بحبك يا خروفى يا بمبى

محدش يحط عينه على الخروف البمبى بتاع قوس قزح والصورة هى اللى جيباها ليه وممكن تدبح اى حد فيها اختاروا الالوان التانيه

تحديث :- بناء على طلب ماما ريا ههههه قصدي مجداويه الارهابيه يوووووا قصدي مجداويه حبيبتى غيرت عنوان البوست من اوقفوا ذبحهم علشان هى اتريقت عليا فى الكومنت عااااااا بس مس مهم دي مانتى وانا بحبها واقتنعت بكلامها انا بس قصدي هزار يا مانتى مش اكتر انما انا مش معترضه على كلام رب العالمين الحمد لله بس برضه هعض اللى يدبحهم هههههههههههه

كتير اوى بيسالونى وبيشدوا فى شعرهم بسبب الخرفان البمبى بتاعى ويقولوا هو فيه خروف بمبى
ايووون فيه وقررت النهارده احكى لكم ليه بقى وايه سبب حبى للخرفان

وبما انى سعيد جدا فمسموح لكم فى التعليقات انكم تسألونى اى اسئله مش مستهبله والا مش هيكون لكم منى او اللى هيعمل كده غير قله فى دماغه

المهم نيجى لقصه الخرفان وحبى ليهم من زمان اوى وانا صغيره وكنت نزلت اجازة لمصر مع ماما وكنت انا عندى خمس سنين تقريبا كان عندنا شقه صغيره والبيت بتاعنا بيتبنى لسه و زى اى طفله شايفه اولاد وبنات فى الشارع عاوزة انزل وطبعا ده كان مرفوض جدا لماما وكان بتلهينى دايما بالراديو اللى على شكل سلحفه علشان اسمع اغانى وكان كبيرى انزل معاها عند حد من قرايبنا
جدى الله يرحمه ساعات كان بيزوغنى منها لانه كان عايش معانا المكان اللى كنا فيه كان قريب منه ناس عرب وعندهم خرفان وماعيز وبيسبوهم فى الشارع وبيجوا بقى لغايه المكان اللى كنا فيه

ومره اتسربت من ورا ماما ونزلت لقيت خروف صغير جميل اوى عجبنى شكله وكان معايا شيكولا رحت ااكله منها بكل برائه طبعا جه خروف تانى كبير تقريبا باباه ولقيته وطى راسه وقرب منى بقرونه فبرجع لورا رجلى اتنت وجت على زجاج عمل جرح فى رجلى من تحت طبعا رحت على ماما واخدت دش محترم جدا ورجلى اتخيطت غرزتبن واخدت غرزتين فى ضميرى من ماما وجدى الله يرحمه
وطبعا تعدى الايام والاجازة هتنتهى وهرجع تانى مع ماما لبابا وبقف كل يوم فى البلكونه وهتجنن انا عجبنى الخروف البيبى الصغير وكان شكله تحفه بيج فى بنى وقعدت اعيط تانى لجدو وقولت له اركب العجله بس وطبعا من صغيرى عايقه ومضايقه وبلبس زى الاطفال صنادل بس كعبها عالى شويه طبعا البنات فى السن ده عاوزين يبقوا انسات
المهم جدو وافق انزل اركب العجله ولابسه صندل كعب منيل وبرضه بحركه خبيثه بعد ما لعبت شويه قدامه فى المكان اللى بين العمارات وهو اطمن غبت عن عينه ورحت ادور على الخرفان تانى وبالفعل لقيتهم والمره دى اتنطحت يا رداله ايووووون الخروف نطحى علشان بديله مصاصه باين مكنش بيحب اللون الاحمر طيب كان يقول هو بصراحه نطح ووقعت من على العجله ويشاء ربنا ميسترنيش علشان مسمعتش كلام ماما واتعور فى الرجل التانيه فى نفس المكان يعنى بقى عندى عاهتين فى الرجلين فى نفس المكان شبه بعض
ورجعت للبيت وازيال الخيبه معايا وبرضه يومها تعبت جدا بجد وماما فقدت الامل فى ترويضى
وبالرغم من حوادثى انا حبيت الخرفان جدا شايفاهم كائن جميل ونظيف اوى يمكن الناس كانوا بيحموهم اى والله مش عارفه ليه
وسافرت ورجعت وقرر جدى يجيب ليه خروف صغير واربيه فوق سطح البيت وده كنت كبرت ورحت ابتدائى خلاص شقتنا فى العمارة الجديده فى الدور الرابع والسطح فوق على طول جدو بنى اوضه صغيره للخروف وبقى مكلف حد يجيب له اكل على طول بس انا ابيت وقولت انا اللى ااكله وبقيت اطلع العب معاه بس فيه واحد بيجى كل يوم ويوم ينظف له
وسميت الخروف سعد ومحدش يقولى ليه يمكن علشان اغيظ فى ابن عمى مش عارف بس هو كده ههههههههه
الخروف بقى صحبى وعامل زى النونو الصغير بيمشى ورايا فى كل مكان واقعد العب معاه وياكل من ايدى
وبقى ينزل ورايا على السلم وادخله فى الشقه طبعا طبعا فى عدم وجود الحاجه الا كان زمانها ترمينى من البلكونه
وكنت بنزله احميه بالشامبو وماما تقولى الشامبو بيخلص ليه اقولها انا بستحمى كل يوم لغايه طبعا ما اتقفشت فى مرة وانا بحميه وكانت ام محمود الست اللى بتنظف لنا تستر عليا كل مرة فى المصيبه اللى بعملها وفى مره من محاولتى وانا بحميه عاوزة انزله البانيو بس بما انه كان كبير وتختوخه مقدرتش وكان كبر اوى وحلفت ماما ان الخروف ده يدبح قعدت اعيط ومرضتش عمى قالى خلاص هاخده عندى وانا وافقت بس كان العيد الكبير جه ودبحوا سعد حبيبى وخاصمت عمى سنه بحالها وبجد عيطت جامد على الخروف لانه صحبى
وبحبه اوى وهو كمان كان رقيق وطيب وبيلعب معايا كتير وبيمشى ورايا
وبعدها ماما حلفت ما اجيب اى خرفان علشان مرتبطش بيهم عاطفيا كده واتعب
بجد علشان كده حسيت انى بحبهم اوى حسيت كائنات مش مؤذيه وبدافع عن نفسها بطريقه مش فييها اهانه وممكن تدربها بسهوله ونظيفه مش بتوسخ وبيقعد يجرى وراك وهو كلبوظه كده تحس ان البيت هيقع هههههههههه
ومن هنا جت فكرة الخروف البمبى
وقولت بمبى علشان ده اهدى لون وارق لون وانا بحس الخرفان حاجه رقيقه كده وطعمه
انا بكره اى حد بيدبحهم بجد مع ان انا عارفه انه حرام وربنا حلل ده بس انا بضايق وبتخنق وبقرف اوى من الناس اللى بتبعهم فى الشارع وسيباهم مش نظاف ودهنينهم لو معفن كده

حاجات او معلوماتى انا عن الخرفان ولحظوها
الخروف لونه من لون الجبل وبحسه زيه قوى جدا وانا بحب اللون البنى والبيج بدرجاته
انا بحب الجبل لانى بحس نفسى زيه مهما الناس حفرت فيه كهوف مهما المطر نزل عليه مهما الرياح طيرت رمله او ترابه مهما الصخور اتكسرت بيفضل جبل ولا بيحركه من مكانه سوى المولى عز وجل
الخروف بينطح وانا زيه مش بنطح الخروف عندى دليل على النرفزة او العصبيه يعنى لما اقول خروف ينطح يبقى بيدافع عن نفسه
بعدين اتجهنا للكلاب وتربيتهم

معلومه تانيه ليه اخترت اسم كوكب ابى :- لانى فعلا رافضه اعيش على الارض بكل ما فيها من قرف ووجع دماغ وحبيت يبقى ليه عالمى الخاص اللى برضه مترحمتش ودخله فيه دخلاء بس انا حطه ليه قوعد واى هجوم من كواكب اخرى بطلع الاسلحه المدمرة وبدمرها كلها علشان كوكبى يفضل هادى ونظيف وبنلعب فيه كلنا فى كل مكان

كل سنه وانتم طيبين ويا رب عيد سعيد او محمود او احمد بس عليكم جميعا

واللى يجيى يسيب كومنت او سؤال يا ريت من فضلكوا كيلو لحمه واللى هشم انها بتاعت خروف هخبطه بقله فى دماغه على طول من غير تفاهم

كان معكم ابى هانم كيد العزال انا من يومى

حكمه الامبراطورة

الدنيا فونيه والزمن كباس

95 اخبط وقول رايك:

عاشقة القمر said...

انا جيت حجز اول تعليق

الطائر الحزين said...

كل عام انت بخير

كل اللى عنده خروف بيسمسه سعد على فكرة

Mohamed Hamdy said...

كل سنه وانتى طيبه اولا يا أبى

ثانيا بقا حكاياتك مع الخروف بتتشابه مع حكاياتى .. ومتهيالى بتتشابه مع حكايات ناس كتير لما كانو اطفال .. انا شخصيا كنت مسمى الخروف عزت مش سعد . عشان اغيظ واحد جارنا .. وبرضو كنت بعيط لما بيدبح بس أكيد بفرح لما باكله .. واضح ان كلنا كان الحب الاول فى حياتنا ... خروف !

تحياتى ليكى

Sherif said...

طبعا كلمة تخريف من خروف برضه

وبغض النظر عن هذا العرض الشيق لقصة حبك للخروف .. هو فعلا جزء منك ومن نفسيتك العفوية التى ترنو لكوكب بعيد مسالم فيه كل الناس يحبون بعضهم ويعيشون فى سلام ووئام

لو كان يوجد هذا الكوكب لهاجرنا جميعا اليه .. بشرط الا يذهب اليه من تحلو لهم أذية الناس وخلاص .. وكأنها متعة خاصة

كل سنة وانت طيبة ياأجمل آبى وربنا يحفظك من كل سوء

جنّي said...

السلام عليكم ورحمة الله وبركاته


عجايب امال ندبح مين ؟

ودول خرفان شم النسيم ولا أيه ؟

كل عام وانتم بخير بحلول عيد الأضحى المبارك

كل عام وانتم على صعيد عرفات

كل عام وانتم من الحجيج

كل عام وانتم من الملبين

كل عام وانتم من المكبرين

كل عام وانتم من المهللين

كل عام وانتم مغفور لكم

كل عام وأنتي حرة يا أمتي

أخوكم سعيد

adel said...

ههههههههه
موضوع تحفة

بس فيت الخروف الازرق اللي طلبته منك ؟؟

و عموما الباقية في حياتك في سعد ... هي متاخرة بس انا كنت مسافر و لسه عارف منك
هههههههه

و انا سيبلك علي اول الكومنت كده و انتي داخله يمين 10 كيلو سمك و جمبري ... لاني مرضتش اجيب لحم خرفان لتتعبي نفسيا ولا حاجة و منلايش حد يلحقك عي الكوكب ده

هههههه

عادل
http://elbald-dy.blogspot.com/

Sherif said...

كل سنة وانت طيبة

قوس قزح said...

ايوه كده علشان مفيش حد يعنى نفسه تراوده على الخروف البينكاوى

علشان فى اتفاق لما تزهقى منه خالص اخده العب به شوية


بس عارفة يا ابى
انا لما شوفت الكتاكيت الملونة فوشيا و اخضر و تخيلت رعبهم و هم بيتلونوا و ان اللون ممكن يكون له ريحة مزعجة لهم
صعبوا عليا اوى

اما عن الخروف فاحنا كنا بنسميه سومعة و كنا بنعامله على اساس انه حمار و نركبه بالدور

دلوقتى خلاص منظر الدم مش بحبه ولا بحب ريحته
يمكن لان البراءة راحت و الواحد فهم ان الدم ده مرتبط بالموت
ما علينا
كل سنة وانتى طيبة و بخير
و مينفعش يا رقيقة القلب دى نوقف الدبح طبعا و اكيد انتى عارفة لانه فداء بأمر الله لنا و مش شعائره بس انتى مش عارفة تبطلى نطح

واما عن السؤال
طلعتى بكام حد قريب اوى لقلبك من هذا العالم الافتراضى ؟؟ و مين الشخص اللى عمره ما شاف خرفانك ؟؟

حاجة اخيرة لو سافرتى البلد عايزة فطير عاااااااااااا

Eng. Ahmed Abo El-Ella said...

الخروف كائن لطيف ويحب فعلا
بس النطح بتاعه عمل غير حضاري في دنيا الخرفان

لورنس العرب said...

ولله كويس انك حكيتي الحكايه لأني كنت هتجنن واعرف ايه الموضوع
اصلي الحقيقه او مره اشوف حد بيحب الخرفان كده
انا بردو بحبهم بس مكنتش بعرف العب معاهم زمان عشان كنا بنجيب خروف الجمعيه الاسترالي وهو شرس شويه

على كل حال انا عندي لك تهنئه بالعيد في الميكروباص

وانتي اول واحده
وطبعا فيها صورة بها خرفان كتييييييييير

المحارب المتيم said...

آبى هانم

حلوة حكاية الخروف دى

الناس بتحب القطط والكلاب وانتى الخرفان

وكمان بترتبطى بيهم عاطفيا

هههههههه

مش قاصدى سخرية بس ده غريب قوى

انا بعرف واحد بيحب الزواحف بأنواعها
انا بحب العقارب والعابين لأنها بتخوف الناس كلها
لدرجة فى مرة انى أتحويت من حاوى كبير ومسكت تعابين وبالمناسبة هى مطيعة قوى للحاوى حتى لو مش تعرفه مرة طلعت اربع تعابين مرة واحدة وسبتهم فى الشارع والولاد اللى معايا هربةوا مقالب بقى ربنا ميوعدكيش بمقلب منهم

المهم

أجمل حاجة فى البوست بجد والسبب اللى خلانى أعلق بعد ما قلت موضوع مش محتاج تعليق
موضوع الكوكب وكان نفسى يبقى الموضوع الرئيسى

تحيتى

وانا مفتقد تعليقاتك

عاشقة القمر said...

كل عام انت بخير
انا هرسل ليك خروف سوداني اختاره لون بس غير بمبي هههههههههه
سلامتك
عاهتين فى الرجلين
ثم تاني
الباقية في حياتك
بس انا اهعوض بواحد تانيه هههههههه

عاشقة القمر said...

علي فكرها

بؤجه الخير
احنا كنا بنعمل مجموعه بس مش نجحت بقينا وانا بنت الجيران نعمل لوحدنا لنا ثلاث سنين
ياريت لو تفتحي ايمل انا عايزكي

انا من اهوى ومن اهوى انا said...

appy: هههههههههههه

اية التشابة دا كان عندنا معزة مش خروف وكان راجل واسمو سعد عيطت علية اوى اوى اوى وما اكلتش لما دبحوة وخاصمت بابا بس اكتشفت بعدها انه زعل عليةاكتر منى وما اكلش منة برضوا

طب كان لية من الاول الراجل طلع عاتيفى زييى ، تصدقى هو لسة معترف بالموضوع دا لى من شهر الكلام دا فوق العشر سنين

وبعدها قطوطة صغننة ارتبطت بيها جدا لدرجة انى لما ماتت جالى إكتئاب

وحرمت اربى اى حاجة تانى علشام ما ازعلش عليها كدة

شوفتى احنا حد عاطفى جدا بنزعل على الحيوان فما بالك باللى بيهون علية البنى ادم

تحياتى

راجى said...

كل سنة وانتى طيبة انتى وخرفانك وبطوطك وبابا غنوجك

fashkool said...

يا ريت تاخدينى معاكى الكوكب بتاعك وحاخد لك 10 كيلوا لحمه .. كل عام وانت بخير يا ابى يا عسل .. واشوفك بعد العيد ان شاء الله .. تحياتى

Wish I were a Butterfly ... said...

حلوة قصة الخروف دي
:)
بس عارفة؟؟ أنا من صغري بحب المعزة أوي !!مشعارفة ليه غالبا من غير سبب يعني

كل سنة وانت طيبة يا بيبو

و صح أوي اسم المدونة "كوكب آبي". محدش قال إن التدوين بيمثل أي حاجة غير الواقع. بس الفرق إننا هنا نعرف نختار اللي هنكلمهم ونرد عليهم،و المفروض مش لينا دعوة بالناس اللي بتفضل تقول كلام مش كويس مع نفسها دي

كمان هو كوكبك الخاص بيكي لأنك هنا تقدري تقولي كل اللي جواكي وكل اللي تحبي تقوليه براحتك...لو بتفكري فعلا تقفلي البلوج انت كمان زي محمود فياريت تفكري كتير لأن الناس الجميلة اللي عرفتيها من التدوين كدة هيبقى صعب ساعات تفضلي معاهم،كمان مش أعتقد ممكن نلاقي مكان تاني نعبّر فيه براحتنا زي هنا.صح؟؟
كل سنة و انت بألف خير يا بيبو
لو تعرفي توصلي لمحمود ياريت تقوليله يفكر تاني

تحياتي ليكي ولخروفك البمبي بمبي

norahaty said...

السلام عليكم ورحمة
الله تعالى وبركاته
وكل سنة وانتى طيبة
وبدال ربنا سبحانه اخترنا
الارض نعيش ونموت فيها وعليها
تبقى هى احسن مكان لان ربك
ما بيعمل الا الخير. ومرة تانية
كل لحظة وانتى والاسرة بالف خير

Dr Ibrahim samaha said...

ربنا يخليهملك :)

بس الشامبو غلط عليهم:)

د/إبراهيم

جمعاوي صاحب "عيادة أسنان" said...

السلام عليكم آبى
قصة رائعة والله
والاستفادة من القصة :-
واحد:- آبى تحب الخرفان
اتنين:-آبى عندها غرزتين فى كل رجل وبما ان الانسان له رجلان
إذن فالمجموع يصبح2×2 = اربعة
تلاتة:-آبى هتحدفنى بقلة من قللها دلوقتى هههههههههههه

بجد بقى اسلوب حلو اوى فى الكتابة ومعلومات جميلة اوى عن شخصك الكريم

حفظكى الله من كل سوء ومعلش بقى مفيش لحمة علشان لسه ما دبحناش الخروف اللى فى الجنينة عندنا ههههههههه يلا سلام

مثلية تبحث عن ذاتها said...

ابي
يمكن مش اول مره بزورك لكن اول مره بعلق
اعرف انك انسانه طيبه و جميله و عرفت انه عيد ميلادك قرب فحبيت اقولك كل سنه وانتي طيبه و كمان واحده بمناسبه العيد و يارب كل ايامك عيد

وومن said...

آبي

كل سنه وانتي بخير وصحة

ايه ده يا بنتي عنيا دمعت علي سعد وانا الأيام دي عاتفية خالص مالص

انا بقي مش فاكره اي خروف من طفولتي بابا كان بيربيهم في بيت تاني ويجيبة يوم الدبح وبس
بقولك صحيح امال فين خروفي الأورنج بقالي مده مش سامعاله مأمأه

وحشاني خالص مالص

واحدة مفروسة said...

و انتى طيبه يا آبي و بخير دايما
حلو ان الواحد يتذكر حاجات من زمان و هوه صغير

ربنا يسعدك
اما عن اللحمه
فانا بقيت نباتيه
انما عن الخرفان
فخلاص مش عاوزه انا خرفان
خلينا عايشين فى هدوء

البت المشمشية حلوة بس شقية said...

نعم يختى امال ندبح ايه فى العيد ايه رايك بقه هنجيب خروووخ العيد وهسميه ابى وافضل العب معاه ههههههههههه وفى الاخر هدبحو وهيبقى لونو بينكاوى كمان

mohamed ghalia said...

ههههههههههههه
الخروف نطحك معلش يا ابى
بس لما تروحى كوكبك هتاخدى الخروف معاكى ولا لا؟
بجد اسلوبك رائع
دمتى بكل الود
كل سنة وانتى طيبة

رئـــــيسـة حزب الأحلام said...

كل سنه وانتى طيبه وبالصحة والسلامة
وماتقلقيش هنبعد تماما عن اى خرو بمبى
تحياتى لكى ياقمر

فاتيما said...

و أخيرا عرفنا سبب حبك للخرفان
بتفكرينى بحبى للقطط
أنا معجبة بالخروف
اللى لونه فسدوقى دا
و متقلقيش ...
مش هيتعرض معايا لأى مخاطر
هحبه و ادلعه لأنك منك
و تربيتك
و من سكان كوكبك الجميل
اللى نفسى لو يبقى موجود بجد فى الواقع و أنا آجى و أخطف يوسف
و نعيش فيه فى حمايتك يا جميل إنت
و خرفانك الجدعان
ربنا ما يحرمنا منك
و لا من شعاع قمرك اللى منور التدوين كله
و كل عيد و إنت بألف خير يا حبيبتى

micheal said...

ههههههههه..احمدك يا رب أني رفت حدوتة الخروف البمبي
:)
أنن بقي يا ستي بيصعبوا عليا وهما بيتدبحوا بس برضه بقول ما أكيد ربنا عملهم عشان الإنسان يأكل لحمهم
:)
بس سيبك انتي..أنا غاوي قطط ونفسي يجي اليوم اللي اربي فيه قطة
أما موضوع الكوكب فواضح جدا جدا اني النايبة مزاجها زي الريس في اليوتوبيا لاني برضه عامل لنفسي حاجة شبه كده
واضح جدا أن مسيرة حركة احم احم حتكون للأمام بس أوعي يغرك قرنك وتطمعي في الكرسي
أنا ملغمه ومفخخه من دلوقتي
تحياتي يا أجدع نايبة ويخرب بيت اللي يزعلك
:)

mahasen saber said...

كل سنه وانتى طيبه يا جميل
انتى وكل الخرفان اليى هتدبح واليى مش هتدبح

بس قوليلى لو عبدالرحمن اليىحط عينه على الخروف البمبى ايه اليى هيحصل
اعرف بس عشان على اساس الرد هقرر يشوف الخروف من عدمه

oRiGiNaL HeArT said...

كل سنة وانتى طيبة
انا ضحكت او على حكايتك مع الخروف بتاع الجيران دة
وبعدين بقى على كدة انتى مبتحبيش تاكلى لحمة الخرووف ؟؟
اومال بتعملى ايه فى العييد
انا عكس كل الناس على كدة
بحب لحمة الخروف اوى
واخواتى بيقولولى الله يقرفك بسبب كدة
ومبيرضوش يجيبو خورف فى العيد :((

شقاوة شعب said...

ياااااااااه

الدنيا اتغيرت خالص فى المدونات
كوكب آبى شكله اتغير خالص

الواحد بقاله زمن منعزل عن عالم التدوين
بس عزائى ان كان المانع خير بفضل الله

وحشتينى يا آبى ووحشنى كوكبك ووحشتنى خرفانك البمبى
بفكر ألبس خروف العيد بتاعنا طقم بمبى ستان كدة
هيعمل شغل جامد

الذيذ فىالموضوع ..ان مامتك كانت واخدة بالها قوى منك وانتى صغيرة ومش طالقاكى مع العيال فى الشارع .. لكن برضه انتى فيكى عرق شقاوة خلاكى تفتكسى حجات تنزلك الشارع

تحياتى
شيماء

رئيس التحرير said...

انا كان عندي خروف ...بحميه كل يوم بالشامبو..وكنت لسه في ابتدائي
ياااااه خيالك واسع أوي ولسه فاكره
معلهش اصلي انا الي بربي الخرفان

lyssandra said...

آبي بجد إنتي مشكلة

هههههههههههههههههه

حكاية الخروف ( سعد ) أثرت فيا بجد

ولو مكانك كنت خاصمت عمي برده



-------------------

مش عارفه ليه البوست ده حسيت ان اللي بيحكي طفلة بجد

مش الامبراطورة آبي هانم بتنجاني

بجد انتي حد جميل أوي يا آبي

وروحك رغم انك قويه كجبل .. لكن روح طفلة صغنونة ولذيذة وشقيه

وبمناسبة الشقاوة بقي

ينفع مش تسمعي كلام ماما؟؟؟

وعوارتين متشابهتين في رجلتين وفي نفس المكان ؟؟

أقولك إيه بس ؟؟


وادي جزاء اللي مايسمعش كلمة ماما تقولها

ترارارا

ههههههههههههه

=======================

كل سنة وانتي طيبة يا آبي

ويارب دايماً تكوني سعيدة

:)

Lyssandra

EmY said...

ههههههههههه

بجد انتي عسل يا ابي طلع ليكي قصة غرام و انتقام مع الخرفان

بستعرفي معاكي حق هما فعلا رايقين و مسالمين

انا اليفه مش باكل اللحمه الضاني فمش هاخد قله ف دماغي هاطلع سليمه

سلااام يا قمر

mado80 said...

كنتي بتحميه بالشامو بجد
هههههههههههههههههه
يخرب عقلك يا آبي

طب علي كده كنتي بتأكليه إيه
اكيد جبنه رومي
:):)

علي فكره الخرفان دي كائنات لذيذه فعلا, بس تعرفي مش بحب لحم الخرفان فعلشان كده
وتضامنا معاكي سوف انضم الي حمله اوقفوا ذبحم عااااااا
:) :)

كل سنه وانتي طيبه يا آبي يا قمر

رئيس التحرير said...

أنا آسف جدا...
لم اقصد ما وصلتي أليه
ولما اتهمك بالكذب؟
ولكن كل ما في الامر أردت ان اوزح
انا اسف للمره الثانيه

mony said...

كل سنةو انت طيبة يا قمر


احنا فيها اهه

هاتي يا ستي خروف صغير و ربيه علي كيفك و اعملي فيه كل اللي انت عايزاه


و انكيش تضايقي نفسك كده

enjy said...

حلو يا ابى هانم والله البوست دة وعلى فكرة كان عاجبنى اسم كوكب ابى والجو اللى انت عاملاه وحكمة الامبراطورة فعلا تحسى انك عاملة عالم كدة لوحدك...كل سنة وانتى طيبة

قلم رصاص said...

هههههههههههههههه

حكاية جميلة جدا يا أبي والله

وانا عاذرك في حبك الشديد للخرفان لأنها تتحب فعلا..خصوصا والواحد لسه طفل

انا بقى كنت وانا صغير فعلا كنت مربي معزه ..وخلفت جديين جمال جداااااا

كنت اقعد الاعبهم طول اليوم..ولما اجي الاعب واحد فيهم التاني يهجم علي من غيظه مني ههههههههههههههههههه

عموما بوست رووووعة..وابقى خدي بقى اللحمة اللي سبتهالك على باب البلوج عند تسجيل الدخول كده


الدنيا فونيه والزمن كباس
هههههههههههههههههههههه

تقبلي تحياتي

الفاتح الجعفري said...

سلام الله عليكم ورحمته وبركاته
هي دي لازم تكون نهاية خرفان الاقاليم
انما عندنا حاجة تانية خالص
وبرضه كانت الخرفان بتصعب عليه
بس كل ميسر لما خلق له
وخلقهم الله لهذا
بس ذكريات رائعه مع الخرفان انا لو منك كنت اقول نفجرهم مش يصعبوا عليكي
--
اما بالنسبة للكوكب خلاص انا شايف ان السلام مبقاش ينفع ,لازم المعارك علشان نريح الناس من شرورهم
--
وكل عام وانتم بخير وجزاكم الله كل خير

Z_Diva said...

eh r2yk b2a in awl 5arouf hnd7y beh fel3eed howa el5arouf elbamby bt3k :P

5alas 5alas ana bahnzar ya basha wallahy, mafesh da3y lelswateer elly fe edik de :D

kol sana wenty tyba we yrb kol sana tb2a a7san mely 2ablha -mesh kn da m3'za o3;nya mn a3'ny sfa2 abo els3oud bayn ??? ma3lina ma3lina-

ylla happy ead ya apps :)

~*§¦§ Appy §¦§*~ said...

عاشقه القمر
=============
ماشى يا ستى اول تعليق مبروك عليكى






الطائر الحزين
=============
وانت طيب وبخير يا رب
والله كويس بس برضه مش عارفه ايه السر فى ده
نورت يا حكيم الكوكب

~*§¦§ Appy §¦§*~ said...

محمد حمدى
==========
يا بقى انا الحب الاول فى حياتى مش خروف عيب عليك ههههههههههه انت حر فى حياتك
كل سنه وانت طيب يا محمد وبخير







شريف
========
ميرسي يا شريف الكوكب حلو بيكم انتم والله ومن غيركم ملوش لازمه خالص
ام تخريف جايه من خروف ومن خرف هههههههه نورت يا شريف وكل سنه وانت طيب وبخير

~*§¦§ Appy §¦§*~ said...

جنى
====
أدبح عوكل او ابوه الله ادبحو اى حد اشمعنى خرفانى وبعدين الخروف بقى كله عضم وصغنن مش هينفع يدبح ههههههه كل سنه وانت طيب وبخير





adel
=====
حمد لله على السلامه وبعدين بص فى الصورة هتلاقى كل الالوان
وميرسى على السمك بس مش بحبه اوى
نورت يا عادل

~*§¦§ Appy §¦§*~ said...

قوس قزح
==========

حمار بتعملوه حمار عااااا حرام عليكوا وعارفه والله انه لازم يدبح وانه شرع ربنا علشان كده بتوجع بس

اما عن السؤال
طلعتى بكام حد قريب اوى لقلبك من هذا العالم الافتراضى ؟؟ و مين الشخص اللى عمره ما شاف خرفانك ؟؟

خمس اشخاص يا دوللى بس اوسته يعنى مش مكملين صوابعى العشره اه انا ليه اصحاب كتير وبودهم بس اللى قريب لقلبى هما دول

شخص عمره ما شاف خرفانى لوووووووولى بتهزرى هههههههه طبعا مفيش محدش مش شافهم كله شاف يا حبيبتى حتى اللى بعيد عن العالم ده برضه شافوهم
بس هو فيه انسان يمكن انا طلعت عليه خرفانى بس بهدوء شويه ويمكن بينى وبين نفسى عارفه انها مش خرفان ولا حاجه بس هو وصله انها خرفان
وعلى فكره هو الشخص ده اللى بيرأس المجموعه القلبيه ههههههه اه فيه ناس كمان قريبه لقلبى بس بعيده دلوقتى وبعدهم مش معناه بعد عن القلب لا بس بعد لحكم الزمن تيرررراررررر
هاتى بقى منديل او ملايه نمسح فيها دموعنا يا اختى






Eng. Ahmed Abo El-Ella
==============
هما الخرفان عندهم حضاره طيب كويس بجد طيب اسمها الحضاره الخرفانيه ولا ايه بقى
كل سنه وانت طيب

~*§¦§ Appy §¦§*~ said...

لورنس العرب
=============
ميرسى يا لورانس على قطيع الخرفان الجميل ده ودايما كده مأحرجنى فى رمضان بفانوس ودلوقتى بخرفان
بس ايه خروف شرس دى انت هاته صغير وربيه علشان يصعب عليك لما يكبر ومتدبحوش







المحارب المتيم
===========
دا انت شرير شر يا ساتر تعابين انت مؤذى بجد
الكوكب عاوزة الرئيسى ليه طيب اسال وانا هجاوبك عاوز تعرف ايه عن الكوكب
ومعلش انا مقصره مع ناس كتير والله

~*§¦§ Appy §¦§*~ said...

عاشقه القمر
=============
الله يسلمك بس انا معلش شيلت الميل خالص ممكن تبعتى عليه رسايل بس يعنى انا شيلت الماسنجر ابعتى اللى عاوزاه ميل

نورتى يا قمر







انا من اهوى ومن اهوى انا
======================
طيب دى العيله كلها عاطفيه
مش عارفه والله اللى بيهون عليه روح ده ايه بجد
انا كمان بطلت بس قررت تانى اجيب الكلب اعمل ايه بحبهم اوى
كل سنه وانت طيب

~*§¦§ Appy §¦§*~ said...

راجى
====
وفين سلاطتى وكنتاكى ما تكمل اللسته هههه
وانت طيب يا راجى وبخير يا رب






fashkool
==========
وحضرتك طيب وبخير يا رب
ويا ريت دا انتتنور الكوكب من غير لحمه خالص يا ريت اعرف اجمع كل الناس الكويسه ونعيش فى مكان كويس لوحدنا
اشوف حضرتك على خير

~*§¦§ Appy §¦§*~ said...

Wish I were a Butterfly
==================
بيبو الرقيقه خالص وحشتينى
والله يو بوب انا مش عارفه بس اعتقد ان هنرجع تانى بس اصل فيه حاجات وحشه اوى اوى على الاقل بتنرفز والواحد علشان ابن ناس مبيحبش يرد على الناس دى فبيفتكروا انه ضعف منه عموما هحاول مع محمود
نورتى يا قمر






norahaty
===========
وعليكم السلام
ما هو يا نور انا مش رافضه الارض انا رافضه الاغبياء اللى عليها بس مش اكتر او الناس الوحشه
كل سنه وانتى بخير

~*§¦§ Appy §¦§*~ said...

Dr Ibrahim samaha
==================
عرفت بعدها والله يا دكتور بس ربك ستر معايا علشان كنت بنشفهم بسرعه انا بس كنت بحط حبه نونو خالص علشان الريحه وكنت بحط ميه كتير علشان اخلص قبل ما ماما تيجى
بس الا صحيح ليه غلط عليهم








جمعاوي صاحب "عيادة أسنان
==========================

هههههههههه لا هى غرزة واحده فى كل رجل انت ساقط حساب ولا ايه
وبعدين هضربك علشان هتدبحوا الخروف طيب راجع نفسك علشان شوف هو صغير ومش هيعمل لحمه كتير بص هات حاجه تانيه احسن عااااااااااا

~*§¦§ Appy §¦§*~ said...

مثلية تبحث عن ذاتها
=====================
اهلا بيكى وميرسى لكلامك وانتى طيبه
وكل سنه وانتى بخير يا رب وبجد متشكرة على ذوقك ورقتك نورتى الكوكب







وومن
========
ايوه يا عم على العتيفيه ربنا يهنيك اتلهى فى الخروف اللى معاكى وملكيش دعوه بخرفانى بقى (وش بيطلع لسانه )هههههههههه

~*§¦§ Appy §¦§*~ said...

واحده مفروسه
===============
نباتيه يعنى بقيتى بتخضرى فى الصيف وتصفرى فى الشتا لووووولى
ليه كده بس يا حبيبتى
وبلاش خرفان علشانك يا قمر





لبت المشمشية حلوة بس شق
===========================
ايه البنت اللى عاوزة قطع مناخيرها دى ماشى ماشى لينك نمليه تتزنقى فيها

~*§¦§ Appy §¦§*~ said...

mohamed ghalia
====================
انا كوكبى كله خرفان وفراشات ونهر ميه وخيم وحاجات حلوه كتير وزرع اخضر
كل سنه وانت بخير يا رب






رئـــــيسـة حزب الأحلام
======================
وانتى طيبه يا سلوى وبخير

~*§¦§ Appy §¦§*~ said...

فاتيما
==========
يا ريت بايدى كنت لميت كل الناس الكويسه وعشنا مع بعض ربنا يرجعه لكى بالسلامه
وينور دنيتك وكل سنه وانتى وهو طيبين يا رب





micheal
=========
هههههههههه لو على القطط اجيب لك يا ميشو سهله
على فكره لحم الخرفان خفيف جدا وحلو اوى اوى ولان اكلهم نظيف كمان مش وحش
اما عن لكرسى اممممم موعدكش اوى هبقى اشوفك برضه لو اخدت الكرسى منك بحته طقطوقه هههههههه
لا تقلق يا رب نلاقى المكان الكويس اللى كلنا بنتمناه

~*§¦§ Appy §¦§*~ said...

mahasen saber
================
وانتى طيبه يا محاسن ووالدتك طيبه وبخير
اممممممم عبد الرحمن لا مقدرش اتكلم الا الاطفال بالنسبه ليه يعنى انا ممكن اشد فى شعر الكبار ممكن اقرفهم اخبطهم بقله اعضهم انما الاطفال نونونونو خالص خالص
نورتى يا قمر







oRiGiNaL HeArT
=================

انا لا مش باكلها خالص انا بشوى لحمه معزة او اى لحمه تانيه انما خروف عااااااااا لا طبعا
هى عيبها حاجه واحده ريحتها صعبه فعلا شويه
بس بلاش علشان اخواتك ميقولوش يع متدبحيش الخروف ههههههههه
هاتى لحمه تانيه
منورة يا قمر

~*§¦§ Appy §¦§*~ said...

شقاوة شعب
===========
ياااااااا شيمووووو لسه كنت بسالك عليكى يا بنتى بتختفى فين كده انتى وجهاد انتم بتعملوا ايه من ورايا عاوزة اعرف وحشتينى خالص وانتى بقى بتظهرى على الاعياد والمواسم ولا ايه حكايتك
نورتى يا قمر الدنيا كلها وكل سنه وانتى ولااسره كلها بخير يا رب








رئيس التحرير
=================
طيب ممكن بقى حضرتك تجيب ليه خروف صغير يعنى واوعدك مش هحميه بالشامبو
والحمد لله ذاكرتى قويه ومبنساش حاجه
نورت يا فندم الكوكب ومتشكرة لحضرتك

~*§¦§ Appy §¦§*~ said...

lyssandra
=============
اهلا بالناس اللى النت موقعهم طول الوقت
يا حبيبى اسمع ايه بس انا حد بيسمع كلام نفسه بالعافيه يبقى اسمع كلام ماما
واه والله هوريكى التعويره لما اشوفك هتستغربى جدا بس اهى بقت علامه
ميرسى يا قمر وكل سنه وانتى طيبه









EmY
========
دى قصص غرام وانتقام يا ايمى اسكتى
وكويس كده هبعت لكى ورده كبيررررررره مع شريط لورده بتاع اغنيه معندكش فكره علشان انتى مش بتاكلى اللحمه دى

~*§¦§ Appy §¦§*~ said...

mado80
===========
يعيش مادو حر مستقل
والله يا مادو اه بس ربك ستر لان بعدها عرفت انهم بيموتوا من ده بس مش عارفه ايه السبب
كل سنه وانت بخير
يا رب









رئيس التحرير
==============
حصل خير يا استاذنا وتشرفت بحضرتك جدا معلش هو لازم اول مرة كده نورت المكان كله

~*§¦§ Appy §¦§*~ said...

مونى
-=======
اربيه فين دا انا شقتى دلوقتى كلها نونو على بعضها ولو الخروف اتمطع هيهد الحيطه ههههههه
كل سنه وانتى طيبه يا حبيبى








enjy
========
وبحب فيه الناس الحلوة يا انجى وبيصعب عليا حال الدنيا والناس اللى بتضايق بعض نورتى يا قمر

~*§¦§ Appy §¦§*~ said...

قلم رصاص
===========
ايوة انت مستغرب من ان الدنيا فونيه طيب ركز وانت تعرف ههههههههه

اما عن المعيز اممم بحسهم شياطين اوى وبيلعبوا كتير وفيه شقاوة الخروف حلو وهادى
وميرسى على اللحمه يا فندم








الفاتح الجعفرى
================
وعليكم السلام
لا يا جعفرى انا التمست له العذر قولت يمكن مبيحبش الشيكولا او المصاصه عادى يعنى طيب دها اعذره بقى علشان معندوش لسان يتكلم بيه
اما عن السلام امممم مش عارف يا جعفرى بس بقت فيه حرب قذره وانت عارف ولاد الناس ملهومش فى ده
عموما ماشى يا زميل المعارك انقل من الاقاليم وانا معاك نحارب ههههههههههه
كل سنه وانت واليعقوبى طيبين

~*§¦§ Appy §¦§*~ said...

Z_Diva
========
ايه البت اللى عاوزه الدبح دى يا ربى امممممممم لا مش هنزل السطور لازم نخلص منك علىالعيد
اه باين يا ام زعبولا انتى لسه فاكره صفاء ابو السعود دا انتى قديمه موووووت كل سنه وانتى طيبه يا حبيبى

Foxology said...

كل سنة وانتى طيبة
وفعلا الخرفان بتبقى كائنات وديعة جدااااا بس اهو ربنا حلل لنا اكلها :)

تحياتى :)

سبهللة said...

مع انك حكيتيلى قصتك مع الخرفان فى التليفون
الا انى قرتها واستمتعت بيها جدا وانا بقراها مع انى عارفة تفاصيلها
كل سنة وانتى طيبة
عيد سعيد

محمد عتلم said...

انا جيت وبصيت وغالبا همأمأ معاكو بكره وكمان هخرف خروفا مخروفا مخرفا
يس انا لما اكمل قراية المدونه بتاعتك هبدأ فى التخريف بأذن واحد احد

«۩ AhMeD 3LaM۩» said...

كل سنه وحضرتك طيبه
وانا اول واحد يبحب اتفرج عليهم وهما بيدبحووو هههه

Abo 7anf said...

كل سنه وانتى طيبه

و متزعليش هاتيلك سعد غيره

ومعلش بقى على غيابى الفتره الفاتت

ahmed_k said...

آآآآآآه دلوقتي عرفت سر حبك في الخرفان
بس فعلا هما كائنات لطيفه ولحومهم من أجمل اللحوم وأشهاها ههههه
علشان كده أنا بحب عيد الأضحى علشان بنرتاح شويه من اللحوم البقري اللي مرافقانا طول العام ,
ده أولا أما ثانيا فأنا سعد جدا بلقاكي يوم البؤجه يا آبي وعايز أقولك جزاكي الله خير على مجهودك فيه وتعبك مع كل المنظمين للتحضير له ,
وألف سلامه على بطوط من الوعكه الكاوتشيه اللي أصابته يومها ,
ورغم أني كنت في غاية الإرهاق والتعب إلا أني كنت سعيد جدا بلقاكم يومها وإن شاء الله تتكرر مثل تلك التجمعات الرائعه التي لها في الأساس هدف نبيل ورائع

وتقبلي مني خالص تحياتي وتقديري

مجداوية said...

السلام عليكم

كل سنة وانت طيبة يا بريجيت قصدى يا آبى

بصى تضربى بقلة أنا عندى أزيار

آه

العنوان نفسه مستفذ اوقفوا ذبحهم !!!!
اومال هو اتخلق ليه أصلا

وفديناه بذبح عظيم

صدق الله العظيم

لو تعرفى قيمة هذا الفداء كنت بالفعل حمتيه بالشامبو ونضفتيه وقدمتيه بايديكى للجزار لأنه خلق من أجل الذبح مش عشان تعمليه خروف لولو

الولد فى العقيقة له اتنين والبنت واحد
ده فداء للانسان خلق لهذا
كلنا مبنحبش اننا نشوفهم مش نضاف وبيتعاملوا وحش زيه زى أى حيوان لكن حرام حتى لو من باب الشفقة أو الرقة تقولى أوقفوا ذبحهم

اكتبى ادبحوهم برفق
احسنوا الذبح
أى حاجة تخليكى موافقة فعلا على ذبحهم مش عين فى الجنة وعين فى النار



ممكن تنضمى لبريجيت باردو ضد دبحهم عااااااااا
هى رافعة قضية ضدنا روحى اترافعى فيها وخديلها خروفين واحد فوشيا وواحد تركواز
تعملهم ميدالية

جبلية ايه ونطح ايه وانت عاملاهم بمبى
احدفى القلة بقى عشان انا اللى حانطحك

وكل سنة وانت طيبة يا بريجيت مش باردو ؟

maha zein said...

كل سنة وانتي بصحة وسلامة
وعيد سعيد ان شاء الله عليكي
متخافيش انا كمان بحب الخرفان جدا وماما مربية فوق السطوح معزة اسمها رشيدة والمعزة خلفت راشد ورشدي
راح راشد مات
وبعديه ماتت رشيدة
اللى فاضل رشدي
هو دلوقتي بقه مريض نفسي
واي ما يشوف حد ينطح ويضرب وقلة ادب صراحة
الظاهر الوحدة جنته
ولا معرفش ماله
يلا ربنا يهديه بقه

مجداوية said...

السلام عليكم




يا سلااااااااااااااام
ايه ده شبيك لبيك

والله يعلم أنى قلته حبا لك
ربنا يعزك يا آبى ويحققلك كل أمنياتك

وعلى فكرة كوكبك مش بعيد كوكبك موجود ومستنى أحسن الناس عشان تعيش فيه
عيشة كلها سلام ومنزوع مننا الغل وفيه كل ما تشتهى الأنفس وما لم يخطر على بال بشر
وفى ذلك فليتنافس المتنافسون
كوكبك احلمى بيه على الآرض واعملى له وحتلاقيه فى الجنة
ان شاء الله
وممكن جدا تلاقى هناك خرفان ملونة طبيعى مش صبغة أو دوكو
بس انت اتمنى فى طرفة عين يجيلك
وان كنت أشك انك ساعتها حتطلبى خرفان
:)
:)

خروف بمبى
يا سلااااااااااام
زى هدهد يتيم كده

تشترى كااااااااااااالب ؟

Gannah said...

آبى
بقى هى دى حكايتك مع الخرفان
انت كنتى بنوته شقية فعلا دا انا كنت خوافة جداا
لكن انتى شجاعة

كل عام وانت بالف خير
وكوكبك دايما مضىء بكلمات الحق
عيد سعيد
تحياتى

GeHaD-----(male) said...

صراحه بقي انا مقرتش البوست كله
انا مش عارف بتجيبي الكلام دا كله منين
المهم كله سنه وانتي طيبه
وعلي فكره احنا هنضحي السنه دي بخروف بمبي بالعند فيكي
تحياتي

Dr Ibrahim samaha said...

هههههههههههه
على فكرة انا مش دكتور بيطرى
وبهرج صراحة معرفش طلعت منى كده:)



د إبراهيم

رندا said...

ياجمال خرفانك و ياقلبك الرقيق الى زى النسمة بتحمية بالشامبو :) ياعم تعالى نعمل جمعية حماية الحيوان ونحط الكلب الى هتجيبية وسوشى ونلف بيهم :)
مش هغير ابدا فكرى عنك انك رومانسية طحن :)

كل سنة وانت طيبة ورقيقة ونسمة صيف

يارب اشوفك سعيدة اوى

سمـــــــــــا said...

طيب ممكن تدينى الخروف دا العب معاه شوية ؟؟

وانا صغيرة كنت بحب اوى العب مع الخروف بس مش زي الناس المؤدبة لااااا انا كنت جبارة قصيرة كل قرايبى حاولو يقنعونى ان الخروف مش حصان بس انا ابدااااا .. امسكه من قرونه واتشعلق واتقمص دور انه حصان وووو درجن درجن

بس مرة اتقلبت من عليه والواطى كان هينطحنى بس ربنا ستر

ومن يومها بقيت احبه من بعيد لبعيد من غير العشم الزيادة بتاعى

....................

انا كمان بحب المعزة النونو أوى بتكون قمر كده وعيونها جميلة وشعرها ناعم وصوتها حلو وهى بتمأمأ ، وحاولت اقنع ماما انها تجيب لى واحدة فى البلكونة بس لغاية دلوقتى لما بقترح الفكرة مش عارفة ليه بتبصلى باصة ذات مغذى ، تفتكرى قصدها ايه ؟؟؟

.....................

ميرسى يا قمر على زيارتك الجميلة عندى وميرسى على مجاملتك الرقيقة

بس انا زي ما قلت البلوج عندى مهم بس فيه حاجات فى حياتى اهم لازم اركز فيها حاليا

وكمان انا زيك ماشية بمبدأ " يا جبل ما تهزك ريح "و " والضربة اللى متموتنيش تقوينى "

فأوعدك ان شاء الله اظبط امورى كده وارجع للتدوين باذن الله بس وانا حاسة باستقرار فى كل حاجة

سلام يا قمر وكل سنة وانتى طيبة

حاجات جوايا said...

يااااااااااااه
أخيرا عرفت حكاية الخروف البمبى وكوكب آبى
ههههههههههههه
بس بجد زعلتينى على سعد وكنت خلاص هعيط
بس مسكت نفسى
تعرفى انا برضه لما برتبط بحاجة اوى بيصعب عليا فراقها
مرة واحدة بس فى حياتى اللى ارتبطت فيها بخروف كان جدو جايبه فوق سطح البيت قبل العيد بشهر كده وكنت بطلع معاه انا واخويا ناكله
اخويا كان بيلعب معاه وانا اخاف اقربله .. احطه الاكل واتابعه من بعيد
بس العشرة بقى متهونش
من يوم ما دبحوه وانا بكره اللحم الضانى

الحمد لله اننا مش بنربى طيور
والا كان زمانى بقيت نباتية

كل سنة وانتى طيبة يا جميل
ويارب العيد يكون سعيد عليكى بإذن الله

hager za3bal said...

ابي

كل سنه وانتي طيبه يا جميل

انا جيت اعزي في الخروف الفقيد وجايبالك معايا نص معزه ايه رأيك؟؟

اصلي من صغري بحب المعيز والبقر مش عارفه ليه

هههههههههههههههه

~*§¦§ Appy §¦§*~ said...

Foxology
==========
وانت طيب وبخير يا رب وعارفه والله بس اعمل ايه قلب الام بقى






سبهلله
=========

ههههههههههههه كنت عارفه انك لو قريتيها تانى هتركزى ما يومها البهوات الصغيرين كانوا عاملين دوشه كل سنه وانتى وهما طيبين

~*§¦§ Appy §¦§*~ said...

محمد عتلم
==========
اهلا يا فنان ليه بس لا ركز ومتخرفش محتاجين اعمالك تشرف حضرتك والمدونة بتاعتك






«۩ AhMeD 3LaM۩»
===============
انت شرير ومش هرد عليك وامشى من هنا بدل ما ادبحك انا

~*§¦§ Appy §¦§*~ said...

Abo 7anf
=========
وانت طيب يا محلاوى طيب ما تبعت لنا على هنا خروفين
ولا يهمك ربنا يكون فى عونك






ahmed_k
=========
ما هو انا بتسال كتير اوى فى الموضوع ده
فقولت اخلص منه بقى
وميرسى على تشريفك يا احمد بجد
اما بطوط يالا اهى جالها مسمار فى عينها بس الحمد لله قدر ولطف

~*§¦§ Appy §¦§*~ said...

مجداويه
=====
خلاص يا حج انت بتذق ليه ماشى صلحنا يا مانتى نزلى السلاح بقى
الا مين باردو دى دوا كحه





maha zein
===========
جوزيه يا مها شوفى له عروسه وجهزى وجوزيه هيتهد
كل سنه وانتى بخير يا قمر

~*§¦§ Appy §¦§*~ said...

مجداويه
======
ههههههههههههه ايوة انا عاوزة الكاالب ده
لا تقلقى يا مانتى عليا انا كويس وبقيت زى اللبان هههههههههه خلاص بلاش جبل
ربنا يرزقنا يا رب جميعا اللى بنتمناه فى الدنيا والاخرة وربنا يرضى عنا ويبعد عننا الناس الوحشه
تبيعى الكااالب بكام بقى









Gannah
=========
وانتى طيبه يا قمر وبخير يا رب وميرسى ليكى خالص

~*§¦§ Appy §¦§*~ said...

GeHaD-----(male)
==================
يا رب يطفش منكوا يا جهاد
وانت طيب يا رب






Dr Ibrahim samaha
=====================
لا اصل انا سمعتها فعلا ومش عارفه هى صح ولا غلط

~*§¦§ Appy §¦§*~ said...

رندا
========
تانى سوشى تانى انتى محرمتيش ايه عاوزة اقولك بالهنا والشفا وتفضحينا على الفضائيات هههههههه
كل سنه وانتى طيبه يا حبيبة قلبى






سمـــــــــــا
=================
انا قولت انك قويه ومفتريه وجباره محدش صدقنى يا بنتى حرام عليكى بس الجبروت ده
اما المغذى لا مش شايفه انهم يستغربوا يعنى عادى ايه المشكله ناس عجيبه عجب ملوش حل
اقولك اعملى لها بيت فى الاوضه بتاعتك ونيمها معاكى
اشد فى شعرى روحى يا بنتى ربنا يهديكى معزة فى البيت ههههههههههههه
اوك يا سما ومستنين ترجعى

~*§¦§ Appy §¦§*~ said...

حاجات جوايا
================
كل سنه وانتى طيبه وبخير يا قمر وفرحانه باكاتكيت الصغيرين
انا تصدقى مش بحب اللحمه خالص او بميل للفراخ اكتر بكتير هو كده ابقى تصنيفى ايه ههههههه






hager za3bal
===============

وانتى طيبه ومنورة الكوكب كله لا بلاش مش عاوزة لحمه مشوها فراخ

mostafa rayan said...

آبي
مش عارف اقول كايه بس بصراحة انا عكسك خالص في حوار الخرفان والقطط والكلاب دة
بس اللي عايز اقولهولك كل سنةوانتي طيبة وعاملةاحلى سعد على احلى فتة بالصلصةوالخل والتوم

مواطن مصرى نايم said...

مش انا اكتشفت انى احول
ههههههههههههههه
بيتهيأ لى
انى علقت هنا
اتارى الواحد نايم يا كبير
ههههههههههههه
و طلع التعليق تحت
عموما خير
عشان انا معلتقش على اللى فات
كل سنة و انتى طيبة يا ابى
و بما انك مبسوطة
احب اسألك سؤال عميق

ايه اللى باسطك ؟؟؟؟؟
هههههههههههه
;)

سلامى لللخروف
و كل سنة و بطوط طيبة كمان
كويس انها بطوط البط مش بيتدبح فالعيد
هههههههههههههههه

رندا said...

أسعد الله أوقاتكـِ اينما كنتــِ
إنه العيد الذي يملأ الأيام والليالي بأقدس اللحظات
والقلوبـ بالبركة والصفاء والإيمان
الله يديم الاعياد، والافراح
وكل عام وانتم بخير

عيد سعيد عليكـِ وعلى اسرتكِ الكريمة

دمتى بود

عاوز عروسه بالمقاس said...

كل سنه وانتى بالف صحه وسلامه
فعلا الانسان لازم يشوفله مكان تانى يعيش فيه غسر كوكب الارض

Z_Diva said...

aywa tab3an lazm aftkrha, dana kan aksa amly iny albes gazmt ballet we fostan mnfoush we ar2os waraha :D

~*§¦§ Appy §¦§*~ said...

مصطفى ريان
==============
اه يا شرير ربنا يسامحك عااااا كل سنه وانت طيب






مواطن مصري
============
سعيده ومبسوطه علشان ليه اخوات جدعان وعلشان كل يوم بثق فى نفسي يا سمسم يا احول ههههههههه
انا شوفت التعليق التاني كل سنه وانت طيب يا قمر

~*§¦§ Appy §¦§*~ said...

رندا
=======
كل سنه وانتى جميله







عاوز عروسه
=========
اهلا اهلا بالناس الحلوه وانتى طيبه يا قمر

~*§¦§ Appy §¦§*~ said...

ام زعيولا
=========
هههههههه ماشى يا ريس كل سنه وانتى طيبه يا قمر ومدوخانى معاكي فى فك طلاسم الفرانكو اراب

ماما أمولة said...

كل عام وانت بخير يا ابي

وربنا يحققلك كل امنياتك يارب

maxbeta3zaman said...

حكاية الخروف دى فكرتنى بخروفنا الطفشان فقد قرر أخى الأصغر النزول بالخروف للشارع للتمشيه والفسحة كما يفعل الناس مع الكلاب ,,,ونزله دفعا من فوق السطوح -4 أدوار من بتوع زمان - وكان النزول بدفع الخروف من الليه ....كنا قد اشترينا الخروف من جزار يبعد عنا 500 متر كده وكان كل يوم يبيت قطيع الخرفان فى حظيرة فيمر القطيع الباقى من أمام منزلنا ذهابا وعودة ...تصادف موعد تفسيح أخى للخروف مع مرور القافلة الصباحية العائده للمحل وبمجرد نزوله لباب الشارع فوجىء الخروف بزملائه ودفعته يمرون أمامه فسحل أخى وقطع الحبل الدايب الذى كان يربطه بيد أخى واندس وسط القطيع تماما كما يفعل اللص المطارد لو وجد مظاهرة ...وجرى أخى وراء القطيع عبثا حاول استخراج الفار من الخدمة ابو قرون ...وعاد باكيا ...ولولا أمانة الجزار الذى عد القطيع ووجد واحد زياده لما استعدناه وما دلهم عليه سوى قطعة من حبل مهترئ ظلت فى أحد قرنيه ...ويمكن عشان كده سموها" القرائن" فى المحاكم الجنائية ...موش دى تبقى قرينه برضه
كل عام وانتم بخير