خدوا بالكوا من طوارئكوا وجيبكوا



اصباح الخير عليكوا اولا اقولكم قانون الطوارق اتمد سنتين هتنحوا وتعملوا زى وتقولوا مين طوارق ده اقولكم ده جمع طارق يعنى اللى عنده واحد صحبه اسمه طارق يفلسع منه بدرى لانه هيتلم هيتلم انا عن نفسى بعتذر بقى يا ابو عبدوو عن معرفتك مع انى لسه مصلحاك انت اه بابا واللى مربينى بس يا عم العمر مش بعزقه انت اسمك طارق فمليش فى الافتكاسات دى انا واحده صاحبه نحله ودبور يعنى ميفنعش اللى عنده طارق لازم يغيرة بفارغه تانيه اى اسم هههههههههههههه
عاوزين
باختنصار تعرفوا قانون الطوارق ده غير الطريق خالص بس كله منافذ على بعضه


[تحرير] مادة 3
لرئيس الجمهورية متى أُعلنت حالة الطوارئ أن يتخذ بأمر كتابي أو شفوي التدابير الآتيــة: وضع قيود على حرية الأشخاص في الاجتماع والإنتقال والإقامة والمرور في أماكن أو أوقات معينة والقبض على المشتبه فيهم أو الخطرين على الأمن والنظام العام وإعتقالهم والترخيص في تفتيش الأشخاص والأماكن دون التقيد بأحكام قانون الإجراءات الجنائية وكذلك تكليف أي شخص بتأدية أي عمل من الأعمال. الأمر بمراقبة الرسائل أيا كان نوعها ومراقبة الصحف والنشرات والمطبوعات والمحررات والرسوم وكافة وسائل التعبير والدعاية والإعلان قبل نشرها وضبطها ومصادرتها وإغلاق أماكن طباعتها. تحديد مواعيد فتح المحال العامة وإغلاقها ، وكذلك الأمر بإغلاق هذه المحال كلها أو بعضها. الاستيلاء على أي منقول أو عقار والأمر بفرض الحراسة على الشركات والمؤسسات وكذلك تأجيل أداء الديون والإلتزامات المستحقة والتي تستحق على ما تستولى عليه أو على ما تفرض عليه الحراسة. سحب التراخيص بالأسلحة أو الذخائر أو المواد القابلة للإنفجار أو المفرقعات على إختلاف أنواعها والأمر بتسليمها وضبطها وإغلاق مخازن الأسلحة. إخلاء بعض المناطق أو عزلها وتنظيم وسائل النقل وحصر المواصلات وتحديدها بين المناطق المختلفة ويجوز بقرار من رئيس الجمهورية توسيع دائرة الحقوق المبينة في المادة السابقة على أن يعرض هذا القرار على مجلس الأمة في أول اجتماع له.

[تحرير] مادة 3 مكرر ( 1 )

يكون للشخص المعتقل وفقاً للمادة السابقة أن يتظلم من أمر الإعتقال إذا إنقضت ستة أشهر من تاريخ صدوره دون أن يفرج عنه. ويكون التظلم بطلب يقدم بدون رسوم إلى محكمة أمن دولة عليا تشكل وفقاً لأحكام هذا القانونم وتفصل المحكمة في التظلم على وجه السرعة. ولا يكون قرار المحكمة بالإفراج نافذاً إلا بعد التصديق عليه من رئيس الجمهورية.

[تحرير] مادة 3 مكرر ( أ ) ( 2 )

يجوز لمن فرضت الحراسة على أمواله طبقاً للمادة ولكل ذي شأن أن يتظلم من أمر فرض الحراسة أو يتظلم من إجراءات تنفيذه. ويكون التظلم بطلب يرفع بغير رسوم إلى محكمة أمن دولة عليا تشكل وفقاً لأحكام هذا القانون ويجب أن تختصم فيه الجهة الإدارية التي تتولى تنفيذ الأمر الصادر بفرض الحراسة ، كما يجب أن يختصم فيه من فرضت الحراسة على أمواله إذا كان الطلب قد رفع من غيره. وتفصل المحكمة في التظلم بتأييد الأمر أو إجراء تعديله. ولا يكون قرار المحكمة بإلغاء أمر فرض الحراسة نافذاً إلا بعد التصديق عليه من رئيس الجمهورية. ويجوز لمن رفض تظلمه أن يتقدم بتظلم جديد كلما إنقضت ستة أشهر من تاريخ الرفض.

[تحرير] مادة 4

تتولى قوات الأمن أو القوات المسلحة تنفيذ الأوامر الصادرة من رئيس الجمهورية أو من يقوم مقامه. وإذا تولت القوات المسلحة هذا التنفيذ يكون لضباطها ولضباط الصف إبتداء من الرتبة التي يعينها وزير الحربية سلطة تنظيم المحاضر للمخالفات التي تقع لتلك الأوامر. وعلى كل موظف أو مستخدم عام أن يعاونهم في دائرة وظيفته أو عمله على القيام بذلك ويعمل بالمحاضر امنظمة في إستثبات مخالفات هذا القانون إلى أن يثبت عكسها.

[تحرير] مادة 5

مع عدم الإخلال بأي عقوبة أشد تنص عليها القوانين المعمول أو من يقوم مقامه من رئيس الجمهورية

يعنى ببساطه بيدى الحق لوانكل امين الشورته انه يأخدك من حزام بنطلونك او ديل فستانك على القسم ويحجزك ستين يوم بدون اى حق ولو حبيت تقوله عيب عليك ده حقى يقولك كسر حقك وكمان يا عينى كتاب علشان متضربش على قفاك ولا له اى لازمه بجد للاسف المؤسف لانك بكل بساطه هتبقى قاعد وطارق يقوم يضربك برضه على قفاك هو وخالتى ام الطوارق وايه ولا قضاء وقدر ينفع ولا حكمه اليوم حتى يعنى بتوع القضاء دول ناس محترمه وقاعده فوق كده ولابسه مكوى وهى ناس مكويه نظيفه بس من الاخر ريكلام (يعنى منظر بس كلمه بتستخدم وحشه قوى او بتطلق على الناس اللى بتشتغل فى اماكن مش محترمه هههههههههه بس انا طيوبه ومش ااقصد حاجه خالص النحله والدبور وخرفانى هما السبب)
الغريب بقى انهم قالوا زمان ان اللى بيكدب بيروح النار صح لما تطورنا قالوا اللى بيكدب بيروح مارينا هههههههه

طيب يا عم متقال مش انت وعدت حضرتنا اللى هو الشعب المأسوف على شبابه فى الاستنخابات انك هتنهى موضوع خالتى ام طارق دى وابنها وتفض المشكله فى نهايه شهر مايو وعلى بال ما تجهز قانون خالتى ام ايهاب(الارهاب)
طيب خالتى ام ايهاب لسه مش فاضيه ليه بقى مش بتسيب ابو الطوارق يروح لحاله مش عيب توعد ومتعملش طيب نعمل ايه انصدقك ازاى يعنى بعدين يالا وافقنا ام لا فقد انسحلنا واللى كان كان وكله يقاطع طارق انا بقول اهو وقد فنذر من بنجروبعجر الا سؤال برئ من النحله والدبور هما المعارضه فين حد شايفهم اليومين دول فى اى مكان ولا هما بيلعبوا ماتش اعتزال والناس اللى كانوا لهم صولات وجوالات وبتنجانات وبمياجيات (ايه المطبخ اللى وقعت فيه ده ما علينا)

الخبر التانى وده تنبيه وايانى واياكم حد يفرط فى حقه بجد اصل كده تكون عدت وازحت معاكوا

حددت وزارة التربية والتعليم نسب الزيادة في مصروفات المدارس الخاصة للعام المقبل‏2009/2008.‏وقالت صحيفة الاهرام انه تقرر أن تكون بنسبة‏12%‏ للمصروفات الأقل من‏600‏ جنيه و‏8%‏ للمبالغ من‏600‏ جنيه لأقل من‏900‏ جنيه و‏6%‏ من‏900‏ جنيه لأقل من‏1600‏ جنيه و‏4%‏ من‏1600‏ جنيه لأقل من‏2000‏ جنيه‏ و‏3%‏ لما يزيد علي‏2000‏ جنيه‏.

يعنى الراجل بيقول لكم الاسعار اهى هى كده كده زادت بس النبى على قلبك يا عبدوو تاخد بالك من الزياده ونصحى ونبطل استنكراد فى بعضينا علشان متبقاش الحكومه واحنا بما ان الزياده امر واقع من برج الجزيرة يبقى اللى عارف الزياده يطبقها وياخد الايصال واللى هيدفع ازيد من كده بناءا على طلب المدرسه يقدم شكوى للوزارة وبرضه هيقولوا لك فوت علينا بكرة يا اسماعيل ههههههههه لا بجد هما مشددين قوى فى القصه دى اللى هيدفع ازيد من كده يبلغ الوزارة وهيتأخذوا اجراءات مشدده اه والله مع المدارس محدش يستسهل واكتبوا الحاجات دى فى ورقه يمكن تنفعكوا بقى اسفه المرة دى مفيش حلول خالص غير فى موضوع المدارس لازم تخلوا بالكم من جيبكوا لان واضح اننا بنتقلب زى الذرة المشوى على الجانبين ومحدش حاسس بينا وانا عن نفسى هفكر ميه مره فى موضوع الاطفال بقى وربنا يستر يبقى بلاش برضه نسيب حقنا ونتبع سياسه تكبير الدماغ

قانون الطوارق عمله علشان يلزق فى الكرسى اكتر واكتر واكتر وومش عاوز يسيبه
بس بقوله الكرسى هلك والشعب هلك ومحدش خلاص بقى عاوزة اشبع بيه بقى لاننا زهقنا منك يا راجل
كان معكم مراسلكم المتغاظى الناظى كوانازى آبى هانم وعشانا عليك يا رب

105 اخبط وقول رايك:

رئيس جمهوريه نفسى said...

والنبى يا خونا نركز فى الماده الرابعه من القانون
علشان نفهم ما معنى قانون الطوراق بتاع ابى اولا اشتق قانون الطوارق من الطرق فهو طرق يطرق فهو مطروق ومنها ورد اسم طوارق من الطرق على دماغ الشعب
الماده الرابعه بتنص على وجود نزول الجيش بامر من القائم بالمقام وطبعا فى حالة خلو منصب رئيس الجمهوريه حيمسك احمد فتحى سرور بالانابه لحد ما يتم الدعوه لعقد انتخبات حيرشح الحزن الوطنى جمال الشعب هب ثار نزلوا الجيش باستخدام قانون الطوراق طارق يطرق فالشعب مطروق على ام دماغه
مسك جمال والجيش امن الموضوع وشكرا
موضوع المدارس الخاصه ماليش فيه
نكتفى بهذا القدر اروح الحق المرجيحه بتاعت مولد النبى

رئيس جمهوريه نفسى said...

ده انا كنت الاول عدى الجمائيل بقاء علشان محدش يكون احسن من حد نيــاهـــا

فاتيما said...

عارفة يا آبى
أسلم الاول على صديقى محمود
ازيك يا ريس
موش كنت مسكتها إنت احسن و ريحتنا
المهم ...
أنا كل يوم أقرى الجرايد ( المستقلة طبعاً )
و أندم
أندم أشدالندم إنى خلفت يوسف فى الزمن الأغبر دا
أقوله إيه بس لما شد حيله كدا و يبتدى يحس بالقرف اللى إحنا فيه
هيقولهالى ... هيقولهالى
إنتى جبتنى الدنيا دى ليه ؟؟
موش عارفة ساعتها هرد عليه برد منطقى إزاى
غير إنى كنت بتمناه من الدنيا يكونلى عيال
بس متصورتش إن أيامهم هتبقى غامقة قوى كدا
موش عارفة أقولك إيه ؟؟
بس وعد الحر دين عليه
و اللى بيوعد لازم يكون قد وعده
مين بقى دا اللى حر و هوه عبد للسلطان و النفوذ
و ربنا يسلم البلد دى من كل شر
تحياتى لأسلام قوى

fahd said...

رابع تعليق

احمدك يارب


يابني خلي بالك من نفسك

انت كده هتجيبي ضلفها

انت كده بتدي اسلام المبررات الكافية انه يستخدم ضدك قوانين الطوارق

ربنا يسترها علينا

ويرحمنا من الللي بيحصل فينا ده

إنـســـانـة said...

وفى المناسبة السعيدة دى والحفل الساهر ده احب اضيف كلمة مهمة جدا

ألا وهى " البعيرُ هَلَك " .. طبعا انتى عارفة مين هما البعير ومين اللى فطسهم وخلاهم هلكوا من زماااااااااااااااااان



وأقعدوا بالعافية فى مصر
:S

Ema said...

Appy
أحببتك من وصف إللي حضروا الحفله ولكن ما كنتش أعرف إنك لذيذه كده
ربنا يوفقك..وياريت تشرفبني بالزياره
تحياتي

حبيبـــــــة القمـــــر said...

لولولولي انا جيت بدري اينعم ولا اولى ولا تانيه بس كويس كده
ام هند ياست ابي هانم انتي مش هتجيبيها لبر وربنا
لما انتي فاهمه الفوله بتتكلمي ليه
القانون وهيفضل معمول بيه لحد ميجو باشا مايقعد ويستربع وبعدين نبقى نحكي في قصه الكانون دا اللي بيشوي الشعب الوحش دا

الفارس الملثم said...

انتي اتقوليلي علي قانون الطوارئ؟؟؟ ..

هو ببساطه بيديهم الحق انهم يخربوا البلد ويقعدوا علي تلها ومحدش يقلهم تلت التلاته كام ..

يا بنتي هو امتي قال حاجه وطلعت صح ,مفروض الواحد يكون ذكي ويفهم ان في تصريحات تيك واي للاستهلاك السريع وفي كلام بين السطور

يعني لما يقولك زودوا الشعب يبقي معناها اخربوا بيت الشعب عشان يبطل لماضه , ولما يقولك انلغي قانون الطوارئ يبقي قصده انلغيه بس لما الشعب يتفطم ويبطل ياخد الرضعه

تحياتي
محمد

appy said...

رئيس جمهوريه نفسى
=================
ما هى ام طارق مش هتجيبها لبر يا خويا وبجد اول مرة معرفش اتحرك حاجه تشل وتعل وتذل وتفل وتنل
ايه الكلام المنيل ده
طيب النبى على قلبك يا سى محمود افندى معندكش طريقه ولا بلاش طريقه واى اى وااااى يعنى للبعد عن خالتك ام طارق دى بما انك محامى على ما تفرج هههههههههه نورت وبطل لعب فى الكوكب احسن اسيب الخرفان ينطحوك وانت عارفهم كويس
وكسبت معانا هديه اول تعليق على باب زويله من قانون الطوارق قانون فيكونى رقم عشرومية الف بالنطح من خرفانى هههههههه






فاتيما
=========

آآآآآه يا فاتيما فعلا حسيت بكلامك دلوقتى وانا على شراشف الجواز ايه شراشف دى لا مشارف خوفت بجد من اللى جى الواحد كان بحارب بطوله زى الغنضنفير انما دلوقتى ربنا يستر بس اكيد فيه حل ان شاء الله قوليله جبتك علشان ربنا يحبك ويحبنا وتعبده ودى كفايه
نورتى يا احن ام فى الدنيا

appy said...

فهد
====
والله لو على اسلام يبقى مقدور عليه المشكله بقى فى اللى اكتر منى ومنه ما انت اهو عاوز تتجوز ومش عارف وكله من ام طارق اللى مبوظه الدنيا يالا ربنا عليهم نورت فين الشيخ طلبه مش فى ايديك يعنى ههههههههههه




انسانه
=========
يا نهار ابيض عبير دى قريبتى هى دى كمان
وبعدين نقعد فين يا حبيبتى فى مصر مفيش كراسى لزقوا فيها ولا الانبوبه هههههههههه نورتى يا قمر

appy said...

ema
=====
اهلا بيكى اول مرة شرفتينى بجد ونورتى الكوكب وان شاء الله اول مركبه طالعه هجيلك ازورك نورتى الكوكب كله





حبيبه القمر
============
بتكلم علشان نور على حلول اصل اقولك بينى وبينك اختك مكنتش عارفه قانون ام طارق ده ولما عرفته جاتلها صدمه نفساويه وخوفت على خرفانى وبطوط
لا يا حبيبتى الكانون ده اللى بيعزفوا عليه ويخلونا نجيب دم من قلوبنا
نورتى يا قمر وبقالك فترى ليه مش بتكتبى

tamer.sala7 said...

بس سيبك انتي اهم حاجة الاحتراااااااااااام الراجل بتاعنا محترم بمعني كلمي محترم يعني قال يا جدعان مفيش طوارئ بعد مايوم وفي ثانية رجع في كلامه نفس الكلام قال في زيادة وعلاوة وفي ثانية برده رفع الاسعار

مع ان برده الزير بتاع التربية والتعليم قال مفيش زيادة في المصروفات المدرسية وبرده رفعها

بالنسبة لفاتيما متندميش انك خلفتي يوسف لأي سبب ربنا يكرمنا ومش حنفضل في الذل ده علي طول انشاء الله الحال حيتعدل ويوسف حيبقي زي الفل وتفرحي بيه وتجوزيه كمان


أبي عايز اقولك ان انهاردة رايح الشغل بالعربية لقيت شوية خرفان كتير لونهم بمبي والله العظيم وقفت وسألت الرجل انت شغال عند ابي ؟ قالي لا انا شغال عند نفسي قولتله يعني الخرفان دي انت جايبها من عند أبي ولا جايبها منين ؟؟
قالي ابي مين يا يا استاذ انا معرفش حد اسمه كدة قولتله مهو مفيش خرفان بمبي غير عند ابي وسيبته ومشيت

appy said...

الفارس الملثم
===========
طيب منكن يعنى يدينى الرضعه فى كوبايه مش لازم بيبرونه
ههههههههههههههه انت مشكله بجد يا محمد نورت الكوكب





تامر صلاح
==========
يا لهوى عليك موتنى من الضحك يا تامر انت بجد عملت كده
عارف انا خرفانى مش بتنزل الشارع خالص دول فى الكوكب بس يا تامر
وبعدين رايك فى ال.... اللى هما عملوها دى انا عارفاه بس اول مرة ملاقيش حل اللهى يتحل وسطهم ويمشوا شبه العروسه اللى فى الليله الكبيرة هههههههه

لورنس العرب said...

اتذكر انه اول ما احتلت أمريكا العراق ظهر علينا نائب في مجلس الشعب-ولله مع الأسف مش فاكر اسمه- وقال في الجريده يجب ان يمتد العمل بقانون الطواريء في مصر، انتم مش شايفين امريكا احتلت العراق ازاي؟؟؟ طيب يا عمنا ايه علاقة ده بقانون الطواريء الله أعلم- والقانون ده ممتد من اول ما اتقتل السادات لغاية اليوم،
شوف البلد المتخلفه
عاملين قانون طواريء من سنة 81
يعني البلد بقالها 27 سنه في حالة طواريء
ليه يا جدعان
27 سنه في حالة طواريء ليه
ده اذا كان الحرب العالميه خلصت في 4 سنين
يبقى احنا عندنا حالة طواريء 27 سنه هانعمل فيهم ايه؟
وطواريء من ايه أصلا؟
احنا عندنا ايه عشان نعمل عليه طواري وليه وجع القلب ده كله؟؟؟
لا وشوف النصاحه
مكتوب في موقع مصراوي انه سيستخدم قانون الطواريء إلى أن يتم صياغة قانون مكافحة الارهاب
وأكيد طبعا قانون مكافحة الارهاب ه هايبقى طواريء بردو
ومال يعني هايكافح الارهاب ازاي؟
وبكده نفضل طول عمرنا في حالة طواريء
.....
الحمد لله اني ولدت عام 78
يعني لحقت في عمري 3 سنين من غير طواريء
والسنين دي مش هشوف زيها لغاية لما أموت

رئيس جمهوريه نفسى said...

بصى يا بتنجانى انتى الاول بس اسلم على ام يوسف
بصى يا ام الغالى بلاش والنبى حكايه امسكها انا علشان قبل كده كان فى امتحان وكتبوا ماذا تريد ان تصبح فى المستقبل وكان على الشهاده الاعداديه تقريبا ولد خياله شطح بيه معرفش يمسك اللجام قال رئيس جمهوريه والده راح امن الدولة هو واوالاد اه والله
ومره كان مطلوب من الى يتقدم للرئاسه يتقدم لمجلس الشعب علشان المجلس يقر يترشح ولا وده كان قبل التعديل وقدم محامى من اسكندريه الله اعلم ايه اخباره وراء الشمس فخلينا ساكتين
--------------------
بتناجنى
عايزه حل لقانون المطارق بسيطه الشعب يبطل سلبيه ويورح ينتخب الناس الى ممكن تخدمه بصح مش تخدم حكومه لما نلاقى ناس فى مجلس الشعب زى المستشار نصار عليه رحمة الله الى اهله طلعو بالسلاح قدام الحكومه فى عصر السادات علشان يمنعو تزوير الانتخبات وعلشان عايزين ينتخبو هو مش واحد سد خانه يعنى لما نشيل ال50% عمال وفلاحين علشان الى يقر قانون يبقى عارف هو بيقر ايه ( مش بقصد استهانه بعمال وفلاحين مصر بس الى ااقصده انه يكون فى وعى بالحجات الى بتتشرع واعتقد انى نسبه كبيره مش بيكون عندها الوعى ده ) لما نلغى الحصانه من مجلس الشعب علشان متبقاش سيف مسلط من الحكومه على اعضاء المجلس لما يبقى عندنا تعدديه حزبيه ممثله بجد فى البرلمان مش مجرد دكاككين لما تكون معرضه تبغى الصالح العام مش صالحه هى بس لما فى يوم نسمع خبر عن تشكيل حكومة ائتلافيه زى اى دوله متحضره
وده كله فى المشمش

محمد عبدالحي السيد يوسف said...

و الله الناس عداهم العيب

مديينك الحق في التظلم بعد ما تتقفشي بست أشهر

يادوبك على ما أهلك يعرفوا أنتي فين

صحفية روشة said...

تعرفى انا خلاص اتخنقت من كل حاج مش طايقة اسمع كلمة كمان عن البلد وظروفها
انا نويت اكون سلبيه لفترة اخد فيها اجازة من حزنى على بلدى
واسقع ودانى عن اللى بيحصل فيها
واعمل عالم افتراضى كله سعادة وهعيش فيه لوحدى

هيثم الدهشان said...

وهو من امتى وحكومتنا العزيزة بتنفذ كلامها
دى وعودها بقى زى اللى بيشترى سمك فى الهوا
يالا ربنا يكرمهم وتكون سنة واحدة مش 15

تقبلى تحياتى

EmY said...

انتي الخرفان و النحله و الدبور دول مش هايرتاحو غير لما كلنا نرفع بانر اين ابي افرجوا عن ابي

و وقتها طارق هايقولك فين يوجعك يا بتنجاني

بس ماتخفيش يا ابي انا مش هاتخلي عنك هابقي ادعيلك

كان طبيعي اوي ان قانون الطوارق يتمد سنه و اتنين و عشره

و الشعب يرد و يقول اخترناك و بايعناك و احنا معاك لما شاء الله

ما يا ربنا ياخد الحكومه يا ياخد الشعب

و الطبيعي في مصر ان الشعب هو الي يتاخد و الحكومه تستورد شعب جديد

اما بقي بالنسبه للمدارس بلا تعليم بلا نيله يعني الي اتعلموا خدوا ايه

و هو احنا عندنا تعليم اصلا ده خيار مخلل

قاطعي الجرايد و سيبك من نشراتلاخبار و مركزي مع ميلودي علشان صحتك

تحياتي يا قمر

Ahmed Mubarak said...

انا خلاص
اطارق من هدومي يعني ؟؟
انا مرارتي طرقت

ويارب افرجها من عندك

اللهم لا تسلط علينا بذنوبنا من
لا يخافك ولا يرحمنا

وومن said...

هو انا علي طول كدة بقيت سووو ليت
مش مهم المهم انه قانون الطوارئ اتمد قانون الأرهاب استوي وطلع
يا آبس مش فارقة
المجلس مجلسهم والأغلبية أغلبيتهم
وهانبعت ترقية عزاء للديمقراطية الله يرحمها حد فاكرها يا جماعة
طب والحرية برضة
بالنوسبة لموضوع المدارس ده انا كنت ناوية علي طفل واحد علشان اربية كويس بالطريقة دي لو حصلت المعجزة واتجوزت يبقي كفاية جوزي يصرف عليا واهو يعتبرني بنوتة الصغننة وانا اعتبرة ابني الصغنن احسن مانجيب عيل وفي الآخر يقولنا مش قد الخلفة باخلفونا ليه

Hosam Yahia حسام يحى said...

قانون الطوارق ده علامه مسجله لمصر


ولو اتشال هنتوه وسط البلاد


فخلينا متعلمين بعلامه احسن


:d

صيدلانيه طالعه نازله said...

الحمد لله ان طارق يحيى اعتزل كوره من زمان و لانه كمان زملكاوى كان زمانه اتشد
الخوف دلوقتى على طارق الدسوقى لسه بيمثل
موضوع المدارس الخاصه كمان هو الكارثه القادمه بالنسبه لى استر يارب
يعنى اللى تقعد مع خطيبها متمسكش كاكولا صاروخ شكلها مش عاطشفى و لا رومانسى كنتى جبتيلك واحده كانز و خمسوا فيها انتوا الاتنين
ههههههههههههههههه

حبيبـــــــة القمـــــر said...

تعددت الكوانين والنتيجه واحده

انا مردتش ازعلك ونزلت حاجه جديده
ابقى تعالي مستنياكي

واحدة مفروسة said...

هههههههههههه
هههههههههههه
الصراحه انتى اسلوبك...مافيش زيه المهم انتى كده اكدتى و بصمتى انك حتصيفى بس فييييين الله أعلم
ههههههههههههههههه
الحمد لله يا بؤبؤ انا معرفش حد إسمه طارق و ان كان على فيلم ظرف طارق بتاع احمد حلمى مش حتفرج عليه و ان كان حيأفشوا فى اى حد يتفرج اساسا على فيلم لاحمد حلمى..مش حتفرج
كفايه سينما الحياه و الافلام الابيض و اسود اللى احنا عايشينها
اما بالنسبه للمدارس...الحمد لله و الحمد لله انا ماعنديش عيال و بعد اللى بشوفه قطعت الخلف اصلا
اجبتلك مايو 7 طبقت و استك علشان لو حد اترازل عليكى ابقى السعيه بالاستك على قفاه

كلاكيت تانى وتانى said...

انتى مش جايباها لبر انا اول ما اشوف اسلام هقولة يفلسع بدرى
ياحبيبتى القوانين دى معمولة مخصوص وعمولة تكميم افواة بالغصب وعمرها ما هتتغير وكل سنة هتبقى زى اللى وراها
تجديد واعتقالات
انا بكلم واحد قريبنا امبارح بسألة ع اتنين صحابة محترمين جدا وملهومش فالهوا قاللى كانوا بيروحوا الجامع بانتظام وبيقولوا محاضرات دينية وراحو اعتقلوهم من يومين
زوار الليل زى محاكم التفتيش زى الطوارئ
احنا شعب مستعبد بالحديد والنار واحنا مش حاسيين وكل كلامنا بيذهب ادراج الرياح لا المايل بيتعدل ولا العدل بيفضل ع حالة دنيا ماشية بالشقلوب رااى جدتى
اما المدارس الخاصة فتصدقى انا فرحت لما رفعوا مصاريفها انا ولادى كانوا فيها واتبهدلت يابنتى والله نصب وقلة دين وقررت انى اقلبها دورات يعنى ولادى فمدارس حكومية وفالصيف بيروحوا دورات لغات فرنسى وانجليش وبيقروا فكل المجالات وبيشتركوا فانشطة ثقافية وكل دة بربع اللى كنت بدفعة فالخاص عشان اللكنة الانجليزى والفشخرة الكدابة والباس والميس والخخخخخخخخ
روق ياقمر وسيبك من السياسة
لغاية ما الواد يتشنكل ويتجوز بس وبعدها انطلقى
تحياتى

Anonymous said...

الاخت المتميزة
رحاب
ربنا يسعدك يا رب
اشكر علي التعليق بمدونتي
والله اسعدني بشدة
واكتر ما اسعدني رغبتكم بالحضور
بالنسبه للمعاد
هو مكتوب بالبوست اللي تحت الدعوة اللي كتبتهلك خصوصيا


وكمان مرة علشان متعبكيش


هي يوم السبت الجاي الساعه 7 مساء بالمركز الثقافي الفرنسي بالقاهرة

ولو حد من حابيبي المدونين حابب يجي هيشرف بالطبع


انا برغم اني جديد بالكتابه بالمدونات

الا اني قاريء قديم من 3 سنين ونص


اشكرك رامز عباس

HERO said...

طيب واللي اخوه وحبيبه وعمره كله اسمه طارق يعمل ايه ؟!!!!!!!!!

وبعدين انا عجباني قوي حتة انه يقدم تظلم بدون رسوم دي ...داخلة دماغي قوي

وبعدين بقانون الطوارق من غيره هي هي مش فارقة

تحياتي

د/أبا يحيى وادم said...

السلام عليكم ورحمه الله وبركاته
أقول ايه بس
حسبى الله ونعم الوكيل
مهما فعلوا بأذن الله هتتغير
كل شىء هيتصلح ويبقى كويس ان شاء الله
كل شىء هيتصلح ويبقى كويس ان شاء هيتصلح ويبقى كويس ان شاء الله كل شىء هيتصلح ويبقى كويس ان شاء الله
كل شىء هيتصلح ويبقى كويس ان شاء الله
حسبى الله ونعم الوكيل اقول ايه بس
هخلى ادم ويحيى يدعوا عليهم

Abo 7anf said...

السلام عليكم
اولا بهنى نفسى لانى زعيم واخدنا الكاس امبارح
وعلى نفس الةتيره حكايه قانون الطوارئ و لا قانون الارهاب
هقلك اغنيه قديمه
شالو الدو وحطو شاهين
الدو قال منتش لاعبين
مستنيكى ياابى تباركيلى على الكاس

Sherif said...

أنا هنا عشان أقول لك الف مبروك

كان نفسى أحضر الاحتفال لكن للأسف كنت مسافر

mayada said...

بصي ياابي من الاخر الناس دي مالهاش
حل احنا نكشف راسنا وندعي عليهم وخلاص
انا ولعت في كتاب عشان متنضربش علي قفاك ملهوش لازمه بقي
خلي بالك من النحله والدبور ليصطادوهم
واما بالنسبه للمدارس فالناس
للاسف بتدفع ويريد بيعود بتعليم ولا مستقبل لولادها كله ضاع ضاعهههههههههه

المـــفـــــــقــــــــوعـــــة مــرارتـهــا said...

شكلك انتي السبب في قانون الطواريء
ولما اتجمعنا في مكان واحد في الحفلة اياها خافوا احسن نعمل مظاهرات
قالوا نمد طارق بدل مانمد ايهاب
طارق ممكن يخليه يطولنا لكن ايهاب هيخليه يطول ناس معينة
فهمتي حاجة
احسن
ماهو انتي فاكرة نفسك ناصحة وبتتكلمي بالمستغطي
لكن علي مييييييين شكلك متراقبة ياأمي سلام مربع ليكي وولحرس الخصوصي بتاعك قصدي المخبرين

المـــفـــــــقــــــــوعـــــة مــرارتـهــا said...

خدوها انا مش معاها
هي اللي شتمت طارق بيه
هههههههههههههههههههه
خلي بالك من نفسك
ولو لاقيتي حد ماشي وراكي
اجري بسرعة
وابقي اتصلي بيا
عندي واسطة حلوة اوي
الراجل بياع الكبدة السريح اللي بيعدي علي الداخلية ممكن يتوسطلك
يطلعك منها ذي الشعرة من العجينة
بااااااااااااااااااي

Tarek said...

انا والله ما لي علاقة بطارق ده خالص ولا أمي كمان ولو كانت تعرف بموضوع الطوارق ده كانت غيرت إسمي

بس ممكن سؤال صغنن حد متخيل إن لو كان قانون الطوارئ إتشال كان هيكون في فرق .. طب حد يديني أمارة

الي يشوف كده يقول إننا دولة قانون دي شكليات مش اكتر موجود مش موجود الطرق شغال ... والعزاء يقتصر علي تشيع الشعب

وجهة نظري said...

ما هو يا حالة طوارىء يا قانون الإرهاب.... مأسخم من ستي إلا سيدي

لأ أنا حاقولك الحكايه بقي علشان معروفه (نوعا ما)... مصر حتنضم للإتحاد اليورومتوسطي، وغالبا السيد المصون إلي عنده 90 سنه حيبقي رئيس الإتحاد تحت رئاسة الإتحاد الأوروبي.... مش بمزاجنا طبعا، يا إما حنخش الإتحاد يا إما حنتهمش تماما ونضيع في المنطقه، دا غير إن الإتحاد الأوروبي ضغط علي فرنسا صاحبة الفكره علشان ملفات حقوق الإنسان وملفات التعاون مع إسرائيل (الدوله الشقيقه العزيزه) علشان هي تضغط علي الدول المشتركه، وعلشان كده قانون الإرهاب بالصوره إلي كان طالع بيها مش متوافق عليه من الإتحاد الأوروبي، وعلشان كده معرفوش يسلقوه ويحمروه ويوافقوا عليه في الدوره دي، فالحل إنهم يمدوا العمل بحالة الطوارىء ويتسلبطوا شويه علي الإتحاد الأوروبي لغاية ما يشوفولهم حل

رئيس جمهوريه نفسى said...

سبحانه الله تيجى تصيده يصيدك انتى كنتى عايز تسرقى القصر استوليت انا على الكوكب وده الكومنت الرابع فى البوست نياااااااااااااااااااااها
موضوع المدارس الخاصه علشان نعرف الفرق بين القاهره وعندنا قاعد فى المكتب لا بيه ولا عليه وجاتلى ست فى الثلاثينات معاه ابن فى الاعدادى وجايبة رزمه ورق مكتوب واحكام وقعدت كلمه واتنين عرفت منها انها بتاخد لابنها الى فى اعدادى مبلغ وقدره 25 جنيه نفقه تعليم كل شهر ده بعد الزيادات وثلاث قضايا وثلاث احكام اول قضيه خدت اجر 10 جنيه والتناينه 10 جنيه والثالثه 5 جنيه تخيلى فى الشهر 25 جنيه دروس ومصروف وكراريس وقلام وهو فى الاعدادى لو تعرفى قسميها ليها

monaliza said...

حاجة تحرق الدم بجد
عايزين يطفشونا من البلد يقولوها صريحة وبلاش الحركات دى ولا طارق ولا ايهاب
وبرضه مش هنطفش قاعدين فيها وانتوا اللى هتسيبوها

طارق الغنام said...

الرائعة
بعد وصفك مش لاقى حاجة اقولها بجد بوست رائع
على فكرة قريتة اكتر من مرة
اسلوبك رائع
وربنا يسهلها علينا
تقبلى تحياتى
وادعوكى لجديدى
ودمتى كما عهدتك متالقة

سومه...مجنونه فى بلد عاقل said...

هههههههه ايبى انا جاتلى عقده ااااااااااد كده اهو
وبفكر افكنى من دا كله واحط موك اب والبس محزق ولانسس واقلع الحجاب واديها واعيش وممكن اقدم على هجره لاموريكا وانتخب الاخ بوش سفير للنوايا الحسنه
مع تحياتى ليكى ولطارق وام طارق
سومه_87

سومه...مجنونه فى بلد عاقل said...

اما بالنسبه للمدارس سورى عشان نوسيت يا اوختى وسوهى عليا انا مش حعلم العيال انا ان شاء الله حسرحهم بلب وسدانى

Z_Diva said...

ام طارق ميين و ام ايهاب ايه بس, مش قلنا مش هنجيب في سيرة الناس يا ابي :)))

عامة انا اصلا بلاص و مش بفهم, و واخدة عهد على ذاتي بان لا افهم ابدا, و عايشة في عالم سمسم و ماليش دعوة باللي بيحصل عندكم فالكوكو

لو حسيتي ان مارينا بتناديكي, اهربي فورام, و منكن استضيفك في عالم سمسم عندي, اصلنا معندناش اتفاقية تسليم متهمين هنا :)))))))))))

و من غير مارينا حتى ابقي عدي اني واي اهلم بيكي في دنيا الخزعبلات في اي وقت

الفاتح اليعقوبي said...

السلام عليكم
كانوا لازم يوافقوا طبعا علي قانون الطوارئ اصلهم حكومة كوارث علي البلد وارهاب للمواطنين وخراب بيوت مستعجل وربنا يصلح الحال
والسلام

الربان said...

تحياتي

للاسف الشديد...امتد قانون الطواريء لمدة سنتين مقبلتين....و ليس فقط سنة واحدة...

للاسف الشديد...قانون الطواريء لم يطبق
علي المتلاعبين بأقوات الشعب..

للاسف الشديد قانون الطواريء لم يطبق علي المحتكرين الذين تلاعبوا بالاسعار
و الانتاج....

للاسف الشديد قانون الطواريء لم يطبق
علي صاحب العبارة الشهيرة الذي ينعم
في لندن الان بملياراته....

و أسفاه .....


تحياتي و تقديري

appy said...

لورانس العرب
===============
اقولك العلاقه انهم خايفين المصريين يحتلوا البلد هههههههه
انتعارف المشكله فى راى ان القانون ماشى مفيش مشاكل بس لو يطبق بعدل انما اللى بيعملوه ظلم من حق كل بلد تحفظ نظامها وامنها وامن افراد بس اى بلد الا مصر لانهم بيعملوه لمصلحتهم الشخصيه وبس وظلم وبطش
انا زيك عشت سنتين بس من غير قانون ام طارق ده خالص
نورت الكوكب كله









رءيس جمهوريه نفسى
=================
تصدق يا محمود هضربك ما تقعد فى حته مش ده اللى قولنا عليه الانتخابات والناس تختار انتى يا ابنى هتجننى انت لازم تعارضنى وخلاص مش انا قولت كده فى بوست هتشغلوا المواتير بص يا محمود اراقه للدماء او منعنا ليه اى حاجه يعنى
هسامحك المرة دى بس
نورت يا رخم هههههههههههههههههه

appy said...

محمد عبد الحى السيد يوسف
=====================

اهلا بيك اول مرة تورت الكوكب وكده اول مرة تدخل فى خالتى ام طارق يلا معلش نورت الكوكب





صحفيه روشه
==============

لا ياس مع الحياة بس فيه ياس مع الحكومه المصريه ههههههههههه خدينى جنبك يا حبيبتى وبعدين اقعدى ذاكرى بقى وارحمينى
نورتى يا قمر

appy said...

هيثم دهشان
==========
يا لهوى يا هيثم انت مش عارف السمك بيعيش فين لااااااااا دا انت حالتك ميؤس منها خالص ههههههههه السمك بيعيش فى الجبال يا بابا راجع باب البرمائيات هههههههههه





ايمى
====
ميمى جزرة حبيبتى اللى قلبت القطار هههههههه اهو تهمه على الماشى اى خدمه ما هى دى البلد يا قمر اوعى يا ميمى تتخلى وتتنحى عنى ابدا انتى سندى اللى هيدخلنى فى شجرة ههههههههههه
والله يا اختى من حاله العتهه اللى بقت عندى بتفرج على سترايك ومش عارفه حد غيرى بيتفرج عليها هههههههههه
نورتى يا ميمى

appy said...

احمد مبارك
==========
لا غير اسم مبارك ههههههههههههه لا خليك يا راجل انا قولت ابسطكم شويه بس
نورت يا احمد




وومن
=====
ميرا يا حبيبتى تصدقى موضوع البرقيات والاطفال ده فكرة هايله انا قولت على الاطفال لاسلام وتنح بس فكرتك حلوة وانا هعيش دور الطفوله مووت وهو حر بقى يعيش ولا مش عاوز المهم انا نيهاهاهاها
نورتى يا قمر

appy said...

حسام يحيى
*********

تصدق فعلا يا حسام خلتنى اخدت بالى بدل ما ادخل مصر التانيه اللى هما ساعات بيتكلموا عنها هههههههههه نورت يا قمر





صيدلانيه طالعه نازله
********************
يا لهوى على الفضايح يا حبيبى كنا على البورصه وده اخرها وده الكولا بتاعت عيد ميلاد فاتيما تفتكرى كنا اكتر من تلاتين حد هنزل كانز ده يبقى خراب بيوت لان كنا هنشلها احنا وبعدين هو ده اخره معايا ما هو شرب كده كمان ودى باتنين جنيه وانت عارفه دول يجيوبا لتر بنزين لو قعدت احسبك مش هيكفينى الكوكب كله ههههههههههههههه
نورتى يا قمر وربنا معاكى بقى

appy said...

حبيبه القمر
============
انا جاى برنا ميحرمنيش منك ربنا يستر ومش تنكدى هناك وتكون قصه حلوة عاااااااااا
نورتى يا قمر








واحده مفروسه
*************

اصيف والله لسه بنفكر وشكلنا هنقضى الصيف ده تفكير واللى جاى تنفيذ وميرى على الاستيك نجاملك فى المعتقالات ان شاء الله هههههههههههههه بعد الشر عننا جميعا

appy said...

كلاكيت هانم
**********
بصى يا نكاديللى هقولك اللى بيصلوا فى الجوامع دول على طول لازم يعرفوا اتوماتيكى انهم لهم ملف فى قمل الدوله وده معروووووووف زى الخروف طبعا علامه مميزه علشان كده بيبقوا ياخدوهم من وقت للتانى ربنا يستر عليهم يا رب
المهم برافو والله عليكى يا ميرمين انك عملتى كده مع الاولاد ربنا يخليهم لكى يا ربنا ويتنكوا عليكى كمان ههههههههه واسلام خلاص شكله هيطق منى قريب ادعيلى ههههههههه






رامز عباس
*********
ان شاء الله هسال على العنوان واجى والشرف ليه طبعا ربنا يكرمك يا رب نورت الكوكب كله

appy said...

hreo
*****

لااااااا بقولك ايه استغنى عنه او انصحه يروح يغير اسمه بسرعه ههههههههههه او قاطعنى انا بقى لانها مش طالبه طواريق فى حياتى هههههههه نورت يا هيرو





د/أبايحيى وأدم
*************

يا ريت ودعوة الاطفال مستجابه ان شاء الله
نورت يا دكتور وسعيده بتشريف حضرتك هنا على طول

رئيس جمهوريه نفسى said...

انا مش حجنك ولا حاجه شوفى انا ختمت تعليقى بايه يا بتنجانى انا قلت وطبعا كل ده يحصل فى المشمش المفروض حاجه والى بيحصل حاجه تانى خالص
انا بعترض على اراقه الدماء بتاتا البته وبوافق على اراقه الماء عن طريق المسدسات جهزى اسلحتك
فاصل ونواصل

appy said...

ابو حنف
*******

طيب يا زملكاوى باركنالك يا زعيم القله المندسه
يالا سيبناكوا تفرحوا بيه شويه هههههههههههههه نورت الكوكب يا دكتور يا زملكاوى يا محلاوى




شريف
*****
ولا يهمك المرات الجايه كتير نورت يا شريف وميرسى لاهتمامك

appy said...

مياده
********
احسن برضه انا رميته وانتحر من الدور العاشر الكتاب ده ومن كتر ما بقعد على حرف البلكونه وادعى حسه هيجيلى برد فى الحر هههههههههه نورتى يا قمر






المفقوعه مرارتها
**************
انتى بتبعينى وش كده وبتسلمينى تسليم قفا طيب يهون عليك البيبسى والتورته يا مفتريه اللهى فيفى تعضك يا شيخه
وبعدين طارق مين ولا اعرفه يا بيه خالص انا خاصمت كل اللى اسمهم كده اصلا بقولك ايه كلمى بتاع الكبده يجيب لنا سندوتشين هههههههههه
نورتى يا قمر

appy said...

طارق
********
بقولك ايه مش عاوزين قلق فى الكوكب لو سمحت غير اسمك وارجع من فضلك قول للحاجه تغيرة احنا اصحاب دبابير يا خويا ومش ناقصين وانا ولا كأنى شايفاك هههههههههههههه





وجهه نظرى
**********
لا استنى عليه متسيبش مواتير مخى تفوت منين الكلام ده دى تبقى كبيرة قوى يعنى يا لهوى هما موافقين على الطوارق ده ومش موافقين على ام ايهاب يعنى نحمد ربنا على ام طارق وخلاص فهمنى بقى اللهى يخليك
نورت يا ملفف مواتير دماغى

appy said...

رئيس جمهوريه نفسى
***************
لاانت اتكلمت فى موضوع قاتل يا محمود بجد اقعد بقى براحتك احسب ايه ايه القانون المعفن ده لااااا براحه تجيب ليه الماده والموضوع علشان هكتب فى موضوع المطلقات يا خويا اللهى يخليك ليه وهديلك مره كمان فى المراجيح ههههههههههههه





موناليزا
*********

ولا هنطفش ولا هنسيب بس بيخنقونا يا حبيبتى جدا ربنا يستر نورتى الكوكب

appy said...

طارق الغنام
*************
ميرسى لحضرتك وان شاء الله هركب بطوط واجيلك البلوج نورت يا استاذنا






سومه
****
نورتى يا مجنوه كنتى متخفيه فين يالا كويس اعملى كده وانا هشجع اللعبه الحلوة ههههههه
طيب ممكن تبعتى العيال باتنين جنيه توليفرى كل يوم ويوم لاختك اصلى مدمنه لب هههههههههه نورتى يا قمر

appy said...

ام زعبوله حبيبتى
=================
انا جايه يا قمر نعيش فى عالم سمسم او عالم البطيخ وماله اهو احسن بس منكن اجيب خرفانى البمبى تلعب معايا واجيب بالونات كتير كتير ههههههههه ونعمل شاى ونأكل بطيخ ونجيب شوكليت بووول من مونجينى بس لما يغيروا شكلها ويرجعوها بطه تانى انا بعت شكوى للشيف هناك بجد ههههههههههههه
وبلاش نجيب سيرة الناس احسن





الفاتح اليعقوبى
*************

طيب وبعدين يا جدعان هنعمل زى العراق ونطالب بقوى خارجيه تخلصنا ولا هنخلص نفسنا ازاى نورت يا زميل المعارك

appy said...

الربان
**********


عرفت واتصدمت انهم مدوه سنتين يعنى حتى دى بيطلعوا عيال فيها ومش بيقولوا كلمه واحده
نورت الكوكب كله







رئيس جمهوريه نفسى
****************
ما طول ما بتعمل ليه احباط هرشك بالميه يا محمود نورت الكوكو كله

قوس قزح said...

عارفة يا ابى
مش عايزة اقرا القوانين دى ولا اعرف ايه فيها
اقريت اول سطرين اللى هم : وضع قيود على حرية الأشخاص في الاجتماع والإنتقال والإقامة والمرور في أماكن أو أوقات معينة والقبض على المشتبه فيهم أو الخطرين على الأمن والنظام العام وإعتقالهم والترخيص في تفتيش الأشخاص والأماكن دون التقيد بأحكام قانون الإجراءات الجنائية وكذلك تكليف أي شخص بتأدية أي عمل من الأعمال.


هيكون فى ايه اكتر من كده انك تتفتشيى و يتقبض عليكى و كمان تعملى اللى يطلب منك .. هيموتونا ؟؟ هو اللى يحصل فيه ده هيكون له نفس يعيش

و بيلوموا على الناس اللى بتطفش من البلد حتى لو هترمى نفسها فى البحر

حسبى الله ونعم الوكيل

أبو خالد said...

أبنتى الغالية /آبى
يذكرنى هذا البوست و يستدعى للذاكرة
المقولة الشهيرة لرسول قادم إلى المدينة
المنورة يسأل عن قصر عمر فأجابوا أنه ليس له قصر هو هناك نائم تحت الشجرة
فقال لهم أنى اسأل عن عمر بن الخطاب أمير المؤمنين فقالوا له هو من تسأل عنه
فذهب اليه الرجل و نظر للنائم و قال قولته الشهيرة
"حكمت فعدلت فأمنت فنمت ياعمر تحت الشجرة "
آبى هانم البتنجانى و لا يهمك المصيف أجمل من الأحرار
دمتى مخ راقى

klmat said...

ايه المنافق ثلاثه
اذا تحدث كذب واذا اؤتمن خان واذا وعد اخلف والثلاثه متوفرين والحمد لله
وعلشان كده احنا اختارناه
حسبى الله ونعم الوكيل
خالص تحياتى

يوميات فنانه مفروسه جداا said...

لله الامر من قبل ومن بعد
وحسبي الله عليهم

سلام

اهو ده عيبه said...

ده ايه البوست اللى كله اخبار تفرح ده
هما مش كانوا قالوا خلاص هيرحمونا من ام طارق ويجيبوا ام ايهاب اللى هى اكيد اوحش
رجعوا تانى مدوه مش عارفه ليه الظاهر مش قادرين على فراقه
والناس ام بدل نظيفه برافانات مالهاش اى يد ولا قرار فى الموضوع ده يبقى عوضنا على الله وكل واحد يدور على واسطه تسنده لو اتقفش فى الشارع

وايه بقى حكاية تسعيرة التعليم اللى شبه تسعيره الجزار

ربنا يرحمنا برحمته ويطلعنا منها على خير بس من غير ظرف طارق

sendbad said...

ولسه ياما هانشوف طوارئ وطوارق وطوابق وماله طالما اننا ساكتين يعملوا اللي عايزينه
لنا الله

رئـــــيسـة حزب الأحلام said...

فعلا عشانا عليك يارب وكمان غدانا
والله الحكومة دى اخرتها اية معانا
مابترحمشى ولا سايبة الرحمه تنزل على الشعب المطحون وربنا على المفرى عمالين يلعبوا بالقوانين ويحوروها على هواهم واحنا عمالين نتكتف اكتر واكتر
تحياتى لكى ياقمر

Zika said...

عاااااااااااااااااااااا
اوووف
انا زهقت بقي وربنا اتعقدت
مانيش كاتب تعليق
بس هه

Z_Diva said...

تنورينا يا ابي انت و الخرفان و كل البلاليين -ايه حكاية البلالين دي صحيح-
بس خللي بالك الخرفان مش هتكون مسئولة مني, مش عايزين نكرر مأساة زعبولا تاني
و هاتي كل الاكل اللي انتي عايزاه و انا كمان هجيب من بلاد الجاز كل الشاكليتات و الشبسيات الجباااااااارة جدااااا اللي هنا, و نديها اكل و مرعى و قلة صنعة

دمعاتي said...

اممممممم
يعني انت ياشعب مش عاجبك قانون طارق
قلنا هنشيله ونجيب قانون ايهاب
مش عاجبك ايهاب
اللي اصلا لسه مستواش
رجعنالك الطوارئ تاني
مش عاجبك
طيب اعملك ايه ياشعب
دا انت شعب غريب بجد
يعني مثلا اسيبك من غير قانون يحميك من نفسك
هوه انت ياشعب متعرفش ان قاصر ونغه ومتعرفش تمشي على العجين متلخبطوش الا بقانون
اسيبك ازاي من غير قانون يربيك
ويعلمك الادب
انت فاكره سايبه ياشعب
ياشعب انا بحبك وخايف عليك
وعاوز مصلحتك
بص ياشعب ياحبيبي لما تكبر وتنضج
هابقه اشيل القانون
واسيبك ياعم على راحتك
بس انت بس اكبر
انما انت لسه شعب نغه نونو كونونو
فاقد الاهليه منعدم الفلنكات
واذا مبطلتش زن هاحبسك في اوضة الفيران
وانت عارف سلومه الاقرع ميعرفش اخوه
يله ياشعب روح العب في مارينا وكل جاتوه وسيبنا احنا للسياسه وتحديد مستقلبلك لاننا ادرى بيه
شفت ياشعب انا بحبك ازاي
طب بزمتك فيه في حته تانيه حد بيتحاور مع شعبه زي ما انا بعمل كده
افتكر الجمايل دي
يله سبني بقه عشان ورايا شغل

wanna b a physician said...

طيب ازاى هو اللى هيصدر الامر ولما المحكمة ترفضه هو لازم يوافق على الرفض
جديدة دى
اما المدرسة الحمدلله انى خلصت هههههههههههههه
وولادى هاعلمهم منزلى ارخص
تحياتى

mohamed said...

أخويا أسمو طارق أتبره منو و أخلص؟؟؟؟؟؟؟؟

shayma said...

يا حلاوة يا ولاااااااد
بقى هيا الوليه ام طارق تعمل كل ده

هيا جابت الكلام ده منين
الا اوليلى يا حبيبتشى
اجيب ام طارق دى منين
عايزاها تعملى واحد طارق على باب التلاجه احسن العيال نازله حتتك بتتك على الجبنه وانتى عارفه الجبنه غليت والمعايش صعبه

وسلامى للحجه ام طارق وسلفتها ام ايهاب
والاحباب والاقارب والاصحاب

ورقصنى يا جدع

سلامى يا حبيبتشى
:)))))))))

حبيبـــــــة القمـــــر said...

نورتيني ياقمرى
بس هما ليه بيقولوا بكرة نحلف بحياة طارق
هو ايهاب هيبقى وحش للدرجه دي
ولا هي هي الجلبيه
انا مش فاهم حاجه

ayman badr said...

انا مختلف مع رئيس جمهورية نفسه لان الطوارق مشتقة من الفعل طربق يطربق طربقة
يعنى وش مطربق عادى قفا مطربق وماله وقانون الطربقة تنفرد بيه مصر وهناك المطربقون وهم امناء الشوربة والمتطربقون وهما عددهم ييجى 80 مليون بس
يعنى هيلاحقوا يطربقوا مين ولا مين
بوست جميل يا آبى وربنا لا يجعلنا من المتطربقين
تحياتى

darkskies said...

حسبى الله ونعم الوكيل
على فكرة لسة فى مفاجئات تانية كتير علشان الناس متزهقش برضه
مش عارف ايه هو اللى عايزيين يوصلوله مع الناس بجد حرام

mostafarayan said...

الراجل دة خلاص اتجنن كرسي السلطة اكل عقله لكن الكرسي مش بيدوم
والله سبحانه لا يغفل ولا ينام
وانا عن نفسي مش مسامح
تحياتي ليكي وربنا يستر عليا وعليكي

mostafarayan said...

في حاجة كمان عايز اقولهالك
انا فرحان قوي اني اتعرفت عليكي في حفلة يوم الخميس
هو الناس كانت زحمة قوي يمكن علشان كدة في ناس كانتموجودة وماعرفناش نتعرف عليها
عقبال مانحضر حفلة كتابك الأول
سلام يا قمر

كيكى said...

هاتلى احمد ابراهيم واحمد على واحمد محمد واحمد مرسى.....لية يا افندم قانون الطوارى يا غبى.....ال قانون الطوارى ال

اميره الصعيد said...

انا واثقه ان الريس اداكي دروس قانونيه ولا ايه النظام
قانون الطوارق يا ستي سواء مدوه سنتين او ما مدوش كانوا هيشتغلوا بيه ومحدش يقدر يفتح بقه وبعدين متنسيش ان هما حضرولنا العفريت اللي اسمه قانون الارهاب علشان نرضي بالطوارق
**********
حتي التعليم الخاص حاطين مناخيرهم فيه
يبقي عوضنا علي الله مش هنعرف نعلم العيلين اللي ربنا رزقنا بيهم
اصل دي تماحيك يا بنتي علي فكره تماحيك دي يعني تلاكيك
انهارده يقول زودوا المصروفات بكره يدخلوا في المناهج بعده يقولك زود عدد الفصول وزودوا الطلاب
وعليه العوض ومنه العوض

حمادة زيدان said...

آبي
ميرسي عالقاونين ... حسيت اني داخل عالدستور المصري
ههههههههههههههههههههههه
وبعدين يا آبي طوارئ من ارهاب مش هتفرق كتير دي يمكن تتوسخ اكتر
أما عن زيادة مصروفات التعليم كل يوم بتزيد
وحسبي الله ونعم الوكيل

جني said...

سارخير
عادي .. أحنا بقالنا سبعة وعشرين
سنة نرفل في نعمة هذا القانون ..

أحنا لازم نضحي بالشعب علشان بابا حسني وماما سوزان والوريث الشرعي يعيشوا
دا الشعب بيحس بطعم الكايزر والكافيار لم ينزل بقهم

الشعب ها ينام عريان وهما يستغطوا
ها ينام جعان ومهما يستعشوا

انتي مستكترة عليهم حتة دولة وانتي عاندك كوكب كامل .. بلاش حقد بقى

ويجعله عامر
تحياتي
said

الفاتح الجعفري said...

آبي
قانون طواريء ولا مش طواريء هو اصلا قانون الغابة ,وحتي قاون الغابة احسن اهو ده بقي قانون ساكسونيا
وعلي التعليم بلاها تعليم هو اصلا في عندنا تعليم قولي تبليم او تعقيم او بلطيم بس اي حاجه غير تعليم دي خالص
العيل يقعد طول السنة مذكرات وبرشام ومراجعة ليلة الامتحان والتوقعات المرئية والتوقعات بالطعمية ومذكرة يوم الامتحان وفي الاخر يجيب 95%ويدخل تجارة لامؤاخذة ووالله لو دخل طب مش هاتفرق
ايه رايك في التعليق الضلمة ده
:)
وجزاكم الله كل خير

تائهة فى أرض الأحلام said...

موضوع لذيذ جدا بجد

واسلوبك متميز

تحياتى لك

.:.-=- ELGaZaLy-=-.:. said...

يا ستى
كمية القوانين الجديدة .,..دى

زى الفل وقانون الطورائ هانترحم على ايامة...

المقال جميل اوى وعندك وعى واضح بالقوانين...دة هايل

Anonymous said...

ولد النظام نفسه ضمن حالة الطوارئ التي أعقبت اغتيال الرئيس السادات، وأتت فترة إرهاب التسعينيات لكي تعطيه مزيداً من الحجج والاقتناع الذاتي بضرورة استمرار الاعتماد عليها، ثم جاءت السنوات العشر الأخيرة التي اختفى فيها الإرهاب وازدادت غربة النظام عن غالبية الناس في مصر بفعل سياساته الاجتماعية والاقتصادية لكي تجعل من حالة الطوارئ الجدار الرئيسي الذي يظن أنه قادر على حمايته من الغضب الشعبي الذي راح يحيط به من كل جانب.

وهنا يبدو التحجج بعدم اكتمال صياغة مشروع قانون مكافحة الإرهاب من جانب قيادات الحكومة والحزب الوطني لمد حالة الطوارئ عامين آخرين حديثاً خالياً من المنطق ولا ينسجم مع قيام نفس الحكومة والحزب بتعديل 34 مادة رئيسية من الدستور المصري نفسه في فترة تقل عن ثلاثة أشهر بدأت بتقديم الرئيس مبارك اقتراحاته بهذه التعديلات في نهاية ديسمبر 2006 وانتهت بالاستفتاء الشعبي عليها في نهاية مارس 2007.

فكل المعلومات والتصريحات والمؤشرات تؤكد أن مشروع القانون جاهز بالفعل في صياغته النهائية لدى الحكومة منذ شهور طويلة، إلا أنه ظل بالنسبة للنظام السياسي بديلاً ناقصاً وغير كاف للحلول محل حالة الطوارئ التي ظل يرى فيها الوسيلة الأمثل لمواجهة أي تحديات أو مخاطر قد تهدده.

من هنا فلم يكن غريباً أن تعمد الحكومة وحزبها الوطني وأغلبيته في مجلس الشعب إلى مد الطوارئ لعامين كاملين مفتوحين بدورهما لأي مد قادم بحجة الإعداد الجيد لمشروع قانون مكافحة الإرهاب، فالحاجة للطوارئ باتت خلال السنوات والشهور الأخيرة أكثر حيوية للنظام السياسي من أي وقت مضى.

فالجميع في بر مصر بات اليوم يدرك أن العزلة راحت تضيق على النظام السياسي والغضب الجماهيري منه يتصاعد ويتسع يوماً بعد آخر بفعل السياسات التي تضرب بقسوة شرائح اجتماعية إضافية الواجدة تلو الأخرى والمعارضة النخبوية تتعمق وتمتد إلى قطاعات جديدة كل يوم، وبذلك لم يكن هناك مناص من اللجوء إلى الجدار الأخير والوحيد الآمن بالنسبة للنظام السياسي، وهو حالة الطوارئ، التي لم يعد يملك من وسيلة لمواجهة شعبه سواها.

ابو لمعه 2008 said...

انا فرحت قوى لما سمعت انهم هيمدوا قانون الطوارىء سنتين
بجد انا فرحان
فرحان
اقولك ليه
طالما هيمدوه سنتين يبقى هيورموله رجله
وبصى بقى هيقعدوا سنتين يمدوا فيه
يالهوووووووووووى
دى رجله هتبوز خالص
تقبلينى ضيفا فى اول زياره لكى

appy said...

قوس قزح
=============
جارتى العزيزه حبيبتى والله بجد انا بقيت مش خايفه قد ما هى ضربوا الاعور على عينه قال خسرانه خسرانه يبقى بلطجه ببلطجه بقى هههههههههههههه
نورتى يا قمر





بابا/ابو خالد
*************
يا بابا ما هوده اللى عاوزة اعرفه بجد هما الناس دى بتنام ولا لا ويمكن بيأخدوا مهدئات عادى يعنى
المهم متخافش عليا انا معايا الصن بلوك وعلى مارينا على طول هههههههههه نورتى يا ابتى العزيز

appy said...

كلمات
========

يا مرمر بس هو مش عارف لسه نونو معرفش الكلام ده معلش نعذره بقى يا قمر






يوميات فنانه مفروسه
********************

اهلا بيكى وكترى الدعاء يمكن ربنا يكرم

appy said...

اهو ده عيبه
**********

اكتشفوا ان ام ايهاب بيئه شويه فقالك نمشيها ام طارق هههههههههههههههه
نورتى يا قمر





سندباد
********

طيب منكن تقترح علينا ايع نعمله ما انا كمان مش عارفه والله اعمل ايه خالص
نورت يا كابتن اعالى البحار

appy said...

رئيسه حزب الاحلام
****************

طيب ممكن سندوتش معاكى بقى هههههههههه بجد انا خلاص الموضوع فعلا بقى امر واقع بجد
نورتى يا ريسه






زيكا
*****
طيب اقعد اشرب حاجه يا راجل يا ساتر طيب سيب الباقى بقى هههههههههه

appy said...

ام زعبولا القله
*************
انا جاااااااااى تو يتو يا قمر بالانين جمع بالونة يا امى على الجهل ههههههههههه







دمعاتى
*****

لا يا ريس عجبنى خلاص انا اسف ومتأسف ومؤسف على كل شئ
نورت يا ريس الكوكب كله

appy said...

wanna b a physician

***************

عادى يعنى يا دكتور بتحصل فى انيل العائلات المحترمه نورت يا دكتور





محمد
****

سيبه ابعد عنه اتبرى منه غير اسمه اى حاجه يا عم

appy said...

شيماء
********
احلى ام طارق هنا بالفرقه الموسيقيه بتاعتها لباب تلاجه شيمما اخوختشى وحبيبتشى
تارترارتارترا





حبيبه القمر
**********

لان يا قمر قانون الارهاب اقوى من قانون ام طارق فهمتى علشان كده المجلس الدولى مش وافق عليه فبعتوه تانى البيوتى سنتر يتصلح هههههههههه

appy said...

ايمن بدر
*********

ربنا يخليك ويبعد عنك كل الطواريق والبطاريق اللى فى الدنيا يا رب نورت يا ايمن




darkskies
************
اللهى يكرمك مش عاوزين مفاجات خالص ارحمنا بقى كفايه كده

حسن محمد توفيق said...

الفاضلة

appy

اسفت لكلامك واسفت اكثر لتعليقك فى مدونة الاتحاد ...
اولا لا ينبغى ان ناخذ ناس بالسمع يعنى
انت قلت سمعتى انت تتعاملى مع كيان نسعى لتاسيسه وليس لاشخاص واكيد هناك الغث والثمين فنحن اصدقاء من وراء شاشة واكيد من ذكرتيهم ربما هم الان غير موجودين ونحن لسنا مسؤلين عن تقويم الناس ولكن كلا مسؤل عن اصدقاؤه ولعلمك انا لم ادخل قط على الفيس بوك
ولست مسؤل عن اى كلام يكتب خارج هذه المدونات التى تحمل اسم الاتحاد
اما حكايه اننا نتكلم باسمكم فهذا خطا
صاحب الفكرة لا يستاذن لينفذ فكرته
فنحن عندما اتفقنا على انشاء الاتحاد قمنا بالدعوة له ونتكلم باسم اعضاؤه وللتقريب
هو زى نقابة الصحافيين والقانون الذى عرضه الزميل محمد جرامون لو شفتيه هو قانون نقابة الصحافيين ليبين لكل المدونين ما لهم وما عليهم طبقا لدستور وقانون البلد ليس اكثر
ومن يرغب فى الانضمام اهلا به ومن لا يرغب اهلا به
باحترام وليس غير ذلك وليس بالاسلوب الذى رايته فى تعليقات البعض لاننى اربا بنفسى عن الدخول فى هذه المهاترات
وليس زنبى عدم معرفتهم بمن قاموا بتاسيس الاتحاد فايضا انا قبل الدخول الى البلوجر لم اكن اسمع عن احد منكم
فبالتاكيد لايمكن متابعة جميع المدونات
وكلا له اصدقاؤهفى موقعه التدوينى فى الاغلب والقليل خارجه واعتقد ان اصدقائى فى مكتوب وجيران والحمد لله كثر ومن خارج مصر ايضا فهؤلاء هم من انتخبونى عضو الهيئة الادارية لاتحاد المدونين العرب بالانتخاب المباشر وهذا شرف لى وحبيت انقل التجربه هنا فى مصر
وعند الانتهاء من التاسيس وعد منى لن اخوض اى انتخابات وكل اخوتى يعرفون ذلك لاننا نسعى لاعطاء المثل والقدوه.
وعن الصورة فقد تم رفعها كنت اظن ان ده واجب وليس افلام او نصب فالافلام والنصب تصنع فى القاهرة اما نحن الفلاحين دغرى معندناش افلام ولا مسلسلات و نصب
اسف للاطاله واتمنى ان الاختلاف فى الراى لايفسد للود قضية
فهذه وجهات نظر وكنت اتمنى ان تدعونى لاى اجتماع لنتناقش فيما هو معروض وفكرتى واهدافى لنصل الى ما نصبو اليه جميعا
وليس الهجوم والغلط بدون معرفه ..على العموم انا مش زعلان واكيد سوف ياتى اليوم لتطلبى عضوية الاتحاد وان غدا لناظره قريب ..

appy said...

مصطفى ريان
*********

اهلا بيك وانا كمان سعيده بيك بجد والله وربنا يكرمك يا رب ومعلش الزحمه مكناش متوقعين كل العدد دة





كيكى
*****
تمام يا فندم كله جاهز نورت القسم يا فندم ههههههههههه

appy said...

اميرة الصعيد
***********
محمود ده اخرة معايا مسدس ميه هههههههههه
والله مش عارفهاقوله ايه يا اميرة اكتر من كده الحال بقى صعب موووووووووووت نورتى يا قمر





حماده زيدان
*********

مش تتستر وتتنحنح وانت داخل يا زيدوس علشان بس نغطى الميتين ههههههههههه نورت يا حمادة

appy said...

جنى
****
يا لهوى يعنى بزمتك عاوزة يطبقوا الكانون على كوكبى ده يبىقى ظلم وعنصريه فزيعه ربنا يرحمنا يا رب نورت الكوكب






الفاتح الجعفرى
*************
يا لهوى على الضلمه ليه كده بس انت بتقفلها فى وشى ليه شكلك شارب نسكافيه بلاك زى الواد سوو
نورت يا زميل المعارك

appy said...

تائهه فى ارض الاحلام
***************
ميرسى ليكى ونورتى







.:.-=- ELGaZaLy-=-.:.

*****************
بس يا ريت تنفعنى القوانين يوم ما اروح على مارينا ههههههههههههه ميرسى ليك

appy said...

انونيمس
********
شكرا ليك على المعلومات





ابولمعه 2008
*************

اهلا بيك اول مرة شرفت ونورت الكوكب كله

appy said...

استاذ/حسن
********
الناس اللى حضرتك اتكلمت عنهم دول كانوا من جوه الاتحاد من زمان اسال اساتذ عادل نجم بس واقعدوا اتكلموا مع بعض وهو هيفتكر واذا كان كلام عن الفلوس غلط يبقى خلاص انما انا مش هشترك فى الاتحاد ولا قوانين صحافه طيب ما اروح اشتغل فى اى جريده وخلاص
عموما انا هنا علشان اكتب بحريتى وبكامل ارادتى مش تحت قانون ولا حاجه تانيه وانا مش زعلانه من حضرتك فى حاجه واتمنى انك متزعلش بس اللى كتبته ده هو اللى جوايا وشكرا ليك ونورت
على فكرة ابقى لاحظ ان حضرتك دايما فى تعليقك عندى بتقولى متتكلميش فى السياسه يعنى بتحط من البدايه ايه نكتبه وايه لا على الرغم من انى مش فى الاتحاد ده
بس كنت بفسره على ان حضرتك بتخاف عليا بس انا فهمت بقى الموضوع واللى انتخبوا حضرتك هما حرين مش احنا
نورت يا استاذنا
وعموما بأكد لك يوم ما اطلب الطلب ده هبقى اسيب التدوين هههههههههههههههه خالص لانى مفيش حد واصى عليا ولما علقت هناك علشان اعرفكم بس انى مش بحب حد يعمل حاجه تخصنى من ورايا وده مش اداب الصحافه ولا اللى بتنادوا بيه
وانا مش غلط فى حد ولا بعمل جتماعات
شكرا ليك ونورت

دكتور بهــدوء said...

ويكون التظلم بطلب يقدم بدون رسوم إلى محكمة أمن دولة عليا
مهو فل جدا اهو
م غير رسوم يعني ببلااااااش
اخيرا لقيت حاجه ببلااااش

appy said...

د/بهدوء
*********
هيدفعوك برضه تمن ازعاج سلاطات ههههههههههههههه

رامز عباس said...

الغا ليه ابي


اشكرك واعلمك بان الحفل بالسادسة

مساء بالمركز الثقافي الفرنسي بالقاهرة



وبمنطقة المنيرة وقد تقليت اخر التاكيدات من مخرج ومؤسس الفرقة برساله عبر المحمول


وبالنسبه لسؤالك عن الزيارة فقد رددت بمدونتي