إغتصاب ....براءة طفله يوم عيد

انا بس عاوزة اسأل الناس اللى واجعين دماغنا بحموم الانسان والكرامة للانسان والتعذيب فى الاقسام والشعارات الكدابه اللى خنقتنى دى
اولا انا من قبل كده عملت بوست عن واحد بعت تظلم لحقوق الانسان فى قطر وهو مصرى ومحدش اتحرك ما علينا تعالوا بقى للقصه والله دى حصلت فعلا يوم الواقفه:-
بلاغ من النجدة(122) لاحدى الاقسام فى بلد (طبعا هنا فى مصر )فى الاقاليم المهم اتنقل ظابط المباحث وراح البلاغ ايه اللى شافه طفله عندها 13سنه لا تمت للانوثه بشئ طفله لسه مغمى عليها فى بيتها وملابسها شبه مقطعه والدم على انحاء جسمها وام فلاحه غلبانه ملهاش غير الطفله دى كانت برة البيت ورجعت لقت بنتها كده المهم نقلها الظابط القسم بعد البنت ما فاقت وراح بيها القسم واتقلبت الدنيا البنت فى حاله ذهول ولا قادرة تمشى ولا تتكلم ولا تقف على رجلها وامها قاعده على الارض على البلاط فى البرد اللى احنا فيه ده بتعيط وتلطم حظها فى بنتها يوم كامل قدام الظابط اللى سنه 25سنه بس الوضع ده طفله مش بتتكلم متبهدله وامها بالعياط بتاعها ده تانى يوم اللى هو اول يوم العيد والاطفال راحوا العيد اللى فى سنها وفاقت البنت شويه وبدأت تتكلم وكانت المصيبه قالت اللى عمل فيها كده ابن عم ابوها ووصف الراجل ده لما اتقبض عليه كالتالى رجل كبير فى السن تخطى الاربعين متزوج من ثلاث سيدات ومعاه فى بيت واحد فى بلد فلاحين قبض عليه الظابط وراح القسم وبصراحه مسكتش على كده علقه فى الكهرباء(ومش عاوزة حد يقولى ليه عمل كده علشان مدلوش بالبوكس فى عنيه) وبعد كده اتعرض على النيابه بس بصراحه بعد ما كان ورم من الكهرباء دخل النيابه الوكلاء ضربوه وبعد كده دخل الحجز والله كل اللى فى الحجز لما عرفه اللى عمله ضربوة وبكل بجاحه يرد على الظابط بتاع المباحث ويقوله اذا كان مضايق سعادتك اللى عملته اتجوزها عادى يعنى وخلصت القصه والراجل عامل اضراب عن الاكل يومين .
تعالوا بقى قولى حط نفسك اوانتى حطى نفسك مكان الظابط ومنظر الطفله هتعملوا ايه تخيلوا دى اختك او بنتك او بنت عمك او اى حاجه هتكون مشاعرك ايه بجد لما تشوف طفله مظهرش عليها اى علامات الانوثه وامها كمان بالانهيار ده هتعملوا ايه
هيردوا عليا بتوع حموم الانسان ويقولوا ليه بس يسيب العدل والقانون(القانون فيه خرم فى المله) يأخد مجراه انا مش بتكلم فى كده فى نفسيه حط نفسك مكان الظابط ووكيل النيابه حتى المحجوزين فى القسم اللى منهم حراميه ومجرمين عملوا ايه
انا بتكلم عن نفسيه ان الظابط ده انسان فى النهايه له مشاعرة مش حجر ولا هو فيكون فضائى نازل علينا من كوكب تانى(ومش عاوزة ضحك) قولوا ليه يا بتوع حقوق الانسان هدافعوا عن مين اللى اغتصبت من راجل متجوز تلاته ولا عنه لانه اضرب وعلى فكرة علشان محدش يقول انا مع التعذيب لا والله بس بقول لكم انه فيه حاجات بتدخل فيها نفسية انسان ومشاعرة بعيد عن وظيفته ابقوا قلولى بقى تعملوا ايه لو انت مكان معاون المباحث ده بجد وسورى انى نكدت عليكم بالحكاية دى بس بجد أتوجعت لما سمعتها الدنيا قامت وقعدت علشان صدام اتعدم اول يوم العيد مع انه كان ظالم وكمان قاتل ناس كتير
طيب والطفله دى اللى اغتيلت برائتها واغتصبت يوم وقفه عيد ومعرفتش تروح تعيد مع اصحابها تانى يوم بدل ما تروح العيد وتلعب والمراجيح راحت الطب الشرعى عاوزين قانون يحفظ كرامة الانسان اى انسان ده اللى هو اصلا مش حافظ كرامته .
حد يعرف يقولى سبب واحد يخلى الراجل ده يغتصب الطفله دى(واوعى حد يقولى كبت جنسى ومخدارت اصل هاااااا اديله مقلب حراميه واخبطه بالقله على دماغه)
سلم لى يا صاحبى على حموم الانسان اللى مش باين لها عمل غير فى مصر بس علشان تشوهه صورتها فوقوا بقى وشوفوا الناس دى بتعمل ايه
ملحوظة اتكسفت اقولها بس منه لله اللى خلانى اقولها:-
(البنت احتمال تطلع حامل بس مش هيبان طبعا الكلام ده دلوقتى)انتم طبعا فاهميين ليه

25 اخبط وقول رايك:

الطائر الحزين said...

لا حول ولا قوة الا بالله

ده لازم كان يرجم فى ميدان عام

يقتص منه

لكى يعتبر من تسول له نفسة مجرد التفكير

كل عام انت بخير

اول زيارة لحضرتك

Desert cat said...

والله طول عمرى بقول الكلام ده
الاقيهم بيردوا ويقولى لى انتى امن
الظباط دول بيتبهدلوا والله وبيشوفوا القرف كله ومحدش راحمهم
حسبى الله ونعم الوكيل فى الراجل ده
وربنا يصبرها هى وامها بقى

ملك الكبدة said...

هو فين الانسان ده

الا اذا كنتي تقصدي البنت الصغيرة

ساعتها يبقى اي حاجة تتعمل مشروعة

عشان يجيبوا حق الانسانة دي

الشريف / جمال طة said...

أنتى أكثر من واقعيهولك منى كل احترام وتقدير على مصداقيتك وتأكيدا لكلامك وعلى كامل مسئوليتى أنا أكثر من ثلاثون شهرا لم أتمكن من مقابلة صاحب المقام العالى / حافظ أبو سعده رئيس المنظمة المصرية لتوجيهات السفارات ألأجنبية فى مصر ولم أتمكن من مقابلة رئيس الشبكة العربية لحقوق الانسان ورغم أننى أرسلت الى جميع منظمات المسماة بمنظمات المجتمع المدنى لم يتحرك أحد وعرفت انه لم تصدر توجيهات من أى سفارة أجنبية لهم لتبنى قضيتى حتى قناة الحره طلعت غير حره والتلفزيون المصرى ماليش واسطه فيه يمكن انتى أصعب عليك وتتضامنى معى


http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

appy said...

استاذى العزيز /جمال بجد مش علشان كلامك انا بحاول اساعدك انت والتانى اللى فى قطر النه زى بابا بانسبه ليه وكلامك ليه شعاده اعتز وافتخر بيها
قطتى الحلوة
شكرا على مرورك ونورتينى بس انا هفضل ابين الجانب الوحش والحلو فى الشرطه انا بس كمان بقول نتعامل على انهم بشر زينا ولهم مشاعر بس مش معنى كده يتجاوزوا او يجوا على حد برئ ساعتها انا اللى هديله بالقله على دماغه
ملك الكبدة
نورت بس يا ريت تبقى تقول لبتوع حموم الانسان كده والنبى ادى حاله قدامهم اهى لو قصدهم يعنى غير انهم يفضحوا مصر ومصالح شخصية اهى حاله تستحق ولا هما حقوق انسان ضد الشرطه

appy said...

الطائر الحزين
يا رب تفرح ان شاء الله وعموما هو كده كده ان شاء الله لو صلحوا الخرم اللى فى المله قصدى القانون هيأخد اعدام وانا هنشرها يا رب بس ده اللى يحصل

مهندس مصري said...

بصي يا بنتي النفر ده عايز الحرق و ده مفيهوش خلاف
بس لو فيه قانون عدل في البلد و بيتطبق على الغفير و الوزير و الرئيس
كان محدش ضربه و كان اتعامل بالقانون و مشيت الإجراءات عادي لحد ما ياخد إعدام
لأن الإغتصاب خصوصاً لقاصر عقوبته الإعدام
بس لأن البلد ماشية بزرميط يبقى لازم ينضرب لأن محدش ضامن حيأخد حكم ايه

بس ما نلخبطش الأمور في بعض و نعلن براءة الضباط الغلابة يا عيني
طيب و اللي عذب عماد الكبير اللي كان سواق ميكروباص غلبان كان ايه
و اللي قتل طفل شها كان ايه و اللي قتل الناس في المنصورة و العمرانية و كل حوادث الموت من التعذيب في الأقسام السنة دي مين اللي عملها ضباط ملايكة و لا ضباط مرضى نفسيين
خشي اقري ضابط المرور اللي موت سواق من الضرب في الشارع مش في القسم
http://yalally.blogspot.com/2007/12/blog-post_3341.html
المجرم لازم ياخد عقابه حتى و لو كان المجرم ده ضابط
تحياتي ليكي
و أشوفك في نقابة المحامين بكره ان شاء الله
:)

مهندس مصري said...

على فكرة أنا مواطن عادي يعني لا بتاع حقوق انسان و لا حاجة
أنا موظف حكومة
مهندس حكومي
بس اللي بيحصل في البلد دي مستفز قوي

appy said...

والنبى والنبى امانه عليكوا محدش يجيب ليه سيرة عماد الكبير مين قال انه كويس وغلبان ما تروحوا شوفوة دلوقتى واسالوا اصلا عن سيرته ده مسجل ومش معنى كده ان اسلام شاطر لا هو غلط والنبى ابقى روح راقب تصرفاته دلوقتى وابقى احكى ليه وبعدين مقدرش اقولك حاجه على طفل شها لان القصه سكتت ومسمعتش حد فيكوا اتكلم ومعرفش الحقيقه فين بجد فيها ثالث حاجه ظابط المرور بتاع النهارده منعرفش ايه حقيقه الموضوع لسه لما نتاكد نبقى نتكلم من غير نشر غسيلنا كده على طول اتاكد وبعدين اتكلم عنها بلاش ننقل اخبار مش عارفينها لمجرد ان واحد قال الخبر طيب ايه ملابساته معرفش وانا قولت النهارده هو يوم هلاوس معايا محدش صدقنى
وعموما نورتنى بجد

مروة الزارع said...

لا إله إلا الله
لا حول ولا قوة إلا بالله

أنا مش مستغربة إن الدنيا فيها كدة

ربنا ينتقم من أمثال الناس دى

أنا لو من الظابط كنت قطعت أجزاء من جسمة وهو حى

يارب أهديهم يارب

.........

مدونة جميلة بجد
مش هتكون اخر زيارة

كل سنة جديدة وانتى على طول عسل وسعيدة

ENAS said...

أنتى شديتى حيلك لية كدا على بتوع حقوق الأنسان أنا مش شايفة أنك برزتى التقصير اللى منهم أساسا زنقتى سيرتهم فى الكلام وخلاص علشان تدى كلمتين تحبشى بيهم القصة ودا يدل على أنك سمعتى كلمتين من حد مابيفهمش الدنيا ماشية أزاى،والقصة اللى أنتى بتحكيها فعلا مؤثرة وبتحصل كثير لو عايزة بتوع حقوق الأنسان يعملوا حاجة فى حالة البنت أتصلى بيهم مباشرة وهما هيساعدوكى هما مش قاعدين على بوستات المدونات لازم أنتى تسى ودورى لو انتى فعلا منحازة لقضية معينة وهما هيساعدوكى ،أنتى شكلك مش متابعة اللى بيحصل على الساحة حقوق الأنسانم واخدة وضعها دلوقتى والمحامين المتطوعين فيها بيكسبوا قضيا دلوقتى وليهم دور فى سجن الظابط والغفير بتاع تلبانة 7 سنوات
عندى تساؤل خفيف أنتى ليكى قرايب ظباط أو تعرفى ظابط ؟

appy said...

طيب ياايناس الاول مبسوطه انك زورتينى ثانيا انا مش بحبش حاجه لو تعبتى نظرك شويه هتلاقينى كاتبه قصه واحد مصرى فى قطر وقدم لحقوق الانسان ومحدش عمله حاجه تالت حاجه عندك استاذ جمال ما تعملى له حاجه
انا معنديش قرايب ظباط ولا اعرف ظابط بس اعرف ناس غاويه فرقعه وهى مش فاهمه
وبعدين هما مش بيقبلوا حد

appy said...

وعموما مش هرد واقولك حتى لو عارفه ظابط هى تهمه اليومين دول ولا هما مش من الكوكب ده
واعكسى السؤال عليكى هو فيه ظابط
ضيقك كده ولا كده ومتفهمنيش غلط
وبعدين هما بتوع حموم الانسان دول اتعملوا بس علشان يتصيدوا اخطاء البلد والظباط يا بنتى فوقى بقى انتى وغيرك دى ناس عاوزة تشوه البلد دول بيجيبوا حق الناس اللى مش كويسه وخاصة لما يكونوا لهم علاقه بالظباط وبعدين بتتكلمى عن الاغتصاب انه خلاص بقى شئ عادى كده بس اللى مش عادى بقى كمان انها طفله انا بس سؤالى ليه متحركوش وقولت حطوا نفسكوا مكان الظابط مش اكتر

مينا زكري said...

بصي يا آبي

تعالي نبص على كذا حاجة:

أولا: الاغتصاب جريمة بشعة ويجب معاقبة مرتكبها بتشديد العقوبة ولما تبقى الضحية طفلة يبقى الجريمة تستاهل عقاب أكثر تشديدا والحكم "القضائي" يجب أن يأتي مغلظا (وبالمناسبة في هذه الجريمة تحديدا العقوبة قد تصل إلى الإعدام)

ثانيا: فيه ترتيب قانوني بيتم التعامل بيه في التعامل مع أي جريمة أيا كان مرتكبها. الترتيب بيقول إن فيه جريمة بيتم التحري عن مرتكبها ومسئولية الشرطة هي التحري عن الجريمة وعن مرتكبها... ولما بيوجد متهم في الجريمة بيتم إحالته للنيابة للتحقيق معه (مهم هنا إنك تفهمي إن قانونا التحقيق سلطة للنيابة وليس مسئولية الشرطة)...

النيابة دورها إنها تحقق مع "المتهم" (اللي هو بريء حتى تثبت إدانته)وبتحقق في تحريات الشرطة وبناء على التحقيق بتحيل "المتهم" إلى القضاء المختص والقاضي بيرجع تاني يسمع النيابة اللي هي دلوقت جهة توجيه التهمة... وبعدين يسمع لمرافعة دفاع المتهم (اللي هو لسة بريء إلى أن تثبت إدانته) ويسمع من دول ويسمع من دول ويوصل في النهاية إلى قناعة بناء على الورق والمرافعات ويحكم بالعدل سواء بالإدانة أو بالبراءة... وفي حالة الإدانة بيقدر - موجب القانون - إذا العقوبة تبقى مشددة أو غير ذلك

دا كله اسمه ترتيب قانوني وأظن إن مفيش بيننا خلاف على ده إطلاقا... لأن دي أبجديات العدالة اللي تخلينا مرتاحين لما المجرمين يدانوا إنهم أدينوا بعد ما أخذوا كل فرصهم في الدفاع عن أنفسهم وعن موقفهم وبعد ما جهة الاتهام اللي هي النيابة (مش الشرطة) بذلت كل جهدها في التحقيق وإثبات التحريات والأدلة لإثبات التهمة على "المتهم"... ولو اتبرأ "متهم" يبقى ما قدامناش غير قبول حكم القضاء أو الطعن عليه بدرجة قضائية أعلى... دي من تاني اسمها أبجديات العدالة وتطبيق القانون

ثالثا: زي ما هو واضح من كلامي اللي فات إن الشرطة مش جهة اتهام ولا جهة تحقيق وفقط دورها هو التحري ولا يحق لها قانونا احتجاز أي "متهم" دون عرض على النيابة خلال 48 ساعة وإلا يبقى احتجاز غير قانوني

وأيضا لا يحق للشرطة أن تكون جهة إصدار أحكام وتنفيذ "ما يراه الباشا الظابط من عقوبة على المتهم" وإلا تحولت الدنيا لغابة فيها اللي يقدر على حاجة يعملها بدراعه

وأيضا لا يحق للشرطة انتزاع اعتراف تحت تعذيب لأن التعذيب بيبطل الاعتراف وعشان كدة أغلب القضايا بتبوظ قدام القضاء لأن الظباط حاليا كتثر منهم مش مهنيين وما بيعرفوش يعملوا شغلهم اللي هو التحريات والبحث فبيعذبوا المتهم فيعترف بحاجات حتى لو معملهاش وخير مثال هو الممثلة حبيبة اللي تم تعذيبها لحد ما اعترفت بقتل جوزها واتسجنت بناء على الاعتراف ده وبعد خمس سنين بانت الحقيقة واتعرف القاتل الحقيقي والظابط المجرم اللي عذبها لم يتم عقابه وإنما حكم عليه بست شهور مع إيقاف التنفيذ!! ... فهمتي أنا بتكلم في إيه؟

رابعا: منظمات حقوق الإنسان يا ستي دورها رصد انتهاكات حقوق الإنسان لكن دا بيتم بعد ما يكون الترتيب القانوني خد مساره الأول... يعني في جريمة الاغتصاب البشعة اللي بتحكي عنها... الدور الأولاني ييجي على الشرطة وهل قامت بدورها ولا أهملت؟ وهل وهي بتقوم بدورها التزمت أم تجاوزت؟ وبعدين النيابة، هل مسار التحقيقات ماشي مظبوط ولا لأ ثم القضاء هل القضاء مستقل ولا فيه تأثير عليه... وبما إننا ما زلنا مؤمنين بعدالة القضاء فكلنا بنقف صامتين إلى أن يصدر القاضي حكمه العادل... سلطة القضاء سلطة مستقلة ولا يمكن قبول أي ضغط على أي قاض لأي سبب ومن أي جهة


خامسا: بالنسبة لأي متهم في أي جريمة فالقانون بيقول إنه بريء حتى تثبت إدانته وإن التعذيب جريمة لا يمكن تبريرها (بأي مبرر)... وسنظل ندافع عن حقوق المتهم (اللي هي تحديدا حقه في معاملة قانونية من أجهزة التحري والتحقيق وحقه في محاكمة عادلو ذات ضمانات) كما ندافع عن حقوق الضحية

أخيرا: واضح - بالنسبة لي - إنك ما قريتيش كتير في حقوق الإنسان وبتتكلمي بشكل انطباعي وغير موضوعي... اقري الإعلان العالمي لحقوق الإنسان وهتلاقي نفسك شايفة المنظومة بتاعة حقوق الإنسان بشكل متكامل

دا رابط للإعلان العالمي لحقوق الإنسان يمكنك الاستفادة منه
http://www1.umn.edu/humanrts/arab/b001.html


كل دا بقى كوم والدور اللي إنتي كفرد تقدري تلعبيه من خلال الكتابة والنشر الإلكتروني كوم تاني

انشري واتكلمي وابعتي للمنظمات ونسقي مع الزملا المدونين اللي بالفعل عاملين شغل هايل في كشف قضايا مهمة ورصد انتهاكات عديدة لحقوق الإنسان

تحياتي

ENAS said...

أهو مينا أداكي الدرس بتاع حقوق

الأنسان وأنا مكنتش بهاجمك على فكرة بس

بقول رئى فى الموضوع ودا وميزعلكيش لأن

كل واحد حر يقول رئية زى ماهو عايز

وياريت تكونى فهمتينى أنا كنت شيفاكى

كاتبة تعليق فوق بتقولى نشوف الجانب

الحلو والجانب الوحش لظباط الشرطة أنتى

جبتى مثال ضعيف حبتين لأن مش علشان كهرب

الراجل اللى أغتصب البنت يبقى كدا

بطل وأنا مفيش بينى وبين الظباط حاجة

وعارفة ان فية منهم ظباط محترمين جدا

وبيشوفوا شغلهم ودا شفتة بعينى مش

كلام عايزة أفهم بقى أنتى قصدك أية بينى وبينهم ؟

وعيب أوى لما تقولى كدا

وأنا فعلا تعبت نظرى وشفت الموضوع بتاع قطر ققدر

ققولك ممكن تكون حالة فردية والله أعلم

أنا مش خبيرة يعنى فى حقوق الأنسان

أنما بقى الشريف جمال طة دا بقى كوم

ثانى وحكايتة حكاية ومفيش داعى أرغى

فيها مع تعليقى على كلمة الشريف مش

شايفة أنها غريبة شوية ومين اللى طلع

علية اللقب دا ما علينا

وأنا بعتزرلك أن كان تعليقى ضايقك وفرصة سعيدة

ENAS said...

وسلميلى عليهم متنسيش
هههههههههههههههه

عصفور المدينة said...

في دماغي المثل اللي بيقول ربنا بيسلط أبدان على أبدان
بس طالما الشرطة مش ملايكة وممكن يساء استخدام مثل هذا التعاطف يبقى الموقف الممانع للتعذيب أسلم لأن التبريرات يمكن أن يساء تطبيقها وفي النهاية إذا كان مثل هذا الموقف نتفق جميعا أن الضابط ومن بعده لهم حق في تعذيب هذا البهيم
ولكن عندما يقع في أيديهم إنسان فإنهم يعذبونه وهم يزعمون أنهم يحمون الحق والحرية يبقى الأسلم المنع مطلقا وعدم التأييد مطلقا

appy said...

مينا اهلا بيك وكده انا عرفت فعلا وهدور على الجانب اللى انتى بتقولى عليه بس يا جماعه انتم مش فاهمين انا بس مش برر موقف الظابط انا بقول انه انسان بس

ايناس
بجد اسمك غالى عندى لان اسمك على اسم الانتيم بتاعتى وانا مش زعلانه بس انا زعلت انك مفهمتيش قصدى وانا لو زعلت كنت عملت زى الناس الوحشه وعملت دليت بس انا عاوزة افهم وجهه نظر اى حد وعلى فكرة انا لما بنقض مش قصدى اهد حد لا بالعكس انا عاوزة ده يتغير للاحسن فهمتى مش ببين السلبيات علشان حاجه وحشه لا علشان بس يتغير للاحسن واوعدكم انى اقرى عن حموم الانسان قصدى حقوق الانسان بس منختلفش ان فيه ناس فيهم وصوليين زى اى مكان يعنى شهرة وفرقعه بس

appy said...

استاذ/عصفور لك تحياتى

انا عاوزة اوضح حاجه انى مش مع التعذيب ولا مع انه من حق الظابط انه يضرب او يهين واحد مش مذنب او برئ لا ساعتها وبدون مجامله هوقع عليه اول قله من الفاخورة اللى عندى وانت لسه متعرفنيش ونورتنى

Desert cat said...

يا حبيبتى انا مش بقول ان الظابط يظلم ونضرب له تعظيم سلام
اللى يظلم او يتجاوز ده يتعاقب
انما مش كلهم مساوئ
كل مكان فيه الحلو والوحش
تحياتى

Desert cat said...

يا حبيبتى انا مش بقول ان الظابط يظلم ونضرب له تعظيم سلام
اللى يظلم او يتجاوز ده يتعاقب
انما مش كلهم مساوئ
كل مكان فيه الحلو والوحش
تحياتى

DoctorAllam said...

أنا مش حأعلق على الجريمة اللي حصلت اللي الحيوانات مش ممكن تعملها مع بعضها
أنا حأعلق على آخر سطرين من الموضوع وهو إن إحتمال البنت تكون حامل ، المفترض هو عمل إجراءات تهدف إلى القضاء على كافة الحيوانات المنوية الموجودة في رحم البنت والإجراءات دي يعرفها كل طبيب وخاصة الأطباء الشرعيين لإنها خصيصاً لحالات الإغتصاب (ده إن كانت البنت وصلت لمرحلة البلوغ لإن إحتمال تكون لسه غير بالغة)
شكراً آبي على الموضوع وعلى ذكر التناقضات الخطيرة اللي إحنا عايشين فيها

appy said...

د/علام
ميرسى على تشريفك ليه وعموما المعلومة دى مهمه جدا واكيد انا معرفش هما عملوا كده ولا لا

N0Ga said...

لا تعليق انا سمعت عن المواضيع دي بس بالرغم من كده كل مرة ببقي في ذهول اكتر للاسف هي فوضي و لا احنا عايشين ف غابة انا مش عارفه حتي اتخيل نفسي مكان الظابط ده او حتي مكان الام و لا حتي مكان اللي كانوا مع الحيوان ده ف الحجز
انا عمري ما قلت الكلمة دي بس انا دلوقتي بقولها و انا عارفه اني بهين الحيوانات و المفروض لو جمعية الرفق بالحيوان سمعاني تيجي تقاضيني لاني بهين الحيوانات بمساواتها بحيوان زي ده
بس انا لو مكان الظابط
اجيبه في ميدان عام
و اخلي كل اللي رايح و اللي جاي يهينه و يضربه و يعمل معاه اللي هو عاوزه
لغاية ما يموت كده
من غير دية من غير تمن
يدفن في الصحرا عشان العذاب اللي مستنيه مينفعش يبقي ف مقابر بني ادمين

اسفه اوي علي البوست و بجد
انا بجد كان نفسي اقرا حاجه احسن


نوجا

appy said...

نوجا
اهلا اهلا
انتى ايه اللى خبطك فى البوست ده بس اطلعى فوق شويه هتلاقى حاجه تبسطك وعندى دى يا سكر