بنت مصريه عاديه

من منطلق نفش الريش والتركى اللى عندى وانى بقلب على عصر الملوك والدوله العثمانيه يا فنظم نيهاهاها قولت احط صورتى
مش امورة وانا نونو هههه ماماى بتقولى انتى جايه من يومك قفشه من الحياة ومستحلفه لها هههههههههخخخخخخخ

آآآه اللقب اللى فوق ده قاله عليا مهند (الباحث عن الحقيقه ) فى تعريفه عنى
وانا موافقه عليه وحسه انه وسام شرف ليا بجد مع انه قال انه مش من السهل حد يفهمنى بس انا قلبى زى اسرار المحيط لو عرفت اسرار المحيط هتعرفنى
ولان الكلمهه كبيرة قوى بنت مصريه (زى فخر الصناعه المصريه هههههههههخخخخخخخخ
و (


البوست ده عن سؤال سألته ليه كاميليا صديقتى وصاحبه مدونة أنت فى عيونى حياتى قبل وبعد التدوين


وكمان تاج اعترافات ليليه هههههههه انا سميته كده اللى هو اذكر عشر حاجات عن نفسك

زى بالظبط ما تكون حد قفشك من قفاك وقالك انت مين يا كابتن

وقررت ادمج الاتنين ببعض علشان تعرفونى ويبقى جنيتوا على نفسكوا.



عشر حاجات عن نفسى امممممممم
1- بنت بسيطه جدا ومصريه قوى وبموت فى البلد دى وبكرهه السلبيات والتخلف فى الاراء اللى عايشينه والامثال اللى تودى فى داهيه.

2- طيبه جدا بس لما بقلب ببقى حاجه صعبه عمرى ما أذيت حد الحمد لله بس بأذى نفسى كتير او بحول غضبى فى نفسى

3- بحب الحياه جدا وطفله أخر حاجه ولما اهرب من مشاكلى اتفرج على الكارتون بجد بيأخدنى لعالم تانى وبضحك من قلبى زى الاطفال وبيبان فى ملامحى جدا بموت فى الفراشات وبحسها زى بالظبط فى كل حاجه لو اتمسكت تموت و انا كده

4-واثقه من نفسى قوى ومن قدراتى فى حاجات كتير ودى من عند ربنا ناس بتتهمنى بالغرور ويمكن علشان متمسكه بأصولى شويه وعارفه قيمتها من الفواخريه فى العريش ودى عيلتى

5- معتمده على نفسى فى حياتى بشكل نهائى واهلى ربونى على الحريه بس علمونى انها طوق حولين رقبتى يا أقدر احافظ عليه يا خنق نفسى بيه ومش بثق فى حد انه يأخد قراراتى ....فى نفس الوقت بسمع النصيحه بس محبش حد يفرض رايه عليا غير باقتناع منى

6- بحب اصحابى قوى وبدافع عنهم باستماته حتى لو غلطم هما بس بينى وبينهم بتكلم معاهم وافهمه الصح فين وبسيب لهم مطلق الحريه فى اتخاذ الخطوه الصح

7- بنجرح بسهوله قوى وخاصه انى بدى كل اللى معايا وجوايا للى قدامى من اصحاب او اهل فبيعز عليا نفسى

8- لسانى فالت منى واطول من طريق مارينا القاهرة خمستاشر مرة بس بالادب بتريق على كل حاجه حوليه وبسخر منها يمكن علشان اخفف من حدتها بس كسوفه جدا ولما حد يقولى كلمه وشى بيجيب ميت لون وببقى مش عارفه ارد وخاصه لو مجامله يبقى يا نهار الوان قوس قزح

9- لما بدى ضهرى لصديق او صديقه او حد من الاهل خانى او جرحنى مش برجع تانى علشان بيكون جيم اوفر واستنفذ كل مسامحتى ليه وملهوش لايف جديدة عندى ولان الناس بتفهما حق مكتسب فبتجرح وتقول عادى ما انا هسامح
بس مش بسيب حقى ابدا خالص ولازم اخده من غير اذيه برضه - عصبيه جدا بحب المظاهر قوى بس جنب الجوهر طبعا بس مهم جدا بالنسبه ليه الشكل العام وطريقه التعامل مبحبش حد يحرجنى بتصرف وحش بحاسب على تصرفاتى جدا

10-سهل مصالحتى جدا ومش بحب الرجاله الاغبياء واللى فاردين عضلاتهم على الفاضى والمليان لان بصراحه بقت فيه بنات بألف راجل وانا منهم هههههههههههههههخخخخخخخخخخ (شوفتوا اهو التركى نفش اهو حضر) اصرفه ازاى ههههه

حياتى قبل وبعد التدوين

انا بشتغل من تسع سنين حياتى عبارة عن شغل وبس واصحابى اللى دايما جرحنى
وكتير بتقوقع على نفسى واحط اهداف قدامى احققها والحمد لله كنت بعملها فمش عندى وقت ضايع فى الحياة كتير
بس
كان فيه حاجات بتغظنى من الناس واللى حوليه لما عرفت التدوين قولت اطلع عليهم الهلاوس والهساهس بتاعى ما هو مش معقول ضغطى يبقى زى مؤشر الساعه طالع نازل واسيب الناس هاديه

يمكن يستفيدوا من مواقفى وخاصه انى بحب المغامرة وقلبى جامد مش بخاف ولسانى فرامله بايظه على راى بابا ولا ذع قوى يعنى من الاخر مطب ههههههههه بس مش صناعى ولا اسمها مدب ما علينا

مش بعرف اجامل ومش بحب الانهزاميه ومن هنا حبيبت اقوى الناس اللى حوليه
بجد ارتباطى بالناس هنا قوى فى التدوين (مش عاطفيا لا عقليا هههههههه علشان الناس اللى بتفهم بقفاها ) وأثروا على حياتى جامد وخاصه انى كنت
متابعهم من قبل ما ادخل التدوين واول واحده بصراحه الله يرحمها بهلوله ومن مدونتها عرفت أستاذى عصفور المدينه وبعدين فرنساهانم وسوو
وكله
بقى ورا بعضه حبيت الفكرة قوى وعملت المدونه وقولت يا رب الناس تستفيد انا بس بيجيلى احباط لما احس ان فيه ناس بتعلق لمجرد اثبات حاله زى اللى اتقفشوا فى الصحراء بمخضروات يعنى انا يهمنى احرك حاجه جوا الناس ومش يعلقوا اكتر ما يستفيدوا
تقريبا الكوكب بتاعى خد كل وقتى فى الشغل وفى البيت كمان لما هترفد والصورصارات هتسكن معايا فى اليت (يعنى بالادب كل واحد اسبوع يساعدنى فى الغسيل والاكل ههههههههههخخخخخخخ)
لدرجه
ان فيه اصحابى بيتخنقوا منى بجد الكوكب وزواره بقوا كل حياتى وعقلي وتفكيري كأنهم عايشين معايا فى البيت حوليه بخفه دمهم وأرائهم وحبهم لبعض رغم وجود مشاكل بس عادى
دوبا
قالت ليه ممكن تأخدى أصحاب من النت آآه ممكن يا دوبا بس لما أقابلهم الاول علشان انا بحب على روحى ههههخخخخخ يعنى لازم اعرفهم قوى والدليل وجود كامى فوندامى فى حياتى وهى قريبه منى وسوو وقطه الصحراء ناس بحبهم ونسرين بسيونى وكتير قوى
وطبعا
فيه ناس بتعملى فيهم خير من النت ومن وراكى عقلهم مزنوق فى كعب الشوز بتاعهم الرفيع ده جدا ويتكلموا عنك وحش وكمان يطلعوا فيكى القطط الفطسه وانا بجد بندم على معرفتهم بس برجع اقول معلش على راى الاغنيه اكمنى عيونى عسليه وبتلمع فى الضى شويه ابقى خلاص خلاص بقيت جنيه تيراراااااااارر

وكمان قابلت ناس وحشه ودى كانت صدمتى فى التدوين عاملين ثوراجيه وبيحبوا البلد وهما بجد بجد نصابين بمعنى الكلمة ومش بيهمه غير مصلحتهم وكدابين جدا والحياه مصالح بس بالنسبه ليهم او معرفه بنات والرسم بيهم وتطليع اشاعات قذره عليهم
بس الحمد لله بعدت عنهم ومش عاوزة اعرفهم تانى لانهم بميت وش.


فى النهايه بجد يا ريت تكونوا بتستفيدوا من كتابتى هنا لو مش بتستفيدوا
يبقى اسيب عليكم خرفانى البمبى تنطحكوا ههههههههه وبرضه تستفيدوا قوة واقتدار وده من منطلق تيتوقراطيتى المتبعزقه فى كل مكان
على فكرة انا مش دارسه سياسه للناس اللى بتسالنى بس انا كنت بحب اقعد مع
ناس كبيرة واحشر نفسى واقعد اسالهم لدرجه انهم بيبقوا نفسهم يضربونى بالكوبيات والفنجانين اللى قدامهم اسمع منهم وبربط الحياة مع بعض واحلل المواقف بعقلي بس ومن الناس اللي حوليه عمري ما أتأثرت بكلام حد ابدا ولا جرايد سودا ولا بمبى بس بحلل كل حاجه والبركة فى النحلة والدبور اللى هيودونى فى داهية ههههههههه

محلوسه نونو ومولده من غير شعر :- لينك الكتاب بتاع علشان متضربش على قفاك للى عاوز ينزله ويقراه ويقرى ليه الفاتحه بعده ههههههههههخخخخخخخخ
http://www.fileflyer.com/view/5O4LLAW


كان معكم طفل نونو جوه تلفزيون حياه كبيرة مبقتش قادرة اتحملها آبى هانم

125 اخبط وقول رايك:

رئيس جمهوريه نفسى said...
This comment has been removed by the author.
دكتور حر said...

اجمل ما التاج

هو ان جعل كل واحد يقف قدام نفسه بدل ما يضحك عليها

واكيد انه عرف حاجات غير اللي كتبها كتير

تحياتي

Vague said...

ايه ده...
انا مش مصدق نفسي يالمبي

انا هكون التعليق رقم 3... بعد ماكنت دايما بكون بعد الميات

المهم ... هو ليه الواحد بيقعد يقول كل الحاجات الحلوة اللي فيه وبيجاهل الوحشة
انا مش بتهمك بحاجة
بس كلل اللي رده على العشر حاجات دول .. كانوا بيقولوا الحلو بس


تحياتي

appy said...

رئيس جمهوريه نفسى
====================

يا محمود انت والريس واحد واكيد انا مرحبه بيك فى كل وقت وبنقاشك كمان وطبعا انت اخويا حتى لو اسمك بعزق هههههههههخخخخخخخخ
وبرضه كسبت اول تعليق وعليك بتلاته جنيه ونص لي خخخخخههههههههه




دكتور حر
=========
اممممم عرفت اكيد وعارف بس المشكله فى الناس اللى مش عارفه ما هو يا دكتور يعنى مش لازم اقول انى واحده تنكه قوى ههههههههه واكيد مش لازم اقول انى مغامرة ورميه روحى من البلكونه
نورت يا دكتورنا الجميل

appy said...

Vague
======

ه منك يا ادم لو ركزت شويه هتشوف انى كاتبه ان لسانى طويل وده عيب طبعا وعملت لك تحديث ولا تزعل بس دايما بيبان فى كتباتى انا ايه لو ركزت كمان شويه هتفهم يا سمعلاوى وهرفع عليك قضيه اتهام باطل هههههههخخخخخخخ بس كلامى له معنيين يا قمر نورت يا ادم ومبروك عليك التعليق التالت

Nsreen Bsunee said...

حبيبه قلبي والله انتى اقرب واحده ليا عرفتها من التدوين وانتى عارفه كده كويس
:)
كل الصفات اللى انتى كتبتيها انا عارفاها من قبل ما تكتبيها بس انتى لسانك مش طويل ولا حاجه ده انتى هبله ولا بتعرفي تشتمي ولا تهزقي بس ساعات لما حد بينرفزك اوى بتغسليه بس يعني ميتقالش عليكي لسانك طويل امال انا وايمي نبقي ايه بقي
ههههههههههههههههههههههخخخخخخخخ
ده احنا نبقي صيع على كده

الطائر الحزين said...

ربنا يبارك فيك

ويضع الصواب نصب عينك

تحياتى

Vague said...

عصبيه جدا بحب المظاهر قوى بس جنب الجوهر طبعا بس مهم جدا بالنسبه ليه الشكل العام وطريقه التعامل مبحبش حد يحرجنى بتصرف وحش بحاسب على تصرفاتى جدا
---------
هههههههههههههه

انتي لسه كنتي عندي وعرفتي اني برمي كلام دبش
فمفيش زعل اكيد

بس حتى العيوب اللي انتي كاتباها بتبرريها..
انا كنت عايز العشرة عيوب
اصلي بحب قوي الواحد يقول عيوبه

فضايح بقى

3abdo me7tas said...

ايه الصور الأثرية دى بس
طيب عايزين صورة كبيرة شوية
مش يمكن يا بنتى يجيلك عريس ولا حاجه
ما هو انا برضه هخطب من الوسط البلوجرى
المهم انا مستنيكي انتى وبطتك عشان تزفونى فى الخطوبة
يلا بقى
ربنا يكرمك يا رب

fahd said...

مش عارف اقول ايه

اعتقد ان في تصنيف للمصائب زي ما في تصنيف للعجائب

ويوجد ايضا مصائب نشطه جدا
زي ما بيقول احمد خالد توفيق

اسمحي لي ان اقول انكي من احدى المصائب النشطه جدا

وربنا يستر علي البشرية

رئيس جمهوريه نفسى said...

الغاليه ابى
انا بعتزر على حذف تعليقى بس كانت قمه قله الذوق منى انى مقولش ليكى على الاقل شكرا على النداء بتاعك واعلق على البوست وطلعت زى الصعيدى القفل قلت كلمتين وجريت فبعتذر بجد
عنوان بنت بسيطه اكتر من عنوان البوست اعتقد انه تلخيص ليكى بجد انتى وقلبك الطيب وحبك لكل الى حواليكى واخلاصك لا صحابك كلهم
-----------------------
ابى الف شكر على نداءك بس معلش زى ما قلت ليكى العمليه منتهيه واحد زاد واحد يساوى خيرين كلاهم مر وبدون حل وسط
محمود

أبو خالد said...

أبنتى الغالية /آبى
قمة الشفافية
بس أختلف معاكى أنتى أرق بكتيييير
من الوصف اللى بتوصفيه لنفسك
دمتى قمة فى هذا العالم الأفتراضى

Desert cat said...

ههههههههه
عارفه بضحك ليه
اصل انتى طيبة اوى وعلى نياتك
ومن الناس اللى لما حد بيضحك فى وشهم بيبقى حبيبهم ومن جواه قلبه محروق وبيبقى عايز اى مصيبة للشخص اللى قدامه
لكن علشان انتى طيوبة وكويسه ربنا بيسترها معاكى بيكشف لك الناس دى بسرعه
وكمان حونينة جداااااا
انا لما بروح لها البيت بتاكلنى عندها والله وبتهتم بيا اكتر من ماما كمان
هههههههههههه
معلشى اصل همى على بطنى شوية

appy said...

نسرين بسيونى
=========

يا رينا ما هو طويل بالادب ش بالمتر وبطلى تقولى انى طيبه وهبله دى عاااااااااا بس برضه بحبك يا قمر انتى ربنا يخليكى ليه نورتى الدنيا





اخى العزيز/ الطائر الحزين
==========================
يا رب جميعا وميرسى ليك بس فين الحكمه هو انا كل يوم ازعق واسمع الناس صوتى والجيران يأخدوا بالهم يا نهار ملخبط

appy said...

Vague
========
أدم دبشه عاوز ايه ابقى طلع انت العيوب وقولها ههههههههه وهديك جايزة مش كفايه انى عصبيه يا راجل بلاش فضايح بقى ههههههههه



عبده محتاس
=========

لا بلاش عرسان من بلوج سبوت يا خويا والنبى مش ناقصه
مبروك وعنيه بس قولى على الميعاد ربنا يتمم لك على خير

appy said...

فهد
=======
يا نهار لو كنت فهمت حاجههى دى شتومه يا كابتن ولا كلمه كونوسه ارجو التوضيح الا خرفانى بدأت تسن سنانها وقرونها للنطح والقلل بتتهز (وش مطلع دخان)




رئيس جمهوريه نفسى
===============
ولا يهمك يا محمود والله وربنا يكرمك على كلامك انا مقدره موقفك وانت صعيدى قفل بجد ههههههههه بس اخويا مش بزعل منه ابدا ربنا يخليك

كاميليا said...

ههههههههههه

منتهى الذكاء انك تجمعى التاجين مع بعض
لانهم ببساطة تكملة لبعض
وانا مش اخدت بالى الا لما قرأت ردودك

فعلا

هى دى بالظبط
ااااابى
اعز احبابى

تحياتى وحبى
لصديقة نادرة فى هذا الزمان

رئيس جمهوريه نفسى said...

ابى
انتى زى العسل ومزه من وانتى صغيره نياهـــــــــــــــا
ربنا يخليكى يارب

appy said...

ابى العزيز/الغالى ابو خالد
========================

ميرسى ليك خالص بس ولا رقيقه ولا حاجه حتى مامتى بتقول ربنا يخليك ليه يا رب انت بس اللى عنيك وقلبك حلوين شايف الناس زيك





قطتى الحلوه
===========

ههههههههه كده يا نونا طيب انتى ورينا هحرمكم من الميراث طيب ما ربنا بيسترها اهو
المهم مش هأكلك تانى وابقى ورينى بقى هتعملى ايه هههههههههخخخخخخخخخ نورتى يا قمر

appy said...

كامى فوندامى
=============

يا حبيبى قولت خبطتين فى الراس توجع يبقى نخليهم خبطه واحده وقاعده واحده ههههههههه على كرسى الاعتراف
ربنا يخليكى ليا ربنا عالم قد ايه انتى بتخففى عنى كتير قوى



رئيس جمهوريه نفسى
===============

طيب يا محمود هفتن عليك وهجيب قلل اضربك بيها ماشى لما نشوفك بس
ههههههههه يعنى مزة حلوة هههههههههههههخخخخخخخخ فى السر بقى

الطائر الحزين said...

كيف اذا اختصمت مع القاضى فمن يحكم بيننا؟؟

وبعدين مفيش حد بيقول كل يوم حكم؟؟

fahd said...

لا بالراحه

انا مش قصدي والله

اقصد ان دي حاجه حلوه لدرجه انك متحتملهاش

زي المصريين لما بيقولوا علي حاجه حلوه دي حاجه فظيعه

ده قصدي والله

وعتقدش اني هقصد حاجه تانيه خصوصا واني بخاف من القلل اللي بتضرب في الدماغ

وجميل منك انك لم تاخذي اي رد فعل قبل ان تتأكدي


انا قلت زي ما احمد خالد توفيق بيقول
هو ليه اسلوب ساخر جميل


ربنا يكرمك والي مزيد من التوفيق

walaa said...

يا نهار ابيض يا ابى انت كاتبه مشوار حياتك
ههههههه
بس على فكره احلى حاجه عرفتها من التاجين دول انك انسانه رقيقه قوى وواضحه قوى
ودى احلى حاجه فيييك
ثانيا بقى فى موضوع عام كل ما ادخل عند حد كان مجاوب التاج
القيك كاتب انه عصبى هى البلد بقت كلها عصبيه ولا ايه
وعلى فكره انا عرفت اصدقاء من على النت واولهم كاميليا وواثقه فيها قوى وحسيت اللى انا عرفت حاجه كويسه قوى فى حياتىبالرغم من انى مش شوفتها لحد دلوقتى وانت كمان انا عرفت وعملت لك اضافه وبحبك وبتكلم معاك من خلال التدوين وبس ومش شوفتك بس بحبك
انا بقول اكتب حتى اراك ولا انت ايه رايك
كمان بقول لازم يكون عندنا ثقه شويه مع كتيير من الحذر الدنيا لسه بخيير والله لسه فى ناس كويسه ياما
انا لسه عندى الامل
تحياتى ولاء
معلش انا اسفه كتبت بوست تانى

appy said...

اخى الطائر الحزين
================

اه هو كده بقى مش انا اللى عينتك فى الكوكب هنا يبقى ده حقى معترض قدم طلب على ورق شجر او على جناح فراشه ههههههههههههه انا بطمن عليك من حكمك كل يوم ربنا يكرمك يا رب ويخليك لاولادك نورت الدنيا




فهد
=======
آه يا خويا الحمد لله طمنت قلبى اصلى خلاص كان بيقع منى فى بير وخوفت قولت مصيبه يا داهيه زغرطى ميرسى على الفهامه
وميرسى لذوقك واهلا بيك هنا فى الكوكب وخدلك خروف مشوى هديه بقى بدل ما ينطحك

اجندا حمرا said...

شكلك توتي خالص ياابي و انتي صغنونه
و نظراتك كلها كبيرياء و شموخ
:))

كل تاج و انتي بخير
سعيده اني اتعرفت اكتر علي ابي الانسانه من خلال كلامك عن نفسك و دايما بنبسط لما باجي عندك و اقري افكارك
و مرسي انك حتتيحي ليا الفرصه اني اقول لمحمود رساله
محمود انا عارفه الألم اللي سببهولك المعتوه ده مش حقولك انه سهل علي الواحد لكن حقولك ان كلنا بنحبك و عايزينك ترجع تاني محمود اللي نعرفه
تذكر يامحمود(يبقي الجبل شامخا مهما حامت حوله الطيور الجارحه)
تحياتي ليك و لابي

خبيب said...

كده ..

كل شيئن انكشفن وبان ..

---

"لسانى فالت منى واطول من طريق مارينا القاهرة خمستاشر مرة بس بالادب بتريق على كل حاجه حوليه وبسخر منها يمكن علشان اخفف من حدتها"

ربنا يُستر

---

"كسوفه جدا ولما حد يقولى كلمه وشى بيجيب ميت لون وببقى مش عارفه ارد وخاصه لو مجامله يبقى يا نهار الوان قوس قزح"

احم ..

متأكدة ؟

---

تاج جميل ، وإجابات واضحة وبسيطة

ربنا ينفع بيكي

دمتِ بخير

appy said...

ولاء
====

يا لوليتا قولت اقول كله مرة واحده واخلص يا اوختى هههههههه
باين يعنى العصبيه بقت مرض مزمن اقولك اختى بتقول عليا لما اتعصب ببقى شبه السمكه الصحيه اللى حطوها فى زيت تقليه هههههههههههههه
والله يا ولاء فيه ناس كويسه انا عارف بس بطبعى بقيت بخاف
كامى دى احلى حاجه وارق حاجه كمان نورتى يا لولو وانا كمان بحبك قوى



اجندا حمرا
=========
ميرسى ليكى على كلامك الرقيق ده
ههههه شوفتى العرق التركى
هههههههه
وانا كمان بضم صوتى لصوتك بخصوص محمود والله ربنا يهدى معلش لغايه لما يهدى نفسيته وحسبى الله ونعم الوكيل فى اللى عمل كده ربنا ينتقم منه

Doba said...

انا اخدت اصحاب حلوين قوى من النت
كتير قوى
كنت فاكرة ان الواحد لما يكبر بيتبقاله بس اصحاب زمان لكن تقريبا الوضع ده اتغير

انا قابلت ناس لو كنت خلتنى فى حياتى وزى مانا مكنتش عمرى قابلتهم بس سبحان الله ربنا رايد يدخل لكل واحد فيننا ورود جديدة فى حياته تنورها

انا بحب قوى المدونات بس انا عكسك انا بحب اقرا اكتر من انى اكتب حاجة على الرغم انهم بيقولولى اكتب بس انا بحب الدفا اللى بلاقيه وسطيكم ووسط آرائكم

ربنا يوفقك دايما يا بتعت التيتوقراطية انتى يا متواضعة

ههههههههههه

اى اى اى
اوعى الخرفان دى

اتمنى اشوفك عالنت قريب
تحياتى
هبة

alshared said...

طيب أنا كنت ناوي أبعتلك التاج ده أيه العمل بقي دلوقتي
:)

عجبتني اجاباتك بجد واضحه وصريحه قوي حتي لو قولتي أنك كلك أسرار زي المحيط
اجاباتك بتقول غير كده

ياريت يا آبى تفضلي زي ما أنتي وماتتغيرش مع الزمن ومع الاحداث

appy said...

د/ خبيب
========
استر عليا بقى يا دكتور علشان ادعيلك والنبى ههههههههه
اه والله كسوفه خالص اسال كل الناس وببقى ولخبطه انا بس على النت كده انما الحقيقه نوووووووو خالص ههههههههههههه
ميرسى ليك يا دكتور ربنا يبارك فيك نورت الكوكب




دوبا
======

ههههههههههه شوفتى يا دبدوبه بقى التيتوقراطيه بتاعى هههههههه
انا متواضعه طبعا انتى عارفانى مش عارفه اعمل ايه فى نفسى ههههههههه (وش مطلع لسانه وبيرقص حواجبينه )
نورتى يا دبدوبه

همس الاحباب said...

استاذ طفل رضيع شنيع فظيع مريع
ابى هانم
انا ممكن اسال سؤال
هو حضرتك كنتى بتتكلمى عن مين هههههههههه
انا مش شايف حاجة من اللى انتى قولتيها خالص
غير انك اجدع بنوته مصرية واطيب قلب واجرا واشجع بنوته فى الحق وجديرة بكل حب واحترام وبجد طيبة جدا ومشغولة باللى حواليكى وده شىء ممتاز جدا
اه ما انكرش انك مجنونة فى السواقة بس ده عين العقل برده والنبى بلاش قلل
لابجد انا على نفسى باعتز جدا بيكى كاخت وكصديقة قوى قوى
=====
اما بالنسبة للاستاذ / محمود اللى باتصل بيه قافل الموبيل دايما
طالما هو متابع كده احب اقوله انا زعلان منه قوى وانا اللى بقول عليه صعيدى راجل زى كده
خليت اللى يسوى واللى يسوى برده يقول عليناصعايدةخيخة
ينفع كده انا زعلان قوى
وعلى فكرة ما تنفعش تبقى ريس خالص طول ما انت كده غير اللقب
وعلى عموم وحشتنى

تحياتى ليكم كلكم
خالد

فاتيما said...

طب دلوقتى إحنا بالنهار فهل يجوز الأعترافات تبقى ليلية ؟؟!!
طيب
بس البت القمر اللى فى الصوزرة تجنن و ىخر طعامة أومال لما نشوف التطور الطبيعى بقى للسنين و نشوفها و هيا شابة جميلة بقى أنا هحضر البخور من دلوقتى
و التاج حلو قوى بس إنتى طلعتى شبهى فى حاجات و عكسى فى حاجات أنا أنهزاميى خالص بصراحة و نفسى أتعلم منك أشد حيلى شوية و أشبهك فى القلبة اللى مبتتعدلشى تانى مهما حصل ....
و اللى قولتيه عن التدوين يا آبى هو اللى بحس بيه بالظبط فى مدى التعلق بالمدونة و الناس الحلوة اللى عرفتهم عن طريقها بس حتى اللآن لم أصدم فى احد و ربنا يستر
أنتى لذيذة قوى
و تشكرات أفنظم

Abo 7anf said...

السلام عليكم

اه الشخصيه الجميله دى

بسيطه و طيبه



ربنا يوفقك

Rainbow said...

بالرغم من كلامك عن انك مش بترجعى تعرفى اللى زعلتى منه و اديتله ضهرك و انك يعنى جامدة و لسانك لحد مارينا
لكن الطيبة غالبكى فى كل كلمة قولتيها
انت طيبة اوى من جواكى و ده اللى يهم
لكن التركى دى امره سهل

انا على فكرة زيك متابعة مدونين كتير و منهم انتى و ده يمكن من 2006 و اخدت وقت طويل لحد ما قررت اعمل مدونة

صورتك جميلة بس مكشرة ليه ؟ هو انتى من يومك عاملة شريرة ؟ :)

تحياتى

واحدة مفروسة said...

appy
------
واضح من كلامك انك شخصيه......
انا مش حجامل ....بس انا استشعرت ده فى اسلوبك و ده اللى عجبنى فى الشخصيه
فيه حاجات من اللى انتى كاتباها عن نفسك باينه فى بوستاتك و تعليقاتك عند الغير و فى ردودك على التعليقات
...كل الحاجات اللى قلتيها عن نفسك كلها فى نظرى صفات جميله..اتمنى ان تكون فى او فى احد اصدقائى............و معلش قولى تانى لرئيس جمهورية نفسه...هوه ده بلظبط اللى عايزه الشخص اللى ساب تعليق بايخ عنده....فيعنى يرضيه و يقفل المدونه و يزعلنا احنا اصدقائه

appy said...

الشارد
========
لا انا سهلت عليك الموضوع خليه عندك هههههههههه مش عاوزة تانى انا ععندى اتنين تانين صدوا يا خويا ربنا يكرمك هههههههه
ميرسى لرقتك ويا رب افضل كده نورت الكوكب




همس الاحباب
=========
اعمل ايه يا خالد بطوط شقيه خالص ربنا يستر علينا
وبعدين انا اللى قولت خيخه يعنى انا مش اسوى يا بلا عليك عاااااااااا بس برضه انت اخويا ال...ولا بلاش انا اللى نخله هههههههههه ربنا يخليك ليه يا خالود ولهمس يا رب

بنوته مصرية said...

آآآبي حبيبه قلبي وحشتيني اليومين اللي فاتو

تعريفك بنفسك عجبني اووي

لو قولت اكتر من الكلام ده الناس هتفتكرني غلط ههههههه
هيقولو بنت بتعاكس بنت

انتي عارفة انا بحبك ازاي

بس اللي بخاف عليكي منه هو النحلة والدبور خايفة عليكي منهم
هههههههههه

سلام يا احلي بنت مصرية

واحدة مفروسة said...

الكلام عن الشخصية اخدنى و نسيت اقولك صورتك سكر.....تصدقى بقى انا فكره جهنميه ان كل مدون يحط صوره له و هو صغير....حتبقى ظريفه

EmY said...

انتي لسانك اطول من طريق رأس الرجاء الصالح مش بس مارينا القاهره

يعني تخبيط في لحكومه و هاتتقفشي قريب كمان شطتي في المدونين خليكي لما يستنوكي علي باب الكوكب و تاكلي عالقه لحد مايبانلك صاحب

ايه بس الطفوله البريئه دي شكلك في الصوره مايدلش انك لما تكبري هاتعملي القلق ده كلو

البوست لذيذ اوي و فكره دمج التاجين جميله

ربنا يخليكي للكوكب و يعدي البوست ده بسلام

رئـــــيسـة حزب الأحلام said...

ماشاء الله تاج اكثر من رائع
وعرفتينا فية تفاصيل كتير عنك
وبنادى معاكى على رئيس جمهورية نفسى انه يرجع للتدوين ووفقك الله

هيثم الدهشان said...

ربنا يوفقك
وتكونى دايما نوارة البلوجر
وبالنسبة لوجود ناس مش كويسة فى اللوجر فده فى اى مكان بس انا اعتقد انه الناس الكويسة كتير قوى فى البلوجر الذات يمكن لان الناس اللى انا قابلتها من اجمل الناس اللى عرفتها فى حياتى

تحياتى

الفاتح الجعفري said...

آبي
بنت مصرية تركيه بتنتمي للدولة العثمانيه
هو انتي مين بالظبط؟
بس تعرفي ان الدولة العثمانيه من اطثر الدول المحببه الي قلبي في التاريخ الاسلامي يمكن لانها اتظلمت كتير المهم علشان منقلبهاش تاريخ
هو انا عن نفسي بحس انك طيبه جدا وفي قلبك خير كتير ومش مغرورة ولامتكبره تماما حتي لما اتكلمتي عن نفسك كلام بسيط وعادي وطبيعي
ربنا يرضي عنك ويحفظك
جزاكم الله خير

مواطن مصرى نايم said...

انتى من ايام الابيض و اسود
دا انا على كده اقولك يا ابله ايبى
انا بهزر طبعا
لانى برضوا كان لي صور ابيض و اسود
يعنى انتى اللى تقولى لى يا اونكل
هههههههه
بكل بساطه و من غير كلام كتير
و تعليقا على شخصيتك
انا بحس انك بنت
جادعه
مرحة
دمها خفيف
دماغها كبيرة
مصرية بجد
ها اكمل و الا زهقتى
سلامى بقى يا ايبى
انا خلاص يمكن النهارده يكون اخر يوم لى اشوف فيه النت
سلامى ليكى
ايهئ ايهئ
eslam

Tamer Nabil said...

كلامك واضح وصريح

عارفة كل انسان جواة نوعين مميزات وعيوب

مفيش انسان كامل

على فكرة الصورة تخلى العمر يبان

الا صحيح ابيى لية البنات الاغلبية مش تحب حد يعرف عمرها

تحياتى

في حب مصر said...

السلام عليكم
آزيك يا آبي
ولا تحبي أقولك يا رحاب
كويس جدا الكلام اللي انتي كتبتيه عن نفسك بس بصراحة كان نفسي تتكلمي عن نفسك اكتر
يعني مثلا كان نفسي أعرف انت خريجة كلية ايه يا رحاب وبتشتغلي ايه وفين.

ليكي عندي مفجأة حلوة يا رحاب

ادخلي على الرابط ده وانتي تعرفي
http://www.alwasat.com.kw/Default.aspx?MgDid=54564&pageId=12

ربنا يوفقك يا ستي وتنتشري أكتر في كل وسائل الإعلام

يلا بقى انا في انتظار باقي الإجابات

بالمناسبة انتي عندك اخت اسمها رباب في كلية طب، ولا ده تشابه أسماء؟؟؟؟؟

تقبلي مروري

حمادة زيدان said...

الجميلة آبي
والله بجد هكمل معاكي اعترافاتك الليلية دي بس أنا اعترافاتي عصروية يعني بعد العصر كدة
عجبتني اوى اعترافاتك وصراحتك الجميلة , وعلى فكرة لكل زوار الكوكب البنوتة دي من أطيب البنوتات المصريات وسوري لسوء فهمي ليكي في البداية ومتسألنيش ليه

مجداوية said...

السلام عليكم

ايه الحلاوة دى

والله سلاسل دهب مجرورة من القلب اللى هو المنجم للمادة الخام انت كلامك يدخل القلب على طول يا آبى لنك بتقوليه بعفوية وخفة دم ,وما شاء الله عندك قدرة ربانية على أسر قلوب الناس
يا ريت تستغلى الهبة دى دايما لاصلاخ الناس وتحاولى تحولى الوحش منهم لانسان كويس هى يمكن العصبية التركية العريشية هى اللى بتخليكى تزهقى ,,لكن مع العرق الشركسى ده بتفضل البنت الجدعة الصرية اللى مش عادية وأنا حاسة كده انك عايزة تفورى دمى بكلمة عادية وعادى مش قولتك يا بنتى أنا جالى شلل رعاش من الكلمة دى آجى هنا ألاقيها فى العنوان !!! كده برضه يا آبى انتى مووووووش عادية ماشى مووووووش ايه ؟؟ آه ,,آه يا غلبى

أبو خالد said...

أبنتى الغالية/آبى
سلامى و تحياتى
وأنتى كما وصفتك رقيقة و أصيلة
و بنت حبوبة جدعه
أسمحى لى بنيتى أن أوجه كلمه صغيرة
من مدونتك إلى أبنى و حبيبى /محمود
رئيس جمهورية نفسه
أولا: يا محمود أنا زعلان منك على
إغلاق المدونة .
ثانيا :يا سيدى سنقف جميعا أمام الخالق و ياعثرة حظه من كان عليه حق لغيره
ثالثا:أنت كده عليك لى حق عرب ده أحنا لسه بنقول هانكون أصدقاء
تروح حضرتك تغلق المدونة .
رابعا : ياأبنى يمكنك بمنتهى البساطة
إلغاء أى تعليق
و لا تنسى يا محمود أن خير البشر
سيدنا محمد صلى الله عليه و سلم سبوه و أذوه
خامسا : الحاجة أم حضرتك أعظم و أكبر من أى الفاظ خارجة
سادسا :أحتسب أجر صبرك على الأذى عند الله .
سابعا : عد لأصحابك و حبايبك و أمسح اللى حصل فيا .
أنا أعلم أنك رجل راقى التفكير و لا تدع موقف كهذا يمنعك عن الكتابة
دمت إنسان جميل

mohand said...

بصي مش هعلق علي اي حاجه غير انا مين في دول

الكويسين ولا الوحشين ؟

يعني عايز اعرف بس رايك يهمني


تحياتي

CAIROCOMPUTER said...

الأخت العزيزه آبى
اجمل تحيه
انت فعلا جمعت احلى مافى البنت المصريه خفة الدم والدكاء والجدعنه
وعلى فكره بمناسبة الصوره صورة الطفوله احنا دعبسنا لغاية ما عثرنا على صورتك ومش صوره واحده اكتر من صوره
يمكن اكتر صوره معبره عن شخصيتك صورتك وانت شايله العلم
فاكراها؟
بالتوفيق ياابى دايما
اسرة البرنامج الأذاعى
انت تسال والكمبيوتر يجيب
موقعنا يرحب بك وبزوار مدونتك وعملنا مدونه كمان لنستمع الى افكارك وملاحظاتك وافكارهم وملاحظاتهم وتعليقاتك اللاذعه وتعليقاتهم
الموقع
http://dear.to/cairo
والمدونه
http://netonradio.blogspot.com
مش عارفين ليه بنفتكرك كل ما سمعنا اغنيه جميله جدا عندنا فى المدونه نقلناها من مدونه مش فاكر اسمها ايه
الأغنيه بتقول يعنى ايه كلمة وطن اسمعيها ياآبى بليز

bar2ash said...

مش قادر اقول حاجه غير بسم الله ماشاء الله
انا بجد مبهور من اجابتك
جميله وواقعيه
واحلي حاجه ان رجليكي لامسه الارض

ربنا يوفقك ودايما في تقدم


bar2ash

بت خيخة وأى كلام said...

طب انا معنديش تعليق
ومش عايزة زى ما انتى كاتبة اكون جاية علشان اثبت حالة وخلاص
بس بجد يا بت يا ابى
انتى دماغك بتعجبنى جدا ونضيفة
وعندك ايجابية رائعة فى تناولك لاى مشكلة بتتكلمى عنها
وانا بجد بستفيد من كلامك اللى بتكتبيه
حتى ولو كنت مش بعلق عليه

بس تعالى هنا
انتى كاتبة بقالك تسع سنين بتشتغلى
هو انتى عندك كام سنة
سؤال غتت
اوى ورخم جدا

متجاوبيش عليه
تحياتى ليكى يا ابى
اختك خيخة

الطائر الحزين said...

متى يمكن أن يستغنى الانسان عن احلامة أمام مبادئة؟؟؟؟؟؟؟؟؟؟

عبده الرايق said...

تاجين ولا اجمل
فكرتينى بالراحله بهلوله كنت بتابعها قبل ان اقوم بعمل مدونه
فعلا يا ابى انتى انسانه رائعه
ولى سؤال عندك
انتى ليكى مكتب فى الشغل ؟؟؟
ولا سلامليه زى العبد لله

صاحب المضيفة said...

الاجابات حلوة يا ابي

لكن برضو انا زعلان منك علشان نقطة انك مش بتسامحي وبتكوني جيم اوفر

الحياة بالشكل ده ممكن تكون صعبة حبيتين


لكن الباقي بجد الله ينور عليكي وبنستفيد منك دايما

سلامي وصل من بنوتة مصرية ولا ايه الاخبار ؟؟؟؟


تحياتي

نهر الحب said...

فينا اشياء مشتركة ابل
وطلعت كمان حاجات كتير
الله يوفقك يارب

انين الحزن said...

ابي



اجاباتك في الجووووووووون

جامده يعني وعسل موووووز

سلاموووز قصدي سلامانجا فيه موز فوق

وزة

امام الجيل said...

عشان بس اللى بيفهم بقفاه
:)

والله الواحد هنا بيلاقى كام مصطلح زى العسل
:)
مش بيلاقيهم فى اى حتة تانية
حصريااااا

بس اكيد طبعا بنستافد وانا البوست اللى مش بستفاد منه عند اى مدون مبعلقش عليه

تقريبا يعنى

بس ساعات مبعلقش لظروف تانية يعنى

بس اكيد مش كل التعليقات كده

بس خلاص

شمس الزناتي said...

تعرفي ان وحشني جدا التعليق هنا
و على فكرة البوست رائع جدا و اجمل ما فية الصراحة المتناهية
بس مش مستغرب
طول عمرك صريحة

يوميات فنانه مفروسه جداا said...

الله عليكي يا ابي مفيش كلام تاني يتقال والله غير انك بجد حاجه كده جامده اخر جاجه ومتشكره اوي انك زورتي مدونتي المتواضعه
تحياتي لاسلوبك وصراحتك وطريقتك وشجاعتك
وسلام

دكتور بهــدوء said...

ابي
ازيك
والله لو ع الكلام اللي مكتوب
ف ده بيقول ان انتي بجد حد هايل
وانا عارف كده م قبل كده بصراحه انا ودكتوره اجدع بنوته كنا بنجيب ف سيرتك كتير وقطعنا ف فروتك بما فيه الكفايه

يا جماعه الكبير كبير

محمود الدوح said...

انا هعلق عشان اثبت وجودى بس

تراتاتا
تراتاتا

هلعب شوية فى الكوكب بتاعك

تراتاتا

رخم انا صح


خلاص خلينا جد شوية

ايه دا هو انا واقف على صخرة ولا اية
مش تستصلحى الارض بتاع كوكبك
بدل ماهى كلها صخور وكدا يعنى

ايه دا دا انت لابسه تاجين فوق بعض
غريبة الحكاية دى

عرفت عنك حاجات كتير من البوست دا
وعرفت اتجاهل الحاجات اللى بدايقك
زى ان واحد يدخل يسيب تعليق وخلاص

عشان كدا دخلت اسيب تعليق وخلاص

هههههههههههههه
انا حاسس انك لما هتشوفينى هتقتلينى

سبهللة عالآخر said...

انتى عسولة يا ابى
بجد بحب اسلوبك
ابى انا كنت كاتبة اقتراح بخصوص زيادة الاسعر
ياريت تقريه وتقوليلى رأيك
لانه يهمنى

الفارس الملثم said...

ايه الاجابات الجامده دي ,يا ابي

لا بجد اجابتك عجبتني جدا..

باستثناء طبعا رقم عشره ممممممممم بس نفوتها المرة دي

استوقفتني عبارة قلبي زي اسرار المحيط ياه للدرجاتي ؟؟؟؟

بس بتتفرجي علي كارتون ايه ,,طبعا نوع الكارتون اللي بتحبيه بيحدد شخصيتك مممممممممم

سلام يا ابي

محمد

appy said...

فاتيما
=========
تنفع فى اى وقت يا ام يوسف ميرسى لكلامك دى بنت بتتخانق مع نفسها سيبك منها ههههههه
انا كمان نفسى تجمدى قلبك كده علشان يوسف واحنا نفرح بيكى وبيه نورتى يا احلى ام





ابو حنف
========

يا راجل دى شريرة سيبك انت انا عارفاها دى مزهقانى يا دكتور نورت يا محلاوى يا زملكاوى

Soooo said...

ايه ده؟؟؟
انا اسمي مكتوب؟؟؟
طيب
----
اولا .. انا هتكلم بصراحه
انتي بجد بجد يا اابي بنت جدعه فعلا
ساعات باحس انك زي حبيبة بنت اخويا
عسوله وعايزه تتنططي وتتشاقي وتضحكي وتعملي شغل قرود
وساعات تانيه احسك زي ماتكوني واحد .. وركزي قوي على كلمة واحد .. واحد صاحبي يعرفني من زمن
لكن الاكيد
اني سعيد جدا جدا اني لي اخت زيك
بس انتي لو خفيتي المرايات هتبقي ايييييييييه
ولا احلى من كده


ربنا يوفقك ياستي ويكرمك دنيا وآخره يارب





سلامووووووووووووز

appy said...

Rainbow
=========
مين الطيبه دى انا لاااا دا مامى بتقول عليه شريره هههههههههه
حلو بجد المدونات من زمان وانا بحبها جدا وميرسى ليكى على ذوقك يا قمر




واحده مفروسه
===========
يا حبيبه قلبى ليه الشرف انك تكونى صديقتى يا ريت بجد وربنا يخليكى ليه
اما محمود قولت له انه يقرى التعليقات عندى وربنا يسهل
ميرسى يا قمر ونورتى الدنيا

appy said...

بنوته مصريه
============
ربنا يخليكى ليه يا رودى يا رب
وبعدين متخافيش عليا منهم دولم اصحابى هههههههه نورتى يا احلى وارق رودى فى الدنيا




واحده مفروسه
=============
اه والله فكرة تصدقى بجد هايله خلينا نشوف الماضى الجميل ههههههههه

appy said...

ايمى
====

اهلا حضرة اللواء
يا عمنا قولنا مش بنخاف ولا بنترعب وبعدين اه يا ايمى انتى مش عارفه الموضوع ده بتاع المدونين طبعا مش كلهم بس انتى عارفه صح هاااااا انكرى بقى الانكار لن يفيد يا جمر
ونتعلق سوا يا قلبى ونعمل عليك على حزب وداد قلبى انا وكوكا هههههههههه





رئيسه حزب الاحلام
===============

ميرسى ليكى خالص وربنا يهدى يا رب محمود نورتى يا قمر

appy said...

هيثم الدهشان
===========

اهلا يا قمر اه فيه ناس كويسه بس مشكلتى ان اول صدمتى كانت فى النصابين هههههههههه جت كده بقى مع ان اصحابى حذرونى بس تقول ايه معلش ميرسى ليك يا هيثم ونورت الدنيا



الفاتح الجعفرى
=============
انت اخدت افراج من الجيش ولا ايه ههههههههه نورت تانى الكوكب والله
وبعدين انا كمان بحب الدوله العثمانيه بجد بحسهم ناس شيك ومحترمه وصح يا ريتهم كانوا فضلوا وبعدين انا خليط يعنى مصريه الولاده وشرقيه الطبع شويه هههههههه
والاصول عثمانيه تركيه عريشيه هههههههه اى حاجه وليه اقلبها حصه تاريخ حد طايل معلومات منك يا ابو المعارك

بجد ميرسى على كلامك ليه ربنا يكرمك

appy said...

مواطن مصرى نايم
==============
ماشى يا اسلام لولا ان اسمك غالى كنت علقتك هنا اه طنط مش عجبك واياك تقولى حاجه غير كده ههههههههه
ربنا معاك فى الامتحانات هتوحشنا بجد جدا




تامر نبيل
=========
والله اللى بيسألنى بقول على طول بس فيه نقطه محدش فاهمها عنى ان شكلى صغير جدا واى حد بيتخدع فى سنى بس والله العظيم بقول سنى الحقيقى بس مش هقوله لك ههههههههههههه نورت يا تامر

appy said...

فى حب مصر
=========

ميرسى ليك خالص بجد على اللينك بس انا بحب آبى اكتر حتى اللى عارفين اسمى الحقيقى بينادوا ليه بآبى
علشان ابن اختى اللى سمانى كده وبعدين ايه يا عمنا انت جايب ليه عريس ولا ايه ههههههههه عموما انا بشغل مديرة تنفيذيه وكمان خريجه خدمه اجتماعيه ودارسه ادارة اعمال بس كده كفايه عليك




حماده زيدان
=============
هسالك وهتجاوب ولو مقولتش هزعل منك قوى علشان انت عارف انك غالى عندى
نورت يا زيدوس يا كاتبنا القادم
معرفش مين رباب بس فيه حاجه انا عيلتى كلها واحده يعنى لو هى من الفواخريه يبقى قريبتى بس احنا كتير بس جذورنا واحده بس نورت يا قمر

appy said...

مجداويه
======

ههههههههههههه انا مش بغيظ فيكى والله بس مهند امسكى فيه هو بقى اللى قال عليه كده بجد بفرح بكلامك لما بشوفك هنا وهناك عندك بحسك حد عاقل قوى وربنا يكملك بيه
وتفضلى وسطنا على طول يا جمر ياللى مش عاتى انت




بابا/ابو خالد
=============

انا قولت لمحمود يقرى كلامك وربنا يهدى يا رب ويخليك وسطنا ولينا

appy said...

مهند
=====
يا راجل يا لهووووى عليك ده سؤال
اكيد من الكويسين طبعا الا مكنتش اخدت اللقب وحبيته وكمان مكنتش دخلت عندك ابدا ولا ارد عليك على الرغم من انك كنت عاوز تناقشنى من زمان فى حاجات وسكت عليها ههههههه باين وقعت منك
نورت يا مهند وعيب السؤال ده انا اللى مش بحبه بقوله وبعدين انت صاحب احلى لقب اطلق عليا
نورت يا جميل




CAIROCOMPUTER
===============

يا نهار ابيض انا قولت اخرتى لازوغلى بلاش تنشروا صورى فى الردايوم بقى ههههههههه فاكرة الصورة عند الصباغ طبعا الله يكرمه فضحنى على الفضائيات
بجد ميرسى خالص لذوقك ومش عارفه اقولك ايه وعارفه الاغنيه وهسمعها ان شاء الله

appy said...

bar2ash
=========

ربنا يخليك وسعيده بوجودك اخجلتم تواضعنا بجد نورت الكوكب كله




خيخه ام شيرى
==============

زى بعض يا خوخه او انا اكبر اعتقد اه انتى طبعا مش هتصدقى علشان انا شكلى صغير هههههههههههههخخخخخخخخ
ما هى دى الخدعه يا خوختى وبعدين يا بنزهير هانم مش انا قولت لكى عندى كام سنه هتستعبطى
ميرسى ليكى يا خوخه ونورتى الكوكب وربنا يخلى ليكى شيرى

appy said...

اخى الطائر الحزين
===============

تصدق سؤال جامد مش عارفه بس انا ممكن اعمل كده بجد وعملتها كتير بس مش قوى ههههههههه حلوة الحكمه اهو




مستر عبدو الرايق
===============

عندى مكتب لوحدى تيجى تقعد جنبى هههههههه او اقولك ابعت لك واحد

الطائر الحزين said...

لا أحد يفقد البصر من كثرة الظلام

ولكن نفقدة من شدة النور

لكن كثرة الظلام ممكن ان يذهب العقل

(اللى بيجى على بالى بقوله)

appy said...

صاحب المضيفه
==========

والله بعد ما بكون اديت فرص كتير فوق مما تتخيل وبيكون غصب عنى بجد

وصلنى السلام ربنا يخليك وانا بعت لك السلام انا كمان نورت يا قمر



نهر الحب
=======
مبسوطه ان فيه حاجات مشتركه بينا نورتى الكوكب وليه بتغيبى كده

appy said...

انين الحزن
========

ميرسى يا وزة الجميله نورتى الكوكب يا قمر




امام الجيل
=======
بجد ميرسى على صراحتك وميرسى ليك نورت الكوكب وابقى تعالى اديلم مصطلحين هههههههههه

محمود الدوح said...

رخامة كدا وانت بتردى على التعليقات
تعليق مش عارف طلع منين

اوعى تزعلى انا برخم
اسف
قصدى بهزر

appy said...

شمس الزناتى
=========

اهلا يا شمس نورت الكوكب تانى يا قمر
ميرسى ليك يا شمس




يوميات فنانه مفروسه
===================
انا اللى ميرسى ليكى على رقتك يا قمر انتى والشرف ليه انى بزورك

appy said...

دكتور بهدوء
==========

يا نهار ابيض احلى دكاترة فى الدنيا آآه يا فروتى يانى الا ايه فروتى دى علىاساس انى ارنب ههههههههه نورت يا دكتور وربنا يخليك انت وياسمينا الحلو




محمود الدوح
===========
يعنىانت مش راحمنى هنا ولا علىالبورصه ماشى يا دوح انت عارف يالا يا خرفانى انطحوه ههههههههه نورت يا دوح والعب عند النهر هناك بلاش الصخرة الوحشه

appy said...

سبهلله على الاخر
=================

ربنا يخليكى ميرسى لذوقك وعويناتى الاربعه اشوفها حالا مع انى عندى الضغط من الاسعار اصلا




الفارس الملثم
==========

نمرة عشرة المهمه هههههههههه عندى عموما بحب تيمون وبومبا وفعلا قلبى كده مش حد بيعرف يفهمه نورت يا محمد

appy said...

سووووو
=======

ميرسى ليك يا قمر ربنا يخليك بس يا سووو المرايات للى بيقول حاجه وهو مش قدها او بيدى لنفسه حق زياده وانت عارف انى مش كده
انا بعمل اللى بقوله وعارفه قدرتى ورحم الله امرء عرف قدر نفسه صح ولا ايه يعنى انا مش ثورجيه ولا مهللتيه انت عارف انى اللى بقدر عليه بعمله ومش بنسب لنفسى بطولات
نورت يا سوووو




محمود الدوح
==========
امشى يا واد من هنا هرش عليك ميه من المسدس بتاعى ههههههههخخخخخ

mohamed said...

أنا مبسوط جدا أنك متصالحة مع نفسك وكمان واضحة بتحبى الصح وتكرهى الغلط لكن يا ابى عملة اية فى الناس الى بقى لها بدل الشخصية الواحدة ميت الف شخصية تبدل حسب المصلحة والظروف والاهواء.
كمان أنا معاكى أن البنات دلوقتى بقوا أرجل كتير من الرجالة على الاقل عندهم مبدأ وموقف بصرف النظر صح ولا غلط على الاقل معندهمش الغرور الغبى الى بيعملة أغلب الرجال لانهم رجال بس

وهما مش عارفين ان الانسان بساوى موقف واجب وحق مش طول وعرض وفلوس

تحياتى اليكى عبر الفضاء بس والله لم تزورينى فى مدونتى هاتى معاكى كام كيلو شيكولاتة, معلش اصلى بحبها جدا, وعايز اكلها على حسابك ,
الله زعلانة لية مش أنا راجل من بتوع الايام دى
ربنا يصبرك علينا

هههههههههههه أخوكى
محمد

Miss. Sosa said...

هو اجمل حاجة عجبتني فى البوست صورتك وانتى صغنونه وكلبوظة كدا زي العسسسسسسسل

اما بالنسبة للاجابات انتي فعلا انسانه بسيطة وواضحة وتلقائية جدا فى مواضيعك وده اللي بيسهل الطريق بين وبين غيرك .. بس مش حساكي مغرورة انتى واثقة من نفسك بس

تحياتي كتيررر لاحلى فيكون فضائي

بنت الاسلام said...

في ناس بتعيش وتموت وهي ماعرفتش نفسها وما اكتشفتش مواهبها

جميل اننا لما نح نتعمق نتعمق بداخل انفسنا اولا لنكتشفها ثم نخرج منها بطاقة تتيح لنا التعامل وفهم من حولنا

جميل اننا نقدر نمميز بين الكويس والوحش

جميل كوكبك بخرفانه ودبابيره ونحله

ااقولك حاجة


انتي كلك علي بعضك نحلة تقرص اه

لكن عسلها يشفي

منورة التدوين طبعا

وطبعا بنستفيييييييد منك

ومن جراءتك

تحياتي

الربان said...

تحياتي

ياه....كتاب حياتك كتاب كبير...ههههه.

تصدقي ان الصورة التي بأعلي الموضوع
تنطبق علي شخصيتك....سامحيني انا تشرفت
بمعرفتك عن طريق ارائك في موضوعاتك و تعليقاتك لدي الاخرين...

القوة التي في نظراتك تعكس المعاملة مع الاخرين بثقة...لكن انعكاساتها الداخلية بتقول ان داخلك رقيق...و ان
تألفي و تؤلفي بسرعة...

فهمتي حاجة.....؟!!! ههههههههه.

حقيقي انت من كتاباتك كنت كونت لك صورة في ذهني...و من خلال التاج الجميل هذا تأكدت من ان الصورة 90% صح..

تشرفت و سعيد بحضرتك.

تحياتي و تقديري

somaa mahaba said...

مخاصماكى يا ايبى طب دا انا عماله بقرا عشان الاقى اسمى فى اللى انتى بتحبيهم
مش مشكله كفايه انا بحبكم
بحييكى على صراحتك
سومه_87

appy said...

mohamed
=========

ميرسى ليك تاناس دى ربنا يشفيهم بجد بشفق عليهم موووووت
واه الرجاله كده عجبك ولا لا ههههههههههههههه وحاضر هجيب لك اللى انت عاوزة



Miss. Sosa
==========

ميرسى يا قمر ربنا يخليكى ليه
يا رب موصلش لدرجه الغرور

يا رب نورتى الكوكب يا قمر

appy said...

بنت الاسلام
=========

بطوط حبيبى يا قلبى ميرسى ليكى يالا فلتى من نتف الريش يا قمر هههههههه لا ربنا يخليكى ليه يا بطوطى الحلوة ويا رب يجعلنا كلنا نستفيد من بعض




الربان
=======

ربنا يكرمك تقريبا فهمت يعنى شويه ههههههه بس الحمد لله انها واضح انها صورة كويسه شرفت الكوكب وبتنوره دايما بكلامك بجد

appy said...

اخى الطائر الحزين
=================
هو شكلى كده هحجر على كلامك واحتفظ بيه لنفسى ههههههههه تسلم ايديك





سومه
====

سورى يا قمر بس اكيد طالما بتابعك يبقى بحبك جدا وبموت فيك كمان يا مجنونه انتى نورتى الكوكب

فراشة said...

معلش يا ابي يا بنتى مش بزورك بقالي فترة بس اعذرينى والنبي لحسن الشغل اتكربس على دماغ اختك
عارفه انا فيه بعض الصفات دى واهمها الخجل بس قوليلي جه على بالي سؤال دلوقتى انتى برج ايه
؟

WhItE HeArT said...

أبي

انا جاي بثبت حاله اهو وماشي علشان متقوليش مجتش

ههههههههه

عجبني في شخصيتك بساطتها وصراحتها

واتمنالك دوما التوفيق


تحياتي

appy said...

فراشه
=====

لا يا حبيبى ولا يهمك ربنا معاكى انا برج القوس يا اوختى وابعدى عنه هههههههههه نورتى الكوكب




القلب الابيض
==========

ميرسى ليك يا جناح المعارضه بتاع الكوكب نورت

mado80 said...

آبـــــــــي

إزيك

عامله إيه يا آبي والله ليكي وحشه وما تعرفيش كوكبك وخرفانك كانوا وحشني قد إيه

أعمل إيه بقي يا آبي المركبه الفضائيه بتاعتي كانت عطلانه فمكنتش عارف أزورك

إجاباتك علي التاج حاسس إنها صادقه جدا وطالعه من جوه جوه قلبك بجد

علي فكره يا آبي أنا واحد من اللي بيستفادوا جدا من اللي بتكتبيه وبحس إنك بتكتبي حجات سابقه سنك بمراحل كبيره أوي ومدونتك بجد من أروع المدونات اللي بازورها

تحياتي ليكي يا آبي وألف تقدير لشخصك الكريم

wael said...

هي خطوه في الطريق اديني شفت صورتك وانتي صغيره ولسه مستني اشوف صورتك وانتي كبيره بس في المعتقل بأذن واحد احد
كلامك جميل وشفاف جدا
تحياتي

bar2ash said...

ازيك ابي
شخصيتك شفافه ممزوجه بخفة الدم
اجاباتك الي حد ما منطقيه وعلي فكره مش انتي بس اللي بتحبي الكارتون بس اعتقد ان ده الشيء العيالي الوحيد في حياتي

عندي هارد ديسك حوالي 80 جيجا كارتون

اتمنالك التوفيق

برقووووووووش

حـــــدوتـــــة said...

ايه الاجابات الجامدة دى
انتى لو رشحتى نفسك انا هديكى صوتى علطول

انا معاكى اننا ممكن ناخد اصحاب من النت
لان الواحد بيكون فى مدونته على حريته
وبيقول اللى هو عايزه بدون رتوش
ومفيش مصلحة بينه وبينك

سلالالالالالالالالالالالالالالالالام

mayada said...

بجد ياابي بسم الله
ماشاء الله انت جميله قوي
وعقلا جدااااااااااا
وبعدين مزه من يومك
عارفه ان مزه بدايقك هههه
انا نزلت الكتاب
وعنوانه عجبني موت

محمود الدوح said...

اتسى
كح كح كح
اتشىىى

منك لله ياللى فى بالى
مرة تقولى العب فى النهر
يطلع المية ساقعة

ومش مكفيك
لا كمان بترش عليا مية
منك لله

هههههههههههههههه

انا ضمنت موتة

mnoon said...

appy

تعرفى إنى ندمانه بجد إنى معرفش المدونه دى من زمااااان

بس إن شاء الله تتعوض

إنت بجد شخصيه جميله

بس إنت مقولتيش
بتسمعى كرتون إيه بالظبط
لما بتكونى متضايقه
منكم نستفيد
أصلى بسمع كرتون كتير
مش حب فيه دا غصب عنى

سلااااام

HERO said...

كويس والله انا استفدت كتير من الاجابات دي وعرفت حاجات كتير وباين كده منها انك بنت ب 100 راجل فعلا وواثقة من نفسك ودمك خفيف برضه

وطريقتك في تقييم الناس اللي قدامك عجبني قوي

اجابات منطقية

أحمد كجول said...

أولا ما شاء الله مدونة مميزة و مضمون فعلا متميز .....

ثانيا أدعوك لدخول مدونة الصحبة الشبابية و مشاركتنا أرائك و أفكارك بل و تعليقاتك و خاصة بموضوع

الشباب و التغيير فى مصر

أرجوك كن اجابي ولو برد لأن شرف ليا اني أشوف تعليق عندي أرجوك متحرمنيش ردك و تعليقك ,, رجاء مش أمر " يا تري حتكسفني ولا لأ " ....

و عموما ... جزاك الله خيرا علي أي حال

http://so7bah.blogspot.com/

حسن محمد توفيق said...

العزيزة

آبى اين انت خاصمتينى ولا ايه يا بلدياتى .. موضوع جميل ان يكتب الواحد عن نفسه وطبعا الاجمل ان يرى الانسان نفسه جيدا فهذا قمة التمكن والثقة بالنفس ..فى انتظارك ولك كل التحية

راجى said...

موهبتك فى ايجاد الكلمات وسهولة التعبير هايلة جدا

دكتور بيطرى said...

واخر الختام المسك تعليقى طبعا؟؟؟؟
(وكمان قابلت ناس وحشه ودى كانت صدمتى فى التدوين عاملين ثوراجيه وبيحبوا البلد وهما بجد بجد نصابين) <<<<<<<<<<<<<<<<<<<
مين هما دول بالظبط وانا اجيبلك شوية صعايدة من عيلتنا يخلوا قفاهم يقمر عيش ولا تزعلى نفسك لأن الله عز وجل فضح مثل هؤلاء فقال تعالى [ فأما الزبد فيذهب جفاء ][ و أما ما ينفع الناس فيمكث في الأرض كذلك يضرب الله الأمثال ] فاذا زال الزبد بقى الجوهر ، و الباطل لا يستطيع أن يغطي الحق أبد الابدين ، فالباطل سريع الزوال ، لانه ضد الطبيعة ، و ان الباطل لا يمتلك مؤهلات الوجود ليستمر .
تحياتى لكى ودمتى بخير وتكونى دائما بنت بلد مصرية من الرأس إلى النخاع غيورة على دينها ووطنها زى كل ولاد البلد الجدعان

adam said...

سلام لكم

حقيقي لقيتك معلّقة عند ناس كتير بزورهم

أسلوبك لفت انتباهي

قلت أزورك أشوف تدويناتك

لقيت نفسي بقول

إيفات إيفات

إنت واهد نشيط تمام

ظريف آآآمان ياربي إبليس

ربنا وفّق جهودك بنتنا


تحيات مباركات


آدم

Ahmed Al-Sabbagh said...

والله يا آبى

بامانة وبصدق

انتى من اجمل الشخصيات اللى الواحد عرفها وبيعتز بيها

وبتمنى تدوم الصداقة والاخوة

وفيكى ايجابيات كتير اوى نفسى تبقى موجودة فى بنات جيلنا

تحياتى لكى ولاصدقاء مدونتك

احمد

wanna b a physician said...

الحقيقة انا موضوع الناس ممكن تعلق لمجرد التعليق ده بس عشان يأكدوا فكرة المتابعة وعدم الانقطاع
بس عايز اقولك الدنيا كدا واللى يعيش ياما يشوف ناس تعملى فيهم خير ويعملوا هما فيكى شر وهى دى الحياة
وكل تاج وانتى طيبة

فزلوكة said...

ولإنى جاية متأخر جدا
لكن برضوا هعلق

بداية وحشتنى والله المدونة ووحشتنى دماغك وكلامك إللى زى السكر

قريت التدوينة كلها والله مش إثبات حالة يعنى
زى السكر طبعا
وشجعتينى أجاوب إعترافات ليلية دا
حاسة إنو من أصعب التاجات
دعواتك جاااااااااامد
ابتديت إمتنحانات

فليعد للدين مجده said...

شفافية وصدق وشجاعة
هذا هو تعليقي

لكنك لم تذكري لنا هدفك في الحياة

دمتي بخير

appy said...

مادو
====
حمد لله على السلامه يا راجل ميرسى ليك خالص وعلى رقه كلامك ومتغبش تانى نورت الكوكب





wael
=====
النبى شكلك كده انت اللى رايح فيه الاول وهنشوف هههههههه نورت يا دكتور

appy said...

برقوووووش
==========
اهلا بيك بحب تيمون وبومبا وبحب ليون كينج وكل الافلام اللى ليها معنى والجميله والوحش نورت الكوكب





حدوته
=====

اهلا انت فين مختفى كده نورت تانى يا قمر وفعلا صح بس تخلى بالك نورت الكوكب

appy said...

مياده
=====

ميرسى يا قمر اهو انتى اللى مزة دى بقى وبعدين اقفى واديكى فوق اسمع لكى الكتاب ههههههههههه




محمدو الدوح
==========
اللهى يجيلك هبل الخرفان واعلق على باب البورصه لينا يوم نتقابل واوريلك ميه المسدس يا دوح

appy said...

mnoon
=====
يا قمر اهلا بيكى وميرسى لرقتك خالص ويا سيتى بحب تيمون وبمبه وليون كينج وافلام الساحرات هههههههههه بجد شرفتينى وخدى خروف بمبى هديه منى ليك




hero
=====
ايووون صح كده وممكن اضرب الرجاله كمان ههههههههه لا بهزر ميرسى ليك على ذوقك

appy said...

احمد كجول
=========
اهلا بيك وميرسى خالص ان شاء الله هزورك






حسن محمد توفيق
============
لا يا استاذى خالص بس والله تايهه كده على عيونى انا جاى نورت الكوكب

appy said...

استاذى/راجى
==========

يا اااه دايما كاسفنى كده نورت الكوكب





دكتور بيطرى
=============
والله وحشتنا يا دكتور لا متخافش على اختك ما انا اديتلهم على دماغهم هو حد يقدر يبص ليه دلوقتى وصدق كلام الله عز وجل وكلامك مظبوط ربنا يكرمك يا رب وميرسى ليك خالص

appy said...

ادم
====

اهلا بيك وميرسى يا فندم بارك الله فيك واعزك يا ابن العم ههههههههههه نورت الكوكب وخد لك خروف هديه بقى وانت خارج





الريس احمد عبد العال
===================
الصباغ سابقا
ربنا يخليك ليه يا صباغوس بس النبى ما حد هيرحمك من ايدى وسنانى انت عارف وهجيب المسدس والشاليمو المرة الجايه
ههههههههههه انت من الناس اللى بعتز بيها جدا وانت عارف يا صباغوس طبعا نورت يا ابو المخاليل

appy said...

wanna b a physician
====================
اللى اقصده مش كده انهم مش بيقروا الموضوع ويدخلوا يقولك هايل وبس انا عاوزة ناس تعترض ونتناقش يمكن اكون غلط واصلح غلطى نورت يا قمر وميرسى ليك





فزلوكه
======

يا قمر وحشتينى عارفه انك كنتى مشغوله ببص عليكى على طول ويالا شدى حيلك واعترفى بقى وقوليلى اشوفها نورتى يا سكر

appy said...

فليعد للدين مجده
===================

اهلا بحضرتك والله هدفى بلدى تبقى كويسه ونعيش عيشه محترمه وربنا يرضى عنا وده اللى بحاول اعمله بس انا تقريبا حققت حاجات كتير شخصيه ومش محتاجه اكتر من كده بس ممكن حاله البلد مرتبطه بحالتى شويه نورت يا استاذنا

L.G. said...

بصراحة مع كل كلامك الحلو أهم حاجة اللينك بتاع الكتاب أشكرك بجد عليه وده حاجة مهمة جدا المفروض على الأقل الناس تقراه وتستوعبه

appy said...

ال .جى
========

حبيبى اى خدعه يالا علشان اسمع لكى ههههههههههههه

ابن مصر said...

اختى العزيزة مدونتك جميلة ورائعة واسلوبك جميل وانتى فعلا انسانة عظيمة وفقك الله وأنا مدون جديد وأرجوكى تزورى مدونتى ابن مصر http://ebnmaser.blogspot.com ويهمنى رأيك فيها وأكون شاكر

L.G. said...

مش عارفة ايه اللي جبني على البوست ده ؟ تاريخه قديم
بس تصدقي محسيتش.. فاكراه جديد وقلت انت كمان معدتيش بتزوريني زي زمان لأني كل ما بدور في تدويناتي القديمة كنت دايما بلاقيلك تعليق عندي يمكن عشان انشغلت شوية ؟
هههههه وكنت فعلا خت منك الكتاب ده
اهه شفت انا كنت معلقة عندك زهايمر ياربي
انت فين يا رحاب
تحياتي