليه طيب هو مينفعش يكون صديق او اخ او حتى زميل معارك بنقعد نضايق فى بعض بأفكارنا لاااااااا ازاى والغريبه انهم بيدعوا الثقا فه والتطور ويقولك حريات ابقى سلم ليه على الكفتات .
او بنت مثلا تلاقيها بتتعامل مع الناس ببساطه وحب وود قوم ايه الواد يطلع فجأه فى جبينه قرنين كده ويقلب لونه احمر ويبقى زى الشيطان اه وتكبر فى دماغه انا ممكن اخد البنت دى ونسافر مع بعض نهيس يومين ......اقوم ايه اجيب قله واخبطه بيها على طول واقوله فوق ده ساعتها يبقى اخرك معاها الشوز بتاعها يا عم الكو ت كوت مش معنى كده انها سهله وبرضه دول اللى بيدعوا الثقافه والحريات والبتنجان المقلى والمخلل ولا علشان البنت تبقى حلوة ومهتمه بنفسها تبقى نازله تصطاد برص جعان لا طبعا بجد فوقوا يا شباب وافهموا بعض كويس وافهموا ان ممكن يبقى فيه علاقات نظيفه بس احنا ننظف مخنا وقلوبنا بجد ونصيحه للبنات اللى بتغير من بعض وتبدأ تطلع اشاعات على البنات التانيه انها مأنتمه ولا مأنتخه مع واحد او العكس لا بصى الاول انتى بتتكلمى فى ايه وعن ايه لان دى اعراض ونفس الفكرة للوظاويظ اللى هما الرجاله ويا ريت برضه تتطسوا فى نظركم كده وتشوفوا مستوى البنت اللى قدامكم او العكس البنت تمسح مرايات عنيها وتعرف ان الحب لازم لما يكون بين اتنين يبقى متكافأ شكلا وموضوعا واجتماعيا وماديا وحاجات كتير جدا لان ده مصير اتنين (اه بتهمنى الشكليات للناس اللى هتسأل اصل عندى التركى بينفش عليا ساعات كده وعندى احساس انى لو دورت فى اصل العيله انى هلاقى نفسى اصلى تركى او من الخلافه العثمانيه وساعتها اهلى هيقتلونى بما انهم عرب وهيعدمونى فى الميدان بتاعنا فى العريش بس اعمل ايه فى نفسى معلش بقى) وعلى فكرة ده مش عيب لان لازم يبقى فيه تكافؤ فى حاجات كتير
وبجد نصيحه للبنات بينى وبينكم والاولاد اللى قاعده معانا تقوم تمشى علشان هقول سر فى أذن البنات .....يالا يا واد انت وهو مش عاوزة رخامه روحوا اتمشوا هناك بعيد شويه فى الكوكب بص يا بنانيت اوعى تشوفى واحده حلوة او شيك او مهتمه بنفسها وتحسى انك اقل ممكن يكون هى عندها امكانيات اكتر فى حاجات بس انتى اكيد عندك اللى يوازى ليها ودى نعمه من ربنا بس حاولى تكتشفى ايه الجميل اللى عندك واظهرى وبلاش تنتقدى وتوجهى كل اسلحتك لنقد البنت لانك ساعتها بتبقى هايفه وتافهه وكمان بتبقى مفقوسه قوى لان الكل بيبقى شايف وفاهم
تعالوا يا شوباب اقول لكم بس بالعند فيكم مش هطرد البنات تفرقه عنصريه بقى ورخامه مش كل بنت تهزر وتتباسط معاكوا وتتعامل كويس وتهتم بنفسها وتهتم باللى قدمها يبقى هى هتموت عليه او العكس انها بنت مش كويسه وسهله ورخيصه لا يا من تدعوا الثقافات والبتنجان والعبط فوقوا بجد لان فعلا دى اخرها معاكوا الشوز بتاعها وهتلاقى الملاك اللى قدامك اتحول لديناصور بيطلع من بقه نار ولا مطافى القاهرة الكبرى ولا ضواحيها تعرف تطفيها.
وقد عنذر من فنجر وبنجر ولا عزاء للأغبياء

61 اخبط وقول رايك:

shams said...

اول تعليق مش ممكن
طب بصي بقى رخامة انا حجزت اول تعليق و همشي و ارجع تاني

Rain man said...

المسألة كلها متعلقة بالفهم الخاطىء للأمور
الحرية الشخصية تفهم خطئا
خذي مثلا بعض الاشخاص الذين يتكلمون عن الشورت والبنطلون
أو الجنس الذي أصبح وسيلة للدفاع والصلاة التي أصبحت صراعاً نفسيا مريراً
وأعتقد أن موضوعهم القادم سيكون عن صلاة الفجر وسيقترح موعداً آخر لأن وقتها الحالي غير إنساني
يتوهمون أنهم " يحملون " أفكاراً كثيرة وما علموا أنه حمل كاذب ، ولا أحسب تلك العقول إلا عاقر لا يرجى منها حمل ولا ولادة

يعجبنى تلقائيتك يا آبى فى الحديث
نادم لأنني لم اتطرق الى مدونتك كثيرا فيما مضى
دائما تكون الاشياء الجميلة بين ايدينا و لا نراها

MAKSOFA said...

فعلا كلامك صحيح

وأديكي شوفتي في البوست عندي نوعيه راجل المفروض أنه ناضج وقال بيعلم أجيال في الجامعه

لا شفته ولايعرفني وبيوقل لي بحب الرومانسيه والجنس

وصديقتي الغاليه

Desert cat said...

هو انا بصراحة بحب اصاحب الولاد اكتر من البنات محدش يفهم غلط علشان مش اديله فى دماغه اخلص عليه
اولا : الولد لما بيصادق بنية خالصة وبجد بيكون صداقته حاجهه جميلة .. يكفى ان دايما موجود بارائه ولو احتجتى وجودة شخصيا بتلاقيه وفى اى وقت ... انما احبه ومش عارف ايه لاء كدا نخسر بعض
صحاب اه .. حبايب معطلكش
اللى تفهم غلط او اللى يفهم غلط يبقى معلشى ده بنى ادم معندوش توازن وكمان ماشى يوزع فى مشاعر وعواطف هو اصلا مش حاسس بيها .. يبقى بلوك من الماسنجر وديليت من الحياة كلها

nour el 3ozamaa said...

appy

ضغوظ خارجيه ؟؟؟؟؟؟ ليه بنساعد المقاومه ؟؟؟ واقفين ضد اسرائيل وامريكا؟؟؟ عاملين علاقات مع ايران ؟ فين الضغوط ؟؟ وانهي ضغوط تخللينا معندناش بنيه تحتيه مع العلم ان حسني مبارك بقاله 25 سنه وفي الاخر ميبقاش في بنيه تحتيه نفس الريس ماسك مفيش تداول سلطات وفي ناس لسه تحت خط الفقر حراااااام والله لما تقوللي في ضغوط هنأعد نبرر ليه الشباب البيموتوا وهما بيهاجروا هروبا من الفقر والقهر في مصر تقوليلي ضغوط امال لو بقي دوله محترمه وعاملين علاقات مع ايران وحزب الله وفنزويلا و كنا بنساند المقاومه الحال كان هيبقي ازاى؟؟؟

للاسف الحال في مصر مش لان في ضغوط لا ده لان كل موظف في الحكومه بيلاقي فرصه يسرق بيسرق الكلام ده من اول الفراش لغاية حسني مبارك كله بيسرق والشعب هو الضحيه في الاخر

m5m said...

أم لوزة appy :

أنا حذرتك قبل كده تغيرى اسم أبويا ده...أخبارك ايه؟
أنا بس جاى أسلم و أقول وحشتونى لأنى لسه بره مصر بس فاضل يومين وأرجع فمش عارف أخش نت كتير الفترة اللى فاتت
............
كنت جاى أعزمك ع البوست الجديد لقيتك هناك بتشربى قهوك...بالهنا والشفا

محمد

appy said...

nour
معلش مداخله على السريع مين قال ليه نساعد المقاومة ده وبعدين ما اللى بيسرق من اول الفراش ده الشعب يا نور ولا ايه رأيك وبعدين اه عاملين علاقات مع ايران بص يا نور لما تدخل الجيش المصرى هتفهم اوكى وعموما متزعلش نفسك واهدى كده اعصابك يا راجل الله يكرمك وعلى فكرة مش كلهم بيهربوا من الفقر لا دول مش فقراء اللى يخليه يتصرف فى 30الف جنيه او اكتر ويروح يغامر بحياته يبقى يعمل بيهم مشروع بس هما عاوزين مكسب سريع لو متابع مدونتى كنت فهمت الحالات اللى بتسافر وبعدين ما انا قولت يتغير حتى نحس بنيو لوك كده على الماشى هههههههههه

Yahia said...

مشكلتنا هي مشكلة وعي وثقافة، من الرجاله والستات، وفي عادات وتقاليد في المجتمع اه مش لازم تسجنا بس برده لازم نعترف ببيها

تحياتي

Yahia said...

مشكلتنا هي مشكلة وعي وثقافة، من الرجاله والستات، وفي عادات وتقاليد في المجتمع اه مش لازم تسجنا بس برده لازم نعترف ببيها

تحياتي

أحمد المصري said...

الناس مش بتجيب ثقافتها من كتب..ماهي لو بتجيبها من كتب حتفهم..بتجيبها من أفلام و كليبات و أي حاجة غير موثوق إن احنا نعملها في الواقع..يعني حتى عندنا في الكلية لما تلاقي بنت وواد بيتكلمو في دراسة و لا مشكلة ولا حاجة الاحظ الناس بتبص نظرة اتهام غريبة ملهاش علاقة باللي بيحصل
المشكلة في سن المراهقة والشباب ده بالذات كل واحد بيبقى عايز يعيش قصة و خلاص..ممكن يخترع قصة و يعيش فيها كده و خلاص..المهم إته يعيش قصة..ربنا يهدي.

أحمد المصري said...

الناس مش بتجيب ثقافتها من كتب..ماهي لو بتجيبها من كتب حتفهم..بتجيبها من أفلام و كليبات و أي حاجة غير موثوق إن احنا نعملها في الواقع..يعني حتى عندنا في الكلية لما تلاقي بنت وواد بيتكلمو في دراسة و لا مشكلة ولا حاجة الاحظ الناس بتبص نظرة اتهام غريبة ملهاش علاقة باللي بيحصل
المشكلة في سن المراهقة والشباب ده بالذات كل واحد بيبقى عايز يعيش قصة و خلاص..ممكن يخترع قصة و يعيش فيها كده و خلاص..المهم إته يعيش قصة..ربنا يهدي.

د/ غادة said...

أتمنى مكنش ضيفة تقيلة عليكى
أول تعليق فى مدونتك مع أنى متبعاكى على طول من ساعة ماعرفت المدونات على أيد حبيبتى مروة الزارع

الموضوع هايل جدا ودخل دماغى
جزاكى الله خيرا

nour el 3ozamaa said...

ليه نساعد المقاومه؟؟؟؟ والفراش فعلا من الشعب بس اتحط في ظروف غصب عنه انه يسرق علشان يعيش بصي في ناس بتسرق علشان تعيش انما واحد زى مبارك وصابته بيسرقوا علشان المليار يبقي اتنين وتلاته ده مش عدل ثانيا عاملين علاقات مع ايران منين ازاى اول مكالمه تليفونيه من سنة 86 تكون من اسبوع بين ابو الغيط و متكي وكان بسبب حاجه معينه احنا ماشيين ورا امريكا انما لما امريكا قلبت علي مبارك وقالتله الحريه وايمن نور والافلام ده مبارك عايز يعيش في دور الشهيد بس برده كلب ثالثا البيهرب بيكون متصرف في 4 الاف جنيه بالعافيه وجبتي 30 الف منين ؟ البيدفع 30 الف هيركب مراكب منتهيه اصلا ويعرض نفسه للموت ؟؟

اخيرا المقاومه ده النساعدها الامل الوحيد في خلاص الامه ولا انتى ايه موقفك من المقاومه؟

MKSARAT SAYED SAAD said...

اول مرة ازور مدونتك عجبنى البوست لقيت نفسي مرة واحدة في اخرة
اتكلمتى باسلوب ساخر وعندك حق وفي نفس الوقت عبرتى عن رأيك بسهول
كتير ممكن يفتكر الاسسلوب دة سهل في الكتابة لكن الحقيقة هو صعب لأن لو فلت منك تسلوب الكتابة هتكسبي نقد هدام فقط
سعيد بمروري على مدونتك
تحياتي
صاحب المكسرات

mermaid said...

ازيك يا بت

انا زعلانة منك علي فكرة
بس انا بحبك قوي
و بتبسط لما بلاقي تعليقك عندي
وحشتيني
مع انك اللي زعلتيني الاول
بس انا برضه بحبك
تحياتي ليكي
:))

أنا إنسان said...

حملة...أخلاقنا...إسلامنا

إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله

..............

من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
ومن أراد المشاركة...فعليه أن يكتب اسم مدونته أو موقعه...أو حتي إيميله في خانة التعليق...وسنتابعكم بالصور والمقالات القادمة بإذن الله
والله تعالى هو ولي ذلك ومولاه
.............................
مجموعة أخلاقنا البريدية
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
أو
مدونة أنا إنسان
http://ana-insan.blogspot.com/
...........................
وقد تم نشر أول مقالة عن الخلق الأول

بت خيخة وأى كلام said...

برافوا عليكى يا بت يا ابى
انك اتكيتى على حتة التكافؤ دى
وبرافوا عليكى كمان انك فهمت الرجالة انهم ياخدوا بالهم اوى مش معنى ان فى بنات بيتعاملوا ببساطة وتفتح يبقى ده معناه انها بنت سهلة ناخدها نقضى بيها يومين معرفش فين ونهيس
بجد عجبتينى فى النقطتين دول اوى
بجد برافو عليكى يا بت
اديهم فوق دماغهم مترحمهومش
ولاد ال .... ولا بلاش
سلام يا سكر
اختك خيخة

NIDAAL PAL said...

العزيزة / آآآآآآآبى
بوست جميل اوى و موضوعى وواقعى
و اظن انك معبرة عن الموضوع ده باختصار بسيط جداً فى الكلمتين الى عن نفسك او التعريف بمعنى اصح
" انسانة بسيطة فى دنيا مش بسيطة ...." الى اخره
المشكلة ان فيه كتير لسة ما ادركوش قيمة الصداقة الحقيقية لانهم خلاص اتعودوا على صداقة المصلحة و بس
و فى راى ان البنت اوالولد الى بينظر للاخر و يتريق او يقلل من شان نفسه فهو عنده عقدة نقص
المفروض ان الواحد يقتنع بان ربنا خلقنى كدة يبقى لازم ابقى كدة
لانى لو بصيت هتعب ...و لكن ان اجتهدت هوصل و هبقى احسن من الى كان المفروض ابصله
و نصيحتى بقى ليكى انتى
انك ولا كانك سمعتى حاجة خالص لان الى بيقول الكلام ده بيبقى نفسه حد يرد عليه .. نفضى بمعنى اصح و احرقى دمها او دمه اى كانت او كان
وقولى حسبى الله و نعم الوكيل فى من ظلمنى
ما تستغربى
انا اينعم اخوكى الصغير كما تقولين و لكن مرت عليا ظروف كثيرة فى هذه الحياة ومر عليا اصناف اكثر ... استطعت ان استفاد من كل موقف فيها و ياريت اعرف افيد غيرى
ايتها العزيزة آآآآبى
كيب موفينج احنا معاااااااااك يا ريس هههههههه
تحياتى
نضال

NIDAAL PAL said...

معلش تعقيب بسيط ان كان لى الحق فيه
اؤيد رايك تماماً و هو الراى الصحيح بالنسبة لحكاية مادام معاه 30 الف جنيه ما يعمل مشروع فى بلده احسن
ولكن هوالطمع
و بالنسبة للى بيشتم فى الرئيس
اذكره ان بعض الظن اثم
هل معك ما يثبت ادانته .. انكان معك فلتقدمه ولكن لا تلقى بالاتهامات على اللا اساس
انا مش بقولكدة حباً فى مبارك و لكن علشان ما تاخدش انتا سيئات بدون ما تعمل حاجة اساساً
وصلت على ما اظن

سيكو said...

انتى اللى غلطانه يا ابى كنت اشتريتى مراره من اليابان
اهى اتفقعت بتاعت الصين

يا بنتى اليابانى يكسب
اما بالنسبه للموضوع صح 100%
بس مجتمع محتاج قنبله علشان يتغير نعمل ايه

نصيحه من اخت مرت بنفس الاشياء كبرى خالص

اما بالنسبه للعرير بتاعى

لسه ولا حس ولا خير
ادعيلى يختفى

سلااااااااااااااااام

نوسه said...

ماهو اكيد بيعرفوا يفرقوا دى معاملة صداقه ولا تسبيل
المشكله بس ان احيانا احد الطرفين بيبقى عاطفيا مش مستقر او محتاج حنان
فبيتخيل ان فى حب وحاجات من دى
يعنى مجرد ضعف بشرى
يعنى من رايى بردو عشان ده ميحصلش تبقى العلاقه محدده شويه وكل واحد عارف اخره ايه بس
النقطه التانيه موضوع التكافؤ
انا معاكى فيه جدا بغض النظر عن ان فى حالات شاذه مبيكونش فى تكافؤ وبتنجح بس ده اللى بيأكد القاعده

مدونة يلا نفضحهم said...

عاجل الانباء
تم اصدار قرار تجديد الاعتقال للدكتور الزعفراني بعد الافراج عنه مرتين وهو الان في سجن الغربانيات في برج العرب بعدما كان محتجز في الترحيلات

شاركنا في التوقيع علي وثيقه اطلاق سراح الدكتور ابراهيم الزعفراني

Zika said...

اه بتهمنى الشكليات للناس اللى هتسأل اصل عندى التركى بينفش عليا ساعات كده وعندى احساس انى لو دورت فى اصل العيله انى هلاقى نفسى اصلى تركى او من الخلافه العثمانيه وساعتها اهلى هيقتلونى بما انهم عرب وهيعدمونى فى الميدان بتاعنا فى العريش بس اعمل ايه فى نفسى معلش بقى)
وانا كمان
وعندك حق في كل كلمه وكل حرف وكل جمله مفيده قلتيها في البوست ده بجد
احييكي عليه
عشان انا طالع عيني من الحوار ده
فعلا في شباب عايزين رصاصه 9 مللي في دماغهم من كتر النيه المنيله بنيله اللي فيها
وفي بنات عايزه سورري شبشبين علي ودانها ونص ونحط في جيبها قرش كابتشينو ونبلغ عنها بارضه نظرا للنيه المتنيله بنيله
فعلا النيات عندنا في مصر بقت حاجه تودي في داهيه

لماضة said...

اعز انا اوى اللى دماغهم متكلفه زيك كده بس عارفه انا بشوف ان الخطأ فى التعامل وتجاوز بعض الحدود بين الجنسين يمكن تكون سبب
ده زائد طبعا كل اللى انتى قلتيه وللاسف الحكايه دى مش بالسن بس محتاجه توعيه من الاهل اكتر
ولا ايه رايك يا بوبى بلاش بوبى دى هبقى افتكسلك اسم دلع على وزن ابى كده

Alexandrian far away said...

جميل
رائع
أنا موافق
الحقيقه واضح أنه جيلكم البنات فيه أجدع وأحسن من الولاد كتير

تحياتي

appy said...

شمس
انت من امبارح مجتش طيب الحمد لله عرفت انت فين

rain man
ميرسى للمجماله ربنا يهدى كل العقول اللى متكعبله فى رجليها

maksofa
ما قولت لكى اعملى ايه وعرفتى ده اخرة ايه ولو دورتى هتلاقيه كداب زى بتوع اليومين دول اللى قرفونا

قطه الصحراء
ما هما لازم يفوقوا ومتبقاش الدنيا كده ويا ريت بلوك ودليت تنفع معاهم دول عاوزين دليت من الحياة كلها

محمد يا ابنى
مش هغيرة واعمل اعتصام فى الكوكب عندى ولا حد هيعبرك ترجع بالسلامه وبعدين انا مشربتش قهوة انا كنت بشرب بيبسى ههههههههه

yahia
لا هى سجنتنا من بدرى او عرفين الصح وبندور وشنا الناحيه التانيه

appy said...

أحمد المصرى
اهلا بيك بس انا مش بتكلم على بتوع الكليبات بس انا بتكلم عن التناقض فى شخصيات اللى بيقرئوا كتب ثقافيه او دينيه وهم مش فاهمين مش الناس اللى بتقرأ وتتعب وتشغل مخها لا انا بتكلم على الناس اللى ربنا مدى لهم مخ يعملوا عليه حله باميا

صاحب المكسرات
ميرسى ليك نورت الكوكب بتاعى انا بس بكتب بلسانى ولسان كل الشباب علشان هى دى طريقه تواصل اصلى مليش فى المكلكعات زى المكسرات كده هههههههههههههه

بنت خيخه وام شيرى حبيبى

ميرسى يا جميل على المجامله بس نفسى بجد نفهم الكلام ده ونطبقه على نفسنا كمان لانى بعانى من القصه دى بينى وبينك هههههههههه

نضال
ابنى الصغير هههههههههه هفضل برضه اقولك نضال موافقه على كلامك بس يا حبيبى انا محدش يعرف يعمل معايا حاجه وسياسه تكبير الدماغ دى عندى بس بعد التكبير بالشوز ههههههههه متخافش عليان انا بتكلم بوجهه عام
اما موضوع نور فهو مش مقتنع بس رأيه هو حر مش زعلانه منه

appy said...

سيكووووووووو
ادعى على مين ايه فين حرام عليكى يا امى ماشى هدعيلك فى السر تصدقى هجيب مرارة من اليابان بس برضه هيفقعوها ليه بس يا ريت الناس تستفيد من اللى بكتبه ان شاء الله

ننوسه
اهلا يا دكتور اكتئاب هههههههه اه انا بقى التكافؤ ده والشكليات شويه عامله ليه حساسيه بعيد عنك ونفشه التركى عندى على طول بس لازم نحكم عقلنا يا نوسه ولا ايه يعنى مش تبقى عواصف وبس اصل العواصف بتجيب مطرة يا دكتور فهمتى

زيكا
بلاش يا كابتن الكابتشينو والرصاص ده احنا كوكب سلمى بس عند الضرورة اوكى معاك يا كابتن ميرسى انك فهمت وجهه نظرى بس على حد علمى ان الشبشب ابو وردة ده اتعمل للرجاله ههههههههههههههه لا بهزر متزعلش

لماضه
انت فيه حد زيك يا قمر فى الدماغ انا بروح مدونتك اموت من الضحك اللى بتعمليه ليه عندك حق محتاج توعيه فعلا من الاهل بس فين بقى اللى يوعى الاهل اصلا يا جميل يبقى لازم احنا نوعى نفسنا بنفسنا

الكسندريا
يا اهلا ببلد الحبايب هنا فى الكوكب وبعدين هو حضرتك مجلس الشعب موافقه كده على طول هههههههههه فعلا فيه بنات فى جيلنا والجيل اللى قبل كده واللى جاى اجدع من الاولاد بس برضه يعنى فيه اولاد محترمه علشان بس محدش يزعل هههههههههه

Zika said...

لا علي فكره هو متعملش للرجاله
هههههههههههه
لو رجعتي للتاريخ الفرعوني القديم
اجدادنا الفراعنه كانوا بيستعملوا الشبشب اتعمل للهكسوس
خيالي واسع صح
هههههه
:D

حل وسط said...

الناس دي ما عندهاش حل وسط
وكانو بيقولولنا البنت تقدر تفرض احترامها بتعاملها مع اللي حواليها في حدود
دلوقتي فيه بعدا ما بيفرقوش

انت طلعتي من العريش والاانا فهمت غلط؟

تعرفي اني بقالي 10 سنين مش بصيف الا في العريش

الاسعار عامله عندكم ايه

وفيه عيش والا لا
وبقى بكام؟

تحياتي

nonoymm said...

اشكرك على المرور
ووردي على ذوقك كتبته عندي
الموضوع جريء في طرحه بس طريقة ضحكتني
طريقة بسيطة وظريفة فعلا
لي فيه راي
مش هقوله الا لما تزوريني مرة تانية

حل وسط said...

انا رديت على تعليقك
نورتيني وياريت تقري الموضوع ده

وده قليل من كثير


http://elbostagy2.blogspot.com/2008/01/blog-post.html

الفاتح الجعفري said...

استاذه اابي
ازي حضرتك عامله ايه
يارب تكوني بخير
بوست رائع جدا ماشاء الله ومن ابعد الناس مجلس عن النبي المتشدقون يعني اللي يقعد يقول كلام كبير اوي والفاظ تقيله محدش يفهمها
بس حضرتك هو كان في حاجه في موضوع الصداقه بين الولد والبنت
يقول الله عزوجل (ولامتخذات اخدان0
والخدن هو الصديق في اللغه
يعني ايه صريحه جدا تمنع صداقه الرجل بالمراه
اما وجود زماله عمل او جيره فالامر يكون ايضا له حدود ايضا
وجزاكم الله خير

النجم القادم said...

السلام عليكم
appy
====
اولا انا اسف جداً على الا حصل عندى بس انا مسحت التعليق وانا اسف جداً
واتمنى انك متكونيش زعلانة
انا كنت ناوى اتكلم فى نقطة وهى متخذات اخدان التى تحدث عنها ربناعزوجل فى كتابه الحكيم ولكن سبقنى اخى الفاضل الفاتح الجعفرى باثارة
هذه النقطة
فيااختى الفاضلة زى مافيه صحاب او صاحبات اندال فيه منهم الكويس والصاحب لابد ان تكونى عاشرتيه كويس ولكن اعزرينى منعى انى اتعرف على فتاة واتحدث معها وفتح علاقة عاطفية هذا يعد تجاوز ولكن ايضاً موضوع اننا بنتكلم على النت نحن نتحدث فى شكل احترام ولم يحدث من احد منا تجاوز ونتحدث بالالقاب اختى اوخى فاتمنى انك تحصلى على صديقة جميلة وفيه
تحياتى لكى

الأستاذ said...

آه الناس اللي مش فاهمة حاجة وبتتكلم وتقعد تحكي في كلام قال يعني مثقفين
يارب م أكون منهم
تحياتي

appy said...

حل وسط
بص يا حبيبى انا اهلى من العريش بس انا عايشه فى القاهرة بس بنروح هناك واكيد فيه عيش انما الاسعار معرفش بقى لان فى الاحداث دى واللى بيحصل عمرى ما هروح هناك دلوقتى وحاضر هقرى الموضوع

nonoymm

حاضر عنيه واتمنى انك تكونى فهمتى وجهه نظرى وكويس انى ضحكتك وفكيت التكشيرة وهلا بيكى هنا فى الكوكب

الفاتح الجعفرى
اهلا بحضرتك انا كويسه ومتابعه المعارك بتاعتك فى البلوجات التانيه هههههههههه وبرضه لازم تحدفنى بكلمه جامده ما علينا هفوتها لك انا عارفه ان لازم يكون فيه حدود والزم يكون هناك قواعد وانا قولتعن حاجات كتير يعنى زماله عمل او اى شئ لان السرحان بالخيال ده عند الاتنين هو اللى مودينا فى داهيه وانا عارفه كويس قواعد الصداقه واتمنى ان كل الناس تفهمها ومنورنى دايما يا ابو المعارك هههههههههه

appy said...

النجم القادم
ميرسى ليك وانا مش زعلانه خالص من انا برضه رديت عليا بس كنت بشهدك علشان متزعلش منى انى رديت وانا قاعده فى بيتك لانى بعتبر البلوج ده بيتنا اما بخصوص الصداقه فانا بتكلم على الناس اللى مش عارفين حدودها وبرضه مقولتش على كل اللى فى النت انا عارفه ان فيه ناس محترمه كتير بس فيه فعلا ناس داخله وتفكيرهم فى حاجه تانيه عموما ربنا يهدى كل الناس

الاستاذ
اهلا بيك يا مستر فى الكوكب هنا عاوزين بقى حصه عربى وانجليزى وشكلهم يا رب يا مستر يا رب متكونش منهم ههههههه

DoctorAllam said...

يعني طلع اللي ما بينا مش حب
لأ أنا مش مصدق نفسي خالص وحاسس زي ما أكون من كوكب تاني على رأي مدحت صالح
أبدعتي كالعادة يا قمر وموضوعك فكرته كانت في دماغي وعاوز أكتبها عندي في مدونتي بس كالعادة إنضم لآلاف الأفكار في مقبرة الأفكار بتاعتي والسبب الكسل
أنا أعرف بنات كتير من على النت بس كلهم بالنسبة ليا زي إخواتي بالظبط وإنتي منهم وأغلى أخت عندي وده شئ يشرفني بجد
إنما اللي ياخد الموضوع من وجهة نظر تانية (الأغلبية واخدينها كده) فدي أظن عقدة نقص أو عدم ثقة في النفس قبل ما تكون ثقة في الغير
يعني مثلاً لو حد من أصحابي عرف إني بأكلم فلانة من على النت يالهوي على اللي بيتقال .. يقولي المزة ومش المزة وهات إيميلها أكلمها وهلم جرا ... ولو رديت عليه وقولتله دي زي أختي مش أكتر آخد تريقة للصبح
عامة ربنا يهدي الجميع وأنا أولهم ويكون التعامل بينا كلنا زي الإخوات مش أكتر ولا أقل لإني جربت اللي إسمه الحب ده قبل كده وطلع مقلب كبير
الإخوة والصداقة تدوم .. والقطنة ما بتكدبش

Anonymous said...

اقرأ الجديد عن وائل عباس
وائل عباس و غزة و حماس
http://who-is-wael-abbas.blogspot.com/

صالح سعيد said...

السلام عليكم اهل البوست والمدونه
اولا العنوان عجبنى
لانى حاسس انه متسبك فعلا
الموضوع لذيذ
بس انتوا مالكم ومال الاولاد
خلاص بقى متزعلوش بقى من البوست اللى عملته وادعو فيه لثورة الرجال ضد الجنس الناعم
يعنى من الاخر
بوست ببوست
واحده بواحده يعنى
ارق تحية

Soooo said...

لافض فوكي اختاه
ان ماقلتيه ينصب فعلا في كبد الحقيقه
حيثما قد تنافرت الاشياء وبعثرت الحبشتكانات وتنافرت الشكلمات وتشاجرت الموتوسيكلات

وانا من هذا المقام الرفيع .. اشيد بتوضيحك لهذه النقاط الرئيسيه في مثل هذه المواضيع الحيويه التي تتأثر بها العلاقات الانسانيه

وكمبدأ للمساهمة معكِ في هذا الموضوع وتلك النظرية .. اشجب واستنكر كل الافعال الصبيانيه التي يقوم بها شرذمة الشباب الأهوج الأرعن

والله ولي التوفيق

استاذ شهيد فقيد عميد / سوووو عبد الحميد عبد المجيد
استاذ رابطة الحناجر المغلوله
رئيس قسم الأفواه المبلوله
ونصلح ساعات



سلاموووووووووووز

mohand said...

السلام عليكم

ربما

تحياتي

ســـــــمــــكة said...

ياريت والله البنات والولاد يفهموا الكلام دة بجد العلاقات بين الطرفين مش مجرد كلام حلو ولا يومين مع بعض مفروض يكون العلاقات انضف من كدة بكتير يهتموا بمخ الي قدامهم مش مجرد شكلهم وجمالهم والانفتاح والثقافة هي اننا نتعلم ازاي نحترم الجنس الاخر مش ازاي نتخلى عن مبادئنا

موضوع جميل اوي تسلم ايدك
تحياتي

محمود المصرى said...

بسم الله الرحمن الرحيم

هذه اول زيارة لمدونة حضرتك وهذا الموضوع هو اول موضوع اقرؤه لذلك لم اكون فكرة متكاملة عن توجهات حضرتك , لكن مش هانختلف كتير ولا قليل ان شاء الله .
انا بس حبيت اقدم اقتراح من وجهة نظرى , بدل ما ندخل فى دوامة الفهم الخاطىء ليه مانريحش دماغنا وكل جنس يحتفظ بصداقاته مع نفسه؟ انا لا انكر ان ظروف الحياة الان تفرض حدوث اتصال مباشر وحتمى بين الولد والبنت , لكن لو حطيناها فى قالب اخلاقى محدد اعتقد هانتجنب كل المشاكل اللى بتترتب على سوء الفهم دا , يعنى الولد والبنت يحددوا علاقتهم فى اطار المجال اللى فرض عليهم هذا التواصل , ان كانت زمالة فى العمل يبقى علاقتهم تقتصر على العمل , ان كان زمالة فى دراسة يبقى علاقتهم تقتصر على نفس المجال وهكذا , اما موضوع ان الولد بيحتاج البنت تفيده فى الحياة والبنت تحتاج الولد يفيدها انا مش شايف انه ضرورة , لأن اى تصرف للأنسان لو حكمته الاخلاق اكيد مش هايحتاج للأستشارات من الجنس الاخر .
اعتذر عن اقتحام المدونة واعتذر ايضا عن الكلام المكعبل ان وجد .

احمد الجيزاوى said...

موضوع رائع
وانا ليس ضد علاقه الرجل بى البنت وفعلا انتى فجرتى مشكله كبيرة جدا ومحتاجه علاج
والعلاج بيكون بتربيه وصحيح المفهيم
طبعا مع الحفاظ على الحدود الشرعيه التى امر الله بها
حتى لا نطول علكى هى موجودة فى موقع دة

http://www.saaid.net/female/k.htm

وايضا المشكله هى القلوب المريضه
فعلا الناس دة منذو زمن الرسول حتى اليوم واصحاب القلوب المريضه هم المشكله
حتى زجات الرسول لم تسلم من كلام فى حادثه الافكر مثلا

واذكر الناس ان الرجال قبل النساء كانه يتعلمه من السيدة العائشه علوم الدين بال انى السيدة عائشه نحن ناحو عنه ربع علم الحديث

عموما انا مش هوجع دماغك الجميله فى بسطتته
بكلكيع دة
بس فعلا انتى باسلوب بسيط فجرتى مشكله كبيرة جدا
تحاتى
يا فراشه الدوين
احمد الجيزاوى

احمد الجيزاوى said...

محمود المصرى
كنت بعد اذنك يا ابى
عوز بس اوضح حاجه لمحمود المصرى وهى انا متفق معك فى كل حرف
ولكن فقط اود ان واضح انى انا وانت ليس من حقنا الن نحدد الاطار الذى تتكلم عنه فزم متغير والعلاقات متشابكه وان وضعه فى قالب مجمد سوف يكون هناك تشدد ومشاكل كبيرة جدا
ولكن فى حدود وفى تحريم الشريعه الاسلاميه هى من وضعته وليس انا ولا انت
وانا كنت وضعت رابط فيه حدود هذة العلاقه وشكله السليم
واسمح لى ان اضرب لك مثل
وهو
المراة عندما تركب سيارة بمفردة مع سائق التاكسى تكون خلوة وعلاقه ولكن غير محجرمه
اما اذا تبادل الضحك واقامه علاقه او انحرف بها ف مكان صحراوى او مظلم
هنا تكون علاقه حرام وزنا
واذكر بحادث الافك وما فعله المناقين وكلام الله رد على المنافقين من فوق سبع سموات
ايضا العلاقه بين الراجل والمرة فى الاجمال غير محرمه وهذا الاصل
اما الاستثناء هو التحريم فما نص الله عليه
فلم يتجاهل رسول الله النساء ولم ينفر منهم بل تعامل وتكلم معهم وقبل منهم البيعه مثل بيعه نساء المدينه فى الييعه العقبه الثانيه
والتوبه مثل توبه امرة نجران الزانيه التى اذا وزع توبته على الارض لوسعته
لقد تحدث معه وخاطبه وسئله
وفى غزوة احد كانت من الذين يدافع عن رسول الله امراة صحبيه جليله
الذى تريد ابى ان تقوله وحسب فهمى هو
ليس هناك مشاكل فى القواعد الادب والاحترام وليس هناك فى مشاكل طبعا فى قواعد الشريعه ولكن المشكله فى
النفوس المريضه
والضمائر الخربه
والتربيه المنغله التى تحجر العقل وتحصل العلاقه بين الرجل والمراة
الى علاقه الفريسه والصياد
عموما انا طولت عليكم انا اسف
احمد الجيزواى

صوت من مصر said...

على فكره انا بقعد على البورصه وكمان بمشى فى الشارع اكتر من قعدتى فى البيت بس كلامك غلط لا ينطبق على كل الناس لان الحب فعلا موجود بين ناس وناس مش خاينه ولا هى عبيطه وساذجه عشان يتقال عليها موزه ولا حتى جسه ولا حتى ؟"
كفايه
مدونتك جميله بس الرجاله دول مظلومين فيها

محمود المصرى said...

اخى احمد الجيزاوى ما تفضلت به هو بالضبط ما قصدته , هو الالتزام بالقواعد الشرعية الحاكمة لطبيعة العلاقات الانسانية , وبالتالى لابد ان نراعى الاوامر والنواهى والضوابط الشرعية فى كل تصرف وكل اتصال بيننا وبين اى انسان اخر سواء كان ذكر او انثى .

بحبك يامصر said...

انا متفق معاكى فى علاقة البنت والولد اذا كانت فى حدود الزماله لا اكثر من ذلك

خالد المصري said...

ابي
اولا دي اول مره اكتب عندك ممكن ؟؟؟؟

انا عارف انك هتسمحي عشان كده هكتب ( مؤدب مش كده )

شوفي يا ست ابي

انا متجوز بقالي سنتين ونص ومراتي اكتر حد يعرفني بجد في الدنيا زي اي راجل متجوز بجد وبيحب مراته بجد

ولكن

واه من لكن....

تبقى جوايا دايما حب ان يكون ليا بنت صحبتي مش قضيه بنت وولد لا قضيه صديقه

مش عارف اشرحها ازاي بس ببساطه كده في حاجات في حياتي مقدرش اقعد اتكلم فيها مع شاب زيي مينفعش
هيقولوا اتكلم مع مراتك اقولهم برده مينفعش مش عشان بخبي عليها ولا عشان هيا مش صحبتي لأ
انما عشان ببقى عايز اتكلم مع واحده مفيش بيني وبينها مشاعر حب وعشق والذي منه واحده متقولش رائيها وهيا متاثره بمشاعر رومانسيه بيني وبينها بمعنى اصح رائي ست مش رأي حبيبه

هتقولولي طب ومراتك مهيا محتاجه كده
ساعتها هستلف القله من ابي واضرب بيها

ليه بقى

عشان الست معندهاش الأحتياج ده لانها تقدر تلاقيه في صاحبتها البنات

ده غير ان الولاد اصلا اغلبيتهم العظمى دمغهم كلها قاذورات

مع السلاموا عليكم

د/اجدع بنوته said...

انا معاكى جدا ف مبداك ده

انا كمان ليا اصحاب اولااد رجاله بجد

واخواتى واهلى يعرفوهم كويس

وبنتعامل بكل احترام واخوه

بس هو المجتمع كده بقى

بتعرفى ولد تبقى مأنتمه معاه

تعرفى ولدين

تبقى مأنتمه مع واحد والتانى وخداه كوبرى

بتعرفى تلاته ولاد يبقى ماشيه ع حل شعراتك

نظرة مجتمع غلط ف غلط م اصله

بوست جامد

NIDAAL PAL said...

ما ترسينى بقى على اشى
اخوكى الصغير قولنا ماشى مش هتفرق كتير الكبير كبير عقل ههههههههه
طب ابنك دى ايه ؟
هو ده التطور الطبيعى للاخوة ولا ايه ؟
هههههههههههههههه
و يا ستى مش مشكلة ... على قلبى زى العسل ..الابيض
بس ياريت ما اصغرش اكتر من كدة ..حاولى تحافظى على الحجم ده
دمتى بالف خير ايتها العزيزة آآآبى

mohamed said...

أبى,بعد التحية والسلام وشرب الشاى والنيس كافيةوالفهوة التركى وكمان السحلب,أنتى لمستى بكل بساطة حالةأزدواج المعايير والفهم الخاطىء وتوقف النمو النفسى عند الولاد والبنات
وبكل بساطة هما نتيجة الا نفتاح الاعلامى
والنمو الجسمانى أصبحوا يملكوا مظهر الانسان الناصج ولكن بداخل كل منهم
هناك يرقد وفى حالة تربص
حيوان بغرائزة التى لم تهذب بعد
وطفل بكل ما يملك من أنانية الحفظ على الذات.
وقد أمتلىء عقلهم بكلمات لم يستوعبوا معناها, فقط يستخدموها لتبرير كل ما يفعلوة.
أن المسافة بين الحيوان والانسان هى ما يسمو بة العقل من غرائز ليرتفع الى سماء
الانسانية, فيتحول الجميع الى الكائن البشرى الراقى الذى يتواصل مع أمثالة
بأعتبارهم شركاء وليس أدوات لة
مع تحياتى لكى
(محمد)

الجمعاوي الاصيل said...

استاذه ابي

كم هو جميل ان يكون لكي صديق تفضفضي معاه

ولكن من الافضل ان يون بنت وليس ولد
لان العاقة بين الولد والبنت قد تفهم غلط من احد الاطراف ان لم يكن دائماً

فاحنا ليه نعرض نفسنا للكلام ده

هو الموضوع كويس ولكنها وجهات نظر

واقو زي الجعفري كده

((ولا متخذات اخدان))

ولاايه

الربان said...

تحياتي

الصداقة القائمة علي الاحترام...جميلة و في كثير من الاحيان بتستمر.

لكن احذر أخوتي البنات و السيدات من أن بعض الرجال او الشباب قد يغلفون هذه الصداقة بنوايا أخري...اقول البعض و ليس الكل.

المهم حرص و لا تخون.

تحياتي و تقديري

shams said...

انا جيت يا قمر عشان اعلق
و ما علقتش الا لما كتبتلك بوست عشان الكلمتين دول مخصوص
و عايز اقلك يا ابي ان الناس الواطية ما تلقيش وراها غير الكلام

تــــايه ومش تـــايه said...

قعدت اتسلى وقرأ التعليقات . بس اغرب تعليق شدنى .واحد متجوز وعاوز صاحبة بنت.طيب ليه يا عمونا .بدل ما تكون زوجتك هيا صاحبتك وبتشاركك حياتك كلها.هتحصر دورها ليه فى الباميه والبيت والخنقات معاها والقاعده الرومانسيه فقط.ليه متخلهاش صاحبتك .على فكره لو علاقتك بيها مبنية صح مكنتش هتقول انها هتتأثر بحبها ليك وانت بتكلمها فى مشاكلك .لانها لو هتتأثر بموضوع الحب ده .يبقى مش هتقولك غير الصح من وجهة نظرها طبعا .وبيتهيألى زوجتك اكتر معرفتا بيك .لانها ببساطه اققرب حد ليك......وعلى فكره انا ضد الكلام اللى فى الموضوع ده

walaa said...

اااابى
ازيك عامله ايييه فعلا عندك حق الناس موراهاش غير تجيب فى سيرة الناس وفعلا كتييير الانسان بيتفهم غلط بس انا مش معاكى فى الصدافه بين الولد والبنت لان حت الزوج مش هيسمح بده بعد كده ممكن زماله اه انا معاكى وبجد البنت لما تتعرف على الجنس الاخر بتزيد تجارب وخبرات اكتر
وبرده لازم الانسان يكون حريص فى التعامل مع الغير علشان ميتفهمش غلط
واتقوا شر الشبهات
ولاء

appy said...

بجد ميرسى ليكم كلكم بلا استثناء
خاصه ارحب بالناس الجديدة فى كوكبى
استاذ/محمود المصرى
انا مش مختلفه مع ضرتك بس بقول لو الظروف تحتم على كده يبقى فيه علاقه محترمه وبصراحه كلكم دورتم فى نفس مبدئى بس كل واد بأسلوبه
تسلم ايديك وده مش اقتحام ده كوكبك تنور اى وقت ولو اختلفنا فيه قلل وخرفان هنا فى الكوكب بتنطح فمتقلقش هههههههههه


سووووووو
انت اتنقلت ليك العدوى ولا ايه بتشجب طيب ماشى مردوده لك نورتنى يا قمر الا قولى ايه هى الشرذمه دى الله يكرمك وافرح فيك قصدى بيك

صالح سعيد
بوست ببوست اتفقنا وهعلناهاحرب وورينى قللى وخرفانى ولا بوستاتك ههههههههههههه

الجمعاوى
لا مفيهاش ولا ايه ههههههههههههههه بس ليه وجهه نظر صغيرة وهى اننا لو حكمت الظروف بس لازم نحترم بعض خلاص متفقين من غير مفرقعات اهو ههههه

مهند
او مش ربما نورتنى فى الكوكب

سمكه
بلطيه النت الجميله معاكى ومنورناى يا جميل

تايهه ومش تاهيه
نورت فى الكوكب خليك هنا لغايه لما يلاقوك عموما الاخ خالد المصرى وضح وجهه نظرة وانت نورت المحكمه وشرفتنى

خالد المصرى
يا اهلا يا اهلا يا راجل ايه الدخول عللى طمع من اولها كده تأخد قله من عندى ماشى هفوتها

جيزاوى
صديق المعارك رد براتك البيت بيتك لا الكوكب كوكبك انت عارف

صوت من مصر
اهلا بيك بس حضرتك مفهمتش انا ليه بقول دى اخرة قعدتى على البورصه لانى سمعت الكلمات دى عليها وعموما انت اول مرة تشرفنى وعموما انا اسلوبى ساخر كده معلش انت تقريبا اتصدمت بس اهلا بيك اما الرجاله مظلومين فلا لانى اتكلمت برضه عن البنات وشكرا ليك على وجودك هنا وانك سبت البورصه هههههههه

ولاااااااء

حبيبى كل واحد له وجهه نظرة بحترمها يا قمر واحنا مقتفين على كده من الاو ل صح نورتى يا حبيبى

بحبك يا مصر
متفقين يا فندم بس لو حصل ظروف تانيه يبقى فيه احترام متبادل ونورتنيى

نضال
هتفضل ابنى برضه هههههههه

د/علام
ابو طويله اخويا الصغيرة طلع افكارك من المقبرة بقى ورينى الابداع

شمس
نورت بس مقرتش البوست هقرئه اما اننا نشتم الناس انت حر كل واحد له اسلوبه يا شموس ولا ايه

الربان
اهلا وسهلا وصلت السفينه الحمد لله هنا فعلا وده اللى بقوله انه مش كله نورتنى جدا ولألأت الكوكب

Dr-Abd-Alrahman said...

هق هق هق هق هق هق هق
تعرفي ان دماغك زي العسل
دلوقتي كل الي عارف والي مش عارف بيتكلم
وكما قال رسول الله صلي الله عليه وسلم
ياتي زمان علي امتي يتحدث فيه الرويبضة
قالوا وما الرويبضة يا رسول الله
قال التافه من الناس يتكلم في امر العامة


بوستك هايل كل الناس معاكي في كل كلمة كتبتيها
استمتعت بوجودي في مدونتك الجميلة لاول مرة

appy said...

د/عبد الرحمن
اهلا بيك وميرسى على تعليقك نورت وكويس انك ضحكت ههههههههه