دى باقى الصور




بس زى ما قولت مش هنشر صورى اعذرونى على التصوير اصلى كنت بصور من العربيه والجو كان برد شويه وانا بخاف من البرد قووووى علشان الدواء وميزانيه الكريمات بتاعت التقششف اللى يسببه البرد وكريمات الشعر كمان (اقتصاديه قوى انا مقولكوش) على فكرة فى تاريخ 1/1/2006 ده غلط بس الكاميرا كانت مهيسه شويه ومكنتش ظبط التاريخ بتاعها دى الصح بتاعها 13/12/2007 وكمان البطاريه بتاعت الجمل قصدى الكاميرا خلصت بس وعد منى لو رحت تانى هجيب لكم صور احلى لان فيه حاجات كتير مصورتهاش او اجيب لكم صور من بلد تانيه اروحها اشوف ايه الكويس والوحش اللى فيها يا رب مصر تبقى كلها نظيفه وحلوة كده وناسها طيبه قوى كده

8 اخبط وقول رايك:

MerMaid said...

حبيتي ابي

اللي حبيتها خالص خالص

-------------------
يا اسماعيلية يا اسماعيلية
احب ازورك المغربية
اركب فلوكة انا و حباااااايبي و نغني غنوة ع السمسمية
اه يا لا لاللي
حبيبي يا لالاللي
يا روحي ياااااااا لالاااااااااااااااالي

-------------------------
ده حاجة بسيطة كدة من سلسلة المواهب اللي بتمتع بيها طبعا

كل سنة وانتي طيبة يا جميلة

و كل شوية وانتي منوراني في مدونتي شوية كلام

و حالة سعادة

متطنشييييييييش

سلاااااااااااااااااااااااااااااااام
:)))))))))))))))))))

alexandrany said...

appy
this is my first visit to your blog
انا حسبت الصور في الاول لاسكندرية لكن لما نزلت شويه لتحت لاقيتها لاخت اسكندرية
تحياتي

L.G. said...

way 2 go
أيوة كده سجل كل لحظة حلوة في حياتك واعملي ألبوم السعادة وكل ما تتضايقي من أي حاجة طلعي الصور وشوفي الاحساس الجميل كمان عشان نشوف بعنيك بلدنا انت شوفتيها ازاي حكمل قراية بعدين سامحيني لأن الوقت جري والفاتورة طلعت وحتطلع معاها روحي ومخلتونيش أكتب في مدونتي حاجة خالص تصبحوا على خير

عاشقه الفردوس said...

ايه الصور الحلوة دى
ماشاء الله عليكى

ربنا يسعدك كده ويجعل ايامك كلها سعاده وفسح وحاجات حلوة


بوركتى وجوزيتى الفردوس

appy said...

مرمريد
كل سنه وانتى طيبه وبخير ومحققه كل أمنياتك يا رب وعمرى ما بطنش دا انا بنام الليل بحلم بيكوا كلكم علشان اشوفكم الصبح واوزع خرفانى فى كل مدونة
alx
نورتنى الرةالجايه هحاول اعملها عن الاسكندرية بس انا عارفه ان كل الدنيا شافتها بس انا هدور على الحاجات اللى محدش شافها
I.g
ايه النور ده بعد الشر على روحك اما بمناسبه الفاتورة كلنا لها
عاشقة الفردوس
جميعا ان شاء الله نورتينى

ياسر حسين said...

واضح أنك غاوية تصوير
بس أنا ملاحظ بعض الصور مهزوزه
يا ترى ده شيء مقصود؟

خالص تحياتي

عبدالرحمن فارس said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و مصر أحسن .... بدري بدري كده قبل الزحمه

appy said...

استاذ / ياسر الصور مش مهزوزه انا كنت بصور وانا فى العربيه يعنى زجاج العربيه قدامى معلش اصلى لسه جايبه الكاميرا ودوختنى لما ظبطها شكرررررا ليك ونورتنى

عبد الرحمن يا اهلا حمد لله على السلامه يا راجل انت كنت بتصطاد فين المرة دى
كل سنه وانت طيب وبخير