حكم وامثال


من حبى الشديد للحكم والامثال الشعبيه او الاجنبيه ودى الحاجه اللى بتشدنى جدا مش مجرد قراءه او مجرد معرفه بس فعلا انا بعمل بأغلبيتها فقولت اتحفكم بكام واحد كده يمكن تستفيدوا منهم
وعلى فكره انا من كتر ما بحب انى اقراها بقيت بعرف اقول امثال وحكم من دماغي

هقول لكم جزء منقول وجزء من تاليفى

المنقول

الإفراط في التواضع يجلب المذلة

بنفسي فَخَرْتُ لا بجدودي

إذا الشعب يوما أراد الحياة فلا بد أن يستجيب القدر

العبد يقرع بالعصا والحر تكفيه الإشارة

إذا سمعت الرجل يقول فيك من الخير ما ليس فيك فلا تأمن أن يقول فيك من الشر ما ليس فيك

أقل الناس سروراً الحسود

شر الناس من لا يبالي أن يراه الناس مسيئا
يبني قصراً ويهدم مصراًقد يخرج من الصدفة غير الدُّرَّة

ظلم الأقارب أشد وقعا من السيف

عندما تكون في روما تصرف كما يتصرف الرومان

تاليفى انا بقى


لما الدنيا تبقى سلاطه يبقى لازم انت تبقى خياره


وما الحياه الا شويه خوازيق فوق بعض

لو كان الكسل والانتخه بطه لنتفت ريشها وهى صاحيه


اللى كان قبلك انت وانت مش جنبى .... كانت ايام ماشيه بقفاه


من السهل انك تكون قليل الادب لكن من الصعب انك تبقى مؤدب فى الزمن ده


اللى ما لوش شغلة تشغله يفتح الباب و يقفله


الاعلانات المصريه اقوي سائل لزج لصدأ العقول فى مصر


الاب ديت الجديد للمستحيلات الاربعه 1 - المرتب يكفى ليوم 15 فى الشهر 2- الريس يتغير 3- الشعب المصري يرجع هادي ومبتسم زي زمان 4 -الاسعار ترجع رخيصه


يا واخد الغزال على خفه دمه بكره تروح خفه الدم ويقعد الغزال بتقل دمه


البحر بيضحك ليه ... قال ايه علشان حد بيزغزغه وعجبى


احذر عدوك مرة وصديقك ألف مرة فإن انقلب الصديق فهو أعلم بالمضرة


البروفايل اللى يجيلك منه ريح اعمله اجنور واستريح وخليه يخبط دماغه فى اقرب ووول


الكلب السعيد يهز ديله والمنافق يهز لسانه


ان تكون دبشه فهذا مقبول ...وان تعشق شخصيه دبشيه بحته من الممكن ان تكون مصيبه ....اما الكارثه فانك اكيد هتخلف اطفال ماركه صخر


ومن الجيران ما قتل وراقب وكدب وفطس

اللى ملوش كبير يقعد يعمل غفير

اللى يفتح قلبه للحب هيفرح واللى يفتح ودانه لكلام الناس هيعيش طول عمره شبه عبده محتاس

سكران يضرب في ميت لا الاول داري ولا الثاني حاسس به .....ده حالنا مع حكومتنا

النصب بقى مفتاح الفرج

ليه اللى على راسه بطحه بيحط ايده عليها مع انه ممكن يلوثها بغبائه؟

اللى يمشى ورا الدكاتره ميخلاش من الحقن

ولا محصله كلب البحر ولا خيار البحر

اللى بيضغط على الالم بيوجع اللى قدامه ونفسه

دائما تاتى الرياح بما لا تشتهيه الشجر

اطبخي امسحي نضفى اوعي تهفلطي او تتأنزحي ... هو ده المطلوب من الست

لا تفكر في المفقود حتى لا تفقد الموجوديا عبد الموجود

انتي حدوته ونهايتها مش مقفوله يا بلد كل حاجه فيكي ملتوته

اعترض من اجل الاعتراض اعترض من اجل فرسه وفقع مرارة الاخر اعترض وخد لك كرسى فى البرطمان هديه اعترض من اجل تخليص روحك وسموها وارتفاعها وعرضها من العقد اعترض وخد ربع جنيه مخروم


كلام الناس لا بيطول ولا يقصر كلام الناس شماته وغيره مش اكتر


المدون الاومليت ما زال يلقى بالمجاملات هنا وهناك وكرهنى فى الاومليت وما زال يتوغل وينتشر ويتطور من جوافه لاومليت

آخر ما يموت في الرجل قلبه وفى المرأة لسانها فاحذر لسان المرآه اذا غضبت

سأل الممكن المستحيل : أين تقيم ؟ فأجابه في أحلام العاجزوالفاشل

القلب الذي لا يؤمن بالحب قلب بارد .. وانا قلبى الوكيل الوحيد للتلج فى العالم

وراء كل إمرأة عظيمة حب فاشل ..

الحياء سنه ومسح الجوخ فرض على الدلاديل

الناس بتتغير والشخصيات بتتغير والحياه ياما بتعلم

بين الحب والكرهه شعره وبينى قربى منك وبعدى عنك شعره وانا بأقر واعترف ان انا قرعه

كفايه عليكوا كده ذاكروا بقى

كان معكم ابى هانم كعب الغزال من امام محطه الامثال الشعبيه المصريه


59 اخبط وقول رايك:

اقصوصه said...

الامثال وايد حلوه

واللي من تأليفك

فنتك صراحه

تعيشي وتألفي

وتبهرينا بتأليفاتك

لوووووووول

قوس قزح said...

النصب مفتاح الفرج

و اللى مش عارف ينصب يشترى طفاشة


صدق اللى قال
خدوا الحكمة من افواه المدونين :)

Appy said...

اقصوصه


ربنا يخليكى يا حبيبتى







قوس قزح

بزمتك مش ده بقى شعار اغلب النصابين
ههههههههههههههه
ايون يشترى طفاشه علشان يخلص بسرعه

لمدونين برضه همشيها المره دى

Soma said...

ازيك يا ابي

جميله قوي الامثال دي والمعني في بطن الشاعر

بس الاجمد امثالك انتي
متبقاش الا العيال
بس والله حلوه عندك وجهه نظر يابت

عسل ياخواتي عسل

adel said...

هههههههههههههههههه
بجد مسخرة

انا بحب قوي مثل
اذا ذهبت لروما فافعل كما يفعل الرومان ده
منطقي جدا بجد
---------
حلو بتاع لو الدنيا سلطة خليك خيارة
هههههههههههه

معناه عظيم قوي الصراحة
:):)

فشكووول said...

ازيك يا ابى

كل سنه وانت طيبه

على فكره بيقولوا ان الامثال : الواحد يحكم عليها بالجديه وبالصدق ازاااى

بيقولوا اذا ثبت فى ضمير وخبرة المجتمع ... يعنى لو بقى له مده كبيره وما زالت الناس تتداوله يبقى صحيح

ومع ذلك : هو ممكن يكون صحيح عند شعب وما يكونش صحيح عند شعب آخر

خدى بالك من المثل ده
يا بخت من بات مغلوب ولا باتش غالب
دا بيدل على الذل الذى نعيش فيه المصريين وطوال التاريخ

اللى ما رضيش بالخوخ يرضى بشرابه
يعنى ملعون ابوكم كلكم اذا ما كانش عاجبكم الخوخ مش حتشوفوا حاجه تانيه ... برضه بيقول لنا خليكوا كدا مضروبين على قفاكم وما فيش احسن من كدا

معظم الامثال عندنا تطابق واقعنا المصرى فقد ولا تصلح الا للشعوب الذليله

تحياتنى آبى

أم بتول said...

أيه الروعة دى كلها
دة أنت موسوعة يا بنتى فى الأمثال
طيب أقول لك كام مثل كدة على الماشى
الى بيتة من زجاج يعمل أيه .....
لأ ما يغير هدومة فى الصالون
..... ينفع فى اليوم الأسود
هاه عرفتى طبها الأرنب
تانى .... تؤتؤ كفاية عليك أنهاردة كدة
سلامى يا جميل

راجى said...

نفس تعليق داليا وحاطط ايدى على قلبى
:))))))

hager za3bal said...

بنفسي فَخَرْتُ لا بجدودي


عجبتني اوي دي ..


والامثال اللي من تأليفك بجد جامده اوي
انا مش عارفه اخد منها ايه ولا ايه ..

تسلم ايديكي

خالد said...

عسل يا حبيبة قلبي

ربنا يصلح حالك

ويكا said...

هههههههههههههه

يخرب عقلك

انا سرقت حكمه على فكرهعجبتنى.

والله يكون فى عونك ياللى ....

Appy said...

سوما

=======
ميرسى يا فندم على ذوقك انا عسل نحل ابيض اجيب لكى كيلو







عادل

ايون طبعا امال امشى على حزو بلدنا احنا ونتفضح

Appy said...

فشكوول
==========
ايه الترجمه الحرفيه دى
بس عموما انا بقى عندى يقين ان العرب كلهم بقوا مذلولين واحنا اللى عملنا كده فى نفسنا نورت يا عمو ووحشتنا خالص






راجى
======
خليك ورا داليا يا راجى لما اشوف اخرتها معاك يا عم الشباب والرياضه

Appy said...

ام بتول


لى بيتة من زجاج يعمل أيه .....
يغير فى البلكونه احسن له


..... ينفع فى اليوم الأسود
لا اسمها القرش الابيض بيعوم فى البحر الاحمر

نورتى يا حبيبتى






hager za3bal
============
خديها كلها بس اوعى تتنشلى

Appy said...

ماما اموله
==========
انتى مش هتبطلى لخبطه بقى فى المدونه امشى باكونت واحد بدل ما تتنشلى

Appy said...

ويكا

نشلت ايه ها قول
وبعدين اللى بالك سيبه فى حاله انا مطلعه عينه ادعيلى له من قلبك والنبى نيهاهاهاها

لقد خلقنا الله احرارا said...

وراء كل امرأة عظيمة حب فاشل

لا انا مش عايزة اكون عظيمة


تسلم ايديك أمثال جميلة جدا
انا دايما بتعجبنى الحكم بتاعتك فى اخر اى بوست ودلوقت عرفت السر



بس احذر من عدوك مرة دى بتاعة جدى الله يرحمه

بدراوى said...

بوست جميل
و امثال اجمل

انا عجبنى الأمثال ديه
اللى من تأليفك

الاب ديت الجديد للمستحيلات الاربعه 1 - المرتب يكفى ليوم 15 فى الشهر 2- الريس يتغير 3- الشعب المصري يرجع هادي ومبتسم زي زمان 4 -الاسعار ترجع رخيصه

سكران يضرب في ميت لا الاول داري ولا الثاني حاسس به .....ده حالنا مع حكومتنا

الناس بتتغير والشخصيات بتتغير والحياه ياما بتعلم

احذر عدوك مرة وصديقك ألف مرة فإن انقلب الصديق فهو أعلم بالمضرة
--------------
اللى ما لوش شغلة تشغله يفتح الباب و يقفله
---
اعتقد اللى قايل المثل ده سواق تاكس رخصته مسحوبة
ههههههههههه
---------------

بدراوى said...

انا بقى ليا امثال هى اصلية بس انا محورها شوية

-
يعنى حبيبك اوعى تبلعله الزلط عشان لما بيجى من حبيب بيجرح اوووووى
-
الباب اللى يجيلك منه الريح اوعى تسده سيبه متوارب يمكن يجى معاه خير او نور ليك او نفحة من نفحات ربنا او حب او رزق او فرح او سعادة
و اوعى تفكر انك لما حتقفله حتستريح بالعكس حيفضل مقفول لحد ما تموت

GeHaD-----(male) said...

امثال كتير جميله بس نسيتي مثل مهم وخطير

لسه سامعه من امي هههههههه
ماينوب خناقه الحمير الا تفعيص الوز
كاكاكاكككا

أبو كريم said...

السلام عليكم
كل سنة وانت طيبة

الأمثال دى خبرة وتجربه سنين ومواقف أتعلم منها الى قبلنا وبجد معظمها صح وبالنسبة للأمثال الى ألفتيها فممكن أضيف لها
- إلى بيتة من قزاز ميقلعش هدومه فالصالون
- إطبخى ياجارية الأنبوبه فاضية يا سيدى
- من خرج من دارة مينساش ياخد المفتاح معاة


وشكرا

Che said...

اولا عجبتنى الاغنيه جدا ... ثانيا الامثال جامده جدا و احب اسجل اعجابى بمثل الخيار و السلطه زى عادل ... و اسجل اختلافى مع مثل العيان و الميت لانه ليه استخدامات اخرى ... و اخيرا احب اعرف مين هو المدون الاومليت ده ... ههههههه

لورنس العرب said...

ظريف موضوع المدون الاومليت ده
لا وجديد كمان

وكمان موضوع ان الحياه شوية خوازيق فوق بعض
الحقيقه هي شويه خوازيق لكن مقاسات مختلفه

انا الحقيقه ليا حكمه بقولها لكل الناس

الدنيا دي رغيف كبده ورغيف سجق


تحياتي ليكي يا معجزه

Appy said...

اقد حلقنا الله احرار


اه ده منقول بس انا لخبطت يا حبيبتى ربنا يرحمه يا رب






لورانس العرب


معجزه مره واحده ربنا يكرمك يا هندسه يا رب

فتاه من الصعيد said...

والله استاذه ورئيسه قسم

عارفه ان امثالك ليه حلوه ..... علشان بتمشي مع موضه العقول ..... بجد مش هزار ..... بحسها مناسبه جا للزمن المنيل ده

انت حكيمه اوي
تحياتي

Appy said...

بدراوي



حلوه قلبك للامثال مش وحش كل واحد بيكيف حسب موده كويس ان مودك جايبك للتفائل فيك امل يا اخويا الصغنن انت






ابو كريم



ومن طلب العلا يتفضل فى كابينه اربعه ههههههههههه

كل سنه وانت طيب

Appy said...

che

لا ده له بوست مخصوص اتقل على رزقك







جهاد

النبى قاعدنى مع الست الوالده انا بحب الحاجات دي اوي ربنا يخليها لك يا رب

واحدة مفروسة said...

ههههههههههههههههههه
ايه يا بنتى كم الامثال الخزعبلى ده
نصيحة من اختك مفروسة
عليكي و على مكتبة الشروق تعملك كتاب امثال

ههههههه
بس تصدقى و الله الامثال فيها حكم
ممكن انقلهم عندى احفظهم على رواقة
ههههههههههه

Appy said...

واحده مفروسه


حبيبى انت البركه فيكم بتعلمونى برضه انقل يا قمر ولسه فيه ابقى تابعى الفتيس توك بتاعي انا بكتب عليه اكتر






فتاه من الصعيد


ربنا يخليكى ليه يا رافعه معنوياتى انتى

يا مراكبي said...

مش عارف أنا سمعت الأمثال دي فين قبل كده .. منقولة منين .. منقولة منين .. مش فاكر

:-)

ابو على said...

ههههههههههه

بخ

ابو على said...

المثل بيقولك ان جالك الطوفان الحس البلاط
ههههههه

ابو على said...

ههههههههههه

هههههههههههههههههههه
انتى خايفه تظهرى تعليقى ولا ايه

ماتخافيش مفيش احتلالات تانى انتى غلبانه
هههههههههههههه

حفيدة الصحابة said...

الله عليكي

جاااااااامده

خاصة :اللى بيضغط على الالم بيوجع اللى قدامه ونفسه

و كتير تاني جميل

بجد الحياة ياما بتعلم و من غير مدارس

أميرة علي كوكب مهجور said...

ايه الامثال و الحكم دي كلها تسلم
ايديكي يا قمر

عاجبني اوي وراء كل امره عظيمه حب فاشل
حستها واقعية فعلا

THE illusionist said...

والله العظيم تاليفك لا يعلى عليه خصوصا المثال الجامد جدا

من السهل انك تكون قليل الادب لكن من الصعب انك تبقى مؤدب فى الزمن ده


انا قريت موضوعك
وعدد التعليقات اربعه
والنت فصل
رجعت ارد
لقيتم زادوا
يبقى انا الخامس
صح

karim said...

تمام واللة كلامك, قوليلى بقى رايك فى المقولة ديية من عندى , كن انت نفسك ولو كنت صعلوقا جباناا, تحياتى

فاتيما said...

يا عينى على الحكم
حلوة قوى النصب بقى مفتاح الفرج دى
و اول مرة اسمع عن مدون اومليت ؟!!!
ممكن تشرح يا قمر التدوين كله

الربان said...

تحياتي يا استاذة

ما شاء الله علي الحكم و الامثال ..ما رأي حضرتك تجمعيها و تنشر في كتاب..حقيقي مطلوب توثيق الامثال و الحكم الجديدة...

انا قرأت كتاب " الامثال الشعبية " للراحل الاستاذ محمد تيمور ، من حوالي
20 سنه...استعارت الكتاب او المجلد من المكتبة العامة...
الان هناك امثال و حكم جديدة في زمن جديد...

تحياتي و احترامي و تقديري

Foxology said...

حلوة وجبة الأمثال والحكم دى :)

متنسيش تعدى تاخدى التاج اللى عندى انا مررته ليكى وربنا يقويكى :)

تحياتى :)

بدراوى said...

شوفى ده و ربنا يعافينا جميعاً

ديه صورة و ده لينكها

http://picasaweb.google.com/lh/photo/mNFxyAyn4Zx0IOOzzZEKVg?authkey=Gv1sRgCLiZouXTl4fNEA&feat=directlink

List of Hospitals 4 Tamiflu

Dear All, here you find a list for the hospitals that gives the Tamiflu for the H1N1. Please send it to everyone that you know...




Regards.


و ده الكلام بس كدة
ديه مبعوتالى فى ايميل من فترة و نسيت انشره

الراقـــص مع الذئـــــاب said...

إضافة الي الدرر الكامنة اللي سردتها اختنا آبي بعد اذنها هقول مثل بسيط وصغير جه علي بالي
المثل بيقول:
سألني وقلي الساعة كام رديت وقلتلوا هو انت فكرني جزره


وكل سنة وانتي طيبة بمناسبة عيد الشجرة

قلم رصاص said...

مجموعة امثال ولا اروع

تسلم يداكِ أبي هانم

دمتي مبدعة

شوكولاتة said...

ههههههه شوية امثال حلوة قوي أنا عجبني قوي بتاع الكلب والمنافق هما كده بالظبط كله بيرقص بطريقته

تحباتي

سومه...مجنونه فى بلد عاقل said...

للى ما لوش شغلة تشغله يفتح الباب و يقفله
هناك تعديل صغير
اللى مالوش شغله تشغله يفتح الفيس بوك ويقفله
ههههههههههه انا بقولك على الى بعمله

Anonymous said...

فئعتي مرارتنا

محمد فوزي said...

تحياتي آبي هانم
حلوه الأمثال طبعاً وخصوصا اللي من تأليفك كلها تتدرس بصراحه

بس انا ليا تعليق صغير للمجهول اللي مرارته اتفقعت ده

يا أخي لما مرارتك مفقوعه من المدونه وصاحبتها بتدخل عندها ليه وبتقرالها ليه ومركز معاها ليه ؟ نفسي افهم

بطلوا بقى احسن كده شكلكم بقى وحش خالص يعني

Appy said...

رد فى السريع على الانونيمس


يا مشطوبه الاسم محرمتيش برضه لاقولك ابقى شيلى مرارتك احسن وخلى عندك شويه من الاحمر ومتدخليش تغيظى فى نفسك احسنلك
واهو الدكتور رد عليكى اهو عاوزه ايه اكتر من كده بقى
انا لسه مضغطش ولا عملت حاجه
غير كده انا اقدر بالاى بى بتاعك ابيتك ليلتين فى القسم ايه رايك افسحك الفسحه دي بس هتقدري عليها يا حلوه ولا لا

Appy said...

باقى الناس


ربنا يخليكوا ليه
انا الحكم دي باخدها من الحياه عموما ومن الناس اللى بقابلها


بدراوي

هشوفه مش راضى يفتح وهنشره لو مهم
عونيه
ليك





ابو على


انت جيت يا ابو النطيط

ابو على said...

مين دعك الفانوس

هههههههه

وانا اقول انا شرقت ليه

أم بتول said...

آبى أنا كنت منزله لك تعليق على البوست الجامد دة ومش لا قياة انتى حذفتيه ولا مش شوفتيه لحد دلوقت ، ولا ياترى هو فيه حاجة غلط ، ياريت بس تطمنينى

thunder said...

ههههههههههههههههههههههههههههههههههه
روحى يابتنجاااااانى وتعالى بسرعة
انت امثالك قديمة اوووووووووووى

فى امثاله حديثة بتقول
لو كان الشعب مهيس يبقى البركة فى الريس


لو كان الاحد زى التلات يبقى انت فى مصر ياابن الشحات


لو حطوا الاقدرة على فمهما ايجيبت مش بتسئل فى حد يهمها


قالك البحر كتر خيرة اهلى مصر مافيش غيره


ياواخد القرد على ماله هيفضل الزمالك على حاله


الدهر نوعين نوع حلاوة الصمدى ونوع بيعطينا بالشلوط


اذا بكيت على حالك فاعلم ان احمد عز واكل مال عيالك


دمع النهار بمزاجك بدل ما يجى نظيف ويلطم صداغك


قالوا الهرم فى مكانه قولناوالريس هنيالوه


على فكرة دول من تاليفى
لو قعدت االف يابنتى امثالة على دولقتى مش هخلص بس عارفة وربنا ضحكتينى جدا وامثال جامدة
اختى العزيزة بجد كل سنة وانت طيبة يارب ومن زمان مش متابع عندك لاهمال منى وعدم قصد
دمتِ يارب بكل حب و ود وفى رعاية وحفظ الله دائما

thunder said...

نااايس بلوجرررررر وبوووست جامد جداااا مبدعة كالعادة تحيااااااتى

thunder said...
This comment has been removed by the author.
mado80 said...

هههههههه
حلوه امثالك والله
بس مين عبد الموجود ده يا ابي

:)

Appy said...

ابو على



انا عارفه هقطع ايده






ام البتول


والهل ما انا يا بيه شوفيه اتعلق منك فين او نبحث مع الشرطه

Appy said...

مادو


اخويا اللى فى الغربه عبد الموجود ده حد عبيط نيهاهاهاها



thunder

يا اهلا اهلا ايه النور ده
حلو امثالك تعالى نجمعهم فى كتاب كل سنه وانت بخير يا رب
ومنور البلوج سبوت واخواته

Appy said...

محمد فوزي



يخليك يا رب يا دكتور معلش بقى الاحمر خلص من بدري منور والله بلوج سبوت واخواته وعماته

reem said...

بين الحب والكرهه شعره وبينى قربى منك وبعدى عنك شعره وانا بأقر واعترف ان انا قرعه
عبقرية اوى اوى الجملة دى
والبوست تحفة
تسلم ايديكى يا قمر
ريم