قالوا محافظه ورضينا .. طيب بيتنك ليه



يعنى بجد تسلل لاحداث حرقه الدم اللى عايشين فيها ومش فاهمه ليه كده لدرجه انى جالى هطل على بلاهه على غباوة مفيش بعد كده انا بقف قدام المرايا وبحط شعرى على عينى ومش عاوزة اشوف نفسى وبلبس مش قدامها من اللى بيحص لنا وبجد قررت كل يوم مش هقعد قدام التليفنون الاختراع الخزعبلى ده علشان متحفش بوش معتز الرخم ولا الاقى منى هانم الشاذلى بعد اللى حصل للمصريين فى السودان جايبه موضوع طويل عريض عن السودان وبتقولنا روحوا هناك يا حلوين العبوا مع الاسوده يعنى بيطفشونا من البلد بالذوق انا قررت خلاص اخد زامبتيكا كل يوم وانزل اقعد فى الجونينه تحت البيت قبل ما المحافظ يشيلها واعمل كوبيتين شاى ليه وهى كده اتنين معرفش ليه وزجاجه ميه واشغل اغانى وابقى من الاقليه الصامته
قالوا هيعملوا محافظه حلوان وبعد ما كانت القاهرة الجديدة اللى كلها ناس كلاس وشيك وفيها جزء بسيط متوسط بدل ما تبقى تبع العاصمه بقت محافظه حلوان قولت مش مهم انا بطاقتى مدينه نصر اصلا
طيب قولت كويس وبصيت لها نظرة تانيه يمكن لما يعملوا محافظه بيحلوا مشكله بطاله وهيشغلوا شوباب البلد وشوبات البلد وتبقى حلت مشكله البطاله ومرضيتش ابص لها من زاويه وهشه وكخه ولا نظرة قله من قللى المندسه وافترضت افتراضا النيه الكويسه
وبعدين قولت خلاص خليها حلوان واربطها فى رجل السرير وانا نايمه بدل ما اصحى الصبح الاقى نفسى بقيت فى الصعيد وهو مش عيب ما الارض كرويه بتلف حولين محور ميدان لبنان عاتى يعنى
قوم ايه السيد المحافظ يقول ايه للصحفيين
مدير مكتبي سيرد علي استفساراتكم..ولا تتصلوا بي بعد التاسعة مساء
يعنى لو المحافظه ولعت ملوش فيه اتحرقوا معاها وعين مدير لمكتبه من يومين وكمان الاستفذاذ ايه بقى
وأضاف القويضي تصريحاته التي أوردتها صحيفة المساء والتي قالت إنها صدمت الصحفيين : إنه لا يحب الاستماع لشكاوي المواطنين إلا من خلال أعضاء المجالس الشعبية المحلية وتعلل بأن الوقت غير كاف أمامه للاستماع إلي مشاكل الناس علي الطبيعة وأنه يريد الوقت الكافي للتعرف علي المحافظة والأجهزة المختلفة وتكوين الهيكل الإداري لها.
طيب والله همسك لسانى خلاص علشان الناس اللى خايفه عليا بس يعنى ايه من خلال بتوع المجالش الشوعبيه دى هو ناسى ان دول حزن مستوطن على قلوبنا
يعنى هيعملوا لصالحهم ومش مهم الناس طيب ما يقبل الشكاوى مباشرة زى اى بلد وتتعرض عليه ليه يحط ستارة بينه وبين الناس بقولكم ايه ده حقنا وانا لو قدمت شكوى هروح له مكتبه يا لهوى ده حق من حقوقنا ما انا لما بيحصل مشكله عندنا بروح لرئيس الجهاز علشان احنا تابعين ليه مباشرة يعنى كل مكان وله اختصاصه
والوقت غير كافى فعلا الراجل بينام الساعه 9
شوفتوا المسلمين وصل حالهم لفين سيدنا عمر ابن الخطاب مكنش بينام علشان الناس وخايف يسأل عن حد فى مكان تانى طيب نام نينه هووو يا بيضه
طيب عاوز يتعرف على المحافظه يعنى ازاى هو هيخطبها طيب والله مديينه اشيك اماكن المعاتى وحلوان والقاهرة الجديدة والشروق اماكن نظيفه والجهاز بتاع المدينه مظبطها جدا بس المشكله فى الناس اللى بتبوظها بصراحه
عاوز يعمل هيكل ادارى طيب حقك معندناش مانع والله بس يا ريت يكون عادل او امين اى اسم يعنى وتوظف ناس بقولك ايه ما تروحوا تقدموا كده فى الوظايف دى يعنى لو اعلنوا او مأعلنوش ونتنح كده يمكن تجيب فايده
بصوا كده كفايه انا لو قعدت اكتب من هنا لبكرة فى حركه الشلاليت اللى بتحط على قفانا من هنا لبكرة مش هيكفينى المدونات اللى جنبى كمان
ربنا يرحمنا برحمته ويشيل عن قفانا الناس اللى متنكه دى
والله ومن عندى اديله فرصه يظبط لو بقى طلعت التناكه دى على الفاضى يبقى يا رحمن يا رحيم على المناطق الجديدة ولو على المليان والنبى هرفع له شابووه تحيه واحترام منى واكتب فيه من هنا لبكرة
بس عاوزة نشوف موضوع الوظايف ده واللى عنده معلومه يقولها

ملحوسه نونو من واحده مكسوفه :- بجد اسفه للناس اللى اتعصبت عليهم علشان عاوزين اعدل حاجات فى البوست اللى فات واللى كانوا بينصحونى معلش اعصابى تعبانه ومش متحمله وانتم شايفين الضغط العصبى اللى احنا فيه وعارفه انه من منطلق الخوف بتاعك م عليا ربنا ميحرمنيش منكم كامى متزعليش منى بليزززززززز انتى حبيبتى وانتى عارفه

كان معكم مفروسه النوسه كونوسه آبى هانم وبرضه مش هخاف

97 اخبط وقول رايك:

كاميليا said...

أنا عمرى ما أزعل منك أبدا
أنا بس خايفة عليكى

الظلم تفشى قوى
والسفينة بتغرق

وتعبنا كلام
ولا حد بيسمع
لازم نفكر
لو بطلنا كلام
ايه اللى ممكن نعمله
احنا محتاجين للعمل مش القول
بس فين البداية؟؟
فين؟؟
فين؟؟

تحياتى وحبى

أحمد سعيد بسيوني said...

واحد تبعهم ... كنتي منتظرة منه اية غير كده
؟؟؟؟

الربان said...

تحياتي

تعرفي انا من كتر البرامج الاستفزازية
في التليفزيون.... بطلت اشوف اي من البرامج التي ذكرتيها.... مالها الشو تايم يعني...و لا وجع القلب ...

بالنسبة لشكاوي المواطنين...في رأيي ان
المحافظ بدأ بداية خاطئة...و لابد ان يتحمل مسؤلياته...و الا الباب يفوت جمل
و الناس طوابير كلهم عبده مشتاق...

بالنسبة للصحفيين و موعد الساعة
9 مساء...قد أجد لديه بعض العذر..
لان البعض ممكن يتصل في وقت متأخر و لاسباب غير عاجلة او مهمة...

تحياتي و تقديري

لورنس العرب said...

الراجل معذور، كان قاعد في أمان الله بص لقى نفسه محافظ وأول محافظ للمحافظه الجديده، ومن طبيعة الشخصيه المصريه هي التسلط على الناس عند الامساك بالمناصب، فشيء عادي أنه يقول لا أحد يكلمني بعد الساعه 9، بمناسبة محافظة حلوان، انا الحقيقه ساكن في المعادي و الموضوع ده عامل لنا جنان، لكن الحسنه الوحيده اني لما آجي نازل حلوان هاقول لأمي " مش عاوزه حاجه من وسط البلد ياما؟"

A7med3bdelfta7 said...

بدأنا!!!!!!!
:)

جمعاوى روش طحن said...

كان الله فى العون

Tamer Nabil said...

ممكن يكون الرجل مش قصدكدة

وانتى اللى فهمتى غلط كلامة

اصل لو قصد يبقى زى ما انتى قولتى وبلغة الايام دى بيكبر

تحياتى

رئيس جمهوريه نفسى said...

بصى يا ابى الموضوع بسيط الراجل بينام الساعه 9 زى ما قال
وقرار المحافظتين يا قمر علشان حاجه واحده بس يحملوا الميزانيه 2 مليار جنيه سرقه مش علشان يعملو بيه قضاء على البطاله والتشرد
ربنا كريم

صاحب المضيفة said...

الواحد شكله هايجيله الضغط قريب من اللي بيحصل


يارب ارحمنا برحمتك واهدينا للخير يارب




تحياتي

Migo Mishmish said...

لعلمك انتي مش شايفه الجانب المشرق في هذوها الموضوع يا بنتي داحنا هنضحك ضوحك.
تخيلي بقه شارع 9 اللي ماسك من دار السلام لغايه ثكنات المعادي ميجو قال هيحطوا فيه يافته عند ماك الثكنات ويكتبوا عليها "محافظة القاهرة تتمنى لكم رحله سعيدة" وبعدين وراها على طول بتوع الرسوم بيتوع محافظة حلوان ويافته تانيه كبيرة مكتوب عليها "محافظة حلوان ترحب بكم" وادخلوها بسلام امنين
وكافور كمان هيبقى في البلد مش في القاهرة زي ماكان. ولما نحب ننزل نشوف ميكربوصات نازلة حلوان من محطة مصر وناخد معانا سندوتشات جبنه بالقوطة وترمس شاي علشان السكة والرست
وبعدين انتي ايه اللي مزعلك مش اللي بنى بنى مصر كان في الاصل حلواني
يعني عملها زي صنيه الكنافه والتقسيم يبقى بعدين
انا حاسه اننا بقينا عايشين في مدينه البهائم. اضحكي علشان ماطقيش. وبعدين انا عندي اقتراح حلو علشان خاطر نسيب الحكومة في حالها
هي تشيل دعم العيش ماشي وتدعم الحشيش كدة مش هيبقى في مشاكل خالص الناس هيبقى مزاجها عنب
Love,
MishMish

appy said...

كامى فوندامى
============
والله تغور الدنيا بس انتى مش تزعلى منى ابدا
وان شاء الله هنعمل بس بنفكر
وسيبك انتى هجيب مبيد وارش الكوكب الفيران تمشى
وكسبتى معايا عجله ونلعب بيها سوا لما ترجعى او اسكوتر زى ما تحبى علشان انتى اول تعليق يا فوندامى




احمد سعيد بسيونى
=============

والله منتظرة يكون بيعمل فى صمت هههههههه ويخيب ظنى
نورت يا احمد الكوكب كله

رئـــــيسـة حزب الأحلام said...

بصى انا شايفة ان الحكومة سيبة اللى يشتكى يشتكى وعملين ودن من طين وودن من عجين واللى حايز يشتكى يشتكى وعندنا ماشاء الله حرية الشكوى وبعد كدة نخبط راسنا فى اقرب حيطة

appy said...

الربان
=========
ماشى متفقين بس تفتكر يلعب على الاحتمال ده ولا هو انسان ومدير اعماله ولا مكتبه لا وبعدين معلش وجهه نظرى ما كان ممكن يقول لازم تبقى مهمه صح او شئ تانى خالص
مش ممكن يكون مدير مكتبه بيفكر بطريقه مختلفه عنه ويدى قرار او اجابه غلط واحنا نقع بين المراجيح كالمعتاد والله انا مستنيه اشوف بشايره علينا ويا رب تبقى خير





لورانس العرب
===========
لا بجد همووووووووووت عاوزة حاجه من وسط البلد طيب وانا فى القاهرة الجدية ونازله كل يوم مدينه نصر اعمل ايه واقول ايه انا مسافرة بقى كل يوم وشغلى فى محافظه تانيه ههههههههههه نورت الكوكب بجد وسعيده بيك هنا

appy said...

احمد عبد الفتاح
=============

اها اولها ربنا يستر نورت يا احمد




جمعاوى روش طحن
===============

يا دى الهنا يا دى النور ايه ده انتى كنت متخفى فين يا راجل والله لك وحشه نورت الكوكب تانى والله
دعواتك بقى بدل ما نطق

appy said...

تامر نبيل
=========

اه منكن ويمكن انا اللى هلوست وهيست من اللى بيحص هههههههههه جايز يا رب يا خويا يا رب ههههههههه نورت يا تامر





رئيس جمهوريه نفسى
================

يالا بجمله يا محمود مصنع الارقام بتاع السيارات 2 مليار ومحافظه تفصيل 2 مليار طي انا عاوزة اتنين جنيه حد يدينى اجيب لب وانا فى الجونينه ههههههههههه
انا قولت احسن الظن يا محمود شد حيلك بقى معايا علشان اعمل لك توكيل قريب ههههههههههه نورت يا ريس

appy said...

صاحب المضيفه
===========

بعد الشر عنك ان شاء الله هما يا رب واحنا لا وانت كمان ابدا
نورت الكوكب ودايما مشرفنى





Migo Mishmish
==============

حرام عليكى موتينى من الضحك ههههههههههخخخخخخخخخخخخ بجد يا مشمش انتى فظيعه ودمك سكر
وانا موافقه على المخضروات او الكوله حتى بس ننسى وعموما اللى عملوه مخدرانا على الاخر ومهيسنا ههههههههه نورتى الكوكب يا قمر بجد

Desert cat said...

معلشى يا ابى يا حبيبتى هدى اعصابك يا جميل
ما هو سيادة المحافظ معذور صحى من النوم فجأة لقى محافظة جديدة خالص وهو بقى محافظ بالصدفة
وبالتالى من حقه يتنفخ علينا وعلى اللى جابونا كمان الهى البعيد يقعد يتنفخ يتنفخ لحد ما يفرقع

الساحرة said...

واحد بيشرب اللبن وينام نصحيه ونعمله قلق ليه

الناس دي بيجلها نوم ازاي


هيتعرف علي ايه حضرته يمكن هو مش من البلد دي ولسه هيعمل جوله سياحيه

حاجه تفرس

انتي هتشربي كوبيتين شاي في الجونينه ومايه كمان يابختك هههههههههه

Dr-hema said...

ههههههههههههههههه

حسبى الله ونعم الوكيل اللى نهبها وقعد على تلها
د/هيما

بحبك يامصر said...

اببى
انتى فاكره المحافظتين الجداد دول اتعملوا ليه؟
اتعملوا بس عشان البطاله
الراجل كان عندوا محافظين من غير شغل
قام استحدث المحافظتين دول عشان يحل ازمة البطاله بالنسبه لهم يعنى ينفع يبقى فى محافظين من غير شغل؟
لا ميصحش طبعا
تحياتى

مفقوعة مرارتي من حماتــــــــــــي said...

مابينوبناش من البرامج دي غير حرقة الدم والضغط العالي

الفاتح الجعفري said...

انا مش عارف فعلا بيتكبر علي ايه
انا حسيت انه ملكة انجلترا وهو بيصرح وبيضرب تصريحات
انا فعلا مبقتش استوعب ,وبما انك الان من سكان الاقاليم انا التمسلك العذر تماما ,واهم حاجه تخدي بالك من وابور الجاز والعيش ليتحرق في الفرن آه
دولة الظلم ساعة
ودولة العدل الي قيام الساعة
الله المستعان
جزاكم الله خير

alshared said...

أيه يعني يا ست أنتي
الراجل بيشتغل في المحافظه اللي باباه جايبهاله
براحته أصلا باباه لما شاورله عليها وقاله أنا هاديلك الحته دي تلعب فيها براحتك مقالوش أن فيها بني أدمين

ده حتي أخوه الكبير النظيف بيقول مفيش أزمات
وأن المخاوف نفسيه

يعني بيحكموا أصلا شعب مجانين

يعني ماتعتبيش علي الصغير

ربنا معانا

تحياتي

Wish I were a Butterfly ... said...

مبروك علينا المحافظات الجديدة
:)

هقوللك إيه يعني؟؟ ما إحنا كلنا بس بنتفرج و فينا ناس بتتكلم... بس مش بيحصل أكتر من كدة!! متوقعة إيه؟
بصراحة معرفش المفروض نعمل إيه يعني :$، بس أكيد لازم نعمل حاجة

بعدين إذا حكومة بقالها سنين بتتعامل مع الشعب دةجت حطت علاوة و اليوم اللي بعده ولعت البلد بالأسعار الجديدة على أساس إننا مجموعة من الأغبيا اللي مش بيفهموا حاجة.. متوقعة عمو اللي عامل فيها مش من البلد دي و لسة هيتعرف على البلد يتعامل مع الناس بأنهي طريقة؟

بصراحة شايفاله شوية عذر في موضوع الساعة 9 دي، بس مش كانت تتقال كدة

ربنا يستر بجد يا آبي

اهو ده عيبه said...

ما شاء الله بداية موفقه للسيد المحافظ
واضح انه عايش الدور قوى
ومستنى بتوع المجالس المحلية يبقوا صوت الامه وضمير المواطنين

ضحكتينى والله

A.SAMIR said...

هتفرق ايه الشكوى للمحافظ او لمدير الامن او لمجلس المدينة؟
هي يعني الشكوى هتتحل؟
وبعدين انتي مش عارفة ان الشكوى لغير الله مذلة؟
عيب كدة
خليكي مؤمنة
وبعدين
يااااااي
انتي بقيتي اقاليم؟
تحياتي واحتراماتي

almasry said...

ربنا يطول فى عمرك وتشوفى بلدنا ميت غمر محافظه



تحيــــاتى
المصــــــــــرى

فاتيما said...

آبى يا قمر
يا حبيبتى براحة على أعصابك
يعنى هما أصلاً كانوا خططوا لحكاية المحافظتين الجداد دول من أولها ...
دا قرار عشوائلى غريب أتصور إن الهدف منه إالهاء الشعب و الموظفين فى أى هجص و السلام
زى كل القرارت العبقرية إياها ما بتطلع على نافوخنا كل يوم و التانى
نشغل الشعب فى إيه ؟؟
نطلع عنييه بإيه ؟؟
الشعب النهاردة مالوا ساكت كدا لازم ننكد عليه بحاجة ...
ماهو طول ما إحنا مربوطين فى الساقية منقدرش نفضى شوية نفكر إتوكسنا أد إيه ؟؟؟
دا تفكيرهم و بصراحة منتهى الغباء
اللى بيحصل العكس و الله
و الكوباية أتملت لحد آخرها
و فاضل آخر نقطة ....
و على فكرة متهيألى منى الشاذلى مكنش قصدها إننا نروح نهج بره بالعكس الى فهمته إنها بتسخر بطريق غير مباشر و بتقول إيه اللى يجبرنا نبيع غاز لأسرائيل و نوفى أحتياجاتنا من فلوسهم طب ما عندنا السودان مليانة موارد و عمرها ما هتطمع فينا التعاون معها أولى ...
و بعدين دى حاجة توكس أن المزارع المصرى يعرف يتملك أرض فى السودان و ينتج و ميعرفش يعمل ربع كدا فى بلده ...هيا ساعات بتعمل كدا فى البرنامج بتسخر بطريق غير مباشر زى ما عملت حلقة عن الطبيخ يوم أنتخابات المحليات و كأنها بتتريأ و بتقول غحنا عارفين أنكم مطبخينها من بدرى و أنتم أتفه من أننا نعتبر أنتخاباتكم حاجة محترمة نتكلم عنها ....
هيا متعودة على الأسلوب دا و لأنى نوعاً ما متابعها من بدرى أتصور أن دا كان قصدها
و روقى يا آبى محمود درويش بيقول فى عنوان أحد دواوينه كلمة حكمة ..بيقول
آخر الليل نهار
و تحياتى يا بيبى

Abo 7anf said...

طب يابى
فى حاجه
تودى نفسك فى داهيه ليه
والناس معظمها متستحقش
الاستغلال وصل لاقصى دراجته
الكل عايز ينهب
قبل السولار ميغلى التاكسى غلى علشان العلاوه قال اشمعنى انا
واه دا غلى 100 فى الميه
وقلنا مش ركبينه
انهارده شركه الاتوبيسات بتاعت الجامعه غلت 50 فى الميه
ولما مرضتش ادفع لقيت كل الركبين بيبصولى بقرف متدفع وخلصنا
الكل بقى بيسرق فكلوا
يعنى سمك لبن تمر هندى

هيثم الدهشان said...

ايه يا بنتى لو بيسهر نقول الراجل سهران وسايب الدنيا تولع
ولو بينام بدرى وبيغسل رجليه وايديه وبيشرب اللبن نقول سايب الدنيا خربانة
يا بنتى الناس دى مفيش امل منهم

تقبلى تحياتى

واحدة مفروسة said...

انا بقى من ساعة ما اتشنكلت فى التدوين ده...و انا معنديش و قت زي البيه المحافظ...طول النهار و الليل واقرأ و اعلق...والعب فى المدونه و انزل حاجات و اشيل حاجات لغاية لما تعبت....فتلاقيه مدون جديد زى حلاتى و مش فاضيلكم
وبعدين تعالى هنا جايبه سيرتى لييه؟؟؟؟؟
و انا ما كنتش مع حد و انتى حتتبلى عليا ...ايه اللى كان معاكم مفروسة ده
مش حلو علشانك كدا يا بؤبؤ ..حلوه بؤبؤ ديه اسم الدلع الجديد

تحيتاتى حاجه تفرس بجد

Heart Beat said...

Dear Appy

انا لازلت بتفرج على البرامج الاستفزازية من وقت للتاني

يمكن عشان اعرف اسلوب الاستفزاز وصل لحد فين يعني عشان اكون متابعة الاحداث المأساوية المصرية و قريبا السودانية

اما عن سيادة المحافظ و المجالس المحلية

صال تبع ما هو تبع الحزن الحاكم الخانق لازم يكون مالوش دعوة بالمواطنين و لا شكواهم و لا الكلام ده كله

اهم حاجه عنده انه ينااااااام على طول الخط

لنا الله

و لسه ياما هانشوف

همس الاحباب said...

يا حلاوة يا ولاد
المحافظ بينام زى الفراخ من الساعة 9
ومش عايز يحل مشاكل المواطنين
جته 60 نيلة طب ما يروح يقعد فى بيتهم جنب المودام
والله بلد بقت مسخرة واخر هلوسة بجد
اقولك اعزمينى على واحد شاى من الاتنين وشغلى اغنية كله راح
تحياتى
خالد

انين الحزن said...

ازيك ياابي

اخبارك ياقمر

عامله حسابي معاكي في الشاي

دول كوبيتين
سلاموووووووووز

وزة

somaa mahaba said...

من اليوم مفيش ظلم انا خلاص مسكت رئيسه جمهوريه قرعيا
فوتى شوفى عندى وباركيلى زقلط مااااااااات لووووووووولى
سومه_87

سكــر said...

اسكتى ياابى

انا اكتر واحد دمه محروق فى الموضوع دا

فرحان اوى لما اشتريت الشقه اللى فى الشروق

وقلت اهوه فى القاهره

وفى منطقه كلاس شويه

واستلمتها من شهرين تقريبا

قوووم ايه

اسافرلك ماموريه

ارجع الاقى شقتى بقت فى محافظه تانيه

ومسمينها حلوان

طب انا متفق معاهم انى فى القاهره

ارجع الاقى نفسى فى حلوان

يا ااابى

التقسيم دا جااه لمصلحة نااس كتير اوى

ناس كانت تبع الصعيد

شاريا اراضيها اللى كانت فى الواحات

اللى هى حاليا بقت 6 اكتوبر

عارفا الفدان فرق كام فى سعره ؟؟
الفدان كان تمنه 200 الف جنيه

عارفا دلوقتى ولسا يادوب

غيرو الاسم بس

الفدان بقى بكاام

والله وصل 2 مليون جنيه

ولسااااااااااااا

صدقينى المعلومات دى من مصادر موثوقه

انا ليا ناس قرايبى كانت شاريه

بس طبعا مش فداداين

بصى
احسن حاجه تعمليها

روحى كملى كوبايتين الشاى

تحياتى

واسف جدا انى اتاخرت على حضرتك

ومعلقتش على الكام بوست اللى فاتو

احمد سكر

walaa said...

البلد مبقاش فها حاجه تسر
كلها حاجه تعكنن
بجد فاض بينا خلاص وهو من امتى المحافظ برد على حد
وهو مين ده اللى بينام من الساعه 9
هو بيشتغل اساسا ولا على رأك الراجل طالع عينه فى نهب الدوله
والمشاركه فى الفساد
بيتعب صراحه
تحياتى ولاء

bar2ash said...

اااااااااااااابي
مع ان كل اللي قلتيه بيحصل وانا عارفه بس بعد ما قرأت حسيت باحباط من حال البلد
ربنا يصبرنا
ويارب يا تهديهم يا تهدهم

وحشتني زياراتك ياجميل
وياريت اكون من مدوناتك المفضله
سلااااااااام

HERO said...

طيب وانتي مضايقة نفسك ليه طالما انتي من مدينة نصر ههههههه

وبعدين لازم الاخ المحافظ يركز علشان يعمل هيكل اداري عشرة على عشرة وشكله هيطلع هيكل عظمي اصلا

وبعدين انا كل اللي مضايقني هل هيغيروا عدد محافظات مصر في كتب الدراسات بتاعة ابتدائي ولا هيسبوها 26 زي ما كانت

تحياتي

mayada said...

ابي ياعسل متزعليش نفسك وخدي
زامبتيكا ربنا يطول في عمره
واعملي كوبايتين الشاي واحده ليه وواحده ليكي ونيجي نحط غلبنا جنب بعضه
والفرجه بخمسين قرش

PrInCeSS BeRy said...

جامد جدا انا فعلا شفت منى بتورينا اد اية الحيوانات والطبيعة هناك خلابة مهو بدال ما الشباب تطلع تشتغل فى السعودية يطلعوا على هناك يروضوا اسود عجبت لك يا زمن

اشكرك

la3lahakhier said...

انا مقاطعة التليفزيون والجرايد
ممكن حد يفهمنى مالها السودان؟

Rainbow said...

أبى
احنا بلديات بقى من نفس المحافظة :)

هقولك ايه بس انا محروق دمى من حكاية محافظة حلوان دى يعنى الناس بتحاول تنضف نفسها و احنا لا ، ما كانوا اختاروا مثلا محافظة القاهرة الجديدة او حتى يا ستى المعادى
بس بردو اقول الحمدلله انهم مش اختاروها طرة مثلا ولا صفط اللبن .. يالهوى انا كنت عزلت
اما عن سيادة معالى الباشا المحافظ فده تلاقيه قال اتنتط على الناس دى قبل ما يتنتطوا عليا لما هو معروف عن سكان المعادى و القاهرة الجديدة و الشروق من انهم ناس كلاس
فقال من الاول كده اركب لهم وش جبس علشان كل واحد يعرف حدوده

شكوى ايه اللى زعلانة انه مش هياخدها بنفسه ؟؟ هو يعنى بتاع القاهرة كان بياخدها بنفسه ؟؟
صلى على النبى كده و اعملى حسابى فى الشاى

تحياتى

Hosam Yahia حسام يحى said...

طب يففشونا هما

احنا عاوزين نطفش


بس مش لاقيين سكه

لو فى عند حضرتك سكه للطفشان

plllzzzz

قوليها

أنونيمس said...

أيه يا آبي ؟؟؟ الراجل يقطع نفسه يعني؟
كفايه عليكو لحد العشا
وبعد العشا .. يحاى الهزار والفرفشه
:))

نوع من المسوؤلين الهبل اللي مايفهموش السما م العمى
ربنا يستر
بس سعات بتبسط من التعليقلت دي عشان بتفضح الناس الهبله وتبينها على حقيقتها

أيييييييييييه

ربك كريم

____

من ساعة التصاوير والفضائيات مش بشوفك عندي

ماشي يا عم اللي عدى عدى

:P

DEW said...

علي فكرة المدونة جميلة جداً وانا سعيد بأني دخلتها
وعموماً انتظري حركة 6 ابريل
هي دي اللي هتكون حركة الشعب كله تجاه الظلم
وتحياتي ليكي

Baker said...

و الله محافظ لذيذ
خليه يستمتع بالمنصب يا ستى هيه جت عليه
تحياتى

اجندا حمرا said...

صحتك ياشابه
هدي اعصابك كده و روقي بكوبايه كركاديه

انا اساسا برضه بقه بيتحرق دمي من الفرجه علي التليفزيون المصري و خصوصا البيت بيتك و بالأخص فقره تامر امين فليه بقه حرقه الدم؟
الجرايد كمان بقت مثيره للأعصاب و نفاق و كدب مالوش اخر
الصراحه مش فاهمه وجهه نظرهم في انهم يعملوا 6 اكتوبر و حلوان محافظيتن
يمكن كانوا مزنوقين و عندهم كودين زياده لمحافظيتن فقالوا حادي بادي و طلعت في القرعه الاتنين دول؟و النبي ياختي ماعرف
بس من الواضح ان فيه اسباب غير معروفه لينا كشعب

تحياتي ليكي ياقمر و ماتزعليش نفسك

WhItE HeArT said...

كويس انه طلع واتكلم وقال مش هرد عيني عينك كده

في ناس تانية مبتطلعش ومبتبررش حاجة

واحنا بصراحه شعب مش محتاجين حد يبررلنا احنا عارفين انه بيتضحك علينا وخلاص

بقينا شعب فاشل ساكت مهزوم

وكلنا متضايقين وعمالين نكلم نفسنا وخلاص

يله اهو حتى السجاير غليت

الا صحيح هما غلوها ليه ؟؟

بترول برضه وله كده وخلاص


اه كده وخلاص


طيباً اغداً القاكي بأه


تحياتي

فرنسا هانم said...

اختى العزيزه ابى
اسفه على التأخير ولكن عندى ظروف
المهم
السيد المحافظ على ما اظن انه من خلال حكايات ام وحيد
بيخرج بالليل بعد الساعه 9 مع الوزير وهما متخفيين فى ملابس عربان وبيتجوالوا فى المحافظه الجديده علشان يشوفوا مداخلها ومخارجها علشان يعرفوا هيسلكوا المحافظه منين

Abd-Alrahman & NOUR said...

هههههههههه
كل دة جالك
ربنا معاكي
روحي الجنينه بقي لان مفيش مستشي ممكن يعالج دة كله

ههههههههه
بجد كلامك كلة صح ولكن هنقول اية
مش بادينا حاجة نعملها

صحيح انتي مش جيتي عندي من زمان
وانا زعلان

appy said...

رئيسه حزب الاحلام
===============

يا ريت عندها ودن اصلا وكل ما تكلميهم يرفعوا مناخيرهم ويقولك فوت علينا بكرة يا سيد نورتى يا قمر







قطه الصحراء
===========

تصدقى فكرة برضه انا قولت كده بس كنت بكدب نفسى هما كانوا بيجاملوه بس هديله فرصه قبل الزير ما يقع على دماغه نورتى الكوكب كله

appy said...

الساحرة
=========
تيجى معايا تقعدى جنبى ونغنى يا بهيه هههههههههه نورتى يا قمر





د/هيما
======
اهلا بيك اول مرة فى الكوكب نورت الكوكب كله وشرفته
ربنا يصبرنا ونقدر نعمل حاجه كمان

appy said...

بحبك يا مصر
==========

انتم دايما فاقسين نيتى كده طيب انا بكدب نفسى يا راجل اعمل ايه لازم تقولها فى وشى ههههههههههههه نورت الكوكب






مفقوعه مرارتها
-============

خلاص هعمل حمله مقاطعه واخلينى فى القنوات الهلس هههههههه

appy said...

الفاتح الجعفرى
=============

اهلا وسهلا الحال من بعضه يا كابتن وبلاش تسييييح طيب انت من الاقاليم من بدرى يعنى الجيزة اقول ولا كفايه هههههههههه
وبعدين انا بطاقتى مدينه نصر محل الاقامه بس انت عارف بحب اصيف فى القاهرة الجديدة هههههههه نورت يا ابو المعارك






الشارد
=======

ايون يا خويا كل واحد وحتته ههههههه نورت يا شارد

appy said...

Wish I were a Butterfly ..
=========================

معاكى انا كمان شايفه جايز يكون بيصحى بدرى فعلا بس ده ادى انطباع ازاى اربطيه مع باقى كلامه انا عن نفسى بتمنى انه يطلع كويس لانه هيبقى ماسك محافظتى عااااااااا نورتى يا ارق فراشه





اهو ده هيبه
===========

ايون صوت الامه بس انهى امه بقى هو ده السؤال جاوبى عليه بقى .......زنورتى يا قمر

appy said...

A.SAMIR
========
لا والله يا كابتن انا مس اقاليم دا انا بطاقه القاهرة بنت خالتى ام عز والله مدينه نصر وقال كنت هتهف فى عقلى واغيرها القاهرة الجديدة ههههههههه الحمد لله جت على خير
نورت الكوكب





almasry
=========

ايه ده انت من ميت غمر طيب بلدياتى بقى ماما المنصورة وبعدين ما انتم جنبكوا جمهوريه زفتى عاوز ايه اكتر من كده ههههههههههه

appy said...

فاتيما
======
حبيبتى انتى عارفه طبعا انى كمان من عشاق منى بس الموضوع مش كده الموضوع ان قبلها كانوا مختفين مهندسين مصرين هناك ومبهدلينهم طيب هى بتعمل كده ليه فهمتى الخلفيه انا بعشق منى على الرغم من انى شايفه الضغط اللى لسه عليها وكمان الاوامر
يالا ربنا يستر نورتى يا قمر





ابو حنف
========
ما انا بكتب من غلبى ومن مبدأ ضربوا الاعور على عينه هنعمل ايه بس ..وبعدين ما كانوا بيقولوا الاتوبيسات مش هتغلى الله يخرب بيوتهم يا رب
نورت يا محلاوى يا زملاكاوى

appy said...

هيثم الدهشان
============

طيب ما ينام بس مش استفذاذ يعنى وبعدين ليه متبقاش وسط الله ما كلنا علينا التزامات وبلاوى زرقه
يالا مش مهم تشرب شاى ههههههههههههه





واحده مفروسه
===========

يا حبيبى انا بسلم اصحابى وقتى يعنى بعترف من غير ما يعملوا حاجه ههههههههخخخخخخخخخ نورتى الكوكب يا سكر وبطلى لعب فى المدونه

appy said...

Heart Beat
==========

حزن حاكم ومش عارفين نتخلص منه استفذاذ لدرجه انى حسه اننا هنبقى زى المسخ بالظبط وهنبلم ربنا يستر نورتى الكوكب






همس الاحباب
===========
اه يا خالود امال ايوه امال لا ههههه يحل مين اما شعب مجنون صحيح لا والانيل طريقته فى قول الكلمه يا ساتر ربنا يستر يا خالد يا رب نورت الكوكب

appy said...

انين الحزن
=======

تعالى اقعدى معايا وجنبى يا سكر هو انا اطول يا احلى وزة هههههههه نورتى الكوكب





سومه
=======
مبروك يا سومه بجد لووووووووووووووووولى فرحت لكى والله يالا كده اطمنا اننا هننتحر جميعا هههههههههه نورتى الكوكب

appy said...

سكر
=====
كلنا فى الهوا سوا يا سكر ولسه ياما هنشوف عاااااااااا والله عارفه الشروق حلوه جدا بس بقى مش عاوزة افتكر ويا نهار ابيض على الاسعار ولسه اللعب جاى ابقى قابلنى اذا حد اتجوز اليومين دول ههههههههه نورت يا سكر





ولاء
====
اه يا لولو اسكتى طيب يا اوختى ده المحافظ بتاعنا انا خايفه بجد لا يبهدل الدنيا ربنا يستر نورتى يا احلى لولو

appy said...

bar2ash
========

هركب بطوط واجيلك حالا عويناتى اسفه بس والله مشغوله كتير اعذرنى





hero
====
ما هى المشكله انى مدينه نصر بس اناعايشه فى القاهرة الجديدة اللى كنت هموت واخد شقه فيها عااااااااا وربنا يستر بقى نورت يا قمر

appy said...

مياده
==========

هستناكى هتيجى امتى يا حبيبى يالا وممكن نعملها مجانى برضه مساعده للشعب هههههههه نورتى الكوكب





PrInCeSS BeRy
==============
اهلا بيكى اول مرة فى الكوكب نورتى يا قمر بجد وخدى لكى خروف العبى بيه هنا هديه

appy said...

لعلها خير
========

يا قمر مهندسين وناس مصريين فى السودان اتخطفوا واتبهدلوا بس وبعدها منى بتستفذنا وتقولك روحوا هناك شوفتى الهنا نورتى الكوكب





قوس قزح
=======

حبيبتى والله طيب يالا بقى تعالى اقعدى جنبى يا قمر وهاتى الاولاد ونلعب فى الجونينه ههههههههه
اللهى يصحى يلاقى وشه فى قفاه ههههههه نورتى الكوكب

appy said...

حسام يحيى
========
ليه بس الطفشان هما عاوزين يشلونا الاول يا حسام هههههههه ولو لقيت مش هقولك علشان عاوزين نفضل قاعدين على قلوبهم نورت يا سكر






انونيمس
=======
ايه يا دكتور الاتهامات دى هى الجرافاته خنقت عليك انا لاخر بوست عندك يا راجل هرفع عليك قضيه رد بلوجر هههههههههه نورت يا دكتور

appy said...

DEW
=====
ايه الحركه دى مش 6 ده انتهى انتم هترجعوا الزمن طيب فهمنى بليز نورت الكوكب






Baker
=====


اهلا بيك اول مرة نورت الكوكب كله

appy said...

اجندا حمرا
=========
ما هى كل حاجه مبقتش مفهومه وده اللى هيجننى يا اجندا نعمل ايه بقى يالا انا خلاص هقعد فى الجونينه وخلاص ههههه نورتى الكوكب





القلب الابيض
========
يا راجل يا ريته ما اتكلم كانت جتله كاتمه احسن بلا نيله
نورت يا اطيب قلب

appy said...

فرنسا هانم
========
حبيبتى نورتى ربنا يكون فى عونك المهم وجودك وسطنا
صح بس اهم حاجه يسلكها من ناحيه السويس علشان تبقى سهله نقفشه من ناحيتك يا قمر نورتى ووحشتينى





Abd-Alrahman & NOUR
===================
والله اسفه انا عارفه انا مقصرة فى حق ناس كتير قوى وبحبهم بس شوفت اللى بيحصل
يالا ربنا موجود يعنى مفيش امل اتعالك ولا ايه شكلها مفيش مش مهم نورت يا قمر

bastokka طهقانة said...

انا حصلت عليه الواد النص يرن عليه كل يوم بعد الساعة 9 و يقوله
هاتلنا معاك بجنيه عيش و انت جاي يا سيادة المحافز

نيياهاهاي

اوروفوار

.:.-=- ELGaZaLy-=-.:. said...

من حقة يتنك طبعا...


الراجل دة مش هايهد غير لما البلد دى تبقى خرابة بدرجة وطن

appy said...

طهقانه
=======

اهلااهلا صح كده هو ده الحل ميكونش المدام هى اللى مدياله التعليمات ههههههههههه
نورتى الكوكب فى اول زيارة





.:.-=- ELGaZaLy-=-.:.
==================

صح ان مكنش هو اللى يتنك مين هيتنك احنا يعنى ولا ايه ده حتى يبقى عيب علينا هههههههههههههه
نورت الكوكب

الفارس الملثم said...

ايون كل واحد وهو خارج الصبح يعلم بيته لان مفيش حاجه مضونه ,يعني يجي اخر النهار يلاقي بيته ودوه الصعيد ولا حاجه ..

بصراحه اغلب الناس اللي بيعينوهم اليومين دول كلامهم يفقع المراره وتحسي انهم عاوزين يقولولونا " علي راي محمد هنيدي" جتكم القرف مليتوا البلد..

سلام يا ابي

تحياتي
محمد

tamer.sala7 said...

ولسة حناخد قفيان وشلاليط للصبح
عندنا في اسكندرية كنت في مشوارة في منطقة بعد مصطفي كامل كدة اسمها الوزارة لقيت يفط كتير اوي مكتوب نحن معك يا مبارك وحاجات بقي من اللي تجيب الضغط زي السياسة الحكيمة والريادة العربية وسدد الله خطاك واحنا كلنا معاك سألت يا جدعان هو الريس جاي ولا حاجة قولت لو كدة الواحد يعملها ويريحكم ويريح الـ 75 مليون غلبان بأعتبار ان فيه 5 مليون شخص حكومة وحرامية ورجال اعمال نصابين المهم قالولي لأ ده انت قدام المقر الرئيسي للحزب الوثني وطبعا دول المنافقين بتوع الحزب بعد ما حسو بالسجادة بتتسحب من تحت الرئيس ورجالته قاله نحاول ننقذ ما يمكن انقاذة وده يعتبر مؤشر كويس لينا ان الحكومة خايفة مننا يا ريت نستغل ده كويس ونفكر حنعمل ايه يوم 18 مايو مع العلم ان بوش حيكون موجود في مؤتمر دافوس ومش ممكن الحوكومة تطلع بتقهر الناس ومش بتخليهم يعبرو عن نفسهم وبوش ولي نعمتهم موجود

حـــــدوتـــــة said...

ايه يا باشا
انتى معصبة نفسك ليه الراجل عنده حق
لازم يتعرف عليها كويس ويعرف طبعها عشان يبتدى على نور ولا انتى عايزاه يخش عليها ذى البطيخة لا يعرف هى حمرة ولا قرعة
سبيه ياخد وقته سنه اتنين براحته
احنا ورانا ايه
هم يضحك وهم يبكى
انتى بقالك فترة مبتزوريش المدونة عندى
انتى مخصمانة ولا ايه

سلالالالالالالالالالالالالالالام

عاليا حليم said...

ما تخافيش يا نوسة النوسة كونوسة

عمر بن الخطاب ما فيش مرة تيجى سيرته الى لما احزن بجد على احوالنا المؤسفة مع انا المفروض بنتقدم مش بنرجع المسملسن بتوع دلوقتى عايزين يرجعونا للجاهلية تانى و يبقى كده كتر خيرهم اوى عملوا الى عليهم و زيادة و هو ده الاسلام

مين باه زامبتيكا

عاليا حليم said...

صحيح نسيت اقولك هو انتى يا بنتى لسة بتتفرجى على البرامج دى ما اتفقست من زمان خلاص

monaliza said...

نهايتهم معروفة بس هما مش واخدين بالهم

أنا حر said...

المحافظ ده بيسمع كلام ماما وبيحب مايزعلهاش علشان كده هينام بدري وهيغسل سنانة ويشرب اللبن قبل ما ينام ويولع الشعب
تحياتي

wanna b a physician said...

ماهو الراجل يعنى بيطبق منطق ان الشكوى لغير الله مزله
وهنيالك يافاعل الخير والثواب
وبعدين وظايف اية عيب يا استاذة احنا مش عندنا شباب عاطل
احنا لدينا فائض فى الاعمال ولا يوجد ما يسمى بطاله بيتهيألى كان فى واحده قالت كدا الله اعلم
سلام

فليعد للدين مجده said...

Appyالاستاذة
تحية لائقة بكوكبكم العامر
أتفق معك أنها بداية غير مبشرة و,اكثر ما ضايقني فيها إقتصاره
طريق السادة أعضاء المجالس المحلية طريقا وحيدا لتوصيل مظالم الناس اليه

فهو هو من يعلمهم جيدا ويعلم كيف تم انتقاؤهم ثم انتخابهم ثم لماذا يضيق واسعا

لكن ملحوظة أنا لم أفهم الكلام الموجود علي الصورة
وشكرا

fahd said...

متزعليش نفسك

اعصابك

الشوباب والشوبات محتاجين ليكي كتير

الهسس دي طبيعي انه في مصر

ثانيا ده مطلوب ومقصود

علشان الناس تتلهي في حاجه غير حال البلد

appy said...

الفارس الملثم
============
ايون انتم مليتوا البلد هههههههههه مليتوها ناموس يا راجل ههههههههه نورت يا محمد





تامر صلاح
=========
كفايه شلالايت الا ورمنا يا كابتن والله
عااااااااا طيب نعمل ايه وايه قصه 18 دى مسمعتش عنها لما نشوف نورت يا تامر

appy said...

حدوته
=======
اه صح بلاش البطيخ بقى الكيلو بتلاته جنيه عندنا اسكت انا هتفرس
وبعدين سامه السمع انا كنت عندك النهارده يا راجل ههههههههههههههه
فى المدونه
نورت يا قمر






عاليا حليم
========
يا اهلا بالعندلبيات كلها هههههههه انا مش اروح تانى يا ميس خلاص سماح المرة دى عااااااا نورتى الكوكب

appy said...

موناليزا
=========

يا رب ينتقم من الظالم نورتى يا موناليزا




انا حر
======

طيب الرجال بيسمع كلام اهله اهو انتم زعلانين ليه بقى يا ناس يا رخمه انتم داتا انتم فزاع هههههههههه

appy said...

wanna b a physician
==================
تصدق يا دكتو ر صح احنا ساعات بننسى حاجات مهمه جدا ههههههههههههههه نورت المحكمه يا راجل والكوكب كمان







فليعد للدين مجده
===============
اهلا يا دكتور والله منور البلوج ولا انا فاهمه ههههههههههه عادى يعنى بس ممكن نترجمها لحضرتك عادى
نورت البلوج

appy said...

فهد
===

يعنى عاجبك الهسهس ده يعنى ماشى خلاص اشرب الشاى وربك يسترها هههههههههه

Omar... [ خروشات ] said...

الحمد لله

لحقت التعليق رقم 88

تعرفى يا اابى؟ انا قريت البوست و شميت ريحة الناس اللى بتتكلمى عليهم سواء فى الصحافة الموجهة او فى جروبات الفيس بوك اللى عضويتها بالامر للجماعه اياهم بتوع جيمى وايمى و هلما جرا،..

على فكرة انا عضو فى جروب القلة المندسة

اندسيت وسطهم فى الخباسة


و تقريبا... فهمت اننا صعب نثبت لهم اننا صح... لانهم عندهم اصرار غريب عل احتكار الحق والصح لهم فقط

من الاخر؟ ااقولك حكمة سمعتها من صديق جزائرى قال:
.............................

أذا اردت ان تحلق مع النسور

فلا تضيع وقتك مع الدجاج

..............

اخوكى عمر،

appy said...

اخى العزيز/عمر
=================

انت معلق على البوست اللى فوق فى ده هههههههه مش مشكله المهم عادى والله وانا عارفه ان الناس دى حافظه مش فاهمه خالص
ولو جيت تزنقهم
مش هيعرفوا يردوا انا عملتها واتهطلت ورحت من زمان الحزن الوتنى وقعدت مع اكبر واحد فىامانه الشباب وكان يوم منيل طلعت من هناك وخيبتى فى ايدى والنحله والدبور معايا
نورت يا اعز اخ

Omar... [ خروشات ] said...

ههههههههههههههه

انا بقيت بطاطس خالص

موش سلطة بس و بطاطس كمان

الله يخرب بيت الزهايمر


ربنا يخليكى ليا و تاخدى بايدى يا بنتى تعدينى الطريق للبوست التانى



موش اخوكى عمر المرة دى
لا جدك عمر

ههههههههههههههههه
انا بقيت مسخرة

appy said...

بعد الشر عليك يا جدوووووو ههههههه انت اسمك كفايه انه بينور زى النيون عندي فى اى مكان هههه

أبو خالد said...

أبنتى الغالية /آبى
دائما ما تثيرين قضايا فى غاية الأهمية
و جميل طرحك لهذا الموضوع قرأته كثيرا
و لم استطع التعليق لأننى كنت فى غاية الحزن لغياب فرنسا ربنا يشفيها و تقوم لنا جميعا بالسلامة
احسك بنيتى قريبة منى للغاية
تشبهينى.. تحزنين و تتأثرين من غياب أى إنسان حتى و لو مر بحياتك عبر هذا العالم .
أما عن لغة القرآن فلا تخافى عليها
فهى باقية باقية ببقاء القرآن و حفظه من قبل العلى القدير
و لا تنسى أنها لغة خطاب أهل الجنة
فسواء حاولوا القضاء عليها أو تغريبها فلن يفلحوا فهى باقية فى صدور أطفالنا و آجيال و راء أجيال تتوارث حفظ القرآن الكريم فلا تحزنى بنيتى
لا أريد أن أنهى الحديث معك
و لكنى سأغادر الآن و إلى أن نلتقى
أستودعك الله الذى لا تضيع و دائعه

sayedel7a2any said...

الاستاذ اللى بيتارياء على المحافظ فى حكايت المكالمات لازم يعرف انو لما كان رئيس هيئة التخطيط العمرانى ان لا يكلم مسئول قبل الساعة التاسعة صباحا او بعد الساعة التاسعة
مساءا انه ينام اربع ساعات فى اليوم وفيهم بيحلم هايعمل عمل ايه فى اليوم التالى سيبوه ينام علشان يعرف يشتغل تانى يوم وبلاش
الحاجات الغير مهمه

sayedel7a2any said...

البيه اللى بيجيب سيرة الهيكل الاداري ده
واضح جدا انك راسب ابتدائية و مش فاهم اى حاجة

mahamad el3'amry said...

اللى كتب انه هايركبلهم وش خشب ده انسان جاهل و مايعرفش حاجة والمفرود مايكتبش هنا اى حاجة تانى

mahamad el3'amry said...

الاستاذة اللى اسمها طهقانا وحدة زيك تروح تغسل المواعين احسن انما الكلام دة فاضى

appy said...

sayedel7a2any
*************

انت لو سمحت متدخلش هنا تانى ولا المحافظ اجرك ترد على الناس لما تتكلم توجهه كلامك ليه مش لغيرى انا صاحبه المكان وبطلوا بقى تصقفوا وتعملوا للناس وفى الاخر بيطلعوا مش بيفهموا





mahamad el3'amry
*****************
انت مين قالك اصلا تقول مين يكتب ومين وميكتبش انت مجنون ولا ايه انت اللى مش مسموح ليك ترد على حد ولما تكلم واحدة ست وتقولها غسلى مواعين يبقى انت مش محترم وجاهل كمان
ومعنكش زوق وقت مش مسموح لكم بالكتابه هنا يا بهوات يالا فى داهيه