الجواز واللى عاوزينه


الست تنبهر بهذا الممثل الأجنبي الذي يحتضن زوجته على الشاطئ وهو يرتدى مايوه وهى ايضا ترتدى مايوه بكينى


ثم يرتميا سويا على الرمال ويتدحرجا إلى أن يصلا إلى البحر


ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،


ولذلك يحلم الرجل بأن يكون هو هذا الممثل صاحب العضلات والذي يرتدي البوكسر


وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،


ولكن في الزواج يا عزيزتي انسى كل هذه الخيالات تماما،


فسوف تذهبي إلى شاطئ يعج بآلاف المواطنين الذين يبحلقون لأي دراع معدي أمامهم،


كما أنك لن تأخذي راحتك لأنك مشغولة بإعداد الساندويتشات وكأنكم في الجونينة يوم شم النسيم،

بالإضافة إلى أن الكرش الذي سيظهر له بسبب الاكلات والانتخه على الكنبه امام التى فى سيمنعه من ارتداء البوكسر،


وهذا غير انك ستتحولين بفعل عوامل الزمن لكائن غريب يشبه الى حد ما شجره الجميز من جسم غير متناسق بسبب الحمل والاطفال وشعر متكهرب على 280 فولت عالى

وهنا ستدركين حقيقه انك لن ترتدى الاختراع الذي يسمى كاش مايوه

وستكتفي بجلابية مليئة بالتطريز إذا كان حالته مستعصية،

أو ترتدي بنطلون برمودا ضيق إذا كان روش طحن ومعه شبشب بلاستيك بصباع

وعادة ما يكون بمبي أو لبني وستجلسين على كرسي صغير على الرمل أمام البحر مباشرة

وتدلدلى رجليكي وترفعهما مع كل موجة ببلاهة غريبة وستكوننى في قمة السعادة من كتر الغباء اللى بقيتى فيه

وفجأه يلتفت هو لكى بكرشه المتدلى امامه خمسين متر واصابعه التى تلعب فى الرمل وينظر لك من خلف الكتاب التى يقراه او الجرنال او لو كان حبيب شويه هتلاقى شايل لاب توب فى كل مكان ثم يلتفت لكى ويقول

' المية حلوة قوي النهاردة .. هاتى شاندوشت بلوبيف'


كل هذا وأنتي جالسه خلفه على الكرسي الأخضر الكبير تحت الشمسية وتنظري له من تحت النضاره ام عشره جنيه


وتتحسري على الكاش مايوه والكرة الشاطئية لأن الوضع أصبح حلل محشي وطاولة وجلابية


زوجه في المطبخ


يستيقظ الرجل صباحا على السرير الأبيض النظيف وشعاع الشمس ضارب في عينيه،

ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض

مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ

وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه

مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها

ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح

كل هذا بالطبع لا يحدث في الواقع، لانه فى خيالك فقط ومن كتر الفرجه على الافلام الامريكانى اللى خربت عقولنا ولا احنا عارفين نحب ولا نفضل مجانين


ولكن الصورة الواكعية ستختلف تماما عن الصورة السابقة،

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور

لأنك مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل

ونفسها تلاقي باب شباك اتفتح عشان تخرج منه،وخوفا على الاولاد من البلكونات لان لا قدر الله لو حدث شئ لطفل منهم سوف يقوم هو بمقاضتك فورا والحصول على نفقه منك ومش بعيد يطالب باعدامك فى حين انه طول السنه ولا بيفتكر ان عنده اطفال لهم متطلبات غير الفلوس

ثم يمسك الرجل أنفه بسبب ريحه البصل وغلي اللحمة وهبو المطبخ اللى هو طبعا بسبب طلبات سعادته واطلب يا سيدى ويطلع عين ابوكى يا هانم

وتقولى ايييييييه فين ايام بيت العز يا بيتنا

ثم ينزل من على السرير وهو يرتدي ترينج التوحيد والنور ليذهب اليكى في المطبخ

لينظر اليكى نظره الذئب للضحيه ويمصمص شفتيه مستنكرا حالك وكأنه ليس السبب في العيشة الضنك،

ثم عليكى عزيزتى بأن تحدفيه بأى كوب امامك لكى تتخلصى من هذا البوز اللى على الصبح

ولكى تواجهى الواقع المرير فى انك متجوزتيش براد بيت وانك اتجوزتى ابو رجل مسلوخه

وبالتبعيه اصبحتى انتى كما القرنبيطه العبيطه

او امنا الغوله

ولا تنسى ان ترمى له الفوطة المتسخة المصرية الشهيرة وتقول له بكل الاطه ارفع اللحمة من ع النارعلشان انا جهزت طعام الغداء منذ الصباح،كما امرت يا ابن المفجوعه

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف.


دى الحياه المعاصرة للجواز المصرى انا جاتلى على الميل بس العكس وعلى غرار انهم بيحاربونا عاوزه برضه اوريهم الصورة ازاى

فيا ايها الرجل انت لست براد بيت وبالتالى انا لست انجيلينا جولى

احنا الاتنين انتاج مصرى ميه فى الميه فمتحلمش كتر وبطل عنيك تزوغ لبره


كان معكم كايده الرجاله انا من يومى ابى هانم


حكمه الامبراطورة

اللى ميشوفش من الغربال يركب لينسيز

76 اخبط وقول رايك:

Doba said...

ونعم التفاؤل والتبشير بالمستقبل الزواجى السعيد

يا بنتى هتخلى الرجالة تضرب عن الجواز والبنات تقول الانتحار افيد وارحم

بشويش

تريييييييثى ولا تتعجلى

صباحك فل
هبة

karim said...

ابوووس ايديك انا داخل على جواز عليا النعمة الغيية, يالهوى على التخيل الفظيع, بس واللة مش كلة فى الايام دية كدة, او انا يمكن اللى بصبر نفسى هههههههههههههههههه

Appy said...

دبدوبه
===========
بزمتك مش دى الحقيقه حتى لو بيروحوا مارينا هى نفس الاشكال ونفس الاوضاع يا بنتى مالها عيشه الحريه بس جتها نيله اللى عاوزه تتنيل







كريم
=======
استغفر الله لو مكنتش تحلف بس
يا كريم انت زى اخويا ولازم افهمك علشان مش تعيش كتير فى الافلام الامريكانى مبتجبش همها

شمس النهار said...

صباح الفل
ايه الحياه اللي مالهاش لون دي:)
ايه النظره التشائوميه دي:)

ماالناس حلوه وجميله اهو

علي فكره مش كل الازواج كده
ومش كل الستات كده

واللي عايز يحافظ علي نفسه بيحافظ
ما نستسهلش ونرجع ونقول فين ايام زمان

لو حسينا الحياه صح هنعيش
(((((((((((البؤجه...ياناس))))))

ابو ملك said...

يخرب بيت دماغك ايه دة؟ مش ممكن؟ انا كنت شايف اللى بتقوليه كانه اعلان موبينيل.
بصراحة احييك على اسلوبك و سردك للفكرة و لو انها كاريكاتيريه شوية
مش اوى كدة لسة فى نا سمتجوزة بقالها 6 سنيين و مخلفة بنتين و بردة حبيبة يعنى و لو فى المناسابات علشان بس العيال عاملين حظر تجول فى البيت
و ختاما لكى الف تحية
من طرف اخوكى
ابو ملك

Me7'o said...

هههههههههه
((وبالطبع كل ذلك وهي ترتدي جلابية وتحتها بنطلون وتيشيرت هاي كول صوف
))

يخرب عقلك إيه الخيال ده الواحد أكنه والله بيتفرج مش بيقرا
100 100

بس انا متجوز آهو ومش كده خالص
أقولك
خدى اللينك ده إقريه
وإنتى تعرفى إيه اللى بيحصل الصبح

http://mylifeflavor.blogspot.com/2009/06/blog-post.html#comments

إقرأى التعليق بتاع مراتى

Appy said...

شمس النهار
==============
اختلفت الصورة والتوست واحد يعنى بتوع مارينا زى بتوع بلطيم
مش مهم الطريقه المهم النتيجه نفس البوز يا حبيبتى ونفس البيجامات








ابو ملك
=========
اللهم لا حسد
يا سيدى حبوا براحتكوا بس هى دى الصورة اللى بتحصل مع مرور الوقت كله بقى يدافع دلوقتى ماشى

Appy said...

Me7'o
==========
ما هى الصور دى جبتها منين من الواكع المصرى الفزيع الشنيع
عموما هروح اقرى واشوف عونيه

nody_1987 said...

بصى لو هو عاوز يبقى براد بيت
هى هاتبقى انجلينا جولى
بس ازا كانوا الاتنين بيفهموا
وانتى عارفه الموضوع ده اصبح نادر شويه
الراجل المصرى طماع عاوز وعاوز على طول
عمره ما بيفكر هى عاوزه ايه
ودايما يقول مش سعيد فى جوازى
ولا عمره بيسال نفسه هى كمان سعيده ولا لاء
ولا يجى فى عقليه جنابه انه يضحى شويه علشان يسعدها ويسعد نفسه
اسكتى والنبى ياشيخه الواحد بيشوف بلاوى

Mohamed Hamdy said...

بوست هايل بجد
ضحكنى فى وقت انا مضايق فيه

شكرا ليكى

Appy said...

نودى
=========
يا حبيبتى الفكره مش فى عاوز ومش عاوز هنا الفكره ان فعلا الاتنين بيكونوا بعد الجواز شبه الايام الاخيره من الشهر بس ببساطه







محمد حمدى
=============
ميرسي ليك

عاشقة القمر said...

ازيك
ليه النشائوميه ان
دايما بقول المراءه هي تعرف تكسب زواجها كيف وتكسي كيف تحافظ عليه في ناس بتعرف تكسب زواجهم كيف انا عندي خالتي منقاب لكن مشاءالله تبارك الله
بتعمل اي شي حلواه لي زواجها من اي ناحية تقوليها انتي تلقيها موجدها فيه هي
يعني مزواجها له 13 سنه مشاءالله تقولي الان هي عروس
عشان واللي عايز يحافظ علي نفسه

بيحافظ
عايزه

مهندس مصري said...

إنتي متشائمة جداً سواء إنتي و لا اللي بعت لك الإيميل
فيه ناس بتتجوز و تفضل تحب بعض
و انا اعرف منهم كتير من قرايبي و اصحابي زي ما أعرف برضه نوعيات من اللي قلتيها في البوست

المجتمع فيه ده و فيه دوكها
وفيه من كل لون
يبقى ليه لازم نحطه في نمط واحد و قالب ثابت حسب خيالك المتشائم

أنا عن نفسي فرحان بالخطوبة وعارف إن الجواز حيكون أحلى إن شاء الله
:)

عاشقة القمر said...

هو ايضا زيها يعني متفقين

Appy said...

عاشقه القمر
===========
اللى بقى عاوز يحافظ على نفسه انا بتكلم عن حال واقع يا حبيبتى
نورتى تانى الكوكب










مهندس مصرى
================
هو انا جيت جنبك يا حج انت
هنهزر ولا ايه
طيب بكرة نشوف
بص يا محمد الفكره ان الاهمال وحش ومش تشائم انا ولا عمرى هبقى مثل زى اللى انضرب ده ولا هسمح لنفسى اتجوز واحد بالشكل ده ابدا
بس الفكره ان ده واقع الست المصريه والراجل المصرى سواء رضيت ام ابيت
وربنا يهنيك يا عم ومش نشوفك بكرش بعد الجواز ساعاتها هسيح لك على كل المدونات واجيب التعليق ده

Appy said...

عاشق القمر
=============
ايوه دول الاغلبيه هو كمان بيكون مهمل فهمتى

مهندس مصري said...

ههههههههههه
ماشي
بس انتي ما عملتيش دراسة إحصائية علمية علشان تعرفي إن اغلب المتجوزين زي ما بتقولي كده

أنا بأكلمك من واقع زيجات أنا عارفها و شايفها و متابعها على مدى سنين لناس مقربين مني

إعتراضي مش على وجود النماذج اللي ذكرتيها
إعتراضي على تعميمها

و عموماً ربنا يحيينا إحنا الإتنين و نشوف بعد كام سنة
و الايام بيننا يا حاجة :)

Lady E said...

' المية حلوة قوي النهاردة .. هاتى شاندوشت بلوبيف'

هههههههههههههههههه ايه الرومانسية الفزيعة دي

بجد طمنتيني على المستقبل الباهر يا ابي

هندسة وصفية said...

فكرتيني بفريد
بيقولك ايه بقي فرفر؟؟
انا و انت و لا حد تالتنا
انا وانت انا و انت وبس
انا و انت انا و انت وبس يا حلاوتنا
انا و انت انا و انت و بس
و نعيش للجمعه سبع تيام زادنا وزوادنا غرام
في غرام
غرام في غرام
والحب غطانا و فرشتنا
و خدود الورد مخدتنا

اصلا كان لازم من ساعتها يرفعوا عليه قضية غش تجاري

Appy said...

مهندس مصرى
===========
طيب معلش بكره هبقىاكتب فى نهايه كل بوست
ده مش تعميم
عنيه طالما احنا لسه مش فاهمين ان لما بنكتب عن سلبيات مش بنعممها وان المفروض انى كل مره اوضح
بس اللى حضرتك متعرفوش ابقى اسال وبص فى وش جيرانك كده وانت تعرف هما عاملين ازاى فى جوازتهم
فى الايام دى
انزل انت اعمل
اعتقد انا عرفت جميع المستويات
وعلى اختلاف الطريقه بتاعت كل طبقه
بس فى النهايه الملل والتأفف والاهمال بيظهر على الاتنين
مش واحد وواحد لا
مش شرط فى الشكل
بس ممكن فى طريقه الحياه
وشكلك كده هسيح لك يا محمد ما بلاش تتحدانى اصل احطك فى بالى وافضل مراقبك لغايه لما تتجوز













Lady E
==========
رومانسيه بسم الله الرحمن الرحيم
عيب كده يا ليدى هو حد مصرى عارف يعنى ايه رومانسيه اصلا

Appy said...

هندسه وصفيه
ذ=========
لاااااااا نغفر له بقى
انت ناسى اغنيه ياسلام على حبى وحبك لما كانوا هيولوعوا فى بعض هههههههههههههه
هى دى الحكيكه فعلا

عاشقه الرومانسيه said...

انا خلاص مش عايزه اتجوز
ارتحتى كده؟

مسدس صغير said...

هو ينظر اليها بعينه الساحرة لأن الاخرى فقدها وهو يلعب فى الشارع زمان " عيل خرمهاله "
ينظر اليها ويقول لها ما رأيك فى هذه الرمال الساحرة ويسألها سؤال هل هذه الرمال صالحة لاستكمال الدور التانى فى بيتنا
ثم يدلدل رجله فى الماء اصل التانية فقدها فى الحرب العالمية التانية
هههههههههههههههههه
جميل اوى اوى البوست والله
انا عن نفسى ضحكت كتير جدا
من التوحيد والنور
والشبشب ابو صابع
وريحة البصل
فعلا طالما انك لست براد البيت فلا تطالبها بأن تكون شارون

ستون طبعا
ههههههههه
احييكى على البوست

بدراوى said...

مش ناوى اتجوز
ههههههههههههههههه
مش عشان الواقع ده
بس كدة و خلاص
مش بحب الجواز
و مقدماته و ما قبل مقدماته

و انا شخصياً حتى لو اتجوزت مش حيطلعلى كرش خالص
انا حتة عظمة قيل انها انسان
هههههههههههه
لأ بجد انا نحيف نحافة بشعة
!!!

أنا حر said...

بالفعل بعد الكلام الجميل ده مش عايز اقلك انا اتخنقت من الجواز قد ايه
الصورة الواقعية اللي انت نقلتيها للجواز دي الحقيقة تخلينا ادور على الفرق بين الجواز والموت بيتهيألي الموت احسن
:)
تحياتي

dr.lecter said...

الله يسامحك
انا هرجع من كتر القرف

كنت ناوي ماتزوجش علشان ماشوفش المناظر دي

دلوقتي خدت القرار بحسم

لا يمكن احط نفسي في موقف زي ده
بلا زواج بلا نيله

يييييييييع محشيي

هموت خلااص بجد اوووووووووووع

بووووووووووووع

مافيش احلي من العزووبيه وتقضيها علي حلي شعرك زي العصفور كده طاير لفوق

قال شر لا بد منه

ده في المشمش

adel said...

هههههههههههههههه
و تاني
هههههههههههههههههه

الحمدلله مش هتجوز لاني معنديش استعداد اصحي علي ريحة بصل و واحدة شبة المتحولين بتصحيني و تقولي قوم يامنيل

هههههههههههههههههه

بس بجد الموضوع ده في التفاهم بينهم لاني اعرف ناس مش بيعملوا كده خالص و الحياة حلوة مع وجود المشاكل برضه

و الافلام الامريكاني ممكن تتحقق بس احنا اساسا خلقانا ضيق و معندناش قدره علي تحقيق الاحلام

لو الطرفين متفاهمين بجد كل شئ ممكن يبقي كويس و احسن من براد بيت و انجلينا جولي كمان

!!! عارفة ... مش عارف ليه said...

لطيف البوست ده بعد ما أوباما أخد حقه من الحملة الإعلامية
مع أن البوست اللي فات مش اقل من ده قوه وبصراحه كان هاااايل

اه والله

وكنت بقراه وميت من الضحك فعلا

ونفس الشيء حصل تاني دلوقت

تحياتي لقلمك وعينك اللي بتقع فعلا على تفاصيل حياتنا اليومية


وليد

may said...

السلام عليكم

الله على البوست الى يجنن حسيت نفسى نتفرج على فيلم مش عادى على فكرة اغلب الشعوب العربية تتفق مع بعضها فى السلوكيات مع اختلاف بسيط فى التفاصيل

والفكرة وصلت وباسرع مما تتوقعين

مى -طرابلس - ليبييييييييا

فتاه من الصعيد said...

ليه كده يا بنت الناس......طيب مفيش امل حتى فى نيكولاس كيدج مع ساندرا بلوك.....يلا على العموم انا سامعه ان الجواز فيه يومين امريكانى......والباقي مصري

يا مراكبي said...

ههههههه

الحمد لله أنا ما ينطبقش عليا الكلام ده خالص .. الف حمد وشك ليك يارب

ده انا حتى لما باروح البحر الهوا بيطير شعري وبأبقى عامل زي براد بيت بالظبط الخالق الناطق

بس هو اكبر مني شوية في السن

nour shahen said...

يا نصفانا ههههههههههههههه
بس تعرفى كرهيتنى فى الجواز وهدمتى احلامى الفوشيا
يا بنتى خليكى متفائله مش لازم يكون بالشكل المأساوى دا تشوفى ما بعد الزواج اكيد هيكون فى شىء حلو يغير معظم الوحاشه دى
مهو متتوقعيش انك هتروحى لدنيا تانيه بعد الجواز
الدنيا هى الدنيا والاختلاف اهو فينا
وتحياتى ليكى

ساره said...

ابي موتيني ضحك
والله بجد ضحكت ضحك
الله يسعدك ياقمر

طيب ايش رائيك ان وحده من صحباتي سعوديه متزوجه اجنبي اوروبي الاصل والمنشاء
ومهمله فى نفسها .. يعنى ماوصل الموضوع للجلبيه والفنيله الصوف هههههههه ... بس فين وفين لما تعمل تغير في شكلها ... وفين وفين لما تروح الكوفير ... اقولها يابنتي انتبهي لزوجل ... البنات اللى حوليه وما ادراكي ما البنات ... تقولي تصدقي انا لازم اتغير ... ولا تغيرت ولا تنيلت

الله يحفظ لها زوجها

أكون أو لا أكون said...

أنا معاكي يا أبي...

واللي يقول تقدر تحافظ على شكلها... أنا أقوله ليه هي بعد الزواج حتلاقي وقت تبص في المرايه هههههههه
البنات قبل الزواج بيهتموا بنفسهم ويعتنوا بالبشره والشعر والرشاقه...
وبعد الزواج تجي الصدمه... يا أما تزيد عشرين كيلو... من نتايج الحمل والولاده ومش تلاقي وقت تعمل رياضه حتى يرجع جسمها زي ماكان أو يقولها الزوج ماتجيبي الجهاز في البيت أنتي رايحه النادي تعملي ايه؟
... أو تصير البنت جلده على عظم من الهم والتفكير...

وبعد كده يبدأ تذمر الزوج ويقول لها انتي زمان بتهتمي بنفسك علشان تتجوزي... لكن بعد الجواز مابقاش يهمك شكلك...!!! \يعني عاوزينها ست بيت عشره على عشره... أم ومربيه ومدرسه... ونانسي عجرم في نفس الوقت...
وده مابيحصلش ابدا...
كانوا الستات زمان مابيعرفوش غير الكحل... هو ده قمه المكياج عندهم... وماعندهومش غير فستانين للبيت وفستان للمناسبات... ولما وشوها يتجعد وشعرها يشيب لابيقولها كبرتي ولا بيعايرها... بالعكس... كانوا بيقدروا كل التعب... وتزيد غلاوتها...
دلوقت لازم تكون طباخ"شيف" خمس نجوم... عارضة ازياء"رشيقه"... معلمه...الاولاد مايطلعلهمش صوت... يعني خرس...ليس لها طلبات... اقتصاديه... تلبس احلى الموديلات والماركات وتحط افخم العطور بس ماتطلبش فلوس... يعني تخترع هههههههههه

mayada said...

هههههههههههههههه
مش عارفه فكرتيني يااخوتي باعلانات الزيت اللي مش عارفه اسمه ايه ده
الهم يقطع الجواز ع اللي عاوزه تجوز
بس يلا

Me7'o said...

هههههههههههههه
أنا كل شوية أخش أقرا التعليقات وأطلع
ههههههههههههههه
وكل ما أقراها أتخيل المنظر بتاع البحر ده مع شوية موسيقى تصويرية وصوت واحد تخين كده بيقولك

((استرجل وأشرب بقى يا حلو))

ههههههههههه
بوست تحفة
.
.

وومن said...

طب بذمتك اما الواحد ليل ونهار يشوف النماذج دي تجيلة نفس يتجوز ازاي

ههههههههههههههههههههه بجد تحفة محدش بعد كدة يقولي اتجوزي

كلة الا الكاش مايو

وكمان جلابية تحتيها بنطلون استرتش وتي شيرت برقبة

هي حصلت كمان
اللهم احفظنا

Me7'o said...

نتكلم جد بقى شويه
ههههههههههههههه
أصل البوست ده عاجبنى قوى

بصى ياست بتنجانى هانم

اللى يقولك الرك على الست يبقى غلطان لإن الرك فى الأول وفى الآخر على الراجل
لإن كلنا عارفين إن الستات بطبيعتهم عاطفيين يعنى بيتأثروا بسرعة
والرجالة المفروض هما اللى يشجعوا الستات علشان ياخدوا بالهم من نفسهم شوية
بس انا حاسس إن الرجالة فى مصر عاوزة الستات تاخد لبالها من نفسها ويفضل هوه برضه بعفانته
لأ زى ما بيحب الست تاخد بالها من نفسها لازم هوا كمان ياخد لباله من نفسه يعنى يلبس حلو يحط برفان حلو ويكون حالق دقنه كده ومسرح شعره مش معفن زى ما أتعود فى بيت أمه والأهم من ده كله يكون لسانه حلو
مش يبقى قاعد زى الصياد لكل غلطة أو لأى حاجة مش عاجباه فى مراته

لإن مفيش ست فى الدنيا دى كلها تسمع واحد بيقولها كلام حلو وما تتأثرش لإن قلب أى ست فى ودنها
تملى ودنها صح تعيش أحلى عيشة
وإنت وشطارتك بقى

بس برضه البوست تحفه
كلاكيت تالت تعليق
تحياتى
.
.

Appy said...

Me7'o
-======
بما انك قاعد هنا فى الكوكب
بص فيه تلات بوستات فاتوا اقراهم بقى عن الموضوع اللى انت اتكلمت فيه ده بس انت ملحقتهومش

اول واحد اسمه
راجل تفصيل
والتاني انا حوا وانت ادم
والتالت
هششششش حبه هدوء يا ادم انت وحوا
انا مناقشه القضيه الاذليه دي وقولى رايك

thunder said...

معارفش تعليق ماله ووصل ولا لا المهم البوست لذيذ اوى وفى صورة من حد اعرفه وبودار البهلة دى بدائت تظهر عليه ربنا يستر بجد ههههههههههه وسيبى الناس بكراشة بلاش حقد طبقى دا خير احنا محرومين منه بسبب الرفع اللى ممارس علينا من التوفير الحكومى هههههههه
دمتِ بكل حب و ود وفى رعاية وحفظ الله دائما

أحمـــــــــــــد أبو العلا said...

الله يكون في عونا
مظلموين دايما بره البيت وجواه

سبهللة said...

جامد البوست دة
وهى دى الحقيقة يا حبيبتى
وما خفى كان اعظم
واسألينى انا

بت خيخة وأي كلام said...

الحياة الزوجية اعمق بكتير من مجرد بوكسر ولا تريننج التوحيد والنور
والحياة مش حلة محشة وشاندوشت بلوبيف ولا شبشبش بصباع لبنى ولا بمبى
ولا الموضوع كرش مدلدل اوبطن مشفوطة وقوام ممشوق

الحياة الزوجية
اعمق من كدة بكتييييييييير

الحياة الزوجية
نكد
فرح
هونجا بونجا
خيانة
خصام
صلح
مصروف بيت
بامبرز للولاد
خلفة متاخرة
صحة متدهورة
استقرار نفسى
وضع اجتماعى
حلة بامية
زرار مقطوع
شراب مغسول
ماطبختش النهاردة
كنت فين
صبغة شعر
عزومة رمضان
هدية عيد الام
ودينى السينما
هاتيلى اشرب
مش هتنام
سكتى العيال
انا رايح القهوة


الحياة الزوجية
متعة
اثااااااااااارة
تشوييييييييييييييق



من الاخر كدة
جاتها نيلة اللى عايزة الجواز

وجاتها ستين نيلة اللى اتجوزت خلاص

Sherif said...

اوكى آبى

أنا موافقك ياست على النتيجة دى
بس امتى ده؟ انا مش شايف غير واحد همه على بطنه بشكل مش معقول زى مايكون اتولد فى المطبخ

والست يا عينى مابتعملش حاجة غير الطبيخ والشانداوشتات

الحياة الزوجية عمرها ماكانت كده
واحنا صغيرين مخطوبين وعرسان كنا اجدع من براد بيت وجوليا روبرت

تشهد الصور على ذلك وهنا فى مصر .. فى اسكندرية ورأس البر وبورسعيد وبور توفيق

اما نكبر .. يصبح اولادنا هم نور عنينا
هنا بناخد خطوة للخلف .. لأن الاهتمام والسعادة راحوا حتة تانية .. لحد مايبقوا هما براد بيت وجوليا روبرت

تشهد على ذلك صورهم

بالمناسبة لاكيرك دوجلاس اصبح وسيم ولاكلينت ايستوود ولا جينا لولو ولاجين فوندا

السينما الاميريكانى دلوقت تناسبك والشباب بالتأكيد لانه سنكم ولازم تستمتعوا بيه .. سواء بوكسر او كاش مايوه .. على ايامينا كان البكينى بس والصبيان مايوه صوف خصوصا فىى البرد

بعد فترة هناك متع اكثر اهمية ومن نوع آخر ..

لكن للأسف لاعلاقة لها بالرشاقة

ممكن تتفضلى عندى زى ماشرفت عندك؟

Me7'o said...

Appy هانم
لما كتبتى المدونات دى أنا لسه مكنتش وعيت على المدونات
وأستلف بقى بعد إذنك كلمتك المشهورة بما إنى عندى بطوط يابانى صغير كده

أنا رايح أقرا آهوه ، عنننننننننننن

----------

بنت خيخة وأى كلام
ههههههههههههههههه
كل ما أقرالك كلمة أضحك
عليكى شوية تعبيرات تحفة

لما اللى أتجوزت جاتها ستين نيلة
أمال نيللى بقى جاتها كام نيلة
.
تحياتى

Me7'o said...

Appy هانم

أنا قبلت دعوتك ودخلت قريت التلات بوستات دول

حقيقى عشرة على عشرة وطلعت منهم بجملتين
الأولى:
بتاعت بنت خيخة وأى كلام
((عارف يعنى ايه امان
يعنى لما اغلط ماخافش من انه يعلقلى حبل المشنقة
بالعكس يطبطب عليا ويقولى معلش
حصل خير
فداكى
هدى نفسك
يعنى يكون رحيم معايا وقت زعله
او وقت ما اعمل حاجة غلط
يطمنى ان الغلطة اللى غلطتها مش هتاثر على علاقتنا
ومش هتقلل من حبه ليا
يعاملنى كانى بنته الصغنونة))

التانية:

بتاعتك إنتى
((نيجي بقى لنقطه الحوار اياك اياك اياك تلاقى رساله او كلمه حلوه منها وانت متعصب او كنتم متخانقين وترد ببرود او باهمال ده بيعمل حته سوده جوا القلب شويه بشويه بتكبر اوي اوي ومبيكونش فيه مجال للرجوع وبتكون الحياه بقت بارده علشان كده بتحصل المشاكل والبعد بدون احساس))

هما دول فعلاً الخلاصة
يعنى برضه من الآخر الرك على الراجل لإنه هو اللى سايق
فمطرح ما هايروح هياخد الست معاه والعربية شوية تقف وشوية تمشى هو وشطارته لو كان بيصينها أول بأول
هاتبقى عيشة زى الفل وتمام ولو كان مهمل فيها هاتعطل منه ويركب مراته تاكسى ويجيب بقى اللى يصلحله العربية

يارب تكونوا فهمتم قصدى

تحياتى
كلاكيت رابع مرة
وبرضه بقول البوست مية مية

معلش بقى أصل فيه كلمتين حازقنى قلت أصرفهم هنا هههههههه

أصل الموضوع ده تاعبنى قوى وأتخانقت أكتر من مرة مع اتنين زمايلى كنا بنرجع من الشغل الساعة 6 وأول ما نوصل على أول الشارع ياخدوا بعض ويروحوا يشيشوا على القهوةويلعبوا طاولة يخرب بيت القهوة وسنينها طب والجزمتين اللى سايبنهم فى البيت دول مالهومش حق عليهم أنا مش عارف الواحد منهم يروح الساعة 8 كل يوم وينام الساعة 12 علشان يلحق يروح الشغل طب يابنى ومراتك
أعملها إيه يعنى ما هى قاعدة فى البيت آهيه تلاقيها بتتفرج على التمثيلية ولا حاجة
الصراحة كنت بتنقط منهم

معلش يا ست Appy انا طولت شوية عليكى بس أستريحت لما أتكلمت

تحياتى برضه

ويكا said...

بصى ياباشا
الرجاله بقى ردهم عليكم فى البوست ده .

http://besara7aa.blogspot.com/2009/06/blog-post.html

ابقى قوليلى بقى تقدرى تعترضى على ايه فيها

سمكه واحده said...

ايون ايون ايون وحياتك يا ابي انا عجبني اوي التيشيرت الابيض الطويل فوق الركبه ده يااخوتشي ملقيش محلات التوحيد والنور بتبيع منه اصلي عجبني اوي

بس في حاجه انتي قلتي انه بيدخل المطبخ اول ما بيصحي من النوم علي طول طب مفيش عسيل اسنان ولا وش ايه الغم ده

طب عليا النعمه خوفي كله من الجواز عشان الحجات دي الله يكرمك ياشيخه روحي
هو الواحد ناقص بتفكريه ليه بس

سمكه واحده said...

الله يخربيت الجواز اللي يبقي بالشكل ده ياشيخه والله بجد هو الواحد متعقد من شويه من البلاوي والمناظر اللي بيشوفها في المجتمع
ليه صحيح الست والمدهول الراجل بيبقوش زي الاجانب
ليه بنقلد في الهيافه
ليه منخدش الكويس واللي ينفعنا وتبع تعليم دينا
ده حتي الاسلام كله بيحث علي النظافه والاهتمام بالمظهر والله
اقلك ايه بس
ربنا يرزقك بواحد بوكسر ياشيخه
بالاش مخطط
بلاش لحاف مشجر
بس بتقولي تفصيل روعه بجد

dreem said...

كلامك واكعى يا شابة صحيح بس الست والراجل هما اللى سمحوا لده يحصل
تفتكرى انتى لو اتجوزتى واحد بتحبيه هتوصلى للمرحلة دى ؟ او هتسمحيله يوصل للشكل اللى وصفتيه ؟
لا اعتكد
يارب تكونى فهمتى انا اقصد ايه
وش بيغمز

MaNoOoSh said...

انا رأيي ان احسن حاجة فى فترة الخطوبة ان المخطوبين يكبسوا على بعض فى بيوت بعض فى زيارات خاطفة كدة على صباحية ربنا علشان يشوفوا وشوش بعض وهم صاحيين من النوم


علشان تبقى توقعاتهم على أرض الواكع يعني


وعلى راي المثل
كتها نيلة اللي عايزة جواز

صوت من مصر said...

ابى اسمحيلى دى ثقافتنا ومش هتتغير
يعنى عمرك ما هتلاقى ست مصريه لابسه مايوه ومش هتتفرجى عليها
انا كراجل هتفرج وانت كبنت او ست هتتفرجى
صح
موضوع هايل
والجلابيه والبنطلون والفوطه مصريه %%%%100

daktara said...

طيب اصبري شوية وبعدين اصدمينا بالموضوع ده
ده انا فرحي بعد تلات شهور

micheal said...

هههههههههههههههههههههه..ايميل واكعي جدا ومقدرش أقول حاجة عنه
حلوة أوي يتمرمغوا لحد ما يوصلوا الشت وتريننج التوحيد والنور
وهذا الإيميل يثبت أن فيشة كان علي حق لما قال بلا جواز بلا نيلة
واسمع أغنية الواد كان عنده حق..أوعي تقوليه لأ

لورنس العرب said...

على فكره
الاجانب نفس الوضع
بدانة النساء المتزوجات موجوده في امريكا وبكثره
لكن بيفرق موضوع الكرش مع الرجاله لأنهم بيمارسوا الرياضه بشكل مستمر لأن عندهم وقت
نظام الحياه مختلف ليس أكثر
يعني موضوع المايوه والكلام ده موجود بس في الافلام حتى عندهم
بس الناس مبسوطه بالوضع ده وبتسعى ليه بشكل مستمر

حنين القلب said...

صحححححححححححححح وربنا
الرجاله دول عايزين قطم رقابتهم
يلا وانا لسه حاميه كده ومخلصه خناقه على الصبح
هههههههههههههههههههههههههههههه

هو عايز كل حااااااااجه
عايز الاكل والشرب وتخلى بالك من العيال وتهتمى بنفسك ولو امكن كمان تساعديه فى مصاريف البيت
طيب وانت ؟؟؟
هديها ايه ؟؟؟
بصرف النظر عن البوكسر والكرش
هههههههههههههههههههههه
وربنا عسل يا آبى

maxbeta3zaman said...

والله يا آبى انك اضحكتينى رغم ما أنا فيه من حال ومصاعب ...فأنت كمن وضع المنظار الستة على سته على عين من أصابته الدغششه أو صورت له الخيالات حياة ورديه فيلميه أمريكانى
أشكرك فهذه هى المرة الأولى التى أضحك فيها منذ عدة شهور

صيدلانيه طالعه نازله said...

اهدى شويه عقديتى حرام عليكى انتى كرهتينى

فى الشويه اللى كنت لسه بحبهم

كده بقى انا حاطلب الانخلاع من بكره و

ادور على بيوتى سنتر يخلينى زيتا جونز

و اروح ادور على دوجلاس

alexandrany said...

ولااو برضه
ما تحاوليش
هههه

همس الاحباب said...

هههههههه
ههههههه
ايه ده يا معلم
صباحه فل
فكرتينا بالذى مضى
ليت العذوبية تعود يوما
اى نعم العذوبية تااج على رؤس العذاب لايراه الا المغفلون
هههههههههه
بجد الموضوع عجبنى
ههههههههههه
تحياتى

only spot said...

سلام عليكم

اولا انتى وحشانى جداا واتمنى انك تكونى بخير .
هههههههههههههههههه بجد تخيلت المنظر ومش قادره امسك نفسى من الضحك ويمكن قبل ما اخش عندك كانت نفس الفكره فى دماغى بس بشكل تانى الرتابه والروتين اليومى وحتى الحاجات الى احنا بنحبها مع الوقت بتصبح عاده وبنتحول لالات متحركه لان كتير وانا منهم مش عندنا مهارة تجديد الحياه ولا الجراءه اننا نخلق سعادتنا بايدنا
بس يا ابى كل حاجه فى الدنيا ليها جانبين حلو ومر صحيح انتى برزتى الجانب الرتيب المر الغلس الى كلنا عارفينه بس الجواز نوع من انواع الاستقرار ونعمه وسكن وموده ورحمه وكيان احنا الى بايدنا نبنيه على اساس صح او نخيب املنا فيه ومتنسيش ان الاطفال ثمره جميله من ثمرات الجواز لو نحس بيها طبعاواقد ايه الحياه بيهم طعمها بيتغير كتير
على فكره نظرتى للحياه مش وردى خالص بس مازلت مؤمنه ان الخير لسه ليه وجود ان مش شرط السائد يبقى هو ده الحكم النافذ والقاطع اكيد زى مافيه ازواج وزوجات عايزين يتولع فيهم فيه صور تستحق الاشاده والاحترام
احيانا تدقيقنا فى الصوره اوى بيضيع ملامحها لو نظرنا ليها نظره عامه بنشوف جمالها وحلاوتها اكتر

انا طولت عليكى يا ابى بس ده رايى ممكن يكون صح وممكن يكون غلط
اشوفك بخير يا جميل ودايما منور البلوج ببوسطاتك الجامده
تحياتى

Wish I were a Butterfly ... said...

:)))

ضحكت أوي على اللي كاتباه

رغم إنك مزوداها كتير في حاجات بس أكيد فاهماها إن دة عشان انت أسلوبك كوميدي مسخرة أساسا :)، بس بجد أنا معاكي جدا في الكلام دة

مش دة اللي شرط يحصل يعني مع كل المتجوزين، بس من قبل ما حد يتجوز المفروض يكون عارف كويس أوي ومتوقع إنه مش هيعيش كل الأفلام اللي شافها.. أيوة أكيد فيه مميزات وحاجات حلوة وكل حاجة
بس مش تكون البنت رايحة تتجوز ومتخيلة نفسها خلاص هتبقى سعاد حسني معاه. يعني يتوقعوا الفرحة، وكتيــــر أوي أوي كمان، بس كمان يكونوا واقعيين شوية

وحشتني خفة دمك :). يارب تكوني بخير ياجميلة

Bola 7elmi said...

ههههههههههههههه
مسخره وهما ع البحر بالجلبيه المطرزه .. و الكشر اللي 50 متر
دا الواحد بيشوف مهازل ع البحر والله أمثال براد بيت وانجلينا جولي النسخه المصريه

ههههههههههههههههههههههههههههه

بوست وااااااااااو

:)

Love-Guru said...

أممممممم
بوست ناجح لا غبار علي ذلك و كمان جاء علي الوتر الحساس فانتهزه كل عازب و عازبة لتعزية انفسهم للقبول بالامر الواقع و التأكيد علي انهم و انهن لن يتزوجوا ابدا مادام الزواج بهذا الشكل البشع.

النماذج المذكورة للاسف موجودة في الواقع و يمكن في ابشع منها و الحقيقة الثانية ان البدانة في كل من الرجل و الست اصبحت ظاهرة مصرية. و فقدان الرومانسية و دفئ العلاقات الاسرية اصبح وباء. و لكل القراء صغيري السن هذه الامراض الاجتماعية ظهرت و انتشرت منذ الثمانينات فقط بمعني انها ظواهر عرضية ظهرت في المجتمع و ليست سمات اصيلة فيه.

و قد كان من الممكن ان يكون هذا البوست مثاليا لو كان اتخذ من رصد هذه الظواهر وسيلة للدعوة للتغيير للافضل بدلا من النظرة التشاؤمية بان لا امل في التغيير و انه من الافضل عدم الجواز.

أما حكاية الافلام الامريكاني اللي خربت بعض العقول و براد بيت و انجلينا جولي و غيرهم فلماذا ناخذ موقف عدائي مما نراه لا لشئ الا انه يكشف عيوبنا. لماذا مثلا لا نأخذ الاشياء الجيدة في الثقافة الامريكية و نطبقها في حياتنا الشخصية. اشياء مثل الاكل الصحي و المحافظة علي الرياضة و الوعي باهمية العادات الصحية في الحياة عامة. في كل ثقافة اشياء جيدة و اخري غير ذلك و مادمنا قد انفتحتا و العالم اجمع علي الثقافة الامريكية فلماذا لا نحاول اكتساب الاشياء الجيدة في هذه الثقافة.

اما الشئ المستفز فعلا هو وصف بدانة الست بانها نتيجة عوامل الزمن !!! ان مثل هذا الاسلوب الملقب بال
Denial
في علم النفس لن يساعد البنات و السيدات علي مواجهة مشكلة البدانة. فاول خطوات النجاح في حل اي مشكلة هي الاعتراف بوجودها ثم البحث عن اسبابها و من ثم البحث عن الحلول المناسبة. و مثل هذه الاساليب من الخداع النفسي بالقاء اللوم علي شئ آخر كعوامل الزمن او الجينات او الحمل و الولادة او كثرة الاعباء و قلة الوقت او ان الراجل هو السبب او مدام الراجل مش جورج كلوني يبقي انا مش جيسيكا بيل, كل ذلك لن يفيد في حل المشكلة. و اسمحوا لي اوضح نقطة الجينات التي تسبب التباس عند البعض. الجينات سوف تحدد كم من السعرات يستهلكها الجسم لاداء وظائفه العادية فبعض الناس يستخدم سعرات اقل و هؤلاءيجب علهم الحرص في الاكل حيث ان السعرات غير المستخدمة سوف تتحول الي دهون و بدانة. و لكن الجينات لا تقول للشخص كل بشراهة و لا تقول له و لها لا تلعبوا رياضة كما ان الجبنات لا تفرض علي احد نوعبة الغذاء مثل الغذاء الغير صحي. كل هذه الاشياء هي اختيارات شخصية لا دخل للجينات بها. باختصار شماعة الجينات لن تجدي نفعا في حالات البدانة الغذائية
و صحيح ان الكرش عند الرجل اصبح ظاهرة مقززة و اصبح الرجل المصري مشهور بانه صاحب اكبر كرش بين رجال العالم كل هذا واقع سئ يجب علي الرجل ان يغيره و يغير كثير من عاداته السيئة و لكن المرأة يجب ان تهتم بنفسها حتي تشعر بانوثتها و تسعد بها و هذا يجب ان يكون هدفها الاول ان تكون سعيدة بشكلها و برشاقتها التي تحسدها عليها النساء الاخريات و ليس لاسعاد زوجها فقط. دلوني علي زوجة و ام لن تسعد بنظرات الاعجاب بسبب رشاقتها التي تدير رؤس الرجال اينما ذهبت و اروني امرأة واحدة زوجة و ام لن تسعد حين تعلم ان احد الرجال يحاول ان يسال ان كانت مرتبطة ام لا توطئة للتقدم لخطبتها. ان مثل هذا الشعور بانها لازالت صغيرة و يتهافت عليها الرجال طلبا للزواج منها رغم انها زوجة و ام لهو من اجمل ما يمكن ان تشعر به اي مرأة و كفيل بان يزيد من ثقتها بنفسها و هذا يجب ان يكون الدافع الاول للمراة المصرية في الحفاظ علي شكلها و رشاقتها و لها في المراة اللبنانية مثل تحتذي به.

اما الحمل و الولادة فهما بريئان من البدانة. و قد قادتني الصدفة منذ يومين الي العشاء مع مجموعة من زملاء المهنة و كانت تجلس بجواري فتاة امريكية تبدو في العشرينات من العمر جميلة رشيقة جدا علي الرغم ان زوجها الامريكاني له جسم ممتلئ و مكرش اما المفاجئة جاءت حين سألتها هل عندك اطفال و كنت اتوقع ان تقول لي انها و زوجها حديثي الزواج او ان تقول انها عندها طقل عمره بضعة اشهر و لكنها فاجئتني حين فالت ان عندهم خمسة اطقال اكبرهم فتاة في الرابعة عشر و اصغرهم طفل ثلاث سنوات. هذه الام لا تعمل و متفرغة تماما لرعاية اسرتها و لكن هذا لم يمنعها من رعاية نفسها و الاهتمام بنفسها اولا. ولم تكن هذه المرة الاولي التي اقابل فيها سيدات و امهات يحافظن علي شكلهن و اجسامهن فيظهرن اصغر بكثير من اعمارهن الحقيقية و لن تكون المرة الاخيرة و لكني تمنيت لو ان المرأة المصرية اصبحت كذلك.
آسف للاطالة و شكرا علي الموضوعات الشيقة في المدونة

tarek momen said...

اهنئك علي الؤية الأخراجية لتلك المشاهد السينمائية
لكن ده مش مقتصر علي الأفلام الأمريكاني اللي فعلا خربت دماغ الناس ل راجعي افلام حسام الدين مصطفي الي مخرجي هذه الأيام لهوجة افلام الشباب
ومن الناحية الأخري شاهدي افلام صلاح ابو سيف لتري الواقعية المرة
المهم الحياة حلوة لمن اراد ان يراها حلوة
وكئيبة لمن لم يرضي بما قسم الله له وتمني زوجة مثل انجلينا جولي
بس برضه مايمنعش ان الواحد يحلم
ولاباس ان يحلم الطرف الاخر ببراد بيت
تحياتي

بسنت said...

اللى ميشوفش من الغربال يركب لينسيز
معلش سبينى اضحك من الحكمه دى الاول
وكيداهم انتى من يومك
هههههههه

-----------------------
الصراحه الافلام الاجنبى والامريكى فعلا يعقد
ولو شفتى مسلسل نور كنتى اتعقدتى اكتر
بس الواحد بردوا واقعى
والحياه بضغوطها اكيد هتحتاج نصحى شويه من الرومانسيه اللى ماتت
يعنى على قد الشويتين اللى بيكونوا فاضيين بين الشغل والشغل التانى
بالنسبه للمتزوجين
بس تعرفى
الحلم دا كان حلو بردوا
علشان لو بطلنا نسمع الافلام دى
اكيد هنعرف نعيش احسن

أبى هانم
كفايه حكم الله يخليكى

صاحب المضيفة said...

جميلة قوي يا ابي التدوينة دي

لكن برضو مش هنقول ان دي حالة عامة بالشكل الحلو او الوحش كمان

ربنا يفرحنا دايما بكل خير يارب

همسة said...

أول مرور ليا فى المدونة
بس جميلة ماشاء الله والتدوينة رائعة
بس انا بعد ما قرئتها قررت الاعتزال وقولت مالها عيشة الحرية
تحياتى

مرجانة said...

هي فعلا الدنيا سودة اوي كدة وكئيبة؟
ولا دة نتيجة اختيار غلط للزوج
وتنازل وتطنيش من قبل الفتاة عن عيوب الخطيب اوو المرشح للزواج من اجل الدخول في سباق الزواج في سن معين
لاننا كلنا فراخ لازم تبيض بسرعة قبل التلاتينات مش كدة ولا ايه؟؟؟
عموما الاسلوب رااااااااائع
تحياتي

Eman.H.H. said...

يا نهار أبيض ايه يا آبي الرعب اللي انتي عاملاه للناس ده :)
خيالك مش ممكن :)

الشبح said...

هههههههههههههههههههههه
مدونتك بجد حلوه قوى
اسلوبك كمان واقعى قوى
ومناقشتك ونظرتك لموضوع من زاويه جميله
بس اعتقد مش سوده الدنا كدا
اكيد فيها بياض برده
شويه
تحياتى ليكى

Alexandrian far away said...

الزواج تأديب وتهذيب وإصلاح
ومن لم يربيه أهله يربيه الجواز

حبيبـــــــة القمـــــر said...

ابي باشا
رغم انك نقلتي صورة مش بس غامقة ومحبطه بس
لكن كمان تنفر ولا تبشر بخير

بس اقولك حاجه
مادام الغالبيه معترف بالواقع وقرفان منه يبقى عنده استعداد يغيره
ويمكن الاجيال القادمة بتاعة النت والفيس بوك تبقى حاجه تانيه وتكسر القاعدة دي
بس المشكلة بقى لو انا بقيت انجيلينا اضمن منين انه يبقى براد بيت

Appy said...

صباح الخير
الموضوع ببساطه مش حاجه سودا ولا حاجه بيضاء بس دى حقيقه فعلا وواقع بعد كذا سنه مع تغيير الشكل او النمط بس الحياه ورونقها بينتهوا
اللى مش مصدق يبص لنفسه فى المرايا
واللى مصدق
يبقى يغير نفسه لان الصوره دى صعبه جدا
وبقى بيتعرف شكل اى اتنين متجوزين من وسط الف حد
انا مش متشائمه انا هتجوز عادى وبتمنى موصلش لده ولا اللى معايا
بس على الاقل يبقى حطينا ايدينا على الغلط وبنصلحه
ولما بكتب حاجه زى دى مش علشان انا متشائمه انا بنقل صورة غلط بطريقه كوميديه شويه علشان نصلح مش علشان نتشائم
اقعدوا بالعافية بقى

انسان وبس ! said...

ههههههههههههههه

funky girl said...

هههههههههههه بجد الموضوع توحفة مع انك كرهتينا في الجواز بس مسخرة