.jfif)
.jpg)
كل سنه واهل القناه طيبين كل سنه والكرامه اللى كانت عند جنودنا طيبه كل سنه وكل واحد كافح وحارب واتنسي ومحدش بيفتكره غير فى المناسبات اذا افتكروه طيب
كل سنه وكل ام لها شهيد طيبه
كل سنه ومصر يمكن السنه الجايه طيبه
لان مش باين لها ملامح
كل سنه وكل ام لها شهيد طيبه
كل سنه ومصر يمكن السنه الجايه طيبه
لان مش باين لها ملامح
24 اخبط وقول رايك:
تصدقى انا كرهت نفسى كل ما افتح الاقى بوستات افتح الجرنان القومى
طبعاً الاقى ملحق مجانى عن العبور و اختزال للعبور فى شخص الرئيس مبارك
الذى لا ننكر دوره فى الحرب و دور الضربة الجوية
لكن النفاق بيجيب قرف و حالة من الغم
و فى نفس الملحق يقولك العبور و التنمية و النهضة
يا خى
.....
على رأى المدون الشهير ابو الليل شفاه الله
---
ابقى شوفى المقال ده لعمر طاهر
مقال ساخر اوووى عن حرب اكتوبر
---------
http://dostor.org/ar/index.php?option=com_content&task=blogcategory&id=13&Itemid=51
إزيك يا آبي أخبارك إيه ؟؟
يارب أشوف مصر السنة الجاية طيبة
ويارب أشوف فيها ناس زي اللي كانوا فيها سنة 73 ويارب ماشوفش فيها ولا واحد خاين ولامرتشي ولا وصولي ولا حرامي
تحياتي
كل سنة واحنا رافعين راسنا يا جميل
:)
كل سنة واحنا طيبين
كل سنة وانت طيبة يا حبيبة قلبي
اه والله يا بنتي سنة مش باين لها ملامح
ربنا المستعان
كل سنه و احنا كلنا طيبين
و كل جندى و ظابط بالف خير و صحه و سلامه عشان ادونا حاجه نقدر نفتكرها و نفرح بيها و نقول احنا لما بنحب نعمل بنعمل ... مع اننا فى الزمن ده مش بنعمل و مش هقول اكتر من كده عشان ما اعكش الدنيا
وانتي طيبه
:)
ما حدث علامه من علامات التاريخ
الله يرحمك يا سادات
دلوقت الكلام كله عن الضربه الجويه
كأن باقي الاسلحه لم يفعلوا اي شيء
كل سنه وانت بالف صحه وخير
ربنا يرزقنا الجهاد والشهاده في سبيله .... ويصلح حال البلد اللي هتخرب بدري دي
تحياتي
كل سنه و انتي طيبه و الشعب المصري كله طيب ...
كنت اتمنى يا استاذه آبي اني اكون فاضي اكتر من كده علشان اعد بوست كامل عن حرب اكتوبر و عن بعض الشخصيات العظيمه التي شاركت في الحرب و لكن للأسف ليس لدي الوقت و الظروف عندي لا تسمح فاتمنى من حضرتك انك لو تقدري تجيبي لنا بعض الشخصيات التي ربما لا تكون معروفه لدى البعض و تعرفيها عليهم و لو بمعلومات بسيطه ..
على سبيل المثال الجندي البطل العظيم الذي فاق كل الالقاب عبد العاطي المسمى بصائد الدبابات ، " في الحرب هناك جندي اعتقد انه الماني على ما اذكر دمر في الحرب العالميه 7 دبابات فاتعمل له تمثال "
عبد العاطي ابن القريه المصريه ، دمر في حرب اكتوبر 27 دبابه منهم دبابات مجنزره ، ربما هذه احدى البطولات التي اعرفها و اتمنى اني اسمع و اعرف المزيد و اتمنى ان يأخد عبد العاطي حقه في الشهره و ايضاً زملائه ... كل سنه و الشعب المصري و ابنائه طيبين
كل سنه و الكل طيب
^_^
كل سنه وانتى اف ستاشر
هو فعلا يوم عزيز كله عزة ونصر وافتخار
لكن تفتكرى يا آبى إننا وفى وضعنا وحالنا دة ممكن نفرح بنصر قديم واللى ضرب الضربة الجوية هو هو نفسه اللى بيضرب الشعب بالجزمة القديمة
تعتقدى بكرة هيكون فرح
اتمنى اختاه
كل سنة واحنا بنفتكر برضه الناس دي
في يوم الاجازة
كل سنه وانتى طيبه
وكل سنه ومصر طيبه
بدراوي الي يقلل من قيمة العساكر و نصر اكتوبر احسنلة يتنال عن الجنسية المصرية و يعيش في ايران زي المجرم خالد الاسلامبولي
كل سنة و انتي طيبة اتمنى ان روح اكتوبر تستمر
خسارة
احنا مش طيبين خالص دلوقت
تفتكرى ممكن نطيب ونخف وترجع لنا عافيتنا امتى وازاى ؟
تحياتي
انا قريت كتب كتير عن حرب اكتوبر حسيت اننا منتصرناش
وانا علي الربابه بغني
تحياتي
كل سنة وانتو طيبين انشالله:)
كل سنة وانتي طيبة يا آبي
عارفة انا مرة اتفرج علي فيلم بيتكلم عن الحرب دي
أمريكا بتعمل كل سنة فيلم حربي عن الحرب العالمية وهي عمرها ما دخلت حرب وأنتصرت فيها
واحنا عندنا 3 أفلام يا دوب جابوا سيرتها من بعيد
احنا مخدناش فرصة اننا نعرف ونفهم لحد أمتي الحرب دي هاتفضل درس في حصة التاريخ ؟؟؟؟؟
كل سنه وانتم طيبين بس عندةى كام كلمه
بدراوى ما هو علشان العبور اختزلوه فى زفت الطين بقينا مش طايقين نفسنا انا فاهمه كلامك
مواطن مصرى
لا الاولى بقى اللى يتنازل عن مصريته اللى بيتنازل عن مبادئ وقيم مجتمع مش ساخط على حاجه
اهدى بس وافهم هو بيقول ايه براحه
على فكره فى نفس ذات اليوم اكتوبر عبرنا ومنتخب الشباب وكسنا شوفوا الفرق بين زمان ودلوقتى
على عبد الله
هحاول اجمع الحاجات دى ومن حكاوى ناس كبيره وهكتب عنها ان شا ء الله
ادعيلى بس
على فكره انا مفتكرش ان جيل زمان هيتكرر
ومع رفع الزعل ان اغلبيه الجل من بعد الانفتاح واوائل التمانينات عيال بتوع شيبسى وهوهوز نيهاهاها
يعنى معندناش حد جامد مش كله طبعا
يالا كل سنه وانتم بقى
الله يخليكى افحمتى مواطن مصرى
لحسن انا تعليقه خلانى اشتمه فى مدونته و طبعاً ربنا يجازيه خير شال التعليق
بس مش شتيمة شديدة ديه كلمة من ثلاث حروووف
ايوان هى ديه
ههههههههه
معلش الواحد له طاقة برده
Post a Comment