خلص المولد


خلاص خلص المولد وانفضت حلقات الذكر وراحت العروسه الحلاوة
استفدنا ايه بقى

قد ايه عندنا ناس بتحب التسخين
قد ايه عندنا رد فعل أوفر فى كل حاجه فى حياتنا تكون تافهه مش حاجه قويه
قد ايه عندنا فراغ فى العقل علشان منعرفش نتحكم فى تصرفاتنا ونصدر مشاعرنا
قد ايه الغرور وحش اوى
متفرحش اوى علشان متتقهرش اوى لان ربنا لما بيعوز حاجه ولا انت ولا غيرك هتعرف توصلها طالما هو مش عاوزها مهما عملت
مفيش حاجه اسمها وحده عربيه دى خدعه كبيرة وحلم كان مع عبد الناصر ومات معاه وهو تقريبا كان بيحلم كتير الله يرحمه
السادات كان اكتر واقعيه فى التعامل مع الوحده العربيه
مش عارفه ليه مصممين نعمل جامعه دول عربيه لو علشان اللهجه بتوع الخليج والجزائر وليبيا وتونس والمغرب بيفهموا بعض عننا
بمعنى انا لو مسافرتش بره صعب افهم اللغه بتاعت الناس دى
هما بيفهموا بعض كويس
طيب ليه منعملش وحده فريقيه حتى دول افريقيا غلابه زينا كده وعندهم قرود زى بتوع الحزن الوتنى وانا عن نفسى بحب القرود
ايه المشكله يعنى
انا مصريه مش عرب ومش عاوزه حد يقولى المصريين عرب لا احنا مش عرب لو عرب كنا فهمنا بعض على الاقل
على فكره مش الشعوب بس اللى بتكرهه بعض احنا بنكرهه بعض وعندنا عدوانيه ودمويه فى الكلام ملهاش حل اتفرجوا على خناقه اتنين مع بعض وانتم تعرفوا على اى حاجه
بس انا خلصت اللى عندى

ملحوظه : انا بتفرج على الماتشات بس انا معنديش اوفر فى التصرفات ولا المشاعر علشان بس محدش يستغرب وابص الاقى حد متهمنى بأنى تبع اسرائيل ولا حاجه بما انها الشماعه الخايبه اللى بنعلق عليها دايما فشلنا


كان معكم ابى هانم بتنجانى لواء اركان حرب مدرعات عالم سمسم


حكمه الامبراطورة

لا تعايرنى ولا اعايرك ده الهم مغطينى وطايلك

42 اخبط وقول رايك:

وومن said...

أيوة المولد أتفض ولكراسي اتلمت وكله حاسب علي المشاريب

بس ياتري الصعود للمونديال كان يستاهل كل اللي حصل دة

انا كنت خلاص قربت احس ان الحرب هاتعلن قريب

وياريت الموضوع خلص علي كدة لاء ولسة فيه اشتباكات وخناقات وضحايا

ده ماتش كووووووووره والكورة مكسب وخسارة

Sherif said...

ماعلش .. هارد لاك

غلطنا ف اننا اختزلنا أمة بحجم مصر فى كرة القدم .. ارجع واقول ماحدش يلوم حد .. لأننا كمصريين لم يترك لنا شئ نشعر فيه بانجاز على نحو ما غير الكرة

الاجمل دائما .. وهذا مايجعل بلدنا اخف دم فى الدنيا .. اننا ماشيين موالدى وكل حاجة عندنا بالصلاة عالنبى ودعاء الوالدين

مع إن نظرة بسيطة اقتصادية وبزنسية بتقول اننا لو كنا ركزنا واشتغلنا بجد أيام صفر المونديال .. كنا فى تلات اسابيع حصلنا على عشرة اضعاف ما تأتى به السياحة بالورقة والقلم فى عشر سنين .. فنادق فول بورد .. ومشجعو العالم عندك لانهم حاجزين تذاكر قبلها بسنة وبالشئ الفلانى .. ده غير الصحافة والاعلام الدولى والفضائيات والشهرة والدنيا هاتكسب فى تلات اسابيع اللى ماكسبتوش ولا كانت تحلم بيه

وفوق كل ده وده .. وده الأهم كنت هاتخش المونديال بدون تصفية لأنك الدولة المضيفة .. من غير حسبة برما ولاحد يتعور ولا يحزنون

بالذمة مش كان احسن؟

Appy said...

ولا الصعود ولا الهبوط يا ميرا ولا حاجه دا كل ده فضى يا بنتى زى اللعب اللى بنلعبها على الفيس بوك كده









شريف
=====

يمكن مبيعرفوش يحسبوا يا شريف يمكن معندهومش ملكه التجارة ولا التعب يمكن عندهم اكتر ملكة الضرب واللعب اعتقد اننا احسن فيها بكتير
كان الصفر فعلا حاجه مشرفه جدا لينا طيب يبحبحوا ايدهم ويدونا صفرين
كانوا فاكرين هيضحكوا على الناس بالكام يافطه الهطله دى
ايييييييييه دنيا يا شريف

مـحـمـد مـفـيـد said...

كلامك بجد في الصميم
احييك بجد يا رحاب

فتاه من الصعيد said...

ايه ده هو عدم الفرجه ع الماتش قله وطنيه

ده انا كده ابقا عميله للموساد :D

انا موش شفت في الماتشين غير الشوط الاول من ماتش امبارح

وعلى فكره ده لاني عندي مشاكل تشغل العفريت

وعلشان كده برضه شايفه زيك ان ده فضى بجد

ده انا مابفوتش ماتش للاهلي ولا اي فريق .... بس الايام اللي فاتت عرفتني ان ده كان من روقان بالي

ادعيلي بالي يرجع رايق تاني وانا اولعها في الماتشات :)

تحياتي

Appy said...

محمد مفيد



الله يكرمك يا ابو العبدين اول مره متتهمنيش بالتطرف او الحده فى كلامى دا انا افرق بمب على كده







فتاه من الصعيد


يوووووووا بره يسحبوا الجنسيه منك
ربنا يروق بالك يا حبيبتى يا رب وتولعى فى الدنيا كلها مش الماتش بس

لاسع افندى said...

اولا احنا مصريين مش عرب
نختلف عنهم
فى العادات والتقاليد
فى الزوق
فى الاكل
فى الاغانى
فى الموسيقى
حتى اللغه



وتحيا جمهورية مصر المصريه

تحيه لاسعه للمصريين بس

Soma said...

ازيك يا روبي
رايك واقعي جدا والله ماكنت هتفرق كتير مين يدخل المونديال عشان الفرقتين خارجين مت اول ماتش طبعا

بس هوا هبل علي اتجاه سياسي بيلهي الناس ويضحك عليهم

كله محصل بعضه

Anonymous said...

فهم محتلف
اختيار اللاعبين.. لا يتم علي أساس القربي والصداقة والتوصية.. والقدرة الفائقة علي الانحناء والنفاق.. وضعف الإدراك.

نحن في حاجة لنقل ثقافة كرة القدم.. لكل مرافقنا السياسية والاجتماعية.. وأن تسود بيننا روح الفريق.. والتمريرات التي تحقق الأهداف.. ولا يسعي الطرف الذي تقع بين أقدامه الكرة.. لاحتكارها.. إلي أبد الآبدين.. ومحاولة تمريرها لابنه أو أقرب معاونيه.

نحن في حاجة إلي الشفافية.. وإلي تكوين رأي عام.. يتحمس للعمل السياسي.. كما يتحمس للنشاط الكروي.. فقد طالعتنا الصحف بأنباء سعي عشرات الآلاف من المواطنين للحصول علي التذاكر التي تسمح لهم بمشاهدة مباراة مصر والجزائر.. ورأينا الطوابير التي امتدت أمام الأندية الكبري للحصول علي تذاكر المباراة التي كانت تباع في السوق السوداء.. في الوقت الذي لا تحمل هذه الجماهير الغفيرة.. البطاقات الانتخابية التي تسمح لها بالاشتراك في الانتخابات العامة.

Anonymous said...

فهم مختلف
2
والسبب هو عدم ثقة هذه الجماهير في الانتخابات التي تسودها شبهات التزوير والتربيطات.. وبالتالي اختفت مظاهر المشاركة الجماهيرية في العمل السياسي.. ودخلت محلها مشاركات شعبية هائلة في متابعات كرة القدم.

وإذا تأملنا نسبة المشاركة في الانتخابات العامة خلال السنوات الماضية.. نجد أنها في هبوط مستمر.. وفقا للبيانات الرسمية.. في الوقت الذي تضاعفت فيه أعداد عشاق الكرة المستديرة

أم بتول said...

عارفة أنا ما حزنت لأنهم خسروا .... أستنوا استنوا أوعوا حد يتهمنى بأنى مش مصرية ولا و طنية ، بالعكس أنا بحب البلد دى قوى علشان كدة فرحت لأنهم اولا لو كسبوا كانوا أكيد ها يكون فى بينهم قتيل واحد على الأقل ، ثانيا لو كسبوا بردوا كانوا ها يطلوعوا بيهم السما و يزاحموا نجوم السما ، و ها يكبر الى عملوه لحد ما يوازى نصر أكتوبر مثلا و يمكن أكثر كمان ، مع انها كورة يعنى لعب ، مش بقلل منها بردوا لكن الى اقصدة أنها ما تستاهل كل الى أحنا عاملينه دة ، ليه حياتنا كلها تكون كورة و انجازاتنا و نجحنا و فشلنا بردوا يقاس بالكورة ، ليه البلد مش توجه شوية اهتمام من أهتمامها بالكورة لحاجة تانى أهم و أفيد للبلد زى منظومة التعليم البايظ ن البحث العلمى و الأبتكار ن كام واحد من شبابنا ابتكر أشياء مفيدة و هامة جدا ، لكن ولا حد عبره وقاله يابنى كتر خير و احنا ها نتبنى أختراعك .
عموما فعلا زى ما قلتى خلص المولد و الحمد لله أنه خلص

Anonymous said...

فهم مختلف3
ن الرأي العام في مصر.. انشغل منذ أسابيع بتشكيل أعضاء المنتخب الوطني.. وسمعنا عن تفاصيل المشاورات التي أجراها حسن شحاتة.. وعن دور كل لاعب.. وعرفنا أنه لا يسند الأدوار في الملعب إلا بعد التشاور مع اللاعبين.. ولا يمكن الاستعداد للمباريات بدون جلسات حافلة بالمناقشات والمشاورات في إطار بين الحرية وسعة الصدر.. الأمر الذي لا نسمع عنه عند إجراء المقابلات الوزارية التي يسودها التعتيم.. ولا يعرف اللاعب دوره في الفريق الوزاري إلا من التسريبات التي تنشرها الصحف التي تشوش.. عادة.. علي الإنجازات.

لم نسمع في عالم كرة القدم.. أن حسن شحاتة وحده.. هو الذي يعرف التشكيل الكروي.

لم نسمع أن حسن شحاتة يحتكر الحكمة.. ولا يمررها لغيره.

ومن هنا اكتسب حسن شحاتة شعبيته بين الجماهير الغفيرة.. التي يسعدها بالفوز.. ورفع اسم مصر.. شامخا بين الأمم الأفريقية.

كل لاعب في منتخبنا القومي له شعبيته.. وهزتني منذ أيام النصيحة التي أسدتها والدة أحد اللاعبين لابنها عندما قالت له:

- إذا قالوا لك إنني انتقلت لرحمة الله.. لا تنشغل بوفاتي عن المباراة.. وركز كل قدراتك في الملعب!.

هذه الأم البسيطة.. تقدر المسئولية.. وتنمي بين الأجيال الجديدة.. الولاء المطلق لإتقان العمل.. والاجتهاد.

هذه هي مصر الحقيقية
وهذا هو الطريق للخروج مما نحن فيه.

لورنس العرب said...

بردو كان رد فعل الأشقاء مبالغ فيه جدا

أحمد بسام said...

والله عندك حق
الموضوع خد اكبر من حجمه لكن اكثر حاجه عجبتنى
لا تعايرنى و لا اعايرك ده الهم مغطينى و طايلك

Appy said...

لاسع

ايوه قولهم انا غلبت فيهم







ام بتول

ما قولت كده كنت هضرب بالطماطم

Appy said...

المجهول

هجيب الحزن الوطنى يرد عليك هو بيتكلموا زيك كده بالظبط
وابقى استشير حسن شحاته برضه







لورانسس

اشقاء انا مليش غير تلات اخوات هما كانوا بيلعبوا فىالمنتخب وانا معرفش ده فيهم واحده حامل يا لهوى

Appy said...

احمد بسام

عنيه اجيب لك كل يوم حكمتين بس هات حاجه شيل فيها بقى الحكم بتاعتى

hesham said...

كلام موزون

و الحقيقة ان الماتشين بتوع الجزائر دول بفرحتهم و حزنهم كشفونا قدام نفسنا بمنتهى القسوة و و وضحوا قد ايه احنا فينا كل الصفت اللى قلتى عليها دى

و فيه كلمتين زجل قالهم بيرم التونسى يوضحوا حالنا بالظبط


من هفوة أو كلمة هايفة نتحمق و نقوم
نسب و ندب و يدور العراك بالشوم

و كل محموق و له فرقة تقوم بهجوم
من قبل ما تعرف الظالم من المظلوم تبقى الشرارة حريقة و السحابة حسوم لا شركة تنجح و لا عيلة صفاها يدوم

و منين نشوف العدل و لا السفينة تعوم مادمنا فوق قلبها قاعدين لبعض خصوم تضحك علينا الحدادى في السما و البوم

سومه...مجنونه فى بلد عاقل said...

انا مصريه مش عرب ومش عاوزه حد يقولى المصريين عرب لا احنا مش عرب لو عرب كنا فهمنا بعض على الاقل
..................................
ايوه خلاص فهمت

micheal said...

سؤال بسيط: كيف أثق أنا المواطن العادي في رئيس دولتي القادم جمال بك مبارك بعد ما ساب المصريرين وخلع أول واحد بدل ما يستنى ويطمن عليهم وهو عنده علم مسبق بما سيحدث؟؟؟؟؟؟؟؟؟؟؟؟؟؟؟؟؟؟؟؟؟؟؟

الشعب لابد له من حكومه تشكمه said...

مين قالك انه اتفض؟؟؟؟؟؟؟؟؟؟؟؟؟
لسسسسسسسسسسسه بيبتدى,واصبرى اصبرى التقييييل جااااااى..

اوعى تتخيلى ان اللى هصل ده هيعدى كده,,المولد لسه هيبتدى..

ياسمين حميد said...

يعني مستغنية عن الوحدة العربية وعايزة وحدة افريقية؟
طيب ما تبصي على الخريطة. الجزائر حتكون معاك حتى في الوحدة الافريقية دي
و"مصر للمصريين" و"مالناش دعوة" دي شعارات أثبتت الوحدة الأوروبية بطلانها من زمان
مش هم الأوروبيين دول عندهم اختلاف في اللغات والأعراق والعقائد؟
مع كدة عاملين وحدة من أكثر من عشر سنين وزي الفل
ما تتمنيش يبقى عندنا زيها؟ لو بقى عندنا حاجة شبهها نبقى أقوى من اوروبا وحيبقى لينا قوة ننافس بيها اميركا
وممكن نعملها زي الوحدة الأوروبية، يعني مش اندماج كامل، كل دولة تفضل زي ماهي ويبقى في اقتصاد موحد، حدود مفتوحة ومجلس اوروبي ... قصدي عربي بيصدر قرارات ملزمة لكل الدول في المجالات اللي تهم الكل
عارفة يعني ايه حدود مفتوحة؟ يعني تقدري تروحي أي بلد عربي تشتغلي هناك لو مش لاقية شغل في مصر وبالعكس، أي عربي مش لاقي شغل في بلده في الاختصاص اللي دارسه يقدر يجي مصر يشتغل لو في فرص عمل في اختصاصه
أو لو كان عندك صناعة او زراعة أو تجارة تقدري توسعي الانتاج والتوزيع على كل الدول دي من غير تكاليف جمرك ولا حاجة الا تكاليف النقل

في النهاية
ماننساش ان دي كانت مباراة لا راحت ولا جت، يعني مش حرب ولا حاجة حتى لو كانت ردة الفعل بتوحي بإنها حرب

تحياتي

الزنارى said...

لا بد لكل شئ من نهاية و هذة نهاية هذة القصة السخيقة قصة التأهل الى كأس العالم
لم يزعجنى فى هذة القصة شئ الا الاعلام الذى صور لنا كأننا وصلنا و فزنا و سنفوز
أزعجتنى الاعتداءات على الجماهير المصرية الا أننى لن أتحدث عنها خشية تجدد الفتنة بين البلدين
أة من الكرة أة من الملاعب أة من كأس العالم أة من الاعلام أةةةةةةةةةةةةةةةةةةةةةةةةةةة
أحييك على موضوعك
مع خالص الاحترام و التقدير
أحمد الزنارى

الزنارى said...

عفوا سجلت الدخول بحساب خاطئ عند كتابة التعليق الأول
أحمد الزنارى

GeHaD-----(male) said...

ايوه لازم الواحد كان يأفور وهو بيشجع علشان دي الحاجه اللي كانت ممكن تفرحنا لو كسبنا لان لو كان في حاجه تانيه تفرحنا غير الكوره مكنش معظم الناس تلاقيهم زعلانين
يالا قدر الله وماشاء فعل

Lady E said...

بمعنى انا لو مسافرتش بره صعب افهم اللغه بتاعت الناس دى
هما بيفهموا بعض كويس

صح لأن كل اللهجات الخليجية والعراقيه والشاميه شبه بعض والمغربيه شوية شبهم

وفعلا الغرور نهايته وحشه وبعدين دي في الاول وفي الاخر رياضه ولازم يبقى عندنا روح رياضيه

sookra said...

مولد انتى بتقولى مولد
يبقى انتى اللى قتلتى بابايا
اااااااااااه يابابايا
ربنا ياخد بايدنا ولااقولك ربنا يريحنا من الهم دا بقى

dr.lecter said...

لو الكلام ده حصل في اي حته تانيه كان حكومه مبارك وقعت علي طول علشان فشلت في تامين المشجعين وعلشان الاهانات اللي حصلت والمسخره اللي حصلت

لكن كل اللي شاغلنا اننا نطلغ غلنا في الجزائريين وبس

ورافعين جمال علي روؤسنا وبنهتف له هو وشله الحزب اللي كانت طالعه في الماتش

حد بعد كده يقول عظبيمه يامصر يبيقي اهبل

كلام عيب said...

هيه مش المشكله فى العروبه و الكلام الكبير اللى كنا مصدقينه
المشكله انناعشنا دورالكبار
و صدقناه للنهايه
بس ماحسناش باللى بيحصل من لينا

صدقنا اننا فى السودان هانتعامل كأننا فى مصر

و مش باين ان ده حصل
اه مش من الكل بس فيه ناس كانت مع الجزائريين

صراحه العيب فينا اننا كان ادامنا كل حاجه ناخد بيها كرامتنا
و احنا صهينا
دلوقت ليه بنعيط

مهو احنا اللى اتهاونا من الاول

أحــوال الهـوي said...

الموضوع تعدي مرحلة كرة القدم

لابد من موقف سياسي يعيد لنا ماء وجهنا الذي اريق

تحياتي

تامر علي said...

نقطة نظام :)

لولا العرب المسلمين (الأوائل طبعاً) الذين اختلطوا بكل شعوب اراضي الفتح الإسلامي وأصبحوا جزءاً من أهلها لكان مصير المصريين الآن كمصير الهنود الحمر
لذلك لادخل للعرب بالأمر فالذي يحدث لامسمى له إلا كلما دارجة
"زبالة"

تحياتي :)

Foxology said...

المولد لسه منفضش حاكم قنوات التسخين بتاعتنا واخداها سبوبة وعمالة ترغى فى اللى حصل واللى لسهمحصلش كمان واهو كله اعلانات وسبوبة للقنوات

يلا ماعلينا

كل نكسة واحنا طيبين

تحياتى

يوميات الحارة said...

وعجبى

واحدة مفروسة said...

و الله يا آبي انا من كتر الفرسة مش عارفة انطق اصلا ولا اتكلم
الوحدة الغربية اللى كان بيتنادى بيها عبد الناصر
فهمتها الدول الاوربية صح و عملوها همه
بس ان جيتي للحق انا زيك انا مش عاوزة حد يقولى انى عربية لأ انا لا انتمى للهمجية و قلة الادب
انا مصرية...مصرية....مصرية.....و افتخر انى مصرية....

karim said...

واللة الموضوع مش موضوع كوررة خالص بجد فى ناس فعلا بتكرة البلد دية, و دة مش وقت جمال ولا حسنى دلوقتى احنا شعب لازم نقف و نشوف ونعييد تقييم انفسنا و تقيم اللى بيقولوا انهم معانا علشان نكون فالحيين, بس بجد دة كان مخطط ودة مش علشان المونديال ابداااا, فى تخطيط تانى واللة و اكيد هايبان مع الايام

المـــفـــــــقــــــــوعـــــة مــرارتـهــا said...

انا من الناس اللي كارهة الكورة واللي بيجيلنا منها بس اللي حصل في الجزائر ماكانش بسبب الكورة
دا كان حقد علي مصر ودور مصر الغايب في القضية الفلسطينية او هكذا يعلنون في الجزائر ...وبعد اللي حصل دا يبقي غبي اللي ييجي يقول نفتح معبر رفح
آدي الي جانا من العرب
وآدي رد العرب لجميلنا ودمائنا اللي سالت عشانهم واقتصادنا اللي اتأخر بسببهم...
وحروبنا اللي دخلناها عشانهم وهما قاعدين بيتفرجوا ويقولوا فين مصر
الجزائر عاوزة تحارب عشان فلسطين ... حد حاشها ؟
حد قال لها لا ؟
ماتحارب
ان شالله تولع باللي فيها هي لازم مصر معاها... ماتبعت طيارات علي اسرائيل ورونا الشطارة والا بس كلام وفض حديت
بلاش فين العرب اللي كل مايتزنقوا يقووا رفح ومعبر رفح ... مايتجمعوا ابهوات ويورونا الهمة ويطلعوا يحاربوا والا عاوزينا كل مرة نتصدرلهم لوحدنا وهما يقعدوا في كراسيهم يتفرجوا ...
يابنتي اللي عاوز يعرف يعني ايه عرب يشوف العلاقة بين اي دولة عربية والدولة اللي جنبها ويشوفوا الخناقات اللي بينهم
بصي بقي انا مشطايقة حسني مبارك بس رفضه فتح معبر رفح عين العقل ود\ا رأيي من البداية واكده اللي حصل في السودان

حياة said...

مصرى .... وافتخر

تحياتى

اقصوصه said...

اللي قاعد يصير

يبط الجبد

يعني يفقع المراره!

Appy said...

تامر على


انت بتقرا تاريخ من الشمال لليمين ولا اليمين للشمال
انت جبت الكلام الخزعبلى ده منين
ده هايل فزيع تصدق
يعنى عمرو ابن العاص لما فتح مصر كانوا ايامها مصر بتتكلم بقفاها يعنى اهل مصر لما ذكروا فى القران كان خزعبلات وكبروا ده وربنا طرح فيهم البركه لما العرب اختلطوا بينا
بجد انت مذهل

Appy said...

فوكس

بصرف النظر عن القنوات انا مش موافقه عن اللى حصل والضرب والاهانات

Appy said...

ياسمين


لما الجزائر تتكلم عربى ومتحرفش القرآن ولما تبقى دوله عربيه مش تحت احتلال فرنساوى 180 سنه هبقى افكر فى كلامك
ولما يبقى فيه اتحاد افريقى ولا اتحاد قرودى مش هدخلهم هما او اى حد يسئ لبلدى

Appy said...

دكتور ليكتر



حكومه مبارك اتعاملت بحسن نيه انا مش معقول رايحه بلد محايده وفاهمه ان ده هيحصل ليه الحكومه ملهاش علاقه بالموضوع الحكومه غلطها فى ان دلوقتى اللى حصل سياسه وترتيب دوله تانيه ضدها
فالمفروض ترد
انما ولا تامين ولا حاجه