انا والكمين وهواك...



شوفتوا الهنا اللى انا فيه يا قلبى اسلام حبيبى حن عليا وقال يخرجنى بدون اصحابنا ونبقى لوحديتنا خالص اتبسطت وقولت هتستفرس بيه بقى واقعد اقوله بتحبنى ولا لا وهتخونى ولا لا ومين بينتصل بيك ومين بيعاكسك وليه مش قولت ليه شعرى حلو وليه مش قولت اللبس شيك هههههههههههه وحركات البنات دى اللى بتزهق واخنق فيه شويه واتقمص شويه كده يعنى
هوووب عدى عليا ورحنا الحسين قولت وماله من زمان مروحتش رحنا وقعدنا فى كافيه اسمها ولى النعم المهم اسلام مش بيشيش الحمد لله ولا بيشرب اى حاجه خالص كبرت فى دماغه وجاب شيشه قولت هو حر
وفجأة انانانا تشششششششششششششش تيرررررررااااااار اسلام هيس والله ههههههههههه بجد داخ يا عينى وبقى بيضحك على اى حاجه وانا خلاص سخسخت من الضحك عليه وقعد عمل ديكورات الشقه والتصميمات واحنا قاعدين فى دماغه طبعا مش حتى على ورق وكمان كان بيزعق لما نختلف ولا اقوله يا حبيبى ده مش هينفع يقولى والطوب اللى جبناه تقولوش خلاص بنفرش الشقه
قولت يا بت عدى الواد هيس يا قلبى مش مهم
شويه ونزلنا بعد هسترية الضحك اللى مسكتنى منه بجد قالى تعالى نكمل خروج
هووووب طقت فى دماغى وكانت استقراح منيل بنيله قولت له عاوزة اقعد على الدائرى اللى ما بين المعادى والقاهرة الجديدة قالى ماشى طلعنا حبيبى بقى مفيش له زى
طبعا
فوق القاعده تجنن جدا وتشوف شكل النيل والجزر اللى فى النص تحفه بجد وانا مبسوطه
اسلام مش يحلى له الوقفه الا قدام الكمين هو كمين ثابت الناحيه التانيه وهو وقف هنا اقوله يا بابى بلاش يقولى عادى يا حبيبى العربيه فيميه بلاك ومينفعش يقولى سيبك انا ولا فى دماغى
وركب دماغه واتزحلق بيها
قعدنا بقى ولا حب ولا هباب انا النحله والدبور اشتغلوا وركزت فى الكمين مووووت اشوفهم بيعملوا ايه واضح انه كان فيه مشكله امبارح او بلاغ عن حاجه لانهم بيوقفوا كل العربيات الربع نقل اللى بصندوق ويفتشوها وفجأة فيه ماسورة وانفجرت رتب بلبس الشورته وتانين شكلهم محابس ههههههههه

والعربيات اللى من غير صندوق دى الامين واقف يأخد منها الفلوس من تحت لتحت بعيد عن الرتب وهما مش شايفينهم لانهم رايحين جايين وبيتكلموا فى اللاسلكى والتليفونات وانا هموت وايدى بتأكلنى على الكاميرا اصور واسلام قالى والله هيرموكى فى الميه لو اتقفشتى وطبعا فى الحاله دى الجرى الجدعنه كلها وهو هيقولهم ولا اعرفها
قعدت بقى اضايق فيه واقوله انت بتفسحنى فى الكمين ولا عاوز تسلمنى يعنى علشان الكوكب المهم قالى يالا نمشى مشينا وهوووب بنلف وعدينا من عند الكمين اقوله بلاش ميردش اقوله حبيبى ميردش قولت اعمله ايه ههههههههه
والظابط الى رتبته نكيب ابن الانبوبه والله اللى واقف يتنك ومش راضى يوقف عربيه وسايب الامناء جالنا مخصوص وعدى من بين العربيات ووقفنا تششششششششششش وقاله الرخص طبعا علشان الفيميه فاسلام اداله الرخص وقاله دى عربيه اللواء احمد وده طبعا والد اسلام بس هو طلع على المعاش من زمان بس العربيه بتاعت اسلام قاله طيب كارنيه او حاجه تثبت طلع له البطاقه بتاعت بابا
الظابط قاله دى قديمه طيب هو بابا فين قاله كان فى مديريه امن القاهرة قاله اه فى ايه يعنى

وده هنا اسلام سحب فرامل لسانه وقرر ينفش ريشه وكان سكر مقالب بجد وبدأ يرخم على الظابط جدا
وقاله مش عارف والله بيشتغل فين المهم جه رائد قاله يعنى ايه مش عارف بيشتغل ايه انا ابنى عنده خمس سنين وعارف انا بشتغل فين لو سمحت كلمه اساله
اسلام تربس برضه وقاله لا مش هكلم بابا دلوقتى لانه نايم ومش ينفع ودى طبعا تناكه من اسلام جه رتبه كمان وقاله طيب اركن على جنب وانا طبعا عارفه حركات النداله بتاعته ممكن يقولهم سيبوا الفيميه وخدوا البت اللى جنبى دى بتتكلم فى السوياسه حبيبى بيموت فيه طبعا وعاوز يخلص منى
وراح وقف معاهم وبكل تناكه قاله حضرتك عاوز تسحب الرخص اسحبها عاوز تبعت العربيه على الورزاة وتفحصها زى ما بتقول او المديريه انت حر بس ولا هكلم بابا ولا هقول كان بيشتغل فى ايه لانى مش عارف
وانا طبعا مسخسخه من العند بتاعه وده دماغه قفلت لما شاف النكيب بيبص عليا وجاى على العربيه يكلمنى ويقولى بطاقتك قاله حضرتك اتكلم معايا قولت دى خطيبتى وتطلب منى وانا اجيب لك اللى انت عاوزة وطبعا هو مش بيعمل كده لحاجه الا انه عارف انى لسانى فالت
وهوووب هقوم ضاربه كرسى فى الكلوب واشد معاهم ههههههههه علشان الكلمتين اللى حفظاهم من كتاب علشان متضربش على قفاك
المهم قد كان قولت للظابط يعنى مش فاهمه المنطق بتاعك البطاقه وبتقول انه شرطه وده ابنه والاسم خماسى زى بعض يبقى فيه ايه
لزمتها تزعجوا الناس قالى حضرتك علشان الفيميه الوزير مانع
قولت له سبحان الله والتلات عربيات اللى عدوا واحنا واقفين دول مش فيميه ولا وقع عليهم قهوة ساده
اسلام بصلى وقالوه عاوز ايه العربيه تاخدها تفتشها تعمل اللى انت عاوزة براحتك ومتتكلمش معاها ولا فى اى حاجه وده برضه خوفا من خرفانى مش من حاجه تانيه هههههههه وبعد ربع ساعه جهه واحد رتبه كبيرررررررررة قوى وقال فيه ايه حكوا له وبص لاسلام وعرف والده كان زميله زمان فعلا فى المديرة قبل ما اونكل يقدم استقالته ويسبها لاسباب طبعا كلنا عارفينها وانه فعلا سلك مش محترم ومتكهرب طول الوقت وهو سابها وهو عميد مش لواء بس اونكل بيرقى نفسه ههههههههههه عادى يعنى وعلشان كده ولا اسلام ولا محمد اللى هو اخو اسلام بابا رضى يدخلهم الشوربه حفاظا عليهم بجد واكتفى بكليه التجارة هو اه الواد امور وطول بعرض ويخض وكان زمانه فى حاجه كبيرة وامبارح بس فهمت وجهه نظر اونكل لان اسلام نافش ريشه زيى بالظبط وطلعنا فعلا توأم حتى فى دى
على الرغم من هدوئه فلو كان دخل الشوربه كان نيلها بنيله ههههههههههه
وفى الاخر مشينا والرتبه ده قعد يهزر معاه ويقولهانت شبه بابا خالص اه والله حماية امور مووووووت بجد ما شاء الله واخدنا الرخص ولا اى حاجه حصلت وقعدت طول الطريق اضحك على اللى مش عاوز يقول باباه كان فى ايه ودماغه قفلت زى مفتاح الشقه اللى فووووت وكمان على انه مش عاوز يكلم اونكل اصل كان زمانه قلهم خدوه وخدوا العربيه وخلوهم عندكوا لما افضى اجى هههههههههههههه ويبقى خلص من اسلام وزنه الكتير
ومن هنا بشكرك يا حبيبى على الفسحه اللى كلها تهييس خالص

ونصيحه للمخطوبين اياكم والكمين بعد قانون ام طارق وانا اول واحده اتخبطت فيها امبارح اهو ههههههههههههه واستاهل بقى وعلى راى المثل من خرج بعربيه اسلام اتقفش فى الكمين بالفيميه
نصيحه محدش يتخطب لواحد عامل فيميه وبلاش الكورنيش بتاع المعادى وان شاء الله ما شميتوا هوا اتخنقوا احسن مالها الكافيهات
اللى خطبها مش بيشيش متجربش القصه دى لانه هيهيس هههههههههه ولازم نحافظ على مشاعير الناس من واحد قاعد لو بص لقطه بيضحك هههه

وابقى قطعوا كتاب علشان متضربش على قفاك لانك هتضرب بس سيبكوا انتم امشوا على قاعده نفش الريش له فايده هههههههه
كان معكم مراسلكم آبى هانم المتفيمه من كمين المعادى المنيب الثابت

153 اخبط وقول رايك:

رئيس جمهوريه نفسى said...

انا الاول هاتى الكوكو بتاعك وامشى انتى خلاص منا احتليتو

fahd said...

نحجز مكان ونرجع عدم اللمؤاخذة

رئيس جمهوريه نفسى said...

بصى يا ابى اولا هى مكنش شكلها بلاغات دى بطريقتهم دى كان شكلها بلاغ عن تهريبه مخضروات ولا حاجه ولا يمكن ب2 جنيه عيش اصله شاحح فى البلد اليويمن دول
وتصرف اسلام صح طبعا لانى التناكه فى المواقف دى بتكون اسلم حل وكلمه انت مش عارف انا ابن مين بتخض
وتحيه كبيره لعمو الى رفض يلحقهم بالشورته رغم انى اسلام بسم الله ما شاء الله انا اول ما شفته افتكرته ضابظ شرطه برضه
سؤال هى اليشيه كان نوعها ايه تفاح ولا نعناع ولا ايه اصلى طالبه تهئيس اليومين دول معايه يمكن افك بدل الربطه الى الواحد فيها

fahd said...

طبعا انتي كنت فرحانه والراجل مزنوق في الكمين

انا عارف الستات بيفرحوا بالحاجات دي

علشان تتفرجي علي خطيبك وهو شهم وشجاع وبيدافع عنك وممكن يرمي نفسه من فوق السجاده لو لزم الامر

علشان المتعه النسائية دي رجاله كتير راحت في داهية

ربنا يستر

وخلي بالك مش كل مرة تسلم الجرة

hesham said...

ههههههههه

بس سيبك اتى انا احب الناس اللى بتركب دماغها و بتتنطط على البوليس دى لاننا للاسف شعب يخاف ما يختشيش سواء كنا حكام و لا محكومين و بنحب اللى يتنطط و يتعوج علينا و نخاف منه و نموت فى اللى يهزانا ويمسح بكرامتنا الارض و نحطه جوا عنينيا اما لو برز لنا شخص محترم مؤدب مهذب فده اول واحد بنتنطط و نتعوج عليه

بصراحة اسلام استخدم الاسلوب المناسب مع الشخص المناسب

و احييك على الدروس المستفادة و العبر المستخلصة فى نهاية البوست

ربنا يحميكى انت و سولوم من الكمائن الثابتة و المتحركة و يتمملكوا على خير

تحياتى
هش

واحدة مفروسة said...

ههههههههههههههههههههههه
هههههههههههههههههههه
ههههههههههههههههه
و الله انتى شربات يا ابى ...يعنى يوم ماتخرجى مع ختيبك يحصل جه كله ههههههه ده حظك يا عم اسلام مامتك دعيالك ...حياتم مش حيكون فيها ملل بالمره...كلها اكشن......
وبعدين يا حبيبتى الشرتة...تنتيت بتنتيت بتحب توقف العربيات اللى فيها ولد امور و بنت عسوله علشان تتأنعر عليهم شوية
و لعلمك اسلام كويس انه تنح معاهم....بس كويس انهم ماعملولوش اختبار تشييش و تهييس...ده اللى زى اختبار السكر كده

و بعدين يا بؤبؤ انتى لازمن تخلى علاقتك بحماكى كوية جدا
لانه هوه اللى حينفع يقف معاكى لما تروحى تشمى الهوا لوحدك فى مارينا.ههههههههههه
و لايمكن يودوكى تشمهيه على الكوبرى المتعلق بتاع غمزة
هههههههههههههههههههههه

هيثم الدهشان said...

علشان ده كان من غيرنا
بس حاسبى المرة اللى جاية اقفوا فى مكان مش تحتيه جزر وميه علشان الظباط ممكن يشوفوا انهم يفسحوكم شوية مع السمك تحت

فاتيما said...

دا ذنب بطوط على فكرة
مالها الغلبانة ما كانت ماشية حلاوة و محدش بييجى يمتها
لازم يعنى ام فيميه دى
و إسلام الله ينور عليه و أخلاق بجد
و كويس إنه ملوش فى الشوربة عشان لو كان منهم مكنتش هسلم عليه بقلب عشان بصراحة مبحبهموش خاااالص
و حماكى كان عند ألف حق ربنا يديله الصحة
و الشيشة دى أسوأ إختلااع إنسانى ظهر على وجه البسيطة
و بعدين الولد القمور دا موش وش شيشة و جنبه بنت قمرين ينفع كدا
هيا الشيشة السبب
و بعدييين ماله النسكافيه ؟؟

في حب مصر said...

مبروووك الخطوبة، وعقبال الجواز
دي اول مرة اعرف
وبلاش الخروجات اللي تودي في داهية دي خليكو على كورنيش التليفزيون احسن وكلوا ذرة مشوي في الصيف علشان تسخن المشاعر اكتر..هههههههههه

Nsreen Bsunee said...

هي هي هي هي هي هي هي هي هي هي
تعيشي وتاخدي غيرها انا قلبي حاسس من الاول ان اسلام نفسه يخلص منك ويرميكي فى اى كمين
:))

احلي حاجه انه بيعمل دماغ بالشيشه
ده انت تحفه يا اسلام ياريت الشيشه بتعمل دماغ مكانش حد غلب
بصي يا بنت الناس احسن حاجه تجيبو كيس شيبسي عائلي وتقعدو فى البلكونه عندك فى البيت ولا في الانتريه
وخلصوني بقي وشوفو بيت يلمكو عشان انا عاوزه اخلص منك يا آبي بقي
:))

tamer.sala7 said...

يعني لو حماكي موظف في المحافظة كانوا كسرو العربية وضربوكي انتي واسلام

صحيح بلد واسطة

بس صحيح حماكي كان بيشتغل في ايه ؟؟

بنت الاسلام said...

نصيحة هامة طبعا منك لكل المخطوبييييين علي الله ياخدوا بيها

وانا معاكي فعلا من ان فيه فساد ضخم في قطاع المرور بالذات وانا شفته بعنيا السنة اللي فاتت ولحسن الحظ في الحسييييييييين برده

عربيات اجرة مش مرخصة تقريبا وعشان يسمحولها بتحميل الركاب بيدفعو لهم


بس انا مش معاكي في حاجة يا ابي الصراحة

انتي قلتي ان بابا اسلام قدم استقالته لان المهنة وحشة وووو

انا الصراحة مش معاه في كدة ومش معاكي في اتهامك المرسل ده كمان

لان بالتاكيد زي مافي ظباط مرتشين علي الجانب التاني في ظباط محترمة جدااا وعارفة واجبها كويس

انسحاب عنصر جيد من جهاز هام زي ده خسارة كبيرة لانه بيعطي فرصة لتمكن العناصر السيئة منه

وبالتاكيد مش كل الظباط بيضربوا علي القفا في منهم برده بيضحوا بحياتهم في سبيل اداء واجبهم

ياستي كل فسحة وانتي طيبة

وبلاش شيشة بقي احسن مضررررررة بالصحة والله

لكن لو هتعزموني معاكم ساعتها هغير رايي وهقول دي بتقوي الصحة


هههههههههههههه


تحياتي ياقمر

dodda said...

ههههههههههههههه

ايه الفسحه اللطشييفه دى؟؟؟

بس بقى يا آبى تبقى قريتى كتلب متنضربش على قفاك ومتسأليهوش عالكارنيه؟؟

يقولك البطاقه تقولى الكارنيه وو
واحده بواحده
والبادى شوربه

wanna b a physician said...

الحقيقة هما ولا عايزين الناس تقعد عالكورنيش ولا تمشى ولا اى حاجة
لو سمحتى هو الكورنيش ده والنيل بتوع حد يعنى وملكية خاصة وانا مش اعرف

EmY said...

آبي باشا كان هايتقفش يا رجاااله و اجي اضمنك و انا اصلآ معنديش بطاقه و ماشيه بوصل نور

مش كنتي خدتني معاكوا و فسحتوني و شربتوني شيشه و انا مش بدخن يعني كنت هاهيش انا كمان و ممكن اعترف و اقول العربيه دي مسروقه و المزه الي قاعده دي مش خطيبته و اعمل مصيبه

احنا عندنا الشرطه حاجه تفرح العساكر يمتازوا بالغباء الشديد و الامناء تحسي ان حد مفهمه انه لوا شرطه متنكر و نافش ريشه متفهميش ليه و لازم شبشبين علشان يفوق

بس اسلام جدع الظباط عندنا لازم تكلميهم من مناخيرك و تتنكي عليهم علشان يلموا نفسهم

اي كمين اديني رنه بس و انا ابلغ عنكوا

وومن said...

هئ هئ هئ هئ هئ هئ هئ هئ
بجد يا آبي سخسخت من الضحك
يخرب بيت خفة دمك
وكل كمين وانتي طيبة
وفعلا احسن حاجة التناكة في المواقف اللي زي دي
واسلام اتصرف صح كدة بقي يا أبي معاكي راجل يعتمد علية من غير مايقرا كتاب علشان متضربش علي قفاك
المرة الجاية سيبي البتنجاني والخرفاني في البيت علشان يبقي مطمن
عقبال المرة الجاية

محمد مارو said...

والله ربنا وفئكم لبعض بجد

ههههههههههههههههههههه

هو عندى و انتى ست العنديين


بس كان نفسى يعمل اللى بتقولى عليه و يقولهم سيبوا العربيه و خدوها ههههههههههه

appy said...

رئيس جمهوريه نفسى
****************
بعينك يا محمود ههههههههههه ولا انت ولا غيرك ده كوكوى انا لوحدى بخرفانى
على ردك بقى فعلا اسلاام قالى ممكن تكون مخضروات او ىثار لانهم كانوا جايين من ناحيه نزله السمان بس والله يا دودو اسلام مقلش للظابط انت متعرفش انا ابن مين ما انت عارفه طيب وهادى خالص هو الحوار زى ماحكيته ومش انت لوحدك يا قمر اللى افتكرته ظابط
هو الواد علشان حليوة وطول بعرض بس هو علشان بيروح الجيم وبعدين هتستهبل ما انت عارفه انه بيشتغل دلوقتى فى تجارة المعدات مع اونكل ولا نسيت
والله الشيشه خوخ يا محمود اتوكل على الله وهطلب لك 122 هههههههههههههه
وكسبت معايا اول رنه للشوربه فى خدمة الكبارى ونغمه السارينا هههههههههههههههههه





فهد
****
مؤخدتك معاك انما يعنى ايه الكلمه دى او سمحت ههههههههههه
لا والله هو مستعدى يضحى بيه انا شخصيا انما الفيميه لا كلا البطه هههههههههه
والله دا انا بخاف عليه انت ليه ظالمنى بس هحاول المرة الجايه افتح دماغ الظابط واشوف هو هيعمل ايه ههههههههههههههه
نورت يا فهد

Jana said...

جميلة يا آبى ..انا مت من الضحك
ههههههههههههههههههه
طب هو هيس من الشيشة
وانتى اللى ايه جرالك؟؟؟؟

ربنا يسعدكم ويحلى اوقاتكم
مبرووووووووك صحيح نسيت اهنى فى البداية
على الخطوبة اولا
وعلى النشر ثانيا
:)

شهرزاد said...

هههههههههههه
سكر يا آبي
بس صدقيني يا بنتي مافيش أحسن من قعدة البيت ، وفري المصاريف وخليكي ناصحة
تحياتي :)

لست أدرى said...

اوعى تفكرى تخرجى تانى مع اسلام

انتى عارفه اللى بيحصل

ام طارق ممكن تقابلكم فى اى وقت

وامعاها ام نبيل تعمل عليكم عصابه

انا نصحتك وعملت اللى عليه

مدحت محمد said...

ربنا يهنيكم ياابى ويتمملكم بخير

وخد بالك من الكمين

والشيشة اللى فى الحسين

ههههههههههه
تحياتى

appy said...

هشام
*****
والله يا هشام كنت خايفه نهايه التنطيط ده يبقى البوكس ههههههههه بس عدت على خير وفعلا هو اتنفش صح
نورت وميرسى ليك على الدعوه






واحده مفروسه
*********
عاوزة اسمى الكوكب مع آبى واسلام مش اتقدر تفتح عنيك ههههههههههه
والله لو عملوا الختبار كانت باظت الا اسكتى هو فيه اختبار كده ولا ايه هههههههههه دى كانت تبقى كارثه انا مش عارفه هو مسك نفسه ازاى هههههههههه ربنا يستر وبعدين علاقتى بحمايا اخرها يقولهم خدوهم الاتنين وخلصونا ههههههههههه انتى متعرفهوش
نورتى يا حبيبى

appy said...

هيثم الدهشان
**************
حرمت لازم تبقوا عانا وتبقوا على نفسنا يا خويا ههههههههههههه





فاتيما
*********
والله بيتنك علسها يا فاتيما ويقولى العجله دى اقوله دى اسكوتر يا جاهل مش عاوز يسمع الكلام ههههههههههه نورتى يا ام يوسف وعلى فكرة هو حرم تهييس قصدى شيشه ههههههههههه

appy said...

فى حب مصر
*********
ما هو علشان حضرتك بتيجى متأخر يا كابتن اعمل لك ايه يعنى ههههههههه الله يبارك فى حضرتك نورت الكوكب كله والله قالى اجبلك درة مش رضيت اصلى كنت مركزة فى التفتيش ههههههههههه






نسرين رينا
***********

ده مصيبه والله يا رينا مسيرك تقعدى معاه وتضحكى بجد وبيحمر قوى وتلاقيه سنتح وتنح كده وبعدين الله مش هو اللى كان عاوز يسلمنى حد قاله يقف الناحيه التانيه كتير والظابط يشوفنا ده واد عندى يستاهل بس برضه انا موت من الضوحك ههههههههههههه وبعدين انتريه ايه وبلكونه ايه امال السطوح اتعمل لمين ههههههههههه نورتى يا رينا يا قمر

الربان said...

تحياتي

ههههههههه...انا شاعر بخيانه في الموضوع
و يبدو ان فيه واحد ابلغ عنكم...هو مين الله اعلم...هههه.

يرجي الانتباه...لان قانون المرور الجديد
به حبس 3 شهور و غرامة مالية ...لما.؟

ممكن يشوف فتاه و خطيبها او زوجها في السيارة و شكلهم لا يعجب الباشا...
الامين او ( النكيب ) مع احترامي لبراة
الاختراع لابي....
ياخد الرجل و زوجته و يقول فعل
فاضح....و اثبت حضرتك...انكم كنتم
بتاكلوا سميط او ترمس...او حتي حمص الشام....

نصيحة للجميع...اقرأوا قانون المرور
الجديد جيدا...و احترسوا...لان القادم سيء.


تحياتي و تقديري.....و هذا كان اخر نفس.........هههههههههه.

appy said...

تامر صلاح
**********
يضربوا مين دا انا كنت سبته وجريت هههههههههه
يووووا انت هتعمل زى الظابط الرخم كان بيشتغل مش بيشتغل ههههههههههه خلاص اعتزل وقدم استقالته من بدرى فى مكافحه الارهاب يا سيدى فهمت بقى وده غلس عليهم ههههههههههههه






بنت الاسلام
*********

بطوط يا حبيبى عقبالك يا رباشوفك فى كمين هههههههههه بس الكوشه
المهم اونكل لما ساب يا بطوط كان جاب اخره تعرفى علشان يقدم استقالته مش وافقوا اضطر يخرج نفسه طبى علشان زهق وكان مضغوط عليه غير كده اونكل عنده اراضى وحاجات وشغل خاص وارثهم من والده وكان لازم يفضى لهم واللى زيه دلوقتى مش عارفين يخرجوا يا بطوط ولوحده مش هيقدر يعمل حاجه
انا فاهمه وجهه نظرك بس دى كانت رغبته ووجهه نظره لما سالته
واه انا معاكى لسه فيه الكويسين بس صدقينى بيسيبوا ومش عاوزين ولادهم فيها زى ما انوكل عمل كده
وماشى يا بطوط تعالى خلينا نضحك على بطوط لما يهيس هههههههههههههه نورتى يا قلبى

mostafarayan said...

يلا الحمد لله انها عدت علي خير
بجداسلام دة جامد قوي الناس دي ماينفعش معاها غير التناكة وهولعبها صح
تحياتي ليكي وليه

appy said...

dodda
********
طيب والله قريته حتى اسلام قراه واونكل قال هتضربوا برضه ههههههههههه علشان كانون ام طارق يا حبيبتى مش هيسبنا بس تصدقى فكرة برضه اقوله كده بس ده كان واقف فى الكمين ولابس تلات نجوم يجوا فى عينه ههههههههه
نورتى يا قمر بجد




wanna b a physician

********************
ايووووون طبعا بتاع الكمين اتملكهم ههههههههههههه انت متعرفش والله لو شفت الكين ده كنت فهمت واخد تلات اربع المكان كله
نورت يا دكتور ربنا يكفيك شرهم

appy said...

ايمــــــــــى
******************

سياده اللوز زميل الكفاح ضد الميكروبات هههههههههه هديلك رنه والمزة ماشى يا ايمى
اتقفش ايه يا بنتى هو كان هيسلمنى يد ده ما هيصدق تعالى يالا علشان تعترفى ولا يهمك وبعدين يا جزرة نتى بتعترفى من غير شيشه انتى على طول معترفه هههههههههههههه
نورتى يا قمر






وومـــــــن
***********
ميرا يا حبى هو قرى الكتاب ونساه ههههههههه بس شوفتينى بقى وانا فى الكمين اجنن بقولك ايه اعملى حسابك هنعمل كتب الكتاب فى امن الدوله والفرح فى المخابرات انتى معزومه لك الله يا اسلام والله ههههههههههه
نورتى يا حبيبى

همس الاحباب said...

ههههههههههه
هههههههههه
بجد مالها بطوط زى الفل ولا حد يجرؤ يبس عليها
بس بجد ربنا دمك شربات والاخ اسلام شكله كده اتعدى منك واتبقى خرفان ابى واسلام
ربنا يسعدك ويوفقك يا ستى
وبلاش دائرى
تحياتى
خالد

appy said...

محمد مارووو
**********

قاعده على نفسك ولما اجيلكم هتشوف هعمل فيك ايه يا ماروو ماشى ليك يوم افرحك فيك فيه هههههههههه نورت يا قمر المحله





Jana
*******

اهلا بيكى اول مرة يا قمر وميرسى خالص ليكى انا مش هيست انا كنت بضحك عليه اصلك مهما وصفت لكى مش هتأخدى بالك كان نفسى اصورة وهو مهيس وبيتكلم بجد
الله يبارك فيكى وسعيده بيكى هنا بجد

appy said...

شهرزاد
*******
اهلا بيكى اي النور ده والله لو عارفه ان الكمين ده هيلم الناس الحلوة اروح اسلم اسلام حالا ههههههههههههههههه وبعدين يا حبيبى من يوم ما اتخطبنا مش بنشوش بعض غير نادر واوفر ايه لا يفسحنى والكورنيش ده مش فيه مصاريف بس هو علشان نتفاى الكمين ممكن هههههههههه نورتى الكوكب كله






لست ادرى
********

لا خلاص اخرة معايا الجنينه بتاعتالعمارة وخلصنا الا صحيح بلاش بدل ما الاقى فيها كمين ههههههههههههه
نورت الكوكب

فراشة said...

وحشتينى يا بوت يا ابي جدا جدا
انتى نستيني يا بنت
بقي انا اسيب التدوين ومجيش الاقيكي عاملة مظاهرة تحت البيت
كده مكنش العشم
يلريت كان البوكس شدك على القسم
بس هاه
لالالالالالالالالا انا بهزر
ربنا يسعدك يا بنتى بس ابقي اسألى

ايمى
صاحبة مدونة يوميات موظفه استقبال

ملحوظة :
ابقي قوليلي رأيك في التامبلت الجديد

appy said...

الربان
*******

شوفت انا حسه انه هو اللى بلغ عنى ههههههههههه
يا نهار انت بتتكلم بجد طيب اكتبه لينا علشان حضرة النكيب واونكل امين الشورته مش يضايقنا وعلى ايه نعلق قسيمه الجواز ولا الناس على صدرها وهى ماشيه هههههههههههههه
ما ممكن ادبس الترمس فى هدومى واقوله اهو بس والله انا كنت خارجه اشم هوا ده الدائرى مش كورنيش النيل وكانت افتكاسه نيله ههههههههههههه
وبعدين اقعد لسه نفسين نورت يا استاذنا





مصطفى ريان
**********

اه والله اثبت نظريه صح بس قعدوا يأكلوا فى بعض علشان مرضيش يقولهم هههههههههه نورت يا مصطفى

appy said...

همس الاحباب
*********
والله يا خالود واضح فعلا وبقى بيزق فى الناس وبعدين والله كان نفسى اشوووووم شويه هوا ههههههههه اعمل ايه اقوم ادبس فى كمين
نورت يا ابو همس





فراشه
*******
يا حبيبتى والله احداث كتير بس بصيت عليكى انا اسف مقصر معاكى وحالا هطير على هناك

gannah said...

معلش تعيشى وتاخدى غيرها

Hosam Yahia حسام يحى said...

هههههههههههه

ماشاء الله

احسن حاجه ان الجبان بياخد على قفاه حتى لو كان قرأ الكتاب

واللى مش بيخاف بيضرب الناس اللى مفروض انهم هما اللى يضربوه

(طبعا مش مفهومه )

:d

GeHaD said...

هههههههههههه
مصورتيش الامنا وهما بياخدوا الفلوس ليه
دا انتي كنتي هتبقي مشهوره
بعيد عنك كنت راكب مع ابويا الظابط وقفنا انا ا ول مره احس الموقف دا
بس حسيت زي ما يكون هيقفشوا ابويا ويرحلوه ههههههههه هي مش واصله لكدا بس بيبقي شكلهم يخوف منهم لله
شوفيلنا واسطه الله يكرمك

وجهة نظري said...

بلد وسايط بصحيح ههههه

أنا مش عارف طريق المعادي دا شكله إيه، يا رب يكون حلو

أما بقي كتاب علشان متنضربش علي قفاك فأنا قريته وهو قمه في الكوميديا .... إذا كان المؤلف نفسه هرب أمريكا علشان مينضربش علي قفاه ههههه .... مضروبين مضروبين

دكتور بهــدوء said...

فسح ومتفسحه
كمين ومزنوقه
قفا وشكلك هتجربي
الراجل مش مخليكي نفسك ف حاجه
ربنا يخليكوا لبعض
ويتمم بخير
:)

حمادة زيدان said...

على العموم يا سعادتة الزعيمة
مبروووووووووووووووووووووووووك
عالخطوبة وده أولاً
ثانياً بقي عاوزين الفرح يبقي فرح أون لاين وتكون دي سابقة جديدة للمدونين
مبرووووووووووووووووووووووووووووك آبي

appy said...

جنان
*******

ميرسيى ليك ونورتى الكوكب





حسام يحيى
********
لا فاهمه يا حسام قصدك عيب عليك ما هىالبلد لازم تجمد قلبك فيها صدقنى بجد
نورت يا قمر

appy said...

جهاد
****

يا خويا كانت نفعتنا ههههههههه الوسطه
بس والله ناس ذوق ذوق ذوق بس انت اشخط فيهم واجرى ههههههههه نورت يا جهاد واقعد ذاكر بقى عيب كده ههههههههه





وجهه نظرى
********

هههههههه طريق حلو بجد لما تنزل تشوفه وعموما فعلا الكتاب طلع ولا له اى لازمه لكن لما تكلم حد عنه يقولك قانون خالتى ام طارق ولا عزاء لباقى الاسماء
والله مش واسطه دى من عند ربنا هههههههههه

appy said...

د/بهدوء
********
شوفت الهنا اللى انا فيه ولا حرمنى من حاجه ابدا فى الحياة
مرسيى يا دكتور نورت الكوكب





حماده زيدان
*********

الله يبارك فيك يا ريس نورت وعويناتى

بنوته مصرية said...

هههههههههههههههههههه

مش قولت برضه نحلة ودبور وخرفان تقولش حديقة حيوان

يا فضحانا بلسانك افرضي جابوكي من قفاكي مش ضربوكي عليه اسلام كان مسك في خناق واحد كمان وبقي فرح وضرب نار هههههههههه
وبعدين قانون ام طارق ده ميطبقش الا عليكم يا حبه عيني

يلا كل خروجه وانتي طيبه ماله كوبري امبابه ههههههههههههه

وبيضربو كوله فيه ولا حد بيجي نحيتهم

بس انتم الاثنين شربات ربنا يحميكم
متخيله شكلك وانتي بتنطحي الظابط بخرفانك

المخبر العام said...

طب قولليله ..لما يقع تحت ايدي مايعملش الحركات دي..عشان أنا ما بفوتش

!!! عارفة ... مش عارف ليه said...

أوعي تفرطي يا ابي في الولد داا

وتبتي عليه بايديكي وسنانك مش علشان امووور وحليوة ومسمسم

علشان عربيته الفيميه


تحياتي

HERO said...

هههههههه
بس والله جدع انه تربس معاهم اصل الاشكال دي مش بتيجي الا كده وحتى لو العربية سليمة وزي الفل هيسحب الرخص علشان الكاوتش مهوي شوية
بس خروجة جامدة مووووت كتروا من خروجاتكم بقى

تحياتي

عبده الرايق said...

هيييييييييييييييييه
اول تعليق
احمدك يارب
كل مره اطلع الاول
اقراء وارجع تانى

Wish I were a Butterfly ... said...

:)))
إنتي مسخرة
بجد صعبة

إيه قممممممة الرومانسية دي؟؟ ههههه
لأ بجد ضحكت أوي وأنا بقرأ كلامك دة

بس بجد بجد هم الضباط مش ليهم طريقة في التعامل. ساعات لما تقفشي أوي معاهم و تقرري مش تغلسي عليهم، هم كمان يغلسوا، و ساعات تانية يخافوا و يمشوكي!! بجد محتاجين كتاب تاني غير بتاع القفا:)
المهم ربنا يخليلك خطيبك و يارب يتمم لكم على خير و نفرح فيكي قريب :). و يعيش يهيس يا بنتي.. هو فيه أجدع من خروجات التهييس دي؟

عبده الرايق said...

والفسحه التانيه هتكون فين انشاء الله
قسم الزيتون سيتى
ولا قسم الويلى سيتى
يابنتى خلى بالك من خرفانك انتى واسلام
لحسن المره الجايه تقعوا فى ايدين واحد من الشورته كان متخانق مع حماكى ولا فى بينهم مشاكل
تلاقوا نفسكم بتصيفوا فى جوانتناموا سيتى بلاس

Anonymous said...

الأخت العزيزه العروسه
امال فين رتبك لواء امين شرطه شاويش آبى....هو انت تبع شرطه تانيه والا ايه ...ليه ما اعرفوش عليك
عشرات السئله تدعوا الى الشك والريبه
الناس دى اكيد لا تقرا كتباباتك وهذه فى حد ذاتها اهانه لا تغتفر وما تسكوتيش
ثانبا
ايه رايك فى فترة الخطوبه ...جميله مش كده؟ واضح طبعا
وعقبال يارب بطوط لما يجلها عدلها ...لورى مفتول العضلات عريض المنكبين
ولا ترضى باقل من منكبين
ثالثا
حلقة قواعد المرور تمت اضافتها للأرشيف فى الموقع دون مشاكل زى ما حصل اثناء تسجيلها عنما فقدت السيطره على كل العاملين معى لأنهم لم يستطيعوا التوقف عن الضحك
المذيعه والفنيين....الخ
وانا عاوز اشهد عليك الأخوه زوار مدونتك فى اللى بتعمليه فينا وادعوهم لزيارة موقعنا والأستماع الى الحلقه من الأرشيف
http://dear.to/cairo
برنامج انت تسال والكمبيوتر يجيب

Zika said...

والله يا آبي شكلك انتي اللي لما هو شرب الشيشه هيستي
هههههههههههههه
بوست تحفه والله
وبجد برافو علي اسلام بجد ما يجيبها الا رجالها
لا انتي عارفه كنتي تعملي ايه
بس ما تقوليش ان انا قولتلك
قوليله ده مش خطيبي ده خاطفني
والعربيه دي مسروقه
وطلعي اي حاجه من التابلوه قوليله دي مسروقه
وبهذا تبقي الاجازه اخر لذاذه وعلشان هذا اخدت اجازه
عارفه ....انا ماشي مع الظباط دول بطريقة 4-4-2
اللي هي بتقول
ايه
لما ابقي قاعد في العربيه وقاعده جمبي واحده ( بني ادمه يعني ) اقوم راميلها التليفون
واقولها بكل شجاعه :
" كلميلي احمد حمزه "
علي فكره ده حقيقي عشان ماتفهميش غلط بس
احمد حمزه ده حقيقي
:D :D :D :D :D :D :D

أبو خالد said...

أنتى غلطانه يا آبى
كان لازم تصورى
السادة المرتشين
و لو فيها برج العرب كامب
لو أننى حاسس أنك اللى عملتى كده فى إسلام لأنه راجل هادى و فى حاله
أنتى أتنرفزتى إسلام سخن علشانك
و تأخدى الراجل يشيش
ده كلام
دمك خفيف موت و أنتى بتوصفى الموقف
دمتى مبدعة

رئـــــيسـة حزب الأحلام said...

هههههههههههههههههههههههههه
ياعينى على الحظ يابى يابنتى كل دة عشان خروجه
على العموم تتعوض فى الخروجة التانية
وربنا يسعدك ياقمر
تحياتى لكى

Abo 7anf said...

السلام عليكم
خروجه تقلب بدا كله
طب بتقولى ليه
ممكن تتحسدى
هو الواحد بيخرج خروجه زى دى كام مره
وخناقه
ومشاكل مع الشرطه
وعايزه تصورى
بصى تعالى المحله ويسلام لو ملاكى القاهره
هتلاقى تفتيش
انا واحد صحبى عربيته ملاكى القاهره
والله كانوا بيحسبوا السماعه كاميرا
وطبعا المحله وكاميرا
مينغعوش

سكــر said...

ههههههههههه
والله كان نفسى اشوف اسلام فى الموقف دا

امممممممممممم

طبعا كنت هقول ولا اعرفه
هههههههه

بتفكرينى ببعكوكتى القديمه

كانت اوبل

وكان الزجاج بتاعها فاميه

قوم ايه ياستى فى اشارة روكسى

والساعه 10 صباحا

عمونا الضابط كبرت ف دماغه يرخم عليا

الطريق فاضى بئه ومفبش عربيات

يوم اجازه والراجل صعبان عليه انى اروح الشغل من غير عطله

المهم وقفنى وقالى رخصك
هههههههههه

وطبعا كان زجاج الساره فاميه

شاريها كدا والله

المهم كبرت ف دماغى انى مديلوش الرخصه

عندى انا كمان

وهو مصمم انه يسحب الرخصه

قلتله لو عملت ايه مش هديهالك

فى عشرين عربيه لسا معدين فاميه

ولا هو خلاص

علشان هى عربيه غلبانه

وهاتك ياخناق وزعيق

اممممممممم

لانى كنت لسا جايب الرخصه

كانت مسحوبه ولسا جايبها

بس فى الاخر اخد رخصتى انا

موش بتاعة العربيه


سلمى ع اسلام كتير

تحياتى

احمد سكر

جني said...

يالهوتي لوا مرة واحدة ..
طبعا بتقولي اللي انت عايزاه مسنودة طبعا ..

لكن قولي لإسلام بلاش الشيشة اللي بيدوخ منها خليه في الميه الساقعة أحسن ..

تحياتي
said

mayada said...

سيبك انت ياابي والله انت اللي سكر
مقلب
احنا مبنبتش في تخشيبه ولو حتي عملنا ميت نصيبه هههههههههههههههه
وبعدين علي فكره خان الخليلي ده الشيشه هناك فيها حاجه بقي
اخويا وولاد خالي مفطومين علي الشيشه
وبيشربوا سجاير يشربوا شيشه في خان الخليلي تلاقيهم هاصوا وهيسوا
اذا كنت انا بشرب سحلب ببقي حاسه ان
انا عامله دماغ هههههههههه

mayada said...

اه نسيت اقولك حسام حبيب الاغنيه تحفه باجي اقعد عندك في الطراوه وافضل اسمع فيها هههههه

د/أبويحيى وادم said...

السلام عليكم
اجمل مافى الموضوع
النكيب بالكاف
ههههههههههه
وايه موضوع انكل بيرقى نفسه ؟؟
هههههههههههههه
المهم خلينا فى المهم
شيشه يا ابى ؟؟ شيشه ؟؟!!!!! الموضوع كبير وعاوزه قاعده برواقه صح ولا انا غلطان ؟؟؟؟؟
وعلى فكره هو بيغير مش خايف عليهم منك ولا حاجه
هههههههههههههه
والسلام عليكم

.:.-=- ELGaZaLy-=-.:. said...

ههههههههههههههههههههه

سكر يا ابى بجد

انا صعبان عليا اسلام اوى بجد...
بس استجدعته هما كدة ميجيش معاهم غير بال...تحياتى لاسلام ...
وليكى ,.,,

بجد ربنا يخليكو لبعض

الفارس الملثم said...

ههههههههههه

تعرفي وانا بقرا البوست جه في دماغي فيلم احنا بتعو الاتوبيس اصلي اتفرجت عليه من يومين هههههه

هي التناكه بتنفع كتير وانت متعرفش انا ابن مين في مصر بتخلص مواضيع كتير ,بس ممكن تيجي الطوبه في المعطوبه وسلومه الاقرع ميعرفش ابوه

انا سمعت عن الكتاب بتاع القفا ده ابقي اشوفه واقراه ولو ان ضرب القفا ده فلكلور يتفرد به البوليس المصري ومش سهل يتخلوا عنه , حتي في دراسه هايله قدمها احد لواءات الشرطة اثبتت الفوائد الصحيه الكتير اوي للضرب علي القفا في تنشيط الدورة الدمويه وزياده الذكاء هههههه

سلام يا ابي

رحاله said...

بسم الله
هههههههههه
معلش بقه خيرها فى غيرها
وحلو اوى المبدا الى انتم ماشين بيه دة
ان شاء الله نبقه نجرب
ههههههههههههه
تحياتى ياابى
جيلان

الفاتح اليعقوبي said...

السلام عليكم
ههههههههههههههه
ربنايكرمكم ببعض يارب وحلوة حكاية ان اسلام داخ من الشيشة
واما عن الكمين فاحلي حاجة مع بتوع الشرطة دول ان الواحد يتعامل معاهم بتناكة بس عشان يجيبوا اخرهم وميلفوش ويدوروا كتير
يعني عندنا في الجامعة في مرة كنا داخلين من باب وبعدين لقينا ظابط برضه نقيب ام مطلع موبايل ووقف اخ وبيصوره واحنا عندنا ان حد يصورنا ده خط احمر احمرررررررر وبس امنا اتلمنا عليه وكمرناه وخدنا منه الموبايل ومسحنا اللي عليه
ومشكلة بتوع الشرطة دول للاسف ان التناكة ركبة كتير منهم وبتعاملوا مع الناس من بدا التسلط وليس من مبدا ان ىالشرطة في خدمة الشعب

والسلام

alexandrany said...

فين بالظبط بقي الكمين ده قوليلي يا رحاب
بس بالتفصيل الله يخليكي
:)

أحمد كمال said...

يا سلام .. و الله فكرتيني بأول رحلة مع مراتي بعد شهر العسل لما وقفنا في كمين في البحر الأحمر و أنا تربست دماغي ومارضيتش أطلع قسيمة الجواز عشان كنت ناسي أساسا أجيب معايا ولا قسيمة و لا بطاقة عائلية ولا حاجة أبدا ، و نفعتني تربسة الدماغ في الكمين و في الفندق كمان !!

النجم القادم said...

خالتى اتمسك فى كمين يارجالة

لولولولولولولولولى

الله ينور على الفسحة بجد

شوفتى ربنا عمل فيكم ابه علشان مختنيش معاكى ولا جبتيلى عسلية معاكى امبارح

ولا دعتيلى فى الامتحان كمان شوفى

بس بجد احنا بلد وسايط

انا واحد قريبنا رتبه كبيرة اوى اوى اوى

فى المرور عربية خالو تتمسكوا ابن خالى يقوم قاليل للظابط دى عربية فلان الفلانى

يجى الكمين مديله الرخص ومظبطه وسلملى على الباشا بتاعنا وقله فلان الفلانى بيسلم عليك

ههههههههههههههههه

احنا بلد وسايط ياجدعااااااااااااان

دعواتك خلصت مادتين وفاضل اربعة

Anonymous said...

اولا بتمني من ربنا نحضر حفلة زفافك يارب

ياه شيء جميل اوى عارفه ايه هو

مش الفسحة ذات نفسها لا يا ابي


لكن احساسه انه معاكي واحساسك انك معاه شخص بيحبك وانتي بتحبيه




ركبين العربيه وحاسين بالامان والاحترام والشكر لبعضيكم علي كل لحظه حلوة

مريتم بيها



ياه شيء جميل اعتقد انه لو بشغله وانتي بشغلك وفكرتم ترنوا رنه


او تفكروا ببعض وباحلامكم اعتقد انها حاجه ةجميله جدا






بالنسبه للشيشه


بالنسبه للاخ اسلام ياريت ميجربهاش وربنا يباركله بصحته

وكفايا علينا ابتسامته

اقصد عليكي



واذا كان علي الشرطة يا صاحبه الكوكب

فهي كدة كدة سلك وومهنه لم تعد لها اهميه بالواقع واحيلك لمساله هامه بمدونتي


وهي عن فتيات ايتام لا اعرف كيف امد لهم يد المساعدة وتخلت الشرطه عنهم


علي فكرة بيوقفني كمين ثابت كل مروح طنطا


وبيقلي هات بطاقتك بدهاله بيقولي هو مكتوب فيها ايه اقوله معرفش


ههههههههههههههه


عالم جهال صحيح




انا عايز اقولك ان اسلام وهو بيقوله متكلمهاش وخليك معايا انا فده شيء رائع


مش علشان حكايه انك عنيدة بس علشان انك خطيبته وشريكه حياته



عارف اني تقلت وطولت معلش


قريبا هدخلك باليورز بس سامحيني انا مشوش بسب الشغل اليومين دول


يلا ربنا يكرمك


رامز عباس


صاحب مدونه رامز عباس

صيدلانيه طالعه نازله said...

يا بنتى انتى متراقبه من ساعه طارق
و احمدى ربنا انهم مخدوكيش يفسحوكى
و غالبا اسلام قاصد يوقفك جنب الكمين
معلش احنا بنهدى النفوس يعنى
يعنى عربيه فيميه و طارق و ابى كل ده فى مكان واحدو تبقى مش مقصوده
ابسليوتلى نو على راى عبده الرايق
و على فكره الاشكال الزباله دى مينفعش معاها غير التناحه
ساعات يجى ناس ظبابيط يشتروا من الصيدليه و لاسيلكى و شو و حركات
و انا تناحه بقى و اكلمه و انا قاعده
التنك فى الاتنك منه

shahy said...

اولا
مبروك ياهانم على الخطوبة وكدة بقيت انا اخر من يعلم

ثانيا
هههههههههههههه
هههههههههههه
فقرية وواضح ان اسلام كمان فقري

ربنا يتمم لكم بخير ويبعد عنكم كل كمين

تحياتي

شريف طلال said...

اعتقد حجر الشيشه فيه حته حشيش
الشيشه دى مش طبيعيه
ارجو ذكر نوع حجر الشيشه عشان نعرف ان كان تفاحه ولا معسل ولا ايه
دى مصيبه
و بعدين انتى ايه الى يخليكى تقترحى الاقتراح المنيل ده
ما كنتى فى قهوه على الحسيييين

shayma said...

ههههههههههههه

لا جامده يا ابى
ايه الفسحه الرومانطيقيه دى
:P
بقى يا بنتى الواد يقولك نخرج لوحدنا تاخديه عالدائرى
لا وادام الكمين
مالها قهوة كتكت .. ماله ملك الكبده والحواوشى تحت الكوبرى
حاجه لوووز عالاخر
هههههههههههههههههههه


بس عجبنى رد فعل اسلام
:)
انما شيشه ايه دى الى بتخلى الواحد يهيس كده

بس حلوة الفسحه الكمينيه دى
ههههههههه

سلامى يا قمر
:))

الفاتح الجعفري said...

آبي
ليه كده بس تسيحي للراجل وهو كان بيحميكي وبعدين تسيبيه كده يتعارك لوحده,ربنا يبارك لكم وييسرلكم الخير كله ويمن عليكم من فضله
بس انتي عارفه المشكلة ان ظابط الشرطه فقد احترامه امام نفسه علشان كده احترامه وهيبته قلت امام الناس كلها لانه اصبح سلاح علي الناس وليس لهم ,لوالناس عارفه ان الشرطه بتحميهم وتحمي اموالهم كانوا احترموها ودافعوا عنها كمان انما الشرطة دلوقتي حدث ثم حدث ولاحرج
وتلاقيه كان بيعمل الحوار كله علشان الفلوس والله اعلم بما في النفوس
علي فكرة في دعاء وانتي داخل علي ذوي السلطان والمناصب او من يخاف بطشه وظلمه
يقول الدعاء
"اللهم اكفنيه بماشئت وكيف شئت"
وربنا الحافظ
وجزاكم الله كل خير

على الزيبق said...

تماممممممممممممممممممممم
مدونة كويسه
وموضوع كويس
انا سعيد لأننى تعرفت على مدونتك الجميلة
لك تحياتى

يا عالم يا هوووووووووووو said...

دي اخرت الشيشه
بلا ش شيشه قدام علشان المشاكل
ههههه
على العموم ربنا يتمم بخير

صاحب المضيفة said...

طيب ولو كان الواحد ابوه مش لواء ولا حاجه


يعمل ايه ويخرج مع خيبته ازاي بقى



الكبير كبير يا ابي وعقبالنا يارب


تحياتي

smraa alnil said...

بعيدا عن الموضوع

ياريت تشاركوني في موضوع علي مدونتي
وتنشره معانا
تحياتي

appy said...

بنوته مصريه
************

اعمل ايه بس يا رودى ما هو اتعدى منى خالص بس سيبك والله هى البلد دى متجيش غير كده نورتى يا قمر






المخبر العام
*********
طبعا طبعا علم وينفذ يا فندم ههههههههه نورت الكوكب كله

appy said...

عارفه ..مش عارف ليه
====================
اهلا بيك يعنى اللى يربطنى بيه الفيميه ههههههههه افرض شاله بقى وسمع الكلام اعمل ايه يعنى حلها انت
نورت الكوكب






هيروووو
********
ايون ما انت صاحب عربيه وعارف اللى بيحصل معانا
نورت يا قمر

appy said...

عبده الرايق
***********
اه وماله اول اول يا رب استرها باين نظره ضعف متتأخرش يا مستر لو سمحت ههههههههههه






Wish I were a Butterfly ...
*************************

اهلا يا قمر هما فعلا بجد ناس رخمه مووووت وده اللى يغيظك بدون سبب
نورتى وميرسى ليكى خالص على كلامك ورقتك

appy said...

عبده الرايق
*************
اه طبعا واحنا اقل منها ههههههههه لا انا حرمت خلاص اخرج معاه اصلا يا نهار ابيض هو انا مستغنيه عن نفسى
نورت يا رايق




استاذ/صلاح
***********
ربنا يخليك يا فندم ومشكرين خالص على الموضوع ربنا مش يحرمنا منكم بس بلاش بطوط والنقل دى اصل كده فال وحش هههههههه نورت يا استاذنا

appy said...

زيكا
*******
لا والله انا كنت كويس بس قعدت اضحك
عموما ممكن استخدم الاسم اللى قولته لو هو لسه فى الشرطه اتصل بيه اصل اونكل سابها خلاص هههههههههههههه نورت يا زيكا





بابا /ابو خالد
***************
والله يا بابا ابدا هو اللى عنيد بس وانا اصلا كتير قولت له شيل الفيميه ده واونكل حتى قاله وهو دماغه راكبه شمال هههههههههههههه
نورتى يا حبيب قلبى

appy said...

رئيسه حزب الاحلام
****************

خلاص انا حرمت مالها البورصه ده اخرنا وكمان ببطوط هههههههههه نورتى يا قمر






ابو حنف الزملكاوى
******************
نبقى نيجى نقضى شهر العسل عندكم ههههههههههههه ايه رايك

appy said...

سكــــــــر
**********
كده وعمال تقول نموت نموت ويحيا اسلام واسلام ده اخويا وانت فى النهايه بتقولى ولا اعرفه ماشى يا سكر ههههههههههههه
ربنا ميحرمناش منك ويكفينا ويكفيك شرهم
نورت يا احلى سكر





جنى
*****
والله ابدا ده قدم استقالته من قبل ما اعرف ابنه حتى
غير كده هو طالع عميد بس يعنى كان زمانه دلوقتى لواءءءءء ههههههههههه اسلام مش بيدخن خالص بس هى طقت كده مرة وخلاص نورت يا جنى الكوكب كله

appy said...

مياده
*****

طيب والله كويس اختى بتدوخ من الكانز البيبسى ههههههههههه وبراحتك وانا اقول الكوكب منور ليه اتاريك هنا جنبى يا قمر





د/ابا يحيى وأدم
****************

بص يا دكتور اونكل اساسا طالع من زمان عميد وهو صغير استقال علشان الفساد اللى انت عارفه
بس اللى زمايله دلوقتى بقوا لواءات فهمت ضرت
اما موضوع اسلام فوالله ما بيشرب اى حاجه فىالدنيا بس هى مرة وكبرت فى دماغه وان شاء الله مش هيعملها وحرم هههههههههههههه
نورت الكوكب

راجى said...

اولا مبروك على الخطوبة ويمكن متأخر شوية لكن انا فعلا سعيد علشانك جدا
وانا شوفت الصور عند احمد الصباغ ، جميلة جدا

appy said...

الغزالى
*******
ربنا يخليك يا رب وليه بقى صعبان عليك الله ما هو نافش ريشه هو كمان ههههههههههه نورت يا محمد





الفارس الملثم
*************
هتلاقى اللينك بتاع الكتاب عندى فى بوست قديم كنت عامله بيه تحديث بس مش فاكره انهى واحد
نورت يا محمد الكوكب

appy said...

رحاله
*******
لا اوعى تمشى بالمبدأ ده دى عدت معانا على خير كده وربنا ستر وكان ممكن منطلعش منها هههههههههههههه
نورتى يا قمر






الفاتح اليعقوبى
****************
فعلا والله ولما على فكرة واحد منهم بيسبهم ما بيصدقوا يتنكوا عليه علشان كده اسلام اساسا كان قرفان منهم جدا لانهم حتى ما بينهم وبين بعض مش بيحبوا بعض
بس سيبك اللى عملتوه انتم حلو قوى انما ليه خط احمررررررررررررررررر
نورت يا زميل المعارك

appy said...

مصطفى يا اسكندرانى
*****************

عارف وانت جاى من القاهرة الجديدة رايح على الهرم من فوق الدائرى اللى اخره بينزلك نزله السمان كنا حضرتك واقفين قبل المنيب
شكلك عاوز تسلم خطبتك هناك ههههههههههه نورت يا واد يا سكندرانى






م/أحمد كمال
***********

طيب كمل ايه حصل ههههههههههه يعنى مش لوحدى اللى بيتعمل فيه مقالب نورت يا بشمهندس

appy said...

النجم القادم
*********
مبسوط فى خالتك ماشى ليك كمين تتزنق فيه والله بدعيلك بالنجاح انت والناس كلها
وامشى روح ذاكر احسنلك ههههههههههههه






رامز عباس
**********
ربنا يكرمك يا رب وحاضر يا رامز هشوفه انا كنت قريته بس عاوزة اربطه بموضوع تانى كده عن اطفال الشوارع بدئته مع هيثم الدهشان
ونشوف نعمل ايه ويا رب نقدر نعمل حاجه كويسه نورت الكوكب

appy said...

صيدلانيه طالعه نازله
****************
انا شكيت فى اسلام بس افتكرت انى انا اللى اقترحت عليه ههههههههههههههه وتعيش التناكه حرة مستقله ههههههههه نورتى يا دكتورة





ماما شاهى
********

الله يبارك فيك يا قمر ويا رب عقبال البغبغانات يا رب
نورتى ووحشتينى

appy said...

شريف طلال
***********
والله ابدا يا سعاده الباشا دى كانت شيشه خوخ ههههههههههه انا عارفه اقتراحات منيله وخيبه نورت يا شريف






شيماء
********
والله يا شيمو هو اللى ودانى وقف قدام الكمين قولت له اطلع قدام شويه يقولى لا غلس وشيشه خوخ يا سيتى عمرك شفتى كده ههههههههههه حاجه فزيعه يالا حرمت بدل ما المرة الجايه يودينى امن الدوله وتقفل فى دماغه ناكل هناك ههههههههههه

appy said...

الفاتح الجعفرى
************

يعنى يوقفنى قدام الكمين الناحيه التانيه وتقولى بيحميكى ايووووون بدئنا عنصريه ماشى يا زميل المعارك
على فكرة علشان السبب ده اونكل الحمد لله سابها من زمان لانه هو حكى ليه كتير قوى علشان قرفها وتناكتها وعدم حمايتها للناس
وربنا يكرمك على الدعاء يا رب نورت يا زميل المعارك





على الزيبق
**********
ميرسى ليك ونورت الكوكب

appy said...

يا عالم يا هووووووووو
****************اول واخر مرة هههههههه حرم هو خلاص
نورت الكوكب كله






صاحب المضيفه
*********
لو سمحت لواء ايه ده كان عميد بس هو بيرقى نفسه اونكل طلع على المعاش من بدرى وطلع نفسه طبى كمان ههههههههههههه
وكده كده احنا قررنا طالما مش عاوز يشيل الفيميه يبقى مفيش خروج الا ببطوط وتعيش بطوط حرة مستقله
نورت الكوكب

appy said...

سمراء النيل
***********
بعيدا عن الموضوع شكرا ليكى







استاذ/راجى
***********
الله يبارك فى حضرتك يا رب ونورت الكوكب كله وميرسى ليك

appy said...

الى صاحب التعليق المتخلف
************************
طبعا انتى فرحانة بالفساد اللى حاميكم ومخليكم تعملوا القزقز فيميه وتعدوا من اللجان


فساد ايه اللى بتتكلم عنه مش فاهمه يعنى اذا كان البعيد اعمى القلب والنظر ومش بيعرف يكتب كمان اونكل ساب الداخليه من وهو عميد او عقيد يعنى من زمان جدا الراجل فى الكمين سابنا علشان احنا شكلنا ولاد ناس وكان زميل لاونكل وبعدين يا خريج كليه المتخلفين عقليا وفهميا وقلبيا
هو الفيميه فساد ولا ايه طيب كويس والله انه فساد
عارف مشكلتك يا جربوع انت واللى زيك الجهله اللى حتى مش عارفين يكتبوا كلمه زجاج وكاتبها كده ان قلبهم وعقلهم اسود
غير كده مووووووووت بغيظك ولو تعرف تعمل زينا اعمل
وبعدين لما انت ضد الحكومه قوى كده عامل نفسك انونيمس ليه على اساس انى مش عارفاك مش انت برضه اللى روحت طلعت اشاعات قبل كده علبا ولا نسيت يا ااااااااااا ولا بلاش خلى الطابق مستور وانت اهرى وانكت فى نفسك كده
ويالا غور فى داهيه ومتدخلش هنا تانى جتك القرف اللى زيك البلد طول عمرها هتبقى متخلفه بوجدهم فيها

كوارث said...

:D
موضوع هايل طبعًا
ايه الجمال ده كله
فعلا كتاب عشان متضربش على قفاك اتعمل عشان يتقطع غالبًا
محدش بينفذه ولا حد بيجيله قلب اساسا
ده غير ان فيه قانون طواريء صحيح
يعني الموضوع كده كده مالوش لازمة
هننضرب برضه

محمد الكومي said...

يا بختك طيب انتي خطيبك عنده عربية و معاناتك هي من سئالة الكمين و تربسة دماغ خطيبك

طب اللي معاناته تربسة دماغ الكمين على انه يقبض عليه يعمل ايه

و بعدين بالنسبة للدماغ خطيبك ده دماغه خفيفة اومال لو ضرب حاجة اصفرة بقى هيعمل ايه

Tamer Nabil said...

هههههههههه


شوفتى السوطة نفعت ازى خظك بقى ان معاكى اسلام.

غير كدة كان زمانك بتفرقعى بلانين ههههه

تحياتى

واحدة مفروسة said...

ايبو ليكى تاج عندى تعالى خديه فى ارض الاحلام

alexandrany said...

Sorry ya appy
i forget to say
Congratulatiiiiiiiiiiions for engagement.

الجدة فصيحة said...

السلام عليكم ورحمة الله وبركاته

أولا دمك زي العسل


ونصايحك حلوة مالها الكافيهات يعني مفيهاش كماين
بس مين عارف
ممكن يجي تفتيش للكافية ده بالذات في الوقت اللي انتم موجودين فيه

سبحان الله


تحياتي

ADAM said...

غريب موضوع الشيشة اللي خلته يهيس

انتي حطيتي له فيها ايه ؟

اوعي تكوني عملتي فيه مقلب

مش من أولها

بس اشمعنى انتي محصلكيش حاجة من الشيشة ؟

أكيد معلمة


ههههههههههههههههههههههه


تحياتي وأتمنى لك فسحة سعيدة

غير دي

بعيدا عن الدخان

والتهييس



آدم

واحد من البلد دى said...

عارفة يا آبى..
أنا عمرى ما باحب الناس دول أبدا وخصوصا أمناء الشرطة و المخبرين..لأنهم بيحسسونى إن كل واحد فيهم حيطلع من الداخلية على على رئاسة مجلس الوزراء على طول..حاجة تقرف..وأنا حاقولك على حاجة تأكدلك إن الناس دول مابيخافوش غير بعنييهم..
كنت شغال مع واحد إبن خالته لواء جيش متقاعد إسمه-اللواء-محمد محيسن..
وكنا كل ما نطلع على الكورنيش-فى إسكندرية-نطلع من شارع معاكس يعنى ممنوع نطلع منه ولازم نلف لفة الدايخيين علشان نوصل للكورنيش..المعلم بقى اللى كنت انا شغال معاه كان يعمل إييييييه...لأنه شكله راجل ما شاء الله هيبة كده و شمروخ ع الآخر..كان يطلع من الشرع و لما عسكرى المرور يوقفه -والله الكلام ده بمنتهى الدقة-كان ينزل إزاز العربية و بمنهى العنجهية و التكبر و الغرور اللى فى الدنيا يقوله كلمتين إتنين(اللواء محمد محيسن يا ابنى)..
العسكرى ركبه تخبط على اصحابه و يوقف الكورنيش كله لغاية ما الباشا يعدى..
والغريبة إنه مع الوقت بقى الراجل من غير ما يقوله حاجة يوقف لنا السكة و نعدى زى الباشوات..
المضحك بقى فى الفيلم كله إنى أنا وواحد صاحبى كنا بالصدفة فى نفس المكان و عايزين نطلع على الكورنيش..
أنا قلت لصاحبى إدخل من الشارع ده ..قاللى يا ابنى ممنوع...قلت له ممنوع على مين يا جدع ..إدخل باقولك..ولو حصل حاجة عليا ما يهمكش ..ودخل صاحبى و لحسن حظى لقيت نفس العسكرى واقف و كان لسه حيوقفنا و لكنه بمجرد ما شافنى شاورلنا و قاللى سلملينا على الباشا..
طبعا أنا قعدت طول السكة منفوخ على صاحبى على الآخر..وما يمنعشى من بعض كلمات الإنتفخ بقى......زى ...إنت مش عارف مين راكب معاك يا ابنى و الا إيه؟؟..و..الشارع ده ممنوع على اللى زيك لكن إحنا بقى أسياد البلد يا جاموسة...
وكلام من ده كتيير ..لدرجة إن صاحبى كان هاين عليه يرجع و يقول للعسكرى ...خد الخص...علشان يخلص من كلامى..
هههههههههههههههههههههههههه
هى البلد دى كده و حتفضل كده...
وسلميلى على الكمين..
وعلى رأى فريد الأطرش
كمين كمان مالوش مثان
...سلامى لإسلام

واحد من البلد دى said...

كان هاين على صاحبى يقول للعسكرى..
خد الرخص
(تعديل)

الراقص مع الذئاب said...

السلام عليكم
انا كتبت تعليق قبل دا مش عارف موصلش ليه؟

المهم كنت بقولك الف مبروك يا آبي علي الخطوبة وربنا يباركلك يا رب ويتمملك علي خير
واديني قلدتك اهو....منهم لله اللي كانوا السبب بقي

اما بخصوص الكماين فكنت زمان بقول ربنا يبعدنا عن شرورها
اما دلوقتي بعد الحصانة بقيت بستمتع كدا وانا داخل علي الكمين وبسمع كلمة اتفضل يا باشا

اااااااه يا بلد بتاعت سلطة - بضم السين

عشان كدا بقينا عايشين في السلطة - بفتح السين

أسوور said...

قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو ترك اللينك الخاص بالبوست والمعلومات الخاصة بالمدون فى تعليق على العنوان التالى

www.amyasser.blogspot.com

تحت عنوان خاص لجريدة الأسرة العربية
الجريدة تصدر الإثنين من كل أسبوع

sal said...

سورى يا ابى انا مختش بالى من حكاية الفال دى....انا كان قصدى عريس بحق وحقيق ييجى البيت ويطلب ايدها وبصفتك حماته تطلعى عينه ...عادى يعنى

mohamed hesham said...

بوست جميل

...........

يا ريت تزوريني للاهمية

ابو لمعه 2008 said...

طيب كنتوا اتصلتوا باخوكم ابو لمعه
انا طبعا مش بتمنى الموقف ده يحصل تانى لكن
لو حصل
اعرفى انتى بس ماركه الظابط ده ايه ولونه بالظبط وحددى بالظبط الموقف ده حصل تابع لاى كوكب
علشان منظلمشى كواكب ملهاش دعوه

الطائر الحزين said...

الشيشة !!!!!!!!!!
ولا اللوزة

ربنا يبارك فيكم و يجمعكم على خير

مبروك على مدونة مصرية للجيب

كلاكيت تانى وتانى said...

يانهارى عليكى يا ابى واله الواد له الجنة عمال يبصلك يبصلك وانتى مفيش فايدة برضة لسانك زالف طيب المهم حمدالله ع السلامة انتىواسلام
انا رأاى كفاية الخطوبة ع اسلام عشان لو كمل واتجوزك هتبقى مشكلة
تحياتى ياقمر

كلاكيت تانى وتانى said...

http://motalaka-with-out-fear.blogspot.com/
زورى دى اخر افتكاساتى

Z_Diva said...

nihahahahahahahaaaaaaaaaaa

ana bas h3nzbik wahktb francoarab -m3 in 3nd kl elnas eltanyn m3l2a bel3raby 3la 3rangalizy :PPPP-, aslo wa7shny ybnty wenty 3rfa b2a, elly feh da2

elmohem, 5atchebk we t2seer alshisha 3lih da fkrny bya ana we s7bty elanti5 lma bnshrab cade, bnhys hyas, msh 3rfa leh, ymkn 3shan shklo shabah elmonkar :D

we b3den y3ny b3d elromantikaya welcornich, t5sho 3ala lagna, we islam 3mal belmkoula elsha3bya elgdida "ana ellagna" -m3rfsh meen asln alha we fe anhy film, bas 3gbtny fe e3lan wr2t shafra elsra7a :D-

ylla t3eshy we tetfasa7y ya appy walla yhmk ya basha :D

Soooo said...

يمهل ولا يهمل
يمهل ولا يهمل

مش كنتي عايزه تسلميني ياختي
اهو
اسلام حبيبي وابن حبيبي كان هيسلمك وش
بس هنقول ايه .. قلبه ابيض وتلاقيكي صعبتي عليه قال بلاش اسلمها دلوقتي
خليها للفرح


وش واحد بيطلعلك لسانه
وسلامي لاسلو
اسلو ده دلع اسلام



سلامووووووووووز

إبـراهيم ... معـايــا said...

هههههههههههههه
وآآآدي جزات اللي مايسمعش الكلمة ماما تقولها .............
لاااازم يعني دائري، وخروجات ، ماله الحسين يعني ، والشيشة

تحياتي يا إبي ، وسلاااامي لإسلام بيه

مجداوية said...

السلام عليكم

آبى بتنجانى الفيكونية المتحدة
ما انت بقيتى متحدة مع أخونا الكريم اسلام

كتبتى مواضيع كتير وأنا فى اجازة مفتوحة مش حلاحق عليكى كده

بس ربنا يزيدك يعنى الكلام والفضفضة نعمة

الواحد الكلام مش راضى يطلع منه
اظاهر السن بقى هو اللى جايب حالة الغيام دى

ولا هى فعلا الآوضاع بتخلى الواحد يتأكد انه مفيش فايدة على الأقل الآن

الأمل فى ربنا دائما لكن الناس تجيب اليأس والاحباط
المهم
عديتى المرة دى من الكمين
ومش كل مرة تسلم الجرة
بس ممكن تقفلوا العربية قبنورى ضد المية ضد النار ضد الشرطة والحكمدار

واللى ملوش ضهر فى البلد دى بينضرب على بطنه
هى مش بطنه بطنه
هى قفاه بس المثل أيامها مكنوش وصلوا للقفا
واه يا قفا

اقولك اضمن حاجة ابقى اتفسحوا ببطوط من غير ازاز خالص صح

سلام وحبة حبة عليا يا ملوانى

شفقة و احسان said...

انا زعلانة منك كتير انا زرتك لكن انتى طلعتى وحشة شكلك مبتحبيش تزورى حد
شفقه

Omar... [ خروشات ] said...

انا بقيت احب رقم 121 لانى كل مرة باخد نفس الترتيب فى التعليقات

هههههههههههههه
......................


اولا مبروك

و اخيرا برضو مبروك


و بين مبروك بتاعت اولا و مبروك بتاعت اخيرا

ااقول الاتى


الاستاذ اسلام المحترم

يسعدنا فى هذه الظروف الحرجة من تاريخ الامة

ان نهنئكم بتركيبكم زجاج فيميه

و يسعدنا ايضا ان نهنئكم على تركيب عقل جديد يتسع لخطيبتكم الموقرة

و ندعوا لكم باتساع قلبكم حتى يستطيع احتوائها

و ندعوا لكم ايضا........... ان تعدى على خير فى الفسحة القادمة


يا استاذ اسلام صدقنى انتا ربنا بيحبك

ليه؟؟
لاننا كل واحد فينا بيخطب انسانة واحدة مثلا... وحضرتك خطبت كوكب بحالو

يبقى ربنا بيحبك والا لا؟


فكر شوية زغننيين و هتفهمنى هوا

تحياتى

على فكرة ظبط نفسى ببتسم وبضحك وانا بكتب التعليق حتى المدام ظبطتنى الان بضحك و انا بكتب

قالت جوزى بيخروش اكيد الان


عمر،

man in black said...

آسف بس انا مافهمتش انتي عايزة تقولي إيه أنتي ماغيرتيش طريقك خوفاً من الكمين زي ماكله بيعمل انتي روحتي لغاية عندهم وأشك ان دا كان هايحصل لو ماكانش حماكي لوا
إنتي ماخفتيش تنضربي على قفاكي و لا دا حصل ( وانا آسف لاستخدام التعبير دا انتي عارفة انه تعبير مجازي) وبردو ماظنش ان دا اللي كان هايحصل لو ماكانش حماكي لوا لا دانتو ربنا سترها معاكو ان معرفة حماكي كان موجود عموما ربنا يارب يكرمكم و يبعد الكماين عنكم وتنتقلوا من مخطوبين إلى عريسين ثم والدين لأبناء بررة إن شاء الله على فكرة أنا مدون جديد أتمنى تبصي على مدونتي المتواضعة

Coca said...

ههههههههههههههههههههههههههههههههههههههههههههههههههههههه

حبيب قلبي يا متفيم ولما انتي هاتروحي الحسين مش تقول اجي اغلس عليكوا
شوفي ربنا عمل فيكي استخسرتي فيا تليفون بخمسين قرش
الحمد لله ان اونكل ابو رتبه كبيييير
طلع يعرف اونكل بابا اسلام

funckydoctor said...

صباح الفميه المتنك
ربنا يوفقكم يا رب

بنت القمر said...

بكون سعيده جدا بالبوستات بتاعتك لما بتظهر لي علي الريدر
واتبسطت اوي لما شفت صورتك في مدونه احمد الصباغ ماشاء الله امورة خالص
واضح انك كنتي نجمه الحفله انتي وفاطيما
وخطيبك كمان شكله ابن ناس ربنا يحرسكم ويكمل لك علي خير
اسفه علي تباعد زياراتي بس كل كلمه بتكتبيها بقراها
تحياتي

الطائر الحزين said...

النعيم لا يدرك بالنعيم
(منقول)

طارق الغنام said...

الرائعة ابى
والله بوستك دمة خفيف
انا لو منك مخرجش تانى مع خطيبك
طبعا بهزر بس الشيشة مالهاش لزمة بجد بتجن خصوصا كمان لما الاقى واحدة بتشيش
ربنا يسترها علينا
بوست رائع كعادتك
تقبلى تحياتى
وادعوكى لقراءة البوست الجديد وتعرفى قصتى مع الفار
فى بيتى فار
منتظرك تعرفى القصة
مع تحياتى

darkskies said...

هو انا ضد الفيميه وضد انى استخدم السلطة عشان اخالف لاثبات حاجتين ان انا جامد او لاثبات مقدرتى على مخالفة القانون
معلش بس هو ده رأيى و هو فعلا الضباط بيتلككو على اى حاجة بس انا ليه اصلا أديهم الفرصه
غير كده فعلا اليوم كان شكله تهييس جامد

صيد الخاطر said...

السلام عليكم آبي
انا متابعك من زمان وبقرا كل تدويناتك لكن حقيقة اول مرة اعلق عندك
وبصراحة احييكي على روحك الطيبة والجميلة في الكتابة
ربنا يبارك فيكي
وتقبلي تحياتي

appy said...

كوارث
======

لا هو اتعمل نقلى عليه بطاطس وانت الصادق هههههههههه
نورت الكوكب






محمد الكومى
=========
لا هو دماغه مش خفيفه بس هو مش بيشرب حتى السيجارة الحمد لله وانا بجد مبسوطه بيه كده وبعدين اصفرة دى مانجو يعنى ههههههههههه نورت يا محمد

appy said...

تامر نبيل
**********

يا سلام سلطه ايه بقى دى الرخامه اللى نفعت هههههههه ومالها البلانين يعنى ها قولى انت متغاظ صح ههههههههه نورت يا تامر





واحده مفروسه
***********

لاااااااااا تاج تانى لا والنبى حرااااااااام حاضر هاجى عااااااااااا

appy said...

مصطفى الاسكندرانى
**************

الله يبارك فيك يا قمر ميرسى خالص






الجده الفصيحه
*************

اهلا بحضرتك والله فى الزمن ده كل شئ ممكن جدا جدا ليه لا ويبقى حظنا بقى انا بقول اسيبه احسن ههههههههه نورتى الكوكب

appy said...

ادم
***
لا والله يا ادم ولا بشرب خالص وبعدين انا جبت سيرة انى شربت
بس هو بقى اللى طلب لنفسه ميرسى ليك نورت





واحد من البلد دى
***************

هههههههههههههه ما هى بلد وسايط هتعمل ايه بس بينى وبينك اسلام غلطان علشان الفيميه طيب هو الوزير مانع للكل والناس برضه بتركب الفيميه طيب ما يسمح كده للكل هتلاقى كل الناس شالته ههههههههههه ما هى دى النفس البشريه الممنوع مرغوب
نورت الكوكب كله

WhItE HeArT said...

هههههههههههه والله اسلام خطيبك ده دمه زي العسل

ربنا يخليكو لبعض

تحياتي

appy said...

الراقص مع الذئاب
***************

ابو صابر ليه دى الخطوبه كميله امال لما تدخل على التقيل هتعمل ايه ههههههههههه يالا خير بقى كلنا لها يا خويا دنيا فونيا هههههههه
الف مبروك ليك
وبعدين دا انتم فى الطريق ليكم حته كمين رخم يا ساتر ربنا يهد الظابط اللى فيه بجد بس ساعات والله بيطلعوا بمصالح يعنى مرة شوفتهم ماسكين مخضروات مع ولدين هههههههههه
ربنا يكفيك ويكفينا شرهم يا ح الظابط
نورت التدوين تانى




استاذ /صلاح حجازى
**************
ولا يهمك انا فاهمه ربنا يخليك يا رب ومتتحرمش من بطوط هههههههههههههه نورت يا استاذ صلاح

appy said...

محمد هشام
*****
ميرسى ليك






ابولمعه
********
هو شكله الظابط فيرجين جديد يعنى ممكن يبقى سامسونج حاجه كده هههههههههههههه نورت يا ابو لمعه

appy said...

الطائر الحزين
**********

حمد لله على سلامتك يا اخى العزيز لا ابدا مش لوزة خلاص لوزة قلبناها اباجورة فى البيت ههههههه اسلام بس اللى طلبت معاها كده علشان قاعده الحسين وميرسى ليك وعقبال ما ينزل لحضرتك حاجه فيها
نورت الكوكب






كلاكيت هانم
*********

انا بقول كفايه عليه برضه هنعفو عنه بربع المده اى 25 سنه ان شاء الله لما يتمهم بقى ههههههههههههههه

appy said...

ام زعبولا القله
**************
ههههههههههههه انتى بتعندينى ماشى ماشى تصدقى انى لما اشوفك هسلمك فى الكمين يد كده واقول للظابط دى سرقة اللبان بتاعى وهتشوفى بس اشوفك
وحشتينى خالص نورتى الكوكب يا قمر






سووووو
********

ههههههههههههههههه تصدق برضه هحبسك وهسلمك وانت كبرتها فى دماغى يا سوووو وهسيب البوست اسبوع على الكوكب اللى رايح واللى جاى يتفرج عليك واخلى فرجتك بجلاجيل هههههههه وخلى اسلام
ينفعك بقى

وش بيطلع دخان وشرير

appy said...

ابراهيم ...معايا
****************
حتى انت يا براهيم شمتان فيه ماشى لكم يوم ههههههههههههههه عويناتى يا قمر نورت الكوكب






مجداويه الارهابيه
***************
يا حبيبتى ان شاء الله تطلعى من اللى انتى فيه وتنورى بلوج سبوت واخواته تانى
وبعدين انا محدش يحتل كوكبى هنهزر ولا ايه انا اديت له اشراف شرفى بس ولا يقدر يعملى حاجه هههههههه خليها فى سرك بقى
وبعدين قبنورى غالى مفيش حاجه رخيصه ههههه
انا عن نفسى قولت له مش راكبه معاك تانى الا لما تشيل الفيميه مالها بطوط قله وغطاء عليا يا اختىههههههههه
نورتى يا قمر

appy said...

شفقه واحسان
*********
لا الحقيقه اول مرة اشوف حضرتك هنا بس حاضر نورتى الكوكب






عمر خروشات
*********

وانا اقول فيه دوشه فى الكوكب ليه اتاريك هنا طيب والله اللى فرحنى انك بتبتسم بجد وانت بتقرى كلامى
الله يبارك فيك ومبروك عليك رقم 121
وبعدين ايه الكلام اللى انا مش فاهماه ده وبتوجهه لاسلام اممممممممم طيب هعمل مباحثات عليه بس فى سرك انا بقعد اقول والله الواد ده له الجنه انه عرفنى وخدنى بكوكبى وخرفانى وقللى يااااااااا والنحله والدبور له الجنه فعلا ادعيله بقى يكمل ههههههه اصل خايفه عليه
نورت يا احلى عمر فى الدنيا

appy said...

man in black
***********
اولا اهلا بيك اول مرة
ثانيا انا مش بغير طريقى اللى عاوزة اقوله ان البلد ماشيه كده بالواسطه فعلا وانه كمان لما وزير يقول لا على حاجه ممكن اننا ما بينا وبين بعض نمشيها يعنى الفساد مش الحكومه لوحدها فهمت الفيميه غلط قانونا واسلام تحدى القانون وغيرة كتير ومنهم اللى اهله مش شرطه خالص بس هو عاوز كده
ثانيا انا مضربتش لان اخر الظابط معانا لو هو هيمشيها قانونى وينسى رتبه ابو اسلام سابقا كان هيأخد الرخص فملوش حاجه عندى وانا الرخص هتيجى من المرور عادى
وكده او كده انا عنيده ومش بخاف حتى لو من مين واسلام زى بالظبط
وبعدين حضرتك منين تشك ان ده هيحص انت ولا تعرفنى ولا اعرفك ولا تعرف عندى ولا انا ايه يبقى متحكمش عليا من قرايه بوست واحد كمل الباقى واحكم من غير شك
نورت الكوكب







كوكا
*****
اه دا انتى وايمى داخلين على طمع ماشى ماشى المرة الجايه ورينى شطارتك انتى وهى ههههههههههههههه نورتى يا قمر الكوكب

appy said...

funckydoctor
*************
اه ياخويا ادعى بس ربنا يهديه ويشيله اصلى خلاص زهقت ههههههههههههه نورت الكوكب





بنت القمر
**********
حبيتى ربنا ميحرمنيش منك وانا والله دايما بقرى لكى على طول وميرسى على مجملتك خالص ربنا ميحرمنيش منك يا رب يا قمر
ودايما منورانى وسعيده بيكى

appy said...

طارق الغنام
***********

والله اول مرة بس هيحرم ههههههههه نورت وميرسى لكلامك الرقيق





darkskies
**********
وانا متفقه معاك جدا بس عاوزة اقولك على حاجه بسيطه لما يكون الوزير مانع الفيميه لكل العربيات حتى الشرطه وتلاقى بتوع الشرطه بيعملوا عربيتهم كده وبينهم وبين بعض بيجاملوا بعض يبقى ايه رايك يعنى بيفوتوها
يبقى يا تمشى على الكل يا بلاش ومش معنى كده انى مع الفيميه لا انا عربيتى مش فيميه مع انى نفسى وده لسبب واحد ان لما بكون مسافرة الشمس بتضايقنى وحاجه تانيه كمان
الناس بتقعد تبص وبيبقوا جوا العربيه معاك
وعلى فكرة انا بعمل محاولات فاشله تمام فى انه يشيله حتى والده زعق معاه اكتر من مرة بس هو يقولك يا تمشى على الناس كلها يا خلاص لهم عندى ايه الرخص يخدوها فهمت دماغه
وميرسى ليك نورت الكوكب كله

appy said...

صيد الخاطر
**********
اهلا بيك وليه الشرف انك تقرى ليه من زمان ونورت الكوكب متأخر بس اهو نورته




القلب الابيض
*********
ربنا يخليك عامل ايه فى الاستمحانات يا بنى يا رب يكون خير

الشنكوتي الكبير said...

يعني ينفع كده تيجي انتي وخطيبك لحد المنيب ومش تعدي علينا يا ابي
انا زعلت خالص خالص
ومش هاكلمك
ده انا كنت هاعزمكم عل عصير قصب واهامنجهكم
عموما براحتك يا ستي بقى
المهم يا بلطجيه انتي وخطيبك بقى انتي اصلا حماكي واسطه وخطيبك بيبلطج فيها واصلا واخدين حقكم بالدراع زعلانه من الحكومه ليه بقى انشاء الله هو حضرتك تبلطجي تبلطجي وبعدين ترجعي تهيسي على الحكومه والله شكلك شربتي معاه شيشه واديتيها تهييس
اقولك بقى حاجه اخيره
تاني مره لما تيجي المنيب ابقي خدي بالك اي عربيه متفيمه وفيها واد وبنت هتلاقي سبعتلاف شاب معديين يتفرجوا وهتلاقي ناس بتحشر مناخيرها في الأزاز على امل يشوفوا اي حاجه ووهي دي مصر يا عباس

سلامي لخرفانك يا بلطجيه

وسلامي لخطيبك اول مره اعرف انك مخطوبه ربنا يسعدكم ويتمملك على خير ويبارك في زواجكم

سلاااااااااااااااااااام

appy said...

الشنكوتى الكبير
***************

كده يا هوبه ما هو انت لومتابع كنت عرفت انا عروره جديده يا خويا وانت مش واخد بالك انا لسه مخطوبه من اسبوعين تلاته
يعنى قبل كده كنت ببلطج كده وخلاص
طيب بجد انا زعلانه علشان انت مش متابعنى شوفت بقى
ومش جايه عندكم تانى خلاص فى المنيب ده عاااااااااااااااااااا
وبعدين وسطه ايه بس الراجل على المعش من بدرى يا نهار دى جت كده وخلاص

الشنكوتي الكبير said...

اعتذارات وتهنئات وحاجات كتير مع بعضها

عروسه حلوه ودمك خفيف
وحبيبك الحلو الشريف
عمال يفسح خرفانك
وعلى المنيب واخدك على طول
قال ايه تشموا هوا شويه
وكمين تعدوا عليه سويه
شكلك كده هتقضيها
في المعتقل انتي يا شيخه
والواد يا عيني هيتجنن
منك ويقعد في بلانتك
ويا خروفك راح يحكي
على جنانك وشقاوتك
لكن هيعمل ايه حظه
ده شاف عيونك اتجنن
قرر بقى يبقى معاكي
خرفان كلاب مش راح تفرق
مادمتي عن حبه راضيه
هو كمان راضي معاكي
ومادمتي من جواكي صافيه
وعيونك الهاديه الدافيه
فلو تزعقي حبه معاه
او تنكشيه وتفاصلي معاه
برده هيفضل متأكد
من انك انتي مفيش غيرك
هتريحي باله بحبك
وتحضني همه بكفك
وتبقوا احلى اتنين خروفين
وتخلفوا بقى احلى معزتين

مبورك كتير قوي يا ابي
الف مبروك وسامحيني علشان غبت شويه ومش عرفت بخبر خطوبتك ربنا يسعد ايامك
سلااااااااااااااااااااام
اخوكي ايهاب

appy said...

الشنكوتى
**********
هموووووووووت يا ايهاب من الضحك يعنى اخلف معزين حرام عليك
بجد تسلم ايديك ويجيلك خروف صغير ينطحك قول يا رب

sal said...

الأخت العزيزه آبى
سورى لم اكن امام الكمبيوتر فلم اقرا رسالتك
لا اعرف بالظبط اى لينكات تطلبين
عموما اعتقد انك تسالين كيف يمكن لك ولزوار مدونتك الأستماع الى حلقات برنامجنا الأذاعى الماخوذ من مدونتك ومن المدونات الأخرى
عموما يمكن ذلك من بوكس الأرشيف الموجود بموقع البرنامج وكذلك مدونته وعنوانهما كالآتى
http://dear.to/cairo
http://netonradio.blogspot.com

L0vElYGh0sT14 said...

مقتبس ::::: النكيب بيبص عليا وجاى على العربيه يكلمنى ويقولى بطاقتك قاله حضرتك اتكلم معايا قولت دى خطيبتى وتطلب منى وانا اجيب لك اللى انت عاوزة وطبعا هو مش بيعمل كده لحاجه الا انه عارف انى لسانى فالت
وهوووب هقوم ضاربه كرسى فى الكلوب واشد معاهم ههههههههه علشان الكلمتين اللى حفظاهم من كتاب علشان متضربش على قفاك :::::::::::
مش فاهم برضوا يعني قصدك اية ؟؟ يعني دلوقت لو النقيب دة وجه كلمك هتديله فرصة للحديث وخطيبك واقف ؟؟؟اية يعني أسلام واقف طربوش مثلاً؟؟؟ حتة لو كنتي حافظة كتب مكتبة الأسكندرية مش فاهم برضوا يعني قصدك اية؟؟ وأعذريني على التطفل ... مش أقصد حاجة بس مش فاهم يعني أصل أنتي بتقولي هو أسلام عمل كدة مش علشان حاجة .. علشان هو عارفني ومش عارف اية ؟؟؟ أفتكر يعني أن في كلا الحالتيين الراجل مايسمحش بأن خطيبته أو مراته تكون محور حديث بين رجالة
والله أعلم
تحياتي وبوست جميل

عاشقه الاقصى said...

بجد التدوينه حلوه اوى

وعلى فكره انا اول مره ازور مدونتك حلوه جداااااااا

وبلاش فسح عند الكمين تانى

appy said...

لوفلى جوست
***********

مع ان اسلوبى واضح جدا وانت اللى مش فاهمنى علشان جديد وبحكم سنك برضه هفهمك برضه اه انا برد على اى حد بيطول فى الكلام وبيتكلم باسلوب مش كويس
انما انا هنا كنت بهزر و كانت ضحكه او بهزر والناس اللى متبعانى فاهمه طريقتى مش ذنبى انك جديد ولما تتكلم عن اسلام تتكلم بادب وباحترام لاننا اكبر منك وده يكون من المفروض انها تربيه يعنى انا عارفه ازاى احترم جوزى او خطيبى او اللى اصغر منى بس واضح انك مش عارف
وتطفلك يبقى فى اطار الموضوع مش بعيد عنه تعاملى مع خطيبى ولا يخصك ولا يخص غيرك فهمت ولا لسه






عاشقه الاقصى
*************
اهلا بيكى اول مرة وان شاء الله حاضر

مدونه من اجل الحب said...

هههههههههه
حلوة
انا اذا ربنا اراد بعد عمر طويل يعنى واتخطبت هانبقى نقضيها موتو رجل انا وهوه متهيالى احسن لنا من الكمين بدل ما نتاخد من افانا احنا الاتنين
ههههههههه