ازاى تسعد ام الخلول



لا ده مش اسم الفيلم ده مقال نقلته منون صحبتى على الفتيس توك وعجبنى وجبته شفقه واحسان بالرجاله يمكن ينفعهم يوم مينفعش فيه غير كده يا ابو ورده يشتغل وانتم عارفين بيوجع قد ايه انا هسيب لكم النصايح وهعلق تحت كل واحد بلون تانى
هذه طرق الرجل التي يجب ان يعامل بها المرأة كي يبقى الحب موجود لاخر العمر

عندما تمشى مبتعدة عنك (إلحق بها)
او اعمل نفسك اتكعبلت ووقعت وسيبك منها
عندما تتجاهلك ( أعطها اهتمامك الكامل )

قوم اعمل كوبايه شاى
عندما تريد الابتعاد عنك قليلاً ( لاتوافقها الرأي )

لو منك اقولها فى شجره
عندما تراها في أسوأ حالاتها ( قل لها أنها جميلة )

يعنى لو شبه امنا الغوله كده نيهاهاهاها
عندما تراها تبكي ( أحضنها ولا تقل شيئاً )
ايوه وامسح الحاجات اللى نازله من مناخيرها يععععععععع

عندما تكون خائفة ( أحميها )

ايون البس لها وش الاشكيف
عندما تأخذ منك شيئاً عزيزا ( دعها تأخذه فلن يكون أعز منها )
ايوه بدل الزن يا خويا اسالونى عن زن الستات

عندما تمازحك ( مازحها وأضحكها )
يعنى بطبق احدفه فى دماغها شدها من شعرها
عندما لاتجيب الهاتف لفترات طويلة ( أكد لها أن كل شئ على مايرام )

بانك تحرق التليفون ومتشلهوش تانى
عندما تشك بك ( انسحب قليلا لتعطيها وقتا للتفكير )
لاااااااا اوعى هتسود عيشتك اثبت لها انها الشجره والفجله والجرجير اللى فى حياتك
عندما تقول أنك تعجبها ( فهي حقا تكن لك مشاعر اكبر مما قالت )

يعنى هتلاقى مشاعر بالعض بالضرب

عندما تمسك يديك ( أمسك يديها)

واضغط جامد لغايه لما تكسرها

عندما تقول لك سرا ( أحتفظ به ولا تخبر به أحداً )

لان اكيد هيكون ذم فيك فخلى عندك كرامه واحتفظ به
عندما تنظر إلى عينيك ( لاتلتفت حتى تلتفت هي )
عارف التثبيته بتاعت الكلب تفضل مثبت نفسك بدل ما يعضك
عندما تفتقدك ( فهي تتألم من الداخل )
اااااااااااه علشان مش هتلاقى حد تنكد عليه
عندما تحطم قلبها ( الألم لن يزول بل سيستمر )

علشان مش هى اللى سابتك اسالنى انا فى غل الستات
عندما تقول أن العلاقة انتهت ( فهي لازالت تريدك )


اشك بس ممكن
أبق على خط التليفون معها حتى لو لم تقل شيئا
اه ما هو مش انت اللى هتدفع الفاتوره اشرب بقى
عندما تغضب احضنها ولا تتركها

بدل ما تكسر البيت على دماغك

عندما تكون صامته ( اسألها ما المشكلة )

اكيد واحده من اصحابها نكدوا عليها او ريحه سنانك

عندما تقول أن كل شئ على ما يرام لا تصدقها بل تحدث معها عن المشكلة
ايون
لأنها بعد عشر سنوات ستظل تتذكرك

أتصل بها في أول ساعة من يوم ميلادها وقل لها أنك تحبها
طبعا هتقول خير يا رب ماله ده
اتصل بها قبل أن تنام وبعد ماتصحو من النوم

علشان تريح بالك من زن طول اليوم

عاملها كأنها كل شئ مهم لك في الحياة

اكيد مهمه هو فيه ارق من كل للى انا قولته

مازحها ودعها تمازحك
ابق معها طوال الليل عندما تكون مريضة

لا الا لمرض واجب برضه وزياره المريض صدقه
شاهد معها فيلمها المفضل أو برنامجها المفضل حتى لو كنت تعتقد انه غبي

اكيد هتبقى الافلام السيكوباتيه اللى عاوزه تتفرج عليها
أعطها العالم
اه البلوره اللى معمول فيها العالم دى والستات هبله وبتصدق

عندما تحس بالملل أو متضايقة اخرج معها واجعلها تتسلى

ركبها عجله او ابعتها سفارى ووصى الراجل يتوها
دعها تحس أنها مهمة لديك
عندما تجري لك باكية ، أول سؤال تقوله لها ، مين اللي زعلك حبيبتي

اكيد انت اللى زعلتها هو فيه غيرك هم فجهز نفسك للاجابه
منقـــــول بتصرف


حكمة الامبراطورة

نهيتك ما انتهيت والطبع فيك غالب وعمر ديل الفيل ما هيطول حتى لو ربطوه فى السلالم

67 اخبط وقول رايك:

Unknown said...

اول تعليق مش كدة
شكلى بايت فى المدونة
ههههههههه
ما علينا

حلوة النصايح ديه
بس بقول ايه هو مش المفروض ديه بين الزوج و زوجته يعنى جماعته او حكومته

اصلى لفت نظرى النصيحة الجميلة دييييه
و ضحكتنى جداً

اتصل بها قبل أن تنام وبعد ماتصحو من النوم

ههههههه ده على اساس يعنى انه راجل رامى فلوسه او صاحب بنك

طب قبل ما تنام ديه مش مفهومة على اساس انه حيشوفها قبل ما ينام

لكن بعد ما تصحو من النوم و هو فى شغله كدة تبقى منطقى

معلش اصلى ماليش فى النصايح ديه
خاصة حكاية يبقى الحب موجود لأخر العمر

عمر مين فيهم بقى
ههههههههههههههههههههه

ابو على said...

بسم الله الرحمن الرحيم ومعانا اول اتصااال

ونقول



بخ :d

ابو على said...

هههههههههههههه
سوئتى سمعه الستات اكتر ماهى متسوئه

متسوئه ف السوق يعنى

Empress appy said...

بداوى


ههههههه شرف ليه ان اخويا يبات فى مدونتى مش احسن من الحشرات الضاله اللى معششه فيها ده حتى انت بركه ودمك على قلبى زى السكر مش ناس تانيه دمها يلطش ولا دم الناموسه
المهم فوت النصيحه يا عم مشيها مخطوبين ايه العيال اللى واقفه على الواحده دى

بخصوص مواطن فى البوست اللى فاتت
اصل انا جاتلى نفس الفقعه دى وكنت هطول بس انا بصراحه مش فاضيه
وبعدين ده مواطن اخونا يعنى معلش دماغه بتحدف شمال فى يمين
بس اخونا برضه
وبلاش الكلام اللى من تلت حروف ده تخصص خيخه هانم هههههههههههه








ابو على
=========
سلام قول من رب رحيم
انصرف

ابو على said...

ههههههههههههههه
هيا مين الناس التانيه اللى دمها يلطش بقى

انا شكلى هاجى اخطفك

Empress appy said...

ابوعلى


الاعتراف بالحق ام فضيله
يا ابنى
والناس التانيه انت مالك هو انت على راسك بطحه يا خبيبه انت
مش انت عموما انت من الاصدقاء التانين اعداء وغريبه جدا بيدخلوا عندى يفلوا التعليقات ويبنوا عليها قصص وحكايات وياكلوا فى نفسهم لغايه لما دمهم يهرب وانا قاعده اغنى اهرى يا مهرى وانا على مهلى تغنى معايا

ابو على said...

معلش اصل دايما تلاقينى كده حساس شويه
هههههههههههههه
المهم الناس التانيين دول ماتنشرى تعليقاتهم عادى بردو او خلى الناس اللى تعلق اللى هيا الريجستر بس مش الانينومس وكبرى الجى

Anonymous said...

ههههههههههههههههه
ههههههههههههههههه
ههههههههههههههههههه

يخرب عقلك عثل وربي

هييييييه انا اعتبر تالت تعلييييييييق

يا ردااااااااااالة

ابو على said...

بهديكى بمناسبه الحشرات الضاله دى بدل ابو ورده فليت العسكرى

غنى دى احسن هههههههه

http://www.youtube.com/watch?v=ur61V7U-RTI

Empress appy said...

انا بعمل الانقح من كده
مش بنشر تعليقاتهم وبرد عليهم بالادب فى الاجزاء اللى بيكونوا فيها مش مؤدبين اوى والحاجات اللى بيكتبوها علشان يعرفوا منها اخبار عنى او حاجه تخصنى بعمل نفسى مش بشوف لا اختك تعجبك فى الغيظ برضه المشكله يا حرام انه مش فاهمين انى والله ما ليه ذنب فى حاجه ومليش دعوة بحاجه وهما اللى فاهمين غلط يالا هكبر الجى واعلى الدى

Anonymous said...

ايه يابنتي النصائح الهايلة دي

الواحد ياستي مش عارف يشكرك ازاي

ولا يعمل معاكي ايييييييه

بهدلتينا عالاخر والحمد لله :]

بس كلامك منطقي بردوا

ههههههههههههههههههههه

عسوولة وربي

:)

صبرني يارب said...

اه ده عند ام الخلول فعلا الكلام ده



اه ام الخلول ماهو اديه قال اهو

يتصل بها قبل ما ينام يعنى مش مرااااااااته

هى لو مراته ما كانش قاله يعمل كده

ده قبل الجواز فى زمن السهوكه والاستهبال الكبير



برررررررررضه هاتجوزي

Empress appy said...

نوارة

برضه الرجاله اخوتنا يا اوختى ومينفعش نسيبهم كده انا برضه لازم انصحهم بس فيه ناس مش هنصحها النصايح دى هسيب لهم اللى فوق بس هههههههههه





ابو على

هسمعها واقعد بس فليت العسكرى راحت عليه انا بقول راجون اوفر

Empress appy said...

صبرنى يا رب
===========
هع هع هع
ليه هو انا هبله
طيب انتم خلاص راحت منكم انا نو
والهل كشلك هتفرحى فيه
المهم ايون الكلام ده ايام النحنحه
لوا اقولك يا ستى يتصل من الاوضه التانيه

Empress appy said...

ابوعلى

مسخره الاعلان ده
بس انا مقدرش اقول انا بحب العسكرى كده ح الظابط يزعل وانا مقدرش على زعل الحكومه نيهاهاها
مفيش رتبه اعلى

ابو على said...

هههههههههههههه
واللهى انتى المفروض تتجوزى توم كروز جوان كوزاك

عينى عليكى بارده

Empress appy said...

ابو على

ربنا يخليك ليه يا رب يا خبر ايه الاخوات الحلو ه دى بس
ما طبعا على راى المثل الاخت فى عين عين اخوها غزال ههههههههههههههههههه

ابو على said...

ههههههههههههههه

يا غزال يا غزال العشج حلال

shaimaa rady said...

عندما تراها تبكي ( أحضنها ولا تقل شيئاً )
ايوه وامسح الحاجات اللى نازله من مناخيرها يععععععععع
عندما تكون خائفة ( أحميها )
ايون البس لها وش الاشكيف


هههههههههههههههههههههههههههههههه
تحفة النصايح النار دي
وخصوصا اخر مقولة دي في الجون

:)

بس وحياتك ولا بيحوق فينا برضة، كلة بياخد علي دماغة

ابو على said...

هو انتى مبتضافيش ف الفيس بوك ليه
عمال ادورلك على حاجه انفيت منها مش لاقى

Empress appy said...

ابوعلى


ابعت مسج انا قافله الاضافه
خبط وابعت مسج وانا هضيفك





شيمو

طبعا احنا ضد الكسر ضد النار ضد الحشره ضد الفأر

ابو على said...

يا سيدى رق

يا حبيبى رق

هههههههههه

انااديا اتهرت من التخبيط على فكره

mayada said...

سيبك انت جيت عند حتت منقول بتصرف
دي وكنت عاوزه ميه يسندوني من الضحك والله ياابي اتفضحت في المحل والشارع خلاص
ربنا يسعدك ياابي

Empress appy said...

ابو على خلاص خلصنا بقى ما فتحت لك اهو انت مش بتشوف يا ابنى ضفتك






مياده

ربنا يسعدك يا جميله وليه ميه يسندوكى كفايه انا

Anonymous said...

هههههههههه

طيب ليه جايه علينا كده .... خليكي حونينه

حلوه النصايح .... بس اللي يسمع وهما كل الرجاله اسم الله عليهم .... سمعهم تقيل حبتين

تحياتي

Empress appy said...

فتاه من الصعيد



قولت اامن شرهم برضه يا اوختى انتى عارفه ايديهم طارشه

Sweet Violet said...

الله يكون فى عون اللى هياخد بالنصيحة بتاعتك ياآبى
ده كده هيروح سكه اللى مش راجع يابنتى
^_^

dr.lecter said...

عارفه لو النصايح دي ماجبتش فايده مش عاوز اقولك هيحصل لي ايه بجد

هاحط ذنبي في رقبتك انت وصاحبتك

Anonymous said...

ههههههههههههه

ايد وودان يعني .... ايه الفصيله اللي احنا هنتجوزها دي :((

R-H-S said...

هههههههههههههه
يارب الحاجات دي تتعمل فيكي

Empress appy said...

Sweet Violet


هيروح النار انا عارفه





ليكتر


لااااااااا بلاش تاخد بنصيحتى علشان متوقعش فى واحده زي تضربك

Empress appy said...

فتاه من الصعيد



فصيله بعيد عنك ساديه زي القهوه الساده كده عباره عن ايد وودان لاصحابهم وايد لتفكيرهم





جهاد

هع هع ها ها ها

انا اللى يعمل معايا كده اخضه خضه اجيب له سكته قلبيه ومحدش يقدر يساعده انت متعرفنيش اصلك

طوبه فضه وطوبه دهب said...

دا انتى بتعزى الرجاله بشكل بجد اول مره اقولها فى حياتى الله يكون فى عونهم خفى عليهم شويه هم بيتلككوا خلقه ههههههههههههه دمك ذى العسل ياقمر

tarek momen said...

اعتقد ان حكمة الأمبراطورة اخر البوست بتلخص الموضوع مافيش فايدة في الأعتقاد ان الستات ليهم عقل
تحياتي

tarek momen said...

اعتقد ان حكمة الأمبراطورة اخر البوست بتلخص الموضوع مافيش فايدة في الأعتقاد ان الستات ليهم عقل
تحياتي

شاب فقرى said...

السلام عليكم

تحياتى عالبوست

اللى عجبنى السطور اللى باللون الاسود

علاقة حب رائعة

لاتوجد بين الناس

كل سنة وانتى طيبة

وحتما سأعود للزيارة مرةأخرى

شاب فقرى

Kalimalhus said...

عملتى خير إنك علقتى بنفسك على النصايح .. بس كلام بجد بجد يعنى .. تفتكرى النصايح دى تنفع مين بالظبط؟..

أنا شخصيا ما أعرفش راجل واحد ممكن يكرس الوقت و الجهد النفسى المطلوب لتنفيذ نصايح من النوع ده .. ببساطة يا إما الواحد من دول يتم إستهلاكه فيزيائيا و سيكولوجيا فى أى عمل بيؤديه طول اليوم يا إما يتفرغ لتدليع المدام و يقضوها بقى بدقة من غير عيش لأنه حتى مش هيلاقى وقت يقف فى الطابور..

بصراحة فى ظل ضغوط الحياة حاليا السبيل الوحيد للسعادة هو إن الشريكين يكونوا على قدر كبير من التفاهم و التعاون و على الزوجة إنها تجد التعبير الحقيقى عن حب جوزها ليها فى حاجات تانية غير المذكورة..

و بصراحة أكتر و عارف إنى طولت .. العيشة ناشفة و المفروض نعتمد عليكم تطروها مش تستنونا نطريها إحنا .. دى خيبة إيه دى..

لاسع افندى said...

ربنا يستر علينا من نصايحك








تحيه لاسعه

سبهللة said...

انا أقدر أزعلك يا جميل
انا ما جبتش شيرتك خالص مالص
انا كل كلامى كان موجه لللا محجبات

سبهللة said...

حلوى النصايح دى
تخرب البيوت بسرعة
هههههههههههههههههههه

الميكروباص said...

ولله نصائح لها قيمتها
بس يا ترى لنفترض اني عملت كل ده ومارضيت عني بردو يبقى الحل ايه؟
اصل فيه ستات -ما أكثرهم- لا يعجبهم العجب بصراحه

أم بتول said...

جميلة النصايح دى ، بس اشلاطر الى يعمل بيها ، سواء النصائح أو إضفاتك الأجمل ، بس الى خلانى أضحك و أـموت على نفسى من الضحك المثل الأخير ، بس بجد بجد أحلى حاجة أنك غيرتيه من .... للفيل أهو الأحترام حلو بردو.
تسلمى يا جميلة و تسلم ايدك العقلك الى أبدع

مواطن شووجااع said...

ههههههههه


دي رحلة كفاح مش جاية ع المرتاح

R-H-S said...

معلش لياسؤال بعيد عن الموضوع
انتي ممكن تيجي ال ip
بتاعي ازاي من المدونه بتاعتك ولا انتي بتقولي اي كلام وتخوفي الناس وخلاص؟

Empress appy said...

رد فى السريع


جهاد
عندي كونتر بيجيب يا ضنايا تحت خالص فى اخر الصفحه وبعرف كل اللى دخل منين وراح فين وقعد قد ايه وتبع شركه ايه بس ده عاوز سيرفير خاص وانا عندي للميل يعنى علشان يبعت عليه
ابقى تعالا بقى انا مبقولش كلمه فى الهوا

adel said...

ههههههههههههههههههههه

والله كل ما ادخل اتهبل من الضحك
ههههههههههههههههه

اكتر اتنين حزوا في نفسي حكاية فاتورة التليفون
و الصمت دي
ههههههههههههههههه

R-H-S said...

طيب لو جبتي ال اي بي بتاعي هديكي جنيه حديد

Unknown said...

ممكن سؤال غبى

هو يعنى ايه منقول بتصرف
اصلى بقراها كثير
بيتصرف
او بتتصرف
:-)
؟!

Empress appy said...

بدراوية

يعنى معدله فيه مش زي ما هو انا قريتها مره كده هى غلط





جهاد

وده اصرفه فين فى مصانع عز

R-H-S said...

بتكلم جد والله
هاتي الاي بي بتاعي

Foxology said...

ههههههههههههههههههههههههههههههه

الف شكر بجد على النصايح الجامدة دى :))

تحياتى :)

يوميات الحارة said...

ههههههههههههههههههههههه
لا بجد تحفة اوى فكرة الكومنتات اللى واخده اللون الاحمر
انسب حل واسرع طريق مباشر للانهيار الاسرة قصدى لسعادة الاسرة
لا وتهديت النفوس كمان الله ينور نقاص بس تقولى للطرافين يشيلوا الاسلحة المحرومة دوليا من مقاشات وشباشب والله ينور

akeed said...

نصائح جميلة تحياتى

مي said...

ايه ده لاظلم وافترا عاااااااااا
دول عايزين يشلونا يا ختى هو احنا ناقصين لا اعترض زى اصحابنا اللى فى المجلس
ازيك يا ابى بتوحشيييينى

شفـقــة و إحســــان said...

وعجبنى وجبته "شفقه واحسان" بالرجاله
ليه كده بس ؟؟؟
بنجيب في سيرة الناس في غيبيتهم ليه بس ؟؟

وكمان بعدنا على طول بتتكلمي عن ابو وردة ؟؟
تقصدي ايه بالظبط يعني ؟؟
ليه بس كده يا آبي هانم ؟؟
هوا انتي ليه مصرة تقلبي عليا المواجع ؟؟
ههههههههه

تحياتي
إحســان أبو وردة

ملح الحياة said...

هههههههههههههههههه
صدقا الله يرحم والديك على الكلام الجميل الي قلت تحت كل نصيحة.
لو كل الرجال ياخدوا بنصايحك كل البيوت تنهدم.
سعيدة بتواصلك معي فمدونتي.
وتواجدك الدائم.
اجمل تحية لك

ملح الحياة said...

انا صدقا اسفة لاني ارتكبت خلط بينك وبين mohamed ghalia
وانا من اول اقول يا الله المدونة فيها حسن انوثة ورقة لكن انا غلطانة لانه هو حاطط مدونتك فوضعه وانا ما انتبهت لانك الدونة الي هو متابع لها.
صدقا اسفة

يا مراكبي said...

هههههه

طيب وليه وجع القلب ده كله؟ بناقص أم الخلول من أساسه

:-)

Empress appy said...

احسان

هو اللى على راسه بطحه ولا ايه

ملح الحياه

ولا يهمك



مى

انتى كمان وحشانى

Empress appy said...

جهاد


انت فاضى
اصل انا لا وشغ لالتسخين ده مش بحبه وعلى الفكره الموضوع اصلا بياخد وقت فانا مش فاضيه ليه وبعدن انا اتعب نفسى ليه المدونه متراقبه يعنى اللى داخل وخارج معروف جاى منين ورايح فين عقبا لامالتك
فلو حد ضايقنى هرفع التليفون ببلاغ واقولهم ونزل تعليقاته سواء مجهووله او لا
وهما يتصرفوا

Empress appy said...

اكيد


شكرا ليك





مهندس حر

لو عاوز يكرس وقته زى ما بيكرسه لما يبقى مرافق هيعمل كده او بيشرب شيشه هو مساله اولويات مش اكتر

Empress appy said...

لورانس

انا بقول نصايح دايما تودى فى داهيه وخاصه للجنسين من الشعب تباعنا







طوبه فضه

منوره بلوج سبوت وعماته

Empress appy said...

ام بتول


خدوا الحكمه من افواه البتنجان يا جميله







لاس ع افندى

ارميها ورا ضهرك

Empress appy said...

سبهلله

حبيبتى يا ام احمد انتى





مواطن شوجاع

اكيد طبعا مين قالك

Empress appy said...

عادل


يا رب دايما تضحك كده







فوكس


بس بلاش تعمل انت بيها

Empress appy said...

يوميات الحاره


اول مره اعرف ان ابو ورده محرم دوليا مش تقولوا طيب كنا طورنا الموضوع








طارق

يمكن ربنا خلقهم العاطفه انها اكتر علشان تتحمل غتاته الرجاله وتناكتهم الفاضيه وتحكماتهم الفارغه من منطلق انا راجل ومن حقى لا كسر حقه اللى يقول كده نورت يا استاذى

Empress appy said...

شاب فقرى


حد يجيب ليمون لليه
يا عمنا انا بدن فى مالطه نورت

Share |