ما هما اللى قالولى


فى يوم فى الشغل جالى تليفون واحد عادي بيعرض خدماته علينا المكامله كالتالى


الشخص:- صباح الخير يا فندم معاكي فلان الفلانى من شركه كذا بنصنع اكياس تعبئه مكرونه وعاوز اعرف انتم اتفقتوا مع حد ولا لا


انا:- صباح النور حضرتك الموضوع ده مش معايا ممكن اديلك رقم دكتور نور واتفق معاه هو المسئول عن الموضوع واديته الرقم


الشخص :- بذكاء فزيع مشوفتش زيه هو حضرتك دكتور نور فى مصر ولا بره
انا :- مذبهله قولت له حضرتك رقم موبيل فى مصر يبقى هو فين اكيد فى مصر بس بره الشركه دلوقتى


الشخص:- ايوه يعنى بره الشركه بره مصر


انا:- لاااااااا دا حضرتك حالتك صعبه بقول لحضرتك بره الشركه اكيد ما هو لو بره مصر هديلك رقم جوال يعنى مش محتاجه ذكاء


الشخص:- هو حضرتك ليه عصبيه اوي كده انتى اسمك نهله


انا:- وعنيه مبراه وكان قدامي المحاسب بيمضى منى اوراق لقانى هشد فى شعري وشكلي جاب ميه لون وهقع من على الكرسي من الغيظ والفرسه كتم الضحكه لانه عارف لو ضحك وانا فى الحاله دي هنفجر فيه زيه ماسوره الميه المكتومه

ورديت ببرود على الولد قلت له نهله ليه حضرتك يعنى اولا انا قولت لك اسمي بس انت ماخدتش بالك يبقى ليه نهله مش عارفه


الشخص :- اصل كان معانا واحده فى جيل المستقبل واسمها نهله وعصبيه زي حضرتك


انا:- نورت لمبه المخيخ عندي وبدات اكتم الضحك وانا خلاص هرفص من كتر الضحك والاستغراب والاستعجاب والاستنكار وزي ما أكون لقيت كنز قلت له جيل المستقبل هو حضرتك تبع الحزن الوتنى


الشخص :- بكل زهو وحسيت ان رقبته اتمدت بقت زي رقبه الزرافه من الافتخار والفشخره كانه قال انا ملاك نزلت من السما ايوه يا فندم وهى ايه المشكله


انا:- طيب حضرتك اتصل برقم دكتور نور وهو يفيدك فى الموضوع ده لان انا مش ده اختصاصى خالص هو اللى ماسك ده

الشخص:- طيب وحضرتك ليه زعلانه من الحزب الوطنى


انا:- زعلانه لاااااااااا دا انت حالتك صعبه وهو ايه عمله الحزن حضرتك علشان مزعلش منه يعنى


الشخص:- يووووا كتير عارفه حضرتك انا ساكن فى الهرم وبروح الدقى كل يوم كان بياخد منى المشوار ساعه ونص بعد الحزب ما مسك مصر حضرتك انا بروح فى ساعه الا ربع


انا :- بقاطعه بسرعه مين فين اولا اسمه الحزن الوتنى وحفاظا على مشاعرك مش عاوزه اقولك الحزن الوثنى غير كده هو ده الانجاز ده اقصى املك انك تختزل الوقت هو ده امل المصريين يعنى ما هو احنا لو ماشيين منظمين فى المرور وكل حاجه هنوصل لو ملتزمين فى حياتنا عمرنا ما هنبص الحزن عمل ايه وهنحس انه مش موجود فى الحياه لانه مصالح شخصيه


الشخص :- لاااااااا حضرتك فاهمه غلط ده بيدينا كورسات وبيعملوا اجتماعات وبيجيبوا لنا تى شيرتات وشنط هدايا وبيشغلونا


انا:- يا حرام اه اصل الشعب ماشي من غير تى شيرتات هو حضرتك مش حاسس بكل اللى بيحصل عموما علشان بس انا ورايا شغل كلم دكتور نور فرصه سعيده وربنا يوفقك وياخد الحزن بكل اللى بيتكلموا باسمه يا رب مع السلامه


لغايه هنا واتفرطت ضحك على الارض هو ايه الشباب اللى ده تفكيرهم هما الناس دي معندهمش ثقافه النقاش ليه بيردوا اى كلام فى اي كلام مفيش حاجه لها علاقه بحاجه خالص زي واحد تقله الساعه كام يقلك اسكت مش ام فاروق ولدت

هههههههههههههه طيب ايه علاقه ده بده بعد المكالمه دي افتكرت فردوس عبد الحميد وهي بتهرش فى شعرها وتقول هما اللى قالولى وانا مالى وحسيت انى بقيت شبها وعملت ازعاج للسكان اللى فى شعري والمحاسب مشي وقالى هجيلك وقت تاني لانى تحولت قدامه تماما هههههههه

الشباب دول حافظين انهم دايما متهمين ومحفظنهم كام كلمه يرجعوها فى وش الناس

ومكنش ده اول حاله تقع تحت ايدي من الحزن خالص ده كان فيه حاله مستعصيه واحد بيناقشنى ان الحزن اداله شرعيه مش عرفيه وفاهم انه طالما فى الحزن يقدر يعمل حاجه معندوش ادنى فكره ان اللى يحيد يمين او شمال عن الحون بيطير وبالقوي كمان وبيهدلوه وخاصه اذا كان عارف حاجه او قريب من الكبار او لو ناقش دول عاملين زي الغبغنات فى زمانها

بجد حسره عليها يا حسره عليها اللى يكون عندها شباب بالشكل ده ضايع فى التفكير

وقال عاوزين مصر تتقدم طيب منين وفين وامتى وازاي

باماره ايه طيب ده حتى المختلفين فى الافكار مبيعرفوش يتناقشوا مع بعض اللى فى حزب مش عارفين اهدافه وحتى لو عرفوا مبياخدوش بالهم انها مجرد ريكلام بس مفيش تنفيذ غير المصالح الشخصيه وشخصنه المسائل لحسابهم بس وبيتخلوا عن مبادئهم كلها قدام مصالحهم

وبالمناسبه دي اهديكو اللينك ده انطح يا معلم عن الحزن والتغيرات والشياطات اللى هتحصل ما بينهم قريب بسبب الحرس القديم والجديد

ونطلع من ده بايه بقى

اولا لما تكون سيلز مان فى شركه اياك تجيب سيره الحزن

ثانيا حاول تبقى لبق وذكي لانه مينفعش تكون غبي وانت بتكلم حد ومتعرفش ظروفه ايه فى الشغل

ثالثا ربنا ما يوقعك فى مديره زي كده يكون عندها حساسيه من الحزن ومتحاولش تستظرف

رابعا كلمت نور وانا بضحك وحكيت له اللى حصل ومات من الضحك ورفض العرض لان الشركه اللى تشغل حد بالشكل ده تبقى واقعه واقعه يعنى حتى بعد ما بعتوا العرض هههههههههههه

ملحوسه :- انتظروا قريبا حركه احم احم برياسه الريس ميشو والنايبه التقيله بتاعته اللى هو حضرتي بس اللى هيدخل لازم يجاوب على ميثاق شرف الحركه وتعيش حركه احم احم من اجل مستكبل كوي اشمعنى الحزن هبقى انزل لكم الميثاق
ومع السلام عليكو


كان معكم مفروسه هانم من قلب العيد الكبيير اللى اتسرق ابى هانم كعب الغزال


حكمه الامبراطوره


بكره نقعد على الحيطه ونسمع الزيطه

56 اخبط وقول رايك:

... amr said...

انا جيت أقوللك ان انا كمان اتسرقت و نزلت الشغل :(((((( الله يولع في القطاع الخاص يمكن نستريح شوية
وكمان فين نصيبي من الخروف اللي دبحتية سياتك ؟؟؟؟ يعني لابتنجان ولا خرفان ! دي حاجة جناااااااااااان

romansy said...

الحكم دا بتجبيها منين بس
الصراحه شكله كده معجب ولا ايه
بس الصراحه فكرنى برد عادل امام فى المسرحيه
اللى بيقول فيها
عشر دقايق مشى
ونص ساعه بالاتوبيس
يلا الحمد لله انك بخير
بعد المكالمه دى

وهتلاقى من دا كتير

Empress appy said...

amr
========

اه بنت الانبوبه عملت لنا اول وتانى يوم العيد بس اجازه ربنا ياخدها بس عيب عليك احنا اخدنا باقى الاسبوع من رصيد اجازتنا خروف خروف انا مبدبحش خرفان عاااااااااا
لا ابعت لك بتنجان اسهل يا عم

فاروق عادل said...

ههههههههههههة بوست جميل .بس بقى اية حركة احم احم دى لازم اعرف دلوقت.

اية اخبار الخرفان ومجبتليش اى حتة ومنفضلنا على الاخر

adel said...

ههههههههههه

يعوض عليكي ربنا في العيد اللي جاي بقي

و بمناسبة شباب جيل المستهبل ده

كنت باخد كورس ايطالي مع واحد من الشباب بتوع الجيل ده و المفروض اصلا اني اعرف ايطالي بس كنت بحسن اللغة ...المهم البشمهندس ده كان لغته ضايعة اخر حاجة و حروفه كلها غلط و اصلا كان طول المحاضرة يقعد يكلمنا عن الانجازات و المستقبل الباهر و الحاجات اللي مستينا لدرجة اني حسيت انه بيتكلم عن سويسرا مش مصر ...هههههههه

انا بعد محاضرتين سيبته و مشيت ... مش خوف لبوز الايطالي بتاعي .... لكن خفت اصدق كلامه ...ههههههه

عادل
http://elbald-dy.blogspot.com/

Anonymous said...

ههههههههههههههههههه
ايه ده يا ابى
انا لو منك كنت وافقت علشان اشوف الراجل ده
ايه رايك بقى فى الاعتراح ده

ومعلش بقى ةالعيد الل ىجاى ما يضيعش ان شاء الله

ونهنى بالعيد بقى
(`'•.¸ (`'•.¸*¤* ¸.•'´) ¸.•'´)
♥*** عيدكم سعيد ***♥
***** عليكم*******
***والعيد الجاى***
**بالأقصى**
(¸.•'´ (¸.•'´*¤* `'•.¸) `'•.¸)

ويلاسلام

... amr said...

تصدقي .... انا انسان مش كويس بتاتاتاتا :(((((((((((((

هو انا مقولتلكيش كل سنة و انتي طيبة ؟؟؟
و الله انا لسة جاي من السفر باليل و دلوقتي مسحول في الشغل
سمااااااااح
( اوعي تفتكري اني بعمل كدة عشان صينية المسقعة )
:D
أبثولوتلللللي

Empress appy said...

رومانسي
===========
بتقع على باب بيتنا ههههههههه اه اسكت فعلا بعدها حسيت ان انا مش انا خالص خالص






فاروق
========
انت شيل اخر حرف وحط بداله اللى يعجبك هههههههه مشيها اسكندراني يا روقه بقى ههههههه
هبقى انشر الميثاق واقولك عنيه

Empress appy said...

عادل
=======
ايطالى دا انت مثقف بقى امسكوه ده قعد جنب واحد يا طوله بالك امال انا اللى كلمته خمس دقايق اتشليت انت جري لك ايه اه والنبى صدق انه هو نفسه مش مصدق يا ابنى دماغهم محشيه مفرقعات بجد





جمعاوي
========
اشوف ايه يا رباجل حرام عليك كنت رميته من الدور الرابع واقول بيطير طياره عليها اسم الحزن هههههه

Empress appy said...

amr
=====
وانت طيب يا عمرو ولا يهمك مفيش بين الاخوات كده
اديك على حقى ناشف وانا هتصرف هههههه

mahasen saber said...

وانا اليى لسه بقول النهارده البت ابى فى غياب هيا اللحمه تقلت مخها ونامت
ولسه بقول اما اروح اتطمن عليها
لقيت الريدر بيقلى بصى دى نزلت بوست جديد

كل عيد وانتى بالف خير يا قمر

وبعدين ايه حكة احم حم دى ههههههههه
بقالك انا هعتصموا بعد العيد امام مجلس المراه تيجى نعتصموا سوا ههههههههههههه بس لو فيه حبس اتحبسى انتى عشان انا فى رقبتى عيل بربيه

mahasen saber said...

مش ببيعك ولا ببعين نفسى
بس الامومه بئه والجبن التلاجه اليى بتزرعه فى البشر ههههههههههههه

لا بجد هيبقا حلو قوى بس لسه هعلن عنه فى المدونه ونسأل الله الستر ومداقش ابدا العيش والحلاوه يا رب

Empress appy said...

محاسن
========
اه يا ام بودي اجي مجيش ليه بس اتحبس هههههههههه لا طبعا عيب عليك انا هلبس كوتش واجري واخد بنطلونى فى سنانى وانا بجري الجري كل المجدعه فى الحاجات دي
وبعدين انا نباتيه باكل فراخ بس ههههه مباكلش لحمه بس كنت ومازلت مسافره هرجع بالليل با قمر ان شاء الله كل سنه وانتى وبودي طيبين

إيمان قنديل said...

ما اكثر هؤلاء الأغبياء


تعرفي انا برضه في الموال ده يوميا مع رئيسي المباشر


وكل مره أفهم أنه خلاص فهم

إلا أنه يعاود الكره من جديد

وآخر مره أشتكاني للمدير المباشر لينا انا وهو رجت أنا أشتكيت غباءه للمدير الأكبر

سبهللة said...

كل سنة وانتى طيبة يا آبى
وبعدين ايه الحكاية
هو انا كل ما ادخل مدونة الاقى سيرة الحزن دى

Ahmed said...

مش عارف ليه انا خايف عليكي بعد البوست ده

على العموم (والرزق على الله) الراجل كلامه واضح جدا
تشيرتات وشنط وهدايا وكورسات ونهلة وساعة إلا ربع
لأ لأ ياابي ملكيش حق
مهما اللي قلوله

يعني هيه غلطته
لأ لأ لأ ملكيش حق

مع تحيات الحزن الوثني الديمجرافي
للجمهوريه الشعبيه الحرية المهلبية

ورزقي على الله

maha zein said...

يلا خلي الكل ياكل ويتبسط ويلبس تيشرتات
الا انتي معنكديش تيشيرت زيادة لاختك عشان البرد
كل سنة وانتي طيبة بقه
ويبعد عنك الحزن كله

طـائر الليــل الحـزين said...

الله عليكى
واللهى فى الجون اصلى متغاظة قوى من بتوع الحزن الوتنى اللى فكريين انهم احسن ناس فى البلد لاء وايه وبيفهموا عن باقى الشباب عموما
بجد البوست هايل
بس بصراحة انتى هادية اصل انا لو مكانك وبيقولى من ساعة ما بتوع الحزن مسكوا وانا باخد الطريق فى ساعة الا ربع
الناس دى بتستهبل والا ايه
ده هما فعلا مش فالحيين فى حاجة الا انهم يقولوا خطب ويصرفوا فلوس على الاجتماعات اللى لا بتودى ولا بتجيب
لاء والا كادة انهم فكريين انهم بيعملوا حاجة وهما كل اللى عليهم انهم يهتفوا ويقولوا اهم حاجة عندهم مصلحة الشباب
تحيااااااااااتى ليكى يا قمر على كلامك الجااااااااامد
وكل سنة وانتى بألف خير

nigro said...

و الله يا آبي أنا ماعنديش غير تعقيم واحد على الموقف ده

ياااااااه ده انت بالك طويل قوي
وبس



يلا سلام

محمد حمدي said...

سبحان الله

انا كمان كلمت ناس من الحزب الوطنى .. فعلا نفس النسخه من الكلام الى انتى بتقوليه ده .. زى ميكونو كوبى بيست من بعض

ربنا يستر

micheal said...

ههههههههههه
اللي زي ده ..تقوليله تعالي لحمو يا ولا وتبعتيهولي
اسمعله الاناشيد والقصائد والأوبريتات
بس تصدقي واضح جدا ان الحزب الوثني لايق عليه
خلي اللي كانوا بيدعوني وبينصوحوني لسكة الوثني يتفرجوا
:)
تحياتي

زهرة الجنة said...

ايه طول البال ده
يارتني كده انا زيك
لاني بتنرفز بسرعة لدرجة اصرخ في اللي قدامي

ربنا يزيدك طولة بال(:
وكل سنة وانتي طيبة
وعيدك سعيد

وكل سنة وانتي طيبة بمناسبة عيد ميلادك
عقبال مليووون سنة

استودعكي الله
الي ان نلتقي علي خير

سنابل said...

كل سنة وانتي طيبة وبخير
والعيد الجاي ما يتسرقش منك غن شاء الله
صراحة بالك طوييييييييل
النوع ده مش عارفة بيستعطي أى صنف من الغباوة
لأوتحسي كدة إنه بيتكلم جد ومصدق نفسه،وبعدين ده بيؤل لك كان بيروح من الهرم للدقي ف ساعة ونص قبل ما الحزب يمسك مصر ......ده أمتي ؟ من يجى 35 سنة ؟
هو الحزن الوثني الإستعباطي ماسك من إمته يا أوختي

حاجات جوايا said...

هههههههه
تخيلته بعد الحوار ده هيقولك .. وانا مالى هما اللى قالولى .. زى عادل امام فى شاهد مشافش حاجة
اعتقد دى كانت هتبقى النهاية الطبيعية للحوار المحفوظ
ربنا يهديهم
.......................
كل سنة وانتى طيبة يا قمر
عيد ميلاد سعيد .. وعمر مديد
مرضيتش آجى بايدى فاضية وجبتلك معايا تورتاية افتحى العلبة تلاقيها
http://9or.cc/data/media/42/wedding2.jpg

يللا خلصيها بالف هنا وتعالى كملى بتورتتك اللى عندى

كل سنة وانتى طيبة يا حبيبتى

dr.Roufy said...

هههههههههههههه
الظاهر يا آبي الحزب الوثني بينقيهم
عباقرة..ومتزنين كدا
:))
وبيوزعوا عليهم مع التي شيرتات شوية لطافة..بالمرة
ربنا يرحمنا يابنتي

ميرا ( وومن ) said...

هههههههههههههههههههههههه

يا طولة بالك يا ختي

كل ده انتي عندك قوه تحمل فظيعه فظيعه

ده ولد يحرق الدم بجد

بقولك احجزيلي توشرتين انا وسونة لزوم كسوة الشتا

كان الله في عونك يا قمر الحمد لله ان مفيش حد من بتوع الحزن وقع تحت ايدي انتي عارفة مرارتي

Empress appy said...

مكسوفه
=======
لااااااا كل يوم كنت قتلته بجد يا انا فصلت نفسي من الشغل الا دول هو انا ناقصه بس ربنا واهدنى بالانيل بس بيشفع ليه انه مش حزن خالص ههههههه






سبهلله
==========
ما هو يا حبيبتى حديث المدينه بفرقعاته اوعي وشك والبمب يا قمر

Empress appy said...

Eng. Ahmed Abo El-Ella
====================
ايه يا بشمهندس انت اول مره تقرا ليه بوست كده ده الخفيف علشان متقلش عليكوا هى بلدنا مهلبيه دي املظيه يا هندسه ولا تقلق وراك رجاله بس ابقى بص كل شويه وراك شوفهم موجودين ولا جريوا ههههههه







مها زين
=============
اه يا دكتور هدور على نمرته واساله بجد اقوله هات تي شيرت للغلبانه دي نورتى يا قمر

Empress appy said...

طائر الليل الحزين
=================
ايوه مصلحه الشباب فى ضياع مخهم بزمتك الواحد لوجاله عريس فكره كده يعمل ايه ينتحر ولا يخلله ويتفرج عليه وانتى بالف خير يا رب





نيجرو
=======
ما بعدها حالتى كانت وحشه اوي بجد وجالى هرش خلاص حرمت بس انت عارف بقى الشغل وسنينه ولازم تبقى لبق

Empress appy said...

محمد حمدي
============
هما لاعبين فى صواميل مخهم من بدري وعاملين زي الريبوت يا محمد وبيرددوا الكلام وبيدافعوا عن اي حاجه وبعدين حقهم دي تى شيرتات يا راجل مش اي حاجه حد لاقى







ميشو
=======
لا يا ريس هو انا مستغنيه عنك ولا ايه وبعدين الحركه هنعمل فيها ايه يعنى تبوظ من بعدك بكره نعملها ونبوظ الحزن باللى فيه يا يتوب ويعود لرشده ان شاء الله رشدي اباظه

صاحب المضيفة said...

هو ده الفكر الجديد اللي بيقولوا عليه

ربنا يرحمنا برحمته يارب


كل سنة وانتي بألف خير وعافية وطاعة


تحياتي يا ابي هانم

Empress appy said...

زهره الجنه
============
يا بنتى مينفعش بس عيب عليك بوظت عليه البيعه عيب عليكي
وانتى طيبه يا قمر واشوفك ان شاء الله الجمعه يا ريت






سنابل القمح
==============
اهلا بالقمر ايوه دول طموحهم كده الحزن ماسك من ايام حرب المعيز عارفاها ههههههههه وانتى طيبه يا حبيبتى

Empress appy said...

حاجات جوايا
============
ربنا يخليكى ليه يا سالى يا رب بجد انت حد جميل اوي اوي وميرسي على الهديه بجد نورتى يا قمر وجااااااي على طول اكمل اللى عندك






روفى
========
ربنا يشفيهم والله بيصعبوا عليا يا بنتى بجد حاجه تجيب شلل رعاش

Empress appy said...

وومن
=======
لاااااااا حرمت يا ميرا ما انتى عارفه الجنونه لما بتطلع المؤشر بيضرب وقولت لهم بعد كده هبوظ اي حاجه لموا الناس دي عندي الا كده مش هنشتغل

Empress appy said...

صاحب المضيفه
=============
ايوه الفكر الرشيد النظيف ابن العز يا انس
وانت طيب وبخير يا رب

مواطن مصرى نايم said...

دا يا آآ يا آآ

يا اهبل يا اهبل
اكييييييييييييد
لا مفر
مش مكسوف اصلا من نفسة
دا الواحد مكسوف انهم ماسكين البلد و احنا مش معاهم كمان
ما بالك واحد منهم
و عينه اااااااد كده
و فرحان
يا اخى اتنيل بخيبتك بلا بتاع بقى

هههههههههههههههههههههه
بس انا حسيت يعنى انك كنتى حتاكليه يعنى

تعرفى انا جوز خالتى حزب وطنى
و الله اكتر حد شوفته بيشتم عالحزب الوطنى ده هو

يعنى هما عارفين
فبلاش الحركات القرعة دى
هههههههههههههههههه

كل سنة و انتى طيبة يا ابى
و عقبال مليووووون سنة يا بوب

جنّي said...

السلام عليكم

واله ربنا يورينا فيهم يوم اسود من قرون الخروب ..

تعرفي والله خرفك البمبي بيفهم عنهم ..

ممكن سؤال هي ام فاروق ولدت ولد ولا بنت ؟

اضحكي بقى وسيبك من الحزن اللي معيشنا في حزن ..

تحيتي

FreeKiller said...

انا جيت اقول
كل سنة و انتي طيبة يا آبي
و لو انها متأخرة حبتين

ربنا يجعل ايامك سعادة يا رب دايما
و يحرمك من مثال الراجل اللي كلمك ف التليفون ده

و اشوفك بتحجي السنة الجاية ف عرفة يا رب

تحياتي

رندا said...

كل سنة وانتـِ طيبة

عيد ميلاد سعيد عليكى,, يارب يحقق ليكى كل الى تتمنينة

اتمنى ليكى كل السعادة

بحبك اوى اوى اوى

رئـــــيسـة حزب الأحلام said...

كل سنة وانتى طيبة مرتين
ويارب دايما اعياد وافراح
وكفانا الله شر الحزن الوطنى
تحياتى لكى ياقمر

عمرو said...

الأول كل سنه و أنتى طيبه بمناسبة عيد ميلادك و ماتنسيناش فى التورته
يا آبى أنتى موعوده بالناس اللى من النوعيه دى ؟
بس الحقيقه بيعجبنى صبرك و ظولة بالك عليهم

البت المشمشية حلوة بس شقية said...

انا دخلت عشان اقولك كل سنة وانتى طيبة ياجميل عقبال ميت مليون سنة

الميكروباص said...

ايه اللي نزلكم الشغل في الوقت ده؟
صاحب الشركه عندي حاول يعملها -أو فكر يعملها- العمال كانوا هايعملوا اضراب فرجع في كلامه
أما بالنسبة للأخ اللي كيمك في التليفون
يا ستي ده راجل معجب !!!!

Unknown said...

كل سنه و انتي طيبه يا آبي و قلتلك 132 سنه مش خساره فيكي

تعيشي و تكسري القلل و الخرفان تقرفنا بزنها في دماغك

شكلي هازورك قريب و معايا مربي و توست

و ميشو هايبقي مشرف في القسم الرجالي

بس هو الواد ده غبي ولا عبيط

لو فيه 10 زيه كده البلد تولع بس انتي بطله انا لو مكانك هانط جوا السماعه اجيبه من الزماره العب بيها مع ولاد اختي

HAPPY BIRTHDAY

DR.HAMAS said...

ههههههههههههه

ربنا يهدى الناس

هما للأسف ليس لديهم اى منطق يتكلموا بيه

عاوزين يقنعوا الشباب الجديد انهم صحيفتهم بيضاء

و انهم عندهم انجازات

ضحك على الدقون يعنى

و تلميع لصفيح هو أساسا مصدى

على العموم سيبك من الكلام ده



كل عام و انتى الى الله اقرب

و على طاعته ادوم






د.حماس

المنسى said...

سيبك إنتى
التلاجة الحلوة ما تتعوضش
إزيك يا آبى عاملة إيه
يارب تكونى بخير
أنا جاى أسلم وماشى علطول
وأقولك كل سنة وإنتى طيبة كل سنة وإنتى إلى الله أقرب
كل سنة وإنتى إلى دينك رافعة ولربك طائعة
كل سنة وإنتى فى خير وصحة وسعادة

حسن حنفى said...

هههههههههههههههههههه

عادي خالص

بس انتي بعد
اي حاجه زي دي اشربي كبايه نسكافيه وانسي خااااااااااااااااااالص

:d

nor said...

يا خبر ليه بس كده طيب عشان خاطري تحاولي تكلميه تاني او تخلي نور اللي معاكم يكلمه اصلي نفسي مووت اعرف ايه الشارع اللي في القاهر اللي ممكن نعديه في دقايق
و اذا خايفه علي مرارتك اديله رقمي يقولي انهوه شارع ده و الله هنزل فورا اتمشي فيه يمكن نفسيتي تتحسن

انا حره said...

كل سنه وانتى طيبه يا اابىىىىىىىىىى

وعقبال ميت سنه

Empress appy said...

مواطن مصرى نايم
=================
لا ده مفوت وطالع على الرابع ومعديه منه من بدرى يا اسلام ده على الفولت فى مخى منه لله







جنى
====
فى الزمخشرى بيقولوا ولد وفى الحصرى بيقولوا بنت انا برجح توأم ههههه

Empress appy said...

FreeKiller
=========

يا رب يسمع منك يا رب وبعدين ما هما اللى بيقعوا فى طريقى والله







راندا
=========
ميرسيى يا حبيبى وانا كمان بحبك خالص

Empress appy said...

رئيسه حزب الاحلام
===============
والله انتى حزبك برقابتهم







عمرو
=========
والله يا عمرو انا بالى طويل على ناس كتير اصل لما بيضيق بقى مقولكش ممكن يعمل ايه

Empress appy said...

البنت المشمشيه
===============
وانتى بخير يا قمر







لورانس
=========
لا دى مكالمه قبل اجازة العيد قولت انزهلا لكم فى العيد افرحكم هههههههههههههه

Empress appy said...

ايمى
========
يعععععععع دى حتى زمارة رقبته وحشه اوى يا ميمى وبعدين لازمتها ايه ال 100 دى برضخه تيجى منك اهو انتى يا ميمى بقى








د/حماس
=========
لا اللى يغيظك ان الواد مصدق اللى بيقوله

Empress appy said...

المنسى
========
اهلا اهلا
وانت طيب وبخير يا رب يا محمد








حسن حنفى
==========
اهو انا حبى للحزن الوتنى زى حبى للنسكافيه بالظبط ههههههههه

Empress appy said...

nor
====
يا لهوى اكلم مين ده لاااااااا حرام يا نور عليكى








انا حره
==========

ميرسيى يا قمر وانتى طيبه

Share |