احنا بقى نعمل ايه

تكمله للبوست اللى فات اللى كتير مفهموش الغرض منه وبرضه دخلوا يناقشوا فى الحجاب والنقاب واللى داخلى يقولى اتحجبى كأنه خليفه الله فى الارض ما علينا واللى دخل يقل ادبه واللى دخل يهفلط باى كلام
كله بيقولى الحلول
الحل سهل جدا ليه مش بنبص لكل نقطه قولتها ونحاول نعمل العكس بتاعها
بمعنى الناس بتوع الصين لما اتعلموا قص الشعر وبالسعر ده ايه العيب ان البنات او الاولاد برضه يعملوا كده ومتعرضش نفسك على البيوت انما على جيرانك اصحابك مشروع مش هياخد منك فلوس كتير بعلكس هيبىقربح ليك
موضوع زويل انا نفسى نهتم بالاطفال مش بقول الحكومه خالص انا بتكلم عن الامهات والاباء فى البيوت يعنى من صغر الطفل نمى عنده موهبه معينه راقبه خلى بالك هو بيحب ايه طوره فيه وبابسط الامكانيات محدش بيقول ابعته فى مكان يتعلم لا بامكانياتك وظفها
موضوع الدين بقى يا جماعه ميه مره قولت وهقول الدين ده لربنا مينفعش التطرف ده شويه نشتم وشويه نكفر بعض وشويه نتهم بعض اتهامات احنا مش فاهمناه وكل واحد عامل ليه العالمه ابن بطوط
يعنى ببساطه القنوات مليانه بلاوى ماشى خد منها اللى يناسبك والباقى ارميه مش لازم اطلع اقول واعمل ده فلان عمل ده فلان ايه هل ده هينقص منه عند ناس تانيه اكيد لا
ولا برضه هيعزلوه عن مكانه يعى كل واحد بتفكيره له اللى بيحبه
فكر انت بقى زى ما انت عاوز بس مضرش حد بفكرك ده خليك فى نفسك وبس وربنا فى النهايه هيحاسب الكل بس اعرف ان لازم تتقيه بالشكل اللى انت شايفه مش اللى انا ممثلا شايفاه علشان لما اتحاسب وانت برضه يبقى اتحمل اللى انا فيه خير او شر
الفساد اللى للركب فى مصر
انا فوق فى الجنب حطيت ارقام تليفونات شكاوى وزارات عملاها
هيدخل حد يقولى تفتكرى هيحصل حاجه
هفكركوا بالبوست بتاع حرامى الدقيق وعلشان اتعمل بلاغات فيه اتقفل وجاله غرامات وحاجات كتير
بمعنى اوضح ان اكيد من وسط عشره حراميه فيه واحد او انين على الاقل كويسين يبقى على الاقل بنحاول نوصل رساله للناس دى اننا مش ساكتين على حقنا
الشباب اللى مش لاقى شغل بخمس الاف جنيه معلش حقك عليا هى ظروف بلدنا كده بس ممكن احنا نظبطها بمعنى مثلا شوف انت عايش فى مكانعامل ازاى واعمل مشروع صغير يخدم المنطقه اللى انت فيها بس متقلدش حد ببساطه جدا فيه اماكن كتير بتدى قروض
مممممممم المركزيه بقى ودى اكتر حاجه مضايقانى على الرغم من انى لما كنت بدور على شقه لقيت فى مدينه نصر الا انا فضلت المدن الجديده واخترت التجمع
ليه على الاقل الهوا يبقى نضيف احنا عندنا مدن جديده كتير جدا ليه الشباب مش بيتوجهه لها يعنى بدر الشروق خمستاشر مايو العاشر اكتوبر اللعينه على راى خوخه
كل لمدن دى خلاص ارتبطت ببعض وفى الصعيد مدن جديده كتير
يعنى عندى زميل قرر يدفع مقدم فى شقه فى عين شمس ولاحظوا المنطقه على الطوب الاحمر من غير اى حاجه 30 الف جنيه وايجار هيدفع 250 جنيه ولسه هيوضب فى حين انى نبهته للمدن الجديده وخاصه بدر واللى مواصلاتها سهله جدا وفيها مجال للشغل فى كل حاجه
رفض علشان ايه يبقى جنب اهله
طبعا ده فكر عقيم لسبب بالفلوس اللى ضاعت دى ولسه قدهم فى التوضيب هياخد شقه على الاقل متوضبه فى اى مدينه ويدفع قسط وهيكون فى النهايه شقته وكويسه وعلى فكره هو مش حاله ميسور دا سالفهم كمان
بمعنى ان الواحد لو فكر كده واتحرك بعيد عن المركزيه والزحمه هندى مجال لبعض فى العيشه والشغل وكمان نوفر فى موضوع الجواز
ولازم نبسط الدنيا شويه فى الجواز البنت مش غلوها يعنى وقيمتها بانها تعمل شبكه بالوفات ومهر ووعفش كل ده كلام بيزول ولما بيتربسوا الاتنين ممكن هى تتنازل عن كل ده يبقى من البدايه العلاقه لازم تبقى احترام
نكون شقه بابسط الحاجات الاساسيه الكويسه على فكره سمعت جمله لخالد صالح فى فيلم بيقوله الفقراء بس اللى بيحبوا يملوا بيوتهم عفش كتير علشان يحسوا بالونس
وفعلا هو عايش فى قصر طويل عريض حاطط فيه حاجات بسيطه وقد ايه حلوه ومش مكركبه انا عجبنى كلمه الونس دى كل ما الحاجات الاساسيه هى اللى بتيجى مش الزيادات بيكون البيت افضل بكتير
انا دى الحلول اللى عندى وفى الكومنتات نتناقش بقى والىل عنده ارقام وزارت للشكاوى يبعتها ليه ويا ريت كله ينشر الارقام دى

مع السلام عليكوا بقى

كان معكم ابى هانم من التجمد التالت


حكمه الامبراطوره

لو وزنوا الوز بميزان هيطلع تلات اربعه ريش

46 اخبط وقول رايك:

magi said...

قريت البوست الى فات ودخل دماغى على الاخر رغم ان حكايه قص الشعر دى فكرتنى بحكايه مؤلمه بحاول انساها روحت للكوافير اقص شعرى عملى قصه كده من السبعينات واخد مبلغ محترم بعد مبوظلى شعرى لو معاكى نمره الصينيه دى اديهالى ههههههههه
وفعلا لو كل واحد بدأ بنفسه ومقالش وانا مالى حالنا هيبقى احسن كتير

فاتيما said...

و الله يا بيبى
إنتى اصلاً شخص إيجابى
و لدرجة أبدأ بنفسك
فالواحد ميقدرش يناقشك فى أى حاجة
و يقولك مينفعشى تتعمل
لأنك بتتكلمى من منطق قوة
بس للأسف
كل واحد لو جابوله
الف عقل على عقله ميعجبوش الا دماغه و ملوش دعوة بعقول الناس
و لو جابوله الف رزق
على رزقه ميعجبوش رزقه
و يبص على رزق الناس
تركيبة مصرية صميمة
و عاوزة اجيال عشان تتغير
متهيألى جيلنا كامهات و ابهات
هيتغير بفعل الزمن و الظروف و هناخد وقتنا شوية
عقبال ما ننسلخ من افكار اهالينا
و ولادنا هما اللى هيعيشوا
بفكر مختلف
بوسة و حضونة كبييييييرة قوى عشان وحشتينى خالث خالث

فتاه من الصعيد said...

انتي بتقولي كلام صح نظريا .... لكن عمليا صعب يتنفذ

دي ثقافه شعب محتاجه سنين علشان تتغير


بس هي بتتغير ببطء دايما

يعني عندنا في الصعيد ككان في حاجات ثوابت كده بدأت تتحرك

زي المدن الجديده ماكنش حد بيعبرها

لكن مع حسن نظامها بدأت الناس تسكن فيها .... وغلي سعرها كمان

وبدل ما كان كل واحد واخد شقه وقافلها لاحفاده ... بدأ الناس تسكن فيها او حتى تاجرها

هو بس البطء في تغيير الادمغه هو اللي بيغيظ ساعات

كما لو تفتكري حكايه الشغل كجرسون دي كانت عيبه كبيره

دلوقتي تلات اربع الشباب بيشتغل في شرم والغردقه .... ومتعلمين وولاد ناس محترمه

الصبر يا آبي مع نشر الوعي


بالنسبه للدين والتدين .... فانا رايي ان الدين النصيحه .... بس تنصح ازاي وكمان اولويات النصيحه

يعني لو قدامي مرتشي وواحده موش محجبه ..... اوجه جهد اكبر للاخ المفسد المرتشي اللي بينخرب في البلد

موش اشغل قناه بحالها على فرضيه النقاب

واحنا عندنا فساد للركب

يا رب ابقا اول تعليق يا رب

معلش طولت عليكي

تحياتي

Appy said...

ماجى



يوا وكتير كده بينيلوا الدنيا ولو معايا متغلاش عليكى والله يا بنتى بخمسه جنيه وبتختارى من الكتالوج كمان
مش المشكله البدا بالنفس المشكله انك تلاقى الحل وتنفذيه وتاثرى بقى على اللى حواليكى





فاتيما
======
عارفه يا طمط انا بس بثبت لهم ان الحلول موجوده لو فكرنا ولو عاوزين نفكر وننفذ كل حاجه
انتى وحشانى طمنينى عليكى يا طمطم

محمد فوزي said...

عندك حق
لازم ندور على حلول ونبطل ثقافة الكسل اللي عايشين بيها دي اللي بتخلينا نفضل نشتكي سنه ولا نتعب على اللي احنا عاوزينه يوم

وعشان كده بحييكي على فكرة أرقام البلاغات والشكاوي دي عشان بجد والله الحاجات دي بتجيب فايده

من ناحية الدين والكلام فيه بجد انا بستغرب قوي حد يبقى الشغل عنده مليان مخالفات وميقدرش يحاربها عشان خايف على أكل عيشه لكن ممكن يدي نفسه الحق إنه يتدخل في حياة غيره الشخصيه ويقوله البس أو متلبسش اسمع أو متسمعش قال ايه عشان يغير المنكر!! لازم كلنا نشتغل أكتر ما نتكلم وكلنا لازم نؤمن بمسئولية كل شخص عن أفعاله وليس عن أفعال الآخرين وحسابهم

تحياتي

Appy said...

فتاه من الصعيد


بصى يا قمر كل ففكره فى الدنيا بدات على سبوره او ورق او حلم فىالدماغ وانا شايفه ان الموضوع سهل جدا مش صعب بس يبقى عندنا اصرار وعزيمه كلها افكار سهله وبسيطه مش هتكلفنا حاجه بس نركز فى حياتنا اكتر
موضوع الشقق اللى غليت على فكره مش من الجهاز ولا المدينه انما من الناس نفسهم لان فيه ناس اشترت الشقق وباعتها بعد كده لافراد عرفتى مين بيضيع حق مين
وبتوع الغردقه وشارم انا فخورة بيهم لانهم شباب مقعدش على القهوه يندب حظه وبالعكس من كتر تعاملهم مع الاجانب بقى عندهم رقى وادب كتير فى التعامل انا مبسوطه منهم وبفتخر بيهم حتى لو شغال فى كافيه لانى شوفت النماذج دى لما سافرت شرم
وطولى يا قمر براحتك انتى عارفه النقاش لما بيطول بيفتح المخ

فتاه من الصعيد said...

انا قصدت بغليت انها غليت للاقبال مش من الجهاز ..... الجهاز زي الفل

زعلانه اني مش اول واحده .... هما كانوا بايتين عندك ولا ايه :((

karim said...

ليا سؤال ليكى يا اابى كلنا بنرفض و بنتحرك ونقول ونعييد وليية مش بيحصل حاجة, انا بحس انهم لما بيلاقوا مشاكل كتير فى موضوع واحد او شخص يجيبوا كبش فدا ويعلنوا للناس انة كلة تمام ومصر بخير علشان نتلهى فى القضية والباقى يبقى زى ماهو واللعن, الحل اية؟ تحياتى

Appy said...

الاول
اللى اسمه على

لما توجهه كلامك وجهه ليه انا متعلقش على كلام حد
ثانيا يا مين قال ان اللى مش محجبه اباحه وقله ادب لو عاوز تعلق هننا تانى ويتنشر لك تعليق يا ريت يعنى يبقى عندك ذوق شويه احنا مش قاعدين فى الفسحه هنا ولا انت صديق مقرب ولا اخ علشان تتكلم كده ودى اخر مره هرد على تعليقاتك السخفيه حتى لو مسكت سلك الكهرباء واتفحمت










فتاه من الصعيد



ايوه يا حبيبتى قولى ورايا عشر مراتالجهاز زي الفل ربنا يجعل كلامنا خفيف عليهم ويسلمونا عقود الشقق السنه دى زى ما وعدونا ههههههههه

Appy said...

محمد فوزى


وتستغرب ليه يا دكتور يعنى ما فيه مثل بيقولك الفاضى يعمل قاضى واهو احد دخل عمل ليه قاضى واصلا مش فاهم انا بتكلم فى ايه وبيرد برضه باسلوب ينم عن جهل حتى فى المخاطبه بالدين









كريم

بص يا كريم عمر ما كان فيه كبش فدى لحاجه اكيد بيكون له خيوط من بعيد او قريب لو بتسال على مستوى الحكومه وبعدين كون الحكومه بتتحرك بعد فتره وبناء على كلامنا او اعترضنا فده كويس وده اللى كنت بقول عليه فى محاربه الفساد واننا ننشر الارقام بتاع التليفونات فى كل مكان اللى عاوز يتغير يا كريم بيعمل حاجه مفيده لنفسه على الاقل

بت خيخة وأي كلام said...

يا بتنجانتى انتى كاتبة جملة انا مش فاهماها
ومش عارفة دى غلطة مطبعية منك ولا انتى تقصديها فعلا

انتى كاتبة من كل عشرة حرامية فعلا هنلاقى واحد ولا اتنين كويسين


ازاى بقى هنلاقى من كل عشرة حرامية واحد كويس

كويس ازاى ماهو حرامى اهوه؟




متفقة معاكى فى حكاية ان الناس تبعد عن القاهرة وتروح للمدن الجديدة
بس ياريت بعد اذن ريسنا يعملولنا مترو انفاق

انا لو فيه مترو انفاق فى اكتوبر هاكون اسعد واحدة فى الدنيا
وهاغير اسم اكتوبر من اللعينة الى الجميلة

ويا سلام بقى لو مترو الانفاق ده يكون اربعة وعشرين ساعة

والله العظيم ساعتها هادعى للريس بان ربنا يغفرله ويدخله فسيح جناته لما يودع




اوعى تتحجبى علشان خاطر حد
الحجاب اه هو فرض او انا مقتنعة انه فرض
رغم كلام القيل والقال فى هذا الشأن وظهور بعض الناس اللى بتحاول تشكك فى مدى فرضيته

لكن الحجاب ده فى النهاية حاجة بين المرء وربه
ماينفعش حد يتدخل فيها

هما مال اهلهم تلبسى حجاب ولا ماتلبسيش

كل واحد يخليه فى حاله




كفاية عليكى لحد كدة

سلام
اختك خيخة

Appy said...

خوخه خوخاتى


يعنى لو اتصلنا مثلا وقولنا لا الحكومه مش هتعمل حاجه ولا الوزاره ولا لما نبلغ عشلان احنا معتقدين انهم حراميه كلهم
فانا بقول اكيد لا وسطهم واحد شريف ونزيهه
افهمتى يا خوخه
موضوع الحجاب اه طبعا انا موافقه على اللى بتقوليه سيبك من المعتوه اللى كل شويه يقول على نفسه اسم ده

موضوع المترو يا سلام لو هتدعل يبقى اطلبى طياره يا خيبه بلا مترو بلا بتاع الطياره فاضيه مش زحمه
بس بزمتك مش رغم من اكتوبر بعيده بس متوفر فيها كل حاجه

واقعى said...

انزلوا ياناس من السما السابعه للواقع
في شوارع مصر أربعة ملايين طفل.. يأكلون وينامون ويسرحون.. ويتزوجون.. وينجبون.. ويبيعون أطفالهم.. ولا تربطهم بحكامنا.. سوي علاقة العداء والترقب.. ولا يعرفون من الوطن سوي القسوة المفرطة
أطفال الشوارع ليسوا من الذكور فحسب.. وإنما من الفتيات اللاتي يتعرضن للاغتصاب تحت الكباري العلوية في كل ليلة.. وينجبن.. وتبيع الواحدة منهن وليدها.. عن طريق وسطاء يتواجدون أمام المساجد.. ويتحدد السعر.. وفقا لحالة الطفلة الأم.. وجنس الوليد
منقول..

Appy said...

استاذ واقعى


على فكره دي مشكله شاغله بال كل الناس بس ابعادها كتير حضرتك والله ابعادها ان الاطفال دول اصلا مش عاوزين يتواصلوا مع حد وعن تجربه حاولنا وفشلنا بس بتنجح اوقات عن طريق الجمعيات انا بحاول اعرف حل عملى ليها وعلى فكره هما عارفين الحكومه برضه وعارفين التطلعات كلها
مش زي ما منقول بيقول يعنى

بت خيخة وأي كلام said...

اكتوبر فيها كل حاجة بالنسبة لمين؟
بالنسبالى انا؟
لا ما فيهاش كل حاجة
مافيهاش اوبرا
مافيهاش ساقية الصاوى
مافيهاش مسرح العرائس للاطفال
مافيهاش معرض كتاب
مافيهاش معارض الاثاث والديكور
مافيهاش وسط البلد
مافيهاش جنينة الحيوانات والاسماك
مافيهاش متاحف
مافيهاش مراكز ثقافية

هى اه فيها اكل وشرب ولبس و مدارس وكام كافيه تقعدى عليهم تغيرى جو

المواصلات فيها بقت صعبة بطريقة لا تطاق
انا علشان انزل اروح لبيت بابا وماما

قبل كدة كنت بركب ميكروباص للجيزة كان بينزلنى قدام تسيباس
وانا امشى شوية واوصل بيت بابا

دلوقتى بقى صعب وبقى شبه مستحيل انك تلاقى ميكروباص للجيزة
كل الميكروبصات بقت ميدان لبنان ورمسيس والمؤسسة

لازم اروح بحمادة
وحمادة ده مش ببلاش
ده بياخد فى المشوار 60 جنيه
انا لما أنزل مرة فى الاسبوع يعنى اربع مرات فى الشهر هادفعلى 240 جنيه فقط شهريا علشان اروح ازور ماما

يا اما البديل انى اركب الاتوبيس العادى
وده صعب جدا
بصراحة برستيجى لا يتحمل ركوب الاتوبيس ده
وخصوصا انى لما بنزل كل يوم خميس بيكون معايا شريف وشنطة فيها هدومنا يعنى مش لوحدى
يمكن لو لوحدى هاعصر على نفسى شجرة لمون وانط فى اى حاجة اركبها
لكن وجود شريف معايا بيصعب عليا الامر


هتقوليلى خدى تاكسى ارخص من حمادة

التاكسى الجديد مرة ركبته لاقيته فى نفس الرنج بتاع حمادة
العداد بيكون تلاتة وخمسين جنيه

فامفرقتش بقى حمادة من التاكسى
يمكن حمادة مضمون اكتر

انا مشكلتى فى اكتوبر المواصلات

عايزة مواصلات سهلة وسريعة وامنة وسعرها معقول

انا بحب المترو
ومن رايى ان لو فيه مترو فى المدن الجديدة هيسهل على الشباب مشاويرها جداااااااااااا
وبالتالى الناس مش هتتلكك بحكاية انها عايزة تقعد فى القاهرة علشان تبقى جنب اهاليهم وجنب اشغالهم

هما ممكن يسكنوا فى اى مدينة جديدة وبالمترو يروحوا كل مكان هما عايزينه هيكون اسرع من المواصلات العادية اللى بتقف فى اشارات

يا بتنجانتى انا كان ليا اهتمامات وحياة تانية خالص قبل ما اتجوز واعيش فى اكتوبر
وجودى فى اكتوبر بسبب عدم وجود مواصلات سهلة بيخلينى اتنازل عن اغلب الاهتمامات دى

بقيت علشان اروح مثلا عرض فى الاوبرا لازم يكون يوم خميس او جمعة باعتبار انى كدة كدة بكون فى القاهرة
والمواصلات سهلة من عند ماما لحد اى مكان

لكن لو فيه مثلا حفلة يوم فى وسط الاسبوع والحفلة دى هتجنن علشان احضرها يقالى سنين
تلاقينى مش بحضرها بسبب المواصلات


معرض الكتاب كنت بروحه اكتر من يوم فى نفس السنة
بعد الجواز بقيت بروحه يوم واحد فقط ولازم يكون يوم جمعة
علشان برضه المواصلات

وبتقولولى ليه بسميها لعينة
علشان حياتى مش فيها


كفاية عليكى كدة برضه


سلام
اختك خيخة

Appy said...

استاذ واقعى

اسفه مش هنشر لك تعليق عن حماس ولا غزه عاوز تقول اى حاجه مش فى البوست ده اتزم بالموضوع وبس
وبعدين ما تبعت المنقول ده احسن وبدل ما تقول انزلوا واطلعوا وهبطنا يا ريت انت تشوف انت عملت ايه علىالاقل احنا بنقول كلام من جوانا عملى بنشارك فىابسط حاجه
انما انت بتنقل الكلام يعنى مفكرتش حتى ولا كلفت نفسك بكده نورت








خوخه


يا لهوي يا بنتى
انتى بتتكلمى عن حاجات مهمه ليكى ما ساقيه الصاوي مش فى مدينه نصر يعنى ما ده اللى بقول عليه احناعاوزين كل حاجه تحت رجلينا اعتقد ان المدن الجديده حلو للشباب بدل التكدس وبدل العشوائيات فهمتى قصدي يا لهوي يا ختى كل ده فى قلبك مع انى شايفه المدن الجديده تجنن
بت انتى انا هشتري لكى شقه فى العتبه نيهاهاهاها
انتى شكلك عاوزه تعيشى وسط الزحمه

بت خيخة وأي كلام said...

عارفة العنكبوت

ولو انى بكرهه وبترعب منه بس معنديش تشبيه تانى غير كدة

القاهرة عاملة زى راس العنكبوت الكبيرة دى اللى بتكون فى النص
والمدن الجديدة بتبقى عاملة زى اخر نقطة فى رجلين العنكبوت
انا عايزة اعيش فى الهدوء الى موجود فى اخر رجل العنكبوت

لكن محتاجة يكون فيه خيط يوصلنى لراس العنكبوت
الخيط ده اللى هو رجل العنكبوت نفسها

اللى هى المواصلات السهلة

مش مهم المسافة تكون بعيدة اد ايه
المهم ان يكون فيه مواصلات تخلينى ماتحرمش من حاجة انا بحبها

تخلينى اعيش حياتى


انا حاسة اني اضحك عليا من كل الناس

اول ماتجوزت كان فيه قرار كدة ان حسنى مبارك هايعمل مترو فى اكتوبر
ولحد هذه اللحظة ماشوفناش حاجة


اول ما اتجوزت قلت مش هاخلف علشان الشقة صغنونة
وهانى اتحايل عليا اننا نجيب بيبى ووعدنى خلال سنتين هنعزل فى شقة واسعة وفيها بلكونة

ادينى جبت البيبى

فين بقى الشقة؟


ادينى اتجوزت ورحت اكتوبر
فين بقى المترو

هانى لما جاب العربية وعدنى انه هيودينى كل حتة عايزة اروحها

وبرضه اول ما جاب العربية بقى بيتلكك ان البنزين غالى والكاوتش معرفش بيحصله ايه من كتر السواقة والعربية محتاجة زيت ومعرفش ايه
وبرضه بقينا بننزل كل اخر اسبوع

ومافيش اى مشاوير بنعملها فى مصر وسط الاسبوع

وحياتى كلها اتاجلت لاخر الاسبوع

بقى المفروض عليا انى اصل الرحم واجيب حاجات مش بلاقيها فى اكتوبر
وانى ازور اصحابى وانى امارس اهتماتى فى يوم الخميس والجمعة

يعنى من الاخر كانت المشاوير بتصفصف على زيارتى لماما ولحماتي

وانا واهتماماتى فى اخر القايمة لو فيه وقت
ابقى اعملها
وطبعا مابيكونش فيه وقت الا فيما ندر



انا زهقانة واتخنقت
وعايزة اعيط

ماتكتبيش حاجة تانية فى ردك عليا
تخلينى اجى ارغى تانى
لانى بتخنق كل ما برغي

نور الدين said...

جميل ااسلوبك ياآبى وعقلانى
ودى اكتر حاجة بتعجبنى فى اسلوبك البساطة وانه دايما هادف
عندك حق احنا فعلا محتاجين نغير اسلوبنا
والدعوة إلى الله غير الدفاع عن دينه
يعنى اللى يدعو حد يبقى بالرحمة والموعظة الجسنة اما الحسم والقسوة فلا تكون إلا على من يتجاوز او يسخر من الدين او يدعو إلى الباطل
عشان كدة انا متفق معاكى تمام
وبالنسبة للعمل مشكلتنا اننا فعلا كتي مننا مش لاقى ياكل ولما تعرض عليه شغل يقولك اى حاجة انشالة مدير عام
لكن بردو فى شباب كتير غلابة وفعلا الوضع صعب
معلش مش مرتب افكارى دلوقتى لأنى حاليا مشوش شوية كدة
لكن دة اللى فى بالى حاليا
تحياتى لك يا آبى

واقعى said...

لأ حلوه وجديده
بتنقل الكلام يعنى ما فكرتش
وهو فى قرايه قبل ما انقل من غير تفكير
واشمعنى بنقل ما انقل من ملايين المقالت الخرى مش بتفكير
الأختيار مش تفكير
ولما تنقلى حديث او أيه مش بتفكير والا ألى
هههههههههه
عموما دى مدونتك وانت حره فيها بس شىء من التفكير قبل ناتتهمى الأخرين بعدم التفكير

Foxology said...

كل اللى اقدر اقوله انه بوست جميل وايجابى جدا جدا

تحياتى :)

Anonymous said...

يا ابى
انتى بتقولى وكانه خليفة الله فى الارض ؟!
طيب ماهو فعلا خليفة الله فى الارض
وانتى كمان خليفة الله فى الارض
مش ربنا بيقول
واذ قال ربك للملائكة انى جاعل فى الارض خليفة
مش البنىءادم دا جعله الله خليفة فى الارض
مش البنى ءادم دا امره الله باعمار الارض
والاخذ باسباب التقدم والرقى
البنىءادم دا والمسلم خاصة مكلف باسعاد البشرية ونشر الخير والنور والعلم

البنىءادم دا مكلف من الله عز وجل بان يدل اخيه المسلم على الخير
بل وغير المسلم الم يقل الله عز وجل ادع الى سبيل ربك
الم يقل رسول الله صلى الله عليه وسلم
الدال على الخير كفاعله
الم يقل الله عز وجل
وتواصوا بالحق وتواصوا بالصبر

المفترض يا ارهابية ان دعاك شخص الى ما فيه الخير لك ان تقولى له
جزاك الله خيرا
حتى وان لم تستجيبى
ربما انه لم يحسن اسلوب الدعوة ولكن فى النهاية لابد ان نحسن به الظن لا ان نوبخه ونتعالى عليه
اين انت من رسول الله صلى الله عليه وسلم عندما وضعوا سلى الجزور على ظهره ، او عندما خنقه الشقى عقبة ابن ابى معيط وكادت انفاسه تخرج بابى وامى وروحى

ثم من قال لك ان التقدم والرقى منفصلا عن الدين
لا والله لم ولن يكون التقدم الا بالدين على أقل تقدير فى امتنها هذه
امتنا العربية
واقرأى التاريخ جيدا تعرفى ان العرب قبل الاسلام كانوا رعاة للغنم ثم بعد الاسلام بفترة فى حساب الزمن لا تساوى شىء البتة اصبحوا اسياد وملوك العالم
ولما تركوا الدين كان ما نحن فيه الان
ولا حول ولا قوة الا بالله

فلا تعجبى ان كتبتى موضوع عن التقدم والرقى ثم وجدتى من يجادلك فى الدين لانه باختصار العلاقة وطيدة
واذكرك بقول الله عز وجل
لا يغير الله ما بقوم حتى يغيروا ما بانفسهم
فكيف يغير كل انسان نفسه ان لم يعد الى دين الله عز وجل

اخير اختم بقول الله عز وجل
لو ان اهل القرى امنوا واتقوا لفتحنا عليهم بركات من السماء والارض

وضد الاية يقتضى ان اهل القرى لو لم يؤمنوا ويتقوا الله عز وجل لحرموا من بركات الله عز وجل
فوالله لو شاء الله لجعل الامة الاسلامية فى يوم ولية من أرقى الامم


بارك الله فيك واعزك

Appy said...

خيخه


مش هر عليكى علشان انتى طلبتى ده بس انتى عارفه لو قعدنا نتجادل فى حبك لاكتوبر وميزاتها مش هتخلص
بس عموما فيه ناس بتحب وعايشه على المواصلات وفيه ناس بتكرها يا رب يعمل لكم مترو ولغايه ما يعمل يبقى فيه مواصلات كتير







نور الدين


عارفه والله ان فيه ناس غلابه يا نور الدين كتير بس عندهم طاقات حلوه كتير
وميرسى على كلامك ومجملتك

Appy said...

واقعى


طيب معلش







فوكس

بس يا رب يجيب نتيجه

Appy said...

الانونيمس الاخير




اه احنا خليفه الله فى الارض فى الكلام والدعوى بطريقه كويسه مش بطريقه اعملى يا شيخه ومش عارف ايه حتى يبقى فيه ذوق فى الكلام
ميرسى لحضرتك
نورت

على عبدالله said...

عفوا نسيت ان اكتب اسمى

على عبدالله

محمد فوزي said...

إسمحيلي يا آبي ارد على السيد الغير معرف اللي إتكلم عن خلافة الإنسان في الأرض

حضرتك محدش مختلف مع كلامك في إن الله لا يغير ما بقوم حتي يغيروا ما بأنفسهم ولا في إننا كأمه لن نتقدم إلا بالعوده إلى صحيح الدين بل أنا كمان عاوز أضيف على كلامك إنه مفيش حضاره راسخه قامت في الأرض وإستمرت لسنين إلا بإعتمادها على أسس وقواعد أخلاقيه راسخه ومتينه وإذا كانت الحضارات هذه إعتمدت على مباديء بشريه قابله للخطأ فإننا نمتلك الأساس الأقوى والأفضل على الإطلاق لأننا لدينا مباديء وقواعد إلهيه لا تخطأ

لكن
المشكله كلها في إن تسعين في الميه من اللي بيتكلموا عن العوده للدين وعن نصرة منهج الله بخلاف الأسلوب الغير صحيح بيقيسوا ده بمقياس واحد بس هو حجاب المرأه أو سفورها أو أشياء ظاهريه أخرى على نفس المنوال , ونادراً ما تجد اللي يقصد بكلامه ده العوده إلى أخلاقيات الدين وصفاته الساميه , يعني الأمانه النظافه حب العمل الإتقان التفكر ,كل دي حاجات من أصول الدين يهمشها المتحدثين عن الدين لمصلحة أشياء أخرى
بدليل
هل الإيجابيه ومحاربة الفساد اللي إتكلمت عنهم آبي مش من الدين ؟ ده ده أصل الدين وأصل الخلافه والإعمار لكن ومع ذلك وجدت اللي دخل يكلمها عن الحجاب !! وإعتبر إن كل الكلام ده مش ديني

صديقي الدوله الإسلاميه اللي نجحت وتفوقت بعد ما كان أهلها رعاة غنم متفوقتش ودانت لها الأرض من مشرقها لمغربها وتأثر الناس بها ودخلوا في دين الله أفواجا مش عشان شافوا المسلمات محجبات أو المسلمين بيصلوا وبيدعوا إنما عشان شافوا المسلمين أقوياء وعندهم عدل وعلم وثقافه فاقت وإخترقت كل الأذهان والقلوب في عصرهم , وده مش معناه إن الصلاه والدعاء مش مهمين عشان محدش يفهمني غلط إنما

يا سيدي الكريم , ربنا علمنا ناخد بالأسباب , فلو قعدنا نصلي طول اليوم وكل نسائنا إتحجبت وإكتفينا بده وفقط لن نتقدم , والدليل عندك دوله زي أفغانستان مثلا , هل أفغانستان متقدمه

أرجو إني اكون نجحت في توصيل وجهة نظري
وأعتذر يا آبي على الإطاله

على عبدالله said...

صديقى العزيز

الفرق بينى وبينك انك تعتبر الصلاة والصوم والعبادات عامة انها فرعية او هامشية حتى وان ابديت خوفك من الاتهام بهذه التهمة !!
اما انا العبدالفقير المذنب عندى امر الله عز وجل مقدم على اى سفسطة او فلسفات زهنية باردة ،، فالله عز وجل امرنا اولا لعبادته ثم وعدنا بعد ذلك بالتمكين فى الارض ، واقرأ قول الله عز وجل
وما خلقت الجن والانس الا ليعبدون ،،
وما امروا الا ليعبدوا الله ،،
ولو ان اهل القرى امنوا واتقوا لفتحنا عليهم بركات من السماء والارض ،،
الذين ان مكناهم فى الارض اقاموا الصلاة واتوا الزكاة ،،

ارجو ان تتدبر هذه الايات الشريفة جيدا فلم اضعها هنا من باب (رص النصوص)
بل ويكفيك قول الله عز وجل
كنتم خير امة اخرجت للناس تأمرون بالمعروف وتنهون عن المنكر وتؤمنون بالله
تدبر اخى جيدا فخيرية الامة ليست عرقية او قومية وليست مرتبطة بالتحرر من شريعة الله عز وجل بحجة انها امور فرعية لا والله بل شرط الخيرية والتقدم ،الايمان بالله عز وجل وابشرك ان زيادة الايمان مرتبطة ارتباطا وثيقا بالامر بالمعروف والنهى عن المنكر والنصوص الدالة على ذلك كثيرة وليس هنا المجال لذكرها

اما انك ترى ان الحجاب موضوع فرعى ايضا
حبيبى فى الله كل البركة فى اطاعة اوامر الله عز وجل ،ولا فرق عندى بين أمر بالصلاة وأمر بالحجاب لان المعصية توجب العقاب
اما الاخ الذى دعاها للحجاب فانا لا ادافع عنه ولكن هل اقترف اثما ام انه ارتكب كبيرة يحاسبه الله عليها ،ربما لم يحسن الدعوة ولكن يؤجر بنيته ان شاء الله عز وجل لانه اراد لها الخير ،،، وهل معنى انه دعاها للحجاب انه اعتبر كلامها هنا (مش دينى) لا اظن
سيدى الفاضل الاخذ بالاسباب فريضة على كل مسلم ، فكيف ينجح الطالب فى الامتحان دون ان يذاكر دروسه
فكيف ينتصر المحارب دون استخدام السلاح
ومع ذلك اخى الكريم هذه الاسباب بدون التيقن بان الله عز وجل هو وحده الناصر ،
فمثل حاملها كمثل الحمار يحمل اسفارا


اخى فى الله الا تعلم ان الافغان ربما عند الله عز وجل خير منا !!!
اليسوا محاهدين فى سبيل الله ،، اليسوا هم من باعوا انفسهم لنصرة دين الله عز وجل والدفاع عن ارضهم امام (الكفرة) فماا قدمت انت اخى الحبيب بجهادك من خلف شاشة الكمبيوتر باستخدام لوحة !!!!المفاتيح

اخيرا
يقول الله عز وجل "ومن احسن قولا ممن دعا الله وعمل صالحا"
اظن الاية واضحة ولله الحمد ولا تحتاج لتفسير من مثلى
واذكرك بقول الله عز وجل
فمن زحزح عن النار وادخل الجنة فقد فاز
هو الفوز حبيبى ، الجنة ، الجنة ، الجنة
وقلى بربك ما الذى يعجبك من تقدم الغرب
فهل يعجبك ما فيه الغرب مت سفور ومجون وكفر والحاد
يا حبيبى تقدم انت براحتك ومشكور ومأجور ان شاء الله وانا معك ان شاء الله ولكن بعيدا عن المساس بكرامة الانسان وشرف الانسان ورجولة الانسان،، يا أخى صون المرأة من الرجولة والنخوة والغيرة
يعنى تقدم مصاحب للعرى كما الغرب فانا اول الكافرين به
اما التقدم كما رأيناه عند اسلافنا الصالحين ،كما بينه المصطفى صلى الله عليه وسلم ، بالتزام ما امر به ونهى عنه وان كان فى نظر البعض (صغير او فرعى )
عفوا ان كانت كلمة كفار ستسبب لك (حرج) فانا اقصدها بمعناها ومدلولها

عفوا اخت بى
اطلت الحديث

تحياتى

Appy said...

استاذ على
النبى على قلبك تطلعونى من الموضوع يا ري ومتقولش اللى نصحها واللى مش نصحها انا هسيبكم تتناقشوا براحتكم انا محدش ينصحنى كل واحد يخليه فى حاله انا عارفه الصح فين ولما ربنا يريد هبقى اعمل الى عاوزه
وخلونى اتفرج على اللى سابوا اساس لموضوع ومسكوا فى اللى انا كنت بحذر منه

محمد فوزي said...

علي عبد الله

تقريبا انت مفهمتش حاجه من اللي انا كتبته أو فهمت اللي انت عاوز تفهمه وبالتالي وصفته بالسفسطه والفلسفه الذهنيه البارده ( وده على فكره وصف أشك إنك تعرف معناه )

على فكره لو انت علي عبد الله اللي في بالي فمش غريب إنك مفهمتش ومش هيكون غريب مني ساعتها إني مكملش حوار معاك لأن علي عبد الله اللي انا اقصده ده الحوار معاه تضييع وقت صرف

علي من غير صديقي ولا بتاع
منين جبت الجرأه البلهاء دي ( وده وصف مهذب ) إنك تتهمني إني بشوف العبادات أمر فرعي ؟!!! إنت تعرفني ؟
جاوب
تعرف انا بصلي ولا لأ وبصلي إزاي ؟
تعرف إني مداوم على قراءة القرآن يوميا ولا لأ ؟
تعرف أنا بصوم إزاي وبزكي ولا لأ وكم مره في اليوم بنطق الشهادتين وكم مره بستغفر وقد ايه بسبح ؟

على أي أساس بتقول كده ؟
هلفطه ورمي تهم وخلاص

على فكره يا علي , تعليقك ده أكبر دليل على كلامي , فأمثالك لا ينظرون إلى الدين إلا بعين واحده ولما حد يحاول ينبه على الجوانب التانيه من الدين اللي الناس في غفله عنها يبقى نصيبهم الإتهام

تعليقي معناه يا علي ويا رب تفهم المره دي إننا لازم ندي للمعاملات والأخلاقيات والعمل مساحه أكبر بكثير من الجدل حول المظاهر عندما نتحدث عن الدين , ومش معناه إطلاقا إن العبادات بالنسبه لي مش مهمه والكلام الفارغ اللي انت قولته ده

يا علي , التفوق والتقدم اللي انت بتترفع عنه ده وقال ايه مش عاوزه ( كأنك يعني تقدر توصله ) ده مش ترف ولا بمزاجك ده لو انت فعلا عاوز تنصر كلمة الله وترفع رايته ,لازم تتفوق وتتقدم وتبقى عندك كل أسباب القوه والرياده عشان تنصره ,
فاهم يا علي ؟
بس مش غريبه يا علي ما انت عاجبك النموذج الأفغاني وجهادهم وبتتهمني انا إني بجاهد من خلف الكيبورد !!
ضحكتني يا علي طب ما تروح تجاهد معاهم طالما عاجبك جهادهم وبلاش تضيع وقت ورا الكيبورد يا علي وبدل ما تنصحني انصح نفسك يا علي

مش شرط بقى تاخد التقدم ده بالعري والإنحلال بتاع الغرب , خده واصبغه بصبغتك وثقافتك يا علي , محدش هنا بيحب الإنحلال ومحدش هنا معندوش غيره ونخوه يا علي

بس تغطية الراس مش هي علامة العفه يا علي على فكره ونفي الإنحلال , مش هتهمك بغير بينه إنك مش بتقرى زي ما بتتهم الناس كده جزافا , بس يمكن عيبك إنك بتقرى لزاويه قكريه معينه

عاوز تسمع كلام شبه كلامي ده يا علي من واحد اعلم مني ومنك ؟
إقرا للإمام محمد عبده يا علي

تعرف الإمام محمد عبده يا علي ؟

معلش يا آبي أزعجناكي
بس معلش , يارب علي يفهم بس

Che said...

ممكن اكتب شويه اعترافات يا آبى و هبىق اكمل الباقى بعدين .... البوست اللى انتى كتبتيه بجد ممكن يوفر حل ... بس المشكله بتاعتنا ان كل واحد مننا مستنى ان حد يمشى الاول و احنا نمشى وراه .. كلنا بنقول يعنى يا عم هى جت عليا انا .. يعنى انا اللى هصلح الكون .. مشكلتنا ان كل واحد بيفكر على انه مش مهم ولا يساوى حاجه فى المجتمع .. مش عارف عشان احنا طبيعتنا اننا لازم حد دايما يركبنا و يسوقنا ... ولا احنا اتعلمنا الجبن خلاص ( و جايز احنا جبنا فى الاساس ) ..الاعتراف التانى انى ساعات كتير بحب اقرا التعليقات اللى عندك ... يعنى مثلا التعليقات عندك فى البوست ده مشيت فى سكه تانيه خالص غير اللى انتى كاتبه فيها البوست نفسه ... فيه تعليقات و انا بقراه حسيت ان السكرين شعرت و طلعلها دقن ... و دى تانى مشكله فينا ... على اد ما احنا مش بنحب نخاطر و بنقول اللى نعرفه احسن من اللى مانعرفوش على اد ما احنا ناس حشريه جدا ... يعنى انا شخصيا ميفرقش معايا اذا كنتى بشعرك ولا بحجاب ولا بنقاب ... طبعا ده مختلف عن انى مش بحب النقاب ... بس لازم اعرف افرق بين رأيى الشخصى و بين الحاجه اللى انا بتكلم فيها ... و دى مش اسمها نفاق .. اسمها موضوعيه ... يعنى لو اتكلمنا على اى موضوع اتكلم عليه من كل الجوانب و بعدين اقول انا رأيى كذا ... و دون الزام للطرف المتلقى انه يعمل اى حاجه .... مشكلتنا اننا مش بنبص لنفسنا .. دايما باصين للناس و اللى بيعموله
معلش يا آبى التعليق طول منى

Appy said...

che


انا عماله اقرى تعليقك وجيت عند كلمه السكرين شعرت وطلع لها دقن دى ومش عاوزه اقولك ضحكت قد ايه بالرغم من انىمضايقه وعلشان ضحكتنى فمن حقك تقول اللى انت عاوزه وتطول
وعلى فكره فعلا التعليقات عندى حتى فى البوست اللى فات خدت منحنى تانى خالص اببقى اتسلى فيه وقولى السكرين المره دى حصل فيها ايه

Che said...

بمناسبه انك ضحكتى يبقى لازم افوقك شويه من الضحك ده بعدين يطلع الضحك حرام و انا اشيل ذنبك و انا مش ناقص ... كفايه عليا ذنوبى لانى مش عايز اقضى مده زياده فى جهنم .... المهم ... بجد بجد بجد .... المدن الجديده دى حلوه ... مساحات واسعه ... خضره ، مش كلها بس احسن من مفيش لان اخر حته خضرا عندى زرعه بطاطس امى زراعها من يجى 10 سنين كده لدرجه انى بيتهايئلى انى ممكن اخدها و انزل بيها سوق العبور و ابقى من بياعين البطاطس المشهورين ... بس برضه ليها عيوب ( المدن الجديده مش زرعه البطاطس بتاعت امى ) ... اولا مقطوعه بليل .. و ساعات بالنهار ... يعنى لو حصل اى حاجه و اضطريت اسيب العربيه و مشيت على رجلى ممكن اتوه فى الصحرا اصلا و الاقى نفسى طالع فى قلب سينا مثلا ... ثانيا زى ما خيخه قالت مفيهاش اى حاجه ... يعنى انا مثلا مشترك فى نادى 6 اكتوبر من اكتر 15 سنه و مع كده ماطلعتوش 15 مره على بعض ... لانه بعييييييد جدا عليا ... مع انى فى فيصل ..... الشروق و العاشر من رمضان و الرحاب و كل المدن دى مشكلتها انك لو سكنتى هناك مفيش حد تقريبا هيجى يزورك ... انا عارف كده لانى عندى واحد صاحبى ساكن فى الشروق رحت زرته بعد جوازه الزياره التقليديه بتاعت مبروك و دخلت قفص النسانيس و الحاجات الظريفه اللى بتتقال فى المناسبات اللى زى دى ... بعد كده اصبحت بقابله فى وسط البلد ... سيبك انه هو كمان بيستسهل يقابلنا فى وسط البلد .... و لما بيجى يمشى بحس انه عايز يبات مع اى حد فينا ولا انه يرجع الشروق و بيرجع عشان لازم يمضى حضور و انصراف عند البيه الضابط هناك .... و انا همؤ مأه على البوست اللى فات و اكيد هبقى اسيبلك خبر السكرين حصل لها ايه .... بس يا رب ما تشعر تانى عشان انا لسه حالقلها حالا

Appy said...

che

انا بحب التجمع اوي وشايفه كل حاجه ليه متاحه فيه والمواصلات كمان
المدن الجديده مش بتوه على فكره انا عفريته هنا وكمان كل ما بتزيد عدد السكان كل ما بيعملوا اقسام زياده يعنى هنا كان فيه افتتاح القسم التالت ولمحاسن الصدف او محاسن الحلو انى بقف فى البلكونه اشوفه يعنى لو حصل حاجه هصفر للبيه المامور على طول
الميزه فى المدن الجديده معروف سكان الدايره بتاعتها اي غريب بيتعرف غير كده محكومه فى مشاكلها مثلا هنا منطقه الفيلل ام الفضى البلاغات مثلا ولاد بيلعبوا كوره تعالوا خدوا منهم الكوره
واحد بصت لجارتها وحش تروح تشتكيها
يعنى فراغ نادر لما تلاقى مصايب وخناقات المساحه الكبيره مديه للناس والشرطه تحكم شويه
فيه ناس بتحب الزحمه ما احنا لو اتنقلنا فى مكان زخمه الناس هتتنقل معانا وحتى البطاطس بتاعت ماما هتتنقل اسالنى انا
هههههههههههه
على فكره يمكن علشان انا بحب الهدوء فبقول الحل ده

متشائم said...

ابى
يقولون اننا فى حاجه قبل كل شىء هذه اليام لنشر الوعى بفائدة غسل اليدى بالصابون
ولكن اقول قبل ذلك وقبل اى شىء أخر نحتاج لأن نتعلم كيف نتناقش
لماذا ينحرف اى نقاش الى سكك عجيبه وخطب جمعه
كيف نتقدم ...كيف

Zika said...

ميت مره نقول ونعيد نفس الكلام خلاص يا آبي سيبي اللي يقول يقول واللي مايقولش ما يقولش

خديني مثل اعلى ليكي

مش في الحجاب

عندك لما حد بيكلمني في الرقص ويقولي فلوسك حرام اقوله ماتاخدش منها
واللي يقولي اى هاكه او هاكه

على طول ارميه ورا ضهري
بصي ...
في حاجه بتقول

" الحلال بين والحرام بين "
يا آيه يا حديث مش فاكر
كل واحد عنده عقل يميز بيه الحرام والحلال خلاص بقا فاكس على اي حد

اما بالنسبه للمدن الجديده
الجو بيبقا سقعه بالليل
:D

يا مراكبي said...

برافو

عارفةالأجانب بيقولوا ايه؟

Focus of the solution

Don't focus on the problem

ما تركزوش في المشكلة

ركزوا في حل المشكلة

وهو ده سر النجاح

العراف said...

بوست جميل قوى يا ابى بجد تستهالى عليه مش ورده لا جنينه ورد وحشتينى ووحشنى مواضيعك

سومه...مجنونه فى بلد عاقل said...

اول بوست اقراه ليكى احس انى قرعه فعلا ههههههههههههههه ايه يا بنتى مش فاهمه مين مع ولا ايه فين يعنى انا كنت عند النقاب فجاه لاقيتنى عند حرامى العيش شويه ودخلت فى ازمه المرتبات وبعدين التجمع الخامس هههههههههههههههههه انا رايحه اقرا تانى يمكن اعرف اجمع

أ / أحمد عبد المنعم said...

الأخت الفاضلة : كوكب إيبى

هذه هى طبيعة موضوعاتك تثير الجدل ويقرأها كل فرد من زاويته ليبحث الجميع عن الحقيقة التائهة عنه ولعل هذا سر جمال وجاذبية أسلوبك وموضوعاتك
لكن هذا الموضوع اتجه بالكثير بعيدا جدا من جادل ومن رد على الجدل لكن لنخرج مما وقع فيه البعض .

المضحك فى كل ما ذكرته أنه يتماشى مع كل صاحب فكر
مع من يفكر بوطنية
أو مع من يفكر بذهنية
أو من يذهب بالموضوع إلى الدينية
و الأكثر جمالا أنك لا تتحدثين فى الأمور التى تعتبر منطلقات فكرية بل تتحدثين فيما يجب أن يتفق الجميع فيه
فوطننا نحن بجميع أفكارنا مسئوليتنا كلنا
والمسئولية فردية لذا وجب على كل فرد منا أن بذل كل ما فى وسعه لحماية هذا الوطن وازدهاره ورقية ولا يحقرن أحد منا جهد نفسه وإن قل ولا يسفهن من عمل الآخرين مادام يصب فى المصلحة العامة أو حتى فى مصلحة فرد مادام لا يؤثر على مصالح الآخرين
أشكرك على أفكارك الجميلة
ولكن رفقا على المدونين فى الردود استلمى دفة الحوار ممن يتجادلون وأعيدى الموضوع إلى هدفه

Appy said...

علشان الناس اللى بتسال
الاستاذ على عبدالله طلب منى انه يكمل الحوا رمع الدكتور محمد فوزى فى مدونته وده كويس لانهم خرجوا عن القصد من الموضوع
والاتنين هناك علشان محدش يفكر انى بمنع الردود بس

Appy said...

متشائم


هو الصابون علشان الايدين والديتول علشان المخ نورت








العراف

عودا حميدا

Appy said...

زيكس

اسكت انا زهقت اوى يا خويا بقى






يا مراكبى


اهو انا قولت الحل وهما راحوا برضه بعيد عنه

Appy said...

سومه

ركزى يا امى







ا احمد عبد المنعم

اللى بيبعد عن الموضوع مش هقدر اعمل له حاجه ول جاريته يبقى انا كده غلطانه فانا بلتزم الصمت

Sherif said...

آبى الكميلة
----------
نفسى مرة آجى اعلق من غير ما الاقى نفسى كأنى مرمى فى مظاهرة كبرى فى ميدان التحرير من التعليقات والاشتباكات بين المعلقين
على الاقل عشان ابان فى وسطيهم

بعض الموضوعات فى تقديرى محسومة ومن القرآن

لايحل لك النساء من بعد ، ولا ان تبدل بهن من ازواج ولو اعجبك حسنهن" الاحزاب

كيف يعجب الرسول حسنهن وهن منتقبات؟

هذا عن النقاب .. اما الحجاب فتلك قضية أخرى ليس هنا محلها

يحضرنى موقف وآسف للاطالة .. كنت اتحاور فيه مع مديرين وهم مرؤسين لى بالمناسبة عن ليلة القدر وانهم يعدون لهاو .. و .. و

قلت احنا مش عملنا كده السنة اللى فاتت قالوا نعم .. قلت لهم وشدينا على روحنا جامد قوى قوى ؟ قالوا نعم .. قلت امال حالنا السنة دى ليه انيل من السنة اللى فاتت ؟

لو احد السادة المتقعرين اجبنى بغير نظرية الابتلاء والمؤمن منصاب وبان الله زين للكافرين الحياة الدنيا وهذا الهراء الذى حولنا الى دراويش ولله الحمد .. سنعرف ساعتها اين الخلل

ست البيت said...

وانا معاكي جدا انا شفت سفرة جميلة ومحندقة عند In& Out
عارفة بكام 2000جنيه ومكملوهمش كمان وطب جمال وشياكة مش عاوزة اقولك
بس احنا فعلا بنحب نملى البيت عفش
رحت حت ه عندنا اسمها شارع فرنسا
خشب زفت ومليان تبن وبنفس السعر ومش ألوان
احنا ارى عاداتنا
يعني عشان بنت عمة بنت خاله ابن اخو عم جوزي جابت انتريه من اميريكان فونتشر يبقي مش ممكن بنتي تجيب اقل منها ولو .. اتكسف وقتها وابقى مش عاوزة حد يزورها عشا الفضايح
بجد اول مرة اسمع موضوع المدن الجديدة دي
ليت عندنا مدن كده
الرائع عادل لبيب لم يترك لنا خرم ابره فاضي إلا وباعه استثمار
امال كل يوم الحكومة هنا ليه ؟

سومه...مجنونه فى بلد عاقل said...

واضح ان فى هنا عركه كبيره :) تصبحوا على خير على فكره انا ركزت بس الجو هنا ميساعدشى ع الفهم خالص:)))