.jfif)
.jpg)
الاغنيه دي بتناقش قضيه مهمه اوي اسمعوها وشوفوها علشان تفهموا اللى يفهم او يحس انها بتعبر عنه فى حاجه يقولها نتقابل فى الكومنتات بقى
ملحوسه:- اطفى الهباب اللى انا مشغلاه فى الجنب ده علشان تسمعوا الاغنيه وعلى فكره مليش علاقه بالموضوع محدش يسقط عليه بدل ما اعضكم
كان معكم انسانه فى عالم لا انسانى ابى هانم كعب الغزال
حكمه الامبراطوره
المراه كالزجاج اذا ملمعتوش دايما واعتنين بيه هيتكسر ويضلم الكون حواليك
39 اخبط وقول رايك:
بصى انا مسمعتش الاغنية
لكن مش عارفة ليه نبرتك بقالها فترة مش مطمنانى عليكى
ربنا يستر وما يكونش فى حاجة وحشة
عادي
هو ده لسان حال كل واحده حبت اوي وادت اوي
واخلصت اوي وصبرت اوي
هي دي المكافأه
انت مش عارفه والا ايه
:)
انتى ليه مش بتكتبى تعليقاتى
ميرسى
بصى هى اغنيه حلوه وحساسه.....وربنا ما يحرم حد من اللي يحبه ويهنيه بيه يا رب
وانا بصراحه ما مرتش بتجربه كده ولا اى تجربه اصلا.....فمش هفيدك
بس لو حد مر بتجربه كده احب اقول ان ده بيكون قدر ربنا وساعات ربنا بتنزل رحمته فى صوره اخذ وليس عطاء
دمتى بخير.....تقبلى مرورى
بصى انا لقيت شمس النهار معلقه كان الاغنيه بتتكلم عن الخيانه.....هو انا فهمت غلط؟
على العموم يمكن اللهجه.....بس برضه نفسى تعرفى ان له فى ذلك حكم....والرضا اهم نعمه....وخليك جامد ماشى
يا اابى هانم والنبى مش ناقصة نكد كفاية اللى احنا فيية, حتى لو دة جوانا بس مش عايزينة عايزين نهرب للاحسن علشان نقدر نعيش
اللي عجبني في كل ده
الفستان
كمان الاغنيه اللي علي المدونه (نسيم الشوق) نفسها تحفه وصوت جميل جدا
مش فاكره اسمه ايه
حتي ما يقرب من نصف الاغنية و انا اسال نفسي ايه الاغنية البزرميط دي و ماله الريتم متلخبط ليه و مش راكب علي الكلام و المشاهد كئيبة حزينة و الموسيقي مزيج من الديسكو و المووايل . و اخيرا تنبهت ان راديو الكواكب علي الاوتو بلاي و الاغنيتين دخلوا في بعض
:D
سراب هذه الدنيا سراب
(وش مبتسم)
هههههههههههه
استني استني
ذمانك هتقولي البت دي ضربه
معلش معلش
المسائل دخلت في بعضها
اصلي كنت فاتحه مدونتين
ههههههههههههههه
والاغاني غطت علي بعض
بس بردو الفستان عجبني
تحياتي
بصي يا بتنجانه انا بعد مامسحت الدموع وفتحت عيني شفته حاجه تانيه خالص مش عارفه هو بدي ع حاجات كتير ليه
ومتضحكيش عليه بقي
انا شفته بيتكلم عن الستات عامه ومش عن موت بس
يعني مثلا الستات اللي بتتحرم من ولادها في المحاكم وقانون الاسره الظالم ومشاكل الرؤيه
والستات اللي جوزها مثلا بيخونها ولازم تسكت وتكتم عشان هي ست
والبنت اللي بيرموها باقذر التهم مع انها احسن من الف راجل شلته بس نقول ايه في مجتمع لسه فاضل له شويه
الا انا شايفه مدي كمان علي التحرش وحق البنت في المطالبه بحقها والطوفان اللي بتقابله
انا مش عارفه انا شايفه عباره عن القيود اللي بتقيد الست في مجتمعنا واعني الست مش الست اشهر سواء كانت ام زوجه حبيبه الخ
انشر ده يابرعي ع بركه الله
ومتضحكيش انا اتفرجت عليه بعد الشاي لقيته كده هضرب مج كمان يمكن يطلع حاجه تانيه وارجع اقولك مش هخبي عليكي متخفيش
الحب الموت الفراق الالم الاسى الاشتياق الحنين الحيره ما بين الوفاء للمحبوب والامل فى بكره جديد والسجن داخل سرداب الذكريات و الخداع و الماسكات ووشوش البهلونات ..............مشاعر بتتعاش بس الاحسن اننا منخليهاش هى الى تحركنا زى العرايس لازم احنا الى نمسك خيوط مشاعرنا عشان نقدر نصنع بكره جديد لانه مش هيجى الا بينا بلاش الحاله دى تطول لانى عرفاها لما بتسيطر على البنى ادم بتعمل فيه ايه وفى الاخر عشان انا وانتى انسانه لازم جزء من الزجاج ينخدش شويه عشان احنا الى نحافظ على البريق ده مش حد هيجى ويحافظ عليه
دمتى بالف ود ومحبه
تحياتى
الاغنية مؤلمة اوي يا ابي ومش اي حد هيحس بيها الا اللي عاش كلماتها في الحقيقة
بعيدا عن البوست في كلام بقالي فترة نفسي اقوله ليكي
انتي بجد انسانة جميلة جدا وانا بحترمك جدا متخليش اي حاجه تضايقك لأنك اقوى من كده
ربنا يسعدك
هو الكليب حزاينى اوووووى
بس يمكن اللهجة مخلية الكلام مش واضح
بس هو حب و فيه خيانة و قلب مكسور
اتمنى لو فيه شىء خاص بيكى
انك تجتازى الفترة ديه بكل قوة
لأنك دايماً بتقولى على نفسك شخصية قوية
ربنا يفك ضيقك و يكرمك
أنا ما حركتش فيا أي حاجة خالص
أبقى طبيعي .. مش كده؟
الكليب ملوش علاقه بيه خالص والله يا جماعه بجد محدش يربطه بيه انا كويسه هو فعلا بيناقش قضيه
واقروا تعليق مياده التاني هى قالت صح
قلب صادق
اعتقد انك اللى مسحت تعليقك مش انا مش بحب الاشتغلات دي لو سمحت
طالما مش موضوع شخصى
يبقى اقول رأيى براحتى شوية
انا اسف انا مفهمتش غير كلمتين ثلاثة من الأغنية
محتاج اقرا كلماتها و انا بسمعها
لو حد يعرف يفك الشفرة يبقى يقوللى
----------
أ/آبى
فيه اغنية احلى منها
بتاعت انا سبتك و انت منى ندمانة للنهاردة
لو حتى غصب عنى مكنش لازم ارضى
ديه اغنية اجمل و مؤثرة
و انا شخصياً بغنيها لنفسى
قبل ما تبقى طالبة إكتئاب معايا
بعد اذنك انا دلت اول كومنت ليه عشان دي حاجه خاصه بيه كنت كتباها لك انت لما كنت فهمت غلط وطلبت مش تنشريها بس تقريبا مش اخدتي بالك فانا دليت ات
سلام ياام خرفان
أيه جو الرعب ده مه انا غلطانة اني جيت في ساعه زي دي
كدة بقي الليلة بقي ختامها .... ربنا يجازيكي مش هاقولك اكتر من كدة
انا بقي سيبك من التصوير والرمزية بتاعه الأغنية
انا ركزت في الكلمات قوي حاسة كدة انها جسدت كل مخاوفي كبنت عاوزة تحب انا شوفت فيه فصة حب بتبتدي جميلة وعادية بين اتنين ولنا الأتنين بيبقوا تلاتة واربعه فيما فوق الدنيا بتعقد وبس بقي علشان الليلة دي شكلها مش معدي
حاولت مرة ثانية اسمع الاغنية و اكملها للأخر ووجدتها مليئة بالكآبة و السوداوية و عقد الاضطهاد و الاحساس بالظلم و الاحساس بان الموت افضل من الحياة. و لم اجد لها صدي عندي فانا متفائل بطبعي.
لو في حد بيحس انها بتعير عنه في حاجة كان زمانه انتحر من زمان او ده المفروض يعمله فورا فما جدوي الحياة بلا أمل ؟
و مدام حندخل في الفيديوهات فانا حنقل بعض من فيديهات قناتي علي اليوتيوب في بلوج جديد. و بدل النظرة السوداوية لفقد الحبيب شوفي بيتولا كلارك عبرت عن نفس المشاعر و لكن بطريقة كلها امل و اخلاص
"If Ever You're Lonely"
http://love-guru09.blogspot.com/2009/05/if-ever-youre-lonely.html
اللبلوج لسه تحت الانشاء و الفيديو كولاج من تصميمي
انا حسيت ان الكليب بيتكلم حبه عن فلسطين وحبه عن ام ابنها اتاخد منها وحبه تانيه يارا هي وحببيبها انا مش فاهم حاجه
ياريت تبقي تكتبي معاني المفردات بتاعه الاغنيه كمان
تحياتي لآآآآآبي فوق الشجره
سبهلله
===========
لا خالص يا حبيبتى مفيش فيه حاجه
اسمعى بس الاغنيه وتعالى
شمس النهار
===========
ده جزء يا شموس من الاغنيه فيه جزء تانى برضه
يعنى هى بتناقش الامومه والحب وكل حاجه عن حقوق الست فعلا وقهرها فى الظروف وقدام رجاله او اهل مش كويسين
فتاه من الصعيد
==================
ههههههههههه تفدينى انا دا انتى طيبه اوى
انا اساسا دماغى شمالى مش بستفيد
انا بتكلم عن انها علشان الست وحقوقها عموما سواء كانت اتحرمت من ولادها والقهر اللى بيقع عليها
او حبيبه اتحرت من حبيبها بسبب اهلها
كريم
====
ده حضرتك عن ظلم الستات هههههههههه ملوش دعوة بالرجله يا جبابرة
سمكه واحده
==============
اهو ده عيب السمك عمال يتنطط ومش بيركز
Love-Guru
===========
اطفى الدوشه دى وانت تسمع يا فندم
مياده
==========
صح يا مادى معلش كنت راجعه تعبانه وماخدتش بالى من عدم النشر بصى بعد كده ابقى اكتبى فوق يعنى فى الاول اكتبى مش للنشر
علشان اخد بالى يا حبيبتى وسورى يا مادى
وامسحى دموعك يا امال
فعلا دى بتناقش قضايا كتير اوى للست
شيمو اونلى سبوت
==================
اولا وحشانى
ثانيا مش ده بس هى زى ما قالت مياده موضوع الام اللى بتتحرم من ولادها ومبتعرفش طريقهم وابوهم بياخدهم ودى مشكله تانيه بقت فى مصر دلوقتى يا قمر
Lady E
===========
ميرسى يا قمر ليكى
على كلامك الجميل
هى فيها كل الع>اب اللى ممكن تقابله الست عموما
بدراوى
=========
يا راجل عيب عليك بزمتك بقول بتناقش قضيه يبقى ايه يعنى قتلت واحد وبتحاما فى الكليب ده ههههههههههه
متخافش عليا كمان حياتى الشخصيه دى لو فيها حاجه مش بقولها
انا هنا بتكلم فى العام مش الخاص
يا مراكبى
===========
انت حالتك مستعصيه جدا ههههههههههههه
بص وعلشان كده اكتب بوست بىق عن قهر المراه واللى بيحصل لها من ظلم كتير فى المجتمع يالا بالشفا
بدراوى
==========
لا اللى انت بتقولها دى واحده سابت بمزاجها محدش عمل لها قهر فى حياتها متاخدش منها اولادها غصب عنها
مش اهل فرقوا بينها وبين خطيبها جوزها اى حاجه فهمت يا كابتن
مياده
==========
انا بجد اسفه والله والله انا فعلا ماخدتش بالى خالص ابقى اكتبى فوق مش للنشر فوق مش تحت يا حبيبتى
وومن
=======
ايوه يا ميرا صح هو ده اللى بقول عليه فعلا مخاوف وقلق من مجتمع بقى فزيع
وقاهر من الاهل والقانون
Love-Guru
=============
عجبتنى البلوج عندك اوى على فكره
وعجبتنى الاغنيه اكتر
جهاد
==========
عامل ايه فى الامتحانات
عموما هى لها كذا معنى وبتاعت الامومه منها
يعني أنتي جاية تخرطي علي قلبنا بصل بالأغنية دي
:))
والله بالرغم أن الأغنية دي قريبة للبنات أكتر بس ده لا يمنع أنها عجبتني
ذوقك عالي دايما زي ما قلتلك كتييير
بغض النظر عن الاغنية لاني بصراحة مش مستريح لشكلها
او صوتها
او اللهجة ال بتغني بيها الاغنية دي
و كمان معرفتش اسمعها من عندك فرحت جبتها من مكان تاني
و هيبقي شكلي وحش اوي قدام الناس الموجودة دي كلها لو طلعت بعلق علي اغنية تانية
عموما الحاجة الوحيدة الي لفتت نظري في الغنية
بدونه عشت محرومة
و لولا الحب ما غنبت
ما غنيت ما غنيت
يا رجال العالم اتهدوا شويه
الاغنيه قصدها تقول كده بس من بعيد خالص
اتجاهك لهذه البوستات الرائعه مطمنى عليكى
عكس احساس سبهلله خالص
اغنيه جميله واول مرة اسمعها يا ابى بصراحه
لأنى من فترة كبيرة مش بشوف قنوات الأغانى بسبب اللى بشوفه فيه .
لكن بجد الأغنيه والتصوير حلو اوى .. وجديد
وناقش حاجات كثير . لكن كان المفروض يكون فى توضيح كبير لحالة يارا نفسها .
يعنى انا توقعت حاجات ونهارة الأغنيه اثبتت انى توقعاتى اصلا كانت غلط .
بس بجد جميله
وحشتينى بجد يا ابى :)
ميشو
----------
لا جايه اخرط بصل وانت على طول كده متضامن مع اى نمله معديه
هندسه وصفيه
==============
طيب ما تجيب لها شندوتش فى ايدك وانت جاي كده ههههههههه
بص يا هندسه القصه كلها الاغنيه بتعبر عن قهر الست اللى اتاخد منها ولادها فىالمجتمع واللى مبتقدرش ترجعهم
وكمان اللى بتحب والناس بتفرق بينهم سواء اهل او غيره
نورت يا هندسه
محاسن صابر
=============
تعيش نون النسوه حرة مستقله شاطره يا محاسن كنت مراهنه نفسى عليكى انتى وفاتيما
كويس انك مطمن بس موعدكيش افضل مطمناكوا على طول لووووووول
ضى القمر
==========
انتى وحشتينى اكتر يا جميله
هى اللغه اللى مش موضحه الفكره كلها فى قهر الست وهبقى اكتب عنه بوست
ابي
انا مش شفت الاغنية
عشان مرارتي متتفقعش
انا مش ناقصة يا أختي
ربنا يوفقك يا عسل
رنا
عالم ماريونت
=============
سلامه مرارتك يا قلبى
Post a Comment