امسك حرامى الدقيق





اصباح الخير عليكوا
الصور اللى فوق دى حصريا وانفراد وكل المسميات الهبله اللى بتتكتب عندى انا بس
ده بقى مخبز فرن يعنى بتاع عيش مدعم الراجل تروح له حصه الدقيق كما يقال عليها وبعد ما يغير الدقيق بدقيق اردأ بيبيع التانى انا مش عارفه السعر تحديدا
بس عارفه انه بيكسب فيه كتير اوى اوى
القصه ببساطه الراجل ده الناس حذرته كتير لانه بيأخد حقها كده وهو عباره عن بلطجى بيتخانق ويضرب ويعلم على حد قوله على الناس واللى هيتعرض له مش هو بس هو واهله واللى واقف فى الصورة معاه والده
الصور هتلاقوا فيه المخبز واضح وده لانه فى بيتهم
ولما واحد وقف له مره عمل معاه خناقه وعمل جرح لنفسه وراح عمل قضيه للتاني
انا نفسى افهم بقى احنا حكومه وبتسرقنا علنى وملايين بتتهرب بره
احنا كمان بقينا بنتشطر على بعض
بقينا ما بنصدق نخطف اللقمه من بعض علشان نكسب احنا بالحرام
الناس اشتكت لمفتش التموين وهو قال انه مشفش حاجه وطبعا ده لانه لازم ينوبه من الحب جانب
فيه مفتشين محترمين جدا جدا وفيه ناس تانيه ولاد تيييييييييييت
الناس اصحاب الافران بيكونوا فى بدايه دخولهم المجال مش اغنياء خالص ولا حيلتهم ويمكن بيستلفوا حق اللى بيعملوه بعد فتره تلاقيه بنى بيت دورين تلاته
الغريبه ان الحاجات دى فى المنصورة يعنى المفروض لا
متحصلش
انا عاوزه اعرف الناس باعت زمتها للدرجه دى خلاص وكمان ببلطجه وقله ادب والمفروض ان الطيبه بتيجى من الفلاحين وزى ما انتم شايفين فى الصور والده فلاح وهما كده يعنى ناس قيمه زمتها فين
ده واحد على الاف من اللى بيعمل كده الفرن ده انا عارفه مكانها وعارفه اصحابه تحديدا
انا مش جايبه الصور فرجه وبس انا فعلا قدمت شكوى فى وزاره التموين وفى كذا مكان بس معرفش لانى مش متواجده فى المكان انى اعرف ايه اللى حصل
اعتقد لو كل واحد عمل كده ووقف للظلم والسرقه دى هنبدا نرجع حقوق لنا كتير اوى

يالا اقعدوا بالعواف عليكم

كان معكم مدير اول مباحث مراجيح مولد النبى لواء ابى هانم امسك حرامى

حكمة الامبراطورة

أسد عليَّ وفي الحروب نعامة



73 اخبط وقول رايك:

SoLa said...

apppy:
ezayek ya gaiela
la2etek 3and nouran 7'e7'ah wana ba2aly kteer mesh bashofek
el mohem ya gamiela ya rab tekony tamam
wana hagy ashof el post ba3deen 3ala rawa2 b ezn allah
salam 3alaykom

karim said...

هى دى مصر با اابى كلة عارف وكلة بيسرق وعلى عينك يا تاجر بس طبعا علشان كلة بياكل وكلة حرامية مفيش عين ينفع تترفع, قولى على بلدنا السلالالام ودة من زماان مش اليومين دوول, تحياتى

ايوشة said...

غاب الضمير جوه الناس كلها لا حول ولا قوة الا بالله ربناااااااا يصلح الاحوال

صوت من مصر said...

ايه ياعم ده عارفه الفرن عندنا قفلت لان عليها مخالفات نص مليون جنيه

ســـــاره said...

والله يا آبي انا حتى الحرامية بيصعبوا عليا
يمكن فعلا حتة الضمير هنا هي اللي بتفرق بين شخص والتاني إنما الجوع كافر ..الناس مش لاقيه تاكل ..ده علي بن ابي طالب قال لو كان الفقر رجلا لقتلته

حقيقي مش ببرر الغلط
بس فعلا بيصعبوا عليا :)

أحــوال الهـوي said...

اولا احيي فيك اجابياتك و تحمسك ضد الفساد و المفسدين
و هناك اسباب كثيرة بتفشي الفساد و خراب الذمم و انت ست العارفين بها و لكني عدم و جود الردع المناسب لمثل هؤلاء قد ادي الي التطاول و التحايل علي القانون فهؤلاء يوقنون ان الترهيب و الترويع سلاحهم و اذا طالهم القانون اقصاها مخالفة و غرامه رمزيه

شكرا لك حرصك

تحياتي

راسبوتين said...

كل ده عشان مافيش ظابط ولا رابط
خلى بالك الناس ده قلبها جامد كده عشان بيزبطوا مفتش التموين
أمال لو دخلتى إى محكمة ( لا قدر الله
وشفتى الرشوة اللى بتتاخد عينى عينك وبتطلب بمنتهى البجاحة
الفساد للركب لأ دا بقه فوق الركب كمان يعنى ميكرو فساد
ربنا يرحمنا وبرافو عليكى
شكرا ..أرجو قبول مرورى

احنا said...

كل شىء مباح
واللى بيعرف يعمل حاجة بيعملها
الفساد والافساد .. خلو كل واحد ماشى على مزاجه ..محدش بيحاسب حد
وكله بيقبض ..ده حلقة ما بتنتهيش
بس أنت عملتى اللى عليكى وما قلتيش وأنا مالى
ياريتنا كلنا نبقى زيك
ربنا يحميكى
--------------------------
شكرا ..مع تحياتى / حازم ربيع
--------------------------------
أرجو قبول مرورنا

لاسع افندى said...

احييكى على شجاعتك وياريت اى حد يشوف حاجه سلبيه يبلغ عنها


تحياتى

GeHaD-----(male) said...

جدعه والله انتي اللي مصوره الصور دي ؟؟
على العموم كويس انك قدمتي شكوه جاجه ايجابيه

بس انا دمي محروق من المنتخب
عااااااااااااا

Me7'o said...

آبى هانم بنتجانى

برافوا عليكى إنك بلغتى عنهم
بس عارفة لو عرفوا سكتك هاييجوا يعبوكى فى شوال زى الراجل ده تمام

""فيه واحد اختفى من المطحن لمدة تلات أيام وإذ فجأةً لقوا الشبشب بتاعه نازلهم فى شوال وهما بيعبوا يعنى بصريح العبارة الراجل وقع فى الصومعة وفضل فيها تلات أيام لحد ما جسمه أتحلل من السخونة وعبوه فى شوالات""

وده بقى يا ستى اللى قلته فى آخر بوست عندى

هييييييه
دنيا

Appy said...

الصور بابا اللى مصورها واختى مش انا بس انا اللى قولت هشرد نيهاهاها
وبعدين انا عيلتى مبتخافش لا تكلكوا

فتاه من الصعيد said...

بصي يا سياده اللواء
اي واحد بيفتح فرن بيفتحه علشان يبيع الدقيق المدعم لبتوع الحلويات
امال هيكسب ازاي ؟
واي صاحب فرن يبقى شحات .... وفجأتن يغتني
يلا ادي العيش لخبازه علشان ياكل نصه

انا بحيكي بجد على موقفك الايجابي ده ويا ريت كل الناس زيك

wanna b a physician said...

اولا ازيك عامله ايه يارب تكونى بخير

ثانيا طبعا باحييك على اللى عملتيه بس عايز اقولك ان مفيش حاجة اسمها الطيبة من الفلاحين والشر من المدينة والكلام ده دلوقت يا اببى لا بجد الشر موجود فى كل مكان وزمان باى شكل كان
مش هاننكر انهم اطيب بس برضوة لما بيفتروا بيبقوا بدون عقل


المشكلة ان السرقة مش فرد وممكن نمسكه بقيت منظومة متكامله عشان لما تروحى تشتكى للى المفروض يمسك السرقة تلاقيه مشارك فمش يحصل حاجة
وحسبى الله ونعم الوكيل


سلام

ديالا said...

الضمير بس راح فين؟

يلي معلش احنا بقينا متوقعين اي حاجه

يعني هيا جت علي الراجل الغلبان الي بيسرق شوالين دقيق من بتوع الشعب


ماعندك الكبار الي في البلد الي سارقينها ولا هما مش قدوه ولا ايه

لورنس العرب said...

يا ستي
هي جت على ده
ده غلبان مش عارف يسرق حاجه
تعالي في مصنع الدقيق اللي انا فيه -اصل انا ماسك مصنع لبن بودره وجنبي في نفس حيز المصنع مطحن دقيق- مرة كنت ماشي في المصنع ولقيت شكائر سميد "والسميد ده بيطلع من استخراج القمح بعد الطحن وبيتعمل بيه البسبوسه" المهم، الشكائر كانت جايه من مطحن حكومه الشكاره ب 8 جنيه
وشكارة الدقيق ثمنها من مطحن الحكومه 5 جنيه
بتيجي المصنع وبتلبش جلابية المصنع بتاعنا "يعني بنغير الشكاره" وبتطلع تتباع الواحده ب 100 جنيه
قلت لهم انتوا بتعملوا ايه يا عالم
قالوا لي يا عم انت مش شغال في مصنع اللبن البودره - مالكش دعوه الله يكرمك وابعد عننا

ايه رأيك؟

dr.lecter said...

تعالي في الشرقيه شوفي السرقه علي ودنه

سرقه الدقيق مشروع مربح وضمون جدا نصيحه للساده اللي هيفتحوا فرن يعني

واطالب ان يتم التعاون مع وزاره الداخليه لض2مان ان تتم عمليه السرقه بنجاح حتي يتنتغنغ الكل

والنبي يااسياده اللواء بلغي ده للساده المشئولين

صبرني يارب said...

حدانا ده يا بت يا ابي ولا حداكم فى البلد


وبعدين طيب اقولك على حاجه

انا اديلك اسامي مخابز مصر كلها يا معلمي
وبلغي عنها

عارفه

انا والدي كان مدير عام الغرفه التجاريه فى المنصوره

مره فى احد اجتماعات شعب ة المخابز وكانوا على مشكله مع الوزاره والوزاره باعته مندوب وحركات كده

فالراجل صاحب المخبز بيقول لمندوب الوزاره يا بيه احنا كده بنخسر احسبها حتى وكيت وكيت

قالوا احسب ايه يا فلان انت هاتعملهم عليا وهو انت مكسبك فى العيش وخبزه ولا مكسبك فى الدقيق الى بتهربه وتبيعه ؟؟

قشطه ؟؟

يعنى يا معلمي الوزاره عارفه وسايباهم ياكلوا عيش

اقعدي بالعافيه

همس الاحباب said...

مع الاسف ده حال المجتمع صورة مصغرة من الحكومة
بنتشطر على بعض وبنسرق بعض بكل بجاحة وبلطجة
حسبى الله ونعم الوكيل
تحياتى

واحدة مفروسة said...

حسبي الله و نعم الوكيل

حسبي الله و نعم الوكيل

mohamed ghalia said...

اه ده يا أبى
افشتى المخبز ده إزاى خلاص بقيتى تشتغى مع المفتش كرومبو ولا ايه
والله بجد هايلة ربنا يكرمك وإن شاء الله يتقفل

Love-Guru said...

الرسالة واضحة. العيب فينا احنا. مش كل حاجة نلوم عليها الحكومة. يعني الحكومة حتجيب 80 مليون فرد علشان يراقبوا السكان ؟ و مهما عملت الحكومة فلا فائدة اذا انعدم الضمير و خربت الذمم و استحل الناس المال الحرام. و ليس عذرا ان الحكومة حرامية او ان الحرامي فقير و عاوز يعيش فالحلال بين و الحرام بين. ووزر الحرامي الفقير لايتحمله الحرامي فقط بل يتحمله كل المجتمع الذي لم يمد اليه يد العون ليعفه. و وزر الحرامي غير الفقير يتحمله ايضا المجتمع كله. اولم يقل الحديث الشريف ما معناه ان الناس اذا رأوا الظالم فلم يأخذوا علي يديه اوشك الله ان يعمهم بعذاب منه. و الغريب ان المجتمع المصري اصبح يعاني من ازدواجية الشخصية فليس غريبا ان تري المواطن المتدين الحرامي و المتدين المرتشي و الحجة السائدة "ما كل الناس بتعمل كده" و غاب عنهم الحديث الشريف "لا تكونوا امعة. تقولون ان احسن الناس احسنا و ان اساءوا اسأنا و لكن وطنوا انفسكم ان احسن الناس ان تحسنوا و ان اساءوا الا تظلموا". بل ان الطريق الصحيح قد اضئ لمن اراد السلامة لدينه و لكنه يعيش في مجتمع يكثر فيه اللصوص و الحرامية و تضيع قيه حقوق العباد و يستحل الناس ظلم بعضهم البعض فارشدهم الحديث الشريف "أدوا للناس حقوقهم و اسألوا الله حقوقكم"

Zika said...

طب وازاي انتوا ساكتينلوا
اومال بس عامله برعي علينا
ماتروحي تاكليه بالنص وتعلميه الادب
ايون
كليه بالنص
ولا تحبي انا ااجي اضربهولك يا آبي
قولي قولي ماتتكسفيش

مسدس صغير said...

اذا ضيعت الامانة فانتظروا الساعة

مسدس صغير said...

اذا ضيعت الامانة فانتظروا الساعة

Foxology said...

اذا كان رب البيت بالدف ضارب فشيمة أهل البيت الرقص

الحكومة بتعمل واحنا بنقلدها :)

تحياتى :)

عصفور المدينة said...

ما فهمتش يعني انتم بلغتم ولا لأ
ياريت نعمل اللي علينا ونستعيذ بالله من شرهم
ثم تكاتف الناس لابد أن يكون حقيقي ضد هؤلاء وساعتها لن يستطيع مثل هذا الرجل تهديد أحد

Appy said...

sola
=========

انا كويسه ميرسى لذوقك وكلامك ونورتى المكان تانى








كريم
========
لا مش دى مصر دى شعب متخلف مش كويس مبقاش عنده مبدا ولا دين يبقى منلومش حد تانى بقى يا كريم

Appy said...

ايوشه
========
ده علشان برضه الاغلبيه الساحقه بتسكت







صوت من مصر
==============
يستاهل ربنا ينتقم منهم لانهم بيجوا على حق غلابه كتير

Appy said...

ساره
=========
دول حراميه مش مشلاقيه تاكل دول بياكلوا بس الطمع يا حبيبتى هماا اساسا بيكسبوا بس عاوزين اكتر ومش مهم الناس الغلابه فعلا اللى من حقها تاكل اكل نظيف









احوال الهوى
==========
الردع الوحيد فى مصر حاليا مش القانون لان المصريين بيحبوا يمشوا كل حاجه بالفهلوه
فلازم الناس تقف مع بعض وضد بعض انا وريتكم حاجه من ضمن حاجات

Appy said...

راسبوتين
===========
انا مبدفعش رشوه لو على جثتى لو هبات الليل كله ونهاره فى المكان بس انت ابقى ادخل زعق وانفش ريشك هتلاقى كله تمام








احنا
========
انا نفسى الناس كلها تعمل اللى عليها عارف ساعتها محدش هيجرؤ انه يعمل الغلط
ربنا يكرمك وميرسى ليك

Appy said...

لاسع افندى
==============
الحقيقه الفكره كلها بتاعت الحج والدى انا بس ساعدته انى ابعت الحاجات دى مش اكتر ميرسى ليك









جهاد
========
روح صوره واشتكيه فى الامم المنتحرة ههههههههه

Appy said...

ميخو
=========
انا مش مستضعفه يا ميخو انا مبخافش من الحق ابدا
ومينفعش كل واحد يخاف
فيه ناس اضعف منى ومنك هى اللى المفروض تخاف ويمكن ربنا بيحطنا فى حياتهم علشان نعمل توازن
هبقى اشوف اخر موضوع ده ربنا يستر






فتاه من الصعيد
==================
مش صعب الناس تعمل كده انا معملتش حاجه كبيره
بس الناس اللى مأنتخه

Appy said...

الدكتور ابو سماعه
=====================
بص يا عمنا علشان دى مشكله ازليه اكيد وسط المنظومه الفاسده دى واحد على الاقل او اتنين كويسين مش ممكن مصلحه حكوميه او وزاره كامله فاسده انا بصعد الموضوع على قد ما اقدر جدا وده اللى المفروض بيتعمل
نورت يا دكتور









ديالا
=========
مفيش حاجه اسمها غلبان السرقه سرقه يا حبيبتى
لازم كله ينتبه لده يعنى هتقفى قدام ربنا تقولى له ما كله بيسرق لو قادره بقى اعمليها فهمتينى نورتى

Appy said...

لورانس
===========
ابعت شكوى على موقع الوزراه على النت
ليه تسكت على غلط شايفه بعينك
انا بعت على النت وفى البريد كمان






دكتور ليكتر
==============
صفر بس وانا اجى اصور ونشرد وبعدين انتم ساكتين ليه ده كده بياخدوا حقكم انتم
اللى بيسكت عن الحق بتاعه يبقىى يستاهل الضرب بقى
وحاضر هبلغهم اللى بعده بقى وحازى فى الصف علشان الشكاوى كتير

Appy said...

صبرنى يا رب
=============
حدانا يا ضنايا
وبابا اللى عاملها
بس يا قلبى
انا مش اشتكينا هناك بس انا بعت على النت للوزاره يعنى مش واحد بس علشان الموضوع ينام
كلا البته انا بعت هناك وفى المنصورة وفى المحافظه وفى القاهرة
هو انا عبيطه علشان اعمل فى مكان واحد
جهزى يالا وابعتى وانا انشر لهم عادى وربك يستر بقى







همس الاحباب
===========
وعلشان احنا بنسكت ما الحكومه دى هى احنا واللى بتسكت له بيدخل بحماره بيتك فهمت يا خالد

Appy said...

واحده مفروسه
================
والله يا حبيبتى ما نافع معاهم دعاء دول عاوزين يتعدموا فى ميدان عام







Love-Guru
=============
مش هلاقى كلام احسن من اللى انت قولته اقوله فعلا ده قصدى ثم الحكومه دى مننا وافراد زينا انا بتكلم على الناس العاديه يعنى احنا اللى ادينا لهم فرصه لكده
نورت ومتفقه معاك فى كلامك جدا

Appy said...

زيكس
========
يعععععععع اكله ايه ده طعمه وحش
وبعدين نص ليه احنا نخلصوا عليه من الاول يا معلمى






مسدس صغير
==========

اممممممم هى مش ضاعت هى اتنشلت

Appy said...

فوكس
=========
مش علشان واحد بيغلط يبقى مبرر لنا كلنا للغلط ولا ايه يا فوكس







عصفور المدينه
==============
لا بلغنا يا بشمهندس
المجلس المحلى ومكتب التموين والمحافظه والوزارة فى القاهرة بعت لها على النت
احنا قلبنا عليه كل حاجه
حتى بتوع الكهربا والصحه والنهارده بس عرفت انه جاله غرامات كتير بس انا نفسى يبقى فيه رادع اكبر
هو اللى عمل كل ده بابا مش انا بس عموما انا بعت له للوزارة وكله بنفس الصور دى بعد ما طبعتها

Appy said...

احمد المصرى
==============
تعليقك فيه الميل بتاعك مش عارفه انشره ولا لا
وبعدين مخبر ايه انت بتنزلنى درجات كده
انا لواء حضرتك لوووووووواء
وبعدين انا ده اللى بقول عليه ليه مش كل واحد يعمل شغله بدون واسطه يعنى ليه الظابط ده ميقومش باللى عليه بدون ما حد يكلمه
فهمت قصدى
غير كده مفيش محضر فيه شكوى للوزاره وهى هتعمل الاجراءات ميرسى لذوقك

على عبدالله said...

السلام عليكم

أنا عارف
انت عملتى بحديث الرسول صلى الله عليه وسلم
من رأى منكم منكرا فليغيره بيده فان لم يستطع فبلسان فان لم يستطع فبقلبه ...

صح ولا انا غلطااااان
؟؟؟!!

محمد عتلم said...

صباح الخير

لورنس العرب said...

مهو انت هاتثبت ازاي؟؟؟
المصنع شغال 3 ورادي
والعمليه دي بتتم في الورديه الثالثه اللي شغاله من 12 باليل ل 8 صباحا
الموضوع مرتب بعنايه فائقه يا آبي
وده لأن الفلوس كتير والمتورطين كتير بردو

Appy said...

على عبد الله
==============
طبعا يا ارهابى امال كنت بعمل بأغانى ام كلثوم
هو انا مش مسلمه ولا ايه
انت شكلك هتضرب بالنار قريب









محمد عتلم
=============
صباح الفل

Appy said...

لورانس
=========
مينفعش تصور وانا اسيح لك لهم ايه رايك

على عبدالله said...

هههههههههه
لا .. شوفى حاجة تخوف اكتر من النار
:)
أنا عارف مسلمة سنية
وان شاء الله قريب هتبقى
سلفية قصدى ارهابية !

صح ولا انا غلطاااااااان
؟؟!!!

hasona said...

السلام عليكم

تحقيق مع البرهان من الصور كمان

بس ده بيحصل من زمااااان
موضوع الدقيق وسرقته بواسطة أصحاب المخابز
بيحصل من سنين - والحكومة كل ما تلاقي حل - يتففن أصحاب المخابز في نقض هذا الحل
لحد ما الحكومة وصلت انها مش هتحل حاجة والناس هي اللي تقتل بعدها لتجد رغيف العيش

وأنت وحظك بقي - تلاقي فيه برادة حديد ولا نشارة خشب - كله بيدخل في تكوين الجسم وبيعطي الخشونة اللازمة لبناء الجسم

يبقي الناس دي بتساعدنا وبتساعد أولادنا في اعطاؤهم العناصر المهمة لبناء الجسم

تبقي دي المكافأة ليهم

اذا كان البعض يؤمن بان لكل مشكلة حل فنحن هنا نقول أن لكل حل مشكلة

،،،،
خربت الذمم والنفوس فضاعت الحقوق
وضاع الحلم وأصبح المستقبل باهت

لابد أن نعود الي تقوي الله في السر والعلن
لتزول كل هذه المحن
،،،

خدي بالك من نفسك

تقبلي تحياتي

Appy said...

الارهابى
=========
امشى من هنا هرش ميه يالا
لا عاوز الصراحه مش هبقى سلفيه فكر السلف اختلط بحاجات متشدده مش صح ولا يقبلها عقل
عموما يا رب بس نموت على الشهاده واحنا مسلمين انا مبيفرقش معايا المسمى التانى غير مسلمه وبس

ويالا بقى هرش ميه برضه







حسونه
========

لازم اعمل اللى عليا مينفعش اشوف حاجات غلط واسكت ولازم كل الناس كده الموضوع مش صعب ومش بيكلف كتير هتصور وابعت الصور للوزاره بس على الاقل تبقى راضيت ضميرك
متخافش عليا نورت

لقد خلقنا الله احرارا said...

اولا احييك على ايجابيتك وانك واخدة الموضوع بحماس واستمتاع
كل واحد فينا محتاج اللى يشجعه على الايجابية دى
والاجمل العائلة الكريمة كلها مشتركة فى الاخبارية
كلمة اخيرة لكل اللى مستغربين على كم الظلم والفساد والاوبئة اللى ربنا مسلطها علينا ربنا سبحانه وتعالى بيقول
لعن الذين كفروا من بنى اسرائيل على لسان داود وعبسى بن مريم ذلك بما عصوا وكانوا يعتدون كانوا لا يتنهاون عن منكر فعلوه لبئس ماكانوا يفعلون
صدق الله العظيم

على عبدالله said...

اولا
اعترض على الكلمة دى
امشى من هنا هرش ميه يالا
!!!

ثانيا
ماتقوليش فكر ((السلف))اختلط
لازم تقيدى يا استاذة لان السلف هم الصحابة والتابعين
انا فاهم ان قصدك ((السلفيين ))..ما فيش مشاكل

ثالثا
ايه هو بقى الفكر اللى اختلط ؟ وياريت كمان تدينى حاجة من الحاجات دى ((بحاجات متشدده مش صح ولا يقبلها عقل ))
!

رابعا واخيرا
شكرا جزيلا

Appy said...

على عبد الله
===============
اولا مش من حقك تعترض لان انا مش ديمقراطيه انا امبراطورة يعنى ديكتاتورية

ثانيا
هى رش الميه عيب دى بتجيب طراوة


ثالثا لما شيخ يطلع يقول اكل الشيكولا حرام او زوج يضرب زوجنه وهو بينتمى للسلفين علشان قاعده قدام التليفزيون
او علشان بتاكل شيكولا يبقى ده اسمه ايه منين حرمها اصلا

رابعا العفو تعالا كل يوم ازعلك يا ارهابى

Appy said...

لقد خلقنا الله احرارنا
=================
معلش كنت برد على الارهابى قبلك نسيت
انا فعلا كتبت ده مش ايجابيه ولا حاجه انا بس عاوزه الناس تفهم ان الموضوع سهل ومش مكلف ومش محتاج انهم يكبروا داماغهم نورتى يا حبيبتى

على عبدالله said...

طيب
دكتاتورة وفهمناها !
ورش المية ((عداوة)) !

دا كله ميهمنيش !


لما شيخ يطلع يقول اكل الشيكولا حرام او زوج يضرب زوجنه وهو بينتمى للسلفين علشان قاعده قدام التليفزيون
او علشان بتاكل شيكولا يبقى ده اسمه ايه منين حرمها اصلا

لكن لو سمحت انت جبت الكلام دا منين (( المصدر )) ..وان كان واحد أخطأ فى مسألة ((مع العلم لم اتيقن)) فالخطأ مردود عليه ، يعنى المنهج بالبلدى كدا ((مالوش دعوة ))


رابعا العفو تعالا كل يوم ازعلك يا ارهابى

لا لسه مازعلتش
خانك تخمينك
!

*البت المشمشية *حلوة بس شقية * said...

هههههههههههههههههههههههههه
ايه يبنتى
انتى بقيتى تشتغلى مخبر قمل دولة ولا ايه
والله انا بدخل مخصوص عشان اقرا الحكمة اللى فى اخر كل بوست

فشكووول said...

ازيك يا ابى
بصى يا ابى انت قدمتى شكوى وعملتى اللى عليك
المشكله يا ابى عارفه اصلها ايه؟
اقول لك
الموضوع ده ان اعضاء مجلس الشعب اللى هما بتوع الحزن الوطنى هما اللى جابوا الطوابين دى للناس دول تقديرا لدورهم البلطجى فى الانتخابات والحكومه مع اعضاء مجلس الشعب وعايزاهم بعينهم ينجحوا عشان دائما الانتخابات الرئاسيه
يعنى اللى بدع البلطجه هما بتوع مجلس الشعب بتوع الحزن الوطنى وهما اللى بيحموا الناس دول
والمشكله ان دا حقنا ودا الدعم اللى الحكومه بتعايرنا بيه وهو مش بيوصل لنا
والبلد بلد زى الزفت وزى الطين
تحياتى

أحمـــــــــــــد أبو العلا said...

أسد عليا وفي الحروب نعامه؟
ههههههههههه

لا لا المره ديه الحكمه تحفه بجد

بصي يافندم, البلطجه اللي الراجل ده بيستقوى بيها مش هيا السبب, السبب الحقيقي سلبيتنا احنا, يعني الراجل بيبلطج لما يلاقي واحد واقفله, لكن لو الواحد بقوا عشره وفي نفس الوقت, أكيد الوضع هيختلف

تحياتنا آبي هانم مباحث أمن الدوله

ويكا said...

والله براوا عليكى يا ابى . واتمنى ان اغلنا يبقى عندنا ايجابيه كده فى التصدى للسرقه والخروج عن القانون. ونبطل بقى كلمة (ياااااااعم ، وانا مالى)ياريت بجد

أنا حر said...

يابنتي اللي عايز يسرق ما يسرق ايه المشكلة يعني
الحكومة مش فاضية للكلام الفارغ ده مصر كلها بشعبها بمجلس الشعب بكل الدنيا مع منتخب مصر
انت معرفتيش ولا ايه؟
اللي يشوف اللي بيحصل في ايران علشان شبهة تزوير يعرف ان مصر ماتت ن زمان اكلينيكيا
تحياتي

يا مراكبي said...

ما حدش هيمسك حرامي الدقيق لأنه مسنود واللي ساندينه مسنودين

أنا مش عارف هنقعد نشرح الحكاية دي كام مرة؟

لكن برافو عليكي .. يجب ألا نيأس أبدا من ملاحقة الفساد .. ده أضعف الإيمان

عبد الجليل said...

حيكي من المنصورة يا ابي
على فكرة هذا سبق صحفي خطير
احيكي جدا وبعدين لما انتي جيتي المنصورة ليه لم تأتي لزيارتنا

بدراوى said...

للأسف المصريين بقوا بيتشطروا على بعض

عارفة انا اللى حيطيرلى نفوخى

اكذوبة ان الشعب المصرى متدين بطبيعته
!!!!

طب طالما متدين يبقى بتراقب ربنا
يعنى متجيش تقوللى اصل الحكومة بتسرق و محدش بيحاسبها اشمعنى انا

لأنك المفروض بتعامل ربنا ثم ما يمليه عليه ضميرك

يعنى امبارح قارى تصريح غاية فى الظرافة و اللطافة للدكتور احمد درويش وزير التنمية الإدارية بيقول فيه ايه


وأضاف أن الوزارة اتفقت مع جامعة القاهرة على إعداد دراسة حول مصير وحالة منظومة القيم فى المجتمع المصرى، وتابع: «رغم أن التدين سمة المجتمع المصرى، فإنه يغلب عليه الفصل بين الممارسة وأسلوب الحياة».

واستطرد: «من يتقاضى الرشوة يقوم بعدها لأداء الصلاة عندما يسمع الأذان»

http://www.almasry-alyoum.com/article2.aspx?ArticleID=216238

ahmed_k said...

يا آبي من أنفسكم يولى عليكم
دي طبعا مقولة حق لأننا لو تمعنا قليلا سنجد أن الحرامي الكبير اللي في الحكومه مننا برضو أبن بلدنا بس تمكن من أنه يسرق جمل
وبتاع الفرن مننا برضو بس سرقته في مجاله
فلن ينصلح حال بلدنا إلا لو إنصلح حال الشعب لأن الحاكم بالطبع حيخرج منهم
وأنا اعتقد أن المشوار طويل لأن الفساد للأسف منتشر من القمه للقاع
لكي الله يا مصر وقديما قال حافظ إبراهيم

وكم ذا بمصر من المضحكات
كما قال فيها أبو الطيب
تضيع الحقيقة فيها بيننا
ويصلي البريئ مع المذنب
ويهضم فينا الإمام الحكيم
ويكرم فينا الجهول الغبي

وربك يسترها,مع خالص تحياتي

الكلمة نور said...

روحى يا شيخة ربنا يكتر من امثالك

سومه...مجنونه فى بلد عاقل said...

وحشانى جدااا يا رحاب والله دعواتك انا قولت ادخل اسلم عليكى انتى وداليا هنا بالمره لانى فعلا مش عارفه ادخل النت خالص سلميلى عليها
سلام يا حبيبتى

مواطن مصري said...

http://www.youtube.com/watch?v=sd3QK8QoMko

الحكم على هشام طلعت ومحسن السكرى

أ / أحمد عبد المنعم said...

بسم الله الرحمن الرحيم
الأخت الفاضلة : كوكب إيبى

أولا معذرة : لعدم الزيارة من فترة

ثانيا : أهنئك على موقفك الشجاع الذى إذا توفر عند كل فرد عادت الحقوق إلى أصحابها ولما ضاعت حقوق أكثر
قد يظن المرء
أن صوته قد لا يؤثر وصت ضجيج أصوات السرقة النهب
لكن الحقيقة تقول إن الحق ابن الإيجابية وقتيل السلبية
فمتى كان الناس إيجابيون عادت إليهم حقوقهم
واسمحى لى أن أخالف القائل : هذه هى مصر فى النهب والسرقة وأقول له
لا بل هذه هى مصر فى الشهامة والمروءة وقول الحق فكم من قائل للحق فى وطننا لكنا نريد من الجميع أن تكون مواقفه مثل إيبى فى موقفها هذا

نهر الحب said...

والله يا ابى مش دا بس اللى بيتسرق فى حاجات كتير انسرقت وللاسف مش بنعرف نعمل حاجة
لما اشوفك احكى لك على فضيحة
وللاسف لما اتكلمت قالوا انى مدعية عليهم
وحتى الصور اللى كنت املكها راحت وكمان قالوا او موجودة تبقى مزورة

نهر الحب said...

والله يا ابى مش دا بس اللى بيتسرق فى حاجات كتير انسرقت وللاسف مش بنعرف نعمل حاجة
لما اشوفك احكى لك على فضيحة
وللاسف لما اتكلمت قالوا انى مدعية عليهم
وحتى الصور اللى كنت املكها راحت وكمان قالوا او موجودة تبقى مزورة

شمس النهار said...

ايه ده
عيني عينك كده

أ / أحمد عبد المنعم said...

بسم الله الرحمن الرحيم
الأخت الفاضلة : كوكب إيبى

أولا معذرة : لعدم الزيارة من فترة

ثانيا : أهنئك على موقفك الشجاع الذى إذا توفر عند كل فرد عادت الحقوق إلى أصحابها ولما ضاعت حقوق أكثر
قد يظن المرء
أن صوته قد لا يؤثر وسط ضجيج أصوات السرقة و النهب
لكن الحقيقة تقول إن الحق ابن الإيجابية وقتيل السلبية
فمتى كان الناس إيجابيين عادت إليهم حقوقهم
واسمحى لى أن أخالف القائل : هذه هى مصر فى النهب والسرقة وأقول له
لا بل هذه هى مصر فى الشهامة والمروءة وقول الحق فكم من قائل للحق فى وطننا لكنا نريد من الجميع أن تكون مواقفه مثل إيبى فى موقفها

عاشقة القمر said...

ربنا يهدينا ويهديه جميعا ويهدية امة
سلاميه

حكومتنا
مفيش حاجه قولها غير كده

ঔღঔ نـــوارة ঔღঔ said...

لا حول ولا قوة الا بالله

انا شفت برنامج قبل كدا بيتكلم عن سرقة الدقيق وشفت فيه حاجات عجيبة

ربنا يهديهم ويصلح الحال

جنّي said...

السلام عليكم

كيف حالك اختنا آبي لعلك بخير والحمد لله ..

الله يعافيكي يا شابة ..شوفي يا ست ابي الصورة دي موجودة في 90%من مخابز مصر العليا والسفلى .. والناس غلابة كل واحد يؤثر السلامة علشان ما يتخزش بمطوة ولا تترمي عليه مية نار .. وطبعا شكوتك ها تحفظ لانهم ببساطة ما بياخدوش بالصور .. اما مفتش التموين فانا لي صديق مفتش تموين ويشرف على احد المخابز وعندما ذكرت له عن سرقة الدقيق قال ببساطة ان صاحب المخبز لو ما سرقش ها يخسر .. واحنا بنغض البصر عن شوال ولا اتنين بالكتير .. اما الصورة التي تنشريها فدا راجل فاجر بيبيع كل الدقيق وعيني عينك والحكومة نايمة في العسل ..