ثقافه الاستهلاك


طبعا كله متوقع منى اتكلم عن اللى بيحصل بين مصر والجزائر
انا بس هلخص رائى فى جملتين اللى هيقولى عروبه وعرب واى استعباط هقوله مع الاسف
go fuck your self

اسفه اول مره اكتب كده بس دى الحقيقه وده شعورى
كلام علاء مش مضايقنى ومش معناه هنتخبه رئيس ولا هطالب بيه رئيس مبدئيا علاء مينفعش لانه رجل بيزنس ولانه كمان مش تبع الحزب وملوش عمل سياسى فبالتالى طبقا للماده بتاعت تعديل الدستور اللى فصلوها هو مينفعش فيا ريت نبطل اسقاطات هبله على الموضوع ده
بيتكلم بصفته مواطن مصرى عادى راح وانضرب فى اول الماتش اترمى عليه وعلى اخوه زجاجه فاضيه وانا شوفتها فهو اتهان كلامه مش وحش وميدنهوش ولا يخليه عندى الملك الاسد
الجزائرين لما يتكلموا عربى فعلا نبقى نتفاهم معاهم
موضوع المليشيات المنظمه ايوه فعلا ده حقيقى وبكلام ناس من السودان ان فعلا كان فيه طيارات جيش ومش علشان بنكدب حكومتنا دايما يبقى اصدق اى هطل فى دماغى وانهم كدابين فى كل حاجه
خطاب الريس متقال عجبنى وبناء عليه هديله رغيف فينو كل يوم الصبح وعلشان خاطر ياسر صديقى هديله حته جبنه نستو معاه

نيجى بقى للموضوع المهم اللى عاوزاه
احنا فعلا معندناش ثقافه استهلاك فى اى حاجه كل واحد يقولى لما بيمسك رغيف عيش ياكله بيفرفت منه قد ايه ويرمى قد ايه
استهلاكنا للمناديل حتى بنستخدمها ازاى يعنى واحد عاوز يمسح ايده يشد من الرول حته كبيره جدا ليه مش عارفه مع ان الحته الصغيره هتفى بالغرض
الميه واحن بنعمل حاجه ليه على طول سايبنها مفتوحه
حتى الاكل بنعمل كذا صنف واحنا مش محتاجين كل ده وفى الاخر الاغلبيه بتترمى
وعلى فكره الموضوع منطبق على غنى وفقير شوف بواقى الاكل وطريقه الاكل من ده وده يعنى واحد طاقته رغيف فى الفطار يحط هو واسرته كتير ليه ويرمى الباقى ويروح يشترى كل يوم وهو عنده بايت
قيسوا على ده كل حاجه فى حياتنا كله ملخبط وكله استهلاك غلط وعلشان كده مش عارفين نعيش ولا هنعرف



كان معكم ابى هانم من امام نفق العروبه


حكمة الامبراطورة
قليل العقل فكر كل الناس غبيه


41 اخبط وقول رايك:

nody said...

للاسف فعلا معظمنا مايعرفش يعنى ايه ثقافه الادخار
وازى يكون استهلاكى مقنن
البعض بيفتكره بخل
يعنى الواحده لو فى عزومه مثلا وماعملتش كزا صنف لضيوفها
هايتقال عليها بخيله
ومش هاتخلص من التريقه

فاتيما said...

صباح الروقان يا بيبى
انا حسيتك عصبية الكام بوست اللى فاتوا
اتمنى تكونى روقتى يا قمر التدوين كله
و كل النقاط احييكى عليه فيما عدا حكاية العروبة
لنها موجودة
بس مع اللى يستحقها
يعنى زى ما بيجمعنى بإنسان غريب عنى خالص دين و لغة و جنسية و اعتبره اخى فى الانسانية
يبقى المشترك معايا فى حاجات كتير لازم يكونلى اقرب
بس لو محفظشى على الصلة دى و احترمها
يبقى قلته أحسن و يغور فى ستين ألف سلامة او ندامة مش هتفرق
خالص حبى ليكى يا حبيبتى

karim said...

سيدتى كلامك كلة صحيح لازم نتعلم نشترى و ناخد اللى يلزمنا وبس مش لينا وللزمن, ودة اللى كان قالو بطرس غالى قبل كدة لما كان بيتكلم على موضوع الضريبة العقارية, قال مدام الناس مش عايزة تتعلم النظام زى بلاد برة هايتعلموة غصب عنهم الغنى لازم يتعلم انة مش يصرف و خلاص لازم يتحاسب, انا شايف ان دة كويس بس ربنا يكملها على خير

dr.lecter said...

شوفي في رمضان والمهازل اللي بتحصل في الشراء والاكلا وفي الاعياد سواء صغير او كبير

اما بالنوسبه ل العروبه

every body will fuck them selves forever

الربان said...

تحياتي

بالنسبة للموضوع الاول... بالتأكيد ربنا سترها مع المنتخب و الجمهور المصري
بل ان بعض الاخوة السودانيين تم استهدافهم لمجرد انهم متعاطفين مع الفريق المصري...بعض سائقي التكتك السودانيين كانوا رافعين العلم المصري علي التكتك... فتم اصابتهم بالعصا المثبت بها المسمار ..اصابوهم في اياديهم.

المؤامرة الخسيسة تمت بترتيب من رئيس الاركان الجزائري و الذي اجتمع مع مجلس الوزراء يوم السبت عشية المبارة الاولي في القاهرة....

الامر بكل تأكيد يحتاج لوقفة شعبية و حكومية خاصة بعد دهس العلم المصري بالاقدام و حرقة...
فالعروبة لا تهني اطلاقا التهاون او الاستهتار او التغاضي عن حقوق مصر و المصريين.


الامر الثاني حضرتك بالتأكيد لديك كل الحق لاننا دائما لدينا نزعة استهلاكية
ننفق الكثير عليها و في نفس الوقت لا نستفيد بها الاستفادة العظمي...و خير مثال علي ذلك ما ذكرتيه بالنسبة لموضوع الاكل.....

الاجانب يشترون اكلهم علي سبيل المثال
قطعتين لحمه...2 ثمرة موز...برتقالتين
و هكذا....
اما نحن فنشتري بالكيلو و هذا اضعف الاستهلاك لان هناك من يشتري بالكرتونه
و يفسد منها الكثير...


تحياتي و تقديري و كل عام و حضرتك و الجميع بالف خير و سلام...بمناسبة عيد الاضحي المبك...أعاده الله عليناجميعا بالخير و الامن و الامان.

Sweet Violet said...

علشان احنا شعب فييس ياآبى
و للأسف بنفكر ان هو ده الكرم

اما بقى موضوع الميه فاانا الصراحة و للأسف واحدة من الناس اللى ماعندهاش ثقافه استهلاك
v_v

Che said...

اكتر حاجه عجبتنى فى البوست اللى انتى قلتيه للى لسه بيقول عروبه و عرب

sakayar said...

السلام عليكم ورحمة الله وبركاته
بتنجاني هانم
معاكي جداً في سوء الاستهلاك عندنا في مصر
وممكن شعوب تانية برضه كده لكن خلينا نتكلم على نفسنا وبس ... فأنا بتفق معاكي جداً في الموضوع ده
موضوع الأستاذ علاء أوك معاكي انه اتعرض لحاجات معينة شفناها
بس مين قالك انه مش موجود تبع الحزب؟ ما يمكن يكون موجود ومش لازم يكون الشعب عارف كل اعضاء الحزب او اللي موجودين في اللجان العليا فيه ... رغم اني بقبله كتير عن جمال لكن انا لست مع ولا ضده لكن عدم علمنا بوجوده كعضو لا ينفي أبداً انه موجود ف الحزب وأنا شايف وممكن رؤيتي خاطئة ... شايف انه استحالة كان هيطلع يتكلم في مداخلة على الفضائيات أو على التليفزيون المصري بدون إذن الوالد ... ولا إيه؟
وممكن يكون جمال ف الاخر كان اشتغالة كبيرة وعلاء هو الشخص القادم ... ده على أساس ان احنا قاعدين ف عزبة ودول ولاد العمدة
:)
ربنا يصلح احوالنا علشان نستحق حد صالح لينا

Anonymous said...

مهزلة مصرية جزائرية بقلم عبد البارى عطوان

تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.

نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.

عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......
باقى المقال فى صفحة الحوادث بالرابط التالى

www.ouregypt.us

Unknown said...

كنت متصور ان رأيك فى ما حدث حيكون اكثر انضباطاً من كدة
مش عارف بس اعتقد
ان خطاب الريس كلام و بس

انا مش بدافع عن اللى حصل بس انا ضد التصعيد الخطير فى الموقف الرسمى ضد الجزائر
فى الوقت اللى عاملين فرخة لإسرائيل

الكرامة مش بالمواسم

يا مراكبي said...

حلوة لفظ ثقافة الإستهلاك ده .. لفظ محترم جدا للتعبير عن ثقافة الإهلاك والإهدار والبعزقة

بكرة المياه لما تشح وحصتنا في النيل تقل غصب عننا ساعتها هنعرف قد ايه احنا كنا مبذرين ومش عارفين قيمة النعمة اللي في ايدينا

والمياه دي مثال مش اكتر .. لسه الأمثلة كتيره جدا .. اكل وشرب وكهربا ومواصلات .. هيصة كبيرة

Asmaa mahaba said...

انا كنت قايمه ولاقيت موضوع قولت والنعمه لاعلق ويتحرق النوم:))
بالنوسبه لعلاء انتى عارفه رايى:)
بالنوسبه للاستهلاك انتى عارفه فعلى انا الحمد لله اقل المستهلكين من ناحيه الطعام يعنى ممكن تلات اربع ايام لا اجوع ولا اقول عااااااااااااا
بالنوسبه للحكمهمش ناويه تبطلى ت تنشلى منى الحكم اللى بمليهالك :p
بالنوسبه ليكى روحى حلى عنى بقى وسبينى انام للاتوبيس يفوتنا الصبح:))
:p
ها;) انتى اللى تحلى عنى وبطلى نكت بايخه ع الميل وبطلى تعاكسينى ع الميل عشان تخرجينى من لمود الوحش وبطلى تدينى لينكات دعا بقى الله اما تماحيك صحيح:))))))))))))))))

سبهللة said...

وحشتينى يا ابى ووحشنى بلوجك اوى
بقالى كتير ما دخلتش بلوجا تاصحابى
بس ان شاء الله الفترىة اللى جاية هاهريكوا
المهم
انا مش هاعلق على موضع الجزائر لانى نفسى نقفل الكلام فى الموضوع دة اذا كان فيه فعل محترم نفعله ونرجع كرامة الناس اللى اتهانت او نسكت وكفاية كلام
بالنسبة لموضوع الستهلاك
الحمد لله انا خصوصا باخد بالى كويس جدا وبحاول اتقى الله فى كل افعالى وبحاول احافظ على المية وانا شغالة فى المطبخ
تلاقينى افتح الحنفية واقفلها ميت مرة عشان مش بحب اسيبها مفتوحة على طول
وزى ما قال رسولنا الكريم فيما ما معناه
لات تسرف فى الماء ولول كنت على نهر جارى

Anonymous said...

السلام عليكم
من مجموعة نصايح قدمها وارين بافيت بعد اعتزاله
هي كتير جدا بس قيمة جدا كشخص تصدر قايمة فوربس السنة دي وفعلا ملك الأستثمار
منها
ما يتسق مع موضوعك
احذر من النفقات الصغيرة فأن شق صغير قد يغرق سفينة كبيرة
لا تشتري ما يفيض عن حاجتك لأنك في وقت قريب قد تبيع ما انت في حاجة ضرورية اليه
لا تدخر ما يزيد من انفاقك ولكن انفق ما يزيد من ادخارك


تامر

Anonymous said...

شركة وارين بافيت اسمها بيركشاير هاثاواي
السهم بتاعها فئة a b
من اعلي القيم بيوصل 70000 دولار
اجمالي ثروته وصلت 60 مليار دولار
اتبرع بيها للؤسسات الخيرية
عملية اعادة تدوير للأجيال تانية
كل اللي ناقص الراجل دا
انو يقول
لا اله الا الله يارب يقولها
لأنو احق بالجنة من مسلمين كتير اوي

تامر

Anonymous said...

شوفي
هي مش بس ثقافة استهلاك لكن احنا غايب عننا كتير كمنظومات قيم
الفرق بينا وبين الغرب
اذا كان الدين هو عبادات ومعاملات
احنا اخدنا العبادات وفشلنا بيها لأنها خصوصية كل فرد في التعامل مع ربه
وهما اخدوا المعاملات فنجحوا بيها
لأنها بالتحديد سمو مجتمع ورقيه

تامر

Love-Guru said...

أولا
yourself
و ليس
your self

ثانيا
ازاي تطلبي من الاخرين "بلاش الفاظ مش كويسة" و انت بتستخدمي الفاظ نابية ؟
ده تطور مش كويس
اقترح تغيير "بلاش الفاظ مش كويسة" ب المدونة ترحب بالبذاءات

Empress appy said...

نودى


ما دى الكارثه وبتيجى فوق دماغنا







فاتيما

انا سبتنى من شعارات عبد الناصر احنا بس اللى دراسنا التربيه القومية

Empress appy said...

كريم


ميرسى ليك ولبطرس غالى ولو انى بكره






دكتور ليكتر

وحياتك على مدار السنه

Empress appy said...

الربان

والله بقولك كده ومحدش مصدقنى قال اسرائيل وقعت بينا

كل سنه وحضرتك طيب








Sweet Violet

طيب ظبطى بقى الحنفيه يا قطه

Empress appy said...

Che

اى خدمه يا فندم







بدراوى
كلامى ع ن الريس تريقه بس معلش انت مفهمتوش اصله ابيح شويه
ثانيا حياديه او اكثر انضباط لما منتهزاش المساله تخطت الكوره بالنسبه ليه خالص
اذا كنت بمسح الارض بكرامه الوزراء هنا ولا اى حد هيصعب عليا الجزائرين

Empress appy said...

يا مراكبى


طول عمرى محترمه انت عارفنى :PPP






سومه

منك لله ممعرفتش انام يا قردة

Empress appy said...

سبهلله

انتى اكتر يا قمر وربنا يزيدك عقل يا حبيبتى






تامر

شكرا للمعلومات

Empress appy said...

Love-Guru

مش معنى انى كتبت كده ارحب بالبذاءات ثم اللى قصدته من فوق ان محدش يقل ادبه عليه انما يقل ادبه على اى حد غيرى
ثم دى مدونتى وانا حره اكتب ايه محدش يقولى اكتب ايه ومكتبش ايه
نورت

الميكروباص said...

بالنظر إلى الزباله بتاعتنا
تقريبا الزباله الوحيده اللي في العالم كله اللي تقريبا نصفها أكل
احنا تقريبا بنرمي أكل مقارب للإستهلاك
على طول تلائي صفايح الزباله فيها أرز ومكرونه ومحشي وحاجات زي كده

Anonymous said...

دي حقيقه .... احنا ماعندناش ثقافه استهلاكيه جيده

بالذات المياه .... بالرغم من اننا داخلين على سنوات جفاف سوداء

تحياتي

Love-Guru said...

الغريب ان كثير من الصحاب المدونات لا يؤمنوا بالديمقراطية و لا يتقبلوا النقد و اول كلمة يقولوها اذا وجه لهم نقد ان هذه هي مدوناتهم و هم احرار فيما يكتبونه. و هو تفس اسلوب النظم الديكتاتورية التي تتصرف و كأنها تملك شعوبها و هي حرة فيما تفعله بها. المشكلة فينا احنا كافراد قبل ان تكون في النظام المستبد

الطائر الحزين said...

ثقافة الاستهلاك فعلا غائبة
الا من رحم ربى
مش معنى ان أكون كريم أنى اعمل اشياء زائدة عن الحد وارمى الباقى

لكن المرادف لثقافة الاستهلاك انه يكون فيه تنظيم للموجود بحيث استغله على فترات متباعده

اما موضوع الجزائر*ومصر
فى النهاية ان ما حدث هو ناتج للعبة كرة شىء مخزى

Empress appy said...

لورانس

ده قليل الاغرب اننك تلاقيهم على قد حالهم اوى وبيرموا فى الحاجات كأنهم يعنى خلاص








Love-Guru

لا حول ولا قوة الا بالله انا مش عارفه ليه حضرتك عندك مشكله معايا ىف الفهم شويه
انا وضحت اللى اقصده من الموضوع
كونى قولت دى مدونتى يبقى خلاص ما هو مينفعش ادخل بيتك اوقلك تحط السرير فين
غير كده لو مش متقبله النقد كنت مسحت تعليقك
شرفت

Empress appy said...

الطائر الحزين



لا يا ايهاب ده كره سنين مش كورة وبس صدقنى

أحــوال الهـوي said...

طيب من ثقافة الاستهلاك كفايه رغيف فينو بلاش حتة الجبنه اديهاله ع العشا


تحياتي

amirelhob said...

بوست جميل بس بردو الكلام عنهم كتير بيدهم اكبر من حجمهم وبجد موضوعك وكلامك عن العروبه و العرب اى كلام بجد بوست رائع والوفتو كمان جميله ومن قلبى بجد بتمنى انو المدونه تكبر اكتر واكتر
ومن قلبى بتمنلكم كل خير وسعاده صوحه وتوفيق وفرح وابتسامه تدوم يا رب طول العمر

shaimaa rady said...

ينصر دينك يا استاذ خليييييييييييفة
احسبها صح تعشها صح
الله ينور عليكي والله ، عجبني الوضوح والحيادية اللي انتي فيها
يمكن انا زيك شوية علشان كده دخل دماغي الموضوع لأنة بيعبر عن رأي :)

فارس الجبالى said...

السلام عليكم

جميلتى الإمبراطورة

أسمع الأن لأم كلثوم هذه ليلتى

أزعجنى جدا ما كتبته

لأ أحب أن أرجم بتهمة الاستهلاك رغم إنى أحب الأكل وأجد فيه متعة كبيرة ولكن بإقتصاد
موضوع مصر والجزائر هذا كمن يتذكر مساؤى موتاه
رغم إنه أول ما بدأت به
اقبلينى

لا شئ خاص فى جميلتى

خالص مودتى

كيكى عوووووو said...

بس مين يسمع ويستفيد ومين بينفذ فعلا فى موضوع ثقافه الاستهلاك

Anonymous said...

الأول علاء مبارك
وبعد كده احسبها صح تعيشها صح
لأ خييير خييير..

Abo 7anf said...

السلام عليكم

الاول كل سنه وانتى طيبه

فعلا الاستهللاك مفهوش اى نظام
زى حاجات كتير

ادعليى بقى فى الامتحانات

soulmate said...

عيد اضحى مبارك لبوتفايقة وحسني مبارك وكل الشعب المصري والجزائري

Abo 7anf said...

السلام عليكم

الاول كل سنه وانتى طيبه

فعلا الاستهللاك مفهوش اى نظام
زى حاجات كتير

ادعليى بقى فى الامتحانات

بسمه عبدالباسط said...

بالنسبة لثقافة الأستهلاك

عندك حق مليون فى الميه

ومش بس ثقافة الأستهلاك

أحنا ماعندناش ثقافة لأى حاجة للأسف

Anonymous said...

عجبنى الجزء الاولانى بتاع التعليق السريع ده
:)
بس انا كده خدت فى جنابى اوى بيتهيالى فهمتى :))))))))

بالنسبه للاستهلاك الغلط فعندك حق مليون فى الميه احنا كشعب مصرى معندناش ثقافه الاستهلاك واعتقد كل العرب كده
محتاجين نعيد تفكير وننشر الثقافه دى بس مش زى تحسبها صح تعيشها صح والنبى

:))))))))

سلامى لابى هانم بتنجانها
:))))

Share |