.jfif)
.jpg)
الحزن الوتنى
لسه بيقول كلام محدش فاهمه بس متخيله شكل الناس وانا واحده منهم قاعده ومبرأه عنيها وفاتحه بقى وحطه طبق بوب كورن قدامى وباكل فيه كأنى بتفرج على فيلم رعب رخم ومش فاهمه منه حاجه برضه رغم التركيز
ايمن نور ورجب حميده
لما يختلف الحراميه يبان المسروقات اتنين شراشيح ملهومش لازمه
الاخوان
حسه ان واحد مسك عصايا وقعد يضرب فى العيال فى الشارع بعد ما جمعهم فى مكان واحد كلهم وبعد ما عدمهم العافيه العيال بدأت تجرى زى الفيران فى كل مكان وتتخبط
وعلشان يوقفوا الضرب اللى هما مش قده من الاول بدأوا يتفقوا مع الراجل يضرب حبه ويسيب حبه
ويا حسرتاه على الفيران اللى بتجرى
حزب الوفد
مش عارفه سمعت اسمه فين
الناصرى
هو الحزب ده بيعمل ايه
لقطات تانيه
شوبير
ست شرشوحه شبعه من بعد جوعه
مرتضى
ست بلطجيه مدوره موقف وجنبه مزج لكذا حد
ماتش مصر والجزائر
ملعون ابو الوحده العربيه دا احنا شويه مجانين
وبكده انا ابقى مسكت نفسى شويه عن الشتيمه علشان البوست ده كان هيبقلاى كله شتيمه
كان معكم لواء اركان حرب مصر المأسوفه على شبابها ابى هانم
حكمة الامبراطورة
ما لم تحبه يوما لن تحبه ولا بعد مائه عام
54 اخبط وقول رايك:
ولله عشان ارد هكتب في كل واحد في اللي قلتي عليهم دول موضوع لوحده
بس الحقيقه هاكتفي بحديث الساعه وهو مباراة مصر والجزائر وعاوز اقولك
من امتى اصلا كان فيه وحده عربيه؟
علىا لرغم من اننا الامه الوحيده تقريبا اللي من المفترض انها اسهل أمه للوحده حيث وحدة اللغه والدين والعادات والتقاليد لكن تقريبا هو ماتش واحد زي ده كفيل بتدمير كل شيء
وعلى فكره - ليست الجزائر وحدها
من 3 سنين وقع الأهلي في مجموعه واحده مع الهلال السوداني في بطولة أفريقيا
وكان تعليق الصحافه هناك على وحده وادي النيل الجمله الشهيره "بلا نيل بلا نيله" يعني العمليه مش مع الجزائر بس
وانا بقترح الحقيقه اننا نلغي المقابلات العربيه-العربيه لأنها بتجيب وجع القلب وربما أزمات سياسيه
أما بالنسبة لشوبير ومرتضى - ورجب حميده وايمن نور
اعتقد ان خسارة الكلام عليهم اصلا
مش مصدقة ثراء البلوج بتاعك انا معرفش سنك بس بجد تحياتي على البلوج المفاجاة دة
كلامك ده هو المفيد
حاجة تقرف
تحياتى
بقالى كام بوست مش عارف اعلق
كله سياسه سياسه
عموما انا جاى ارمى السلام
تحيه لاسعه
والله يا لورانس انا ممكن اكتب بوست فى كل واحد ومش خساره فيهم الواحد يعتبرهم زى الزعافه اللى بنشيل بيها العنكبوت
موضوع الجزائر واى بلد بلاش بره شوف لما ماتش للزمالك والاهلى او الاسماعيلى
احنا شعب بيلعب كوره علشان يحرق دمه ويجيله سكته قلبيه شعوب العالم الاجنبى انضف مننا ما انا قولت مصر ماشيه بالبوبو بتاعها محدش صدقنى
ميمو
ميرسى يا فندم ربنا يخليكى وبعدين سنى كده تسييح قدام الناس يعنى ينفع عموما سنى مش صغير ومش كبير ومش مهم اوى هههههههه نورتينىى يا فندم
فوكس
انت عملت زى نفسك كرفت عليك فقرفت مش هترد انا زيك كمان
لاسع افندى
هعملك بوست سلاطات وبابا غنوج ولا تزعل
ما نجلكيش فى أحزاب
حزب إيه الى انته جاى تقول عليه
إنته عارف قبله معنى الحزب ايه
حزب أه طب حزب أوه
حسبنا الله ونعم الوكيل
" إثنان يرتعدان خيفة يقظه النائم ، اللص والحاكم"
سلام
عليا النعمة صح صح, واحنا شعب كويركااات و لامؤخذة, تحيياتى
كويس إنك مشتمتيش
اكتر من كدا
ماهو الأسامى
و المواضيع اللى انتى جايبة سيرتها
تحرق دم أى بنى آدم عنده دم
و عنده عقل بيفكر
فى مصر اللى غلبت الهند
و بقت أم العجايب
و النوايب
على فكرة بقى
وحشتينى قوى
برافو يا آبى
فعلا مفيش حاجة اسمها احزاب كعكة وكله بياخد حتى على قد بوقه
واللى بوقه اكبر يهرسنا اكتر واللى على قده كل ما يتزنق يقلع على عشان ياخدله حتة
مفيش احزاب مفيش اخوان على رأى شيرين
...
نفسك تشتمى اشتمى متخليش فى نفسك حاجة يعنى هيبقى ذل وقهر كمان
...
الخلاص من عنده انا شخصيا بدأت رحلة القرف اللى آخرها محطة اليأس دى بعد محطة الرمل على طول
..........
اجمل تحياتى لعقلك النابه
تسمحيلي أعلق
احسن حاجة يا ابي خديها نصيحة مني بلاش تتفرجي على التلفزيون ولا الجرايد
لمدة ثلاث ايام بتوع المؤتمر الي شغال فيهم
انا احسن حاجة عملتها قفلت التلفزيون و بطلت اشتري جرايد
و مكتفي فقط ب الفيس بوك
تحياتي
احب انا الكلام اللي يجيب مالاخر :)
تحياتي
اتفق معك في بعض النقاط مثل الحزب الوطني وحزب الوفد وشوبير
وهناك نقاط اخري يوجد مالها وماعليها فيؤخذ على مرتضى منصور عصبيته وشتائمه الغير مقبوله ولكني احترم فيه قدرته على الوصول الى حقوقه في هذا البلد الذي عجز كل فرد فيه للوصول الى حقوقه المسلوبة
واختلف تمام الاختلاف بخصوص موقفك من الوحدة العربية يعني قصدي مش شوية همج ورعاع او بلاش لساني يطول احسن ونقول مش هنحكم ع الوحدة العربية من خلال جمهور متعصب للكرة
وسلامي
سيبك انتى.شفتى باه انهاردا الست بتاعة كوم حماده اللى من كوارد الحزب وهى بتتكلم..
شوفتيها وهى بتقول احنا عندنا المستشفيات فيها سيراميك وبلاط..
دا قمة الانجاز مستشفى وفيها سيراميك وبلاط عالم طماعه اللى هو احنا ,هننهب....
ارجع تانى واقولك شوفتى احتفال اكتوبر ومى كساب بتقول ان من انجازات 6 اكتوبر القراءه للجميع ههههههههههههههه..والله فى الاوبريت قالت كده وانا تقوليش وحد زغزغنى واعياااااااااااااااااط من كتر الضحك طبعا...
نطلع من كده بايه عندنا سيراميك وبلاط فى المستشفيات والقراءه للجميع..
معانا بس وتش على راى صبحى:)
هاااااااااااا مش جايه المنصوره ولا ايه؟
هنكرمكوا اخر كرم :)
اتمنى انى اشوفك عندنا ان شاء الله.
تعجبني تشبيهاتك دايما
السلام عليكم
أستاذة أبي كيف حالك
ياأهلا بالمعارك
لاأحد يختلف كثيرا ولا قليلا علي عبث الحزن الوطني وعدم وجود أحزاب في المجتمع الان ولكن طبعا أنت عارفة أنا هنختلف في إيه
في كلامك عن الاخوان
معني كلامك ومثلك اللي ضربتيه أن الاخوان بينسقوا مع النظام عشان يخف عليهم الضرب شوية
طب سؤال إيه اللي ممكن يحصل لو منسقوش بقي؟
أعتقد أن ممكن تشوفيهم معدومين مش كده
للاسف الكلام اللي الناس بتردده كلام بلا أي دليل إذا كانت بعض صحف المعارضة وبعض المعارضين العلمانين بيتحدثوا عن تنسيق بين الاخوان والنظام فلي قول واحد
إذا كان اللي بيتكلم مجنون فاللي بيستمع عاقل
بتسمي إيه حبس 29أخ من صفوة صفوة المجتمع من رجال أعمال وأساتذة جامعة وأطباء ومهندسين علي ذمة قضية عسكرية جائرة رغم أنهم مدنين وبالرفعل أخذوا ثلاث أحكام بالبراءة من التهم المنسوبة لهم وذلك أمام القضاء المدني ولكن ماذا نقول لبلاد يتم فيها خدمة توصيل الاحكام للمنازل
عدد الاخوان المعتقلين يفوق عدد المعارضة في مصر كلها فلوسهم اللي اتصدرت منهم بالملايين
تعرفي أمن الدولة بيعمل إيه لما بيدخل البيت ولا
من سرقة للفلوس والدهب والاشياء القيمة التي قد تكون داخل البيت
أنا مش عارف
وبعدين إيه فيران دي يااستاذة أبي
لما الاخوان يبقوا فيران غيرهم يبقي إيه
حد من اللي دخلوا علقوا وسقفوا علي الكلام ده دخل مرة أمن الدولة ولا اتعملوا استدعاء مثلا يعني حاجة بسيطة خالص
حد منهم طلع عليه بلطجية أمن الدولة بالشوم والسلاح قبل كده واتضرب
ولا حد اعتقل وشركاته اتقفلت واتصدرت أمواله وحرم من وجوده بجوار زوجته وأولاده
أعتقد لا
بس الكلام ده بيحصل ليل نهار مع الاخوان وفين الشعب الابي المحترم وهو بيشوف دكاترة الجامعة والمهندسين والاطباء والعلماء بيعتقلوا وبينكل بيهم بتهم تشرف لاتعيب
كمناصرة الاقصي مثلا ومعارضة نظام الحكم والسعي لاقامة خلافة إسلامية (الفيدرالية الاسلامية)
وقلب النظام الحكم رغم أنهم كانوا بيعدلوه والله لانه مقلوب أساسا
دعينا لانطلق الكلام بلا أدلة ونتحري الدقة في كل مانسمع يعني مثلا الموضوع الاخير بتاع استقالة الاستاذ المرشد ده نقطة إيجابية للاخوان وليست ضدهم فعني هذا الحدث أن الامور لا تتم داخل الهيكل الاخواني إلا بالشوري ولا يتم تمرير القرارت كما يحدث في أي حزب
وليس مطلوب أن يلقي الاخوان بانفسهم للحكومة لان برضه ده نظام دولة له جيش وله شرطة وسلطات دولة
التحرك يكون من الشعب كله بكل طوائفه وأطيافه ضد الفساد والظلم والقهر والتخلف والجهل والخيانة
وعامة لعله خير
أسف علي التطويل وأسف لو في كلام ليا دايق حضرتك
وده لينك عشان حضرتك تعرفي الاخوان فيران فعلا ولا الناس هي اللي مبقتش قادرة تميز الحق من الباطل
http://www.ikhwanonline.com/Section.asp?ID=120
يريت حضرتك تعدي عدد المعتقلين اللي هاتشوفي أسمائهم ووظائفهم ومكانتهم الاجتماعية والثقافية والعلمية
والسلام
ما بلاش مرتضى ما بيصدق حد يقوله بخ يجرى يرفع عليه قضيه
......
اهو دا اللى فالحين فيه العرب انا حاسه ان الجزاير ومصر دلوقتى بقوا اسوا من فلسطين واسرائيل مع بعض لو عملوا استفتاء مصر تحارب اسرائيل ولا تلعب ماتش الجزاير حيقولوا نلعب الماتش والله حاجه فعلا تقرف وتوجع القلب ...
فى وسط مليون مصيبه بنبص للحاجه التافهه وبس
الدين بقى شكليات ... الاخلاق انعدمت ..
اقولك ع الحل اعملى زيى اقفلى التليفزيون وومتقريش اخبار ومترديش على حد اما يكلمك فى موضوع ييموع النفس عارفه ليه يا رحاب عشان احنا بندن فى جزيره وهميه
حزب النبي حارسه وصاينه
معرفش انتم شايفين شوبير كانه اله وانه حاجه عظيمه ليه هو والتاني بتاع الزمالك؟
بجد ثقافه الشعب ده غريبه لما تهتم بموضوع تافه زي ده النظام استغله بذكاء علشان يشغل الناس عن البلاوي التانيه بس الحمد لله جت من عند ربنا والناس فاقت علي كارثه القطار
الاخوان بقوا مهزووزين بعد استقاله عاكف وطايحين في بعض زي الهو هو علي الكرسي بتاع المرشد
اما نور فبيلم تبرعات علشان السفقريه بتاعته لامريكا علشان يعمل لنفسه شو قبل الانتخابات
عالم تييت بجد
ابو كريم
وانا قولت لحد تعالى ايه يا خويا الناس دى
نورت يا ابو كريم
كريم
شعب ايه انت بتجيب الالفاظ دى من فين
فاتيما
انتى اكتر والله
وبعدين طول عمرى مؤدبه مش بشتم بس عموما الاتنين اللى ما يتسموا مرتضى والاهبل التانى مش بيحرقوا دمى بيضحكونى
نور الدين
انت عارف نى مؤدبه يا نور مش بشتم كده وخلاص
وهى دى كحكه وكله بياخد منه بس خلاص صدقنى خلصت
منور يا صديقى
مواطن مصرى
يا لهوى لو انت معلقتش بزمتك مين بيعلق بس
يا ابنى بطل الحساسيه دى شويه
Hager Za3bal
ايوة امال هنفضل نرغى منوره يا جميله
رشا
انتى مفهمتيش انا اقصد اننا مش مهتمين بيها ولا بنعمل بيها وانها مجرد شعارات بالعكس انا زعلنه علشانها
الشعب لابد له من حكومة
ايوة واهم انجازات العصر ده الكبارى والنفاق يا بنتى الناس دى لما دخلت الكهرباء بيتهم طفوها علشان محدش يحسدهم
ان شاء الله هاجى وبعدين المنصورة بلد امى يا قمر
ميشو
اى خدعه يا فيشه
الفاتح الجعفرى
هرد عليك من الاخر مش معنى الفيران وحش المعنى فى انهم كتير ده التشبيه مش ااقصد انهم فيران ده تعبير مجازا انت ماخدتش عربى
ثانيا
انا مقولتش ولا فكرت فى حته انهم بينهم صفقات مع ان ده ميمنعش اللى معلش وانت عارف احترامى ليهم يجيبوا شنط لاطفال غزة ويكتبوا عليها اسم ابن علاء مبارك
يبقى ده اسمه زغزغه للنظام وانا معنديش اعتراض عليه
لما يضحوا بكام واحد من الصغيرين والكبار شويه
يبقى برضه ميزعلوش
بص يا يعقوبى
انا قبلت اسوق عربيه يبقى اتحمل مخاطر الطريق
انا صعبان عليا الوضع
عد انت برضه من خراج الاخوان والناس العاديه اللى محدش يعرف عنهم حاجه معتقلين بس الاخوان مسمعين علشان حاجه واحده انهم عندهم مكتب الميديا جامد
وانت مطولتش ولا حاجه نورت يا صديق المعارك
سومه
لو قفلت التليفزيون هلاقى لجيران بيصوتوا لما يتفرجوا على الماتشات وهما لو بصيتى على بيعملوا ايه فى حياتهم صيع ولا بيشتغلوا يعنى الهم ورايا ورايا
دكتور ليكتر
عجبنى بتاعت ايمن نور كنت مستنيه تقول رايح يعمل عمليه زرع شعر بيلم لها فلوس هههههههههههه
بجد بجد مش عارفة اقول لك ايه ، فعلا وصف دقيق لكل واحد شرشحة وقله أدب ، ربنا ينضفنا منهم كلهم .
متعرفيش مسحوق قوى و أبن حلال يقدر يخلصلنا من القاذورات دى كلها .
السلام عليكم
أولا
أنا منورتش ولا حاجة ده المدونة منورة بصحابها
ثانيا
مين دول اللي كانوا بيجيبوا شنط لاطفال غزة وبيكتبوا عليها اسم ابن علاء مبارك الكلام ده أول مرة اسمعه
وياريت دليل مادي لان كل اللي شغالين في لجنة الاغاثة معتقلين دلوقتي
الدكتور عبدالمنعم أبو الفتوح
أمين عام اتحاد الاطباء العرب
والدكتور أشرف عبدالغفار
والدكتور جمال عبدالسلام
والدكتور أسامة نصر
فين الزغزغة أعتقد أن دي مش زغزغة
ثالثا
الاخوان مبيضحوش بحد من الكبار ولا الصغيرين والكلام ده لاأساس له من الصحة لان أغلب الاخوة الكبار أو قادة الجماعة اعتقلوا ولفترات كبيرة يمكن الوحيد اللي معتقلش في الفترة اللي فاتت هو المرشد بس هو اعتقل قبل كده 23سنة وكان محول لمحكمة عسكرية
واللي يعرف صفقة بين الاخوان والحكومة يتم بمقتاضها التضحية ببعض الاخوة يأتي بنصها أو بدليل عشان أخلي بالي من الناس دي أحسن يضحوا بيا أنا كمان
رابعا
فعلا في عدد معتقلين كثيرين للغاية ونسبة 90%منهم ملهموش دعوة بأي حاجة وفعلا ربنا يكون عونهم وعون البلد كلها وقوة مكتب الاعلامية في الاخوان لايقلل من شانهم ولكني كنت أتحدث عن المعارضة التي شغلت نفسها تارة بمعارضة عمياء للنظام وتارة أخري بمهاجمة الاخوان دون النظر لبعدها الاجتماعي والتفكير في الرقي والتقدم بأدائها
وعامة لعله خير
والسلام
كان على موقع للاخوان من فتره دور عليه
هتلاقيه لجنه الاغاثه الطبيه كنت بعتاها اول المدارس واللى تولى الموضوع الاخوان الخبر كان ف اسلام اون لاين
واستغربت له جدا
موضوع التضحيه
انا للاسف بقى شعار الاخوان اصبر يا اخى وبس
عموما ربنا يهدى يا يعقوبى كله بيخطا وكلنا مش معصومين من الخطا
موضوع استقاله المرشد على فكره ولا تهمنى فى حاجه سواء اتعملت او رجع تانى
الاخوان خلاص اعتقد النظام عرف يبيدهم كويس
خد الكلام ده برضه واعمل عليه سيرش
عبدالحميد الغزالى مستشار مرشد «الإخوان» لـ «المصرى اليوم »:نعم عقدنا صفقة مع الأمن فى انتخابات ٢٠٠٥ .. لكن النظام «نقضها .
هههههههههههههههه
والله شكلك فعلا ماسكه نفسك بالعافيه .... مهزله مع الاسف ....
السياسه لعبه لا يلعبها الا الفاسدين
تحياتي
الحج اللى بيدخل كل شويه باسم مفكر لا لمبه لا علامه لا ابن بطوطه لا ضد الغاز
ارحمنى من الكلام اللى بتقوله ده لان شخصيتك تقريبا انا عارفاها وعارفه جايه منين وفر كلمك المستفذ لمكان تانى اكيد هيرحبوا بيه
ممكن ومتتعبش نفسك وتجيب ليه كلام كوبى وبيست لانى مش هرد ولا هنشر لك
ولما تتكلم متحكش فى الدين الاسلامى ولا فى الحجاب ولا فى اى رمز ديننى لانى مش هنشر اللى بتقوله عندى روح هناك عند اللى زيك
شالوم يا حليوه يا مفكر يا لمبه يا عقل متسطير
فتاه من الصعيد
ادعى بس افضل قفشه كده لسانى بدل ما يفلت
السلام عليكم
وجعت دماغك يااستاذة أنا عارف
أولا
لاقداسة لاشخاصنا ولا لتصرفتنا وأفعالنا ونحن بالفعل بشر نخطئ ونصيب
ثانيا
موضوع لجنة الاغاثة بالفعل القائمين علي هذا المكان قاموا بهذا الفعل وتأكدت من أخ يعمل هناك
وهي حركة مش كويسة تماما كلامك سليم ومش مختلف معاكي
ثالثا
موضوع صفقة انتخابات 2005فدي أنا اعلمهاواعلم تفاصيلها وأعلمها من قبل أن يتحدث فيها الاستاذ عبد الحميد الغزالي
وكانت الصفقة تنص علي أن ينزل الاخوان بعدد معين لايتجاوز ال150مرشح مع عدم النزول في بعض الدوائر
واللي قام بالصفقة دي الاستاذ خيرت الشاطر وكان الهدف هو تقييم لو عارضنا الموضوع ده هانخسر كل المقاعد اللي نازلين عليها وممكن ندخل بالعدد اللي كان محدد مسبقا وهو أكتر بس وقتها هانخسر كل المقاعد
وخالف الاستاذ خيرت في الموضوع بعض أخوانا في مكتب الارشاد كالدكتور محمود غزلان مثلا
وده تم لان الاخوان الان في مرحلة المشاركة لاالمغالبة ومايميز الاخوان أنهم ليسوا عشوائيين هما ماشين بمراحل مدروسة جيدا وكل مرحلة وليها ظروفها
رابعا
أقولك أنا مشكلة الاخوان اللي أغلب الناس مش قادرة تفهمها
الاخوان بيحاولوا بقدر الامكان المحافظة علي هيكلهم التنظيمي ونتج عن ذلك بعدهم في كثير من الاوقات عن الصدام المباشر مع النظام وسكونهم في بعض الاوقات ولكن هذا علي طريقة حشد الحشود يعني ليه أدخل معركة هاتخسرني كتير في مقابل أني استحمل شوية ضرب واضرب برضه ولكن لاأضحي بكل رجالي مرة واحدة
وقد يبالغ في الخوف زيادة عن اللزوم
وهي دي أم المشاكل اللي أحنا عايشنها
ومشكلة أخري
مشكلة التجديد
في الوسائل وفي القواعد الحاكمة للهيكل
وآسف علي وجع الدماغ
وكل سنة وحضرتك طيبة
والسلام
يعقوبى
انت عارف انى حياديه جدا فى تفكيرى وعمرى ما بتجنى على حد انا عارفه ومتاكده ان كلامى كان صح مش غلط وانت متابعنى من زمان وعارف ده الحمد لله
عموما انا فعلا صعبان عليا حال البلد بكل ما فيها وبكل التخبطات اللى بتحصل فيها
استاذ فاتح بعد اذن الاستاذة ابي
الاخوان متعاونين مع الحزب الوطني و لهم
صفقات و المرشد اعلنها في حوارة الاخير
اذا كانت الاخوان لا تهتم بامور المصرين
لية قاعدين في البلد ما تسافر كلكم
تروحو سوريا او تقعدو في ايران
الاخواه هم الحزب الوطني
الفارق الحزب الوطني موظف العسكر
في خدمة الحزب اما الاخوانجية فابيوظفو
الدين لصالح الجماعة
و الحكومة بتستخدم الاخوان لضرب
المعارضة الوطنية الشرفية
مش عاوزين الاخوان و مش عاوزين حماس
أستاذة أبي
بعد إذنك أرد فقط علي الاستاذ مواطن مصري
أستاذي العزيز
من قال لك أن الاخوان لايهتموا بمصر و لا بأهل مصر الاخوان ضحوا كثيرا من أجل هذه البلد وبذلوا من أجلها الكثير والكثير من مقاومة للانجليز في فترات وجودهم في مصر إلي دورهم في قيام الثورة إلي مقاومتهم للفساد الان إلي عمل دور استراتيجي لمصر إقليميا لان الاخوان كان لهم بعد إقليمي بسبب أنهم جماعة تمتد لاكثر من 80 دولة حول العالم لمقاومة الفساد والقرف بتاع الحزن الوطني ولكن للاسف هم ليسوا أغلبية في المجلس الان لكي يغيروا أي من القوانين الجائرة التي فرضت علي الشعب من قطع أرزاق إلي اعتقالات إلي محاكمات عسكرية ومش حقك ولا من حق أي شخص أن يقول لهم روحوا أقعدوا في بلد تاني أو يتهمهم في وطنيتهم
ثانيا
أنا عايز اوضح لك الفارق بين الاخوان وأي تيار معارض أخر
الاخوان تيار منظم للغاية ومش مجموعة هليهلية مش عارفين هما رايحين فين
يعني مثلا
لنا خطة عامة للجماعة وهناك خطة سنوية ولنا أكثر من نشاط سواء كان دعوي أو سياسي أو اجتماعي
وكل جزء منهم له محاوره التي يتعامل من خلالها
أما المعارضة فخد عندك من عشوائية لعمالة لصالح الحكومة لشوية مخبرين أمن دولة وفيهم بالتأكيد شرفاء لاخلاف عليهم وهم شخصيات عامة تحمل أفكار وتعارض النظام وهم يعرفون قدر الاخوان جيدا علي الرغم من خلافهم الفكري الصعب مع الاخوان
ثالثا
يااستاذي الصفقات اللي بتتكلم عليها كانت للحفاظ علي أفراد الجماعة
يعني مثلا أنا كنت في الجامعة كان بعض الاوقات بنسق مع الامن موضوع المسيرات يعني أروح لحرس الجامعة مش أمن الدولة و
فهموا ان في مسيرة ليا في مقابل أنه لايعتقل أخوة لي في الجامعة أنا هدفي من المسيرة توصيل شئ ما للطلبة أو أحياء قضية معينة أو طرح قضية معينة ممكن أعمل اللي أنا عاوزه دون الدخول في صدام مع الامن
يعني هو بيبقي واخد أحتياطاته وأنا بنفذ اللي أنا عاوزه بس ده كل اللي بيحصل وبعض الاوقات بيحصل خلاف فبنفذ اللي أنا عاوزه برضه بس بالتاكيد ممكن بيحصل مشاكل
زي استدعاءت مثلا زي مجالس التأديب وحرمان من دخول مواد لاعتقالات في بعض الاوقات وحالات الخطف اللي بتحصل في الجامعة لتدخيل البلطجية داخل الجامعة كل ده كان بيحصل معانا
وموضوع التنسيق ده كان بيتم في أضيق الحدود مش عمال علي بطال
يعني يوم التعديلات الدستورية حرس الجامعة أبلغنا أن أمن الدولة مبلغه أن لو حد عمل مسيرة برة الجامعة زي كل مرة بعض الاخوة الطلبة بتاعة الازهر هاتحول لمحاكمات عسكرية فتخيل التهديد وفي مرة برضه حصل موقف مشابه كان في اعتصام في الجامعة وبعض الاخوة طلعت بره الجامعة وكانوا حوالي 60أخ وكان حواليهم أمن مركزي فعلا يخض ومدير الامن جه وقتها ودكاترة من حركة9مارس وكانت عربيات الامن المركزي تجاوزت ال40عربية يعني جيش صغير ووقتها الاخ اللي كان بيتفاوض مع الامن بمنتهي البساطة قالوا له الناس اللي برة دي مش هاتشوفهم تاني لاخر السنة وشم هايدخلوا امتحانات السنة دي
نعمل إيه في رأيك نمشي ولا نقعد
فاللي عايز أوصله التنسيق بيتم للحفاظ علي كوادر الجماعة وفي كثير من الاوقات لايحدث هذا التنسيق وبيحدث صدام أي نعم الجماعة بتتبهدل بس ربنا بيسترها
من الاخر يعني التنسيق يكون بغرض الحفاظ علي هيكل الجماعة لاني مينفعش أقف ضد النظام ليل نهار أفرادي هايجهدوا وبمنتهي البساطة ممكن الامن يدمر لك اللي قعدت سنين تبني فيه
ثالثا
إيه الاخوان زي الحزب الوطني كلام غير منطقي وغير واقعي بالمرة والكلام ده اللي وصل المعارضة بتاعتنا لمرحلة صعبة من الفشل والهوجائية فبيدخلوا في مواجهات عشوائية مع النظام ومع الاخوان
ودعنا نعترف لهما قد النظام ولا قد الاخوان برضه
يعني النظام هايسحقهم أمنيا ولما بيدخولا في مواجهة مع الاخوان بيسحقوهم فكريا والايام أثبتت ده
يعني مثلا المعارضة المصرية من أولها لاخرها لم تتحمل ضربات الانظمة المتتالية لها
يعني الوفد انتهي بانتهاء عصر الملك ولم يتحمل ضربات النظام الناصري له
فنشط التيار اليساري علي حساب التيار الاسلامي اللي كان كله بكامله في المعتقلات وقتها وعلي حساب التيار اللبيرالي اللي أنتهي تواجده بانتهاء الملكية
جاء السادات
ولعت الدنيا وقتها طلع التيار الاسلامي من المعتقلات عشان ياكلوا اليساريين وبالفعل العلمانية هزمت ي تلك الفترة هزائم منكرة ويشهد علي ذلك أروقة الجامعات والنقابات ودار الحكمة في نقابة الاطباء ودحر أصحاب الفكر العلماني (المعارضة الشريفة كما يحلو لك تسميتها)وهو ده اللي بيحصل دلوقتي المعارضة عايزة تعلق فشلها علي أي شماعة فمرة يقول لك النظام تأمر مع الاخوان علينا ومرة يقولوا القمع الامني ومرة يقولوا الظروف المحيطة وكلام فارغ
ولكن الحقيقة أن الاخوان هما بس اللي شغالين مع الناس تحت في المجتمع ومش ذنبي أن أنصار المعارضة نايمين في بيوتهم مش عايزين يتعبوا نفسهم ويفهموا ان الحل يكون مع الناس العامة فايقاظ الايجابية داخلهم مش في معارضة النظام فقط
رابعا
موضوع الدين أنا قرأت البوست اللي كاتبه بتاع تهامي باشا
وكلامك برضه مش منطقي
انت المفروض أنك راجل مثقف والمفروض أنك فاهم أن الاسلام أكبر من يجمع في هيئة أو جماعة أو مؤسسة واحدة
فتجد الكثير من المذاهب وهم للعلم ليسوا أربعة فقط لو قرأت في الفقه الاسلامي فتتعدد الاراء الفقهية ومش ذنبي أن أغلب المعارضة المصرية معارضة علمانية مشكلتها ليست مع الاخوان ولكن مع الدين هما عايزين دين تفصيل علي المقاس دين بتاع جامع مش بتاع سياسة دين أشغله وقت ما أنا عايز واقول أني بحبه ومؤمن بيه ولكن لااطبق تشريعاته والتي تملئ الكتب من ألف وربعمائة عام إلي يومنا هذا الكتب والتشريعات دي كلها نعمل فيها إيه نرميها في الزبالة مثلا
ياجميل الاسلام ليس كالمسيحية الظروف التي ظهرت فيها فكرة قمع الدين كانت في عهد دولة كنسية تدخل الناس الجنة وتخرجهم منها اما هذا فليس في الاسلام فلا كهنوت وعصمة لاحد بعد الرسول صلي الله عليه وسلم
ومشكلة المعارضة الشريفة اللي أنت بتتكلم عليها أنها بتلعب في ثوابت الدين وعايزة تدخل أراء ماركس وإنجلز
ومبادئ الثورة الفرنسية واليبرالية في الاسلام فان وجدت مايوافق أرائها في الاسلام فبها ونعم وإن لم تجد فلا بأس من اللعب في الدين نفسه أو التخلي عنه كليا كما يهوي بعض فعل ذلك
ولكن الحمد لله الكثير من المخلصين لهذا الدين يقفون لامثال هؤلاء بالمرصاد فيردعوهم فكريا ويردوا عليهم بالحجة ولما تلاقي المعارضة الشريفة (كما يحلو لك تسميتها)نفسها اتزنقت يقعدوا يصوتوا ويولوا ويقولوا القمع الفكري والديني والثقافي رغم أنهم هما أبو القمع كله لان أي حد بيخالفهم يسموه ظلامي ورجعي وهما التقدميين بقوا عملين زي المجانين اللي مستشفي العباسية اللي أصبحت لديهم قناعة أن هما العاقلين فعشان كده هما حبسوهم جوة المستشفي عشان ميتعدوش من المجانين اللي برة
خامسا
لاقدسية للاخوان وهما بشر لهم مالهم وعليهم كأي بشر وليسوا حجة علي الدين ولكن الدين حجة علي مسلم ومسلمة عاقل بالغ
وبالتأكيد لهم اخطاء وأنا بعترض علي كثير من تصرفات أخواني ولكني لم أري أفضل منهم وهم بالفعل أفضل من علي الساحة يقينا وواقعا لاينكره إلا شخص غير منصف من حيث الاداء والتنظيم والتخطيط والتكتل
واجمل مايميزهم انهم جسد واحد تجمعهم عقيدة وهيكل قوي قابل للصدمات
أه وبالنسبة لانك مش عايز الاخوان ولا حماس فد حقك وده صدقني مش هيأثر كتير ولاقليل لاننا ماضيين في طريقنا وده حقك الدستوري والفكري أنك تختار أي تيار أو حزب تري انه يصلح لادارة أمور دولتك
ولا تجعل حماس مبرر لك في التقاعس عن أداء دورك اتجاه فلسطين التي هي قضية كل مسلم وعربي باختلاف توجهاتهم وأديناهم
وأسف يااستاذة أبي ويااستاذ مواطن مصري علي التطويل
ولا تجعل الخلاف في الرأي يفسد للود قضية
تحياتي
والسلام
ابى هانم
معاك حق يا ابى فى كل الى كتبتيه
تحسي ان المصريين اتقسمو اتنين اتنين
واحد ماسك شومه وواحد ماسك مطوة
بس على فكرة انا مش زعلان من كدا
دى فوضي خلاقه بتبين كل شخص على حقيقته
تحيااااتى
ميججوووووو
فاتح نحن لسنا في ايران
يا تعلنو حزب سياسي بعيد عن الدين
يا تبعدو عن السياسة و اشتغلة جماعة دعوية فقط
أحذر من الغرور و أحذر من تقديش الاشخاص
السلام عليكم
أستاذ مواطن مصري
نحن بالفعل لسنا في إيران
إيران دولة مذهبية وليست دينية
يعني عندنا في الدستور المصري الشريعة الاسلاميةهي المصدر الرئيسي للتشريع أما في إيران فالمذهب الاثنا عشري هو المذهب الحاكم والسائد للدولة
نحن ننظر للدين بشكل شمولي
ننظر للاسلام كسياسة وكاقتصاد وكعقيدة وفكر ودولة وكاجتماع ...إلخ
والكثير من المفكرين الاسلاميين تحدثوا وكتبوا عن هذه الامور وتمتلئ المكتبات بتحليلاتهم للاسلام كدولة شمولية وليست دولة دينية يحكم فيها رجال الدين كما هو في أوربا في العصور الوسطي ولكن دولة مدنية مرجعيتها التشريعية هو الدين الاسلامي
وياريت يوافقوا علي الحزب من بقك لباب السما بس اطمن النظام مش سامح بكده أساسا ولن يسمح
أما عن نصيحتك لي فجزاك الله عني خيرا
وٍساعمل بها وأحاول تجنب الغرور
أما تقديس الاشخاص فليس عندنا تقديس أشخاص ولكننا جسد واحد ندفع عن بعضنا البعض وإن كنت ارفض الكثير من تصرفات بعض الاخوة
وعامة لعله خير
والسلام
تعرفي يا آبي مصر مفيهاش غير حزب واحد هو اللي شايف شغله ومحدش بيتكلم عنه هو حزب المختلين عقليا اللي مابنفتكرهوش غير لما مصيبة تحصل يقولك المسئول عن الحادث مختل عقليا وتم تحويله لمستشفى الأمراض العقليه لتعليقه من رجليه وأخذ أقواله
تحياتي
ما لم تحبه يوما لن تحبه ولا بعد مائه عام
صح يا ابي
وحشتيني حبيبتي
لو سمعتى من يقول دوله راسماليه بس على المبادىء الشيوعيه حتقولى عليه ايه غير انه يااما مختل عقليا او نصاب يردد كلام بغرض الضحك على عقول السذج والجهله هذا بالظبط مايقوله الأخوان دوله مدنيه على اساس دينى او كما يقولون ذات مرجعيه دينيه
واى متوسط ذكاء يسال ومن سيتاكد ويحدد اذا كان التشريع يتفق مع المرجعيه والا لا يتفق مش رجال دين؟ ده اذا فرضنا انهم سيتفقون رغم ان النصوص وحتى القرأن الكريم حمال اوجه كما قال على بن ابى طالب يوم استحدم التفسير الدينى
ووظف لأغراض دنيويه صراعيه
وما هو الضمان الا يتم طلبنة المجتمع من طالبان فهم يعتقدون انهم يعتمدون على مرجعيه ديتيه
وماذا عن المستجدات فى هذا العصر عن حرية الصحافه مثلا
ومئات المستجدات التى لم تكن موجوده ولا يعتد باجتهادات افراد لا يتفقون فهل سنرى صراعا بين الفرق كل يعتقد ان تفسيره للنصوص هو الأصح كما فى ايران
الدوله اما ان تكون مدنيه او دينيه تستند على تفسيرات مبادىء الدين ولا يمكن الجمع بينهما الا فى خيال مريض او مراوغ او انتهازى
السلام عليكم
أستاذة أبي أسف جداااا
بس لي رد علي الاستاذ بتاع الشعارات الجوفاء
معذرة في البداية أنت لست عندك الشجاعة الكافية لاظهار هويتك ولست إلا مجرد شخص يكتب من خلف الشاشات
وأنا اعلم أن تعليقك لي لان هذا منطقي
وكلامك بسيط للغاية ومردود عليه
يكفي أنك تحس بالخجل من كلامك فتظهر بشخص مجهول
والسلام
هو مين بالظبط اللى مأسوف على شبابها !؟
انا طول عمرى مش مقتنع اساسا بموضوع الاحزاب ده !
ايوه ليه لازم الناس تتحزب اصلا ؟؟؟
يعنى ليه بنفترض افتراض مبدئى ان الناس لازم يكونوا مختلفين بشكل متنافر وانهم سياسيا لابد يتحزبوا .... يعنى ليه يبقى المبدأ تعدد الاحزاب ده؟
فى حين ان الحقيقه ان المصريين - اغلبهم - متفقين سياسيا ! على الاقل فى الخطوط العريضه ،،، اما الأقليه السياسيه زى بتوع الاشتراكيه وغيرهم فوضعهم فى حزب وانك تأمل منهم مشاركه سياسيه ومنافسه انتخابيه فده عبث لان ملهمش جذور ولا انتشار كبير فى الشعب المصرى ...رأيى نلغى الاحزاب
ممكن البعض يفتكر ده رده للوراء
بس انا شايف ان ده هو الانسب لمصر
مش اى ديموقراطيه نستوردها من الخارج معبأه ونستعملها هنا فى مصر .. حتى ولو كانت لا تصلح مع طبيعتنا
تحياتى
شوبير ست شرشوحه شبعه من بعد جوعه
اففففففففففففففف
الراجل ده عايز مننا ايه مش كفاية القرف اللي احنا فيه
فاضل نفتح الحنفية ينزلنا منها شوبير بالكلور
ابتديت اشك انه من علامات الساعة الكبرى
اوجزتي احزان مصر واحزابها
تحياتي
صباح الفل جميعا
يعقوبى
انت لك مطلق الحريه انك ترد على اى حد بالطريقه اللى تريحك انا عاوزه لما حد ينتقد حد يبقى عنده دليل مبيقولش كلام فى الهوا
البيت بيتك يا يعقوبى
انسان وبس
وحشتنا والله يا محمود ايه الغيبه دى وبلاش ادينى عقلك اصل ده اللى فاضل ليه
المجنون اللى بيدخل بمطلع ومتنازل يا ابنى مش هنشر لك العته اللى بتجيبه احترم نفسك بقى
باقى الناس
اهلا بيكم وبتعلقايتكم هرد عليكم جميعا لاحقا اختكم محتاسه فى حاجات ربنا يعديها على خير
دارسو السياسه من ايام ارسطو الى اليوم يستمدون افكارهم من الواقع السباسى ولا يستسلمون لشطحات الفكر وهم جلوس على الكرسى
واذا نظرنا الى التجارب الحيه حولنا قديما وحديثا
نجد ان مصر بخلاف مايروج اصخاب المصلحه حكمت بالشريعه منذ الفتح العربى وحتى محمد على وبداية الدوله المدنيه ولم يمنع ذلك من ابشع الوان الظلم والأستبداد والتخلف الذى وصل ذروته ايام المماليك والمماليك فى ظل الدوله العثمانيه
والنماذج الوحيده الجديثه امامنا هى نظام النميرى وصدام فى أخر ايامهم عندما اضافوا نكهه دينيه الى حكمهم الأستبدادى فقطعوا ايادى بعض السارقين
وكذلك حماس فى غزه التى تجاهد لتغطية التسوان والتاكد من عدم اختلاط الجنسين الغرباء حتى فى البيوت
او طالبان التى منعت النساء من الخروج من البيت ولديهم الفتاوى والتفسيرات
نسال اخيرا ماهو نموذج الدوله الأسلاميه الذى نختذيه سواء قديما او حديثا
ونود ان نتعلم ان نناقش الأفكار لا ان نهاجم الأشخاص افلاسا ودورانا حول الحقيقه الواضحه
السلام عليكم
إلي صاحب الشعارات الجوفاء
برضه أحس أن الخجل مما تؤمن به يجتاح جوانبك لذا تخفي هيئتك
وصاحبة هذه المدونة تعلم أني لاأمل من كثرة الرد علي المرجفين والمشككين ولو هناك شئ خطأ أتراجع عنه
لذا أرجو أن تكون تحوي بعض الشجاعة لكي تعلن عن نفسك لان صدقني أنتم أصبحتم نوع نادر وقلما ما أقابل أمثالكم في الشارع المصري
ومتخفش أنا مش متطرف طالما أنك بتناقشني بأدب ومنطق سأرد عليك حتي النهاية
والسلام
اعتقد انه اتضح الآن من يجب ان يخجل من نفسه
من كن الكلمات العدوانيه والأخطاء اللعويه وركاكة الأسلوب والجهل حتى بابسط قواعد اللغه
ففى اسطر قليله يستخدم من يصف نفسه بانه غير متطرف المرجفين والمشككين ولا يقابل امثالنا فماذا لو كان متطرفا ولا فرق فهذه اول خطوه لحمل السنج والمطاوى والجنازير والرشاشات لخصد ارواح الأبرياء او ذبخهم امام كاميرات الأنترنت بتلذذ وخشى كما شاهد العالم رائدهم المجاهد الزرقاوىولا يزال ندائى قائما متى نتعلم ان نبتعد عن شخصنة القضايا ونرد على الفكر بالفكر وليس بعذا الشكل الغير متخضر
ولا اعرف ماذا يهم لو عرف اننى اقيم فى القاهره ولدى بوتاجاز اربع عيون مثلا
ولكنه التحجج والفلاس والتاسى بدجال الموالد الذى كان يبيع شربة الحاج محمود لعلاج حميع الأمراض
فهم لديهم ايضا علاج حميع مشاكل العالم
وتضيع القضيه الأساسيه بالمهاترات ومسكين هذا الشعب الذى من فرط تحمله خلط بين الدين وهو راسخ فى نفوسهم وبين الدجالين والمتاجرين به وليست مهزلة توظيف الأموال بتربية الذقون والتممته بالشعارات الدينيه ولبس الجلاليب البيضاء والأستعانه بالشيوخ المرتوقه ببعيده فقد فقد العشرات كد السنين بل فقد بعضهم حياته من هول الصدمه ويعيش النصابون اليوم فى بلاد الكفره عيشة الملوك بعد ان حلقوا ذقونهم وارتدوا الجينز باموال اليتامى والأرامل
لذلك انا اعلن عن تأسيس تنظيم سياسي ثوري نوري قومي وطني جديد
و هو
الجبهه الشعبيه لتحرير شبرا
عاش نضال سواقين الميكروباصات
الله....الوطن....قهوة لكلوك
السلام عليكم
ياسيدي ياصاحب العبارات الجوفاء
لابأس حاول ان تكون شجاعا وعرف عن نفسك حتي أعرف من أحدث
وعامة ربنا يسامحك
وجميلة شربة الحاج محمود
دا أنا اسمي محمود
لكن لاأعرف عمل الشربة بس لوة بعرف كنت عملت شربة عشان الشجاعة وكنت رشيت شوية علي المدونة عشان الشعارات الجوفاء تجمد شوية
ومش عارف ليه أنت مكسوف تقول مين أنت يمكن أكون قابلتك قبل كده أصل الكلام اللي أنت بتقوله ناس كتير قالوه برضه وفي النهاية ذهبوا يجروا أذيال الخيبة
وعامة انا مش هرد تاني إلا لما تكون تجاوزت أزمة التعريف عن نفسك لانه لايصح أن أناقش شخص يبدو لي كالخجلان من نفسه
وسلاما
Post a Comment