انا حوا وانت ادم

تحديث مهم للرجاله :- انا بجد مبسوطه من الحوار اوي وبنوصل واحده واحده لوجهه نظر كويسه وحلول حلوه انا اتكلمت باحساس حوا شويه مش هنكر لان اكيد انا طلباتى هي دي بجد يا ريت الرجاله تساعد البنات انهم يوصلوا لطريقه مفهومه للراجل يعنى احتياجته ايه عاوز ايه وبرضه بامثله زي ما انا عملت ونتناقش فيها ويا ريت المتجوزين يقولوا برضه ويشاركوا بكلام عملي وبتجارب ومش زعلانه ان حد بيقول مشاكله بالعكس مبسوطه جدا
كمان اي غلط فيه من ناحيه اي حد فى اي مدونه انا مش زعلانه منه لانه كلام لا ينتمي للحقيقه بصله من بعيد او من قريب فمحدش يكلف نفسه ويعتذر عن حاجه ملوش ذنب فيها انا مسامحه وربنا يزيد فى حسناتي وحسنات اهلى اللى بيخدوها من شويه ناس ربنا يهديهم يا رب لان ربنا عالم انى مبجبش سيره حد بحاجه وحشه حتى وانا مخصماه ومش عاوزه اعرفه تاني

طبعا انا مردتش على الكومنتات فى البوست اللى فات وسبتكم تضربوا فى بعض وتشدوا شعور بعض وانا مبسوطه ومنشكحه شريره انا طول عمري
وده لسبب عاوزه كل واحد يقول رأيه بدون تاثير منى لان الموضوع كان له تكمله طبعا كتير اعترضوا وكتيروا قالوا الستات اصلهم بيعملو ويعملوا
انا ليه سميت البوست انا حوا وانت ادم وده متاخد من الاغنيه اللى انا ملقحها فى الكوكب يا ريت تبقوا تسمعوها علشان تفهموا

وعلشان فعلا احنا بنكمل بعض مينفعش نرمي اللوم على بعض اذا عملنا كده يبقى مش هنخلص ولا هنحل المشكله طبعا الكلام موجهه للناس اللى هنا واللى بيقروا مش هقدر اقول للمجتمع كله

بس دوركم تفهموا وتنقلوا لو اقتنعتوا
مش هنكر ان الستات ناقصات عقل ودين زي الارهابى على عبدالله ما قالى فى الكومنت بس يا ارهابى ناقصات دين علشان ولا الصلاه بتاعتنا بتكمل ولا صومنا وعقل علشان لازم يبقى عندنا العاطفه اكبر وده مربط الفرس والحدوه بتاعته كمان
ليه بقى لان الست دي بتكون ام لاولادها ولازم تبقى حنينه وتحتويهم وكمان بتكون ام للزوج كمان ده الصح والمفروض
مش هننكر ان المجتمع دلوقتى وخلينا نقولها بصراحه خلى الست تكتسب بعض الصفات العنيفه وده ليه بقى اولا الست عاوزه تخرج وتلبس براحتها لو حد يقولى الدين اقول ملكش فيه دينها وعلاقتها بربنا بينها وبينه فالبتالى بتتعرض لتحرش وبهدله وطوله لسان
هى عاوزه تحس بالحريه الراجل لازم يكفلها ليها بس فى الزمن ده لا طبعا مفيش الكلام ده بيتحول لوحش بيغتصب اي حاجه شايفها فيها حتى لو ضحكتها
فده خلاها تحس انها محاصره ومن قبل الجواز يعنى عوامل مترسبه حتى لو محجبه او غير
فبقت قاسيه جدا وده انعكس من الشارع للبيت لانها بتحاول تحمي نفسها كل وقت حتى من جوزها
او حبيها او خطيبها اللى المفروض يحميها لانها بقت دايما متهمه فى نظر الراجل انها سبب المشكله
الست لو حست بامان زي ما خيخه قالت واهتمام بتكون رقيقه وبتتخلى خالص عن عنفها وبتتحول من برعي المفش لكوكي او سوسن نونو كده

وفيه خطا بيقع فيه البعض هو كذا خطأ
فزيع
اولا
الست محتاجه حنيه يعنى لما تتخانقوا وتلاقيها اتسهوكت ونونوت وعيطت اعرف انها حتى مع المترليوس اللى طالع

منها بتكون عاوزاك تاخدها فى حضنك او تقولها كلمه صغيره وده بذكاء الراجل لو ذكي يعنى
اللحظه اللى ممكن الست تعمل فيها اي حاجه علشانه وده طبعا مبيعملهوش الراجل


ثانيا
الست ذكيه جدا وبتكون فاهمه جوزها وعندها احساس عالى بيه اوي يعنى لما بتكون مضايقه منه وعاوزه تقوله حاجه بتخاف علشان عارفه ان البيه عصبى ولما بيكون عصبى بيشوط اي حاجه قدامه وممكن الموضوع يتحول لمكوي طايره فازه فبتتقوقع على نفسها
مش بالظبط بس الكلام بيكون طالع كده
فبتفضل السكوت ومن هنا بيحصل فجوه رهيبه بينهم وبتحاول تعوضها هي وتنتقم فى نفس الوقت
تعوضها ازاي بقى انها تهتم بولادها اكتر بنفسها اكتر تهمله هو تهمل مظهرها وده علشان حاجه كمان انها بتحس انه مبقاش يقول لها كلمه حلوه ولا بياخد باله من اي تغيير ولو صغير فيها
فيا تيجي بنتجيه صح وتهتم اكتر بنفسها يا نتيجه عكسيه وتتخن وتهمل وتبقى ريحتها بصل وتوم زي ما ليكتر قال كده فى الكومنتات
او تتجهه اتجاه تاني تتكلم مع ناس تانيه اصحاب اصدقاء وده مع مرور الوقت بيتحول لجفا وهجر من ناحيتها ناحيه جوزها او حبيبها هي مش قادره تستغنى عنه وفى نفس الوقت نفسها فى حياه وتحس انها عايشه وكتير بيوقعوا فى ده او تكون علاقات محترمه بس مديه لهم اهتمام اكتر بكتير ومن هنا برضه بيحس انها بقت جامده ومش مهتمه ودي بتكون منحنى خطر لانهم اصلا مفيش بينهم حوار وبيكون انتهي خلاص وعلشان ترجع الحياه لازم يبقى فيه حوار
البعد
يعنى مينفعش تكون بعيد عنها وعاوزها تفهمك من غير ما تكون بتشوفك يعنى مسافر بتشتغل طول اليوم عايش فى البيت زي اللوكانده هى هتحس بيك ازاي هتفهم انت عاوز ايه وانت عنيد ومش عاوز تتكلم وواخد كل حاجه على اعصابك واعصابها
لازم تتكلم وتبطل كبرياء ما انت ممكن تتكلم مع اي حد ولو مشكله وانت مش من النوع اللى بيتكلم كتير اكتب لها حسسها فهمها براحه متسبهاش فى حيره


نيجي بقى لنقطه الحوار اياك اياك اياك تلاقى رساله او كلمه حلوه منها وانت متعصب او كنتم متخانقينى وترد ببرود او باهمال ده بيعمل حته سوده جوا القلب شويه بشويه بتكبر اوي اوي ومبيكونش فيه مجال للرجوع وبتكون الحياه بقت بارده علشان كده بيحصل المشاكل والبعد بدون احساس

الست بقى انا عارفه ناس كتير بتعرفش تعبر وتصعب عليها نفسها اوي ومبتعرفش تعبر عن اللى جواها فيه حلول كتير اكتبى ورقه رساله وجههي الرساله على انها من صحبتك لجوزها لحبيبها اي حاجه المهم توصليه الرساله قولى له نفسك فى ايه عاوزه ايه والرجاله بتوسم فيهم الذكاء اممممممم يعنى الاغلبيه واكيد هيفهم ولو مفهمش اضربيه بالكرسي حطي له سم فى الاكل خضيه هاتي له سكته قلبيه المهم خدي حقك ههههههه
بجد الحوار والاحساس جربوا الورد جربوا كلمه رقيقه بلاش العنف بلاش نصد بعض يا ريت يبقى قلبنا اكبر من كده وعقلنا الرجاله بترجع تعبانه بس من حق الست تتكلم وانت تسمعها
ربنا قال الرجال قاومون عن النساء والرسول عليه الصلاه والسلام قال رفقا بالقوارير يا جدعان مش كسروها يعنى
القوامه عند الرجال مش بالعنف مش بكلمه لا لمجرد انها لا
ده صعب وخاصه مع البنت او الست اللى شخصيتها قويه اياك وانك تحسسها انها اوت اوف كنترول يعنى متقدرش تحكم علاقتها ده بيخليها تعند اوي خاصه لما يكون لها شخصيه وانت واخدها كده متلغيش الشخصيه دي لانك هتلاقى العكس وتهد دنيا جميله انتم محتاجينها الست لما بتحب بتبقى زي السكر الدايب فى الميه انتم قاومون علينا بالحب كمان مش بالماديات وبس بالاحتواء الست لما بتبقى نار فى ثانيه بتكون رماد بس العند بيولد الكفر والست كرامتها بتنجرح بتتوجع وقلبها بيتوجع اوي
ايالك ترفض حاجه هي قالت لك عليها وانت فى نفس الوقت تطلبها منها يعنى لو عندها سبب مقنع انك تبعد عن شخصيه معينه او حاجه معينه وانت ترفض وتقول لا وتضايقها وهي تسكت علشان الحياه تمشي وعلشان قلبهاوجعها اوي وعلشان بتحبك اوي
متجيش انت تطلب منها ده برضه وتقولها متعمليش كذا بدون اقناع او مناقشه بحب بينكم بلاش تتحكم لمجرد انك راجل وهي مش هتربس وخلينا متفقين ان الست بتيجي على نفسها فى حاجات كتير وتقبل بحاجات كتير علشان بتحبك يبقى لازم انت تقدر علشان هى تقديرها يكبر ليك

بس كفايه بقى عليكوا ونكمل فى الكومنتات ونشد فى شعور بعض نيهاهاها والمره دي عاوزه دم للركب كده مينفعش يا جدعان ايه الهدوء ده بس امال انا جايبه شنطه المسعافات الاوليه ليه مش علشان كده دا انا هفتح جناج للاصابات هنا


كان معكم ابى هانم حلال المشاكل حلال العقد اللى متعقد لوحدياته


حكمه الامبراطوره

القلب لما بينقط باسود صعب تزيل اللون لانه اللون الوحيد اللى ملوش صبغه تغيره ولا مطهر

ملحوسه محدش يقراها :- مش هسمح لنقطه سودا تيجي فى قلبى يا ريت متضغطش علشان بحبك

78 اخبط وقول رايك:

بت خيخة وأي كلام said...

اسمحيلى ارفع لكى القبعة
وانحنى ليكى
على البوست ده


وانا هامتنع عن التعليق دلوقتى
انا هاتابع بس معاكى التعليقات
علشان انا كمان عايزة اشوف الدم اللى هيكون للركب

عاشــــــ النقاب ـقــــة"نونو" said...

السلام عليكم
بصي الخلاصة
بحبه ويحبني لازم نريح ونفهم بعض ما دام اساس متين هيتحمل اي حاجة من الجهتين ولا زال لي عودة

ملحوظة
قريت كام موضوع كدة اللي قدرت افهمه انك زعلانة من حد رجع بكلمتين
نصيحتي ولا يهمك الكلاب تعوي والقافلة تس
دمت بود

بت خيخة وأي كلام said...

الراجل عايز مراته تروح السوق تشترى الخضار والسمك والفراخ واللحمة


مش بيحب حكاية انه ينزل معاها بالعربية وهى بتشترى الخضار
ومش بيحب حكاية الخضار المجفف واللحمة اللى فى الباكيت اللى بتبقى عند كارفور وهايبر




لو الست متفقة مع جوزها انها هتخرج بكرة مع اصحابها وهو وافق
وجه بكرة ده
وجاله دعوة من واحد قريبه لزيارته
بيبقى عايز مراته متحترمش كلمتها مع اصحابها وتعتذرلهم وتروح معاه عند قريبه
باعتبار ان الست المفروض تبقى طوع جوزها ولازم تكون معاه مطرح مايروح


ولو حصل نفس الموقف بس العكس
هو مابيروحش معاها عند قرايبها بإعتبار انه ادى كلمة لاصحابه وانهم مستنينه على القهوة

ازدواجية تقرف موجودة فى اغلب الرجالة



حتة القوامة دى
نفسى واحد يتكلم فيها بحق ربنا

هما فاكرين ان القوامة ان الست تسمع الكلام وتقول حاضر وطيب ونعم وخلاص على كدة

لااااااااااااااااااااا
انا بقولها بصوت عالى
لااااااااااااااااااااااا

افهمومها صح يا رجالة

القوامة قدوة
القوامة رحمة
القوامة احتواء


راجل قوام على ست
يعنى قدوة ليها
يعنى يقولها يلا تعالى نصلى سوا جماعة
مش هى تقعد تتحايل عليه انه يصلى وهو يرفض علشان الماتش شغال


قوام عليها يعنى يكفيها ماديا ومايجبرهاش انها تصرف مرتبها او فلوسها الخاصة على اى حاجة فى البيت او عليها
هو المفروض انه يجبلها كل حاجة فى حدود امكانياته وهى حرة فى فلوسها
والله عايزة تزود من معاها هى حرة
لكن ماتكونش مجبرة على كدة



الرجولة مش انك تاكل وتشرب وتقعد زى النطع بعد ما تاكل وماتشيلش طبقك

انك تساعد مراتك دى رجولة
انك تاخد منها العيل وتقعد بيه ساعتين وتسيبها ترتاح شوية ولا حتى تنزل تروح عند الكوافير تظبط نفسها او تخرج مع صحباتها تشم هوا
دى رجولة برضه

انك تسهل عليها حياتها دى رجولة



الرجولة مش انك تشخط وتنطر وتأمر وماتساعدش



الرسول عليه الصلاة والسلام
كان بيساعد اهل بيته فى شغل البيت





لو مش عايز مراتك تكلم حد غيرك
يبقى المفروض انت تغنيها عن اى حد وتكون ليها صديق وصاحب



والست نفس الحكاية
خليكى صديقة لجوزك وافصلى مشاعرك كزوجة وافتحى قلبك لجوزك وخليه يدلق كل اللى جواه قدامك كانه بيكلم واحد صاحبه



انا تعبانة ومش قادرة اتكلم او اكمل كلامى


هابقى اجى بكرة تانى


سلام

اختك خيخة

نور الدين said...
This comment has been removed by the author.
بدراوى said...

هو انا الصراحة كنت منتظر رد حضرتك
بفارغ الصبر على كلامى فى التدوينة السابقة
بس واضح ان خالك اللى مش طيب كان حاضر
و قولتى تشعلليها اكثر
:-(

على فكرة انا ماليش فى المناقشات ديه كلها
انا قلت رأيى قبل كدة فى البوست اللى فات
و خلاص
و لا كنت غاوى اشعللها و لا اولعها خالص
يمكن عشان كدة اهتميت اسمع ردك

بدراوى said...

اه نسيت اقول ان اغنية
حوا و ادم
بتاعت نانسى عجرم حلوة اوووووى
و انا بعشق الأغنية ديه
فعلاً

مسدس صغير said...

فعلا لازم الزوج ياخد باله من الحاجات البسيطة دى زى انه يقابل حنية امه اللى هيه مراته يعنى هههههههه
ببرود وكده يعنى
بس مش الزوج بس الكلام ده بينسحب ع الزوجة بردة.

سلام

احييكى على البوست

مواطن مصري said...

هحجز مكان و راجع بكرة

Love-Guru said...

وده ليه بقى اولا الست عاوزه تخرج وتلبس براحتها
-----------------------------------
متهيألي الجملة دي فيها اسقاطات علي بوست سابق من كام يوم كده

:D

mahasen saber said...

يا جامد انتا هكذا تكون الست اليى بتعبر عن الست اليى زيها

انا قريت الملحوسه وعجبتنى موت يا رحاب
ممنوع شد الشعر والضرب فيا هيا اليى وقعت تحت عينى

وحشششششششتينى قوى قوى موت والله يا جميله

ســـــاره said...

كلامك يا آبي لا غبار عليه واي زيادة هتبقى مجرد تكرار :)

انا حابة بس اعلق على إن الست ممكن ريحتها تبقى بصل وثوم .. عشان بسمع المقولة دي كتير ..بقت عادة متداولة ومتوارثة ..ماطبيعي ريحتها بتبقى مش قد كده وهي خارجه من طبيخ والواجب عليها تقابل جوزها بشكل وريحة مقبولة بس في ستات ممكن جوزها يجي فجأة وهي لسه ماغيرتش وفي ستات بيبقوا مهملين في نفسهم وبيفضلوا على حالهم .. بس السؤال هنا..
الراجل وهو راجع من الشغل .. هل بتبقى ريحته مسك وعنبر؟!!
اصل كتير بسمع من الرجالة انتقاد ان الست ممكن ريحتها تبقى طبيخ بينما عمري ماسمعت من ست ان الراجل ريحته لاتطاق وهو راجع البيت!

فيا آدم حوا بتشتغل زيك ..وزي مانت حابب تشوفها وريحتها حلوة هي كمان ليها رغبة تشوفك وريحتك حلوة :)

Appy said...

صباح الخير

خوخه هاتى القبعه ومترفعيهاش اختك مزنوقه فى حاجه ضد الشمس
انا متابعه اهو يا شباب

بدراوى انا رديت عليك فى البوست اللى فات انا قولت هتفهم من ده بس انا رديت عليك هناك دلوقتى


عاشقه النقاب منوره يا حبيبتى وربنا يكرمك

love
========
انا مبعملش اسقاطات انا بقول راى حتى المنقبه مش بتسلم من الناس سواء بنات ولا ولاد

كملوا بقى لما نشوف اخرتها صباح الفل عليكم

karim said...

اابى اللى بتحب تهدى النفوس و خيخة هانم, واللة ياجماعة فى ناس كتير كويسة وبيكونوا اصحاب والدنيا حلوة خصوصا المتجوزين جديد و من فترة قريبة وانا عارف ناس كتيير كدة, و عارف بردوا ان فى ناس مش تستاهل بس دة راجع لفرق الثقافات والبيئات, يعنى اللى بيقروا كلامك هنا او فى اى بلوج دية ناس واعية عقليا, لكن الناس التانية مش بيقروا اصلا وكل همهم يجيب فلوس ولما يرجع يقضى وقت مع مراتة وينام مش اكتر,لازم الناس تتاسس من اول وجديد ودة لازم يكون من وقت تكوين عقولهم وشخصيتهم,مش ينفع نقوم ناس عفى عليها الزمن الطبع يغلب التطبع, بس انا حاسيس من كلامك انك اكنك شايفة المواضيع قدامك , تحياتى اليك اابى هانم

77Math. said...

بت يا خيخة كلامك مضبوط

بس بجد اللي بشوفه إن الستات غلطت في تربية الرجال، ما ربوش رجالة يا خيخة

يعني الغلطة نسائية في المقام الأول

والستات عايزة الحرق صدقيني

اللي شايفة إن البنت لازم تخدم أخوها عشان هو ولد، اللي مربية ابنها انه ما يحطش ايده ف المطبخ عشان دا مش شغله، اللي مربية الولد إنه أحسن من اخواته البنات والمفروض هن يسمعن كلامه
اللي بيربوا الولد يعمل اللي هو عايزه ويعمل علاقات زي ما هو عايز ويوم ما أخته تفتح فمها يفتح صوته عشان ازاي هي بنت تعمل كدا


حاجات كثير جدا جدا جدا

فين القوامة الحقيقية اللي الرسول قال عليها؟
واللي زي ما حكت لي صاحبتي، تشبه إلى حد كبير جدا الفيلم
P.S I love you


مفيش

أنا لحد دلوقت ما شفتش

واللي انت حكيتيه دا، انه يقعد بالولد أو يساعد في المطبخ، واحد بيعمل كدا كلللللللللللللللل أهله رجالة وستات بيتهموه في رجولته

تخيلي تحسي بإيه لما تلاقي الموضوع بقى العكس تمامًا !

ربنا يرحمنا

لورنس العرب said...

الأخت الفاضله خيخه
يوجد بعضا من الملاحظات على كلامك
أولا: على المرأه ان تطيع زوجها في اوامره وخاصة فيما يتعلق بالدخول والخروج والسفر وغيره، حتى في الصيام لا يحل لها أن تصوم إلا بإذنه
ولا يوجد ازدواجيه ولا حاجه يا ستي
عادي جدا ان المرأه تعتذر وهذا لأن زوجها حدث عنده أي طاريء
المشكله الكبيره ان النساء يردن ان تكون المعامله الند للند وهذا خطأ كبير
الرجل هو المسئول عن الاسره وهو الذي يقودها وهذا حقه عليها كما ان هي حقها انه يصرف عليها وعلى الاولاد ويلبي لها طلباتها التي تكون في اغلب الاحيان مبالغ فيها

ثانيا: لا يوجد حاليا رجل بيشخط وينطر يا خيخه، وهذا لأنه من يوم ما نزلت المراه العمل وتنازلت عن انوثتها
انا لا أقول ان المراه لا تعمل- تعمل ولكنها حاليا أصبحت هي الأخرى رجل
يعني رجل متزوج من رجل
العمل أثر فيها وأصبحت طبيعتها قاسيه ومغايره لما نعرفه عنها نتيجه لإحتكاكها بالمواصلات والشخصيات المقرفه اللي بنشوفها في اشغالنا يوميا
كما انه من عيوب العمل ان المراه قالت للرجل انا زيي زيك
انت بتشتغل وانا بشتغل
انت بتقبض وانا بقبض
وتخيلت انها يمكن ان تعيش بدونه لمجرد انها تعمل ولها دخل مادي مخصص لها
دي افكار موجوده عند معظم البنات ولا يمكن ان ينكرها احد
وهذا كان سببا مباشرا في زيادة حالات الطلاق الموجوده هذه الأيام
"اصله عاوز يتحكم فيا، هو فاكرني ايه الجاريه اللي جابتها له امه، انا زيي زيه بالظبط، انا ممكن اتطلق واستغنى عنه ومعنديش اي مشكله" ده الكلام اللي بنسمعه حاليا
.................................
كما قلتي يا خيخه ان القوامه احتواء ورحمه
ويجب ان يجد الرجل المقابل من هذا الاحتواء
ومهما تعددت مميزات الزواج للرجل -من وجهة نظرك- فهذا لا يأتي ذره في مميزات المرأه
يكفيكي ان تكون الجنه تحت أقدامك

reem said...

ابي

الاول صباح الخير


مدونتك عسولة جدا بجد

الكلمة الحلوة سواء من الراجل او الست للتاني بيكون لها مفعول السحر

فيها ايه لو كل واحد قال كلمة حلوة للتانى

وبجد انا شايفة ان كل واحد بو اعتبر مراته صديقة له هايرتاح وهي كمان هترتاح


عاوزة اقولك يا جبل ما يهزك ريح

وياريتها ريح دا شوية هوا صغنونييييين بيعدو ومش حد بيحس بيهم

انا اول مرة عندك وان شاءالله اكون من زوارك دايما

تحياتى لكى ياقمر

ساره said...

انا كنت ادخل اقراء وماكنت ناويه اعلق
بس تعليق الاخ لورنس العرب خصوصا في الجزء هذا اجبرني على الرد

أصبحت هي الأخرى رجل
يعني رجل متزوج من رجل
العمل أثر فيها وأصبحت طبيعتها قاسيه ومغايره لما نعرفه عنها نتيجه لإحتكاكها بالمواصلات والشخصيات المقرفه اللي بنشوفها في اشغالنا يوميا
كما انه من عيوب العمل ان المراه قالت للرجل انا زيي زيك
انت بتشتغل وانا بشتغل
انت بتقبض وانا بقبض
وتخيلت انها يمكن ان تعيش بدونه لمجرد انها تعمل ولها دخل مادي مخصص لها

طبعا انا احييه على كلامه اللي معظم الرجال مش منتبهني او متجاهلين ان المراة عشان بتشتغل صارت اقسى
بسبب اللي البلاوي اللي تصادفها كل يوم من سواق تاكسي ل رائيس ل زملاء عمل
طول الوقت قاعده على خط الدفاع واذا كانت قويه خط الهجوم

انا الشغل اثر فيني وفي شخصيتي كثير يعني اللي يشوفني يقول ياااااي بس اول ما تكلم مع حد خصوص رجل يحس انه يتكلم مع راجل زيه ..

وعموما الرجل مايحب المرأه الند
واللي تحط راسها براسه
يعني ممكن يقولك مساواه وكلام حكم بس في الواقع يحس انك ماخذه حق من حقوقه اللي هو القوامه
لانها اذا استغنت عنه ماديه الرجل يحس انه في شئ ناقص في رجولته
وهذا احساس فطري عند الرجل
هذا غير ان الرجل يحب يعش دور المعلم مش المعلم بتاع المذبح لا المعلم بمعنى المدرس
يحب انه هو اللي يعلمها كل شئ
من كلام الحب الي اخر شئ يطراء علي بالك
يحب انه يخليها تكتشف العالم من خلاله
وطبعا عشان الحياه اللي احنا فيها وعالم الفضائيات مافي حد مايعرف شئ

والحين اروح اكمل شغل عشان وقت البريك خلص
سي يو ياقمر

thunder said...

فيتوووووووووووووووووووووووووووووو على مقالب اللى فات

وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً

يعنى هى مش حرب ولا فرض عضلات بين طرفين ومين هيكسب على حساب مين
الحب بيدوب العقبات اللى بتظهر بين الطرفين والمفروض ميبقاش الطرفين متربصين لبعض الخطاء يعنى

دى مش هتبقى حياة زوجية هتبقة حرب اصله عمل اصلها راحت وعملت والهبل دا المفروض فى تفاهم حاصل بين الطرفين وقابلوا بعض على كدا يبقة ماينفعش بعد ما العلاقة اخدت مسارها وشكلها الطبيعى بقة التربصات تظهر والخلافات سورى الهيفاء لان والله معظمها بيكون اقل من الهايف اوووووووووووووووى كمان المهم تانى مش حرب ولا مسائلة قوامه يعنى والمراءة ترفضها ولا فرض عضلات من الرجل عن جهل المفروض ان الاتنين مكملين لبعض فى الطباع والتشاور والحياة فى العموم
ومقالب جامد يا بتنجانى سخنى الناس وسيبيهم هههههههههه
دمتِ اختى العزيزة فى رعاية الله وحفظه دائما

يا مراكبي said...

يمكن مش أول مرة أشوف النقاش ده سواء في الواقع الفعلي أو الواقع الإفتراضي

حتى التعليقات كمان سواء اللي هنا في البوست ده أو في البوست اللي فات ياما سمعت زيها كتير .. وكالعادة .. فيه وجهتين نظر "متضادتين" وكل فريق بيدافع عن وجهة نظرة

المفاجأة اللي أحب أقولها إن طول ما الطرفين بينظروا للزواج من وجهتين نظر مختلفتين ومتضادتين كمان .. عمر العلاقة ما هتستقيم

هناك مقولة شهيرة تقول: ليس المهم أن ينظر الرجل والمرأة لبعضهما البعض .. المهم أن ينظرا في نفس الإتجاه معا

إحنا فعلا بنعاني من إننا نتاج مجتمع لم يتم تربيته على أسس سليمة .. وده للرجال والنساء على حد سواء .. وده اللي وصلنا النهاردة لأننا بقينا فريقين متضادين

الرجل لازم يفكر في تعاملاته مع زوجته من منطلق إن أخته أو إبنته ممكن تكون في نفس الوضع مع زوجها .. والزوجة كذلك

ما ينفعش إن الأم تربي إبنها على إنه يقهر زوجته بينما هي مش بترضى ده على بنتها أو هي نفسها قرفانة من زوجها لنفس السبب

لازم نحط تفستا مكان بعض .. واللي ما نرضاهوش لنفسنا ما نرضاهوش لغيرنا

تحياتي

thunder said...

معلش ابقى شوفوا اللينك دا على الرغم انه قصير الا انه وصل المعزى منها او وصلنى انا من واتمنى يوصلكم كمان
http://www.rabitat-alwaha.net/moltaqa/showthread.php?t=8395

thunder said...

لانه بياكد انها مش حرب واحنا بنشوف بعض ازاى مش عاوزين من بعض اية المشكلة اننا فى طول الوقت حالة تربص وتصيد للاخطاء اسف على كتر الكلام سلام اشوفكم على خير



ملاحظة يا بتنجانى فين الكتاب يابنتى انتى هتعشمينا كتير ولا اية

احمد سعيد said...

اولا بجد انا فرحان قوى يا رحاب بالبوست دة

وشايف انه من احسن البوستات اللى انتى كتبتيها

فعلا احنا محتاجين مناقشه وقعدة طوييييييله فى الموضوع دة

لاننا لما نتكلم مثلا فى السياسه ولا حاجه اهو اخرنا بنطرشق بكلمتين وندخل ننام

انما موضوع زى دة بيمس مشاكل اغلبنا ان لم يكن كلنا بنمر بيها فعليا وممكن نغيرهاونحلهاكمان بسهوله


يعنى مين مثلا فينا مش متجوز او خاطب او حتى مرتبط عاطفيا ؟؟؟

وان لم يكن فهو بالتاكيد على وشك الدخول فى تجربه

او حتى خارج من تجربه فاشله

الخلاصه

انا شايف ان المشكله مشكله تفاااااهم

احنا محتاجين نفهم بعض اكتر

الست فيها مشكله اساسيه

هى مش مشكله

هى طبع

انها مكلكعه

مش مكلكعه يعنى معقدة او سيكو

لا

قصدى صعب جدا اننا كرجاله نفهم تفكيرها

دا ان وجد اساسا من يستطيع فهم المراة

المشكله انكم بتطالبونا اننا نفهمكم حتى من غير ما تقولوا ونعرف انتن عايزين ايه

ومعتبرين ان دة حاجه طبيعيه ومنطقيه

بس الواقع عندنا مش كدة

لان نظرة الراجل مختلفه

اللى الست بتشوفه طبيعى ومنطقى

الراجل بيشوفه غير طبيعى ولا منطقى

دا شىء اساسى فى الجنسين من ايام حوا وادم

نيجى بقى للجديد عندنا

احنا مجتمع فسد واصيب بتفسخ شديد جدا

يعنى مجتمع بايظ

ولما يكون المجتمع بايظ اكيد العناصر اللى مشكلاة هتكون بايظه

اللى هى الراجل والست

يعنى مش من المنطقى ان الرجاله كلها تبقى جلااييط وقلالات الذوق والست تفضل رقيقه ومحترمه

ولا ان الستات مسترجله ومش بيهتموا بنفسهم والرجاله ياعينى مقطعين الجيم لعب ورياضه كل يوم


يعنى فيه عيوب جديدة ظهرت على الرجاله والستات على حد سواء

يعنى التغيرات السلبيه طالت الجنسين بنفس المقدار وان تغيرت المظاهر

دا غير مشكله التفاهم المستعصيه اللى اتكلمت عليها فى الاول


فاصبحنا فى حاجه اننا نوجد ارضيه مشتركه للنقاش

حاجه تلمنا كلنا

ولذلك انا احيى رحاب على الحرفيه العاليه اللى اتعاملت بيها مع الموضوع

يعنى اننا نتعامل مع الموضوع بحياديه وبمنطق

مش نعتبرة حرب والرجاله تقعد تعدد سلبيات الست والستات يلعنوا ابو اليوم اللى عرفوا فيه الراجل

كدة مش هنوصل لحاجه

اتمنى ياجماعه ان التعليقات تكون على مستوى البوست

يعنى احنا عايزين نتفاهم اولا واخيرا

لان العكننه مش هتيجى على دماغ الزوج لوحدة
ولا الزوجه لوحدها
بل عليهم الاتنين وعلى عيالهم وعائلاتهم كمان

ارجو من الرجاله بلاش التعليقات المتعاليه والمستفزة

ومن الستات بلاش التعليقات السخيفه والغير منطقيه

وبلاش كل واحد او واحدة الشخص اللى هما مرتبطين بيه مطلع عينه يقوم ييجى ينفس ويفرغ غيظه هنا فى الكومنتات

وانا متابع التعليقات وعايزين تفاعل اكتر من كدة

يلا

تحياتى للجميع

بدراوى said...

انا رديت على ردك هناك فى البوست
اللى فات

و معلش لو مفهمتش ده
انا اسف

هو الصراحة انا فهمته بس اكمنى قريته سريعاً يمكن مرشقش فى مخى كويس

بس وعد حقراه تانى و اسيب تعليقى

بس
يمكن كمان لأنى لا ناقة لى و لا جمل فى المواضيع ديه بشكل نهائى
و عارف انى فى يوم من الأيام مش حجوز خالص
فمش فارق معايا يجوزوا بعض يولعوا فى بعض
حتى

من حكمى البسيطة

الجواز ضرب من ضروب الجنون

اه بجد اللى بيتجوز دلوقتى يا مجنون يا مجنون

و اللى بيشيل قربة مخرومة بتخر عليه لوحده

العزوبية تاج على رؤوس العزاب لا يراهه الا المتزوجون فقط
:-)

يتبع بعد قراءة البوست مرة أخرى

Appy said...

لورانس
مبسوطه انك رجعت تانى تتناقش مع خوخه ها يالا عاوزين دم هههههههههههههههه







بدراوى
النبى غلبتنى هههههههههه








احمد سعيد

كويس انك جيت بقى
انت قولت نقطه حلوه وانا بعتبرك عقل كبير قولى احنا فعلا بنكالب الراجل يفهمنا
طيب الراجل بحياده بقلب طفل وعقل راجل
عاوز البنت تتعامل معاه ازاى
وافهم الكلمتين اللى فوق

قلب طفل وعقل راجل
لان هو ده الراجل يا احمد
انت اللى هتقدر تقولى ايه المطلوب علشان فى النهايه نجمع كله مع بعضه
اه على فكره المفروض برضه تقرا البوست اللى قبل ده وتتعب فى تعليقات خيخه ولورانس وليكتر
يعنى كله مع بعضه

بت خيخة وأي كلام said...

77 ماث

انا عارفة انها بتبقى عيوب فى التربية

ولذلك انا بربى ابنى على انه يساعدنى

ساعات بضايق من تعليقات اصحابى ان انا كدة مش هاطلع راجل

وان تربيتى لابنى تربية بنات


بس بينى وبين نفسى
بضحك فى سرى وبقول
عالم جهلة
هما نفسهم شايفين الرجولة غلط


هو انا لما ابنى يكون محترم ومايقولش الفاظ وشتايم ومايتفش على حد
يبقى ده معناه ان تربيته تربية بنات
؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!

اه صحيح ايه حكاية التفافة مع الابهات والامهات
ليه اول حاجة يعلموها لعيالهم
التفافة
ويقعدوا يقولوا وهما منشكحين اوى يلا يا حمادة تف عليه
يلا يا سوسو تفى على انكل يا حبيبتى

انا مش فاهمة ايه حب الابهات والامهات انهم يعلموا عيالهم التفافة


المهم نرجع لموضعنا بعيدا عن التفافة



نيجى للاخ الفاضل لورنس العرب
اولا شكرا على احترامك ليا وانك لقبتنى بالاخت الفاضلة
وبعد كدة شلفطت اللقب
بالحاقه باسم خيخة

منين اخت فاضلة ومنين خيخة
مش عارفة
بس عموماانا ضحكت اوى



انا عارفة ان الست تكون طوع جوزها

بس اظن ان الراجل لو يهمه مراته
يبقى اكيد يهمه ان مراته تكون مع الناس كلمتها واحدة وتحترم مواعيدها زى ما هو بيهمه اوى انه يحترم مواعيده



حتى بعد خروج المراة للعمل
مازال هناك رجال بيشخطوا وينطروا




انا لا اعمل ومع ذلك
قارفة جوزى بجملة زي زيك

يعنى موضوع الاقتناع بالمساواة ده
مش مقتصر على المراة العاملة
فيه ربات بيوت
دماغهم وسخة زى حالاتى


واحقاقا للحق
النقطة دى يا ستات
بتخلق مشاكل كتيرة جدا بين الطرفين
يعنى اللى تقدر فيكم تتغير وتتنازل عن اقتناعها بالمساواة يبقى كدة كويس وكدة هى هتحافظ على بيتها

واللى كانت كدة واتنازلت عن قناعاتها الخاصة بالمساواة
ياريت تقولى الطريقة علشان اعمل بيها

عايزة الحق الراجل قبل ما يطفش






معلش يا ابى عايزة اقول حاجة بس للمراكبى
انا متفقة معاه فى اغلب رايه
لكن هو بيقول ان الست بتربى فى ابنها انه يقهر زوجته
الا انها مش بترضى الاهانة لبنتها

انا عايزة اقوله ان فيه امهات اتربت على انها تتقهر من الزوج
وبتكبر وهى شايفة ان ده عادى وان الولد من حقه انه يقهر مراته باى شكل هو شايفه

وبالتالى هى بتربى بنتها كمان على انها تتقهر
يعنى لو البنت جاتلها وقالتلها جوزى شتمنى او ضربنى
هاتقولها وفيها ايه
ده جوزك
عادى يعمل فيكى ما بداله

يعنى الموضوع ثقافة مجتمع لازم تتغير

انا اتربيت فى بيت
الاب لا يهين الزوجة
ومامتى اتربت فى بيت الاب لا يهين الزوجة
فبالتالى انا مع جوزى ارفض تماما اى نوع من انواع الاهانة مهمها كانت بسيطة وهينة من وجهة نظر اى شخص اخر



لكن لو انا اتربيت فى بيت شايفة فيه
الام بتهان من الاب
وهى راضية وعايشة ومابتاخدش موقف وشايفة ان ده العادى والطبيعى
انا كنت هاطلع زيها
وكنت هاتقبل الاهانات بصدر رحب وهتعايش معاها وهاكون شايفة ان انا بعمل كدة من منطلق الحفاظ على بيتى وجوزى زى ما امى حفظت على بيتها وجوزها



لكن انا لو جوزى لا قدر الله
قالى كلمة مهينة
وانا وقفته عند حده
وخدت موقف حاسم معاه
فيه ناس بتعتبر ده
ان انا كدة بعمل راسى براسه
وان انا كدة مش بحافظ على بيتى وجوزى


لكن انا شايفة علشان احافظ
على بيتى وجوزى
لازم الاول اكون عارفة ازاى احافظ على كرامتى كانسانة علشان اقدر احافظ على كرامة جوزى
وعلشان كمان اقدر اربى ابنى
ازاى يحافظ على كرامته كانسان
ويحافظ على كرامة غيره





شكرا ليكى يا ابى على مساحة الحوار دى

اختك خيخة

Love-Guru said...

مش بس الامهات اخطأت في تربية اولادهن بل استمروا في نفس الاسلوب حتي بعد زواج ابنائهن . هل منا من شاهد الام بتستعدي أبنها علي زوجته و تطلب منه ان يكون قاسي و شديد معها و ان لم يفعل تصفه بانه مش راجل؟ هل شاهد احد مثل هذه الامثلة؟ طبعا كثير. اذن المرأة تتحمل ذنب كثير مما تشكو منه فهي الام التي فشلت في التربية الصحيحة و هي الام التي حرضت و شجعت علي امتهان زوجة ابنها.
و العداء بين ام الزوج و الزوجة يقابله عداء مماثل بين ام الزوجة و زوج أبنتها. و هذا العداء الازلي في المجتمع المصري و بعض المجتمعات العربية ليس له مثيل في الدول الغربية.
و لان العلاقة بين الزوج و زوجته تتأثر بالعلاقات العائلية بكلا الطرفين لذا يجب انهاء حالة العداء بين الحماوات و زوجات ابنائهن او أزواج بناتهن

طبعا في المشمش
:D

بدراوى said...

انا قريت البوست تانى
بتركيز
و اتمنى يوصلك تعليقى البسيط
على اعتبار انى كما قلت بقول رأيى من برة الموضوع
يعنى تقدرى تقولى بقول رأيى اللى ماليش اى مصلحة فيه
--------
كل كلامك موافق عليه كويس
و ازيد عليه
----------
1-
الرجل مشكلته انه يريد ان يكون محور الكون و المرأة تدور فى فلكه هو الشمس و هى الأرض التى تدور حوله

يريد ان تكون زوجته مفضية كل وقتها ليه فقط
تيجى تكلم صاحبتها فى التليفون
يقوم شاخط يا هانم سايبانى و بترغى فى التليفون ليه
سيبى الزفته صاحبتك و تعالى كلمينى
مش ليكى جوز فى البيت

تيجى خارجة مثلاً
يقولها خارجة ازاى و هو يكون اجازة من الشغل
يقولها انا حعد فى البيت لوحدى

ديه اهم مشكلة للرجل
و عشان كدة معظم مشاكل البيوت بتيجى من الفراغ
يعنى لما الست مفيش شىء تهتم بيه غير جوزها طبيعى فى وقت غيابه عن البيت هو او اولادهما
و قعدة الفراغ بتجيب مصايب

2-
الست عايزة من الراجل كمان انه يبقى قايد صوابعة العشر شمع ليها و هى برده مش راضية
-
يمكن انا من كنت قرايتى لمشاكل النساء فى بريد الجمعة و فى معظم الأبواب اللى شبهها
خلاص بقيت عارف الموضوع
حتى لو انا مجربتش اى شىء من ده
-
الحل فى وجهة نظرى فى نقطتين
- تفسير مستنير للدين بطريقة صحيحة
و بالمناسبة ديه عندى كتاب للشيخ محمد الغزالى رحمه الله
بعنوان قضايا المرأة ما بين التقاليد الراكدة والوافدة
بيتكلم فيه كلام كويس ممكن ابقى انشر منه جزء فى بوست خاص عندى فى المدونة

-تانى حاجة يتعاملوا كبنى ادمين
يعنى لازم هو يراعيها و يحتويها و لما تكون مضايقة يعاملها بإحترام
و هى نفس الوقت لما يكون مضايق

عشان الواحد مهما كانت اللى عايش معاها و عايشة معاه بيحبوا بعض و دايبين فى بعض

بيجيى وقت يزهقوا من بعض لعوامل كثيرة طبيعية
الملل شىء طبيعى
عمرهم ما حيفضلوا شعلة من الحب طول العمر

عشان كدة لازم يطنشوا عشان الحياة تمشى
و ميمسكوش لبعض زى كل واحد وراه سكينة

كمان المشاعر الرقيقة ليست حكراًعلى المرأة

ايه المشكلة اما الراجل بيبقى مضايق يعيط
العياط مش عيب
بس للأسف هناك صورة مأخوذة عن المرأة ان لما الراجل يبقى رقيق و حساس زى حالاتى
:-(
الست بتستغل ده اسوء استغلال
للأسف بتعاملة وحش
و بتعتبر عياطه ضعف
و ده مش صح

الخلاصة ان نكون بشر بجد
انسان بجد
و للأسف مفيش انسان دلوقتى
احنا عايشين فى غابة
مع الأسف
---
نهايته
بجد

عشان كدة انا مش ناوى اتجوز و مش ناوى احب كمان

انا واخذ مضاد
اسمه
Antilove
:-(

انا لما بشوف ناس بتحب بعض بفرحلهم اوووى
بجد
و بتمنى اشوفهم فى خير دايماً

لما بشوف ناس معاهم اطفال جميلة و بيزعقوا فى بعض
و ده بشوفه فى الشارع كثير
بيصعب عليا الأطفال اووووى

انا حارم نفسى من حاجات بديهية زى الحب و زى الجواز
عشان ارتاح
و متجرحش من مجتمع سافل بصراحة
و متعبش من مجتمع وحش مش فاهمنى
و لا عايز يعاملنى زى ما انا بخجلى بمشاكلى
---
انا كدة خلاص
خلصت
و اسف لو كنت تطرقت فى تعليقى لمشاكلى
اصلى كنت محتاج اكلم
بجد
و إلا حطق اموت

إبن مصر said...

السلام عليكم


ماشى إبى واضح انى غبت كتير فإتضريت انى اقرأ البوست الماضى كمان
عموما واضح انك واخده الأمور من ناحيه واحده والموضوع واخداه من تجاه حوا وفقط
انا معاكى فى ان دى طلبات حوا ومفيش مشكله لأن معظمها من حقها ان لم يكن كلها ولكن لى تحفظات على بعض الجمل انما انا مش هكررها لأن إجمالى الموضوع مظبوط وحق حوا ميه ميه
انما فين حق أدم ولا حوا مش المفروض يتوجه لها نصائح هى كمان
المفروض انهم شركاء سواء فى نجاح العلاقه او فشلها
منتظرك تكونى فى الجانب الأخر (أدم يعنى ) واشوف نصائح موجهه لحواء
وبجد احسنتى فى كتاباتك فى هذا الموضوع

ولكى كل التقدير

Abo 7anf said...

السلام عليكم
الردود جميله قوى
مشاء الله

بس بالنسبه لرد بنت خيخه
على موضوع انها بتربى اولادها على مساعدتها
وكلام صحابها انهم كدا مش هيطلعوا رجاله
ليه يعنى
منا واصحابى كلهم وبنساعد امهاتنا فى اى حاجه
و احنا ساعات البنجيب الخضار
(يمكن يكون بيتضحك علينا فى الملوخيه)

و عمرنا مشفنا ان دا فى اساءه لرجولتنا
او اننا اى كلام
على الاقل كلنا متميزين فى مجلاتنا
و الواحد لما يساعد والدته او زوجته مفهاش شئ يسئ

اما حكايه ان المراءه تبقى ليها شخصيه
فدا لازم يكون ليها عقل
لان الواحد مش متجوز أداه للرد لا تجيب إلا نعم
وهى طول مليها عقل هتعرف تقنع الراجل بالهى عيزاه

و بعدبن لما هى عارفه انه بيحب الخضار من السوق متجيبه
و برده هو لما يلاقها تعبانه بلم نفسه و يقضيها سندوتشات


وبعدين حكايه مين بيلغى مشواره علشان التانى يبقوا يحلوها
وهى لو قالت لصابها مش هقدر اجى علشان خارجه مع جوزها البتحبه مش هيلومها هيحسدوها
و هو لما ينفض مره للقهوه
مش هيسحبوا منه الكارنيه
و يمنعوه من دخول القهوه
عادى

يعنى يخلوا الحياه وفاق شويه

بت خيخة وأي كلام said...

حاجة جت فى دماغى دلوقتى


دايما يوصفوا الست انها نكدية

ودى حاجة كانت بتنكد عليا عيشتى

طب وهى الست نكدية كدة لوحدها منها لنفسها ولا معاها حد نكد عليها؟


دلوقتى انا زوجة
لنفترض ان جوزى قاللى كلمة مهينة
او عرف عليا واحدة
او خبطنى بالكوباية فى وشى
او شتم حد من اهلى
وجيت انا زعلت وزعلت زعل جامد علشان يفهم من زعلى ان انا مش بحب الطريقة دى فى التعامل وانه مايصحش يكرر اى حاجة من الحاجات دى فى حقى مرة تانية

يقوم جوزى يقول عليا نكدية

نكدية علشان خدت موقف حاسم منه؟
نكدية علشان عايزة اوقفه عند حده ويفهم ان فيه حدود مايصحش يتعداها بينى وبينه ؟

نكدية علشان عايزة احافظ على كرامتى؟


نكدية كدة منى لنفسى ولا هو عمل حاجة تنكد عليا عيشتى؟


قبل ما تتهموا الست بالنكد
شوفوا تصرفاتكم انتوا الاول بتبقى عاملة ازاى




وبعدين ايه يعنى
مش شايفة لحد دلوقتى نقطة دم واحدة

مالكم كدة بتتناقشوا باحترام

خير الله ما اجعله خير
شايفة الناس كلها بتحترم بعضها


اكونش بحلم


المهم يا ابى

الكلام اللى فوق ده وجهة نظر عامة
مش اقصد بيها نفسى

احسن الناس تفتكر ان انا بتكلم عن نفسى لا سمح الله

بس انا بحب دايما كلامى يكون فيه امثلة من الواقع علشان اقدر اوصل للناس وجهة نظرى


علشان بس احمد سعيد ما يفتكرش ان انا من الناس الى بتنطبق عليهم الجملة الى قالها فى تعليقه

اللى هى الجملة دى

وبلاش كل واحد او واحدة الشخص اللى هما مرتبطين بيه مطلع عينه يقوم ييجى ينفس ويفرغ غيظه هنا فى الكومنتات



انا جوزى مش مطلع عنيا
وتعليقاتى مش معناها انى بفرغ غيظى هنا فى المدونة



ولو فيه حد عينه طالعة
يبقى مش انا
ده جوزى هو اللى عينه طالعة
وانا جوزى مش بيعلق على المدونات ولا بيقراها من اصله


نيهاهاهاهاهاهاهاهاهاع



سلام

هاروح مشوار وارجعلكم تانى

اختك خيخة

احمد سعيد said...

بصى يا رحاب

معلش انا هحاول ارد كويس شويه

بس انا مشتت ذهنيا دلوقت ومشغول

ونازل كمان ربع ساعه

همش هينفع اذكر الفكرة اجمالا

يعنى هتكلم بالقطاعى

كل كومنت هتكلم عن نقطه

اولا انا صعب شويه اقولكم دماغ الراجل عامله ازاى

لانى تفكيرى مختلف شويتين تلاته اربعه عن اغلب الرجاله فى مصر

بس اكيد فيه سمات مشتركه كل الرجال

عموما

انا عندى نظريه بتقول

ان الست عندها سلاح قوى جدا

اللى هو انوثتها

وعقلها

وشايف ان اجهل الستات عندها الكفاءة او القدرة على ترويض اكثر الرجال شراسه

ممكن تكون غير قادرة على رؤيه او استغلال القدرة دى

بس دة مينكرش انها موجودة فعلا


اول حاجه

الستات حاليا فى مصر رمت القوة الناعمه دى فى صندوق الزباله

او اغلبهم يعنى

واستبدلوها باسلوب تانى

اللى هو الزعيق والنكد والتصادم المباشر

ودة اساس خراب كل البيوت

بمعنى

والكلام دة لخيخه

مافيش راجل مهما كان متفتح يحب مراته تقوله انا زييى زيك

هو بيشوف ان دة جرح مباشر لكرامته

واحذرى كرامه الراجل

لانها صلب رجولته

اينعم هو فعلا زيه زيك

بس بلاش تحسسيه بكدة

طب ما انتى ممكن كزوجه تطبقى المبدا دة فعليا

بل وتبقى احسن منه كمان مش زيه بس
وتاخدى كل اللى انتى عايزاة وتعملى اللى فى دماغك

وبموافقته ورضاة

وكمان تكونى محسساة انه سى السيد والسبع الغضنفر

دة بقى الاسلوب الملتوى اللى قلت عليه

سياسه المرأة

اضحكى عليه

انفخيه زى البالونه

وارضى غرورة

لان الغرور دة من طبيعه الراجل

ودة ميتنافاش مع انك فى الاخر هتعملى اللى على مزاجك انتى

وهتضحكى عليه

بالمسايسه يعنى

واقولك

هو غالبا هياخد باله

وهيفهم انه انضحك عليه

بس هيبلعها

بل وهيكون مبسوط كمان

الرجاله كتير قوى بينضحك عليها بمزاجها


انما اسلوب انا زيى زيك

اعتقد انك انتى اللى هتخسرى فى النهايه

السياسه يا خيخه

السياااااااااااااااااسه

ومش تسالينى ازاى

انا معرفش ازاى

دا شغلكم انتوا بقى كحريم

شغلوا الموهبه العطلانه اللى ربنا ادهالكم

انا معرفش انتوا بتعملوها كدا ازاى الصراحه ,
لانى طبعا ضحيه وراجل من اللى بينضحك عليهم ومعرش افسر اسلوبكم ( الواعر )



نازل وراجعلكم تانى بالليل ان شاء الله

سلام

عاشــــــ النقاب ـقــــة"نونو" said...

السلام عليكم
يا خيخة الراجل عايز مراته تروح السوق وتشتري وووو والراجل الحر اللي عنده دم مش عاوز مراته تتبهدل فبيروح معاها ويشتروا سوا او تقوله طلباتها بالتليفون يجيبها وهو جي او تنزل هي لو الوضع مفيهوش شبهة بهدلة ولا تدني لها ايه المشكلة
حكاية الست متفقة تخرج مع اصحابها وهو ما بيتنازلش اللي بتقوليها دي انا اعتقد هنا المفترض ما بيبقاش بين اتنين متفاهمين لو كل حاج هتتقاس انا الراجل وكلمتي لازم تمشي وانتي الست ومش مهم ما تبقاش عيشة دي
المفترض زي ما قلت قبل كدة فيه حاجة اسمها اساس متين بنرتب امورنا سوا انا اجي على نفسي شويتين علشان عيونه لاني عارفة انه هيجي على نفسه خمس شويات انما عاوزة اقولك حاجة مهمة جدا انا ممكن يبقى فيه حاجات مش عاوزة اعملها ولا طلبات خلي بالك طلبات مش اوامر هاعملها لكن اعملها حتى وان مش طايقاها عارفة ليه علشان الراجل دة شايلني شيل يبقى اي حاجة يطلبها انفذها ومن قبل ما يطلبها واحد مريحني وبيحاول يتعامل معايا بما يرضي الله اتعامل انا معاه ازاي؟؟؟
القوامة يعني زي ما قلتي كل دة واضيفي عليهم امان وحماية يعني يقولي تعالي نصلي جماعة بعد ما صحيته يصلي الفجر حاضر واعنته على اداء الفريضة حاضر فاعاني على ادئها جماعة
يعني مشاركة يعني انا وانت مش انت الاول ولا انا الاول
يعني نبني سوا ونكبر سوا وابقى انا السكن وهو الامان
يعني لما اشوفه شغال على اخره وعمال يجري يجيب من هنا ومن هنا ويحط ادامي كل مرتبه ويقولي مشيني بمصروف وهاتي اللي تعوزوه ويكون عندي فلوس ولا مرتب خاص بي يبقى اكمل وادبر الناقص وانا راضية بل ومبسوطة اني بعمل كدة مش دة بيتنا سوا يعني فكرك هبتبقى الواحدة مبسوطة وابنها عاوز حاجة مهمة ومعاها تجيب وتقول لا دي فلوسي الخاصة يولع زوجي بجاز يتصرف ويجيب بس في نفس الوقت هو اكيد مقدر انها بتساعد وشايلها على راسه من فوق بل واوقات بيعتبر اللي صرفته دين بيسدده
الرجولة انه ايوة يساعدها ويحضر الاكل معاها ومفيهاش حاجة يرتب دولاب ولا يعلق هدو واوقات ينشر غسيل كمان الرسول عليه الصلاة والسلام لنا فيه اسوة حسنة بس افتكري كويس انتي عاوزاه يساعدك في شغلك في البيت يا ترى انتي هتساعديه في شغله اللي برة يعني كتر خييره انه بيعمل دة لانه بيحب
اشم نفسي واخرج برة مع صديقاتي من غيره ؟؟؟؟!!!!
المفترض اننا نشم نفسنا ونغير جو ونهيص سوا مع ولادنا ومع بعضنا مش اننا نرتاح من بعض لان المفترض ان السس قوي
ازور صديقاتي ويزو اصدقائه ليه مش في جو عائلي
ياجماعة الاسرة دي لازم ترابط لازم كل واحد فيها يعمل اي حاجة فيها بحب وترابط من غير انت راجل وانا ست لازم يبقى لي كلمة ولازم يبقى لك كلمة وال هنمسك سكاكين لبعض
انا بشوف انه ما دام بيريحني يبقى ايه المانع اني اريحه انا بشوف انه لما ببقى عيانة بيسيب شغله ويقعد جنبي ويزعق لو مديت ايدي على حاجة اعملها وفي نفس الوقت لما ظروفه تتعثر استحمل واحاول امشيها هي دي الحياة ناخد وندي مش عاملين نقول حقوق المراة ونفرض عليها حاجات اوقات بتبقى صعبة عليها
هنزل اشتغل واقبض وابقى زيي زيه ماشي بس الاولاد وتمن اللبس والمواصلات وبهدلتك ؟؟؟؟؟
وعليهم تقصيرك في دورك
طيب واجباتك بقى
زي ما بنطالب بحقوقنالام كمان نوفي واجباتنا وما نخليش حجة علينا برضه والزواج سكن ومودة ورحمة مش حرب
حتة الكرامة فيه اوقات الزوجة بتبقى عصبية هنا الحب بيبان الفترض بيتحملها لحد موجة الغضب دي ما تعدي وبعدين يتحاسبوا سوا بهداوة وبما يرضي الله برضه زيها بلظبط لما بيتعصب وقال كلمتين برضه تفوت لحد ما يهدى وبعدها يتصافوا انما هتقوليلي كرامتي وقت الحريقة ما هي قايدة ما هو هيبقى انفجار المفترض فيه ذكاء وحب تاني بقولها بين الطرفين
ربنا ييسر احوالنا جميعا يارب
انا مش مثالية لكن بحاول اكون كدة وما تتخيليش اني ما بتعصبش ولا بقول كرامتي والكلام دة بس اللي بيفرق المستقبل ازاي بيتعامل مع دة وازاي بيحوله كمان في اوقات كتيرة لعتاب لنفسي ازاي عملت كدة وسرعان لاعتذار كمان مفيهاش عيب
الست اللي بتحب زوجها بتنفذ طلباته عن طيب خاطر وهي كمان مبسوطة انها بتعمل كدة والراجل اللي بيحب زوجته بيبقى مبسوط انها مبسوطة ولما بيطلب حاجة عارف انها هتتعمل حتى من غير ما يطلبها
الست الذكية ممكن تخلي كل اللي هي عاوزاه يتعمل ببساطة لو فيه مساحة حوار اساسه تفاهم وحب وايثار لكل من الاخر على نفسه
الحب يا خيخة هو لما يبقى معايا حاجة حلوة يصعب علي اتهنى بيها لوحدي فاشيلها كلها نسعد بيها سوا لاني عارفة انه هيضن بيها على نفسه ويؤثرني على نفسه ويديهاني انا هي دي الحياة الزوجية
وفقنا الله واياكم لما يحبه ويرضاه

عاشــــــ النقاب ـقــــة"نونو" said...

جزاكم الله خيرا واشكرك يا ابي على المساحةالكبيرة دي للتعليق

فتاه من الصعيد said...

عارفه فكرتينى بمقاله ققريتها عن العلاقه بين الرجل والمراه بتول الرجل من زحل والمراه من الزهره.........كان الملخص ان الرجل المراه من كووكبين مختلفين وانهم نسيوا ده ونسيوا انهم مختلفين نفسيا وفكريا ومن هنا نشا النزاع بينهم
ده معناه ان المشكله اننا نفهم بعض ونفهم سيكلوجيه الاخر .....ساعتها موش هيحصل مشاكل
بس بسغرب من فهمك للاختلاف دده ومحاووله شرحه.......اه صحيح انت من كوكب آبى
جميل البوست
دمتى بخير....تقبلى مرورى

شمس النهار said...

لا كده بجد انت فعلا جيبتي جون وجون وجوووووووووووووووووووووون
في دماغ اي رجل ماعندوش دم والا مخ والا صبر
وعايز كل حاجه ومايديش حاجه

عايز زوجه ماشي عايز شغاله ماشي عايز مربيه ماشي عايز طباخه ماشي عايز مدرسه ماشي عايز سواقه ماشي عايز بوابه (تفتح له باب الوكنده بليل وهو راجع متأخر) ماشي
عايز زينات صدقي تضحك الباشا ماشي
عايز ام تطبطب ماشي عايز اخت وصديقه تسمع ماشي عايز ليدي تشرفك لما تخرج معاك ماشي
وبعد ما تتقمصي كل الادوار دي

وهو ماشي علي نظرية لاهيتك مااتلاهيت والطبع فيك غالب وديل...............معلش ياابي انت عارفه اني مؤدبه زياده عن اللزوم

يبقا كده
مش فاضل غير انك تلبسي شخصية رايا وسكينه في نفس واحد
بس بللي الفوطه كلور مش ماء

وهنسعدوكي في دفن الزبون
ماتوحدووووووووووووو

ويكا said...

اولا يا بدراوى دى مش نانسى عجرم خالص ، واضح ان السماعتا عندك بايظه، لانى ده واحد مش واحده
وده اكيد الستاذ سى محمد دياب يا اما عمرو الحلو
واحد من الاتنين
ولو طلع غلط يبقى فعلا نانسى عجرم وانا اللى السماعات عندى بايظه

اما بخصوص الجواز وسنينه
فانا هسأل خيخه الاول سؤال بما انها متجوزه وبعد كده ابى برده باعتبار ما سيكون

والله والله وبالله عليكى
هانى يا خيخه لو قادلك صوابعه العشره شمع هترضى عنه؟؟؟؟
وانتى يا ابى
لو لقيتيه رقيق اوى معاكى مش هتشكى فيه وتقولى شكله مخبى مصيبه يا اما هتنفضيه وتقولى الواد رقيق اوى وخرع

يا بنتى الراجل والست زى السكينه فى الحلاوه لازم ينحت فى بعض
وعلى رأى المثل الشعبى العربى الاسرائيلى
"حب البت ، البت تكرفك ، اكرف البنت البت تحبك " وعجبى

ومع السلامو عليكم
امممممممه
اقعدوا بالعافيه

صحيح بالمناسبه

خيخه
بصراحه هو هو ويكا ، بس حركات مزاوله بس

سلام

ويكا said...

ابى
ابى
ابى

انا عندى رد بس طويل اوى اوى
بس جميل خالص والله
ابعته
ولا هقفل المدونه لو بعته؟!!!
عادى عادى لو مش محبب قولى
feel free جدا معايا
انا شغال يعنى مش بزعل

بت خيخة وأي كلام said...

الاول انا مبسوطة من الحوارت


احمد سعيد
كلامك صح
بس انا معرفش اتعامل بالسياسة دى
مابحبش اللف والدوران
مش علشان انا صريحة وصادقة دايما
لاااااااااااااا انا ساعات بكدب


بس الفكرة ليه الف وادور اساسا
ليه اقعد العب مع جوزى حاورينى يا كيكة
ليه اقعد اخطط وارسم واشوف انهى خطة تمشى معاه النهاردة
ليه مادلقش اللى عندى واخلص

عايزة اخرج مع صحابى مااقوله عايزة اخرج مع صحابى
هو لازم اكل بعقله حلاوة علشان اخرج مع صحابى
هو لازم ابوسه فى خده وممكن يا حبيبى يا سبعى يا جملى علشان خاطرى توافق اخرج مع صحابى؟


ايه المرقعة دى

انا بتخنئ من دلع الحريم ده
مابطيقهوش


عايزة اخرج
اروح واقف قدامه وقفة رجل واحد واقوله انا عايزة اخرج مع صحابى

خلاص انتهينا

قالى لا
اساله ليه
قالى علشان كدة
هاقوله اقنعنى

لكن علشان كدة دى
بتنرفزنى اكتر وبصر على موقفى اكتر

عايز يامرنى واسمع كلامه
يبقى يقنعنى ان كلامه هو الصح
وان كلامى غلط

لكن انفذ كدة وخلاص
دى حاجة مابتدخلش ذمتى ببصلة

من الاخر دة

اعتبرنى غبية ومعنديش اللباقة فى التعامل بسياسة مع الزوج









عاشقة النقاب

انتى بتكلمى عن جوزك
مش كدة؟


عايزة ابشرك
انك بتكلمى عن نموذج مش موجود منه كتير


فيه رجالة كتير احرار وعندهم دم
بس مش بيحبوا يروحوا مشوار السوق مع مراتهم
بيعتبروا ان ده مشوار يخص الحريم
وان مش من الرجولة
انه يروح هو السوق

يعنى الموضوع لا يتعلق بكون الرجل حر او عنده دم من عدمه




ياسيتى بس الراجل يوافق انه يقوم يصلى واحنا هنصلى معاه جماعة
بس يوااااااافق

هو اساسا بيكون رافض المبدا انه يقوم من النوم علشان يصلى
بيكون رافض مبدا انه يسيب الماتش ويلحق الفرض الى هيفوت عليه


واحد شايلنى فى نن عينه من جوة
هاشيله فى نن عينى من جوة


واحد هيدينى الطرشة ويكبر دماغه منى
هاعمله بالمثل غصب عنى

لانى الحب مش انى ادى وبس

الحب انى ادى واخد

لكن هادى وبس طب وبعدين
ما انا كدة هتعب

زى ماهو محتاج ضحكة
انا محتاجة بسمة

محتاج هو طبطبة
انا محتاجة حضن

عايز يشوفنى حاطة روووووووووج
عايزة اشوفه حالق دقنه


عايزنى اشارك بفلوسى فى البيت
عايزاه ما يبخلش عليا ماديا


يعنى اخد وادى

مش مشكلة مين يبتدى بالعطاء

المهم اننا ناخد وندى

محدش ياخد بس ومحدش يدى وبس







انا رايحة اكل حاجة علشان جعت
وماكلتش حاجة من الصبح


هارجعلك تانى بليل
اشوف ايه اخر الحوارات


سلام
اختك خيخة

Appy said...

خوخه
=====
حلو اوي الاجابات المتقطعه دي انا معاكي بس انتى نسيتى كلمه وحاجه انا قولتها
الراجل قلبه قلب طفللللل زي شريف وعقله عقل راجل يعنى ميضرش انى ابوسه علشان اخرج ليه يبقى احساسي انى اعمل كده علشان اخرج ليه ميكونش علشان انا بحب كده وبحب ادلع ليه مش علشان انا بيكون نفسي فى ده
فهمتى





عاشقه النقاب
============
خوخه قالت لكي ده نموذج حلو احنا عاوزه القاعده الباقيه بقى يا ست الكل




ويكا
========
البيت بيتك قول براحتك بس كوبيتين شاي فى ايدك ليه وليك والباقى يتفرجوا هههههههههه
قول اللى انت عاوزه
انا بقى بالنسبه لسؤالك بصراحه لا مش هقول النى مش هرتبط بواحد الا اذا كنت بحبه اوي اوي اوي
وبثق فيه وانا عندي قرون استشعار اعرف اذا كان بيخونى ولا لا
اي خدعه

حسن حنفى said...

اعتقد في الاول وفي الاخر المشكله بين الرجل والمرأه هي مشكله اختيار الراجل يعني مش هيموت لو صبر شويه ودور كويس والست مش هتخلل لو لقت راجل مش قد المقام ورفضته بس المشكله ان سعات كتير مش بيكون فيه تأني والراجل مش بيدور علي اللي تناسبه واللي تكون من نفس بيئته وقريبه منه والست برضه مش بتستني يجيلها الراجل علشان كده بعد الجواز بيكتشفوا انهم مختلفين في حاجات كتير وكل واحد ليه فكره وطريقه تعامل غير التاني وبالتالي بتبدأ المشاكل تحصل
بينهم لكن لو كل واحد اختار صح حتي لو بعد كده لاقدر الله مش طلعوا ينفعوا بعض بتلاقي كل واحد راح من طريقه عادي
.......
فيه ناس بقي سواء رجاله او ستات بيكون الجواز ده منتهي املهم واول ما يجمع قرشين يروح يخطب وهي مع اول عريس ما تصدق وتوافق واهو ظل راجل ولا ظل حيطه وساعتها في الغالب الراجل او الست بيتخدع في الطرف الاخر لان مش كل واحد بياخد وقته يتعرف علي التاني كويس وبالتالي بتلاقي الراجل مثلا رايح ليها كل يوم وهو لابس وحاطط برفان وهي بقي لابسه وهي خراجه معاه الحته اللي علي الحبل وبعد الجواز بقي هو خلاص لفت انتباهها وتفكيره موصله ان خلاص كده هي بقي اتعلق معاه لاخر العمر يبقي ايه لازمه انه /انها تتزوق قدامه ولا هو يجيبلها هديه زي قبل كده خلاص بيبقي الجواز عنده خلفه وصرف علي البيت وخلاص وهي عندها انها تطبخ وتربي العيال واذا كانت بتروح الشغل والموضوع انتهي علي كده ومش بيبقي بينهم اي حب او موده وبعدين تلاقي كل طرف بيشتكي من التاني وعامله نشره اخبار الخامسه والعشرون عند الناس كلها

ويكا said...

ابى على فكره انا خلاص قررت ابعتلك التعليق خلاص، دا كرنفال تعليقات يا ذحجه ولو عايزه تذيعى ذيعى لو مش عايذه يبقى ذيعى برده

بالنسبه للاخت خيخه
انا ما اقصدش والله ازعلك ، انا بنكشك بس , بس برده انا مقتنع ان لو سألنا الراجل الغلبان هانى هيقول انه طالع عينه.
وبعدين كفاية وقفة الرجل الواحد اللى بقفيهاله دى .

وعموما ، انا عارف انك عسوله والله وبألوظه صغيره زى العسل

اجين، ما تزعليش

دا انا ماليش الا انتى.

micheal said...

لأ..بجد مفيش أي كلام يتقال فعلا بعد اللي في البوست..أنا قريته امبارح الفجر قبل ما أنام وقلت أقرأه تاني اليوم عشان أعرف أحط كومنت
حلو جدا يبقي فيه مشاركة وتكامل بين الرجل والست وأن كل واحد يبقي عارف مفاتيح التاني فين ويقدر يوظفها بالشكل الأمثل
وطبعا برضه حستني الرد بتاعك علي كومنتي في البوست اللي فات
من باب الرخامة يعني..اشمعني أنتي
:)
تحياتي

Israa El-sakka said...

أنا نفسي يا ابي ميكنش التنافس بين حواء و آدم كره ...ههه مع أني في الكلية بكره تلت تربع الولاد وحساهم عبط هههه ياللا مفروض الذكر و الأنثى بيكملوا بعض مش بيقتلوا في بعض بتهياقلي الموضوع ده نتيجة feminism و الظلم اللي واقع فعلا على المرأة ..ياللا كل خناقة و أنتي شبعانة فيها لطم ههه
سلااام
إسراء

ويكا said...

قبل ان ابدأ اسمحوا لى ان اسأل عن بعض الامور التى نفتقدها بالوراثه ، حتى اصبحت هى الطبيعيه والبديهيه من شدة تعودنا عليها وتوارثنا اياها، .
لماذا يكون دائما ثوران الحب والمشاعر وبراكينه المتدفقه الملتهبه فى فترات الارتباط ما قبل الزواج ، وسرعان ما هى ان تبدأ فى الخمود والخمول مع بداية الارتباط الرسمى (الخطوبه) ثم للاسف بعد الزواج ، ثم ما تلبث ان تلفظ انفاسها الاخيره مع نهايات شهر العسل بالتمام والكمال؟!!

مع اننا لو نظرنا نظره بسيطه ومتأنيه لوجدنا انه كان من الطبيعى والبديهى ، العكس هو الصحيح .
فالارتباط الرسمى والشرعى هو بمثابة اشارة البدأ والاذن ببداية المشوار الطويل ،والحياه التى لا تنتهى الا بأنتهاء العمر.
لقد توارث الابناء ميراثاُ ناقصاً تم توارثه بحكاوى( الف ليله وليله والافلام الرومانسيه )التى لا تبدأ فقط من (نظره فكلمه فموعد فلقاء) فالفلم او القصه وينتهى (بانهم اتجوزوا وعاشوا فى تبات ونبات وخلفوا صبيان وبنات) هل الذى لم ينجب صبياناً وبناتاً لن يعيش فى تبات ونبات ؟! والذى خلف كيف سيعيش ؟!!
اين الكتيب الارشادى والكتالوج؟!!
كيف سيعيشوا فى تبات ونبات . لقد اذهب السلف من معليمينا سواءاً كانوا كتاباً ام كانوا اباءاً فى وصف تفاصيل العلاقه الحالمه الرومانسيه الجميله التى تجمع بين الحبيبين بكل تفاصيلها الدقيقه ، فمن ثم علمنا جيدا ماذا سنفعل حين نحب ، فلقد وضع ، السلف،اقدامنا ليس فقط على بداية الطريق فقط ، بل وعلى الطريق كله ايضاً لكن (الا حته ) (ما بعد الزواج) (وهو ده الطريق كله اساسا) لقد سقطت هذه المرحله سهواً منهم وكأنها لا تعنيهم ولا تعنينا . فخلَف هذا انطباع لدينا فى اللاوعى انها مرحلة تتسم بالعمليه البحته ومعارك الحياه الجمه ولا يتسع فيها المقام ولا المقال ولو لبعض من الرومانسيه .
لقد ورثنا الاباء ميراثاً ناقصاً خاطئً ، ظالمٌ جائر . ولم يدلونا على الطريق .
قالوا لنا دون ان يقصدوا ان اقصى درجات الحب وثورتة وفورته فقط فى ما قبل الزواج . ولم يقولوا ان حلاوته لن تذاق ولن تستملح الا بعد الزواج.
لا اذكر ابداً انى رأيت يوما مسلسلاً او فيلماً او حتى قصه تحدثت عن جمال وروعة الحب بين اثنان متزوجان.
اللهم الا قصه بيخه عن زوج وزوجه يجمعهم النصيب بعد قصة حب لمدة خمس دقائق فى اول الفيلم ليموت الزوج مقتولاً على يد اعدائه فتقوم المرأه بالانتقام او العكس، او عن حتى (كيف تم افساد علاقتهم عن طريق حماته المفتريه)مع انهم (كانوا)بيحبوا بعض يا حرام.
ان البيت العربى مُحتاج لنماذج من الحياه الواقعيه او حتى الخياليه للزوج المحب الحنون والزوجه المحبه الولهانه ، انه فى اشد وامس الاحتياج لتلك التجربه المثيره. انه محتاجٌ لأحد يفك عقال لسانه ويرفع عنه الحرج فى ان يقول لزوجته( انا بحبك) من اعماق قلبه. ان الرجل العربى و المرأه العربيه يستحيان بعد الزواج ان يقولا لبعضهما البعض (انا بحبك)وكأن احدهما سيتهم الاخر بأنه ضعيف ومعدوم الشخصيه (وهيبقى دلدول لو قال ان بحبك(
وقد يكون هذا الجوع هو من الاسباب الرئيسيه والقويه لنجاح ذلك المسلسل التركى الذى لا احب ان اشاهده على الاطلاق (مسلسل نور ومهند) فكما علمت من بعض الاصدقاء انه يصف علاقة رجل بزوجته وكيف يختلفوا وكيف يتحايلوا لان يصطلحوا مره اخرى.
انى ارى انه هنا فعلا , فى الزواج، نستطيع ان نجد دفء المشاعر الجميله العفيفه الحقيقيه المباركه من رب العباد لرضاه عنها لما لا استطيع ان اقول بكل ثقه وبدون خجل" .
انا احب زوجتى من اعماق قلبى ، فهى من اختارتنى ووافقت عليَ رغم عيوبى" فانه انتقاص لنفسى اذا ما لم ارضى عنها.
هى اول من سيكون بجوارى فى حالة سقوطى ، بل من الممكن ان تسقط معى بكامل ارادتها اذا ما لم استطع انا ان اقوم او هى تنقذنى او تنتشلنى.
انها رفيق دربى ولن يتزن ميزان حياتى بدونها وبدون اولادى .
انى اريد الان وبكل قوة وصدق ان اعيد النصاب والميزان لوضعه الطبيعى بدلا من ذلك الوضع المقلوب . فالحب اولى ان يكون بين الزوج والزوجه وليس قبل ذلك. اما قبل ذلك فهو فقط للدراسه والتأنى واحكام العقل فى الآخر حتى يحسن الاختيار (وما يندبش) (اما لو اندبينا خلاص ، فولات حين مناص) سبق السيف العزل.
هنا اكيد انا بحبها مدام اخترتها.
احبك يا زوجتى من اعماق قلبى فلا تزعجى ذلك الحب بأفكار غريبه ملهاش اساس.

هذا وحتى يدوم الحب .

ااعدوا بالعافيه.

اممممه.

بت خيخة وأي كلام said...

معنديش طبعا مانه انى ابوسه فى خده
وفى جبينه
وفى شفايفه لو لزم الامر

بس البوس كدة فى كل وقت
الراجل عياره يفلت


لكن لما ابوس علشان انا ورايا هدف من ورا البوسة دى
البوسة هتطلع مايعة ومالهاش اى طعم


لكن ابوس علشان عايزة ادلعه او علشان حابة انى ابوسه دلوقتى لله فاله كدة
مافيش مانع جدا
لكن انا بصراحة ما بحبش ابوس علشان اوصل لهدف
انا احب اقف وقفة رجل واحد لما اكون عايزة حاجة






يا ويكااااااااااااااا
ارحمنى بقى
الهى يارب تتخن
وتكلبظ وتبقلظ
ومتعرفش توطى تلبس الشراب او تربط رباط الجزمة
لان كرشك عامل عائق بين رجلك وبين ايدك

وساعتها انت الى هتدفعلى خمسة وسبعين قرش



وهانى من غير ما يولع فى صوابعه العشرة شمع
انا راضية بيه وراضيه عنه


المشكلة ان هو اللى مش راضى
نيهاهاهاهاهاهاهاع


وليه حق
انا اصلى خيخة معاه اوى

الراجل ده له الجنة من اوسع ابوابها


متحرجونيش بقى


سلام

اختك خيخة

بت خيخة وأي كلام said...

لا بجد بجد بجد
بجد يعنى
انا مستمتعة بالحوارت والمناقشات

فيه بوستات كدة
تخليكى تاخدى وتدى وترغى فى الكلام

عايزين من ده كتير يا بتنجانة هانم

بسنت said...

الكلام اللى قلتيه صح تمام
شوفى انا بشوف حاجه لو توفرت بين الرجل والمرأه وهو ان يراعى الطرف التانى وكأنه هو نفسه
لان مهما كان فى استقلال ولكن المفروض انهم كونوا اسره هتكون مركب واحده
الرجل المتفهم لداخل بيته للاسف غير متوافر على الاقل لم ارى نسخه منه حديثه بالنسبه للشباب
اما خارج المنزل فكل شخص بيظهر الوجه الحسن
انا بردوا بعذر شويه نظرا للظروف الحاليه من اقتصاد ووظيفه بتخلى الحياه عصبيه وعنيفه فعلا

MaNoOoSh said...

انا مستمتعة انا كمان بالتعليقات جدااااااااااااا
وخيخة موتتنى من الضحك على جملة "اروح واقف قدامه وقفة رجل واحد"


بس هقولك على حاجة يا خيخة.. لو افترضنا مثلا ان الراجل شايف مراته تعبانة شوية وهو محتاجها تعملله حاجة .. هيقوم يدلعها شوية وهى هتعمله طلبه بنفس راضية من غير احساس بالاضطهاد وكمان هتبقى فرحانة بدلعة ليها.
ودة يثبت بقى ان سلاح الكلمة الحلوة والدلال دة كمان فى ايد الراجل مش الست بس.. وبيكون سلاح فعال

ومش معناه ابدا اننا بندلع الطرف الاخر لمجرد اننا عايزين منه حاجة.. لأ دة احنا كمان بنكسب وده وممكن نعتبرها معاملة ودودة مش مصلحة ابداااا

samamasr said...

لا الأسود ليه,بإنك تقولي يارب

ربنا يوفقك,ويطهر قلبك,ويفرحك,بعيد عن أي,شر,أو زعل في حياتك
ربنا يحميكي
وكل الناس

samamasr said...

هقولك,حاجة
نصيحة من أخت :)

لو حد نقلك,إساءة من حد

متاخديش,عن الكلام

يمكن

من ناس متعرفيهاش شخصيا

حد يتسبب,في فتنة بينك,وبين ناس


مكنش لازم,لأي فتنة أبدا


فيه نفوس,,للأسف,مش بتصفى,وبتشيل


نصيحة,للي زعلك


كنت عاوزة أقولها:)


إنت,بتعمل خير

لما تمنع,نقل الكلمة

وربنا,قالنا كدة :)

لكنك,


للأسف,

بتعمل,مع الناس مشكلة,يمكن,لو حاولت,تمنع,كلمة تأذي حد,حتى بنقلها,يمكن

متحصلش مشكلة

وإللي غلط

يستغفر

ويحس بندمه :)


.........


ربنا يوفقك :)


أختك,إيمان:)

samamasr said...

آسفة,إني خرجت عن الموضوع :)

بالتوفيق إن شاء الله دايما:)

وآسفة,ليكي بخروجي عن صلب الموضوع يمكن,لكن,ممكن تقري الكلمتين,من أخت ليكي,وتشيليها لو هتأثر,على أساس الموضوع نفسه:)

ربنا يوفقك,مرة تانية,وينجيكي,ويحميكي,ويفرحك:)


إيمان :)

samamasr said...

((اللهم أرح قلبها,ونور دربها,وكن حسبها :) ))


ليكي,ولكل البنات,هنا,وفي كل مكان يمكن مش هنا,بس,ليكي فعلا :)

دعوة,مع آذان الفجر :)

ليكي,وللكل

ولصاحباتي :)


وكل الناس :)


بحب,الدعوة دي,كانت في رسالة :)


وآسفة والله للإزعاج :)


سلام عليكم :)


إيمان :)

قوس قزح said...

صباح الخير يا بطوطة

انا ممكن اعمل فلاش باك ؟؟؟

يعنى ارجع لقبل الجواز بكام شهر؟

فى مبدا خطير بتمشى عليه البنات و بيكون هو من اهم اسباب مشاكل بعد الزواج

و هو بكرة لما اتجوزه هغيره

المبدا ده غلط تماما
لان الرجل ببساطة مش بيتغير
و لو حصل انه اتغير بيكون تغيير بسيط اوى

و علشان المبدا ده بتكون تصرفات البنت و رد فعلها بيكونوا مؤجلين

يعنى من الاخر ريح الزبون لحد ما يشترى
و عارفة انك هتقولى و هى بضاعة
هقولك ايوه للاسف فى بنات كتير بيكون الجواز كده مهمة ولازم تنجزها علشان المجتمع بيضغط عليها بكلمة عانس اللى هى معناه انها وحشة و محدش عبرها مع ان فى الغالب البنت بيكون عبرها كتير

المهم
نتيجة المبدا ده
بتدخل البنت الحياة الزوجية و هى شايفة ان قدامها مهمة انها تربى زوجها او تعوده زى المثل ما بيقول
و هنا طبعا بتتصدم
و بتنهار انه بعد ما كان فى ايام الخطوبة بيطاوعها ..بعد الجواز بقى ميهموش و بيعمل اللى هو عايزه

يعنى اول اختلاف بين الطرفين بعد الجواز

الزوجة : انا محتاجة انه يسمعنى و يطبطب عليا

الزوج : انا مش هتغير ..لو مش عجبها اتجوزتنى ليه

..............
للست

الاختيار مهم جدا
لازم نقبل اللى قدامنا زى ما هو
مش على امل انه يبقى نسخة من احلامنا

للراجل

الست لما بتشكى و تحكى بتكون مش مستنية حل منك لمشاكلها بتكون بس محتاجة انه تقولك انها تعبانة و عايزة ترتاح فى حضنك




تحياتى و ياريت تكملى

من غير عنـــوان said...

مش عارف

بس عايز أقول كلمة

المرأه هي المرأه
والرجل هو الرجل

وأحلى حاجة في الدنيا
ناخد بعض زي ما إحنا

مانحاولش نغير من بعض

إقبلني
أقبلك

ساعدني
أساعدك

راعيني قيراط
أراعيك قيراطين

ويبقى السؤال الأزلي
مين يبتدي

طلع إيدك من جيبك
حأمد أنا إيدي
حأسلم عليك
حتروح قايل بأحبك
حاخدك في حضني

مش ذنبه إنها طخنت وبقت 100 كيلو ولا ذنبها إن كرشه بأه 5 متر قدامه... بس لو من الأول .. قالوا لبعض.. صارحوا بعض...

الصراحة
الأمان
الحوار

وكفاية كده
لحسن ده مش بيخلص

أمنياتي وتحياتي

على عبدالله said...

السلام عليكم

الاسم الى فوق دا المكتوب بعد ارهابى دا اسمى ؟!! .. مافيش مشاكل نعديها المرادى
النساء ناقصات عقل لان شهادة الرجل تعدل شهادة امرأتين وذلك كما وضحت انت جزاك الله خيرا ان النساء تغلب عليهن العاطفة ودى ميزة للمرأة عن الرجل لان الرجل مكلف بكفالة المرأة "القوامة" سواء ماديا او معنويا كما وضحت انت ايضا
والله عز وجل ورسوله صلى الله عليه وسلم وصى بالمرأة خاصة دون الرجل كما قال الرسول صلى الله عليه وسلم استوصوا بالنساء خير ...وقال رفقا بالقوارير ،، كما فرض طاعة الام ليس ذلك فقط بل جعل طاعة الام سبب لدخول الجنة وما ادل على ذلك بقول الرسول صلى الله عليه وسلم " الك ام ؟ فالزم قدمها فهاهنا الجنة" او كما قال صلى الله عليه وسلم
وفى المقابل فرض الله على الزوجة طاعة الزوج الا فى معصية الله كما قال صلى الله عليه وسلم
"لو كنت آمراً أحدا أن يسجد لغير الله تعالى لأمرت المرأة أن تسجد لزوجها والذي نفس محمد بيده لا تؤدي المرأة حق ربها حتى تؤدي حق زوجها كله حتى لو سألها نفسها وهي على قتب لم تمنعه"

المحصلة النهائية
على الرجل توفير ما يلزم ماديا ومعنويا فى حدود المستطاع ، وعلى المرأة فى المقابل توفير الراحة وعنصر السكن !للزوج

اسمعى للرسول صلى الله عليه وسلم وهو يقول للسيدة عائشة وهو من هو هو الرسول سيد الاولين والاخرين كان يقول
والله يا عائشة انى اعلم متى تكونين راضية عنى ومتى تكونين غير راضية عنى
قالت وكيف تعرف ذلك
قال ان كنت راضية عنى قلت ورب محمد ! وان كنت غير راضية عنى قلت ورب ابراهيم
انت متخيلة الحديث ازاى ؟! .. هى دى القوامة فى اكمل صورة
شوفى سيدنا على اما دخل مرة على السيدة فاطمة ورأى السواك فى فمها ماذا قال ؟ اسمعى
أحللت يا عود الاراك بفييها .. ما خفت يا عود الاراك اراكا
لو كنت من اهل القتال قتلتك .. فما مس فيها يا سواك سواكا

المهم
شوية نصائح "من العيار التقيل "
انا عن نفسى استفدت منهم ،، لكن انا حاسس ان في شوية تحيز للمرأة ودا مش غريب عادى يعنى على اعتبار ان الرجل عقله كبير
على فكرة انت تنفعى تبقى داعية اى والله
هاننتظر منك بوست جديد ان شاء الله عن اى حاجة فى الدين
يعنى ممكن حديث زى الى اوردتيه وتذاكرى شرحه كويس قوى وبعدين تشرحيه بطريقتك
ويا بختك لو حد قرأ الحديث دا اول مرة من خلال مدونتك "ثواب كبير " ويا سلام لو تكونى سبب فى هداية انسان ، "لان يهدى لله بك رجل خير لك من الدنيا وما فيها "
يالا شدى حيلك يا حضرة الداعية
الحاجة ابى
ههههههه

كلمة اخيرة
بعيد عن كل المناقشات والحوارات
تقوى الله عز وجل ومعرفة الواجبات واصول المعاملة "هدى النبى صلى الله عليه وسلم " من خلال الطرفين تؤدى الى نتيجة واحدة حتمية وهى
الراحة الابدية

والسلام عليكم

لورنس العرب said...

موقف غريب تفعله معظم الزوجات

الطفل يبكي في أي وقت
يصحى الساعه 2، يصحى 4 صباحا، المهم بيعيط في اي وقت
الامر يتطلب ان الام تكون بجانبه
والوضع الطبيعي والمنطقي ان الام -تقريبا بتكون في اجازه سنه او لا تعمل اثناء السنه الاولى مثلا- يعني لا يوجد عندها مشاكل في ان تصحى مع ابنها وهو يبكي

والامر الاكثر طبيعيه ان الزوج ينام في غرفه منفصله عشان يرتاح لكي يستطيع ان يذهب إلى عمله في الصباح

تجدي الزوجه تزعق في الزوج وتقوله "انت سايبني لوحدي مع الواد وهو عمال يعيط"؟؟؟؟
طيب يا ستي يعني الراجل يعمل ايه مثلا؟
مش لازم يرتاح عشان يروح الشغل؟
طيب هو لو صحي باليل هايروح الشغل ازاي؟
وايه اللي يزعلها انه يبقى نايم وهي صاحيه مع الواد اللي بيعيط في اي وقت؟
الزوجه ترى ان هذا ظلم واقع عليها لأن الزوج لا يشاركها في هذا الموقف الصعب وربما اتهمته بالانانيه وعدم السعي على راحتها وتتهمه ايضا بأنه يفضل راحته هو عن راحتها هي

طيب يا ناس الراجل هايروح شغله ازاي؟

kareem said...

انا استنيت للاخر لما اشوف الناس حتقول ايه.....

يا ابي اعرفي ان مفيش اي ست عارفه تكون انثي

(كل انثي هي ست في المقام الاول بس للاسف مش كل ست تعرف تكون انثي)

انا مثلا كنت متجوز واحد صاحبي يا ماما يعني متعرفش اي حاجه من الي انت بتتكلمي فيه

احمد سعيد said...

قوس قزح

من غير عنوان

_______________________


الله ينور عليكم بجد


ونفسى اسمع كلام الناس المتجوزة

يعنى العزاب اللى زى حلاتى بيكون كلامهم نظرى

بينما المشاكل الفعليه بتقابل المتجوزين

عايزين نسمع ارائهم اكتر من كدة

مش كدا ولا ايه يا (بتنجانه هانم )

على راى خيخه

طب والله اسم جامد

بت خيخة وأي كلام said...

انا جييييييييييييت

هاقول نصيحة بابا قالهالى يوم
فرحى

انا اساسا معملتش فرح

المهم ماعلينا يعنى


بابا همس فى ودانى
وقالى

كونى له أرضاً
يكن لكى سماء
كونى له آمة
يكن لكى عبداً


المهم ان النصيحة مش سهلة
النصيحة دى بتنم على حاجة مهمة جدا
الا وهى ان اول خطوة
المفروض تكون من الزوجة
يعنى الراجل مش هيكون كويس
الا لو كانت الزوجة كويسة فى الاول
الراجل مش هيدى حب واهتمام ورعاية
و و و و و
الا لما الست تدى فى الاول

ولذلك انا اناشد كل البنات والستات
انهم يبتدوا هما بانفسهم الاول
ويعاملوا اجوازتهم كويس
والست اللى جوزها ما ياخدش عطائها بعين الاعتبار
وبرضه يفضل مبلط فى الخط
ومايبتديش يدى
تروح تخلعه علطول وبلاش هم وحرقة دم

mera said...

احمد سعيد@

حقيقي جدا ان الستات مكلكعات

لسبب لا يعلمه الا المولي

حيث ان المجتمع لا هو شرقي,ولا ذكوري,ولا متعفن

حاشا لله


علي راي خالدة الذكر مدام سعداوي

وحيث ان السيد لم يمتص ماء امينة والرحيق
ولم يرمها علي قارعة الطريق!


وحيث ان الرجل الشرقي يرضي بغير ادوار البطولة

حتي جأرت أمينة بالشكوي

اهههههههههه من قيدك ادمي معصمي

وحيث ان الرجل خلق من صلب الله

والست زي الشاحن كما قال خالد الذكر عمر طاهر

ممكن تستخدمه ف وقت معين ومعظم الوقت ملوش لازمة



وحيث ان الذكر ينسي دائما ان "اليد التي تهز المهد
هي التي تحكم العالم""

--------------

ويردد دائما حديث الصباح والمساء

المرأة ظل الرجل لا يجب عليها ان تقوده

يجب عليها ان تتبعه

-------------------
وجاي تقول مكلكعة ليييييييه؟؟

ويسقط لينين وسارتر


وتحيا بينيظير بوتو

والليدي دياناااا

GHARAM said...

والنبي يابنتي بتدني في مالطه، الرجاله دي عايزه تروح فصول محو الأميه العاطفية ومقاومة التصحر العاطفي

بت خيخة وأي كلام said...

mera

انا جالى احباط من تعليقها
حسستنى فجأة
انى مقهورة
خصوصا لما قالت حكاية الشاحن دى

يا نهار مطين

بقى الرجالة شايفنا ان احنا زى الشاحن بيحتاجوه شوية صغنانين واغلب الوقت مش محتاجينا

وبعدين رجعت فى تفكيرى وقلت

طب وفيها ايه

ما هو الشوية الصغنانين دول من غيرهم مايعرفوش يعيشوا الشوية الكتير


الشاحن مهم حتى ولو هتحاتجيه لمدة ساعة فى اليوم

طب روحى كدة النادى وانسى اشحنى موبايلك قبل ما تنزلى
وبعد ما تروحى النادى بربع ساعة
هوب البطارية تفصل
تبقى هتتجننى
وتقعدى تدورى على الشاحن فى شنطتك
وبتدعى ربنا انك تكونى خدتيه معاكى
ولو ماخدتوهش تقعدى تدورى على حد معاه شاحن يشحنلك موبايلك


بس الفكرة بقى
ان الست بتكون شاحن مخصوص للراجل وماينفعش راجل يجيله واحد صاحبه بطاريته تفضى
يقوم الراجل يسلفه مراته علشان تشحنه شوية

يعنى هيكون معروف ان الراجل ده الشاحن بتاعه فى البيت
وماينفعش يتشحن برة او يتشحن على الهوا
لازم يرجع البيت يتشحن بمزاج



بس تبقى مصيبة بقى
لو راجل مقتدر شوية
ينزل بيته من غير ما يتشحن
يقوم يروح عند اقرب واحد بيبيع شواحن
يشترى شاحن ويرجع بيه البيت
ويقول لمراته
انا جبت الشاحن ده احتياطى هاخليه فى العربية علطول
علشان لو نسيت اشحن قبل ما انزل من البيت


ساعتها مراته
هتشحنه على الاخر
وتزود الفولت
وتخليه يبقى سبعتلاف وات

نيهاهاهاهاهاهاهاع


وهتبقى دى اخرة
اللى مايسمعش كلام مراته
ويتشحن قبل ما ينزل

الربان said...

تحياتي

و الله بوست جميل...اثابك الله عنه خيرا.

في رأيي ان الله سبحانه و تعالي خلق كل شيء ازواجا....يعني اثنين.

و قال جل شأنه:

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

و من هنا اقول ان السكن و المودة و الرحمة هم مطالب الرجل من زوجته و ايضا مطالب الزوجة من زوجها الا ان مطالبها تزداد طلبا اخر الا و هو " الامن و الامان "....

الزوجة تطلب الامان و الامن حتي تستطيع ان تكون سكنا لزوجها....ان تعطيه المودة و المحبة...و الرحمة....

هذا رأيي و الله اعلم.


تحياتي و تقديري

الربان said...

معذرة ...قرأت تعليق الاخت الفاضلة بنت خيخة...و استفسارها عن " القوامة"...

و اعتقد ان هذا الرد قد يكون الانسب للرد علي استفسارها:

وفي التنزيل العزيز: الرجالُ قَوَّامون على النساء؛ وليس يراد ههنا، والله أَعلم، القِيام الذي هو المُثُولُ والتَّنَصُّب وضدّ القُعود، إنما هو من قولهم قمت بأَمرك، فكأنه، والله أَعلم، الرجال مُتكفِّلون بأُمور النساء مَعْنِيُّون بشؤونهن.


الرابط هنا :

http://www.baheth.info/all.jsp?term=القوامة

هذا التفسير يشير الي تكليف الله الي الرجال بأن يعتني بشأن نسائه...اي امه
و اخته و زوجته و ابنته....الخ
ولا يعني ان يكون سي السيد....
و اهمس في أذن كل رجل...كن قواما بحق
و اذهب الي السوق لشراء احتياجات اسرتك...و كن قواما بحق...و لا تترك اهل بيتك يذهبون الي الطبيب بمفردهم
و كن قواما بحق و اعطي لاهل بيتك حقهم...


أشكرك أختي العزيزة آبي لسعة صدرك و لك خالص التقدير

بت خيخة وأي كلام said...

شكرا يا ربان على تفسيرك للقوامة


متتاخريش بكرة يا بتنجانة هانم

Hossam said...

Hey Appy 7abibty
بجد الموضوع تحفة وعرضتى افكارك بطريقة شيك واستخدام العامى مع الفصحة بيبين اد ايه ان فى ثقافة تدوين عالية
حبيت الموضوع اوى واسمة وهمى بجد والفكرة روعة
تحياتى صديقتى
سلام

سبهللة said...

بصى ياآبى
انا هاتكلم عن حالة خاصة
وهى حالة التفاهم الدائم بين الزوجين
والحالة دى معاها بينعدم تماما وجود المشاكل
هى بصراحة مش بس حالة تفاهم هى حالة إيمانية بين الزوجين كل واحد عارف ماله وما عليه من خلال القران والسنة وكل واحد فيهم بيتقى الله فى تعاملاته مع الاخر وكل واحد بيرعى ربنا فى الطرف الاخر
دة ما يمنعنش ان مافيش مشاكل بس كلها من نوع
(وارد الخارج)
والله انا بتكلم عن تجربة عايشاها والحمد لله كل شىء ماشى بالتفاهم والاحترام والتنازل والرحمة والحب

Adam said...

احييكي علي البوست الجامد ده واسمحيلي انضم الي خيخه وارفع معاها القبعه

تحياتي
اتمني التواصل

ادم

انسان وبس ! said...

انا مقتنع باغلب كلامك فى البوست ده يا آبى
قريته اكتر من مره وفعلا بوست جميل
بس لسه مختلف معاكى - وممكن تكونى مش فهمتى قصدى فى التعليق فى البوس اللى فات - فى حتة ان الهانم لما بتعيط مجريش عليها اصالحها بكلمه حلوه فى ساعتها...لان العياط ده لسبب من اتنين ...
اما لانها بتعمل زى العيال الصغيره وعايزه منى شىء ما او حاجه معينه او فرض موقف معين عليا فبتلجأ للأسلوب ده ..فلو انا صالحتها او قلتلها كلمه حلو زى منتى عايزه ...فده معناه - وهى مش هتقبل غير بكده- انى مواقف على ما طلبته او ما تحاول فرضه بقوة الدموع !
فالصح - فى رأيى - انى اعاملها كما الاطفال لحد ماتهدى ووتقتنع بثبات موقفى وانى مش ممكن اغيره فاصالحها انا ...وبعدين ملكيش دعوه انا هعرف ازاى هحتويها

واما انها بتعيط عشان مثلا انى اهنتها او شىء من هذا القبيل فطبعا لها الحق انى اصالحا ولو فعلا ذكى امسح دموعها كمان واحسسها بقيمتها عندى

باقى كلامك عجبنى جدا ومقتنع بيه تماما
خصوصا ..انى مخالفهاش الى ما انهاها عنه وانى اعاملها كانسانه لها كيان
وبس

thunder said...

ترجعى بى السلامة بازن الله
وبعد الشر عنك يابتنجانى وطالما وصلت انه يكون امر من دكتور يبقة فعلا القلق هيشتغل ابقى حاولى تطمنينا
وربنا يحفظك ويديم عليكى الصحة والسعادة
اختى العزيززة اوى دمتِ بكل حب وود وفى رعاية وحفظ الله دائما

احمد سعيد said...

ميرا

_____________


ياساتر يارب


ايه العدوانيه دى


انا معاكى ان الست مظلومه

وانه مجتمع ذكورى ومتعفن ومش عارف ايه كمان

ماشى

بس دة مالوش علاقه بالكلكعه الانثويه

والدليل على كدة ان المرأة طول عمرها كدة

على مر التاريخ

وفى اى مجتمع

وحتى فى الغرب

والا مكانوش الفلاسفه والعلماء خبطوا راسهم فى جبال الالب تحيرا من عقل المرأة

وانا مش قصدى بالكلكعه يعنى السيكوباتيه لا سمح الله

قصدى ان فهمها مستعصى

او على احسن الاحوال صعب للغايه


__________________

وبعدين انا شايف

ودة واضح قوى

ان ظلم المرأة وتهميشها

ولد عند نسبه كبيرة من الستات احساس عدوانى جدا


يعنى اى راجل وحش ومتسلط ومغرور

لمجرد انه راجل

واى ست ملاك ورقه ورومانسيه مافيش بعد كدة

وعقلانيه وتفهم

ولا فى الافلام


لمجرد انها ست






طيب


سلملى على العقلانيه والتفتح


حسبى الله ونعم الوكيل

احمد سعيد said...

غرام


------------------


نفس القصه

Z_Diva said...

ana malaetsh comment 3alpost elly b3d dah, fa2ol agy han aslm 3liky wa2olk salmtk ya gmeel alf salama melirhak, speedy recovery wetrg3y l7yat elkefa7 welndal soon isa :)

احمد سعيد said...

خيخه

__________________

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


انتى فعلا

فعلا


فعلا يعنى


فعلا بجد


مشكله

فاتيما said...

بيبى
مش هقول أى حاجة
أنا فقط كل اللى هعمله إنى هغنيلك الغنوة اللى إنتى مختاراها فى البلوج و أقولك


أرجوك
إرجع
حلى الأيام

بس
و سلامتك يا حبيبتى من كل شر
يا رب

لورنس العرب said...

ايه الاجازات الفجائيه دي؟؟؟؟

حنين القلب said...

ترجعى بالف مليون سلامه
يا قمر

يا رب تكونى بخير دايما

هتوحشينا
محمد رسول الله

أم أحمد المصرية said...

يعني الواحد يا اي يغيب عنك شوية عشان مذاكرة الاولاد يجي يلاقي الدم للركب كده لقد دخلت عش الدبابير
يا بنية :))))))))فالعلاقة بين الراجل و الست مشكلة ازلية ملهاش وصفة سحرية يعني لو قعدت تقولي للرجالة نصائح من هنا للسنة الجاية مش حينفذها الا لو كانت في طبعه و نابعة منه حتي لو وعطك انه ينفذ هو صادق بس البشر طبعهم كده و انتكمان لو حاولت تغيري نفسك حتنجحي بنسبة25% مش اكتر و لو جيت علي نفسك علي طول و حسيت انك اتغيرت قوي عشانه حتكرهيه مع الوقت لأنك حتحسي ان انت مش انت و ده احساس وحش جدا يهد الثقة بالنفس
يطلع كابتن دلوقت يقولي و الحل ايه

الحل يا اولاد يا حلوين و بعد خبرة 17 سنه زواج و عشرين سنه حلالة مشاكل زوجية للمعارف ان حسن الاختيار و التوافق من البداية هو اساس التوافق بعد كده لأن ما حدش بيتغير ممكن طبعا الطرفين يتنازلوا عشان بعض في موقف لكن مش علي طول
و في الختام
ربنا يخلي لي ابواحمد يا ختي راجل و لا كل الرجالة مريحني اخر راحة
دي تحية مخصوص لو دخل يقرأ الكومنت :))))))
سلام يا ابي يا قمر