زعبوط السلطان


احمد احمد عارفينه بتاع طبيب بلا بتاعه او سماعه عادي يعنى خبطنى بزعبوط فى دماغي ومع انى مكنتش عاوزه زعابيط تاني بس قولت وماله اتزعبط عادي يعنى نبدا بس على فكره فيه اساله محرجه اوي وهجاوبها يالا هذكي عن صحتى وعافيتى

أسمك ؟

ريحاب او آبى او الساحره الشريره

سنك ؟

اوبا ليه كده بس هقول مع انى عارفه ان ناس هتتصدم بس عادي يعنى 32 سنه وماشيه فى ال18 بس الشوز ضيق عليا

مجال دراستك ؟

ماسوف على شبابها فى مصر خدمه اجتماعيه اربع سنين دح والله مكنتش بزوغ ويمكن ده اللى نفعني فى حياتى العمليه مع انه مش مجال شغلى وتوالت الدارسات بعدين بقى فى الكورسات المنيله اللى ملهاش لازمه

إسم مدونتك ؟

ما هو متلقح فوق اهو كوكب أبى

صورتك الرمزية فى المدونة بتعبر عن إيه؟

ههههههه عن نظرتى للحب وفيها شبه منى كبير فيه فرق واحد او اتنين عن الحقيقه بس نفس الشبه بنسبه 99
%

هل فكرت فى إغلاق مدونتك؟ و السبب؟

نعم ليه يعنى واقرف فى مين لاااا بكدب فكرت مره علشان حد مش كويس وفاكر انى حطاه فى بالى مع انه اخره معايا يتحط فى شوز قديم بس والله ولا بلتفت له بس برضه مش فاهمه ليه بقيت حسه ان الشخصيه دي لابسه طاسه فى دماغها وبتجري فى الشارع حافيه وبيجلها كوابيس باسمي لا بجد والله هى فعلا مش فى بالى واضايقت انى نزلت لمستوي مش كويس فى معرفه الناس بس قلبى طيب بقى وقولت كله بثوابه ومكنش القفله علشان الشخصيه دي انما علشان زعلت على نفسي انا نزلتها لمستوي مش كويس فى معرفه بعض الناس اللى ميستاهلوش والشخصيه دي مكرره على فكره


إيه رد فعلك لو حد قل أدبه عليك فى المدونة؟

هع هع ليله اهله سوده بهزئه طبعا بس بالادب لانى مبعرفش اقل ادبى مع ان كل الناس حافظه قواميس شتيمه بس صعب انى ابقى قليله الادب وبعد كده بمسح اي تعليق ليه من غير ما ابص اول ما اشوف الاسم بس فيه حاجه لو حد بيختلف معايا معنديش مشكله انما يغلط فيه فده اللى مش هقبله لانه ميعرفنيش شخصيا علشان يغلط فيه وبالتالى بمسح تعليقه وربنا يشفى المرضى والمتخلفين عقليا


أسوأ مدونة دخلتها ؟

هههههههه كتير والله مدونات تجيب الترجيع وحفاظا على نفسيتى مبقتش ادخل لان دول تعبانين فى مخهم وبكون عارفه شخصيتهم الحقيقه من بين كتابتهم او الصدفه المنيله قابلتنى بيهم فى الحقيقه وعلشان كده بكون عذراهم علشان التعب اللى فى حياتهم واهى دي الفايده الوحيده برضه لدراستى

هيحصل إيه للايميلات بعد ما تموت ؟

هدفنها فى مقابر الصدقه بتاعت الهوت ميل وانت داخل على ايدك الشمال

إديت الباسورد لحد من قبل ؟

طبعا اكيد ابسكوتلى بس غيرتها بعدها بيوم شريره انا نيهاهاهاها

السفر بالنسبة لك ؟

حياتى بجد بعشق السفر جوه مصر وبره مصر وسافرت كتير اوي لانى بشوف ناس تانيه وتفكير تاني وشوبنج تالت

المود بتاعك إيه ؟

اخضر وباستك من فوق .... يعنى على حسب الحياه لان اللى زي شخصيه مودي جدا جدا

الأكلة المفضلة ؟

المكرونه بكل انواعها وشاطره فى عمايلها جدا جدا جدااااااااااااااا

الصفات اللى اخدتها عن والدك ؟
الصفات اللى اخذتها عن والدتك ؟


بابا اخدت منه العند والكبرياء وطيبه القلب
وقوه الشخصيه برضه

امي اخدت منها القوه فى شخصيتها والاعتماد على النفس بالقوي يعنى

أكثر 6 حاجات بتكرههم ؟

الهبل .. والهطل .. والغباء... وقله الادب طبعا ... والنفخه والنعره الكدابه.. المظهر السئ...الكددددددددب


أكثر 6 حاجات بتحبهم ؟

االموسيقى الفوكال والقديمه.... الخرفان .. الفراشات ..الصديق اللى بقلب حبيب:) اللون البمبى...السفر والشوبنج واصحابى القريبين واخيرا بطوط

شخصيتك نوعها ايه ؟

كروهات نيهاهاهاها امممم شخصيه مودي جدا عصبيه اوي سهل استفذاذها.. حنينه شويه مش كتير صريحه لدرجه انها مدب صناعي كبير منظمه فى حياتى وموسوسه فى النظافه لدرجه تغيظ اي حد بس مش عارفه ايه تاني اللى عارف يقول


لماذا دخلت عالم التدوين ؟
من باب الرخامه يعنى هيكون ليه ما هو مش ممكن اكون يعنى بتغاظ وبتضايق ليل ونهار واسيب الناس تبقى كويسه ليه مضايقهمش برضه باللى اشوفه وبالمره يمكن يمكن اعرف اغير فى حد او حد يغير فيه وخاصه انى قابله للتغير فى الحاجات الوحشه وفعلا مكنتش بحب القرايه وحبتها جدا

أهمية التعليقات بالنسبة لك ؟

زي البوب كورن بالنسبه ليه حاجه بتخلينى افكر وانكش فى الناس وتنكش فيه وبطمن على اللى بعرفهم من خلالها اممممممم وباخد خمسه جنيه على التعليق حد له شوق فى حاجه

أحلى بوست كتبته مع لينك له والسبب؟؟

سؤال الى من لا اعرفه ؟ لاني كتبته وانا بعيط وكان باحساس اوي اوي بجد وفيه بوستات كتير شخصيه كمان بتاعت اعترافات ليليه بحبها لانها انا وبتاع انا مش ليلى يا عبدووو

أفضل مدونة قرأتها ؟

هما طبعا كتير بس الاكتر ليه
الله .. الوطن ...ام الخلول بتاعت انا جعان اسلام بيه السيزر

نواره نجم طبعا ....الطائر الحزين ..احمد شقير
فرنسا هانم ..اسلام مواطن مصري نايم ...
محمود رئيس جمهوريه نفسي ...ميمى جزره

اشرف حمدي ..الكسندريا فاراواي ..جو غانم..
وكل اللى عندي على الريدر بلا استثناء


أفضل بوست قرأته ؟


هههههههههه الرد بتاع نواره عليا فى بوست نظريه ام حلموس لفهم النفوس كنت انا كاتبه البوست ده وهي ردت عليا فى بوست عندها هو بس عجبنى علشان حركه مكنتش متوقعه وفيه اسامه عبد العال كتب بوست برضه حلو عن التحرر فى الفكر اسمه مثقف لا تساوي كافر
والبت خيخه بتكتب بوستات حلوه برضه
وانا جعان كل بوستاته تجنن لدرجه انى قريت المدونه دي مرتين رايح جاي اشغال شاقه مؤدبه

الشغل بالنسبة لك ؟

حياتى طبعا لانى معتمده على نفسي كليااااااا فى مصاريفى وكل حياتى ومهم ليه فى شخصيتى وبيدينى ثقه فى نفسي كبيره اوي لان عمري ما قولت حاجه فى الشغل وبتطلع غلط اعتقد هو ده السبب فى قوه شخصيتى وفهمي لحاجات كتير

الانترنت بالنسبة لك ؟

ادمان يا خويا ادمان وبعدين شغلي اغلبه معتمد عليه فلازم اكمل طول اليوم على التنترنت ده بس ساعات بمل وبزهق هو مجال كويس للمعرفه وتشغيل الدماغ للى عاوز يعرف ويفهم يعنى وميكونش خروف وسط قطيع وبس

تمرر التاج لمين ؟
لمحابس امن الدوله نيهاهاهاها والداخليه والمطافى وابورجل مسلوخه

كل شم فسيخ وانتم عندكم مغص يا شوباب هههههههههههه

كان معكم ابى هانم بتننجانى من اعالى البحار راسا

حكمه الامبراطوره


حافظوا على نظافه مدينتكم من المتخلفين عقليا والملاحيس

64 اخبط وقول رايك:

Lady E said...

بجد اجابات جميلة من شخصية جميلة

ومبروك عليكي الزعبوط يا appy

:)))

اسامه عبدالعال said...

هيه اسمى مكتوب
ربنا يخليكى يارب

الدفاع said...

اول تعليق لاول مره عند ابى هانم؟؟؟؟؟؟؟
انا مش مصدق نفسى بس حلو الزعبوط قوى عليكى يا رحاب

roody hanem said...

سلام عليكم

اعتقد انا اول مره اجيلك متاخديش منى خمسه جنيه بقى خليكى حلوه

اجاباتك كميييله اوى على فكره على الرغم من ان لاحظت انك مش عايزه تسيبى حد فى حاله ابدا دانتى هدفك الاساسى تغتتى عالناس اصلا

ما علينا يعنى

منوراكى اكيد فى اول زياره ليا ومش هاغيب متخافيش

سلاموز

بدراوى said...

هو بوست حلو
و جميل
ربنا يوفقك
و يسعدك
و يكرمك

هو بس سؤال و طلب

السؤال

الخجل بيمثلك ايه
؟
يعنى هل انتى خجولة احياناً

اصلى بعيد عنك و عن المدونين
انا برميل خجل متحرك
و ده مخلينى مش عارف اتعامل مع المجتمع
--------
الطلب

ممكن لينك تدوينة

نظرية ام حلموس

او حتى قوليلى فى شهر ايه
و انا ادور
--
سلام
:-)

اه نسيت حلوة اووى
حكاية صديق بقلب حبيب
:-)
و شم نسيم سعيد
عليكى و على كل من تعرفيهم
و تعتزى بيهم

magi said...

التاج ده جاوبت عليه قبل كده وهو تاج لذيذ جدا واجاباتك حلوه جدا

dr.lecter said...

حاضر هنحافظ علي نظافه مدينتنا

انا عاوز زعيبووط اشمعني الكل بياخد زعابيط ايه التفرقه دي

بس لغايه دلوقتي من ساعه مابقيت اتابع المدونه عاوز اعرف يعني ايه فياكين وفيكونات؟ دول ايه ان شالله جايين من الفضاء الداخلي؟.

أحمـــــــــــــد أبو العلا said...

هههههههههههه
5 جنيه على التعليق؟
ليه يعني؟
اتاوة ديه ولا ايه

لا لا بجد المدونه ديه أصلا شئ جميل جدا
بس يعني مش شايفه أن 99% شبه وسعه شويه؟

ههههه

thunder said...

ياااااااااااااااااه اخير عرفت اوصل لاخر البوست علشان اعلق شوفى يابنتى المدونة شكلها متفيرسة ولا اية كل ما تفتح عندى ترجع تقلب صفحة بيضة ماعلينا المهم زعبوط حلو اووى وكلامك
بيدل على شخصية مفتريه نياها
لا بجد على شخصية هادية جدا
وعقلانية اوى كمان
اختى العزيزة قابل ما تقلب الصفحة معايا دمت بكل ما تحبى
واخيرا بجد وصلت للتعليقات

MaNoOoSh said...

انتى دماغ فزيييييييعة ولمضة قوى
بس عثلللللللل
يا ابى هانم كعب الغزال
تحياتى يا عثل

karim said...

واللة العظيم البلوج الخاص بيكى والخاص ببنت خيخة من اكتر البلوجات امتاعا وحيوية, تحياتى

Appy said...

معلش هرد على بدراوي فى السريع وبكره ارد عليكم انا اجازه اصلى وفى الاجازه مش دايما ارد
http://appyplant.blogspot.com/2008/10/blog-post_24.html
اللينك بتاع بوست ام حلموس


اه

احمد ابو العلا

هو انت شوفتنى علشان تحكم على فكره انا فعلا شبهها بس انا على احلى ههههههههههههههه
لو شوفتنى هتعرف ده كلام كل الناس مش كلامي انا اللى شافونى فى الحقيقه
لو شوفت اللينك بتاع ايناس فى البوست اللى فات هتعرفنى من الشبهه كويس روح بقى دور ومعاك ربنا

فكرة من الزمن ده said...

جميل زعبوطك ابي هانم بتنجاني
عجبني جدا
وعايزة لو سمحتي من طلب
انا شريرة معلش
من اول زيارة ليا عندك طلبات
عايزة اعرف من واكع دراستك الي اي مدى تصح مواصفات الشخصية وتحليلها بوناء على برج كل شخص
تحياتي اوعي تنسيني

micheal said...

هههههههههههههههههههه..أخضر وبأستيك هنا كمان..لأ كده لازم أعرف الحكاية لأن الموضوع كبر
عارفة يا ابي..بجد أكتر حاجة بسطتني في إجاباتك ع التاج أني حسيت كلها منطقية وواقعية لأني تعاملت معاكي في الحقيقة ومحستش بأي فارق بين رحاب الإنسانة وابي هانم البتنجاني أو المفتش برعي أو أي ألقاب تانية هنا ع البلوج ودي ميزة مش بلاقيها في ناس كتير للاسف
طب أقولك علي سر كمان..في موضوع الاعتماد علي النفس بالذات..أنا بعترف أني حاطك قدامي كنموذج عاوز أوصله بس طبعا بطريقتي وأسلوبي لأني محبش أكون كوبي وبيست من أي حد مع إحترامي للجميع طبعا والمقامات محفوظة
ربنا يوفقك يا باشا ويديم الصداقة والود والاحترام دايما
حقرأ لابوستات بتاعتك اللي قلتلي أنك كنتي كاتباها بمزاج عشان اشوف مزاج سعداتك الحقيقي كان ايه
:)
تحياتي

مواطن مصري said...

انتي طيبة
:) كل شمة و

GeHaD-----(male) said...

هو اسمك
ريحاب ولا رحاب؟
مكتوب ايه في شهاده الميلاد اللي بالكمبيوتر مش التانيه اللي مكتوبه بخط الايد دي

شمس النهار said...

:)
كل ده كتماه في قلبك وساكته ياشيخه

Abo 7anf said...

السلام عليكم
حلوه الاجابات
و خصوصا المكرونه

تقريبا ممكن اكون بعملها احسن منك :)
انتى شخصيتك جميله و
كتباتك احسن

محمد عتلم said...

ايه ايه ايه ... ايه الأرننه دى؟
التعليق بخمسه جنيه ؟؟
ليه يعنى . هما جوز جنيهات ... قلتى ايه ؟

hasona said...

السلام عليكم

هو وصل عندك
التاج ده لف المدونات كلها باين

التاج ده أثبت لنا ان المحترم محترم في كل شئ
في كلمته وفي فكره وفي توجيه وتعلية صوته كمان

وانت ذكيتي علي صحتك وعافيتك وهو قعد لك فيها

وجاوبت كويس

والنتيجة بعد المداولة

ومافيش خمسة جنيه ولا أي رشوة

الفاتح الجعفري said...

السلام عليكم ورحمة الله وبركاته ازيك يا آبي عاملة اية؟ اسأل الله ان تكوني في خير حال
--
يااااااه بقالي كتير مقرتش بوستات فيها خفة ظل وبساطة ,,وصدق في التعبير عن النفس ربنا يباركلكم --- ثانيا انا مش عارف هي بتتكتب ريحاب ولا رحاب؟ بس لو بتتكت رحاب ,, يبقي اقفلي المدونة احسن هههههههه بهزر طبعا
--
ثانيا عجبني الاجابة بتاعة هيحصل ايه للايميل بعد ما تموت هو اصلا سؤال مستفز جدا يعني المفروض هعمل فيه ايه ولا هيهمني في ايه يعني الواحد يبقي في القبر نسأل الله العفو والسلامة وان يضيء قبورنا وكل المسلمين .. وبعدين هيفكر في الايميل خلاص الدنيا كلها راحت وخايف علي مصير الايميل بصراحة سؤال مستفز
--
احسن حاجة في الاجابات الصدق الواضح بارك الله فيكم وجزاكم الله كل خير

سارة نجاتى said...

فعلا شفت التاج ده و كان عجبنى لأن بسيط خالص

و أروح البوستات أم مزاج دى , و الله ساعات الواحد بيعمل دماغ مدونات برده

يعنى ممكن تقولى عملت دماغ تدوين عندك دلوقتى ههههه

لورنس العرب said...

ازاي تكتبي في اجمل 6 حاجات بتحبيهم -الموسيقى قبل الخرفان؟؟؟؟؟؟
بالذمه الموسيقى تيجي قبل الخرفان؟
ده كلام؟

بت خيخة وأي كلام said...

ازيك يا ابى بتنجانى


اولا احييكى على الملحوظة بتاعة الفايربوكس وبلاها الانترنت اكسبلورر


ثانيا
انا اسمى مكتوب؟
طيب

فكرينى اشوفك بربع جنيه مخروم

انا مش بحب اسم ام حلموس
بحس انه اسم ملحوس وعايز يتغسل

فكريلك فى اسم تانى

ممكن تكتبي فوق الارشيف بتاعك
ما قطرته النحلة من عسل
بدل ما كتبته ام حلموس





الا صحيح انتى ماقلتليش مش هتيجى التجمع الحريمى ليه
انا قلتلك قليلى هيبقى وراكى ايه علشان لو اللى عندك احلى من التجمع الحريمى انا هاستخيخ فيها وهاجى معاكى


سلام يا بتنجانة

اختك خيخة

لو بطـلـنا نـحـب نـمـووووت said...

مرحبا
اسمحى لى باول زيارة لمدونتك
بصراحة ردودك كلها لذيذة ومرحة
اكيد انت شخصيتك على الطبيعة مرحة كده
لو بتعرفى تعملى مكرونة كويس
يبقى انا لى عزومة عندك
على حسابك طبعا
يا عنيدة
ماشي
تقبلى تحياتى

راجى said...

عسل يا رحاب

الشنكوتي الكبير said...

÷و كل شويه هنوصفك

ما انا قلت قبل كده بقى وخلصنا
سلااااااااااااااااااام
اخوكي ايهاب

ساره said...

زعبوط السلطان
هى نفسها زعبوط العفريت ولا ايه :)

بقولك تعرفي ايش يعجبني فيكي طبعاغير الافترا ... ان اللي يعرفك من قريب يشوف فراشه ثانيه غير اللي هنا

ان شاء الله لما اجي عندك زياره ابيكي تعملي لي صنيه مكرونه بالبشاميل وصنيه مكرونه بالجبنه :)
يمي يمي يااااااام

احلى زعبط :)
سي يو يا عسوله

بدراوى said...

أ/ آبى
-----
انا قريت نظرية ام حلموس
و الحقيقة عجبنى اووووى
موضوع سواقة البنات
و حكاية كرامة الراجل

و انا رديت فى تدوينة كنت كاتبها عن موضوع البنات و العربيات بصفة عامة
بشكل ساخر

كتبتها بالصدفة من يومين عن صديقة خبطت حد بعربيتها

http://ta3melboyout.blogspot.com/2009/04/blog-post_21.html

اتمنى تشوفيها
و تشرفينى بتعليقك دايماً
يا صاحبة الكوكب

و ابقى شقى عليا كل شوية
و لا اكمنى
يعنى حتة نيزك صغير
فى مجرة درب التبانة
يبقى خلاص
يعنى
:-))

و لسة فى انتظار ردك على سؤالى فوق عن الخجل
---
تحياتى

أمبارح كان عمرى عشرين said...

اجاباتك جميله اوى
وشريرة وحركات وانتى لاشريرة ولا اى حاجه بتضحكى علينا ولا على مين بس :D

shayma said...

يا سيدى عالزعبوط
:))))))

حلوة اجاباتك يا ابى هانم
احييكى
:))

"النجم القادم"رابطة مدونون من أجل فلسطين said...

الله ينور يا خالتى ايه الاجابات الجامده دى

رئيس جمهوريه نفسى said...

التاج علشان الناس تعرفك وانا مش محتاج ولا لسه حتشضرف انى اعرفك او انك اختى ولانى شهادتى مجروحة يعنى فمش حعلق

وميرسي بجد على اعتبار بلوجى المتواضع من احسن البلوجات اخجلتم تواضعنا يا فندم

جنّي said...

السلام عليكم

كان بدري عليكي الزعبوط يا ابي ..

المهم اجاباتك خلتنا قربنا منك اكتر

Appy said...

Lady E
===========
الله يبارك فيكى عقبالك يا حبيبتى







اسامه عبد العال
================

ومنور يا اسامه

Appy said...

الدفاع
=======

فين اول ده هههههههههه معلش يا اسامه جت اوت
منور يا سياده اللواء







رودى هانم
=============
انا انا دا انا غلبانه خالص يا عينى
وبعدين انتى مفهمتيش لا انا اللى بلوجر بيدنى خمسه جنيه على التعليق
نوره طبعا يا هانم

على عبدالله said...

السلام عليكم

ازيك يا استاذة ريحاب
الا هو ريحاب ولا رحاب ؟
ماعلينا
على فكرة انت مش شريرة ولا حاجة مهما تحاولى
!!
ههههههههههه
خلى بالك فى كلاشينكوف موجهة دلوقت لمدونتك
!!!

أخوك
على عبدالله

Appy said...

بدراوى
===========
امممممممممم بص يا سيدى انا ممكن اتكسف لما حد يقولى كلمه حلوة
ممكن اتكسف لو سمعت الفاظ مش كويسه صريحه من حد
ولو اتحطيت فى موقف محرج اوى اتكسف برضه عادى
بس مش بخلى كل ده ياثر على رد فعلى يعنى بخلى رد فعلى متزن شويه
وهو مش عيب والله بالعكس انا بتبسط لما بشوف رجاله لسه بتتكسف وعندها خجل كده
خليك زى ما انت
الجمله بقى بتاعت صديق بقلب حبيب
علشان الصديق بيكون اقرب حد ولو حبنى حب حقيقى يبقى هيخاف عليا ويغير زى قلب الحبيب بالظبط















magi
=========
ميرسى ليكى نورتى

Appy said...

dr.lecter
================
شيل يا سيدى واتزعبط هو انا اكره عادى يعنى والله ما يغلى عليك
بص فياكين وفيكونات
بقى دى جايه من الكائن الفضائى لما جمعت الكلمتين مع بعض طلعوا فياكين رجالى وفيكونات حريمى
ومتسالش لخبطتهم ازاى هو كده يعنى









احمد ابو العلا
==================
لا بلوجر اللى بيدينى مش انا اللى باخد منكووا ركزوا بقى يا رجاله

Appy said...

thunder
=============
عليك وعلى الفاير فوكس او الفلوك يا ريس بسرعه افضل








MaNoOoSh


ميرسى يا قمر

Appy said...

karim


ربنا يكرمك يا استاذ كريم والله ده من ذوقك بس








فكرة من الزمن ده


بص هى مش واقع دراستى ايه علاقه خدمه اجتماعيه بده انا مش دارسه فلك خالص
بس من قرايتى هو مينفعش يبقى فيه ترابط اصلا كله خزعبلات
لسبب ممكن اتنين برج واحد القوس مثلا وتلاقى فيهم صفات مختلفه عن بعض
موضوع ربط الابراج بالشخصيات هى دراسه زمان اتعملت واتجمعت الصفات المشتركه من الناس واتكتبت وبد~أوا يلعبوا فى الموضوع ويحركوه
بس ممكن اقولك ان فيه شخصيه مثلا تكتئب فى الصيف وفيه تكتئب فى الشتاء ودى ملهاش برضه فى الابراج
فاهمه اللى اقصده يعنى مرتبطه بالفصول وافرازات الجسم
بس مش اكتر
نورتى يا قمر

Appy said...

فيشو
========

ههههههههههههههه هتغلب ومش هقولك ولا هتعرف
ميرسى يا فيشو ربنا يخليك








مواطن مصرى
==========
متعتمدش على الكلمه دى اوى لانى ساعات بكون وحشه اوى

Appy said...

جهاد
==========
ريحاب
انا اسمى مميز حضرتك









شمس النهار
===========
واكتر يا شمس بجد انتى مش عارفه

Appy said...

ابو حنف
==========
اجتلك قال احسن منى قال







محمد عتلم
=========
لا يا فنان ده بلوجر اللى بيدينى على التعليقات اللى بلمها ههههههههههههه

Appy said...

حسونه
=========
مستنيه الحكم اللى بعد المقاوله ده








الفاتح الجعفرى
==============
حمد لله على السلامه يا زميل المعارك وحشتنا ربنا يقبل منك العمره يا رب
وبعدين انت عارف انا مميزة لا طبعا ريحاب مش رحاب
اه شوفت السؤال بس ايه رايك افحمتهم بالاجابه
نورت يا زميل المعارك

Appy said...

سارة نجاتى
==============
طيب ربع جنيه بقى على الدماغ خلينا نغير الكاوتش القديم








لورانس
========
علشان الموسيقى بتشتغل على اصواتهم ههههههههه

Appy said...

خيخه ام شيرى
==============
لا حلو ام حلموس وبالعند فيكى لما اتجوز هسمى الواد كده وبعدين اسمك مكتوب علشان تستاهلى انه يتكتب
ومش هاجى علشان معضكيش من مناخيرك عندى غسيل تيجى معايا
هههههههههه










لو بطـلـنا نـحـب نـمـووووت
================================
هو مين قالك انى عنيده
وبعدين انا مبعزمش حد على مكرونتى دى بتاعتى انا بس

Appy said...

راجى
=======
عااااااااااا اسمى ريحاب يا راجى ها بقى









الشنكوتى
=========
لا ابوس دماغك وش وقفا بلاش انت تانى

Appy said...

سارة
=======
انتى حبيبتى علشان كده هعمل لكى كل اللى انتى عاوزاه يا قمر عنيه ليكى








بدراوى
========
والله غصب عنى انا بقرا بس مبلحقش اعلق وبحاول اقرى للناس كلها
واكيد طالما مفيش نكش فى حاجه يبقى مش بعلق والله هحاول اظبط وقتى ومتنساش انى من البدايه علقت فى مدونتك بتاعت مقالات بلال وكنت بموت فيها
منور يا بداروى وسعيده بيك جدا ومفيش حاجه اسمها فى التدوين صغير وكبير كلنا حاجه واحده

Appy said...

امبارح كان عمرى عشرين
=====================
انا اكبر شريرةف ى الحياه انتى مش شايفه الصورة










شيماء
========
خديه يا حبيبى اتزعبطى بيه عادى

Appy said...

النجم القادم
=============
اهلا باللى مطنش خالته عيال اخر زمن









رئيس جمهوريه نفسى
===============
ههههههههههههه انت على طول شهادتك مجروحه فيه عاوزين نداويها بقى يا نحنوت

Appy said...

جنى
======
لا ده جه متاخر يا جنى اوى يالا كله باوانه

Foxology said...

التاج جميل فعلا واجاباته عرفتنا عليكى اكتر :)

تحياتى :)

د.مادو said...

ربنا يسعدك ويخليكى لينا يا أبى و دايما مدونتك متميزه و من أجمل المدونات

صاحب المضيفة said...

ياسلام يا سلام على الردود

ربنا معاكي ارب وياويله اللي يقع تحت ايدك

:):):):)

لازم تعذريني طبعا لاني مش باجي هنا كتير بس والله مشاغل


تحياتي

Rania said...

عسسسسسسسسسسسسل و الله يا آبى و اجاباتك جميله بجد و شخصيتك اجمل كمان

تحياتى ليكى

قلم رصاص said...

اجابات رائعة اختنا المحترمة أبي

بارك الله فيكم

في حفظ الله

bos bos said...

أجاباتك جامدة جدااااااااااااااااا بجد

فتاه من الصعيد said...

مبروك الزعبوط
بس اجبات عثل بجد لاحلى ابى
دمتى بخير....تقبلى مرورى

لورنس العرب said...

الموسيقى بتشتغل على صوت الخرفان؟؟؟
انتي الخرفان بتوعك مودرن جدا
صحيح
مهو لونهم بامبي
يبقى اكيد لازم يبقوا مختلفين عن باقي الخرفان اللي انا اعرفهم

إبن مصر said...

السلام عليكم

واضح من الإجابات حاجه واحده عارفه ايه


انك دمك خفيف جدا
كل سؤال وفى اوله حاجه منك تضحكنا ونكمل واحنا بنضحك وعشان كده طلع زعبوط مبهج وسعيد
:)

وكان نفسى الاقى اسمى معاهم بس اعمل ايه منتى مش بتزورينا خالص
بس برضه هاجى كتير وكتير عندك غتاته بقا ايه رأيك ؟
:)

تحياتى

ahmed_k said...

حلوه أجوبتك أوي
وفعلا السفر مهم جدا في حياة أي إنسان
فقديما قالوا للسفر سبع فوائد
وأنتي خدمه إجتماعيه أول مره أعرف

وقوليلي أيه أخبار المود بتاعك إنهارده؟؟ ههههه

سلاااااااااااام

الدفاع said...

وانا باكتب التعليق ماكنش فيه تعليقات اتكتبت
ماهو انتى الى بتنشرى التعليقات براحتك
كوسه بقى
حد شايف؟؟؟؟؟؟؟ فين الشفافيه ؟
وخلاص انا بقيت لواء ياستى ارسيلك على منصب عاوز اتثبت
تحياتى يا ريحاب

رئـيس التحـرير said...

السلام عليكم
ازي حضرتك
يشرفني جدا دعوتك للمشاركة معانا في مجلة رؤية مصرية
افتتاح الموقع الرسمي بعد شهر من إصدار المجلة على بلوجر الليلة بعد منتصف الليل ممكن تزوري المدونة الي عليها المجلة القديمة وهتلاقي اللينك الجديد وبإذن الله تعجبك وتشاركي معانا
أنا منتظرك بجد ويارب تردي عليا
ده اللينك القديم الي هتلاقي عليه اللينك الجديد بس بالليل يعني عشان تفضا مفاجأة
http://roayahmg.blogspot.com/
مودتي