تغير لوحات السيارات الملاكى

أوردت مصادر أنه سيتم اعتبارًا من مارس القادم تغيير جميع أرقام سيارات الملاكي بكافة أنحاء الجمهورية، على أن يتم استبدالها بلوحات جديدة من مادة قابلة للكسر، بحيث لا يستطيع مالك السيارة فكها وتركيبها بمعرفته.


أضاف المصدر أن قيمة اللوحة الجديدة 20 جنيها، كما ستحمل كودًا لكل محافظة من محافظات مصر؛ فالقاهرة سيكون كودها "1" والجيزة "2" والإسكندرية "3"، وكذا المحافظات الأخرى المحافظات، وسيتم وضع الكود على يسار الرقم وسيكون بارزا.


وأوضح أن الإدارة العامة لشرطة المرور اتخذت قرارا سيطبق في نفس التوقيت بمنع وضع أي إشارة على اللوحة الجديدة تميز صفة صاحب السيارة عن بقية أصحاب السيارات الأخرى كالمحامين والصحفيين والقضاة والشرطة.

وأشار إلى أن الإدارة قامت بتدريب ضابط المرور على كيفية فك وتركيب اللوحة دون كسرها.


من جهة أخرى، قرر جهاز تشغيل مترو الأنفاق ابتداء من السابع من يناير القادم نقل عربتي السيدات بمترو الأنفاق إلى منتصف القطار بدلاً من العربتين الأوليتين خلف كابينة القيادة.

جاء القرار بهدف عدم إزعاج السائق بالثرثرة وبكاء الأطفال، وقد تم اتخاذه في أعقاب الحادث الأخير لمترو الأنفاق

الخبر ده نقلته من موقع أمل الامه

هو كويس انهم يعملوا كده بس رقم عربيتى عجيبنى يعنى ومش عاوزة اغيرة ده تلات ارقام بس (بجد هو اقل حاجه اربعه بس انا عربيتى6 ارقام انما متاشبهين يعنى عبارة عن ثلاث ارقام متكررين بس ومجموعهم 18 ))

عروستى صح هههههههه معلش بقى يا بطوط هيغيروا ارقامك بس هى خدت على الارقام القديمه يالا اشمعنى هى اعمل لها نيولوك فى السنه الجديدة

وبعدين ما يشوفوا الاسعار اللى بتطلع وتعلى دى وبقت نار والقتل والبلاوى السودا هى مصر مشاكلها اتحلت بقت المشكله فى أرقام العربيات بس احسن حاجه انه مش هيبقى فيه بادج على عربيات الظباط والدكاترة والمهندسين اصل والله بيجيلى حول منهم ومرة لقيت واحد حاطط 3 بادجات مرة واحده مهندس ودكتور وظابط بس معرفتش ليه

بس حلوة قوى قصه اللوح علشان نضمن محدش يسرق العربيات ولا لا والله الحراميه مخلوش حاجه

الاقوى بقى قصة رغى الستات والاطفال وراء سواق المترو هما دلوقتى هيجيبوا الغلط فى رغى الستات خلاص يعملوا لينا فيبريشن بدل ما نتكلم هى الحوداث بتاعت المترو بقت من رغى الستات ولا رغى الصابون سبحان الله

27 اخبط وقول رايك:

emos said...

mesh el moshkela ta3'yeer nemret el 3arabeyat
la2a el moshekla
ezaaaaaaaaaaaay deh masr kolaha hateb2a 3and el morooor el donia hato2af wel kora el 2ardeyya hatet3eweg men el takados
dah el wa7ed lamma beyegy yera7'as bsssssssssssssss beyla2y el nas fo2 ba3deha
2esh 7al ba2a law el balad kolaha 3'ayaret

w mawdoo3 el metero dah gamed bardo
homma el setat betefre2 ma3ahom el 3arabeyya el tanya walla elly fel nos 2e7na bennot fe 2ay 7etta w 7'alas
wana sara7a rekebt el metero keteer w 3omry ma3reft 3arabeet el sayedat deh tetla3 feen
banot fe 2ay 7etta w 7'alas la7san el bab ye2fel 3alaya:)

shokran 3ala el ma3lomat

Empress appy said...

emos
اهلا بيك وانا هنا فى الكوكب بتاعى عامله قناة للمعلومات بس
ههههههههههههههه

الطائر الحزين said...

مش عارف ايه جدوى الموضوع

لما اجيب عربية ابقى افكر بعد عمر طويل

انا منستكيش فى التدوينة الجديدة بس انتى اسمك appy معرفتش اعملها ازاى

تحياتى

Unknown said...

Bgad elmwdo3 da r2a3 gedan
w anna mo3gaba gedan belsite da
w god with u , &i hope for u the best..............
your`s
shrouk

انحلت سيور العربه وسقط المهر من الاعياء said...

السلام عليكم


حلوه حكاية البادجات
مهندس ودكتور وظابط

لى واحد صحبى عنده 128 مهكعه مركب بادجات الدنيا كله عليها مهندسين على عدل على على اطباء

قولتله مره ماتشيل لوحتك وتكتب

هيئه دبلوماسيه وتر يحنا
ههههههههههههه
قالى تصدق فكره

بخصوص تغير اللوحه دى سبوبه الحكومه عاملها عشان الاستر زاق وتحسين دخل الساده الظباط

تحياتى


امل الامه يبقى اسكندريه صح

جميل الموقع

Desert cat said...

انا الحمد لله معنديش عربية
لاء فى عربية غالية اوى عندى وبموت فى ارقامها
وفى لونها وفى كل حاجه تخصها
انا كدا هزعل
وبعدين ايه مضوع مترو الانفاق ده
هما يعملوا حوادث ويقولوا الستات هما هيفضلوا لحد امتا شايلين الستات على راسهم كدا يا ساااااااااااااتر
على الحقد

NIDAAL .R said...

جميلة اوى حكاية انهم يخلوا عربة السيدات فى النص علشان بكاء الاطفال
بس بينى و بينك ساعات بيبقى فيه بكاء طفل تبقى بسببه عايزة تحدفيه من الشباك
و حكاية 666 دى معلش اهو زى ماقولتى نيو لوك للنمر
بوست جميل
دمتى بالف خير

mohammad hamza said...

بجد الموضوع ده صح ؟؟

انا رقم العربية ست أرقام ... والله بالنسبالى كويس ..

بس لحد الوقتى ماسمعتش بيه ...

وبعدين انا مش هفضى اروحلهم اساسا ..

خليهم يعدوا علييا ..


عالعموم شكرا على الموضوع

وائل السميرة said...

مش تقولوا مبروك لوائل عباس معانا
http://who-is-wael-abbas.blogspot.com/

Mustafa Şenalp said...

very nice a blog :)

Empress appy said...

بشكر كل اللى علقوا على الموضوع واحنا هنشوف لسه هيعملوا ايه
تعليق واحد بس على الجحيم هو الحقيقه
انت بتقول فيها والله واحد عندة موتسيكل فى المنصورة صاحب محل اكسسوار سيارات عامل لوحه على الموتسيكل هيئة دبلوماسيه

ياسر شمس الدين said...

احسن حاجة انهم يشيلو عربة الستات خالص
عشان الركاب ما يموتوش من الازعاج
وبعدين الظباط بس هما اللى هيعرفوا يفكوا اللوحة ده المصريين عفاريت يفكوا الجن الازرق ويركبوة تانى ده مخترعين كلابشات بلاستيك شبة الحديد بالزبط يعنى كل واحد دلوقتى معاه كلبشه يوقف سيارته فى الممنوع وينزل بنفسه يكلبشها ويخلص مشوارة وينزل يشيل الكلابش يحطة فى الشنطة وينطلق
بس الحمد لله ان موضوع النمر بتاع العربيات ده فى القاهرة مش فى اسكندريه

دكتور حر said...

appy
سلامات

حقييقه موضوع اللوحات ده جميل
ولازم نقول جميل
يعني مش شرط نقول مش جميل على كل حاجه لحكومتنا الحلوه

انما موضوع الحريم ده مش عاجبني بصراحك لأن مكانهم في الأول عملي وسهل ومش حد هيقدر يظبط معاهم في النص

أنا سعيد بزياراتك وتواصلك وتنورينا دايما ان شاء الله

بس يعني ايه اسم المدونه بتاعتكم

ربنا يكرمك يا رب

Empress appy said...

بص يا دكتور هقولك اسمى يعنى ايه
ليه ابن اختى صغير مش بيعرف ينطق اسمى فبينادى آآبى فسميت المدونة باسم كوكب آآبى
ومنورنى دايما

Empress appy said...

حدوتة مصريه
اهلا بيك
فى كوكبى وانت مأخدتش بالك من الموضوع هيكون فى كل محافظات مصر يعنى الاسكندرية ولا انت فى اسكندرية اللى مش فى مصر ههههههههه يعنى الحال من بعضه

DR.HAMAS said...

سلام عليكم أخت آبى

هو عشان ابن أختك مش بيعرف ينطق إلا آبى

تقومى تحكمى علينا كلنا اننا نبقى عيال زيه

على العموم مش أزمة كبيرة يعنى

و أقرب اسم يتنطق كدة هو (عبير) و الله أعلم

مش معضلة...

-----------

أما بخصوص أرقام السيارات و اللوح

هى فكرة كويسة من المرور انهم يضمنوا انهم ميتضحكش عليهم

بس الأزمة فى انهم يا ريتهم بيكونوا منصفين مع الناس

و يا ريتهم مع كدة ميكونوش بيكتبوا مخالفات عمال على بطال

و يحاربوا السواقين فى أكل عيشهم و يبهدلوهم

يعملوا اللى يعملوه .. بس يحببونا فيهم

انما بنكره أفعالهم .. و كل اللى بيعملوه بنظن إنه ضد مصلحتنا

حتى لو كنا هنستفيد

نفسى الشرطة و الشعب يجيلهم يوم .. يبقو على وفاق

----------------

أما بخصوص مترو الأنفاق

أنا انبسطت لما سمعت الخبر ده

و استعجبت لما عرفت ان السبب هو -رغى الستات -

انا كنت فاكر بسبب ان العربية الاولى بتبقى قدام قوى فى بعض المحطات
و الستات بتقعد تمشى كتير لحد ما توصل لأول عربية

أنا كنت فاكر انهم بيسهلوا على الستات
و يجيبوا لهم العربية فى الوسط

عشان ميمشوش كتير

بس اتضح ان السبب هايف قوى
و مش سبب أصلا فى نظرى

على العموم انا مسوقتش مترو قبل كدة و معرفش تأثير وجود الستات وراء السواق بيعمل ايه

يمكن فعلا بيعانوا و لا حاجة -الله أعلم-

بس فى الآخر هى مصلحة للستات عشان ميمشوش كتير لحد ما يوصلوا لقدام
و ساعات بيجروا

فى كل الحالات هو تسهيل

و ربنا يعمل ما فيه الخير


---------

د.حمــــــــاس

دكتورة سنان said...

طيب اما الحق اجيب عربيه بسرررعه بقى عشان يغيروا ارقامها
نيهاهاهاها
انا بقترح انهم يلغوا العربيات خااالص
.. مشكلة حياتى انى اعدى طريق وتكون العربيات كتيييره كده بفضل واقفه لحد ماحد يعدينى وبيبقى شكلى وحشششششششش

مروة الزارع said...

انا عرفت كدة
يبقى بتاع المرور هو اللى هيسرق العربيات ماهو الوحيد اللى هيعرف يفكها دون كسر
نيااااههههاااااا

بصراحة انا معنديش عربية فعشان كدة ان شالة يلغوا اللوح اصلا

بس تفتكرى السواق بيبقى مدايق من عربية السيدات

على الاقل بيشوف مزز ادامة يعنى بدل ما يشوف اشكال غلط
ههههههههههههههههه

كل سنة وانتى طيبة يا قمرررررررر

Empress appy said...

د/حماس اهلا وسهلا بيك
بصراحه مش اسمى عبير ومعلش اصل ابن اختى ده اول بيبى لينا فنفسى الدنيا كلها تبقى بالبرائه اللى هو فيها مش عيال ولا حاجه ههههههههه
وغير كده الناس كلها بقت تنادينى بالاسم ده
نوسه
ليه بس يا دكتور دى المنصورة مش زحمه ما انا اصلا من عندكم والعربيات يا ساتر بتمشى بالراحه مووووووت

مروة
انتى فين يا بنتى تغيبى تغيبى وتيجى بقصص محزنه

احمد الجيزاوى said...

نظرا لانى من الذين لا يملكه سيارة احب اقول لحضرتك جتنا نيله فى خظنه الهباب
على فكرة البوست دة هيتحول من مناقشه ارقام العربيه الى قر على عربيتك
فنصيحه اكتبى على زجاج العربيه
يا حسود يا عبيت العربيه جيه بتقسيط
مع تحياتى ااحمد الجيزاوى

Unknown said...

ايه البلاستيك ده
بعدين انتي هاتخدي نمرك ولا يهمك وراكي رجاله يجيبولك النمره من عين المرور
بس ايه حكاية الرغي دي هو احنا رغايين بجد ولا ايه
بعدين السواق يحط ودنه مع الستات ليه دي قلة ادب
بوست جميل اوي

احمد الجيزاوى said...

صحيح افتكرت
البرصه لو عوزة تعرفى هى فين هى فى شارع طلعت حرب
اى يوم تنزلى هناك كلمينى هقبلك واورهالك
احمد الجيزاوى

جمعاوى said...

هاهاهاه

طيب كويس إن الواحد ماعندوش عربية

علشان يزعل على النمر بتاعتها

أما موضوع المترو

رأيى من رأى الدكتور الحر

فرنسا هانم said...

يعنى ايه ؟؟؟؟
والعجل؟
مش سألتى عن العجل ؟
هيغيروا لوحاتها ولا لا
جاوبينى
ده
انا لسه مطلعتش الرخصه

العراف said...

سلام عليكم اولا المدونه جميله شكرا على المعلومات المهمه دى وكل عام وانتم دايما بخير واكون سعيد بزيارتكم لمدونتى

Empress appy said...

أحمد الجيزاوى
نورتينى يا راجل لك وحشه والله وعموما شكرا على النصيحع وقر ايه يا خليها على الله دى اصلا لو مجبتش ميكروسكوب علشان تبص على العربية مش هتشوفها دى لا ترى بالعين المجرده
ايمى
اهلا بيكى امال هيدوى ودنه فين وعنيه فين اسكتى دى شماعه هبله شويه بيعلقوا عليها غلطات السواقين بتوع المترو ما يعملوا زجاج عازل وخلاص ولما هما يبقوا ازاى بقى بيحموا الستات من الناس ولا د الحلال
جمعاوى
رايك ورأى د/حماس على عينى بس على فكرة بعد العربية دى بيمنع الحاجات الوحشه اللى كلنا عارفينها غير لما تكون فى النص
خالتى فرنسا
هو حد يقدر اتصلى بس وانا اجى اضمن لكى العجله بس عمما العجل لا هيركبوا عليه هيئة دبلوماسيه هههههههه
العراف
اهلا بيك اول مرة ونجيلك بس نلبس الحته اللى على الحبل

د/اجدع بنوته said...

الخبر ده مش حلو خالصص

هو اينعم مش هيفرق معايا .. كده كده تجديد رخصه العربيه مايو اللى جاى

لكن بادجات ايه اللى تتشال

الواحد مبيحسش بقيمته غير بالبادج ده والله

كل ماانسى انى دكتوره ابص للبادج ع طول

ده انا قتيلة البادج ده

وبعدين ده كلام ف الحبشتكنات

ماهما مفيش تفييم ومعرفش ايه

ونص عربيات البلد متفيمه ..

يعنى ع راى ابويا

القوانين ده اتعملت للناس اللى زينا

لكن ف ناس فوق القانون

لوووووووووول

Share |