حبرشنى يا حبرشنى




ندخل فى الموضوع طبعا تقريبا كله عرف موضوع اسر ياسر واللى بيحصل واننا وقفنا معاها معنويا وده اللى كانت محتاجه له وعلى الرغم من اللى حصل ناس دخلت تقولها اتحجبى واللى دخل يقول متخرجش لوحدها وكل واحد قال اى كلام
خلونا نتكلم براحه ومش هرد على كل عقليه لانها بتحكم من زاويه واحده وبس
اولا المجتمع طبقات كل طبقه تلبس اللى مناسب ليها وفى الوسط بتاعها هو ده اللى كويس وبلاش يا ريت نحكم على بعض من طبقتنا احنا ومش معنى ان البنت مش محجبه تبقى قليله الادب والعكس برضه على فكره برضه كل طبقه فيها المحجبات والغير
ومش بتكلم عن حجاب او غيره لان ده شئ مفروغ منه
ثانيا
المحجبه كمان بيتحرش بيها بيها انزلوا فى اى مكان او اسالوا المحجبات وانتم تعرفوا اللى بخمار وكان فى ايدها بنتها فى اكتوبر واحد اتحرش بيها فى وسط الشارع

سفاح المعادى كان بيضرب منقبات ومحجبات يعنى كله سواء

مره زميل ليه قالى واحنا رايحين شغل فى مكان استنى ادخل قدامك علشان كان فيه شباب واقفين قولت له عيب انت معندكش اتيكيت قالى يا بنتى العيال هياكلوكى بعنيهمم قولت له انا لابسه حاجات واسعه اهو
قالى عارفه وبما انى ولد يعنى ممكن بنت تشدنى تكون لابسه خمار وواسع جدا قولت له ليه قالى دايما الواحد بيشتهى اللى مش شايفه اكتر
يعنى برضه بيسيبوا خيالهم المريض يعيش
وده بينعكس على البنت لانه بيطول نظرته ليه وده اسمه برضه تحرش للى مش عارف
التحرش بالكلمه ومش بالفعل ولمس الايد بس
طبعا هو يومها اتعلق من قفاه منى شويه وقلبت بنكد وخناقه بس الحمد لله الاصابات ضغيفه خلصنا الشغل وراح خد حقنه فى المستشفى لمده 21 يوم بس هو كويس واليف مبيعضش دلوقتى

اللى يقولى متخرجيش من بيتك لوحدك هقوله اتلهى على عينك لان انا مثلا من ضمن الناس اللى بتشتغل وكتير زى يبقى نقعد فى البيت ازاى واصرف على نفسى ازاى يبقى يا حد يقول كلام وحل صح يا يحط لسانه تحت سنانه ويسكت خالص
كان فيه واحد والله بيقول سبب خراب اقتصاد مصر الستات بس نسيت اقوله يعنى الست الوالده لما اتحملت مسئوليتك لغايه ما بقيت شحط برضه كانت بتخرب فى اقتصاد مصر
عجبى على التفكير بجد


المهم طبعا مش تضامنا معاها هنا ولا على الفيس بوك ولا تحت بيتهم اصلا هيرد لها الجرح اللى من جواها ومش هيعمل حاجه اكتر من انه سابورت ليها معنوى يقويها لان الكلمه اللى بتتقال للبنت هى الوحيده اللى بتحس بجرحها واحنا عندنا عيال عاوزين ضرب النار فى ميدان عام بعد ما يتعلقوا من بوكسراتهم الحمراء ام دباديب وبينك دى

لانهم بجد كل حاجه ليهم بقت تيك اواى ومبيعرفوش يفرقوا ما بين بنت محترمه وبنت بتجرى وراء اى كلب فى الشارع يبص لها حتى ولو بعد كده اداه على قفاها هتفضل تحت رجليه
فبيعاكسوا بالفاظ زباله شبهم بالظبط وبرضه ده تحرش

وبعد ان شاء الله ما الولد يتعاقب هنرجع لعنب ديبو يعنى هيظهر واحده تانيه وتالته
انا بقى عندى اقتراح ومش عارفه انفذه او تساؤلات ببساطه

وزراه الاحلام قصدى الاعلام قرفتنا اهلينا باعلانات الخواجات والعيال بتوع الازهر ومتتحبرش بيهم
ليه بقى مبيعملوش كده مع بنات البلد ويعرفوا الناس ان فيه احكام قانونيه ويعرفوهم يعنى ايه تحرش
ويبقى سهلوا على نفسهم وعلينا قرف وبلاوى كتير بدل ما ابو شنب بريمه يطلع ويقول مفيش تحرش ومش ظاهرة

طبعا بقول اعلام لسبب واحد ان ماشاء الله الشباب اليومين دول وقتهم مش فاضى انهم يقروا حاجه ولا يتابعوا وفعلا ممكن الولد اللى عمل كده مع اسر ميعرفش حاجه عن اللى حصل مع نهى
اذا كان فيه ناس مش عارفه ايه اللى كان بيحصل فى غزة
وجايز ابوه برضه لما استفذها ورده العبيط ويوقلها انتى اكبر من ابنى وابنى مش هيعاكسك
بجد نفسى اقابله واقوله انت متعرفش ان لما حد يجيى يقولك ابنك مدمن متشتمش الراجل والمفروض انك تكشف على ابنك
انما احنا ومن عاداتنا المتأصله لازم نرمى اللوم على غيرنا
يعنى هو رمى اللوم على التانيه وقالها انتى اكبر منه عمره ما هيجيب الخطأ على ابنه ايوه هى اللى غلطانه علشان اكبر منه كنتى اصغرى شويه يا اسر بقى المشكله فى الشماعه مش هتخلص
يا عالم الاعلام مش الجرايد الاعلانات فى التى فى هى اللى هتعمل ده

بس اللى فعلا مش فاهماه الولد اللى عمل كده مع نهى محدش هددها يعنى ولا لواءات مدرعات
اشمعنى ده
الاولاد بتوع المهندسين محدش كلم البنات
بجد لازم يبقى فيه تساوى شويه فى الموضوع ويصلحوا ام الخرم اللى فى المله فى القضاء ده ويشوفوا خالتى نزيهه راحت فين يرجعوها
ولحد ما يبقى فيه حاجه مقنعه على كل بنت عمل الاتى

1- لبس حزام سهل القلع تلسوع بيه اى كلب يبص لها طبعا البنات اللى حبين ده هما حرين عادى يعنى حبين يتعاكسوا ويتحبرش بيهم
2- اوعى تصوتى لان صوتك هيروح فى الهوا ومحدش من الشعب هيعبرك وفرى صوتك للاتصال بالشرطه بسرعه مع تجهيز قاموس شتايم شحن ذاتى فى لسانك
3- كل بنت عليها انها تتدرب كونغفو او كارتيه وابعدوا عن الشيبسى بيجيب امراض علشان ترزع البيه علقه محترمه
4- يا بنات اوعوا تخافوا من اى ولد لان اللى بيعمل كده اضعف من انه يقف قادمك ولو حسه انك قويه فعلا هيخاف ( مجربه قبل كده )
5- انا البس اللى انا عاوزاه طالما ماشيه محترمه ومش معنى حتى ان الواحده لابسه اى حاجه ان ده يدى الحق لاى عيل برياله حتى لو كان كبير فى السن برضه عيل انه ينتهك خصوصيتى سواء كنت محجبه او غير

6- كل واحد يربى عياله ونفسه واللى حوليه لو قدر

ملحوسه اللى عنده افكار غير بتاعت الاعلام والاعلانات يا ريت يقول عليها واللى يقدر يساعدنى فى انى اوصل الموضوع لحد يعمل الاعلانات دى يا ريت يقول برضه لان الموضوع مش هيقف غير بكده ومش عاوزه حد يقولى والتوعيه الدينيه انا معاكوا جدا فيها بس لما تتكلموا عن شباب بتقرا حتى اى حاجه انما اكبر عامل مؤثر فينا هى الاعلانات

كان معكم عميد اول مباحث برج الجزيره ابى هانم الشهيرة ببرعى المفش

حكمه الامبراطورة

قليل العقل داريه لا تبيعه ولا تشتريه


89 اخبط وقول رايك:

BAsMA said...

اول تعليق

Eng. Ahmed Abo El-Ella said...

تمام يافندم
علم وجاري التنفيذ

زوجه said...

كلامك صح يأبي بخصوص ان التحرش مش شرطه لبس البنت
انا اعرف وشوفت علي اليوتيوب منتقبات بيتحرش بيهم
وعلي فكره حكاية الرجاله اللي بتحب المستخبي ديه حقيقه جدا
اسئليني انا
فعلا بقيتي خلاص نادرا لما تلاقي رجل مش مريض
اما بخصوص
انا عندي فكره قريتها من بنت في تعليقات المصري اليوم علي موضوع تحرش
البنت قالت انها تم التحرش بيها كتير وان الشخص بيجري وهي مش بتعرف تجري وراه لانه اسرع
وان اخر مره الولد المتحرش كان بيضحك ضحكه غظتها اوي اوي اوي
فراحت مصرخه حرامييييي حراميييييييي
ناس راحت مسكته ونزلت فيه ضرب لحد مالولد صعب عليها وسبته ومرضتش تروح بيه القسم
شكله كده اخد علقه مخدهاش حمار في مطلع علشان يصعب عليها بعد معمل معها كده
فبصراحه فكره برده عجبتني
لان مفيش واحد هيتحرش بواحده ويقولها انا اهوه تعالي امسكينيي
عايزه اعرف رايك اوي ياأبي في كلام البنت ديه
تحياتي

A.SAMIR said...

محدش يا ابي قال ان الحجاب بيمنع التحرش
انما ةاكيد الاحتشام في اللبس حتى لو مش حجاب بيحد منه ولكن لا يمنعه
يبقى ليه ما نتحشمش في لبسنا علشان مانديش لحد فرصة انه يتكلم كلمة مش ولابد او يتجنن ويمد ايده
القصة مش قصة حجاب بقدر ماهي احتشام في الملبس والمظهر حتى لو بدون حجاب

micheal said...

ابي يا روحي..أبدعت وقلت أحلي الكلام في البوست ده لان اللبس عمره ما يدي أي حيوان حق التحمرش وصدقيني أنا نفسي أن ثقافة التحرش حتي نفسها تتغير يعني بمعني ان الناس مش تعتبره مجرد اللمس أو العبث بالجسد وإنما يبقي التحرش باللفظ ده تحرش وبالنظرة لان هي دي بداية التحرش الجسدي
موافقك جدا في الإقتراحات وبالذات نقطة أن البنت لازم تهتم بممارسة أي لعبة من ألعاب الدفاع عن النفس ولعلمك فيه كورسات والله اسمها سيلف ديفنس بيدربوا فيه البنت بشكل إحترافي علي مواجهة مثل هذه التصرفات في الواقع وده شيء منتشر جدا جدا في أوروبا وأمريكا ولازم البنت هنا تبطل سلبية ومتقولش ياااه هو أنا حقدر أعمل كده..بقي معقولة ألعب كاراتيه ولا جودو ولا تايكوندو
لأ..دلوقتي الشعار اخدم نفسك بنفسك لان محدش حيعيط عليك ولا حيسأل فيك
بالنسبة لاسر..انا نفسي فعلا نعملها غير الاشتراك في جروبات الفيس توك بس عاوزك تفكري معايا ونطلع حاجة كويسة في الاخر
نقطة جانبية بقي:عملتي ايه في الواد زميلك يا بت
الله يرحم يوم ما شديت عليكي شدة خفيفة امبارح ولقيت اي اي طلعت
:)
مش قلتلك ممكن أخليكي ابي البنوتة
:)
بس برضه أنا بعترف أنك برعي بلسانك وشخصيتك بس مش عاوزين فتونة وافتكر حكمة اخوك اللمبي:الرجولة أدب مش هز أكتاف
تحياتي

~*§¦§ Appy §¦§*~ said...

Eng. Ahmed Abo El-Ella
=-=======================
اللى هو ايه بقى مش عارفه








زوجه
========
والله فكره مش بطاله خالص بجد
تصدقى جامده

~*§¦§ Appy §¦§*~ said...

احمد سمير
========
اولا محدش بينزل الشارع ببدله رقص ولا شورت ولا فاتحه القميص لاخر معدتها
يعنى البنات بتلبس عادى
ثانيا المحجبات اللى لابسين فضفاض اتعمل فيهم كده
مش المحجبات اللى على ما تفرج اللى قالعين ولابسين بس اسبانش
لان دول مش محجبات ولا محتشمات
علشان بيلبسوا ضيق اوى وبعدين يحطوا طرحه
دول شعرهم وحش اصلا
غير كده هو يعنى ايه احتشام بالنسبه لك يا احمد
غير كده ان العيب مش لبس العيب اخلاق يا احمد وتربيه وفكر
وبجد مصر بقى فيها وباء اسمه قله ادب فى كل حاجه وعدم نظافه
وعدم لياقه
وتعليق خيبه الفرد على واحد تانى
دى ببساطه المساله يا احمد

احمد سعيد said...

يابنتتى الراجل بتاع قضيه هبه
كان سواق على قد حاله
علشان كدة محدش عبرة
وكمان كان نحس
بعد ما عمل عملته وهو راكب العربيه ونهى كانت ماشيه
طلع بالعربيه
وخلاص خلص الموضوع على كدة
على حظه الاسود وقف فى اشارة بعدها بحوالى 100 متر
فاتجرجر من قفاة عالقسم

اما الشاب بتاع المقطم دة
دا ابن ناس
مش وش سجون ولا بهدله
ابن بابى بعنى
مش حرام عليكم
السجون دى لسواقين النقل فقط

اما الشباب الهاى
كفايه يتملص لهم ودانهم
وممكن يتلسعوا بالمعلقه السخنه

اة
نسيت اقولك
انا بقترح ان البنات تمارس رياضه السومو
وتجرى ماراثون كل يوم

ممممممم
يعنى تاخد صلاح سالم رايح جاى كدة كل يوم يجى خمس مرات

علشان تعرف تمسك المتحرش من قفاة


وممكن برضه بعض الاسلحه الشخصيه

يعنى ممكن مثلا تشيل صاعق
مش صاعق ناموس
صاعق كهربائى
بس ياريت يكون مش من بتاع البنى ادمين

يكون من بتاع البقر
الكبير الاسود اللى الامريكان بيستخدموة فى مزارع الغرب دة

ممكن يحوء

~*§¦§ Appy §¦§*~ said...

ميشو
====
اولا طلعت روحك ومحدش مسكها نيهاهاها

ثانيا مين ده اللى انت بتقول عليه يا دى النيله يا جدعان بجد تصدق هضربهم علشان شالوك من تحت ايدى
يا بتاع الملكيه اقوم عليك بلوج سبوت وعماته

رئيس جمهوريه نفسى said...

بتنجاني هانم كعب الغزال
اولا بس علشان في حاجه الناس لازم تعرفها في فرق كبير بين الجرائم اللى بتحصل فى الشارع على البنات
اولا: فى جريمة اغتصاب ودى عملية كاملة قهر بدون رضاء من البنت
ثانيا: جريمة هنك عرض ودى حصول مجرد ملامسة زى ما حصل ل نهي رشدى
ثالثا:خدش حياء هو مجرد التلفظ بقول او القيام بافعال تخدش حياء الانثي ولكل منها عقوبة
اى جريمة بتقع على الانثي مش بتخرج من دول حسب ما بيكيفها القانون ولكل منها عقوبتها بس كجريمة مستقلة بذاتها اسمها تحرش جنسي القانون ما بيعرفهاش

كل صور الانتهاكات دي اللى بتحصل من الاخر هي جريمة من المجتمع على المجتمع مش جريمة فرديه بيرتكبها والد على بنت
جريمة مجتمع لانى اللى وصل الشارع المصري عموما للحالة دى المجتمع ككل فى غياب دور الاسرة اللى بتربى وبقيت مجرد ماكينه صرف آلى على اولادها ومش هم بيعملوا ايه ولا بينقلوا ليهم خبرات الحياة فبقيت خبراتهم من الشارع ليس اكثر او ااقل وبعدين وزارة التربية والتعليم لا بقى فى تربية ولا تعليم وبقيت مصيدة دروس خصوصية بس وسوق مفتوح بيتقابل فيه التلاميذ مع المدرسين للاتفاق على مقاولة الدروس الخصوصية اضافه اللى مناهج تعليم بقيت عبارة عن حفظ ومش بتسمح للابتكار او تفتيح المدارك فالواحد يقعد يحفظ جملتين من كل درس لدواعى الامتحان وباقى الوقت فى الشارع مرورا بدور العبادة اللى بقيت بس مجرد اماكن لصلاة دون نقل تعاليم الاديان بتكلم على الكنسية او الجامع عموما وحتى لو فى غير كدة يبقى بتنقل جينات التطرف للفريقين ونتيجيتها واضحة طبعا بس دة مش موضوعنا تيجى بعد كدة للدولة اللى مش بتراعى اى تخطيط في المدن الجديدة او القديمة بتوفير ملاعب وساحات للشباب ولو توفرت نوادى بتبقى بالاف الجنيهات فبقيت محصورة فى ناس معينه والباقى مالهمش غير الشوارع وطبعا الشباب فى الصيف بتبقى الشوارع ملاذة الاخير اخيرا دور الامن اللى انحصر في تامين موكب وزير ولا غفير ومحاصرة مظاهرة دون الامن المجتمعى وتوفير الامن فى المجتمع فبقى كل دورة يتلقي البلاغات علشان يدور على واحد يشيل القضية والمحكمه تلم الكل يبقى المجتمع كله هو السبب في التحرش تيجى بقاء المجتمع بيدفع التمن ازاى نتخيل بنت عندها 14 سنه او 15 سنه لما حد يتحرش بيها وتتعرض لدة مرة واتنين وتلاته حيحصل ليها مقت شديد للشارع ولجسمها اللى كان السبب في انها اتحرش بيها وحتهز ثقتها فى نفسها (ياريت اللى عايز يعترض يشوف ثقه آسر بقيت عاملة ايه بعد الموقف فى ردها عندى فى المدونة ( لو بنت حصل ليها كدة لما تخلف بنت ايه الخبرات اللى حتنقلها لبنتها وولادها الا الخوف من بكرة ومن المجهول ومن كل الناس غير طبعا العامل الاقتصادي اللى بيحصل لمانعرف انى مصر بتخسر عدد كبير من السائحين بسب الموضوع دة خاصة انى امريكا وبريطانيا اصدرت نشرات تحذيرية لرعاياها من مصر واللى بيحصل فى شوارعها ولما نعرف انى واشنطن بوست صنفت مصر تانى دولة فى العالم بعد افغنستان فى التحرش يعنى دى سمعتنا فى العالم

كلمة اخيرة بخصوص اللبس بتاع البنت رغم ايمانى التام انى البنت حرة تلبس اللى هى عايزة تلبسة ولو حتى تنزل من بيتها ببكينى هى حرة بس مش مع الناس اللى بتقول انى البنت ولبسها عليه عامل حوادث التحرش اللى تمت فى عيد اللى قبل اللى فات كان في منهم محجبات وبنات لابسة عبايات وكمان بعد موضوع نهى رشدى كان فى حالة تحرش فى 6 اكتوبر بطلتها لابسة حتى الجوانتي الكلام عن لبس البنات استسهال ليس اكثر او اقل وكسل عن التفكير فى حل المشكلة

كلمة اخيرة تشديد العقوبة او النص على عقوبة مش هو الحل لانى عقوبة الاغتصاب تضاعفت بعد حادثة فتاة العتبة اول التسعينات وبقيت الاعدام والاغتصاب موقفش وكمان القتل عقوبتة الاعدام بس القتل موقفش وبقى الابن بيقتل والدة والبنت بتقتل امها الحل فتشديد العقوبة ممكن يساعد على حل جزء من المشكلة والباقى يتحل لما كل واحد في المجتمع دة يلعب دورة

NIDAAL .R said...

أرى النائب المحترم نضال يتقدم من الخلف ويرفع يده ويفاجأ الجميع قائلاً

موافق مع بعض التحفظات يا ريس

Che_wildwing said...

كنت معدي وقلت لازم ارمي السلام
ومش هعلق عالموضوع ده
عشان بمنتهى الصراحة اتخنقت من الناس ام افكار غريبة ونصايح فقيعة
بس قائمة الاحتياطات بتاعتك حلوة الصراحة وتنفع في اي حتة الا عندنا
الحاجات دي ماتنفعش مع العيال الشبيحة اللى عندنا
فكرتيني بالسلف ديفنس

!!! عارفة ... مش عارف ليه said...

الفترة اللي فاتت

كان بداية موضوع آسر

وأخد وقته

وقبل منه كانت غزة

وأخدت وقتها

والنهاردة كان موضوع أسامة عبدالعال

بتاع تجارة الرقيق

وهنا طبعاً عندك تداعيات

موضوع آسر

ومن فترة كان في مصراوي
موضوع بيتكلم عن السمات العظيمة المكتسبة للشخصية المصرية
من أنحطاط اخلاقي وفساد واستخدام الطرق العامة كمراحيض عمومية والتقطيع اللي بيعمله المصرين لبعض في الغربة وان ده يكاد يكون انفراااااد للجالية المصرية على مستوى العالم
والرشوة بقت الشاي بتاعي
ودخان الرجالة واللامبالة والتنبلة

بصراحه بقينا حاجة تقرف
ولا استثني نفسي

حقيقي مش عارف ايه الحل
انا اسف مقدرتش افيدك بحاجة

سلام

حسن حنفى said...

تعرفي والله بتوصل مش ان الاب يبرر لابنه لا ده سعات والله الاب بيشجع ابنه علي كده وبيفهمه ان هي دي الرجوله

dr.lecter said...

اولا كده التحرش ده موجود في مصر من ايام معاكسات من عينه ياصفايح الزبده السايحه بتاعه عبد فتاح القصري في الابيض والاسود

مررورا بتطور معاكسات شارع عماد الدين وشارع جامعه الدول كنت فيين ياخشبه ايام ماكنت انا مسمار

الي التحسيس في الاتوبيسات وطابور مجمع التحرير وطلبه ثانوي علي مدارس البنات اللي جنبهم

يعني التحرش ده في دم المصريين منذ قدم التاريخ

ليه بنتحرش؟
والله مااعرف بس تعددت الاسباب ومازالت الاجابه تايهه

انا اعرف رجاله متزوجين بيتحرشوا واعرف ستات متزوجه وبتتحرش برجاله

انا عن نفسي تم التحرش بواسطه بنات ثانوي من 6 سنين

(مش علشان انا امور ولا حاجه بس هيافه بجد
ههههههه


وفي الشغل برده اكتر من عيانه بس بصراحه كانوا تحرش محترم اخرهم كلام يعني



بنتحرش لييه؟

ناس تقولك كبت


ناس تقولك حقد تجاه الانثي

ناس تقولك محاولهع لاثبات حاجه في دماغ البني بجم

ناس تقولك

عقده من الطفوله او فراغ عاطفي تحول الي عقده لميفاويه مسرطنه في دماغ الشاب نتيجه انه اتزنبق اكتر من مره من بنت وخد استماره سبعه


وناس تقولك تفريغ طاقه بدل مايروح يقتل ولا يفجر نفسه يروح يرمي نفسه علي جسم واحده



لكن من وجهه نظري التحرش خاصه بيبتدي في الطبقات اللي عايشه في خط الفقر او المهمشين

والطبقه دي بتحقد علي المجتمع لانهم حاسين انهم مالهمش وجود وانه تافهيين ومالهمش قيمه

فبيحاولوا يوجهوا ضربه للمجتمع قاسيه تقولهم احنا موجودين اهو ومش هننسي ابدا انكم السبب في اللي احنا وصلناله

وانا بؤيد ده بشده

المجتمع المصري هو السبب في كل اللي بيحصل ده

هو السبب في ان الناس اصبحت مريضه ومجنونه ومهووسه بالتحرش ولمس جسمن البنت مش هاقولك بقي علشان الاعلام هو السبب ولا اللبس

ولا تصرفات البنات

ده شيء مفروغ منه بس مش ده السبب الرئيسي

من سنتين قولت ياخواننا الناس اللي بيتقبض عليها بتهمه التحرش

بدل ماترموهم في السجن وبدل ماتضربوهم يتعمل لهم احسن دراسه نفسيه يتقعد معاهم

احنا عمالين طول الوقت نقول موتوا الكلاب دوول احرقوهم بجاز وسخ

لكن حد فيكم فكر يسمع رايهم ولا يسمع مشاكلهم

يسمع هم عملوا كده ليه؟
هل فعلا هم مذنبين ولا ضحايا زي البنات

انا مبلقيش اللوم علي حد اللي يتلام هو المجتمع لانه هو اللي ماهتمش بعغمل وعي ديني ولا تربوي للشباب

ماحدش بيهتم بالعيال اللي شغالين تبعاين علي ميكروباصات ولا اللي في الورش

ماهم دول اللي بيتحرشوا

ااساتذه علم النفس بيقولوا ان الجرايم بتحصل في طبقتين الطبقه اللي تحت خط الفقر والطبقه اللي فوق خد الغني

الفرق ان طبقه الاغنياء اوي اوي اوي جرايمهم بيتسكت عليها او بتتحل في السر او بتتعمل برضاء الطرفين

لكن الغلابه الجهله المنتخلفين الفقراء لازم يتعبطوا علشان المجتمع يحس بلامان




انا ضد التحرش لانه بيخلينا اقل من الحيوانات في الرقي

انا ضد التعصب ضد جنس معين

لكن علشان ده مش يتكرر ياريت نفكر نحل الموضوع ازاي


الموضوع مش هيتحل بان البنت تلم البوليس


ولا تمسك سليف ديفنيس


بره بيحصل العن من هنا بكتيير

بره مافيش تحرش بيحصل اغتصاب علي طول من باب عدم تضييع الوقت تلاقي الموظف زنق زميلته ولا الكدتور عملها مع ممرضه بتاعته ولا مريضه عنده

او مدير مع سكرترته

او واحده ماشيه في الشارع جنب بيتها وتحت شباكها وهووب خلص الموضوع

مش عاوزين نوصل زيهم ولا نبقي في مستواهم


احنا في الاخر شرقيين وعرب لينا قدسيه تجاه المراه لان المراه دي لو اتعاملت كويس في اي مجتمع بتطلع شخصيه منتجه ومفيده للمجتمع وام فاضله ومعلمه جليله


وبس كده علشان انا ورمت

فل عليكم

أحــوال الهـوي said...

مش قادر اقول غير عندك حق
و اسمحي لي باعتراض علي اسلوب الحوار
هناك فرق من الخناقة و المقال
ياريت نستخدم لغة مختلفه لطرح المواضيع الخطيرة التي تمس المجتمع و الدين بصورة ابسط من كده

اعرف ان الموضوع خطير و بدل التشتت في مفردات لغويه صعبه نركز علي لب القضيه
و نبحث عن اسباب الظاهرة المتزايدة و الغريبه علي مجتمعنا
يجب ان نعترف ان هذا السلوك موجود في كل مكان وزمان ولكن بصورة فرديه و نادرة و لكن حينما نجدها بصورة متناميه و جماعيه فلابد من وقفه لتشريح اخلاقيات المجتمع الجديدة و الدخيلة علي ديننا و عادتنا
اين مكمن الخلل و لن اتطرق للبس الفتاة ففي الستينات انتشرت موضه الميكرو جيب و اللي لا يعرفه ان طول جيبة الفتاة اقل من شبر و كانت تمشي بالشارع ترسل اليها نظرات الاشمئزاز و لم يجرا احد ان يتعدي بنبس كلمة بالنقد او المعاكسه
انها يا ابنتي اخلاقيات متغيرة في السلوك و تنعكس علي التحرش الجنس و جرائم الاعراض و القتل الغير مبرر البشاعة و الاسباب

لابد من الدوله ان تبحث بالتخصص عن ديموجرافية المجتمع الجديد و اسباب التغير و التحول في سلوكيات الافراد و الجماعات لتصحيح المسار الا سوف نصبخ في غابة لا يحكمها الا الفوضي

تحياتي

احمد سعيد said...

احوال الهوى
dr lecter
...............

بجد مش عارف اقولكم ايه
الله ينور عليكم

~*§¦§ Appy §¦§*~ said...

رئيس جمهورية نفسى
==================
ايه يا محمود ده كومنت ولا مقال فى الاهرام فى صفحه الاقتصاد وعلاقته بنمو طوابير العيش
يالهوى انا صوابعى وجعتنى تضامنا معاك
يا نحنوت
انت شكلك مشتغلش قضايا كتير
عموما قوم غير حبر الكيبورد علشان خلص نيهاهاهاها

~*§¦§ Appy §¦§*~ said...

نضال
========
ايوه انت تعترض فى قفايا مش فى وشى اصل انا مقدما عارفه رايك واتناقشنا فيه قبل كده










Che_wildwing
==============
على فكره فيه عيال مقاريض وولاد ناس بيهببوا كده مش الشبيحه بس
اه نسيت اتفضل القهوة بتاعتك علشان هتبرد حضرتك
نورت يا تشى

~*§¦§ Appy §¦§*~ said...

حسن حنفى
==========
يبقى الاب ده نوديه العباسيه يتربى احسن له












dr.lecter
===========
اليوم العالمى لكتابه العرايض
بس والله مبسوطه انى طلعت طاقه فى الكلام جواكم كده
عموما هو انحلال اخلاقى فى الجميع
اه عاوزة اقولك مبحبش صفايح الزبده دى ولا اصلا يقول يا جميل يا عسل ما يقعد ساكت ما يعجب فى صمت
والبنات اللى اتحرشوا بيك كنت ضربتهم انت كمان عموما نا برضه مره البنات هما اللى غلسوا عليه بس عادى ولا كانى شيفاهم

~*§¦§ Appy §¦§*~ said...

احوال الهوى
===============
والله وحياه ربنا مش عارفه ليه انتم مش مصدقنى انا مبعرفش اكتب غير كده
طيب اعمل ايه عموما هبقى اقولك الافكار واكتبها انت
يا جماعه كل حد له اسلوبه وبعدين مين قال انى بكتب مقال المقال ده فى الاهرام اخبار جمهوريه
انا بس بيكون جوايا كلمتين عاوزة ابخهم فى وش حد مش اكتر
بس وبالنسبه ليه لما اكون بنت واسمع الكلام اللى اتقال ده على اسر او التحرش
احب اقولك ان كده كمان كنت هاديه جدا
غير كده وبخصوص الديمواجرافيه ودمج السكان والبحث العلمى
دى اقتراحات على الوزارة يعنى نقدمها لهم ومش هيعملوها احنا عاوزين حل مننا احنا حضرتك مش هنعتمد ونقول هما المفروض يعملوا
لان طبعا هما مش راح يعملوا حاجه
انما حاجه زى الاعلانات هقدر اتصل بشركات وحاجات كتير اعرض الافكار بس
نورت حضرتك وديموجرافيه الارض بقت مليانه انوار يا فندم

~*§¦§ Appy §¦§*~ said...

احمد سعيد
===========
اتنا فوت تعليقك ازاى
معلش انا اسف يا فندم معلش
اقولك كلمه من غير ضرب
ساعات اولاد دول فعلا لو اهليهم شدو ودنهم بيستجيبوا
بس المشكله هنا بقى ان الاب اصلا مش معترف
انا شايله سيلف ديفنس ومش بشيلوه من شنطتى ولا عربيتى بجد علشان اى موقف زى ده
على فكره انا كمان عجبنى حلول الاتنين بس انا عاوزة حاجات بجد فعليه بايدينا يا احمد فهمت

Rania said...

التحرش ملوش دعوة بمحجبه او مش محجبه
دول مرضى نفسيين و فعلا لزملهم العلاج
و معاكى بصراحه فى كل كلمه قولتيها
اتكملتى بمنتهى الحياديه

و بالنسبه للموضوع ممكن نعمل جروب على الفيس بوك و نحاول نعلم البناويت ازى تدافع عن نفسها
لان فعلا الموضوع زاد عن حده جدااااااا

تحياتى

احمد سعيد said...

ياسلام
يعنى ابن البيه تتشد ودانه
وابن الغفير يتشد عالسجن
؟؟؟؟؟
عموما انا مازلت عند فكرتى زى ماقولت
ان السجن مش حل للمشكله
وان كنت مانكرش ان دول لازم ياخدوا بالجزمه
لأ
بالبيادة

وبعدين انا مش مقتنع بحكايه السيلف ديفينس دى

ايه الارف دة

انا مارضاش ان بنتى او اختى او مراتى تجهز لنزول الشارع كانها بتعد لمعركه حربيه مع جيوش تيمورلنك

معلش
اصلى مش بحب انصاف الحلول

يعنى هو دة اللى هيحلها
طبعا لا
طب ولما التحرش يزيد
ودة طبعا شىء انا متوقعه

والسيلف معادش هينفع

نقوم بقى نطلع رخص طبنجات للبنات
وممكن بعد شويه
الطبنجات مش هتحوء
لان الموضوع هيزيد اكيد
نقوم نوزع عليهم رشاشات
وممكن كمان الغام ارضيه

معلش
اى بنت لا قدر الله لو اتعرضت لموقف زى بتاع وسط البلد او المهندسين
الكلام دة كله ولا هيجيب نتيجه
دا لو كان فيها حيل اساسا او اعصاب


دانا لو بنت ولقيت ميه ولا متين شاب حوليا هيغمن عليا علطول
انشالله لو كان معايا كلاشينكوف

ربنا يكفيكى شر الشباب لما يتسعر
وربنا يكفيكى شرهم اكتر لما يتسعروا ويتلموا


هو الحل زى منا قلت قبل كدة

قفلتها صح؟؟؟؟؟؟

وطالما انه مافيش اصلاح سياسى

يبقى كووووول الليله دى هتفضل بايظه
التحرش وغيرة كمان
وهتزيد


وطالما ان الوضع حتى الان باقى على ما هو عليه

يبقى عيشوا بقى فيلم ريسدنت ايفل

ههههه
ربنا يكون فى عونكم

الحمد لله انه خلقنى ولد ياختى
بلا خيبه

~*§¦§ Appy §¦§*~ said...

رانيا
=======
اعتقد يا حبيبتى ان الجروبات اتعملت وكمان هى لتوعيه الشباب وبقت كويسه
نورتى يا صاحبه الاحساس








احمد سعيد
===========
هعضك هعضك
انا قلت كده لا طبعا ميتشدش انا قولت فى بعض الاحيان ا و الحالات بتجيب نتيجه
انما مضطر اخاك لا بطل فى شيل السيلف ديفيسن فى ظل وجود القرف ده
وطبعا بما ان الحكومه مفيش فايده
يبقى الاعلام
تقدر تساعدنى وتقولى ممكن اروح لمين فى فكره الاعلانات ان شاء الله الحزن الوتنى لو الحل هيبقى من هناك اروح امانه الاعلام اروح للسياسات
اروح لمين واقول يا مين
قولى قولى وانا فدائي فدائي وممكن اعملها بدل ما اعيط

احمد سعيد said...

تعضى مين ياماما؟؟
ماعاش ولا كان حد يعضنى

هو انت فاكرة السيلف دة هينفعك
دنا برشه كل يوم بدل القطرة والاكس

~*§¦§ Appy §¦§*~ said...

يعععععع اكس ايه بس بقولك ايه الاديدس الاورنج والبلو والسليفر احلى وريحتهم حلوه
عد الجمايل بقى نيهاهاهاها

احمد سعيد said...

هىىىىىىىىىىىى

ساره said...

أبي القمر

موضوع التحرش هذا صار قضيه لازم ينوجد لها حل وعقاب صارم

عندنا فى السعوديه المتحرش من الشباب يشهر بيه فى مكان عام ويحلق شعره على الزيرو
عادة يكون فى مول او مكان تسوق عشان غيره يخاف انه ينفضح
وممكن فيها سجن اذا التحرش زاد عن حد الفظ ... طبعا لسه فيه معاكسات بس فيه كمان خوف من العقاب

اما عنى فانا تعلمت بعض من فنون الدفاع عن النفس عشان الطوارئ وصدقيني تعطي البنت ثقه فى النفس

وعلى فكره لما كنت فى القاهره تعرضت لتحرش وتضايقت جدا لاني تفجائت ان الكل قاعد يعاكس حتى العسكري

ارجوا ان ما احد من اخواني المصرين يزعل مني بس هذا اللى حصل معاي وانا محجبه ومحتشمه ومعظم الاحيان بالعبايه

صبرني يارب said...

انابرضه شايفه ان الاعلام فعلا عليه عامل كبير

بس انتى مش شايفه انهم مش فااااااااضين

اه طبعا امال مين يبوظ دماغ الشعب انتى عبيته ؟

~*§¦§ Appy §¦§*~ said...

احمد كمان بتفرقع بالونات ولا ايه نيهاهاها









ساره
=====
عارفه يا ساره
والله من غير ما تقولى ومش زعلانين اكيد لان ده بيحصل حتى معانا ومع امهاتنا واللى اكبر وهنحاول نعمل حاجه فعلا
نورتى يا قمر

mohamed ghalia said...

أنا متفق معاكى تماما يا أبى مفيش بنت بتعدى من التحرش الشباب مش بيسيب
وزميلك عنده حق لما قلك المحترمة بتشدك أكتر
ربنا يصلح حالنا
دمتى بكل الود

~*§¦§ Appy §¦§*~ said...

صبرنى يا رب
============
والله هى محاوله يعنى يا حبيبى وانا بجد هسعي لده فعلا ربنا يقدرني

قيس بن الملووووح said...

"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

~*§¦§ Appy §¦§*~ said...

محمد الغاليه
==============

بس لازم توعيه يا محمد نورت وسري على تقصيري معاك









قيس ابن الملوح
=================
انت بتدور على ليلى هنا ولا ايه
يرحمك الله يا سيدي
بس ملاحظه انك مبتغيرش الجمله دي عند ناس كتير هو انت معندكش غيرها يعنى نوع كده يا خويا

احمد سعيد said...

انتى بتكلمينى انا؟؟؟

أحــوال الهـوي said...

مش عارف فيه حاجات بتفرقع لما برد عليك
عموما اذا كانت الاعلانات ممكن تعمل خطوة ايجابيه
مفيش مانع و بما انك خبيرة اعلانات فحسب علمي الضحل في هذه المسأله ان نجاح الاعلان و تأثيره يعتمد علي العديد من النقاط الهامة
تحديد نوعية المتلقي المستهدف و الهدف من الاعلان و الفئه العمرية و حاجات انت اعرف بيها
وده اللي قصدته بتحديد الاسباب المؤديه الي التغير الاخلاقي و بلاش ديمجرافيه اللي مزعلاك

صاحبةالجلاله مالكةكوكب
تحياتي

أحــوال الهـوي said...

"حبرشنى يا حبرشنى"

معلش يعني ايه


تحياتي

~*§¦§ Appy §¦§*~ said...

احمد سعيد
========
اي نعم مش داخل تقولى هييييييي
اقولك ايه يعنى يا حرام انت اتخضيت علشان بقولك هعضك طيب متخافش مش هعمل حاجه ههههههه
وبعدين قولى بجد لو عندك فكره فى موضوع الاعلان اروح لمين






احوال الهوي
===========

فاكر فيلم اسماعيل ياسين ومحمد فوزي انا معرفش عندك كام سنه علشان ممكن تكون من اللى بيحبوا النوعيه دى بس انا بحبها
القيلم ده كان بيعمل عمل لمراته اللى هى ماري انطوانيت
فبيقول... حبرشنى يا حبرشنى خلى الحنه نقرشنى
فانا عكست كلمه التحرش او زي ما بنرخم ونقولها تحبرش
يبقى
تحرش ... تحبرش....حبرشنى
التصريف التالت يعنى هههههههه شوفت ادينى عارفه لغه اهو
فكره الاعلانات اممممم بص انت عارف اعلامنا موجهه كويس
فاكر من فتره كان بيجي اعلان عن ان البياعين ميغشووش الاجانب ولا يعاكسوا البنات
وفعلا شويه علقت مع الناس وطبعا عندنا الاعلانات بقت عامله زي الميه اللى نازله من الحنفيه الفكره بقى ان ليه منعملش اعلان زي كده بس تبقى بنت مصريه ونعرف برضه ان اي بنت هتبلغ عن المتحرش هيبقى فيه سجن وغرامه وان التحرش مش بس باللمس انما بالكلام
هى دي فكره بس انا مش عارف انفذها ازاي يعنى ممكن اروح لمين اقوله يعمله


الديموجرافيه
بما انى بقى مكنتش بحب الجغرافيا وبحب التاريخ قد عنيه لا اكتر فمكنتش فاهمه معناها
وعملت سيرش على النت وعرفتها
عادي انا فيه حاجات مبعرفهاش وبتبسط لما حد يقول حاجه واعرفها مش عيب يعنى او انا بعتبر ان الناس اللى بتعلق بستفيد منهم لان اكيد كلامنا مختلف بجد بكون سعيده وساعات بضحك لانى مش عارفه معنى الكلمه
وبعدين ايه اللى بيفرقع
امممممم يمكن الاغنيه ولا حد من الخرفان بتوعي مزنجر معلش عندي انا دي

mony said...

يا بنات اوعوا تخافوا من اى ولد لان اللى بيعمل كده اضعف من انه يقف قادمك ولو حسه انك قويه فعلا هيخاف ( مجربه قبل كده


معلش يا ابي للاسف انا شفت بعيني غير كده

ساقني حظي العثر اني اركب مني باص
و كان في راجل قليل الادب عمال يحاول يتحرش بواحده واقفة جمبي
و لما فتحت بقها علشان تزعقله
لم عليها الميني باص كله و قعد يقولها انت اللي بتتلزقي فيا

لدرجة ان الرجالة اللي كانوا موجودين هم كمان شتموها و هزقوها لدرجة ان الست عيطت

في ناس بجحة يا ابي
و بيعملوا الغلط بعين قوية

~*§¦§ Appy §¦§*~ said...

مونى
=======
ممكن يا حبيبتى ليه لا فى ظل غياب الادب وقله الاحترام يحصل بس كام فى الميه
يعنى فيه ناس بتطحن اللى بيعمل كده وانا عذرتها علشان عياطها بس هي المفروض تبقى اقووي شويه ومكنتش تسيب حقها وطالما انتى شوفتى كنتى قولى لا هو اللى اتحرش بيها
يعنى غريبه الناس اوي وحد هتتلزق فى واحد وبعدين تشتيمه هما الناس دول من كوكب الغباء ولا ايه

احمد سعيد said...

لا
هىىىىىىىىىىىىى
دى بتاعه الرخامه
دى بدل ماطلع لسانى
...............
وبعدين هقولك حاجه
لما تعملى اعلان مثلا يقول ان عقوبه المتحبرش كذا
ويعرف الست انها ممكن تبلغ
,
انتى عارفه ان فيه ناس فى بلدك ممكن تقتل بعضها علشان علبه سجاير
ومش ساعه غضب ولا حاجه
هم كدة مش فارقه معاهم

شفتى العينه بتاع وسط البلد وبتاع المهندسين
هى هى
نفس الوسط دة
بتوع العزب والعشوائيات
هو حاسس انه مدفون بالحيا اساسا
لا هو فعلا مدفون
اركبى كدة قطر السويس وشوفى العزب اللى على محطه الكيلو 4ونص
هم دول اللى المفروض يستهدفوا
الشباب بتوع بابى والبوكسر السمبوكسات
زى مانتى قولتى
لو دماغهم اتلوحت
ليلتين فى القسم يعدلوها تانى

المشكله مش فى دول
المشكله فى الوسط اللى قولتلك عليه

فضلنا مطنشينه
لحد ما بقى قنبله تنفجر فينا
الله يمسيه بالخيرخالد يوسف
لما عمل فلم حين ميسرة
رحت اشوفه فى ستى ستارز
وكانت الساعه واحدة باليل تقريبا
ونا نازل من السينما
وطبعا انتى عارفه الوسط دة
كل الناس
الله ,ايييييييه دة؟
بجد فيه بينيادمين كدة؟؟
لا لا اكيد بيهزر
مش معقول يا جماعه فيه ناس عايشين فى مصر كدة
لا
انا مش مقتنع ,ولا انا مصدقه

وكدة
ازى كانوا مش شايفينهم اساسا
يعنى مثلا عايزة تعملى اعلان
ان التحرش حرام
وعيب
ومترضاش لاختك كدا
وعقوبته كذا
وووووو

تخيلى المتلقى
واحد عاطل
وصايع
ومفلس
عندة استعداد يبيع ابوة فعليا مقابل خمسه جنيه.........
اييييه يعنى
هيتسجن
اهو على الاقل هيلاقى اكل بدل الدعبسه فى صناديق الزباله
وهيلاقى بطانيه صوف ميرى بدال ورق الجرايد
وهيلاقى سقف
بدال الصفيح والخشب
دا كدة بيتكافىء



معلش
سورى بقى
بجد بجد...
مش مقتنع خاااااااااااااالص

~*§¦§ Appy §¦§*~ said...

احمد سعيد
=========
عاااااااااااا
طيب والله فيه ناس من اللى فى العزب دول ممكن تنصحه يبقى كويس
طيب دى محاوله فى ايدينا نعملها الاعلانات
طيب فيه حل تانى قدامك قولى لاني فعلا لازم الاقى حل

احمد سعيد said...

طيب
اقولك على حاجه
بصراحه انا عمال افكر بقالى اكتر ون ساعه
ما وصلتش لحاجه
بس فيه فكرة كده
انا مش بهدف بيها لحاجه معينه
معرفش هى جت فى راسى
اعتقد ممكن توضح شويه حاجات
بقولك
فيه ناس على ما اعتقد كانوا بيعملوا احصائيات وتوثيق للحاجات دى
مش عارف اعتقد انتى تعرفى الموضوع دة عنى

ممكن مثلا لو يتعمل تحليل للداتا دى

يعنى مثلا اللى اتعاكسوا دول كانت اعمارهم ايه
التوقيتات اللى حصل الموضوع دة فيها اكتر
الاماكن

الظروف
الموضوع بدا ازاى وانتهى على ايه
مين اللى بتبلغ ومين اللى بتسكت
ومستواهم الثقافى والاجتماعى
الشباب اللى بيعاكسوا دول
بيفكروا ازاى
ظروفهم ايه
تعامل الداخليه مع المواضيع دى بيبقى ازاى

بس يتعمل الموضوع دة على نطاق واسع
وتنسيق ما بين الكل
حتى اصحاب الاراء المختلفه
وميبقاش الموضوع تنقيه
يعنى مثلا ناس بتحاول تثبت ان الحجاب مش فارق
وناس بتثبت العكس
لا
عايزين موضوعيه

مش عارف,بس ممكن الموضوع دة يوضح حاجات كتير
ايه رايك؟؟؟؟

~*§¦§ Appy §¦§*~ said...

احمد سعيد
===========
هي فكره حلوه بس فيه مشكله يعنى علشان اعمل كده
يبقى لازم اروح اقسام واعمل اعلان هنا حتى لو هفتح الانونيمس وكله يقوول
بس اجيب تصريح منين بقى للاقسام دي بما انى كده تسلم يد
هى فكره مش بطاله وانا موافقه عليها وممكن ل وصلنا لنقط انشرها واطرح النقاش فيها

احمد سعيد said...

انا مش بتكلم عليكى انتى
انا كنت سمعت من فترة ان فيه شباب عملوا حمله علشان الموضوع دة
مش عارف ساعدتهم فيها هيئات بتاع حقوق المرأه باين ولا مش عارف مين
موضوع على كبير يعنى
حد عندة علم بالموضوع دة يا جماعه

احمد سعيد said...

وبعدين اعتقد ان الستميه وخمسين منظمه بتوع ام قويق كانوا شغالين فى الموضوع دة برضه
ودول ليهم وزنهم برضه
وممكن لو الموضوع دة حصل
ممكن يخدموا
ولا ايه؟؟؟؟

~*§¦§ Appy §¦§*~ said...

احمد سيبنى بكره ادور واتصل بمركز حروق المراه ده وادعبس واقولك هى فكره ولو قدرت اتوصل لحد من دول يبقى هايل مصراوي منزل بر هن ان ناس عاوزه قانون يحمى المتحرش بيها فى التليفون بجد يبه قويه هما عارفين ينيلوا اللى فى الشارع لما يعملوا فى التليفون

~*§¦§ Appy §¦§*~ said...

وبعدين ايه المشكله انه يبدا منى انا
انا موافقه انى اكمل الموضوع لو بيجيب نتيجه انا مش عاوزه الموضوع يقف عند كده وبس اقصد بوست اتكتب ووخلاص

احمد سعيد said...

اوكيشن

ghorBty said...

ربنا يرحمنا برحمته

ونسال الله السلامه

كل دا سببه قله تربيه وقله دين وقله ادب

اختي العزيزه

اي كان لبس البت دا مش مبرر لاي حد انه يتكلم او يعمل عمل غير محترم

بس للاسف اللي نفسهم ضعيفه كتير وطبعا الرجاله دائما حطا نفسها في دور المظلومين يا عيني وان البنات هما السبب ودائما بيدورا لهم علي مبررات واسباب لافعالهم الدنيه
وعلي العموم

ولا تزر وازرة وزر اخري

كل شئ هتتحاسب عليه


بالنسبه للحلول

انا بقول مهما اتكلمنا وقلنا وعيدنا

تبقي

ان لم تستح ففعل ما شئت

الحل نفسه هيجي منهم ومن جواهم

نسال الله لهم الهدايه

غربتي

A long distance said...

آآبي
موضوع جميل
بس برده هسال نفس السؤال
ليه بيحصل تحرش بالبنات؟؟
اديني اسبابك
وايه معنى الحجاب من وجهة نظرك
ووجهة نظر بنات تانيه؟؟
اتمنى ان كل بنت تعرفه من وجهة نظرها؟؟
البنت اللي بتلبس خمار وملتزمه في لبسها
مين عنده الجرأه ان يعمل فيها كده؟؟
حجة الشباب ان البنات هما السبب
علشان اللبس الفاضح اللي بيلبسوه
طب واللي لابسه خمار او منتقبه
ليه بيتم التحرش بيها؟؟
انا ضد التحرش سواء كانت البنت
لابسه او قالعه
اتمنى منك يا آبي تعملي بوست بالاسئله دي
وتجاوبي عليها
وكل اللي يدخل على مدونتك يجاوب عليها بكا امانه
شكرا

أحمد الحيدر said...

مساء الخير ..

مشكلة التحرش الجنسي آخذة في التزايد خلال السنوات الأخيرة بشكل ملحوظ ..

وكما نعلم فإن علاج أي مشكلة أو ظاهرة لابد ان يبدأ باستعراض الأسباب ..

فإن كانت الأسباب قابلة للحل كان بها ..

وإن لم يكن فلا يعني ذلك الاستسلام .. بل يجب العمل على وقف المشكلة وإن تطلب الأمر الحزم ..

لا ادري عن حقيقة الأمر لكن وسائل الإعلام تنقل لنا أن الظاهرة تفشت بشدة في مصر ..

موضوع جرئ ومقترحات جميلة ..

حفظكم الله جميعا ..

مواطن مصري said...

و الله عندك حق


متنسيش ان البنات تشيل الكترك شوك و مسدس و مطواة و موس بردو او تتعلم التايكوندو

enjy said...

الله ينور يا معلم هو دة الكلام

سيكو said...

عالم واطيه يا بنتى هنعمل ايه
سيبك انتى

Abo 7anf said...

السلام عليكم
عارغه كت زمان بفكر انها لو محجبه مكنش هيحصلها حاجه
او ان السبب فى كدا الكبت وان الشباب مش لاقى يتجوز
لكن المصيبه ان الشباب دول كانوا فى عربيات
وبعدين موقف الاب
حاجه تكسف
معدش حد بياخد بكما تدين تدان
اكتر حاجه بتعجبنى
لما البنت تمسك الواد دا تغسله
ومش هنسى لما واحده مسكت طوبه ورمتها فتحت دماغ الواد

مسدس صغير said...

الشبشب هو اسهل وسيلة لردع هؤلاء ..
فأنا انصح كل بنت بحمل شبشب فى شنطتها بس يكون من بتاع بورسعيد الاصلى اللى بيلسوع ده..
طبعا كلنا عارفينه؟؟.اة هو ده.
وكمان زى ما ابى قالت شحن قلة ادبى لمجموعة من الشتائم المبتذلة والسوقية لهذا الكلب الغادر..
ويا ريت شحن قلة علمى بردة للى كانت علمى فى الثانوية العمة عشان منحرمش حد من التعبير عن رأيه ولا الدفاع عن نفسه..
اشكرك على الموضوع الهايل والتناول الاهيل..هههههههه

الجواز و سنينه said...

ابى يا حبيبتى عايزه اقولك ان الاكل المكشوف بيتلم عليه الذباب
و بعدين هو الحجاب ليه طبقه معينه؟؟؟
علشان تمنعها طبقتها انها تلبسه و لا حتى الحجاب بيقلل من الشايكه شوفوا الممثلات المعتزلات و انتوا تعرفوا الشياكه ازاى بالحجاب
و بعدين فيه كام نقطه كده مستغربام
هيه اخدت رقم عربيه الولد اللى طلع اهبل و ماهربش مع زمايله
طيب ما اخدتش ليه باقى الارقام؟؟؟؟؟؟
ليه ما صورتش عمليه التحرش بالموبايل مهى من طبقه اكيد معاها موبايل بكام؟؟؟
خليها كانت مخضوضه
طيب على اقل تقدير الظابط اخدله ربع ساعه و ده على الاقل على بال ما جه
قعدوا ربع ساعه يلفوا حوليها و يشتوها و بس ماحدش تطاول عن كده و لا حتى زهق و مشى؟؟؟؟؟؟
عايزه اقولك ان كان فبه واحد اجنبى زميل جوزى فى الشغل كان نفسه يتجوز واحده محجبه علشان يشوف شعرها
تفتكرى كان ناقص شعر؟؟؟
الحجاب نعمه من المولى عز و جل علشان الرجاله دايما تحب تشوف المستخبى فتتجوزنا مش تتحرش بينا
هههههههههههههههههههههه
لو كانوا لقوا جواز كانوا اتجوزوا لكن افلام سكس على النت و فيديوا كليبات خليعه و بنات متحرشات بلبسهم و مش عايزنهم يتحرشوا طيب ازاى؟؟؟؟؟
و بعدين اللبس مش حريه شخصيه
الحريه الشخصيه انها تاكل ايه تشرب ايه تخرج فين و امتى
حتى فيه مثل بيقول كل اللى يعجبك و البس اللى يعجب الناس
عارفه لو مسيحيه و ما عندهاش حجاب هاقول ليها عزر ما تعرفهوش لكنها عارفاه خلاص تستحمل
اه المحجبات و المنقبات كمان بيتم التحرش بيهم
بس النسبه كام لكام
يعنى كام محجبه بيتحرش بيها و كام مش محجبه بيتحرش بيها
و بعدين برضوا نظريه الحرامى اللى هيه ايه؟؟؟
لو جه حرامى و لقى الباب مفتوح يبقى العيب عند صاحب الشقه اللى ساب الباب مفتوح
لكن لو كان الباب مقفول و برضوا اتسرق يبقى على الاقل عمل اللى عليه و ساعتها لو اتمسك الحرامى تتقطع اديه

حسام شعبان said...

انا شايف طبعاً ان فيه حلول كتيرة للموضوع ده, ومن أهمهم التوعية الدينية لإن الدين هو المحرك الأساسي لينا, لما نيجي نشوف أوروبا وأمريكا ومدي الإنحراف الأخلاقي اللي موجود عندهم , والتحرش الجنسي, , وزنا المحارم . كل ده نتيجة لإنعدام الوازع الديني, بالرغم ان في اوربا وامريكا هما ممكن يعملوا اي حاجة براحتهم من غير ما يقوم باغتصاب ولاحاجة لإنه اكيد هيلاقي البنت اللي هتوافقلوا علي اللي عايزه, لكن هما دايما بيفكروا في غير المألوف ويعملوه عشان ما فيش وازع ديني بيحكمهم

وومن said...

ههههههههههههههههههههههههههههه

يخرب عقلك انتي مبتفوتيش وبسم الله ما شاء الله الناس زي ما تكون مصدقت حد يفتحها

طبعا انتي لو كنتي قدمتي البوست دي يومين كنت كتبتلك عريضة من الكام عريضة دول بس انتي عارفة انتي استهلكت طاقتي اليومين اللي فاتوا وقتلت الموضوع مناقشة

وموضوع التحرش دة بقي حاجة تقرف اقولك بقي علي حاجة تضحك
ليا واحدة زميلة عاشت وترعرت في الأقاليم تحت إشراف باباها وحماية اخوها وبعدين نقلوا القاهره وجت تشتغل معانا وابتدت تتعرف علي الإختراع اللي عاوز حرقة اللي اسمة الميكروباز
قاعدة بقي منكسرة وحزينة وبتشتكي انها بيتداس عليها في الميكورباز قولتها ازاي البت حكتلي كام موقف وقولتها بس انتي ملكيش ركوب مبكروبازات تاني بيتحرشوا بيها يا آبي وهي مش فاهمة وحاولت افهما تتصرف ازاي مفيش فايدة جباااااااااااااانه موت
وتقولي يعني ايه اعلي صوتي واقول لحد عيب
دي عينة من المتحرش بيهم اللي بيسكتوا
علي فكره انا ضد ان دة مرض نفسي ده اكيد انحراف سلوكي

سيادة اللوا نيشانك صاب كالعادة بوست في الجووون يا برعي

حاجات جوايا said...

اوعوا تخافوا
ههههههههه
والله يا بنتى انا عن نفسى بترعب اصلاااااااااا م اللى يعاكس بالكلام بس

ده غير ان المتحرش ده تقريبا بيبقى عامل دماغ ومش همه حد
عارفة واحدة جارتى كانت راكبة مواصلات .. جه واحد قعد جنبها ومكنش مؤدب .. وطلع مطواه من جيبه ووجهها ناحيتها من تحت دراعه عشان متفتحش بقها وفضلت يعينى مرعوبة لغاية منزلت وهى بترتجف


بس حلوة فكرة (زوجة) بتاعة حرامى دى المهم بس الصوت ساعتها ربنا يكرمه ويطلع ههههههههه

والله عيب اللى بيحصل ده
ربنا يهدى شبابنا يارب

mayada said...

ازيك ياام خرفان
بصي موضوع التحرش ده بقي مقرف وحكايه ان البنت محجبه او مش محجبه دي مبتفرقش
مع واحد مترباش
وهقول علي حاجه ضحكتني اوي
كنت سالت واحد معترض جدا علي القضيه بتاعه نهي
وكان محموق علي الواد تقوليش الواد ده امه المهم بقوله طيب افرض ان دي اختك او ولدتك ترضي عليها كده قالي متخلطيش الامور وبتاع المهم كلمه مني كلمه منه
قالي اه ارضي عليهم
فانا صعقت صعقه جامده وفضلت متنحه شويه
قالي يعني هما هيجري لهم ايه هيموتوا لما يتعمل معاهم كده ولا هينقص منهم حته اهوا الولد هيستريح وهي هتفضل زي ماهي مش هتخسر حاجه ده المفروض يبيحوا التحرش عشان الجوا بقي صعب ده حتي التحرش صحي
طبعا في الحال دي لازم الواد ده نجيبله بنت تتحرش بيه عشان يفهم الاثر النفسي للتحرش ولا اقوله ايه ده بقي قوليلي انتي
طبعا طبعا انا كنت عاوزه اقوله لفظ قبيح قبيح خالص بس انا لساني ربنا مايحكم علي حد قصير شويه وواخد شاور جامد فمبيشتمش
بس اكتفيت اني حتي مردش عليه السلام ده بيقولي اقبلها علي امي واختي طيب الناس الغريب بقي يقبل عليهم ايه الاغتصاب
المشكله اولا واخيرا في عقل البني ادمين وتربيتهم الغلط
وانا معاكي في حوار الاعلام الي جانب لازم يدخلوا للمناهج مش الجنس لا علم نفس وتنميه بشريه وده بما يتناسب بالمرحله يمكن تنفع
يلا سلام ياسكر

~*§¦§ Appy §¦§*~ said...

غربتى
=======
اللهم امين يا رب
ويرجع اهالى الناس اللى مش متربيه بالسلامه هههههههه







A long distance
===============
يعنى ايه ليه بيحصل تحرش علشان حاله الهياج الجنسى اللى عند الشباب وعدم التربيه وفكره ان كل بنت نازله الشارع علشان تتعاكس متأصله عند الولد
معنى الحجاب مذكور فى القرآن وشكله كمان انا مش هنا علشان اناقشه انا بدور على حل للمصيبه اللى احنا فيها
ومش فاهمه ايه علاقة اسالتك باللى بقوله بجد يا جدعان انا عاوزة حل
اروح انتحر بقى واخلص عاااااااااااااا

~*§¦§ Appy §¦§*~ said...

احمد الحيدر
==============
الاسباب ليها حل مفيش حاجه من غير حل اكيد
يعنى فيه اماكن هو الكبت فيه اماكن هى قله الادب فيه اماكن العيال بيأخدوه كانه هزار
على حسب وان شاء الله نلاقى حل
نورت وسعيده بمتابعتك









مواطن مصرى
==============
ايه الكترك شوك ده او سمحت علشان اجيبه اوعى تكون تقص الشوكه بتاعت الزراعه

~*§¦§ Appy §¦§*~ said...

انجى
=======
شكرا يا كبير








سيكو
========
هنعمل ايه نعليهم احنا

~*§¦§ Appy §¦§*~ said...

ابو حنف
=========
ههههههههههههههه والله شاطره علشان لما يروح سايح فى دمه يبقى يحرم ويبقى عبره










مسدس صغير
=========
طيب ما تسلفنا المسدس احسن يبقى جبنا من الاخر

~*§¦§ Appy §¦§*~ said...

الجواز وسنينه
================

بصى انا هجيب مقتطفات كلامك كلها وارد عليكى حته حته لانى بجد مستغربه منك اولا محسسانى انك وكيل نيابه ومكدباها اوى يعنى مش عارفه ليه
نبتدى
====================
ابى يا حبيبتى عايزه اقولك ان الاكل المكشوف بيتلم عليه الذباب
و بعدين هو الحجاب ليه طبقه معينه؟؟؟



انا مقولتش طبقه معينه للحجاب لو قريتى كويس هتلاقينى بقول وفيه منهم المحجبات انا اقصد ان فيه طريقه لبس مختلفه متجبيش ليه واحده ساكنه فى عشوائيات ولا فلاحين تلبس زى واحده من مدينه نصر او اهلها حاجه كبيرة كشغل يعنى فيه ذوق مختلف ومقصدش اللبس مفتوح ولا لا لان العشوائيات بيطلع منها بنات الرقصات بيلبسوا محترم عنهم
على فكره انا ليه اصحابى واهاليهم عائلات كبيرة واسماء كبيره ومحجبات وفيهم لا بس فى وسطهم لبسهم مش بيدل على احرافهم الاخلاقى ان ده استايل وعادى


علشان تمنعها طبقتها انها تلبسه و لا حتى الحجاب بيقلل من الشايكه شوفوا الممثلات المعتزلات و انتوا تعرفوا الشياكه ازاى بالحجاب


حجاب مش بيقلل من الشياكه بس اللى 90% فى مصر دلوقتى من شكل الحجاب ده مش حجاب دى قله ادب احسن لها تروح عند الكوافير تظبط شعرها بدل ما تلبس اسكيرت قصيره وبادى وتلبس عليه طرحه بلا نيله شكلهم مقزز


و بعدين فيه كام نقطه كده مستغربام
هيه اخدت رقم عربيه الولد اللى طلع اهبل و ماهربش مع زمايله
طيب ما اخدتش ليه باقى الارقام؟؟؟؟؟؟

بص يا كرومبو افندى معلش انتى واضح ان فيه حاجات بتفوتك
لانها قالت ان عربيته ركنت وسجلت النمرة تفتكرى واحده حواليها اكتر من واحد هتلمح ايه ولا ايه يعنى هى هتجيب واحد من الشارع وتقول للظابط هو ده
بالعقل انا لما عيلين قد رجلى جريوا ورايا ويقولوا ليه يا مزة اتلخبط لمده ثانيه ومعرفتش افكر من الصدمه
الغريبه ان الكلام جاى من بنت يعنى المفروض تبقى حسه نفس احاسيسها



ليه ما صورتش عمليه التحرش بالموبايل مهى من طبقه اكيد معاها موبايل بكام؟؟؟
خليها كانت مخضوضه

خليها مخضوضه
على فكره لولا انى بحبك كنت رديت رد رزل رزاله اكيد مخضوضه هو انتى محدش بيعكسك ولا ايه علشان تحسى الاحساس ده تصور ايه واحده واحد قالع لها الحزام وبيلفوا حواليها فى دايرة والناس القذره بيتفرجوا من البلكونه وتقولى خليها مخضوضه


طيب على اقل تقدير الظابط اخدله ربع ساعه و ده على الاقل على بال ما جه
قعدوا ربع ساعه يلفوا حوليها و يشتوها و بس ماحدش تطاول عن كده و لا حتى زهق و مشى؟؟؟؟؟؟

يا حجه يا حجه انتى تعرفى المقطم كويس طيب تسمعى عن الدوريات الراكبه ولا متوعيش عليها
تعرفى اختراع النجده ولا لا انك لما تتصلى اقرب عربيه هتجيلك
انتى عارفه المقطم ده ساكن فيه وزرا ولازم يبقى فيه شرطه قريبه من كل مكان




عايزه اقولك ان كان فبه واحد اجنبى زميل جوزى فى الشغل كان نفسه يتجوز واحده محجبه علشان يشوف شعرها
تفتكرى كان ناقص شعر؟؟؟



لا معلش ده حالته صعبه يروح يتجوز باروكه ومش فاهمه معنى سؤالك يعنى ايه جاب القلعه جنب البحر

الحجاب نعمه من المولى عز و جل علشان الرجاله دايما تحب تشوف المستخبى فتتجوزنا مش تتحرش بينا
هههههههههههههههههههههه



انا ليه اصحاب مش عاوزين يتجوزوا محجبات ومبيحبوش يكلموهم من الاساس دى قاعده مش عامه ومش كل واحده لبست طرحه بقت محجبه انزلى الشارع وانتى تشوفى
وانا اعرف ناس كتير بتفكر كده يعنى ان لما تلم شعرها بطرحه هتتجوز الحجاب ملوش علاقه باخلاق ولا جواز على فكره انا مش ضده بس مستغربه من تبريراتك دى
طيب انا مش محجبه ومش عاوزة اتجوز واحد علشان يشوف شعرى انا بشوفه ومعجبه بيه



لو كانوا لقوا جواز كانوا اتجوزوا لكن افلام سكس على النت و فيديوا كليبات خليعه و بنات متحرشات بلبسهم و مش عايزنهم يتحرشوا طيب ازاى؟؟؟؟؟


لا مؤاخده يا حجه بس براحه هو كل بنت لابسه عكسك تبقى متحرشه بلبسها يعنى ايه متحرشه بلبسها يا جدعان قولت محدش يحكم بطبقته والنبى بطلوا الاسقاطات دى ان اى حد غيرى يبقى مش محترم طول ما انتم كده ولا حد هيتغير
وبعدين يعنى لو رقاصه وراجعه بالليل برضه ده ميديش الحق لاى حيوان حشره يتحرش بيها
انتى متاكده انك ست مش راجل اللى بتقولى الكلام ده بجد انا مصدومه
ان شاء الله الطفله اللى عندها 4 سنين وبتغصب هى برضه اللى بتخلى الناس يعملوا معاها كده
ولا اى دين فى الدنيا بيقول اللى انتى بتقوليه ده بجد


و بعدين اللبس مش حريه شخصيه
الحريه الشخصيه انها تاكل ايه تشرب ايه تخرج فين و امتى
حتى فيه مثل بيقول كل اللى يعجبك و البس اللى يعجب الناس


لا اللبس حريه هو انا منعتك تلبسى حجاب ولا نقاب ولا زعبوط العفريت حتى
المثل ده اللى حطه واحد معندوش ذوق فى اللبس يا حبيبتى عشلان كان بيتغاظ من الناس
طيب انا بشوف لابسين اسدال بيقرفونى ما كده بيأذونى اقول بقى لا اقلعيه تبقى ماشيه بتجرر وتلم الزباله هو الدين قال كده
وبعدين برضه طالما نازله من بيتنا لابسه كويس وشيك محدش له عندى حاجه وكل واحد يخليه فى خيبته لما نبقى نعوزة يعنى كلنا عندنا بلاوى مش هنمشى نعدل على الناس ومشاكلنا اهلينا اتحلت يبقى بالتالى نقول دى تلبس ايه ومتلبس ايه والنبى الرحمه شويه يعنى



عارفه لو مسيحيه و ما عندهاش حجاب هاقول ليها عزر ما تعرفهوش لكنها عارفاه خلاص تستحمل

يا ختى ياختى ياختى ياختى انتى بتقولى تستحمل والواد القذر ورده ابوه
هو ده الدين ده اللى ربنا قال عليه قال عاملوا الناس ازاى
الرسول اليهودى لما كان بيأذيه كان بيعمل ايه
واهو يهودى
انت قاريه كويس فى القرآن ولا بتهاجمى البنت وخلاص او بتهجمى اى واحده مش محجبه
عارفه مصيبتنا ايه
ان احنا فى زمن كترت فيه مظاهر الاسلام وقلت تعاليمه والعمل به ربنا يهدى يا حجه



اه المحجبات و المنقبات كمان بيتم التحرش بيهم
بس النسبه كام لكام


بعد قضيه نهى رشدى واحد اتحرش بواحده لابسه خمار فى اكتوبر هى وبنتها
وسط البلد كان فيهم محجبات جامعه الدول نفس القصه
تابعى واقرى كويس واسالينى تانى


يعنى كام محجبه بيتحرش بيها و كام مش محجبه بيتحرش بيها
و بعدين برضوا نظريه الحرامى اللى هيه ايه؟؟؟
لو جه حرامى و لقى الباب مفتوح يبقى العيب عند صاحب الشقه اللى ساب الباب مفتوح
لكن لو كان الباب مقفول و برضوا اتسرق يبقى على الاقل عمل اللى عليه و ساعتها لو اتمسك الحرامى تتقطع اديه



الحرامى نظريته فى القسم اصل مرارتى اتفقعت يا اوختى والله وانا لسه سنى نونو خالص وحياه ربنا يعنى ومش عاوزاه يتقصف بدرى بدرى
ما ممكن ابقى قافله وام الحرامى وخالته ينطوا من الشباك ومبيتمسكش
اممممممممم بصى اقرى كويس فى الدين مش فى القشور فى الاخلاق بتاعت الاسلام
اقولك لو بتحبى عمرو خالد هاتى سلسله الاخلاق
علشان تعرفى تفرقى ما بين الاخلاق والاعمال
وفى النهايه انا مش ضد الحجاب انا بتمنى البسه صح مش زى بنات اليومين دول اللى سنيه شخلع احسن منهم فى لبسها يعنى
بس انا ضد التفكير اللى انتى بتقوليه ده
الغايه لا تبرر الوسيله يعنى متبرريش لواحد كلب مد ايده على حاجه مش بتاعته زى الحرامى علشان قال ايه مكنتش قافله الباب
باب ايه باب زويله
ارجو متزعليش منى وتتحملى اللى انتى قولتيه
والاختلاف فى البتنجان لا يفسد للمسقعه صنيه
ده بدل الاختلاف فى الاراء يعنى

قوس قزح said...

عارفة الموضوع ده بيفكرنى بايه
بايام بداية الضرب فى غزة
الكل مسك فى مين كان عارف ان غزة هتضرب و مين الكويس حماس ولا فتح و مين هياخد موقف و مين قال و مين عاد
و نسيوااهم حاجة و هى اليهود
اتخانقوا مع نفسهم و نسيوا حتى يلوموا اليهود

هنا الناس بتناقش لبس الست و تصرفاتها و ناسية تماما ان ديننا و اخلاقنا و تقاليدنا تفرض على الولد انه يغض بصره و يتحكم فى نفسه

و اللى يقول العيب على البنت ان لبسها ملفت هقوله لو بنت فى الشارع ولابسة جيب طويلة اغمى عليها و رجلها بانت هل ده يدى الحق للناس فى الشارع يعتدوا عليها ..ماهى عريانة اهى

مينفعش ابدا نبرر الغلط بحجة ان فيه دافع له
و الا كنا بررنا بقى زنا المحارم و نقول ما الاخت و الام بيقعدوا بالحملات قدام اخواتهم و ولادهم و العيال غلابة مضغوطين

~*§¦§ Appy §¦§*~ said...

حسام شعبان
==========
طيب ايدى على كتفك
دا احنا فى بلد ولا بقى فيها شيخ عدل ولا داعيه عنده زمه
انا موافقه اعمل توعيه خلاقيه وفهمه يعنى ايه دين واتيكيت وكل حاجه مش معترضه
على فكره احنا عندنا زنا محاروم واغتصاب وكل القرف ولو حد قال غير كده يبقى جاهل اعمل سيرش على النت وانت تعرف









وومن
=======
عارفه المشكله ايه يا ميرا فى ده
ان الكلب اللى جنبها بيكون فاهمه انها راضيه
اسكتى البوست ده هيجيب ليه الضغط

~*§¦§ Appy §¦§*~ said...

حاجات جوايا
==============
عارفه يا سمسمه كانت لما نزلت رقعت بالصوت وقالت وكان الناس فتشوه وجرجروه على القسم
هو كلام زوجه كويسه بس عارفه امتى يبقى احسن
لما تكمل وتوديه القسم متكتفيش بس انهم يضربوه













مياده
==========
انا جايه لمنصورة النبى عرفينى عليه
سيبى ليه انا الطلعه دى
او قولى له عن لسانى
انت دش رسمى والانتنه عاليه اوى بجد
الله يحرقه الله يحرقه بجد نكدتى عليا يا مادى

رئيس جمهوريه نفسى said...

الجواز وسنينه

اسف للتدخل فى الحوار بس انا شايف فيى ردك نقط غير منطقية حبتدي باخر ما انتهيتى اليه وهو المثل بتاع الحرامى فهل كل الشقق الى اتسرقت كان الشباك بتاعها او الباب مفتوح لو كان دة صح مكنش القانون شدد على عقوبة السرقة بالكسر او التسور وفرق بينها وبين السرقة عن طريق المغافلة وده كرد على المثل بتاع حضرتك يعنى

اولا قبل ما اكمل رد ياريت تقري الرد بتاعى كويس اللى فوق علشان تعرفى ابعاد مشكلة التحرش جاية من فين المهم انا لو جيت وقولت انى الحجاب حيحمى البنات من التحرش يبقى انا بكذب على نفسي وانتى بتكذبى على نفسك انا مش بناقش فرضية الحجاب من عدمة لانى دة لا مجال للخلاف عليه بس موضوع حماية البنت من التحرش اية اللى بيخلى انسان بيتحرش بواحدة فى الشارع هل الموضوع مرتبط باشباع رغبة جنسية ما فيش اسهل من انه يلاقي الف واحدة حيمارس معاها علاقة كاملة بالفلوس بس الموضوع مش مرتبط بدة الموضوع مرتبط برغبه اشباع الذات او فرض السيطرة او نوع من انواع القهر على طرف ضعيف وفى مجتمع ذكورى ما فيش اضعف من كل ما يمت لتاء التانيث بصلة

كمان من فترة كانت فى حالة مشهورة لواحدة دخل عليها الناس بيتها واختطافوها من زوجها واولادها هل دى مكنتش محجبة ولا كانت لابسة ايه قصر موضوع التحرش على غير المحجبات والقول بانى غير المحجبة تستاهل التحرش بيها ده فيه فرز وتجنيب انى المحجبة محترمة وغيرها العكس رغم انى الحجاب وان كان فرض فهو مش مقياس للاحترام ولا الحفاظ على المبأدي والقيم لاني ممكن واحدة تكون محجبة عن عدم اقتناع وبالتالى فهى بس ارضاء للوالدين وبعد كدة بتعمل كل المبوقات هل هى لمجرد حجابها محترمة وممكن العكس

وبعدين كلمة لو مش مسلمة وما تعرفش الحجاب نقول ماشى يعنى ايه الكلمة دى انا مش فاهمها بصراحة هل كدة يبقى انا بحل التحرش بكل الغير مسلمات على غرار اموالهم ونسائهم غنيمة لنا ولا اية حتى لو مش محجبة ولو مش مسلمة من حقها تمشى فى الشارع وهى مطمئنة

التحرش من الاخر جريمة بتقع على انثي اى ما كانت محجبة ولا لا وبمنطقك دة يبقى انا بدي حصانه للمحجبة وبسقطها عن الغير محجبة رغم انى النهي واحد لانى المولى عز وجل لما نهى عن فعل نهي لعلة ما بتشترك فيها المحجبة والغير محجبة لانى الاتنين بنى ادمين فى الاول والاخر حسابهم على المولي عز وجل

رئيس جمهوريه نفسى said...

الجواز وسنينه

بخصوص التشكيك فى رواية آسر بصفتى محامى وعندي بعض الخبرة البسيطه في موضوع القضاياوالبلاغات اول جهه رقابية هي النيابة العامة اللى بعد ما بتحقق فى البلاغ بتتصرف فيه كالاتى لو رات انه قضية كاملة بتحدد ليها جلسة لو رات انها كلام فاضى بتصدر امر بحفظ الاوراق وتاخد رقم محضر ادارى عادي او لقيت انى مفيش دليل على ارتكاب المتهم الفعل بتصدر امر بالاوجة لاقامة الدعوى لعدم كفاية الادلة ولو شكت انى المتهم اللى ارتكب الفعل ومفيش دليل عليه بتصدر امر بقيد الاوراق ضد مجهول

اما انى موضوع آسر وصل لتحديد جلسة امام المحكمه يبقى النيابة العامة شايفه انى المتهم ارتكب الفعل لتوفر ادلة كتير على قيامة بارتكاب الفعل وبالتالى بقى الامر في يد القضاء ننتظر ونشوف الحكم حيكون ايه

أسما عواد said...

بصي
انا عندي تفاؤل غريب
القانون كل مدى بيتشدد أكثر في موضوع التحرش
ان شاء الله اي مجرم يحاول يتحرش ببنت بعد كده هيلاقي جزاءه
على فكرة التحرشات قلت عن الأول
لأن البنات بقى عندها وعي بالدفاع عن نفسها وعدم السكوت مثل الأول
وده بقى بيخوف الكثيرين
سيبك بقى من موضوع اللبس وغيره ده كلام فاضي بيروجه كل واحد عشان ينشر معتقداته
تحياتي

أحــوال الهـوي said...

عندي 50 سنه

تحياتي

Appy said...

قوس قزح
==========
وكرسى فى الكلوب
هههههههههههههههههههه

يااااااااااا فااهمنى
الله ينور عليك النبى ما تجيبى حد من تحت سنانى تانى علشان انتى خلاص اهو وصلتى للى انا فيه فعلا

Bondoka said...

فكره الاعلام رغم انها كويسه
بس احب افرك ان الاعلام ده هو السبب فى انحراف الشباب وانلال اخلاقهم من اول الكليبات الهابطه اللى كلها عرى ورقص والافلام اللى هى اصلا جنس صريح واعلانات البيره والزفت اللى بيشربووه ده

يعنى صحيح الاعلام ليه دور جامد جدا فى توعيه الشعب
بس ايه فى بلدنال ماشى لمصلحه الشعب


هو مافيش غبر ان البنت تتعلم تدافع عن نفسها لان حتى الشرطه فى بلدنا كل سنه وانتى طيبه يادوبك هتلقها بين الموت والحياه فى المستشفى عشان تحقق معاها ايه اللى كان ممشيكى فى شارع ظلمه لوحدك وكمان من غير بطاقه ساريه المفعول متجدده يعنى

حاجه تقرف والشرطه دلوقتى فى خدمه القانون

Appy said...

رئيس جمهوريه نفسى
====================
نسيت حاجه يا نحنوت معرفش ولا اتكسفت تقولها
ان الولاد لما بيعملوا كده مع بنت وخاصه لما تكون شيك وكويسه
بيحب يوصل لها انه يقدر يقهرها فى حين انه عارف لو قابلها عادى فى مكان عادى ولا هتعبره فبيكون طريقه تعبيره هو اذلالها نفسيا

مشكرين يا نحنوت يا رب الناس كلها تفهم بقى
اقعد اشرب سم من اللى انا بشربه يا راجل البيت بيتك

Appy said...

اسماء
========
لا يا قلبى مقلتش دى بتزيد لان اللى بيعمل كده ولا شايف ولا عارف اللى بيحصل او حصل من غير دى وصلت للاطفال
نورتى يا بنوته

s.m said...

على فكرة انا بقة كنت كاتب البوست دا ومن وجهت نظرى
................................
بما أنى يعنى متقوقع أوى مع نفسي وزاي كل يوم كنت كالعادة مخنوق و اية الجديد قولت يا واد روح فك نفسك وروح زور بابا واقراء الفاتحة يعنى بأمانه هي كانت تلكيكة كمان عشان ألاقى حجة للدموع وخلاص والفكرة لزقت أوى في دماغي فاخدت نفسى وفتحت باب الشقة يعنى وخرجت المهم أنى نازل عشان أروح أقراء وأفك وأنا ماشى قولت بلاش أخد اى مواصلة بما أنى معتزل من فترة في البيت وبما أنى لا شغله ولا مشغلة أحاول ابص على جديد الدنيا وأنا ماشى كدا وضربها سواد بنطلون وقميص وطبعا حالة معنوية لاقيت نفسي جامب الجامعة يااااااه الجامعة بجد أنا كنت نسيتها ونسيت ايامى فيها ولاقتنى وقفت مكاني أتفرج وزاي شريط فلاش باك بيمر وعاوز أقول يا ناس أنا كنت هنا قبل كدا أنا مكونتش بشكل دا أبدا أنا كنت عايش قبل الموت دا بجد والله فعلا كنت هزعق عاوز أقول انى كنت كائن حي
ولانى افتكرت أيام فعلا كانت جميلة أوى او با لمعنى الأدق أخر ايامى مع السعادة افتكرت اصحابى نادر واحمد ونور والعيوطى افتكرت لما كنا نزوغ من محاضرة رخمه ونروح نلعب كوره ولا لما كنا ندخل المعمل ونور كل لما كنت أحاول المس جهاز الكمبيوتر يضرب ايدى كأنه يعنى كان فاهم أوى البرامج اللي كنا بنا خدها ولما كنا ناخد مركب ونعيش فيها مع الهوا ياه فعلا أخر حاجة كنت أتوقعه انى أكون البني ادم الانهزامي دا اللي بيحاول يرمى اشلائة في اى مكان خوف من اى عارض يحصل وينكشف وخوف انى ما اصبحتش الحلم اللي بابا كان نفسه يشوفه بجد العجز والمرارة رجعوا تانى وأنا في عزة فرحتي كأنهم استكترورا عليا في اللحظة دى بالذات الفرح ولما بدئت أفوق من خيالاتي صحيت على الموقف العجيب اللي أنا المفروض قولت انى ناوي اكتب علية
لانى صحيت على صوت حد بيعاكس والمفروض العادى انه ولد وبيعكس بينت ودا العكس بقة هي بنت وبتعاكس ويارتها عرفت تختار الشخص اللي تعاكسه طيب !!!!!
دا شكلها كانت ضارب واحد ماية ساقعة من البرد اللي كان موجود وبتعاكس فيا أنا وأنا اللي لا فرق بيني وبين الآنسة حنفي إلا في التقوى يعنى مع فارق الجمال ليها كمان بأمانه في الأول أنا افتكرت انى مصاب بزها يمر الشباب اللي هو عندي وطبيعي ومكنتش مركز أصلا معها إنما اللي استرعنى بجد أنها مصممة تجذب انتباهي و تعرف رقم تيلفونى وبتحاول بضراوة بجد
هنا أنا فرحت أوى مش عشان أول مرة أتعرض للموقف دا ولا لأن وشى احمر ولا حاجة إنما بجد لانى وللامانه على رغم صعوبت الموقف إلا انى فرحت أوى من جوايا أوى لانى حاسيت انى حد مرغوب فية على الرغم من أنها كانت مجاملة حلوة منها أو زاي ماقولت يمكن مكانتش تقصدني أنا ومش مركزة بس والله فرحت حاسيت وللامانه انى رجعت من عمري كتير أوى والغريبة انى سيبتها ومردتيش عليها مش غريبة انى متماد تش قصدي انى معنفتهاش يعنى إنما لانى كنت فرحت من طعم المرارة اللي بداء يتغير فسبتها ومشيت بس وأنا سعيد وافتكرت موضوع التحرش اللي منتشر في مصر وخصوصا من السوقين ولا قتنى بقول طب الموقف هنا عاكسي يعنى لو آنسة هي اللي أتعرضت لدا كانت على طول ودا من حقها هتعمل محضر وكدا طب أنا بقة هعمل اية أو غيري يعنى لو تعرض لموقف زاي دا بجد؟؟؟
دا اللي حيرني طب شكلي هيكون اية وأنا رايح اعمل محضر وأنا اللي اتعكست نظرة الناس ليا اية بجد تخيلت دا دا بالتأكيد اللي فى القسم هيتريق أكيد عليا؟!!!! و لو حد عرف كمان من اصحابى هتبقة حوسة!!!! طب و اللى فى القسم مثالا هيصدقنى أنا ولا هيقف معها هى ضدى انا المهم الافكار دى مرت فى دماغى وعلى كثرتها بدائت اقول طب اختى وجارتى وماما وخالتو وغيرهم وغيرهم فعلا لو تعرضوا لموقف زاى دا اية العمل بجد وياهل ترى هيسرعوا على القسم يعملوا محضر ولا هيتكسفوا من الموقف ونظرة الناس والاصحاب وغيرهم اية العمل القانون مثال ماهو موجود وماهما كان فى نفوس مريضة مبيمنعهاش اى حاجة هنقول مثال هما السبب فى اللبس وان ايام زمان وقبل الرسول كانوا منقبات ومكانش دا بيحصل الا فى حالات نادرة او نقول ان المسيحين لما رسموا السيدة مريم رسموها محجبة بس العصر اختلاف ومعه اختلافة اختلاف الفكر ومكانش بيحصل حاجة والدليل فترة الستنيات والسبعنيات كانو معظم الناس بيمشوا بطريقة يمكن اكثر من دلوقتى اثارة ومكانش دا برضوا بيحصل اية اللى اختلاف ولية المرض البشرى تعاظم فى النفوس يمكن علشان وصلات الدش او النت واننا انفتحت بطريقة اكبر على العالم طب ماهو عادى وبرضوا مش سبب لانى والاف غيرنا بنستخدم نفس الوصلات ومتركتش علينا نفس الاثر اللى ثابته على غيرنا اقول العقيدة بدائت تخف من نفوسنا وانها زاى ماكتير بنقول على بعض مسلم بالبطاقة برضوا لا والدليل انك بتلاقى كل يوم المسجد بيزداد واحد وان مازدش مش بيقل والمصرين بالذات اكتر الناس ايمان بالعقيدة على اختلافها وبيستموا فيها با مانه!!! الافكار كانت هتجننى وانا ماشى ولاقتنى قربت من المقابر دخلت قراءة ومبكتش ودا اللى مقدرتش افهمه هل انا مبكتش عشان اللى حاصل فى طريقى ولا لانى فكرت وانا مش فى موقفى ولا لانى من كتر دمعى عصى ينزل المهم على كل اهى حاجة جديدة حصلت فى حياتى وتركت انطباع فيا
...................................
اللى محيرنى بجد ان محدش عارف المشكلة فى اية بالظبط

أنا حر said...

الناس اللي لسا بتقول ان اللبس هو السبب معلش يعني اسمحيلي اقلك انهم مش بس متخلفين دول كمان عايزين ضرب النار
اللبس مش سبب لان التحرش النهارده بقى موجه يا جماعة ضد اي بنت مش ضد لبس معين والدليل على كده ان كل البنات بيتعرضوا ليه
انا موافقك على كل اللي قلتيه بس انا عندي احساس جوايا وخايف اصدقة وهو احساس بيقولي ان سبب زيادة التحرشات سواء بالالفاظ او باكثر من كده ان في نظرية وفكرة مسيطرة على العقول الذكورية بتخليهم يستبيحوا كل النساء وكانهم ملكهم وفي نفس الوقت بيتخيل ان البنت هتوافق على الاسلوب ده وهتكون مبسوطة جدا من اللي بيعمله
مش عارف الفكرة وصلت ولا لأ بس بجد الموضوع بقى صعب قوي
تحياتي

الجواز و سنينه said...

بصى اناكمان هجيب مقتطفات كلامك كلها وارد عليكى حته حته لانى بجد مستغربه منك اولا محسسانى انك كنتى شاهده على الواقعه او تعرفيها قبل كده رغم انك اول مره تدخلى عندها مش عارفه ليه
انا مش مكدباها زى ما قلتى و لا فيه عداء بينى و بينها بالعكس هاتعرفى فى الاخر رأيى فيها
نبتدى
********
انا مقولتش طبقه معينه للحجاب لو قريتى كويس هتلاقينى بقول وفيه منهم المحجبات انا اقصد ان فيه طريقه لبس مختلفه متجبيش ليه واحده ساكنه فى عشوائيات ولا فلاحين تلبس زى واحده من مدينه نصر او اهلها حاجه كبيرة كشغل يعنى فيه ذوق مختلف ومقصدش اللبس مفتوح ولا لا لان العشوائيات بيطلع منها بنات الرقصات بيلبسوا محترم عنهم
على فكره انا ليه اصحابى واهاليهم عائلات كبيرة واسماء كبيره ومحجبات وفيهم لا بس فى وسطهم لبسهم مش بيدل على احرافهم الاخلاقى ان ده استايل وعادى
ـــــــــــــــ
ماشى ماقولناش حاجه تلبس الزوق اللى يعجبها مادام ملتزمه بالحجاب المعقول انا ماقولتش يابسوا خمار و لا نقاب انا قلت الوسط من التدين اللى هو الحجاب محدش ييجى يقولى الحجاب حريه شخصيه الموضوع ده بيحرق دمى
ممكن نقول اه ان شاء الله نلبسه
انا حتى لما رديت عندها ماقولتلهاش تلبسالحجاب هيه حره هيه اللى هاتتحاسب مش انا بس محدش يدخل يحسسها ان ده حريه شخصيه لا هو فرض هيه مقصره فيه ممكن كان يحميها و ممكن لاء بس على الاقل تكون عملت اللى عليها
ــــــــــــــــــــــ
حجاب مش بيقلل من الشياكه بس اللى 90% فى مصر دلوقتى من شكل الحجاب ده مش حجاب دى قله ادب احسن لها تروح عند الكوافير تظبط شعرها بدل ما تلبس اسكيرت قصيره وبادى وتلبس عليه طرحه بلا نيله شكلهم مقزز
******
مهو ده ما يعتبرش حجاب و عندك حق و دول لما حد يتحرش بيهم ما يشتكوش برضو
الحجاب ممكن يكون جيب محترمه و بلوزه تونك طويل على بانطلون عبايات اللى بيحبها
مش لازم زى محدد و لا لون محدد الاناقه مطلوبه و الايستيلات المحترمه موجوده برضوا لكن الاستهبال و نظام البادى على البنطلون و الطرحه ده استعباط غير طبيعى
ــــــــــــــــــ
بص يا كرومبو افندى معلش انتى واضح ان فيه حاجات بتفوتك
لانها قالت ان عربيته ركنت وسجلت النمرة تفتكرى واحده حواليها اكتر من واحد هتلمح ايه ولا ايه يعنى هى هتجيب واحد من الشارع وتقول للظابط هو ده
بالعقل انا لما عيلين قد رجلى جريوا ورايا ويقولوا ليه يا مزة اتلخبط لمده ثانيه ومعرفتش افكر من الصدمه
الغريبه ان الكلام جاى من بنت يعنى المفروض تبقى حسه نفس احاسيسها
*********
طيب الحته اللى جايه دى من عند اسر نفسها
"وكان مازال الفتى ذو السيارة البيضاء موجودا فى المكان بس ركن العربية على جنب و خلاص
اشرت الى السيارة البيضاء التى بدأت الموضوع بأكمله وكنت قد سجلت رقمها على الموبايل"
يعنى معنى كده انها سجلت الرقم و هى فى عز المشكله مش لما ركنت و هو ده اللى استغربته اشمعنى ده اللى سجلت رقمه و الباقى لاء؟؟ الاسئله منطقيه مش عارفه ليه انتى مسغرباها جايز علشان مش بنحب نسمع وجهات نظر بعض
و مش لازم علشان انا بنت اكون متحيزه للبنات التحيز لازم يكون للحق مش لجنس معين و مش المفروض ده يكون كبش فدا و نفش فيه غليل كل واحده تعرضت لتحرش و هاتخلصه فيه
ـــــــــــــــــــــــــ
خليها مخضوضه
على فكره لولا انى بحبك كنت رديت رد رزل رزاله اكيد مخضوضه هو انتى محدش بيعكسك ولا ايه علشان تحسى الاحساس ده تصور ايه واحده واحد قالع لها الحزام وبيلفوا حواليها فى دايرة والناس القذره بيتفرجوا من البلكونه وتقولى خليها مخضوضه
*******
انا كمان علشان بحبك مش هارد رد رزل
بصى انا الحمد لله ماحصليش موضوع التحرش ده غير زماااااااان ايام ماكونت كده فى ثانوى يمكن علشان اتعلمت اتصرف ازاى فى المواقف اللى زى دى
و اخر واحد بس حسيت انه ماشى ورايه رحت على اقرب عسكرى و شاورت عليه و قلتله ده مضايقنى و الصراحه جرى وراه و جابه من افاه و جالى فالتانى من بجاحته بيقولى هو انا كلمتك قلتله لاء لانه فعلا كان ماشى ورايه بس و عمال يبصلى بس انا ماكنتش هاستنى لغايه ما يقول بس هو كان غلط غلطه قلتله انت كنت جى ورايا اول ما شاورت عليك لفيت و مشيت فالعسكرى قالى اه صح و قاله تعالى معايا يا حلو
و رغم انى مش كنت عايزه انه يتأزى و قلتلهم خلاص كفايه انه يبعد عنى بس همه اخدوه بس كل اللى كان فى الشارع كان خايف منى و منهم اللى قعد يتريق و يقول نمشى بعيد عنها
يعنى احنا ممكن نتصرف اه هيه ماجتلهاش الفرصه انها تلحق تروح لحد بس برضوا عرفت تتصرف لو انا كنت مكانها ماكونتش عرفت اتصرف زيها
و كويس انهم سابوها تتكلم فى الموبايل لانه اكيد عرفوا انها يا بتتصل بحد يجيلها او ظابط و الغريب انهم فضلوا لغايه ما جه و الاغرب كمان اللى ماهربش رغم انه المحرض على اساس ايه وقف
انا بسأل اسئله عاديه و منطقيه اى حد لازم يسألها ده لو بيشرب حشيش فأكيد موجود فى الدم يعنى شاف الظابط و ماهربش ليه ؟؟؟؟؟؟؟بطل هو للدرجادى و لا غبى و يستاهل اللى جراله؟
انا مش بقول كده علشان ابرأه لانه اكيد يستاهل بس انا مش بحب ادى دماغى لحد و زى ما اسمع منها اسمع منه و انا ما سمعتش منه
ـــــــــــــــــــ
يا حجه يا حجه انتى تعرفى المقطم كويس طيب تسمعى عن الدوريات الراكبه ولا متوعيش عليها
تعرفى اختراع النجده ولا لا انك لما تتصلى اقرب عربيه هتجيلك
انتى عارفه المقطم ده ساكن فيه وزرا ولازم يبقى فيه شرطه قريبه من كل مكان *********
بمنتهى البساطه انا مش من القاهره و ان كنت اقرب مدينه ليها انا من الفيوم بس مش طول عمرى علشان والدى كان ظبط و كنا بنتنقل كل شويه
جايز موضوع كرمبوا ده يكون ليكى حق شويه ده بحكم انى اتعودت ان مش كل الحقيقه بتتقال و لازم الواحد يدور على المستخبى لغايه ما يوصل لليقين
اوعى تكونى فاكره ان فيه حد بيقول الحقيقه إلا ما ندر
و انا مش بتكلم على اسر انا بتكلم عامه محدش بيغلط نفسه حتى الراجل لما جه دافع عن ابنه و انا قلتلها ان ده الطبيعى ممكن ياخده يبهدله فى البيت بس ادام الناس لايمكن لازم يطلعه من المصيبه اللى هاتوديه فى داهيه الاول
كلكم داخلين بتبهدلوا فى ابوا الواد و مستغربين رد فعله رغم انه طبيعى جدا القطه مش بتاكل اولادها انتوا بس علشان ما خلفتوش بتتكلموا بس الضنى غالى فوق ما تتصورا
ـــــــــــــــــــ
لا معلش ده حالته صعبه يروح يتجوز باروكه ومش فاهمه معنى سؤالك يعنى ايه جاب القلعه جنب البحر
******
اللى جاب القلعه جنب البحر ان الحجاب زى ما بيحمى الواحده من الكلاب الضاله كمان بيزيدها انوثه و كتير قالولك ده ان الواحد بيحب المستخبى فهو حمايه و كمان بيخلى الرجاله تروح تتجوز علشان تعصم نفسها و تحصل على المستخبى
و اللى خلى الاجنبى عايز يتجوز واحده مسلمه يخلى المسلمين نفسهم يتجوزوا
____________________
انا ليه اصحاب مش عاوزين يتجوزوا محجبات ومبيحبوش يكلموهم من الاساس دى قاعده مش عامه ومش كل واحده لبست طرحه بقت محجبه انزلى الشارع وانتى تشوفى
وانا اعرف ناس كتير بتفكر كده يعنى ان لما تلم شعرها بطرحه هتتجوز الحجاب ملوش علاقه باخلاق ولا جواز على فكره انا مش ضده بس مستغربه من تبريراتك دى
طيب انا مش محجبه ومش عاوزة اتجوز واحد علشان يشوف شعرى انا بشوفه ومعجبه بيه
**********
بصى يا ابى محدش بيتجوز طرحه بس
انا عجبنى انك رغم انك مش محجبه و رغم انى ما كونتش عارفه دى بس واضح انك مش مبتزله و انتى اصلا بنت جدعه و ده احساسى بيكى يعنى مش من البنات المايصه اللى اتخيل انها بتضرب جيب قصيره على بلوزه شفتشى و تمشى تقول لا مساس
انا متخيلاكى جدا و عارفه انك تفوتى فى الحديد
و اهم حاجه انك ما قولتيش على الحجاب مش فرض هو فرض و مسيره ييجى
و الناس اللى مش بتحب تتكلم مع محجبات دول ضحكونى جدا ليه هو لو انتى اتحجبتى هايطلعلك انياب هاتكلى بيهم اللى يكلمك
ههههههههههههههههههههه
المحجبه انسانه عاديه ببس عملت اللى مطلوب منها و لا همه مش بيكلموا اللى بيصلو او يصوم او يزكى ده كمان فرض و لا ايه دماغهم ماشيه ازاى
___________________
مؤاخده يا حجه بس براحه هو كل بنت لابسه عكسك تبقى متحرشه بلبسها يعنى ايه متحرشه بلبسها يا جدعان قولت محدش يحكم بطبقته والنبى بطلوا الاسقاطات دى ان اى حد غيرى يبقى مش محترم طول ما انتم كده ولا حد هيتغير
وبعدين يعنى لو رقاصه وراجعه بالليل برضه ده ميديش الحق لاى حيوان حشره يتحرش بيها
انتى متاكده انك ست مش راجل اللى بتقولى الكلام ده بجد انا مصدومه
ان شاء الله الطفله اللى عندها 4 سنين وبتغصب هى برضه اللى بتخلى الناس يعملوا معاها كده
ولا اى دين فى الدنيا بيقول اللى انتى بتقوليه ده بجد
**********
لاء استنيلى هنا شويه انتى خلتطى الحابل بالنابل هنا ليه؟؟؟؟
هو انتى شفتى لبسى علشان تقولى كده و بعدين انا ماقولتش ان كل اللى مش لابس ملتزم من غير ما اقول حجاب و لا نقاب و لا حتى عبايات انا قلت ملتزم و الاستايل ده كل واحد و زوقه مدام شيك و محترم و مغطى الواحده خلاص
و بعدين طبقه ايه اللى هيه منها و انا لاء
هههههههههههههههههههههههه
انا ماحكمتش عليها و لا حاجه انا قلت انها من بس يمكن لو كانت محجبه كان ماحصلش ده
و برضوا يمكن اه و يمكن لاء بس على فكره انا شفت صورتها هيه حطاها على البلو ج بتاعتها و ماشاء الله عليها اموره يعنى تتعاكس حتى لو كبيره يارب تكونى فهمتينى
اما حكايه الرقاصه اللى راجعه بالليل فمدام احنا بنتكلم بالدين فمش المفروض اصلا لو احنا مشيناها دين ان يكون فيه المهنه دى اصلا
ممكن اقولك لو واحده مسيحيه و اتعمل فيها ده حكمه انه يتطبق عليه حد اسمه حد الحرابه و على فكره دى كانت رساله الماجيستير بتاعتى
انا دارسه شريعه و قانون كويس
اما حكايه انى متأكده انى ست مش راجل فمش هارد عليها علشان ما ابوخش
اما حكايه الطفله اللى بتتعرض للاغتصاب انا لو طلت اقطعه بسنانى هاعمل كده لانها و لا هيه فتنه و لا هيه مطلوب منها تغطى حاجه و ماعملتهاش يعنى ماقصرتش فى حاجه و هو يستاهل دبحه
_______________________
لا اللبس حريه هو انا منعتك تلبسى حجاب ولا نقاب ولا زعبوط العفريت حتى
المثل ده اللى حطه واحد معندوش ذوق فى اللبس يا حبيبتى عشلان كان بيتغاظ من الناس
طيب انا بشوف لابسين اسدال بيقرفونى ما كده بيأذونى اقول بقى لا اقلعيه تبقى ماشيه بتجرر وتلم الزباله هو الدين قال كده
وبعدين برضه طالما نازله من بيتنا لابسه كويس وشيك محدش له عندى حاجه وكل واحد يخليه فى خيبته لما نبقى نعوزة يعنى كلنا عندنا بلاوى مش هنمشى نعدل على الناس ومشاكلنا اهلينا اتحلت يبقى بالتالى نقول دى تلبس ايه ومتلبس ايه والنبى الرحمه شويه يعنى
*********
انتى واخده الكلام و بتطبقيه عليكى و ده مزعلك
انا و الله ما كونتش اعرف انك مش محجبه
و الحمد لله انا ماعنديش بلاوى اخاف منها
و انا ماعدلتش على حد انا بقول اللى كان مفروض يحصل و بعدين نصورت و لا البنت اللى بتقلع محدش يكلمها و اللى يقولها البسى نزعل منه
و بعدين كل واحد يلبس الاستايل اللى عاجبه انا برضوا ما حددتش و لا ازدال و لا نيله انا بقول لبس محترم و استايل و حجاب مش هايضرها ده هايحميها من الكلاب الضاله قلنا
و بعدين برضوا قلت هيه اللى هاتشيل الذنب مش انا بس محدش يقول الحجاب حريه شخصيه ده قرض يا ناس
زى ما الصلاه فرض و لا احنا بناخد من الدين اللى احنا عايزينه و نسيب الباقى
ــــــــــــــــــــــ
يا ختى ياختى ياختى ياختى انتى بتقولى تستحمل والواد القذر ورده ابوه
هو ده الدين ده اللى ربنا قال عليه قال عاملوا الناس ازاى
الرسول اليهودى لما كان بيأذيه كان بيعمل ايه
واهو يهودى
انت قاريه كويس فى القرآن ولا بتهاجمى البنت وخلاص او بتهجمى اى واحده مش محجبه
عارفه مصيبتنا ايه
ان احنا فى زمن كترت فيه مظاهر الاسلام وقلت تعاليمه والعمل به ربنا يهدى يا حجه
*******
قلتلك انى عامله ماجيستير فى الشريعه الاسلاميه مش هاقول اكتر من كده علشان تعرفى انى مش جاهله
انا كان كلامى معناه انها لو مسيحيه و ده حصل معاها من وجهه نظرها هيه مش مقصره هو مش فرض عليها اللى مقصر هيه المسلمه اللى عندها حجاب ممكن يحميها و مش لابساه
و بعدين انا و لا بهاجمها هيه او غيرها علشان اى واحده معرضه لده
بس انا بحب اخد بالاسباب مش اكتر
عارفه مره كنت ماشيه مع واحده صحبتى و كانت لابسه جيب قصيره و جه والد و عاكسها بس جامد شويه فأنا اتضايقت قلتله ترضاه على اختك فزعل اوى انى جبت سيره اخته المصون طبعا و قالى انا اختى ما تلبسش كده و الله مارديت هليه تانى فعلا هيه اللى جابته لروحها
علشان كده ناخد بالاسباب
ـــــــــــــــــــــ
بعد قضيه نهى رشدى واحد اتحرش بواحده لابسه خمار فى اكتوبر هى وبنتها
وسط البلد كان فيهم محجبات جامعه الدول نفس القصه
تابعى واقرى كويس واسالينى تانى
*******
يعنى قضيه نهى رشدى ما منعتش غيره انه يعمل كده؟؟؟؟؟
و لا حتى اللى اتحرش بأسر هايمنع غيره انه يعمل كده
و ماتستهونيش بثقافه غيرك
ــــــــــــــــــــــــ
الحرامى نظريته فى القسم اصل مرارتى اتفقعت يا اوختى والله وانا لسه سنى نونو خالص وحياه ربنا يعنى ومش عاوزاه يتقصف بدرى بدرى
ما ممكن ابقى قافله وام الحرامى وخالته ينطوا من الشباك ومبيتمسكش
اممممممممم بصى اقرى كويس فى الدين مش فى القشور فى الاخلاق بتاعت الاسلام
اقولك لو بتحبى عمرو خالد هاتى سلسله الاخلاق
علشان تعرفى تفرقى ما بين الاخلاق والاعمال
وفى النهايه انا مش ضد الحجاب انا بتمنى البسه صح مش زى بنات اليومين دول اللى سنيه شخلع احسن منهم فى لبسها يعنى
بس انا ضد التفكير اللى انتى بتقوليه ده
الغايه لا تبرر الوسيله يعنى متبرريش لواحد كلب مد ايده على حاجه مش بتاعته زى الحرامى علشان قال ايه مكنتش قافله الباب
باب ايه باب زويله
ارجو متزعليش منى وتتحملى اللى انتى قولتيه
والاختلاف فى البتنجان لا يفسد للمسقعه صنيه
ده بدل الاختلاف فى الاراء يعنى
********
سلامه عمرك يا قطه عايزينك هنا امال نناكف فى مين
هههههههههه
لو انا عملت اللى عليه و جه الحرامى سرق قلتلك هاقطع ايده
و بعدين احنا نخاف على عربيتنا و نحطها فى جراج علشان مش تتسرق و نخاف على شقتنا و نقفل عليها بالظبه و المفتاح و مانخافش على جسمنا و نحميه من الكلاب الضاله
و بعدين لو فيه محجاب مش كويسين فالعيب مش فى الحجاب العيب فى الانسان نفسه مش مبرر علشان نقول ما نتحجبش زى ما هو انى لو لقيت حرامى بيصلى انى ما اصليش انا بعمل اللى مفروض منى بغض النظر عن باقى الناس ابدأ بنفسك اولا
و انا ما بررتلوش اللى عمله لو ثبت اللى عمله ده حتى على واحده مش مسلمه لابد انه يتعاقب بس انا بقول اننا فى زمن كثرت فيه الكلاب و حميايه الشخص اصبحت مسؤليته الشخصيه و زى ما كتروا الحراميه و بتخافى منهم و تقفلى خافى من الكلاب الضاله و استخبى منهم ده حمايه منهم مش اكتر
بس محدش يقول الحجاب حريه الحجاب ممكن تكون فريضه و هاعملها لما ربنا يريد لكنه مش حريه

الجواز و سنينه said...

رئيس جمهوريه نفسى
متهيألى تشوف الرد بتاعى الاول و بعدين نتكلم علشتن انا كمان ليه ساعه بكتب فى رد ابى و صراحه تعبت

وومن said...

ده مش يجيب الضغط لا ضغط وسكر وكل أمراض العصر الحديث

اه يا آبي هو ده اللي قولتهولها ان الحيوان بيبقي فاكرك موافقة

طب سيبك من الضغط بقي واحكيلك علي حاجة تضحك حصلت في ميني باص برضة
اول كرسين في الميني باص واحد زجنبية واحد بتاعه ستين سنة واكتر والدنيا مش زحمة طلعت بنوتة مليانة شوية وبتبص علي مكان فاضي فجأة راحت هبه في الراجل زهاتك يا شتيمة وزعيق
الناس يقوللها في ايه تقولهم الحيوان ده عارف عمل ايه وهو بيرد بس بعين مكسورة
واحد كان عاوز ضرب الشوز يقولها طب خلاص متسكتي البنت بقي الدم غلي في عرقوها لدرجه ان وشها احمر وقالته يا منحط اللي تسكت علي قلة الأدب تبقي موافقة
الأتنين نزلوا تاني محطة والبنت ابتدت تهدي جت الحاجة بقي اللي كانت قاعدة جنبه بتقول للناس ده والله قاعد جنبي من أو الخط مشوفتش منه حاجة وحشة
طبعاً الميني باص كلة غرق في الضحك

---------------------------------

تاني حاجة بقي وحياه ابوكم الناس اللي لسه بتتكلم في البس الله يهديكم حد يتعب نفسة ويقرا البحث اللي عملة المجلس القومي للمرأة اعلي نسبة تحرش تمت بالمحجبات والمنتقبات وده لأن في إعتقاد إن البنت اللي مش محجبة جريئة وهاتشتم وتقل أدبها

في قاعدة معروفة جداً إن المجرم في قضايا السرقة بالإكراه والتحرش والإغتصاب بيختار الضحية اللي شكلها بيخاف او يتوسم فيها الضعف

بالنسبة بقي لموضوع آسر بالذات والناس اللي بتعلق علي اللبس الولد غالباً ساكن في نفس المنطقة يعني برضة من نفس المستوي يعني هاتلاقي اخواتة البنات ومامتة في الغالب بيلبسوا كدة برضة لو حكاية لبس كان كل واحد بيتحرش بواحدة بطل يلبس مراتة ولا اختة ولا مامتة الهدوم اللي بتشجع علي التحرش

يالهوي ايه ده بندن في مالطة

على عبدالله said...

السلام عليكم

انا عندى اضافة
ممكن ولا بلاش ؟؟!!ز
"ضيف ثقيل بقى"

طيب

طالما ان الرجالة بيحبوا المستخبى
"الممنوع مرغوب يعنى "
يبقى كل بنت محجبة
تقلع الحجاب
!!!
ساعتها بس حانقدر نقضى على ظاهرة التحرش !!!!

مش كده ولا ايه ؟

اللهم استرنا واستر نساء المؤمنين

اختى الفاضلة
يبدو ان البعض بيفهم بالمقلوب
مين قال ان البنت بتلبس الحجاب لمنع التحرش
ربما يكون دا سبب من الاسباب "
ولكن الاصل يا اختى الفاضلة انها طاعة لله عز وجل
..
انا قلت قبل كدا انك جدعه ..و
ان شاء الله يجى اليوم اللى اشوفك فيه "منتقبة" اللهم امين
تمام زى خديجة وعائشة وفاطمة
رضوان الله عليهن اجمعين


السلام عليكم

Appy said...

احوال الهوي
==========
يبقى تعرف الفيلم شرفت يا استاذنا







بندقه
=======
هو حل مؤقت هايل جدا جدا تسبمي يا قمر ربنا يحفظنا جميعا

Appy said...

s.m
======
طبعا مش مختلفين انها بنت مش كويسه
بس حتى لما عملت كده ممدتش ايدها ولا لفظت حاجه ولا اللى بيحصل دلوقتى
عارف لو وصلنا لكده يبقى مش هعيش فى مصر تانى بجد
على فكره فيه من النوعيه دي كتير وهى اللى ودتنا فى داهيه علشان الشباب فاكرين ان كل البنات كده
ربنا يستر ونلاقى حل منورنى بجد والله










الجواز وسنينه
============
حبيبه قلبى عارفه انه فرض ومش بنتناقش فيه بس برضه لازم نعمل باخلاق الاسلام وانتى عارفه انه على الشباب غض البصر برضه
موضوع الطبقه ده شرحه يطول مش بيقلل منك ولا من اي حد بس فيه مجتمعات عايشه غيرنا يعنى اللى بيقوله او بيلبسوه بينهم وبين بعض عادي جدا محدش بيحتك بيهم بينهم وبين بعض فهمتنى قصدي مش حاجه وحشه
وزي ما قولت لكي الاختلاف مش مشكله
على فكره برضه ممكن هى تكون لحقت تاخد نمره عربيه هى مكتبتش انهم كام عربيه او انهم مجموعه شباب ومعاهم عربيه يعنى ممكن مجموعه على رجليهم وواحد معاه عربيه دخل فىالموضوع بدليل ان الظابط ملحقهمش
وده اللى تنح ووقف ساعات بتحصل صدقينى مستعربيش ممكن يكون شباب شارب او حاجه عادي يعنى المقطم فيه بلاوي
فهمتى قصدي
وفى النهايه الموضوع مرفوض تماما واللبس برضه مش عليه عامل









انا حر
=========
فهمتها قصدك ان اللبس بيديهم ان البنت هى اللى عاوزه كده صح
لو دي فكرتك فاحب اطمنك واقولك اي نعم

Appy said...

على عبد الله
=========
ينصر دينك يا استاذ خليفه
بجد ربنا يكرمك
ويقبل منك دعوتك
وابقى شعره فيهم فى اخلاقهم وعلمهم ومكانتهم
مش الشكل العام بس
مع انى عاوزه الحجاب
بس محدش عارف يمكن الله اعلم الفكره تتغير مش علشان شرعيه او غير لان النقاب عليه خلاف ولكنى على قد علمى انه فضل من ربنا
ربنا يكتب اللى فيه الخير يا رب

Appy said...

ميرا
=======
ما هو المشكله بقت اخلاق يا قلبى