رسالة إلى من لا اعرفه



هذه الرسالة إلى كل من ظلم إنسان سواء من سُلطه أو في حياته الشخصية وكل من يعتقد انه لا يوجد من هو اقوي منه ويتعالى على البشر ويعايرهم بفقرهم أو حياتهم البسيطة ويعتقد انه أكثر منهم وضعا اجتماعيا.

أسألك بكل ود هل لديك أبناء أو عندما سيصبح لك؟

هل قلبك وعقلك يتألم عندما تراهم يتألمون من ابسط شئ؟

استحلفك بالله هل تتألم؟

استحلفك بكل اسم لله عز وجل هل ترضى عن نفسك؟

هل ترضى بهتك عرض ابنك أو ابنتك؟

هل ستعاقبهم اشد العقاب عندما يعترضون على قراراتك الظالمة؟ أيكون الرد أن تعاقبها بآدميتها؟

هل تستطيع أن تسمع صراخها وتقفل أذنيك؟ حتى لو أخطئوا في التصرف؟

إذن يا سيد نفسك كيف تقبل هذا علينا

وأنت يا من تقول انك عبد المأمور وليس هناك أقوى ولا اعز من الله سبحانه وتعالى أن تكون له عبدا ومأمورا.

كيف تصلى وتقف بين يديه وأنت مخطأ في حق كل من حولك؟

كيف تنام وتغمض لك عينا وهناك آلاف لا ينامون من الدموع وخشيه الله وعقابه؟

كيف ستقف بين يديه يوم لا ينفع مال ولا جاه ولا سلطان ولا ولد ؟

أنت تعلم أن دم المسلم على المسلم حرام وماله وعرضه...كيف تعيش وأنت تعلم أن كل ما في بيتك حرام لأنه من دمائنا ودماء أخواتنا وآبائنا؟

هل يكفيك ما تأخذه من مال اعلم انه لا يكفيك مهما أن كان حجمه كبير

أسال نفسك ماذا ستفعل

عندما ستترك الٌسلطة

عندما يأكل المرض جسدك ولا ينفعك مال ولا كرسي سابق

ماذا ستفعل عندما تقف بين يدي الله وتندم ..أهنئك يا سيد نفسك فلا شئ وقتها يرجعك لتصحيح أخطائك

اعلم انك تراني وتعرفني وانأ لا أراك ولكن جاوب على كل من هم مثلك بشر ولا يفرقون شئ عنك سوى أنهم شعروا بآلام غيرهم .

كان معكم رئيس جهاز مباحث امن الكوكب آبى هانم

131 اخبط وقول رايك:

واحد من البلد دى said...

والله يا آبى..سيدنا عمر بن الخطاب..رضى الله عنه وأرضاه..قال..(حاسبوا أنفسكم قبل أن تحاسبوا)..وسؤالى الآن..كم شخصا نعرفه ينفذ هذا القول؟؟؟؟؟...حركتى فينا مشاعرا أوشكت على الخمول...دمتى يقظة الضمير

DoctorAllam said...

من يسمع ويعقل هذا الكلام في هذا الزمان
من أرضى الله ، أرضى الله عليه العباد
ومن أغضب الله ، أغضب الله عليه العباد
أسأل الله لي وإياكم التثبت وأن يأخذنا الله من هذه الدنيا على خير حال

Desert cat said...

هع انا بسبب اللى قولتيه ده كله
كنت هبيت امبارح فى قسم الشرطة يا آبى
لكن ربنا ستر
تحياتى

بنت الاسلام said...

تذكرت قول الله عزوجل

يوم تجد كل نفس ماعملت من خير محضرا وماعملت من سوء تود لو ان بينها وبينه امدا بعيدا

صدق الله العظيم

اللهم احسن اعمالنا

واجعل خواتيم اعمالنا صالحها

تذكرة طيبة منك

اتمني ان تجد صداها

في نفوس الجميع

تحياتي

ياقمر

مفيش اخبار عن الطرحة بقي


ولا ايييييييييييه

عبدالرحمن فارس said...

والله كلام ياحرك الحجر
لكن مين يسمع بقى

دم الناس الي بيسل في كل حته دا على حساب مين
الأهالي الي بتتروع في انصاص الليالي دا مين يشيل ذنبه

دا لو معملوش حاجه غير الي عملوه في اسراء واهلها وناديه واهلها يبقى كفايه

ذنبها ايه بنت في عز شبابها يحصلها الي بيحصل دا لا وايه تاخد قرار افراج وبعدين يخفوها وبعدين يعملولها امر اعتقال مفتوح وكأنهم بيقولوا لمعالي النائب العام ورقتك بلها واشرب ميتها

اظن دا كفايه اوي الي عملوه في البنت

يارب انت قادر تجعلهم عبره وايه
يارب زي ما خليت حمزه البسيوني وشمس بدران عبره وايه لكل متجبر خلي دول برضه عبره وايه
يارب حبيب العادلي ما يموتش الا لما تورينا فيه ايه تخليه عبره لمن لم يعتبر من وزراء الداخليه الي فاتوا والي هيجوا

لن أرحهم إن أصدرت يوما في شأنهم حكما

يارب رسالتك توصل لأي حد فيهم عند قلب أو رحمه



تحياتي
و
محبتي

بطوط حبوب said...

احب اوضح نقطه للى شايفك وانتى مش شايفاه
ان ربنا لما جه يعاقب فرعون عاقب معاه هامان وجنودهما
اعوذ بالله من الشيطان الرجيم

وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ (5)وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُمْ مَا كَانُوا يَحْذَرُونَ
بس صدقينى وقد اسمعتى لو ناديتى حيااااااااااا

صيدلانيه طالعه نازله said...

يا بنتى اللى ميتهزش قلبه و هوه بيقرا الكلام ده يبقى مش انسان
و اللىبيحصل ده مش ممكن يكون حقيقه
انا حاسه اننا عايشيين فى كابوس مش راضى يخلص و مش عارفيين نصحى منه
و خايفه يتحول لغيبوبه
و ادعو الله بدعائى
"اللهم اضرب الظالمين بالظالمين و اخرجنا منهم سالمين"
حسبنا الله و نعم الوكيل
تقبلى تحياتى

appy said...

واحد من البلدى

اهلا اهلا يااااا انت اخدت جايزة او تعليق من على الحبل كمان هههه شيكولاته بما انى عندى كتير وانا عامله دايت ههههههه
وربنا يكرمك يا رب على كلامك والله مشاعرى اتحركت ليها وتعبتنى لما قعدت افكر فى كل ده




دعلام
حبيب قلبى ابو طويله بارك الله فيك وازاذك طولا هههههههه
يسلم لسانك يا علام بجد واخيرا نورتنى يا راجل

appy said...

قطتى الامورة

والله يا اختى السجن للجدعان بس كنتى روحى وانا هاجيب مناديل واجيلك علشان معيطش عليكى هههههههههه الا بقولك اوعى تنتصلى بيا ولا اعرفك
معلش يا قطه العيال الوحشه تبهدل الشوارع ويأخدوكم فى الرجلين
نونوتى هنا يا قمر ههههههههخخخخخخخخخخ




بنت الاسلام


ربنا يبارك فيكى يا بطه ماشاء الله الذاكرة قويه عندك فى التفكير
الا بقولك ايه بطلى بقى زن قولنا بوقتها متقلقيش يا قمر انت ميرسى يا بطوط نورتى الكوكب كله

appy said...

عبد الرحمن فارس

ميرسى خالص والله ما اناعارفه هى فين وزنبها ايه بنت زى الورد دى تتمد عليها ايد واحد معندوش قلب والله بيتهيأ ليه الناس دى قلبها مات
ولا يمكن لها قلوب غيرنا ولا دين غيرنا مش عارفه بجد اعصابى مبقتش متحمله كل ده ربنا يستر علينا نورت الكوكب كله


بطوط ابو البطابيط

ربنا يكرمك يا رب ويبارك فيك وتنجح يا رب والناس تشم على دمها وتوصلها رسالتى يا رب




صيدلانيه طالعه نازله

ربنا يخليكى على كلامك ده وان شاء الله نقدر شيل الهم ده والحزن ده من على قلوبنا وربنا يهديهم يا رب

الطائر الحزين said...

كلنا يظلم بدرجات متفاوتة

ربى انى ظلمت نفسى فاغفر لى


تحياتى

خبيب said...

"إنا جعلنا على قلوبهم أكنة أن يفقهوه .. وفي آذانهم وقرا .. وإن تدعهم إلى الهدى ، فلن يهتدوا إذن أبدا" !!

حين يعمي الكبر القلب

يظن المرء أن له مقومات الألوهية !

وأنه لا يضره شئ !

appy said...

اخى العزيز/ الطائر الحزين

ربنا يغفر لنا جميعا ويهدينا ويهدى هؤلاء البعده كمان يا رب لان قلبى خلاص وجعنى منهم قوى ربنا يغفر لك ولنا امين




د/خبيب

اهلا بيك يا دكتور والله ما فيه بعد كلامك حاجه تتقال بس يا رب كلامى يوصل لاى حد منهم يا رب
وربنا فوق الكل نورت يا دكتور

لـــى لــــىِ said...

عارفه، لو كان لسة الضمير صاحي يمكن كان الكلام ده أثر
بس الضمير مات من زماااااان واتحلل خلاص
والنبى لو قولنا ايه
ولا حيحس يابنتى

تسلم ايديكي

مدحت محمد said...

احب اضيف فى رسالتك
للذى لاتعرفيه ان يتقى الله
تحياتى وتقديرى

همس الاحباب said...

ياريت يسمعوا كلامك يا ابى
بس هيهات انا يتعظوا او يتدبروا
اذا كان رب العزة حرم الظلم على نفسه وجعله بيننا محرما
ولكن نحن والظلم وجهان لعملة واحدة
تحياتى ليكى ولكلامك الرائع
خالد

كائن مائي said...

هى رسالة الي من لا يقرأ لك .. وان قرأ فلن يستوعب .. وان استوعب فلن يقتنع
هو لو كان بس يقعد مع نفس كل يوه ربع ساعه قبل ماينام يقول انا بعمل ايه فى يومى ويحاسبها كدا كان صلح منه .. لكن المشكلة اصلا انه مالوش كلام مع نفسه .
طيب يا ترى احنا اللي بنقول اننا على الحق الحق .. هل احنا اصل على حق ؟! وهل احنا بنقعد مع نفسنا ونسألها ونحاسبها ؟! لو كنا احنا ما بنعملش كدا يبقى هو كمان له الحق يعمل كدا .. ما الكارثة ان كل واحد فاكر نفسه انه على الحق والطرف الاخر هو الباطل

فاتيما said...

آبى الجميلة
اولا
مبروك النيولوك
و بيخلى القراية أوضح أكتر بس دا لا يمنع ان اللون الموف كان لطيف برضو
ثانيا
يا حبيبتى انتو كلكوا بتتكلموا و لا حياة لمن تنادى
مفيش فايدة و لا حد بيسمع
اللذى يقدر ان يستوعب هذا الكلام و يهزه من جواه كان زمانه غير كدا خالص
انما لا حياة لمن تنادى
تحياتى يا حبيبتى

haitham said...

ايه الحاجات الجامدة دى بس على رأى كائن مائى انتى بتكتبى للى مش بيقرالك ولو قرا مش هيستوعب ولا هيقتنع
انتى لو سمعتى مسلسل قضية رأى عام وبالذات مشهد رياض الخولى وهو بينزل السلم وبيفتكر ماضيه والحاجات اللى كان بيعملها وهو صغير هتلاقى نفس الكلام اللى انتى بتقوليه بالصوت والصورة لكن المهم مين اللى يسمع ويتعظ
تحياتى آبى

الساحرة said...

الناس دي لا تري لا تسمع
عبارة عن الات لتعذيب البشر

ربنا يرحمنا منهم ويحسوة

A.SAMIR said...

انتي متأكدة ان دي رسالة لشخص لا تعرفيه؟
غريبة
على الرغم ان ال 20 بني ادم فبلي بما فيهم انا يقدروا يقولوا مين الشخص اللي الرسالة دي لازم توجه ليه
تحياتي

حازم سويلم said...

السيد العقيد: آبى

من تتحدث عنهم يا جميل هم حفنه من المرضى النفسيين والمختليين عقليا والسيكوباتيين بعيد عنك ..أستوطن المرضبهم حتى انهم هم انفسهم لا يدركون مرض ذواتهم

آى كان السبب الذى اوصل هؤلاء المعاتيه الى المناصب التى يذلون فيها خلق الله ويمرمطو بيهم الأرض بعكس المفروض منهم كموظفين لخدمة الناس .. فتعددت الأسباب والباشا واحد فى كل مكان وزمان يعميه غرور القوة والمنصب ويسعد بنظرات الرعب والفزع فى عين الناس , يلتذ لمرآى خوفهم منه فى وجوههم ونفوسهم

لا تجدى معهم نصيحة او حث بالدين او الخلق لأنهم لا يملكون جهاز يسمى الضمير

ان المرض بهؤلاء قد اصبح مزمن لدرجة ان بعضهم بات يلتذ بتعذيب الناس

لن ينتهى الحديث فى هذا الموضوع, وكل ما املكه هو قول - اذا دعتك قدرتك الى ظلم الآخرين, فتذكر قدرة الله عليك

وتمام يا أفندم

المنسى said...

والله لو كلنا نفكر كده ونحاسب أنفسنا قبل أنا نحاسب الأمة دى كلها تبقى أعظم أمة
ولكنها الغفلة
الغفلة
الغفلة
الغفلة يآبى
كل الناس أى حد منهم يمسك منصب خلاص حاسس إنه مسك الدنيا بقبضتيه وكأنه نسى أن قدرة الله أعظم من أى جاه
والله الكلام الجميل
بس مين ياترى يقول ومين يسمع
أنا مش حابب خالص إننا نتكلم كده والموضوع يتقفل ببوست جديد
ومافيش حاجة تتغير
إنتظرو البوست القادم بخصوص التدوين الإيجابى
تحياتى

Anonymous said...

" وَاسْتَمِعْ يَوْمَ يُنَادِ الْمُنَادِ مِنْ مَكَانٍ قَرِيبٍ (41) يَوْمَ يَسْمَعُونَ الصَّيْحَةَ بِالْحَقِّ ذَلِكَ يَوْمُ الْخُرُوجِ (42) إِنَّا نَحْنُ نُحْيِي وَنُمِيتُ وَإِلَيْنَا الْمَصِيرُ (43) يَوْمَ تَشَقَّقُ الْأَرْضُ عَنْهُمْ سِرَاعًا ذَلِكَ حَشْرٌ عَلَيْنَا يَسِيرٌ (44) نَحْنُ أَعْلَمُ بِمَا يَقُولُونَ وَمَا أَنْتَ عَلَيْهِمْ بِجَبَّارٍ فَذَكِّرْ بِالْقُرْآَنِ مَنْ يَخَافُ وَعِيدِ "(45)
أختى العزيزة آبى
لا نقول إلا حسبنا الله و نعم الوكيل .
و ليس بع كلام الله كلام
أبو خالد

مجداوية said...

قال كذلك اتتك اياتنا فنسيتها وكذلك اليوم تنسى

صدق الله العظيم

دول ناسيين ربنا عشان كده ممكن يقروا كلامك ده ويضحكوا
اختى عندها معلومات موثوق بها عنهم وبتقولى لا يمكن الناس دى حيوردوا على جنة من اللى بيعملوه فى الناس

هم اختاروا الدنيا وأخدوا نصيبهم وربنا سريع الحساب

غني يابهيه said...

بما ان انا بهيه اللى هيا مصر يعنى

بقولك ياابى ان اصحاب السلطه اصلا مش سامعينك ولا شايفينك
ليه ..؟
لأنهم مش فاضييين وراهم ظلم كتييير
وعلى رأى سعادتك فى البوست بتاعك
اصل انا عبد المامور

وكأن الكل ناسى ان مفيش غير مأمور واحد وكبير وفوق الكل وقادر عليهم باذن الله



تحيات بهيه

mohand said...

الحمد لله
البوست دا مش ليا

يا رب اللي ظالم يسمعك


بس تفتكري الظالم لما بيظلم بيتخيل انه ظالم؟

وجهة نظري said...

حتوحشينا يا آبي بجد، طب كنتي إستنيتي لما أبعتلك الكلب الولف

الضمير دا حاجة موجودة جوانا مبتموتش غير لما صاحبها بيموت، وبتفضل طول العمر صاحية تنبه الإنسان إنه غلط ولا زم يصلح، وبيزن علية ليل نهار وهوا صاحي وهوا نايم ضد الغلط، وهوا دا إلي خلي الرسول علية الصلاة والسلام يقول: "الحلال بين والحرام بين وما بينهما امور متشابهات فإجتنبوها" إستنادا لأن بداخل كل إنسان ضمير لا يخطيء بالفطرة ويعطي كل شخص حكم بدون رياء عن مدي صحة أو خطأ أفعالة وينبهه دائما بوخز يعذبة أنة أخطاء

بس الإنسان عندة مصد أخر مضاد لضميرة وهو عقلة الذي يختار بة أفعالة، يفكر فيتجة يمين أو يسار، يصفح أو ينتقم، يغضب أو يسامح، وبالطبع يسرق أو لا يسرق، يقتل أو لا يقتل، وهكذا، والأهم من ذلك، يستغفر ويتوب أو يتمادي وينسي اللة.... كما أن عقل الإنسان بمساعدة الشيطان يزين للشخص أفعالة ويجعل صوت العقل أقوي من صوت الضمير، فيبرر مثلا للسارق أنة إنما يسرق من غير المحتاج لأنة محتاج، او للظالم أنة إنما يدافع عن حقوق الناس، والقاتل أنة إنما خلص المجتمع من شرور شخص سيء

وهكذا يظل صوت العقل يعلو شيئا فشيئا حتي يغطي علي صوت الضمير فيظل الإنسان في ظلمة للأخرين بدون أن يسمع صوت ضميرة، ولاكن وأبدا لا يموت الضمير

ولعل في هذا بعض الإجابة عن هل الإنسان مسير أم مخير، والتي أعلم أن الإنسان مسير ومخير، فالإنسان مسير بضميرة الذي وضعة فية اللة ليهدية للحق ولكنة مخير ان يتجاهل هذا الضمير ويتجاهل الحق ويستمر في ظلمة

إية، هوا أنا رغيت تاني والا إية؟؟ إظاهر واالة واعلم عجزت وبقيت اخرف

والنبي يا آبي، ليا رجاء عندك، بلاش تذكري إسمي في تحقيقات النيابة، دأنا غلبان وبجري علي كلبين وولف يتما

تحياتي للبوست الممتاز دا

nonoymm said...

ترى هل سيلقي بالا لما قلتيه او من قاله فيمن قبلك
ترى هل سيتحرك قلبه لصرخة اب يصرخ من فقده مهجة قلبه بسبب هوغائيته
اتمنى ان يشعر اولا كي يسمع
ابكيتيني يا اختاه
===================================مبروك اللوك الجديد

Nsreen Bsunee said...

باحجز بس التعليق رقم تلاتين اصلا مش ضامنه على بال ما اقرا البوست ممكن يبقو 55 تعليق"عشان الحسد يا حبي"
:)

Nsreen Bsunee said...

طول عمرى باقول يارب اجعلنى مظلومه ومتجعلنيش ظالمه

بس من كتر ما اتظلمت خلاص زهقت مش عاوزه ابقي ولا ظالمه ولا مظلومه

بس فعلا اللى بيظلم حد ده انسان جبار انا لما بازعل حد واحس انى غلطانه فى حقه مش باعرف انام غير لما اصالحه ما بالك بقي الظلم ده حاجه صعبه جدا خصوصا لو ظلم على نطاق واسع مش على نطاق شخصي زى ظلم الحاكم

الحاكم الظالم ده ابتلاء من ربنا اللهم ارفع عن مصر بلاءك يارب امين

لسه دلوقتى كنت باتفرج على وائل الابراشي بجد قلبي اتقطع والله العظيم لو مكنتيش شوفتيه ابقي شوفي الاعاده بكره او دوري على الحلقه فى عرب تيوب

Abo 7anf said...

مش عارف فعلا الناس دى بتفكر ازاى
والنمرود اتعذب بذبابه
وربنا سبحانه وتعالى
لما عرض على ربنا يبدل جناح الذبابه بالارض رفضت
مش عارف هم نسيوا ان الواحد مهما عمل هيبقى فى حفره
دا سيدنا عمر كان خايف ان ربنا يحاسبه لماذا لم يمهد الارض لدابه فى الشام
ودول بيكلونا
والمشكله كمان
ان البعض العارف ان دا غلط بيقول انا مالى
والبلد كلها كدا
كارثه
يلا كفايه كدا
وتقبلى مرورى
الدكتور المحلاوى الزملكاوى
منشوف اخر الالقاب الانا قاعد اخدها ايه

EmY said...

سياده المشير ابي ابو غزاله

ايه يا عم الجمال ده بس شكلك هايتقبض عليكي قريب لو ابو جمال شم خبر و انا مش هاضمنك

للأسف الناس بتكيل بمكيالين هو و ولاده و اهله غير الناس هما فوق و الباقي حت يداسوا عادي و مالهمش تمن

تحياتي يا قمر الكوكب

في حب مصر said...

هو مين دلوقت ممكن يقف للحظة مع نفسه ويسألها، هل أنا صح ولا لا؟؟؟؟؟
للأسف احنا بقينا بنعيش في عالم كل واحد بيحاول يوجد بس التبريرات اللي تخليه يعمل اللي عايزة من غير تأنيب ضمير.. ده إذا كان فيه ضمير فعلا؟؟؟؟؟؟؟

فيه آية قرآنية أنا بدأت بيها المدونة بتاعتي ودايما بتذكرها، بتقول:
بسم الله الرحمن الرحيم "قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير" صدق الله العظيم
لو اقتنعنا ان كل حاجة بايد ربنا ممكن يبقى عندنا شوية ضمير وخوف من ربنا ونقدر نحاسب نفسنا
موضوع جميل كالعادة
ربنا يوفقك يا آبي

د/اجدع بنوته said...

ايه الايمان والطمأنينه

والسلام والهدوء ده يأأبى ياسكر

ياروحانياااااااااتك

بجد بوستك وكلماتك واسلوبك المرادى مميز جدا

شوفت الوجهه الاخر لأأبى

الوجهه الانسانى الايمانى البحت

موضوع الظلم ده يقهر

فعلا لو كل حد يفكر انه ف يوم هيتظلم

مكنش ممكن يظلم فعلا

تحياتى

واستمرى ع كده

امام الجيل said...

نعوذ بالله من هذا
ان يعمينا الله عن انفسنا

فيه ناس كير بتبقى مستغربة وتقول هما مش خايفين من ربنا والاخرة
ومن دعوات المظلومين
ومن اللى هيحصلهم
لو كانوا بيفكروا بتفكيرنا كانوا ممكن يخافوا

بس المشكلة ان ربنا بيعميهم عن مصيرهم وعن حقيقة امرهم
اولا ليختبرنا كاناس مسالمين ويمحصنا ويشوف من هيصبر ومين لا

وثانيا حتى اذا اخذه لا يفلته
يعنى تزيد سيئاته وتزيد عشان اذا رد الى ربه ينال العقاب الاليم
ربنا يصرنا بانفسنا قبل فوات الاوان

somaa mahaba said...

كان لازم تسمعى تصريحات اللواء اللى كلم وائل الابراشى وهو بيقوله لو ابنك اللى مات فى المظاهرات بتاعه المحله كنت حتعمل ايه
قاله فى ستين داهيه ...امن مصر اهم
!!!!!!!!!!كان امن مصر ملوش علاقه بامن شعبها
تحياتى ليكى سومه_87

اميره الصعيد said...

العزيزه ابي اعرفي ان كل قوي دايما في اللي اقوي منه وان اي حد ظالم في حد هييجي يضربه علي قفاه بس الصبر طيب
(تفتكري .......... حد هيضربه علي قفاه )

Tamer Nabil said...

تعرفى ان كل واحد ظالم وميت الضمير

مش عارف انة مش محبوب وان شخصيتة مش مظبوطة وتصرفاتة غلط فى غلط
وعقابة عند ربنا شديد

بيكون عارف بس على راى رشدى اباظة فى فيلم

لما تسال/ يارجل حرام عليك انت مش يتخاف ربنا
قال بخاف بس مبختيشيش

عالم عيونها تكسر الحجر

ربنا يوفقك

تحياتى

دكتور حر said...

مهو لو افتكر كلمه واحده
مكنش ظلم


لا تظلمن إذا ما كنت مقتدرا
فالظلم يرجع عقباه الى الندم

تنام عينك والمظلوم منتبه
يدعو عليك وعين الله لم تنم

رنا يسترها علينا يا ابي
وتحياتي لكلامك الكبير المؤلم

عبده الرايق said...

الرساله دى
بامضاء 80 مليون مصرى
وانا اولهم
هامضى وانا مغمض
لكن
ممكن ابصم ؟؟؟؟؟؟؟؟

أحلام عمرنا said...

موضوع جريء وجميل يا أبي
ربنا يلطف بعبيده ويرحمنا

الفاتح الجعفري said...

آبي
ماشاء الله كلمات مؤثره جدا ربنا يبارك فيكي يارب
قال رسول الله صلي الله عليه وسلم
لزوال الدنيا اهون عند الله من دم امريء مسلم
وقال رسول الله صلي الله عليه وسلم في خطبته يوم عرفه
دم المسلم علي المسلم حرام كحرمة يومكم هذا في شهركم هذا في بلدكم هذا
---
وكان اليوم يوم عفه خير الايام عند الله
وكانت البلد مكه بلد الله الحرام وخير البلاد
وكان الشهر شهر الله الحرام ذي الحجه
--------------
وقال رسول الله صلي الله عليه وسلم وهو واقف عند الكعبه
مااعظم حرمتك عند الله ولان تهدم الكعبة حجرا حجرا اهون عند الله من دم امريء مسلم
او كما قال فداه ابي وامي
-----------------
بعد كل هذا هل احد يستطيع ان يتكلم هل يهون علينا دم اخواننا في بلادنا سواء مصر او فلسطين او الشيشان او افغانستان
وياامة الاسلام كم تبكي عيون بنيكي دم
جزاكم الله كل خير

Hosam Yahia حسام يحى said...

دا اذان فى ملطا

ولا اذان فين


بوست جميل

ربنا يجعل كلامك فى ميزان حسناتك

coca said...

تصدقي اني عيطت

علي راي الاغنيه

وبقينا ازاي كده

بت خيخة وأى كلام said...

اعتقد يا ابى ان الرسالة واضحة ومعروفة هى لمين بالظبط
جامدة اوى يا ابى
تحياتى ليكى
اختك خيخة

الربان said...

العزيزة أبي

تحياتي

الظلم ظلمات يوم القيامة ... و الرسول الكريم يقول فيما معناه.. اتقوا دعوة المظلوم فانها ليس بينها و بين الله حجاب... و قال الله سبحانه و تعالي عن دعوة المظلوم ، فيما معناه،: و عزتي و جلالي لانصرنك و لو بعد حين .

المشكلة الان ان الناس الان يحللون و يستمرؤون مال الغير...تحت مسميات عدة
ما انزل الله بها من سلطان مثل: إكرامية
بقشيش ، شاي ، تفتيح مخ.... و ماشابه
من مسميات...

لو يعلم الظالمون جزاء ظلمهم يوم القيامة لردوا المظالم الي أهلها.

و اكبر انواع الظلم هو الشرك بالله..

قال لقمان لابنه : يا بني ان الشرك لظلم عظيم....

و الشرك نوعين...الشرك الظاهر و هو الكفر بالله ...و الشرك الخفي ..ومنه
اننا قد نعتقد ان فلان سبب لرزق لنا
او ان علان بيدة نفع او ضر لنا...
نعوذ بالله من الشرك ..سواء الظاهر او الباطن....الاكبر او الاصغر.

كما ان من انواع الظلم الذي قد نقع فيه جميعا بقصد او بدون قصد و يجب ان ننتبه اليه هو الغيبة و النميمة...نعوذ بالله منهما ...

اشكرك ابي علي الموضوع...لانه ينبهنا
الي تلافي الضلم بكافة انواعه...و اشكاله....لان يوم القيامة كل نفس بما كسبت رهين.

تحياتي و تقديري..

الطائر الحزين said...

الاول مات لانه نزل البحر ولم يعرف السباحة

والثانى مات لانه يعرف السباحة لكنه تخطى الراية السوداء

والثالث مات على الشط لانه يعرف كل هذا ولم يتكلم


تحياتى

appy said...

لى لى

ايه ده البرنسيسه لى لى هنا يا مرحبا يا مرحبا ايه النور ده كله ..والله بصى انا بكتب وقلبى بيتقطع بقول يمكن ضميرهم يصحى لعلا وعسى انا الحمد لله مبفقدش الامل ابدا فى حاجه
نورتى الكوكب كله بجد والمجرات الجيران كمان



مدحت محمد

اهلا بيك يا ريت يتقى الله فعلا نورت الكوكب

الشنكوتي الكبير said...

اقعدي هلفطي كده بالكلام الجامد ده وودينا في شررم بررم بلاد تركب النمله العاميه متعرفش رايحه بيها فين

المهم يا بنتي المشكله ان الموضوع بقى ثقافة شعب
يعني بصي من اصغر مثال لأكبر مثال بالتدريج كده هتلاقي كل واحد بيفعص ويظلم اللي تحت منه الأب بيظلم مراته وعياله وبيفش غله فيهم ومراته بتفش غلها في ضرب العيال والعيال بيضربوا زمايلهم اللي اضعف منهم او اصغر منهم شويه والب بقى نفسه في الشغل بعد ما هو سبع البرمبه في البيت بياخد بالصندل ابمبي في شغله من رئيسه ومن الزنب بتاعة زملائه
وتيجي لرئيسه تلاقي فوقيه ريس بيطلع ايمانه وبعد منه واحد اعلى لحد ما تيجي على الشركه كلها تلاقيها بتدفع ملايين علشان ميهروهاش ضرايب جزافيه واحكام جزائيه متعسفه واللي بيلموا الفلوس دي برده ليهم ريس بيلم الغله ويرميلهم الفتافيت وبيظلمهم وفوق منه حيتان كبيييييييييييييره هي اللي كرشها بيلم ده كله
وهكذا وهكذا وهكذا
لحد اتخن كرش فيكي يا بولاق الدكرور مع الأعتذار لسكانها
المهم يعني كله بيطلعه على كله
ولا يغير الله ما بقوم حتى يغيروا ما بأنفسهم


دمتي بخير يا حبشتكانه يا معسله

سلاااااااااااااااااااااام
اخوكي ايهاب

appy said...

همس الاحباب

ربنا عليهم وعلى كل ظالم يا خلود كل واحد له يوم نورتنى يا خلود



كائن مائى

اهلا بالناس اللى بتطلع زى القمر حبه صغيرة فى الشهر طيب منكن نعلمهم محو الاميه ههههههههه بدل ما نسيبهم كده
اقولك على حاجه انا فعلا بستغرب على الناس اللى مخاصمه نفسها دى لان بجد انا كل يوم اقعد مع نفسى واديها بال....احم احم مسدس الميه بس مش حاجه تانيه لما بغلط ونفسى الناس تعمل كده علىالاقل نرتاح
نورتى يا قمر ومتغبيش علينا

appy said...

فاتيما

حبيبة قلبى يعنى اكتم فى نفسى وفى قلبى يا فاتيما قلبى وجعنى لما تخيلت ايديهم بتتمد على بنت ولا ولد يا نهار انتى مش متخيله الظلم النفسى
ربنا على الظالم يا رب
نورتى يا ام يوسف



هيثم

علىالاقل احنا نسمع ونتعظ يا هيثم علشان لما يجى يوم لنا ونأخد منصب نفتكر ربنا
نورت يا قمر

appy said...

الساحرة

طيب نفصل عنهم الكهربا يمكن يعطلوا ولا يتحولوا خرده ونخلص عليهم ههههههههههههه نورتى يا قمر


a.samir
النبى يا اخويا بعمل نفسى مش عارفه اصل بصراحه مش شرف ليه يعنى معرفتهم استر عليا بقى ورايا بطوط عاوزة اربيها ههههههههههه نورت

appy said...

حازم سويلم

انتباه يا عسكرى طيب نعمل ايه نوديهم مستشفى المجانين ولا اروح اعالجهم والله عندى استعداد بس تصدق بالله هما فعلا بيتلذذوا بتعذيب الناس والخوف فى عنيهم ربنا يأخدهم بقى لانى زهقت تسلم ايديك يا صديق قلب الفيكون



المنسى

ما هو الظلم فى حاجات كتي رحتى فى ظلمنا لمن حولينا ربنا يهدى يا منسى الناس جميعا ويكفينا شرهم يا خويا مش ناقصه هههههههههه

appy said...

اخى العزيز/ابو خالد

ربنا يكرمك يا رب بجد بتزيد الكوكب نور بكلام الله سبحانه وتعالى وحسبنا الله ونعم الوكيل فيهم فعلا ربنا اقوى منهم جميعا
الا سؤال متعرفش حد منهم اروح اساله الكلام ده بس امانه جهزوا ليه العيشوالجبنه الكيرى ههههههههههه




مجداويه
حبيبة قلبى الدماغ
طيب خلى اختك تستخبى بقى ولا اى حاجه يعنى انتى بتشردى لها كده على الملاء يا نهار بيعه ههههههه ربنا عليهم واقوى منهم

appy said...

غنى يا بهيه

يا راجل البوست اللى قبل ده كان لبهيه بهدلنها طفى النور وايدى النور ما تخليها تعلى صوتها وتسمعهم
نورت الكوكب اول زيارة وخد لك خروف هديه وانت طالع




مهند

تصدق سؤالك صعب يا مهند بجد تصدق ساعات بتجنن وعاوزة ادور على حد منهم اسأله الكلام ده
ربنا ميجعلناش ظالمين يا رب نورت يا قمر

appy said...

وجهه نظرى

لا بقولك ايه انت كده بتقولها فى وشى لا طيب بص منكن اقولهم سيبونى لغايه لما الععب بالكلب وبعدين اروح او اقولك يحبسوه معايا علشان يسلينى حتى
هههههههه

كلامك صح وفعلا الاجابه مظبوطه وانت مكبرتش ولا خرفت ولا حاجه انت زى السكر بجد
انما جدعنه زياده من اختك بأمانه انا هقول على اسمك اول واحد ههههههههههه
وبص روح انت ومتحملش همهم خالص دول فى عنيه نيهاااهااهااااا



nonoymm

اتمنى من قلبى انه يحس حتى بالكلام لو شافه
ميرسى على ذوقك ومعلش انك بكيتى انا كمان كنت مضايقه وانا بكتب الكلام

appy said...

نسرينا

حبيبة قلبى الله يهده وائل الابراشى اللى واجع قلبنا على طول لسه مشوفتوش هشوفه النهارده فى الاعاده عارفه انا دايما اتفرج عليه وجنبى علبه مناديل علشان بس الانتريه مش يبوظ
وربنا ما يجعلك ظالمه ابدا يا احلى رينا ويبعد عنك الظلم يا قمر
وبعدين انتى بتيجى متأخرة على طول ده علشان بعد المسافات ولا ايه اركبى بطوط وتعالى هههههههههه نورتى يا قمر



الدكتور المحلاوى الزملكاوى

ابو حنف والله كلامك مظبوط بس انا مبقولش انا مالى ولازم كلنا منقولش واحنا مالنا لانه مالنا ولما مالنا يروح لغيرنا يبقى لازم نرجع مالنا
فهمت حاجه هههههههههه نورت يا فيلسوف

klmat said...

تسلم ايدك يا ابى
المشكله ان الناس دى قلوبها وضميرها
ميت هذا الكلام لو له تأثيرما
كانوا فعلوا مافعلوه او عملوا وقفه لكن كل اللى يهمهم مصلحتهم وبس دول
ناسيين ان فى آخره
حسبنا الله ونعمه الوكيل
خالص تحياتى وحتقديرى

ياسر said...

كلمات متميزة كما
تعودنا علي قلمك
وكلماتك بس الظلم
عمر ما حد يحس بة
وبمرارتها الا من فات
علية والمة وكلمة عبد المامؤر
دي كلمة زي ستارة اي مسؤل
حتي لو مخبر او غفير يقول كدا
اما للتواضع فغريذة لازم بتتزرع فينا
وفي تربيتنا نشربها من اباءنا تعرفي
فاتت علية تجربة في حاجة شات في
النت واللةلقيت لما تتكلمي مع الناس
بطيبة وحسن اخلاق بيفتكروك ضعيف
ويبدءاو كلام من ورا ظهري
واحد قالي انت فلاح وابن فلاح هقولة
اية بس قلتلة يشرفني اني فلاح
اية المشكلة مش عارف علشان
الواحد اتربي علي انة ميخرجش
كلمة وحشة من فمة دلوقتي
بقي بيتفهم ضعف انا عجبتني
جدا الاغنية الا حطها دي وحططها
عندي في مدونتي لو عندك اي اعتراض
اشيلها ودومتي بخير كاتبة وقلما وسطورا
وتقبلي تحياتي

appy said...

ايمى

سياده اللوز اركان الغرفه هنا يا دى الهنا كده يا ميمى جزرة يعنى انا بقول ليه عضمه فى ضهرى اللى هو انتى تبيعينى عند اول مطب طيب اصبرى اليوتيرن التانى يا امى وهو يا اختى اونكل ابو جمال عنده مراخير اصلا دى وقعت من ايام ابو الهول هههههههههخخخخخخخخ
نورت يا سياده العميد الكوكب كله




فى حب مصر

والله يا خويا انا مش واجعنى غير ضميرى اللى بيقرقص فيه طول الوقت
ربنا يبارك فيك يا رب وفى كلامك ميرسى خالص وترجع بالسلامه الا ابقى هات ليه كرنكل وانت جاى هههههههههههههه

appy said...

د/اجدع بنوته فى المحروسه

تسلمى يا سمسمه على كلامك الجميل اللى زيك ده
بس لو حصل ليه حاجه وصيتك بطوط وبلاش العبقريه فى السواقه معاها اصلى عرفاكى هههههههه نورتى يا سمسمه



امام الجيل

ربنا يصبرنا جميعا ويقوينا على الظالم ويخلصنا منه بجد نورت الكوكب

appy said...

سومه محبوب

ربنا ينتقم منه والله حرام اقول ربنا يوريه يوم زى ده حرام بس حسبى الله ونعم الوكيل بجد فى الناس دى انا مش شوفتهاا بس ان شاء الله هشوفها فى الاعاده النهارده
وبعدين دول متخلفين امن مصر هو امننا الجزم دول هما بيأمنوا الحيطان ربنا يأخد الغباء اللى مستوطن جواهم ده نوورتى يا سومه



اميره الصعيد

يا اهلا بيكى اول مرة هنا مرحبا باهل الصعيد والامراء كمان والله مش بعيد على ربنا وابقى انا اول واحده تعمل العمله دى ان شاء الله
نورتى يا قمر الكوكب

appy said...

تامر نبيل

ايوون هما دول اللى بيخافوا وميختشوش بس دول مش بيخافوا غير على الكراسى بتاعتهم بس يا تامر مش من حاجه تانيه وبتغاظ قوى لما يقولك بصلى اقول حرام يمكن ربنا يهدى واسكت نورت يا قمر




دكتور حر

هو من الواضح يا دكتور انهم بيجلهم زهيمر مبكر قوى من بعد اللزقه فى الكراسى هههههههه نورت يا دكتورنا العزيز

appy said...

عبده الرايق

طيب ده المطلوب ابصم علشان تتثبت عليك يا راجل هههههههههه انا موافقه بس هيجيبوا اماكن منين لل80مليون الا اذا قعدونا فى البيت يالا مصلحه ويصرفوا علينا ههههههههه نورت يا مستر عبدو



احلام عمرنا

اهلا بيك وميرسى خالص لكلامك

appy said...

الفاتح الجعفرى

اخجلتم تواضعنا بجد ربنا يكرمك يا رب ويهدينا جميعا
كلامك ده لو يوصلهم هو بيتهيأ ليه عارفينه بس بيفهموه غلط او من وجهه نظرهم هما بس وممكن فعلا لو شافوة يضحكوا يقولك ايه الناس الهبله دى مش عارفه بجد بس عارف خيط الامل والنور اللى كان جوايا بدأ يعتم ادعيلى بقى



حسام يحيى

اممممم انت شايف انى بذن فى مالطا ربنا يسمحك اول مرة تيجى وتجيب فى ايديك كده احباط ماشى ههههههههه نورت يا حسام وخد لك خروف ينطحك بقى علشان احبطنى خخخخخخ

appy said...

coca

يا دى الليله النبى لا ما تعيطى يا شيخه بس اقولك تعالى اقعدى جنبى انا عيط بس عند حته مفيش مركبه هتقدر بالعمر ترجعك يااااااااااه فعلا لو نفهم وهما يفهموا يبقى الدنيا هتتعدل نورتى يا قمر من غير عياط



بنت خييخه ام شيرى

طيب متفسريش فى وشى يا خوختى كده اصل ترفعوا ليه بانرات كمان شويه هههههههههه نورتى يا قمر الليالى

appy said...

الربان

ربنا يكرمك على توضيحك ده ولازم الواحد يأخد باله ربنا يكتب لك بكل حرف حسنه ويخليك وسطنا كده زى النور لينا وترجع بالسلامه وربنا يحفظنا




اخى الطائر الحزين

تسلم ايديك بس هو مات من الفرسه زى كده علشان مفهمش ولا ايه انا مش فاهم الحكمه دى منكن توضحها عاااااااااااااا

appy said...

الشنكوتى الكبير

ايهاب القمر الا قولى اقرى الفاتحه للنداله ولا عتوقف جنب اختك وتجيب لها كوك دور حتى بلاش مؤمن
عااااااا شكلك هتبعينى يا هوبه
بص كلامك مظبوط جدا بس المشكله الاكبر فى اللى ماسكين السلاطه يا خويا مش الكروش بتاع امبابه حتى قلبى بقى يوجعنى يا اخويا بجد
انما تفتكر هيعملوا فيا كده ويودونى البلاد اللى بتقرقص دى نيهاهاهاها مش مهم اهو اتفسح خخخخخخخخخخخ
نورت يا قمر الكوكب كله


klmat

طيب متعرفيش حد منهم نصحى ضميرهم يمكن يبهت على الناس التانيه ههههههههه ربنا يكرمك يا قمر والله بتنورينى خالص




ياسر

هو الفلاح عيب ولا ايه ده شرف ووسام على صدر اى حد هو احنا من غير الفلاح الجميل ابو ملامح طيبه كنا كلنا ولا شربنا متزعلش نفسك سيبك بقى وخلاص
يا خبر انت لو عاوز البلوج كله تحت امرك يا جميل نورت

m5m said...

:أبويا العزيز

ياريتك تقدرى توصلى للواء محمد عبدالفتاح عمر-لعنه الله- رئيس لجنة ماعرفش ايه فى مجلس الشعب....الحيوان ده جه فى برنامج الحقيقة بتاع وائل الأبراشى على دريم امبارح بيتكلم على طفل المحلة اللى اتضرب بالرصاص فى بلكونته...تخيلى الحيوان ده أبو الراجل قاعد عمال يحكى ويفتكر ابنه ويعيط بشكل يقطع قلب جبل المقطم وسياة اللوا قاعد يقول العيب على أبوه انه ماعلموش احتياطات الأمن والسلامة يقوم سى وائل يقول له لو ده كان ابنك كنت حاتقول كده يرد سيادة اللوا يقول له لو كان ابنى يبقى يموت ويروح فى ستين داهية..المهم أمن وسلامة البلد

والله كنت عايز أشوف مدفع رشاش وأوح أنضف البلد منه هو وأهله

ياسر said...

دي لوحة مفاتيح عربي
لو عندك بعض الاصدقاء
معندهمش عربي في
اجهزتهم زييي ويكتبوا
بالماوسhttp://www.dorar.net/keyboard.htm

صاحب المضيفة said...

والله يا ابي

انا نفسي كل واحد ظلم حد غيره يسمع الكلمتين دول


ساعتها لو غيروا هانتغير كلنا ويكون حالنا احلى واجمل


يارب يهدي كل ظالم ويوفقنا لفعل الخير


تحياتي

appy said...

محمد

اه انت بتحرق قلبى وعاوزنى اروح امسك فيهم ولا ايه عموما هشوفه فى الاعاده النهارده ربنا ينتقم منه يا رب
نورت يا قمر الليالى




ياسر
تسلم ايديك انا معنديش فى الاب توب فى البيت بجد ربنا يكرمك




صاحب المضيفه

يااااا بجد كتير عليا وجودك هنا ميرسى لمتابعتك طيب اعمل ايه اطبعها وانشرها وادويها لهم يمكن يفهموا ربنا يهى ونورتى والله

MKSARAT SAYED SAAD said...

نسوا الله فانساهم انفسهم
اللي ما يعتبرشي ان في رقيب عليه اكبر من اي رقيب على وجه الارض فليفعل ما يشاء
لكن تعرفي حاجه بتجننى في ناس باشوفها بتصلي والركعه بركعتها
لكن برضوا بياذوا
يا تري بيخدعوا مين ربنا ولا انفسهم ولا احنا
لكن اللي اقدر اقوله
يا ويلهم بصرف النظر اذا كان هيعامل ابنه كدة ولا لأ
لازم الحقوق تتصفي ازاي بقي ديه بتاعت ربنا
تحياتي
يا آآآبي
سيد سعد

دعاء مواجهات said...

إية بس الجمدان والروعة دى يا آآبى

بجد كلام موجع يدعو للتوقف والتفكير


تحياتى ليكى

appy said...

سيد سعد صاحب المكسرات

ايه يا راجل عاش من شافك ايه النور ده كله

تسلم ايديك يا سيد نورت الكوكب


دعاء مواجهات

يا قوى من اسمك يا عمنا نورت الكوكب اول مرة وتأخد لك خروف هديه نورتينى

رئـــــيسـة حزب الأحلام said...

السلام عليكم
الناس الللى حاسة انهم فوق البشر كتير فى الشغل فى الشارع فى كل حتة وتحياتى لكى

الطائر الحزين said...

انه مات لانه كان يعرف ويقدر ان يقدم النصح ولم يفعل

على الاقل

مات قلبه

فهو فى النهاية ميت

mohammad hamza said...

مش متأخر خالص ..


المهم ..

موضوعك بجد نفسي يتصور ويتعلق على مبنى لاظوغلى .. أو على أى نيابة ..

نفسي يتعلق ويتحط على سور سجن طرة ..


المهم ..
الأخ الكبير اللى لابس بدلة أبو نضارة سودا اللى واقف جنبى عاوز يفهم البوست ده كويس
XD


المهم
سلام

monaliza said...

ان الله يمهل ولايمل
ولا تحسبن الله غافلا عما يعمل الظالمون

اوعى تفكر said...

انا على فكره معملتش حاجه والله
الناس اللى انتى بتكلميهم
هما دول بيصلو
هما دول بيعرفو ربنا
هما دول عنده عيال
اه
واكيد بيعملوا فى عيالهم
زى مبيعملوا فى ولاد الناس
ربنا يجعل كلامنا خفيف عليهم
الناس دى بتنام
على ما اظن الناس دى مبتفهمش
وعندهم امراض نفسيه بالهبل
وتلاقيهم فى بيوتهم عندهم حالة توحش
وحسبى الله ونعم الوكيل

صحفية روشة said...

على راى الاغنيه
عايشين وحوش فى غابه ونقول مكتوب علينا
ربنا يرحمنا ويحنن قلب عباده علينا

مواطن مصرى نايم said...

المشكلة ان كل واحد فيهم بعد ما السلطة تتركة
بيتوب و بيشتشيخ
و الله غفور رحيم
تخيلى بقى
بعد كل ده
العزيز القدير بيغفر
و بينتظر توبة اى ظالم
الحمد لله بجد ان الواحد بينام مستريح الضمير
بوست جميل يا ايبى

alshared said...

تعرفي أن اللي بيقول علي نفسه عبد المأمور هايتحاسب برده

قال تعالي(ان فرعون وهامان وجنودهما)ربنا ذكر جنود فرعون وهامان معاهم

فيه أزمة ضمير

وأزمة بلد

تحياتي

WhItE HeArT said...

ايه ده يااستاذه ابي هانم

اولا البوست رائع بما فيه من معاني جميله جدا ورساله احييك لأإني اعتقد انها وصلت للجميع طبعا اللي قروا البوست

وبعدين انا كنت بصراحه ليا عتاب عندك

بأه ادخل اقرى احدى المدونات الاقيكي نازلة تخبيط وتكسير

انا بقول كده لإني بصراحه في مجموعة من البلوجرز اللي بحترمهم وبحترم فكرهم جدا واللي حضرتك اكيد واحده منهم وبصراحه وبكل امانه ميرضينيش اشوف الوضع ده بالشكل ده واعتقد ان لو في مشكلة تتحل بهدوء

بجد لو الكومنت زعلك في حاجة انا بعتذر

تحياتي

قلم رصاص said...

واله يا أبي الواحد مش عارف الناس ديت ها تقابل ربنا سل\بحناه وتعالي يوم القيامة تقوله اية
يعني الوحد تذكر كدة وهو بيقرأ الموضوع كدة تذكر قول سيدنا عمر: لو أن بغلة بالعراق تعثرت لسؤل عمر عنها لماذا لم يمهد لها الطريق.
وهؤلاء يظلمون ويعذبون ويقتلون ويشردون ويحبسون ظلما
حسبنا الله ونعم الوكيل
تحياتي
قلم رصاص

فزلوكة said...

كلماتك مؤثرة أوى يا آبى
وجاتلى على الجرح بصراحة
دايما إنتى كنتى بتوجهى الخطاب بكلمة "سيد نفسك " أعتقد أن أى شخص سيد نفسه لم يكن ليفعل هذا بالأساس
دول ناس باعوا نفسهم لحاجات كتييييييير أوى
ولناس كتيييييير أوى
يلا
ربنا يجازيهم على إللى عملوه

mady said...

لو كل واحد سال نفسه
الاسئله دي هتتحل كل المشاكل
بس باين الناس ناسيه او بتتناسي
يوم الحساب
بس الناس لو تفتكر ان هيجي يوم
يعض الظالم علي انامله
الناس لو تعمل اللي ربنا قال عليه
مكنتيش انتي كتبتي التوبيك ده
تحياتي ابي

Rainbow said...

بصى يا ابى
كل ده بيعدى عليا و بزعل منه و بحس بغيظ كبير من الناس دى
الا شىء واحد بس بيخلى الدم يضرب فى نافوخى و اكون عايزة اروح اموت الشخص ده
لما اقرا فى الجرايد ان اب ضرب ابنه حتى الموت
حتى الموت يا مفترى ؟؟ ابنك مصعبش عليك ؟؟ قلبك مرقش له و هو بيصرخ من الم و هو طفل كده ؟
عايزة مين يرق قلبه علينا يا ابى .. مفيش غير ربنا يرحمنا برحمته

appy said...

رئيسه حزب الاحلام

ربنا يهديهم نورتى الكوكب كله




اخى الطائر الحزين

الحمد لله ان الواحد لسه عنده قلب مع انه بيعمل مشاكل شويه بس مش مهم احسن من انى اسيبه ههههههههههه

appy said...

محمد حازم

لا مش متأخر خالص هههههههه المهم صور انت وعلق براحتك وانا هرفع لك بانى على المدونات ههههههههه اتحمل المسئوليه وبعدين مين الاخ اللى بيسأل يا ابنى فهمه دى رساله لواحد صحبى بسأله على حاجات فى النت هو مفهمش ههههههههه نورت يا قمر



موناليزا

ونعم بالله نورتى الكوكب

appy said...

اوعى تفكر

انت بتقر من اولها هو حد سألك يا عم طيب اصبر هههههه نورت الكوكب اول مرة




صحفيه روشه

انا نفسى يسألوا نفسهم هما ليه بقوا كده نورتى يا قمر الليالى

appy said...

مواطن مصرى نايم

عارف ربنا بيقبل توبه العباد اللى بيخطأوا فى حق نفسهم ويقصروا انما واحد غلط فى حق غيرة وغيرة مش سامحه تفتكر ربنا هيرضى عنه ربنا اسمه العدل
نورت يا احلى مواطن مصرى



الشارد

ربنا يفك ازمه الضمير زى ازمه العيش بالظبط يا رب نورت الكوكب

appy said...

القلب الابيض

بص يا قمر والله ده غصب عنى اللى حصل ابقى ارجع لبوستاتى القديمه وشوف رد البنى ادم ده عندى واكتر من مرة اقوله مش عاوزاك تدخل برضه يستفذنى ويحشر اسمى فى اى حاجه اعمل ايه والله ابن اختى بيفهم اكتر منه اللى عنده سنتين معلش والله ده مش اسلوبى بس ده شخص ربنا يهده بجد ولا يشغله ولا يوعده بعربيه ابو جهل تقابله هههههههههههههه ولا مش زعلانه منك خالص بس لازم تفهم وجهه نظرى ده حد بيرد عكس اللى انت كاتبه واهلا بيك نورت الكوكب



قلم رصاص

اهلا اهلا وسهلا ايه النور ده ربنا ينتقم منهم فى الدنيا والاخرة يا رب بس ده اللى اقدر اقوله نورت الكوكب

appy said...

فزلوكه

مقدرش اوجهه باسم سيدى لانى مسمحش انى يكون ليه سيد غير الله سبحانه وتعالى
ميرسى ليكى يا قمر انتى على كلامك



مادى

والله مش عارفه الناس دى وقعت منهم الاسئله ولا ايه هههههههههه نورتى يا قمر



Rainbow

اب او ام يااااا اصلى ليه مستشار قريبى وبيحكى ليه على الحاجات دى بعيد حتى عن اللى بيتعرض فى الجرايد المستخبى اقوى
ربنا يحفظنا نورتى الكوكب

walaa said...

فعلا يا حوبه ان اكرمكم عند الله اتقاكم
لا فرق بين عجمى ولا اعرابى الا بالتقوى
والناس سواسيه بين يدى الله
فعلا ياريت نرحم بعض وياريت نخاف على بعض
مش عارفه الناس اللى بتظلم ازاى بيجيلها قلب تظلم الناس كده
وربنا يهدى
تحياتى ولاء

رهف said...

آبى
كل كلامك حكم بس عايزه اقول حاجه الناس دى ربنا مسلط عليها نفسها
واعتقد ان الأنسان اللى عنده ضمير حى بجد لو ظلم مره بيندم طول عمره بس الناس دى ضميرها مات وندفن ومبقاش ينفع معاهم كلام دول دايما لو كان ربنا راضى عنهم ولو جزء صغير بيفوقوا بعد كارثه مدويه بس المشكله ان الوقت احيانا بيكون خالص فات
ربنا يهدى وينور قلوبالظالمين ويصبر ويقوى المظاليم
تحياتى يا قمر

only spot said...

سلام عليكم
والله يا ابى المشكله ان القسوه بقت جوى كتير ومبقتش تفرق بقى المهم انا وللاسف القسوه عامله زى العدوه متفشيه بين الناس
ربنا يهدينا ومش يحكم فينا حاكم ظالم
تحياتى ليكى

Zika said...

كلام جميل يا آبي بس اصلا دول ناس بيتحدوا ربنا ..هو فيه حد ميعرفش الكلام ده يا آبي
المشكله انهم عارفينه وبيفتكروا انهم اقوي من ربنا
ربنا يهدهم او يهديهم

بحبك يامصر said...

انا بعتذر عن التأخير الجامد ده ولو انى كده دايما متأخر بس يمكن اتأخرت عشان اكون رقم 100 فى التعليقات
على الله حد فيهم الكلام ده يأثر فيه المشكله فعلا ان معظمهم عارف الكلام ده بس الشيطان اتملك منهم
ربنا يهديهم

appy said...

ولاء

اهلا بيكى يا قمر
ويا رب يسمع منك نورتى الكوكب



رهف الجميله

عارفه فعلا اصعب حاجه ان واحد ربنا يسلط عليه نفسه ربنا يحفظنا ويهدى

Soooo said...

هييييييييييه
احجز تعليق رقم واحد .. بعد الميه
وارجع تاني

appy said...

only spot

ربنا يحنن قلوبناعلى بعض ويهدى الناس كلها يا قمر نورتى الكوكب



زيكا

يا نهار هو حد ممكن يفكر كده يبقى حرام فعلا حسبى الله ونعم الوكيل نورت يا زيكس




بحبك يا مصر
ما قولت لك هى ازمه المواصلات معلش بقى هجيب لك مركبه فضائيه من عندى نورت ومعاك حق

Soooo said...

انتي بتهزري يا اابي
مش كده
بتهزري
يعني انا حاجز التعليق رقم واحد بعد الميه والاقيكي معلقه
عموما تعليقك مش محسوب لانك صاحبة المدونه اصلا وماينفعش تعلقي وتكتري التعليقات
----
بصي ياستي
الشخص اللي ماتعرفيهوش ده شخص هلامي
اي نعم
فيكون فضائي من الاخر
ولا حد شافه ولا حد يعرف عنه اي حاجه
الشخص ده هو السبب في قطر الصعيد وحرق قصر ثقافة بني سويف وكبت الحريات والظلم وطوابير العيش والعباره اللي غرقت وكل حاجه
الشخص ده هو
اللهو الخفي


ولا كأني قلتلك حاجه
سكتم بكتم



سلامووووووووووووز

فرنسا هانم said...

التعليق رقم 105 برافو فرنسا برافوا صقفولها
سلمى نفسك يا فرنسا لمكتب القائد
جايه بعد ما حاربنا وانتصرنا
جايه تعملى ايه ؟؟؟
تلمى ظروف فاضيه ؟؟؟
ههههههههههههه
حلوه الرساله يا ابى
وممكن يكون توارد افكار بينى وبينك

العاشقة said...

تساؤلات مرت في ذهني كثيرا

ولكن لا أعلم هل تخطر على بال هؤلاء!!
واذا خطرت
هل يتغاضون عنها بهذه السهولة ويلقونها في متهات النسيان
او فلنقل التناسي
؟؟؟

ام ان غفلتهم طغت واستفحلت فصارت حتى لا تخطر على عقولهم تلك التساؤلات

...

نسأل الله السلامة

...

سلامات مُسبلات

عـــفـــراء said...

"اعمل لاخرتك كانك تموت غدا واعمل لدنياك كأنك تعيش ابدا"
صدقتى والله آبـى
لعلها تذكرة وعظة لمن يعظ
دمتى فى ود

appy said...

سووووووو
انت جاى تلعب انت بتعلق من على الحبل وانا برد على الناس ههههههههههه

خلاص متزعلش بقى وبعدين ايه ده بتبعنى سكتم خالص يا ابنى على صوتك هو قفا ولا اكتر
عموما يا سوووو اا هقول انك تانى واحد فى التنظيم هههههههههه
وبعدين انت مالك ومال فياكين هنستعبط بقى ماشى انا هوديك القطر ده
نورت يا احلى سوووو



فرنسا هانم

احلى فرنسا فى الدنيا انتى تيجى اى تعليق انتى عارفه انك فى قلبى الاولى طبعا وبعدين ندور طابور ذنب وشك للحيط يا هانم وايديكى فوق يا لا يا خرفانى انطحوها نيهاهااهاهاهاهاه
وش شرير بيلعب ودانه
وده شرف ليه توارد الخواطر والمشاعر عن البلد كمان يا احلى فرنسا فى العالم كلها

appy said...

العاشقه

اهلا بيكى ويسلم كيبوردك وعقلك وكل حاجه على كلامك الجميل ده يا قمر نورتى الكوكب كله



عفراء
ميرسى على التذكرة وتسلم ايديكى يا سكر انتى ونورتى الكوكب كله وكل المجرات

هيثم الدهشان said...

آبى انا جاى الخميس اللى جاى اتمنى تكونى موجودة

rain man said...

يا جماعة حصل مشكلة في مدونتي القديمة
و لا استطيع إضافة المشاركات بها
لو كنتم مهتمين بزيارتي رجاء تفضلوا بزيارتي من الان فصاعدا على رابط مدونتي الجديدة
http://fatmaistheword2.blogspot.com/
سأنتظركم

la3lahakhier said...

تسلم ايدك بجد يا ابى

تــــايه ومش تـــايه said...

المشكله انهم معتقدين انهم جنس غيرنا او احنا مش بشر .او اتخلقنا علشان ينهبو ويسرقو ويعذبو فينا
دول فاقدين الاحساس خلاص .ده لو 1% من ضميرو حى كان انتحر
بس مات زى ما هما موتى

المنسى said...

http://www.elmancy2000.blogspot.com/
إطلعوا على مالدينا من جديد

wa3d-el3yoon said...

منهم لله كل من وقف امام خراب وافساد هذه الأمه

3ala asm masr said...

رغم أنى والحمد لله مظلمتش حد أو متهيالى أنه مكلتش حد وممصتش دم حد
بس بجد الكلام وجعنى أوى
تحياتى على البوست الهايل

NIDAAL PAL said...

العزيزة / آآآبى
انا ردى على البوست الرااااائع ده
كلمتين صوغنتتين
كما تدين تدان و الديان " الله " لايموت
بوست اكثر من ممتاز يا آآآآبى

دكتور بهــدوء said...

بوست اكتر من رائع وياريت كلنا نحطه ف دماغنل ونعامل بعض ع اساسه

عمو said...

مساء الخير
مبروك التغيير
والالوان الحلوة


مش هعلق على البوست
معنديش كلام أكتر من اللى اتقال دة

لكن اللى لاحظتة ان كل التعليقات دى
وكل الردود دى

والذى تم توجيه الرساله له لم يرد

ربنا يقويكى يا بنتى
سا عات بحسدك على حماسك
واصرارك

تفتكرى هيكون التعليق
رقم سبعين مليون وواحد

تحياتى
ومزيد من الأصرار

zordeak said...

ما شاء الله عليكى بجد يا ابى

تسلم ايدك يا بنتى

وتسلم دماغك

محمود الدوح said...

كاس وداير
الظالم النهاردة مظلوم بكرة
فكر فى حالك بعدين

لو مظلوم وكنت ظالم ملكش اجر عند ربنا
لو مظلوم ومكنتش ظالم شوف اجرك قد اية

بجد يا ابى بوست جميل كالعادة

الفارس الملثم said...

جميلة اوي الرسالة دي يا ابي , بس اياك العالم تدرك معناه , " ان راودتك نفسك بظلم الناس فتذكر قدرة الله عليك " وكما تدين تدان......

تحياتي دائما

appy said...

هيثم الدهشان

ياااا يا ابنى عيد ميلاد ابن اختى يوم الخميس والله مش هقدر اجى معلش بقى حظك كده هتنور يا قمر



لعلها خير

ميرسى ليكى نورتى الكوكب

appy said...

تايهه ومش تايهه

هما فعلا جنس غيرنا هما معندهمش دم ولا احساس وفاكرين انهم احسن من الناس كلها بس نورت الكوكب يا اخى الصغير



وعد العيون

اهلا بيك اول مرة هنا نورت الكوكب كله

appy said...

على اسم مصر

يا رب دايما متظلميش حد ومعلش بقى متزعليش اذا كان الكلام ضيقك بس ده علشان انتى رقيقه



نضال

ميرسى يا نضال ربنا يكرمك يا رب وافرح بيك فى منصب رئيس وزراء البورصه ههههههههههههههنورت يا قمر

appy said...

د/بهدوء

ميرسى ليك واتمنى بجد ان كل الناس تعرفه



عمووو

والله ليك وحشه انت كده عامل زى قمر 14 متبنش غير 3 مرات فى الشهر طيب ابقى ارمى السلام او حتى عود كبريت هنا ههههههههههه
ما هو يا عموو اللى اتوجهه ليه البوست مش هيرد بس هو عارف نفسه يمكن يكون ده رقم التعليق ويمكن لو كان علق كان هيبقى رقم واحد عندى ههههههههه اصل العصافير والغربان كتيررررررررر ههههههههههه ربنا يكرمك على دعوتك يا رب والله الاصرار والحماس من عند ربنا ومتغبش علينا

appy said...

zordeak

اهلا يا قمر ربنا يكرمك وميرسى ليك ولرقتك نورت الكوكب




محمود الدوح

يا قلبى المكسور ازيك يا دودو هجهز المسدس واجيلك ههههههههههههههه


الفارس الملثم
اهلا يا محمد ربنا يهدى الناس جميعا نورت يا جميل

الطائر الحزين said...

ليس معنى أن معظم الناس تقوم بفعل معين أنه صواب

(ولو اعجبك كثرة الخبيث)

القط البرى said...

بسم الله الرحمن الرحيم
انا القط البرى ممكن اتعرف بكى اناعمرى 11 سنة ونفسى اتعرف بكى ممكن ابعتى لى معلومات عنك مثل اسمك وسنك
والله يا ابى حركتى فينا مشاعرنا او شكت على الخمول دمتى يقظة الضمير
ابعتى لى تعليق وقولى لى رايك فى معلوماتى ونكتى واقراى فى مدونتى عن النكت والمعلومات نكتى سوف تموتى من الضحك

القط البرى said...

انا اسف بدلا من اقول 11 سنة قلت سنة 11 مدونتى هى القط البرى

Dr.Mohammed Gohary said...

موضوع شديد
جديد في موضوعه
قوي في أسلوبه
جميل في صياغته
عبقريه في الأداء
لباقه في الحوار

من الآخررررررررررر

تحفه


تحياتي يا نجمه يا كبيره


ابقي تعالي زوريناااااااااا
باي باي