صداع الايميلات


بسب الايميلات التي تصلني :

1. توقفت عن شرب الكولا بعد ان عرفت انه قادر على ازلة بقع الحمامات!

2. لم اعد اذهب الى السينما بسبب خوفي من ان اجلس على كرسي فيه ابره تحتوي على فايروسالايدز

3. قمت ب اعادة ارسال مئات الايميلات طامعا بأن ادخل الجنه وان لم ارسلها فسأدخل النار كما يقولون بالايميل

4. رائحتي اصبحت تشبه رائحة الكلب الميت بعد ان عرفت ان مزيلات العرق تسبب السرطان

5. لم اعد اصف سيارتي في الكراجات و صرت اضطر الى ان امشي احيانا مسافات طويله خوفا من ان يأتي شخص و يرشني بمخدر و يقومبسرقتي

6.. توقفت من الاجابه على الهاتف خوفا من ان تأتي في فاتورتي مكالمات الى نيجيريا و اوغنده و الباكستان

7. توقفت من شرب اي شيء بعلبه مقفله خوفامن ان تحتوي على بول و فضلات الفئران

8. عندما احضر حفله توقفت عن النظر الى اي بنت جميله خوفا من ان تستدرجني الى بيتها و تقوم ب تخديري ثم تأخذ كليتي و كبدي و تتركني نائم في حوض الاستحمام محاط بالثلج

9. حتى اني صرفت كل مدخراتي الى حساب الطفله " سعاد الغامدي" و هي طفله مريضه بالسرطان اوشكت ان تموت اكثر من 7000 مره ... مسكينه ما زال عمرها 7 سنين منذ عام 1993 ...

10. و اريد ان اعلن اني ما زلت علىاستعداد ان اساعد اي شخص من نيجريا يريد ان يستخدم حسابي لتحويل املاك عمه او خاله المتوفي و التي تزيد عن 100 مليون دولار..

11. قمت ب ارسال 35 ايميل ل 400 شخص حتى لا آتي يوم القيامه وأقول ياليتني ارسلتها قبل ما اموت

12. قمت بطلب مئات الأماني قبل ان اقوم باعادة ارسال بعض الكلمات و الصور المقدسه .. لكن ما زلت على نفس مكتبي و آخذ نفس الراتب لم يتغير شيء.

13. قمت بارسال مليون نسخه لمليون من اصحابي حتى لا يتوقف حسابي مع شركة هوتميل

14. رميت جميع العلب والصحون والمعالق البلاستكية لانها تسبب سرطان مما جعل كل الزوجات تتهم ازواجها بالجنون وطلب الطلاق

15. بطلت اشرب اى نوع من القهوه لانهم يساعدو اسرائيل وبطلت أكل الشوكلاته واللبان لانها كلها معجونه بدهن الخنزير وبعت التلفزيون والتلاجه والغسالة والكمبيوتروساعتى و كل الاجهزه الامريكية لانهم كلاب يساعدو اسرائيل

ملاحظه:

اذا لم تقم بارسال هذا الايميل الى 11,674شخص خلال عشر ثواني سيأتي ديناصور ليعضك اليوم الساعه 6:30

بجد دا ابسط حاجه ممكن نوصل لها بسبب الايملات اللى بتحلف وتستحلفك وتلعنك وتكرهك فى عيشتك علشان تبعتها لحد


35 اخبط وقول رايك:

Anonymous said...

صباح الكسل والنوم فى العسل
مسلم

صيدلانيه طالعه نازله said...

ههههههههههههههههههههه

طب لو اليناصور جه الساعه سبعه الا ربع يبقى تبع مين
ممكن يكون كان جاى راكب قطر
الايمييلات فعلا بقت صداع لينا كلنا
بس برضه مش حتوقف عن شرب الكولا حتى لو سنانى كلها وقعت

زهرة الجنة said...

نسيتي تقولي
علي الرسايل اللي بتتوزع دلوقتي في الشوارع في كل مكان بان احد السيدات حلمت بالرسول صلي الله عليه وسلم وطلب منها انها تكتب ورقه وتصورها تسع نسخ وبعدين توزعها وبعدها هتسمع خبر كويس


بجد كل اللي احنا فيه ده ماهو اللي مهترات
احيانا بنفتح الاميل بيوصلني اكتر من خمسين رسالة بالطريقة دي
وكل رسالة بتستحلفك انك تبعتي لكل اللي عندك والا هتدخلي النار

بحس بالعته لما بشوف الناس بتتصور ان دخول الجنة والنار اصبح بكمية الاميلات اللي بنبعتها
ربنا يعافينا يارب

لورنس العرب said...

ده انتي بتحكي تاريخ سنين
ده مرة واحد قرأ الميل بتاع الكوكاكولا ده وجاء يقولي ان يابني بتشرب كولا كتير ليه انت عارف دي بتعمل ايه؟
قلت له ايه يا سيدي؟
راح مسمع لي الميل كله في لحظات امام الناس وكأن الراجل دكتور وجاب التايهه

اما موضوع لو لم تبعت الميل لكذا واحد مش عارف هايحصلك ايه - بيفكروني باللي كانوا بيوزعوا ورق زي ده امام الجامع بيقولوا فيه نفس الكلام، بس يمكن ساعتها مكنش فيه كمبيوتر عشان كده استعملوا الورق

لورنس العرب said...

صحيح - اوعي تنسي تيجي الاتوبيس انا عامل برنامج هناك

بس اوعي تتريقي عليا

karim said...

يججد دية شىء يزهق من الدنيا و العيشة واللى عايشنها, بس مقولتيش اليناصور هايعض فيين بالظبط, بليييز شوفى انا منزل اية عندى بليييز, تحياتى

بت خيخة وأي كلام said...

حمدالله على السلامة
هلا هلا
اشتقنا ليكم يا ما
هلا هلا
الصحبة دى وحشاااااااااانا
هلا هلا
يا فرحنا يا هناناااااااااااااا


منورة يا بتنجانتى العزيزة

Appy said...

صيدلانيه


لا كده هيبقى جاع اوى وهياكل اى حد قدامه





زهرة
افتكر زمان اوى وانا فى ابتدائى او اعدادى قريت القصه دى واتهبلت وقعدت يا اوختى اكتبها واوزعها ربنا يسامح بقى اللى كان السبب

Appy said...

لورانس

انا جاى وبعدين انا اقدر اتريق عليك انت يا خبر طيب ده يصح






خيخه خوخاتى

انتى كمان وحشانى اوى قد البحر وسمكاته

Appy said...

كريم
حاضر عونيه انما يعض منين هو وظروفه ومزاجه بقى

Hager Za3bal said...

ههههههههههههههههههه
والله انتي زي الهسل

وطبعا عندك حق ..:)

أم بتول said...

الحكايات دى قديمة و كلنا تقريبا عانينا منها خصوصا إيميلات المليون دولار و مضاعفاته ، تقريبا ما بقيت أفتح تلك الأيميلات و أعمل لها ديليت على طول ، كلنا عارفين أنهم نصابين لكن فى للأسف كماعين بيقعوا فى شراكهم ، أما رسايل أذا لم تبعتها فسوف يجرى و يجرى و لو بعتها ها يحصل و يحصل دى بتفكرى بالورق الى كان بيتوزع زمان من مكاتب التصوير و المكتبات علشان المكتبة تشتغل تصوير و تصور الورقة 10 مرات و توزعها ، حاجات بجد تجيب التخلف ، مين الى قال أن الخير ها يجى لما اوزع ورقة حتى و لو فيها ذكر لله ، ذكر الله بينى و بين ربى ، مش محتاج منشورات أوزعها ، و الخير ها يجى بعملى مش بتوزيعى لورق ولا أعمل بيه ، فعلا صداع الأيميلات كما قلتى أبى .
ربنا يحفظنا منهم .

Sweet Violet said...

انا بقى مابقتش افتح الايميلات اللى كده اصلا
علشان ماوصلش للى انتى بتقولى عليه ده
v_v

Che said...

انا لما بيجيلى ايميل من دول اول حاجه بعملها انى اعلم الايميل على انه سبام عشان الاكونت ده يتقفل و تانى حاجه بعمل ديليت للايميل و بريح دماغى ... المشكله ان الموضوع مش مرتبط بطبقه اجتماعيه معينه ولا بطريقه تفكير معينه لانى بتجيلى الايميلات دى من واحده بتشتغل نائب مدير بنك من البنوك الاجنبيه فى مصر
يالا ... ربنا يسامحنا ... و ادينى مستنى الديناصور

رشا ashash said...

نصيحة مني ياريت تبطلي تركزي في الاميلات دي لانك كدة هتكرهي الدنيا ومش كدة وبس هتبقي كمان وسواسةجدا ومن ملاحظاتك على الميلات دي احب ابشرك انك اصبحتي فعلا وسواسة او على اول الطريق
وسلامي لك

ساره said...

اي والله يا أبي
خصوصا الايميلات اللي لو ماعملتى لها فورورد تروحي النار
:(

مهندس حر said...

اللى نفسى أعرفه هو كيف يجوز لشخص ما إنه يعمل جروب على ياهو و يقوم ببساطة ضايف أى حد على مزاجه للجروب و بعدها يبدأ هوه و إصحابه يبعتوا خمسين ميل كل يوم للجروب!!؟

أنا فاهم إن ناس كتير من دول كتر خيرهم عايزين ينفعوا إخوتهم و أخواتهم المؤمنين بعلم ينفعهم و نصيحة خالصة لوجه الله .. لكن خمسين ميل كتير و خمسين فى عشر جروبات حرااااااام ..

أنا نص عمرى راح فى إنى أعمل أنسابسكريب من جروبات أنا مادخلتهاش..

أتمنى إن الشباب المدمن إرسال الإيميلات يكون عنده وقت يقرى البوست ده و يحس على دمه و يرحمنا بقى

Lyssandra said...

ههههههههههههه
والله الراجل ده صعبان عليا

عموما أنا مش هابعت حاجه
ومش خايفه من الديناصور

مش عشانه انقرض
ولا عشان أنا قوية

بس عشان أنا قريت الميل الساعه 6:36 م
يعني بعد معاد الديناصور :)))
هاهاهاهاها

...

بس ع الهامش بقي
هي صحيح الايميلات اللي بتعرضيها كلها دمها خفيف ولطيفه
بس انتي بتستحمليها ازاي ؟

تحياتي آبي

Lyssa

شاب فقرى said...

لا مؤاخذه هقول رايى فى حدود معرفتى

بالنت وفى نطاق شغلى

كل الايميلات دى هجص وهلث واشتغالات

والهدف منها الربح لا اكثر

كل واحد يربح بطريقته

وهى بتعتبر إسبام وبتخسر النت كل سنة مثات الملايين من الدولارات واليورو وكل عملة معروفة

وانا حاليا عن نفسى

بحاول اكتب اسكربت بالباش عشان اقدر اعمل منه سبام :D

صباح الفل

شاب فقرى

لماضة said...

ههههههههههههه
صباح الدماغ العاليه
ولو مبعتوش الايميل ده
هيجيلكم عفريت يقفلكم الجهاز بالليل
كبري دماغي ودلتي فورا

GeHaD-----(male) said...

هنحط السيخ المحمى في صرصور ودنك لو منشرتيش العليق دا

قلم رصاص said...

ههههههههههههههه

فعلا حاجة تزهق وممله جدا

واللي بيغيظني بصراحة لما حد يحلف

وكمان يدعي علمه بالغيب بإن لو معملاش اللي طالبه منك ، هيحصلك كذا وكذا في خلال الساعة كذا يوم كذا

ربنا يهدي الجميع

يا مراكبي said...

ونسيتي الشيخ أحمد حامل مفاتيج الكعبة

:-)))

أبو أمك said...

اشمعنى أنا ماحدش معبرني حتى باميل إعلان فياجرا

جاتنا نيلة في حظنا الهباب

بدراوى said...

عندك حق يا آبى
و اذا لم تنشرى هذا التعليق
فى خلال يومين بالكثير
ستنفجر المدونة
و اذا نشرتيه فتسمعين خبر جيد بعد يومين بالكثير

انشرى و لكى اجر
:-)

mohamed ghalia said...

ههههههههههههههههه
لا انا طلعت اشطر منك
أى رسالة بتجيلى بعمل نفسى عبيط ولا كأنى شوفت حاجة ههههههههههه

ReEm said...

يوه انا بطلت من زمان خالص امشي ورا

كلام الايميلات بعضها من اول سطر بمسحه

بجد اللي هيسمعلها هيتعب في حياته اوي

Foxology said...

هههههههههههههههههههههههههههههههه

والله بجد حاجات تفقع انا النوع ده من الأيميلات ولا بفتحه اساسا ده على طول على التراش وشكرا

تحياتى على البوست وربنا يستر من الديناصور :))

فتاه من الصعيد said...

هههههههههههههههههههههههههههههه

لا انا بطنش الايميلات دي

اي ايميل غريب بعمله ديليت من غير ما افتحه

تحياتي

خواطر شابة said...

معك حق فيما سردتيه
لكن انا عن نفسي اقرأ الايميل لكنه يتوقف عندي لم ابعثه يوما لغيري لاني اضحك من فكرة ابعث وستسمع خبر مهم او ادا لم تبعث سيحصل لك شئ سئ احسها امور شعودة والعياد بالله فالغيب بيد الله وحده
موضوع شيق وواقعي ومعاش تحياتي لك

'' حطام (ك) بقايا '' said...

هههههههههههههههه
ياااه بجد
تصدق لو فعلا الديناصور ده جاي فعلا انا مش هبعثها
مين عارف ممكن اخد جايزة نوبل باكتشافي بان الديناصورات لم تنقرض بعد
هههههه

بس بجد الميلات دوول بقوا بييجيبوا الشلل
انا عن نفسي من يوم اول ما اقرا عنوان مشتبه فيه بعمل ديليت على طول
من غير وجعه دماغ

Love-Guru said...

Before I mark such e mails as spam ad delete them, I return the same e mail to the sender. Now he has to follow his command and resend the e mail 100 times !

Appy said...

انا والله بمسح الحاجات دى
بس الايميل ده لما جالى موت من الضحك وفعلا بحس اننا جالنا عته من القصص دى
يالا ناس فاضيه


الاخ الانونيمس

يا عم هى محتاجه مفهوميه ما البوست مكتوب بصيغ الرجالى يبقى انا اللى كتباه
ايه الذكاء الخارق ده يعنى

Yasmine Madkour said...

:D:D
أنا بقي إيه .. كنت برد علي كل إيميل من الايميلات دي و ضيفي عليهم بقي الإيميلات اللي كان بيبقي فيها فتاوي كمان .. دي كنت برد عليها عشان اقول ان محدش يتجرأ علي الفتوي و طبعا لا حياة لمن تنادي و ناس تبعت أحاديث عن الصلاة موضوعه .. و أقولهم الاحاديث دي موضوعه يقولولي خلي الناس تصلي إحنا عاوزين الناس تصلي .. يعني عاوزين الناس تصلي و بعد كده يكتشفوا انكم كنتوا بتعكوا ؟؟
بجد كان بيحرق دمي فبطلت أرد و كل ما حد بيبعتلي إيميل من الايميلات دي بعمله سبام عشان نرتاح منه و من ايميلاته

ياللا سلالم بقي :D
و ابقي خليني أشوفك مش لازم تبقي صدفة يعني

koko said...

LOLLLLLLLLL