اقرأ الحادثة.........قول يا فكيك

خبر طازة حالا
القبض على حوالى 35 شخص من اهالى الاخوان المعتقلين فى الفيوم والقبض على صاحب مدونة اكيد فى مصر من امام المحكمه
لانه النهارده كان محاكمه مجموعه اخرى من الذين تم القبض عليهم من قبل
الخبر ده وصلنى من عبد الرحمن فارس وهو اكيد هيكتبه
تعليقى بقى معرفش هيفرجوا عنهم ولا هيسبوهم ومعرفش ايه سبب القبض عليهم اصلا لما اعرف هقول واللى قبض عليهم امن الدوله
يا جماعه والله انا معاكم انه ده مؤسف جدا اللى بيحصل انا نفسى افهم ايه السياسه دى اللى هما بيعملوها طيب مبيحبوش الاخوان بيدخلوهم مجلش الشوعب المرجانية ليه طيب ودخلوا بيقبضوا عليهم ليه طيب اروح لحد مسؤل يفهمنى بجد لان دى قضيه منيله من زمان ولا احنا فاهمين وبنعمل مستهبلين ولا زى ما بيقولوا ان الاخوان دول كلهم مصالح شخصيه طيب نصدق مين ما كل واحد فى الدنيا له مصلحته الشخصيه الاول طيب معلش ربنا يفك اسرهم وربنا يظهر الحق ويرجع الحق لكل مظلوم ويهدى

اللى عاوز الاخبار يشوفها عند عبد الرحمن فارس

تحديث هام :- تم القبض على الناس دى لحين الانتهاء من محاكمه او التحقيق مع المحجوزين قديما ولم يتم حجز هؤلاء بل تم خروجهم بعد الانتهاء من الجلسه

15 اخبط وقول رايك:

السيد شبل said...

شىء محزن فعلا ...
اتمنى ان لا نتوقف عند الكلام...
و لكن ف النهايه ان كان الكلام لا يفيد فان السكوت سيضر

الطائر الحزين said...

حسبنا الله ونعم الوكيل

فرج الله أت

تحياتى

appy said...

استاذ / سيد اهلا بيك دى اول مرة تنورنى واتمنى متكونش الاخر

الطائر الحزين فعلا حسبنا والله ونعم الوكيل فى من يظلم
واحنا لسه هنشوف الناس دى عملت ايه علشان يتقبض عليهم وهيطلعوا ولا لا الاخبار هتكون عند عبد الرحمن فارس

يوميات عيل مصري said...

شكرا على زيارتك لمدونتي، هي مدونة غير سياسية بالمناسبة والموضوع اللي نزل فيها، احداث من قصة المدونة
أنا عارف انك أكيد اتلخبطي شوية
بس دي قصة طويلة، من يومياتي وأنا صغير
وهتلاقيها من أول بوست لو حبيتي تعرفي القصة من أولها
تعليقك عند خيخة رائع
شكرا على الزيارة الجميلة

ENAS said...

اللى عرفتة يا

appy
أنهم معملوش أى حاجة غير أنهم منتظرين 19 من قيادات الأخوان ومنهم أحمد محسن المدون كانوا جايين من محكمة التجمع الخامس الى محكمة الفيوم

و لما يتقبض عليكى من غير تهمة
يبقى أنتى أكيد فى مصر

مروة الزارع said...

بجد زعلتينى جداااا
معقولة كدة واحنا على ابواب السنة الجديدة
حسبى الله ونعم الوكيل

.................

على فكرة انا اتصلت بيخيخة النهاردة وهيا قاعدة معاكم ياترى بلغتكوا السلام

انا غيرت بصراحةةةة جاااااامدة
عشان انا حبيت خيخة اوىىىىىى

بس اكيد هحبك انتى كمان زيها

الحمد لله ان المدونة هتعرفنى على ناس زيكم

محمد الجرايحى said...

خبر مؤسف
ولانعرف إلى متى ستظل الدولة تتبع هذه السياسة العقيمة والمخزية
والتى تزيد من كراهية الشعب وعدائه لها

إنها سائرة فى طريق إشعال كل الثقاب
وأول من سيحترق من أشعلوها

M@@@@H said...

الإخوان مشكلة من ايام السادات .. وللاسف اي حد يربي دقنو ويقصر جلبيتو .. نقول عليه اخوان .. ويبقى عم الشيخ
بيدخلوهم مجلس الشعب علشان لما يكون للاخوان نواب في مجلس الشعب .. يكون هؤلاء النواب واجهة للاخوان .. والمتحدث عنهم وعن قضاياهم .. واي حد من الاخوان يعمل مظاهرة او حادثة .. يكون بالتالي خارج عن طوع نواب المجلس الاخوان .. تيجي الحكومة وتشدهم ومحدش يقدر يقول حاجة

وده ليه .. لاني بصراحة اشك اصلا ان الاخوان اللي في مجلس الشغب .. بيمثلو الاخوان المسلمين

Anonymous said...

الاخت الفاضلة :
من المؤسف ان الشعب المصرى نفسه منقسم ما بين مؤيد للاخوان وما بين معارض دون ان يفكروا فى الاخوان انفسهم والغريب فى الامر ان ما سمعته عنهم يختلف تماما عن معاملتهم مباشرة
سيدتى من قلب الليل يأتى النهار وان شاء الله سوف ينصر الله قوما يحبهم ويحبونه mego-mego @plogspot.com

بيتنا القديم said...

ربنا عاظالم والمفتري والحزب الحاكم!

مدونتك كويسة

دمت بخير

سنقر said...

آبى
أنا عايزك ترجعى تانى لمدونة مين وائل عباس
حذفك لتعليقاتك كان له أثر سلبى علينا كلنا لأنك بكده عملتى اللى هو كان عاوزة

appy said...

سنقر اسفه بس انا ببعد عن الكلام البذئ بجد لانه عيب يتقال يمكن اكون لسه جديدة فى التدوين بس عندى عقل وبفكر وعيب اللى بيحصل سواء منه او من غيرة وعموما انا ضد اى حاجه تسئ لسمعة مصر وولدها وبناتها وشكرا لاهتمامك

appy said...

بيتنا القديم نورت
ربنا على كل واحد يظلم نفسه ويفكر فيها بس وميفكرش فى اللى حوليه بجد سواء اهل او بلد او حتى ظلم النفس ده حرام لما الواحد بيظلم نفسه حتى
استاذ/ محمد
اهلا بيك هنا فى المدونه الصغيرة دى اما بالنسبه لسياسه الدوله فيا ريت هما يفهمونا عاوزين ايه ويشرحوا للناس علشان نهدى ويمكن نتعاطف معاهم او نبقى ضدهم بس ساعتها نبقى على الاقل فهمنا الحقيقه
مروة
وانا كمان حك قوى ومبسوطة بيك منورة بسلاطاتك وبابا غنوجك فى كل مكان

appy said...

بيتنا القديم نورت
ربنا على كل واحد يظلم نفسه ويفكر فيها بس وميفكرش فى اللى حوليه بجد سواء اهل او بلد او حتى ظلم النفس ده حرام لما الواحد بيظلم نفسه حتى
استاذ/ محمد
اهلا بيك هنا فى المدونه الصغيرة دى اما بالنسبه لسياسه الدوله فيا ريت هما يفهمونا عاوزين ايه ويشرحوا للناس علشان نهدى ويمكن نتعاطف معاهم او نبقى ضدهم بس ساعتها نبقى على الاقل فهمنا الحقيقه
مروة
وانا كمان بحبك قوى ومبسوطة بيك منورة بسلاطاتك وبابا غنوجك فى كل مكان

appy said...

mego-mego
ربنا يفتح قلوبنا وعقولنا للصح والخير لينا كلنا
بشمهندس
كلامك مظبوط والله بس اقولك على حاجه انا بعامل مع ناس متدينه كتير منهم مديرى وبرضه عنده دقن وبيلبس جلاييب قصيرة بس مش اخوان بس مسلم وعاوز يطبق السنه والدين فى تصرفاته وفعلا والله العظيم الراجل ده مش شكلا بس وموضوعا كمان بيتعامل الدين الله يبارك ليه فى حياته واولاده