عيشه عبالهادى بتبوس ايدى طنط

انا من زمان من اول ما طلعت قرار انها تودى شغالات مصريات السعوديه وانها تودى عمال نظافه الكويت ورجعت اتهطلت تانى وقالت هتبعت شغالات الكويت من اسبوع وانا بقول الست دى يا كان فى اصلها شغال يا كانت طالعه من مكتب مخدماتى
واللى اكد كلامى الفيديو اللى هتشوفوه

مبدئا
انا اعرف راجل يبوس ايد ست ودى شياكه عادى جدا
بنت او ابن يبوس ايد اهله او جديه وده برضه حب وحنيه
زوج او زوجه يبوسوا ايد بعض وده حب ودلع

انما وزيررررررررررة تبوس ايد مراة الريس ليه
علشان ايه دا الرجاله اللى بشنبات معملوهاش دول بيسلموا عليها فى اى مكان عادى
الست دى بتعمل كده ليه
يعنى معاها اعداديه قديمه وقولنا قشطه مش مهم قله التعليم ودى كانت اعلى شهاده فعادى
طلعت عقدها على جوزها وقولنا جوزها وهى حرة فيه
متخلفه وبتدى قرارات زباله ومش عارفه تعمل اى حاجه فى اى مشكله فى الخارج ولا الداخل وكمان تبوس طيب ليه
الفيديو اهو علشان تعرف اصلها ايه
طيب بزمتكوا بعد اللى هتشوفوه ده دى تنفع تبقى بياعه فول حتى دا احنا بنزعل من الغلابه اللى بيبوسوا ايد المسئولين تقوم واحده بتتعامل مع كل وزراء العالم تعمل كده وليه اصلا هى ولى نعمتها ولا هى كانت السيرفينت بتاعتها نفسى بجد تطلع وتقول اى تصريح على قله الادب دى
اللينك هنا علشان اللى الفيديو مش هيشتغل عنده انطح يا رب تيجى فيها

حكمة الامبراطورة
اتصالح الفار على العرسه ونسيوا الفضيحه والجرسه

46 اخبط وقول رايك:

فتاه من الصعيد said...

ماشاء الله

على الصبح كده افتح المدونه الاقي الفديون دهون عندك وعند استاذه نواره

طيب اجيب منين حد يوطيللي الضغط انا دلوقتي

عارفه لما تحسي بقرف وغثيان .... اهو نفس احساسي دلوقتي

تحياتي

Appy said...

فاه من الصعيد



انا بقى ضغطى رايح من بالليل دا انا شوفت ده من بالليل فاروق جابه لنا على الفتيس توك وانا اتحملت لغايه الصبح علشان اجيبه لكم وقولت اسيبكم تناموا
وبيغظنى الواد ويقولى انا جايبه لكى انتى هديه اعضه منين طيب

الزنارى said...

المراة و زوجها يتحكمون فى الشعب
وحتى فى الوزراء
ما هذا الذل
أو أن عائشة عبد الهادى بلا كرامة اصلا
أحييك على الموضوع المثير
أحمد الزنارى

فتاه من الصعيد said...

مين فاروق ده .... ده جاثوث

عارفه يا ابي المشكله ان الاشكال دي هي اللي بتتحكم فينا

لسه والله واحده زميله اختي عايشه في الكويت ..... بتقولها ده هنا بيغتصبوا ويموتوا الفلبينيات كتير .... واحنا نروح نصدرلهم خدامات برضو

موش معنى كده ان الكويتيين وحشين .... بس الفكره في النظره اللي بيبصوها للخادمه اللي جايه من بلدها تخدم

حسبنا الله ونعم الوكيل

Appy said...

الزنارى


لا هى فعلا اللى بلا كرامه ومن بدرى شرفت يا فندم





فتاه من الصعيد
اه يا اوختى جاسوس جاى يغيظنى
فاروق باع مدونه يوميات طالب
يا حبيبتى الفكره نفسها ليه يروح شغالات وليه يروحوا زبالين دا هنا الزباله بالكوم مما تحسن دخلهم هما
هما يعنى الكوايته مع احترامى لهم ميعرفوش يشيلوا زبالتهم ايه الاهانه دى بس

Me7'o said...

هههههههههه

أبوس القدم وأبدى الندم على ما بدر منى فى حق الغنم

هههههههههههههه

خالى مدير مدرسة فى الإمارات واللى بيشتغل زبال فى المدرسة عنده

مصرى ومعاه بكالوريوس تجارة

تحياتى

dr.lecter said...

التخيل الاول

عائشه : ابوس ايدك ياسوزي شوفي لي عقد عمل اتو اعاره في دبي علشان الحاله متكحرته
سوزي : استغفر الله العظيم خدي ايدي التانيه اصل انا متوضيه

التخيل التاني :
ربنا يخليك ياقمر ومايحرمناش من طلتك انت والمحروس ابنك بتاع من اجلك انت

سوزي : اطمني اطمني هتنبقي نجيبك تسيقي عندنا القصر

sookra said...

هيوصلونا لفين الناس دى
ربنا يريحنا منهم بقى
اوووووووووووووووووووووف

بدراوى said...

لا يا جماعة انتوا ظالمينها كانت بتوطى عشان تشوف الخاتم اللى فى ابد مرات الريس فالصو و لا فضة
عيب التقول عليها كدة
ديه حتى بيقولولها ماما عيشة

بت خيخة وأي كلام said...

ابى انا عندى راى تانى خااااااالص غير رايك
انا الاول كنت شايطة بمجرد انى قريت الخبر عندك
بس لما شوفت الفيديو وشوفت اللقطة اللى هى باست فيها ايد ماما سوزان

ماحستش ان الموضوع ابيح او مهين او اى حاجة
اولا عيشة ماوطتش على ايدها تبوسها

دى كانت ماسكة ايدها ورفعت ايدها وادتها بوسة

الحركة دى ماما بتعملها معايا انا

وانا مرة عملتها مع واحدة صاحبتى

الحديث اللى بين عيشة وسوزان ممكن يكشفلنا سر البوسة

ماما لما عملت الحركة دى معايا انا وقتها كنت قلتلهاعلى خبر وكنا فى مكان ما وماشيين جنب بعض
وساعتها قالتلى بجد يا نورا
ربنا يخليكى يا حبيبتى
وبحركة تلقائية منها رفعت ايدى وباستها


وصاحبتى اللى انا بوست ايديها
برضه كنا ماشيين فى الشارع وساعتها وافقت على حاجة انا عايزة اعملها وبحركة تلقائية منى رفعت ايدها وبوستها


والبت دودو قوس قزح انا كنت عايزة ابوس ايديها يوم مستشفى ابو الريش
لما كنا فى القاعة اللى فيها الوجبات ومنظرها هى بتشتغل زى النحلة وقلقانة وبتوضب وبتعمل كانت فظيعة
كانت تستحق بوسة على ايديها شكرا وامتنانا لمجهودها

بس انا مابوستهاش فى ايديها وفضلت اراقبها باعجاب


اللقطة يمكن غريبة لانها بين وزيرة وزوجة رئيس

بس اعتقد ان الحديث اللى كان بينهم كان حديث انسانى
حديث محدش يعرف تفاصيله غيرهم هما الاتنين
وعلشان كدة عيشة باست ايد سوزان
بوسة فيها شكر
فيها امتنان
لكن ماشوفتش فيها ريحة الامتهان والاهانة


يمكن كنت هتغاظ منها لو كانت اول ماشافتها وطت على ايدها وباستها
كان موقفى منها اتغير
لكن اللقطة بتقول غير كدة
قابلتها عادى مشيوا جنب بعض شوية كانت ماسكة ايديها بتقولها حاجة ردت عليها بحاجة رفعت ايدها باستها وبعد كدة لو خدتى بالك هتلاقيها انها بتربت على ضهر سوزان مبارك
حتى التربيتة اللى على ضهر سوزان
تكملة لمحاولة شكر من عيشة

انا شايفة ان مافيهاش حاجة


سلام
اختك خيخة

Appy said...

ميخو

انت تغيب تغيب وتيجى باخبار رخمه ربنا

يساممحك

Appy said...

دكتور ليكتر


حوار شيق جدا







سكر


هيوصلونا لفين قولى وصلنا لفين

Appy said...

خيخه


يعنى لو بتتكلمى على حوار انسانك ده ما فيه تليفون وبيت وقعدات انما من الواضح انها مبتعبرهاش وواضح اكتر جدا انها استنتها فى المؤتمر
ثم انتى عاوزه تبوسى ايد داليا ودودو علشان موقف بيعملوه
انما دى ايه الموقف مهمها ان كان فيه بروتوكلات بلد وسياسه
ميصحش فيها ده
زودى على ده ميلو الزفته دى انها تودى ناس للخليج خدامات
فالطبع عندها
لو بتتكلمى ناحيه انسانيه يبقى انا اعيط لما اشوف جمال بيتكلم عن قهر المعارضه ليه
احنا بنتكلم يا حبيبتى عن برستيج بلد ووزيره بتمثل شعب
مش علاقات انسانيه انا ليه موقف حصل علنى
مش موقف فى المستخبى
سياسيا وبرستيج مينفعش ده دا اسمه تذلل
ماما لما تبوس ايدك على حاجه حلوة ولا انتى تبوسى ايدها مقبلوه انما دول مش فى اجتماع اصحاب دا فى مؤتمر العالم شايفه ولا هى فاكره ان محدش شايفها
فهمتى حاجه
وبعدين ايه بيدخلك فى السياسه اصلا امشى يا بنت من هنا اجرى العبى فى مناخيرك

Appy said...

بدراوى


ايوة صح ماخدتش بالى بس ماما زفته دى مش عارفه ان العالم كله شايفها ما تاخدها التواليت تفرجها عليه

بت خيخة وأي كلام said...

ما انا بقول هى الفكرة كلها
ان الموقف بين وزيرة وزوجة رئيس


لكن لو ناس عاديين محدش هايهتم

العيب مش فى البوسة

العيب فى المكان والزمان

العيب ان عيشة اتصرفت بتلقائية وسط مؤتمر

وزمان قالوا لكل مقام مقال


البوسة مافيهاش اهانة

ومش تذلل من عيشة لسوزان

ده شكر

بتشكرها على حاجة

مش بتبوس ايديها تذلل



انتوا بقى مضايقين منها علشان قرارتها بشان موضوع العمالة فى الخارج
ده حاجة تانية

لكن متجوش تخلطوا البوسة بالامور التانية

انا شايفة ان البوسة عفوية طلعت بتلقائية دون الاهتمام بمعايير البرستيج والكلام ده كله



ومالكيش دعوة بمناخيرى

يا اما هاطلع برابيرى عندك
والحوسلك صفحة التعليقات ماخليش حد يعرف يدخلها


يعععععععععععععع

جاتنى القرف

سلام
اختك خيخة

Appy said...

خيخه




اصوت والم عليكى بلوجر
يا بنتى حتى لو بتشكرها مش ببوس الايد يا مام عموما ميصحش بروتوكلااااااااات السياسه بتقول لا
يبىق دى متنفعش وزيره بجابن قراراتها اللى شبه قفاها
وخدى برابيرك معاكى قرفتينى يعععععععععععع

MaraM said...

معلش ممكن اقول رأي .. مش ممكن بتكون بتعز الست دي اوي علشان كده باست اديها ؟؟ او يكون في حاجه عملتهالها فباست ايديها ... اصلها موطتش وباست ايديها هما كانوا ماسكين ايد بعض وراحت رفعاها وبيسها يعني معنى كدا ان الست دي بتعزها اوي ...وجهة نظر :d

أم بتول said...

وليه نعمتها طبعا ، لازم تبوس أديها وفى البيت و بعيد عن الكاميرات تبوس رجليها كمان ، هى عائشة دى كانت تحلم أنها تكون وزيرة إلا فى الزمن المبارك الى احنا عايشينه دة

أم بتول said...

وفى حاجة تانية اكيد طلبت منها طلب ووافق لها علية ماهى العزبة بتاعة بابا المبارك ، يبقى تستاهل بوس الأيد ولا لأ ......!!!!!!!

Appy said...

مرام
وجهه نظرك على عينى وراسى بس المحبه دى مش فى مؤتمر رسمى ولا وسط بروتوكلات سياسيه ولا من وزيره بتممثل بلد
ولما هى معزه يبقى على كده مشيرة مش بتحبها ولا كل الوزراء







ام البتول

هو ده الاقرب طبعا امال ايه

همس الاحباب said...

بغض النظر عن الموقف انه بين وزيرة او حرم الرئيس اعتقد الموقف مش مهين لو تم بعيد عن عيون الكامبرا والناس
مع رفضى للموقف وكرهى لعائشة عبد الهادى بس ممكن يكون الموقف حدث تلقائى
وبعدين من غير مبالغة عندكم فىالمغرب الكل بينزل يبوس ايد الملك وهم راكعين
اعتقد ان هناك مواقف تستحق اكثر من تلك الموقف
تحياتى

الشعب لابد له من حكومه تشكمه said...

تلاقيها بتقولها والنبى متشيلونى فى التغيير الوزارى اصلى سمعت اسمى من ضمن اللى هيتغيروا..راحت ماما سوزان قالتلها متقلقيش هكلم ابو علاء اوم التانيه قالتلها ربنا يخليكى وميحرمنا منك ياست الكل وهوب باست الكريمه:)

Appy said...

يا خالد بيه


المغرب ملكيه احنا لا
ولو هو موقف ودى ما تبوسها فى خدها وتسلم عليها
هى دى بس علشان خدامه طول عمرها عملت كده
غير كده مفيش اقوى من كده مواقف الدنيا كانت قاعده مش قايمه على بوس واحده لايد وزير
اتفرج على رد فعل سوزان وانها واخده على كده ومتعوده
ومفيش اكبر من ان وزير حضرتك يبوس ايد واحده ملهاش علاقه بالدول ه غير انها حرم البيه
ولو الموضوع عادى يبقى ليه باقى الوزراء مش بيبوسها ايدها
احنا مش ملكيه يا فندم ودى وزيره محترمه المفروض
ولو عادى ليك انك تبوس مثلا ايد مديرك انا بعتبرها اهانه وحرام ومتنفعش
دى زى دى بالظبط

Appy said...

الشعب لابد له من حكومه

فكره برضه وخاصه انها اللى ممشيه ابو علاء وعيلته بحالها

مواطن مصري said...

ههههههههههههه و الله مبقتش عارف اقول اية

لورنس العرب said...

حاولت أجد عذر للتصرف وفشلت
قلت يمكن صدر الموضوع عفوي
لكن ماينفعش ده عفوي
قلت يمكن في اي حاجه محدش واخد باله منها
دققت لقيته فعلا حصل

مش عارف أعلق أقول ايه

يمكن لو علقت هاقل أدبي

كيكى عوووووو said...

مش ليه مبرر!!!

نهر الحب said...

ازيك يا ابى هانم
عارفة كل حاجة فى بلدنا معكوسة والله
سبحان الله

مهندس مصري said...

إذا خرج العيب من أهل العيب
...........................
حسبنا الله و نعم الوكيل فيهم

فكرة من الزمن ده said...

حد يديني جركن بنزين وعود كبريت
الولية دي بجددددددددددد


بس على فككرة التعليق اللي جيه في بالي اول ما شفتها في التليفزيون يومها
ان كيدهن عظيم
عايزة تقول ادام الكاميرات ان دي اكبر مني وانا بابوس ايديها لانها زاي مامتي الصغيرة

مش احنا طول عمرنا ومن قبل مانتولد عمالين نقول ماما سوزان ؟
تحياتي


اه على فكرة
مش معاها اعدادية
دي ابتدائية سعادتك يافندم

سومه...مجنونه فى بلد عاقل said...

يا ايبى اللى يبوس ايد ماما يدخل الجنه وعيشه باست ايد ماما سوزان افهمى الوليه صح متظلميهاش
:)))

شاب فقرى said...

والله انا وجهة نظرى ان دا تخلف عقلى

او نوع من رد الجميل

انا اول مرة اسمع عن الشخصية المذكورة دى

من الواضح انها نكرة وسيدفنها التاريخ كما دفن الحمقى أمثالها من قبل

طيب ليه نبعت شغالات الكويت او عمال نظافة السعودية ما ينضفوا هنا

ولا ننضف بلاد الناس وبلدنا بنت ... مينفعش ننضفها يعنى

ربنا يصبرنا على العته الرهيب اللى بيطلع فى التصريحان اللى بتشل دى

ربنا يصبرنا

شكرا للبوست وللطرح

شاب فقرى

الشنكوتي الكبير said...

قالك طنط ظاظا تقدر
طنط ظاظا تقدر
يا ترى طنط ظاظا تقدر

الظاهر طنط ظاظا تقدر

زمان قالوا الرشاوي والنفاق شغل الرجاله
وان الموظفين الرجاله بس هم اللي عاملينها كوسه لكن الستات مشكلتهم انهم بيغيبوا وبيطبخوا الغدا في الشغل
لكن دلوقتي بقت الست بتطلب الشاي بتاعها بدل ما تقول سجايرها يعني زي الرجاله
وبقت بتعرف تحسوك الكلام وتمسح جوخ وتوصل لفوق وتتنطق هي كمان
علشان كده بقى عندنا وزيره جامده اهي هتبيع ستاتنا زي الفلبينيات
وهتعرف توصل وتثبت على كرسيها كتير قوي

ما علينا هي يعني جت على دي

البلد بااااااااااااظت يا طنط سعاد

سلاااااااااااااااااااااام
اخوكي ايهاب

karim said...

عزيزتى اابى, هناك تفسيرات كتيرة لكن مش نافعة بردة علشان تعمل كددة فى حدث متصور كان ممكن تعمل كدة فى زيارة خاصة ولا اى مكان مفيهوش تجمع و تصوير, يمكن كانت بتطمن على صحتها, او طلبت منها خدمة وهاتتنفذ, او الاكيد كانت بتسالها على التغيير الوزارى وطمنتها انها قاعدة فعملت كدة دة الاقرب, وسلميى على الوزراء والحكومة, وسمعينى احلى سلالام

Soma said...

ازيك يا ابي

ممكن ناس كتير تقولك دي بتبوس ايد ستها وكلام من ده
بس انا مع راي خيخه
البوسه ده بوسه شكر تلقائيه
ملهاش علاقه بقرارات ولا برتوكولات حتي لو دي وزيره

مش عشان هي قراراتها غلط وبتاذي الشعب الغلبان وبتقول وعود وفرص عمل بالاف مش حقيقيه يبقي نفسر كل تصرف تعمله علي الاساس ده
الصح اننا نطلب اقالتها ده الكلام السليم
مش نقعد نندب زي الولايا مستنين اي حاجه نشمت فيها

عذرا علي الاطاله

Anonymous said...

ما فيش تقييم "مقرف" ؟

أنا إنسان said...

من هنا ورايح هانسميها الست سوزي والبت عيشة

أذلهم الله كما أرادوا إذلال شعب

nody said...

يا سبحان الله
اغيب اغيب وارجع الاقيكى زى ماانتى
يعنى ياست البنات فيها ايه لما شيخه المخدمين
تبوس ايد وليه نعمتها
عااااااااادى يعنى وعلى فكره افتقد ت مدونتك كتير

حاجات جوايا said...

مممممممممم
والله انا شايفة الموضوع ابسط كتير من كده
البوسة تلقائية
بوسة حب واعزاز
وواضح جدا ان علاقتهم ببعض قوية
من أول ما قابلتها ومسكت ايدها ومشت معاها حتى طريقة الكلام فيها حميمية

لو بتطلب منها حاجة مش هتمسكها كده خالص .. اقصى حاجة تعملها هتمشى جنبها لكن الموقف ده ما اعتقدش فيه مصالح والله اعلم

ومش معنى ان عائشة عبد الهادى وزيرة انها تكون متعجرفة او مناخيرها فى السما فيه ناس بتكون بسيطة وتفضل بسيطة مهما علت وارتقت بمكانتها فى المجتمع

يعنى ممكن اوى تكون مش حاطة فى دماغها ان فيه تصوير وبتتصرف بعفوية


اما بالنسبة لقراراتها وشغلها .. فمين فيهم كويس .. كلهم زفت مجتش عليها


روقى انتى بس مش كل حاجة تاخديها على اعصابك كده
مش هتلاقى نفسك يا بنتى
فيه اكتر من كده بكتير

ميمى واحمد said...

النهاردة عيد زواج نوارة

وعايزنكم تحتفلوا معانا

بعبعه said...

عادي

مش ولية نعمتها

الله انتم صدقتم انه حكم ديموقراطي ولا ايه

فوقوااااااااااااااا

sakayar said...

ايه يا آبي انتي زعلانة علشان مجتش تبوس ايدك ولا إيه؟
أنا شفت المشهد لايف
:)
بس هي مش كانت بتبوس ايدها يا آآآبي
دي السيدة حرم الرئيس كانت بتسألها الساعة كام معاكي .. فعائشة عضتها ف ايدها عملتلها ساعة .. وقالتلها دلوقتي تقدري تعرفي الساعة لواحدك
:))

قلم رصاص said...

ههههههههههههههه

انا بأيد شيما (الشعب لابد له من حكومه تشكمه) فيما قالته

ههههههههههههههه

well said...

الف مبروك لمصر والحمد لله ...

Appy said...

يعنى انا مش عارفه الناس اللى شايفه ان الموضوع عادى
سورى يعنى مفيش بروتكول فى العالم بيقول كده غير فى مصر وهى يعنى الودى دة مش فى البيت
مين فيكم بس اللى بيبوس ايد صحبته حتى
يعنى لما حد يعترض يبقى يعترض بعقلانيه شويه الا انا خلاص ولا متحمله تصرفات الحكومه ولا تبريرات شعب ولا بتنجان مقلى






الاخ الغير معرف


هو مين اللى مقرف المقال ولا الفعل

Appy said...

اللى بيقولى مبروك لمصر


ليه يا وائل هى مصر مبقاش عندها بطاله واتشال منها الحراميه
ولريس اتغير
والناس بقت مفيش اغتصاب مبروك على ايه على الكوره الشراب
عموما الكورة دى لا تمثل ليه اى شئ