شنكت اتشنكت


الواد شنكوتى ايهاب ده اتجوز اه والله كتب كتابه الواد وبقى عريس ومحتاس يا عينى كده وملبوخ انا فرحانه فيه اوي وبقوله مبروك على القمر انها خدتك مننا وقولها اننا كلنا حمواتها الفاتنات شنكوتى على الرغم من مقابلتى معاه القليله الا انى اعتبرته اخ ليه وكنت معجبه باصراره فى حياته على اللى بيحبها وان البنت زي السكر وصابره معاه على كل الظروف وعلشان كده ان شاء الله ربنا هيكرمهم ويجيبوا لنا شناكيت صغننه نلعب بيها واد يا ايهاب اوعى تزعل القمر بتاعنا اصل كلنا هنقف لك واقفه ست واحده وانت عارف العصابه لما تتلم وهنقطعك تقطيع الف مبروك لايهاب وعقبال كل البلوجر لما نفرح فيهم كده يا رب اه على فكره اللى ميعرفش ايهاب هو صاحبه مدونه شاب شنكوتى مع انه والله ما هو شنكوتى خالص انطح هنا هتروح له


نصيحه للشنكوتى

يا ويلك يا سواد ليلك ياللى تبقى حماتك أبى هانم

16 اخبط وقول رايك:

Anonymous said...

الف مبروووووووووووووووووك

وعقبالك يا جميل

ويا بخت من كانت آبي عروسته :)

Mafrousa said...

مبروك الف دشليون مبروك
و عقبال اللى فى بالى لما نفرح فيهم كده
و نعملهم فرح 7 ايام بلياليهم
هههههههههه

Ehab said...

ربنا يخليكي يا قمر

عقبال فرحك كده يا سكره

الحمد لله نصره بعد حرب فزيعه

ده صاحبك كان قاعد وسط الناس وهاين عليه يخبطني بحاجه ولسان حاله بيقول يا كلاب عملتوها برده
بس الحمد لله عدت على خير

بجد بجد متشكر يا ابي على كلامك الجميل ده واكيد ان شاء الله هجيبها معايا في اقرب تجمع بلوجري ونتقابل كلنا وتتعرف بيكم وتتعرفوا بيها بس متسخنوهاش عليا يا فقريه دي شبراويه ودمها حامي وانا مش ناقص

هههههههههههههه

عقبالك يا سكر

سلاااااااااااااااااااام
اخوكي ايهاب

فاتيما said...

ألف مبروك لأيهاب
عقبال سلسال
المدونين و المدونات
بنين و بنات
اللى لسه متجوزوش ....
يفرحونا بيهم
و فيهم
اما سعادتك بقى
فأتشطرى و اتجوزى
و خلفى بنوتة
اجوزها ليوسف
و تبقى انتى حماته
على الأقل أضمنله
1- عروسة زى القمر
2- حماة مخها كبير
3- خرفان بمبى يلعب معاها

funky girl said...

مبروووووووووووووووووووووووووووووووك
:)
ان شاء الله يبقو احسن عروسين و ربنا يتمملوهم بخير :)

نور الدين (محمد الجيزاوى) said...

ايهاب انا معرفوش معرفة شخصية لكن متابعه من تعليقاته اللى بتوضح انه انسان محترم فعلا وبتعجبنى طريقتى الشعرية فى التعليق دايما
وبجد ألف ألف مبروك ليه وربنا يتمله بكل خير
ودايما مشاركة فى الافراح يا آبى

ابو على said...

عقبالك

الـسـيـدة نـون said...

اغيب كام يوم
الاقى تلات بوستات فى بورجرام واحد

طيب خدى عندك تلات تعليقات فى تعليق واحد


البوست بتاع اسمه ايه ده وزير البتاعة

تعليقى عليه
انا مابتكلمش فى السياسة
ولو انى مش فاهمة ايه حكاية الست المتطلقة اللى بتتمحك فى طليقها دى

حسيت انك بتلئحى كلام على حد
بس انا مش عارفة انتى ممكن تكونى بتلئحى على مين
او يمكن اكون انا فهمت غلط اساسا



البوست بتاع
الامثال الشعبية

خدى الحكمة دى
لا تقرب من الاقرع ولا تاخد منه النصيحة
لو كان ربك راضي عنه ماكنش خلاهاله صحيحة

وتأليفب أنا بأة
إشمعنى أنتى بتألفي

لا تقرب من الخيخة ولا تاخد منها النصيحة
لو كان ربك راضى عنها ماكنش خلاها
خيخة

يا سلاااااااااااام
ايه التأليف الرائع ده
ايه الدرر اللى ان بقولها دى



البوست ده بقى بتاع الواد شنكوتى
مالهوش عندى غير جملة واحدة
احسننننننن يستاااااااااااااااهل


سلام
اختك خيخة

AHMED SAMIR said...

طب الحمد لله انك مش حماتي يا ابي هانم

حفيدة الصحابة said...

الف مليون مبرووووووووووك

ربنا يفرح الجميع يا رب

Doba said...

الف مليون مبروك لايهاب
ونشوفه عن قريب وهو متشنكت

وعلى رايك ده يا عينى عنده حموات كتير قوى وربنا يقويه بجد

عقبال القمر الجميل
او القطر المليان خرفان وفراشات

يحمييييييييكى يا رااااااابحة
اموااااه

هبة

thunder said...

mabrok 3alehom ya rab we rabena ye tem leh be kol 7'er we 3obal el 7.m3a ya rab

Ahmad Hossny said...

ألف مبرووووووووووووووك

بارك الله لهما و بارك عليهما و جمع بينهما في خير

و شكراً يا قمر و عقبالي

ميرا ( وومن ) said...

ألف ألف ألف مبروووووووووووووووك يا إيهاب

بارك الله لكما وعليكم وجمع بينكما في الخير

ياويله يا سواد ليله اللي تبقي آبي حماته ( ربنا يستر )

متنسوناش بقي بأي حاجة من الفرح :D

Empress appy said...

عقبالكم كلكم يا رب
اللى لسه متجوز يتجوز
اما انا بقى فقاعده على قلبكم



خيخه

انا بلقح على حد انتى هتهزرى ولا ايه انتى تعرفى عنى كده نيهاهاهاها
بعدين هقولك يا سوسه

Lyssandra said...

آآآآبي

إيه ده ؟
أغيب يومين آجي ألاي فرح وهيصة ومعازيم ؟؟
:)))

أن هاروح أباركله في المدونة هناك حالاً

:)

عقبالك يا آبي

Lyssa

Share |