خنزير الحلو يا خنزيرووووو


اولا ميرسى للناس اللى علقت فى البوست اللى فات بس انا فعلا كنت مصدومه ومضايقه ومش شايفه الموضوع شخصى قد ما هو من ضمن سلسله المهازل وانحدار القيم والمبادئ فى مصر وانهيار اى علاقه بين اتنين اصحاب متجوزين اخوات اهل اى حاجه المهم بجد اكتشفت ان كلنا اكلنا على قفانا هههههههههه ودى الحاجه اللى خففت عنى شويه وقولت يالا ما الناس اهى كلها فله اشمعنى انا يعنى اللى هبقى عجبه بس عموما الحمد لله انا عمرى ما هخون ثقه حد فيه لان انا مش بتأثر بالسلب

نيجى بقى للموضوع العجيب الفلوكسا الخنازير طبعا الكل بيلك يلوكوا الكاكا فى الموضوع بس اللى هيموتنى غباء الناس اى والله بجد هجيب لكم تعليق واحد على خبر موضع قرار الحكومه بذبح كل الخنازير وتعويض اصحاب المزارع اللى الناس نفسهم امبارح لما جبوهم لايف على قناه الحياه قالوا انهم موافقين وهما هيشتروا بدل الحاجات دى الخنازير يعنى خرفان وماعيز وانا قررت طالما هيشتروا خرفان هروح اشرف عليهم نيهاهاهاها المهم الناس معندهاش مشكله مش عارفه الكام بتاع اللى اتمطعوا وقالوا هنعمل احتجاج واستعباط واحتكاك ونبعت لاونكل اوباما نشتكى له علشان بيضهدونا دول المفروض مسيحين طبعا انا شامه اقباط المهجر ربنا يجعل كلامى خفيف عليهم فى الموضوع مش عارفه ليه ما هما كل شويه يطلعوا لنا بافتكاسه وهقولكم على اروع افتكاسه سمعتها منهم بجد وبصراحه عارفين الواد ميشو ده قولت له على موضوع الخنازير وقد ايه هو طبعا يهمه مصلحته وقرف من الناس جدا اللى رافضه الدبح هو اه صعبان عليه الناس اللى مش هتلاقى شغل بس اكيد هيلاقوا يعنى ميشو ده مسيحى ومعندوش مشكله فى دبح الخنازير اهو وبعدين فيه حاجه للاخوه اللى بيقولوا ده اضطهاد اقوله اتلهى على عينك لان امبارح مسيحين ومسلمين بيربوا الخنازير دى ولما جابوهم فى اللقاء بصراحه كنت اول مره اعرف ان مسلمين كمان بيربوا الخنازير يعنى لو قولنا خراب مش هيكون على مسيحى بس فاتبطوا بقى زى البط البلدى كده واهمدوا ومتالفوش وخلى اوباما ينفعكوا جتكم القرف التعليق الظريف بقى اللى فعلا اكتشفت اننا بنستورد غباء والناس بتتعطاه حقن

تسقط الحكومة المفجوعة

مجموعة من الوزراء و كبار رجال الأعمال فى مصر راحوا استوردا كمية كبيرة من الفراخ المجمدة و طبعاً بأسعار مخفضة جداً و مش مهم اذا كانت الفراخ دى صالحة للإستخدام الآدمى و لا لاء ماهو الناس اللى فى مصر دول مش بنى ادمين اصلاً طبعاً الناس شافت الفراخ المجمدة و شكلها اللى يقرف و ريحتها الغريبة و طعمها الغير جيد فبعدت عنها و بدأت تاكل الفراخ الصاحية و البضاعة وقفت و حنفية الفلوس اتقفلت فجأة و خللوا بالكم من فجأة دى ظهر مرض انفلونزا الطيور و لأن الحكومة بتحبنا عملوا اعلانات فى التليفزيون بتوعى الناس بأهمية الفراخ المجمدة للمحافظة على صحة الناس من مرض انفلونزاالطيور و لما الحكومة زهقت من الشعب اللى مش بيسمع الكلام اتجهوا لإغلاق محلات الطيور و قطع أرزاق الناس و مش مشكلة اصحاب المحلات دى لما يشحتوا و لا يجوعوا و الناس اللى بتشتغل عندهم يقعدوا فى البيت من غير شغل لكن المهم ان الفراخ المجمدة تتباع و لما البطالة و معدلات الجريمة تزيد محدش يسأل إيه السبب أهم حاجة محلات الفراخ تتقفل و خلاص و السبب الظاهرى هو القضاء على أنفلونزا الطيور فى مصر أما السبب الآخ فلا يعلمه إلا الله


هو مين جاب القلعه جنب الكشك بتاع السجاير ومين اخد ابو الهول من مكان بجد ده كان احساسى لما قريت التعليق
يعنى مثلا كل العالم فيها الفلونزا الطيور ومصر الوحيده اللى اتوكست فيها اكتر علشان الناس معندهاش وعى ومش عاوزه تفهم ومش عاوزه تحافظ
العالم كله كان كداب ومكنش فيه الفلوكسا الطيور
هما الوزرا بتوعنا ورجال الاعمال سيطروا على العالم يااااا ده الفراعنه تاثيرهم قوى اوى يا جدعان
طيب الخنازير كمان كدبه ابريل مثلا انا بجد مصدومه هو الناس بقت عايشه فى نظريه المؤامرة ليل ونهار

اه فيه وزرا مش كويس ورجال اعمال بس ده فى حدود مصر يعنى مش هيسيطروا على المكسيك يعنى ولا اسرائيل ولا اى بلد ولا يمكن ليه لا بركاتكم يا رجال اعمالنا هى دى الفراعنه ولا بلاش

لا دى مش مؤامرة ده غباء ده غبااااااااااااااااء بجد انامش عارفه واحد يكتب تعليق زى ده على خبر دبح الخنازير ازاى وواحد تانى الناس بتقول هندبح فى المدبح والمصانع وفى الاماكن نفسها بتاعت الخنازير التانى يقولك انتم هتكفوا كل ده ازاى هو احنا عندنا امكانيات يا لهوووووووى يعنى الناس قالت وانت تقول امكانيات لا بجد كده كتير ما هما قالوا الحل يعنى احنا بنشكك فى كل حاجه وخلاص ولا ده غباء هو يعنى لو تشكيك تبقى مبلوعه انما نوصل لحاله التردى دى والغباء ده كده كتير عليا انا شخصيا بجد القرار انا شيفاه صح ومفيش مسيحين معترضين بالعكس معندهومش مانع

موضوع اقباط المهجر
النكته دىىىىىىى جديده ومن عندى ومش هعلق عليها لو حد مسيحى يدخل يقول

عاوزين يسمحوا للمسحين يدرسوا فى الازهر تيرررررررررررررارررررررر طيب انا بس هفهم اخوانا ان معنى كده هيقرا وهيحفظ القرآن وهيدرس شريعه وفقه وووووووو وحاجات كتير فى الدين الاسلامى هل هما عندهم استعداد لده ولا ايه اقباط المهجر مقومين الدنيا ومش مقعدنها علشان ده طيب دا انتم عندكم مش هيوفقوا يبقى ليه على فكره هما بيعملوا اى فتيل وخلاص اى حاجه تعمل قلق بين مسلمين ومسيحين وبس ويا ريت ننتبه لده




كان معكم ابى هانم المفش



حكمه الامبراطورة
لما تطصدم خليك مطاطى بس اوعى تطاطى

70 اخبط وقول رايك:

على عبدالله said...

السلام عليكم

طاب مش احنا قلنا الى فيها ؟!!!

على فكرة انا اعرف مسيحين حافظين قران وحديث
لكن شتان شتان بين هؤلاء وهؤلاء

يضل به كثيرا ويهدى به كثيرا

فهو برهان ورشد وسداد وفوز ونور وهدى ونصيحة وفوز بالجنة لمن عمل به
وخيبة وحسرة وخسارة وحجة على اخرين !

ان الله يرفع بهذا الكتاب اقواما ويضع به اخرين

يقول عليه الصلاة والسلام: (والذي نفسي بيده لا يسمع بي أحد من هذه الأمة يهودي ولا نصراني ثم يموت ولم يؤمن بالذي أرسلت به إلا كان من أصحاب النار). [أخرجه مسلم - عن أبي هريرة رضي الله عنه]

انا اتوقع من ادارة الازهر المبجلة الموافقة على هذا الاقتراح " دراسة الاخوة فى الازهر" خوفا من حدوث فتنة طائفية " وهذه حكمة حكيمة رصينة ابتلينا بها فى بلدنا الحبيب "مما يدل على ان
القوالب نامت والنصاص قامت
:)
عشم ابليس فى الجنة


سلام

فاتيما said...

الحمدلله
المهم
أزي نفساوياتك النأخيراااااااااااا
يا بيبى هحضر الليلة من اولها هاردة
يا رب تكونى تمام زى ما بتقولى
و مش بتسكتينا
و بتعملى عادى و مفيش حاجة
و خلاويص
كالعادة مواضيعك كلها مهمة
حكاية الأنفلوكسا دى ( بامناسبة المصطلح تحفة و مناسب جداااا ) الموضوع دا بالذات إنتى عارفنا كأحفاد للفراعنة ...عنبدع فيه و الأنفلوكسا دى جاية جاية مفيش مناقشة
و ربنا يستر لأنها هتيجى تستوطن و تاخد فى رجليها كام مليون و تزيح همهم من على الدنيا
بخصوص بقى البؤجة ..طبعا أنا جاية يا ست البنات
بس يؤسفنى أقولك إن شكلنا هنبقى زى المرة اللى فاتت ساعة المكتبة ...
محدش أكد إنه جاى غير خالد همس الاحباب و الغلبان عمرو و مهندس مصرى طبعاو إنتى و داليا و خيخة و بس
الله طب ما دول عدد كويس أهم و كل واحد فيهم بعشرة و زيادة
ل كويس خالص
و إن شاء الله اليوم يبقى حلو
ممكن تأكدولى المعاد الساعة كام يا بيبى
المرة اللى فاتت قولتم المعاد بايخ
هتلطعونى فى الشمساية
و لا هلاقى حد يقف معايا ينفخ ف صورتى ؟؟
خلى بالك من نفسك و أشوفك بكرة يا قمر التدوين كلاته
بس أنا مبسوطة قوى إنى هشوفك

ايوشة said...

البوست ده عايز دماغ عالية علشان ترد ولسه صاحية من النوم بس انا تنحطت اكتر من موضوع يدرسوا فى الازهر ده
طيب فى واحدة مسيحية طلعت من كام سنة الاولى على دفاعتها فى قسم لغة عربية تقوليلى ازاى اقولك معرفش بس هى اجتهدت واحفظت اجزاء من القران وشئ جميل بجد انها تهتم باللغة العربية
بس موضوع الازهر دا وسع وسع يعنى
بس لو هما اصروا احنا كمان نطالب بدراس داخل الكنيسة نفسها


واما موضوع الخنازير بيربيها مسيحين او مسلمين انا اصلا بقرف من اسمها ولو الموضوع فى كوارث هتحصل المفروض يعنى تكون فى واعى اكتر من كده وايه فايدة الخنازير يعنى بتاكل زبالة معلش نستحمل الزبالة اللى هتتكوم وناكلها احنا مؤقت
مااحنا واكلين الطين وسافين التراب ومش بنقول بم

Appy said...

على عبد الله
===============

يا عم الارهابى فيه ناس كتير مسيحين مش قابلين اللى الاقباط بتعمله بجد وفيهم اللى بيسمع الكلام وفيهم اللى بيقتنع باحكامنا كلها
وربنا يهدى الجميع
نورت يا ارهابى








فاتيما
========

يا حبيبى هنبقى الساعه 11 الصبح بالظبط ان شاء الله هتلاقنى
موجوده يا قلبى
وربنا يخليكى ليه يا قمر اطمنى متخافيش

Abo 7anf said...

السلام عليكم

الكارثه يا ابى ان الخنزير دا الوحيد البيتصاب ب 3 فيروسات الانسان و الطيور و الخنزير

فلو حصل تزاوج بين الفيروسات دى
هينتج فيروس فيه
خطوره انفلونزا الطيور
و القدره على العدوى من الانسان

و هتبقى كارثه
فدى مش عايزه تفكير

أمبارح كان عمرى عشرين said...

انا زهقت من كتر البرامج الموجوده عى التليفيزيون وعماله تتكلم فى الموضوع ده مع انه محسوم مش عارف المجموعه الابتقول كده واتضهاد وشم عارف ايه مالهم يعنى

وبخصوص جامعه الازهر
مش عارف بردو ممكن الاعايز يدرس الدين الأسلامى فيه كليات تانيه كتير فيها أقسام لكده

فيه حد مش عارف مين بيقول علشان يبقى فيه عندنا ديمواقرطيه ديموقراط لازم وحتما ولابد جامعه الازهر يدخلها غير المسلمين
زى الجامعه الأسلاميه فى ماليزيا

ربنا يهدى
اى موضه بقى ولازم نعشها اليومان دول

micheal said...

هههههههههههههههه..حعرف عليكي قضيتين بسبب البوست ده
الأولي:أنك شكلك داخل يقع عليا في الالبونات..ايه العناوين دي..امال خليتي لفيشو إيه
:)
الثانية:حق إستغلال إسمي في البوست
:)
بصراحة يا سيادة اللوا أنا لما سمعت موضوع أوباما ده فطست علي نفسي من الضوحك ..يعني دي من المرات القليلة اللي اساند الحكومة في قرارتها بس فعلا صحة الإنسان أولي وبعدين أنا بعد ما شفت شكل مزارع الخنازير والقرف اللي فيها..مازلت مندهش أنا ازاي كنت بحب المورتديلا أوي كده
ع العموم أنا مش عارف ليه المقاوحة وخلاص..الناس دي عاوزة أي حاجة وتضرب كرسي في الكلوب
عن نفسي أنا قلتلك امبارح..حقضيها أكل إسلامي يا أختي
:)
أما موضوع الفراخ فده جابلي حالة قرف لما قريته في الأهرام من يومين بس مكانوش قايليين موضوع الوزرائ المتورطين فيه
حتي الان..المفروض أني جاي البؤجة بس للأمانة منتظر تليفون بالليل اتأكدت منه في موضوع معين عشان أقدر أقول بالضيط
تحياتي يا بتنجاني وابقي افتكريني بحاجة بدل ما أبهدلك في المحاكم وأطلب تعويض وأقول أنك كنت منضطداني بسبب أني ميشو وأنك قبلكده قرصتيني وخلتيني أقول اي
اه بقي ماليث دعوة..ولو منفعتث أمريكا..حتطلع أعيط لطنط ليفني
سلام يا قمر

A.SAMIR said...

الظاهر كدة يا آبي ان احنا اليومين دول في ايام الخنازير
مانتي عارفة ان بلدنا بلد الموضة
و الموضة اليومين دول الخنازير
و بحب اهدي للخنازير الاغنية دي علشان يطمئنوا
يومينهم و هييجي غيرهم

thunder said...

معاكى يا ابى ان نظرية المؤامرة دى احنا عايشين فيها ليل ونهار بس لانه نوع ما االافعال المستفزة بتخاليكى تميلى للاعتقاد بدا
لكن فعلا اللى فاهم اوى عارف ان الكون مش العالم بس بيعانى من ازمة اقتصادية وامراض ومنها الكابوس الجديد اللى بقة فى اسرائيل والخوف فعلا من زيادة لانه كوكتيل من انواع الانفلونزا وبيتنقل من انسان لى انسان
لكن الانسان البسيط بيصدق نظرية المؤامرة من افعال رجال الاعمال والوزارء
........ لكن مش دا فعلا اللى يشيد
اللى يحرق الدم بجد هو افعال اقباط المهجر انا بتابع ليهم كل يوم افتكاسات جديد اوووووووووووووووى منهم اللى انتى طرحتية سيبك من مقولة اضطهاد لكن فعلا شوية ادوات عبيطة وبتتحرك يعنى اية يدرسوا فى الازهر لا دى تحفة الله يرحمة بابا لو عايش اهو كان مدير عام تنسيق فى الازهر كان هيقول اية بس عجبى بجد
بس ههههههههههههههههه عارفة انا فرحان فيكى استنى بقة يابتنجانى العاصفة اللى هتحصل عليكى دول هيطلقوا حملة ضدك
متخافيش انا هستخبى ومش هدافع هههههههههههههه
اختى العزيزة بجد البوست دا عجبانى اوووووووووووووى لان فى نقاط كتيرة جداااااااااا كل واحده فيها بوست لوحده
ابى دمتِ بكل ود وخير يارب وفى رعاية الله وحفظه

مواطن مصري said...

انا شامم ريحة اقباط المهجر معاكي

الحكومة قالت انها هتعوض الناس 1500

مواطن مصري said...

و بعدين ما ناكل فول و طعمية و بصارة مالهم يعني ها

بدراوى said...

بأمانة انا ما عارف اقول ايه على العالم الهبلة بتاعت نظرية المؤامرة

تعرفى انا قريت تعليق ظريف عند مدونة بنت مصرية

بيقول فيه الأخ و ده مش كلامى طبعاً
------
مادام اصحاب الحنازير نصارى يبقى طبعا حلال فيها الدبح
و مادام الاسلام بيبرر قتلها يبقى برضو حلال فيها الدبح
------
شوفتى هبل اكثر من كدة و جهل
و كأن على رأى نوارة الفراخ مسلمة و الخنازير مسيحية
!!!
--
تخلف بجد مش ممكن
-------------------
ممكن تشوفى البوست الأخير لبنت مصرية

http://www.bentmasreya.net/node/188

لأن الصراحة مش فاهم هيا عايزة تقول ايه
؟!
---
ربنا يتولانا فى البلد ديه ، حنلاحقها من الحكومة و لا من الناس و لا الأنفلونزا
---
مع تحياتى

karim said...

اابى هانم كل اللى بتقولية دة مش جديد علينا وياما هانشوف بس الجميل انة كلة كلالام مش تقلقى مفيش حاجة بتحصل فى بلدنا لو كان فية كنا بقيتا غير كدة خالص, متحرقيش دمك على الفاضى, تحياتى

Ahmed Talk said...

هو الواحد يريد عليه أيه وﻻ ايه

علي موضوع الخنازير وذبحها وإﻻ حكاية اقباط المهجر اللي فاضيين وكل شوية يدورا علي حاجة جديدة علشان يدعوا أنهم مضطهدين وﻻ هنرد علي حكاية الفراخ المجمدة

الله ينور علي الدماغ العالية

فتاه من الصعيد said...

والله موضوع اعدام الخنازير ده اخد اكتتر من حقه....وفعلا عيب لما يربطوا ديانه بحيوان...وبصراحه المصريين الا ثم رجال المربيين....بالنسبه لتعليم المسيحيين فى الازهر ده عادى....بس احب افكركم ان نفس الاخوه بتوع المهجر دول كانوا عايزين يلغوا الايات القرأنيه من منهج العربى وقالوا ان المسيحيين بيحفظوا ده بالعافيه وغصب علشان الامتحان....هما كل همهم يعملووا مشاكل والسلام
دمتى بخير...تقبلى مرورى

حسام غانم said...

بوست جميل يا ابي

وفعلا نظرية المؤامرة بقت جاهزة للرد على أي قرار حكومي

kafrawy said...

ههههههههههههههه

جيتك يا عبد المعين تعين
اتاريك يا عبد المعين عايز اللى يعينك

نفس المشكله و مش هنقدر نتصرف معاها بالظبط زى انفلونزا الطيور
وع راى واحد ف مصراوى
قال المفروض ان حملات التوعيه نعملها للفراخ علشان متنصابش بالانفلونزا
وسليمليى
ع الطب بيطرى اللى انا واحد منهم


دمتى بود

المعلم محمد صاحب المطعم - طعمية سخنة said...

بصي يا ابي
الموضوع كله ان في ناس ميعجبهاش اننا نتفق حتي و لو علي حماية نفسنا من الامراض

اما بالنسبة لنظرية المؤامرة اللي اتعمل فينا مش سهل
عشان كده اي حاجة هتلاقي الاشاعات ان مين مستورد ايه و عاوز يمشيه عشان كده طلعوا موضوع ايه

و لسه انعدام الثقة ده هيفضل معانا لفترة طوييييييييلة جدا

micheal said...

شوف يا سيادة اللوز عشان متقولش أن فيشو بيكروت البوست..ده رأيي في جزئية الأزهر
الناس دي بتستهبل وبتقول شكل للبيع..يعني بالمنطق كده ايه اللي حيخلي مسيحي يحفظ القران والأحاديث ويدرس فقه وشريعة
طب أقولك علي فكرة جامدة طحن محدش قالها قبل كده
خلي المسلمين كمان يستهبلوا ويطالبوا أنهم يدرسوا في كلية اللاهوت اللي مش بيخشها الا المسيحيين.
هع هع هع
شفتي الصياعة
:)
تحياتي

شمس النهار said...

انت ليه بتجيبي لي احباط كده كل ماادخل عندك ليه ها
سؤال برئ وليس متهم
هو مافيش الفلونزا حكومه:)

مسدس صغير said...

هههههههههههه
حكاية الخنازير دى حكاية
اللى عايز خنازيرة متتعدمش يحنطها ويعلقها فى الانتريه
ايه الناس دى؟؟
فعلا موضوع غريب
ربنا يستر علينا
وان شاء الله يعدمو كل الناس اللى عندها خنازير قصدى كل الخنازير اللى عند الناس.

جنّي said...

السلام عليكم

لو حكوماتنا المتعاقبة كسبت ثقة الناس بحسن تعاملها وعدم التربح والكسب غير المشروع من وراء الشعب المسكين .. لصدقنا كل ما تقوله ولكن افعالهم السيئة لا تعطينا الثقة فيهم .. وهم ليسوا بالذكاء ليسيطروا على العالم كما قلتي وان انفلونزا الطيور وباء عالمي ولكنهم استغلوا المشكلة لصالحهم .. وبالطبع انتي سمعتي ولم تعاصري او كنتي لسه صغيرة اوي عندما منع الذبح للماشية ايام السادات لمدة شهر للتخلص من شحنات الدجاج المجمد لصالح رجال اعمال على صلة بالسادات .. فافعالهم هي التي تجعل البعض يفكر بالطريقة التي لم تعجبك ..
وموضوع الذبح للخنازير كعملية وقائية من المرض لابد ان يستغله اعباط المهجر لبث الفتنة ويعاونهم البعض في الداخل فما علاقة القسس بالقضية لتواجدهم في وسط اناس يرفضون الذبح فالقسيس مكانه امام الهيكل والمذبح داخل الكنيسة لوغظ النصاري وليس في اوساط المظاهرات لركوب الموجة والعمل على الفتنة .. اما موضوع دخولهم جامعة الازهر فهم لم ولن ينفذوه ولو تمت الموافقة عليه ولكن اغراضهم اكبر من ذلك بكثير وهو انشاء جامعة مسيحية على غرار الازهر وما تقوليش نظرية المؤامرة لان هذا ما صرح به بعض النصارى المتطرفين امثال القذر سمير مرقص المحامي ونجيب جبرائيل المحامي وغيرهم وعلى فكرة هناك نصارى في مصر أسوأ بكثير من أعباط المهجر في التطرف وبث روح الفتنة ..
كفايةكدا سلام

Tarkieb said...

شوف يا سيدي يا ما في الحبس خنازير المرة دي بصراحة الخنزير مظلوم واتاخد في الرجلين والفيروس اللي جاي مش ح يجي من الخنزير دا جاي من ناس مسافرين جايين من المكسيك مثلا او منطقة فيها الفيروس..قرار الحكومة بيدل على الجهل في مصر ولما واحد يجي في التليفزيون مسئول بيطري كبير ويقول ان المرض مش بيسيب البني ادمين يبقى جاهل ما بالك بالحكومة الجاهلة اللي العلم فيها بالفسكونيا وان الابحاث معمولة لترقية اساتذة في الطراوة... ايه دخل الخنزير في ام الحكاية دي؟ طب ليه الحكومة ما تخلصتش من الفراخ من كل مصر...وفضحتنا بين العالم في اكبر نسبة اصابة بانفلونزا الطيور بعد فيتنام والحملة القومية بتعتمد على شعبولا وانتصار... العيب مش في الخنزير العيب في النظام اللي سايب ناس تربي حيوانات بتاكل زبالة اصلا وبعد كدة بيأكلها للناس ده لو حد اكلها اصلا في مصر لان في مسيحيين في مصر مش بياكلو الخنزير برضه..وعلى فكرة مش كل الزباليين مسيحيين برضة وكمان في معيز وغنم بتتربي على الزبالة والمخلفات ونسبة المعادن الثقيلة فيها تخض وبرضه تأدي للفشل الكلوي يعني مش الخنزير بس هو السبب... أما حكاية ان الخنزير هو بيعمل ميكس للفيروسات صحيح بس طب ماهو العائل الوسيط للملاريا هو الانسان والعائل النهائي هو الناموسة هل معنى كدة نقتل الانسان عشان نوقف الدورة البيولوجية.... يا استاذنا رد فعل الحكومة عامل زي فؤاد المهندس لما اثبت لمستر اكس انه واد جامد وراح شد البلتكانة على نفسه ... يعني الخنازير دي بتعمل ريسيكلينك للزبالة تقدر تقول حكومتنا ح تودي فين الزبالة دي

..

ebn roshd 777 said...

يعني بالله عليكي مش حرام
كل قنوات التليفزيون خنازير
والمكان الوحيد اللي الواحد بيفرج عن نفسه فيه بالقراءه يلاقي مقاله عن الخنازير
ربنا يستر ميطلعوليش وانا نايم

انسان وبس ! said...

يا بنتى هو انتى بتكتبى بسرعة كام بوست فى الدقيقه؟
بجد مواضيع كتيره بتفوتنى
ببقى عايز اقراها
ابقى هدى شويه

عندك حق احساس الناس بالمؤامره ده بقى عجيب
بس مش غريب علينا لان احنا متعودين على نظريات المؤامره ...ده حتى الحكومه نفسها هى اللى عودتنا على كده
خلوا بالكم احنا بلد مستهدفه - وقد يكون - بس مش زى ما الحكومه بتصورلنا .
ايران مش عارف مالها ، حزب الله وغيره
فمش غريب بقى بعد معودتنا على النظريات دى ان هى تبقى محل نظريه منها

فى لواء اسمه مش عارف ايه لوقا.. بجد ناسى اسمه لواء دكتور ...اخد دكتوراه من الأزهر
والله يا ريت يدرسوا فى الأزهر لو عايزين ايه المانع؟

لع المانع خير! مش عارف

tarek alghnam said...

ابى
البلد كلها مافهاش حاجه صح
بس عموما احنا كنا والمسيحين اسرة واحدة وانا عن نفسى كنت بحفظ القرأن مع واحد مسيحى لانه كان مقرر علينا فى كتاب القراءه ف الابتدائى
عموما ربنا يستر من اللى جى
تقبلى تحياتى وشكرى
ودمتى رائعه

خمسة فضفضة said...

السلام عليكم ورحمة الله وبركاته

ازيك يا ابي هانم يا بتنجاني

شوفي يا ستي

اولا نظرية المؤامره دي انا معاها جدا جدا هاتقوليلي ليه ؟؟؟اقولك ليه

صحيح فيه انفلونزا طيور وايوه ناس كتير ماتت اكتر من اي حته في العالم كله

بس اللي مش صحيح هو اللي الحكومه عملته في اول الهوجه بتاع انفلونزا الطيور وانها اعدمت اعداد مهوله من طيور سليمه وطيور نادره واصلا من غير ما تكشف عليها دا غير الامصال اللي كانت بتديها لفراخ المزارع واللي بشهادة اصحاب المزارع نفسهم كانت بتخلي الفراخ تمرض وتموت

وخلت حاله من الرعب عند الناس ، حكومتنا يا ستي بتتعامل مع اي مشكلة من منطلق الباب اللي يجيلك منه الريح سده واستريح
المفروض ما كانت توعي الناس عن الطرق الصحيه للتعامل مع المشكله وتتخذ اجراءات وقائية ضد الوباء وتتابع الاماكن اللي فيها الطيور كل فتره عشان تضمن ان الفيروس ما يجلهاش

تفتكري في اي دوله في العالم عملت كده في كل الطيور اللي عندها زينا كده

الحاجه التانيه اشمعنا يعني الطيور اللي في المزارع الكبيره اللي بتورد لمحلات بيع الفراخ والمصانع واشمعنا الهجوم كان علي الدكاكاين الصغيره اللي هي كل رزق اصحابها وقوت عيالهم
واللي المفروض ان الفراخ فيها معروف مصدرها ومكشوف عليها كويس في المزرعه قبل ماتيجي المحل

واشمعني سابت الاخطر واللي زي ما حصل كان هو المورد الاساسي للحالات المصابه بالمرض الاخطر ده اللي هما الفلاحين والناس اللي مربيه فراخ في بيوتها ليه سابتهم من غير توعيه ولا تطعيم للفراخ ومابدأتش تاخد خطوات ايجابيه الا لما المرض اتحول لوباء وبقينا اكبر دوله في العالم فيها كمية اصابات ووفيات بالمرض

كل ده ممكن نطلع منه بان كان فيه حد له مصلحه في قفل المزارع ومحلات بيع الفراخ، ويا ستي الحدق يفهم

وياريت تفتكري مليون حاجه حاصلت كان في وراها منتفعين ماتنسيش هوجة حزام العربيه هوجة شنطة الاسعافات وماخفي كان اعظم

اما الخنازير ومع اني مبسوطه ان الخنازير هاتتباد من مصر لان شكلها مقرف وخلتني بقيت مقروفه من اللحمه هههههههههههههههه

بس للحق يعني الخنازير حاليا مالهاش دعوه في المساعده علي انتشار المرض لانه خلاص اتحور في جسمها من زمان واللي كان كان وبقي خلاص بيتنقل من بني ادم لبني ادم تاني من غير عائل وسيط

يعني الموضوع ده كان المفروض من زمان اوي من قبل ما انفلونزا الطيور تدخل جسم الخنازير وتتحور كانوا المفروض يعملو علي متابعة الخنازير وابعاد الطيور عنها وعلي رشها بالمطهرات

الفيروس الموجود دلوقتي مش انفلونزا خنازير ده عباره عن ميكس من انفلونزا طيور علي خنازير علي انفلونزا بشريه

بس اهو بقي تقولي ايه هو هواه نفس المنطق الباب اللي يجيلك منه الريح....كملي انت بقي
دا غير طبعا ان في اي كارثه لازم الحكومه تبان انها عملت حاجه وهدت الدنياوماخلتش في جهدها جهد واحنا عملنا اللي علينا والباقي علي ربنا وان العيب مش في الحكومه دا العيب في الشعب وانا لله وانا اليه راجعون

تفتكري باعدامهم للخنازير كده خلاص طمنوا الناس يمكن مع ان اصلا الكارثه هاتفضل قائمه ومافيش خطوة ايجابيه اتاخدت زي مثلا الارشادات الصحيه لكيفية التعامل مع المرض او التعامل مع اي حد مشتبه في اصابته بيه مثلا حمله زي بتاع الاخ شعبولا والست انتصار
مافيش اي اجراءات احترازيه في المستشفيات ولا في حالة طوارئ في اي مستشفي في اي حته

مافيش الا تشديد الرقابه علي المواني والمطارات ودي في رايي مش كفايه لان ممكن جدا المرض يجي من جوا مش من برا

وربنا يستر بقي


سلام

Foxology said...

ايوووووة نظرية المؤامرة اللى الناس مصدقاها وماشية بيها دى !!

لدرجة واحد افتكس تحليل شبه منطقى لموضوع انفلونزا الخنازير قالك اصل لما حصلت الأزمة المالية محدش اتأثر بيها فى امريكا اللاتينية وآسيا وكل اللى معاه فلوس كتيرة شغلها هناك قامت امريكا واوروبا مطلعين افتكاسة انلفونزا الخنازير وظهورها فى المكسيك وامريكا الاتينية علشان الحال يتعدل تانى والناس تسحب فلوسها ترجعها امريكا واوروبا تانى

قلتله >> وانت شايل كام فى المكسيك لحد دلوقتى ؟؟ يخرب بيت الغباء بجد

حاجة تفقع

سلام

حـــــدوتـــــة said...

السلام عليكم

ابى هانم اخبارك ايه
انا عارف انى مقصر معاكى
بس غصب عنى والله انا مقصر مع الكل

موضوع الخنازير ده احنا لسه هنشوف فيه كلام كتير
رجال الاعمال اللى فى اديهم الموضوع ده مش هيسكتوا
والحكومة بتاعتنا انتى عارفها
وربنا يستر والموضوع ميكبرش اكتر من كده

سلالالالالالالالالالالالالالالالالالالالالالالالام

aMr tA3LaB said...

اولا زيارة اولى معلش اعذريني الغدة جه قولت ارخم عليكي قبل ما اكل وهرجع اقرا الموضوع و هعلق عليه

aMr tA3LaB said...

معلش نسيت اقولك تحياتي

عرفة فاروق السيوطى said...

السلام عليكم

والله انا سمعت خطبة جمعة بتكلم فيها الشيخ ان انفلونزا الطيور غضب من ربنا على اوربا وأمريكا وبعدها انفلونزا الخنازير وقال كمان ان الحكومة أصدرت قرار بذبح كل اللى الخنازير اللى فى البلد وجارى تنفيذ القرار

المهم بقى

القرار مصدرش من الحكومة ده ضغط مجلس ورأى عام والله أعلم ان كان هيتنفذ ولا لأ
وحكاية اقباط المهجر دول حيوانات ييجو عندنا البلد ويشوفوا الاقباط عايشين ازاى مع المسلمين وحياتهم ايه
ولا يعرفوا عن اقباط المهجر حاجة
المهم

الناس كلها عارفه تواجه انفلونزا الطيور ما عدا مصر لسبب واحد بس

ان الشعب المصرى خد عى قرارات الحكومة الرشيدة

ومستنى هى تفكر وتواجه وتنفذ رغم انها مش هتعمل كدة

اعذرى تقصيرى فى الزيارات الجيش واخدنى

تحيتى

dr.lecter said...

هنتخنزر كلنا

انه عصر الخنزره الكبري

منظمه الصحه العالميه رفعت درجه الانذار للدرجه الخامسه يعني وباااااااااااااااااااااااااء

علي اخر الزمن هاموت من خنزير

ياالا اهو برده من مخلوقات ربنا


كل خنزره وانتم طبيبين

يا مراكبي said...

كل الأخبار اللي قلتيها دي بتدينا انطباع ان الأمور في مصر بقت سمك لبن تمر هندي وبقت كل حاجة مالهاش صاحب وبقى اي حد من برة مصر او من جوة مصر يقدر يعمل اللي هو عايزة ويلعب بالبلد لعب

آه يا بلد من غير بلد

aMr tA3LaB said...

بجد موفقة جدا في كتابة البوست وطبعا كالعادة في الموضوع هتلاقي ناس بتهرب الخنازير لمخابأ سرية يعني في الدواليب والككمودينوا وتحت السراير وتفتحي درج المكتب تلاقي خنزير بس طبعا مينفعش المرة ديه نسكت ليه لانه سبب بسيط جدا جدا

انفلونزا الطيور مكنتش بتنتقل من انسان لانسان يعني الي هياخد العدوة هو الي جابه لنفسه
اما انفلونزا الخنازير بتنقل من انسان لانسان ومش بس كده لا ده كمان لو انسان عنده الفيروس شرب من باية وجه واحد مسكها وراه هيتعدي ومنظمة الصحة العالمية حطت المرض ده في الدرجة الخامسة يعني فضله الدرجة السادسة ويتحول لوباء عالمي

اللهم سلم سلم

قلم رصاص said...

ربنا يستر

على باب الله said...

عاوزين يسمحوا للمسيحين يدرسوا فى الازهر"

--
حضرتك قريتي الخبر بشكل مبتور فكانت النتيجة أنك فهمتيه بشكل خاطيء

الحكاية و ما فيها أن الأزهر مؤسسة حكومية , يتم الصرف عليها من أموال دافعي الضرائب المصريين .. على إختلاف دياناتهم

فمن البديهي .. أن يكون من حق أي مصري أنه يلتحق بها .. ده كلام منطقي معتقدش أن فيه عليه إعتراض

لكن الواقع أن جامعة الأزهر ( حتى الكليات العلمية منها مثل الطب و الصيدلة مثلاً ) تشترط أن يكون الطالب مسلم , مع أنها كليات علمية لا علاقة لها بالشريعة و لا بالدين

دي حاجة

الحاجة التانية اللي ممكن ناس كثيرة ما تفهمهاش بشكل صحيح .. هي

أيه المشكلة أنك تدرس شريعة دين آخر غير ما تؤمن به ؟

أيه المشكلة ؟

مش لازم يعني أنك تدرس الدين المختلف عن دينك بغرض أنك تشتم فيه و تثبت قوة دينك , ممكن تدرسه لأنك ببساطة حابب تدرسه.. لازم يكون من حقك أنك تدرس أي حاجة تحب تدرسها طالما العلم موجود و الأساتذة متوفرين

--

حمادة زيدان said...

آبى هانم

أولاً تسمحيلي أقولك إن المدّونة بتاعتك وحشاني موت وكمان خرفانك وبطوط هانم ...

ثانياً : المشكلة في الخنازير أنها خاصة بالمسحيين فقط , وأي لعب معاها أقباط المهجر هيعملوا منها مصيبة سودة بس هما مش واخدين بالهم إن وجود الخنازير فيه مشاكل على أرواحنا مش لعبة يعني ...

ثالثاً : أنا ضحكت موت من إن المسحيين عاوزين يدخلوا الأزهر طيب مع أحترامي ليهم واحترامي للأزهر ... هو الأزهر فيه تعليم!!! على فكرة الأزهر بيتدهور كل شوية وربنا يسترها عالمؤسسة العظيمة دي من الخراب .
ـــــــــــــــــــــــــــــــــ

أعلان صغنون
آبى هانم
أنا أخترت المدونة بتاعت سياتك هعمل عليها سبوت هكلمك علشان اعرف عن المدّونة شوية حجات
سوري والله ده لينك الجروب
http://www.facebook.com/s.php?k=100000080&id=1627148292&sid=9706d6fa19df879361650a6e9297b4c1#/group.php?gid=78080770039
وهو جروب لجريدة الصباح العربي
سلاموزات وسوري ع التطويل

Nostor Azzuro said...

الخنزير هو هو الخنزير

!!! عارفة ... مش عارف ليه said...

معلش انا مش هتكلم على موضوع الخنازير لأن اكيد الكل قتل الموضوع بحثاً
إنمافي لي تعليق على موضوع الأزهر
وهو إن كلامك ده صادف نزول بوست عندي بيتكلم عن الحكاية دي

في مناقشةجمال الغيطاني حول كتاب "وصف مصر" اللي كتب وقت الحملة الفرنسية على مصر والكلام على لسان الغيطاني

"""
إن الأزهر كان موئلاً لكل العلوم وكان به رواق يدرس فيه الأقباط
"""

والموضوع ده كنت نشرته في المدونة من حوالي سنة تقريبا في موضوع اسمه مصر التي في خاطري
إنما لما نشرته مرة تانية كان من زاوية تانية لحدث كان على هامش الندوة
المهم
أفتكر إن اذا كان ده موجود في الوقت ده قبل كده
أكيد القصد منه مش المقصود الأيام دي

وربنا يستر


تحياتي
وليد

احمد سعيد said...

معلش برضه يارحاب

فكرة التخلص من الطيور فكرة غير عمليه خاص

ومهما عملوا مستحيل يقدروا يمنعوا الناس انها تربى طيور

وخصوصا فى المناطق الشعبيه

المشكله مش فى محلات الفراخ

المشكله فى التربيه المنزليه

دول ناس مش بيلاقوا ياكلو
ولولا الكام فرخه ولا حمامه اللى مربينها يبقى عمرهم ما هياكلوا لحمه

او ممكن عمرهم ما هياكلوا خالص

وهتكون النتيجه ان الناس دى هتستموت عشان تخبى الطيور

وبدل ما هما بيربوها فوق السطوح هيربوها جوا البيوت

يعنى الطينه هتزيد بله

اى حكومه عندها مللى احترام كان التصرف السليم بتاعها انها توعى الناس وتعمل حمله لتطعيم الطيور

انما الحكومه المحترمه بتاعنا

اول لما الموضوع ظهر من كام سنه

علطول دوروا الدبح فى الطيور

وكانت النتيجه ان المصداقيه اتعدمت فى الحكومه
لو قعدوا للصبح يقولوا هاتوا طيوركم نطعمها عمر ما حد هيصدقهم

والناس هتخبى طيورها اكتر

والنتيجه هتكون احتكاك اكتر بالطيور

يعنى المرض هيزيد مش هيقل

ومن المستحيل ان الحكومه تقضى على تربيه الطيور فى مصر

حتى لو دخلوا المخابرات فى الموضوع

وجابو الجستابو يشارك

يعنى اللى بيحصل دة هبلللللللل

والجرى ورا الفراخ فى الاحياء الشعبيه ولمها وحطها فى كيس بلاستيك وبعدين يرشوا عليها جاز ويقفلوا الكيس دة هبل

يعنى حتى ادبحوها وادوا الناس لحمها

مش ترشوا عليها جاز

يعنى الدنيا اتقلبت عشان الخنازير

طب فيه كام واحد بيربى خنازير فى البلد
وكام واحد بياكلها
وكام واحد بيته هيتخرب
وبعدين يعنى ايه يتخرب بيته

طيب الزبال مثلا , لازم يربى خنازير
مايشتغل زبال من غير خنازير
ولا هى حبكت

اما البهوات الكبار فدول عمر بيوتهم ما هتتخرب
الا لما ربنا يخسف بيهم الارض زى قارون قاااادر ياكريم

بقيت فئه هى اللى هتنضر فعليا بالكلام دة
ودول مش كتير لو قارناهم بكام مليون انسان بيعتمدوا على تربيه الطيور فى البلد
مش هقول بيزنس ولا تجارة

لا

بيربوها بس عشان يكلوها

عشان يعيشوا ومايموتوش من الجوع

الكلام عن مافيا الفراخ المستوردة مع الاسف مظبوط
ودة مش جديد

دة من زمااااااااااان

وكانوا البهوات مغرقين الجيش والداخليه بالفراخ دى اللى بعضها مدبوح بقاله اكتر من خمس سنين

دا ان كان مدبوح اصلا

وان كنت شخصيا اشك ان دى فراخ اساسا

بس الواضح انهم مش مستكفيين

حبوا يركبوا الموجه
ويولعوا الموضوع عشان الناس كلها تاكل القرف اللى هما جايبينه

اينعم مش هما اللى عاملين الانفلونزا بالتاكيد

بس الاكيد انهم مصرين يستنفعوا من اى مصيبه تحصل فى البلد

وما اكتر المصايب

الخلاصه ايه ؟؟

هل انفلونزا الطيور قلت فى مصر ؟؟؟

لا بل زادت ولسه هتزيد اكتر والبركه فى الحكومه

تربيه الطيور انتهت
بالعكس ومش هتنتهى

والناس بدل ماهما بيربوها بعيد عنهم فى عشش على السطوح او بيطلقوها فى الشوارع هيربوها جوا بيوتهم ومش بعيد ياخدوها فى حضنهم وهما نايمين

وسلملى على الاحتكاك بالطيور الحيه

اما انفلونزا الخنازير

لو المرض دة ما انحصرش واتلم عالميا

وحياة طنط نجوى ليدخل مصر

دا ان مكانش دخلها فعلا
وهيسرح ويبرطع كمان

طالما المعاتيه موراهمش شغلانه غير ندبح ولا نعدم , نعدم ولا ندبح

بينما حدودنا مع اسرائيل مفتوحه عالبحرى
والمطارات ميه فل واربعتاشر

وطبعا ولاد الحلال مافيش اكتر منهم

وسلملى على تحديد النسل

عاشقة القمر said...

ازيك واحشتني جدااااااااااااااااااااااااااا

الفراشة الصغيرة said...

ربنا يرفع غضبه عنا
لان بجد اللى بيحصل ده

لم يكن اكثر من غضب

وقله ايمان الناس

Appy said...

ايوشه
=========
عارفه لو الموضوع عادى وهما يهمهم زى ما انتى قولتى حد يدرس ما يدرس هو لازم الازهر يعنى
هما علشان عارفين شروط الازهر فبيحتكوا باى حاجه وبس الفكره مش فكره الدراسه فى حدذاتها يا حبيبى
موضوع الزباله هى يعنى الزباله حلها الوحيد هو ان الخنازير تأكلها ده جهل مننا طبعا
لان الزباله ممن يعاد تدويرها تانى وفيه كذا حاجه










ابو حنف
==========
لا دول حولوها لمؤمارة وان الخنزير مسكين برئ يا حرام

Appy said...

امبارح عكان عمرى عشرين
======================
ما يدرسوا لو هينفذوا التعليمات معندناش مانع








ميشو
========
لا روح ارفع قضيه وانا هقتلك ومعنديش مشكله علشان الاضطهاد يكمل بقى ههههههههه

Appy said...

احمد سمير
===========
هى مش قصه موضه قد ما هى مصيبه بس الغريبه ان اللك فيها كتير هى حاجه وقرارها محسوم وشكرا ليه نلك بقى مش عارفه









thunder
==========
حمله فى عينهم هو انا حد منهم يعرف يجى ناحيتى
دول مجانين واخرهم بلاغ صغير بيجروا ويستخبوا زى الفيران فى الاجحار
مبقاش غير دول
وكده بتبعنى من اولها يا لهوى على الاخوات الجدعان

Appy said...

مواطن مصرى
===========
انا مبحبش البصارة
ممكن نمشيها حاجه تانيه بليز








بدراوى
============
ليه بتتحفنى باللينك كده فى وشى ادينى روحت يا سيدى ورديت عليها براحه
بصراحه يعنى احنا بجانب الغباء اللى بنتعاطاه حقن
بقينا ممثلين درجه اولى
طيب يا بدراوى لك يوم احرق دمك فيه ها بقى

Appy said...

كريم
=====
انا مش حارقه دمى ومينفعش اقعد ساكته فرامل لسانى بايظه بعيد عنك يعنى
نورت يا فندم








Ahmed Talk
===============
متردش اتفرج بس
نورت يا احمد

Appy said...

فتاه من الصعيد
================
والله يا حبيبتى ما عندى مشكله المشكله الوحيده بس
انهم فعلا مش لاقين حاجه يعملوها خالص
وتعليقهم الوحيد
ان لازم نبقى فى بلد ديمقراطى
يعنى اسمح له ازاى وهو مش هينفذ الشروط ما عادى ما احنا قرينا الانجيل ايه المشكله يعنى بصراحه واسعه منهم اوى








حسام غانم
===========
خليهم يشربوا بالهنا والشفا بتوع لامؤامرة

Appy said...

كفراوى
==============

ايوه مفيش وعى والناس معندهاش استعداد تفهم ولا تعمل تقولك احيينى النهارده وموتنى بكره









لمعلم محمد صاحب المطعم - طعمية سخنة
==================================
انا مختلفتش على انعدا الثقه انا اختلفت فى الغباء بس مش اكتر

Appy said...

ميشو
========
اه علشان يقولك داخلين يخلوا الناس تبقى مسلمه يا ميشو اسكت والنبى







شمس
====

يعنى اعمل ايه طيب اكتب لكم اخبار من بيتنا تصدقى حتى هتبقى محبطه
ما انا عندى اتنين فضيوا بقى خلاص وتخيلى الفضى بتاعهم عامل ايه فى البيت مبقاش وراهم حد كله اتجوز هههههههههه
حقك عليا هعمل لك فرقه هنا ونجيب مطرب ولا تزعلى

Appy said...

مسدس صغير
==========
اه ويبروزه بكيس زباله







جنى
=====
والله يا جنى متفقه فى ده المشكله برضه اننا مش بنستخدم عقلا علشان نفرق ما بين المؤامرة وما بين الشئ العقلى الصح فهمت ده اللى بيضايق بصراحه

Appy said...

Tarkieb
=============
ههههههه
اولا انا بنت مش ولد
ثانيا المكان اللى بيتنشط فيه الفيرس هو جسم الخنزير
المطار بقى مليان غرف حجر صحى وكشف وتشديدات امنيه فى الموضوع ده
يعنى العمليه الوقائيه مش فيها مشكله مش عارفه ليهالناس مضايقه
وخاصه ان الخنزير هو العائل بتاعها يعنى كل العالم قال كده واحنا برضه هنقاوح
رد فعل الحكومه اتعلمت من الفلونزا الطيور الناس بقت بتخبى الفراخ ومقدرتش عليهم
ثم ان كل الامراض اللى حضرتك قولتها دى سهل علاجها
انما دى وباء وملوش علاج حضرتك
واعتقد انك عارف
وبينى وبينك انا شايفه انه صح ليه بقى لان الناس مش هتسمع الكلام ولا هتتعظ خالص احنا ما زلنا فى مصيبه الطيور
نورت يا فندم









ebn roshd 777
================
ههههههههههه طيب اعمل ايه انا حطيت لكم صوره تيمون وبمبه اهو

Appy said...

انسان وبس
===========
انا بكتب كل تلاتاربع أيام يا عم انت بس اللى بتنام منى
على فكره انا كمان معنديش مشكله فى دراستهم والله بس شوف اللى هيجى بعدها
بقى
هيقولك لا مش هنحفظ قرآن الله طيب ليه يقولك انا مسيحى
عارف هى مشكله من غير
وعارف لو واحد دخل وبقى مسلم يقولك الازهر ارهابى
اسكت يا محمود دول يشلوا الا ما سالت واحد مسيحى غير ورد قالى لا طبعا هو من قله الكليات









tarek alghnam
===============
والله يا استاذ طارق اهلا بيهم محدش قال لا
بس لو يوافقوا بالشروط وميعملوش لنا صداع
وانا عارفه انهم حركه قرعه وبس

Appy said...

خمسة فضفضة
=============
بصى يا دكتورة يا قمر انتى
اولا كله اتعدم او اللى اكتشفوا فيه الفيرس وده لان ليه حادثتين معاهم
الاولى زميل ليه من ايام الجامعه وابن ناس تقال اوى يعنى وبيورد لكنتاكى المنصورة
ومزرعته او طريق بلقاس المنصورة
دى فعلا اعدم الفراخ لان جالها وباء
ثانيا الفراخ المجمده موجوده فى السوق من سنين ولو تفتكرى الفتره دى الناس فعلا وقفت اكل الفراخ مجمده وغير امى واحده من الناس عمرها ما ترضى تاكل حاجه مجمده
ثانيا الناس مغلبتش يعنى ولا حد اتوقف حاله لاننا بطبعنا شعب فهلوى اوى فبقوا بيهربوا الفراخ
وبيدوا رشاوى وكذا واحد فى مزرعه اتمسكوا كده
التانى اللى مزرعته اتعمل فيها كده والله ما هتصدقى ككان فى الحزب الوطنى من الزقازيق والد واحده صديقه ليه
ودكتور طب بيطرى فى جامعه الزقازيق
وبرضه اعدموا فراخه
يعنى الموضوع بعيد عن تخيلتنا
موضوع وعى الناس انتى بجد بتهزرى
يا دكتورة دا انا لما عرفت الموضوع بقيت انبهه جيران ماما فى المنصورة والله ما جم غير بالتهديد يقولك الفراخ حلوه الفراخ سليمه احنا بنديها دوا
مفيش مش عاوزين يقتنعوا
لغايه لما هددتهم وبداو يدبحوها ويعنوها فى التلاجه
ثم الموضوع كان سهل وفيه طرق وقايه وبرضه الناس بتكسل
متنسيش ان مبدا بعض الناس احيينى النهارده وموتنى بكره
موضوع الخنازير اعتقد انتى دكتورة يا فضفضه ولا هتشككينى فيكى بقى
ما انتى عارفه ان جسمها هو الوسيط والعائل لتطور الفيروس
بصى يا حبيتى
لازم نعترف اننا بلد معندهاش اداره ازمات
فبالتالى انا مع حل البتر
يا حبيبتى انتى شايفه لما بيحصل حريقه بنعمل ايه
خلينا واقعين هنقول لا الحكومه تاخد بالها اقولك ده كلامنا على المصطبه هنا فى الكوكب انما الواقع الحكومه مش هتعمل حاجه فهمتى واحنا مش هنخبط دماغنا فى الحيط
موضوع الموانى اترشقت فعلا دكاتره وده اللى بيحصل فى المطارات
المشكله دى تلات حاجه
اولا احنا شعب مش عاوز يبقى واعى ولا يخلى باله من حياته

الحكومه مقصره جدا ومعندهاش ادارة ازمات

الحكومه مش هتتغير واحنا بنضحك على نفسنا لو اقتنعنا بغير كده يبقى نواجهه الواقع
اتمنى تكونى فهمتى يا حبيبتى وجهه نظرى







فوكس
-=========

اه اه ده مش نظريه مؤامرده ده غبى ببساطه جدا جدا

Appy said...

حدوته
=========
لا يبقوا اغبياء ثم رجال الاعمال مالهم بس فى المضوع احتما ل برضه
نورت يا حدوته وعذرك معاك يا عمنا








aMr tA3LaB
=============
اممممممم طيب اتفضل نعملك شاى

Appy said...

عرفة فاروق السيوطى
======================
استنى بس ضغط انهى راى عام بس بالظبط الموضوع قرار من رئيس الجمهوريه فى اجتماع طارئ فى ثوانى
اللى بيقول كده فى الجامع ربنا معاه ويكرمه يعنى هقوله ايه








dr.lecter
===============
تخيل لما منظمه الصحه تقول كده واحنا لسه بنقول مؤامرة ورجال اعمال انا هتشل بجد

Appy said...

يا مراكبى
=============
وهو مين قال ان مصر مبقتش كده مصر بقت كده من بدرى يا استاذنا انتم اللى مش شايفين بس
نورت يا فندم الدنيا كلها







aMr tA3LaB
==============

والناس معندهاش وعى خالص ولا هيبقى عندها ابدا
ربنا يستر

Appy said...

قلم رصاص
===========
يا رب
ان شاء الله







على باب الله
=============
اهلا اهلا
اولا يا فندم انا مقرتش انا اتفرجت على حلقه كانت هتجيب ليك هارت اتاك
يعنىة مكنتش بقرا من جرنان انا اتفرجت على مداخلات للاقباط المهجر ومسيحين عادين ومسلمين
وانا فعلا ولا غيرى معندناش مانع اصلا انهم يدرسوا حضرتك لو شوفت طريقه المناقشه هتفهم ايه الغرض من الموضوع
وملا اتزنقوا وقالوا لهم طيب اوك هنسمح بده بس هيحفظوا القرآن وده شرط اساسى للتعليم فى الازهر وكلنا عارفينه على مر السنين كان الاول جزء وبعدين بقى اجزاء كتير
قالك لك يتعفى
طيب داخل الازهر ليه
ايه الغرض بقى
وبعدين هى اى مشكله وبس
وزى ما حضرتك بتقول يا فندم ان طب وهندسه علمى ملهومش دعوه بالقرآن بس الازهر قائم من الصغر على ده
طيب ما فيه فكره ان كليات كتير بره طب وهندسه ولا هى خلصت
والازهر تابع للاوقاف حضرتك مش مؤسسه حكوميه وبس وتم تاسيسه من الاول على انه مكان دينى
خلاص على راى ميشو نروح اللاهوت احنا
وساعتها اوعدك ان لو حصل كده هما هيقولوا لك المسلمين جايين يخلوا لاناس تاسلم
على فكره انا المسيحين العاديين بحبهم وبحترمهم انما اقباط المهجر بصراحه بتوسع منهم اوى اوى
ومش هما برضه اللى كانوا عاوزين يلغوا ايات القرآن من اللغه العربيه الماده يعنى فى المدارس
ان معنديش مشكله انى ادرس حاجه بتاعت دين تانى
بنت خالتى بتقرا الانجيل وبتعرف فيه ايه وبيقولوا ايه
انا عن نفسى مقرتش
بس بالنسبه ليه مش شمكله المشكلهف ى اقباط المهجر ولا مسيحين عاديين ولا مسلمين
اتمنى تكون فهمتنى

Appy said...

حماده زيدان
=============
يا زيدوس الكوكب بتاعك وربنا يوفقك يا رب
ونورت يا زيدوس










Nostor Azzuro
==========
لا بجد مكنتش عارفه هههههههه

Appy said...

عارفه مش عارف ليه
==================
والله يا وليد معنديش مشكله المشكله فى طريق النقاش والعرض عارف لو كنت شوفت البرنامج كنت فهمت المغزى منه
اقرى ردى على باب الله فوق وانت تفهم
نورت يا وليد








احمد سعيد
==========
النبى هبطحك يا احمد
انت بتتكلم عن مين عن الشعب المصرى يعنى ايه مش عمليه احمد
عارف انا ريقى نشف مع الناس واقولهم الفراخ تعبانه بلاش ده قرف جيران ماما فى المنصورة وجارتى عندها عصافير
والله العظيم ما تلموا ودبحوهم والتانيه دخلت العصافير جوه
غير لما هددت انى هبلغ عنهم واعمل لهم محاضر
احمد انت واقعى وفاهم
متقوليش الحكومه تدير الازمه
يبقى انت كده بتضحك على نفسك احنا بنهلل ليل ونهار ومفيش حاجه هتتغير
يبقى لما تقولك تموتهم يبقى فى داهيه
وبعدين على فكره مصلحه جوه البيوت ليه بقى
اقولك لما تربيهم جوه البيت مش هتتنقل له الانلفونز عن طريق طيور تانيه الخوف كان من الطيور المهاجرة
فبكده هتحميه
تانى حاجه ما قعدوا يوعوا فى الناس يا احمد وفى المحافظات الناس بقوا بيدورا عليهم فى البيوت والله ويقولوا لهم
بس انت بتقول لمين
احنا شعب عايش بثقافه احيينى النهارده وموتنى بكره
حتى المرض والوباء بنتحايل عليه شعب ابن لاذين ومتنكرش
احنا عمرنا ما هيكون عندنا وعى او البعض
اللى انت بتتكلم عنهم هى دى وجهه نظرهم
يقولك ربك بيسلم
يا سيدى خد بالاسباب
برضه يقولك لا
وبعدين هو مين بطل ياكل فراخ كان يا خويا كل يوم مبياكلوش غيرها مش عارفهامال مين بيخلص الفول
واللى بتاجر بيهم وست غلبانه ورزقها يوم بيومه
انا معاها بس تقفل عليهم كانت تسيبهم يكشفوا
ما هما مشيوا يحرقوا فيهم
علشان كده الناس مش بتساعد يا احمد
فهمتنى
والله برافوا عليك فى موضوع الخنازير
تدوير الزباله هى الناس ليه مش مستوعبه ان فيه حاجه اسمهاتدوير الزباله انا هبقى اكتب عن ده علشان بس اللى بيتهفوا يوقولوا اى كلام يتكتموا المراره يا احمد يا خويا والله اتفقعت
موضوع المطارات فعلا بقت الموضوع مشدد اوى
موضوع اسرائيل دى دوله شكيكه يا احمد اخص عليك بقى ههههههههههه
نورت يا احمس

Appy said...

عاشقه القمر
===============
اهلا باهل السودان وانتى كمان عامله ايه يا سميه






الفراشه الصغيرة
================
يا حبيبتى معلش بس علشان كلمتك اولا اللهم امين يا رب يرفعه غضبه عنا
بس ربنا مبياخدش حد بذنب حد
يعنى ما فيه ناس كتير بتعمل خير وكويسه وفيه ناس شر تفتكرى ربنا هيبعت لما مرض زى ده علشان يخلص من كله
بصى هى الفكره قله وعى من الناس وقله حرص وقله حاجات كتير
مع ان ربنا قال من البدايه على ازاى نخلى بالنا من كل حاجه
فهمتى يا قمر

arsenalwy said...

أنا رأيى أن الموضوع واخد اكتر من حقه كعادتنا نيجى فى التافهة ونرغى كتير

يدبحوها ولا ميدبوحهاش مش فارقة كتير المشكلة فى ان احنا نحافظ على نفسنا من اللى جايين من بره وكمان اللحوم اللى جايه من بره بس

وبعدين لو دبحوها لازم يشوفوا للبشوات اللى بيربوها شغل بديل او يدوهم حيوانات بديلة للخنازير علشان الصداع وهيقلولك نشتغل ايه والكلام الى احنا عارفينه

احمد سعيد said...

تبطحى مين يابت انتى ؟؟؟

دا انا اللى هبطحك وهنطحك كمان

_____________

متقوليش الحكومه تدير الازمه
يبقى انت كده بتضحك على نفسك احنا بنهلل ليل ونهار ومفيش حاجه


لا طبعا

لانى قلت ان الحكومه اول حاجه عملتها لما ظهر المرض انها دورت القتل فى الطيور

فالناس خافت

فبالتالى اول لما يشوفوا الحكومه يخبوا طيورهم

ولو الحكومه ادنت وهللت انها هتطعم الطيور محدش هيصدقها

لان الناس كلها عارفه ان الحكومه كداااااااابه

يبقى لو كانوا من اول الازمه صرفوا نظر عن موضوع القتل الجماعى الاهبل دة

ووعوا الناس كويس بالمرض

وعملوا حملات تطعيم

كانت الناس هتستجيب

على الاقل هتستجيب اكتر من كدة

لان انا ايه اللى يخلينى اخبى طيورى طالما عارف ان الحكومه هتطعمها وببلاش

.........

يبقى لما تقولك تموتهم يبقى فى داهيه

لا موش فى داهيه

مش فى داهيه يارحاب

فيه ناس الموضوع دة يفرق معاها كتييير قوى

وبعدين تعالى هنا

وناولينى قله ابطحك بيها وانتى جايه

بالله عليكى

وبالعقل

وبالمنطق

هل الحمله دى ممكن تقضى على تربيه الطيور فى مصر ؟؟؟؟

مستحييييييييييييييييييييييييل

مهما عملوا

كما انهم مش هيقدروا يستمروا فيها للابد

وبمجرد ما يخفوا شويه الناس هترجع تانى

يبقى معملناش حاجه

لان البهوات برضه عايزين يريحوا دماغهم

بلا تطعيم بلا صداع

وبما انكم مش عاجبكم التطعيم البايظ اللى احنا مستوردينه

يبقى مافيش تطعيم

وهنموت فراخكوا

وارمى الكورة فى ملعب وزارة الداخليه
وبتوع المرافق والصحه

يللللااا

وبعدين موضوع الطيور المهاجرة دة كان ايام بدايه المرض

دلوقتى المرض استوطن مصر واتكيف عالاخر

يعنى مش محتاجين طيور مهاجرة

دا احنا اللى نصدر للعالم طيور مصابه

يعنى المرض كدة كدة موجود

وهنشوف يارحاب اذا كانت السياسه الهبله دى هتزودة ولا هتقلله

ونا اهو

وانتى اهو

والزمان اهو بينا اهو

يارحاب

ياابى

يابتنجاااااااااااانى


>:P

Appy said...

arsenalwy
=============
هيشتغلوا ايه ما يدوروا الزباله هى لازم خنازير يا عم سيبك








احمد سعيد
=============
دا انا هروح فيك ست اشهر
انت اكلت فراخ قريب
يا ابنى ما هو اللى انت بتقوله ده اللى انا عاوزه اوقله
احنا حكومتنا فاشله وهو ده اخرها
ومش هتعرف تعمل حاجه
والناس كمان مش بتساعدها الناس بترفض يا احمد
نفض الريش اللى فى دماغك ده علشان تفهى
هو انا اكل فراخ وانت تريش معاك
ههههههههههههههههههه

احمد سعيد said...

طب خلاص مش هبطحك

سماح المرة دى

أم أحمد المصرية said...

صديقتي العزيزة من زمااااااااااااان ابي
ازيك ياقمر وحشتيني ياتري لسه فاكراني و لا نسيتيني
علي العموم لكي حق لو نسيتي انا اللي غبت كتير لكن رجعت من فترة و قلت لما اجي ارمي السلام وجدتك متوهجة كالعادة كاككاكاككاكاكاكاكاكاك
دي فراخ مصر بتشكرك لأنك بتدافعي عنها امام الهجمة التجميدية الفراخية المستوردة
اما الخنازير فيستاهلوا اللي يجري لهم :))

اسماء عوني said...

العيال بتوع اقباط المهجر دول عيال سيس لا مؤاخذه
وبعدين بقي
بالنسبه لحوكاية الخنازير
انا رايي
انهم يعدموها لاني سمعت انها خطيره جدا ولما بتحصل وبتبقي وباء عالمي بيبقي مؤذي موت
ربنا يستر

corombo said...

مدونه بجد جميلة جداُ جداً وموضوعاتها مميزه ممكن انقل منها للموقع بتاعي
http://www.corombo.com/vb/
واكون شاكر جدا

هيثم said...

مدونه بجد جميلة جداُ جداً وموضوعاتها مميزه ممكن انقل منها للموقع بتاعي
http://www.corombo.com/vb/
واكون شاكر جدا