.jfif)
.jpg)
لما تفقدوا الثقه فى اعز انسان ليكوا تعملوا ايه ؟
لما يكون هو اخر لكم فى الدنيا وهو اللى مخليكوا شويه متمسكين بيها وتفقدوا ثقتكم فيه ايه احساسكم؟
بجد انا مش عارفه انا بجد محتاره ومش محتاجه كلام يطبطب عليا انا محتاجه كلمه حق ليه انسان ممكن يخليك بحاجه هايفه تفقد الثقه فيه ليه انسان بعد ما يدلك الامل فى حياه ياخدها تانى مش شرط يكون ولد علشان انا بنت ممكن تكون بنت الانسان ده ممكن يكون صحبك صحبتك اى مسمي ليه ممكن حد يقتل حد فى ثانيه ايه اللى يخلينا نعمل كده انا مش لاقيه اجابه قولوا انتم
لما يكون هو اخر لكم فى الدنيا وهو اللى مخليكوا شويه متمسكين بيها وتفقدوا ثقتكم فيه ايه احساسكم؟
بجد انا مش عارفه انا بجد محتاره ومش محتاجه كلام يطبطب عليا انا محتاجه كلمه حق ليه انسان ممكن يخليك بحاجه هايفه تفقد الثقه فيه ليه انسان بعد ما يدلك الامل فى حياه ياخدها تانى مش شرط يكون ولد علشان انا بنت ممكن تكون بنت الانسان ده ممكن يكون صحبك صحبتك اى مسمي ليه ممكن حد يقتل حد فى ثانيه ايه اللى يخلينا نعمل كده انا مش لاقيه اجابه قولوا انتم
44 اخبط وقول رايك:
انا اتصدمت فى ناس كثيره
وكان عندي نفس السؤال
وما لقيت اجابه
بس بعد فتره من الصدمه لما بدت تتضح الصوره
اكتشفت اني انا اللي رسمت هذي الصوره لهم
عشان كنت احبهم واثق فيهم
حبيتهم فى الصوره اللتي حسيتهم وشفتهم فيها
بس فى لحظه انتباه بعد غفوه شفت صورتهم الحقيقيه
أبي حبيبتي
ماراح اقولك ان ماعاد فيه ثقه
لكن راح اقولك ان الناس اللي المفروض تحط فيهم ثقتنا صارو قليل
ابى
أنا مش عارفة الموضوع ايه طبعا
لكن لو حد كدب مثلا فى حاجة هايفة
مش تعملى عليه اكس
أصل أنا عندى واحدة صحبتى , واحد زميلنا عمل فيها مقلب بهزار يعنى
فقدت الثقة فيه و بطلت تكلمه و عملت أفلام
فقيمى حجم الموقف و الظروف اللى تخلى حد يعمل كده
و أهم حاجة المواجهة
و اللى جايبه أجلى مش ح اخبى عليك
و لو لسه فى حد مضايقك , كبى عليه ميه غسيل
افقد الثقة فيه لما الاقيه اتغير من ناحيتى
لو السبب منى انا
يبقى استاهل ضرب الجزمة
لو السبب منه يبقى ميتبكيش عليه
حتى لو كان اعز صديق ليك
انا شخصياً ماليش صداقات كثيرة خالص
بس الفيس بوك عرفنى بناس اصدقاء بجد
بثق فيهم للدرجة اللى لو اتقال كلام وحش عليهم بصدقهم و انا مغمض عينى
لأنهم اصدقائى اللى عرفتهم و حبتهم زى اخواتى
لكن لو صديق افقدنى الثقة فيه ببعض تصرفاته مش حقدر غير انى اصبر عليه
فترة و بعدين افارقه
---
الصراحة انا اجابتى متلخبطة لأنى مش الشخص المثالى انى اجاوب لأنى تعاملى مع المجتمع فى اضيق الحدود
بس اقدر اقول انى اتخميت فى صديق عزيز عليا و انا اللى نهيت موضوعى معاه وواجهته و معيطش عليه لأن كان عندى اصدقاء تانيين بيتمنولى كل خير و بيدونى امل فى الحياة
عزيزتي ابي
انا اتصدمت في اكتر انسانة قريبة مني وبعد ما كنت فاهمه انها مقربة مني عشان بتحبني طلع انها بتقرب مني عشان مصلحتها وقتها بس حسيت ان الدنيا فيها ناس شريرة كدة ممكن يعلمو اي حاجة عشان يوصلو لأهدافهم او يمثلو عشان اي حاجة
وممكن يكون هو ده الموقف الي قصدته بعالم ماريونت
هي حسستني اني اهم واحدة في الدنيا مع انها في نفس الوقت كانت بتلعب بيا احلى لعب
وقتها كنت زعلانة جدا والموقف ده عملي ازمة
بس دلوقتي باجي افكر في الموقف ده احس ان حياتي فرقت كتير بعده
يعني انا اتعلمت حاجات كتير اوي من الموقف ده عمري ما كنت هتعلمها
وعشان كدة بصي لأي موقف بطريقة ايجابية وانا مش بقولك كدة من باب النصايح الفارغة والله بس من باب موقف جااااااامد عشته بجد
موش عارفه اقولك ايه بس انتي نزلتي بوست يمكن يقول عني انا ايه الفتره دي بس مش عارفه ومش مصدقه
فقد الثقه بجد صعب اووووووووووووي
وبتتعبي اوي
مش عارفه اطبطب لاني حتي مش قابله ان حد يطبب عليا
بس الاحساس اصعب من انه يتوصف
مش هقولك متحبيش حد لا ولد ولا بنت
مش هقولك متثقيش في حد لا ولا بنت
انا هقولك بس حبي اللي يستاهلك
وثقي في اهل الثقة مش بناء على رغبتك لا بناء على تجربة حقيقية
تحياتي
ازيك يا ابى
الناس بتتصدم لما القناع اللى لابسوة الاخر بيوقع وللاسف مبقاش قناع واحد لشخص واحد بقوا عدة اقنعه لنفس الشخص
ياستى سيبك الناس كالمعادن بتبان فى الظروف الصعبة والشدائد
والله يا اختى عموما لا يفوز بثقة الانسان ويحافظ عليها الا انسان كريم
وهؤلاء كما قالت الاخت سارة قله فى هذا الزمن
ولكن دعنا نجزم بوجودهم اولا
أما عما يبدو لنا من خيانة البعض لهذه الثقه ،،
فالواجب اولا التماس العذر للإخوان وإفتراض حسن النية
وحتى لو ثبت قيامهم بهذا الفعل السئ فمن منا كامل يسلم من كل فعل مشين ..؟
المهم أن يحكم الانسان على غالب الأمور فالانسان الذى أغلب حاله الأمانه وحب الخير للناس نمنحه الثقة وإلا فلا
وعلى كل حال اى انسان فينا بيمر بأزمات وصعوبات وهنا يظهر الإيمان وتظهر قوة الإنسان
وربنا يكرمك يا اختى وييسرلك كل عسير ان شاء الله
السلام عليكم
هاعمل ايه؟
هاعيط اوى
وهاتقوقع لفترة على نفسى
وهارفض انى اسلم مفاتيح اعماقي
لحد تانى
هامسك لسانى من البحبحة
وهامسك مشاعرى
وهابقى خشبة ناشفة مع الناس كلها
هاقعد افكر كتير فى اللى قلته واللى عملته مع الانسان ده او الانسانة دى
وهاقعد اشوف واحسب ايه أسوء خسارة ممكن اجنيها من معرفتى بيه
هادى وش خشب وتناحة
ولما حد يسألنى مالك
هاقول مافيش
هاخد قرارات كتير فى حياتى ومعاملتى هتتغير مع ناس كتير
لانى هابتدى اخاف وافقد ثقتى فى كل اللى حواليا
لو قابلت انسان تانى فيه احتمالية انه ياخد نفس المكان بتاع الانسان اللى غدر بيا
هاكون قفشة معاه ومش هاديله ريق حلو وهامنع عنه امتيازات كتير اوى
نتيجة القرصة الاولانية اللى خدتها من قبله
هاعيط اوى كل يوم
واحساسى بالغدر هيوجعنى
وهاحس نفسى انى حمارة بديل ورق
عارفة اللعبة دى؟
انك فجأة تكتشفى ان عندك ديل ورق او ديل من قشرة برتقال
تكتشفى ده بعد ما تلاقى ناس كتيرة بتضحك اوى وعمالين يشاوروا عليكى
ولما تكتشفى ديل الورق
بتشيليه
ووشك احمر من الكسوف ومن الاحراج
وعنيكى ترغرغ بالدموع وصوتك يترعش
لما تكتشفى ان اللى حاططلك الديل
ياريت حد بيكرهك وبتكرهيه
لاااااااااااااااااااا
ده اقرب انسان ليكى
حبيبك بقى ولا صديقك مش هتفرق
المهم انه انسان قريب منك والمفروض ان علاقتكم ببعض تحتم عليه انه يصون كرامتك ويمنع عنك الأذى
تلاقيه هو اللى بيجبلك الأذى
هو اللى بيهين كرامتك
وساعتها تحسى بوجع فى كل حتة فى روحك
وتحسى ان الدنيا بتلف بيكى
وبعد فترة
بتكونى اقوى
اقوى فى كل حاجة
مشاعرك اجمد
دموعك ابعد
وفى بعض الاحيان قاسية
قاسية على نفسك وعلى اللى حواليكى
من الاخر بتكون تجربة مريرة
لانك حتى بتخافى تروحى فى حضن حد وتعيطى جواه
و بتخافى من الطبطبة
بتبقى مش واثقة ولا فى الحضن ولا فى الطبطبة
وبتعيطى اوى تانى كل يوم
وتصحى الصبح
حد يسالك مالك
تقوليله مافيش
بتمنى ان البوست ده يكون كلام كدة وخلاص يا ابى
والوجع مايكونش وجعك انتى
والواوا متكونش واوتك انتى
سلام
اختك خيخة
بصي ياست البنات انا مش هطبطب عليكي
بس في حاجه اعرفيها وخليها حلقه في ودنك
اللي يسقط من عينكي اوعي تبصي عليه
لتتكعبلي دوسي عليه وكملي ومن كتر ماهتدوسي انت هتعلي
لكن حكايه ليه؟
لان فاقد الشئ لايعطيه
السلام عليكم
لأنه أو أنها لا تستحضر الله في معاملاتها
ولأنه أو لأنها لا تطيع الله ولكن تطيع الشيطان أو هوى النفس
المسألة كلها تتلخص في كيفية إيماننا بالله
ومنها تتفرع كل التفرعات الأخرى من تربية ومعاملات وضمير وأخلاق وقيم
أنا بأتكلم علينا إحنا كمسلمين
أما الناس عموما فمتوقف على تقدير الانسان لنفسه فمن يخون يهين نفسه أولا
فعزة الانسان لا تتحقق إلا بقيمه وأخلاقه
تعرف فلان قاله اعرفه قاله عاشرتة قاله لا فقالة يبقى ما تعرفوش الانسان بيتبينه مواقفة يا آبي الانسان مواقف مش بس كلام وعلى رأى محمود المليجى لما قال " علشان كنا رجالة ووقفنا وقفة رجالة " الانسان مواقف يا آبي هي اللى بتوضح وبتفرز اللي يستاهل واللى ما يستاهلش
ياااااااااااه
على وجع القلب حاسه بيكى جدااااااا
اصعب حاجه فى الدنيا هيا انك تشوفى ناس معينه فى مكانه معينه وتفتكرى نفسك فى نفس المكانه دى عندهم
يعنى اصحاب عمر واخويه مفيش بعد كده
وفجأه يدوكى فى ضهرك وانتى واقفه مش مصدقه
ايه يا جماعه لا استحاله ده احنا اصحاب
ياااااااه
فكرتينى وقلبتى عليا المواجع
اصل دى اكتر حاجه توجعنى
حاسه بيكى لما تفقدى الثقه فى حد غالى عليك
بجد مؤلمه
بس ليه الناس بتعمل كده؟؟؟؟
اهو ده بقى الى مش قادرة افهمه اطلاقا
غير ان بقى الناس نفسها زباله
انا رغيت كتيير اوى
بس بجد عايزاكى متزعليش ولو انى عارفه انك هتزعلى واوى كمان
بس اهم حاجه انك متفقديش الثقه فى الناس
لانى عملت كده وبقى صعب اووى انى اثق فى حد او انى اصلا افتح قلبى لحد او ارجع زى زمان
وده شىء مش لطيف
خاااااااااالص خاصه لو انتى من النوع الى بيحب الصحاب واناس واللمه الحلوة
مش عارفه ابطل رغى
:))))))))
ازعلى شويه بس مش كتيير واخرجى بسرعه من المود ده
انت قلتي مش عايز حد يطبطب عليا
لكن حل في نظر أنك لازم تنسي وتتعودي علي كدة لأن الناس ديت كثيييييييييير ومفيش حد له أمان علشان تثقي فيه للابد
من اهم النظريات التي احاول ان اطبقها بحياتي
حياتي اهم بكثير من اي شخص قد يعكر صفوها مهما كانت اهميته فيها
ولن تقف حياتي عند شخص معين
اقفزي فوق صدماتك وتقدمي
السلام عليكم
بصى ابى غالبا ما يكون سحابه صيف معديه زى ما بيقولوا لأن صعب اوى ان واحد يعطى ثقته فى واحد تانى وبعدين يطلع الثقه فى النهايه فى غير محلها الا نادرا
وهذا النادر له سبب وسبب واقع ويحدث كل يوم فى مجتمعنا الملئ بالوشوش الضاحكه الباكيه
المبتسمه المكتئبه
يعنى بأكثر من وش زى ما بيقولوا بوشين معاكى بوش ومن وراكى بالوش التانى الاصلى لوقت ما تكشفى عن الوش ده ووقت ما تكشفيه بتكون الصدمه ليكى انما بتكون مساله عاديه معاه ولا تفرق وده لأنه انسان منافق وبأكتر من وش
ربنا معاكى
اعتقد ان الم صعب جدا اني افقد الثقة في شخص قريب
لو اعز انسان هيبقي الالم اضعاف
وبعد ما ده اتكرر كتير فكرت ..
ياتري انا خذلت حد وفقد ثقته فيا قبل كدة لاي سبب بقصد او بدون ؟؟
وفي النهاية وصلت لاني انسان وهم بني ادميين
وكل حاجة متوقعة
حتي من الاعزاء
صدقني الانسان جواه من الشرور بقدرالخير
اي لحظة ممكن ده يتقلب مكان ده
واللي بيمنع كدة شوية تربية علي شوية دين علي رضا
لو محصلش
يبقي الانقلاب
انا مش هقولك طبطبه زى ماطلبتى بس هو واقع ان مين فى الدنيا دى محصلوش كده ومن ناس مكانش يتخيل انهم يعملوا كده ويقعد يسال نفسه الف مره فى اليوم ليه وعشان ايه وايه السبب؟
وبعدها قعد فتره مش طايق حد وقافل على نفسه مش عاوز يثق فى حد حتى لو ناس ملهاش ذنب ؟ بس مع الوقت بتلاقى انه يمكن كان فى سبب يخصه سبب يخص الظروف اى شماعه بس اساسها غلط ...كل الى اقدر اقوله انه فعلا الثقه مينفعش نديها لحد الا بالتجربه انه هو الى يخلين نثق فيه والواقع يخلينا نثق فيه
بما انك محتاره فيمكن تكوني انتي غلطتي وانتي بتقدري الموقف راجعي نفسك يمكن الشخص ده مش يكون غلط او مش اتسبب انه يفقد ثقتك .
.....
لكن اكيد فيه ناس كتير احنا بنثق فيها ونأمل فيها حاجات كتير وفي الاخر مش بتكونن اد ثقتنا دي ساعتها اعتقد ان الافضل انها تبقي ماضي لينا .
أللي يعيش يا ما يشوف
والحياه مليئه بالصدمات والجروح
ودي الحياة الدنيا
ومن الخمسه التي كتبن على ساق العرش
لا راحه في الدنيا
لكن إلتماس الأعذار مطلوب والعتاب خير وسيله لتصفية الخلاف بشرط وجود نية الصلح لدى الطرفين وإلا لن يتم الصلح
أيه الحكايه شكلك يا باشا مصدوم هههه
بصراحة لو الحد ده غالي اوي بزعل موت
و يمكن انهار و افقد الثقة و الاهتمام
في الناس كلها و ببقى مش عايزة اهتم تاني بحد او اصدق حد
بس الحمدلله كل حاجة بتاخد و قتها و ارجع احسن من قبل
السلام عليكم
بلاش الثقة الى تودى فى داهية دى
:)
الاصل احسان الظن
والتماس الاعذار
يعنى التمس لاخيك سبعين عذر
وزى ما قال ابو حميد:
لكن إلتماس الأعذار مطلوب والعتاب خير وسيله لتصفية الخلاف بشرط وجود نية الصلح لدى الطرفين وإلا لن يتم الصلح
لكن فى حاجة مهمة جدا "وجهة نظرى يعنى "
معاملتى لاى انسان تتوقف على اخلاقياتى انا !!يعنى اما بعامل انسان بعامله كويس وبصدق لانى انا كدا !
دينى كدا
اخلاقى كدا
مش مستعد ابقى صغير ابدا لانى كبير
والكبير كبير
بدينه وباخلاقه
مش عشان هو يبقى واثق فيا
انا بتكلم عن المسلم عامة "مش عن نفسى"
وبعدين موضوع الثقة فى انسان دا مش بالسهولة دى ، هى مش تكية يعنى
:)
لازم يبقى فى شوية حذر
مشكلتكن انتن انكن بتعملون من الحبة قبة
تلاقى المسكينة دى ماعملتش حاجة تستاهل
احسن حاجة ... بلاش ثقة
هههههههه
الفكره مش فكره الصدمه
الفكره فكره انك بتبقي مسلمه ان ده الانسان الكامل
وللاسف مفيش حد فينا كامل غير الحبيب المصطفي
لذلك
تأكدي ان من المجن تأتي المنح
فلازم تدوسي علي جرحك
هتقفي مكانك محدش هيحس بيكي ولا هيعرف انك مجروحه
وتستمر الحياه
وهتمشي
وتعرفي انها كانت محنه وتقبلتيها بصدر رحب
لاننا يا قمر اما بنحب حد سواء كان ولد او بنت بآمن له خالص و بنسيب ايدينا مع ان السلبيات بتاعته بتبقى واضحه بس احنا ساعتها بنبقى عمى مش شايفين بس اما المواقف بتتراكم بنبدأ ناخد بالنا و نسكت نسكت لغايه وقت مينفعش فيه السكوت ساعتها احنا بس اللى بنتصدم و بنفقد الثقه فى الشخص ده و كتير بنفقد ثقتنا فى نفسنا و ده يتوقف على غلاوه و معزه الشخص نفسه
من غير ليه ... متسأليش ليه هوا عمل او عملت كده
ده تستنتجى منه انه اصلا انسان مش كويس من الاساس .. لو هوا محترم اصلا مكانش يفكر اصلا انه يعمل حركه هبله تزعل الناس منه
كل واحد بيبان على حقيقته بعد فتره من الزمن سواء فتره قصيره او فتره طويله المهم المعدن الاصيل بيبان حتى لو عليه تراب عمره مابيصدى .. انما المعدن الرخيص مع الوقت والايان بريقه هينطفى ويصدى ومش بعيد يجيب امراض كمان
اقولك على حاجه ؟؟ كبرى دماغك ومتحاوليش تدى ثقتك اوى كده لحد .. دايما توخى الحذر
حبل الثقة له طرفان اذا حدث خلل فى هذه الثقة بينهما فاللوم يقع على الاثنان لكن بدرجة متفاوتة
يعنى مثلا انا وثقت فى انسان ليس اهل للثقة فانا يقع عليا لوم لأنى لم اختر الشخص المناسب لهذه الثقة
كمان فيه حاجة مهمة الافراط فى الثقة خطأ لاننا فى النهاية بشر ومفهومى عن فقدان الثقة ليست من موقف واحد وان كان هناك جسر تواصل بينهما ياريت يكون فيه اتصال وعتاب على الاقل للتبرير وللطرف الاخر الاخذ بهذا العذر او لا
التوسط فى المشاعر مهم
لكى لا تأسوا على ما فاتكم ولا تفرحوا بما أتاكم
يعني هو في الواقع يعني
بصي يا بنتي كل واحد لازم يعرف صاحبه ويعلم عليه
عارفه يعني ايه ولا بتدخلوا فصول الصياعه وتخرجوا مش فاهمين حاجه من اللي بنقوله
نقول تاني يعلم عليه يعني يعرف عيوبه ايه
يعرف ممكن يعمل معاه ايه مش كويس ويقرر يقدر يقبل ده ولا لأ
فهمتي
مفيش انسان كامل لو اتقبلتي الناس بسوؤها وعيوبها يبقى هتلاقي عندك اصحاب كتير قوي
لكن لو هتدوري على حد مثالي وعمره ما يزعلك ولا يخونك ولا يحسدك ولا يهينك ولا يغتابك ولا يشتمك ولا يطمع فيكي باي صوره طبعا
يبقى انتي هتدوري كتير ومش بقولك مش هتلاقي لا هتلاقي بس بصعوبه قوي وبيبقى بالكتير شخص واحد في حياتك وممكن النيله الظروف تفرقوا كمان
بس هي الدنيا كده بنعرف فيها ملايين طول عمرنا وفي الأخر كله بيطلع فستكك
سلااااااااااااااااااااااام
اخوكي ايهاب
عايزه الحق ومن غير طبطبه؟
بفقد الثقه فيه نهائيا ومش بقدر أسامح
في وقتها بيصعب عليا الثقه اللي ادتهاله
بعد فتره من الصدمه بيتحول لشئ مش بفتكره الا لما اشوفه ولما اشوفه, مبيشكليش أي مشكله لأني بكون مؤمن أنه ميستاهلش أصلا أني أهتم بيه
:)
بتقولي ليه ؟
من غير ليه
عشان دا طبع موجود في ناس كتير
توقعي اي حاجة مني اي حد وتعاملي على الاساس دا هتبقى الحياة اريح والطف بكتير
مش معنى كدا اني تخافي من الناس وتفقدي الثقة في الكون لا
بسدايما حطي في دماغك ان ممكن حاجة تحصل للي قدامك وما يطلعش قد الثقة دي
يعني افترضي انه هيعمل كدا غصب عنه حتى
بلاش تحطي الناس في مكانه كبيرة هما مش قدها عشان انتي كدا بتحمليهم مسؤولية متعبة بالنسبة ليهم وممكن ووارد جدا ما يطلعوش قدها
ابقى فكريني احكيلك حكاية مسلية اوي بخصوص الموضوع دا :)
المستحيلات الثلاث
الغول والعنقاء والخل الوفي
صدق العرب
بكل بساطة
طالما فقدت الثقة يبقى مش هترجع تانى وبالتالى وجود الأنسان فى حياتى مش هيفرق كتير لأنى فى الغالب مش هعرف اتعامل معاه تانى لأنى فقدت ثقتى فيه
ده رأيى الشخصى يحتمل الصواب والخطأ
تحياتى :)
والله ياآبى محد عارف بس اعتقد دى طبيعية حيوانية فينا
بصراحه احساس قاتل
بس عارفه انا عمرى ما اتصدمت جامد لانى بصراحه موش بثق فى اى حد ميه فى الميه....دايما بسيب مساحه من عدم الثقه...وده اللى مخلينى مستمره رغم كل الصدمات...دايما توقعى الاسوا من الاخر...موش علشان هو حش بس الظرووف والقلوب كمان بتتغير
دمتى بخير.....تقبلى مروورى
لو عليا انا بتهيألى انى فقدت الثقة فى كل الناس من زمان
مش بس فى الناس
يمكن كمان الموضوع تطور عندى وخلانى فقدت الثقة فى قيم ومبادئ كتير كنت بتعامل بيها ولقيتها سراب
المشكلة انى مش قادرة اتعامل غير بيها
ولو حاولت اغيرها مش هعرف ومش هابقى انا
وادينا عايشين
بننجرح شوية ونطيب شوية
نآمن شوية ونخاف شوية
ده حال الدنيا
لو مفيهاش خيانة ثقة ... متبقاش دنيا
روقى يا قمر
وارمى ورا ضهرك
فى حاجات كتير فى الدنيا اهم م اللى بيخونوا ثقتنا فيهم
الضيااع باحختصار
انك تحس ان الدنيا مالهاش لازمه وان وجودك بيتلاشي تدريجيا
ان خلاص طالما هو كده وراح يبقي عليه العوض بقي
الموضوع مش موضوع ثقه وبس المصبه انك بتكتشفي ان الموضوع عن صدمه كبيره بعد الفتره دي كلها اللي مرت عليكم تلاقي ان ده كله وهم وانك ماكنتيش شايفه الحقيقه وانك اتخدعتي واتغريتي ورسمتي صوره مثاليه للشخصيه دي
اااااااااااااااااااه
دى طباع بشريه
هو البنى ادم كدة وبس
دمتى بود
متفقة مع اول تعليق جدا
ل الاسف يا ابي انا كمان من سبب مشاكل الي جايبالي الاكتئاب اني مش بثق في حد خالص
آبي هانم
هو ليه الشر موجود؟؟
عشان الخير يظهر
ده طبيعي جدا
لازم نحس بوجود المتناقضات
عشان نعرف الحسن من السئ
فقدانك ثقتك في شخص بادرة خير لأنه كل ما الأمر تأخر كل ما كان أسوأ.
يعني الوضع دلوقتي أفضل.
أما عن كون الشخص كان بيمثل أهمية.
فهنا أكيد في مشكلة.
خلينا واقعيين هي بجد مشكلة.
بس التعامل معاها علي انها حاجة كبيرة اوي يـُصنف تحت كلمة غباء.
لأن الحياة لسة ماوقفتش.
لا حظي كده
انتي لسة بتتنفسي.
مخنوقة
جايز
متضايقة منه
ده أكيد
بس لسة بتتنفسي
والحياة ماشية أينعم مش زي الفل
بس عادي
وعشان نكون منصفين
ممكن تكون الضغوط اللي خليته يعمل كده
وتذكري
ان كل انسان فينا له جانب مظلم زي القمر بالظبط.
الجانب اللي الوحيد اللي يعرف ملامحه هو الشخص نفسه.
انكشاف الجانب ده ليكي نعمة ورزق.
كيفية تعاملك معاه
هاتفضل مصاحبة ليكي طول العمر
بتر العلاقات ممكن يكون حل فعال جدااااااااا
لكن السؤال
هل انتي هاتستحملي؟؟
يبقي طمنينا عليكي
تحياتي
أسامة
على فكره اول زياره ليا فى المدونه
وبجد جيتى على الوجيعه
انا وثقت فى ناس كتييييييير وللاس-ف الناس دى -طلعت مش -ق-د -الثقه
-عشان كده مجربه احساسك اوووووى
وي-ا-ما ش-وفت ن-اس --كوووويسه وطلعت عكس كده
يعنى من الاخر انا اخدت على دماغى كتير
لانى كنت -بتعامل ب-ت-لقائيه وبقدم حسن النيه دايما
لكن اتعلمت انى مااثقش فى حد اووووى
وبقيت دايما ماشيه بالمبدا ده
" فكر قليلا قبل ان تثق كثيرا"
مره علي مره بتفقدي الثقه في كل اللي حواليكي لدرجة ان لو حد قال لك صباح الخير تفتحي الشباك تتأكدي انك الصبح ومش بيكدب عليكي
ساعتها الاحساس صعب يتوصف بس بعد كده بتحمدي ربنا ان الموضوع ماطولش وان ربنا كشف لك الحقيقه ودي نعمه في ناس بتفضل علي عماها وبتفضل مخدوعه في اللي قصدها
ليه بيعملوا كده
عشان همه اصلا وحشين واحنا اللي كنا مخدوعين فيهم بس بيجي موقف بيكون اكبر من ده كله فابيتكشفوا علي حقيقتهم
بس علي فكره الواحد لما بيهدا كده ويفوق من الصدمه بيلاقي حاجات كتير بتقول انهم كانوا غير اهل للثقه بس حبنا ليهم وثقتنا فيهم عمت العين انها تشوف الحقيقه اللي كانت باينه وماشفنهاش
احمدي ربنا انك اكتشفتي الحقيقه
المشكلة الاكبر اني سعات بحس اني مليش لازمة في الحياة و ربنا خلقني عشان اتعذب و ابقى حزين ووحيد بالغرم الاصدقاء
معقولة يا بيبى
بق إنتى اللى بتسألى الؤال دا ؟
إنتى ؟
دنتى يا جبل ما يهزك ريح
مش قصدى إنك مبتتعبيش زى باقى البشر بس قصدى إن قوتك مصدرها الاول
عقلك
و حكمتك المبنية على قناعات راسخة
إنتى بتحكمى على الناس بمنطق و عقل
و حبك بيكون حذر
و فى محله غالباً
تكونيش زعلانة
لأنك طلعتى زى معظم الناس
اللى قلبها اوقات بينخدع فى أقرب الناس ليه ؟
دى المفروض حاجة مش لازم تكون غريبة عليكى
و لا على كل حد
زى ما محمود قالك ..
ممكن تعرفى واحد عمر و متعرفيهوش إلا لما تعاشريه عن قرب فى موقف يخليه ينكشف قدامك و يتعرى بكل عيوبه
مش عارفة ارد على سؤالك
بجواب مناسب لأنى معرفش التفاصيل
و لا القصة بدقة
بس كلام خيخة
أثر فيا قوى
قوى
و حسيتها كان دى وجيعتها هيا
و يا رب ما تكونى إنتى كما وجيعتك زيها
مش عارفة أقولك تسامحيه او تسامحيها
ساعات البنى آدم مبيبقاش نفسه و بيغلط و ييجى فى حاجة هايفة و يغلط قوى فيفقد احترامك ..
بس بتبقى لحظة ضعف
و مش إنتى المقصودة بألأذى دا
إنتى كنت فى وش المدفع يمكن وقتها
تعرفى ؟
نفسى اخدك فى حضنى دلوقتى ...
حساكى قطة رومى بيضا صغننة
و بتتكوم من الخوف و الإفتقاد
و الحزن ...
بحبك يا آبى
و يا رب السؤال يتجاوب عليه هنا بإجابة تقدر و لو شوية
تريحك
يعني .. أحيانا ممكن لطيبة البعض يضع كل ثقته في انسان غير أهل للثقة وبعدين يكتشف انه مخطئ في ثقته دي .. كمان ممكن الشخص التاني يكون يبحث فقط عن مصلحة أو شئ فإذا حصل عليه سقط القناع ويظهر وجهه الحقيقي .. كمان ممكن نكون احنا فاهمين موقفه مش صح .. ممكن .. عموما الواحد اولا واخيرا اكيد بيعامل ربنا في الناس ولو ظهرله العكس منهم يحاول يتغاضى ويغفر قدر المستطاع
Post a Comment