فستان


شعرت انها تملك العالم يوما حدثها واخبرها بميعاد نزوله اليها
فرحت كما طفل يتيم يفرح بملابس عيد جديده
ذهبت من فرحتها لاغلى محلات الملابس واشترت اروع فستان تراه عين
فستان يكشف الكثير من مفاتنها ويخفى الاكثر
تخيلت فى كل لحظه وهي تختار انه معاها يختار لها
لم تختار بذوقها اختارت بعيونه هو كما راتها اول مره وكيف ينظر لها
كانت تبتسم عندما تتخيل ردود افعاله عند اختيار اي فستان
واخيرا اختارت ما يحب ان يري عليها
وهي تمر بين ردهات المحل وجدت بيبى دوول رقيق لا يشف الكثير ولكنه مثير للغايه اخذته بدون وعي ولا تفكير
لا تعلم لما
ولانه لم يحدث بينهما شئ من قبل ولا كانت تخطط لذلك فهي كما هي تحافظ على نفسها ومظهرها امامه وبين ربها
اخرجت من شنطتها الكريديت كارد ودفعت الثمن ولم تنتبه انه دفعت كثير
فكانت فرحتها بقرب لقائه اكبر من ذالك
رجعت مسرعه الى البيت وخلعت عنها ملابسها وجربت الفستان مره اخري على حذاء عالى قررت شراء شنطه تليق به
احمر وجهها خجلا عندما امسكت بالبيبي دووول وانتبهت لنفسها ولكن سرعان ما زال ما جاء فى خاطرها
لملمت الاشياء ووضعتها فى وضع الاستعداد للقائه
كانت تنظر لهم كل يوم وهى تقطع ورق النتيجه من امامها لتقطف الايام كما يقطف الجناينى الورد
وكانت سعيده
كانت تبتسم خجلا عندما يحدثها عن لقائهم وما يدور فى خاطره فى هذا اللقاء وكيف هو مستعد له ومشتاق
وجاء يوما وتغير ولم تكن تعلم السبب ولكنها كانت تشعر رغم انكاره ان هناك شئ ما بداخله
وكانت احساسها به رغم البعد كبير لانها تعشقه فشعرت به
الى ان جاء اللحظه التى اخبرها فيها ان قلبه يعتصر من الالم لاحساسه بالخيانه وانه يشعر تجاه زوجته بالخيانه
لملمت اشلائها التى تمزقت وانتبهت انها يوما كانت ترفض هذه الخيانه على الصعيد الشخصى فكيف لها ان تقبلها على غيرها
قالت له بكل كبرياء اذا الوقت حان لكي نفترق ولم يعد لى بداخلك مكان شعرت بمراره الالم وشعرت بمراره الفراق
قررت ولم تكن تملك سوا القرار بالبعد لينعم هو بهدوء فى حياته حتى لو شعرت يوما بالحرمان منه
فكان هو عندها هو الامان ولن ترضى بغير ذالك فى حياتها
رجعت الى بيتها وهي تبكي وتحضن الفستان وسالت نفسها هل يوما سارتديه ام سيصبح فى طي النسيان
انتبهت لنفسها وهي تقول ان يوما لم اكون خطيه لاني قررت الحب بدون اغراض
لم اكون يوما مخطأه انى اخترت هذا الانسان ولكن الظروف هي ما تحول بينه وبينها
تمنت له اسعد الايام ومضت فى طريقها ولا تعلم ما ستخبأه لها الايام
ولكنها انتبهت فى نفس الوقت لما كانت ستسببه من الم يعتصر قلبها وقلبه عند الشعور بالذنب تجاه شخص اخر لم يكن يوما فى الحسبان


القصه شبه حقيقيه من واقع حياه كتير بيوقع فيها بس بينتبه فى اخر لحظه للذنب اللى ممكن يعمله

المهم بقى القصه دراما من تاليفى مع بعض الحقائق بس ابوس ايديكم وش وقفا محدش يعمل اسقاط عليا يعنى القصد ان دي مشاكل من اللى بتقع كتير من البنات والستات وبرضه الرجاله وموجوده بالفعل فى حياتنا انا كتبتها على الفتيس توك من فتره واطلب منى انقلها علشان يبقى النقاش على اوسع فى مشكله من مشاكل الحياه واللى بيقع فيها كتير اوي
اقروا وافهموا ومش مطلوب تبرير لان الغلط غلط من البدايه بس اكيد كلنا عندنا المشاعر الانسانيه الملخبطه الاهم اننا ننتبه فى الوقت المناسب ليه
اهو فيه شرح اكتر من كده وكل واحد يقول وجهه نظره ورايه بصراحه على فكره اول مره اكتب قصه بالشكل ده وبالطريقه دي ومش عاوزه مجامله يعنى وحشه ولا حلوه اقصد الاسلوب يعنى كمان
ونناقش مشكله بتحصل من وجهه نظر الاتنين الفياكين والفيكونات وكله يحط نفسه مكانهم
يالا اقعدوا بالعافيه

كان معكم حلال المشاكل حلال العقد لواء اركان حرب أبي هانم بتنجانى

حكمه الامبراطوره

لا تعطي ثقتك لمن يعطيك نص وجهه والنصف الاخر يخبأه

77 اخبط وقول رايك:

thunder said...

قصة حلوة رغم انك قولتى انها نوع ما درامية لكن انا شايفها العكس عارفة لازم كلنا نمر بى المراحل دى ولازم ندخل تجارب تفشل علشان نلاقى التجارب الاصلح والناجحه هى كدا الحياة خطوات وسلم بناخد فيها خطوة خطوة ومينفعش ناخد واحدة قبل التانية
بس عارفة هو مش كلام شعارت ايوا كلنا لما بنتعرض للحظة جرح اكيد بتاثر فينا وبتسيب فينا جرح لكن يعملنا مش يكسرنا يعلمنا نقوى علشان نواجه الجرح اللى بعده
اختى العزيزة دمتِ بكل حب و ود وفى رعاية الله وحفظه دائما

ضــى القمــر said...

احجز تانى تعليق
واروح اقرا وارجع
فرصه ده تانى تعليق عند ابى . مش عند اى حد ..هههه

لورنس العرب said...

ولله اللي انا فهمته انه متزوج وبحها وهي احبته ولكنه تركها لأنه يرى ان في هذا خيانه لزوجته
وهذا ناتج من جملة
"الى ان جاء اللحظه التى اخبرها فيها ان قلبه يعتصر من الالم لاحساسه بالخيانه وانه يشعر تجاه زوجته بالخيانه
"
ده اللي انا فهمته بعد قراءه عدة مرات واعذريني لأن مخي تخين شويه
بس فيه حاجه
هو الحقيقه مفيش اي مشاكل لو كانوا كملوا وتزوجوا مثلا
انما لو هو رايح يقابلها عشان يقضي وقت ويشعر انه لازال رجل مرغوب فيه فهذا هو الهبل
أما لو كان سيتزوجها فلا يوجد أي خيانه ولا يوجد أي مشكله
هو الخطأ من البدايه ان الرجل يسمح لنفسه بإقامة علاقه مع طرف آخر وهو متزوج
لكن لنفترض مثلا انه متزوج وحصل انه أحب أخرى وهذه الأخرى تعرف ظروفه جيدا وتعرف انه متزوج وتحت ضغوط نفسيه كثيره يرى انه لا يستطيع ان يستغنى عنها
لا ارى اي مشكله في الارتباط
مع التشديد على انني قلت انه في البدايه من الخطأ أصلا قيام علاقه بين حد متزوج بآخر لأن هذا ما يفتح الباب لهذه النهايات سواء كانت سعيده أو حزينه
لكن لو حصل هذا الموقف فإن الرجل يكون قد ظلم المرأه بالفعل بأن يسير معها ويتسلى ويأتي في النهايه ويقول لا استطيع ان أخون زوجتي!، طيب كنت فين من الاول يا عمنا؟

هندسة وصفية said...

الصراحة هو مش احساس بالذنب منه اطلاقا
انا اصلا عندي بوست حابسه في الدرافت
هفرج عنه وقت مايريد ربنا
اسمه للمراءة وجهان و للرجل مليون
يمكن فعلا مرتبط جدا بالقصة دي
سيبك انتي انا كان ظاهرلي علي السايد بار صورة فستان قلت دي قعدة حريم مليش فيها بس قلت القي نظرة لقيتها قصة عميكة عميكة

أحمـــــــــــــد أبو العلا said...

الخيانه اسهل طريقه تدميريه
الخيانه اسرع طريقه للهاويه

ليها اسباب كتير, البعض يقول مرضيه والبعض يقول ملوخيه

بس كلها اصلا حجج فارغه للهروب من المسؤليه

Nostor Azzuro said...

كل واحد لما بيحس باحساس الحب مش بيقدر يحكم على الظروف وبيخرج عن السيطرة فلازم ان الواحد زى ما قال بوحة يسخدم ذكاؤه ويتحكم فى مشاعره
واسلوبك القصة كويس

ضــى القمــر said...

ابى
القصه جميله واسلوبها بجد جميل
وفكرتها مهمه جدا .
وبصراحه احترت اقولك ايه يا ابى
الأحساس ده اكيد صعب . انه قلبه مع شخص عارف انه مش هيكون ليه.
اكيد احساس صعب . ومش هنلوم ولا هنقدمه لمحكمات لأن الواقع ان فى رجال كثير كده . بيحبوا احيان غصب عنهم غير زوجتهم . لكن اعتقد بيكون عذاب .
لأن حلمهم مع الحبيب مش بينفع يستمر . ولازم ينتهى فى يوم . ونهايته هتكون صعبه جداا وقتها على الطرفين .
اتمنى من كل قلبى ان مفيش اى حد يجرب الأحساس ده .
ابى
ردى يمكن مش يليق باللى قريته . لكن صدقينى وقفت محتارة كثير بعد احساسى بالموقف ..
اجمل تحيه لأجمل ابى
سلام يا قمر

قوس قزح said...

انا هشوف القصة من منظور تانى بعيد ان ايه الاسباب اللى دفعتهم لكده و ايه الصح و ايه الغلط

لكن هشوفه من ناحية المشاعر
زى ما بيقولوا الحب اعمى
يعنى فعلا الواحد لما بيحب بجد بيلاقى نفسه بيتصرف تصرفات عمره ما كات يتخيل انه يقوم بها و يقدم تنازلات كانت اسس له
الحب فعلا بيخلى العقل اعمى بس لو حب حقيقى
ساعات العقل بيفوء للحظات و هنا بيكون القرار الصادم لو الحب ده مش مناسب للشخص
و هنا الاتنين حصلت لهم صدمة العقل

اما عن الاسلوب طبعا هى محاولة جيدة منك خصوصا انها نقلة من اللغة البتنجانية للغة الفصحى
و القصة بسيطة فى اسلوبها مش مكلكعة يعنى و دى ميزة فى نظرى

اما عن الاسقاط
امممم
المرة دى بلاش منه
و نخليها للقصة الجاية ههههههههههههه

قوس قزح said...

اه نسيت اقولك ان الاسم هنا عجبنى
ليه بقى
لانى شايفة انه له معنبن
الاول
لو هو رجل متعود على الخيانة فالمشاعر له مجرد فستان بيعجب به و بيغيره كل شوية

التانى
ان الحاجة الحقيقية اللى طلعت بها البنت دى من القصة هى بس الفستان


معرفش بقى اختيارك للاسم ليه

سلام

adel said...

مش عارف ااقولك والله يا ست الامبراطورة ايه ؟؟
انا لا متجوز و لا مستني حد

ههههههههههه

بس هو اكيد محبهاش مدام حاسس بالخيانة قوي كده
هو مشاعره ناحية مراته
و هو خانها نوع من التغير او التمرد علي واقع عاشه معاها بس مش عاجبه

و البنوتة دي ارتباطه بيه اصلا غلط مدام مش متاكده من حبه

بت خيخة وأي كلام said...

ها؟
ايه؟
مين؟

يعنى فى الاخر البت مالبستش الفستان والراجل طلع متجوز؟

طب المهم لبست البيبى دول ولا لأ؟



انا بحب اوى البوستات اللى فيه رغى





عايزانا نحط نفسنا مكانهم

اممممممممممممممم

انا دلوقتى الراجل ابو عين زايغة الوسخ النتن الخاين ابن الكلب اللى حب واحدة على مراته


بحب المزة التانية
وغرضى شريف

ومعايا فلوس افتح بيتين؟

لنفترض ان اه معايا فلوس افتح بيتين

اروح عند مراتى واقولها انا بحب واحدة وعايز اعمل معاها هونجا بونجا فى الحلال

ممكن اتجوزها ولا لأ

قالتلى لو اتجوزتها طلقنى
وسيبلى العيال

هافكر كويس

مين عندى ابقى من مين
القديمة تحلى ولو كانت وحلة؟
ولا المزة الجديدة بفستانها وبيبيى دوولها؟

غالبا القديمة تحلى حتى ولو كانت وحلة

بس ساعات البيبى دول يكسب




انا دلوقتى البت المزة
ام فستان وبيبى دوول

اتنيلت على عينى وحبيت واحد متجوز ودفعت دم قلبى فى فستان وبيبيى دوول
وفى الاخر النتن ابن النتنة بيقولى مش قادر اخون مراتى


احا

بقى دلوقتى مش قادر يخون مراته؟
بقالى معاه معرفش اد ايه
لان البت ابى مقلتش فى القصة
بقالهم اد ايه مع بعض

ودلوقتى جاى يعمل بطل على قفايا ويقولى مقدرش اخون مراتى


و هو البعيد يقدر يخون مراته
ويخون اللى خلفوه كمان
بس هو لما لقانى مصممة
انى مالبسش البيبى دوول
الا واحنا متجوزين شرعى
راح عمل فيها رقيق وحساس
ومقدرش اخون مراتى

ماشى يا بن الكلب

روح يا خويا لمراتك
اللى متقدرش تخونها
لما قلتلك اتجوزنى


لكن كنت تقدر تخونها
لما كنت تقولها ان عندك اجتماع
وتيجى تقابلنى فى تريانون

وتقولها عندى سفرية مهمه
ونطلع سوا العين السخنة
ونعمل داى يوز مع بعض

ولما جيت افاتحك فى موضوع الجواز
قلتلى مقدرش اخون مراتى
طب احا عليك بقى
وغور من قلبى فى ستين داهية





انا دلوقتى خيخة
قبل الجواز

الحب قرار منى واختيارى




الواد ده عاجبنى
ركزت معاه
سنه مناسب لسنى
مسلم زيي
شغله كويس
متجوز
استوب
القوات تتقهقر
الشخص ده هيكون مجرد زميل
ممنوع منعا بااااااتا الاقتراب منه والاهتمام به اهتمام مبالغ بيه
لانه متجوووووووووووووووزززززززززز




نيجى لواحد تانى
الواد ده عاجبنى
هاتعرف عليه
وهاشوف ظروف ايه
اممم
سنه مناسب
عازب
مسلم زي
تعليمه كويس
اهله كويسين

اوك خلاص
ينفذ والقوات تتقدم
انا قررت انى احبه




انا خيخة الزوجة
زهقانة من جوزى ومشاكلنا مالهاش حل
يبقى اتطلق الاول
وبعد كدة ابقى احب براحتى
لكن طول ما انا زوجة
ماينفعش اطلاااااااقا
انى اطور علاقتى
بأى شخص من جنس الرجال
واخلي فيها احتمالية
انها ممكن تتحول لحب
لانى زوووووووووووووووجة

وحرام عليا انى اخون ثقة الراجل
اللى ادانى اسمه
وحرام عليا نفسى
لما اكون قدامها خاينة
ومش هاعرف ابص لخلقتى فى المراية



لكل راجل متجوز اتقى ربناااااااا
فى مراتك وفى بنات الناس

لكل واحدة مش متجوزة
قبل ما تحبى شوفى اختيارك مناسب ولا لا
ولو متجوز ابعدى عنه وحرام عليكى تخربى بيت بسببك

لكل زوجة
طهقانة من جوزك ومافيش حل يبقى اتطلقى
لكن اياكى والخيانة


الخيانة نووووووو
الخيانة يععععععععععع
الخيانة اففففففففففف
الخيانة بتوجععععععععععععع

الخيانة كسرة نفس



انا مش صعبان عليا غير البيبى دوول اللى اترمى فى الدولاب
من غير ما يتلبس

والبيبهات دوولات دول انا عارفة بيبقى سعرهم غالى وبيوجعوا الجيب اوى



سلام يا بتنجانة هانم

اختك خيخة

مواطن مصري said...

قصة مؤثرة و حلوة

بس هو الموقف دة حصلك فعلا ولا نص الموقف ؟؟

Love-Guru said...

يعني لو ماكنش هو اللي طلب يبعد كانت حتستمر في هذا العلاقة العاطفية دون الاحساس بالذنب انها تغتصب شئ ليس من حقها ؟
و اذا كانت فعلا بتكره الخيانة فالي اين كانت ستقودها هذه العلاقة اذا كان هو لا يمانع في استمرارها؟
أري تناقضا واضحا نتيجة سيطرة القلب علي العقل فقلبها كان يتخذ القرار لا عقلها و لولا عقلانية الرجل التي لا اجد ما يبررها في الحبكة الدرامية , ما كانت الفتاة افاقت من غيبوبة هذا الحب الشائك و الذي كان سيؤرق حياتها لو تسبب في دمار الاسرة الاخري.

طبعا دي قصة درامية لكن في الواقع الحالي و مع وجود 10 مليون شاب و شابة في سن الزواج بدون زواج , فاغلب الظن ان الفتاة سوف تتزوجه علي زوجته و اذا رفضت الزوجة الاولي و طلبت الطلاق يبقي خير و بركة و سلم لي علي المبادئ.

MaNoOoSh said...

ايوة الحب أعمى ومرايته عامية.. بس ساعات احنا اللى بنستعبط ونعمل نفسنا عمي عن حقائق هتهد الحب فى أي لحظة


طب ازاى الواحد يحب وهو حاسس ان مسير الحب دة هيتهد الا لو كان بيستعبط


طيب احساسي فى القصة ان البنت ايوة اكيد عارفة انه متجوز واطلقت العنان لمشاعرها بردو.. لكن هو بقى مفتكرش انه متجوز غير الوقتي بس؟؟؟

انا مع رأي قوس قزح جدا.. انها كانت بالنسبه له مجرد فستان.. وان الحاجة اللي هي طلعت بيها الفستان.

ايوشة said...

بصراحة بما انى واحدة بفكر بعقلى وشايفة ان اى واحدة المفروض مش تبنى امالها واحلامها على دمار واحدة تانية من الاول عارفة انه متجوز كانت بعدت وهو بصراحة الغلط الاكبر عليه
الحل فعلا يكون البعد او انه يصارح مراته ويمكن تكون حياتهم مش تمام اوى ويقعد يكمل مع التانية بس مش يظلم الاولى

مسدس صغير said...

ماشى يا حلاله المشاكل
هههههههه
احييكى على القصة الرائعة
بجد جميلة اوى
استخدام لمفردات اللغة حلو اوى
سلام

عبد من عباد الله said...

هى للأسف اه انها دلوقتي فيه ناس كتير بتقع في المشاكل دي ، و يمكن ده ليه اسباب كتيره منها حاله الفراغ الكبيره السائده دلوقتي بين الناس و اللي بسببها بقى كل اللي شاغل الشباب و مفيش غيره في الدنيا هو ...الحب و سيره الحب يا عيني على الحب ههههههه

باختصار يعني علشان ما اطولش في موضوع الحب ده لان اللي بيحصل دلوقتي من هبل و عبط و جهل مخلي الناس بقت مش عارفه راسها من رجليها بصراحه بتدايقني شويه ، لكن بالنسبالي انا شخصياً فانا اساساً مؤمن اني لن احب انسانه إلا اللي حتجوزها ....

باختصار يعني انا عن نفسي مش بتاع تجارب و يلا انا شاب دلوقتي لازم اجرب و افشل و خلينا زي الناس يا عم و هو كله كده و كل واحده لازم يكون ليه تجاربه الفاشله و عيش الجو و اتعلم .. نوووووو ، انا بتعامل مع كل البنات على انهم اخواتي ربما يعجبني تفكير واحده ربما يعجبي اخلاق واحده ربما شكلها ربما طريقه كلامها اياً كان كلهم زملائي و اخواتي اما عندما اكون مؤهل للزواج سأحدد من سأتزوجها و من يميل قلبي اليها و يراها عقلي مناسبه لي فسأتقدم اليها و إن وافقت و هيأ كل شئ للجواز فحقاً سأصرح لها بكل ما في عواطفي و هنا لن اتركها او اتخلى عنها بإذن الله إلا إذا توفيت و هذا شئ ليس لي دخل به .

تحيه مني إلى لواء اركان حرب آبي و لاموأخذه بتنجاني ههههه

صبرني يارب said...

عارفه يا ابي
انا ساعات كتير بتجيلى افكار حلوه وباكون عايزه اكتبها

بس الغباوه بقى بتاعة هو انتى صاحبة القصه ؟؟
طب مين اه مين مين

غتاااااااته


ما علينا

القصه جميله من وجهة نظري وفيها احساسي حلوه مقنعه جدا

وبالنسبه لموضوع الخيانه
دى حسب مقدرتها بقى
اعتقد انها ممكن تسامح لكونها اول مره
لكن لا اعتقد ابدااااا ان هاترجع زي الاول

هايفضل مابينهم فجوه لا باس بها

لكن احيانا بيكون ما بين الشخصين ما يمكن معه التنازل وغفران الخطا الاول


الاووووووووووووول بس

بعد كده قطع رقبه يا معلم

وانا لو منه ما كنتش قلتلها ما استفددتش حاجه هى غير العذاب


ستره الله لو كان ستر على نفسه

كان يتنيل يستر على نفسه ويستحمل عذاب الضمير

ويادب نفسه ويتوب الى الله تعالى ويستغفر ويحاول يعوضها ما بينه وبين نفسه عن ما صدر منه بحقها


وطبعا يتووووووووووووووووووووب


تحياتي ليكى يا جميل

بدراوى said...

هو حضرتك قلبتيها برنامج بين الناس و لا ايه
؟.
لو سمحت انا محتار مش عارف اعمل ايه
بين الناس
!!!

عموماً حقول رأيى و امر لله

بدراوى said...

اعتقد ان القصة فيها تفاصيل غائبة زى سن الزوج
لأن كثير بيبقى سن الفتاة صغير و سن الزوج مثلاً فرق 10 او 15 سنة
و بيبقى الزوج اصابه الملل من زوجته اللى اهملته و اهملت فى شكلها و صحتها
فغصب عنه بيبص لبرة
بس الإنسان فى الأخر بيراعى ربنا
فلازم حتى لو كلنا لينا اخطاء كبشر
لازم يبقى فايق و صاحى لو تورط فى علاقة حب خارج اطار الزواج قدامه حل من اثنين قبل ما العلاقة تتطور لشىء غلط
يا اما يرجع يفكر فى مراته بجد و يهتم بيها و يديها ملاحظات على شكلها و لبسها و طريقتها
يا اما يحترم مشاعر البنت و يتقدملها رسمى لو هو شخص قادر يفتح بتين
بس لازم يقيم مشاعرها كويس لأنها ساعات بتبقى مشاعر حب ابوى او حب للحب نفسه يعنى هيا بتحب حب فلان ليها
مش بتحبه هو و ده اخطر شىء

طبعاً بقول حب ابوى لو هو شخص عدى ال
40
فى الغالب

الموضوع محير و عايز قوة و ارادة

بس اللى احب اقوله كمان من وجهة نظرى
ان الراجل لو عنيه بصت بره لازم يبص و يشوف هو بص برة ليه لازم يعيد ترتيب بيته من ثانى
اصل الموضوع مش ان ربنا اداله حق شرعى يتجوز اكثر من مرة قوم يطلق العنان لمشاعر حبه

طب و الست ليه نعلقها المشانق لو بصت برة
طبعاً مشكلة الست اصعب لأنها لما بتبدأ ترتاح للكلام مع فلان بتتكلم معاه على انه اخوها و زميلها فى الشغل
لكن بتتفاجىء بعد كدة ان الموضوع مش اخوة خالص
--
بخصوص البنت اللى حبت حد متجوز اعتقد انها المفروض تبقى برده مقيمة مشاعرها من الأول و تكون من الذكاء و الفطنة انها لا تنجرف لطريق اخرته غلط

أكون أو لا أكون said...

القصه ليست غريبه فهي موجوده كثيراً في واقعنا وفي حياتنا...
ويبدو أن الفتاة كانت تنوي المتابعه معه للنهاية رغم معرفتها بإرتباطاته...
لكن لولا قراره هو بإنهائه لهذه القصه لما إنتهت... ولستمر الحال بهما وتزوجا...
الغريب في الحكايه هو اتخاذ الرجل لهذا الموقف وتخليه
عنها ... وهذا نادراً مايحصل بكل صراحه...
ولابد من تفسير لتغيير موقفه تجاهها... وهل فعلاً صحى ضميره فجأه...!!! وفي اللحظات الأخيره
أم كان شعوره بالخيانه مبرراً فقط ليتركها ويبحث عن غيرها...
أم أنه اكتفى بهذا القدر من العواطف والحب... وحين شعر أن الأمور بدأت تأخذ مجرى الجد... قرر الإنسحاب...

الإحتمالات في القصه كثيره من ناحية الرجل لأنه هو من اتخذ القرار...

أما الفتاة لا... لأنها كانت على درايه بأحواله وكانت راضيه.

مدونتك جميله يا أبي... كنت آتي هنا بإستمرار... لكن في كثير من الأحيان أجد مشاركتي ليست في وقتها... خصوصا لو كان الموضوع عن أحوال البلد.

تقبلي مروري...

: )

أكون أو لا أكون said...

الفستان جميل هههههههه
وفستان يارا والإكسسوار اللي على شعرها كمان جميل

Love-Guru said...

سؤال محيرني لماذا اخذت بطلة القصة البيبي دول المثير للغاية عند شرائها للفستان ؟ و بماذا كان عقلها الباطن يفكر ؟ اظن ان عقلها الباطن كان علي استعداد ان يتطور هذا الحب العذري الي علاقة حميمية كاملة سواء من خلال زواج او بدونه. و هذا عكس ما كان عقلها الواعي يفكر فيه من رفض لمبدأ الخيانة و الخطيئة. و التباين بين الموقفين يعكس الصراع النفسي للبطلة و الذي حسمه موقف البطل.

مجداوية said...

السلام عليكم

فاكرة فيلم أحمد ومنى؟
بتاع شادية وصلاح ذو الفقار
مش فاكرة إسمه دلوقت

لكن هو مأخوذ من فيلم أجنبي اسمه الشارع الخلفي كانت بتمثله سوزان هيوارد طبعا المعلومات الأرشيفية دي من أيام الشقاوة والتتنيح قدام التليفزيون

:)
المهم إن ده هو الحب بمعنى لو بيحبها صحيح يبقى مش حيقدر يعيش من غيرها ولأن ديننا بيراعي المشاعر الانسانية فأحل للرجل الزواج بأكثر من واحدة
لكن لأن ثقافتنا ثقافة غربية للأسف فحن نطبقها وننسى أن الله أعلم بخلقه وما ينفعهم وما يضرهم
لكن عشان نطبق منهج ربنا لازم ثقافتنا تتغير الأول فيمكنش الزواج التاني خراب بيوت أو خيانة أو فيه ظلم بل هو حل لأوضاع كثير منها الوقوع في الحب ده اذا كان فعلا حب

مفيش عندنا في الدين ميستريس أو حتى زواج سري ولكن الحب والمشاعر ليست حرام ,الحرام إننا نتعامل مع الحب كجريمة ونحط أنفسنا في الشبهات ونضيع عمرنا بسبب جبن وتخلف المجتمع لأني أعتبر ثقافة الغرب في هذا الأمر هي التخلف
الحب الحقيقي غرضه الأساسي ونهايته بيكون الزواج فاذا تعذر ده يبقى كل واحد يدور على مصلحته وبلاش يعيش طرف منهم على ضحيت هنايا فداه وحاعيش على ذكراه وعمال يحضن في البيبي دول ويتصور جنب الفستان ويمضي قطار العمر ياولدي ويلاقي نفسه في الآخر حاضن البيبي دول في دار المسنين والطرف التاني مهيص وله حياة واسرة وأولاد وأحفاد
الحب مثل الزرع اذا لم يتوفر له أسباب الحياة والنمو يموت
أما ضحيت هنايا فداه ده اسمه هبل


وبعيدا عن كل ده فأسلوبك المرة دي هايل ما انتي شاطرة أهه في العربي أومال الكلام المدشدش جايباه منين

:)

karim said...

انا عايز اقوليك حاجة يا اابى طبعا الغلط معروف و الصح كمان, مرة واحد صاحبى قالى كلمة اتعلمت منها , قالى ان كل واحد بيحب يقيف الطقية اللى على دماغة زى مايحب علشان يقنع نفسة باى شىء, يعنى كل واحد بيحلى لنفسة اللى عليزة ودية المشكلة اننا بنضحك على نفسنا او بنقييف الغلط علشان نشوفة صح, قشطة

Appy said...

هرد سريع علشان محدش يحتار بس

انا قولت مليش علاقه بالقصه دى مجرد قصه حصلت وبتحصل مش لازم اكون انا لقيت الفكره فيها انها فعلا مشاكل وصراعات وكذا حد حط ايده وفتح باب لكام مشكله زى لورانس وموضوع الجواز وان المجتمع بيرفضه
زي لاف ما قال
وقال الصراع بين القلب والعقل
زى ما حد قال ان الحب ساعات بيطغى على العقل
يبقى القصه دى بتحصل مقولتش انها حصلت ليه
انا ولا هرتبط بواحد متجوز ولا هتجوز من الاصل ولا برتبط كمان
انا فرررررى ومش هكون غير كده
فقولت محدش يعمل اسقاط عليا خالص يعنى مليش علاقه بالموضوع
قصه بس حصلت لحد قريب منى مع زياده حاجات من عندى علشان افتح بيهم كام مشكله بتحصل وبتقابلنا
يالا اقعدوا بالعواف عليكم
وابقى ارجع تانى

ابو صهيب ( الجمعاوي الاصيل)سابقاً said...

موهبة جميلة

اما عن القصة فالخطأ هو خطأها من الاول

وربنا يستر على هذا الجيل

goodman said...

الحكمه سليمه
بس مش عمليه
اغلب الناس مخبين نصهم التانى
ده غير اللى مخبى وشه كله
تحياتى

Founoon said...

في الغالب في القصص دي الناس بتحمل المشكلة لواحدة من الستات
يا الزوجة يا الحبيبة
بالنسبة للزوجة بيقولوا اكيد هي مش واخدة بالها من جوزها ومش مريحاه و و و وهي لو مكفياه ماكانش بص بره
وبالنسبة للحبيبة بيقولوا دي كذا وكذا وماعندهاش ضمير وخطافة رجالة ووو

انا في نظري ان الراجل هو الوحيد اللي بيقع عليه الغلط في القصص المشابهه

ماحدش قالك من الاول تختار مراتك غلط
ماحدش قالك ماتحاولش تنجح علاقتك بيها
ماحدش قالك استمر معاها لو انت مش طايقها
ماحدش قالك روح حب وعشم واحدة وانت ماتقدرش وما تجرؤش تتجوز على مراتك
الراجل اناني اوي
اوي بجد
والاتنين ضحايا الزوجة والحبيبة
انا لو مكانهم هما الاتنين اسيبه
خليه يروح يدور على فستان تالت بقى

شمس النهار said...

القصه لطيفه وبتقع كثير
وجميل انها لحقت المصيبه
انا كمان عجبنتني الحكمه
تصدقي ان كمان ساعات تديلهم الثقه وتمدي ايدك كمان تصدقي يبعدوها وبقسوه كمان

(أم البنين) said...

كتبت مرة قصة قصيرة عن هذا الموضوع
من وجهة نظر الزوجة
هل تسمحين لي أن أكتبها هنا

ويكا said...

عارفه يا ابى
القصه دى بتتكرر كتير جدا جدا، الا انها بدرجات متفاوته.
اولا ، عايز اقولك برافوا بجد ، القصه فيها احساس مع انها معروفه بس انا عشتها معاكى.(اقصد يعنى عشت الاحساس وانا بقراها ، مش عايزين مشاكل) ، فبجد انتى حسيتى فكتبتى .
اما للموضوع نفسه، فانا مش شايف مشكله خالص بجد.
اولا هما ما كانوش هيعملوا حاجه حرام.
انا مش عارف احنا حرمنا ما احل الله ليه؟؟!!
وايه اللى يمنع انه يكون بيحب مراته الولانيه والتانيه والتالته والرابعه كمان ، ويا سلام لو فيه ما ملكت ايمانه (ههههههههههههه ، دى كانت تبقى قشطه).
المهم
بجد والله ، يا اخوانا ما دام ربنا شرع اربعه يبقى اكيد ربنا كيف الست ، مع رغم طبيعتها اللى كلنا عارفينها،انها تتقبل هذا الوضع .

على فكره بجد بجد
الراجل لما بيبقى فى حياته اكتر من واحده بيحبهم الاتنين بجد من قلبه جداً ، وبيحاول يرضيهم باى شكل .
سبحان الله يعنى يمكن بيدى لكل واحده حب وحنان اكتر من لو هيه كانت لوحدها.

عموما انا عارف ان الدنيا هتهيج عليا على التصريحات ال exclusive دى.
بس كويس انها جات عند ابى ، بالعند فيها .

وهيا اكيد فاهمه ليه.

وبقلها من هوذا المكان ، الانكار مش هينفع والجريمه لا تفيد ، وبرده مش هجيب اللى فى بالك يقرا حاجه.
(وش بلسان طويييييييييييييييل )اطول من لسانى.

واقعدوا بالعافيه
اممممممممممممممممه

Appy said...

ام البنين
==============
اتفضلى يا حبيبتى هاتيها مفيش مشكله

alexandrany said...

انا جاي وداخل وشايل الصدادة والدرع وكل الات الحرب الدفاعيه نظرا لهجوم قطيع الخرافين اللي ماليين المدونه ومبرطعين فيها
بصي قولي زي مانتي عايزة تقولي
معاكي حق
:)
ازيك يا رحاب عامله ايه
انا قولت اقول سلام عليكم بس وامشي تاني
يعني اللي اعرف الحقه دلوقتي الي اشعار اخر
سلام

سبهللة said...

مين قالك انها غلط
لو كان بيحبها واتجوزها
زوجة تانية ماكنش هايبقى غلط ولا حاجة
الغلط انه حبها بس
وماحولش يتخد قرار اكتر من كدة
وخدى بالك طالما حب واحدة على مراته
يبقى اكيد فى حاجة ناقصة فى حياته
ممكن يكون تقصير منه هو وا من مراته
المهم ان فيه حاجة غلط
لكن البنت
انا شايفة انها مش غلطانة غصب عنها حبت
واغلب البنات لما بتحب
فى حاجات كتير ما بتشوفهاش
زي مثلا انها دفعت كتير اوى فى الحاجات اللى اشترتها
لو كانت فى وعيها ما كنتش اشترت بكل المبلغ دة
هى فى حالة مش طبيعية
الحب مخليها مش شايفة حاجة جواليها غيره هو وبس

حـــــدوتـــــة said...

السلام عليكم

صديقتى الغالية انا عارف انتى قصدك ايه
وكان ممكن القصة تعدى من غير مشاكل
بس المشكلة ان اسلوبك فعلا جميل
واحنا عشنا معاكى فى الحكاية
وحبناها وحبينا الشوق اللى فيها
وفى الاخر اكتشفنا انها خيانة يعنى علاقة محرمة
وهى دى الازمة يعنى من الاخر مينفعش تحلى الحرام فى عنينا
حتى لو كان قصدك فى النهاية خير مش شر
يارب تكونى فهمتينى

سلالالالالالالالالالالالالالالالالالالالالالالالالالالالام

ويكا said...

يالهووووووووووى
ايه الحرقه دى يا بت يا خيخه ، دا انتى غلبتى اليعال بتوع البطنيه والجماليه.
ردح ردح يعنى. وملايه ملايه بصراحه يعنى.

بس انتى فعلا عندك حق فى حاجه واحده بس ، ما جاتشى فى بالى بس انا عارفها فعلاً بالخبره بقى هههههههه، الا وهى ، موضوع الخلعون ده.
ممكن فعلا هو لما لقى الموضوع قلب جد وهيبقى جواذ وما فيش بيبى دوووول الا فى الحلال يا معلم ، فخلاص بقى كده الموضوع جاب اخره.

اما موضوع الجواز ده فانا موافق عليه بقى (لساااان طووووويييييييل ) بالعند فيكى.

وياريت لو فيه ما ملكت ايمان كمان يبقى عسل والله.

والله انتوا ما فهمين حاجه ، دا دماغ ودماغ جامده كمان. للراجل والستتتين.


واعدى بالعافيه يا خيخوخه.

enjy said...

هى دراما اه......ساعات الحياة بتبقى اكثر درامية من الافلام الهندى

رايي ان حتى لو دة حصل هتفضل ذكرى حلوة نبتسم بسببها...معرفش ليه مش مقتنعة ان كل حاجة لازم تنتهى نهاية سعيدة بالعكس قانون الحياة مش كدة

عشان كدة لازم نعيش اللحظة...يعنى حتى لو مش هناخد حاجة او النهايو هتبقى موجعة خلينا منفكرش فى اللى جاى اصلا

ممكن يكون دة غلط بس انا مقتنعة بكدة وعمرى ما حصل ولا هيحصل انى ابتر اى حاجة فى حياتى لانى مستعجلة اعرف النهاية ايه..خلينا كدة عايشين وسايبينها لله واكيد الخير هو اللى مستنينا ايا كان شكله

Love-Guru said...

شئ لطيف لاحظته و هو لون الفستان. هل اختيار آبي لهذا اللون ليس الا مصادفة علما بانه اللون الغالب في المدونة؟ مش بس كده ده حتي لون التكست متناسق مع باقي الالوان. 10 علي 10 في تناسق الالوان. و النتيجة راحة بصرية لزائري المدونة

Ahmed Talk said...

قد لا نقبل أن نخان ولكن عندنا استعداد لأن نخون

ساره said...

لا تعطي ثقتك لمن يعطيك نص وجهه والنصف الاخر يخبأه
ابي نصحيتك قويه وكلها معانى

اما عن القصه طريقتك فى الكتابه يشد
عيشتينا احداث القصه
باسلوبك

طيب احط نفسي مكان البنت مع انتى متغاظه منهم الاثنين بصراحه

البنات لما تحب تصير فعلا عمياء لا ترا ولا تسمع ولا حتى تحس الا بالشخص اللي تحبه
كونها حبت واحد متزوج وهو بادلها نفس الحب وخلها تتعلق فيه .. وتحط نفسها تحت رحمته متى ما تعطف عليها تزوجها واذا بغي يتخلص منها قالها ان ضميره صحي فجأه ومش قادر يكمل ..مع انه ما عمل حساب حق زوجته و كان بمكانه يصدها من الاول .. او اذا مش سعيد في حياته مع زوجته يطلقها وبعدين يصيع زي ما يبي

صدقيني الحب اللي يتنبني على خيانه مصيره يتهدم

هي حبته بقوه
وهو حب نفسه اكثر
ومازال يحب زوجته
وهي بالنسبه له بيرك جميل من ضغط الاسره

الا صحيح ايش صار على البيبي دول؟؟؟

فتاه من الصعيد said...

انا هقول وجهه نظرى
اولا هو اللي خان مراته....لألنه نظر لواحده تانيه
ثانيا هى غلطت لأنها سابت نفسها للمشاعر اللي سيطرت عليها....افتكر ان كل واحد ممكن يحب....لكن الانجراف فى المشاعر لازم يكون محسوب.....ولو علاقه غير سويه لازم نقف ومنكملش.....وبعدين الرجاله بتلجأ لده كخوف من الزواج التانى لانه هيهدم الزواج الاول.....ولو نيته خير ولو هى وزوجته يوافقوا على مشاركتهم لرجل واحد تتحل المشكله....لكن علاقات بير السلم دى نهايتها سيئه

ساره said...

طب بلاش البيبي دول

الفستان كان لونه ايه؟ :)

nody_1987 said...

هى عايشه فى حاله من الهيام علشان هاتقابله
وهو بيخون بيها مراته
هو ده حال كتير جدا من الرجاله

nody_1987 said...

هى عايشه فى حاله من الهيام علشان هاتقابله
وهو بيخون بيها مراته
هو ده حال كتير جدا من الرجاله

ويكا said...

الا صحيح ياختى صح
الا هو ايه البوبو دوووول ده؟
دا نوع شربات دة ولا ايه بالظبط؟!!

اكيد نوع من الشرابات الناعمه ده

حبيبـــــــة القمـــــر said...

ازيك يابيبتي الغاليه
كعادتك بتناقشي مواضيع مهمه بطريقه مميزة

بصي ياقمر
ان الانسان يحب شيء وانه يخطئ باسم الحب شيء تاني

وبعدين مش معنى الحب ان الواحده تلغي عقلها ولا ان الراجل يجري ورا شهواته
الحب طهارة للانسان مش العكس

لكي تحياتي ياقمرة

micheal said...

حلوة يا بتجاني..عامة محدش بيتعلم ببلاش وطبيعي أن الإنسان بيستفيد بكل تجاربه
أنا مش بعمل إسقاط أهو وبتكلم بشكل عام
بس عامة الخيانة هي أصعب شيء وفي رايي أن الغلطة الوحيدة اللي مش ممكن تتنسي
سؤال بقي خارج موضوع البوست:هو ليه كل فستان بيبقي له ديل وهل الديل ده بيريحكوا مثلا..أصل في أي فرحج بتصعي عليا العروسة وهي شيلة حمل الديل أن حد يدوسلها عليه
:))
تحياتي

ReEm said...

نهاية بعيدة احيانا عن الواقع بس صح وي لانه مش ذنب طرف تالت لاعلم له يدفع تمن غلطة اتنين عارفين انهم غلطانين

بس عموما فطريا الراجل بيغلب عليه العقل و الست بتغلب عليها العاطفة يعني نسبة غلط الراجل اكبر بصراحة كان يقدر من البداية يحسبها بعقل و ما يفتحش باب لده و ول القلب ساعات كتير بيخون صاحبه

Appy said...

thunder
===========
اكيد كله بيمر او م كله البعض وفى اليومين دول توقع اى حاجه لان اى حد عاوز يهرب من اى حاجه فى حياته سواء بقى الهروب صح او غلط

ميرسى ليك ومنورنى دايما





ضى القمر
===========
الحجز مستعجل ولا عاده يا انسه

Appy said...

لورانس العرب
==============
حلو اوى اللى انت قولته بس حتى لو فيه رغبه للزوج تفتكر مجتمعنا بيقلب فكره الزورجه التانيه
اكيد لا يعنى ولا الست الاولى هتقبل ولا اصلا التانيه هتتهد وترتاح وتسيب الاولى فى حالها اكيد هينكدوا على بعض
ثانيا بسبب قيود المجتمع الراجل ساعات مبيقدرش مع انه عرف ان ده حقه او شرع ربنا لان هوو حب مش بايده
اللى انا قصدته كمان ان فيه ناس فعلا ضميرها بيفوق ومش كل واحد حب او واحده حبت بيكونوا مخطأين للنهايه
وده بقى دور المجتمع اللى حواليهم مش لازم يعلقوا لهم المشانق لانهم فى النهايه ممكن يقعوا فى نفس الخطأ
المجتمع المصرى بيقبل الرفق والصوحبيه ومبيقلبش الزوجه التانيه
نورت يا لورانس









هندسه وصفيه
================
امممممممممم اشوفه بعينى علشان اقرر وايه كل الوجوه دى افرج عنه بقى علشان اجيب لك مثلث هديه
يا سيدى انا بالذات اوعاك ـاخد على العنواين والصور لان ساعات بعمل حاجات كده حكرات تمويه
ماشى
نورت

Appy said...

احمد ابو العلا
================
الحب اللى من غير قصد مش ذنب الاستمرار فى الغلط هو اللى ملوخيه نورت المحكمه يا فندم








Nostor Azzuro
================
صح كده انت قولت كلام مظبوط لازم يتحكم فى حياته ومشاعرة

Appy said...

ضى القمر
==============
انا كمان بتمنى زيك لانه اكيد بيكون صعب
ميرسي يا حبيبتى لالكلامك ومجاملتك الرقيقه







قوس قزح
==========
صدمه العقل والحياه والمجتمع اللى احنا فيه بصرف النظر عن المشاعر لازم كتير حاجات تانيه بتحكم

اعتقد انا قصدت انها مجرد فستان بيتبدل وفى نفس الوقت هى كسبت الفستان برضه بتاعها
نورتى يا دوللى

Appy said...

عادل
=========
ممكن تكون متاكده وممكن لا المشكله اننا كمان بنحكم على مشاعر الراجل انه محبش مع انه ممكن يبقى حب
اللى اقصده هنا تضارب المبادئ والحياه
مع بعض
نورت يا عادل








خيخه خوخه
============
ايه البوست ده يا بنتى بصى معرفش بس ممكن اسالها لكى البيبى دول ده رمزيه لحاجه جواها انا لما كنت بكتب فعلا كنت عارفه ان محدش هيفهمها
هى مشترتش البيبى دول انا قصدت انه رمزيه لعلاقه المفروض متكونش موجوده
شوفتى بقى مطلعتش لماحه ازاى ودى كانت واضحه لما قولت لما رجعت البيت ولبست الفستان
وبعدين بعدت الافكرا عن دماغها يا قله
مش كل المتجوزين عندهم القدره على الجواز مرة تانيه لان المشكله مش فلوس وبس المشكله تقاليد مجتمع
ومش لازم علشان راجل يحب يبقى عينه زايغه ممكن يبقى راجل ملتزم جدا ومحترم جدا وظروفه توقعه فى بنت كويسه يحبها غصب عنه فهمتى يا ريا

مش شرط الزمن المهم الحب قد ايه يا ام الفاظ اعتراضيه ملوخيه

هو مكنش يعرف انها جابت بيبى دوول اللى انا قولت برضه انه كان صورة رمزيه ومحدش فهمها هو مكنش موجود اصلا نيهاهاها ضحكت عليكوا
هو يا خيخه مالك مدخله الخطوط فى بعضها اصلا هى فى بلد وهو فى بلد يعنى مكنش بيشوفها ولا هى بتشوفه انتى يا بنت بطلعى غلك فى القصه ولا ايه
نصايحك كويسه يا خوخه بس اقرى ردى
وردى تانى من المنظور اللى فهمته لكى يا دماغ
انا هنا بتكلم عن مشاعر انسانيه بحته بعيد عن شهوات فهمتى سواء جواز او غيره وده النهم بعيد عن بعض اصلا
نورتى يا خوختى

Appy said...

مواطن مصرى
==============
انا مقولتش انه حصل ليه ولما حد بيكتب قصه يبقى مش لازم تكون حصلت له انت مقرتش القص للنهايه ولا الكلام قريت نص البوست بس ولا على العايم







Love-Guru
===========
من البدايه هى عندها اسس ولو انجرفت لغيرها شويه اعتقد قصدت ان ده الصراع اللى بينتهى بالصح رغم ان فيه الم وفراق
انا هنا مخلتش البنت تتجوزه لان فيه فعلا ناس فى المجتمع كله
مش كل البنات بتقبل ده ومش كل الرجاله بيكملوا فى الخيانه

Appy said...

MaNoOoSh
==============

ساعات فيه ناس بتحتاج مشاعر فبتتغاضى عن الكتير يا حبيبتى
اقرى بقى ردى على قوس قزح








ايوشه
========
كل اللى قولتيه انتى او غيرك دما الفكره هنا ان انا بناقش ان ممكن المجتمع يبقى الصحوبيه بس الجواز لا خالص
عموما الغلط على الاتنين

Appy said...

مسدس صغير
==========
ميرسى يا فندم




عبد من عباد الله
ذ==============
الحب زى الالفلونزا م شهتقدر تقف قدامه وقت ما يجى هتتكعبل على عينك يا حج صدقنى

Appy said...

صبرنى يا رب
=============
اه انا اسكتى بقى متقوليش لحد يا اوختى
اصوووووووت وال عليكم الناس الواحد ميعرفش يكتب عن مشكله فى شكل قصه عيال تغيظ
صحيح
يتوب ايه ده راح قال للى بيحبها يا وليه مش لمراته ههههههههههه
انتى قرتى القصه من الشمال لليمين
ولا تقولى اه يتوب ويبعد عنالبنت وبس
عموما
القصد من الموضوع كله ان لسه فيه ناس كويسه بس عايشه فى الحياه وعندها ضمير وده اللى قصدته









بدراوى
=========
ايوووون قلبتها كده
الموضوع اصلا ملوش علاقه بده يعنى مش فارقه خالص ممكن اتنين يكونوا من سن بعض
القصه كلها فى الضمير الانسان والصراع بين الحب والضمير وم بين المبادئ والضمير والحب اللى متقرش تسيطر عليه
فهمتنى اقرا ردى على خيخه وانت تفهم اكتر

Appy said...

اكون او لا اكون
==================
برافو عليكى فعلا ممكن الموضوع كمان مش ضمير وهو اكتفى او زهق او حسه بحمل عليه
يعنى حاجات كتير
ممكن يكون فضل غيرها عليها رغم حبه ليها
ممكن يكون بيحب مراته وحب دى
حاجات كتير المهم الانتباه فى النهايه لايه
منوره يا حبيبتى وميرسى لذوقك جدا وكلامك الرقيق
اجيب لكى اتنين من ده ومن ده يا سلام معندناش اغلى منك












Love-Guru
==========
اليبى دول كان رمزى هو متوجدش اصلا هى مشترتهوش لو كنتم ركزتم فى كلمتى بتاعت ازاحت الافكار لما لبست الفستان ووجها احمر خجلا
هى كانت حاجه جواها بس هى مشترتش اكيد
فهمت الرمزيه هنا فين
ثم فيه حاجه هما اصلا بعيد وده اللى حبيته اوضحه فرق كبير بين الحب العذرى وحب الشهوات

صاحب المضيفة said...

أكثر شيء متعب للقلب هو الخيانة بعد الوفاء وأن يؤخذ المرء على غفلة بعد ان كان قد أعطى وبذل

لا حول ولا قوة الا بالله


كل التحية

Appy said...

مجداويه
===========
تصصصصصصصفيق حاد لخصتى اللى عاوزه اقوله فى القصه واللى بيحصل كمان
بس عموما فات منك حاجه هو علشان انااول مره اكتب كده اصلا مفيش بيبى دول

احمر وجهها خجلا عندما امسكت بالبيبي دووول وانتبهت لنفسها ولكن سرعان ما زال ما جاء فى خاطرها


هو ده هو مكنش موجود اصلا هى كانت بتتخيل كتير ده علشان كده اتكسفت هى مجربتش اصلا
ميرسى يا مانتى لما بكون فى مود هادى بكتب هحاول اكتب كده بس انا مبحبش الاجهاد فى الكتابه بكتب زى ما انا حسه وبس









كريم
==========
قشطات

Appy said...

ابو صهيب
==========
ومكنش خطاه لم قرب من بنت مجربتش الحياه
نورت ومبروك الاسم الجديد







good man
===========
كلامك صح بس دول مش المفروض تثق فيهم

Appy said...

فنون
==========
فيه كمان حاجه
ساعات رجاله بتحب فعلا زوجاتهم وفى نفس الوقت ممكن تحب واحده تانيه او بعد فتره بتكون الحياه عاديه فده بيغير من طبعه
علشان كده ممكن يحب تانى وبعدين يحس بوجع الضمير ويرجع لزوجته اللى ممكن ميكونش اهمل فيه
تقريبا فيه رجاله متعوده على كده
يوووو هتلاقيه ممتعود على الفساتين طبعا اكيد دى مش جديده يعنى
نورتى يا قمر








شمس النهار
=============
ايوووووووه ويضربوا على القفا كمان

Appy said...

ويكا
=========
اولا هقطع لك لسانك
والانكار فىالحالات دى نص الجدعنه
لا الجدعنه كلها هههههههههههههه
عارف اقتنعت بكلامك لانك راجل ممكن اللى تحس
ان ممكن فعلا الراجل يحب اتنين ولا لا
يمكن علشان انا بنت بقول لا لانى ممقدرش احب اتنين
وزى انا مقدرش احب اتنين بيكون مطالب من اللى قدامى كده
ام مشكله الحلال والحرام دى تكاليد مجتمع يا ويكا مش السبب ايمان من عدمه لاننا مسلمين اسما فعلا نو نو نو
نورت يا ويكا الله يعفيك متغبش يا خويا










alexandrany
=============
منور يا اسكندرانى
وامشى بقى هرش ميه

Appy said...

سبهلله
==========
وجهه نظر تالته فى المجتمع بس راجعى الرودو هتشوف التضاد اللى دايما فى مجتمعنا وهو ده برضه من ضمن اللى قصدته






حدوته
=========
انا مش بحلى الغلط انا قولت من البدايه الغلط غلط وده بيقع فيه كتير وحبيت انبهه ليه
يا حدوته باشا
نورت يا فندم

Appy said...

ويكا
=========
اياك تقرا كلامك وتفرش لك الملايه
هههههههههههههههههه
يا رب








انجى
========
مفيش سعاده فى الحياه دلوقتى انا قصدت اكتب قصه شوفتها بين ناس كتير جدا وزودت حاجات من عندى
وهى تجربه ولازم تتتعاش

Appy said...

Love-Guru
==============
انا بحب الالوان دى عموما فى حياتى فدايما بميل ليها فى اى حاجه وفىالاختيار
ملاحظه حلوه






احمد
=====
من برضه مهازل الحياه بس هنا هى رفضت وفاقت واكيد كان هيبقى فيه وقت لده

Appy said...

ساره
==========
ههههههههههه هو مكنش فيه بيبى دوول اصلا ده كان حاجه لرمز او حاجه تانيه فى بالها علشان الصراع اللى جواها
فاكيد مكنش فيه غير فى خيالها
تحليك برضه مظبوط لان دى مشكله تانيه للراجل والحياه الزوجيه
عموما القصه لمت عده مشاكل انا قصدتها وانتى قولتى واحده منهم
نورتى يا لمضه هانم ووحشانى







فتاه من الصعيد
================
المجتمع بيفرض على الناس وبيرحب بعلاقات بير السلم شوفتى بقى وبيرفض الحلال
ودى مصيبه انا قصدتها هنا كمان يا حبيبتى

Appy said...

سارة
========
ههههههههههههههه مفكرتش بس المره الجايه هبقى افكر لما اكتب قصه اصور لكم كل حاجه يا لمضه








نودى
========
والبنات مش بتنتبه يا نودى ده عادى

Appy said...

ويكا
=========
لا ده صابون غسيل اسال المدام هتقولك نيهاهاهاه






حبيبه القمر
=============
ايه الغيبه دى
بصى يا قمر هنا ملاحظتيش ان هما اصلا بعيد يعنى مفيششهوات تمت بينهم خالص الموضوع حب بحت بس خنق شويه
متغبيش تانى

Appy said...

ميشو
==========
انا مش بلبس فستان بديل ههههههههههههه
ليه هو انا كلبه بديل مش بحبه
مش عارفه انا عن نفسى هعمل فرحى علىاللباج ايه رايك







ريم
=====
لا يا حبيبتى انا شوفت نهايات زى دى كتير مش قليل خالص
الضمير والحب بيحكم مع بعض
نورتى يا قمر

Foxology said...

القصة واقعية مفيش شك لكن اللى يخللى الواحد يقف قدامها كذا سؤال

ليه يخون زوجته ؟ ايه اللى مصله للمرحلة دى ؟ هل مراته تعرف بالخيانة ؟؟ هل حاسة بيها على الأقل ؟؟ وعملت ايه علشان تنقذ زوجها من الخيانة وتحافظ عليه ؟؟؟؟

حاجات كتيرة القصص دى بتطلعها من مخ البنى آدم مننا

تحياتى

شقاوة شعب said...

احم احم
دستوووووور

حد موجود هنا ؟؟ طب حد قالع راسه ؟؟

انا قلت اعدى أصبح على ناس واحشنى جدااا جدااا
بجد .. بكوكبهم بكلامهم بمشاعرهم البناتى البريئة

انا عارفة انى بقالى كتير مختفية
بس اعمل ايه فى تقلبات الزمن وتقلبات الظروف

المهم انى جيت .. ولاقيتك كالعادة يا آبى بتخبطى فى الحلل
لكن فى النهاية بتوصلينا للحل الصح

ربنا ما يكتب على أى واحدة انها تحب "غصب عنها" واحد متجوز
وربنا مايكتب على اى واحد متجوز انه يحب واحدة غير مراته
لأن دى لحظة تنهار فيها الزوجة وتتحطم امامها كل ايام عمرها
وتتحطم احلامها ..ويتحط ماضيها وحاضرها ومستقبلها

بقول لكل بنت قلبها من اللبن الصافى
ماحدش يقدر يمنع نفسه من الحب
لكن لو قدرتى تحجمى المشاعر بحيث ماتكبرش وتتحول لأفعال..لحد مايجى الشخص الحقيقى الواقعى الملموس (الزوج)اللى تفجرى فيه كل طاقات الحب ونشترى عشانه كل الفساتين والبيبى دول
فده ليه لذة وفرحة ليس لها مثيل

تحياتى
شيماء


ملحوظة : آبى .. عايزاكى فى حاجة ضرورى بس مش عارفة أوصل لايميل فى كوكبك
فاما تكتبهولى فى التعليق او تبعتيلى على ايميلى
المهم عايزة اتواصل معاكى بخصوص حاجة مستعجلة

wanna b a physician said...

اولا انا لو الرجل وده باعمله لتقصير ما من زوجتى المفروض وده اللى اعمله ان اناقشها وانبهها
لانها جزء منى مش حد غريب عشان اخد موقف واروح لغيره
وبيتهيألى لو الكل عمل كدا الطرفين هتبقى الامور افضل وابسط

ويكا said...

انا قلت كده برده هو فعلا اكيد صابون غسي
طيب بعد اذنكم بقى هروح اخد الحته اللى فى ايدى فم وارجعلكم تانى
ههههههههههههههههه

ااعدوا بالعافيه
مع السلاموا عليكم
امممممممممممممه

يا مراكبي said...

Waw!!!

Great comments really

Wish I were a Butterfly ... said...

أول مرة أقرألك حاجة بالأسلوب دة
بس بجد بجد روووعة ماشاء الله

انت عندك حق. فيه كتير منها في الواقع مع اختلاف التفاصيل، بس في النهاية نفس الأحاسيس هي اللي بتتحس

و بصراحة ساعات كتير مش بابقى عارفة مين اللي غلطان!! و أكتفي بتفكيري إن دة قدر ربنا ومش محتاج تحليل كتير

بتوجع أوي :(
أسلوبك بجـــــد جميـل