سلام مربع ..ومثلث ..ومضلع


ازاى بقى معرفش هو كده الاول صباح الفل عليكوا كلكم بجد انا مبسوطه جدا وعندى حاله انشكاح ومتأزحه بشكل محدش متخيله طبعا كنت رايحه لا مش اجيب اومو ههههههههه حفل توقيع الكتاب بتاع مشروع وطن او مدونات مصريه للجيب بما انهم بعتوا ليه وقالوا نزلنا لكى بوست (سؤال الى من لا اعرف) وطبعا ده من حبهم فيه وكنت حسه انى هطلع من هناك على لازوغلى على طول بدون مجهود كل اللى هيعملوه هيدبسوا البوست فى البلوزه بتاعتى وخلاص قضيه جاهزة المهم رحت وكنت مرعوبه عديت على سووو وكنا عاملين مفاجأه هنحتفل بعيد ميلاد لاحن واحلى وارق انسانه فى الدنيا فاتيما ام يوسف وروحنا على البورصه سبناها وبعدين رحنا المكتبه ولقيت ابو طويله خالو احمد الصباغ طبعا اول حد قابلته كانت الحله المندسه وهى داليا اهو ده عيبه وطلعت يا دوب غطاء زجاجه ههههههههههه مش حله خالص والسكر قوى ام دم خفيف شيماء الجيزى فظيعه بجد بخفه دمه وبعدين حكايات فريده وحنين بجد بقيت اشوف الناس وعاوزة اتنطط زى الاطفال من الفرحه اللى بشوفها جواهم وحساها جوايا لما بشوفهم قدامى وكان فيه واحده قاعده بعيد رحت سلمت عليها وقالت ليه هى مين بس مش هقدر اقول بس بجد هى مدونه جميله ومكنش نازل لها حاجه بس جايه علشان تشوفنا وبقولها ميرسى ليكى انتى بالذات وبعدين قبلت سكر اللى زى السكر بجد وقالى قولى انا مين بس عرفته بسرعه مش ذكاء طبعا كلا وحاشا وفاشا لا من الصورة بتاعته ههههههههههه وبعدين الواد سوو جاب واحده زى القمر وعنيها كلها حب وحنيه يقولى مين دى قولت له هو اليوم العالمى للتخمين قولى انتى دماغى مش مركزة قالى دى فاتيما مش عارفه بجد كل اللى حسيته انى فى حضنها وفعلا بقولها انتى احن حضن فى الدنيا يا ام يوسف وبعدين المفاجأة الاكبر وبرضه سوو عملها ليها مش عارفه الواد ده ناوى على انه يجيبى هارت اتاك اليوم ده لقيته بيعرفنى بشخص آيه فى الجمال الربانى شخص تبص له تحس براحه نفسيه وهدوء لالف سنه وتحسه حاجه منك ومن جواك انا تنحت وازبهليت قالى ده بابا ابو خالد بقيت مش قادره وعنيه هتدمع بجد انا والله بشكره من كل قلبى انا كان هيوقفه هههه قصدى انه اسعدنى وجه وعلشنا كلنا وبعدين اسلام حبيبى اللى كان تايهه والحمد لله وصفت له الوصفه سهله الوصفه هايله وكان نفسه يضربنى بس سوو لحقه فى التليفون وقاله المكان فين ...عادى قولت اهزر معاه واتوهه ههههههههه وطلع والناس بتسلم علينا وهو مكسوف قولت له يعنى جيباك تقف جنبى فى كسفتى تتكسف انت ههههههههه وبعد كده جت جارتى العزيزة قوس قزح اللى بجد بشكرها من قلبى قوى لانها بصراحه جايه علشانى وعلشان تشوفنى ولسانها اللى فالت منها دى هههههههههه فظيعه بس قمر وسكر ربنا يخليكى يا ام نور والمفقوعه مرارتها طلعت فيفى حماتهاا جبارة لان البنت رقيقه موووووت بجد ورئيسه حزب الاحلام النايمه طلعت صاحيه خالص ولماضه ماسكه بيبسى كانز اكبر منها ههههههههههه بس سكر يا عينى بحسها مخضوضه على طول كده والمفاجاة اللى اتسمرت طبعا قدمها استاذ/عصفور المدينه بجد شخص ربنا يبارك فيه جميل والابتسامه مش بتفارق وشه بكل حب للناس زى ما تعودنا منه فى المدونات وسلمت من بعيد عليه وانا كلى رهبه وخوف مش عارفه ليه بس علشان اول مرة اشوفه بس هو حد جميل جدا وم/احمد كمال اللى شوفته فى الاخر وانا بقعد بعد معاناه وكنت وقعت من هدومى خلاص وبقيت شبه الكلب اللولو خالص واتبسطت بيه اوى وقالى انا صاحب مدونة رحايا العمر بس خلاص كنت جبت اخرى اسفه يا بشمهندس معرفتش ارحب بحضرتك كويس والله
وكان فيه بنوته واقفه لوحدها كده بعيد منقبه بعت العسس بتاعى اللى هى رودى بنوته مصريه بما انها جت ولزقت بنتها فى وشى ههههههه لا بجد لان نور بتحبنى فانا اخدتها ومرضيتش تروح لحد كتير كانت بتروح للناس وترجع ليا تانى هقولكم مش حب فيه بس بتعاكس اسلام هههههههههه المهم رودى راحت سالتها انتى مين قالت لها انا مدونه بتاعت الزواج روضه الحب انا رحت اسلم عليها وقولت لها انا مين بجد البنت قمه فى الرقه والاخلاق والهدوء وكانت مبسوطه قوى وانا بتعرف عليها وكنت حسه انها حضنانى وهى مساكنى من ايدى وانا شايله نور طبعا على قلبى بس بجد ربنا يبارك فيها ويكرمها على اخلاقها الحلوه وجمال روحها اللى شوفته منها وناس كتير قوى وحكايات فريده شوفتها تحسها فعلا فريده هانم كده مش عارفه ليه واوشه مكان فى القلب ناس كتيرررررررررررر لهم فى الكتاب وناس لا
بس جم يقعدوا ويتعرفوا علينا وفهد من غير الشيخ طلبه هههههههه قولت احسن بدل ما اضربه ومصطفى ريان وهانى واحمد مبارك ودكتور حر بجد وكمان صاحب المضيفه اللى عرفنى بنفسه وطلع عكس ما اتصور خالص هههههههه بس منتهى الاخلاق بجد ....عندىبنزهير ومش هقدر افتكر كل الناس بس بجد بشكرهم كلهم لانهم خلونى فرحت مرتين اول حاجه انى شوفتهم وتانى حاجه حسيت كلهم فرحانين ليه بخطوبى وكأنهم اهلى حتى اسلام يقولى كل واحد يجى يسلم يقولى خلى بالك منها الله مش بيقولك ليه خلى بالك منه اشمعنى يعنى انا هههههههههههه وزعل علشان اول توقيع على كتاب مش ليه بس انا بقوله من هنا يا اسلاام يا حبيبى انت وقعت قلبى فى رجلى من اول يوم شوفتك فيه ومن ساعاتها مش لاقين بلدوزر يشده لفوق تانى ومتزعلش منى ما انا قلبت لك الكتاب كراسه وكتبت لك فى كل حته فيه حاجه هههههههههه وابقى قابلنى اذا عرفت تقرى منه حاجه اصلا لا بجد وجودك معايا فرق كتير قوى وكلكم وجدكم معايا غير مودى والاكتتاب اللى كان عندى من الناس الوحشه ورحنا على البورصه بعدين واحتفلنا بعيد ميلاد ام يوسف فاتيما ونور بنت رودى جرت الناس وراها هههههههه من شقاوتها ربنا يحميها يا رب ويخليها لمامتها


وحبه فضايح:-
لقد قام كل من المدعو سووو والمدعو احمد عبد العال الصباغ سابقا بنسف كل مخلفات التورته ههههههههههههه وتحويلها للخلاطات الداخليه عندهم وغلبت سوو معايا فى التورته اقوله مش عاوزة دى هات دى ودى صغيرة وفى الاخر قال لاسلام ما تسكت خطيبتك يا عم قاله براحتها سيبها ههههههههههههههه وكانت اول مرة طول اليوم اسلام ينصرنى بما انه كبسنى من الاول قدام الناس بهزار طبعا
محمود الدوح صاحب مدونة احنا وهما كان بيمضى للناس على الكتاب ليه مش عارفه مع انه مش مشارك

انا بقى كان كل ما حد يقولى امضى ليه مش عارفه اكتب له ايه وكلهم سالونى عن خرفانى الناس دى غريبه هما مش كانوا شايفين وسط البلد مقفوله ازاى دا انا كنت ركنها صف تسعتاشر ههههههههههه وبيلعبوا علشان كده مشيت بسرعه علشان مينطحوش الناس
بجد بشكر كل اللى كانوا موجودين خالد همس الاحباب ؛ميرا امرأة بعقل رجل، الشاعر اللى جه من المنصورة مخصوص،يونيك البنوته الرقيقه، هيثم الدهشان ،هانى جورج،استاذنا الكبير احمد يوميات عيل مصرى، ادهم ابو اياد وده صديق لنا فلسطينى واشتريت له الكتاب على حسابى وعملت له اهداء لكل فلسطين اللى بدعى لها من قلبى ان ربنا يخلصها من اللى فيها
وكلاكيت هانم اللى هى تانى وتالت اللى جت علشانى مع انها كانت ضاربه بوز مش عارفه ليه باين خروف نطحها. وكل الناس اللى شوفتهم ومعلش نسيت الاسماء كتير علشان كنت عامله زى البيبى الفرحان قوى بوجدكم كلكم ووجود اسلام معايا وحسيت انكم عيلتى وبشكر محمود رئيس جمهوريه نفسى المحامى بتاعى اللى هيجيب ليه اعدام عند تخفيف الحكم هههههههههههههههه ووزة انين الحزن حبيبتى اللى كلمتنى فى التليفون بجد بحبكم كلكم ومبسوطه بيكم ومحدش يزعل منى لو نسيت اسماء بجد وكان نفسى ناس كتير قوى غاليه على قلبى وعقلى تكون موجوده بس مقدرة ظروفهم اكيد اللى بره مصر واللى جوه بس برضه بعيد بس بقولهم كلكم كنتم فى قلبى وعقلى

على الهامش حصل مشاده كلاميه بين حد مش عارفه هو مين اصلا وليه جه اليوم ده مع احمد مهنى اللى من ضمن المسئولين عن اصدار الكتاب بخصوص البوست بتاعه وكان ممكن الراجل يتكلم بهدوء اكتر بس فى النهايه ولا وصل لحاجه وكان احمد قدم اعتذار قبل كده عن البوست بتاع البنت المغتصب لما حتى اتكلمنا معاه مباشرة بس واضح ان كان فيه ناس مش عاوزة توقف الموضوع عند كده والمشكله انه متكلمش بموضوعيه ولا احمد رد الا بالاعتذار علشان فيه تعبرات خانته فى الموضع لما كان بيكتبه ووضح لنا انه راح بلغ الشرطه بتاعت المترو وهما قالوا له هنتصرف انا بصراحه مسمعتش الحوار لانى كنت هفطس من الحر وواقفه مع اسلام بره خالص بس سمعت عن المشكله وانهم صفوها بعد الحفله من الناس اللى قعدت احمد من ضمن المجموعه الكبيرة اللى مسئوله عن الكتاب بس فى النهايه دار النشر هى اللى بتقرر ايه يتنشر وايه لا

ملحوسه نونو :- فيه صور عند الصباغ للى عاوز يشوف بس يبقى يغمض عنيه هههههههه وهو داخل مدونة خالو احمد الصباغ

كان معكم اسعد واحده فى الدنيا بجد سعيده هانم هالو آبى هانم بتنجانى المكسوفه خالص

133 اخبط وقول رايك:

محمود المصرى said...

بسم الله الرحمن الرحيم

الف مبروك وربنا يتمم بخير
واسأل الله ان يبارك لكما ويبارك عليكما ويجمع بينكما فى خير

أبو خالد said...

أبنتى الغالية/آبى
فعلا كانت من أجمل لحظات العمر أن التقى بأجمل ناس المدونين
أحسست أننا عائلة كبيرة ممتدة الجذور من الأف السنين كل من أتعرف به أحسه جزء منى ..سعيد جدا بهذا اللقاء و أتمنى أن يتكرر و يكون معنا كاميليا و فرنسا و شيرين و رندا و محمود الرئيس و كل إنسان جميل أتمنى أن أراه من هذة الأسرة الكبيرة صدقت فرنسا إنها حقا عائلة محترمة..و أخيرا و ليس بيننا أخر ،بارك الله لكم وبارك عليكم و جمع بينكم فى خير
رجاء من أب لأبنته أستوصى بأسلام خير فزوج المرأة أول أسباب دخولها الجنة فكونى بنيتى نعم الزوجه لنعم الزوج .

فاتيما said...

إيه ده ؟؟
اول مرة آجى فى الأوائل كدا
و يا فندم أنا قمر ؟؟
طب نيجى إيه جنب الشمس اللى مغطى نورها على الكل ؟؟
أنا كنت رسمالك صورة فى خيالى إنك أمورة
بس قوى قوى كدا ؟؟
أنتى أجمل كمان فى شخصيتك و روحك المرحة و طلتك
و الله كنت عاوزة أسألك على موضوع الخرفان دا بس أصلاً النور بتاعك زغلل عنيا
ميرسى يا حبيبتى على تعبك فى موضوع التورتة
و إحتفالكم الجميل بيا أنتم سيبتولى ذكرى هتفضل معايا علطول
و السنة الجاية تكونوا برضو معايا و يوسف يقف وسطكو كدا
أنا كنت طايرة من السعادة فى اليوم دا عشان شوفتكو
و إن شاء الله تتكرر اللقاءات الحلوة دى ربنا يهنيكم إنتى و إسلام
بصراحة الولد دا محسود محقود عليه
عشان خد نوراتنا و لازم طبعا كل اللى يشوفه يوصيه عليكى
إنتى حبيبتنا كلنا
و ليكى عليا كل ما أشوفك اديكى حضن فيكونى لآبى و بس
تحياتى يا حبيبة قلبى

عصفور المدينة said...

عارفة أكثر حاجة لفتت انتباهي في البوست ده إيه

ان انتي بتقولي نسيتي أسماء كثير
ده انت يا بنتي أقوى جهاز مخابرات في المدونين مشكلة

ربنا يبارك فيكي يا آبي

appy said...

محمود المصرى
===========
ربنا يكرمك يا محمود يا رب وميرسى ليك يا شيخنا وكان نفسنا تبقى موجودنورت الكوكب تانى عودا حميدا ومحمودا وابراهيما ههههههههههههههه





بابا /ابو خالد
==============

يا احن واطيب احلى اب فى الدنيا يا اعظم حاجه حصلت وسط المدونين وفرحتنا بجد سيبك بلا كتاب بلا بتاع انت وجودك غطا على الدنيا كلها انت بجد كنت النجم بتاعنا
حاضر يا بابا هو فى عنيه ربنا ميحرمنيش منك وتشهد على عقد زواجنا يا كده يا تأخدوه تانى ومش اتجوزه ههههههههههههه
نورت يا اغلى اب

appy said...

فاتيما
==========

بجد بجد انت احن حضن هو انا هسيبك يكفى لما الناس الوحشه زعلتنى واخدتنى فى حضنك يا حبيبتى والله اسلام بدأ يغير ويعقد حواجبينه 119 ومتقوليش ازاى بس عادى هنعدلهم له
والله بجد ميرسى انك جيتى وبتشكرينا ايه بس دا انتى خليتنا مبسوطين قوى خالص ويا رب يرجع يوسف ونعمل له حفله كبيرة فى مكان واسع ونعزم كل بلوج سبوت واخواته
واوعى تزعلى من البت نور دى علشان بس عارفنى علشان روحت لها الاسماعليه وزى ما قولت لكى بترسم على اسلام هههههههههه
نورتى يا حبيبة قلبى وحبيه المدونين كلهم








استاذ/عصفور المدينه
====================

بجد حضرتك من الاشخاص اللى كان نفسى اشوفهم حتى لو من بعيد وفعلا مش عارفه اقولك ايه كل كلام الدنيا مش هيعبر عن سعادتى بحضرتك ووجودك وسطنا فى الكتاب والحفله والبورصه اللى نورت بس انتم جيتم بعد ما المفرمتين كلوا التورته معلش بقى متعوضه
وانا ولا مخابرات ولا حاجه واكيد فيه ناس هتزعل علشان نسيت اسماء كتير عااااااااا بس هما هيسامحونى ان شاء الله
نورت يا استاذ وربنا يبارك فى حضرتك وميحرمناش من وجودك وسطنا يا رب

tamer.sala7 said...

يا ريتني كنت معاكم

قوس قزح said...

جارتى و صديقتى الجميلة
ربنا يسعدك يا رب دايما
انا حسة اوى بالفرحة فى كلامك و بقراه و انا على وشى ابتسامة عريضة :))

و لو روحتى كل مدونة كاتبة عن الحفلة دى هتحسى فعلا ان الناس فعلا ( الا الناس اللى عملوا المشادة الكلامية واضح ان هدفهم كان مش الحفلة و مقابلة الناس )
بس انا سعيدة جدا انى شوفتك و على فكرة انتى مش بعيد عن الخيال اللى رسمته لكى

و حاااضر يا ستى همسك لسانى شوية مع انه صعب ههههههههههههههه

مووووووووووة صباحك زى السكر

صاحب المضيفة said...

طيب انا رحت فين من شرف اني اون وسط الناس دي كلها


ماشي يا ست ابي وملحوقة بعدين

بجد كان يوم جميل ورقيق والواحد مش ان عاوز يروح الا في الاخر خالص لن اعمل ايه للظروف بقى



تحياتي

لورنس العرب said...

عملوها الوحوش

ياريتني كنت معاهم

mohammed alsha3r said...

الف مبروك
جيت متأخر شويه
مبروك لكل المدونين الاحرار

بنوته مصرية said...

وكان فيه بنوته واقفه لوحدها كده بعيد منقبه بعت العسس بتاعى اللى هى رودى بنوته مصريه بما انها جت ولزقت بنتها فى وشى ههههههه لا بجد لان نور بتحبنى فانا اخدتها ومرضيتش تروح لحد كتير كانت بتروح للناس وترجع ليا تانى هقولكم مش حب فيه بس بتعاكس اسلام هههههههههه


ههههههههههههههه
يا دي الفضايح يا بنتي البت عرفاكي وشافتك كتير وطبيعي تمسك فيكي وبيني وبينك احسن برضه علشان اعرف اسلم علي الناس
هههههههههههههههههههه

وبعدين بقي ازا كان عجبك ههههههههههه



المهم رودى راحت سالتها انتى مين قالت لها انا مدونه بتاعت الزواج روضه الحب انا رحت اسلم عليها وقولت


اصوت واقطع هدومي يا بنتي اسم المداونه بتاعتها مذكرات زوجه عاشقة

انتي اسلام خلي الربع اللي كان فاضل يطير الله يكون في عونك يا اسلام من خرفان والنحلة والدبور بتوعك يا آآبي هههههههههههههه


بجد بقي انتم الاثنين مشاء الله عليكم ليقين علي بعض ربنا يبعد عنكم العين ويوفقكم ويلا اجدعنو بقي عاوزة البس البنت الفستان الابيض علشان تمسك ليكي الشمع

اسكتي مش نور عيانه ههههههههههههههههه

ماشي يا غلسة انتي فاهمة قصدي طبعا
هههههههههههههه

بجد مبسوطة اني شوفتكم كلكم

يلا اكمل رغي علي المسنجر بقي
هههههههههههه

باي

Abo 7anf said...

السلا عليكم
هو كل مروح اذاكر ارجع واقول
مبررررررررررررررررررروك
مبرررررررررررررررررروك
مبروووووووووووووووووك
مبرررررررررررررررروك
مبررررررررررررررروك
مبرررررررررررررروك
مبررررررررررررروك
مبرررررررررررروك
مبررررررررررروك
مبررررررررروك
مبررررررروك
مبرررررروك
مبررررروك
مبرررروك
مبررروك
مبرروك

أنا قلت اكبرها المره دى علشان متقليش انى نقلها ولا حاجه
واضح انوا كان يوم هايل
المهم ان الكتاب نزل
يلا عقبال مبقى موجود وسطكوا
ويومها هتعرفونى من التشيرت الابيض ابو خطين
كان معكم زعيم القله المندسه اليمكن تفرح بكره
او يجلها هارت اتاك مصاحب بصدن ديث
سلامووووووووووووووون

كاميليا said...

الف مبروك يا اابى وعقبال حضور توقيع الكتاب الخاص بيكى يارب

والصور عند احمد الصباغ الحقيقة روعة
اتاحت فرصة للى مش حضروا انهم يشوفوا الناس اللى بيحبوهم
وفعلا زى ما قولتى فيه ناس غير توقعاتنا خالص
اجمل بكتير كمان

وصورتك عسولة خالص وجميلة
(بس فين صورة اسلام( وش بيغمز

يارب دايما متجمعين فى احلى المناسبات

تحياتى وحبى

إبـراهيم ... معـايــا said...

طبعًا نسيتي تذكري واقعة إن فيه حد اشترى كام نسخة كده من بدري بدري عشان هيمشي، ومستعجل ومعرفش إيه ،،،، وبعدين ...... ،،، ياللاالمهم إن اليوم الحمد لله كان جميييل .......... وأنا سعدت بلقاءك يا آبي، وبكل المدونين .....
.
.
وعقبال توقيع الإصدار الثاني والثالث بعون الله ...........

تحياتي الخالــــصــة

ADAM said...

السلام عليكم

مبارك عليكم الإصدار

وأرجو لكم مزيدا

من الحب والتوفيق والسعادة

وأسأل الله أن يجعل في تدويناتكم الشفا

تحياتي لك ِ ولكل المدونين اللي نشروا واللي منشروش في الإصدار


آدم

رفقة عمر said...

ابى كنت نفسى اشوفك قوى
شوفت صورتك عند مدونه خالو احمد زى العسل ربنا يبارك فيكى
بجد تغطيتكم للموضوع عوضنى عدم حضورى
ان شاء الله المرة الجايه باذن الله بس ياريت يكون فى الاستاد علشان حرام المكان كان ضيق قوى
مبرووووك ياابى

fahd said...

وانا هناك كان في عنوان كبير لتدوينة اسمه حين سقتت الاقنعة الالكترونية

انا كنت سعيد جدا باليوم

وسعيد جدا بالصدمات

طبعا كان شكلك مختلف تماما عما كونته من خلال كتاباتك

كنتي اكثر حيوية

انا كنت حاسس انه عيد بجد

كنت بروح اتعرف علي الناس وانا مش عارفهم

كنت حاسس اننا عيلة واحده اسره واحده

كان نفسي كل واحد يعلق اي دي ويكتب عليها اسم مدونته واسمه المستعار واسمه الحقيقي

كان نفسي اجيب الشيخ طلبة معايا بس هو زي ما انتي عارفه قرب يموت

Unique said...

بصوا بقى يا جماعة بعيد عن الخرفان والبتنجان .. ابي دي انسانة جميلة اوي
وزي العسل .. قد ايه انا فرحانة اني اتعرفت عليكي ربنا يكرمك يارب
بجد قضيت يوم جميل جدا مع المدونين صحيح تسللت ومشيت بدري بس كان يوم تاريخي وعقبال الاصدار المليون

المـــفـــــــقــــــــوعـــــة مــرارتـهــا said...

انا فوجئت ياآبي أن الحفلة كانت مليانة بناس كنت عاوز ةبجد اشوفهم بس ماحصلش نصيب
رغم العدد المهول اللي شفته بس فيه ناس تانية كتيرة كانت هناكوماشفتهاش
هو الكتاب التاني نازل أمتي ؟؟؟

اهو ده عيبه said...

ابى حبيبتى البتنجانى

طلعتينى فى الاخر غطا كازوزة
المهم انى فرحانه انى شفتك وشفتكم كلكم
بجد بجد كنت فرحانه قوى
كان نفسى اكمل اليوم معاكم بس انتى عارفه السفر
يادوب على ما وصلت كانت الساعه بقت واحده وانتى عارفه انا من عيله محافظة بس لسه المحافظ متعينش

سلامى ليكى يا ابى يا عسل وسلامى لاسلام وربنا يكون فى عونه :)

خبيب said...

أغبطكم كثيرا كثيرا

:)

---

بطلوا ذل ف خلق الله اللي مجوش يا عاااااااااالم

only spot said...

سلام عليكم
ابى الجميله اولا الف مبروك على الخطووبه ووالله فرحت لك جدا ويارب يتمم لك بخير ودايما سعيده وفرحانه ومبروك على السيريز بتاعه مدونات مصريه للجيب وبجد فرحت اوى ويا رب المدونين كده دايما متجمعين على الخير
خالص تحياتى وتمنياتى بالتوفيق ومتنسيش تعزمينى فى فرحك وربنا يتمم لك بالف خير يا قمر
تحياتى

GeHaD said...

ياحظكوا
كان في تورته كمان لو كنت اعرف كنت سيبت المذاكره وجيب
يالا حصل خير المره الجايه ان شاء الله اكون معاكوا

Z_Diva said...

ana r7t shoft eltaswerat 3nd elsabba3', eah ya 3am el7lawa de,3la fkra i like ur blouse, 3shan 3ndy o5tha :P -bas bt3ty bonny msh soda :P-
dalia altly in elyom kan lazeez awy weinha etbaset hnak, yalla isa dayman ya shobab, we 32bal mn7dr twkee3 ktab kl mowaten fekom :D

we mbrouk 3lik ya islam elbnya, de kamila wallahy -sra7tan knt mt5ylaky tsharod aktar mn kda ya appy :P-

ylla kfaya ra3'y b2a, babyay

أحمد كمال said...

و الله كانت فرصة كويسة جدا ، و أنا كمان كنت محتاج شوية أكسجين عشان كده ماكنتش جايب منطق .. اللي فاتني بجد بقى إني أتعرف على العريس :)

رصيف نمرة خمسة said...

ازيك ياابى

معرفش انا حسيت بكل حرف من كلامك مليان حب وحنيه كتيرة اوى للعالم الجميل عالم التدوين وانا عارفه ان كل مدون فيه حاجات جميلة اوى
ياخسارة بجد كان نفسى ابقى موجودة اشوفكوا بس خلاص شوفتك عند خالو احمد الصباغ والله قمر احلى بكتيـــــــر من صورتك فى قلبى
انا مش عارفه اقول ايه
عااااااااا عاااا
ببكى من الفرح ومش عارفه ابطل عااااا

وشوفت اسلام ولايقين على بعض موت ربنا يهنيكاو ببعض يارب

خلاص انا ارقب فرصة جميلة زى دى لازم ابقة موجودة ان شاء الله لو هسافر وعدى بحور

هتوحشينى يابوبو سلام

appy said...

تامر صلاح
========
يالا ملحوقه ان شاء الله مرة تانيه نورت الكوكب كله





قوس قزح
========
حبيبتى ايووووووون واضح انهم كده
بس لسنك خليه كده انا عاوزاكى على طول كده علشان نكمل بعضينا
وميرسى ليكي ومبسوطه انى شوفتك يا جارتى الحلوه الجدعه قوى

appy said...

صاحب المضيفه
=============
عااااااااا انا اعتذرت بس علشان النسيان وعموما كتبتك فى البوست تانى دا انا فرحتى بيك كانت كبيرة قوى ميرسى ليك والله وسعيده بمعرفتك خالص جداجدا
نورت الكوكب كله





لورانس العرب
===============

طيب مجتش ليه بس يالا متعوضه يا ريس
نورت الكوكب كله

appy said...

محمد الشاعر
===========

اهلا بيك يا شاعرنا وميرسى على تعبك لينا كلنا وكنت منور بجد






بنوته مصريه
===============

يا رودى انتى ما صدقتى تخلصى منها قرى واعترفى ههههههههه وبعدين المدونه دى غير اسم مدونتها اصل انا عارفها من زمان وبدخل عندها ومجداويه هى اللى قالت لها غير الاسم بس هى قالت لكى الاسم اللى منشور لها فى الكتاب يا عسكرى مش نافع انتى
وربنا يا رب يقوم نور حبيبة قلبى بالسلامه بجد زعلت علشانها خالص
وربنا يخليكى لينا يا احلى بنوته منكده علينا ههههههههههه
وهجيب لها الفستان على حساب اسلام ولا تزعلى هههههههههه ميرسى خالص يا حبيبه قلبى

د/أبا يحيى وادم said...

السلام عليكم ورحمه الله وبركاته
كان نفسى اكون معكم بس ظروف الامتحانات مع العمل تمنعنى هذه الايام
ان شاء الله المرات القادمه اكون معكم
والف مبروك الطوبه متاخره جدا بس معلش
انا شوفت الاستاذ اسلام وانت فى صوره لكم على مدونت الصباغ ماشاء الله ربنا يكرمكوا
ويوفقكم وياربك فيكم ونفرح فيكم اقصد بيكم قريب ان شاء الله
والسلام عليكم
أخوك
د/احمد جمال

appy said...

ابو حنف
=======
الله يبااااااااااااااارك فيك طيب بتزعق ليه بجد انا شايفه الفرحه بتتازح جواك والله خالص وكان نفسى تبقى موجود بالتى شيرت الابيض واخلى خرفانى تنطحك ههههههههه

نورت الكوكب يا زملهاوى ههههههههه





كامى فوندامى
=============

حبيبى كان ناقصك والله عقبال كتابك يا رب وتبقى وسطنا كلنا وتبقى عروسه
وبعدين سلامه الجزر الواد الصباغوس نزل صورة ليه ولاسلام ابقى شوفبيها بس هى على خوانه خالص ههههه
نورتى الكوكب يا حبيبه قلبى

لماضة said...

هههههههه
ماشي يا بوبي
كانز كان تقيلة عليا فعلا
اه والله كنت مخضوضه جدا ومكسوفه جدا جدا

wanna b a physician said...

ازيك يا اببى ومبروك يا اببى هانم على اول موضوع ليكى فى اول كتاب
ويارب دايما سعيده كدا
اه على فكرة انا طبعا ما جتش عشان كدا مش افتكرتينى ههههههههههههههه
كل سنة والمدونين طيبيب باول كتاب

الزواج.....روضة الحب said...

السلام عليكم ،أنا بجد والله مش عارفة أقوللك إيه ياآبي ،بجد كلامك الكبير دة مش مخليني عارفة أنطق خالص ،والله بجد أنا كان نفسي فعلا أحضنك ،ربنا يباركلك ويكرمك يارب ،وربنا يتمملك بخير،ويارب نشوف بعض كتيرإن شاء الله0

رئـــــيسـة حزب الأحلام said...

اية الجمال دة وصف دقيق جدا للاحتفال
والحمد لله انى طلعت صاحية
ههههههههههههههههههههههه
فى ناس بتقول على نايمه
والصراحة الفرحة عمت الكل اللى المشاركين والغير مشاركين يعنى الواحد مش مشارك بس الواحد كان طاير من الفرح انه هيشوف ناس يعرفهم بجد
وربنا يكتر افراحنا يارب امين
تحياتى لكى اختى ابى

اميره الصعيد said...

ازيك يا ابي
مبروك مرتين مره علي البوست ومره كبيييره خالص علي الخطوبه وربنا يكرمك وتعيشي عمرك كله سعاده مع الاستاذ اسلام
اما بخصوص التجمع فانا بجد مفروسه وهطق من جنابي علشان فعلا كان نفسي اكون معاكم لاني برغم الفتره القصيره اللي قضيتها في التدوين الا انه اصبح العالم الخاص بتاعي وحبيت الناس اللي فيه كلهم لكن هاقول ايه ليس كل ما يتمناه المرء يدركه اسيبك بقه علشان يسر بتبكي

HERO said...

باسم الله ماش اء الله يارب دايما متجمعين في الخير وعلى الحب والود
وان شاء الله احاول ابقى معاكوا في العدد الجاي علشان حتى اتعرف على الشخصيات الرائعة دي

تحياتي

monaliza said...

يارب تتجمعوا تانى على خير
ولو كنت موجودة كنت طبيعى هوصى اسلام عليكى عادى عنصرية بقى هههههههه
انا بجد فرحانة جدا لفرحكم كلكم وخصوصا انك قدرتى تفرحى فاتيما بالشكل ده ربنا يارب يسعدك

Ahmed Mubarak said...

ابي ابي ابي

تصدقي انا لما شفتك وسلمت عليكي مكنتش اعرف انك ابي
(جمله غير مركبه لكن مفيده)
بس انتي عامله زي سوووو بالظبط ..تتعرفوا من غير ما نكون شفناكم قبل كده .. برضو سوووو عرفته بالتخمين


وسعدت بلقائك والمدونين كتير اوي

تحياتي

shayma said...

الف الف الف مبروووووك يا ابى يا جميله بجد سعيده جدااااااااا
بس متغاظه انى معرفتش اجى
:))

سلامى يا قمر

هيثم الدهشان said...

ابى مبروك بجد كلنا فرحنالك من قلبنا ربنا يوفقك وتعلى كمان وكمان

همس الاحباب said...

اختى الغالية قوى
بجد يا ابى ربنا يكون فى عون اسلام من النحلة والدبور والخرفان والقلل
الواد بسم الله ما شاء الله هادى ومؤدب وزى الفل
بس يلا ربنا يكرمه ايخلصنا منك وخلاص
مش ملاحظة انى جاى عليكى قوى النهاردة
بس بجد انتى رائعة وروحك حلوة قوى
بس اول مرة اعرف انك خجولة قوى وشك بيحمر
بس بصراحة اليوم كان يجنن كان جميل بكل اللى فيه
ويارب كده نفرح بيكى ونعزم كل المدونين وندبحلهم كل الخرفان اللى عندك ونكسر وراهم القلل هما وماشيين
ويبقى اسلام ربنا يكرمه يخلص على النحلة والدبور
تحياتى وتقديرى
خالد

الفاتح الجعفري said...

آبي
كان يوم رائع جدا فعلا واتشرفت جدا برؤية اسلام ربنا يبارك فيه ويحفظه وكان نفسي اقعد اتكلم معاه كتير بس تتعوض ان شاء الله
وبعدين عايز اقول ان العاصمة لها رونقها غير الاقاليم تماما
صح ولا لا
وبعدين متقوليليش الجيزة والكلام ده الجيزة محافظة اثريه لها معاملة خاصة تماما من الان زيها زي الاقصر واسوان ومش عايز ابالغ واقول باريس وروما وبرلين علشان الحسد
:)
هههه
وجزاكم الله كل خير

Ahmed Al-Sabbagh said...

ابى

والله انا سعيد اوى وعندى نشوة تشبة نشوة النصر وما تسألينيش ليه

بس بجد سعيد اوى

والله انتى وسوو ونضال والدوح وخيخة ورودى والدهشان ومحمد حسام وكل المدونين بقيتوا اجمل حاجة فى حياتى

الف شكرا على اليوم الجميل
وتحياتى لإسلام

دكتور حر said...

والله فعل ايا آبي كان يوم رائع
ربنا يكرمك ويبارك لك ويخليكي يارب

بس انا لسه عارف الخبر السعيد دلوقتي
مش كنتي تعرفينا عالراجل برضه

المره الجايه بقى ان شاء الله

والف الف مبروك

HANY YASSIN said...

السلام عليكم
الف مبروك
ربنا ما يقطع ليكم عادة
تحياتى
هانى يس

د/اجدع بنوته said...

ياربى

تفضلى سعيده العمر كله

انتى بنى ادمه زى العسل وبيضا اوى

وماشاء الله فعلا

ربنا وفقك يااسلام

ربنا يوفقكم ويتمم ليكم ع خير

وتفضلوا اسعد عصافير ف الدنيا ياررب

اموااااااااااه ياحوووبه

ayman badr said...

ألف مبروك على الخطوبة وعلى توقيع الكتاب وإن شاء الله نشوفلك كتاب خاص بيكى لوحدك
على فكرة انا سمعت وانا فى الحفلة إنكم رايحين البورصة بس معرفش انه لعيد ميلاد ام يوسف (فايتما) ووالله لو كنت عارف كنت جيت ولو حتى ابات فى الشارع عشان انا مشيت الساعة 9 عشان الحق مواصلات للمنصورة
وبجد كان يوم جميل جدا جدا
وان شاء الله اشوف الناس كلها المرة الجاية

NIDAAL PAL said...

الف مبروك ياآآآبى

نوراى said...

ااااابى

الف مبروك يا قمر

بس بجد انا زعلانة منك كان نفسى اعرف علشان ابارك واهنى وابقة معاكوا فى اليوم الجميل دة

مش تقوليلى وانتى عارفة انى الفترة دى فى مصر

على العموم ملحوقة

وبجد لو فى فرصة تجمع تانى تبقى قوليلى علشان اتعرف عليكى وعلى كل الناس اللى بجد بحبهم

تحياتى والف مبروك يا قمر

نوراى

واحد من البلد دى said...

ألف مبروك الخطوبة..
وسلميلى على إسلام و عرفيه بيا..
وبعدين إيه البوست الطويل ده أن عينياوجعتنى من كتر القراءة..
إحساسك عالى جدا ربنا يكرمك و يتمم زواجك بكل خير إن شاء الله..
مع إنى كنت راسم عليكى لإبنى الكبير(فى سنة خامسة)يدوب على بال ما يكون نفسه..
لكن يظهر إن إسلام جاهز..يالا ..ربنا يوفقكوا

drpharma said...

مبروك والي الامام

funckydoctor said...

المهم استمتعى باليوم الحمد لله
اعزمونى بقل المرة الجاية :D

امام الجيل said...

هلا

ما شاء الله كان فيه كام حد كده نحلة فى الحفل
من ضمنهم حضرتك والصباغ

كان يوم جميل
واتعرفت على ناس محترمين وعساسيل جدا

وان شاء الله تتكرر مثل هذه المناسبات كثيرا

مبروك

la3lahakhier said...

مبروك يا جمر

جني said...

يا لحظكم الجميل
كان نفسي أكون معاكم
المرة الجاية وأكون في مصر إن شاء الله
تحياتي
said

يوميات فنانه مفروسه جداا said...

عااااااااااااااااااعا اهئ اهئ اهئ اااااااااااااااااااااااااعااااااااا
محدش قالي ليه يعني كنت جيبت عشان اشوفكو واشوفك يا ابي استني بقي السنه الجايه اما يطبعو كتاب تاني واشوفكو يعني ولا ايه انا زحلانه منكم كلم اكمني لسه يعني علي قدي انا كنت هتفرج عليكو بس مكحونتش هعمل حاجه والله وكنت هسمع الكلام وربنا ماشي ماشي الله يسامحك يا ابي
عاااااااااااااااهئ اهئ اهئئئئئئ

حسن محمد توفيق said...

العزيزة

آبى

شكرا لك والف مليون مبروك على هذا الحفل الجميل وعقبال الحفل القادم وان شاء الله اكون معاكم بس اوعى تتكلمى عليه انا بزعل وانت عارفه الفلاحين ملهومش فى الهزار

mayada said...

بعد مبروك ومليون مبروك علي الكتاب
متغااااااااااااااااااااااااظه
مفررررررررررررروسه
كان نفس اشوفك انت وفاتيما ومفقوعه
موت بس ان شاء الله اول اجتماع للمدونين هتلاقونيي علي قلبكم ههههههههه
وبجد انت تستهلي كل خير ياابي وربنا يسعدك

sebofy7alo said...

هىءهىء هىء .... كدة برضة مجبيش سيرتي خالص وأنا اللي كنت شايل الكاميرا الغالية الثمينة وفضلت ألف وأدور وأخد صور في الزحمة وعز الحر ومكنتش قادر أخد نفس خالص خالص
وفي الأخر أطلع من البوست بدون حمص
هىء هىء هىء

Zika said...

مبروووووك
بجد كان نفسي اجي
بس منعتني ظروف الامتحانات
وانا عمال ازعق لنفسي اني ماجتش عشان اشوف كل الناس اللي جت دي اللي اعرفهم واللي ماعرفهومش
بس ان شاء الله تتعوض في المرات الجايه
عموما الف الف مبروك علي اليوم الجميل ده وعلي الكتاب
هخلص الامتحان يوم الاربع وهنزل اشتريه علي طول
بس يارب الحقه

بحبك يامصر said...

الف مبروك يا اببى وان شاء اللله المره الجايه نكون معاكم شوفنا الصور عند الصباغ واضح انه كان يوم جميل
ومبروك ليكى انتى واسلام وربنا يتمم بالخير
تحياتى

L.G. said...

أبي
اتخطبت من ورايا يا جبانة
مبرووووووووووووووووك
ربنا يسعد أيامك ويجمع بينكم في خير ان شاء الله
هو الكتاب ده يتجاب منين قوليلي انا مكنتش فاهمه هو ايه يعني تدوينات متنوعة من كل مدونة احسن ما فيها دليني عليه
الوصف جميل قوي وربنا يجمع الناس الطيبة ديما فالمؤمنون كالبيان المرصوص يشد بعضه بعضاً

ربنا يسعدك

CrY2DaY said...

عجبنى البوست جدا

دى اول زيارة لية فى المدونة

ولكنها ليست الاخيرة

تقبلى تحياتى

عاليا حليم said...

ربنا يسعدنا كلنا و نرفح بخطواتنا الوالى فى الظهور للنور

كان نفسى ابقى موجودة و الله بس ....

ع العموم تحياتى

appy said...

ابراهيم معايا
=============

اسفه يا ابراهيم والله نسيت خالص مش قولنا بنزهير ويالا نفعتكوا انا شاريه 6 نسخ لوحدى وبتشرف انى اول واحده اشترت الكتاب قبل الناس كلها وده سبق صوحفى شنيع
عقبال الكتاب الجاى يا رب ان شاء الله
نورت الكوكب كله




أدم
===
ميرسى يا ادم ربنا يكرمك يا رب وميرسى على الدعوة
نورت الكوكب كله

appy said...

رفقه عمر
==========
ان شاء الله بجد نقولهم العدد الجاى يبقى فى مكان اكبر الا كنا هنتخنق بجد وده كان صعب قوى
وميرسى على رقتك ومجاملتك يا قمر
نورتى الكوكب كله





فهد
=====

بجد بجد سعيده انى شوفتك من غير الطبليه ههههههههههه كانت مفجأة حلوة قوى انت وكل الناس والله وكنت سعيده بيهم
وميرسى على المجامله دا انا كنت مكسوفه موووووووت خالص خالص
نورت الكوكب وعقبال المرات الجايه كلها

appy said...

Unique
=====

ميرسى يا حبيبتى خالص على رقتك دى وسعيده انى شوفتك بس بجد مضايقه انك مشيتى واتسحبتى كده ما علينا بقى تتعوض المرات الجايه ان شاء الله





المفقوع مرارتها
==============

وانا كمان مش شوفت كتير الكتاب الجاى لسه بيحضروا له بس بعد فترة يعنى اكيد هنقولك يا قمر ونورتى الدنيا

appy said...

اهو ده عيبه
===============
ايوة يا بنتى انتى كلك خمستاشر سم هههههههههه وبعدين ربنا يكون فى عونه ليه ده هو اللى واخد حقه تالت ومتلت سيبك من الهدوء اللى كان باين عليه ده ههههههههههه
نورتى يا قمر القاهرة وضواحيها واللى عايشين فيها





خبيب
========
هههههههههههههههه طيب مجتش ليه تستاهل بقى انا مبسوطه فيك نورت يا دكتور

appy said...

only spot
=========
عقبالك يا حبيبى وميرسى خالص واكيد ان شاء الله هعزمكم كلك ونعمل الفرح فى الاستاذ او على البلاج هههههههههه
نورتى الكوكب كله





جهاد
=====
اه كان فيه عيد ميلاد فاتيما واحتفالنا بيه يالا المرة الجايه بقى يا قمر ان شاء الله
نورت يا جهاد

appy said...

Z_Diva
========
انا تشروده ليه بس لا خالص والله حتى كنت حرانه وهموت وبقت شبه الكلب اللولو
وحلو موضوع البلوزة انا كنت شرياها من روجادا فى سيتى ستارز
ميرسى ليكى يا قمر وكنت اتمنى اشوفك
نورتى الكوكب




م/احمد كمال
==========

انشاء الله المرات جايه كتير قوى وربنا يسهل نشوف حضرتك تانى وسعيده بيك قوى قوى بجد نورت الكوكب

appy said...

رصيف نمرة خمسه
===========

طي بس سدسد يا نهار ابيض لا والنبى المرة الجايه يا قمر تعالى بصى احنا غالبا بنتقابل على البورصه الخميس تعالى اقعدى معانا ولا تعيطى خالص
وميرسى ليك خالص على مجاملت الرقيقه اللى زيك
نورتى الكوكب كله يا قمر





د/ابا يحيى
==========
اهلا بيك يا دكتور ربنا يخليك ونشوف حضرتك قريب يا رب وميرسى ليك خالص نورت الكوكب

appy said...

لماضه
=======
اه يا شبه الكانز انتى يا مخضوضه هانم وتايهه ههههههههههه نورتى يا قمر ومبسوطه انى شوفتك تانى مرة بس كفايه بقى كده انا مش قد الصدمات تانى ههههههههه





wanna b a physician
====================

على الرغم من عدم حضور ناس كتير بس والله كنت فاكراهم واتمنى يكونوا موجودين
نورت يا دكتور وميرسى ليك خالص

appy said...

الزواج روضه الحب
===============

بجد بد انتى من الناس اللى اسعدتنى ومش عاوزة اقولك اتكلمت عنك
كتيرر ووصفت حنيتك وادبك لناس تانيه مش شافتك وان شاء الله نتقابل كتير على خير وسعيده بمعرفتك قوى ربنا يوفقك فى حياتك يا رب





رئيسه حزب الاحلام
=================

بجد كنتى سكرررررررررررر ومش هقولك اكتر من كده واتبسطت بيكى قوى بجد
نورتى الكوكب ودايما منواره

appy said...

اميرة الصعيد
==========
انا اقولك اولا الله يبارك فيكى يا حبيبه قلبى
ثانيا انتى تجيبى الواد المحامى الاستاذ محمود وتدلى عندنا على طول علشان انشوفم بجد يا ريت يا اميرة تنزلوا القاهرة وبيت اختك اللى هى سيادتى مفتوح لكى تلات ساعات فى اليوم هههههههههههههه







HERO
=========

ان شاء الله تكون وسطنا ونيجى احنا نبارك ليك على العدد
نورت الكوكب كله

appy said...

موناليزا
========

ربنا يخليكى ليه يا رب وتحيا العنصريه حرة مستقله
ونورتى يا قمر





احمد مبارك
========
ايه بطل تنطيط بجد اسفه مقدرتش اقف كمان كتير كنت هضرب بجد لان الجو حر وكان لازم نمشى كلنا هههههههه يالا متعوضه المرات الجايه نورت الكوكب كله

appy said...

شيماء
=======
معلش يا شيمو الجايات اكتر من الرايحات نورتى يا قمر الكوكب الله يبارك فيكى





هيثم الدهشان
============
فرحتى بيكوا اكبر اكبر اكبر بكتير يا هيثم
ربنا يجمعنا على الخير دايما نورت الكوكب كله

appy said...

همس الاحباب
==========ماشى يا خالد نردهالك قريب عنيه ليك يوم عاااااااااا
نورتنا بجد يا خالد ونفسى همس كانت تبقى موجوده وبحقد عليك علشان قعدت مع بابا ابو خالد بجد





الفاتح الجعفرى
===============
انت حد كان فى دماغك انت اساسا جاى لاستاذ عصفور وكلنا فاهمين ههههههههه بس بينى وبينك هو شخص فوق الخيال باخلاقه وانا كان نفسى اقعد معاكوا بس اتكسفت والغضنفر كان هيضربنى هههههههههه
وبعدين مش تعيش الدور الاهرامات دى فى صحارى سيتى بقت تبع اكتوبر مش الجيزة برضه اقاليم ههههههههههههه على الاقل انا بطاقتى مدينه نصر يعنى عاصمه هههههههههه
نورت يا زميل المعارك







احمد الصباغ
===========
مش قولا منتكلمش عن نشوه دى تانى ههههههههههه عيب نجيب سيرة البنات طبعا عارفه اساسك يا ريس وسعيده بيه زيك
نورت يا صباغوس

appy said...

دكتور حر
==========
يا دكتور هو انا شوفتك الا فى الاخر لما وقعت على الكتاب يالا معلش نتقابل تانى قريب ان شاء الله وربنا يخليك يا رب ميرسى خالص نورت الكوكب كله






هانى حسين
=========
ربنا يكرمك ميرسى خالص نورت الكوكب

appy said...

د/اجدع بنوته
===========

ربنا يخليكى يا سمسمه وافرح بيكى دكتورة وعروسه قد الدنيا وميرسى لكلامك ورقتك نورتى يا حبيبتى الكوكب كله






ايمن بدر
=======

والله يا ايمن الجو كان لا يطاق بس علشان كنا مع حبايبنا كنا مبسوطين خالص
وان شاء الله المرة الجايه تتعوض ونشوفك وميرسى ليك خالص

appy said...

نصال
=======
الله يبارك فيك يا رب وانت رخم علشان جيت متاخر نورت الكوكب يا ابنى العزيز ههههههههههههه






نوراى
=======
الله يبارك فيكى ما انتى مختفيه يا بنتى عموما احنا كل خميس علىالبورصه ابقى تعالى علشان نتعرف عليكى يا قمر

appy said...

واحد من البلد دى
==============

اه تصدق خمسه ابتدائى يا دوب كده برضه اكون انا كبرت شويه هههههههههه بس معلش قبقىاسلاقلب الموازين بجد البوست طويل كنت فرحانه قوى ولو قعدت اكتب عن فرحتى هغرق بلوج سبوت وجيرانه كان نفسنا تبقى موجود
نورت الكوكب كله






drpharma
==========

نورت والله يبارك فيك

الربان said...

تحياتي

الف مبروك الكتاب و التجمع التدويني الجميل...

مبروك لحضرتك و للجميع و بالتوفيق دائما.

تحياتي و تقديري

appy said...

funckydoctor
=============

الحمد لله كان يوم هايل جدا وان شاء الله نتشرف بيك المرة الجايه





امام الجيل
=========
انا عاوزه اعرف انت كنت فين وازاى مش يقولوا ليه بجد طيب انا زلاعانه قوى بس ملحوقه هشغل العسس بتاعى واعرفك
نورت الكوكب كله

appy said...

la3lahakhier
===========
الله يبارك فيكى يا بنت العم اعقبالك ههههههههههههه





جنى
===
ان شاء الله قريب ونتقابل جميعا نورت الكوكب وسعيده بيك هنا

appy said...

يوميات فنانه مفروسه
=================
والله فاكرة انك عارفه يا حبيبتى طيب متزعليش بصى بنكون على البورصه الخميس ابقى تعالى بجد نشوفك نورتى يا قمر خالص






استاذ/حسن توفيق
===============

يااااااا تشرف يا استاذنا ولا مش ههزر عااااد بس تعالى بقى

appy said...

يوميات فنانه مفروسه
=================
والله فاكرة انك عارفه يا حبيبتى طيب متزعليش بصى بنكون على البورصه الخميس ابقى تعالى بجد نشوفك نورتى يا قمر خالص






استاذ/حسن توفيق
===============

يااااااا تشرف يا استاذنا ولا مش ههزر عااااد بس تعالى بقى

appy said...

مياده يا مادى
=============

يا حبيبى احنا بنكون علىالبورصه الخميس ممكن تيجى عادى نتقابل هتلاقى مجموعه كويسه ومحترمه بنقعد نتكلم فى حاجات كتير قوى هتنورينا يا قمر بجد لو جيتى
ميرسى ليكى يا قمر خالص نورتى الكوكب





سيبوو فى حالوو
==================
هههههههههه معلش يا شريف ما اسلام قالك متديهاش الكاميرا مسمعتش كلامه ليه شوفت اللى ميسمعش كلام اسلام ىبى تنساه ههههههههه اذا كنت ناسيه اساسا ان الكام كانت معاك هههههههههههههه معلش بقى يا سريف ععزمك على واحد فول جدعنه منى

appy said...

زيكا
=======
لا انت كهربها احسن ههههههههههههه نورت يا زيكا وان شاء الله تلاقيه باذن الله





بحبك يا مصر
=========
ميرسى الله يبارك فيك وفعلا كان يوم هايل جدا وان شاء الله نشوفك المرة الجايه

appy said...

عاليا هانم حليم
=================
نفسى اشوفك فعلا بجد واتشرف بمعرفتك يا رب يسمع منك يا قمر نورتى الكوكب ومنورانى دايما






الربان
=======
كنت من الناس اللىاتمنى وجوده وسطنا بجد نورت وميرسى ليك

appy said...

L.g
====

حبيبتى الله يبارك فيكى والله سيحت لنفسى من بدرى انتى اللى مش بتدخلى بصى يا سيتى الكتاب ده عبارة عن مجمعبن بوستات من عند كل واحد ومنزلينه فى كتاب وكاتبين على كل بوست ده منين ومين اللى كاتبه هجيب لكى الاماكن لو مكنش فيه فى اسكندريه ان شاء الله اشترى ليكى واجيبه لكى لما اجى
نورتى يا حبيبة قلبى






CrY2DaY
========

اهلا بيك او بيكى ونورت الكوكب كله واتشرف بيك دايما ان شاء الله

ام الابناء said...

السلام عليكم ورحمة الله وبركاته

حضورى اليوم لاهنئك بالخطوبه
معلش هى جات متاخرة شويه
بالرغم من علمى بها من فترة

اخبرنى بها زوجى الطائر السعيد عندما اخبرتيه انت بها وانه اول من علم بهذا الخبر السار وعلى الفور اخبرنى به

الف مبروك وربنا يجعلها زيجه مباركه
وتقيمون بها حدود الله وتحيون سنة نبييه صلوات الله وسلامه عليه


ومبروك مرة تانيه الافتتاح للكتاب
وانا اعلم انك كنتى تتمنين ان نكون انا وزوجى الطائر السعيد بالحفله
ولكم ملحوقه ان شاء الله ونحضر حفلة زفافك السعيد
المهم لا تنسى دعوتنا
بما اننا اخوات لك فى الله
الف مبروك مرة اخرى

appy said...

ام الابناء
===========

ربنا يبارك فيكى يا رب حضرتك مش متخيله قد ايه سعادتى بوجود حضرتك هنا ده شرف كبير ليا وربنا اعلم بفرحتى بيه وبعيونى اللى دمعه لما شوفت اسم حضرتك
واخى الطائر له كل الاحترام عندى وحضرتك كمان والاولاد ربنا يفرحكوا بيهم
وفعلا كنت اتمنى اشوفكم زى ماش وفت ناس كتير جدا جدا اسعدونى
بس ان شاء الله المرات الجايه كتير ونتقابل اكتر فى امان تكون فيها السعاده للجميع
ويا رب يدخل السعاده فى قلبك والاطمئنان زى ما دخلتيهم فى قلبى كده
نورتى كوكبى كله

Whispers just for a Night said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

25/05/2008

رئيس جمهوريه نفسى said...

ساء الخير
والله يا ابى يا ختى الف مبروك على الكتاب وعلى الخطوبه واسلام وربنا يتم ليكم التمام على خير يارب
وبعدين ايه الشكر المبهم ده ده مش بالنسبه ليه يعنى الناس الى حتقرى البوست اى نعم انا المحامى بتاعك بس مش حطلب حكم مخفف بالاعدام لا حصر على مطلب الاعدام
يا ابى مفيش بينا شكر والكلام ده وانا برد موقفك معايه فى القاهره يعنى خيرك سابق
وبعدين من الاصل مفيش بين الاخوات شكر

مدحت محمد said...

طبعا الف مبروك الخطوبة وربنا يتمم بخير

بجد فعلا اجتماعات المدونين بتبقى تحفة

لاننا فعلا بنشوف ناس زى العسل
بجد

وكمان لما يكون اجتماع على نجاح
اكيد الاجتماع كان ليه طعم تانى انتى قدرتى توصليه للى مراحش الاجتماع

أم أحمد المصرية said...

الف مبروك يا حبيبتي عقبال ما تعملي سلسلة كتب لوحدك و بحسدك انك قاهرية عرفت تروحي التجمع ده المرة الجاية عندنا في اسكندرية اتفقنا :)

Z_Diva said...

منا عارف , مانا كنت جيباها من روجادا, بس كان في مكان من من المهندزين, مش فاكرة بقى سور نادي الصيد وللا شارع من الشوارع ام محلات دي :)))

والله لو كنت في مصر كنت جيت اتعرفت عليكم, بس يالله التوقيع القادم بقى ان شاء الله :)))

الفاتح اليعقوبي said...

السلام عليكم
استاذة ابي ازي حضرتك
كان يوم جميل جداااا والصراحة الاجمل في اليوم الروح الجميلة بتاعت اليوم نفسه واللي كانت سايدة بين المدونين كلهم وربنا يبارك في هذا الجمع

و شوفتك الحفلة ولقيتك مشغولة فقلت خلاص بقي كفاية اللي هي فيه ولما رحنا علي البورصة المناقشة مع استاذ احمد علي كانت رائعة
بس كان نفسي اقابل استاذ اسلام ان شاء الله خيرها في غيرها والف مبروك ليكم كلكم
وكلوا بقي يمضي اوتجرافات حتي الدكتور حر اللي بقولوا امضي علي دراعي عشان يحصلي الشرف العظيم ده وللاسف مرضيش
ههههههه
والف مبروك مرة تانية علي الخطوبة وعلي الكتاب
والسلام

كوارث said...

السلام عليكم
مبروك لجماعة المدونين الاول للمرة الخمستلاف على صدور الكتاب
بس كل ده يطلع من المدونين
يا لهوي
ده مش حلو عالحكومة !
والف الف مبروك
وربنا يتتم بخير باذن الله

نوسه said...

الله بقىىىىىىىىى الله
هو محدش بيقولى ليه عشان اجى احضر معاكم الله :(
هو اه مش هعرف اجى تقريبا بس اهو ممكن اعرف فى يوم من الايام :)
الف مبرررررروك وربنا يديم السعاده والانبساط وكل حاجه حلوه عليكم كلكمممممممم

النجم القادم said...

انا داخل اعاكس بس

ايه الصور الحلوة المنشورة عند خالو احمد الصباغ

دى بقى كده ماشى

وتقوليلى الخطوبة ده سر متقولش لحد ان الفرح فى شهر 7

وانتى واخدة خالو العريس معاكى

ماشى

بس بجد انا داخل اعاكس
ههههههههههههههه

دعواااااااااااااااااتك

هبدأ امتحاناتى غداً الآثنين دعوااااااااااتكم http://ewaatekhaf.blogspot.com/

فقط وحصريا مع النجم القادم مدونة إوعى تخاف

خالتى ادعيلى

صبرني يارب said...

ابي

من زمان والله نفسي اجي مدونتك بس مش عارفه ليه مش باجي

عسل اوي يا ابي والله
واسمحيلى اعمل معاكي زي ما عملت مع كل الناس الى راحوا الحفله واحقد عليهم من تلافيف قلبي كان نفسي اشوف كل الناس المحترمين دول اعملوا حسابكم الكتاب الجاي ان شاء الله لازم ابقى موجوده انشاله تيجوا تعلموا الحفله فى المنصوره اتصرفواااااااااااا
والى الامام دائما يا مدونين وربنا ما يحرمنا منكم

عبده الرايق said...

اختى الغاليه جدا ابى
الف مبروك على الخطوبه وعلى الكتاب
انا شفت صورتك انتى وخطيبك الاستاذ اسلام
ربنا يخليكوا لبعض ويتمم على خير
ويديم الروح الجميله اللى بين العيله الالكترونيه
والتدوينه دى خلتنى احس ان فى امل
طبعا فى امل
الناس اللى فى الصور دول كلهم اكيد هيسلفونى لرحله فى المكوك للقمر
قبل ما انسى
هو الكتاب بيتباع خارج القاهره ؟

Anonymous said...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

أنونيمس said...

مبروك يا فندم

ربنا يكتر الأفراح كمان وكمان

حبيبـــــــة القمـــــر said...

ابي هانم انتي بجد ملكيش حل
نقلتي وصف تفصيلي جميل ولذيذ مش عارفه اقول ايه
ياريتني كنت معاااااااااااكم

سارة said...

مبرووووووووووووووووووك

hesham said...

سعيد بمعرفتك و رؤيتك يا ابى هانم و ربنا يتمم لك بخير انت و اسلام انشاء الله

خالص تحياتى
هش

hesham said...

اه نسيت

انت فعلا زى ما احمد باشا الصباغ قال عنك

نجمة تدوينية فوق العادة

خالص تحياتى مرة تانية
هش

سكــر said...

بجد ياابى انا كنت سعيد جدا

بمعرفتكم انتى واسلام

وكنت فرحان اوى اوى

لما اسلام اخدنى بالحضن وانا ماشى

حسيت فعلا انه اخويا والله

ربنا يبارك ليكم يارب

المره اللى فاتت وصيت اسلام عليكى

دلوقتى بقلك انتى خلى بالك

من اسلام

بنا يحفظهولك

تحياااتى

اخيكى احمد سكر

الفارس الملثم said...

ايه يا بنتي الوصف التفصيلي الجامد ده ولا الكابتن لطيف هههههههه

لا بجد طريقة وصفك للناس اللي قابلتيها بتدل انك شخصيه جميله وبتحبي الناس كلها ..

اه..الف مبروك علي الخطوبه , مع اني لما دخلت المدونه لا شفت حاجه ساقعه ولا جاتوه ولا حاجه ممممممم

سلام يا ابي

محمد

WhItE HeArT said...

والله فعلا الواحد مش عارف يعمل ايه في الامتحانات دي

حسبي الله ونعم الوكيل في الامتحانات اللي خلت يوم زي ده يفوتني

:(

ان شاء الله ملحوقه وفي اقرب فرصه بجد هنزل اشتري الكتاب ده

ادعيلي بأه لإني في امتحانات

تحياتي

صيدلانيه طالعه نازله said...

مبروك يا قمر كان نفسى موووووت اجى بس انى آجى بجوز القمرات اللى عندى و ابوهم اهو ده اللى مش ممكن ابدا
مره تانى مبروك و عقبالى عشان ساعتها اقدر آجى بقلب جامد

سبهللة عالاخر said...

مبروك وعقبا ما نبارك لك على كتاب خاص بيكى وجوازة خاصة بيكى وعيال خاصيين بيكى
الف مبروووووك

دكتور بهــدوء said...

ان شاء الله المره الجايه هتلاقيني راشق هناك وش نشوف الناس الحلوه دي
زي القمر يا ابي

appy said...

رئيس جمهوريه نفسى
===================

لا طبعا مفيش شكرى ده بين الاخوات بس ده حقك يا محمود عليا طبعا اى كلام وخلاص ههههههههههههه نورت يا ريس





مدحت محمد
=========
الله يبارك فيك وميرسى خالص وعقبال لما اشوفك

appy said...

ام احمد المصريه
==============
حبيبة قلبى ازيك ان شاء الله نيجى عندكم كلنا وانتى تعزمينا يا قمر






ام زعبوله حبيبتى
===============
هو انتى عايشه فين يا بنتى اه اكيد فى الادغال ههههههههههه على فكرة شكلنا ذوقنا واحد

appy said...

الفاتح اليعقوبى
==============

والله سألت عليك الجعفرى اساله حتى
على فكرة انا قعدت قبل كده مع استاذ احمد فعلا انسان فظيع قمه فى الجمال والمعلومات فى كل حاجه وان شاء الله نتقابل جميعا تانى
متفكرنيش باننا نمضى دى صعب قوى بجد انا بقيت تايهه ومش عارفهاكتب ايه يالا يا رب نتجمع تانى على خير كلنا بس انا سبتك فى القاعده علشان عارفه الناس اللى انت كنت قاعد معاهم قيمه قد ايه وخاصه كما استاذ عصفور وهتحكوا لنا اللى حصل عقبالكم يا رب
نورت يا زميل المعارك




كوارث
========
خلى الحكومه تجيلها كاتمه ونخلص منها ههههههههههه نورت الوكب

appy said...

نوسه
=====
ان شاء الله لما انزل المنصورة اشوفك يا قمر الليالى او نبعت لكى خروف يجيبك هنا هههههههه نورتى يا دكتورة وكانت نقصاكى بجد





النجم القادم
============
حبيبة خالتك يا خويا ربنا يعينك وميرسى ما هو برضه جوه التدوين يعنى سر هههههههههههههههههه
نورت الكوكب كله تانى يا نجم

appy said...

صبرنى يا رب
==========
دا احنا نجيلك على عنينا ان شاء الله وربنا يخليكى ويبارك فيكى يا قمر
نورتى بجد وسعيده بوجودك هنا قوى






عبدة الرايق
============
ياااااااا كان نفسى تبقى موجود الله يبارك فيك هو هيتوزع فى اسكندريه والمنصورة واماكن كتير بس قدامه شويه انت تؤمر بس ادينى العنوان وابعته لك على طول
بس هتدفع الشحن وتمن الكتاب مع الشركه ههههههههههههه نورت يا اغلى اخ

appy said...

رامز عباس
=========
ان شاء الله هجيلك بس قول الميعاد واليوم بالظبط نورت وميرسى علىالدعوة





انونيمس
========
الله ييبارك فيك يا فندم انت مالك لابس بدله وانت داخل كده هههههههههههههه

appy said...

حبيبه القمر
==========

حبيبتى بجد يا ريتك كنتى معانا متعوضه ان شاء الله
نورتى يا سكر الكوكب




سارة
======
الله يبارك فيكى نورتى الكوكب كله يا قمر

appy said...

هشـــــــــام
==============

ربنا يخليك انا كمان سعيده بمعرفتك قوى واخجلتم تواضع حضرتنا ههههههههه ونورت الكوكب اول مرة





ســـــكر
==========
بجد انت احلىمن السكر وكمان بجد اسلام حبك قوى مش عارفه ليه بس هبقىاعرف هههههههههه كنت سعيده بيك اوى اوى انت كمان طيب ومحترم جدا ربنا يخلينا لبعض يا رب

appy said...

الفارس الملثم
==========

علشان تعرف انك مش لوحدك اللى شاطر ههههههههههه نورت يا محمد الكوكب كله





القلب الابيض
===========
ربنا معاك يا رب ان شاء الله وتفرحنا بيك

appy said...

صيدلانيه طالعه نازله
====================
ربنا يكون فى عونك يا حبيبتى كأنك كنتى موجوده بالظبط بوسى ليه القمرات اللى عندك ربنا يخليهم لكى






سبهلله على الاخر
===============
الا قوليلى ممكن يبقوا عيال خاصين بحد تانى ههههههههههه ميرسى يا حبيبتى خالص

appy said...

د/بهدوء
==========
تنورنا يا دكتور بجد والشرف لينا

Dr.Mohammed Gohary said...

آبي هانم بتنجاني

فرحت جدا بلقاءك
وآسف اني ما لحقتش أقابل اسلام

كتبت عنك في البوست بتاعي
علي مدونتي
ياريت تزوريني انتي وبطوط

بجد فرحت ليكي أوي أوي

ربنا ميحرمناش منك ابدا

appy said...

د/ الجوهرى
********
يا اهلا بالناس المتأخرة ههههه انا جاى اسبقنى على بلوجك متقفش هنا كتير علشان الخرفان هههههههههه

Dr.Mohammed Gohary said...

والنعمه النت السبب في التأخير
اسكتي يا آبي دانا مخنوق عليا موت بسبب النت والله

بس شكرا انك عبرتينا ومنفضتيش
وخودي بالك من بطوط

سلام بأه
خخخخخخخخخخ
رايح انام

اتحادالمدونين المصريين said...

الف مليون مبروك

عروستنا الجميلة وعقبال الزفاف ويارب متنسيش تدعينا فى الفرح ...مليون مبروك ..ولا علشان الغلاء نخليها مليار مليار مبروك مبرووووك
اخوك
حسن محمد توفيق
من مؤسسى اتحاد المدونين المصريين

حسن محمد توفيق said...

الفاضلة

appy

اسفت لكلامك واسفت اكثر لتعليقك فى مدونة الاتحاد ...
اولا لا ينبغى ان ناخذ ناس بالسمع يعنى
انت قلت سمعتى انت تتعاملى مع كيان نسعى لتاسيسه وليس لاشخاص واكيد هناك الغث والثمين فنحن اصدقاء من وراء شاشة واكيد من ذكرتيهم ربما هم الان غير موجودين ونحن لسنا مسؤلين عن تقويم الناس ولكن كلا مسؤل عن اصدقاؤه ولعلمك انا لم ادخل قط على الفيس بوك
ولست مسؤل عن اى كلام يكتب خارج هذه المدونات التى تحمل اسم الاتحاد
اما حكايه اننا نتكلم باسمكم فهذا خطا
صاحب الفكرة لا يستاذن لينفذ فكرته
فنحن عندما اتفقنا على انشاء الاتحاد قمنا بالدعوة له ونتكلم باسم اعضاؤه وللتقريب
هو زى نقابة الصحافيين والقانون الذى عرضه الزميل محمد جرامون لو شفتيه هو قانون نقابة الصحافيين ليبين لكل المدونين ما لهم وما عليهم طبقا لدستور وقانون البلد ليس اكثر
ومن يرغب فى الانضمام اهلا به ومن لا يرغب اهلا به
باحترام وليس غير ذلك وليس بالاسلوب الذى رايته فى تعليقات البعض لاننى اربا بنفسى عن الدخول فى هذه المهاترات
وليس زنبى عدم معرفتهم بمن قاموا بتاسيس الاتحاد فايضا انا قبل الدخول الى البلوجر لم اكن اسمع عن احد منكم
فبالتاكيد لايمكن متابعة جميع المدونات
وكلا له اصدقاؤهفى موقعه التدوينى فى الاغلب والقليل خارجه واعتقد ان اصدقائى فى مكتوب وجيران والحمد لله كثر ومن خارج مصر ايضا فهؤلاء هم من انتخبونى عضو الهيئة الادارية لاتحاد المدونين العرب بالانتخاب المباشر وهذا شرف لى وحبيت انقل التجربه هنا فى مصر
وعند الانتهاء من التاسيس وعد منى لن اخوض اى انتخابات وكل اخوتى يعرفون ذلك لاننا نسعى لاعطاء المثل والقدوه.
وعن الصورة فقد تم رفعها كنت اظن ان ده واجب وليس افلام او نصب فالافلام والنصب تصنع فى القاهرة اما نحن الفلاحين دغرى معندناش افلام ولا مسلسلات و نصب
اسف للاطاله واتمنى ان الاختلاف فى الراى لايفسد للود قضية
فهذه وجهات نظر وكنت اتمنى ان تدعونى لاى اجتماع لنتناقش فيما هو معروض وفكرتى واهدافى لنصل الى ما نصبو اليه جميعا
وليس الهجوم والغلط بدون معرفه ..على العموم انا مش زعلان واكيد سوف ياتى اليوم لتطلبى عضوية الاتحاد وان غدا لناظره قريب ..