ومن التكنولوبيا ما قتل


صباح الخير عليكم كنت من يومين فى وسط البلد جايه من على الكورنيش رايحه البورصه وانا فى اشارة فى عبد المنعم رياض وراكبه بطوط وقافله نص الزجاج وبطوط بتغنى ليه على ايه مش عارفه بس من غلبها وهيست من عصير القصب اللى بشربه لها بدل البنزين ههههههههه ومش واخده بالى ببص على شمالى لقيت عربيه بوكس زرقا فيها عساكير اللى هما بيقضوا فترة جيش قاعدين قدام واحد سايق وواحد فى النص وواحد جنب الشباك
المهم بصيت قدامى تانى لانى كنت شايفاه بيورى زميله حاجه فى النوبيل ومش عارفه ايه اللى خلانى ابص تانى قوم ايه اننننننننننن تشششششششششش لقيت المجنون ماسك الموبيل بالجنب وموجهه الكاميرا ليه وبيبص بجنب علشان مش اخد بالى قومت بصيت وتنحت وفجأة الاشارة فتحت وانا اتغظت كسرت عليه ونزلت ازعق معاه وبصراحه كنت مجمده قلبى لانى كنت عند محطه الاتوبيس اللى فى عبد المنعم رياض يعنى اعلى واجب من المصريين وفعلا نزلوا شباب فيه ايه حكيت لهم على اللى حصل خدوا الموبيل من العبيط ده ومسحوا الصور وكانوا عاوزينا نروح القسم نعمل له محضر بس قولت خلاص خليه يمشى...
لان تخيلوا ده لو تربست دماغى وانا اساسا قفل صغير ورحت عملت له محضر والشباب شهدوا معايا كان ايه مصيره وحظه بقى المتكعبل فى حرف سجاده وعلى شنب صورصارات انه وقع فى ايد واحده قلبها مش فى مكانه وعنيده ومتعرفش تسيب حقها
وقولت ميرسى للشباب بجد لان هما دول شباب البلد الجدعان اللى بيدخلوا فى وقت الشده مش بيدوا ضهرهم للحاجه ويمشوا وميقدموش مساعده لان بجد من الموضوه انى بقت اشوف ناس بتتخانق وباقى الناس واقفه تتفرج او ولد بيزعق وبيضرب بنت والناس واقفه من بعيد تتفرج ويشجعوا اللعبه الحلوة
وده واجب اى حد لما يشوف حاجه وخاصه لبنت لازم يدخل او حتى اتنين شباب مع بعض
وبجد لولاهم كان زمان العساكير دول استفردوا بيه زى الشغاله اللى صحتها كويسه لما تنفض سجاده هههههههههه
الكارثه فى ايه بقى انى عرفت ان ده بيحصل كتير يعنى ممكن البنت تبقى ماشيه فى امان الله وواحد معندوش دين ولا اخلاق ولا تفكير ومهروش فى عقله وماشى بقفاه وجايب موبيل جديد وفرحان بيه او شرير من جواه يصورها علشان يروح بس يقول لاصحابه شيفين البنت دى ويترسم بيها .
ما هو ملوش تفسير تانى وده لو مش عارفها .

انما لو عارفها وبيصورها من غير استأذان وهى بتعمل اى حاجه يبقى اسمها هيشهرر بيها ودى كارثه ومصيبه تانيه فلازم نخلى بالنا لان فيه ناس بتستخدم التكنولوبيا غلط وعلى الرغم من ان العسكرى ده طريقه كلامه من القرى بس معندوش اخلاق بس والله فيه ناس كتير من القرى عندهم يعنى مش مقياس.
المهم البنات لازم تخلى بالها بدل ما تلاقى نفسها طالعه فى اليوتيوب ولا على الفضائيات ولا حتى عندى فى الكوكب هههههههه ولا تلف الايام وحد قريبها يشترى النوبيل ده بالصدف وتبقى زى قليل البخت اللى لقى العظم فى الكرشه ههههههههههههههههه ده مثل شعبى
وكتير بيستغلوا الموضوع ده ويصورا اتنين مع بعض قاعدين فى اى مكان ويقولك شوفوا بنات مصر بتعمل ايه وطبعا العيب فينا احنا انا طبعا مش بتكلم عن الوحشين انا بتكلم عن البنات المحترمه .
يعنى الكاميرات دى اتعملت للحظات الحلوة بين الناس نقوم نستغلها وحش مش حرام زى البتوبوتر(الكمبيوتر يعنى سابقا ههههههههه) حاجه حلوة بس ساعات بنستخدمه فى ازيه نفسنا والناس فاهمين طبعا ومتعملوش مستهبلين وواكلين مستعبطه المواقع الوحشه الحخكه دى طيب ما فيه حاجات كويسه كتير
ولا تركيب الصور والفيديوهات فيه ناس هتقولى بتبان وهقول فيه ناس كتير ممكن تصدق لانها متعرفش فى التكنولوبيا بتاع العصر والضهر

البنات خلو بالكم فى اى مكان من موضوع التصوير بدل ما تلاقى لوح تلج وقع عليكى فجأة وانتى مظلومه او حد قريب او بعيد يشوف صورك وحتى اللى معندهمش عربيات فى الشارع فى المترو فى اى مكان
والاولاد اللى هما التماسيح يعنى تتقى ربنا لانها مترضاش كده على اختها ولا امها .

ولا حتى لما واحد يعمل كده فى واحده متجوزة ويصورها وهى خارجه مع صحبتها مثلا وجوزها وجوز صحبتها بالصدفه قاعد بيتكلم معاها وواحد نفسه ضعيفه يصورهم ويبعتها لجوزها تخيلوا الكارثه بقى
ولا مثلا واحده تصور واحد مع واحده وتبعت الصورة لخطيبة الولد لان وارد مش الاولاد لوحدها هى اللى بتغلط ما البنات كمان شوفوا كم المشاكل وبجد بما اننا اتجننا تكنولوبيا بالصلصه واللحمه يبقى نراعى ربنا بس فى استخدامها ومنركبش صور ونشهرر بالناس ونفتكر اننا ممكن نكسر حد بكده لان ربنا دايما مع المظلوم لان داين تدان اللى عنده نصايح فى ده او مواقف يا ريت يقولها علشان كلنا نستفيد لان دى كارثه وانا اتصدمت بيها ومش عاوزين ندى فرصه للكليبه يدونا على قفانا ويقولوا علينا شعب محدث نعمه ولا يقولوا علينا بامياجيه بدل ما اعملكوا قضيه تحرحش بكاميرا ههههههههههههه
كان معكم مدير عام قسم التصوير ومباحث مخابرات مراجيح مولد النبى فى اقرى الحادثه وقول يا فكيك آبى بتنجانى

130 اخبط وقول رايك:

أبو خالد said...

أبنتى الغالية/ آبى
حزنت للغاية
أن يصل بنا و بشبابنا
التدنى لهذة الدرجة
يقينى أننا شعب أصيل
و أن الصالح لا زال أكثر
من الطالح
أما أن يصل بنا الحد لهذا
فهى المهزلة
نحن من يحلم بغد مشرق
و بتحرير الأقصى
يجب علينا أن نكون أكثر
جدية ..
و إلى أى شاب مستهتر
أقول أتقى الله فى أمك و أختك
و خالتك و عمتك
فكما تدين تدان
و إن كان لك عين فاللناس عيون
و ما يلفظ من قول إلا لديه رقيب عتيد
بوركت آبى و صانك و حفظك الله

واحدة مفروسة said...

ههههههههههههههههه
هههههههههههههههه
اسلوبك يا بنتى فظيعه..انتى حكايه و الفوكابيلير بتاعك يجنن

آبي ياعنيا ياما فى الكاميرا مظاليم........وياما لأ

و بعدين معلش الباشا اللواء الظايط اللى بيبقى قاعد يتهوى فى العربيه كان بيعمل ايه ...ماتقوليش اصلى انا شفته امبارح بنفس العربيع البوكس و السواق قاعد جنبه و عسكرى و را و مين بقى قاعد على حجره قصدى فريحه ...قصدى جنبه المودام يا غيوره ...و كانوا فين يا شاطرة؟؟؟ كانو فى هايبر ياااروحى.......
بطلى حقدو طحينه بقى ....
المودام خرجت محمله..... الواد العكسرى جرى شال من سيادة اللواءايه وهيه زقت الباشا اللواء بدلال و اديته شكليطه و دخلت قعدت......ياحليله
و تقوليلى تكنولوبيا
سلامااااات يا....يا ايه؟؟؟؟؟؟؟
يا روبى

appy said...

بابا /ابو خالد
===============

ورجعنا لاول السباق من جديد وكسبت معايا تورتايه كبيرة بس اول الشهر لما نوقبض على المرتب
هههههههههه وانا كمان زعلت جدا وربنا يهدى يا رب الواحد بقى يخاف من النمل اللى ماشى فى الشارع
نورت يا احلى اب فى الدنيا






واحده مفروسه
===========

لا يا حبيى ده كانوا تلات عساكير قاعدين قدام جنب بعض مكنش فيه ح الظابط فتحى معاهم هههههههههههه وحظه بقى وقع تحت انيابى
والله بيصعبوا عليا فى بهدلتهم بس تقولى ايه حتى ده فاكر انه سلطه بس عبيط مش عارف اخره وفرحان بالنوبيل يا اوختى قطيعه تقطعها دى لوبيا اللى هتبوز الشوباب يا ام احمد يا اوختى ههههههههههه
نورتى وميرسى لكالمك وذوقك يا قمر

Hook said...

الف سلامة عليكي من التكنولوبيا...حلو الواحد لما يبقى مجمد قلبه و ما يسكتش على حقه :-)

Doba said...

يا نضافة دماغك يا قمر
جامد جامد يعنى

لا بجد ماشاء الله عليكى معظم البنات كانت هتخاف حد يبخ معاها او يتطاولو بأى شكل او يتمادو فى اللى بيعملوه بس لانك قلبك ابيض ومعاكى حق ربك بيقف جنبك دايما وبيحفظك

ربنا يحميكى دايما يارب
يا آبى يا بتنجانى

سلامى وخلى بالك لتقعى وانتى بتنضفى السجادة - نيهاهاهااع

هبة

رئيس جمهوريه نفسى said...

ابى العزيزه
اولا احيى شجاعتك وكسرتك على عربيه البوكس وعدم خوفك من عربيه المارلبورو قصدى البوكس ام فراشه الى فيها العساكير بصى هو العيب مش فى التكنولوجيا الحديثه عوما هو كل ما فى الامر بس سوء استخدام من قبل البعض للتكنولوجيا دى او استخدامها فى غير محلها وعلى فكره ده بيعمل مشاكل كتير والله وانا شفتها فى البلد عندنا ناس بتصور بنات ماشيه فى الشارع ايه الفائده او ايه الى حيستفيده من ده الله اعلم بس هى ضمائر سئيه وسو تربيه ولكى ان تقولى ما تشائين فى ذلك
انا قريت الحادثه وحقول يا فكيك

CAIROCOMPUTER said...

يعنى مش كفايه مجرد مستهلكين للتكنولوجيا لأ كمان مستهلكين بلهاء
المشكله ماذا يكون الوضع عندما تصل اجهزة تصوير لا يمكن ملاحظتها مثل كاميرات صغيره جدا فى النظارات وهى موجوده فى الأسواق فى الخارج بالفعل
وغيرها وغيرها
وماذا تقولين فى اقمار تجسس تلف حول الرض وتستطيع التقاط رقم بطوط وما هو اكثر من ذلك

الربان said...

تحياتي

الحمد لله انك اتنبهتي...و لازم بقي تشتري
عربية 4X4 حتي تنظري الي العربيات الاخري من علٍ ...كما قال امروء القيس
في وصف حصانه: كجلمود صخر حطه السيل من علٍ ...

اشكرك انك حذرت الجميع من سوء الاستخدام للحاسوب و الموبايل...

تحياتي و تقديري

كاميليا said...

ياخبر عليكى

انتى بتجيبى الموضوعات الجامدة دى منين؟؟؟

دى حاجه فعلا مش ممكنة

على فكرة
اكتر مكان بيحصل فيه الكلام ده .. هو الجامعه.. يعنى تلاقى الشباب متربصين للبنات ومن بعيد يختاروا مواقف معينة ويصوروها .. انا عندى اصحاب فى مصر كانوا بيحكوا لى الحاجات دى وطبعا بيحصل فيها اذى ومشاكل وكوارث كمان


وبرضو البنات.. بعضهن بيعمل الحكاية دى.. يعنى يصوروا شباب ويقولوا لبعض اهو الولد ده عايز يكلمنى بس انا رافضة حتى بعت لى صورته على الموبايل ويألفوا قصص

بجد .. بجد
على الدنيا السلااااام


تحياتى وحبى

appy said...

hook
=======
طبعا حلو بس الحمد لله علشان انا واثقه فى الناس مش قدراتى يا خويا هههههههههه بس يا ريت الشباب ميعملوش كده سمعت يا كابتن ههههههههه نورت الكوكب





دوبا
====

نظافه اه بستخدم برسيل نص اتوماتيكى يا اوختى بس ده ساعات عبط بعيد عنيكى هههههههههههههه وبعدين ما الشغاله هى اللى بتستفرد يعنى بتنظفها يا ساتر على نيتك الوحشه دى ههههههههه ربنا يحفظنا جميعا وخلى بالك يا دوبا بدل ما تلاقى نفسك مدبسه فى كلب لولو ههههههههههههه

appy said...

رئيس جمهوريه نفسى
===============

اخاف ايه هو انا مش كنت جايه ليكم وهو حضرتك مش محامى ولا على ما تفرج انا شكيت فيك برضه هههههههههه
دى مصيبه يا محمود لوعندكم بيحصل كده بجد حرام التخلف العقلى ده دا انتم عندكم فى الصعيد اصعب علشان عادات وتقاليد ربنا يأخد الناس المتخلفه اللى بتعمل كده فى البنات بجد
بس انت لما تشوف حد كده اجتله يا ولد بالرشاش على طول اوعاك تسكت له ده عار علينا وانا هاجى اترافع عنك واوعدك هجيب لك حكم مخفف بالاعدام هههههههههههههههههه





CAIROCOMPUTER
==============
اهلا استاذ صلاح
هو انت حاطط بطوط فى جيبك ليه قصدى دماغك يا سيدى ارقامى مميزة هى المشكله مش فى كده المشكله ان ولاد بلدك بيعملوا كده ودى كارثه وخراب بيوت وتخلف عقلى من اللى بيمشى ويعمل كده
نورت يا استاذ صلاح الكوكب كله وعارفه ان تسليم للامراض العقليه على ايديك قريب هههههههههههههههههههه

وومن said...

آبي برافو عليكي والله الواحدة بعد كدة تمشي حاطة عنيها في وسط راسها بجد
حصلي موقف مشابه والكارئة انه في الجامعه كنت ماشية لوحدي عادي واخدت
بالي ان في ولد رافع موبايلة ناحيتي وبيظبط الصورة قربت تاحيتة اول ما لاقاني جاية قفلة وحطة في جيبة ومشي الحمد لله مكنش لسه لقط الصورة تخيلوا دة بيحصل من شاب جامعي امال بتاع القري اللي بتحكي عنه ده يبقي ايه
تحياتي علي الموضوع الجامد
ربنا يسترها علينا من التكنولوبيا وبلاويها واللي بيجري فيها

appy said...

الربان
========
فور باى فور لاااااااااا اتصور اوفر ههههههه حرام عليك بجد ولا قدها ولا قد بنزينها انا ههعمل اختراع افضل اروح اعمل فيميه بلاك لبطوط البسها نظاره سودة بس اشوف حد يجيب ليه تصريح علشان المخلفات خلقه ربنا بتاعت المرور اصلهم بيتلككوا لو العربيه عطست هيدونى مخالفه هههههههههههههه المشكله بقى فى اللى ماشيين على رجليهم هههههههه يركبوا فيميه هما كمان
نورت الكوكب








كامى فوندامى
===========

النبى انتى تخلى بالك انتى كمان يا حبيبه قلبى مش ناقصين او ركبى فيميه محدش يشوفك ههههههههههه
وبعدين مش بجبها اسمها بتكعبلى فى المصايب دى منين ههههههههه يا قمر انا ماشيه بتكعبل فى مشاكل اعمل ايه بس ربنا يحفظنا جميعا
نورتى الكوكب كله يا احلى فونداميه فى مقله صلاح الدين

المستنصر بالله said...

سبحان الله
الموقف دة بياكد على اهميه الحجاب بس اى حجاب الحجاب الساتر الذى ليس به زينه ولا لفت للانظار كماوصفه الرسول صلى الله عليه وسلم
قال الله تعالى
يايها قل لازواجك وبناتك ونساء المؤمنين يدنين عليهن من جلبيبهن ذلك ادنى ان يعرفن فلا يؤذين وكان الله غفورا رحيما
سورة الاحزاب الايه 59
انظروا ماذا قال الله تعالى ذلك ادنى الا عرفن فلا يؤذين
يعنى الحجاب والستر حمايه للبنت من الاذى مثل الذى ذكرتيه فى هذه التدوينه
لاننا مش هانقدر نجعل كل نفوس البشر طيبه هناك نفوس خبيثه لا يؤثر فيهم واى وزاع دينى
ربنا يحميكى ويحمى جميع بنات المسلمين اللهم امين

DoctorAllam said...

طب الحمد لله إنك مش أخدتي بالك لما صورتك بالنوكيا 1112 بتاعي المطور المعدل
لأ وبعدها رحت فاتح البلوتوث وباعت الصور أونلاين لكل سكان الكوكو بتاعنا
بجد كنت حاطط إيدي على قلبي ألا تلاحظي كده
-----------------
ومعلش برضه ياآبي ماهو العسكري ده معذور
يعني حد يلاقي القمر جنبه ومش ياخد صورة معاه .. وكمان تلاقيه فاكرك من السياح ولا حاجة وأهو كله تشجيع للسياحة
وبكرة تتعودي على فلاشات الكاميرات وأضواء الشهرة وإسألي مجرب
كان معكم شاب من أطول 5 شباب في مصر

appy said...

وومن
====

ههههه الحمد لله انه اخد باله اصل انتى ممكن تروحى له ويتنح ودى الجامعه وسمعه البنت هناك زى ورقه الكراسه البيضاء يعنى لازم تفضل شريفه
يالا ربنا يحفظنا جميعا وخدوى بالك يا اوختى والنبى نورت يا احلى وومن فى الدنيا






المستنصر بالله
===========

طبعا مقدرش اقول ان الحجاب مش بيحمى طبعا بيحمى جدا بس المشكله يا استاذنا العزيز ان اللى بيصور مش بيهمه محجبه من غير والله العظيم ومكنتش هذكر واحد معندوش دم ورانى صورة لبنت محجبه وهى قاعده بس فى مكان عارم بس يعنى كانت بتشرب سيجارة ومش دى مشكلتنا المشكله وقله الذوق انها متعرفش ان الشخص ده عمل كده وانا ساعتها عنفته جامد
وربنا يقبل منك دعوتك بالحفاظ علينا جميعا ويهدينا يا رب وبرضه يهدى الامخاخ الضاله والشباب اللى بيعمل كده لانهم مش بتفرق معاهم محجبه من غير والفوتو شوب جاهز لتغيير كل حاجه
ميرسى لزيارة حضرتك جدا نورت الكوكب كله

Tamer Nabil said...

شوفتى التصوير

واللى بيجرى فية

مفيش غير انك تكتبى يافطة احترس ممنوع التصوير والاقتراب ننهههههههههه

اهم حاجة نخلى بالنا لو انها صعبة حبة ونص وتعالة بص بس نحاول

تحياتى

appy said...

د/ علام
=======
علىاساس انك علشان طويل يعنى يبقى موبيلك هديلك اوبشن هديه مش فيه هههههههههه وبعدين اهو انت اللى قمر عيب عليك ولا انت مش محتاج تصور حد ما انت باصص علينامن فوق انزل بقى اللهى يسترك العيال بتلعب الطيارة هتخبط فيك هههههههههه نورت يا دكتور





تامر نبيل
========

ينى بتغنى وتتريق بدل ما تروح تأخد قلمين من العسكرى يووووووووا قصدى تديله قلمين هههههههه لا بجد اوعى حد منكم يعمل كده واللى يشوف كده ميسكتش اصل ربنا يوقعه فى بلاعه وحشه
نورت يا تامر

bar2ash said...

appy
معاكي حق والله
انا بجد اعرف ناس وبشوف ناس فعلا بيصوروا البنات بمناظر متخلفه وتشوفيها تصدقيهابسدول مش وش تكنولوجيا

بس هرجع واقولك مش كلهم
وحشتني تعليقاتك واتمني اكون من المدونات الرقيقه المفضله
تنوريني دايما

محمود الدوح said...

العشرين
لما ارجع هقراة
بحجز وبلعب فى البلوج
ههههههههههه

tamer.sala7 said...

والله انتي ظالمة مش يمكن الواد ده كان عايز يحسن دخله ويبيع صورك لروز اليوسف ويقولهم هي دي المكبوتة زعيمة كوكب القلة المندسة
:p

محمود الدوح said...

غيرت راى
قريت قبل ما اخرج مع انى مش فاضى

الموضوع قيم
بس انا نفسى اكلم البنات اللى بتتصور بمزاجها
مش عارف اقولها اية
متخليش حد مش واثقة فية يصورك
لانى ممكن يعمل حاجة بالصورة

فى الجامعة تلاقى الواد واقف مع البنات اصحابة عمال يصور بموبايلة ويقعد يظبط نفسة بقى
يوريها لاصحابة دى اللى انا مانتم معاها
ولو واحد لية فى الفوتو شوب هيظبطها هيظبطها
طبعا فاهمين

appy said...

برقووووش
==========

ربنا يستر علينا يا رب من الحاجات دى وبجد يا شباب وعوا بعض نورت الكوكب ومن عويناتى




تامر صلاح
========
طيب مش يقول يا راجل كنت قسمنا سوا ولا اديته صورة حلوة ههههههههه نورت يا ابو صلاح

gehad_fci said...

ههههههههههههههه
ادي اخره التكنولوجيا
بس انت ليه بتقولي علي الولاد تماسيح
دا احنا غلابه
الراجل قال بدل ما يصور صحابه العسساكر اللي عاملين زي الغفر يصور بنت اموره
ههههههههههههههههه
معلش ولا يهمك
بعد كدا كل بنت تاخد بالها من نفسها علشان الموبيلات والبلوتوث انتشر في البلد زي الانفلونزا
تحياتي لبطوطه

Abo 7anf said...

أبى
السلام عليكم الاول
مهو دى هيافه وفضى
بس مهو من الكبت والغلب
أينعم دى مش حجه
لان كتير مكبوتين انا منهم مش
مش بيعملوا كدا
بس أقول ايه
معدش فى حاجه يعملوها
فراغ عايشين فيه
مفبش هدف
لا ربنا يستر
وتقبلى مرورى

همس الاحباب said...

لا حول ولا قوة الا بالله
والله مش عارف العيب فينا ولا العيب فى التكنولوجيا ولا فى النفوس المريضة اللى انتشرت من حولنا
واستخدمنا التكنولوجيا فى الشر فقط بل اصبحنا اساتذة فى القص واللصق والتشهير بانفسنا
حسبى الله ونعم الوكيل
تحياتى
خالد

appy said...

محمود الدوح
=========
كويس انك مشيت يا ساتر بطل لعب بقى احسنلك عارف هكعبلك واخلص منك ههههههههه
لا بجد طيب ما تنصح البنات اللى حوليط يا دوح ايه المشكله يعنى ولما تشوف واحده كده قولها لا طبعا علشان عيب وفهمها يمكن واحده تقولك انت مالك وتقوم خبطاك بالدماغ تفتح دماغك واخلص منها ههههههههههههه نورت يا دوح





جهاد
=======

ههه متزعلش يا سيدى ما البنات سحالى اهلا بيك اول مرة
الله مالهم العساكير والنبى امامير بدبابير ههههههههه دى الفلونزا الهوس بالتكنولوبيا يا خويا والله ربنا يستر وسلامك وصل لبطوطه هههههههههه على فكرة دى عربيتى لو مش عارف نورت الكوكب كله

appy said...

ابو حنف
========

ايه يا دكتور ده مش كبت هو انت مش عارف تعريف الكبت ايه هو هههههههههه عيب عليك طيب اقولك
الكبت عملية لاشعورية " غير واعية " لكنها تبدأ واعية وتحتّمها مقاومة نفسية داخلية من الفرد واهمها النواهي والممنوعات والمحرمات وما يتعارض مع قيم الفرد او المجتمع
يقول علماء النفس ان الخبرات المكبوتة لاتقتصر على الدوافع المتضاربة التي يتعذر تصريفها او حلها وانما يكبت معها الشعور العاطفي الناجم عن الفشل في تحقيقها سواء كان هذا على شكل الم او غيظ او خوف او قلق . اطلق علماء النفس تسمية الخبرة المكبوتة وما ا تصل بها من مشاعر وعواطف مفرحة او مؤلمة بالعقدة النفسيةComplexوهذا يعني كبت العقدة
هو ده الكبت انما اللى عمله ده محدث تكنولوبيا وغير كده معندوش اخلاق
بس سيبك وقع فى ايدى انا
وبعدين مالك حساك زعلان ليه بس ومش بتهزر ليه كده اممممممم انت مكتئب ولا ايه طيب هاجى اشوفك نورت يا قمر







همس الاحباب
=========

شوفت يا خالود الشباب الفاضى بجد هيبهدلونا ولا مراعاه لاى حاجه فعلا ربنا يستر
نورت يا خالود من تانى مختفى ليه يا قمر

Abo 7anf said...

دا اه التعريف الجامد دا
انتى خريجه ايه بالضبط
دا لو رئيس قسم عندنا
ميعرفش يقول الكلمتين دول
دا اه الكلام الجامد دا

fahd said...

يمكن كانوا بيصورا بطوط

الاعلام الهادف هو اللي بوظ الدنيا

تعرفي السينما ليست مرأه المجتمع لا هي تقود المجتمع

اذكر انه كان في فيلم لمجموعه شباب صغيرين كان في لقطه كان هو بيصور زميلته
او كده يعني

الناس تقلدهم

يعني الراجل اللي هو من القريه ايه عرفه حاجه زي كده

وربنا يسترها علينا

هيثم الدهشان said...

للأسف يا آبى الكلام ده بقه موجود كتير قوى وخصوصا من مستحدثى التكنولوجيا وده بالتأكيد فيه انتهاك للخصوصيات وفى حاجات مش كويسة .
انتى عارفة شوفت بيوت كتير اتخربت بسبب المواضيع دى ربنا يرحمنا من اللى بيستغلوا التكنولوجيا اسوأ استغلال
وعموما انا شايف انه دى ضريبة لازم ندفعها علشان نكون

على فكرة انا موجود فى لقاء بكرة على البورصة اتمنى تكونى هناك

تقبلى تحياتى

رصيف نمرة خمسة said...

احسن حاجة يبقى ليك حق وتاخده من عين التخين يعنى لو انا او غيرى اتنازلت انها تطلع عين اللى صورها ههنبقى ماشيين فى الشارع نصور افلام ملونه مش ابيض واسود

اقولك على موقف
مرة كنت قاعدة فى الجامعة انا وصحبتى وقاعدين بنتكلم فى سؤال مهم وماسكين الكتب كمان يعنى الصورة بالنسباله غير لائقة بالمرة وبعدين لاقينا واحد فجأة كده راح متلقح قدامنا وعمال يصور هو باين بالظبط كده انه محدث فالموضوع بالنسباله كان مسلى رحت قولتله فيه حاجة قالى لا مفيش قولتله طيب كويس يلا بقة اتكل على الله لاخلى الجامعة كلها تعرفك وانت اكيد متعرفش هتعرفك ازاى
الواد سمع الكلمتين واتخرس واخد ديله فى سنانه وجرى
اصله لو مكنش مشى احتمال كنت اخاف اتكلم اكتر من كده هههه

وبعدين وانتى نازله عقلك فى راسك دبوسك فى جيبك اللى يقرب الدبوس هيشتغل

سلام ياقمر

la3lahakhier said...

الله ينور عليكى يا ابى مفتحة طول عمرك يا ستى المهم بس ماحدش ياخد الفكرة كدا جاهزة ههههههههه
لا يا ابى الشباب زى الفل وبعدين هما شبعانين انتى بس اللى ظنك وحش ومتربصه بالبوكس وقولتى تفطرى وتتغدى بيهم هههههههه
كل التحية

Miss. Sosa said...

والله يا آبي انتي طلعتي جدعة كالمعتاد فى رد فعلك
بس بجد احنا شكلنا شعب محدث تكنولوبيا

هقولك موقف اغرب اتنين صحابي كانوا بيتغدوا فى مطعم وواحدى مركزة في الاكل والتانية كانت بتلعب في النوبايل

قووم اللي كانت بتلعب في النوبايل صورت صاحبتها وهي بتاكل وقاتحة بوقها وقعدت سخسخت علي نفسها من الضحك
راحت التانية شدت منها الموبايل وشافت صورتها لاقتها بشعه فاتنرفزت واتختقت معاها ودلوقا السلطة علي دماغ بعد وقطعوا صداقتهم اللي كان بقالها 8 سنة .. وادي اخرة اللعب بالنوبايل

gehad_fci said...

انا عارف انا البطه دي عربيتك
انا اصلا متابعك من زمان بس مكنش في فرصه اني اعلق علي الحبال قصدي علي البوستات

كلا البطه
تحياتي مره تانيه لبطوط
بس مش هو عربيه المفروض يبقي بطوطه

مروة الزارع said...

بصراحة يا أأبى لة حق يصورك

لأنك من الأخر مزززة

ههههههههههههههههههههه

راعى ظروفة برضة

هههههههههههههههههههه

..............

وحشتينى جداااااا

ومقدرتش أرحمكم منى

وهرجع أدون تانى

هيصى بقى يا ستى

أو عيطى

ههههههههههههههههههه

وحشتينى

ووحشنى كل إللى عندك

القط البرى said...

يا طنط ابى

الكلب السمعى جميل جدا ودمه خفيف زى المدونة وصاحب المدونة

شكرا

سومه...مجنونه فى بلد عاقل said...

ههههههههه انا مبرمجه اهلى لو يوم لاقونى على السى ان ان يعرفوا انه عادى يا بنتى دى بقيت موضه ولعلمك يومين وحتنقرض لان الشباب مش حيصدقوا بعض وحيعرفوا انها اشتغاله
كل شىء فى الدنيا دى سلاح ذو حادين
يا صح نستخدمه يا غلط ولعلمك ربنا بيرد
يعنى فى يوم حيلاقى اصحابه معاهم صوره اخته او حتى امه او ملااته ماهى مفيش تفريق
والمصيبه ان الصور مش بتفضل زى ماهى لا دى بتتركب يعنى ممكن احطك جنب سمير غانم او يوسف وهبى...ياللهول
كله على ربنا
تحياتى ليكى سومه_87

حماتــــــــــــي ملاااااااااااك said...

بجد الحكاية أفورت وذادت عن حدها
ايه اللي بيحصل لشبابنا ده ؟
بس انتي كدة خوفتيني
يعني الواحد لازم بعد كدة يبص كويس ويخلي باله
ولو اني ياختي مايتخافش عليا
عارفة ليه ؟
عشان مابأخرجش من البيت من أصله

فاتيما said...

آبى يا جميلة
أنا موش هقولك عملوا كدا عشان قلة التعليم لأن شباب متعلم تعليم عالى بيعمل كدا
و موش هقولك الكبت لأن شباب ممكن تكون متجوزة و بتحب و تعمل كدا
و موش هقول التكونلوجيا بتشجع عشان موش كل حاجة نستخدمها أستخدام ملووح و نقول إحنا اللى دهنا الهوا دوكو
أنا هقولك دول شباب و الشباب طيش برضو
و هما عاوزين يصوروا بنت قمورة و يتمنظروا قصاد بعض بالصورة بس موش اكتر
لكن التربية عليها العامل الأكبر و الألتزام بالاخلاقيات اللى مبقتش موجودة كتير الأيام دى
بوستك دا لفت نظرى للحكاية دى كنت فكراها مقصورة على المشاهير و الناس اللى فى بؤرة الأحداث بس طلعنا كلنا معرضين للموقف دا
بس طالما الواحد مبيعملشى حاجة غلط يبقى خلاص
أمشى عدل يحتار عدوك فيك
و تحياتى يا حبوبتى

Rainbow said...

انا مش مستغربة الموضوع لانى شوفت كتير على اليوتيوب من النوعية دى
و كتير من العرب بيصورا البنات المصريات و هى ماشية من ورا يعنى ممكن جدا متلحقش تاخد بالها ولا تشوفه.

يمكن علشان كده السعودية قعدت فترة مانعة الموبايل اللى بكاميرا لان فضايح كتير ممكن تظهر و تبان على السطح لكن حالا الموضوع خرج من ايديها و الكل معاه موبايل
و للاسف اللى بيصور مش بيصور بس بنات فى الشارع لكن بيصور حاجات تفضح اعراض ناس
و هنا اقول لكل واحد بيصور حد

من تتبع عورة أخيه .. يتبع الله عورته


احييكى على شجاعتك و عدم سكوتك

حنين القلب said...

والله العظيم دمك عسسسسسسسسسسسسسسسسسسسسسسسسسسل يا ابى
بس كويس انك اخدتى بالك انا برضه كان ليه صاحبتى وكانت مرتبطه بواحد بتحبه يعنى وكان ليهم صور كتير مع بعض على تليفونه وبعدين حصلت ظروف واتخطبت لحد تانى وكان قريبها وراح حبيبها بعت ليه الصور وبعد كمان ما غيير فيها شويه بس بعت من الاصلى ومن المتركب علشان خطيبها يصدق وفعلا صدق وفسخ الخطوبه بس بعد ما عمل فضيحه للسما
المهم المفروض ان البنات ولا تتصور برضاها ولا تسكت لو اتصورت غصب عنها وتبقى ابى هى زعيمه وكلنا نعمل زيها لو اتحطينا فى موقفها
سلام يا سكرة

واحد من البلد دى said...

إزيك يا آبى
بصى بقى..
أنا معايا موبايلين مش موبايل واحد..
بس عارفة الموبايلين ثمنهم كام..؟؟؟؟؟؟
والله أنا شاريهم بالكرتونة جداد لانج الأتنين ب 650 جنيه..
آه والله..
مش علشان ما عنديش فلوس ...بالعكس أنا الحمد لله حالتى ميسورة جدا..
بس أنا ماحبش أنضرب على قفايا.يعنى أجيب موبايل بأربع آلاف جنيه وبعد شهر واحد ألاقيه بثلاثة آلاف..يرضى مين ده بزمتك...
لأو المصيبة بقى لو ضاع
أفضل أعمل محاضر فى القسم والقرية الذكية و الست فتحية و أشهق فى الملوخية و شفتى اللى جرالى يا حاجة فوزية.....و..و..و..و..و
وعلى إيه كل ده ..
أنا لما بيضيع منى موبايل من بتوعى والله العظيم زى ما باقولك كده..أروح على الشركة طوالى أجيب شريحة جديدة و أخرج من الشركة على أقرب واحد بتاع موبايلات أشترى موبايل ب 400 جنيه بالكتير و بارك الله فيما رزق ..
ولا أزعل نفسى و أفضل أقول يا ولاد الحلال ماحدش شاف موبايل تايه ...
الغريبة بقى يا آبى يا أختاه إن الشباب دول والله العظيم و أنا متأكد من قسمى ده..أغلبهم شارى الموبايل الحديث ده شكك أو أبوه جايبهوله أو البنت اللى صورها بيه هى اللى جايباهوله شوفى البجاحة..
ولو فتشتيه ما تلاقيش فى جيبه 50 جنيه توحد ربها..
أنا مش ضد التكنولوجيا لكن أنا ضد اللى يشترى حاجة-أى حاجة-وهو مش محتاج لها ..
يعنى مثلا الناس اللى ممكن تشترى الموبايل أبو كاميرا ده ..النجارين أو النقاشين أو أى حد محتاج الكاميرا ..
وبالنسبة للحظات الحلوة..
أنا عن نفسى عندى كاميرا فيديو باخدها معايا لما أكون خارج فى فسحة أنا والولاد و المدام طبعا أو فى المصيف أو الكلام ده..
وفى النهاية..أنا متشكر على سؤالك عنى و أدينى يا ستى عوضت غيابى بتعليق طويييييييييييل..وربنا يحميكى إنتى وكل بنات ......وشباب المسلمين
آمين آمين

Tarek said...

متتخيليش أد ايه كلامك عصبني ونرفزنى لأني تخيلت أختي أو خطيبتى وحد بيصورها كده لو أنا منك كنت مسبتهوش غير لما تسيبي بصمة جزمتك على وشه
وعموما العيب فى الناس مش في التكنولوجيا .. جهتم القرف أشكال ضالة
لكن إنتي جدعة عجبني تصرفك بس برده مش كل البنات هتكون عندها الشجاعة انها تعمل كده
ربنا يستر علينا الناس بتتوحش كل شوية
وحتة ان الناس بتتفرج وتقول ملهاش دعوة دي بقت العادي ودي الكارثة الأكبر وحلها إن لو كل واحد تخيل إن الى في الموقف الى قدامه حد من اهله أو أصحابه عمره ما هيسكت
الخوف بقا لو كان هيسكت

الفارس الملثم said...

طبعا كلامك صح , وتتعدد اسباب هذا التصرف , بعضها زي ما بتدي مسدس لعيل صغير فهو بيعتبره لعبه وهو مش مدرك خطورته ...

والبعض زي ما قلتي يقعد يفشر ويترسم بيه ,يعني الواد مقطع السمكه من ديلها ..

والبعض وهو الاخضر ناس بلقوب مريضه بتسئ استغلال هذه الصور وبتعمل بيها كوارث بالمعني الحرفي للكلمه ..

بس طبعا الشئ الجميل في الموضوع ان الشهامه لم تنقرض نهائيا كما يقال , ولسه في رجاله وبتقف وقفة رجاله هههههههه


سلام يا ابي

النجم القادم said...

يالهوى يالهوى يالهوى

حد بيصور خالتى

ينفع كده لا لا لا لا

بس اتلاقيكى انتى اللى كنتى مزوداها شويه فى الميكب

نهيهانهيهانهيا ههههههههههه

لا بجد احيكى ياخالتى على الشجاعة اللى انتى فيها

وبجد نحزن على حال شبابنا واللى بيحصله

بس اختنا الفاضلة نتكلم جد شويه

ده عيب المجتمع وهو ان الشباب ده لو ملتزم ويعرف ربنا ويعرف ان كده عيب وحرام

وانا ليا راى فى موضوع البنات عامة ومعاكستهم ان لو كل واحد وضع اخته او امه او زوجته او خطيبته او اى حد قريبه فى موضع اللى بيعاكسها هل هيرضاها على نفسه

اللى بيعاكس البنت وبيصورها

والله هيتردله هيتردله

وكلنا عارفين الموقف دقة بدقة ولو زدت لزاد السقا

ولكنى اقول

افعل ماشئت فكما تدين تدان

رفقة عمر said...

تعرفى انا بقيت بخاف من الشارع جداااا
وبقيت باحب اكون فى البيت اكتر
ربنا يحفظ بنات المسلمين من اصحاب القلوب المريضه
بس بجد احيييك على شجاعتك عارفه انا لو مكان باحس بشلل بجد وبافقد النطق فى المواقف اللى زى دى
ربنا يحميكى

الساحرة said...

عندك حق يا اّبي

لسه حاصل موقف مع بنت معرفه خلاني العن التكنولوبيا

بنت في الجامعهاتعرفت علي ولد عادي اخوات

بعد فتر ة الشعور اتغير والولد طلب ايديها مش سلف للجواز هههههههه


جيه البيت البنت لقته بيقول حاجات عن حياته

غير اللي تعرفها يعني بيكدب

فرفضته ومن هنا بدات المشكله

فهمها انه عادي خلاص خلينا اخوات

من عادات البنات والولاد الخطا انهم ممكن يسيبوة موبيلهم

مع اي حد مع انه المفروض شيء شخصي جدا

المهم الولد نقل كل الارقام والصور اللي علي الموبيل

وبدا خطه للتشهير بيها مواقع علي النت بارقام التليفونات والصور

والصور كانت لباباها ومامتها واخواتها

معاناة في البيت لمدة 4 شهور

محاوله منهم لحل الموقف وديا

طبعا كانت النتيجه انه بيزيد وكانت اخرته 6شهور سجن و10000 غرامه

معلش طولت عليكي بس حبيت اقول للبنات خلوة

بالكو ومتخفوش من حد ولو حد صوركو صوتوة يا بنات ههههههه

Zika said...

فعلا يا آبي الموضوع ده انتشر بقي عامل زي انفلونزا الطيور بالظبط
تعالي عندنا الجامعه وانتي هتشوفي بعينك اللي يحرق الدم ويفجر الدماغ
الشباب بقت عليهم كمية تفاهه يحسدوا عليها بحد
حاجه بقت زفت خالص
بس والله برافو عليكي
انتي كل يوم بتثبتيلي انك بنت راجل جدا والله
( ده اطراء علي فكره كنايه عن الجدعنه )
:D :D

فرنسا هانم said...

مكبوت يا ولدى مكبوووووووووووت مكبوت مكبوت
********
رساله الى احمد الجيزاوى
هى بقت عاصمه واقاليم ؟؟؟؟؟؟؟؟؟؟
انت فاكر البنات بتوع الاقاليم دول لسه بيملوا الميه فى الزلعه ؟؟؟؟؟؟؟
وبعدين كبت ايه اللى انت جاى تقول عليه ؟؟؟؟؟؟
عموما
نشكرك جدا على التعميم
ونحن نعتز بالعاصمه
ونعتز باننا من الاقاليم
**********
ابى يا حبيبتى
اسفه جدا
وجدا
وجدا تانى لانى ملحقتش التدوينه اللى فاتت
ولا اقولك حصل خير كان زمانى فى قسم فيصل

ابى العزيزه

بالنسبه للعسكرى ده وشباب كتير زيه ماكنشى مفروض تسبيه بالساهل كان مفروض تجرجريه للقسم وتأدبيه علشان ميكررهاش تانى لا هو ولا غيره
بس عارفه لو انا مكانك كنت عملت نفس اللى انتى عملتيه وكنت سيبته لحال سبيله عارفه ليه
اقولك ( وانا مش بناقض نفسى ) لكن احنا كنا هنفكر فى مستقبل الشاب ده اكتر من تفكيره هو فى مستقبله
تحياتى لكى
واقبلى اعتذارى على التاخير

WhItE HeArT said...

احم احم

اهم حاجة بجد انك اديتيهوملو " ومتسألينيش ايه اللي اديتيهولو علشان انا نفسي معرفش انتي شرشحتيلو وله شتمتيه وله الاتنين في ان واحد زي هيد اند شولدر 2 في 1 " المهم يعني انك ظبطتيه وبصراحه يستاهل لإن حرام عليه بجد وهقول ايه الكلام كله اكيد معروف

بجد انا لو كنت موجود في الموقف ده مكنتش سبته وله سبتك الا وانتي عاملاله محضر علشان يحرم هوه وأمثاله


بجد بهنيكي على قوتك انك وقفتي قصاده ومتقلقيش لسه شباب مصر بخير " مش بخير اوي يعني " بس لسه فيهم الشهامه
لكن بصراحه انا شاهدت خناقه من اللي انتي بتقولي عليها بنت بتتخانق مع ولد واحنا بنتفرج بالفعل كنت بتفرج بس لسب لإن الواد هوه اللي اتشتم بشتايم انا نفسي اتكسف اشتمها وهوه اللي هيه ضربته يعني بصراحه احنا كنا عايزين نتخانق معاه مش معاها

البنت زي الولد مهياش كمالة ودقه

تحياتي

صحفية روشة said...

والله يا ابى الموقف دة حصل معايا
واحد صورنى بالموبايل
بس طلعت عينه وعملت مشكله والناس خدوا منه الموبايل وادهونى امسح الصور وبهدلته
وموقف تانى انيل ملوش علاقة بالتكنولوجيا بس احب احكيه
غلاسه بقة
وانا فى ثانوى كان لازم بيطلعلونا بطاقات تامين صحى
مع انى عمرى ما شفته ولا اعرف مكانه فين
بس اهو اجراءات المدرسة كدة ويوم لما جيت استلم البطاقة لقيت صورة ناقصة قلتلها انا مسلمه صورتين للتامين
قالتلى يعنى احنا مش عارفين شغلنا ولا ايه يعنى الصورة هتكون راحت فين اكيد انتى سلمتى واحدة بس
والله الموضوع مكنش مهم وقتها بالنسبه ليا عشان انا مش بروح التامين من اساسه مين يعمل كدة فى نفسه ويقل كرامته ويروح التامين؟
المهم فيييييييييييييييين بعد 3شهور من استلام البطاقة لقيت واحد موقفنى وبيقولى انتى صاحبه الصورة دى اوبااااااااا
دى صورتى وطلع ان هو لاقها مع واحد تانى دفعتنا برده وكان قطع الصورة دى من على التامين الصحى لما دخل اوضه التامين
يا حالولى مبقتش مصدقه نفسى
بس شكرا للاخ اللى جابلى صورتى تانى وعرفنى ان الواد كان بيتنظر بيها على اصحابه
شوفتى بقة ان موضوعك اسهل بكتير
واسفة انى طولت عليكى
سلام

A.SAMIR said...

انما هو السؤال الغلس
تفتكري واحد هيصور بنت في الشارع ليه؟
انا طبعا ضد الفعل دة تماما تماما
بس نصيحة وطلب ورجاء لكل بنت او سيدة
ارحموا الناس اللي ماشية في الشارع..يعني مجند الامن المركزي ماشافش بنات من سنتين تلاتة ويمكن ما شفش بنات اصلا في حياته يبقى رفقا بنفسكن وبالشباب والرحمة في اللبس شوية
معلش ممكن رأيي يكون سخيف بس اهو رأيي
تحياتي

بحبك يامصر said...

يعنى انتى يا اببى عماله تقولى على الولاد اللى مش كويسه وبتصور وبتعمل الحاجات الوحشه دى وفى الاخر خالص افتكرتى ان فى بنات برده بتغلط نفس الغلطه بلاش تحيز
هههههههههههههه
الغلط طبعا مفيش حد يعرف يقول عليه انه صح ده لو حب يخليه صح
انما انتى شجاعه فعلا الحبتين اللى انتى بتعمليهم بالجراءه دى بتنفع بس خايف فى مره تخيب
ربنا يستر عليكى

appy said...

ابو حنف
=========

خريجه خدمه اجتماعيه يعنى دارسه نفساويات الناس يا دكتور ههههه بس دول كلام علماء مش انا يعنى انا بس حبيت اوضح ليك نقطه
التفرقه بين الكبت والاخلاق والتصرفات والاحكام الغلط بس
وميرسى ليك يا واد يا دكتور يا زملكاوى هههههههههه
نورت الكوكب






فهد
====
ايه وانا معنديش بطابيط حد يصورة شرف العربيه زى صفيحه البنزين ههههههههه
عارفه الفيلم اوقات فراغ شوفته وفعلا كانت مهزله تخيل لو مع حد عيلته محافظه جدا او سوط شويه عن دول ايه يحصل ربنا يستر وميرسى ليك يا فهد نورت الكوكب

appy said...

هيثم دهشان
=========

بس يا ريت نعرف نغير ده ولو احنا مش بنعمل كده نمنع اللى بيعمل
ان شاء الله هاجيلكم وربنا يستر مجيش بخناقه تانيه هههههههههههه هتنور القاهرة كلها





رصيف نمرة خمسه
===========

لا جمدى قلبك عن كده احنا بنات وهتلاقى اللى يخدم هههههههه بس احسن برافوا عليكى والله ناس فعلا مش عندهم دم ومش فاهمه ليه كده يمكن بيبعوا الصور او بيبدلوها باكياس شيبسى هههههههههه نورتى يا قمر الكوكب كله

appy said...

لعله خير
========

اممممم انتى الوحيده اللى قفشتينى يعنى اه متغاظه من البوكس اصله مصرى ههههههههههه وشرطه
وفعلا شبابنا بخيررررررر خالص الحمد لله
نورتى يا قمر الكوكب كله وربنا يستر علينا




ميس سوسا
=========

مش انا قولت ومن التكنولوبيا ما قتل ههههههههههههه شوفتى اهى قلبت بايه علشان هزار رخم وبدون قصد الاتنين تربسوا
ربنا يستر والناس تفهم بقى ان فيه خصوصيات
نورتى يا ميس الدنيا كلها

appy said...

جهاد
=====

ولا يهمك انا عارفه ان خرفانى بتنطح الناس فمش بيعلقوا ههههههههه
المهم ايه التفرقه دى انا يا سيدى عاوزاها بطوط الله وبعدين علشان انا بحب دونالد دك
نورت الكوكب





مروة الزارع
=============

بليز يا مروة بجد مش بحب اللفظ ده لانه وحش جدا وبعدين حتى لو ملكه جمال العالم ماشيه فى الشارع مش من حق اى حد يخترق خصوصيتها وخاصه انها بتستخدم غلط فيه ناس تانيه بتتبسط بكده انما انا لا ههههههههه واهلا بيكى تانى فى التدوين يا قمر نورت الكوكب

appy said...

القط البرى
==========

ميرسى يا حبيب طنط آبى نورت الكوكب يا اصغر مدون







سومه
====
يعنى ايه ابرمجهم فى البيت على كام ابعتى ليه التردد ههههههههه لا هما عارفين المصيبه فى الاهالى التانيه
نورتى يا فاتن هانم بمناسبه الافلام الابيض والاسود ياحلاوة اللى دخلتى فيها دى ههههههههههههههههه

appy said...

المفقوع مرارتها
===========

يا عينى يعنى حماتك ومحبوسه حبس استفرادى يالا معلش يا بنتى ربنا يفك اسرك ههههههههه نورتى





فاتيما
========

بصى يا ام يوسف يعنى هو انفع اتمنظر بحاجه مش ملكى وبعدين ده مش اسمه طيش لان فيه ناس كبيرة بتعمل كده فعلا ومش منظرة كمان لاغراض دنيئه وياما بيوت اتخربت وناس استغلت حاجات ضد ناس بسبب عدم وعى الشباب للمصايب دى
انا عن نفسى اللى يقولى صورتك ولا فاكر انه واخد صورة ليه يتمنظر بيها اقوله احرقها وبخر بيها نفسك يمكن تفك عنك العكوسات هههههههههه يعنى من الاخر مش بيهمنى بس فيه ناس تانيه الدنيا بتتهد عليهم
ربنا يهدى الشباب يا رب ويحميهم من اى لخبطه وهوس فى عقولهم
نورتى يا احن ام واخت كمان

appy said...

Rainbow
=======

الشباب العرب وغيره فعلا عندهم هوس اكتر بده ومصيبه انهم يقولك بنات مصر وممكن تكون مغربيه او غيرها طالعه فى الكليب بس تقولى ايه وفيه ناس بتبقى عارفه انها بتتصور وتقبل اما انا فكلا البطه والوزة ههههههههههه
وفعلا ربنا مش بيسيب حق حد
نورتى يا جارتى الجميله





حنين القلب
===========
ميرسى ليكى يا حنين بس المشكله ان البنت بتحط ثقه كبيرة ساعات لما تتصور بمزاجها فى اللى قدامها وده غلط بجد لانه فى النهايه بيودى فى داهيه
وشكرا لكم لحسن اختياركم لى زعيمه البتنجان ههههههههههههه

appy said...

واحد من البلد دى
===============

اهلا وسهلا والله اللى حضرتك بتقوله انا عن نفسى كنت عاملاه بس معايا واحد غالى وارد الامارات وواحد رخيص وبعدين بعت الاتنين وجبت واحد مشغله فيه الخطين وعندى كاميرا
وفعلا المشكله زى ما بتقول ان فيه ناس جايباه قسط او والده جايبه ليه واستخدام خاطئ
نورت الكوكب كله والحمد لله انك بخير





طارق
=====
ما هو ده دورنا بقى يا طارق اللى يشوف غلط يغيرة مينفعش نسيبه كده ونديله ضهرنا بما اننا بنشوف قرف بالشكل ده
نورت وروق اعصابك اقولك اقعد العب مع خرفانى البمبى شويه فى الكوكب هتبقى كويس ههههههههههههه

appy said...

الفارس الملثم
===============

صح يا محمد بس لازم احنا كلنا كشباب محترم نوقف للناس دى ومنقولش احنا مالنا ولا ملناش فيه
وفعلا الشهامه موجوده بس تلات ايام فى الاسبوع هههههههههههههه نورت يا محمد





النجم القادم
=============
يا ابن اختى العزيز انت ظلمت خالتك خالص عارف ليه لانى كنت جايه من اخر الهرم اول طريق الفيوم بعد ما قصيت يوم مع خالتى واولادها وكنت تعبانه وتقريبا من غير ميك اب
هى المشكله ان اللى بيصور مش بيهمه ميك اب ولا لا والله لا هو عند وقله ادب فى راى
وكلامك صح اكيد هتترد بس احنا مش نسكت صح ولا ايه
نورت يا ابن اختى واتهد وذاكر وبطل تنطيط فى المدونات المجاورة ههههههههه

اهو ده عيبه said...

ازيك يا ابى

بصى احنا احسن ناس نسئ استخدام الاستخراعات الحديثة واللى زينا مينفعش معاهم لا موبايلات بكاميرا ولا بلوتوث ولا الكلام ده

لان فعلا ناس كتير بتستخدم الحاجات دى فى اذية الناس وفضحهم ودول ان شاء الله مش هيوردوا على جنه

وياريت الشباب عندنا يعقل شوية ويتقى الله والحمد لله ان لسه فى ناس عندها نخوة واتحمقت معاكى فى الموقف ده

اختك الحله التيفال

appy said...

رفقه عمر
===========
الف سلامه عليكى من الشلل ان شاء الله الناس الوحشين
جمدى قلبك لان ده الزمن اللى احنا فيه الى ان يشاء رب العالمين ويتغير ربنا يحميكى نورتى الكوكب






الساحرة
=======

بس ده بيبقى سهل يجبوه مباحث النت والاتليفونات بس المشكله ان البنت بتكون فعلا ادمرت نفسيا جدا
ربنا يستر ونقدر نقف للحاجات دى كلها
نورتى يا قمر الكوكب

appy said...

زيكا
======
اهلا ازيك
طيب وانت يا اخ بتسكت ولا ايه اوعى تكون بتسكت يا نهار طيب حط حد قريبك مكانه يا راجل بس انا عارفه اكيد مش بتسكت
ربنا يخليك بس انا ست بميت ست ههههههههههههه والله انا غلبانه بس ربنا واقف جنبى بس
نورت الكوكب كله





فرنسا هانم
=========

لااااااالااااااااا كله الا زعلك معلش اعذريه يا حبيبتى مش بيقرى كتب علم نفس وبعدين مالها الزلعه والله شيك هو يطول اصلا
وبعدين سيبك من كدابين الزفه بس يا قمر

اما بخصوص الولد فعلا انا مرضيتش علشان اللى انتى قولتيه انى مش عاوزة اذى مستقبله واهله ملهومش ذنب خالص ويمكن ده يفوقه بس ومش يعمل كده تانى ويعرف ان ربنا للغلط بالمرصاد
ونورتى الكوكب كله يا احلى فرنسا هانم فى الدنيا

appy said...

القلب الابيض
==========


والله يا بيه مش انا خالص انا معرفش ولا اشرشح ولا اتنيل عيب عليك انا لسانى طويل بالادب انما عمرى ما انزل نفسى للمستوى ده من الشتيمه او تطويل اللسان خالص
انا هنا بس انا شتومه يا كزوفى عيب عليك
والشباب قاموا بالواجب معاه ههههههههههههه
نورت يا قمر





صحفيه روشه
==========

شوفتى علشان مظلومه ربنا عمل ايه ومخلاش واحد وحش يأخدها انما بتوع التأمين ابقى مضيهم على الاستلام هههههههههه
نورتى ومش قاعده تذاكرى ليه يا بنتى اتهدى بقى لو سمحتى

appy said...

a.samir
=========

طبعا وانا هقولك انا كنت راكبه عربيتى ومنكوشه شبه المخده القطن والله مفيش ميك اب باين ومش بدافع بس فيه ناس غاويه قله ادب وتمشى تضايق فى خلق الله عموما طيب ليه يصوروا واحده محجبه وليه واحده لابسه اسدال انا بشوف مهازل كتير حتى فى المعاكسات
دى قيم يا سمير مش قصه البنت عملت او لا يعنى العبيط اللى بيصورنى كمان بيصورنى بالجنب وانا غطسانه فى عربيتى تفتكر ليه
يعنى مش الذنب على البنت بس
نورت الكوكب كله





بحبك يا مصر
=========

اه طبعا متحيزة للجنس القطيف بتاعى هههههههههه لا مش افتكرت بس الحادثه حصلت معايا انا بنت لو العكس كنت قولت كده والغلط غلط برضه فى كل النفوس
نورت يا قمر

appy said...

اهو ده عيبه
===========

اختى الحله التيفال فى المطبخ هههههههههه
كلامك مظبوط يا دوللى بجد ومبسوطه بيه جدا
ولازم يبقى فيه اخلاق عن الشوباب يا اوختى والله لانها هتترد ليهم
يالا نورتى ومتغبيش المطبخ من غيرك وحش هههههههههه

Sherif said...

رغم أن تصرفك عجبنى لأنه ينم عن شجاعة وجرأة أحبها فى أى انسان

الا انى لازلت عند رأيى .. خللى بالك .. مش من تصرفك .. بالعكس .. ولكن من حماقة الآخرين

فلازال الوطن العزيز لايخلو من بعض الحماقات التى لاتأتى الا من المؤتمنين على الآخرين

ربنا يحفظك دائما

Zika said...

ال بسكت ال
لا طبعا يا آبي انا مش بسكت انا بارضه بصوت وربنا بيسترها لوحده
:D

appy said...

شريف
====
انا اساسا مش بحب من خاف سلم ههههههههه مقوله رخمه بجد
عموما ميرسى على نصيحتك بس بجد ربنا دايما مع الحق
وكمان شبابنا لسه بخير هههههههه نورت يا شريف




زيكا
====
اممممم هو ده المتوقع منك برضه اشد فى شعرى يعنى عاااااااااااااااا

Ahmed Al-Sabbagh said...

بصى يا ستى

لو طالعتى اليوتيوب هتلاقى بعض الفيديوهات المتصورة فى بعض وسائل المواصلات لأشخاص ابرياء تم الاعتداء على سمعتهم
واحدة قاعدة جنب خطيبها يروح واحد جاى مصور ومنزل على اليوتيوب
كارثة كبرى ممكن نقع فيها كلنا

سمعت ان احد الشروط الحديثة فى تصنيع الموبايل والكاميرا انها تعمل صوت عشان نتجنب التصوير بدون اذن
بس ده طبعا مش هيعمل حاجة فى الاماكن العامة والمواصلات والكافيهات
كمان سمعت ان اختراع ممكن تلبسة البنت زى سلسلة كدة تستقبل اشارات الموبايل والكميرا وتقول ان فى حد بيصور دلوقت
ياريت تدورى عليه وتشترية
وابقى هاتى لى واحد
:))

ربنا يستر
لازم حملة توعية للشباب عشان ده غلط

تحياتى لكى على الموضوعات الجامدة

احمد الصباغ

طارق الغنام said...

الاخت الرائعة
لاول مرة ادخل مدونتك وسعدت بروحك وخفة ظلك واحسدك على رشاقة قلمك
موضوع هام وربنا يهدى شبابنا المستهتر
وكمان لازم كل بنت تأخذ حذرها وتبعد عن كل الاشياء المشبوهة
انا سعيد بمدونتك وستجدينى هنا دائما
وادعوكى لزيارة مدونتى المتزاضعة
ودمتى بحفظ الله

عمر احمد said...

مممممممممم

ربنا يهدينا

ويزيد عدد الشباب المحترمين من الذين يعدون على اصابع اليد ين

الى الذين يعدون على اصابع الشعب كله

مجداوية said...

السلام عليكم

يا بنتى انتى متراقبة
دول من الموساد
او الاف بى أى
أو الجستابو
أوسى أى ايه
أو من عند سلومة الأقرع

صيتك وصل
عرفوا بحكاية المعتقلات اللى على البحر فى مارينا

ابقى انزلى متخفية زى مستر اكس
وبعدين حنكلمك بالشفرة بعد كده
والفله فى المنافلة
والسنجة فى الرنجة

وكل عام وانتم بخير
وحوووووووووووول

Z_Diva said...

ah ya appy elmowdou3 da by3asbny we y3mly heshes fe nafo5y
ana asln ver paranoied, we toul mna mashy atgnb ay 7ad mask mobiel walf wamshy mn 7tta tanya 3shan bab2a 5yfa ykoun bysawar, m3 an asln ana shakly 3ady we lbsy kllo 3ady y3ny hab2a 3mla zay elly bytl3o fe5lfyat elmshahed elly btetswr felshare3, bas still da msh m3nah inny 3ayza aft7 elnet marra al2y nfsy walla weshy m7tout fe 7ga habla walla kda 3mlha wa7d mareed nafsawyn
y7r2 y5tchy elnobil abo kamara we el3g wellila elzar2a de :D
bas ana 3gbteny wallahy belly 3mltyh, ragl inta ya maan :D

Anonymous said...

dear ... al comment beta3y ...for the bloger really wow ... and u have very nice talking way reallly .. u r very thinking , talent one ,,,

أم أحمد المصرية said...

ازيك يا قمر
فكرتيني ببيت شعر قديم بس انا غيرت في كلامه :)
نعيب التكنولوجيا و العيب فينا
و ما للتكنولوجيا عيب سوانا
بس ان الغلطان يا جميل حد قال لك تبقي جميل :)) ربنا يهدي الجميع دي مشكلة نقص دين عند بعض الناس

EmY said...

صاغ مقدم آبي هانم رئيس تحريات وسط البلد

دول كانوا لاعبين في عداد عمرهم علشان يغلطوا معاكي انتي

ده انتي وراكي رجاله ياكلو جاتو

احنا عندنا سوء استخدام لكل حاجه مش عارفا ليه بناخد الاسوأ دايما

بنفهم الدين غلط و نستخدم التربيه غلط و نتعامل غلط مع التكنولوجيا

حاجه تشل بصراحه

بوست جميل اوي اوي يا آبي

كلام على بلاطة said...

شوفى يا ابى عيشى حياتك
مع بطوط واتسلى مرة تفتحى الزجاج ومرة تقفلية
وربنا هيعدلها بمعرفتة

سكــر said...

ياقلبك الجااامد

وكسرتى ع البوكس

طب احمدى ربنا ان السواق مكنشى غشيم

وخرشملك بطوط

بجد احمدى ربنا

والله فيهم سواقين كتير اغبيه

محمد صديقى رحمة الله عليه

داسته عربية شرطه

ومحدش عرف ياخد حق ولا باطل معاهم

وصديق تانى عربية شرطه دمرت عربيته

ومحدش عرف ياخد حق ولاباطل معاهم

اما يستى بخصوص التكنولبيا

الى بنستخدمها غلط

بيتهيأ لى الموضوع قل شويه عن بدية

استخدام التليفون المحمول ابو كاميرا

وبما انك طلبتى موقف
هحكيلك حكايه قريتها فى الجورنال
واحد اشترى موبيل بكارت مومرى

راح العتبه علشان يحط عليه شوية كليبات

وشويه حجات مش كويسه

وراح شغله
قووم ايه وهو سهران فى شغله

حب يتفرج ع المسخره

ومن ضمن المسخره

شاف زوجتة

طبعا مع واحد تانى

وعرف ان زوجته بتخونه

وكانت صدمه كبيره طبعا

وطلاق ومحاكم وفضايح

ربنا يسترها

ااابى

خالى بالك من كوكبك

ونفسك

تحياااتى

احمد سكر

القط البرى said...

يا طنط ابى هذه مدونة جميلة جدا ولطيفة وانا بحب اعلق فيها عشان جمالها وخفت دمها وكمان عشان الكلب السمعى الجيل

شكرا
محمود

خبيب said...

ياااااااااه

أنا اتأخرت ؟
ولا راحت عليا نومة ؟

---

ستبقى كل أدوات "التكنولوبيا" مجرد أدوات ..

ككل الأدوات

نستطيع أن نبني بها ، ونستطيع أن نهدم

نستطيع أن ننفع ، ونستطيع أن نقتل

---

ومشكلة التكنولوبيا أنها تعطي الفرصة للتخفي ، وتعطي مزيدا من الحرية والانفتاح

وهو ما يجعل التحكم فيها قاصرا على شئ واحد فحسب : الأخلاق

إذ لن يمكن - أبدا - السيطرة على كل هذا الكم من التكنولوجيا ؟

---

يتبع ذلك ..

أن تحرص كل بنت على نفسها من وضع نفسها في موقف لا يليق

وما عدا ذلك ..
أسأل الله أن يحفظ بنات المسلمين من كل عديم أخلاق

---

وأتمنى أن ينشغل مكتب الأمن العزيز المختص بالانترنت بالقضايا الجنائية بدل انشغاله بالسياسي منها !

---

دمتِ بخير

monaliza said...

بس ليه بجد ماوديتهمش القسم بما انك كنتى تقدرى
ماهم ممكن جدا يعملوا كده تانى بعد ماالموقف يخلص
لكن فى القسم بقى هيحرموا يعملوها تانى
وفى حاجة تانية بجد انتى بتقوللى للبنات ياخدوا بالهم طب يعنى يعملوا ايه ؟
انا يوم مابمشى فى الشارع ببص قدامى وبس ومباخدش بالى من الناس يعنى لو قابلت واحدة من صحباتى ماباخدش بالى منها الا لو هى اللى لفتت نظرى ليها
بس سيبك انتى عجبتينى وحركة جامدة منك

حـــــدوتـــــة said...

انتى عارفة لولا العساكر دى نيتهم سليمة وامهاتهم دعيالهم
مكنوش وقعوا مع واحدة دمها حامى ذيك
بس العملية ارزاق وهما اكيد خدوا اللى فيه النصيب من غير قسم ولا حاجة

والناس دى معزورة برضة
حد يشوف القمر ويقعد ساكت
ههههههههههههههههههههههههههههههههههه

سلالالالالالالالالام

يوميات فنانه مفروسه جداا said...

وربنا يا ابي انت بنوته بمية راجل دانتي المفروض تدي كورسات للبنات والله
الله عليك وعلي شجاعتك وانا نفسي ابقي نصك حتي بس يلا ادينا بنتعلم.
وبعدين أخص عليكي يا ابي كنتي سيبيه دا كان هيعملك أحلي دعايه عندهم في الكفر يوم عيد الفلاح ههههههههههه
ربنا يسترها علينا دنيا واخره
تقبلي مروري يا قمر
تحياتي

بت خيخة وأى كلام said...

اخر يوم شفتك فيه على البورصة
قبل ما تيجى بشوية يا ابى
كان فيه واحد قاعد
على الترابيزة اللى قدامنالوحده
فجأة لقيته رافع الموبايل بتاعه فى اتجاه معين وبيبص فيه
لاول وهلة انا قلت عادى تلاقى حد بعتله ماسيدج ولا حاجة وبيقراها
بس اتجاه الموبايل كان على الترابيزة اللى جانبى
بصيت كدة لاقيت مجموعة بنات جايين وهيقعدوا على الترابيزة
وكان فيهم واحدة لابسة بادى هاف ستومك وبطنها باينة
فانا ربطت مابين بطنها اللى باينة ومابين الواد اللى قاعد لوحده
ومعرفش ليه حسيت انه كان بيصورها
طبعا الله اعلم
وان بعض الظن اثم
بس بجد لو كان بيصورها يبقى ربنا ياخده
لان بجد كدة حرام
وربنا يستر على الناس كلهم من استخدامهم للتكنولوجيا بصورة غلط

وبعدين انا لو منك كنت رحت القسم
وهناك سلومة الاقرع مايعرفش ابوه

الحمد الله ان ربنا سترها معاكى

سلام
اختك خيخة

wanna b a physician said...

بينى وبينك هو زمن جابلى المرارة وخلاص قربت اتشل بجد الناس بقيت بلا اخلاق
فى طبعا ناس كويسة بس دائما الشىء السىء يطفو على السطح عايزين بيوت سليمة عشان يكون عندنا ابناء كويسة

MoHaMeD HoSSaM said...

عليا النعمة ما عارف اقولك اي

بس بجد الكلام دا بيحصل وبشكل افظع كمان من الي بتقوليه

بس عايز الناس تبقي عندها اخلاق وشجاعة

اخلاق عشان ميعملوش اصلا الكلام دا

وشجاعة عند الناس الي بتكتشف الموضوع دا وبتسكت


ابقي فكرني احكيلك علي حاجة لما اشوفك علي الموضوع دا


تحياتشي

لماضة said...

ههههههههههههه
لا وانتي زي العسل يا ابي يعني حاجه جميله والله لما تتصور والواحد يحتفظ بيها
ربنا يشفيهم والله الناس دي
ويعافينا ويستر علينا من بلاويهم

مستنيه اشوفك هتعملي فيا ايه يوم الخميس عشان انا عيله وممكن اطلع اجري
:D

fahd said...

انت مختفية ليه

انا نزلت الجزء التاني من الشيخ طلبة وفيها شوية حاجات كده ممكن نتخانق عليها

انتظر رايك

daktara said...

نيهاهاهاهااها
والله موضوعك مضحك موت
واحد اهبل ماسك كاميرا في توبايل وبيصور في الشارع البنات
شئ غبي
بس هو معلش يعني معزور
اصل انت متعرفيش العساكر دول حالهم ايه
يصعب علي الكافر
بس حركة جرأة منك قوي اللي انت عملتيها ونزلت هزئتيه في الشارع
يعني انا مثلا لو لقيت بنت بتصورني في الشارع (وده طبعا بيحصل كتير)ملحوظة دي جملة اعتراضية بين قوسين
لا يمكن ابدا افكر ازعقلها
بس عملتي خير انك سيتيه يمشي لان لو عملتيلوا محضر كان هيبقي شكله وحش قوي

انظر حولك
د. خالد عزب

daktara said...

وبالنسبة للبوست اللي جالك علي الميل وانا عملتله ديليت
فالشرف طبعا ليا اني اعرف بنت ليها عقليتك وتفكيرك
وانا مستعد نكمل المشروع بعد استكمال المقدمات طبعا

daktara said...
This comment has been removed by the author.
حبيبـــــــة القمـــــر said...

السلام عليكم
ازيك يا سكر
قريت البوست واتخضيت متخيلتش ان فيه بنت بتجيلها جرأة ترد وتواجه موقف بالحزم دا مع ناس متخلفه من محبي الاذى .. الواحد ميضمنش رد الفعل كان هيبقى ايه وكويس ان فيه شباب جدعان وقفوا معاكي برجوله

افتكرت موقف مشابه للاستخدام السئ للتكنولوجيالكنه حصل مع صعايده وانتي عارفه الدم الحامي كانت هتبقى مجزرة بس الحمد لله ربنا ستر

المهم ان الموضوع دا بقى منتشر وللاسف مش قاصر على الشباب بس لكن الابشع انه بيحصل من ناس كبيرة المفروض بتفهم وتعقل وتفكر قبل اي تصرف

ماعلينا الدنيا اتقلب حالها ولو مكنش الواحد واخد باله اوي يبقى هيضيع
تحياتي لشجاعتك واسلوبك الجميل في عرض الموضوع

حمادة زيدان said...

آبي
أنتي ضغطي على مشكلة كبيرة أوى ... التكنلوجيا والعرب والمصريين
أعتقد أننا في مصر والوطن العربي استغلينا التكنلوجيا أوسخ استغلال وبقيت التكنلوجيا زيها زى الدنميت ممكن تفرقع فى وش اى حد دون النظر للعادات والتقاليد أو لأى حاجة غيرهم
والله الموقف ده اكيد بيحصل لملايين البنات وفي كتير مش بياخدوا بالهم من الكميرا
ربنا يسترها على بناتنا في كل مكان يارب

الفاتح اليعقوبي said...

السلام عليكم

استاذة ابي خلي بالك من نفسك امال المهم ان الشباب ربوا عم النجم ده

بمناسبة حكاية التصوير فكرتينا بالجامعة يعني تلاقي المخبرين بتوع امن الدعوة ماشين ورا المسيرات بالموبيلات الجديدة اشي ان 70وان مش عارف كام المهم فاحنا بنقوم قفشينهم ومقلبينهم وواخدين الموبيلات يعني في مرة خدوا مننا حاجات معرض علي باب الجامعة وقعدوا يضربوا فينا وخدوا مننا الحاجة فعملنا مسيرة فقعدوا يصوروا بالموبيلات الزفت دي وبس اتاخد منهم عدد بحوالي 6000او 5000جنيه وقايضنا عليها بالحاجة بعد كده


للاسف التقدم التكنولجي اسئ استخدامه فبدل مايكون للافضل وما ينفع الناس بقي لمؤاخذة شباب بيتفرجوا فيه علي حاجات غلط او سهل شغل المخبرين والبلاوي اللي بالك فيها


حاجة كمان
للاسف بعض الاوقات بنبقي سلبين للغاية وخاصة في حكاية الخناقات لان بعض الاوقات الخناقات بيستخدم فيها السلاح الابيض بس مينفعش حد يشوف خناقة وميدخلش يحوش او يفصل بينهم والغريبة الواحد بيحس ان الناس عايزة لب وسوداني واسلام لو فيه دم بقي عشان ينبسطوا والاكشن يزيد في الخناقة
والله من كام اسبوع شوفت خناقة عند موقف ميكروباصات بجانبنا تلاتة فايكنج مصريين بتوع ميكروباصات مموتين بعض بالسكاكين والسنج والحديد وقوالب طوب يانهار لو الجيش المصري فيه 2000واحد زي دول افتح بيه العالم الصراحة قاتلوا قتال فظيع كما ينبغي ان يقاتل اي محارب والله كانوا بيدبحوا بعض والناس خايفة تحوش


الله يخرب بيوت الظلمة
والسلام

عمو said...

ان كنت سكت شوية عن التعليق
إلى أن تنتهى من حالة الشهرة والأضواء والتسجيلات
والتصوير

:)

لكنى طبعا متابع

بصى يا بنتى
دايما هناك ثمن للتطور والتكنولوجيا
وهندفع تمنه هندفهة ما فيش مفر من دة

لأننا مستهلكين للتكنولوجيا فقط
وليس من نصنعها

موضوعك له جوانب كتير مش بس سوء استخدام النكنولوجيا
واللى انتى كاتباه دة مش سوء استخدام طبعا ، ده سوء تربيه، وإنعدام أخلاقى ، وانحطاط وانفلات فى المعايير

جعل كل شئ مباح

لكن ماتنسوش ان تكنولوجيا مشابهه اللى نقلتلنا صور القهر والتعذيب فى معتقلات العراق مثلا رغم التعتيم الإعلامى الأمريكى

أو أحداث إضراب عمال المحلة

فالعيب على رأى أم أحمد " فينا إحنا مش فى التكنولوجيا "ـ

والأمثلة كتيرة لمميزات التطور وما ندفعه من ثمن لهذا التطور
وإن كان هذا يمس ما تكلمت ِ عنه

ولكن ما أثرتيه بالأساس أراها مشكله أخلاقيه

ولا تستبعدى أن يكون من إلتقط لكى تلك الصورة ابن حارس الجامعة الذى كان يصور إعتصامات الطلبه

عميل أمن الدولة

أوليس اليوم إبن الأمس

وأن كنت ِ جميله فتأكدى أن ليس هذا هو السبب الوحيد فالسبب هو
داء الخواء داء الهشاشه

وابقى أقفلى الإزاز بعد ماتركبى تكييف لبطوط

ربنا يحفظك

تحياتى وتقديرى

رئـــــيسـة حزب الأحلام said...

فعلا التكنولوجيا دى حاجة فظيعة
بس بجد موضوع التصوير بالموبايل من غير ماتحس بقى يحصل كتير وبجد ربنا يستر
وتحياتى

adam said...

يا صديقتي العزيزة

الفصل بين الجنسين سبب مهم جدا في المشكلة دي

الشباب بيحس إنه عاوز يقتحم عالم الأنثى بأي طريقة

لأنه محتاج يعرف كل تفاصيل حياة الكائن اللي عايش معاه ده

ولو قلنا بالاختلاط تطلع أصوات متحجرة

تنعتنا بالفسق والدعوة للفجووووور

وإلخ

بس ياريت بجد البنات تاخد بالها إنها متبقاش جذابة أوي وهي ماشية في الشارع

لأن الولد مش ناقص

كفاية الكبت الجنسي اللي هو فيه

والفوضى الجنسية على الفضائيات والنت

يعني بجد حرام متبقوش انتم والدنيا علينا

والواحد معذور مش قادر يتجوز

طبعا ده مش عذر يسمح لهم بقلة الأدب دي

بس ده من باب الموضوعية والإنصاف

الجانبان مطالبان باحترام الآخر

احترام مشاعره وحريته و

وانتم عارفين هتعملوا إيه

تحياتي للبوست وكاتبته الرائعة


آدم

mohand said...

هههههههههههههههههههههههههههههههههههه


ايام وبنعيشها


كما قلتي مسبقا البتاع لما يتبتع يجيب البتاع للبتوع

بنت الاسلام said...

ابي

اهي ديه ضريبة التكنولوجيا

ربنا يستر علينا

خوفتيني


اهيء اهيء


بس الحمد لله انك لاقيتي ولاد بلد جدعان وقفوا معاكي


دانا كنت شكيت انهم لسة موجودين يابنتي


هروح اسمع اغنية الدنيا لسة بخير بقي


تحياتي

رئيس جمهوريه نفسى said...

محامى على ما افرج اممممممممممممم طيب حاضر ماشى موافق اوكى
يا ابى انا مش سالتك وقتها قلتى الموقف خلص خلاص وراح الى حال سبيله وعلشان كده انا سكت ولو مكنش خلص كان حيبقى ليه تصرف تانى
مش يغرك الجته الى انتى شفتيها لا والله وقت الغلط بنقررش زلط يعنى

أحمد كمال said...

ابي الحقيقة أسلوبك متميز جدا ، أنا لما فتحت المدونة حسيت إن في مترليوز فتح فيا و ماعرفتش أقفله مع إني كنت مستعجل ، قلت خلاص حاخد الطريحة لأخرها ، لكن عندك حق و برافو عليكي إنك بتاخدي موقف في الحالة اللي زي كده ، و الإيجابية دي من كل الناس هي بس اللي ممكن تصلح حالنا : يا سادة ماحدش يتنازل عن حقه !

تحياتي :)

funckydoctor said...

بجد أخدتى حقك

mostafarayan said...

عندك حق احيان كتير احنا بنتستخدم التكنولوجيا غلط

ياسر said...

السلام عليكم ورحمة الله وبركاته
موضوع رائع
بس لو اي شاب قبل ما يصور بنت ويحطها في يوتيب
او بمجرد انة يتفشخر بصورتها بالبلدي قدام اصحابة
يتخيل لو لحظة ان ممكن تحصل لاختة
اعمل تعمل ولو بعد حين
وللاسف في كتير بيستعملوا العلم والتكنولوجيا غلط غلط
واتمني من كل البنات في الامة الاسلامية يخلوا
بالهم كويس جدا من الشباب المستهتر دة
تقبلي مروري
فائق احترامي وتحياتي

دكتور بهــدوء said...

بس بصراحه مصر لسه بخير اهي
طول عمري عارف ان ف مصر لسه ناس جدعان ولاد جدعان مهما حصل
هنفضل مصريين بنحب بعض
لولا القله اللي وسطينا بس هوه كده
الشواذ تؤكد القاعده

appy said...

خالو أحمد عبد العال
==================
الصباغ سابقا ههههههههه انت يا ابو طويل هو فيه كاميرا بتجيبك اساسا طي ندور على الاستخراع ده على النت ونجيبه لمصىر انا موافقه
نورت يا صباغوس






طارق الغنام
===========

ميرسى ليك ولكلامك ده كتير عليا وتنورنى يا رب دايما وسعيده بيك هنا وفى كل بلوج سبوت ومن عنيه حضر الشاى وهاجى ازورك ههههههههه

appy said...

عمر احمد
==========

يا رب يا عمر وان شاء الله تبقى منهم يا رب وافرحك بيك كده






مجداويه
=======

حبيبة قلب الفيكون الفضائى
سلامتك ايه الفله فى المنافله ومستر اكس ده انتى مش هتبطلى تقرى قصص ميكى دى يا بنتى كبرتى عليها هههههههههه
متخافيش عليا انا اللهو المستخفى ولا حد يقدر طول ما ربنا معايا ونيتى حلوة
الحمد لله نورتى الكوكب يا حبيبى اقعدى اشربى مسكافيه مع انى منعاه هنا ههههههه

appy said...

Z_Diva
======

هى بقت مشكله كبيرة ومكنتش واخده بالى من خطورتها بجد الا بعد ماشوفت شباب معندهمش دم بيعملوا كليبات بالكلام ده وعلى فكرة مش شرط البنت تكون حلوة او وحشه اللى معندوش اخلاق مش بيفرق معاه ربنا يحميكى يا رب ودايما منورانى ازى زعبوله ههههههه





انونيمس
=========
ولا اقولك رامى شوفت خلتنى افتح باب الكوكب على مصرعيه حلو مصرعيه دى ميرسى ليك خالص بس مستنيه رايك واقتراحاتك بجد علشان تساعدنى وتساعد الناس وميرسى مرة تانيه ليك

appy said...

ام احمد المصريه
============

وحشتينى يا سكر خالص بجد يا رب تكونى خلصتى الكورسات بتاعت وفعلا نعيب فى البتنجان والعيب فى بتاع الخضار ههههههههههه نورتى يا قمر انتى





ايمى
=====
اهلا سياده لواء اركان حرب دكتور مسلح
وحشانى يا ميمى جزرة
عارفه ليه لان بقت عقولنا فاضيه او ركننها مش بنفكر خالص ومش عاوزين نفكر
نورتى الكوكب يا قمر

appy said...

كلام على بلاطه
=============

ههههههههههههه فكرة كويسه بس الناس مش بتحترم خصوصيات بعض خالص وربنا يستر بقى
نورت الكوكب كله





سكر
====

ربنا يرحم صديقك يا رب بس ليه كده تسيبوا حقه يالا عند ربنا
بس متخفش عليا اصل لالناس بتفكر الستات مش بتعرف تسوق وانا بستغل دى وابهدل براحتى هههههههههه
اما القصه دى حصلت فعلا وياما بتحصل بجد طيب دى اتصورت براحتها انما فيه مظلومين يا سكر
نورت الكوكب يا قمر

appy said...

القط البرى
========

ميرسى يا حبيب طنط آبى ونورت الكوكب كله






د/ خبيب
=======

شكلك كنت نايم ومتغطى اعمل ايه يا دكتور اعمل لك السماعه فيبريشن هههههههه ولا ابعت لك خرفانى بقى
كلامك مظبوط وربنا يحفظنا جميعا يا دكتور ونورت الكوكب

appy said...

موناليزا
=========

يا حبيبى ده عسكرى يعنى كان بجد هيتبهدل مووووووووت وهيتحبس فى جيشه وممكن يكونوا اهله بيعتمدوا عليه فى شغل او مراته او اى حاجه يبقى ليه اهدم مستقبل ناس تانيه ملهومش ذنب بس
بصى يا حبيبتى بتمشى اه انا زيك وانا على رجلى انما العربيه بتقفى فى اشارات وعادى يعنى خلى بالك لو انتى قاعده فى مكان بس
وربنا يستر ويهدى نورتى يا قمر





حدوته
=====
اه قالته له روح ربنا يوقف لك آبى فى كل طريق ههههههههههه
ماشى يا عم بس مش قصه قمر ولا نجوم خالص
نورت الكوكب يا قمر انت

appy said...

يوميات فنانه مفروسه
===================

اهلا وسهلا بالجميل اسيبه يا نهار ولما يجيلى العمده يتجوزنى يقول لى الصورة دى صورتك يا عزيزة هههههههههه
نورتى يا قمر الليالى






خيخه ام شيرى
===========

يا لهوى عليكى مقولتيش ليه لما جيت يا بنتى كنا عملنا معاه الواجب ودى البورصه يعنى هههههههههه وبعدين بينى وبينك البنت تستاهل حد يروح على البورصه ولا غيرة وتلات اربع بطنها باينه انا اتكسفت لها يعنى المكان مش مناسب خالص
بس كان واجب نظبط الاخ علشان ميكررهاش معاها او مع غيرها
نورت يا حبيبه قلبى

appy said...

wanna b a physician
=======================

سلامتك يا عمنا من المرارة دى عندى انا بس ههههههههههه نورت الكوكب





محمد حسام
=======

تؤمى الجميل طبعا لما اشوفك نقعد ننم عادتنا ولا هنشتريها ههههههههه او بما انى مش هصبر هكلمك اعرف
نورت يا احلى توأم

appy said...

لماضه
========
جبتيه لنفسك وانا اعيل هجيب مسدس الميه ونقلبها بارتى بقى ومنبقاش ناس كبيرة ههههههههه نورتى يا دكتورة






فهد
====
انا الجمعه اجازة بس يا فهد ومش بدخل النت والخميس نص يوم انا جاى اوعى وشك ههههههههههههه

appy said...

دكتاره
=======

ههههههههههههه يعنى معذور يصورنى وبعدين يصوروك على اساس انكامور وبتعمل دعايه هنا ههههههههه ماشى يا دكتور
المشروع انا بهزر يا راجل مشاريع ايه ما طار منك من بدرى ههههههههههه نورت يا دكتورنا انا كنت بنكش فيك بس واقولك انى شوفت الكلام






حبيبه القمر
===========

مهما ان كان رد فعل اللى قدامك يا حبيبتى هتعرفى تاخدى حقك لان الناس هتبقى شاهده وتغلطه ومتخافيش وسيبك من مثل امشى مش عارف فين ولا الحيطه والكلام ده
نورتى يا قمر

appy said...

حماده زيدوس
=========

والله يا كاتبنا ربنا يستر على عقول الشباب اللى انت عارفهم منهم ناس هههههههههههههه فاهم طبعا نورت يا قمر






الفاتح اليعقوبى
===============

هما الامناء بيشلوا ان وحركات يادى الهنا والتكنولوبيا اللى بقوا فيها بجد يستاهلوا انا بكرهه الامناء دول بشكل ولسه عضه واحد ههههههههه ومدياله على دماغه
اما الخناقات فعلى الاقل الناس تبلغ بجد صعب قوى وممكن حد يتأذى فى النص بدون داعى وولا ذنب
ربنا يستر علينا يا زميل المعارك
نورت الكوكب

appy said...

عمووووو
=========
بجد مبسوطه خالص انك هنا وبعدين بتشجع من بعيد ليه بس ومقولتش رايك ليه فى القلل المندسه ههههههههه والكبت
المهم نورت بجد تانى وفعلا كلام حضرتك مزبوط ومش عارفه طيب نعمل ايه احنا عاوزين نتربى من جديد ولا ايه ولا نوعى الاهل
يا رب يقدرنا ونعمل حاجه واهو بكتب يمكن الناس تأخد بالها
نورت بجد يا احل عم فى الدنيا






رئيسه حزب الاحلام
===============

نورتى يا ريسه الكوكب وفعلا ربنا معانا

appy said...

ادم
=====
لا الفصل ملوش علاقه بيتهيأ ليه دلوقتى يا ادم مبقاش فيه فصل بس بقى فيه سوء اخلاق
بعيد عن الفصل تماما
وبرضه منكرش ان فيه بعض ناس عندهم ده
نورت يا ادم الكوكب






مهند
=====
ايون فاكر المثل بس خوفت يا خويا من المعارك لو كتبته ههههههههههه او يقيموا عليه الحد وايام الاسبوع
نورت يا قمر تانى النت

appy said...

بنت الاسلام
==========

بطوط ولاد بلدنا لسه جدعان بس عاوزين اللى يشجعهمم يا قمر متخافيش بلدك بخير طول ما انا وانتى وزيدان ومارو وكله فيها
ربنا يحمينا جميعا ونورتى يا احلى بطوط






رئيس جمهوريه نفسى
===============

اه يا جته صح بأمارة بقولك دافع عنى تقولى اروح احضن التوربينى بايدى ماشى ماشى لا انسى لك هذا الموقف يا رجل ههههههههههههه

appy said...

استاذ/أحمد كمال
================

ميرسى لحضرتك جدا ونورت الكوكب وكلامك شرف ووسام ليه وده اللى بقوله محدش يسيب حقه بس بالذوق هنأخده نورت الكوكب





funckydoctor
============

هى لو سؤال اه بجد أخدت حقى لانى مش بخاف
لو انك عارف انى بكده اخدت برضه حقى هو اه فعلا
نورت يا دكتور الكوكب

appy said...

mostafarayan
============

طيب ما نصلح نفسنا بقى بدل ما تقتلنا هههههههههه
نورت يا مصطفى





ياسر
=======
وبيحصل مصايب يا ياسر فى الحاجات دى فعلا
نورت يا قمر وربنا يسترها علينا ويهدى

appy said...

د/بهدوء
====

طبعا طول ما فيها ناس وشباب زى الفل زيك هتبقى بخير دايما
نورت يا دكتور

appy said...

احساس لسه افندى
================

برضه هقولها وبقولها للمرة الخمس تلاف وجودك هنا مش بحبه
ولو حتى قولت ليه البوست بتاعى مفيش زيه
انت غيرررررررر مرحب بيك تماما
ومش معنى اى حاجه فى دماغك انى هسمح لك تيجى هنا وتلقح بالكلام على اى مدونه او مدون
لان برضه كلنا مسليمن وكلنا اخوات
فبرضه اسلوبك غير مقبول ولا انت ناسى انت عملتى معايا انا شخصيا ايه
بقولك ايه متتعبش نفسك هنا ولا هناك ولا اى مكان ومش تصطاد فى الميه العكرة
انت كلامك ورأيك لا يعنينى ولا يهمنى ولا يأثر بخمسه شلن فهمت حاجه ولا لسه
وبرضه بأكدها عليك مهما حصل بينى وبين اى حد مش هسمح ليك تغلط فيه ولا تلمح بكلام عليه
لاخر مرة وبرضه مش هنشر لك تعليق انت عارف مكان تعليقاتك فين بالنسبه ليه صح ولا اعرفك بتروح فين
يالا خد الباب فى ايديك يا جميل

alexandrany said...

يا بنتي انتي مش هاتبطلي
مش قولتلك بطلي تعملي تجمعات
وكمان المرة دي مش مكفيكي وروحتي عملتي مشكله وفي ميدان رياض نفسه
سيبيك انتي
بس تعرفي حاجه يا آابي
بجد العساكر دولا بيصعبوا عليا جدا
انتي على فكرة لازم تعذري جهلهم
هنا فعلا بيبقوا ابيض
ابــــيض خالص يعني
ومتخيلين ان الجهاز اللي في ايديهم ده قمه التقدم
معلش
نقولوا الحمد لله الذي عافانا
ونقولوا لأي حد "كما تدين تدان"وربنا يسترها علينا من اللي جاي
المهم بقي
انتي والناس كلها وحشتوني جدا

ayman badr said...

والله الشباب فيه انيل من كده اليومين دول وفيه برضة الكويسين ب مش باينين لأن الوحش مغطى عليه او على وش القفص
ربنا يخرجنا من القفص على خير
وانا رجعت تانى ادون بعد انقطاع يا ريت تشرفينى بزيارتك
عجبنى الموضوع ده وموضوع هرتل امريكانى
بجد الله عليكى
سلام