تونس


تحديث هام جدا جدا:- منها لله سمكه القرش الرخمه اللى كان اصلها فسيخه ومتنكره اللى قطعت الكابل خلتنى يفوتنى حدث هااااام اي نعم حدث فى حياه البشريه جميعا حدث مريع شنيع فزيع الا وهو عيد ميلاد محمود رئيس جمهوريه نفسي النهارده 12-20 كل سنه وانت طيب يا نحنوت وانت المحامي بتاع بلوج سبوت واخواته وعماته وانت اطيب قلب واجدع اخ فى الدنيا ربنا بعته ليه ولناس كتير بيحبوك اوي بصوا بقى محمود لسه سايب عيد ميلادي اخر حاجه عنده فى البلوج انا هحط له تورته هنا بتاعته وانتم رحوا كلوا من هناك

الا سؤال يا نحنوت مش ملاحظ تزامن غريب من عيد ميلادك يقطع النت شوفت عاوزينك ترجع يا ريس وتحارب بقلمك النظيف الاشرار كل سنه وانت بخير يا رب
كملوا بقى البوست بتاع تونس وعاوزه مشاركه بجد كل اللى هيشارك يقولى الموضوع سهل جدا



تونس ... يوم التدوينة البيضاء

=============================



ورسالة إلى السيد عمّار 404


ActionNoteBlanche
يوم التّدوينةالبيضاء
ActionBlankPost

قبل عامين وبالتحديد في يوم 25 ديسمبر 2006 قام المدونون التونسيون بأول إعتراض سلمي على الإنترنت بعد حجب مجموعة من المدونات التونسية على شبكة الإنترنت ، وتمثل الإعتراض في قيام المدونين التونسيين بنشر
تدوينة خالية في يوم 25 ديمسبر تحمل شعار يوم التدوينة البيضاء ، وقد تضامن معهم في هذا الوقت كثير من المدونين المصريين بقوة وبنفس الفكرة ، وتكرر يوم التدوينة البيضاء في نفس اليوم عام 2007 نظراً لإستمرار سياسة الحجب في تونس ، وللعام الثالث على التوالي تقوم المدونات التونسية بإستكمال الإعتراض السلمي بيوم التدوينة البيضاء الثالث في 25 ديسمبر 2008





ومثلما نحن في مصر نرمز للمرأة المصرية أحيانا ببهية وأحياناً بليلى ، فالمدونين التونسيين عندهم شخصية
عمار 404 هذه الشخصية ترمز للرقيب الخفي الذي يقوم بمنع هذا المدون أو تلك المدونة اللتي لاتعجب سيادته بضغطة زر بل قام مؤخراً بحجب لموقع الفيس بوك من الإنترنت التونسي ، والمدونين التونسيين يطمعون في مشاركة المدونين المصريين هذا اليوم ، لما لمشاركتهم من تأثير قوي سواء إقليمي أو عالمي لإيصال صوتهم بعدما أصبح التدوين المصري مثالاً للمدونين العرب ، وقد كان التدوين المصري حاضراً بقوة ومُرحباً به في الفعالية الأولى



شعار عام 2007


وهذه دعوة لجميع المدونين المصريين والعرب من أشقائهم في تونس بمشاركتهم هذا اليوم ، لذلك عزيزي المدون المصري والمدونة المصرية إذا لم يكن هناك تدوينة خاصة لك في يوم 25 ديسمبر 2008 ، فكل ماهو مطلوب منك نشر تدوينة خالية بعنوان يوم التدوينة البيضاء وعليها أحد شعارات الحملة التي يمكن أن تنتقي أي منهم من هذا الموقع



فلنتحد جميعاً معهم على حذف العبارة السخيفة التي تقف ضد الحق في حرية الحصول على المعلومة والتي تحمل في وجوههم عبارة ... خطأ 404

لاتنسوا موعدنا ... الخميس 25 ديسمبر


يعنى من الاخر كده وعلشان محدش يسال كتير يوم 25 هنعمل ايه نحط الشعار من دول او تختار وتكتب التدوينه البيضاء كل الموضوع لمده يوم واحد ها كتير اننا نتشارك مع الناس فى طلبهم ولا ايه ويمكن ده يبقى اسلوب حلو لتجمع الناس فى هدف واحد وفكر واحد بدون تخريب ولا حد يعتقل ولا يتعلق من ودانه

على فكره عجبنى الموضوع السلمي ده اوي وعجبنى وخلانى اتفشخر موضوع ان الاخوه التونسيين مؤمنين قد ايه المجتمع التدوينى المصري بياثر وده كويس اوي واتمنى اننا نبقى قد الثقه دى كلنا فى النهايه

بصوا بقى زي ما لقيت بلوج سبوت تحول لشوز سبوت عاوزاه يبقى كله وايت سبوت ده


ملحوظه :- البوست منقول من عند الاستاذ احمد شقير وانا بشكره علشان سمح ليه بنقله كوبى وبست

كان معكم ابى هانم بتنجانى من امام الاستاد بتونس

حكمه الامبراطوره

التكبر على المتكبر تواضع




66 اخبط وقول رايك:

عمرو said...

صباح الخير يا آبى
فكره رائعه و جميل أنك فكرتى بيها المدونين و بجد تستحقى كل الشكر و التحيه
موعدنا يوم 25 ديسمبر و المدونه البيضاء

mohamed ghalia said...

يا نهار ألوان إنتى خلصتى مشاكل مصر دخلتى على تونس
والله هى الفكرة كويسه
دعواتك بقى عشان إمتحناتى
تعليقك الأخير مش فاهمه قولتى إنى فيه كلام بيعجبك بس مقولتليش موقفك من الموضوع الجديد
دمتى بكل الود
فى حفظ الله

البت المشمشية حلوة بس شقية said...

خلاص يا ججميل وانا معاكى ان شاء الله ييوم 25 / لو مكنش عندى امتحان هدخل احط البوست

حسن حنفى said...

ان شاء الله معظم المدونين المصريين يتضامنوا مع اشقائهم في تونس

Bannoura said...

فكرة هايلة يا آبي
أعتقد إني أنا كمان هستأذن منك
أنقل البوست عندي
وأشارك في التدوينة البيضاء
لعل وعسى
: )

محمد عتلم said...

وانا كمان ممكن اشارك ؟؟؟
عندى صوره ابيض فى ابيض تحفه

محمد ياسر said...

معاكو هشارك يومها باذن الله

اشكرك
تحياتي

mostafa rayan said...

( التكبر على المتكبر تواضع )
حكمة في الجول ياآبي
وانا ان شاء الله متضامن مع المدونين التونسيين
لكن بجد معجب جدا بالحكمة دي
اشكرك وسلاموز

جمعاوي صاحب "عيادة أسنان" said...

السلام عليكم آبى
حاضر يا آبى
الموضوع ابسط من كده يعنى لنتى تكتبى يا جماعة نزلوا بوست يوم 25/12 علشان مدومى تونس واحنا نقولك ماشى انما ليه النرفزة بقى ومن الاخر اللى مش فاهم حاجة والحوارات دى كلها
هههههههههههههههههه
بصى بلاش قلل انا قلت بهزر قبل كده مليون مرة

دمتى بخير ابى وبجد ربنا يكرمك على تبنيك للموضوع ده وتذكرتنا بيه
ويلا سلام

Dr Ibrahim samaha said...

طيب وإيه اللى هيحصل لو عملنا ده؟!

هيحصل حاجة جديدة

أعتقد انه مجرد عملى معنوى فقط

تحياتى

esraa said...

انا معاكم ان شاء الله يومها

كويس اني عرفت من بدري
بس يارب أفتكر يومها
(:

آدم الصالحي said...

شكرا لك اختي العزيزة و شكرا لكل المدونين المصريين؛ نحن سعيدون جدا بمساندتكم
أجمل التحيات من تونس

adel said...

فاكرة جامدة قوي و ان شاء الله معاكم فيها

و تشكري علي المجهود ده

:):):)

عادل
http://elbald-dy.blogspot.com/

نهر الحب said...

السلام عليكم
اهلا بك ابى هانم بتنجانى
حاضر يا ابى فكرة حلوة اوى وحلو جدا انك نبهتينا لها
ميرسى لك

حنين القلب said...

آبى عجبنى اوى موضوع السلمى ده
عارفه مش دايما العنف بيجيب نتيجه ساعات الحلول السلميه بيكون ليها تاثيرها

ان شاء الله هحاول اكون معاكم
لان فرح اختى يوم 25\12
ولو مش عرفت هاخد الشعار واحطه على فستان العروسه واهه ابيض برضه
ههههههههههه ينفع ؟؟
بنت يا آبى وحشتينى اوى

Zika said...

اولا ازيك
وايه الاخبار والكلام ده كله
وفينك مش بتيجي المدونه عندي ليه
ها ها قولي الانكار مش هينفعك
...
بالنسبه للبوست بقي
والله العظيم بجد
بجد احنا جامدين اوي كده التوانسه عايزينا نتفاعل معاهم
والله عمار يا بلوجر
تحياتي يا آبي

واحدة مفروسة said...

كل سنة و محمود طيب و عقبال 100 سنة

وومن said...

اولا كل سنه وانت طيب يا حودة بالته المروبطة
( وش بيطلع لسانه)

وعقبال 100 سنه انا قولت برضة قطع النت ده مش طبيعي اكيد له سبب

----------------
ماشي يا آبي علشان عيون اخونا التوانسه مش هانزل بوست جديد وانزل التدوينة البيضاء

بقولك ينفع تديني ميسد يوم 24 الساعه 11:50 تفكريني

رندا said...

كل سنة وانت طيب يامحمود وبخير وسعيد
واتمنى انة يرجع يكتب مرة اخرى

عقبال مليون سنة فى السعادة

كل الحب

حـنــّا السكران said...

كل سنة و انت بألف خير يا محمود

...........

شكرا يا اّبي و شكرا للأخ أحمد شقير .. الحقيقة أن بأيد أي حركة تضامنية مهما بدا مفعولها محدوداً ..لأنه اذا تكررت دايما ..لازم يجي يوم و توصل لهدفها ..و الأخوة التوانسة بيستاهلوا طبعا اننا نتضامن معاهم .. كلنا محتاجين بعض ..
..........

أنا عارف انت بتجيبي الحكم الحلوة دي منين ؟
انت قراقوش ذات نفسه

Abo 7anf said...

اه السلام عليكم

بس انت اتكلم واحنا وراك

Abo 7anf said...

اه كل سنه ومحمود باشا بالف سلامه وخير
ومنورنا على طول

مصــــري said...

آبي هانم

منضم للحملة البيضاء.

بس تصدقي هيبقي بوست جامد.

يدل علي صفاء النوايا والاتحاد بين المدونين العرب.

تحياتي
أسامة

klmat said...

شعور جميل اننا نجتمع كلنا من اجل هدف
بشكرك للأيجابيه وانك عرفتينى حاجه ما كنت اعرفها وكل سنه وانتى طيبه ياقمر
وسنه 2009 تكون جميله وسعيده عليكى يارب

klmat said...

ابى
انا علقت ومش لاقيه تعليقى بايت تاه ولا ايه. المهم كل سنه وانتى ومحمود طيبين
وجميل اوى اننا نتضامن مع تونس وبشكرك على ايجابيتك ياجميله

آه وكفى said...

كل سنة وانت طيب يامتر
وعوبال كل كبل كده يارب
هههههههههه

ايبي بمناسبة الحكمة المريعة اللي فاخر البوست
انا قلبي انفتحلك
وهعترفلك اعتراف نهييييييييييب
نهييييييييييييييييييييب

انا لما بعرف د لأول مرة .. اي حد
بكون غلسة جدا معاه وأليطه ورخمة
واديله و يوحيله بالدم الواقف لييييييييه
قوليلي ليه
سؤال وجيه
اقولك انا عشان اشوفه اذا كان صاحب روح حلوة وفير وهيتقبل الغتاتة ولو كان كده فبرضى عنه وارحمه وابئى كويسة معاه
يا يطلع رخم وأليط ويزعل ويتقمص فافهم انه سخيف وساعتها يبئى حلال فيه الرخامه

ولذلك بحييك على المقوله اللي اكدتيلي ببيها مبدأي

التكبر على المتكبر تواضع

maha zein said...

كل سنة وانت طيب يا ريس
ارجع يا ريس
ارجع يا عم حرام عليك

عاوز تورتة احلي من دي فين

يوه يا جدع
الاهم
ان شاء الله نشوف موضوع يوم الخميس ده
يعني اهي تبقه حاجة حلوة
بس يارب افتكر

آدم الصالحي said...

أختي العزيزة؛
اكرر شكري مرة أخرى و لو يسمح لي المدونون المصريون ان أتمنى عليهم ان يضعوا لوغو الحملة منذ الآن لأن ذلك سيكون بمثابة الاشهار للحملة وهو ما سيزيد من عدد المشاركين انشاء الله؛ كما ان كل تدوينة تدعو الى المشاركة سيكون مرحبا بها
تحياتي و شكرا لكم

fashkool said...

يا أبــــــى يا مكره .. انت عايزه تاكلى عيش وحلاوه .. انا بحبهم بس كدا بمزاج على العشاء ... مش زى ما انت عارفه ... .. اموت واعرف السؤال ده جه فى دماغك ازال ؟ .. اقول لك .. المنايفه بيدوروا على بعض .. هس .. ولا كلمه
انا متضامن يوم 25 ديسمبر حنزل تدوينه بيضه يا ورد خالص

حاجات جوايا said...

إزيك يا جميل
أخبارك ايه ؟؟؟؟؟؟

والله الفكرة كويسة بس هتفيد بإيه ؟؟
على العموم هشارك ان شاء الله بلوجو الحملة
ومن النهارده عشان الزهايمر بس يارب بس افتكر
انتى عارفة بقى حكم السن يا اوختى هههههههههههه

سلام يا جميل

~*§¦§ Appy §¦§*~ said...

عمرو
=========
صباح الخير عليك
وعلى ايه شكر بس دى كانت فكره استاذ احمد شقير وعلشان نفتكر نحط اللوجو من دلوقتى تسلم يا عمرو






mohamed ghalia
================
الاخوه العرب برضه يا محمد وبعدين انا بحب التوانسه بصراحه شعب محترم وطيب اوى وبعدين اهو مرة نتجمع جميعا على كلمه واحده ابقى حط اللوجو عندك يا ريت ميرسيى يا محمد وهرجع تانى

~*§¦§ Appy §¦§*~ said...

البنت المشمشيه
=================
ممكن يا حبيبى تحطيه من بالليل وعلشان تفتكرى حطى البانر عندك من دلوقتى همر عليكوا واحد واحد لما اشوف اخرتها معاكوا







حسن حنفى
=============
ميرسى يا حسن ونورت الكوكب تانى انت كنت مختفى فين بس

~*§¦§ Appy §¦§*~ said...

Bannoura
===========
اوك يا قمر انقليه مفيش مشكله خالص ويا ريت تحطى صورة بانر عندك فى المدونة وميرسى ليكى








محمد عتلم
===========
انت لازم تشارك يا فنان مفيش كلام واكتب فوق اسم البوست التدوينه البيضاء وانا واثقه انه كله هيبقى حلو بس اعتقد لازم يبقى فيه حاجه ترمز لتونس

~*§¦§ Appy §¦§*~ said...

محمد ياسر
==============
ميرسى يا محمد ونورت










mostafa rayan
================
شارك انت بس وانا اهريك حكم لا تكلك هو انا دماغى فرقعت من شويه

~*§¦§ Appy §¦§*~ said...

جمعاووى
==========
ههههههههههههه انا متنرفزة لا اصل لقيت كلام استاذ احمد كبير كده فقولت علشان نخلص مره واحده ومحدش يسال تانى بقى
نورت وربنا معاك فى الامتحانات يا رب







د/ ابراهيم
===============
وحتى لو معنوى ده كويس اوى والموضوع ليه ابعاد تانيه انا لقيتها فرصه حلوه نتجمع حتى لو بلدين على كلمه واحده يمكن يجى يوم من الايام ونبقى احنا الشباب اللى جمعنا البلاد تانى والنبته الصغيرة بتكبر يا دكتور صح ولا ايه

~*§¦§ Appy §¦§*~ said...

اسراء
==========
بص يا قمر حطى البانر او صوره من دول عندك من دلوقتى هتفتكرى ان شاء الله كلها يومين تلاته يعنى






ادم الصالحى
===========
شكرا على ايه بس والله انا سعيده بالموضوع جدا بس يا ريت تقول برضه لنا لو ده جاب نتيجه قبل كده ولا لا لان الطريقه والفكره هايله ومنظمه ويا رب تتعمم وتبقى بفايده تحيه ليك ولكل اهل تونس

~*§¦§ Appy §¦§*~ said...

عادل
========
خلى بالك انا هدور افتش على البوستات وامسك خرفانى وقللى فى ايدى انت حر انت اللى هتجيبه لنفسك






نهر الحب
==========
يا ننوسه يا ريت تعمليها بجد لانها مهمه اوى ويا رب تبقى بنتيجه

~*§¦§ Appy §¦§*~ said...

حنين القلب
=============
الف مبروك لاختك يا حبيبه قلبى اقولك فكره اسهل خلى خالد هم الاحباب يعلمك ازاى تعمليه اسكادول وينزل اتوماتيك فى اليوم ده ولا تحملى همه خالص وممكن تعلقى البانر عندك من دلوقتى انت كمان وحشتينى اوى خالص جدا







زيكا
=========
طبعا يا ابنى جامدين مش عارفه ليه مش واثقين فى نفسنا بس ومين قال انى مبجيش يا زيكس والله باجيلك وببص عليك وعارفه انك ملخبط شويه اليومين دول

~*§¦§ Appy §¦§*~ said...

واحده مفروسه
==============
وانتى طيبه يا حبيبتى








وومن
========
انت هتهزرى اديكى ميسد اه بس بقله فى دماغك بنت انتى بصى علقى البانر عندك يومها علشان تفتكرى وانا هسيب البوست ده ليوم 24 اصلا

~*§¦§ Appy §¦§*~ said...

رندا
========
وانتى طيبه يا جميله ويا ريت يسمع الكلام







حنا السكران
==============
وانت طيب يا رب وبخير
ربنا يخليك هو ده الكلام اللى انا عاوزاه وبفكر فيه ان النبته الصغيره بتكبر ويبقى لها تاثير ويمكن ده يا جوو يوحد كلمتنا لمره واحده كعرب وتبقى عن طريقنا احنا
وبعدين قراقوش مين ده دا انا اللى علمته الحكم عيب عليك هههههههههه

~*§¦§ Appy §¦§*~ said...

ابو حنف
==========
يا جامد جيالك على الطبطاب ابيض لون الزمالك اهو ملكش حجه بقى يا ريس







مصرى
========
اسامه باشا
والله يا اسامه انت انسان طيب اوى شوفت انت شوفتها ازاى ربنا يكرمك يا رب بجد

~*§¦§ Appy §¦§*~ said...

كلمات
=========
ههههههههههههه لاالتعليق نزل وفرصه حلوة انى اشوف منك تعليقين يا قمر يا ريت كلنا نفتكر وسنه سعيده عليكى وجميله يا رب







آه وكفى
==========
ضيفى يا نور بقى ان يا حبيبى اللى بطبعه متكبر بيبان عليه واللى بيمثل التكبر ويتصنعه بيبان عليه
وربك بيسلط ناس على ناس يا قمرايه وبعدين مين كبل دول مش عارف اللى انتى كتباه ده محمود اخويا يا بنتى انتى حوله ولا ايه ههههههههههههه

~*§¦§ Appy §¦§*~ said...

مها زين
==========
اه يا دكتاره حاجه حلوة اوى مش احنا نساعد الناس معنويا علىالاقل اقولك حتى البانر عندك يا قمر وانتى هتفتكرى






ادم الصالحى
=============
حاضر وانا هعملها ان شاء الله حالا

~*§¦§ Appy §¦§*~ said...

عمو فشكول
=============
هههههههههه وانت اخدت بالك ازاى من السؤال وبعدين هاتلى دوست ومربى مش عاوز حلاوه انا
ويا ريت يا عمو ترفع البانر عندك وسلم ليه على البنت سومه المجنونه







حاجات جوايا
---------------
انا كويس يا سمسمه عارفه حتى لو اشتراك معنوى حلو مش وحش خالص وبعدين حد بيثق فيكى يبقى لازم اكون قد الثقه وحلوه فكره البانر يا سمسم
غير كده يا رب كلمتنا تتسمع وتوصل على طول

الباحثة عن السعادة said...

لكل صديق يطلع على مدونة طبيب بلا سماعة أرجو أن تقنعوه بعدم غلق المدونة

تقبلوا تحياتى
الباحثة عن السعادة

رئيس جمهوريه نفسى said...

كل سنه وانتى طيبة يارب يا ابى وبجد ميرسى اول مرة حد يعمل لية عيد ميلاد

كمال نور said...

انا يمكن جديد فى عالم التدوين لكنى من اشد المعجبين بمدونتك
موضوع جميل وياريت أتشرف بزيارتك

tamer.sala7 said...

حلو ده

مع اني كنت حالف يمين مش حكتب ولا بوست تاني بس ماشي انا متضامن مع اهل تونس
برشا برشا

آدم الصالحي said...

شكرا لكم على المساندة؛ فقط توضيح؛ للاسف عنوان مدونة ضد الحجب يبدو انه لا يعمل لاننا وجدنا انفسنا مظطرين الى تغييره بصفة متواصلة نظرا للحجب المتكرر الذي تتعرض له؛ لذا يمكن زيارة موقع المدونة التونسية بدلا منه
http://attounissia.blogspot.com/
تحياتي

romansy said...

كل سنه ورئيس جمهوريه نفسى بخير

اما بقى فكره التدوينه البيضاء ميعادنا يوم 25

تحياتى

آه وكفى said...

ايه يا ابي
مش الكبل بتاع النت باظ قبل عيدميلاده
فكل كبل وهو طيب
:0))

نهر الحب said...

كل سنة ومحمود طيب وبخير وسلامة يارب
هو انسان طيب ما اسمع عنه الا كل خير
لفتة كريمة كما تعودنا منك يا بتنجانى هانم

الفاتح الجعفري said...

سلام الله عليكم ورحمته وبركاته
تونس فعلا من البلاد المحببه الي قلبي لما يحدث بها من كوارث وانهيارات ولو تتذكري مجموعة بوستات عاصفة النار كان في تدوينة كاملة عن تونس وضعت خلالها الكثير من المآسي وحجبت مآسي اكبر فعلا من المكتوب
وتونس للاسف من اكثر بلادالعالم ديكتاتورية ومنعا للحريات واختراقا لحقوق الانسان
وطبعا كل ده غالبا مايتجه الي اتجاه واحد هو اتجاه الدين الذي يحاربة النظام الوضعي العلماني في تونس اشد الحرب منذ ايام بورقيبة الي الان فنسأل الله لهم العفو والعافية والسلامة
وان شاء الله يكون يوم للتدوينة البيضاء وتكون تونس بيضاء في ظل الاسلام بأذن الله
وجزاكم الله كل خير يا زميلة الاقاليم

Gannah said...

آبى
ازيك؟؟
عاملة ايه؟؟
يارب تكونى بخير
طبعا نساندهم
واحنا كمان محتاجين نعترض على اللى حصل للمدونين المصريين
نوارة وابيتاف وغيرهم
ليه منضيفش جملة او شعار يعلن اعتراضنا على اللى حصل مع المصريين وتضامنا مع التونسيين ورفضنا لتدخل البلوج سبوت فى اى مكان
انا مشاركة ان شاء الله ولو فيه جديد ياريت تحطية بوست علشان يطلع ع الريدر
تحياتى

قلم رصاص said...

انا طبعا معاكم يا أبي

وكمان هحط البوست من دلوقتي عشان مش ضامن النت يوم 25 هيبقى عندي ولاعند الجيران ههههههههههههههههه

موضوع هاااااااااااايل بجد

ربنا يوفقك يابنتجاني

وعجبتني اوي حكمتك المرة دي

التكبر على المتكبر تواضع

هههههههههههههههههه
في الجووووووووون

تقبلي مروري

micheal said...

اولا..كل سنة وأنت طيب يا نحنوت باشا ويا بخت اللي تكون ايبي من صحابه يا عم
:)
بخصوص تونس..فكرتيني..ده أنا طلعت متضامن معاهم سنة 2006 أول ما بدأت تدوين
بس طبعا أنتي عارفة أني مسقط ومهيس علي طول
:)
بقولك ايه ..عندي سؤال..بتجيبي حكمة الامبراطورة دي ازاي كل مرة
تصدقي انها أول حاجة ببصلها في أي بوست
ع العموم ده بيخليني أتفاءل أكتر بالميثاق
تحياتي يا حبي

الربان said...

تحياتي

و الله هذه المرة الاولي لي اسمع عن هذا الامر وهو المدونة البيضاء...
فشكرا لحضرتك لانك اضفتي الينا جديدا.

طبعا حجب المدونات هو قهر للحرية الشخصية للانسان...و تكميم للافواه
لكن ايضا هناك بعض المدونات ، في رأيي ، تستحق ان تُحجب ، لان التطاول و الشذوذ الفكري الصارخ ، الذي يسود بعض المدونات ، يستحق ان يتم التصدي له.

ندعوا الله ان نكون جميعا من اصحاب المدونات التي تضيف و لا تنتقص ... تنقد
و لا تنتقد...تلتزم بأدب الحوار و حرية
التعبير دون تطاول او تجريح.

و من خلال مدونة حضرتك المتميزة نهدي الي
تونس و اهلها خالص التحية.

تحياتي و تقديري

بسبوسة said...

شو منيح كتير تفكيرك
***************
تسلمى

دعاء مواجهات said...

فكرة حلوة ياآبى

بس كنت عاوزة اعرف اية النتيجة اللى هتيجى من وراها معتقدش ان فية حاجة هتتغير لانك زى ما قولتى انهم من سنتين بيعملوا دة ومفيش اى تقدم

وبعدين هو بلوج سبوت هيخس علية اية لما تنزلو بوستات فاضية؟؟؟؟

=================

اسفة اوى اوى بجد انى محضرتش عيد ميلادك

كل سنة وانتى شقيةوعسوولة ياقمر

ومحققة كل اهدافك وانتى معانا ..

اسامه عبدالعال said...

هو انتى مخاصمانى يا ابى والنعمه لو كنتى مخاصمانى لاعيط انا النت كان بايظ عندي من فتره وكنت ببعت البوستات من عند واحدصحبي والله عشان كده مكنتش باجي عندك انتى بقي حجتك ايه

~*§¦§ Appy §¦§*~ said...

دعاء مواجهات
===========
ممكن تكون معنويه والله يا دودو مش هنخسر يعنى كل القصه يوم






اسامه
=========
وانا النت كان واحد صحبى سلفه منى هههههههههه لا بجد انا مشغوله بس متابعه الناس كلها بس مبيكونش فيه وقت كتير اعلق

أبو أسامة said...

مشارك
لأني إنسان من حقي أن أختار مصدر معلوماتي

طالب ثانوى said...

هحط الصور دلوقت اهى بس يعنى نحط الصور دى كلها

بنت الغربة said...

حبيبتى ابى انا اول مره ازورك وان شاء الله مش الاخيره
بصراحه انا مش مقتنعه اننا كده بنعمل حاجه
ده اعتراض سلبى
عموما تحياتى ليك

~*§¦§ Appy §¦§*~ said...

اسامه
=========
ميرسي ليك








فاروق
========
رديت عندك يا ريس

~*§¦§ Appy §¦§*~ said...

بنت الغربه
============
اقول تانى المشكله حتى لو زى ما بتقولى سلبى مع انه بيجيب نتيجه والحكومه بتسمع فى البلاد التانيه مش بتكلم عن مصر عموما
بس فيه حاجه اسمها مسانده معنويه بنحتاجها كلنا وبندور عليها بلاش نستكتر على بعض حتى اننا نتجمع على كلمه واحده حتى لهدف صغير والنبته الصغيره بتكتبر وبتعمل شجر كتير
نورتى وتنورينى على طول