البرطمان المصرى


اليومين اللى فاتوا الناس زعلانه ومضايقه ان اتنين نواب فى البرطمان بتاعنا واحد وقف وقال للتانى انت زى العاهره والتانى قاله انت مراه لعوب او معرفش قالوها ازاى
ببساطه جدا مستغربين ليه مضايقين ليه
نرجع بالزمن لفتره طويله اول ما نزلنا وانتخبنا الاشكال دى
مش دول برضه اللى كانوا لهم معارف ومحاسيب وانا هنا بتكلم عن الاتنين حزن وتنى ومستكلين الا القليل منهم اوى
مش دول اللى بيدفعوا رشوه مش دول اللى لمين الناس حواليهم وبياكلوا ده وبيشتروا ده وبيوعدوا ده بكذا حاجه
مش هما برضه نفسهم اللى كانوا بيجيبوا بلطجيه لتقفيل اللجان ويضربوا البطايق علشان الناس تنتخب
انا عاوزه افهم باى منطق تزعلوا انهم بيفرشوا الملايات لبعض
انا عن نفسى الناس دى مبتمثلنيش فى اى حاجه بالعكس بحس انهم فقره كوميديه مقرفه بتفكرنى بالطمع بتاعنا لما انتخبناهم وبطمعهم فينا لما قعدوا فى البرطمان واتمكنوا فى القعده
ومن هنا احب اقولكم طالما المجلس بقى عاهرة وأمراه لعوب يبقى على الشعب انه يمسك صاجات واهو ينوبه من الكباريه كرسى وحد يلم النقطه بقى


الخبر التانى
64 مقعد فى نفس البرطمان للمرأه الموضوع فى حد ذاته حلو مش وحش
ومبسوطه بيه
الخوف كله بقى من وجود الستات فى البرطمان ده يبقى عن طريق الحزن الوتنى ويجامل بيه طنط سعاد وطنط بكينام وطنط ام سحلول وبنت اختها ام الخلول
ساعتها يبقى البرطمان هيتحول لسلسه مطاعم تشيلز فى نهار جمعه خارجى
واللى ميعرفش تشيلز فى الوقت ده يبقى يعدى يلاقى ناس قرفانه متنشيه كده على الصبح وشاربه كوبايه نشا
وطبعا استحاله يبقى فيه واحده بتمثل اسطبل عنتر ولا اى منطقه شعبيه انا راى يقصروا الانتخابات على الزمالك ومصر الجديده وجاردن سيتى والمهندسين
وكمان متبقاش عن دواير لا تبقى عن شوارع معينه
منعا لدخول ناس مش ولا بد ولازم نعمل عضويه لكل واحده للدخول للمجلس ونخلى اماكن الستات لونها بينك او بيربيل


الخبر التالت والاخير علشان المراره الكاوتش

تعيين اول رئيسه للجامعه وهى ست مجتهده جدا وتستاهل تعليق منى الشاذلى قالته ومش عارفه او مش متذكره هل هو عن لسانها ولا عن لسان جعر تانى
ان ايه بقى ان دى بركات اوباما افندى مين يا خويا اى والله ده بيقولك بركات اوباما ومطالبته بتحقيق حموم المرأه بالشاور جل مش بالصابون العادى علشان ريحه العرق
يعنى مش علشان تستحق او علشان لها مكانه لا علشان اوباما قالك ولد خرسيس فرسيس لازم تدى للمرأه حق الاستحمام
انا حسه ان الناس بعد كده هيعملوا مولد سيدهم اوباما وكل واحده عندها ثور مبيخلفش تأخده وتروح تلف حوالين المقام شويه يمكن يخلف معزة صغيرة
ومن هنا تنتهى الاخبار اللى قدرت استوعبها الايام اللى فاتت بما انى فاصله ارضى وهوائى ولاننا فى الصيف والدكتور مانعنى من تعاطى الاخبار ونصحنى بالسفر اغلبيه الايام
فاحب اقولكم ان الايام والاخبار كلها شبه بعض كله ماشى بقفاه


كان معكم ابى هانم ابو العافيه من امام مجلس الشوعب الهوائيه اللى هنخليه بينك قريب علشان الستات تتبسط اللى انا منهم

حكمة الامبراطورة

قرعه ومسكوها فرشه ومشط

46 اخبط وقول رايك:

adel said...

ههههههههههههه
يا اخبارك علي الصبح

1-حلوة الشعب يمسك صاجات بس ما هما اغلبهم ماسكين اساسا ...ومش غريبة و مش اول مرة حد يشتم في مجلس الشعوب .. ما هو اترفع فيها الجزمة قبل كده

2-ههههههههههه انا عارف يبيقوا عاملين ازاي في تشيلز يوم الجمعة .....هههههههه بس واله الستات دول خيبقوا مسخرة و كفاية ان مجلس الشعب هيبقي ولا برامج الاطفال

3-ههههههه مولد سيدي اوباما العريان
واحنا شعب نموت في تأليف الاخبار ...وادي مني الشاذلي كمان

karim said...

كل دة عادى ومقبول ومش فى مشكلة احنا هنا ماعندناش اى مشاكل فى اى شىء ولا بقيت استغرب من اى حاجة, ولسة بقى الايام اللى جاية الكلام هايكتر عن الثانوية العامة وممكن يكتبوا مواضيع تعبير عن زيارة اوباما

Me7'o said...

آبى هانم بتنجانى

طبعاً إنتى عارفة إن أشهر البرطمانات فى العالم هو برطمان المخلل المصرى اللى نفسك فيه تلاقيه
وهنا أستعير هذه الكلمات الخالدة
ههههههههههه

الليمون الليمون الليمون
أصفر
الليمون
معصفر
الليمون
مخلل
الليمون
الليمون الليمون الليمون
وسمعينى احلى سلام للأقفاص اللى قاعدة فى المجلس
لولولولولولولولووووووووى

هندسة وصفية said...

يا سااااتر و انتي ايه الي مزعل
مجلس الشعب ده حمض من زمان جدا
بس معتقدش انهم من الادب انه يقولوا عاهرة و مراءة لعوب, ايه الفصحي دي؟؟
و بالنسبة للستات اصلا اسكتي و متتكلميش
ابلتك سوزان هي الي هتنقيهم و متدخليش في حاجة متخصكيش لو سمحتي
و معروف ان اوباما لما يقول حاجة لازم يسمعوا كلامه مش عشان رئيس امريكا و لا حاجة لا سمح الله
بس يعني حطي حاجة تافهة زي دي قدام ان جيمي يمقعد علي الكرسي و ديجا تنزل فحت فينا اكيد يعني غالي و الطلب رخيص
ثم انتي ليه سماوية
مشقتيش الريس في الحوار بتاعه مع التليفزيون لما قال لقيت واحد غلبان بيعيط ؟؟؟

همس الاحباب said...

طب واحد ليمون والتانى مجنوون

لزوم القعدة والفرجة والتسالى
وربع كيلو لب سوبر وسودانى وخليها جبلاية القرود بدل مجلس الشعب
ولسه يا ما نشوف
بركاتك يا اوباما
تحياتى

Appy said...

عادل
=========

وهى يعنى ظريفه ولا حلوه جتهم الهم كلهم بس انا واجعنى ان الناس يااااى مصدومه طيب من ايه ما هم بيئه من الاول والمسئوليه علينا وعليهم بلا هم يا خويا






كريم
=======
ايون احنا كله عندنا عادى ومقبول بس مش مع اللى زي والله يا كريم مرارتى الكاوتش على وشك الانفجار

Appy said...

ميخو
=========
المشكله يا اخويا ان الناس دى بيتقال عليها بتمثلنا
انا بجد زهقت من ان كل الناس بتمثلنا واحنا مش عارفين نمثل نفسنا حتى
انا هطالب بحرق المسرح اللى بيمثلوا عليه ده









هندسه وصفية
==============
تفتكر يعنى ما عملوا كده علشان كده دى كده مرارتى اللى كده تنفجر كده خالص جدا
وبعدين طنط سوزى دى حبيبتى من ايام مارينا اسكت انت ومتدخلش بينا

Appy said...

همسه الاحباب
===============
ايه ده خالود بيتكلم فى السوياسه يا ابنى ربى بنتك يا ابنى يا ضنايا احنا ناس مستبيعه
وبعدين بقولك ايه متعرفش عندهم فى المجلس شيشه ولا لا

GeHaD-----(male) said...

مجلس الشعب

لا بس الراجل اشمعني اختار عاهره ليه بيتكلم فصحي
هههههههههههه
هو مبينزلش في الشارعه

يابن اللذينه .....يابن الايه

والله هيكرهونا في ام الستات تقوليش مش واخدين راحتهم دول كمان شويه تيييييت وتييييييت

سلامي

Appy said...

جهاد
=========
لا بينزل دول حافظين قواميس زباله قصدى شتيمة بس هو عاوز يبقى مثقف من ضمن شويه الباميجيه بتوع اليومين دول

بدراوى said...

هههههههه
لأ بس متنكريش ان التصريح العسل
للسيد الرئيس
عسل عسل عسل
هههههههههههههههههههههه

يا جماله هههههههههههههههههههههههه

انا وقعت من الضحك اول ما قريته

اما بخصوصة العاهرة و اللعوب ان ده طبيعى

لان مجلس الشعب نوع من العهر السياسى
هههههههههههه

بخصوص الدكتورة ديه من جامعتنا اسكندرية
بس الصراحة معرفهاش
----
بقول ايه ممكن تتشرحى فى الإنتخابات و انا اول واحد حيزورلك الإنتخابات
:-)
انتى حتبقى اكتساح

انتى فخر لمصر
يمكن المجلس ينعدل حاله على ايديكى
مش بعيد

حـــــدوتـــــة said...

السلام عليكم

والله انتى بتوحشينى وبتوحشنى مواضيعك

وبعدين انا عندى فكرة
بما ان الستات بقى ليهم دور ومقاعد
وبما انك ست ستات المدونات
فايه رأيك ترشحى نفسك فى البرطمان
واختارى الدايرة اللى تعجبك
وممكن تترشحى عن دايرة بورتو مارينا او بورتو السخنه
ايه برضو دلع ومش هتتعبك
وانا متأكد انك هتغيرى شكل البرطمان خالص
ومتخفيثش كلنا معاك يا معلم

سلالالالالالالالالالالالالالالالالالالالالالالام

وومن said...

ماشي هابقي اعدي علي تشيلز يوم الجمعه اخد فكرة

ااقعدي بالعافية

فتاه من الصعيد said...

اولا هما اصلا عاملين موضوع ال65 نايبه دول علشان الحزب الوتني
ده شغل كبير.... مين تقدر تقف في الانتخابات من غير حمايه الحزب والحكومه والبوليس
ثانيا.....انت عارفه اي رئيس جامعه بيختاروه ازاي....برضه عن طريق الحزب الوتني
كل الطرق تؤدي للحزب

Love-Guru said...

بعد الفاظ عاهرة و امرأة لعوب من الرجال سوف يكون من الامور المسلبة جدا مشاهدة العضوات الجديدات في وصلات ردح مع بعض و يمكن تتطور الامور الي الاشتباك فتقوم احداهن بشد الاخري من شعرها الذي يطير في الهواء حيث يكتشف اعضاء المجلس الموقر انه باروكة فتقوم الاخري بقلع الجزمة ام كعب عالي لضرب الاولي فتخطئها و تصيب رئيس المجلس في ام رأسه ثم تتدخل العضوات الاخريات و تتوسع المشاجرة و ينقسم اعضاء المجلس من الرجال الي فريقين كل فريق يقوم بتشجيع احدي العضوتين و جمهور المشاهدين في المنازل يكركر من الضحك و يضطر رئيس المجلس الي رفع الجلسة بناء علي طلب احدي العضوات لارتباطها بميعاد دكتور التجميل لحقن البوتكس علي ان تستأنف جلسة المشاجرات في اليوم التالي.

أحمـــــــــــــد أبو العلا said...

طب ولما الستات تدخل المجلس
هيقعدوا فين
يمين ولا شمال ولا في النص
ومين الستات بالظبط اللي هيخشوا
لازمن ولابد يكونوا ستات قادره وعافيه عشان اللي بيخش المجلس يابيتخانق يابينام

وياترى بقى مين اللي هيقعد جنبيهم؟ انا عارف انه هتحصل خناقات ياما على الموضوع ده
وسعاتها هيبقى برطمان عسل اسود ومنيل بستين نيله كمان

وياترى لما الستات دول يعترضوا على شئ, هيعملوا ايه؟ طبعا هيصوتوا ولما يوافقوا هيزغرطوا

انا مش ضد دخول المرأه المجلس ولا غيره, لكن انا شايف ان المجلس كده محتاج يتدلق بره ويجيبه مجلس تاني نضيف واء كان راجل بأه ولا ست

أم أحمد المصرية said...

ايه الاخبار الجميلة دي يا فندم
كولكشن اخبار يفتح النفس :))) بفكر البرطمان يقع من ايدي صدفة و يتكسر بكل البهوات اللي فيه و نجيب برطمان جديد
مش فكرة بردوا

لورنس العرب said...

ولله هو اوباما مشي من هنا والمرأه تحررت من هنا
موضوع 64 مقعد ده فيه ظلم كبير للرجاله
لأن فعلا لو فيه مساواه المراه عليها الترشيح زيها زي الراجل تمام ولو كسبت يبقى خير وبركه
لكن كده هما فعلا بيأكدوا ان المرأه مش هاتكسب لو نزلت الانتخابات وبيجبروا الشعب على انها تكون مسئوله
يعني ده مش اختيار شعب ولكنه اجبار
بس هقولك ايه
اهو بجملة الجبر اللي بنتعرض له

بدراوى said...

بالصور ..أزمة شاهيناز النجار فى البرلمان

http://www.youm7.com/News.asp?NewsID=108723


ههههههههههههه
مسخرة الخبر ده
!!!
ابقى شوفيه
ههههههههههههههههه

*البت المشمشية *حلوة بس شقية * said...

هيا مين القرعه دى

مسدس صغير said...

اذا ذكر البرطمان المصرى فحدثوا عنه ولا حرج فانهم قوم سؤ الا من رحم ربى
فعلا شئ مؤسف
اما بقى النسوان اللى هيقتحمو مجلس الشعب
والله انا قلت نفس الكلمة
لان كلهم هيبقو مجلس قومى للمرأة وطبعا مفهوم الباقى
احييكى على البوست

يا مراكبي said...

كل الكلام صح

واحب اضيف ان بركات سيدي اوباما حلت النهاردة في خطاب نتانياهو والمولد انفض وكل سنة واحنا طيبين وعلينا واحد

الجواز و سنينه said...

3 اخبار فى الجون
و بعدين احنا مالنا و مال مجلس الشعب
هو احنا الشعب؟
دول ناس تانيه بيحكموا فى ناس تانيه خالص غيرنا
ممكن يبقى لون الكراسى نوووووووف علشان بحبه

micheal said...

ههههههههههههههههههههه..يا دماغك يا بتنجاني
:)
بخصوص المجلس قلتلك مش ناقص غير أني أخش المجلس وأغنيلي أغنية من بتوع شركة جحش فون اللي أنا مأسسها وحكسب بيها الميوزيك أورادز في يوم من الأيام
بخصوص مقاعد الستات..فأنا حاسس أن الموضوع مش حيعمل فرق بدليل الست شاهيناز(الله يمسيها بالخير)..أما بقي موضوع رئيسة الجامحة والحاج أوباما فاللي يقول أن فيه علاقة انطحي زي ما أنتي عاوزة
تحياتي

Appy said...

بدراوى
===========
يا راجل اتقى الله انا بتاعتك تزوير برضه لا انا هقفل اللجان بلاش وجع دماغ هكتب من بره اسمى وخلاص ويبقى انتهينا







حدوته
========
كزفتنى يا حدوته بس تفتكر البرطمان هيكون بينك ولا اسود

Appy said...

وومن
========
طيب ابقى خلى بالك وانتى بتعدى لان اعتقد محدش هيشوفك








فتاه من الصعيد
===============

ده الطريق بتاعه غير طريق الاتوستراد بتاعنا العادى

Appy said...

Love-Guru
=============
انا اعتقد ذلك ومن هذا المزنق اطالب بتوفير كوافير ودكتور تجميل بداخل المجلس لكل عضوه من الاعضاء خاصه ان دول هيكونوا بتوع الحزن الوتنى







احمد ابو العلا
==============
تصدق قضيه مهمه جدا
ويا خبر لو طلعوا وحشين تفتكر الرجاله هتقعد فين اعتقد هيطفشوهم من المجلس
انا فعلا عارفه اننا معندناش حنا عندنا شويه ارجوزات وبس ما عدا طلعت السادات علشان بحبه ههههههههه

Appy said...

ام احمد المصريه
=================
حتى انتى يا صديقتى نفسك البرطمان يتكسر طيب ما نكسروه يا شباب ونخلص







لورانس العرب
=================
ان جيت للحق هى هتبقى انتخابات فى دواير معينه مش فاهمه ازاى يعنى بس هما قالوا كده يعنى هيحددوا بمزاجهم وده مش صح انا علشان بنت اتمنى لو اترشحت انى اقف قدام حد سواء راجل او ست واثبت كفائه متبقاش مجاملات وتهميش وخيبه ووكسه اكبر لينا بجد

Appy said...

بدراوى
==========

النواب لسه بيتخانقوا مع بعض النهارده علشان انا مش عارفه ايه الفيرس اللى مشى فى البرطمان ده







البنت المشمشيه
==============
الست اللى تترشح عن طريق الحزن

Appy said...

مسدس صغير
=============
مش عارفه ليه بحس ان كلمه نسوان دى مش كويسه يعنى معرفش تقيله على قلبى شويه
بس هما لو بعيد عن الحزب اعتقد هيبقوا احسن الست زيها زى الراجل فى العقل والتفكير







يا مراكبى
=============
احنا علينا واحد بس
لا احنا علينا كتير اوى
وعلينا عفاريت متخلفين كمان

Appy said...

الجواز وسنينه
===============
انا عارفه انهم شعب تانى خاص بيهم
بس بحس اننا وهما بينا تشابهه
وحشانى










ميشو
========
هما دول ينفع معاهم نطح يا ضنايا

Foxology said...

اولا : بالنسبة لأعضاء مجلس الشعب المحترمين مفيش كلام بعد كلامك الحقيقة

ثانيا : بالنسبة لموضوع المرأة ده انا شايف انها حاجة كويسة مش وحشة بس بشرط انها تعبر عن جيلها وعن منطقتها مش عن المركز الأجتماعى الجديد اللى اتضاف لسيادتها

ثالثا : الشيخ اوباما ربنا يزيد من كراماته .. حاجة تقرف

تحياتى

Foxology said...

اه صح كنت هنسى

انا اهديت ليكى تاج ابقى عدى على الكيت كات شوفيه :)

تحياتى :)

محمد التميمى عبدالحق said...

والله فيه مهازل وقلة ادب اكتر من كده
على فكرة تخصيص عدد مقاعد للستات فى المجلس مش كويسة المفروض الحكاية تبقى مفتوحة اللى ينجح ينجح ان كان راجل ولا ست
الا بالحق
مين منى الشاذلى دى؟

محمود خاطر said...

ده يا ست الكل موجود في كل مكان وبيحصل في أحسن برطمانات العالم آه هو عندنا المفروض يكون أدب وأخلاق بس برده كل إناء بما فيه ينضح

ويكا said...

ابى
ازيك
وحشتينى
انتى فين ؟!! ما شفتكيش من اخر مره كنا فيها سوا فى سيتى ستارز , بناكل فول وطعميه
بصى يا ست ابى
انتى قلتيها فى اول المقال ونهيتيها فى اخره
بس انتى اللى ما عرفتيش تربطى الكلام بس
الخبرين اللى لهم علاقه ببعض اهم:
1. واحد شتم التانى وقاله يا بن العاهره (ههههههههههههههه ، هو ما شتموش طبعا هوه )والتانى قالوا يابن ال ........تييييييييت
2. البرلمان هيخلوه كله ستات .
هههههههههههههه
اظن العلاقه واضحه.


على فكره انا ما اقصدشى الستات والله يحاجه وحشه بل العكس

KING TOOOT said...

سيد قرارة خلاص حايتملي ستات
و أوباما أفندي جاي يجيب حق البنات
و الجامعة أيضا بقت رئيستها دكتورة
ماتموت بقى الرجالة و نقفّل الحكايات
و عجبي
KING TOOOT

Appy said...

فوكس
==========
دول كانوا بيتخانقوا على شهيناز المجلس ده يتولع فيه بجاز احسن
والستات تمسكه ايه رايك
التاج عليا مش حق يا فوكس بس هحاول




محمد التميمى
==================
انت بتهزر هو فيه حد مش عارف منى بتاعت العاشرة مساءا
لا شكلك جاى من كوكو تانى

Appy said...

محمود خاطر
===========
واحنا يعنى نقلد البرطمانات فى الوحش مفيش حاجه تسترنا شويه






ويكا
=======
ودينى ان ما بطلت هزارك ده اعلقك على باب الكوكب
بقى انا اخر مره رحت سيتى ستارز من سنتين ونص يعنى قبل ما اتنيل واعرفك
وسيتى ستارز برضه فيه فول وطعميه ده على اساس فاتح فرع عند الشبراوى
اللهى تتشد من لسانك كمان
بص يا ويكا بقى نيجى للجد
موضوع المجلس للستات انا موافقه عليه جدا بس انهى ستات دى المشكله انهى واحده واعيه شهيناز كانت بتشتغل على فكره وكويسه
منه لله عز بقى
بس يا ريت يجى ناس زيها

Appy said...

كينج توت
=============
هو انت علشان الكنيج فانا لازم اسكت خالص
بس يعنى يعنى يعنى مالهم الستات بقى
بقولك ايه لو مشعجبكوا ممكن تقعدوا فى البيت واحنا هنتصرف ايه رايك
نورت يا كينج

Rooma Qandil said...

بجد انا اول مرة اسمع الاخبار دي عشان مليش فيها اووي

بس فكاكة المراة لازم تسطع في كل المجالات
احتراف السب واحتراف الاجتهاد عشان تتعين...:D

بركاتك مستر اوباما وياريت ميجيش هنا تاني...:)

تحيااتي,,,

شمس النهار said...

مجلس الشعب مجلس الهلس
اهو مجلس بيسلينا وخلاص

ابي ده اخر تهديد ونداء
انا هسافر اول الشهر وقد ازعر من انزر
بس

المنسى said...

هههههههههههههه
واحشنى إسلوبك أوى
بس إنتى لسه بتقطعى فى فروتهم والله الله يكون فى عونك
بس خلاصة الموضوع ده
بغض النظر عن الواحدة ولا الواحد الست ولا الراجل المسلم ولا المسيحى طول ما عندنا مصطلح تعيين
وطول ماحنا ساكتيين
ولا يحل محله مصطلح إنتخاب
ده نتيجته معروفة
كوسة فى موسة فى كوسة
سواء لست أو لراجل
وما قل وكفى خير مما كثر وألهى
سلام

Appy said...

Rooma Qandil
==============
يوووا بصى يا حبيبتى من كتر الاخبار مش هتقدرى تلاحقى احسن متسمعيش







شمس النهار
==============
انتى بتهددينى يا شمس مكنش العشم طيب ايه رايك هخلى اليوم كله ليل ها بقى الاسبوع ده يا فندم هكون عند جناب سعاده فخامة حضراتكم
مش عارفه ايه التناكه بتاعتكوا دى

Appy said...

المنسى
========
ايه النور ده انت كنت فى بعثه لاسوان ولا ايه
يا سيدى الكوسه حلوه برضه بتستوى بسرعه

انسان وبس ! said...

طبعا يا آبى ال 64 نايبه ! هيجوا عن طريق الحزب الوطنى ....لان طبعا الاخوان المسلمين اللى بيمثلوا اكبر فصيل معارض فى البرطمان مش هيرشحوا حريمات فى انتخاب كوتة الستات ...والله اعلم يمكن يرشحوا
وبعدين يعنى مين على رايك هيترشح للانتخابات للكوته دى الا بتوع الوطنى ...هى حريم البلد كلها شاهيناز النجار ... طبعا لأ يعنى لازم لهم دعم وفلوس يبقى من الوطنى وحلال عليه تمن اعضاء المجلس فى جيبه مضمونين

انا مش عارف مبسوطه بيهم ليه سيادتك ...ده ضد الدستور لانه تمييز بين المواطنين على اساس الجنس انا شايف كده

وبعدين اماكن لونها بينك فين بس ..مش لما يبقى فيه اماكن اصلا ؟