غزوو تتارى على السوبر ماركت

صورة الباركنج بره فى كارفور
طيب مش بالزمه حرام نبوظ الجمال ده

من الاول مش عاوزة تحديف قلل ولا رش ميه فى الكوكب انا بقول اهو هسسيب عليكم خرفانى انا بفتح على حاجه غيظانى وبعدين اصلام اصلام يعنى النظافه والنظام والادب من الايمان فموش عاوزة استعباط
اه بجد بقى عذاب مع ان ده اليوم الحلو اللى بستناه تقريبا مرتين او مرة فى الشهر لان بطلع فيه كل ميولى الخرفانيه للشراء وبيكون تخريب فى الميزانيه باقى الشهر واربط الحزام الناسف على باقى المرتب اللى بيكفينى بالقرص بالعافيه ومع متطلبات بطوط بقت حاجه صعبه
المهم انا بحب اروح الماركت الكبير كارفور سبينيس او المحمل لان دول بيعملوا اوفرز حلوة وكمان اماكن كبيرة وتلاقى الحاجه مرتبه واسعارهم اقل من بره انما مترو كلا البطه لانه بجد غالى جدا عن اى مكان بره
كالمعتاد اروح اشترى حاجه الشهر الاقى ايه بقى بجد ولا حديقه الحيوان او السيرك العالمى ياااااااااااه على الدوشه وعدم النظافه والصداع والزهق والملل والصوت العالى والرحلات اللى بتكون طالعه
اقولكم ازاى تلاقى الست رايحه تجيب حاجات واخده بنت خالتها وبنت عمها وعمه خال ابن اخو جوز خالتها واولادهم واولاد اولادهم كل ده ليه مش عارفه واللى بيخلينى بجد عاوزه انطحهم الاطفال بقى بيأخدوا حاجات من مكانها ملهاش لازمه ليهم ويرموها فى اى مكان تانى الستات تلاقيهم ماشين يتمختروا ويا ارض اتهدى ما عليكى قدى والرجاله عنيهم رايحه جايه على ستات تانيه غير مراتهم او لو لوحدهم بيكونوا بيعاكسوا ويتسنكحوا وخلاص ولا كأنهم بيتفسحوا ويتكلموا مع بعض بطريقه فظيعه مش فاهمه ايه ده وبعدين انا اساسا واحده لسانها فالت وعندها نحله ودبور ولو سمعت حد بيقول كلمه مبتعجبنيش بروح بجد مسخسه من الضحك لو اكسبريشن غلط وبكون لوحدى ساعات طيب مش يراعوا مشاعيرى فى ان حد يقول عليه هبله والله بيكون شكلى مسخرة وانا دايما ولابد تفاديا لهزوهى المواقف المتشفلحه المتشنقطه بعمل نفسى بتكلم فى التليفون او احط الهاند فرى فى ودنى لما ودنى بتوجعنى موووت بس احسن ما يقولوا عليه هبله ومسكوها كارفور
كمان بجد بيعملوا زحمه ملهاش حل بحس ان الناس دى تجار والله العظيم بيرحوا يشتروا الحاجه فى الاوفرز ويبعوها بره باغلى وده طبعا بيأثر على وجود الحاجات فى الماركت وفعلا ده جشع التجار المصريين
طيب ما تسيبوا الحاجات للناس ويا ريتهم يبعوها عندهم بنفس السعر لا بيغلوها يعنى الماركت الكبير يعمل حاجه ودول يجوا يخلصوها فى منتهى الاستغلال ولا يفكروا غير فى نفسهم وبس


المحمل عامل حاجه حلوة قوى للحد من جشع التجار والناس اللى بتاجر فى الحاجات بيعملوا حد اقصى للطلب من الحاجه اللى عليها الاوفرز بس بما اننا شعب متفنن فى استخراع الحركات ممكن الواحد يشترى خمس اكياس سكر ويبعت حد تانى قريبه يجيب خمسه تانين يعنى بجد لازم ظبط شويه على حياتنا لاننا السبب كمان فى الاستغلال والغلاء ده مش الحكومه بس وهنبقى احنا ونفسينا على نفسينا طيب والله نفسينا لها حق تنفسن علينا ههههههههههههه

طيب انا اعرف اللى بيروح الماركت لازم يبقى مركز وعارف هيشترى ايه وكاتبه فى ورقه او فاكر يعنى على الاقل ومحدد اتجاهه انا بعمل كده انما الناس دى غريبه موووووووت بلاقيهم ساعات مش بيشتروا بيتفسحوا يا جماعه الماركت مش للفسح ولا للكلام مع بعض والفرجه والضحك وتقييم الحاجات اللى فيه اكتر ناس عجبتنى الاجانب منظمين جدا حتى لو معاهم اطفال بتلاقيهم حطينهم فى العربيه او شيلنهم على ايديهم وبيشتروا فى صمت وبسرعه جدا ونظام مش زينا تلاقى الست ماسكه عربيه وابنها بيلعب بواحده وكأنهم بيلعبوا بلاى استيشن وفجأه تلاقى الواد هوووووب عمل حادثه فى رجلى فى ظهر حد ويبص لك بكل تناحه ويضحك بيكون هاين عليه احطه تحت العربيه واعمله سجاده هههههههه

اه فيه بعض ستات بتأخد اولادها تجيب لهم لبس بس بصراحه مش بالشكل ده وكمان زعيق وصوت عالى كأنها قاعده فى البيت وشوشه شويه تقولها ادينى حبه ميه يا ام احمد ولاحظوا انى بتكلم عن كارفور المعادى وسبينيز سيتى ستارز اللى بجد مخلينى هتجنن بلاقى ناس جايه من اماكن بعيد جدا يشتروا يعنى والله مرة واحده سمعتها بتقول احنا عندنا فى بولاق انا اتخضيت قولت دى جايه من بولاق لهنا يا نهار متكعبل
طبعا قريب هينقرض الاجانب من كارفور ومش بعيد كارفور نفسه ينقرض واحنا كمان ننقرض ويبقى الحاجات اللى بحبها مش فيه كمان لانه بجد بقى ولا سوق الخضار مع انه فتح فيه محلات بران نيمز كتير جدا بس بقى منظر غير حضارى من الناس والزباله والعمال مش ملاحقين الحقيقه يعملوا حاجه ولا من البضاعه اللى بتبوظ وتترمى
و نفس الكلام عن المحمل بتاع التجمع بقيت اقرف اروح اشترى منه حاجه بجد
بجد حرام الاهمال والشباب اللى بيروح يتلكع هناك ويضايق البنات ده ايه وجع القلب ده يا ريت نحافظ على نظافه مكان فى بلدنا ونبقى متحضرين شويه والامهات يا ريت بلاش الاطفال الكتير والكلام بصورة مش حضاريه ولا كويسه معاهم يعنى ممكن تسيبيهم مع جدتهم اختك اى حاجه الموضوع مش هيأخد كتير بجد علشان انا هشتكى لكل الادارت واقولهم يمنعوا جرجرت الاطفال فى السوبر ماركت وبما اننا عندنا فن فى تكسير النظام يبقى هتخانق مع الناس واخر حاجه هقعد على حرف الكوكب وادعى عليهم بقى او اسيب خرفانى هناك تنطحهم وربنا يستر عليا وابقوا جهزوا المستشفيات والقطن والميكركروم ولا بلاش طعهمه وحش شوفوا حاجه تانيه ههههههههه
ملحوسه كونوسه انا مش هفتح حضانه علشان الناس اللى عندهم اطفال يقولولى خديهم عندك انا بعنذر اهو وافنذر وافنجر اتصرفوا بقى واعملوا فيهم اى حاجه

كان معكم آبى هانم بتنجانى رئيس مرور السوبر مركب

151 اخبط وقول رايك:

محمود المصرى said...

بسم الله الرحمن الرحيم

بصراحة عندك حق فى كل كلمة مش قلتيها .
هو الموضوع مكتوب هيروغليفى برضه ولا الجهاز عندى لخبط؟

رئيس جمهوريه نفسى said...

مبروك يا جماعه دى اول مسابقات كوكو ابى اعرف ايه مدلول البوست تاخد تذكره فى الاتوبيس الى طالع مارينا
نيعااااااااااااااااااااااااااها

رئيس جمهوريه نفسى said...

ابى
نسيت تعلقى على باب الكوكو مسموح بدخول قاموس لكل قارى
ههههههههههههههههههههههههههه

حبيبـــــــة القمـــــر said...

اينعم هو مكتوب بخط بتنجاني
بس قريته هناااااااا

حبيبـــــــة القمـــــر said...

الظاهر ان اثار حادثة البلاي ستيشن اثرت ولا ايه
حد ينادي عليها ياجماعه
لتكون قاعده تنظم المرور لحد دلوقتي
ههههههههههههه

الطائر الحزين said...

انا بتخنق من الزحمة

لما بروح اجيب طلبات

ببقى فعلا كاتب ورقة فيها الحاجات
وبجيبها وما اصدق واقول با فكيك

بالهنا والشفا

رئيس جمهوريه نفسى said...

الحمد اختراع الماركت ده مش موجود عندنا ابسلوتلى مش ممكن احنا اخرنا عم حشره البقال جنابك وده بيوفر فى حجات كتير وقت ومش حتحتارى تختارى ايه
بس هو الوضع الى انت بتقوليه ده ماساوى فعلا بدء من اللخبطه وعدم النظام زلعب الاطفال اما الى بياجو من بولاق او اماكن بعيده لانى الناس بتدورى على اى طريقه توفر بيها شلنه يا ابى حتى لو من اخر الدنيا
لسه مستنى الساندوتشات على فكره

حبيبـــــــة القمـــــر said...

بالمناسبه بجد والله ومش تهريج
انا لسه امبارح كنت بتفرج على جمال البلد والمناظر الجميله والتجديد اللى حصل
حقيقي تحفه .. لحد ماتلاقي اسرة جميله معديه يطلقوا الاولاد وكأن الورد اتعمل عشان يقطفوه ..والناس اللي بتاخد بالها تبدأ في شغل المطارده والجري ورا العيال
ويابني متقطعش حاجه
ياحبيبي امشي في المكان المخصص
ياجدع متمريش سجاير في الارض في طفايات
يا حاجه بلاش تفرشي عالارض
يوووووووووووووو
بجد شعب اخر جمال
بمختلف مستوياته وربنا

appy said...

محمود المصرى
****************
ههههههههههه لا معلش نؤسف على هاذوهى الاعطال فى الخط عندى ده تأثير الصداع تم تصليحه يا شيخنا نورت وتكسب اول كومنت قبل التعديل ورافه بيك هسيبك تقراه تلات مرات قبل الاكل هههههههههههههه






رئيس جمهوريه نفسى
*****************

طيب وعرفت الحل يا قله انت ولا لسه ههههههههههه بس تصدق فوكيرة كنت سبتها حلوة وشكلك هأخد بدرى بدرى على مارينا هههههههههههههه
الا قاموس ايه انت هتقوم علينا الشعب يا راجل مش عيب عليك احنا لاقين ناكل

appy said...

حبيبه القمر
**************

حتى انتى يا حبيبه يا قهرة قلبى لقد طعنتينى فى خطوطى البتنجانيه عليكى الارز والسلطه يا حبيبه هههههههههههههههه
ماشى ماشى ليكوا يوم اذنوقكم فيه
ماشى يا حبيبى متناديش بصوت عالى انا جيت ههههههههههههه خدى ايدى يا اوختى اللهى يخليك الواد فرم رجلى الله يخرب بيته




اخى الطائر الحزين
****************

والله ده الحل الامثل يا ريت الناس تعمل كده يا ريت لان المناظر اللى بشوفها بجد صعبه قوووووووى
ربنا يهنيك يا رب سلامى للعائله جميعا

واحدة مفروسة said...

هههههههههههههههه
ههههههههههههههههه
و الله انتى مشكلة كبيره
و على فكرة عندك حق فى كل كلمة قلتيها انا معاكى
و نسيتى يا جميله العيال دول تلاقيهم فتحو حاجه داقوها و رموها تانى فى حته تانيه
انا باشوف الحاجات ديه فى هايبر
و ساعات تبصى تلاقيهم اشتروا لحمه و لا لانشون و لا فراخ ..وبغعدين رجعوا فى كلامهم مش عاوزنهم يقوموا يحطوهم فى مكان مستخبى...مش مكان ظاهر علشان الامن يشيله....لأ يابنتى السلوكيات...بقت تحت الارض مش على الارض
و خليكى على باب الكوكو و و سعيلى حاجى جنبك اصلها حاجه تفرس

appy said...

رئيس جمهوريه نفسى
*****************
الا مين عمك حشرة ده هههههههههه وهو اسمه كده والله طيب ده اختراع هايل بص يا دودو من بولاق لكارفور كتيررررررررر قوى وقت والناس دى بتيجى بهدف واحد يجيبواالحاجات اللى عليها اوفرز ويتاجروا بيها شكلهم بيكون باين زى اللحاف الفايبر والفوط والشباشب لما تيجى مرة تانيه هوريلك كارفور شكله عامل ازاى افهمت عاد يا ولد العم ويالا من هنا بدل ما ارش عليك ميكركروم ههههههههههههههه






حبيبه القمر
*************

اسكتى يا حبيبه على الجناين والمعاناه اللى بشوفها والله كل حاجه واضحه بس فين اللى ينفذ بيكون هاين عليا اقطع رجليهم واديهم الناس دى
نورتى وكسبتى اطلو تعليق هنا وهعلق على باب الكوكب ان شاء الله تنظمى المرورو ههههههههههههههه

أنا حر said...

عزيزتي آبي المشكلة هي سلوك الشعب المصري اللي لسا مش قادر يفرق بين السوبر ماركت او المكان التجاري والمنتزهات العامة
انا عمري ما شفت في الدنيا حد بيعتبر ان الماركت الكبير مكان للرحلات والفسح
احنا محتاجين شعب جديد
:)
تحياتي

رئيس جمهوريه نفسى said...

بتورطى نفسك انتى مرة المقطم والمره دى كارفور يلا ما علينا اهى فرصه اجيب علبة مناديل ورق بحتاجها احيانا بس مجبتيش سيرة للسندوتشات يابنتى جعان

Ahmed Al-Sabbagh said...

مالك ومال ام احمد بقى

ام احمد تطلب ميه زى ما هى عايزة

مش عشان كوكبك يعنى

على فكرة اعتقد من كمية الاطفال اللى فى كارفور دى

ان اللى بياخدو معاهم مخاليلهم قصدى اطفالهم دول بيبقوا عارضينهم للبيع بس الناس مش بتاخد بالهم

يعنى توقعى المرة الجاية تلاقى مخلول مكتوب عليه تلاتة جنيه

هئ هئ

موضوعاتهم جامدة دايما

افتقدناكى

احمد

كاميليا said...

فعلاً .. عندك حق

نزعة غريبة لتشويه كل ما هو جميل ببلدنا

زى ما يكون انتقام

مش عارفة ليه كده


تحياتى وحبى

Tamer Nabil said...

دوشة السوبر ماركت واللى بيحصل فية شىء طبيعة لتتطور الحاجة البايتة

هههه

وكمان هناك ممكن تشوفى ستات عنيهم تدب فيها رصاصة ونازلة بحلقة فى الرجالة

وكمان فى بنات بتعاكس وتصفر اة واللهى بجد مش هزار

الموضوع عايز تنظيم لكن على ما اعتقد من تعود على الزيطة والتصرف بطريقة غير مظبوطة هيفضل كدة الا لو كان بيفهم وعرف غلطتة وصلحها

تحياتى

اوعى تفكر said...

ايه ده كل
انتى بتعملى اعلانات ولا ايه
كمان ايه يعنى خلى الناس تتفسح
ومش مهم الشكل
اتفرجى على منظرهم وهما مبسوطين
ياسلام
يبقى منظر روعه

appy said...

واحده مفروسه
***********
يا نهار ابيض يعنى انا كنت ناويه ارسم على هايبر وقولت هيتبقى مكان كويس طلع نيله عااااااااااااااا بقولك ايه تشاركينى فى سوبر ماركت ونشترى منه احنا ولا نفتح واحد هنا فى الكوكب هههههههههههههههه




انا حر
********
ايوه السلوك هو ده يعنى ليه مش نعدل من سلوكنا ونرشد بعض هى دى المساعده الصح
مبروك رجوعك التدوين تانى

Zika said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بجد انتي قلتي كل اللي عايز اقوله
بالنسبة لموضوع السوبر الماركتات ده
عشان بجد
انا بتعب اوي لما بروح هايبر بارضه بحس ان انا مش في سوبر ماركت بحس ان انا في جنينة الحيوانات
والاقي عيال صغيره تطلع علي العربيه اللي انا ماسكها
او اسره مع بعضيها رايحه السوبر ماركت ولا اكنها رايحه حفله
ههههههه

appy said...

رئيس جمهوريه نفسى
******************
عنيه يا محمود وبعدين اكلت الساندوتشات خلاص يا ساتر عليك امشى بقى هرش فليت العسكرى هنا هههههههههههههههههههههه





صباغوس احمد الصباغ
*********************
ام احمد وابو احمد وعيله احمد كلها ههههههههههههههه يا لهوى تصدق هسال على المخاليل دول الا مخاليل غير مخلل يعنى
نورت يا صباغوس

appy said...

كامى فوندامى
************

علشان احنا مش اتعودنا على النظام واتعودنا على المناظر اللى مش كويسه وبقت حاجه تزهق فعلا
نورتى الكوكب كله




تامر نبيل
********
هتهزر ولا ايه يا تامر ايه الكدب ده لا طبعا مشوفتش وبعدين هو احنا عندنا رجاله حلوة فين دى ههههههههههههههههه
والله لو جابوا لنا ظبابيط ما هنتنظم عارف امتى لما يوقعوا غرامات احنا كده هههههههههه نورت يا تامر

appy said...

اوعى تفكر
*********
يا سلاااام يلا يتفسحوا طيب فى الاماكن المظبوطه انما مش الخلطه العجيبه دى
والله بجد حاجه بتغيظ
نورت الكوكب





زيكا
*****
بلاش تصدمونى فى هايبر اخر مرة روحته كان حلو وهادى ليه بقى كده اعمل ايه الجأ لمترو يعنى عاااااااااااااااا

Z_Diva said...

انت هتقوليلي على بلاوي السوبر ماركوز, لا انا كانت اكتر حاجة بقى تعصبني, ان في ناس بتفتح حاجات و ياكلوها و يسيبوا الورق جوه عشان مش يدفغوا, بجد كان نفسي اشوف حد منهم كنت شبلحتهم و عرفتهم ان الله حق, بس كنت بلاقي بس الورق و الغلب الفاضية, حتى هنا يا بنتي, برضة المصريين اهما, ايه رز في الهيبر ماركوز, و برضون العيال سايحة في اللا مجال و هيصة, بس الصراحة محدش بياكل و يسيب كله بيدفع الحمد لله :)))))

بصي انا هقولك انا بعمل ايه في الاطفال المتشردة اليي بتعد تخبط في الناس و كده. انا ابص للعيل من دول بصة, يترعش و يتهد و يروح يلعب بعيد, بس اهم حاجة تكون بصة مرعبة بجد, لان دي عيال مصفحة اساسا :))))))

بس تعالي هنا, انت عرفتي ازاي ان انا اللي سرقت اللبان, معلش اصل الادمان وحش يا بنتي :(((( و انا هبقى اجبلك بداله -بس المهم ماخلصهوش قبل ما يوصلك-
نياهاهاهاهاهاهاهاهاهاهاهااااا

الشنكوتي الكبير said...

عايز تعليق عندي على البوست الجديد

الشنكوتي الكبير said...

يا بنتي سيبي الناس تفك عن نفسها شويه فيها ايه لما يتفسحوا في الماركت شويه طيب تعالي عندي كارفور داندي اسكندريه الصحراوي هتلاقي المكان في الصحرا وبرده فيه ناس بتيجي تتفسح هنا وناس من القرى القريبه والشكرات بالجلاليب الجميله وبيتفسحوا برده جوا المكان ولو ان برده معاكي حق في حكاية الأجانب شكلهم بيبقى عسل قوي ومعاهم عيال صغيره حلوين قوي غير العيال المعفنه تصنيع مصري دول وطبعا الميزه بقى لو شفتي ممثله ولا حاجه الناس تعدي جنبها يقوا يتفرجوا عليها شويه بتصعب عليا بجد تخيل الناس واقفه بتتفرج عليك كأنك قرد مثلا
هههههههههههههه

عموما كارفور اللي جنب شغلي هنا بيبقى رايق وجميل اكتر بكتير من التاني بتاع المعادي ابقي نوريني واندهي بس يا شنكوتي هانزل من الشغل افسحك هنا شويه

وابقي هاتي الواد ابن الظابط ده معاكي خلينا نتعرف بيه برده

اه صحيح بتتريقي على الناس انهم بيتفسحوا في السوبر ماركت وانتي وخطيبك بتتفسحوا على الكوبري يا فالحه

سلااااااااااااااااااااااام
اخوكي ايهاب

وجهة نظري said...

أنا مش حقولك تاخدي العيال عندك .... أنا حقولك إعملي سوبرماركت مشيها علي مزاجك ههههه

بصي، الموضوع نابع من اخلاق الشعب .... زفت، مش نافع معاهم حتي تنظيم أجنبي هههه

أنا شوفت كارفور في كل الإمارات وأنا في زياره.... نضيف جدا، بس نفس السويقه.... غالبا من المصريين برضه .... ومعاهم الهنود طبعا ههههه

الدنيا مختلفه في أوروبا خالص، لإن محدش عنده 20 عيل، وممحدش بيروح السوبرماركت الكبير زي كارفور بغرض الإنتقام والتخريب ولامم العيله وعيلة العيله، هيييييي رايحين كارفور يا ولاد

أخر مره كنت في مصر حلفت ما أعتب كارفور دا ولو كان بيدي الأكل ببلاش

الفاتح الجعفري said...

انتي عارفة المشكلة كمان ان كارفور دلوقتي بقي اقاليم تخيلي بقي تبع حلوان اه لو كان تبع محافظة سياحية زي الجيزة كان الموضوع اختلف تماما معلش بقي يعملوا كارفور تاني ويريحونا
انتي عارفة اصلا المشكلة ان السوبر ماركت ده له بعد تاني تماما اصل محدش هايروح هناك ويجيب حاجه بسيطه او كده اكيد جي يشيل ويمشي والستات طبعا كل اما بيلاقوا حاجة بيرموها في العربية فتلاقي في الاخر الحسا ااقل حاجة 500 او600 جنيه ,وهي دي النظريه ,اما عن العادات الشرائية والاخلاقيات بشكل عام للاسف صفر ,احنا فعلا كشعب تضائلت الاخلاق بداخله تماما
عامة هايبر وان احسن من الاتنين ,ومتشتريش من الاقاليم تاني
:)
وجزاكم الله كل خير

حبيبـــــــة القمـــــر said...

طب وبعدين يعني هنفضل في حرقة الدم دي لامتى
تفتكري محدش بيعرف يقرا اليافطه الكبيرة اللي عليها تحذيرات الاعمى يقراها

طب بلاش كنت الاول بقول المسئولين هما اللي بيبوظوا الدنيا
طب الناس عملت اللي عليها
ايه العمل بقىىىىىىىىىىىىىى

انا خلاص هعزل من الكوكب دا
احجزيلي عندك بقى

HERO said...

ولا حياة لمن تنادي
مش عارف حسيت ان الموضوع ده المفروض يبقى عند "واحدة مفروسة" كان هيبقى لايق عليها اكتر هههههههههه
احنا الحمد له عندنا في الزقازيق مفيش الحاجات دي الاقاليم ليها ميزتها برضه ده على اساس ان انا اصلا بادخل سوبر ماركت من اساسه
بس انا لما بروح كارفور بيبقى فعلا سوق زي ما انتي قلتي بالضبط علشان كده الواحد بيشتري دماغه ويشتري من بره احسنله لغاية ما يبقوا يشفلهم حل فيه

تحياتي

PrInCeSS BeRy said...

هاى ابى اخبارك اية بوست تحفة وحقيقى جدا وبيحصل طول الوقت تسلمى

sal said...

سورى ياابى
لم اكن امام الكمبيوتر فلم اقرا رسالتك
ولم اعرف اى لينكات تريدين
اعتقد لينكات لمن يريد الأستماع الى حلقات برنامجنا الأذاعى الماخوذه من مدونتك ومدونات اخرى
يمكن ذلك بزيارة موقعنا او مدونتنا والضغط على الحلقه المطلوبه فى بوكس الأرشيف
والموقع
http://dear.to/cairo
والمدونه
http://netonradio.blogspot.com
تحياتى

صاحب المضيفة said...

وأكتر من كده تلاقي يا ابي


دا الواحد ساعتا بيشوف حاجات تقطع من الغيظ والبهدلة



ربنا يهدينا جميعا ويصلح حالنا

يا عالم يا هوووووووووووو said...

appy
يعني إيه المتشفلحه المتشنقطه دي
مش فاهمها
بصراحة بصراحة أحلى حاجة فيا كراجل إني مابحبش التسوق
لقني بتزنق لما بحب أجيب هدوم

رئـــــيسـة حزب الأحلام said...

انتى كل حاجة بتحصل فى المولات الكبيرة
حاجة فعلا تغيظ ولا كأنهم رايحين القناطر




تحياتى لكى ياقمر

wanna b a physician said...

بصى ياستى الموضوع مش حكاية انك فين بس لا لا ده فى كل حته تلاقى كدا
يعنى مثلا انا ساكن فى مكان فى منطقة محلات برضوة وبيع وشرا وكدا
الاقى الناس كتيييييييير جدا وكلهم ماشيين ناحيه المحلات
ومفيش حد بيشترى بيتفسحوا ويتفرجوا ويزحموا الدنيا وبس وبرضوة ساحبين عيالهم وراهم والعيلة
يعنى ده بقى سلوك شعبى ومش بعيد تكون بقيت عادة
اما التوهان جوه ده عادى انا نفسى كنت فى اولاد رجب المطار وكنت مش عارف هاشترى اية بادور على حاجة اكلها واشربها كدا يعنى مش كل الناس رايحه تتبضع

حـــــدوتـــــة said...

السلام عليكم
ايه يا ست الكل مالك متنرفزة كده ليه
عادى يعنى ما الزحمة فى كل حته
والشباب اللى بتعاكس فى كل حتة
والعيال التنحة فى كل حتة
انا ساعات بروح كارفور اللى عندنا فى اسكندرية واتفرج على اللبس فى المحلات واتشل من الاسعار الموجوده واتفرج على المزز اللى ماشية وارجع بيتنا
عادى متخديش كل حاجة بنرفزة
كبريييييييييييييييييييييى دماغك

سلالالالالالالالالالالالالالالالالام

وومن said...

ههههههههههه
عندك حق والله يا آبي فكرتيني لما كنت في سيتي استارز انا وماما وعندينا من قدام اسيبنز ماما ياعيني اتخضت من زحمة الناس ولما شرحتلها اشمعني المكان ده زحمة كدة استغربت أكتر مالة السوبر ماركت اللي علي أول الشارع أشتكي يعني
عموما يا آبي في نصايح للشرا من السوبر ماركت الكبيرة دي ولوعاوزة تروحي يوم رايق يبقي نص الأسبوع وفوتي أول أسبوع من الشهر كل الناس بتبقي قابضة وجاية تفرتك القرشين
ونوري الإشارة وادي كلاكس وانتي في مفترق الطرق علشان الحوادث

كوارث said...

ههههههههههههههه
انتي مشكلة فعلا
المشكلة ان الاماكن ده مش بعيد فعلا تقابلي جنكيز خان ولا هولاكو فيها
كان شوية من الاخوة الزملاء الطنطاوية هنا جايين يقولولي احنا رحنا القاهرة وكان حتة يوم
ليه عملتوا ايه ؟
رحنا المتحف المصري
اتفرجتوا عالتحف ؟
لا الامن رجعنا
وايه تاني ؟
رحنا كارفور
اشتريتوا حاجه ؟
لا مكانش معانا فلوس للي عايزينه !
طبعًا اليوم كان زفت خالص بس هما مكانوش حاسين .. بس انا اعرف ناس كتير بتحب تروح المولات عشان تتفرج وتمشي !

سومه...مجنونه فى بلد عاقل said...

واضح ان البوست فى الاول كان مكتوب هيروغليفى وبعدين انتى ظبطيه وعلى العموم ماله كشك عم مصطفى ما بيبيع حاجات حلوه ولا محمل يا اوختى ولا كل فار ولا زحام ولا دياولون وممكن كمان يكون فيه دليفرى كانت معكم سومه من كشك عم مصطفى خدمه 24 ساعه
على فكره الاغنيه دى حلوه قوى
سومه_87

Abo 7anf said...

السلام عليكم
متسيبى الناس يمبسطوا
والله حلو الامبساط
ويلعبوا بلاى استيشن والبتاع يشبك فى التشيرت ويقطعوا
ومالوا
والواحده تروح وتاخد معاها قرايبها
يمبسطوا بردوا
ودايما تاخد معاها ابن عمها وسط قايبها
قال يعنى هو الاسد البيدافع
امبساط
اقلك فكك من كارفور
وتعالى عندنا المحله فى حتت سوق
ولا عربيات واى اشتغالات
اصلهم رافعين شعار هيلب يور سيلف
اوك
هتعرفى الزحمه

ayman badr said...

طبعا بوست جميل كالعادة جه على الوجع وعلى فكرة الكلام ده فى كوكبك انتى بس يا ابى بس باقى الكواكب زى الفل
تحياتى

واحدة مفروسة said...

هههههههههههههههههههههههه
هههههههههههههههههههه
ههههههههههههههههه
ايون نتشارك فى واحد انا و انتى و نتشرى منه احنا الاتنين بس و ماندخلش حد يشترى علشان ما يبهدلوش الدنيا

دعاء مواجهات said...

ههههههههههههههههههههه

ياحبية قلبى الغزر دة مش بس فى السوبر ماركت دا فى كل مكان عام او بمعنى اصح كل مكان بيجمع بنات وشباب كتيير


ما احنا اصلنا خلاااص بقى د كل همنا

دا حتى (هايبر وان )ومع انة فى مكان يعتبر بعيد عن دوشة القاهرة الاانك بردو تلاقى فية نفس النظام واكتر

تحيااتى ياقمر

mayada said...

ههههههههههههههههههههههه
عزو تتاري ياتاريخ ياتاريخ
عسل ياابي مره شوفت حاجه زي كده في كارفور في برنامج القاهره اليوم
كان حد مصور فديو والناس تضرب في بعضها
ويخطفوا الحاجات من ايد بعض
كنت هقوم اجيبهم من زمارقبتهم والله

wa7ed 2ensan wnsan said...

صباح الخير بالليل سوري اصل انا لسه صاحي وفي العاده الواحد اما بيصحى من النوم بيقول صباح الخير حتى لو كان بالليل

ثانيا انتي شكلك متغاظه من السوبر ماركو اوي انا بقول انتي تاخدي خرفانك معاكي كل مره تروحي واللي ما يعجبكيش ( خرفان ابي هاتوه) وهو هيتربى نياهاهاهاهاها

الحمد لله مفيش عندنا غير سوبر ماركت كبير في المحله هو مش كبير ولا حاجه بس بيقضي الحاجه يعني

بس انا برضه من انصار عم حشره البقال بتاع رئيس جمهورية نفسه بيقضي الحاجه والحاجه اكويسه وارخيصه وبنت ناس ومفيش الازعاج اللي انتي بتلاقيه في كارفور دا اللي بيعمل اي حاجه عم حشره بيقوم بالواجب اوي

هيثم الدهشان said...

يا ست آبى بتنجانى شكلك كده كارهة الاطفال قوى متسيبيهم يهرجوا ويبوظولك كارفور يمكن تقدرى تحدى من الفلوس اللى طايرة من المرتب

أحمد كمال said...

رحاب هو انتي بتكتبي المتريليوز ده ازاي ؟ قصدي يعني بتسجليه في شريط و بعدين تفرغيه على الكيبورد ، ولا بتقعدي تكتبيه كده كما ورد في التو على قريحتك ، ولا بتطلقي الخرفان تعبث في كل مكان فتنتجه ، ولا إيه بالضبط ؟؟ بجد عايز أعرف !

3ala asm masr said...

والله حتى لو سوبر ماركت صغير لو كشك تلاقى الناس واقفه تتفرج مش فاهمه بيتفرجوا على ايه
بيستخسروا يشتروا ويمشوا لازم يزهقوا غيرهم لاول

Eldebug said...

ههههههههههههه

طيب انا هاقولك على حاجة
احنا كنا مرة طالعين رحلة فى حتة اسمها افريكا بارك بعد اسكندرية بشوية كتير كده ... وقعدنا فيها شوية وزهقنا وبعدين اللى كان مطلع الرحلة كان قايلنا هيودينا سفارى وفى الاخر لقيناه ضحك علينا وودانا كافيتيريا معفنة فى حتة مقطوعة فى وسط الصحرا ولما لقانا خلاص هنقوم نضربه قام واخدنا وطالع الاتوبيس وقالنا الحتة الجاية دى مفاجاة ومحدش يقولى رايحين فين ... قلنا الراجل عاملنا مفاجاة حلوة ورحنا ... تعرفى كان مودينا فين
ههههههههههههه ... ودانا كارفور ... ههههههههههههه ... اقرى الفاتحة عليه بقى

رامز عباس said...

نحن شعب يحتاج لان يفهم
شيء اننا لم نتطور بعد

وقد يكون المحل يطبق صحيات التسويق
ويأتي اسرة باين انهما فاهمه ولكن تتعثر وتتصرف باسلوب يفهمه الاخرون بانه غير حضاري

الموضوع اننا مختلفي الثقافات

في واحد عنده ثقافه مستوياتها عالي وللفف وعارف وفي شخص ربنا من عليه وحب يشتري بس طبعه زى مهي


المهم يا زعيمة الكوكب اشتريتي والحمد لله


مخلتيش حاجه يعني من المرتب


والله انا حزنت انكم مجتوش الحفله
اللي بالمنيرة بشارع مدرسة الحقوق الفرنسية


لكن خيرها بغيرها ان شاء الله اشوفكم تاني لو ربنا اذن

باب النجار said...

كل شعوب الدنيا للأمام سر
واحنا الشعب الوحيد
الى الخلف در
ما فيش حاجة سباقين فيها الا الهبل وقلة القيمة وعدم النظام وعدم نظافة وعدم اى حاجة حلوة
اول ما تفتحى السفارة بتاعتك هنا انا اول واحدة هاقدم على تأشيرة هجرة للكوكب بتاعك
وعلى الله تقبلونى

عايش ولكن said...

صباح الانوار على رأى مدحت شلبى
هههههههه
ازيك يا آبى
سوبر ماركت ايه بس
معدش فى فلوس علشان السوبر ماركت
لو لقيت رغيف عيش وحبة ملح يبقى زى الفل
هههههههههه
ربنا يكرمنا كده ونبقى من الناس اللى بتروح تعمل شوببنج دى
هههههه
تحياتى
علاء

mostafarayan said...

عزيزتي آبي احب اقولك اني مابشتريش من المحلات اللى زي كارفور والمحمل ومترو دي نوهائي لأني بمل بتخنق جدا ومش بحب اقف طوابير في طويييييييييييييييييييييلة
علشان ادفع الفاتورة
اشتري اغلي شوية من المحل اللي جانبي ولا اني اقف في المهزلة دي
كمان هي الأسعار مش بتكون رخيصة قوي عن برة الفرق بيكون بسيط
ولو في المستقبل الست حرمنا حبت تروح تشتري من المحلات دي تروح لوحدها بقي
ايه بتقولي ليه ؟
ماناقولتلك مابروحش المحلات دي نوهائي
تحياتي ليكي ياقمر

الفارس الملثم said...

المشكله اننا شعب بيعشق الفوضي ,بنتبع اسلوب المولد في كل حاجه , وعقلية الطابور ومين يبقي اول الطابور موجوده في كل مكان وفي اي تجمع للناس يمكن تصوره

سبحات الله بتلاقي العيل يتولد من دول واهله يدوه دروس في الفوضي وعدم احترام النظام

تحياتي
محمد

حنين القلب said...

والله يا ابى عندك حق
بجد الاهمال وقله النظافه بقت علامه مميزة لبلدنا مفيش حد بيخاف على حد
ولا ولاحده تقول حرام اسيب اولادى واهو علشان الزحمه والمظهر الحضارى ولا واحد يقول ابطل معاكسه البنات علشان شكلنا ادام الاجانب يكون كويس
لالالالا كل واحد بيفكر فى نفسه واياك تتحرق البلد ولا هامه حد
بقولك ايه ادعى عليهم وانا هاجى اقعد جانبك ادعى معاكى
سلام يا سكرة

بنوته مصرية said...

والله عندك حق

الناس بقيت بتروح تتفسح في كارفور

كويس انه مفهوش نافورة كانت الناس صيفت هناك كمان

انتي كدا بقي بتقولي اني مروحش ونور معايا

لا هاخدها انا بروح مخصوص علشان تلعب في الملاهي ولما بتخلص بخليها في العربية ومش بنزلها وكمان نور دي مش قادره اقولك






نسسسسسسسسسسسسسسسمه خاااااااااالص
هو انتي تايهه عنها ولا ايه

مطرح ما بتحطيها بتلاقيها

ههههههههههههه

بوست جميل يا ابي بتنجان هانم مرور
ههههههههههه

صباااحو يا قمرر

بنوته مصرية said...

نسيت اقولك يا قمر

ممكن تكتبيلي اهداء علي القاموس

اصل محمود واقف علي باب الكوكب بيبيعه بي 5 جندي

((^_^))

الربان said...

تحياتي

سبحان الله...نفس الشيء حين ازور كارفور المعادي...احيانا اهرب واروح كارفور طريق مصر اسكندرية الصحراوي

الناس بياخدوا كارفور و سبينس كانها فسحة....و الاولاد ممكن يلعبوا في الالعاب ...لكن احنا بينقصنا ثقافة
الشراء...

علي فكرة...كارفور هنا بيكون مزدحم ايضا...في اول الشهر...و العطلات...
لهذا ان اردت شيء ..اذهب مبكرا حوالي
9 صباحا...بيكون الناس مازالت تغط في النوم....

تحياتي و تقديري...و ان شاء الله تكوني اشتريتي الشكولا ...

fahd said...

ابي

انا اهديك تاج الشيخ طلبة

انا كنت عايز استأذنك الاول قبل ما اقول كده

هكون سعيد جدا لو اعرف اجاباتك

المتحرش بها said...

والله الواحد بيقابل رحلات فى السوبر ماركت على طول بس هنعمل ايه بس

fahd said...

ههههههههههههه

انا قرأ الموضوع

جميلة هي تعبيراتك وشقلبتك للغة

عجبتني اصلام دي

ايه يا ابي الطبقية دي مش عايزة الناس بتوع بولاق والحتت دي يرحوا كارفور

مش من نفسهم ولا ايه

وبعدين العيال احباب الله عايزة تجيبلهم كبت



صدقني احنا عندنا مشاكل كتير مش هتتحل لمجرد اننا غيرنا الحكومة

طبعا انا مع تغييرها والريس كمان لكن بقول ان ده مش بس السبب الوحيد اللي سبب في اللي بيحصل لنا

انا انتظر اجباباتك علي التاج

appy said...

ام زعبولا القله
**************
الكام جابت ليه كل حاجه هههههههههه وبعدين دول ولا بينفع معاهم تبصى ولا تشخطى دول محصنين يا امى هههههههه هستنى اللبان والمصاصه او سمحتى هههههههه نورتى يا قمر الكوكب





الشنكوتى الكبير
***************

يا سلام يا خويا انادى اه امال مش هنادى شكلك بترسم على طلاقى وبعدين فوق الكوبرى كنت عاوزة اشوف النيل الله زهقنا من سلينترو والاماكن المتنشيه بقى اعمل ايه مالها البورصهوالنيله مفيش احلى من كده ههههههههههههه وعويناتى هجاوب عندك ابقى تعالى اعرفك عليه يا هوبا

appy said...

وجهه نظرى
********
ههه يعنى عاوزنى اعمل سوبر ماركب لوحدى طيب مش هتيجى عندى ولا هبيع لك انت عارف انا بنزل اجيب حاجات الشهر مرة واحده علشان بشتغل ومش فاضيه كل يوم انما اللى بشوفه بحس الناس معسكرة هناك بجد صعب
نورت الكوكب كله





الفاتح الجعفرى
**********
انت عارف بتوع بولاق دول تبع محافظه ايه الجيزة هااااااااا هتسكت ولا اقول بقى علىالباقى يالا خلى الطوابق على بعضها
فعلا فكرة الشراء صعبه بس ساعات بتسهل على الناس حاجات كتير قوى علشان بجيب مثلا بالشهر
انما السلوكيات يا جعفرى بقت صعبه وسمعت ان هايبر وان بقى انيل اللى فى الاقاليم برضه محافظه اكتوبر ههههههههه
نورت يا زميل المعارك ياللى مش هتجيبها لبر

ليلـــــــــــــــــــــــــــــى said...

المشكلة ان موضوع كارفور ده نموذج مصغر من اللى بيحصل بره فى اى حتة فى مصر
موضوع الأطفال بقى مشكلته ان العيال مش متربية لأن أهاليهم ناقصة تربية (أنا أقصد الناس اللى بتاكل الأكل من غير متحاسب و يرموا الورق يعنى سرقة عينى عينك)

كمان دلوقت بحس ان الناس دلوقت أهم حاجة تخلف و خلاص و مش مهم أى حاجة تانية

يعنى زى ما قلتى الأجانب بيبقوا حاطين العيال فى العربية و الدنيا ظريفة

نيجى بقى للطفل المصرى قلة أدب و زن (و حطى تحت زن مليون خط)

معلش أنا بعدت شوية عن الموضوع بس عشان دى حاجة فعلا فرسانى :)))))))))

تحياتى لك و للكوكب

appy said...

حبيبه القمر
**********
لان مش نييأس يا حبوبه هقولك ليه لما نشوف غلط نحاول نصلحه عادى ايه المشكله ده المفروض
وبعدين يا قمر ما انت قمر الكوكب عندى يعنى قاعد فيه على طول بجد
نورتى يا قمر





hero
****
انا ومفروسه واحد ههههههههه احنا الاتنين على طول بنتفرس زى بعض
انت عارف المشكله فينا الادارة مش هتمشى وتقول للناس بلاش ده وعيب كده دى سلوكيات يا كابت افهمت عاد
نورت الكوكب كله

اهو ده عيبه said...

ايه العذاب ده
انتى رايحه تشترى ولا تحاربى
الظاهر فيه ناس فاكراه فسحه كده زى كوكى بارك
على فكرة احنا احسن شعب يقدر النظافه والنظام والجمال والشياكه
وده طبعا عند ام للى

سلامى يا قله يا مندسه فى السوبرماركتات

appy said...

PrInCeSS BeRy
*************

اهلا بيكى نورت ى الكوكب تانى






استاذ/صلاح
**********
ميرسى لاهتماك جدا ولا يهمك منورنى دايما

appy said...

صاحب المضيفه
**********
بس مش المفروض نسكت يعنى على البهدله دة وعدم التحضر
نورت الكوكب كله





يا عالم يا هوووووووو
**********************
تصدق كده عيب اكيد ولا انا يعنى فاهمه بس اهى كلمه جت على بالى ليه الاحراج ده بس
وبعدين فيه رجاله بتحب الشوبنج بقى غيرك يعنى

نورت الكوكب وبلاش احراج

appy said...

رئيسه حزب الاحلام
****************


لااااااااااا دى القناطر دى موضوع تانى خالص الحمد لله مروحتش ومش عاوزة اروح نورتى يا قمر





wanna b a physician
****************
ايوة سلوك الناس صح بس فيه حاجه اسمها ممكن تأخد حريتك فى مكان واماكن شيك بتجبرك على الشياكه والتصرف الكويس يعنى متوقعه لو كارفور فضل كده كل المحلات الشيك هتقفل بجد
موضعك انت كنت رايح مشوار وبتجيب اكل المفروض بقى الناس التانيه بتروح تجيب حاجات الاسبوعوكارفور مش فى البلد ولا وسطها علشان نقول اوك يتمشوا ده مشوار بعيد يبقى ده اسمه ايه ابقى روح يا دكتور وانت تفهم وجهه نظرى بأمانه
نورت يا دكتور الكوكب كله

appy said...

حدوته
********
يا سلام يعنى اتبع سياسه مبارك فى تكبير الدماغ يبقى مصر كلها هتبقى عشوائيات قريب ههههههههههههه نورت يا حدوته





وومن
-****
ميرا يا حبيبتى دول ولا نافع معاهم اى خطط مضاده فيه ناس لاجئه هناك عارفه علشان الماركت بيعمل اوفرز طول الاسبوع عااااااااا اعمل ايه بس الاطفال ولا نافع معاهم حاجه غير تضربيهم ههههههههههههه
نورتى يا ميرا

appy said...

كوارث
*******
بص المول عادى مش مشكله لان فيه كافيهات ومحلات انما المشكله السوبر ماركت بس فهمت
نورت يا كارثه متحركه انت





سومه
********
طيب عاوزين طلبات يا اوختى بليز وبعدين البوست ان عامل حادثه داخل فى شجرة هه بس البلدوزر صلحه نورتى يا قمر وميرسى والاغنيه اسبيسيال ايوكيست فور يووووووووو هههههههه

appy said...

ابوحنف
******
هو انت مش اخدت بالك من بوست سوق العبور بتاعى هتلاقيه فى الارشيف واتفرج يا سلام لما آبى تنزل سوق مفتوح والفضايح ههههههههههههههههههههه

نورت يا رئييس سوق الخضار




ايمن بدر
********
يعنى ايه انا لوحدى اللى شايفه الناس سلوكهم وحش يعنى انا مثاليه زياده ولا ايه بس عااااااااا كده يا ايمن هقدم فيك شكوى عندك

appy said...

واحده مفروسه
/**************
ايون ونسميه سوبر ماركت آبى وخرفانها بادراة واحده مفروسه
ههههههههه وبكده الاسم كفيل انه يبعد اى حد عن انه يشترى مننا

نورتى يا شريكتى العزيزة





دعاء مواجهات

**********

كان عندى امل فيه حطمتم املى فى هايبر مع انى كنت هخبط مشوار بس علشان لاروقان يالا خيرها فى غيرها هههههههههه نورتى يا دودو

appy said...

مياده مادى
**********

طول عمرى تاريخيه ههههههههههخخخخخخخخ المهم يا سيتى اللى شوفتيه علشان هو بيعمل اوفرز كتير قوى وكبيرة فالناس بتتصرف بالشكل المقرف ده فهمتى يا قمر نورتى يا سكر الكوكب




wa7ed 2ensan wnsan
*******************

كده من اولها بتتريق على خرفانى هههههههه
نورت يا محلاوى اول مرة الكوكب واضح ان المحلاويه هيحتلوا كوكبى ربنا يستر ههههههههههههه

appy said...

هيثم الدهشان

**************
ما هى دة ميزانيه الشهر يا هيثم واكل باقى الشهر اجوع يعنى ههههههههه نورت الكوكب




م/أحمد كمال
**********
ههههههههههههه بص انا اللى بيجى فى بالى بكتبه والله ساعتها على الكيبور يعنى مش برتب افكار زى ما تقول النحله والدبور يزنوا فى ساعتها وبكتب وبعدين اقعد اظبط ههههههههههه
نورت يا بشمهندس

appy said...

على اسم مصر
***********

ازيك يا قمر وحشتينى خالص يا رب تكونى بخير
نورتى يا سكر تانى






Eldebug
*********
بعد الشر عنك ههههههه ما هى دى مفأجات الرحلات الوحشه معلش تعيش وتأخد غيرها هما فاكرين كارفور ده رحله ليه بس هههههههههه
نورت الكوكب

appy said...

رامز عباس
**********
اولا بعتذر بشده بجد ليك ولبتوعالمحله كان نفسى اروح بس المشكله ان تيته كانت تعبانه ومقدرتش اتصرف
المهم يا رامز دى مش ثقافات دى بديهايات يعنى الشياكه والادب وده المفروض كمسلمين وحتى مسيحين عارفينه بس تقول ايه تقبل اعتذارى تانى
نورت ومنورنى دايماد





باب النجار
***********
اهلا بيك هنا تنور طبعا وادينالك التاشيرة ولك حق الاقامه خمس ثوانى ههههههههههههه نورت الكوكب كله

Coca said...

اصل احنا شعب بيحب اللمه والفرجه ومراجيل السبتيه
وكلمه نظام دي اصلا مش موجوده في القاموس
هو بس ناقص خطوه واحده الناس تجيب ملايات وميه ساقعه وساندوتشات ويروحو في الصيف في كارفور ويفرشوا في الارض
بدل الجنينه

Nostor Azzuro said...

المحلات كلها زحمة دلوقتى
وده معناه ان الناس معاها فلوس كتير
وعشان كده بابا حسنى بيسرقها
عشان احنا شعب مبذر ومسرف
ـــــــــــــــــــــــــــ
neo

appy said...

عايش ولكن
***********

ليه يعنى وهى الناس اللى بتشترى دى مش عايشين وليه الناس مش لاقيه لا لاقينى الحمد لله يمكن بدرجات متفاوته
وبعدين معلش السلوك والتحضر ملوش دعوه بسوبر ماركت ولا سلوك
هو واضح انك مفهمتش رسالتى ابقى روح كده كارفور ومتعملش شوبنج عادى يعنى بس اتفرج على الناس اشكالهم ومستوياتهم هتلاقى انواع كتير
نورت الكوكب





مصطفى ريان
*************
انت بتبيع الست من قبل ما تتجوزها يا ساتر على الرجاله
والله يا مصطفى اختك اللى هو انا سوابق فى السوبر ماركت كلها بجميع الفروع فعاوزة اقولك ان كارفور بيكون ارخص فى حاجات كتير علشان بيكون اوفرز غير كده عنده عدد لا محدود من الانواع والبضايع وانا استاذه فى ده ههههههههههههههه
نورت يا قمر

appy said...

الفارس الملثم
*************
الله ينور عليك يا محمد بس عارف ده دورنا احنا واعيين نقول لا لاى حد يعمل غلط بس
نورت يا قمر الكوكب






حنين القلب
*********
انا زهقت دعا امسكى المايك انتى ادعى هههههههههه نورتى يا قمر الكوكب كله

appy said...

بنوته مصريه
*************

نور دى الادب نور دى الاخلاق نور هو انتى جبتى الا نوررررررررر هههههههههه ربنا يخليها لكى انتى بس اربطيها فى العربيه من جوه وتوكلى على الله ربنا يحميها يا رب وتفرحى بيها
وبعدين توقيع ايه الا قوليلى هو القاموس ده على حساب مين الاول اصلها تفرق يا اوختى هههههههه نورتى يا قمر





الربان
*****
ونسيت الشاى الدلما طبعا دول اول حاجتين بموت فيهم ومقدرش استغنى عنهم ابدا ههههههههههههه نورت الكوكب كله

appy said...

فهد
********
شكرا على التدبيسه نردها لك فى اقرب مارينا ههههههههههههه





المتحرش بها
***********
اهلا بيكى فى عالم التدوين نورتى الكوكب

appy said...

فهد
********
دا انا علامه فى اللغه المستعربه انت متعرفش ولا ايه ههههههههههههه غير كده والله مش طبقيه بس الحاجات فى بولاق ارخص يا ابنى وهما بيجوا بغرض التجارة بس عااااااااااا وبيدوسوا على رجلى
نورت يا فهد





ليلى
*******
اهلا بيكى تانى منورة خالص والله كلامك مظبوط وده اللى مزهقنى مووووووووت
وفرسنى جدا يلا انضمى لينا فى الكوكب

appy said...

اهو ده عيبه
*********
الغطاء بتاع الزجاجه انت فينك يا عمنا ههههههههههههههه يا بنتى احنا شعب عاوز يتربى تانى بس نحط ادينا فى ادين بعض
نورتى يا دوللى





كوكا
*******

يا مسخرة يا لهوى فال الله ولا فالك يا شيخه رجعى من بقك يععععععععععع
ده يبقى باظت طيب نروح فين احنا بقى يا كوكاتى عااااااااااا
نورتى يا سكر

appy said...

Nostor Azzuro

*************
لا دى سلوكيات عندنا ومفيش حد مش بيشترى ومفيش حد مش بيأكل واذا كان بيسرق فاحنا السبب فى ده بس
نورت اول مرة الكوكب

Nostor Azzuro said...

بصى يا
APPY
مصر أجمل حاجة فى الكون
بس العيب مش فيها العيب فينا احنا
وانا وصفت حال شعب مصر فى الكلام ده
ليه كله فاكر انى أنا بكره مصر
على العموم أنا ناوى أنزل مقال فيه
تفسير لكل حاجة فى مصر
ليه بقت وحشة كده
وسلامى لولاد خالتى اللى انا مش عارفهم
ونفسى أعرفهم
وشكراً لزيارتك
ــــــــــــــــــــ
NEO

tamer.sala7 said...

طيب انتي بتقولي كارفور المعادي انا لقيت الست بتاعة بولاق دي عند كارفور الطريق الصحراوي عند البوابة

بس بصراحة مستغربتش قولت اذا كنت انا من اسكندرية وموجود يبقي اكيد هي معزورة

الطائر الحزين said...

قاسى جدا ان تظن لنفسك قدر عند اناس وتكتشف ان الامر عادى بالنسبة اليهم

ayman badr said...

أنا اللى ليا شكوى
انا ليه اسمى مش فى الفياكين الرجالى اشمعنا انا يعنى
اهىء اهىء

shayma said...

هههههههههههههههه
لا بجد عندك حق
بيبقى مورستان فعلا

بس سيبك انتى الماركتات دى متعه
بحبهم حب
:))))))))))

سلامى
:))

كلاكيت تانى وتانى said...

يا ابى يا حبيبتى انتى لو رحتى كارفور برة فاى دولة تانية او سيتى ستارز او سيتى سينتر او اى مول من سلسلة المحلات والسوبر ماركتس الشهيرة هتلاقيهم عاملين نظام واماكن مخصصة لترك الاطفال والتسوق بحرية
بس عشان الولاد برة اطفال اما اولادنا فشياطين لم نربيهم ع احترام الاماكن العامة او التعامل بأداب الطريق ولا الاحترام لأدميتهم وحقوق الغير
عشان كدة ولا هينفع حاجة هنا وكل ما سوبر ماركت جديد يفتح والرجل تزيد علية تلاقى مستواة بيقل وبيبقى محال التجول فية
ودة عكس الموجود فى باقى الالم المتحضر سوانا للأسف

Dr-hema said...

" مفيش فايدة"

د/هيما

monaliza said...

هتقوللى ايه مفيش احترام للمكان ولا للوقت ولا للناس الموجودة ولا لاى حاجة خالص
وهى دى مصر

mado80 said...

آبي

إزيك يا قمر

اولا بس قبل ما أنسي

ألف ألف ألف مبروك علي الخطوبه شوفت الصوره في مدونه الصباغ قمر يا آبي ربنا يتتم بخير إن شاء الله

ثانيا اللي إنتي بتقوليه ده بيحصل في أماكن كتير أوي أنا ما روحتش كارفور قبل كده إكمنه بعيد أوي عني فمقدرش أحكم بصراحه بس روحت سبينس اللي في سيتي ستارز أكيد عارفاه نفس اللي بتقوليه بالمللي بيحصل مش في سبينس بس لأ ده في سيتي ستارز كله

تلاقي ناس جايه كل همها إنها تتسكع وتضيع وقتها طيب ما تضيع وقتها بإحترام لأ ده تلاقيهم شغالين معاكسه في خلق الله حاجه تقرف بصراحه وتجنن في نفس الوقت

تحياتي ليكي يا آبي ومعلش علي تأخيري الدائم

رصيف نمرة خمسة said...

ههههههههههه اه غزو تتارى

انا اول واحدة بعمل غزو وبلم اصحابى وقاريبى وجيرانى واى حد اقابله فى الطريق ههه

وحشتينى يابوبو

سلام

GeHaD said...

karfor ??
انا بجيب من البقال اللي جمبنا راجل زي الفل عنده كل حا جه بس الله ما شاء الله
ابقي تعالي اتسوقي عندنا احسن من كارفور وستي ستارز والكلام الفاضي دا

appy said...

Nostor Azzuro
**************

انا عارفه والله انك بتحبها ومش بشكك فى ده سعيده بردك تانى عليا نورت الكوكب







تامر صلاح
*********
ههههههههههه لا بجد هو انتم مش عندكم يعنى فى الداونتاون ما انا رحته بس كنت بشترى عصير وانا ماشيه ههههههههههه نورت يا ابو صلاح

appy said...

اخى الطائر الحزين
************************

الاشد قسوة ان اللى قدامك يكون فاكر كده هو كمان
او ل مرة ارد على الحكمه بتاعتك
نورت الكوكب كله





ايمن بدر
*********

خلاص نؤسف على هذا العطل وتم تصليحه فى الحال
نورت الكوكب

appy said...

كلاكيت هانم
**********
طيب نعمل ايه علشان نصلح نسكت ولا نوجهه الناس يا كيكو هانم انتى نورتى الكوكب كله





داهيما
*******
ده سعد زغلول مات من الفرسه هههههههههه لا فيه لو عاوزين يا دكتور نورت الكوكب

appy said...

موناليزا
*********
العيب فينا احنا يا حبيبتى احنا اللى مبوظين شكلها وجمالها باهملنا
نورتى يا قمر





مادو
*******
الله يبارك فيك يا رب وايه الغيبه دى ربنا يكون فى عونك نورت الكوكب كله

appy said...

رصيف نمرة خمسه
*************
انتى اكتر يا حبيبتى يا رب تكونى كويسه فى الامتحانات يا رب يا جنكيز خان انتى ههههههههههههه








جهاد
*****
انا جايه استنى متقولش ينقل هههه نورت يا جهاد

محمد فوزي said...

أولا يا آبي عايز أهنيكي على خروجك سالمه من موقعة الكمين هههههها
وبعدين حد يروح يتفسح وميحلالوش يقف غير قصاد الكمين ؟!! 1

ثانيا بالنسبه بقى لموضوع النهارده
انا لاحظت من كل التعليقات إن الناس شايفه ان الناس نفسها هي اللي بتحب الفوضى وإن النظام مش من أبجديات ثقافتنا وده صحيح
بس هنا بقى عندي سؤال :
إزاي واحنا حالنا كده نطمئن 100 % ان كل ما يصدر من شكوى وتذمر عند الناس هي شكوى موضوعيه ليهم كل الحق فيها
وإن الحكومه فعلا ظالمه ومستبده ليس الا إنما احنا ميه ميه وعاملين كل
اللي علينا ؟

موضوعك جمييل أوي يا آبي

تحياتي

Z_Diva said...

loool
la wallahy bas elrak 3albasa, ana b3rf ar3bhm kways -asl o5tk m3 elatfal eaaaah, 8onyna 3alm2debien, we btakol elmtshytanyeen :D-
we eza kn 3alloban welmasasa, 3onaya leky ya5tchy inty to2mry :D

ابن حـجـر الـعـسـقـلانـى said...

أنا مش عارف مالك انتى بس و مال الشباب اللى بيعاكسوا البنات هناك .. ما كل واحد يخليه فى حاله و يسيب اللى يعاكس يعاكس .. و سيبوا الشباب يسترزق.. إوعى تفكرى إنى باتكلم من منطق اللى على راسه بطحة .. لا طبعا دى مش أخلاقى و انت عارفانى كويس

سلام بقى عشان صاحبى عايزنى أروح معاه كارفور و بيقول لى إن البنات هناك النهاردة كتير

يا عالم يا هوووووووووووو said...

لا والله ما أقصدش أي احراج
انا بهزر بس
خلاص ... خلاص مش ههزر تاني
ما تزعليش

darkskies said...

هو كل حاجة بقت زحمة فى القاهرة وهتنفجر خلاص انا كنت سايق العربية فى مدينة نصر الساعة 12 باليل و لا كانى 3 الضهر هى هى نفس الزحمة مع ان يا جدعان فى امتحانات امال هتاكلو بعض فى الاجازة

m5m said...

ألف مبروك الخطوبة

همس الاحباب said...

ههههههههه
ده من تاثير ايه بالظبط
انتى كنتى عاقلة وقاعدة جنبنا
ده الشعب المصرى بيعشق الفوضى والاستهتار وبيكره النظام والتحضر
نفس اللى حدث فى سينسبرى قعد فترة وقفل من الفوضى والخسائر المتلاحقة
ربنا يكرمنا ونحافظ على بلدنا شوية
تحياتى ليكى ولموضاعتك القيمة
خالد

قوس قزح said...

طيب اقولك على حاجة
فى سبينيس مرة سمعت واحدة بتقول لواحدة تانية تعالى شوفتى التوم المقشر ده ردت عليها و قالت لها ليه هو صوابعنا اتكسرت ده للستات المدلعة و مربية ضوافرها .. و بعدها بقى استمر الحوار على السعر العالى و الناس العبيطة اللى بتشتريه

و كان نفسى اقولهم بدام انتوا شايفين الماركت ده للناس العبط انتم هنا لييييييييه !!!

و على فكرة انا بروح الماركت بالاولاد و بيكون عذاب ليهم من حبستهم فى العربية الخاصة بالمشتريات ..و علشان كده قررت اسيبهم فى العربية بره و اجرى بسرعة اشترى حاجاتى و اخرج


اما عن الجشع فمرة شوفت واحد خارج من كارفور بخمس تليفزيونات مقاس 32 بوصة :))

هى ايه حكاية الكوكو ؟؟

واحد من البلد دى said...

على فكرة..
أنا طول عمرى عندى نظرية وباقولها فى المواضيع اللى زى دى..
عارفة إيه هى..؟؟؟
الست فى أوروبا و الدول المتقدمة
تنزل تروح شغلها و تييجى من شغلها تتغدى وتنزل تشترى فستان للسهرة اللى هيه معزومة فيها
وممكن تشتريه بالتليفون كمان-والله بدون مبالغة-وبعدين تاخد حمام(شاور)وتلبس وتنزل تعدى على صاحبتها اللى رايحة معاها البارتى..
كل ده فى يوم ..
شوفى عملت كام حاجة...
لكن إحنا بقى الستات عندنا ما شاء الله...
فيفى تقول لزيزى..تييجى تتغدى عندى يوم الجمعة..؟؟؟
ترد زيزى تقولها لألألألأ أنا يوم الجمعة مش فاضية طوووول النهار...
تسألها فيفى ..؟؟مش فاضية ليه..؟؟
ترد زيزى تقولها......................................................................رايحة أشترى جيبة.....

جتنا ستين جيبة على جيبتنا

سلاااااام

محمد فوزي said...

معلش يا آبي لسه شايف تعليقك دلوأت
بالنسبه لإقتراحك معنديش أي مانع طبعا
بالعكس ده شيء يسعدني

تحياتي يا آبي

NIDAAL PAL said...

هما الرجالة وصلوا لدرجة السنكحة ..
و ايه المصطلحات الغريبة دى
و انتى مستغربة علشان ام بتسيب اولادها و مش بتقولهم عيب يا ولاد ما تعملوش دوشة
طب اومال الام الى تسيب ابنها او بنتها الصغيرين يعدوا الشارع لوحدهم و هما معاهم و الام بتعدى بكل برود ولا كانها فى سوق الخميس او مع حبيبها على الكورنيش
بقى فيه حالة من البرود اللا متناهى يا آآبى
بوست حلو يا آآآبى
بس ارجوكى انا لما باجى اخر الموضوع مش صدق انى خلصته
صغرى ورقة الجورنال دى شوية يا آآبى لو سمحت
تحياتى
نضال

اعترافات مش ليليه said...

كلالالالالالالالام جميل و كلام معقول و لا كلام بعده
بس انا بحب اوى اروح اشترى حتى لو مش عايزه الحاجات اللى اشتريتها

الباحثة عن السعادة said...

ألف مبروك على الخطوبه وكويس ان أول تعارف بنا يكون مناسبه سعيدة
أنا كنت مع جماعه قرايبى فى كارفور السنه اللى فاتت بس بجد كان تحفه ومنظم بس ماعرفش ايه اللى حصله الا منك
ياعينى عليك ياكارفور
بس عارفه على قد ماكنت سعيده من الجمال اللى شوفته هناك الا انى كنت حزينة عشان بجد فيه ناااااااااااس عايشين اوى فى بلدنا ومش حاسين بدموع اب مش لاقى واجبه واحده لولاده

bar2ash said...

ههههههههه
البوست جميل انا فعلا بشوف مهازل في السوبر ماركتس

ربنا يهدي الجميع

wa7ed 2ensan wnsan said...

انتي بتقولي فيها المحلاويه ممكن يحتلوا الكوكب لو بتتريقي لعلمك المحلاويه اول ناس طلعوا القمر بس مكنش ليهم حظ بس هتقوليلي ازاي

هقولك ازاي لما حاج ارمسترونج الله يرحمه ويبشبش -بسمعهم بيقولوها كده الله اعلم بقى - الصخره اللي تحت راسه طلع القمر لقى ايه هناك مش لقى رمل وظلط وصخور - قولي اه او هزي راسك حتى - اهو المحلاويه هما اللي طلعوا الحاجه دي كانوا ناويين يبنوا بس ملقوش ميه ورجعوا (......) يأمر عيش

حرصي بقى عالكوكب بتاعك ويا ريت تفضيه من الميه

دعاء مواجهات said...

ازيك ياقمر

انا نزلت بوست مفاجأة لااازم تشوفى انتى وكل النااس وتقوللى رايك

تحيااتى

في حب مصر said...

خلي بالك بقى لان هنا في ابوظبي الناس صورت فيران في محلات كارفور وبقت بتقرف تروح هناك
وكمان في أماكن تاني برضه اكتشفوا حاجات مش نضيفة
انا بحذر اهو
تحياتي

appy said...

محمد فوزى
********

الله يسلمك يا رب ايون هو ده كل متفقين على نقطه واحده بس عارف اللى بيجننى ليه الناس مش بتنفذ بقى
المهم هعمل زى ما قولت لك ونشوف ايه النتيجه نورت الكوكب





ام زعبولا
*********

الاطفال احباب الله يا اوختى بقى المهم هستنى المصاصه واللبان واوسمحتى شيكولا هههههههههههههه نورتى يا ام زعبولا

appy said...

ابن حجر العسقلانى
****************
عسقول يا حبيبى دا الاخلاق عسقول هو انا جبت الا عسقول انت هتقولى اللهى ولد من اللى بيلعبوا بلاى استيشن يدخل رجلك علشان تحس بمعاناتى ههههههههههه نورت ياعسقول





يا عالم يا هووووووو
********************

ارفه والله انك بتهزر وانا قبلت هزارك عادى جدا هههههههههه وانا كمان رديت بهزار والله بس انت مش اخدت بالك الكوكب بتاعك وتهزر رى ما انت عاوز نورت الكوكب كله

appy said...

darkskies
***********
عارف القاهرة بقت فى المدرس زحمه والاجازات زحمه بحس فعلا ان الناس بتخرج كلها مع بعض فى وقت واحد علشان كده بروح شغلى وارجع القاهرة الجديدة من الان ايه ومش بحس بالزحمه بس بحسها لما اتخبط فى دماغى وانزل ياااااااااا بجد بقت صعبه
نورت يا دارك




مايهمش
*****

الله يبارك فيك يا محمد نورت الكوكب كله

appy said...

همس الاحباب
********
من انى مش بحب الفوضى يا خالد مرارتى اتفقعت واتقرفت من التصرفات الغبيه فى كل مكان الناس مش عارفه تلبس ايه فين وتمشى فين وامتى وتجيب ايه وليه حاجه زفت
نورت يا خالد





قوس قزح
*********
دوللى لسه امبارح المدير بتاعى بيقولى زمانك بتجيبى بتنجان متقور لوحده علشان احشيه قولت له ليه قالى اللى بيروحوا كارفور كده استغربت قوى بس خبطه كلمتين بس عيب اقولهم بقى هههههههههه
الكوكو يا سيتى كنت كتبت البوست بس الخط طلع مش باين فالعيال التلاته الاشرار اللى فوق دول اتريقوا عليا عجبك كده سيبانى لهم بس عدلته ههههههههههه
نورتى ووحشتينى

appy said...

واحد من البلد دى
*****************

طيب ممكن تحدد الجيبه اللى بتتكلم عنها يعنى ميكرو شانيل ولا ايه علشان نعرف مدى الوقت ههههههههههههه انتهتقولى انا الحمد لله بحدد كام محل وخلصنا هما دول ساعه ولا ساعتين بكون خلصت
نورت ومعلش سيبك من فيفى وزيزى هههههههههههههههه





محمد فوزى
*********
ميرسى يا محمد بكره هنزله ان شاء الله

appy said...

نضال
*****
بالعند فيك هطولها النك دايما بتتأخر وعقاب ليك هتقراه اربع مرات كل يوم هههههههههههههههه
عيونى يا نضال على فكرة هى بس علشان الصفحه طويله شويه
نورت يا قمر





اعترافات مش ليليه
****************

يا حبيبتى اشترى براحتك مقولتش لك بس انا بتكلم عن النظام انتى حرة محتاجه ده او لا بس النظام والنظافه نورتى الكوكب كله اول مرة

appy said...

الباحث عن السعاده
***************
اهلا بيك وميرسى خالص
بس عاوزة اقولك فيه حاجه اسمها ارزاقك ربك هو اللى بيوزعها ومين قال ان فيه ناس مش حسه بناس على فكرة كتير من اللى بيروحوا كارفور علشان يوفروا فرق فلوس من الماركت اللى جنبهم فهمت او السوق لانه زى ما انت شوفت فيه الارخص
نورت الكوكب كله ولما انت باحث عن سعاده حاطط صورة كئيبه ليه
نورت الكوكب





برقوووش
**********
اهلا بيك وربنا يهدى الشوباب والستات ونتعلم نتحضر شويه
نورت الكوكب

appy said...

wa7ed 2ensan wnsan
******************
اه لا مش بتريق خالص بس يا اخى كنت سامعه انهم طالعين يبنوا مصنع الا ده صحيح طول عمرى بحقد عليهم بسم الله ماشاء الله دماغهم جامده قوى ههههههههههههههه يا سيدى الكوكب تحت امرك بجد تنوره على طول





دعاء مواجهات
***************
عويناتى يا دودو

appy said...

فى حب مصر
********

ما هو من الزباله والقرف وعدم الاعتناء بجد امال عندنا فى مصر بقى هنلاقى ايه ديناصورات يا لهوى لا بصراحه مشوفتش ده لانى لو شوفت فأر يبقى هيغمى عليا فى ساعتها على طول وممكن والله قلبى يقف الا انا بخاف منهم قوى ربنا يستر

نورت الكوكب كله

لست أدرى said...

انتى قلتى ان الستات واخدين ولادهم بيرمو حاجات على الارض وبيعملو دوشه
وكأنهم فى رحله

طيب ده سوبر ماركت ومع ذلك غلط

امال بقى لو قلت لك
انى كنت فى رساله دكتوراه بتاعه مدرس عندى من ايام المدرسه
المهم وهو بيناقش الرساله
تلاقى برده الناس جايبين ولادهم بقى وجايبين معاهم سندوتشات وعصاير والعيال عمالين يلعبو فى القاعه وعاملين دوشه جدا

والاستاذ كان بجد متضايق جدااااااا ومش عارف يركز

تسمى انتى ده ايه؟؟

غير كده انتى قلتى الناس اللى بيرمو حاجات فى الارض

عارفه بنكون مثلا فى المواصلات والناس ترمى من الشباك

بجد بقيت بضايق

لدرجه انى كل مالاقى حد جنبى يرمى حاجه من الشباك اقولهم هاتوها احطها فى شنطتى وهرميها فى اى باسكت لما انزل

لدرجه ان شنطتى نفسها بقت باسكت والله

عارفه المشكله فى كل ده ايه

مجرد ثقافه شعب

شعب عاوز اعاده هيكله والله

اسفه على التطويل بس بجد البوست استفز جوايا كتير اوى

المـــفـــــــقــــــــوعـــــة مــرارتـهــا said...

بس مش بزمتك فسحة حلوة
انا لما اقول مش هاشتري حاجة باخرج من كارفور داعة متين جنيه وبابقي رايحة فسحة
اما عن مترو فحجاته مولعة بس جوزي بيحبه عشان فاضي وبيهش وينش وبيخلص فيه بسرعة
غلبت افهمه انه مادام فاضي كدة يبقي اكيد فيه حاجات كتير ماعلهاش سحب وهاتطلع بايظة لكن تعملي ايه في المخ الصعيدي

المـــفـــــــقــــــــوعـــــة مــرارتـهــا said...

بس مش بزمتك فسحة حلوة
انا لما اقول مش هاشتري حاجة باخرج من كارفور داعة متين جنيه وبابقي رايحة فسحة
اما عن مترو فحجاته مولعة بس جوزي بيحبه عشان فاضي وبيهش وينش وبيخلص فيه بسرعة
غلبت افهمه انه مادام فاضي كدة يبقي اكيد فيه حاجات كتير ماعلهاش سحب وهاتطلع بايظة لكن تعملي ايه في المخ الصعيدي

دكتور بهــدوء said...

ههههههههههه
كان عمرو اديب ف البرنامج بتاعه جاب حاجه ظريفه حصلت هناك اما كان الزيت والسكر رخص
اووووووووف ع دي ناس كان مستنيه
وضرب وشعلقه ف الرفوف
حلجه كده تغيظ اخر حاجه

ربنا يهدي

حلو اوي اننا نحول الاطفال الزوغيرين اللطاف الحلوين الغلسين دول سجاااده اه وبعد مانعمل كده بالعربيه ندوس فوقيهم بيغيظو بجد
وساعت اللبس بقي اما تشوفيهم وهما بيشتروا

مش حلو يا ماماااا عاااا
اسكت ياللا
حلو وهتاخده غصب عنك
مش وخده عااااا
والله مانا لابسه هاتيه والبسيه
وطراااااخ قلم ع وشه
اسكتي يا شيخه الدبور بيزن ف دماغي اهو انتي حاطاه فين ف البلوج بالظبط

بت خيخة وأى كلام said...

انا الحمد الله عندى كارفور الطريق الصحراوى
وهايبر وان عند مدخل الشيخ زايد
والاتنين موصلوش لهذه الدرجة من البشاعة

لكن كارفور المعادى
ده يتفتله بلاد
انا رحته تلات مرات او اربع مرات وبعد كدة قلت جااااااااااااى


اللى عندى كمان خير زمان
بس ده عيبه فى حاجة واحدة بس
ان دايما تلاقى عنده ماكنة الكاشير فيها عطل وبالتالى تلاقى الناس اتحمت عند المن بتاع الكاشير
الموضوع ده بقاله فترة ورغم انى نبهتهم لكن لحد دلوقتى لسة زى ما هما مش عايزين يظبطوا المكن بتاعهم

مترو من ساعة ماتجوزت مبقتش بروحه
كنت بروح فرع الهرم اقرب فرع لماما
وهو فعلا كان ومازال غالى جدا

مش قادرة اكمل التعليق
هاروح اعمل بى بى
سلام
اختك خيخة

بت خيخة وأى كلام said...

اه صحيح
ايه نظامك يوم الجمعة
شغال ولا عندك حاجات تمنعك من التجمع

بت خيخة وأى كلام said...

معلش يا ابى
والنبى اذا كنتى تعرفى الاستاذ صلاح بتاع انت تسال والكمبيوتر يجيب
اساليه هى الحلقة بتاعتى اتذاعت ولا اتكنسلت ولا ايه بالظبط

اصل انا وصيت الست الوالدة وخلتها تصحى بدرى وتظبط الراديو على البرنامج العام
وفى الاخر قالتلى مافيش حاجة جت

اللى انا فهمته ان المفروض الحلقة كانت تبقى امبارح
الله اعلم بقى اتذاعت ولا ماتذاعتش

لو تعرفى حاجة بلغينى

سلام
خيخة

الباحثة عن السعادة said...

أنا باحثه مش باحث
والصوره الكئيبه لانى لسه ببحث عن السعادة

snohe said...

مدونتك جميله
اول زياره لى
موضوع جيد وملاحظه دقيقه
شكرا

MoHaMeD HoSSaM said...

اهنا نعمل مشروع حضانة جنب السوبر ماركرات الكبيرة

دا اهنا حنلم لم

مش عايز اقولك

تسيب الطفل ساعة ب10 جنية

تسيب الطفل ساعتين 20 جنية

تسيب الطفل اليوم كله ترجع تاخد عليه طفل هدية


اي خدمة
تحياتشي

son's egypt said...

السلام عليكم
المصريينهما المصريين
فن تكسير النظام وعدم التعود عليهخ اصبحت عاده عندهم
محتاجه سنين علشان يعرفو قيمة النظام والوقت

سمية said...

والله فكرتينى بموقف حصل وانا فى السوبر ماركت هنا

انا اصلا فى السعودية

فا فضايح المصريين هنا على الملأ فى السوبرماركتات

و بذات المصريين ... اكتر ناس صوتهم عالى جدا و بيبانو اوى

الموقف ايه بقى اللى بقولك عليه
كنت رايحة السوبر ماركت و كان عامل عروض و اوفرز وهمية لقيت واحدة واقفة بتنادى على واحدة تانية معرفتها واقفة فى آخر الدنيا
ودى بتنادى بعلو حسها
" تعالى يا ام احمد ... الحقى ... الجبنة اللى عليها العرض اهيه"

و بتقولها بلكنة فزيييعة (على رأى الشنكوتى)

قولت فى عقلى ساعتها
لو لم اكن مصريا لوددت ان لا اكون مصريا قط

-------

انا هلكت من الضحك طول مانا بقرأ البوست بتاعك ده

بجد ضحكتينى وانا ماليش نفس اضحك

تحياتى ليكى حبيبى

همس said...

ههههههههههههههههههههههههه

ايه دا كلو

مالو دكان عمى عبده البقال


دا احنا حضااااااااارة يا عالم


مدونة عسل

ابقى نورينا

ana ga3an said...

يا حجة
هو الواحد لما يعوز يكلمك كلمتين كدة علي جنب
يجيبك فين و سط الهلمة دي

قوس قزح said...

هههههههههههههههههههه
طيب تصدقى لما قريت التعليقات تانى و انا فاهمة ايه الكوكو و قعت من الضحك

بس شايفة بيحبوكى ازاى و حاولوا يقروا يا حرام
عيال جدعة و الله

appy said...

لست أدرى
********

يا عينى على الدكتور واللى حصله ربنا يكون فى عونه نورتى الكوكب كله





المفقوعه مرارتها
*************
اه والله هايله تجيب الضغط والعصبى والفرسه بدرى نورتى يا قمر الكوكب كله

appy said...

دكتور بهدوء
*********

طيب مش شكلهم هيبقى حلو قوى بزمتك وهما سجاده ونعلقهم ولا شوفت التربيه الغلط والاهانه المقرفه
نورت يا دكتور الكوكب كله





بنت خيخه
*********
طيب هعزللك عندك بقى يا خوخه موافقه
اها هجيلكم بس قوليلى فين وازاى والحلقه اتذاعت واتعملت على الرشيف اسمعيها من الموقع
نورتى يا خوخه

appy said...

الباحثه عن السعاده
*****************
نؤسف لهذا العطل فى الكيبورد المتشفلحه نورتى يا قمر






snohe
****
ميرسى ليك ونورت الكوكب كله

appy said...

محمد هشام
*************
موافقه من المجلس الموقر بتاعى ههههههههههه وخرفانى كمان يالا شد حيلك ههههههههه نورت الكوكب






ابناء مصر
**********
طيب وايه الحل نعيد تقويمهم ايه المشكله ونساعد بعد نورت الكوكب كله اول مرة

appy said...

سميه
*******
يا حبيبتى ربنا يجعل ايامك كلها ضحك فى ضحك حد طايل يا قمر انتى هتقوليلى على ام احمد وسنينها ههههههههههههه نورتى يا قمر





همس
****
والله راجل محترم ماله صحيح
نورت الكوكب كله اول مرة

appy said...

انا جعان
***********
صديقى هجيلك اسيب ليك الميل مع خروف من بتوعى نورت الكوكب كله يا ابو فرح








قوس قزح
*******
انتى بتضحكى زى العيال الوحشه ماشى ليكى يوم عااااااااااااااا

Dr.Mohammed Gohary said...

موضوع ميه ميه

فل

ما حدش يقدر يتكلم فيه

بس بلاش تجيبي سيرة بولاق

ههههههههههههههههههههههههههه

اقعدي علي حرف الكوكب وادعي

بس اوعي تقعي في الفضاء الخارجي

تحياتي يا آبي

سلام بأه