نظريه ام حلموس فى فهم النفوس



بالصلاه على النبى كده يا فياكين ويا فيكونات انا بقالى فتره بعمل نظريات وفاكره نفسي ايكاشتين ده ولا ابن سينا وضربه فى نفوخي مواسير مجاري الفكر كله

اقولكم ازاي كل يوم الصبح بصحي زي خلق الله بس ببص لنفسي فى المرايا اشوف اتوبيس هيئه نقل عام ابو شرطتين فاعمل ايه علشان اوصل للشغل متخانقش مع كل البشر ومتخانقش مع اللى فى الشغل وبما انى استنجلينا برتبه لواء فبسلى نفسي فى الطريق واطلع البتنجان على الناس

فاخيرا توصلت ان الراجل لمجرد انه يشوف ست بتسوق يضرب فى نافوخه هرمونات الذكوره المتاصله عنده ازاي يعنى افهممكوا

بعمل لعبه هبله انا المسافه من بيتى للشغل بتاع 14 كيلو يعنى ربع ساعه عشر دقايق وانا طريقى هاي واي فبعمل لعبه صغيره الاقى عربيه فيها راجل بشوف من بعيد مش لازم جنبه اقوم اجي واجري بالعربيه قدامه او اكسر عليه براحه علشان ميكونش راجل كبير ويتخض هووب يقولم لابس فى عمود نور ويطلع ليه عفريته بعدين يطلع الهسس عليه كله
ولا يكون غشيم يلبسنى انا فى شجرة لان الرجاله يا عينى الكبيره قلبهم ضعيف يقوم هو يجري يبص يلاقى بنت يقعد يشد قدامي وانا طبعا ولاببص ناحيته ولا كاني شايفاه وطبعا من كل خمسه مثلا يطلع واحد او اتنين بالكتير هرمونات الذكوره مش بتنقح عليهم والكرامه تاخدهم وازاي بنت بتجري ويحاول يثبت انه يعنى راجل فت بقى وان البنت مش بتعرف تسوق واننا عملنا زحمه سواقه على الفاضى (قال هما اللى استاذه والسواقه احتكرت عليهم
)
وده المفهوم الخاطئ عند البعض لان السواقه مش مرتبطه ببنت وولد واكتر الحوادث بسبب الخوف او عدم التصرف بسرعه لحظه التردد هي لحظه الحادثه

دي اول نظريه والسؤال ليه الرجاله بجميع الاعمار بيجروا ويحاول يثبتوا شطارتهم فى ده مع الملاحظه ان ولا بنت بتسخن وتجري معايا

النظريه التانيه واحد كرامه وصلحه
================
بتعمد استفذ المحيطين بيه من رجاله علشان فى النهايه يقولى لو سمحتى انا راجل وعندي كرامه ومقبلش بكده وهنا بقوم واقعه على ضهري من الضحك وارفس برجلى ليه بقى
لان البنت لما بيتجرح كرامتها او بلاش تحس ان حد هيهينها تقولك لا لو سمحت انا عندي كرامه عمري ما سمعت بنت بتقول انا بنت وعندي كرامه انما الراجل
دايما ولازمن ولا بد وحتما انه يقولك انا راجل وعندي كرامه وفكروا كده مع نفسكوا او خدوا بالكوا من الكلام هتلاقوا فعلا ده اللى بيحصل هي حاجه ممكن تقولوا عليها عادي بس هي لها مداليل نفسيه للراجل ويا رب اللى ما يقول صح يتكعبل فى سجاده بيتهم صوابعينه كلها تتعور

والرجاله تجاوب بقى وارهنكوا على الكوكب ان كله هيدخل ينفش ريشه فيها هههههههه وابقى ثبت نظريه تالته من غير ما اخد بالى هههههههههههه
السؤال ليه الرجال ميقولش بس انا عندي كرامه ولا هي الكرامه بقت بس حكر على الرجاله ههههههههههههههه
طيب ما تقول انا انسان وعندي كرامه وخلاص هو يعنى حد حلفه انه لازم يقول انا راجل ما انا شايفه بعنيه انه راجل مش ست يعنى

اللى بعده

الواحد اللى مرتبط او خاطب او متجوز او اخ يقول للبنت لا متنزليش متتاخريش متروحيش وده كويس ومتتاخريش اهمها بيدى انطباع طبعا انه بيخاف وبيغير
وده حلو بس تعالا مثلا لما يقولها فى حاله المرتبطين او اللى مخطوبين نخرج ويبقى الوقت متاخر وتنزل تقابله فى مكان بعيد عن البيت
الله هو مش ده اللى كان بيقول لا برضه ولا اتغير ولا مثلا اخ يعوز من اخته حاجه يقولها روحي هاتي او اعملى طيب معناه ايه
ولا اللى متجوز وهى عاوزه تودي الاولاد للدكتور او تجيب حاجات يقولها روحي انتى

السؤال بقى مش هي دي اللى انت رافض كل الحاجات دي علشانها ليه بتحللها فى اوقات واوقات لا ولا المبادئ بتتجزا
وليه البنت اللى بتسمع الكلام فى كلمه لا هي برضه اللى بتسمع الكلام فى كلمه روحي وانزلى ليه مش بتعترض وتواجهه بازدواجيته دي
وازدواجيه نفسها فى انها عاوزه تقول حاضر ونعم من غير تفكير
وادي نظريه كمان الازدواجيه من الطرفين ويبقى على قلوبنا حلو ولما نتخانق نطلع الهسس على بعض طيب ليه منبقاش طبيعين ونخلى بالنا
ممكن تقولوا ام حلموس بتلك ليه فى الكلام ده
اقولكم لان بجد المفاهيم الغلط اللى فى دماغنا من الجنسين ناحيه الجنس التاني هى اللي عامله المشاكل والمشاحنات وشد الشعر وتقطيع الهدوم بين الاتنين دايما وهي اللى بتخلى الزواج والخطوبه والعلاقات بتفشل
يبقى المطلوب تجاوبوا على الاسئله وتفكروا
والى اللقاء فى نظريه اخري

كان معكم من قلب المعمل والانفجارات الدكتور طبيب جراح لواء ابى هانم ام حلموس

ملاحيس فتانيس:- انا بجد لما بعرض حاجه بفكر فيها بصوت عالى بدور على المشكله فين مش بثبت ان الرااجل ممكن نستغنى عنه اوالست لا انا بدور عن ان الاتنين كيان واحد والبلد دي مش هتنفع ولا تتقدم ولا نقدر يبقى عندنا اي مفاهيم صح الا اذا صلحنا اخطائنا وانا عن نفسي من المناقشات والخناقات وتحديف القلل بستفيد وبغير حاجا ت فى شخصيتى علي الاقل نطلع من الحوار باى تغيير ان شاء الله تغير زيت بطوط اللى اتحرق مقابل اثبات النظريه بتاعت الهرومنات دي هههههههههخخخخخخخخ

تحديث :- الحجه نوارة رئيسه جبهه التهييس الشعبيه والشريك المتضامن فى حمله كلنا برعى والله جاوبت الاستمحان عندها بس والله مشاكل ومصايب اكتر وفتحت نظريات تانيه باجابتها ابقوا اطلعوا عليها واضح اننا هنقضيها نظريات ومش هنشوف اكل عيشنا فى البلد دى ههههههههههههههههه انطح يا ريس


حكمه الامبراطورة

لا تقهرني ولا اقهرك الزمان دهمنلي ودهملك

110 اخبط وقول رايك:

فاتيما said...

إيه دا ؟؟
أنا أول واحدة
يا حالولى
طب بسرعة قبل ما حد يكسر عليا و يجرى زى سعادتك ما بتعملى فى الغلابة الرجالة
معاكى جداااااااااااااا
فى حكاية الأزدواجية دى
و أرجع و أقول دا دورنا كبنات و ستات و امهات
نربى الولاد على المساواة فى كل حاجة مع أخواته البنات يقوم ميبقاش عنده كلكيعة أسمها أنا راجل و الحاجات دى
إنما لو بتتكلمى عن الجيل الحالى
فللأسف مفيش فايدة
بس كدا يا قمر التدوين كله

بت خيخة وأى كلام said...

كل المفاهيم عند الراجل مختلفة عند الست
حتى الراجل نفسه بيكون ليه مفهومين للحاجة الواحدة
يعنى مثلا
لو رجل خان مراته وعرف عليهاواحدة
ومراته عرفت وعاتبته
هتلاقيه يقولها انا مخنتكيش
هو انتى شايفانى رحت عملت سيكو سيكو معاها
ده انا خرجت معاها بس

لو قولتيله وسالتيه طب لو مراتك خرجت مع واحد تانى غيرك معنى كدة انها ماخنتكش بدال معملتش سيكو سيكو مع حد تانى
يقوم يبرق وعينه تحمر
ويقولها لا طبعا
دى كدة تبقى خاينة


يعنى هو الخيانة بالنسباله خيانة جسدية
وماينفعش مراته تزعل منه بدال الخيانة ماوصلتش للجسد
دى مجرد خروجة وتفكير فى واحدة غيرها
ومراته هى اللى نكدية وبتكبر الموضوع
لكن عند مراته مجرد انها تفكر فى فى واحد تانى
فهى كدة تبقى خاينة


بصى يا ابى
عموما الراجل بيحب است تكون اضعف منه
واقل منه
واللى بيستفزه جدا
انه يلاقى بنت قادرة انها تعتمد على نفسها اعتماد كلى بدون اللجوء اليه

لما بتكسرى على حد وتسابقيه مترين تلاتة
دى حاجة بتستفز اغلب الرجالة
ويقولوا ازاى بنوتة تقدر تعمل اللى انا بعمله
لأ ما ينفعش لازم افهمها ان الراجل اقوى واسرع واحسن سويق



انا مش فاكرة انتى كنتى عايزة ايه مننا تانى
هاروح اشوف باقى الاسئلة وارجعلك تانى


سلام
اختك خيخة

بت خيخة وأى كلام said...

سؤال خارج المقرر يا ابى
بخصوص البوست اللى فات

لو واحد عاكسك فى الشارع
ومد ايده ولمسك
وانتى عملتى فيها برعى ومسحتى بكرامة اللى خلفوه الارض

مابيجيش فى بالك ابدا
ان الواد ده ممكن يقل ادبه عليكى اكتر ويقوم مديكى بالقلم على وشك او يديكى بالشلوت



اصل يا ابى علشان تعملى فيها برعى
انتى كدة بتغامرى بمعرفتك برد فعل اللى قدامك
انتى متوقعة ان لو حد ضايقك فى الشارع وانتى رديتى عليه وهزئتيه هو كدة هيسكت ويلم نفسه ويقول يا فكيك

لكن اللى بيحصل ان ممكن جدا تقعى مع واحد اكثر سفالة مما تتوقعى


انا بقولك الموقف ده علشان ده حصل قدامى
واحد عاكس واحدة قالتله يا سافل
قام لطشها باللم واداها بالشلوت
والبجح ابن البجحة
مشى بكل هدوء فى الشارع ولا كأنه عمل حاجة

ومافيش حد عامله حاجة
الناس كلها كانت ماشية فى طريقها عادى ومحدش جرى وراه
انا كل اللى عملته
انى رحت قومت البنت من على الارض
وقعدت اطبطب عليها واعيط معاها ومشيت معاها لحد بيتها


خدى بالك من نفسك يا ابى

سلام
اختك خيخة

Purplewaves said...

السلام عليكم
مدونتك جميلة أوي وعاجباني الأسلحة اللي انتي حاطها واحلى حاجة ان في ألوان :)))))))))))
أما بقى بالنسبة للنظريات اللي توصلتيلها فهي نظريات واقعية مية في المية وكلها حاجات بتحصل يوميا ، يعني لما الراجل كرامته بتنأح عليه لازم يقول انا راجل وليا كرامته، ده على اساس ان الرجاله بس اللي عندهم كرامه ...وطبعا موضوع التأخير ده بيحصل بالضبط ...ياريت الناس تفهم هي بتعمل ايه وتفكر شوية قبل ما تتكلم أو تتصرف يمكن ساعتها الدنيا تتصلح

تحياتي

حاجات جوايا said...

ههههههههههه فلتحيا نون النسوة
بس بلاش والنبى فى الطريق لحد يكسر عليكى والطرق اصلا زحمة ومش ناقصة

بالنسبة للازدواجية ففعلا موجودة وده اصلا لان الولد اتعود انه يتعمله كل حاجة وهو مرتاح ومبيفتكرش انه الراجل وده المفروض دوره الا لما يبقى عايز يمشى رأيه وبس

ولو قلنا الحل فى الاجيال الجاية نربيهم عالمساواة .. هنلاقى برضه رجالة وستات فينا كتير هيربوا الاولاد على ما اتربوا عليه

يعنى مفيش فايده

صباح الفل يا جميل

لورنس العرب said...

ايه يا آبي
هو فيه راجل أصلا بيهين بنت
ياستي تعالي شوفي تعاملات الرجاله مع البنات في كل مكان- منتهى الحنيه وتنفيذ جميع الطلبات وكل اللي هي عوزاه بيعمله
والكلا ده في مختلف الاماكن وخاصة في العمل
عشان كده عمرك ما هتسمعي واحده بتشكي وفي وسط كلامها تقول انا عندي كرامه
وده لأن كرامتها محفوظه مقدما
...
أما بالنسبة لنقطة الازدواجيه في التعامل
احنا أصلا مش ماشيين على مبدأ
عشان كده القرارات عندنا ماشيه بنظام " انا عندي شعره، ساعه تروح وساعه تيجي"


لي عوده

امل said...

السلام عليكم
أنا معاكي في مسألة الازدواجية دي ومرة واحدة صاحبتي جوزها نزلها الساعة اتناشر بليل تشتري من البقالة حاجات محتاجها البيت والغريب انه مش بيقبل أبدا انها تروح لأهلها لواحدها يعني حسب المصلحة يتم اتخاذ القرارات وفيه برضه ناس تانية محترمة عندها الموضوع موضوع مبدأ ربنا يكتر منهم ياااارب

بت خيخة وأى كلام said...

عارفة العيال الصغنانين بتوةع الشوارع
اللى بيسرحوا بمناديل

مرة شفت واد صغنن ما يجيش اكتر من خمس سنين
كنت ماشية من جانبه
وبحركة تلقائية ومليانة امومة من جانبى
ملست على خده نوع من انواع العب مع العيال

عارفة عمل ايه
هههههههههههههههههههه
يا خرابى انا كل ما افتكر اضحك من كتر الاحراج

تخيلى كدة عمل ايه
شتمنى وقالى جرى ايه يا تيييييييييت
يا بنت التييييييييييييت
اه والله
شتمنى
عيل عنده خمس سنين شتمنى علشان ملست على خده

امال لو كنت ضربته كان عمل ايه


وانتى جاية تقوليلى هتعملى فيها برعى

خافى على نفسك يا ابى




انا ماشية بقى علشان لما افتكرت الشتيمة احرجت

سلام
اختك خيخة

بت خيخة وأى كلام said...

الراجل من دول يا ختى

يقول للبت انا مبحبش الكدب
واوعى تكدبى

لكن معندهوش مانع ان البت تكدب على اهلها علشان تنزل تقابله

ويقولها انا مبحبش حد يدخل فى حياتنا
واوعى تقولى لاهلك على اى حاجة تحصل مننا
يقوم مع اول خناقة يروح هو اللى يشتكيها لاهلها


معلش كل شوية اجى عندك وارميلى كلمتين

بس المزاج رايق والقاعدة عندك ترد الروح

سلام
خيخة

seven said...

بصى الازدواجة ديه حاجة فى معظم الناس
انا نفسى مزدوج الشخصية
ههههههه
بجد
بس بالنسبة لموضوع العربية
الموضوع ده بيبة نابع من حب المنافسة
واثبات انى انا الاحسن
والراجل مش بيعمل كده مع الست بس
ده مبين الراجل والراجل كمان
يعنى هوه مش استقصاد يعنى
والله اعلم
اما بالنسبة لموضوع الكرامة
عندك حق فعلا
بس ارجع واقول ان الست بتيجى على كرماتها جامد عشان خاطر الراجل
اللى هيه بتحبه وغالبا الراجل مش بيقدر ده على اعتبار ان ده العادى يعنى
حق مكتسب كده يعنى
اما بالنسبة لموضع الخروج
هوه بيبصلها من ناحية انها لما تبقة معاه مش هيبقة خايف عليها
بس لو خرجت بعيد وهيه مش معاه يبقة هيخاف عليها
ده اللى انا بسمعه يعنى مجربتش بصراحة الموضوع ده
بس هوه المفروض ان الموضوع يمشى سواء هيه معاه او مش معاه المبدء نفسه غلط
بس خلاص

المحارب المتيم said...

آبى

انتى عارفة الرجالة ليهم كرامة بس

مع البنات بس

يعنى بيسترجل على الستات

السحالى زى ما بتقولوا عليهم

وأنا بكتب بسمع قصيدة لنزار

اسمها شقة مفروشة

احم احم

بيتكلم عن الوطن العربى

عنده هو شقة ملك واحد اسمه عنتر

عارفة مين عنتر

وخدى بقى

ظلم وقهر واستغلال واستضعاف للنساء والشعب

كفاية

سلام

انا عندى كرامة

ههههههههههههه

سلام

جبهة التهييس الشعبية said...

والله يا اوختشي انت البوست بتاعك ده قلب عليا الميواجع واضطررت اكتب له بوست

ورقة الاجابة هنا
http://tahyyes.blogspot.com/2008/10/blog-post_25.html

مجداوية said...

السلام عليكم

واحنا بقى بنفذلك كل طلباتك وكأننا منومين مغماطيسيا ونلم المكسر من القلل ونربط دماغنا بالشاش وتخلعى انت منها و كمان تستفيدى
!!!!
يا صلاة النبى
عليه الصلاة والسلام
ماشى يا آبى
بس كويس انك وضحتى الصورة بالملحوسة عشان اسيب القلل فى البيت قبل ما آجى

كل ده تفكير !!!
بس الحاجات اللى ذكرتيها كلها عادى يعنى
وانت جاوبتها عليها
هو مين اللى بدأ
مش انت ؟
طيب يعنى انت اللى بتحبى تلعبى مع الأسد وتستفزيه
اللى استجابوا لاستفزازك أذكياء لأنهم قروكى واللى مستجابوش مكبرين الدى ومعلين الجى
ملهاش دعوة بالهرمونات
لها دعوة بمين يستفزهم
بس عموما هى نظرية صح الرجال واخدين موقف جماعى من سواقة الستات من جواهم مش عايزنها تسوق لأنهم شايفين دى مهمة الرجالة
بس احنا لقينا حد يسوق منهم كويس ومخلنهوش يسوق !!!!
هى أزمة ثقة
وأزمة تربية
وأزمة ستات
وأزمة رجالة
وأزمه أديمه نص نعل فى دماغ بعضهن وبعضهم
بتخلى الموضوع تنافس وتناحر مش تكامل

~*§¦§ Appy §¦§*~ said...

فاتيما
==========
اهلا اهلا يا قلب الام
هما برضه اللى غلابه والله يا طمطم لو تشوفى التناحه بتاعتهم فى السواقه وخاصه لما يكون قافش فى الدريكسيون تبقى هتموتى من الغيظ
ايوه ده دورنا بس نعالج مشاكلنا النفسيه الاول يا حبيبى وبعدين نربى واللى مش متربى نربى احنا
نورتى يا كر انتارفيش








بنت خيخه واى كلام
=================

اه لا يا خوخه يقولك انا راجل وانتى ست فى موضوع الخيانه وبعدين ربنا حلل ليه اربعه والله العظيم اتقالت قدامى
انا فراملى سابت بقى
اربعه فى الحلال يا اسطى اربعه فى الحلال يا حج
انما تقولى ايه هما بيفكروا ساعات براحتهم
عموما احنا برضه غلطانين يعنى لازم نواجهه يا خوخه ويبقى فيه نقاش وبراحه واللى مش عجبه يبقى مش بنى ادم وميرتقيش للحوار من الاساس
اه بالنسبه لموضوع التانى
والله العظيم والله العظيم ضربت ولد يا خوخه وفى الشارع انا واختى وجالنا البيت اعتذر وكان اكبر منى هبقى احكى لكى القصه كلها وهى بدات لما مد ايده يشد السلسله بتاعتى محستش غير وايدى على وشه هو مش بيسرقها بس قله ادب الموقف انا حكيته عند بنت القمر فى البوست اللى بيتكلم عن نهى
ابقى شوفيه مش بتاع النهارده هتلاقيه من يومين
وانا مش بخاف لا تكلكي يا حبيبى

حسن حنفى said...

علي فكره عندنا والله اي بنت هي اللي بتعمل كده مش الراجل :(
الرجاله يعيني مظلومه ولو حد حاول يتكلم تلاقي كل الباقي يقولوه عيب دي ست :((

~*§¦§ Appy §¦§*~ said...

Purplewaves
===============
اهلا بيكى وميرسى خالص لكلامك
ويعنى اهو كلنا بنحاول نطلع نظريات هو احنا اقل منها ولا ايه ههههههه شرفتى






حاجات جوايا
===========
اهلا يا قمر
بس هقولك على الاقل مش هيبقى فيه انقراض لما الناس تربى كويس وغيره وحش يبقى يعمل توازن او المجتمع مع مرور الوقت يتغير ويبقى احسن وفعلا ساعات العيب من الام علشان هى اللى بتربى الولد غلط شدى حيلك بقى واعكسى النظريه هههههههههه

~*§¦§ Appy §¦§*~ said...

لورانس العرب
===============
انت بتتكلم عن المستوى العملى اه فيه كمان والله والمدير لما يقف يجعجع ويبقى نهار منيل لو رديت عليه مش عليه عليه هو طبعا لانى برد ومش بسكت وحتى لما بيكون غلطان
بص لها على المستوى الشخصى يا لورانس على مستوى العلاقات الانسانيه انا مش بتكلم فى الشغل بس
اتفرج بره على برضه فى المواصلات ولما حد يتخانق يقولها لها عيب ميصحش ده راجل وعنده كرامه هى مش احتكار
وبعدين انت بتناطح لمجرد النطح ولا ايه
اخرت معايا وحشه وبعدين مستنين العوده يا ابو احمد






امل
=========
على راى واحد صديك بيبقى عامل دكر قبل الجواز وبعد الجواز روحى انتى كان الواحده اتغيرت ههههههه
ربنا يهدينا جميعا يا قمر

~*§¦§ Appy §¦§*~ said...

خيخه
========
رايحه فين يا ام شيرى ما انتى قاعده يا حبيبتى ههههههههه
طيب بزمتك عارفه رد فعل الود ده ليه والله علشان خاف انتى متعرفيش الاطفال دى بتحس بايه بتحس ان اى حد بيلمسهم عاوز منهم حاجه وحشه ولو لهم اهل بيكونا مفهمنهم كده
عرفتى
اما عن الكدب ما دى من ضمن الازدواجيه يا قلبى فهمتى عاد اقعدى
اشربى شاى يا شيخه واجيب لكى صوابع زينب وامها كمان ههههههههههههه ابقى اقرى بوست نواره اللى سايبه اللينك
بتاعه عندى هنا هههههه







سيفين
=========
عارفه انه بيبقى بين الرجاله وبعضها بس المضحك فعلا اننا بنكون الصبح وكله نازل مش رايق وعاوز يروح شغله والمصيبه انك بتلاقيه بقى من رجاله كبيره
والله يا ابنى كلامك جميل جدا بس يا رب تبقى من اللى بينفذوة على فكره فيه رجاله كده طبعا وبتتعلم من اخطاء غيرها كمان نورت يا سيفين افندى

~*§¦§ Appy §¦§*~ said...

المحارب المتيم
===============
شقه مفروشه لا يا افندى هنا مش هيئه المجتمعات العمرانيه الجديده ههههههههههههه
عندك حق دليل كلامك وان الراجل بيعمل كرامه على الست اقرى البوست بتاع نواره اللى ردت بيه على كلامى قايله نفس كلامك والله
فى موضوع الكرامه
ومتنساش تاخد كرامتك فى ايدك بدل ما توهه منك ههههههههههههه








جبهة التهييس الشعبيه
========================

والله يا بنتى ريحتى قلبى وقلبتى عليا مواجيع ومراجيح اكتر دا انتى عملتى نظريات تانيه كمان انا عملت تحديث باجاباتك فى نهايه البوست هههههههههه علشان الخناقه تتقسم علينا احنا الاتنين اصل انا عارفه يا الاغلبيه مش هترد منعنا للدم او اللى هيوافق قليل يا هيجى واحد ابن حلال يفتح دماغنا عشرين غرزة وده هيكون نافش ريشه هههههههههه
نورتى يا نواره

~*§¦§ Appy §¦§*~ said...

مجداويه
=========
اولا عليه الصلاة والسلام
ما انتى عارفه انى مستفذه خلى بالك انا مش بشكى خالص من لاموضوع بالعكس والله انا اللى بعمل كده علشان اثبت النظريه انما فى العادى مش فى دماغى انا بجرى وخلاص مش بكون عاوزة استفذ حد
وبعدين مين قال انه باللى بيعمله ده يبقى اسد ده يبقى سورى دونكى يعنى وحتى بظلم الدونكى لما يخلى حد يستفذه وهرمونات تنقح عليه ههههههههههه
وعلى فكره الحمد لله يعنى محدش بيعرف يعدينى وخاصه لما تككون الطرق زحمه وده من عند ربنا اولا وعلشان بطوط صغيره فهما بيتزنقوا هههههههههه
ولو فكرتى فى نظريه الهرمونات الناقحه دى فى بعض التصرفات هتلاقيها صح الا انا يعنى مبقاش بقالى اسبوع بحرق زينات افكار ومعها زيت العربيه وتقولى ليه لا يا لهوى عاااااااااا
نورتى وهاتى منديل فى ايديك وانتى جايه هههههههه






حسن حنفى
==========
هههههههههههه يا راجل ماشى ماشى هعديها علشانك

اقصوصه said...

ههههههههههههه

معاكي حق فعلا


وتستع وستع بالميه من كلامك اوافق عليه

واؤيده بشده

والواحد بالميه الباقي

كلام ما فهمت معناه:)

TAFATEFO said...

من غير زعل يا آنسه .. بس شهدي الناس

على فكره انتوا مش صادقين .. وكل الشباب اللي هنا هيبان لها انكوا مش صادقين

مفيش صنف رجل يشوف ست راكبه عربيه إلا ويبعد عنها تماماً تماماً تماماً لأنها ممكن جداً تشوف لبس عاجبها في محل في آخر الشارع تبص عليه .. تشوف عربية خضار ولا فاكهه واقفه تقوم كاسره عليها .. مبيبقوش حافظين الطريق وتفضل متردد تخش يمين ولا لا تخش يمين ولا لا وأول ما ييجي اليمين تقرر انها تخشه وتكسر 90 درجه كامله وتخش الشارع

أوحش حاجه في الدنيا انك تسوق ورا عربيه نقل (علشان صوتها والعادم) وورا واحده ست (لو حكم عليك الزمن بكده)

آبي هانم اللي بتحب تشد .. خليها تشد على كوبري أكتوبر لو جدعه وأنا أضمنلك انها تركب القطر في معاده من محطة مصر .. هي بس بتتشطر تروح تسخن الناس في هاي واي وده طبيعي ان الشباب يسخن في هاي واي .. انما تروح تتجرأ وتشد على كوبري أكتوبر وتورينا سيادتها مين هيتشعبط في الكوبري
:D:D:D

حرام عليكوا .. ده الستات المفروض يجيبولهم عربيه بسنادات (زي الدراجه بتاعة زمان)

ستات ايه دول اللي بيتكلموا عن الشد؟؟؟؟؟؟؟؟!!!!!!!!!!

osama said...

يانهار ازرق دا انتوا قلبكوا اسود خالص
يالا على كل حال مصيرنا ناخد حقوقنا فى البلد دي
بس انتى معاكى حق
هههههه

A.SAMIR said...

يا ساتر يارب
يعني الواحد بيبقى راكب عربيته لا به ولا عليه
ومش واخد باله ان في مؤمرات بتحاك في العربية اللي جنبه
دة انا
غلباااااااااااااااااااااان

~*§¦§ Appy §¦§*~ said...

اقصوصه
=========

ههههههههههه معلش يا حبيبتى فرق لغات بقى
نورتى الكوكب اول مرة بجد وضحكتينى انك مش فاهمه معنى الكلام ابقى شاورى وانا اترجم هههههههه









طفاطيفو
=========
اهلا انا لسه راده عليك عند نوارة انت وحرف التى بتاعك ده
بص انت بتفكرنى بالبنت اللى قافشه انها تلبس كم الفستان يا بنتى طيب باقى الفستان تقولك لا الكم
انت سبت كله ومسكت فى دى والباقى يا ريس ها هتعرف تجاوب ولا تشوف الار او الواى حتى تسندك
ههههههههههههه
فيه ستات مش بتعرف تسوق اه زى ما فيه رجاله برضه مش بتعرف وفيه حول فى استخدام الاشارات واللى بيقع تحت ايدى كده مش بسيبه
وبعدين اه انا بشد بعربيتى واسال اى حد فى الدنيا يقولك
اه هى صغيره بس انا شاطرة
وبابا علمنى ان السواقه جراه وتجميد قلب علشان الغلطع\ه بفورة يا كابتن
الدور والباقى عليكوا
واهو انت اول واحد ثبت ليه نظريه نفش الريش ههههههههههههههههههه

~*§¦§ Appy §¦§*~ said...

اسامه
=========
ههههههههههههه فلت من النظريه طيب لو فيك هذوهى الصفات الرجاء تغيرها او حرقها او شنقها او اقولك اديها للحكومه هى عندها طرق مبتكره






احمد سمير
==============

ههههههههههههههههه علشان تحرموا بس والنبى خلى بالك برضه فيه ستات بتجرى بغباوة وغشم كمان ربنا يسترها معانا

TAFATEFO said...

عند نواره اتكتب غلط ومسحته

نفش الريش؟؟!!

أنا آخر واحد ينفش ريشه في موضوع السواقه .. أنا عندي قصر نظر -3.25 ومبحبش لبس النظارات ومستريحتش في العدسات ومش مطمن لليزك .. علشان كده مش بسوق بالليل

أول مره سقت عربيه لوحدي عملت حادثه مع بني آدم وأكيد مش بيمشي طبيعي .. وعملت لعد كدا كذا حادثه لأني مش بركز أصلاً .. وكثير السرحان بصوره مبالغ فيها

فأنا طرف محايد

مش بنفش ريش .. بس فعلاً سواقة الستات (خاصة) والبنات .. شئ فظيع ومرعب

والناس شاهده

~*§¦§ Appy §¦§*~ said...

طفاطيفو
==========
هههههههه طيب انت جدع اهو بوتقول انك عندك حاجه فى عينك وبتخليك تعمل حوادث الدور والباقى فى اللى عنده ومش بيقول
موضوع سواقه البنات الوحشه والستات راجع للخوف صدقنى
عموما مسيرك مرة تقع تحت ايدى واحرمك تقول سواقه البنات وحشه هههههههه
لا بجد لان اللى بيخاف بيبقى وحش وانا فعلا بتشل من ده
بس انا دلوقتى بتلكم فى نقط معينه خاصه بالراجل متحاولش تثبت ليه البنت ماشى ما فيهم العبر بس كمل باقى النظريات جاول فى اللى باقى ولا معندكش اجابه
على فكره انا باخد غرز على اكتوبر هههههههه وفى الزحمه

همس الاحباب said...

يا نهارك بتنجان
بفول الصويا
ايه ده كله يا بنتى
انا كده احرص على نفسى وابعد عنك خالص
ما هى الاعمار مش بعزقة بصراحة
هههههههههه
المهم موضوع الازدواجية طبعا موجود ومقدرش انكره بس بيختلف من انسان لاخر فى حدود القيم والاخلاق اللى تربى عليها
هو صحيح فينا رجالة كتير بتنظر للمراة نظرة انها ست وهو راجل
بس الكرامة مش بتتجزا لان الست عندها كرامة والراجل عنده كرامة
وبمعنى اوضح قدر من الحياء والاخلاق
عامل التربية والبيئة المحيطه لهما تاثير نفسى واخلاقى على الاشخاص
لو الراجل مسئول عن 50 % من تلك العيوب والاخطاء
فالست اكثر مسئولية من الرجل لان الام عليها عامل كبير فى التربية والتنشئة
بل احيانا هى من تقوم بالمحاباة والتدليل والتفرقة فى المعاملة بين الولد والبنت وده منتشر بصورة كبيرة فى المجتمع المصرى
انا متفق مع الجميع ان الرجل له نظرة ازدواجية
بس الست دورها ايه فى معالجة تلك النظرة الازدواجية سواء كانت ام او اخت او زوجة
يا نساء مصر انتم نصف المجتمع وتلدوا النصف الاخر
بوضوح انتم المجتمع باسره
فلا تلوموا الا انفسكم

همس الاحباب said...

اه
اما بالنسبة لموضوع السواقة
الحمدلله بطبعى مش بحب السواقة وبقلق منها بجدو علشان كده مش بفكر اجيب عربية
بس والنبى بلاش تتكلمى على السواقة
انا شفت بعينى محدش قالى
وربنا يستر على بطوط
هههههههه

esraa said...

موضوع السواقه ده صح جدا علي فكره

انا مش ببقي بسابق حد
بس انا بطبعي بمشي بسرعه

ولو في ولد في الشارع يبقي ازاي بنت تمشي بسرعه دي؟

بس انا مابخليش حد يسبقني
(:

شمس النهار said...

من زمان في خناقات بين المراه والرجل
وكان صلاح جاهين عمل حلقات عن الموضوع ده مع مش فاكره حسن شاه والامين
بس لوردينا الامور للأصولها وشوفنا الرسول كان بيعمل ايه ورجعنا للأخلاق
كله هيبقي تمام
شوفي انا بسوق من 26سنه موضوع ان الرجاله بيتجننوا لما يشوفوا ست بتسوق
دي جديده من عشر سنين كده
والاسباب كتير
مها علي سبيل المثال لاالحصر
الاب في الدول العربيه بيجيب فلوس
وماما بتربي العيال لوحدها
طبعا ماما بتشخط وتنتر وقامعه الباشا
يكبر ينزل يسوق يرخم علي بنات الناس
امل الكلمه دي انارجل وعندي كرامه هو مش بيقولهالك هو بيفكر نفسه بيها
احنا مابنقولهاش عشان احنا واثقين من ده
وموضوع الازدواجيه يترجم الانانيه اللي الرجل بقه فيها
اللي يخدمه يبقي صح واللي مايخدموش يبقي غلط
وبعدين انت هتقومي علينا شباب المدونين

Abo 7anf said...

السلام عليكم
ازيك ياابى
بتشدى بالعربيه
طب لو طلع غبى و مبيعرفش يسوق
اه ذنب بطوط
حكايه بقى الازدواجيه دى
وان واحد يقول لاخته متخرجيش الا لو كان ليه مصلحه
دا يبقى شخص مينفعش اتكلم عنه
قربت فى الردود حكايه الخيانه ان الراجل مختلف عن المراه
الراجل اليقبل يخون يقبل العكس
وحكايه المعاكسات دى
للاسف بقت منتشره زياده عن اللزوم
ومبقتش فارقه بقى بنت لابسه محترم ولا لا
ولا ماشيه لوحدها ولا مع حد
وبحس ان الناس دى عايزه اعدام لان مفيش فيها فايده

سارة نجاتى said...

طبعا لازم يضايق لما تكسرى عليه , مش بتبوظى نطريته الخاصة التى تنص على أن السواقة عملية فيزيائية كيمائية معقدة , و أن الرجال بس يقدروا يحلوها . لكن أنا الصراحة خايفة عليكى أنت من موضوع الكسر على الناس , خلى بالك لا تلبسى فى حاجة و أنت واخده فى وشك لا قدر الله.
أما ليه بيضايق لما عموما حد يكسر عليهم و تشتغل عنده هرمونات الذكورة , لسبب واحد , لأنه عارف أنه مش راجل , أو راجل نص نص , يعنى واخد على قفاه من كل من هب و دب , ح تيجى انت و تكمليها عليه , لكن الراجل بجد لا بتشتغل عنده هرمونات و لا حاجة , و شايف أنه يسوق بالسرعة اللى تريحه هو.


أنا مرة زعقت فى واحد بيقولى أنتوا حريم تقفوا ورانا فى الطابور , جم الرجالة اللى جنبه قالوا لى "ده راجل أنت ح تزعقى لراجل ؟؟" قلت لهم و أزعق لعشرة رجالة كمان و ساعتها كان وشى أحمر , و شوية و ح أرتكب جريمة , طبعا فى الأخر بيكشوا , لكن محدش لفت نظره أنه يقول لى ده شخص أكبر منك- و ده اللى خلانى أمسك نفسى على فكرة عنه - , لأ قال ده راجل , كأنها علامة مسجلة .

الا بالحق يعنى فيكونات و فياكين دى ؟

سلام

صاحب المضيفة said...

اولا البنات مش بتنافس الرجالة لانهم بيخافوا من السواقة والسواقين وبعدين ده غير انك في مصر يا ابي هانم

تانيا الواحد بيعمل كده مع خطيبته لزوم الفشخرة والمنظرة في الغالب وبيكون ده شدة الغربال الجديد زي ما بيقولوا وبعد كده كله بيرجع لاصله
:):):):)


تحياتي ومعلشي لاني مش باعرف ازورك كتير هنا

__—¤¤AhMeD.3LaM¤¤—__ said...

بصي بقي
انا لااجل وعندي كرامه
وعشان كده مش هرد ع البوست ده
ههههههه

بجد بوست هايل
رغم ان حكاية التزنيق دي
بشوفها مع الرجاله والستات
يعين لو راجل سايق ميكروباص
والتاني سايق ميكروباص بردو
بتلاقيهم بيزنفو علي بعض
وناسين ان معاهم ارواح
ولما اخويه يركب عربيته مش بيسيب حد يعديه لا راجل ولا بنت
يعني الموضوع مش موضوع بنت او ولد سايقين عربيه
بس انتو بتشفوها كده

موضوع الازدواجيه والملوخيه الي في دمغنا دي انتي كلامك صح
بس هنعمل ايه بقي
يعني اقول لاختي متتاخريش
وعايز اخرج مع الوتكه بتاعتي لما احس اني عايز اخرج معها في اي وقت ان شالله 3 الفجر
مش ده جنان وازدواجيه وتناقد وملوخيه بالتقليه

تحياتي علي الطبخه الشهيه

micheal said...

هههههههههههه..ده أنتي معبية علي اخرك يا إيبي من الرجالة
أما ألحق أخلع بقي قبل ما أخذلي قلة في دماغي
:)
شوفي يا ستي السواقة فعلا بتبين أمراض ذكورة كتير...وهو عامة لو مكسرش أو حاول يستعرض يبقي لازم البنت اللي سايقة العربية
دي يفترض أنها صيد سهل وأنه حيقولها نكتين تقوم ضاحكة في وش أمه ويجر ناعم بعديها..ده في حالة لو هو كمان راكب عربية ملاكي
أما سواق المكروباز وبعض سائقي التاكسي بتبقي العقدة عندهم مختلفة..فيقوم مطلع غله وشاتم البنت أو لو مؤدب حيقولها ما هي ناقصاكوا
بس برضه فيه بنات بتجيلها أمراض أنوثة أثناء السواقة..والله شفت قبل كده واحدة سايقة في شارع زجمة كانت بتضبط الميكيب بتاعها في مرايا العربية وقلت ربنا يستر عليها وعلي الناس لو دي سواقتها العادية
:)
بخصوص الكرامة فمتفق معكي في كل كلمة وأضيف أن الكرامة زي الشرف مفهومه يقتصر فقط علي شرف المرأة وعذريتها..إنما مستحيل الراجل يتسال عن شرفه والا حيعملك زي محمد نجاتي لما هند صبري بتقوله أنت فقدت عذريتك امتي؟
:)
راح سابها ومشي وقال البت دي مجنونة ولا إيه..عذرية إيه..ده أنا ماوعاش عليها أصلا
وبالمثل لو راجل خان ست محدش حيقول الست من حقها تدافع عن شرفها إنما لو ست خانت زوجها تبقي اثمة ومجرمة ويبقي بطل لو قتلها لان ساعتها حيقوله شرفه اتلوث وخدي بالك هنا أن كلمة الشرف اتنقلت له
:)
النظرية التالة معاكي فيها ومعنديش اي إضافات
كفاية بقي نظريات يا سيادة اللواء..صحتك وِأعصابك ومتنسي أنك نايبتي في الحركة..عاوزين شوية نشاط بقي
ده الأوبريت بتاع اخترناك بيجهز
:)
تحياتي للاإمبراطورة واسف علي الإطالة

نيجار said...

بذمتك ما سمعتي ابداً حد بيقول يخرب بيت اللي ركبكم عربيات وبلانا بيكم بصي انتي عارفه طبعا اني من محافظه في اقاصي الصعيد طبعاً اول ما جبت العربيه كله كان متوقع اني مش هعرف اسوق والكلام ده والحمد لله اثبت عكس الكلام ده فقالوا اه ماهي بتسوق بقالها سنين طيب احنا بقى عندنا ما بيسيبوش واحده سايقه في حالها يزنقوا عليها ومضايقات وكلام فاضي طبعا و قلت ماشي ،لحد ما كنت عايزه انزل البلد قريتنا بالعربيه طبعاً بابا قاللي عادي لكن قرايبي بقى قعدوايتفلسفوا وازاي بنتنا تسوق عربيه اهل البلد يقولوا ايه علينا بناتنا بيسوقوا عربيات والله يا أبي كإني قلتلهم انا رايحه اشتغل رقاصه طبعا انا بالعند بقيت كل اسبوع اسافر البلد بالعربيه وما قولكيش بقى على التعليقات اللي كنت بأسمعها في الطريق وحالة الذهول وكإنهم شافوا كائن فضائي

بصي يا آبي

انا بالذات الموضوع ده لو اتكلمت فيه محدش هيعرف يسدني فخليني كده احسن

مواطن مصرى نايم said...

ابى اولا انا راجل و عندى كرامة و مش ممكن اسمح بالكلام ده

هههههههههههههههه
و الله العظيم مش عارف ليه انا غير الناس دى
يعنى بحترم جدااااا الست او البنت او الانثى او الفتاة او اى حاجة مؤنث
و بتعامل معاهم معامله بجد عادية جدا و مش بنفش ريشى على اى حد لكونى رجل

بس رغم كل ده
احب اعرب عن اعتراضى على قيادة النساء للسيارات
ههههههههههههه
اه يا ابى انا بشجب و بعترض
لان و الله و ده المعروف ان الست ممكن تتعرض للاغماء مثلا بنسبة 7 الى 1 بالنسبة للرجل
على حد علمى
و ده يدل انا الست ممكن تتخض و هى بتسوق من حادثة او من اى حاجة يروح مغمى عليها و تبقى حادثة

شفتى
اهيه نظرية و بالعلم
اه عشان تعرفى بس

بالنسبة للخروج للبنت او كده
انا من الناس اللى بتقول كده
بس بنفذه حتى على نفسى

بس عموما انا حقدم فيكى مذكرة فالنيابة العامة
و حرفع عليكى قضية
زى المحامى اللى اسمة (الجحش)ده اللى كنتى كاتبه عنه

اه و حقول ابى بتشوه سمعه رجال مصر

بس على فكرة انا معاكى فالبوست ده بنسبة 80 فالمية
يالا ان شالله محد حوش
و ال 80 دول ممكن يدخلوا اى حد كلية اداب

حروح اشوف عند نوارة
و الله مفيش حد حيكون سبب فانقراض الرجالة غيرك انتى و نوارة
هههههههههههههههه

nody_1987 said...

تصدقى يا ابى اول مره فعلا الاحظ موضوع انا راجل وعاندى كرامه
تصدقى لسه متقاله ليه من يومين
ممكن يكون بيحاولوا يأكدوا الحاجتين دول والى هما بقوا مضروبين اوى
الرجوله انتى عارفه الموضوع ده بقى التيوانى فيه كتير
والكرامه بقت صعب تجتمع مع هرمونات الذكوره ههههههههههه
والامهات هما الى بيقعدوا من الاول
انت راجل يا حبيبى
عيب تعيط
انت راجل ياحبيبى
اختك تبقى خدامه الى جايك
انت راجل يا حبيبى
تعمل ناظر على اختك
والعقده تزيد
اما بالنسبه لموضوع المبادىء
ها يا ابى لما بيكونوا اتنين حبيبه انتى ما تقدريش تحسى بيهم
انتى عارفه نار الشوق لما تبقى ملهلبه ايه المشكله يعنى لما يتقابلوا نص الليل
وايه يعنى لما اخ يبعت اخته تجيب له علبه سجاير والوقت متاخر
عادى انه يمنعها تروح لصاحبتها بالليل
وانهم يخرجوها باليل علشامن مزاجهم
لانه بكل بساطه
راجل
تحياتى

romansy said...

ايه يا دكتوره
ايه النظريات دى كلها
انتى كده غلطتى فى رجاله كتير محترمين
وبيعرفوا فى الاتيكيت والذوق
انتى عارفه اهم حاجه الاحترام بين الراجل والست
اما بقى موضوع السواقه دا
فانتى عندك حق
الموضوع مش احتكار على الرجاله
بس ابقى سوقى براحتك
والنبى بلاش نظريات
انتى كده هتلخبطينا

مهندس مصري said...

هو كلام أغلبه يبان حلو بس في سؤال بقى و بدون زعل
:)
او سؤالين بمعنى أصح
ليه بتحبي تشدي بالعربية قدام الرجالة إذا كنت معترفة بنفسك إنها لعبة هابلة
ثم انتي بنفسك قلتي ان ممكن ناس ضعيفة في السواقة تعمل حادثة لنفسها او ليكي
يبقى ليه ما تخليك ماشية في السليم أحسن

ليه بتتعمدي تستفزي المحيطين بيكي من الرجالة
يعني ما ينفعش تعيشي طبيعية زي الناس العاديين
و هل مش شايفة إنك لما تكوني مستفزة ده مش غلط
مش غلط في الناس اللي بتستفزيهم و تحرقي دمهم
انتي اللي يغلط فيكي تضربيه بقلة ده حقك لكن تغلطي في الناس و تستفزيهم ليه ؟
انا بأكلمك بصراحة على حاجة في كلامك لفتت انتباهي و استغربت منها قوي و مش عايز صراحتي تزعلك و ياريت تردي عليا من غير ما تستفزيني
:)
انتي عارفة انا بأحترمك و بأقدرك قد ايه

و انا باسألك نفس سؤالك ليه ما نبقاش طبيعين على طول

blue-wave said...

الإزدواجيه هى اساس حياتنا
فقد تجدى من يحب الرقص ولكنه يرفضه تماما لزوجته او بناته حتى بداخل منزلهم
او من يحب الفرجه على الفتيات بلبس ضيق ويرفضه ايضا لمن يخصه
بس سيبك
بتكسرى على الناس ليه بس؟؟؟
رخامه؟؟:)))))

أبو أسامة - مدونة كباية شاي said...

لو سمحتى أنا راجل


وعندي كرامة


بس مش شايف اي حاجة غلط في المقال ده مش عارف ليه

محمد ابراهيم said...

اولا بالنسبة للنظرية الاولي
دي مسالة شخصيات
يعني الراجل يبقي ماشي في حاله ملهوش دعوة بحد
يلاقي ( لا مؤاخذة ) عربية رخمة عمالة تزنق عليه و بتدي سرعات عالية
بتبقي علي حسب المزاج
انا لو منه بجد
ممكن توصل بيا اني لا اما اخلي العربية تتقلب 3 مرات
لا اما اخليها تتطبق او تلبس في اي حاجة
ما هو اصله طالما استفزيتي حد يبقي انتي وحظك

بالنسبة للنظرية التانية
هي فيها ايه يعني انه يقول انا راجل و عندي كرامة
مفتكرش انه فيها حاجة خالص
و مش ذنب الرجالة انه الستات او البنات مبتجيبش سيرة الكرامة
كل ما في الموضوع انه حيب يعبر عن نفسه بالطريقة الي تريحه

و بالنسبة للنظرية التالتة
دي بتبقي حسب الشخصيات برضه
انا عن نفسي ان ما كنتش احافظ علي خطيبتي يبقي مش هحافظ علي بنتي الي هتبقي فكرة المستقبل و ثمرة مجهودي
و المسألة بتتوقف علي الاتنين
علي الولد و البنت
لو البنت تربيتها تمام ترفض تماما انها تتاخر معاه أو حتي تقابله بعيد
و برضه دي مسألة شخصيات
سواء من ناحيته او من ناحيتها
و الازدواجية دي بقي حاجة نسبية من واحد للتاني
و مينفعش تتعمم

ياريت تلاقي حجج اقوي من كدة لهدم كيان الرجل
و اعتقد انه من كلامك
انك بتحاولي تكوني عدوة الرجل
ارجو انه كلامي متاخديهوش علي محمل شخصي
انتي طرحتي كلام
و انا باخد رأيي فيه
لا اكتر و لا اقل
و اتمني انه تزوريني في مدونتي
و انا باذن الله مش هقطع الزيارات

تحياتي
محمد

mohamed ghalia said...

البنت زى الولد مهيش كمالة عدد
تحياتى

مصــــري said...

آبي هانم

بالله عليكي يبقي خدي بالك من الرجالة العواجيز دول ماشيين ببركة دعا أمهاتهم بتوع الحفشينيات.

شوفي ياستي
بما اني انا شرقي الطباع لكن مش سي السيد أقدر أقولك ان الرجالة في مصر عندهم نرجسية وحاسين ان البنت اللي تعمل اي حاجة غريبة - من وجهة نظرهم - بدءاً من قيادة السيارات حتي رئاسة مجموعة شركات ضخمة عمل غريب وجريمة لا تـُغتفر.

بس البنات بقي مش تهدي الليلة لأ
يطلعوا بقي في كلام من طراز حروق المرأة وهالة سرحان والكلام الفاضي ده.

للمرة الدشليون باقولها عندك وحاسس اني بقيت ممل.
الغلط من الراجل والست مناصفة وبهذا نكون حققنا العدل بينهم.

شوية نرجسية بقي
سيبك بقي من الهجوم اللي علي الرجالة ده وسمني خرفانك شوبة العيد قرب.

تحياتي الي صاحبة الخرفان

أسامة

tarek momen said...

لما بعربيتك بطوط تهكع هاتمشي علي مهلك غصب عنك فلايميها من دلوقتي و بلاش تشدي قدام حد والحكمة بتقول في التاني السلامة

__—¤¤AhMeD.3LaM¤¤—__ said...

اه في حاجه نسيت اقولها
طب ما البنت الي بترضي تخرج مع حبيبها او صديقا
هيه نفس البنت الي بتقول لبنتها متخرجيش , متتاخريش
وتنزل اسأله واستجواب
هاهاها
طلعنا برائه من الازدواجيه
مش لوحدنا
وفي أمثله كتيره
سلام

قلم رصاص said...

والله يا أبي بجد الموضوع ده فعلا بيزعلني جدا
انا بكره الازدواجية جدا في التعمال اليومي حتى في الحاجت البسيطة

مابالك في ركائز الحياه الرجل بالمرأة

انا بكده سجلت موقفي باختصار في كلمتين من الموضوع

تقبلي مروري

mahasen saber said...

احنا يا رحاب نفضل نقول اصل الرجاله دى بتبصلنا كده وبتعمل وليها وعليها وكذا كذا كذا
..
والرجاله تبصلناا وتقول دول ستات عارها فلت ودول مشعايزين الا الغرق فى برميلطرشى وفيه منهم يقول لا دول فراشات الدنيا المرحهدول مش عايزين الا البرفان والمعاملهالحسنه
.......
وما بين احنا وهما بيتضح فى الاخراننا من بداية الكون لدلوقت مبحلقين لبعض ومستنين كل نوع مننا لرد فعلوتصرف الاخر
.......
ولو فهمتى حاجه يبىكتر خيرك ويا رب تبصى من الشباك الصبح تلاقى عربيتك قلبت بورش ..بس ادينى لفه......

الفاتح الجعفري said...

السلام عليكم ورحمة الله وبركاته
لا واضح ان الكلام ده عندكم في الاقاليم العنصرية والحجات دي في المدن المتحضرة زينا مش موجودة تماما
ربنا ييسر لكم
---
فعلا موضوع ان المباديء تتجزأ ,كارثة
يعني الراجل اللي بيعمل كده مش علشان الكرامة والدين ,بل لحب السيطرة ليس اكثر
او ارضاء لنفسه ,فلما تحقق له ذلك انتهي المبديء نفسه من حياته
وللاسف اصبحت هذه العادة الدميمه
الخلط بين العادة والمفروض ان يحدث
---
و المباديء لاتتجزأ
ولكن الناس هم من يتجزؤن
وجزاكم الله كل خير

~*§¦§ Appy §¦§*~ said...

خالد همس الاحباب
=================
يا يا باولو جبت العيب فى الاخر على الست برضه يعنى لازم الشماعه
ماشى يا باولو لما اشوف ام العيال عندك هقولها
وبعدين مالها سواقتى بقى ها انا غلطانه انى بلمكم من زحمه المواصلات هههههههه
نورت يا ابو همس






esraa
========
والله يا اسراء انا فى العادى كده بس لما لقيت زى ما انتى قولتى قولت اتعمد اعملها لما نشوف انا صح ولا بتيجى بالصدفه
لقيتهم مخاليل رسمى
نورتى يا قمر

~*§¦§ Appy §¦§*~ said...

شمس النهار
==========
والله يا شموسه ورجاله كبيرة يمكن بعد العشر سنين اتجننوا اه ليه لا ما فيه رجاله كبيرة بتجرى وتقلد العيال الصغيرة بيكبروا وعقلهم يخف ويعاكسوا كمان ههههههههه
وبعدين انا هقلب ليه علينا الولاد انا قولت فى الاخر انا مش بنقد انا بشوف حاجات وعاوزة اصلحها بس هما يعنى البنات اللى ملايكه هههههههههههههه
نورتى يا شموسه






Abo 7anf
===========
يبقى العوض عليك يا رب
لا متخافش انا بعمل حسابى لا تكلك ولما بلاقيه بيتغاشم ببعد انا واسيبه يزيط مع نفسه واحسسه بالانتصار المزيف ههههههههههههه
نورت يا زملكاوى

~*§¦§ Appy §¦§*~ said...

سارة نجاتى
==========
ايوة الكلام ده صح لازم ياكد بكلمه راجل والله انا لاحظتها كتير مش عارف ليه
عموما لا تكلكى عليا من موضوع الكسر ده لانى مش بعمله دا انت كنت بثبت النظريه وبعدين مش كسر دى غرز بس هههههههههه
فياكين وفيكونات يعنى ولاد وبنات بس بلغه الكوكب





صاحب المضيفه
===========

لا ما هى دى الفكرة انهم فاكرين اننا بنخاف طيب والله ما بخاف ولما بلاقى حد وقف باحترامه بحترمه واللى بيغتت بيبقى يوم منيل على قفاه
عموما عذراك مفيش مشكله منور وحلوة اللى بيتفشخر دى

ana ga3an said...

شوفي
لو انا ماشي بالعربية
وحد عمل معايا اللي انتي بتقولية دة
ست بقي راجل انا مبفهمش
هاطلع وراة
وادخلة في اقرب عمود نور
وكون ان ولا بنت طلعت تجري وراكي لما عملتي معاها كدة
دة علشان حالة الرعب والتبول الا ارادي اللي حصلهم لما عملتي كدة
هو في ست بتعرف تسوق عدل اساسا


اية يا بنتي شغل الخلل دة
احنا لازم نعمل جروب لبطوط
علشان نوديها علي جمعية الرفق بالميكروباظات

كاميليا said...

شقية .. ومش هتبطلى شقاوة خالص

هههههههههههه

وحشتى قلبى

بحبك برضو

~*§¦§ Appy §¦§*~ said...

—¤¤AhMeD.3LaM¤¤—
==================

انت مفهمتش قصدى يا احمد هى المواضيع بتعلى لما تكون بنت اكتر وانا والله اللى يزنق عليه افتح فانوسه عشرين غرزة هههههههه عموما انا محترمه اساسا فى سواقتى
اما عن وتكه فيعنى ايه دى بس الاول علشان اجاوب








micheal
=============
هههههههههه لا تكلك يا ميشو والله انا معبيه من المجتمع كله ومن اللى انت قولت عليه ده
طيب اقولك انا اكتر واحده لما بنت بتعلط فى السواقه بطلع دماغى من الشباك وانكش عليها شعرى واقولها عرتونا الله يحرقكم ههههههههههه
ايه ده انت خلاص عملت الوربيت
طيب يالا ننزل بيه يا ريس انا مستنى وانا اسيحك انت عارف صفر بس وانا هنا
تسلم دماغك يا ميشو بجد

~*§¦§ Appy §¦§*~ said...

نيجار
==========
ليه ومسمعتيش اللى بيقولك هو كل اللى ركب عربيه يتنطط على الناس
ولا اللى يقولك براحه على نفسك شويه لتطقى
يوووووووووووا لما بسافر يا نيجار بسمعها يا بنتى لا تكلكى







مواطن مصرى نايم
=================
ههههههههههههههخخخخخخخخخخ
ايه يا عم الصبى انت عاوز تقوم الجحش برفسه علينا ولا ايه لاااااااااا عيب عليك يا اسلام بقى وانا بقول عليك اخويا عموما هو اخره معايا حبه فول هيسكت
اما عن السواقه انا اول مره اسمع الانحصائيه دى يعنى سيادتى واحده بتقف تشوف الحوادث على السريه وبجحه ولازم تبص مع ان اعصابى بتتعب اى والله بس تعمل ايه لقفله الدماغ العرايشيى بقى
عموما نبقى نعمل فى شنطه المسعافات
برفان او بصله نفوقهم بيها هههههههههه
نورت يا ابنى وهات الاصطباحه بقى

~*§¦§ Appy §¦§*~ said...

nody_1987
==============
اصل انتى مش عارفه انا كنت بكلم اخويا وبقوله عيب متقولش كده لخطيبتك لقيته بيقولى انا راجل وعندى كرامه وفضلت نص ساعه ببخ فيه وهو ساكت يا عينى هههههههههه بس علشان بيحترمنى علشان كلمه راجل دى
والتربيه الغلط هى اللى عملت كده هو عموما لو عقلنا الطرفين هيبقى كويس
نورتى يا قمر







romansy
=========

ههههههههههههههههه والله عارفه ان فيه بس المشكله ان الاغلبيه اللى بقت سيئه بجد
وعموما خلاص المعمل انفجر ومبقاش متحمل اى حاجه تانيه
ميرسى ليك ولنصيحتك

~*§¦§ Appy §¦§*~ said...

مهندس مصرى
===========
بجد يا محمد مش عارفه اقولك ايه
هو انت قريت كلامى الاول وفهمته صح
طيب نقول تانى وانت على فكره مفهمتش حاجه لانى كاتبه فى الاول نظريه بثبتها بقالى فتره يعنى الطبيعى مش ده خالص
والمصيبه انك عارف كويس انا عامله ازاى
حته السواقه انا طبيعى بجرى وانا بسوق فلقيت الموضوع ده فقولت طيب انا هركز فيه يعنى كنت بجرى ومش فى دماغى لما لقيت الناس بستظرف ركزت عليه علشان اعرف انى صح ولا غلط مع انى فى الاول مش قصدى انا بطبعتى بجرى وانا بسوق

تانى حاجه بستفذ الرجاله وقولت برضه بقالى فترة لان كذا حد اتناقش معاه ومنهم اخويا ابص الاقيه بدون اى حاجه والنقاش عادى ممكن يكون انا مش طرف فيه اساسا
يقولك انا راجل وعندى كرامه قمت تعمدت استثير موضوع مش اشتمه يعنى علشان اشوف كام واحد بيقول الكلمه دى يعنى بالاصح ضغط على الدمل
لقيت الكلاكيع ما شاء الله
محمد النبى يا راجل لما تقول لحد عيش على طبيعتك يبقى مش انا قول للمعقدين نفسيا واللى مش فاهمين ولا بيفكروا بدماغهم ويرددوا اى كلام وينفشوا نفسهم يعنى مش انا خالص
وعموما انا عارفهانى قويه اللى يعرف يسد قدامى اهلا وسهلا
يا رب تكون فهمت الكلام وابقى اقرى تانى واقرى الملحوسه اللى فى الاخر








blue-wave
==========
ما هو ده مش صح يا دكتور واللى مترضهوش على نفسك مترضهوش على غيرك
غير كده موضوع السواقه ابقى اقرى ردى على مهندس مصرى
يا جدعان والله قولت بثبت نظريه يعنى مش عايشه فيها طول الوقت انا اساسا ولا فى دماغى اى حد فى الدنيا اصلا

Migo Mishmish said...

اديني جيت علشان ما تترياقيش على كمبيوتري تاني. بصي يا ستي فيما يخص السواقه انا كمان مبحبش سواقه الستات. لانهم بيمشوا بالراحة وتحسي انهم خايفين من الطريق. ماعدا واحده للامانه كانت معايا في الشغل القديم البت ديه بتسوق احسن من سواقين الميكروباصات. هي الوحيدة اللي كنت بحب اركب معاها. وعموماً انا لو سوقت هبقى زيها كدة. واللي خايف على عربيته يوسع
Love,
MishMish

~*§¦§ Appy §¦§*~ said...

ابو اسامه
===========
لاااااااااا كده هعالج ناس كتير اوى بسبب القصه دى انا راجل طيب يا خويا اهدى ههههههههههههههه
نورت وميرسى ليك يا ابو اسامه






محمد ابراهيم
===============
والله ما قولت تزنق انتم بتجيبوا الكلام ده منين بس
هو نفش الريش واخد حقه معاكوا اوى كده بقول بكسر او باخد غرزة وبثبت نظريه لان الطبيعى انى بجرى من غير ما اقصد حاجه بلاقى رجاله كبار وشباب بس من الواضح انهم هايفين بيجروا ويضايقونى وانا مش فى دماغى فتعمدت اعملهاعلشان اشوف بالصدفه دى بتحصل ولا مقصدوة
ويعنى تطبق العربيه وقتل روح علشان استفذك صحيح والله اللى يعيش ياما يشوف فى البلد دى على فكره اغلبيه الحوادث بيبقى سببها اتنين اللى فى سنك والنقل والاتوبيسات

انت فاهم يعنى ايه معنى كرامه وغير كده برضه انت بتتكلم فى حاجه تانيه خالص
والله ابقى اقرى كويس بس الاول
انا بقول البنت بتقول انا عندى كرامه انما الراجل لازم يصحبها بكلمه راجل يعنى بياكد على رجولته يبقى هو شاكك فى رجولته اصلا البنت واثقه فى نفسها اكتر
يا كابتن فهمت ولا موصلتش دى
ومين قال انى بهدم كيان الراجل انت تايهه وبتعلق على بوست تانى طيب قريت البوست كويس طيب والنبى افهمه بس لو مفهمتش ابقى نادى على حد يفهمك قبل ما تقول اى كلام
غير كده فيه ملحوسه انا كتباها تخرم عين ابو الهول انى بحاول اوصل لحل المشاكل
بص انا على فكره علشان انت اول مرة داخل ليه ومش فاهم يا عينى كمان اتكلمت معاك وفهمتك المرة الجايه مش عارفه بجد هرد ازى ارجوك اقرى البوست وافهم وبعدين علق لقيت نفسك مش فاهم متعلقش ومتنفش ريشك عليا
وبعدين معلش كلمه حاجه نسبيه والكلام الانشاء اللى لسه بتكتبوه فى التعبير مينفعش تناقش بيه مشكله جيل وبلد يا تقول كلام واقعى يا بلاش ما احنا عارفين ان فيه وفيه ايه الجديد هو انا لما بكتب عن حاجه بكتب عن الوحش علشان نصلحه ولا انت برضه دى مش فهمتها
ولما انت عارف انى طرحت موضوع ربطته بشخصيتى منين وبتقولى تبقى عدوة الرجل لا اله الا الله
هى ايه النظريات اللى بتتحدف عليا دى
الراجل ده ابويا واخويا وابن عمى وحبيبى يعنى هبقى عدوته ليه فين العداوة دى بزمتك لو هنفترض علىالبوست ده وانت مقرتش ليه قبل كده
مع انك متفق معايا فى البوست اللى فات بتاع انا مش ليلى
يا ابنىاحنا كبرنا على افلام الابيض واسود دى بس عموما لو كان رشدى اباظه وجود دلوقتى وهو يعمل عدوة المراه وانا عدوة الرجل يبقى دويتو هايل ههههههههههههههههه
ابقى اقرى كلامى كويس وافهم والنبى وبقعدين رد
نورت ومفيش مشاكل بس متناقضش نفسك
فى الكلام وتبقى مزدوج انت كمان
نورت يا كابتن

~*§¦§ Appy §¦§*~ said...

mohamed ghalia
================
برافو صح فعلا
بس يا ريت الاتنين يفهوا وينفذوا بقى الا انا زهقت وهقتلهم يا محمد
نورت







مصرى
=====
اسامه افندى عندنا اهلا اهلا
والله يا اسامه الهى اللى تقول حروق المراه وهاله سرحان يجيلها حول فى نن عنيها ولسانها يا رب
انا نفسى بس زى ما قولت فى الاخر اننا نعيش مجتمع واحد سوى كل منا بيحترم النصف الاخر واللى ميحترموش يبقى الهى يتشك فى نصفه اى والله ههههههههههههه
نورت يا ريس

~*§¦§ Appy §¦§*~ said...

tarek momen
===========
لااااااااا كده يا استاذ طارق يعنى ينفع
عموما ربنا يقدرنى واغيرها هههههههههه
نورت وحاضر والله انا بس حبيت اهزر فترة موعدكش انى ابطلها اصله مسليه هههههههههه







—¤¤AhMeD.3LaM¤¤—
================
جبت ايه من عندك يا ابو العريف ما انا قايله ان الاتنين مزدوجين هههههههههههههه
لبستها يا حلو ابقى اقرى كويس وركز الا اذنبك هنا وعليكم حكم بتنظيف الكوكب يالا نفذ الا اعلق على بابه

~*§¦§ Appy §¦§*~ said...

قلم رصاص
===========
هو ده اللى بقوله انهم اساسا المجتمع كله يبقى ليه بقى الشحططه دى
تسلم ونورت






محاسن صابر
=============
يا نونو ما ده اللى بقلوه كفايه بقى نبص لبعض كده كفايه ننفش على بعض ليه منبقاش احنا هادين وكل منا له دوره يعنى والله ما قصدت اعمل النظريه الا لما لاحظتها قمت عملت التجربه ونجحت
هههههههههههههههه
وبعدين لا هو انا ملاحقه على مصاريفها وهى كده يا بنتى لما تتحول لكده لا كفايه شكرا وهديكى لفه وهى كده صغنونه اصلا

~*§¦§ Appy §¦§*~ said...

ana ga3an
===========

كابتن
كابتن
كابتن
ما بلاش انت فى السواقه الله يكرمك بقى
ها ولا نسيح ونقول امممممممم خلى الطابق مستور
وبعدين ليه ما انا بطبيعتى بجرى يا كابتن فاكيد معنديش كل ده
عموما علشان عارفه حاله الهلع اللى عندك من السواقه داخل مصر وعلشان انت السيزر هسكت واكبر دماغى واعديها ههههههههههههه
اما عن بطوط اهو انت شايف بطلعه عليه اول باول
وبعدين انا خلل ايون من عاشر القوم يا سياده اللواء ههههههههههههههههه






كامى فوندامى
===============

ايه ده عروستنا الحلوة الكميله
طيب مش تقول كنا وقفنا بطوط على رجل واحده ههههههههههه
نورتى يا حبيبى ووحشتينى اوى وانا بحبك اوى ربنا يسعدك يا قلبى يا رب

~*§¦§ Appy §¦§*~ said...

Migo Mishmish
===============

ايه ده الست ام ست الدار وست ابوها هنا هههههههههههههه
ايوة انتى اعملى كده بس لما تجيبى النونو بس نورتى والنبى كنتى ارتاحى شويه يا بنتى طلوع الكوكب غلط عليكى كده ههههههه او قولى وانا اجيبه لكى لغايه عندك ههههههههه
نورتى يا جميله خالص

~*§¦§ Appy §¦§*~ said...

الفاتح الجعفرى
===============
ايه ده هما جيران الاقاليم هلت علينا ولا ايه
عنصريه يا فته انت
ماشى يا جعفرى هفوتها لك المرة دى
عموما فعلا هى الناس اللى بتتجزا بس نفسى الناس تبقى واحد تخيل كده ساعتها هيبقى الانسان والعيشه هاديه قد ايه
باين انا بحلم بحاجات غريبه فعلا اممممم ربنا يسهل وافوق
نورت وسلامى لليعقوبى

وومن said...

طب مترجعيش بقي تشتكي من الصداع ومش هاديكي اسبرين

( وش بيطلع لسانه)

بصي يا آبي احسن حاجة فيكي انك بتفكري بصوت عالي صحيح بيسمع ويعمل رجه بس كويس

موضوع السواقة ده مش ليا في انتي عارفة بس فكرتيني بولد زميلي بسوق من وهو عمره 12 سنه دلوقتي هو 30
لما اخد اجازة المصيف رجع مبسوط جدا انه رجه من الساحل الشمالي متسابق مع بنت و قعد يوقولي دي لازم تسوق في رالي بتسوق سواقة بنت الإيه ؟؟؟
وكان مبهور بيها

ده رداً علي اللي بيشتكوا من سواقة البنات

موقف كمان مع سواق تاكسي كنت راكبة معاه وقدامنا ست غشيمة في السواقة خالص لدرجة اني قولت لصاحبتي اللي كانت معايا ليهم حق الرجالة يكرهوا سواقة الستات

رد هو عاليا وقالي المشكلة مش مشكلة مين يسوق المهم تجمدي قلبك ودي شكلها اتعلمت السواقة علي كبر انما لو بنت زيك ساقت في سن صغير هاتبقي عفريتة سواقة

ده رأي سواق التاكسي

موضوع الإذدواجية دة بيخليني اهرش في راسي ودايما ردي جاهز

سوا كان اخويا او اي مشروع خطوبة من مشاريعي الفاشلة

الله هو مش التاخير برة البيت وحش وميصحش ولا هو حلال ساعات وحرام ساعات

حكاية الكرامة دي بتبقي مع الستات بس وغالباً عقدة نقص مع احترامي لجميع الرجالة

تلاقي الواحد من دول في شغلة مطحون ومديرة مضهدة وزمايلة مرمرطينة ويجي قدام الحتة بتاعتة ويعمل عليها الغلبانه إسقاط ويوقلها انا راجل

طب هو حد قال انك حاجة تانية

ههههههههههههههههههههههههه
كفاية بقي كدة رغيت كتير يالهوي

kafrawy said...

ههههههههههههههههههههههه

و الله ما بتفرق معانا الاسماء

ست ولا راجل

و على الدنيا السلنكتيه

SKOBL- Little Lazy Me said...

هو ايه اللي بيجرى .. مطرح ما أروح الاقي الفوزيين مقهورين و متدغدغين- على فكرة الرجالة بقى اسمهم فوزيين من ساعة ما سوووو أعلن حملة كلنا فوزي-لأ بقى ، مافيش حد يجيب سيرة فوزي بسوء و الا حنبطل جواز و تعنسوا - و فوزي في الاذية مؤذي- .. اللي فات ده كان هزار و نيجي ع الجد
بالنسبة للسواقة ، عموما يا ابي الرجالة بيسوقوا احسن ، و اي نعم العلم أثبت كده ، احنا لما درسنا علم نفس كان من ضمنها الذكاء و كان في نظرية بتفسر الذكاء على انه ذكاءات كتير بتختلف عند كا واحد .. و كان مكتوب ان مثلا الرجالة في المنطق و الرياضيات و السواقة أحسن بينما البنات في الديكور- تنسيق الالوان- و حاجات تانية كتير أحسن ، في النهاية كلنا متساويين في الامكانيات عموما بس ، السواقة دي " كارنا مش كاركوا " و انتم عارفين كده كويس ..و بالنسبة للكرامة أنا جه في دماغي تفسير ممكن يكون بيلعب دور .. احنا عرب و زمان ايام السيف و البلطة القبائل كانت بتغير على بعضها مما يستتبعه- حلوة يستتبعه دي- ان القبيلة التانية تثأر لكرامتها عموما .. و كان الرجال هما اللي بيحاربوا بينما يصطف- لأ ده أنا مبدع النهارده -النساء حول هبل و عته و يسألون النصر .. قصدي ان كان ضياع الكرامة بيصيب الكل رجال و نساء ، لكن اللي كان بيثأر هما الرجال ... و يكون في علمك ده صح مش غلط ولا ظلم للمرأة لأن ايامها استرداد الكرامة كان بيتطلب قوة و دي ربنا ميز بيها الرجل ، بينما أكيد في حاجات ربنا ميزكم بيها بس انتم بتنسوها و تبصوا في ايدينا يا طماعين - الحته دي هزار- .. حبيت بس أوضح فكرة جاتلي ، لكن كل الناس رجال و نساءا ليهم كرامة و من حقهم انهم يحافظوا عليها و يصونوها ... في النهاية في حاجات بينالها الرجل و المرأة بالتساوي كونهم بشر ، لكن كل واحد منهم بينال حاجات زيادة عن التاني و أقل منه في حاجات تانية لأن مادام في اختلاف ما ينفعش نلغيه ..و عفوا ، كلنا فوزي

و لك كل التحيات

رئـــــيسـة حزب الأحلام said...

السلام عليكم
وحشانى ياقمر
وعاملة أية ؟
تحياتى لكى وللجميع

الآنسة حنفي said...

هاي عليكي يا ايبي

عندك حق و كلامك كميل خالص خالص

بس هو الكوكب ده حريمي ولا ايه

عسان بس ابقى عارفة من اولها يعني

بيس يا قمر

mayada said...

بصي ياام خرفان هقولك سلوك الشارع المصري لاي بنت بتسوق

الاتوبيسات والميكروباص
يفنجلولها عينيهم ويبحلقوا كانها مخلوق فضائي
بحس اني عيون البشر دي كلها لازقه علي قفايا(وعاوزه اعلق يافطه متبصليش بعين رضيه بص للي دفعه ابويا فيا)
وغالبا سواق المكروباظ بيقل ادبه
التا كسيات
يزنق عليها
ويلقي بعض التعليقات زي
حاسبي لتخربشيها
لما مبتعرفيش تسوقي قرفنا ليه (حوش ياعم السويق)
الملاكي
يعكسوها
يزنقوا عليها
يحليها تعمل حادثه لان سايب الطريق
وعربيته وتقريبا والله اعلم بيكون قاعد معايا في العربيه

اللي بعده
الراجل اللي يقلك الايام دي
انا عندي كرامه
قليله عفوا سيدي ولكن معلوماتي بتقول ان وش القفص اتباع من فتره لاباس بها هههههههههههه
اللي بعده
الازدواجيه بتاعه تفكير الراجل
دي يااختشي زي النوبايل الايام ميقدرش يستغني عنه كل راجل رلازم يمشي وازدواجيته في ايده حتي تلاقيها في حاجات بسيطه

لما هو يحط مناخير ويحشرها في كل حاجه تخصك يبقي اسماها حب زياده وغيره وفلفل وكمون

انتي تحطي مناخيرك في كل حاجه تخصه (عشان تحبيه برضه )يبقي اسمها خنقاه وقرفاه ومنكده علي امه عيشتها

وهكذا دواليك كيل كيك
سلام ياام خرفان

Gannah said...

هههههههههههه
ضحكتينى يا آبى بجد
بصراحة الرجالة المصريين ليهم حاجات تفرس
يعنى يخلى مراته او اخته تعمل مشاوير المفروض انها من اختصاصه وساعتها يقول ماهى الشوارع مليانه ناس والمكان ونس ولا يهمك
ويكون هو قاعد فى البيت بيتفرج على ماتش ولا ع النت
الموضوع انهم بقوا رجالة بمزاجهم لما يحبوا
ولا عزاء للبنات
تحياتى

جمعاوي said...

السلام عليكم آبى هانم
طبعا وقفة حضرتك فى المعمل طول النهار علشان تطلعيلنا حضرتك الشغل الجامد ده على عنينا وعلى راسنا
وبجد نظريات حضرتك فى مجملها ترفع واقع خاصة انها مبنية على تجارب وافعل حدثت فعلا ...وطبعا بالنسبة لللمفاهيم اللى وضحتيها فانا عندى تعليق على حوار ازدواجية التعامل فى التوصية بعدم الخروج او التاخر

هو للاس فالبعض يحلل لنفسه ما لا يحلله لغيره بس أظن لو هو بيخاف عليها فعلا يبقى الازدواجية دى مش هتبقى واضحة بالشكل ده

دمتى لنا بخير ويلا سلام

خواطر ليست عابرة said...

أنا راجل ياست الكل وفعلا نأحت علي كرامتي لما اتكلمتي عن الرجالة
مع ان كلامك منطقي
بس دي طبيعة فينا
هنعمل ايه
تحياتي

سومه...مجنونه فى بلد عاقل said...

شوفى انت علاجك عند خالتك ام سومه واحد ايكا شتاين يخليكى مدام ايبى شتاين يمشيكى ع العجين متلخبطيهوش وساعتها حتعرفى الست عندها كرامه زى الراجل ولا بتداس فى الرجلين :))
ولو سمحتى شوفيلى اخوه بالمره عشان انا غاويه بعزقه هههههههه
بصى يا ايبايتى البنت فى بلدنا تربى كانها جاريه يعنى المفروض كل شىء الراجل يعمله هى متعملوش حتى لو الشىء دا كويس يعنى الراجل عنده كرمه الست بقى ميبقاش عندها
الراجل ممكن يظلم الست بقى المفروض بالدزمه الراجل يمشى مع ميت بنت بس البت اياك تكلم زميلها فى الكليه لو حتى باحترام
الراجل يتعلم احسن تعليم الست مسيرها لبيتها الراجل ابوه يجيبله شقه وجاز وكله الست جوزها يجيبلها ولو معهوش تعنس بقى عادى
وهكذا يا ابلتى
بس مع الاسف بعد كل كلامنا دا عاوزين فوزى او حنفى او برعى او حتى عبد الجبار وعشماوى منقدرش نستغنى عنهم ولا عن جيل الزئارد اللى مستنينا عشان يربنا مش نربيه

WhItE HeArT said...

طبعا انا علقت قبل التعليق ده واداني ايرور ومسح التعليق وانا مش هعيد كل اللي كتبته علشان كنت كاتب مطولة ابن خلدون من شوية


المهم

اني كنت بقول لك ان حكاية الراجل يعمل حاجة متعملهاش الست والتفكير ده اللي فعلا كتير مابيداهم بعض الرجال معلش الرجاله دول سوري معتقدش عندهم وعي ثقافي تماما وبعدين لو انا بتكلم مع حد بيهين كرامتي مش هقول له انا كرامتي اتهانت ولا حتى هقول له انا راجل مينفعش تهين كرامتي لا هاخدها من قاصرها وامشي ايه اللي يخليني اكمل كلام مع واحد قليل الذوق دي حاجة

بعدين موضوع الولد والبنت ده بيفكرني باغنية البنت زي الولد اللي كنا بنغيظ بعض بيها زمان واحنا اطفال في المدارس لكن نقدر نقول الراجل والست متساويين في كل حاجة بس ده ليه حقوق وعليه واجبات غير التاني

اما ردي على الموضوع التاني يمكن مخدتيش بالك منه لكن ممكن اشرحه

اللي عايز اقوله ان اللي حصل ده انا فرحان له جدا لإنه درس وعبره لباقيين لكن بيجي في مخيلتي الشعب المصري واغلب الناس دول اساسا مش واعيين الصح من الغلط مهما حصل قدامه هيستمر

الشيء ده اللي يخلي الواحد يخاف على اخته انها تنزل في اي مكان حتى لو الصبح الهمجية اللي عند شبابنا

واللي يخلي الانسان مش قادر ياخد خطيبته في مكان فيه تجمعات بشريه لإنه بدل ماينبسط معاها هيقعد شايل علشانها الهم


العقوبة 3 سنين مش كفاية في انسان عقله ميتفرقش عن سوري في اللفظ الحيوان في حاجة

لكن زي ماقلت علم في المتبلم يصبح ناسي وانتي زودتي عليه واخبط راسك في الحيط لو مش عاجبك

تحياتي

محمد ابراهيم said...

أولا
أحييك علي أسلوبك في الحوار بجد مفيش احسن من كدة
نيجي بقي للكلام الجد

بانسبة لردك علي النظرية الأولي
انا مليش دعوة يا ستي تعملي غرزة أو حتي خمساية
كل واحد و مهاراته بقي
بس الي انا بتكلم فيه
حتة التعمد نفسها
لما انتي عارفة انها ممكن تكون حاجة مستفزة علي الطريق
ليه تعمليها أساسا و تعرضي نفسك للخطر ؟
و لا هي لما بتطلب معاكي اثبات نظرية
بيبقي يلا السلام ؟
و بالنسبة لتطبيق العربية او القتل لا قدر الله
انا بضرب مثال بنفسي
انا مثلا عصبي جدا بس مش من اول مرة
لو مرة و السلام ماشي
انما الاصرار علي الاستفزاز ده الي بيجيب معايا نتائج غير محمودة
الغرض الي انا كنت عاوز اوصلهولك
انه مش كل الناس زي بعضها في حتة التحكم في الاعصاب
ممكن واحد يستعرض هو كمان و ممكن واحد يدمر عربية المستفز
يا عالم
كل تعليقي في الحتة دي علي التعمد نفسه
و زيما بتقولي اقرأ الموضوع كويس
انا كمان بقولك اقرأي ردي كويس

بالنسبة لردك علي حتة الكرامة
انا فاهم يعني ايه كرامة كويس و متأكد اني مش برد علي الموضوع الغلط و قرأت الموضوع اكتر من مرة كمان و عارف الموضوع بيتكلم عن ايه
و انتي قلتي في الموضوع ( الرجالة الي حواليا )
حتة الكرامة لما بتذكر كل واحد بيقولها بطريقته
و مش عشان بيقول انا راجل يبقي شاكك في كيانه او شاكك في رجولته
و هو مش ذنبه انه البنت مش بتقول انا بنت و عندي كرامة

هو ده رأيي الشخصي الغير ملزم لأي حد بالاقتناع بيه
و علي فكرة احنا مش في الملعب هنا
اعتقد اننا في مدونة ( بالنسبة لكلمة كابتن )

بالنسبة لردك علي النظرية التالتة
كلمة النسبية مش كلمة انشاء
و علي فكرة انا مش بتاع انشاء
انا بتكلم عن واقع
صوابع اليد مش زي بعضها
ده كل الي انا كنت عاوز اقوله
انه مش معني انك يفتي أو سمعتي أو حتي تخيلتي انه في نموذج زي الاخ الي بتتكلمي عليه
مش معناها انها صفة في الجيل كله
و برضه زيما قلت دي حاجة بتقف علي الاتنين
و بفرض انه الولد حابب يتأخر مع خطيبته او ايا كانت الي واقف معاها
طب هي ليه متقولش لأ ؟
الحكاية دي مرتبطة بالطرفين مش عشان بتحصل نقوم نلزقها في الولد و نقول اتفرجوا علي الولاد بيعملوا ايه
و انا عن نفسي عمري معمل حاجة زي الي قلتي عليها في النظرية التالتة و الحمد لله
يعني الحكاية نسبية من واحد للتاني
و برضه اقرأي كلامي كويس قبل متردي عليه

بالنسبة لحكاية هدم كيان الرجل
هو انتي مش شايفة طريقة سرد الموضوع الساخرة ؟
لو انتي مش شايفة ريحة السخرية في الموضوع انا شايفها أوي
و علي فكرة حل المواضيع مش بالسخرية بل بالنقاش الهادئ
و غير ده كله
ابو الهول في الجيزة مش ادام الكمبيوتر

و اتفاقي معاكي في البوست الي فات لاني لقيت الكلام كويس
و عارف انه الراجل في الحتة دي بالذات بيكون غلطان أشد الغلط
عشان كدة كلامك كان كويس بالنسبة ليا
و علي فكرة انا رديت هنا الاول بعدين شفت البوست التاني

و حكاية عدوة الرجل دي
انا اسف عليها يا ستي لو كانت ضايقتك و لا حاجة و اسف جدا علي انتقادي للشخصية
بس افتكر انك انتقدتي الرجل بما فيه الكفاية
و حاجة تانية كمان
انا مش بنفش ريشي خالص
و الا كان كل من بيقول رأيه في حاجة يبقي بينفش ريشه
بس علي فكرة انا قرات التدوينة يمكن مرتين او 3 مرات و بجد هو ده رأيي في البوست يمكن انتي مش شايفاه صح بس هو ده رأيي

و متشكر جدا جدا علي حسن الاستقبال و
حسن الرد

و حسيت بجد اني في مدونتي
و ياريت تشرفيني و تشوفي اول تدوينة عملتها و ان شاء الله تعجبك
و المدونة منورة باهلها
و السلام عليكم و رحمة الله و بركاته

تحياتي
محمد

رندا said...

ههههههههه
مجرم كبيرهههههه

عارفة فى بنات فعلا السواقة عندهم احسن من ميت راجل ودة بشهادة الرجالة نفسهم يعنى لما بيشوفوا واحدة بتسوف كويس اوى بيقولو فى
ازبهلال وكانهم مش مصدقين هى دى ست

اما بقى بالنسبة للكرامة لا
مش كلة يعنى الراجل لو عندة احترام
للطرف الاخر بيعرف ان ليها كراما طبعا
والى خاطب ولا متجوز طبيعى يخاف زى ماقلتى بس لو فعلا عندة دم يخاف على خطيبتة او مراتة كمان

سيبك انتى من كل دة اصطلاحاتك تجنن هههه

كل الحب

رندا

رندا said...

نسيت اقولك

حلو اوى اسم ام حلموس فى فهم النفوس هههههههههههه
اسم يجنن

mony said...

بالنسبة للسواقة

انا شخصيا بأستفذ من كتير من الستات اللي بتسوق

بجد و الله

اه في رجالة انيل منهم

بس القاعده اللي انا شفتها ان رجالة كتير بتعرف تسوق و اقلية منهم مابيعرفش

انما لو اتكلمنا علي الستات

هنقلب القاعدة

ان ستات كتير مابتعرفش تمشي بالعربية في الشارع كويس قلييل اوي اللي بتعرف



اما باقي الاجزاء في البوست فأنا متفقة معاكي فيها

بس ده نتيجة تربية يا جميل

~*§¦§ Appy §¦§*~ said...

وومن
=======
ههههههههههه حلوة ممرمطينه دى متخيله شكله بس عارفه فيه فعلا بنات بتغيظ فيه يعنى بتيجى على نفسها اوى وتسكت كمان انا مبقولش نتخانق بس نتناقش ويبقى كل واحد عارف ان اللى قدامه له ليمت بس
نورتى يا كميله الا والنبى بيرسول فى ايديك المره الجايه وانت جايه للى بالى بالك هههههههههه





كفراوى
==========
يعيش تكبير الدماغ يا ريس

الشنكوتي الكبير said...

يا اختشي ازيك كده

عامله ايه الأول
بصي بقى سعادتك لما بتلعبي مع الناس في الشارع بعربيتك وقال ايه بتختبري نظرياتك ده اكبر دليل على ان الستات مينفعش يسوقوا لأنك سايبه الطريق وبتلعبي علشان نظريه في دماغك عايزه تثبتيها صح
ثانيا بقى انا عن نفسي ومن تجارب كتير لاحظت ان السواقات الستات نوعين اتنين مالهومش تالت
واحده حريفة سواقه وقلبها ميت ودول مفتريين في سواقتهم ولو جيت قدامها بعدي الشارع بتهبرني على طول بالأكصدام بتاعها
التانيه بقى رايقه وسايقه على مهلها لدرجة بتشل كل الناس اللي سايقين وراها وتاخد حارتين من باب الأمان يعني والنتيجه ان الكل بيتخانق معاها
هاتيلي واحده بتسوق وسط وبالعقل كده مفيش

نيجي بقى لحتة انا راجل وعندي كرامه
انا مش متأكد من تأكيد الناس على حتة انا راجل دي مسمعتهاش قبل كده عادي يعني بنتكلم على الكرامه اه جايز انتي شفتي حد كده ده محتمل برده يا بطوطه بس مش الكل يعني ده غير بقى ان الستات برده ساعات بتتفشخر بأنوثتها ولا هو ليكم انتم فرحتكم بانوثتكم واحنا منفرحش برجولتنا
الا اذا كانت غيره بقى ومش عايزينا نتنطط عليكم
هههههههههههه

ايه تاني استني افتكر

ايوه حكاية الذدواجيه
احب اقولك اني فضلت طول عمري بأعترض عليها وباتخانق مع الناس بسبب النقطه دي وفي الأخر لقيت انا نفسي برده بقع فيها
وبعترف فعلا اننا بنعاني كلنا في بلادنا من الموضوع ده بصوره سخيفه
لو كان الموضوع في مصلحتنا ماشي انما في مصلحه تانيه لأ
لكن خدي بالك مش الرجاله بس اللي بتعمل كده الستات كمان بتعمل كده وبصوره افزع بكتير يعني حتى الغلطه اللي بنعترف بيها متقدريش تنكري اننا مشتركين فيها

يعني الخلاصه يا دكتوره بتنجانه اننا كلنا بشر رجل وست لينا مشاعر وهفوات
لينا نقط حلوه ونقط سيئه هي دي طبائع البشر وهنفضل طول الدهر كده كل واحد شايف الأمور من الناحية بتاعته
زي ما نكون صورتين في مرايه بس اللي شمال عندنا هو يمين عندكم وبالعكس والحل اننا كلنا نقدر وجهة النظر المعاكسه

سلاااااااااااااااااااااام يا شقيه
اخوكي ايهاب

~*§¦§ Appy §¦§*~ said...

SKOBL- Little Lazy Me
=======================
هرد على كلمه بس فى العريضه دى ههههههههههههه
فى الحروب زمان النساء كانوا بيساعدوا الجرحىمش بيقعدوا فى البيوت وافتكر دور ذات النطاقين
ما هو مش هنقعد نعد بقى
وعموما بلاش زمان خلينا دلوقتى الست اتغيرت فى حاجات كتير يعنى احتكاكها بالمجتمع بقى اقوى وبقت تقدر تكون اذكى ملحوسه على جنب كنت بشتغل فى شركه مقاولات وماسكه حوالى 10مواقع بالعمال اللى فيهم وكله كان بيسمع كلامى انا مش مهندسه ولا حاجه بس عارفه ادي راللى حوليه ازاى السواقه نسبيه فيه رجاله بتشل وستات شلل رباعى النهارده لسه بصه لواحد حته بصه حسيت انه هيموت لانه للحظه وقف يفكر يعدى ولا لا بالعربيه وبالطبيعى كان هيلبسنى انا واللى ورايا فيه سواق التاكسى قاله فكر يا جدع شغلوا مخكوا شويه
القصه قصه قلب جامد وسرعه بديهه ودى عند كتير صدقنى
نورت يا سكوبل بجد ومبسطوه انك رجعت تانى







رئيسه حزب الاحلام
================
اهلا يا سلوى حمدالله على السلامه

الشنكوتي الكبير said...

هو انا كل لما اجي هنا اعلق الاقيكي بتعلقي قصادي يا بنت
طب ازيك كده بقى بالمره

~*§¦§ Appy §¦§*~ said...

الانسه حنفى
=============
لا يا كتكوته دة مختلط يعنى من ده على ده لو انتى من محافظه تانيه بلاش تتخلى هههههههههههههههه
نورتى الكوكب





mayada
=========
وجووووووون وجووووون بنات المنصورة بتجيب اهداف من الاخر يا جدعان والله
تعيش مادى حره مستكله عجبتنى بتاعت وش القفص دى جامده بجد

~*§¦§ Appy §¦§*~ said...

Gannah
=========
وليه مش نعزيهم احنا نعمل عزاء كبير فى الصحرا
بس على فكره انا بحمل الست جزء من المسئوليه فى ده لانها بتبقى غلطانه
نورتى يا جنه





جمعاوي
========
ايوه كده احب الناس اللى تقدر البتنجان ههههههههههههه
ومتفقه معاك يا ريس مقدرش اقول لا
نورتنا خالص

~*§¦§ Appy §¦§*~ said...

خواطر ليست عابرة
=================
طيب يا استاذنا لماتبقى طبيعه غلط ليه منغيرهاش ليه منقربش وجهات النظر مع الطرفين لحل مشاكل الامه
عموما هما بس الرجاله العرب اللى كده
نورت وسعيده بوجودك






سومه...مجنونه فى بلد عاقل
=======================
انتى خرجتى من العباسيه تانى كل ما احبسك الاقيكى طالعه تنطى فى قفايا اعمل ايه بس
طيب احنا اتربينا غلط يبقى عندنا عقل واعى اننا نصلح ولا ايه
قولى لما الطعميه وحشتنى هههههههههههههه

~*§¦§ Appy §¦§*~ said...

WhItE HeArT
===========
كده فمت مقدمه ابن خالدون يا راجل انا بقالى سنه مش عارفه افهمها وانت شرحتها ليه فى لحظه
تسلم يا كابتن على الكلمتين يا رب بس كلنا نعرف نتغير للاحسن فعلا
نورت يا ابو قلب ابيض








محمد ابراهيم
===========

كلمه واحد بس او اتنين
انا فى مدونتى او كوكبى اقول كابتن اقول ريس اقول اى لقب يعنى انا حره طالما مش بهينك يبقى خلاص ولا كلمه كابتن خصصوها وبقت شتيمه
حاجه كمان انا اسلوبى ساخر مش بسخر من حد انما بكتب باسلوب لايت زى يوسف معاطى واحمد رجب اه انا مجيش شعره فيهم بس عموما بحاول ففرق وانا رديت عليك مرة برضه وانت مفهمتش وعدت نفس الكلام وقولت برضه انا بحط ايدى على مشاكل وسلبيات نغيرها مش عجبك انت حر متغيرش البنادول غلى وانا مش ناقصه
اخيرا وعليكم السلام ورحمه الله وبركاته

~*§¦§ Appy §¦§*~ said...

رندا
=========
حبيبتى احنا متفقين فى الاساسيات دى بس فى الزمن ده اللى انتى اتكلمتى عنهم قلوا اوى اوى
والاغلبيه المنيله هى اللى ظهرت وتيجى تكلمى حد يقولك هو كده انا اتربيت كده من غير ما يفكر يغير نفسه
وبعدين انت تامر فى الاصطلاحات ابعت لكى كراسه مليانه اقعد اكتبها لكى وانا فاضيه
نورتى يا قمر







mony
========
وبيغيظونى انا كمان يا مونى انا بتكلم عن فكره انه لما يشوف ست يغلس عليها ويضايقها ما تسيبوها متنيله
واللى بيغيظ اكتر ان لما تكون واحده بتسوق كويس يبقى عاوز يلبسها فى اى حاجه والسلام
وعلى فكره فيه بنات كتير مجانين وبتسوق احسن
نورتى يا حبيبى

~*§¦§ Appy §¦§*~ said...

الشنكوتى
==========
وانا اقول المدونه مالها تقلت كده اتاريك قاعد هنا جنبى
عموما يا ايهاب انا مقتنعه بالللى انت بتقوله
بس ميكونش الغلطات دى فرذ على المجتمع طالما غلطات تتصلح
اما عم الوسط اها والله
خالتى بتسوق بعقل جدا وبتشلنى هههههههههههههه
هبقى اخليك تشوفها وهى بتسوق
صباح الفل يا ايهاب ومنورنى يا فلاح ههههههههههههه

klmat said...

ابى وحشتينى اوى
انتى اجدع من ايكاشتين 100 مره وربنا
ينور بصيرتنا جميعاوخذى بالك من نفسك
وبلاش تكسرى على حد :)

محمد فوزي said...

سلامو عليكم آبي هانم

اولا اعبر عن اعجابي بالبوست الجميل وده مش غريب عليكي بس المره دي النقاش ده فعلا هيساعد الولاد والبنات انهم يفهموا نفسيات بعض عشان متضيعش اوقات كتير في خلافات صغيره

ثانيا هرد كده في المجمل مش نقطه نقطه , عاوز اقول انه بغض النظر عن هيافة المحموقين من انك بتسبقيهم في الطريق الا انه فعلا طبائع الرجال النفسيه وما يعتمد عليه طريقة التعامل معهم تختلف عن طبائع النساء , وده مش غريب ولا ضد التقدم والحضاره بالعكس ده كتاب الغرب هما اكتر من تكلم عن الفروق النفسيه والمزاجيه بين الرجل والمرأه , وبالتالي

ايه العيب انه زي ما الست بتطلب من الراجل انه يعاملها برقه ورومانسيه وحرص شديد ورفق , وانها دايما تبقى بؤرة اهتمامه ومحور حياته , وعلى فكره ده واجب الراجل فعلا مش تفضل منه فالرسول بيقول للرجال عن النساء ( رفقا بالقوارير (
فايه المشكله انه بالمقابل الست تحسس الراجل انه موقر ومقدر وله مكانته واحترامه , وانه عند لحظات الخلاف بينهم ممكن تتنازل شويه من اجله خصوصا اذا كان هو مش من اللي بيسيء استغلال هذه المواقف

وعلى فكره المساواه الكامله والنديه الكامله في التعامل لو اتطبقت اول من سيشتكي منها هيكون النساء لانه ساعتها مفيش راجل هيتأخر لست عشان يعديها او يقفلها في المواصلات او يحاول سياعدها في اي ازمه بتحتاج لمجهود عضلي وهكذا وكل ده على سبيل المثال

والمسأله بسيطه الرجال يعاملون النساء بكثير من الرقه والود والتعاطف ويطلبون في المقابل شيء من الضحك على الدقون !! صعبه دي ؟

بالنسبه لموضوع الراجل اللي بيطلب من خطيبته انها متنزلش متاخر لكن معاه بيقبل فده ممكن يكون تفسيره انه بيخاف عليها وهي بعيد لكن بيحس انه وهو معاها بيوفر لها الحمايه والامان

واهم حاجه طبعا الثقه والاحترام المتبادل بين الطرفين

معلش طولت انا بس انا كده خلصت ومستعد لاستقبال القلل

تحياتي

~*§¦§ Appy §¦§*~ said...

كلمات
=========
انتى كمان والله وحشتينى ومبسوطه انك نورتى الدنيا تانى










محمد فوزى
===========
يا دى الهنا انت جيت يا دكتور طيب كنت تعالا بدرى وانا متنرفزة انا ما صدقت هديت ههههههههههههههه
بص يا دكتور موضوع ضحك على الدقون والتنازل طيب ما يتنازل هو ايه المشكله هو لما الرسول قال رفقا بالقوارير مش على كله ولا بتطبق فى اوقات واوقات لا
غير كده ميبقاش مستفز ويجى يتكلم بقى ما ممكن هو اللى بيوصل لكده
اما عن الخروج فمعلش هو يعنى جيرانها فين ماتوا انتقلوا للرفيق الاعلى الناس فين اهلها فين
وبعدين ما هو ممكن يطلب منها تروح تقابله فى مكان بعيد يقى ايه الحل يعنى
اللى ميرضاش حاجه لاخته ميرضهاش لخطيبته ولا مراته يا دكتور
وعموما رفقا بحالتك مش هضربك بقله هكتفى بتعليقك على باب الكوكب هههههههههه

Zika said...

ايه يا أبي مال بوستاتك بقت شامله كاملع متكامله كده ليه
عموما
بالنسبه للنظرية الاولانيه بتاعة السواقه
انا ببقي اخر واحد في الطريق عشان كده ماليش دعوه بالنقاشات دي
وماببصش جمبي اصلا اشوف اللي راكب عربية ده راجل ولا ست
وفي كلتا الحالتين انا في الشارع تقدري تقولي عليا غلبان
لا بهش ولا بنش ولا بشد ولا اي حاجه
مسالم جدا عالطريق
اه والله
..................
وبالنسبه لحكاية الكرامه دي
انا مش بقول كده انا برد بالطريقه كده
بحيث اعوج الموضوع والغلط والشتيمه والتهزيا علي اللي بيكلمني وبارضه سواء راجل او ست مش هتفرق
..............
وبالنسبه للشيزوفرانيه اللي موجوده عند بعض الرجاله اللي انتي بتقولي عليها
فاحب اقولك ان هو بيطمن بس بيشوف هي كده مع كل الناس ولا معاه هو بس
فاهمه ؟
يعني هو مثلا يقولها ماتخرجيش
ولما يعوزها تخرج معاه يقولها ماشي
عشان يعرف هي بتسمع كلامه ولا لأ
وده غلط
اللي ماترضاهوش علي نفسك ماترضهوش علي غيرك
وتلاقيه مثلا بيبقي عايز صاحبته او خطيبته تنزل تقابله في وقت متاخر ولما اخته تيجي تنزل تروح في حته متاخره يقولها لأ
ودي سيكولوجيه متخلفه في بعض البني ادمين الرجاله مش كلهم
وبعدين انا عايز اسالك سؤال
هو ليه كل امثلتك عن الفياكين كده لا مؤاخذه هو مفيش مثال عدل ربنا يكرمك وتقوليلنا عليه
ياللا المره الجايه عايزين نسمع مثال كويس
تحياتي يا أبي

محمد ابراهيم said...

عموما اختلاف الرأي لا يفسد للود قضية
مع انه كلامي اختلف كتير عن المرة الي قبلها
بس مفيش مشاكل
و بالنسبة لكلمة كابتن هي مش شتيمة
بس كانت غريبة شوية
عموما
دمتي بخير و ود
تحياتي
محمد

ابو بدر الدين said...

كلام معقول برده
هههههههههه
يلا هنستحمل وخلاص

DR.HAMAS said...

نظرية مش بطالة

بس مش هجاوب

عشان كرامتى متسمحش

أنا راجل

و عندى كرامة

ههههههه

شكرا للنظريات العبقرية

و أنا متفق معاكى فى النظريات دى

هو احنا اتربينا على بعض الثقافات

و منها ما هو خطأ فعلا



جزاكم الله خيرا


د.حماس

حسن حنفى said...

والله النهارده فيه ولد عاكس بنت في الشارع البنت ضربته وفضلت تشم فيه وهزقته

:d

شكلها مش كان ليلي خالص

:)

سومه...مجنونه فى بلد عاقل said...

ياخوفى المره الجايه نتحط احنا فى الخلاط:)) بدل الفول

جنّي said...

الموضوع وما فيه ان سي السيد شخصية من صنع الست نفسها .. بمعنى انها هي التي اخترعتهاوأخرجتها وطبقتها ..
وهو عاش الدور لأنه لم يجد من تكسر عليه في الطريق بعربيتها ..

والخلاصة ان الحل عندكن في تحطيم هذه الشخصية التي صنعتها المرأة ..

شكرا وتحيتي

الربان said...

تحياتي

في رأيي اننا يجب ان نفصل بين الذكورة و الانوثة...و الانسان.

الانسان هو الرجل و المرأة ...هو الطفل
و الهرم و الشيخ...هو الوليد...

و يجب حفظ الكرامة الانسانية للانسان..بصرف النظر عن الجنس ( ذكر او أنثي ) و العمر ( صغير او كبير)...
الكرتمة الانسانية للجميع يجب ان تحترم
و يجب ان تصان من الجميع.

بالنسبة لموضوع التأخير ..قبل وبعد الزواج....في رأيي ان من يحب يخاف علي المحبوب...حتي قبل الارتباط الرسمي فينأ ان يلتقي بمن يحب بعيدا او لوقت متأخر
بل دائما ما تكون مصلحة المحبوبة هي الفيصل...و أمنها..الاساس..هذا في رأيي مفهوم الحب الصادق.
و الرجولة الحقيقية ان اقوم بكل عمل استطيع ان أؤديه كزوج واب مسؤول وراع
لاسرة....

بالنسبة لموضوع القيادة للسيارة...اري
ان بعض الرجال بيعطوا افضلية او اولوية للنساء...يعني احيانا اري موقف
او باركنج للسيارة و يكون هو الوحيد
الشاغر...و اري فتاه من الجهة المقابلة
تقود سيارتها...ترغب في نفس الباركنج
فأتنحي عن الوقوف بالباركنج...اكراما لها و ارضاء لله
و هناك الكثير من الرجال ممن لا يلقوا بال الي منافسة المرأة اثناء القيادة علي الطريق...اللهم الا القليل .

اشكرك لانك أثرتي هذه المفاهيم الخاطئة
و التي تتطلب تصحيح...

لك مني خالص التحية و التقدير.

عمرو said...

يا جماعه نعمل أيه فى المصيبه دى اللى طالت حياة آلاف المصريين
http://habashtkanat.blogspot.com/2008/10/2008.html

~*§¦§ Appy §¦§*~ said...

زيكس
==========
انت تؤمر عنيه يا ابو قلب اطفال انت هدور لك على حاجات وهكتبها






ابو بدر الدين
===============
انت الكبير بقى يا ابو بدر معلش اخواتك وبيغلطوا ههههه
نورت الكوكب

~*§¦§ Appy §¦§*~ said...

د/ حماس
=========
اهلا يا دكتور امال انت عاوز تعترض ولا ايه انا معنديش القصه دى اعتراض وبتاع وكلام من ده عيب عليك
هههههههه
نورت يا دكتور






حسن حنفى
=============
لو هو غلطان يستاهل وانت كنت بتتفر وبتشجع اللعبه الحلوه ههههههههههههه

~*§¦§ Appy §¦§*~ said...

سومه المجنونه
=============
لو من ايدين الست الوالده موافقه يا بنتى انا اطول






جنى
========
ايوه واهو احنا بنصلح بقى بس يا ريت نساعد بعض
وصحيح الست امينه تستاهل اللى جرى وهيجرى لها

~*§¦§ Appy §¦§*~ said...

الربان
============
اهلا اهلا يا بشمهندس والله انا فاكره زمان بابا قالى السواقه ذوق واخلاق على فكره انا كتير بكون بعدي فى تقاطع وبقف للناس تعدى الاول وده مش عيب ده ادب واحترام بس مش كل الناس بتطبق زى حد الاحترام ولا الادب
لدرجه مره وقفت لسواق ميكرباص ملتحى بص ليه وابتسم كده وحسيت انه مش مصدق ان بنت تقف علشان تعديه الاول
عموما هو فى المجتمع فيه وفيه ونفسى الوحش يتغير
نورت يا استاذنا