.jpg)
منكم لله منكم لله
دلوقتى من شويه على الجزيره تفجيرات فى الحسين تانى تانى تانى
طيب ليه طيب افهم ايه الاستفاده
ايه اللى هيعود على العالم دي من اللى بيعملوه اعتراض طيب بيعترضوا بالدم
ترهيب طيب بيرهبوا مين تحذير طيب لمين
طفل وتلاته مصرين اتصابوا ده الاولى و17 اجانب
طيب عاوزين ايه السياحه واضربت
الناس فى شرم والغردقه قفلت اماكن بسبب الازمه الاقتصاديه الحسين مبقاش زي الاول
اتصلت على اصحابى هناك اتنين بنات لهم ورش فضه وفكرونى ان النهارده الاحد وهما كويسين ومش هناك
طيب التفجير حصل فى الميدان طيب الميدان ده مليان ناس غلابه ناس على باب الله والعالم كله بيعطف عليها
طيب اللى فجر عاوز ايه
وكالمعتاد طلع حدير البغدادى :- يقول امن مصر كويس ...... لا مؤاخذه قمل ايه اللى يقصده
وان الجماعات الاسلاميه مسئوله او الجهاد او طالبان ... يا ريت حد يستعين بالمفتش خرومبو يحل لهم الشفره دي
او ناس معترضه على اللى بيحصل فى فلسطين وانهم هو يعنى والحزب مع القضيه ومع التهدئه ...... ايه اللى جاب القلعه جنب البحر يا ابنى انت بس هو اي كلام وخلاص اي تهطيل واستهبال حد يكشف على عقل الناس دي يا جدعان والنبى
وعلى الجانب التانى الشلل والنقطه
منتصر الزيات :- مش بيرد بيردح للبغدادي وبيقول تلاقيه واقف جنبه بتوع الامن ولا حد من الرؤساء وبيمدحهم طيب البعيد معندوش دم ده وقته بالذمه ناس دمهم على الارض ودول بيردحوا لبعض
لا واللى يفرس ويشل يقول جايز حد من الشباب اللى اتأثروا بالقضيه الفلسطينه عمل كده
برضه ايه جاب ام الخلول للميه الحلوه نفسي افهم
هي الناس دي مش عاوزه بقى تلم نفسها وتفهم انها بتعامل شعب بيفهم
هما كلهم بقوا لابسين زعابيط وطراطير وبيقروا الطالع والنازل انا عمري ما شوفت تصريحات قبل ما يتعمل بحث جنائي او حتى بحث عيالى
حسبى الله ونعم الوكيل فى مجلس الشعب كله من الكبير للصغير
وفعلا المصلحه الشخصيه سواء معارضه او وطنى هتفضل فى البلد دى للنهايه
الاسلام كله برئ من اللى حصل ده دينا مبيقولش نقتل حد دخل بلدي مفيش دين بيقول اقتل حد اعزل جاي يزورك
منكم لله خربتوا البلد واهو الحسين هيبقى مكان ميت هو كمان
كان معكم ابى هانم المنقوطه من تصريحات المتسولين
حكمه الامبراطوره
الخيبه تقول للعويله يا ام خيبه تقيله
دلوقتى من شويه على الجزيره تفجيرات فى الحسين تانى تانى تانى
طيب ليه طيب افهم ايه الاستفاده
ايه اللى هيعود على العالم دي من اللى بيعملوه اعتراض طيب بيعترضوا بالدم
ترهيب طيب بيرهبوا مين تحذير طيب لمين
طفل وتلاته مصرين اتصابوا ده الاولى و17 اجانب
طيب عاوزين ايه السياحه واضربت
الناس فى شرم والغردقه قفلت اماكن بسبب الازمه الاقتصاديه الحسين مبقاش زي الاول
اتصلت على اصحابى هناك اتنين بنات لهم ورش فضه وفكرونى ان النهارده الاحد وهما كويسين ومش هناك
طيب التفجير حصل فى الميدان طيب الميدان ده مليان ناس غلابه ناس على باب الله والعالم كله بيعطف عليها
طيب اللى فجر عاوز ايه
وكالمعتاد طلع حدير البغدادى :- يقول امن مصر كويس ...... لا مؤاخذه قمل ايه اللى يقصده
وان الجماعات الاسلاميه مسئوله او الجهاد او طالبان ... يا ريت حد يستعين بالمفتش خرومبو يحل لهم الشفره دي
او ناس معترضه على اللى بيحصل فى فلسطين وانهم هو يعنى والحزب مع القضيه ومع التهدئه ...... ايه اللى جاب القلعه جنب البحر يا ابنى انت بس هو اي كلام وخلاص اي تهطيل واستهبال حد يكشف على عقل الناس دي يا جدعان والنبى
وعلى الجانب التانى الشلل والنقطه
منتصر الزيات :- مش بيرد بيردح للبغدادي وبيقول تلاقيه واقف جنبه بتوع الامن ولا حد من الرؤساء وبيمدحهم طيب البعيد معندوش دم ده وقته بالذمه ناس دمهم على الارض ودول بيردحوا لبعض
لا واللى يفرس ويشل يقول جايز حد من الشباب اللى اتأثروا بالقضيه الفلسطينه عمل كده
برضه ايه جاب ام الخلول للميه الحلوه نفسي افهم
هي الناس دي مش عاوزه بقى تلم نفسها وتفهم انها بتعامل شعب بيفهم
هما كلهم بقوا لابسين زعابيط وطراطير وبيقروا الطالع والنازل انا عمري ما شوفت تصريحات قبل ما يتعمل بحث جنائي او حتى بحث عيالى
حسبى الله ونعم الوكيل فى مجلس الشعب كله من الكبير للصغير
وفعلا المصلحه الشخصيه سواء معارضه او وطنى هتفضل فى البلد دى للنهايه
الاسلام كله برئ من اللى حصل ده دينا مبيقولش نقتل حد دخل بلدي مفيش دين بيقول اقتل حد اعزل جاي يزورك
منكم لله خربتوا البلد واهو الحسين هيبقى مكان ميت هو كمان
كان معكم ابى هانم المنقوطه من تصريحات المتسولين
حكمه الامبراطوره
الخيبه تقول للعويله يا ام خيبه تقيله
56 اخبط وقول رايك:
ايه ده انا مسمعتش الخبر ده لسه هرجع ارد لما اعرف الموضوع بالظبط
انا مفروسه من موضوع التفجير الخايب ده
يعني ايه الحكمه و الهدف منه
اصابات و حالة وفاه
استفادو ايه غير الخراب للسياحه و الاقتصاد
ناس مريضه عايزه الحرق
الله يرحم الشهداء الذين سقطوا وينعم على مصر وكافة دول العالم بالأمن والأمان ..
وسيعلم الذين ظلموا أي منقلب ينقلبون :(
يوووووووووه هيه ناقصه تفجيرات كمان
اما اروح اشوف تفاصيل الاخبار وابقى ارجع لو فى حاجه تتقال
حسبنا الله ونعمه الوكيل
حاجه تفرس
ألسلام عليكم
هى ناقصه
سياحه تتضرب
و الفجر نفسه عمل ايه
خيابه
والله احنا ماحنا عارفين نلاقيها منين والا منين ..هى ناقصة خراب وطفشان ..واشتراكا مع المخمنين والمنجمين وضاربى الودع أرى انه قد تكون للصهاينة يد فى تحريك من فجروا المكان ردا على سحب الوفد الاقتصادى المحتج بتاعنا ...عملا بمبدأ تعمللى جدع اشحتك اكتر واكتر ..ولكن دون شك انها حركة قذرة
اه يا اختي ااااااااه
وكسه بني
والنبى يتحطوا بقى حد من الشباب
والنبى ده تلاقي ه ما الى مفجرينها عشان يتصوروا جنبها
هو اساسا البلد كلها بقت بايظه
باااااااااااااااااااااااااااااااااااااااااااايظه
ياااااااااااه يا رحاب
المنطقه هناك اكيد بعد ما كانت فاتحه ابواب رزق لناس كتييييييييييير
دلوقتى ابواب رزق كتير و ناس كتير مقفت ده بجانب
الناس اللى ماتت
لو فى اى اعتراض على اللى بيحصل
هو مفيش غير الدم ؟
هل انتشر الاسلام بالسيف ؟
اعتقد ان ده اكبر تعارض مع الاسلام
بصى بقى للى هيحصل
من مشاهدتى للاحداث فى الفتره الاخيره و من تكرار الحوادث و اللى بيكون النقاب عامل اساسى فيها اتوقع فى الفتره الصغيره القادمه قرار بمنع النقاب زى ما حصل قبل كده مع الذقن و بكره نشوف لان اخر الاخبار بتقول ان منفذ احداث الحسين اتنين لابسين نقاب
و بيقولوا انهم بيخدموا الاسلام
لو مكنوش منقبتين الاعلام هيخليهم منقابات
و بالتالى
هيمنعوا النقاب
زى ما منعوا الذقن قبل كده
يلا بادينا يا مسلمين هنمع تعاليم الاسلام
بادينا بنخلى العالم يقول علينا ارهابيين
حسبى الله و نعم الوكيل
فى اللى عملوا كدة
حنلاحقها من الفساد
و لا الإرهاب
ربنا يستر
اما عن التحقيق الجنائى
أنا رأيى يستعينوا بشرطة دبى
:-))))
ربنا ياخدهم و يحطهم مع اسلام نبية في مكان واحد و يطهر مصر من الظلامين
صدقتيني لما قولنا نقفل الحدود و العمابر تخيلي بقى لو المعابر كانت مفتوحة كانت زمان هناك فية تفجيرات في الغردقة و حسب المصادر السياحة مضروبة و هو احنا ناقصين جماعات ظلامية في مصر
الارهاب لا دين لة
انا سمعت الخبر وانا في السويد
علي قناة الاخبار عندهم
بس لحقوا كده يقولوا ان المسؤل هم المجاعات الاسلاميه او حاجه ليها علاقه بالاسلام
ولا ايه؟
ايه السرعه دي؟
ولا دي الحيطه المايله اللي بيتسندوا عليها؟
ونفسي اعرف المجنون ابن المجانين اللي رمي القنبله ده .. استفاد ايه؟
اموت واعرف
آآآه يا أختي مش مفروسة أكتر مني
:@
وكله كوم وسي حيدر كوم
مش كفاية الى جرالنا لا كمان ظالع يقول الكلام المرقع بتاعه دا وايران وماعرفش ايه
ناس بتتاجر في المصايب
وبتنافق نفاق رخيص
آه يا مصر بجد آآآآه
البلد اصلها ناقصه و بيتشطروا على الغلابه
ايه التخلف دة حرام و الله اللى بيحصل دة
عينى عليكى يا مصر هتلاقيها منين و لا منين
السلام عليكم
ازيك يا ابي
عارف اني من زمان غايب ومسألتش
بس والله كان لظروف المهم
مش عارف حاسس ان المره دي الأمن ملوش دعوه
دول ناس مختلين ومش معقول الداخليه هتعمل عسكري لكل مواطن
من وجهة نظري ان الوضع العام اللي وصلناله هو الدافع للمرض النفسي ونتيجه لكده حصل اللي حصل
ان حاسس اني بكتب كلام كبير ههههه
ع العموم يارب ازورك تاني في ظروف احسن
واتمني تنوريني
برقش
والله يا مصر امرك عجيب .
اللى بيعملو كده ياما مجانين ياما اغبيا..دى بلدنا ياجماعة انتو بتفجرو ايه وغير كده تصريحات المتسولين على رأيك تفرس كل واحد طالع بحكاية.
بس انا عايز أسأل سؤال الامن كان فين واللى معاه متفجرات ده داخل منطقة الحسين اكيد كانو بيتفرجو على ماتش الاهلى..
لنا الله وحسبنا الله ونعم الوكيل
ااقرى البوست بتاع نوراة فى المدونة بتاعتها حلوة جدا وهى لخصت كل الكلام
ربنا يصلح الاحوال ياااااااااااارب
والله انا بردو مش عارف فى ايه انا كنت متابع قناه الجزيره
ومتابع حوار غزه وفجأه لقيت حوار الحسين وانقلبت التفجيرات من فلسطين الى مصر اتخضيت والله فى الاول
بعد كدا ادركت ان الامر حصل فعلا ودا مش وهم مش عارف ليه كدا بس باين والله اعلم كل ده بسبب زياره الرئيس حسنى مبارك لى اوباما لتوتير العلاقه المصريه الامريكيه قبل المقابله وهذا ما كنت اظنه واتمنى ذالك لئنى ضد هذه المؤامره
البلد للأسف مستهدفه من الخارج ومن التنظيمات اللاإسلاميه لضرب إقتصادها في مقتل والمستفيد الوحيد هم باقي الدول التي تستوعب السياحه الهاربه من مصروبالطبع من ضمنهم إسرائيل رغم الخراب والحروب إلا أنهم مأمنين الداخل عندهم كويس
ومصر اللي لم تتعافى بعد من آثار الأزمه الإقتصاديه العالميه على النشاط السياحي فيها أتت تلك الضربه الهمجيه التي لا يعلم تأثيراتها إلا الله
فمصر محطوطه تحت المجهر ويتم تضخيم أي عمل عدائي ضد السياحه يحدث على أراضيها
ربنا يسترها
الحركه الإقتصاديه اساسا ماشيه بالعافيه مش عارفين لو أتدمرت أكتر من كده أيه اللي ممكن يحصل للناس اللي عليها إلتزامات ومصاريف بالكوم
وبالفعل زي ما قلتي ففي الغردقه الكثير من القرى سرحت العماله الموسميه وكثير من المحلات بتنش ومش جايبين إيجاراتهم بس فضلا عن أن يربحوا
فعلا ربنا معاهم
إنها لا تعمى الأبصار ولكن تعمى القلوب التى فى الصدور
مش عارف الى بيعمل كده هيستفيد ايه هقدر يوصل صوته بالدم!!!!!!
ايه الى بيحصل مش عارف
لا حول ولا وقوة الا بالله
حاليا فيه حمله على مصر من جميع الجوانب
والفضائيات انتهزت الفرصه -وخاصة الجزيره- وفضلت تعيد وتزيد في المشاهد عمال على بطال
والتوقيت ده بالذات توقيت سحري
الهجوم على مصر جاي من كل البلاد العربيه
وبالمره نكمل عليها بالارهاب
اللي هايجنني حاجتين
أولا: المنطقه هناك مرشقه بالبوليس
ازاي الموضوع ده عدى من تحت اديهم
ثانيا: امبارح في عز المعمعه، جابوا صورة واحد عسكري واقف وماسك كوباية الشاي ومستجم على الآخر
أنا بجد بقيت بتعب نفسياً من أخبار مصر ... عاوزين نعمل أخبار مصرية للجيب على غرار مدونات مصرية للجيب
الحكاية بقت عاملة زي مسلسل رخم وبايخ
الأخبار الحلوة .. إيه ده هو فيه أخبار حلوة أصلاً عن مصر؟؟
كنت هقول الأخبار الحلوة بقت قليلة اووي
بجد ربنا يجيب الخير من عنده لإن اللي بيحصل ده محتاج ربنا مش محتاج حد تاني ... إيه ذنبهم على رأيك أبرياء وأطفال .... اللي سمعته كمان امبارح إن القنبلة اترمت على شاهد الحسين ... اللي هو المقام نفسه ... مش عارف الكلام صح ولا غلط ... بس ف تاريخ مصر وتاريخ الارهاب كله مفيش اسلاميين بيضربوا جوامع ولا مقامات وأضرحة ... ومش عارف دي معمولة بغرض فتنة طائفية بقى والعملية مش ناقصة أصلاً ولا الحكاية بقت إيه
وكله كووووم والأغبية اللي بيطلعوا ع الشاشة وع التليفونات دول كوووم تاني
أنا مرارتي اتفقعت من استهياف الشعب بجد
ربنا يكرمنا ويكرمكم ويكرم البلد اللي فيها أصل الخير دي
تحياتي على التدوينة والايجابية آبي هانم
خليها تخرب
هما يعنى يهمهم ايه لما السياحه تضرب والناس بيوتها تتخرب
هما لا يهمهم البلد ولا الغلابه الى بيتوهم مفتوحه من ورا السياحه
ولا حتى الناس الى ماتت من غير ذنب
المهم اهدافهم الى هما فاكرنها نبيله
وانتي متوقعه نعلق ونقول ايه
عارفه لما تحسي بالعار ومش لاقيه كلام
هو ده حالنا كلنا
كل اللى اقدر اقوله ان اللى حصل ده يعتبر دليل فشل فاضح للبهوات والباشوات بتوع الداخلية اللى ماليين منطقة الحسين من اول الكلاب البوليسية لحد الرتب اللى قاعدة على الكراسى مانتخة وعمالة طول الوقت تشرب ف شاى وقهوة وتاكل فور فرى من المحلات اللى فى الميدان
البلد خلاص سابت ... انا عن نفسى مش مصدق الأفتكاسة بتاعة ابطال مفعول القنبلة التانية ... اعتقد انها لمجرد حفظ ما تبقى من ماء الوجه ولا ايه ؟؟
تحياتى والله يرحم الشهداء
مش مقتنع انها عملية ارهابية التوقيت بيخلينى احط 2 مليون خط احمر في العملية دى الغاء طؤارى وقانون ارهاب احسبيها مع نفسك كدة والله لا اسلوب جماعات ولا اى حاجه تاني عارف انى حتبطح بقلة بس دة راي تفتكري بعد العملية دى حد حيعترض على قانون ارهاب او طؤارى تانى وعلى فكرة علشان محدش يقول الحكومة حتدمر اقتصادها كدة كدة السياحة فى التوقيت دة ميته والتصفية على ودنة فى الاقصر واسوان والغردقة
تحياتي
في رأيي انه من السابق لاوانه توجيه
اصابع الاتهام الي شخص ما...او جهة بعينها..او جماعة علي وجه الخصوص.
لكن ، و هذا رأيي ، الموضوع نتيجة للحرب علي غزة...و ان البعض رأي ان
مصر كانت مقصرة و ان كنت اري غير ذلك، و ايضا يمكن انتقاما من قيام مصر
بمصادرة كميات من السلع المعدة للتهريب
الي غزة عبر الانفاق....
المهم، و هذا رأيي ايضا، ان الانفجار
اظهر استرخاء امني من بعض العناصر الموجودة بهذا الموقع...لان الشرطة متواجدة هناك و كان يفترض ان يتم احباط هذا قبل الانفجار...
الامر الاخر هو ان مصر ستظل مستهدفه
في امنها...سواء من الداخل او الخارج
وان علي الجميع ان يتعاونوا فيما بينهم لدرء اي خطر...
لك خالص التحية و التقدير...و دمت بالف خير.
تفجير في الحسين يوم الحد اللي هو اساسا اجازة البازارات هناك بقنبلة هبلة بدائية
انا الحوار دا مش داخل مخي خااالص على فكرة
على ميكروباص قريت الحكمة الاتية:محدش فاهم حاجة فى اى حاجة
الغريبه اني كل الناس كانت متوقعه ان هناك حدث كبير ممكن يحصل و للاسف لم يمنع الحذر من القدر
تحياتي
يا خوفي يا بدران احسن يكون ناس سمعو خطاب سماحة السيد حسن نصر الله التحريضي انا احب سمحاة السيد نصر الله و أعتبرة احسن من حماس بكتيررررر ولكن فيما يتعلق ب الامن المصر فهو خط أحمرررر
بصراحه حتتعبينا من اساميك
يوم نلاقك ابى هانم بتنجانى
ويوم ابى هانم منقوطه
ارسى لك على حال عايزين نعرف انت ابى هانم ايه وخلاص
كل التحليلات فى موضوع انفجار الحسين سابق لاوانه
واللى طلع يقول بيقول طق حنك وخلاص
عشان هما فاكرين الشعب اهبل وعبيط ولابس خيش وقاعد على الارصفه
اراهنك ان دا ملعوب ..من مين .. الله اعلم
حسبى الله ونعم الوكيل
هى مش ناقصة الطينة بلة
كفاية اللى احنا فيه
لا دا انسب مخطط بقة البلد متدهور وعاملين نقول احنا لسة متاثرناش بى الازمة الاقتصادية دلوقتى بقة مش هيقدروا ينكروا اللى بيحصل فى مصانع العاشر والسادس وشرم الشخ وكمان السياحة كدا شكرا بسى اللى عاجبنى اوى مدى الشافية اللى عندنا يدوب القنبلة اترمت طلع المسؤل يا جماعة دى عناصر تبع كذا وكذا واحنا قبضنا عليهم كمان يعنى حكم على اللى اتمسكوا قبل ما النيابة تحقق وحتى لسة محدش يعرف كام واحد كانوا فى الجريمة قال هو قبضنا على تلاتة فعلا احنا لسة لابسين عمم ..... فعلا لااله الاانت سبحانك ان كنا ظالمين وحسبى الله ونعم الوكيل والله فى اللى رمى وفى اللى صرح
لالالالالالالالالالالالالالالالالالالالا
حسبي الله ونعم الوكيل
متى يصير عندنا وعي ديني عشان الاغبياء يفهمون ان العمليات هذه حرام
اتذكر لما صارت عندنا العمليات الارهابيه فى المنطقة الشرقيه كان الوضع جدا مخيف وتحسي انه فجأه مافى امان
وفى كل عمليه الضحايا هم من اهل البلد الابرياء
بصراحه الموضوع ده غريب جدا مش داخل دماغي
منطقة الحسيين معروف انها يوم الاحد بتكون هاديه نسبيا عشان اغلي الورش والصاغه بتكون مغلقه واكتر المحلات
طيب ليه الاحد وليه تفجيرات في التوقيت ده
لو فهمتي فهميني
يا حبيبتى خرومبو أخره بابا نويل , طبق كشرى كده يعنى , احنا عاوزين معجزة من السماء هههههههه
طبعا موضوع أن ده رد على موقفنا فى فلسطين مش مستبعد برده
بس الاجابة " من عيونى " صح ؟؟ و لا ايه ؟؟هههههههه
سلام يا قمر
بجد حاجة تغم نفسي اعرف هما بيعملوا ايه للشباب أو البنات اللي بتعمل كدة علشان يبيعوا عقلهم بالشكل ده
الإرهاب دي صناعه وليها ممولين مش مسالة دين بس
عارفة من كام يوم كنت بتفرج علي فيلم هندي بيتكلم عن الإرهاب وأزاي انه وراه مستفيدين والتخطيط له مش بيكون عشوائي بالعكس دي اهداف وتوقيتات مدروسة
اشمعني احنا بس اللي مش عارفية ولا يمكن مش فاهمين
علشان كدة أي مسئول بيطلع يقول اي كلمتني وخلاص
الرحمة يارب
حلو النيو لوك ده جداااااااااااا
حسبى الله ونعم الوكيل
الخبير الامني سامح سيف اليذل : الانترنت هو السبب الرئيسي لتفجيرات الحسين
هناك بعض الشباب يدخل علي الانترنت ويتم تجنيده وحسه علي العمليات الارهابية الغير منظمة
عايز اقولك ان انا بدأت اقتنع ان فعلا اوباما ده سره باتع
يقول للحكام العرب كن فيكون
السلام عليكم
التفجيرات ونتيجتها
لا تدل الا على ان الهدف كان حدوث مجرد شوشرة وشغب يكمل على سمعة مصر والمسلمين ايللي ضاعت
ربنا ينتقم منهم والله
تحياتى ليكى
حسبي الله ونعم الوكيل في اللي عمل كدة
مش عارفة ذنبهم ايه الناس الغلابة
ربنا يحفظنا
القمل المصري
الحزن الوطني
قرأت أحد الكتاب في المصري اليوم يستخدم كلمة الحزن الوطني
شعرت أني أكاد أقسم أنه يأخذ مصطلحاتك الآبية التي أجدك بارعة جدا في اطلاقها وستلتصق بهم وتنتشر من هنا الكوكب البتنجاني
القمل بخير قارفنا في كل حتة ومبيعرفش يأمن أي حته
تحياتي
ولله يابى ولا هتصحا ... دى عايزة قنبلة نووية علشان تصحى
واحنا هنستنا لما نضرب تانى؟
بعد إذنك يا ابى ياريت يعنى تصحيها معايا
مش راضية تصحى لحد دلوقتى
صحيح انا رجعت تانى معلش اصلى كنت تعبان شوية
يادي البمبة وحكاية البمبة
مش عارف ليه انا لوحدي اللى شامم ريحة وحشة في الموضوع ده
.............
وعايزين تلغوا قانون الطوارئ
مش عارفه اقولك ايه انا فعلا مستغربه جدا لان الوقت قاتل و مش مستحمل مغامره فما بالك بكارثه زى دى ربنا يهديهم و يهدهم ياااااااارب
ازيك بي انا دخلت مدونتك شافيه انا من ضمن ناس عامله دوشه حرم عليك انا هاديه جدا هههههههههههههههه
ام بالنسبه لتفجير لما كان في تفجير جنب متاحف نحنا كنا في متاحف ربنا استر طبعا انا اهنزل مر اسبواع جاي كن ندي ترتبيت عايزه عامله
بس اول ماسمعت قصة بنت
ذبحت قصة تفجيرات لقت ترتبي
والله أنا مش مرتاح للي حصل ده
والموضوع كله مريب
حاسس كده إن اللي حصل ده مبرر
لمصيبة أكبر ميت مرة
ربنا يستر
علي اي اساس بتقولوا انهم اسلاميين
مش تعرفوا الاول ايه اللي حصل ومين اللي خطط
؟
مش دايما اللي بنشوفه ولا اللي بنسمعه هو الحقيقه ساعات كتير بنبقي مضللين
انفجار تانى؟؟؟
انتى متاكده
اللى عرفته انهم لقوا عبوة ناسفه بس لسه مانفجرتش
حسبي الله ونعم الوكيل
انا قلبي واجعنى بجد
السلام عليكم
طبعا اول اصابع الاتهام توجه الى
"الاسلاميين"
مع انى مش عارف معناها ايه الكلمة دى !!!
يمكن يقصدوا بيها المسلمين ؟؟!! جايز
ليه كل مصيبة تحصل زى دى يلصقوها بالاسلام
يعنى مثلا مايكنش ليه
المتمسحنيين
او حتى اللادينيين
او حتى الشعييين
او العلمانيييى
او حتى البطيخيين
اهى الفاظ خلاص
اشمعنى يعنى المسلمين
ومع ذلك
مافيش انسان مسلم فى قلبه ذرة ايمان
او حتى ذرة فقه
فى اولى حضانة علوم شرعية
يحلل حجة زى دى
والله المستعان
آبى الكميلة
----------
لاتبحثى عن منطق فى شئ لا منطق له
ليس هناك أى هدف محقق من عملية بشعة كهذه .. ثم نتسائل وكأن أهم شئ أن يبرئ كل واحد ساحته
هل نحتاج الى تخلف أكثر مما نحن فيه؟
يبدو أنه مطلوب المزيد
بصي انا مقتنعه تماما بان الحكومه ليها ايد في الموضوع ده
مؤمنة بقي بنظرية المؤامره او عندي تهيؤات
هي ماتجيش غير كده
اصل مش كل مايكون في كلام عن قانون الطوارئ يحصل تفجير
بأمارة ايه يعني
ماتدخلش العقل خالص ان البلد تفضل هاديه واول مايجيبوا سيرة الغاء القانون التفجيرات تشتغل
هيه البلد ناقصه حريق هنا و تفجير هنا و عمارات تقع هنا
بقت حاجه تقرف
صباح الخير وإزيك وعاملة إيه وكل الكلام الجميل ده
نرجع للنوصيبة اللي إحنا فيها بقى
لما شوية عيال فرغوا عشرين بمبة في علبة قدروا يعملوا فينا كده
أمال لو تنظيم إرهابي بجد كان عمل فينا إيه ؟؟
اللي فارسني إن المكان ده ملغم ظباط وأمناء وعساكر 24 ساعة
واللي يفرس أكتر إن نفس المكان ده إتضرب قبل كده
يعني دي مش أول مرة للأسف
والمفروض إنه لا يلدغ مؤمن من جحر مرتين
والمفروض كمان إن التكرار يعلم الحمار
إحم إحم ... سوري .. قصدي الشطار
أقولك .. تصبحي على خير
أقوم أنام قبل ما أعك أكتر من كده
أخوك المفروس
إحســـــــان
Post a Comment