.jpg)
بمناسبه ان البرادعى عاوز يرشح نفسه بس بشرط يضمن الانتخابات عادله ونظيفه ورشيده
الراجل ده بيستهبل جايب كل اسماء الوزراء وعاوزه تبقى خضرا
المهم ما علينا يعنى ومع قناعتى الشخصيه اللى محدش له علاقه بيها ولا تأثر على قناعه ولا امل حد
ان اى مرشح قدام الحزن هيبقى مجرد ريكلام
ومعنى الريكلام فى صحيح بتوع شارع الهرم ورواد الاقسام انه مجرد مناظر فارغه زى الماريونيت بتتحرك عن طريق الحزن
تصدقوا انا توهت انا عاوزه ايه اه
افتكرت الواد زيكس بتاع الكشك مره سأل على الفتيس توك سؤال مش برئ خالص قصدى برئ
وانا هنقله لكم لانه كان ماده خصبه لخيالنا الواسع ايه بقى
هى مصر ليه مش بتخصب يورانيوم؟؟؟؟؟؟؟
طبعا والبرائه فى عنيه والبرائه اتنقلت لعقولنا
فى النهايه بعد اجابتكم
هبقى اجيب لكم نموذج الاجابه
كان معكم امبراطورة الكوكب ابى هانم البريئه
حكمة الامبراطورة
اتعلم الادب من قليل الادب
39 اخبط وقول رايك:
البرادعي عامل زي الشوطه في البلد دلوقت
فكروني بردو باللي قال عاوزين احمد زويل يمسك مصر
طيب يا اخوانا ده راجل بتاع كيمياء وطول عمره واقف في المعمل على أي اساس يصبح رئيس؟
أهو كله أي كلام
أما بالنسبة لإجابة السؤال
فمعظم الدول اللي ماشيه في موضوع النووي مش لائيه تاكل أصلا وعندهم مشاكل اقتصاديه رهيبه مقارنة بأعداد البشر في هذه البلاد
زي كوريا الشماليه وايران والهند وباكستان
ده من ناحيتهم هما
أما بالنسبة لينا أحنا والسؤال الخطير
مصر ليه مش بتخصب يورانيوم؟
يمكن مكسوفه تشتري فياجرا
احتمال بردو
لورانس
ما اى فته وخلاص من اى حد عادى يعنى ما يرشحوا ان شاء الله حتى مدرسه الاحياء
المعركه محسومه
اجابه السؤال فى الجون شكلك فاهم يا نصه ههههههه
صباح الفل
والله يا آبي بالنسبه لموضوع الترشيح انا شايف إنه بغض النظر عن البرادعي نفسه أو غيره ان من حق أي حد شايف في نفسه الكفاءه للمنصب ده إنه يترشح أياً كان منصبه أو تخصصه لأنه في النهايه المسأله هي مسألة إداره وقياده مع إلمام تام بالنواحي السياسيه والإقتصاديه اللي بتحكم العالم
يعني من الآخر مفيش تخصص معين نقول إن صاحبه ينفع وتخصص تاني نقول إنه صاحبه مينفعش , وإلا نبقى إحنا إقتنعنا مع طول الزمن اللي عيشناه تحت حكم العسكريين إننا مينفعش يحكمنا غيرهم
ومحدش يقولي مثلا انه السياسي لازم يبقى عسكري أو عضو في أكشاك الأحزاب المصريه بس , وإلا إذا مكانش واحد ترأس لسنين منظمه دوليه عالميه منخرطه في الأمن وتقرير مصير الدول مش سياسي يبقى مين اللي سياسي ؟
انا مش بروج للبرادعي انا بتكلم بصفه عامه , التعديل الدستوري الأخير حاول يقنعنا إن السياسي بس واللي ينفع يحكم البلد هو اللي جاي من مؤسسه حزبيه ومش المفروض إننا نشرب الفكره دي
أما بالنسبه لسؤالك البريْ فأنا بصفتي صيدلي مش هينفع أقولك ايه السبب بالظبط , السؤال ده عاوز إستشاري أمراض ذكوره يجاوب عليه
إنما انا ممكن أبقى أصرف العلاج
ههههههه
تحياتي
انا شايفه ان البرادعي كويس .... اصله بيشتم في النظام .... وموش بيحب امريكا :)
ومصر موش بتخصب يورانيوم .... علشان جوزها .... اللي هي امريكا موش موافق على طفل الانابيب :)
تحياتي
هى مصر ليه مش بتخصب يورانيوم؟؟؟؟؟؟؟
عشان فيه عقم تهديفى
و الضبعةأساساً
اسمها مش مريح نفسياً
و لا كويس ع الست الحامل
و النواية بتقف فى الزور
______
وحشتينا و يوم المنصورة كان عاوزك
معلش مسيرنا نشوفك يوم البؤجة
بوسة و حضونة يا قمر التدوين كله
محمد فوزى
انا مش عاوزه عسكرى يمسكها ولا شاويش حتى بس حد مدرك وممارس للسياسه بس مش اكتر
ام العلاج فدلنا على دكتور شاطر
فتاه من الصعيد
على كده لو بالمقياس بتاعك ابقى انا ملكه مصر من زمان وهجرى اطالب بحقى فى القصر الجمهورى هههههه
وبلاش طفل انابين يتبنوه هههههههه
فاتيما
تخيلى واحد متجوز واحده اسمها الضبعه يخلف منها ازاى صحيح
وانتى كمان وحشانى والله ان شاء الله اشوفكم على خير معلش مجتش المنصورة كنت مش قادره ومانتخه وانا كمان التبرع بتاعى فصيلتى ممتده فلازم مش كل وقت اتبرع لازم لما هيئه المصل واللقاح تطلبنى لانى بدى شخص معين او فصيله معينه يعنى كل مما يحتاجونى يلاقونى
المرشح النووي.. هل يُخْضِع انتخابات مصر لتفتيش دولي؟!
هشوفلك الجماعه بتوع إيران بيتعاملوا مع مين وأقولك
البرادعي ولا جمال
البرادعي ولا نور
البرادعي ولا الاخوانجية
بالعقل البرادعي هو انسب شخصية ل اعادة دولة القانون و الحكم الرشيد و تغير الدستور
البرادعي هو الامل الاخير لمصر
نعم للبرادعي عد فانت الامل
إيدك في إيدينا.. البرادعي رئيس لينا
لان مصر عقيمة يا عبلة
إزيك
--------
والانتخابات القادمة بسبب «البرادعى» قد تكون تحت إشراف الوكالة الدولية للطاقة الذرية، وبالتالى لن نستطيع «تخصيب» الصناديق،
جلال عامر
http://www.almasry-alyoum.com/article2.aspx?ArticleID=232587&IssueID=1584
انا مصصم انك ترجعى تانى تقولى كان معكم ابى هانم بتنجانى .. كده برضه احسن
بالنسبه للبرادعى .. لازم يا ابى يكون فيه محاوله ضد هذا التنظيم اللى بيسموه الحزن الوطنى
اما اليورانيوم .. احنا عارفين نخصب الزباله عشان نخصب اليورانيوم .. قولى يا باسط .. دى مصر يا عبله
قلتلك هتروحى فى داهية هتروحى
مفيش فايدة هتفضلى مسحوبة من لسانك
هههههههههههههه
وحشتينى اوى اوى يا بت يا شقية
اصل البوست اللى فات عجبنى فقلت اعلق عليه هنا
الجماعه بتوع الحزن الوثنى بيلعبوا معانا عشكر وحراميه .. وبيلعبوا معانا لعبة البهلوانات اللى ماسكين ميكروفون وعمالين ينهقوا بيه فى الشارع .. لاهما عارفين يقولا ولا احنا عارفين نسمع كلامهم
مرتضى منصور بقى وشوبير .. دى حاجات مقصوده عشان يلهونا عن البلاوى اللى بيعملوها ونمسك احنا فى شوبير ومرتضى منصور ونتلخم فيه بعيد عن السامعين
مبارات مصر والجزائر .. آآآآآه يا خوفى يا بدران
أنا أرى أن البرادعى غير مؤهل لحكم مصر
و كيف نرشحة دون أن نعلم سياستة
أتعلمون لقد سمعت فى برنامج الطبعة الأولى على قناة دريم أن البرادعى ضد مجانية التعليم لن أزيد فى الحديث عن هذا
تقبل تحياتى و احترامى
ههههههههههههههههههههه
دي كانت استاتس مسخرة
حكرر نفس ردي
عشان حامد مبقاش جامد
رغم أني رافض للتشبيهات الذكورية اللي بزيادة دي بس يلا أهي موظفة في سياق الموضوع
ايه اللي أنا بقوله ده
هع هع هع
برادعى ايه بس اللى يباه رئيس جمهوريه!!!!!!
ارحمنى يارب...
كده متجيش؟؟؟؟؟؟؟؟ سالت عليكى على فكره وزعلت انك مجيتيش اللقاء اليوم بجد كان ناقصك:(
مواطن مصرى: هو البرادعى عنده كام سنه؟؟؟؟؟؟؟؟؟ 70؟؟؟
جميل نطلع من شيخوخه ندخل فى شيخوخه....
وبعدين البرادعى يعرف ايه عن مصر؟؟ بيشوفها فى التليفزيون؟ يعرف ايه عن احتياجات المواطن فيها؟ يعرف الدويقه؟ يعرف اسطبل عنتر؟؟؟؟؟؟ ولا يعرف شرم والغردقه؟
البرادعى يعرف نظام التعليم اللى عندنا ماشى ازاى؟؟؟؟؟؟؟؟؟؟؟؟؟؟
انا ضد اى واحد عاش عمره كله بره مصر والمفروض انه يرأسها..زيه زى زويل اتنين قضوا علمهم فى المعامل والعلم والمفروض دلوقتى يباوا رؤساء؟؟..
وبعدين هو ان مكانش البرادعى يباه نور؟؟؟؟؟؟؟
نور ايه دا كمان نور اصلا مبقاش حد بيطرح اسمه من زماااااااان...
لو اتعمل الدستور وقدر البرادعى يترشح؟
يباه البرادعى ولا عمرو موسى؟؟؟
مكانشى ناقصنا غير الامريكان والاسرائيليين يحكمونا ....
على راى اخويا الصغير برادعى مين والناس نايمين:))
هههههههههههههههههههههههههه
....................
عشان احنا بلدنا عاقله يا ماما مبنخصبشى يورانيوم
امال ايه حكمه المنوفى بقى
امشى جنب الحيط تسلم من ضرب العبيط
تخصيب اليورانيوم يسبقه تحرش من الدول العظمى وممكن يتهمونا اننا اختصبنا اليورانيوم
تحيه لاسعه
أحمد و استفدينا من مجانية التعليم ما التعليم بايظ بسبب تلك المجانية
و البحث العملي متأخر
خلاص الي رافض البرادعي بقى يبقى يقبل بجمال و يشرب جمال مبارك مدام انتم بترفضو البديل الاخير
سيدتى اابى الجواب سهل جداا و بسيط على تخصيب اليورانيوم ان مصر قطعة الخلف, علشان كدة مش تخصيب ولا اى نيلة, تحياتى
مواطن شوجاع
ليه احنا هندخل بانابيب بوتاجاز
محمد فوزى
ماشى يا دكتور هعمل مش فاهمه ههههه
مواطن مصرى
يا عم ايه الاسماء دى الغريبه اللى بتقول عليها
وبعدين انت من زمان ليه مرشحتش يعنى البرادعى هو اى اسم وبس يعرف ايه برضه ونده كام سنه يا عم عاوزين شباب فاهمه هو احنا اقل من امريكا بقولك ايه اشرب كاكاو كده واهدى
المجهول
محسوبتك ابى هانم يا فندم
بدراوى
ههههههه حلو المقال فعلا مش هيخصبوا الصناديق هما اصلا مش عارفين يخصبوا حاجه
فشكول
عونيه يا خالو هو انا اقدر على زعلك
شفشوقتى
انتى اكتير يا حبيبتى سلامى لاحسان بيه وخلينى اشوفك يا ولاد قريب
فشكول
والله بدران ده شايل هم الناس كلها دزل بيلعبوا قط وفأر كمان
احمد الزنارى
اه وماله وخلى تلات اربع الشعب فى الظروف دى يبقى امى هو يعنى خسران حاجه
ميشو
اوعى تحرقها اتقل على رزقك
الشعب لابد له من حكومه
والله يا حبيبتى غصب عنى اختك مدغدغه فى بعضيتها خالص متعليش وبعدين انا بروح المنصورة هبقى اقولك واقابلكم يا قمر
سومه
دايما اجاباتك مؤدبه يا بنتى ادردحى شويه هههههههههههههه
لاسع افندى
صباح الدماغ
مواطن مصرى
انت خريج مدارس ايه
يا ابنى يا ضنايا التعليم لو مش فيه مجانيه تلات اربع البلد بنت الشوز دى هتبقى اميه يا ابنى ارحمنى يا ابنى بس قولى انت خريج ايه بالظبط
ويا ابنى يا ده يا ده ما فيه عمرو موسى وفيه كتير جدا وفيه عمر سليمان
كريم
ايه يا ولاد كلكم مؤدبين كده ليه هههههههه
ههههههههههه
لاسباب كتير جدا
1- هى واليورانيوم ولاد عم مكسوفين من بعض
2- كفاية عليها الدنيا هتبقى ام الدنيا وابن اليورانيوم كمان
3- علشان ما تغيظش جمال يبقى هو ما بيخلفش وهى لسه بتخلف
4- لما تفلح الاول فى تخصيب الجزائر الى واكلة دماغ خلق الله
5- لما تشوف الاول مين هيخصب مين
شوبير والا مرتضى وتعرف الطريقة
مسلم
وعلشان الناس تعرف
مصر بقت بلدالراجل العجوز
راحت عليه خلاص
الحاج بركة اخر حاجة موت
ما يحوقش معاه لا فياجرا ولا غيره
وعاوزينه يخصب اليورانيوم
ههههههههههههههههههههه
يا اخى ايههههه
مسلم
انا عندى سببين اقوى من بعض
الاول :
إن مصر أساسا أنثى
التانى :
أتفق مع الغير معرف
لاسباب كتير جدا
1- هى واليورانيوم ولاد عم مكسوفين من بعض
2- كفاية عليها الدنيا هتبقى ام الدنيا وابن اليورانيوم كمان
3- علشان ما تغيظش جمال يبقى هو ما بيخلفش وهى لسه بتخلف
4- لما تفلح الاول فى تخصيب الجزائر الى واكلة دماغ خلق الله
5- لما تشوف الاول مين هيخصب مين
شوبير والا مرتضى وتعرف الطريقة
,وفى اسباب كتير تانية بس انا ناسيها
:$
تحياتى
فقرى
اولا وحشتينى
ثانيا زعلانة جدامنك
ثالثا معاكى حق جدا
وللاسف دا واقع بلدنا من فترة طووووووووووووويلة
هههههههههههههههههههههه
سؤال مش عارفة أجاوبك عليه بصراحة ويمكن من كتر الضحك
وهقولك حاجة واحدة لو سألتك أنت مصرى تقولى إيه
؟؟؟؟؟؟؟؟؟؟؟؟
يا سبحان الله
يعنى بشوف المواضيع اللى فى جوجل عن تخصيب اليورانيوم بعد ما كتبت مقالى عن تخصيب اليورانيوم ( من هنا)
هى دى المواضيع المفيدة :)
لقيت مقال حضرتك
يا سلام موضوع مفيد:)
لا بجد
السؤال اجابته بسيطة ماهو تخصيب اليورانيوم
وممكن احنا فى مصر بنخصب يورانيوم او اى بلد
بس فيه فرق بين السلم والحرب
وان تكاليف تخصيبه فى السلم تختلف عن الحرب
ودا اللى انا شارحه فى مقالى
-----------------------------
انا مش جاى اضايق حد ولا حاجة لا سمح الله
لا انا جاى اصالح عشان تعرفوا بس ان قلبى طيب
ومحبتش ان حد يشتال منى :)
على الرغم ان حضرتك اللى نرفزتينى فى الاول ولا باين شكلك مش فاكرة اساسا انا مين
المهم انا كده عملت اللى عليا
واخبار البطاطس ايه :)
شايفها زى الفل اهى:)
Post a Comment