.jpg)
مقدرتش الومك يا امي
مقدرتش اقف قدامك وانا نايمه ودموعي على خدي
مقدرتش الومك وانا بردانه وبنام مقهوره من ظلم اخواتى
عارفه خوفك عليا عارفه انك بتحاولى تحمينى
بس يا امي الحمايه مش انك تقتلي اخواتى
احمينى من غير ما تجرحيهم
احمينى من غير ما تكوني الايد اللى بتدبح
خبينى جوا حضنك مهما قسيتى عليا انتي امي
مقدرتش اتكلم وانا بشوف اخواتي بتموت قدامي
قاعده بكتب ودموعي على خدي
مش قادره اشوف الحروف من الدم اللى على ايدي
ايوه يا امي دم اخواتى على ايدي وانا مدبحتش
بس سمحت مقدرتش اقف معاهم صوتى اتخنق جوايا
صرخت مبتسمعنيش قفلتي قلبك وعيونك عنى
يا امي انتي مبتحمنيش كده انتي بتقتلى انسانيتى
انتي بتفقدينى الوعي من غير ما تدري
مقدرتش اقول انك مش امي
ومش هقدر يا امي خالص مش هقدر اقول انى مش مصريه
بحبك بكل قسوتك بحبك بكل جحودك
فاكرين بيحموني وهما بيقتلوني سيبى اخواتى يعيشوا
نظمي حياتنا وحياتهم
عجزتينى وانا فى عز شبابى
دبلتى ورده حياتى وقلبى
قلبى كبر قبل الاوان حرام الظلم يا امي
حرام
حتى لو هما قسيوا افتحي انتى حضنك
ارجوكي افضلى الكبيره ارجوكي ابقى ماما الكبيره
اوعي تقفلى عيونك عن الدم
عن دموع وصرخه طفل وشاب وام زيك
هما غلطوا وانتى قدمتى الكفن ليهم
ليه يا امي لي
مقدرتش اشوفهم بيتقتلوا مقدرتش اشوفهم جعانين
واشوفنا بنعتقل ونتخرس وبنقطع فى بعض
مقدرتش اشوف الكلام مقدرتش اعرف الغلط فين
او يمكن شايفه ولساني مش مطاوعنى والدم على ايدي مخوفنى
ضمينى تاني وامسحي الخوف من قلبى
ارجوكي يا امي
ادتيهم فرصه للمزايده وهم كسبوا
يا ريس اطلع بقى وقول حاجه قبل ما نطلع من هدومنا وساعتها اوعدك انك مش هتقدر ترجعنا تاني يا ريسسسس انطق بقى قول اي حاجه بجد وارحمنا من ابو قردان واخواته اللى بيطلعوا يكسفونا اكتر واكتر ملعون ابو الغباء والاغبياء بقى
ملحوظه البوست اللى قبل ده هرد على تعليقاته بس والله مش قادره يوم ولا حاجه وهرد واللى عاوز برضه يكمل تعليق عليه يعلق
I'm so tired of being here....فعلا دي الحقيقه
68 اخبط وقول رايك:
هى دى يا أبى هى دى برافو عليك هو دا الجرح .. هى دى المأساه .. انت لخصت مأساتنا بالجمله دى بس وكفايه
دم اخوتى على ايدى وانا ما دبحتش
بس سمحت ما قدرتش اقف معاهم صوتى اتخنق جوايا
الله ينور عليكى هو دا تلخيص لحالنا اللى زى الزفت والطين وكل حاجه وحشه .. امى هى السبب فى كل اللى احنا فيه .. هى ام ما بترحمش ما بتحبش ولادها ولا ولاد غيرها .. هى كدا طول عمرنا ما شفناش منها حاجه حلوه خالص .. حطيت ايدك على الجرح .. تحياتى يا ابى الجميله
عمي فشكول
==========
دي الحقيقه والله وربنا عالم بيها انا فعلا حالتى من امبارح زفت وباين عليا عندي حاجات حلوه فى شغلى مش عارفه افرح بيه اتقدم خطوه فى شغلى ورجعت الف خطوه فى معنوياتى
تحياتى ليك يا من تشعر بنا
السلام عليكم و رحمة الله و بركاته
يااااه ياابي كلامك وجعني اكتر من الحالة اللي انا فيها واكتر من الصور والدم اللي مالي الشاشات ومغرقنا في هم عمره ما هنقول عليه فات
وصفتي حالة انسان حزين على دم اخوه ورسمتي مشاعر امهات بتصرخ على دم ولادها اللي في عز شبابهم موش قدروا يفرحوا وعلى طول في حزن وقهر
بس تفتكري ندائك ده وندائي ونداء غيرنا للريس موش سامع انا بقول سامع وساكت وموش هيتحرك هو يعني خسران ايه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
في رعاية الله
mero-moory
=============
وعليكم السلام
بحاول اضحك على نفسي واقول مش عارف مش سامع بحاول اديله فرصه يقول حاجه بحاول اخليه يفكر بحاول احرك مشاعر اب فى قلبه بحاول باي طريقه يمكن يسمع يمكن شكل الدم يضيع من ايدينا المشكله انهم بيتهمونا احنا والشعب كله حزين صدقينى
سلام الله عليكم ورحمته وبركاته
ربنا يباركلك ويحفظك
بس صدقيني مصر و المصريين بيختلفوا عن هذا النظام البائس
مصر طول عمرها بلد الجهاد والمجاهدين وبلد الخير والنصر بإذن الله من عندها
مصر نفسها بتبكي من قيود السجانين التي تعيقها وتكتم انفسها حتي تكاد تقتلها ولكن قريبا بإذن الله ستنتفض وتنتفض امة الاسلام لتقضي علي الصهاينة والعملاء كما قضت من قبل علي التتار والصليبيين وغيرهم فاللهم انصر الاسلام والمسلمين واهزم الباطل بقوتك وعزتك
--
وجزاكم الله كل خير
معلش نسيت حاجة مهمه جدا
بالنسبة لندائك للريس
لقد اسمعت اذ ناديت حيا
ولكن لا حياة لمن تنادي
الفاتح الجعفري
=================
عارفه يا زميل المعارك بس المشكله انه كله خد العاطل فى الباطل وبقت المزايدات زفت شوفت السيد حسن نصر الله وغيره بيقول ايه بيقول احتشدوا يا اهل مصر باملايين مش عارف اننا بقينا فعلا مقهورين وكله قافل ودانه عنا ومش عاوزين يشوفونا بتمنى يطلع يبرر يقول اي حاجه تهدي الناس بس والنبى يتكلم صح ميبررش غلط مش ناقصين غباء بجد ومزايدات ملهاش لازمه لو شوفت التعليقات هتحزن لو شوفت الشتيمه اللى فى حقنا هتتقهر اكتر وهيعملوا لنا حاله احباط وهما مش حاسين ربك يستر
اااااااااااااه يا أبي
أنا موجوعة أوى مش قادرة أتحمل احساسي بالكسوف والذنب والعجز
انتي قلتي صح الدم علي ايدي وأنا ما دبحتش
أمنا ضحية مخطوفة زينا واللي خطفها يقتل القتيل ويحط السكينة ف اديها
لعنة الله علي الظالمين
مقدرش غير اقول غير انها حاله تعبيريه رقيقه ومثيره للشجون احييكي عليها لكن اسمحيلي اعبر عن رأيي من خلال مدونتك
اخواني ارفعوا ايديكم عن مصر
الواقع العربي مخزي ومحزن ومهان ومذل
رجاءا لا تنساقوا وراء فكرة ان العرب كلها احرار ومصر فقط هي الخائنه
وللعلم انا اتكلم عن الحكومه المصريه وليس عن الشعب فقط
مطلوب من مصر سحب سفيرها
ومن غير مصر سحب سفيره
مطلوب من مصر وقف التعاون الإقتصادي
ومن غير مصر فعل ذلك او لوح به
مطلوب من مصر السماح بفتح سيناء لأهل غزه
ومن غير مصر صرح بإستعداده تحمل تبعات ذلك مع مصر
يا اصدقائي النضال بالحنجره سهل والقتال بجنود غيري سهل
الحقيقه ان الواقع العربي ممزق
الواقع الفلسطيني نفسه ممزق
ومن الظلم أن تتحمل مصر فقط المسئوليه
مصر مسئوله مثل غيرها وليست الجانيه الخائنه
ومش معنى اني معارض لسياسات بلدي اني اعارض بهذه الطريقه التي تتبنى دعوات الكارهين والمتربصين عمال على بطال
طبعا الكلام ده مش مقصود بيه كلماتك آبي هانم انما تعبير عن الموقف في مدونه ولا اروع لطرح وجهات النظر فيها
تحياتي
سنابل القمح
==========
ومتقدريش تعرفى الذنب فين ولا فين الحقيقه لان محدش بيعبرنا ولا بيرد
عايزة ارقع بالصوت بجد
حاسة انى مشلولة
عاجزة
جبانة
ندلة
......
......
........
خايفة
مش عارفة
ااااااااااااااااااة
عووووووووووووووو
محمد فوزي
=========
المخزي فعلا طلوع ابو قردان والقرائن بتوعه بيلبخوا الدنيا ومن تصريح لتصريح يا قلبى لا تحزن
وحاجه قرف وهما اللى سمحوا للمزايده وهما الل عملوا كده يبقي يتحملوا نتيجه الغباء اللى سابونا فيه يبقى يشربوا اللى عملوه ولازم تعرف وانا وغيري اننا ملناش ذنب فى سكوتهم المميت ده ومش عارفه احط نفسي مكانهم لانك مش عارف الحقيقه فين فى بلد ضاعت فيه كل الحقايق
محمد فوزي
=========
معلش عارف ايه الاقوي فعلا اننا بقينا بنحارب فى اتجاهين اتجاه الرفض للي بيحصل فى غزه واننا بندافع عن شكلنا اللى حطونا فيها وده اللى الصهاينه عاوزينه وبيعملوا ليه ونجحوا انهم يمزقونا داخليا وخارجيا وده مصيبه اكبر وبرضه احنا اللى هنشيل الطين على دماغنا
اااااااااه
يلا كل واحد يزايد علي مصر
الجدع الي يكسب
واحد بيقول اننا قتله
والتاني يقول احنا عملاء
والتالت والرابع وووووو
علي رأي والدي قالي
يابني الجبهه واسعه
يروحوووووو
وهو ده قصدي بالضبط لو كان في تقصير حقيقي فهو تقصير في طريق التوحد العربي اللي لازم مصر والسعوديه وسوريا وغيرهم تعمل ليه
توحد حول موقف وقياده في فلسطين نفسها
ده الخزي اللي كل شايله
فلما الكل يبقى شايل بقى
يبقى الكل يا ينضف يا يخرس
هي دي المعادله
الذنب مش ذنب أمنا...ده ذنب جوز أمنا
Someone Missing :S
Everybody is fool :S
iam shame ,, fears only in our minds but it's taking over all the time :S
u poor sweet innocent thing dry your eyes
and sastify u no u live to break me dun deny
Sweet sacrifice
one day um gonna forget your name
and one sweet day you gonna drawn in my lost pain :S
!!!!!
please please forgive me
but i won't be home again
may be some day you look out and burly conscious you say to no one isn't something missing
you won't cry for my absence i no
you forgot me lobg ago
am i that unimportant am i so insgefecant
though i die to know you love me
am all alone :S
Is n't someone missing
plz plz forgive me but i won't home again :S
I breathe deep and cry out :s
!!!!!!!
perfect by nature ,, icons of self indulegence
Just what we all need more lies abt a world that never was and never will be ..
you know you got everybody FOOL
look here she comes now
bowl down and stare in wonder
oh how we love you !! no for laws we r pretending
but now i no ..
she never was and never will be
you dun no how you betrayed me
and somehow you got every body FOOL
without the mask where will you hide
can't find yourself.
lost in your life ?
i no the truth now
i know who you are
and "I dun Love anymore"
and never was and never will be
you never know that you betrayed me
you dun feel that you can save me
And somehow you got EVERY BODY 'S FOOL
:S:S:S:S:S:SS:S
OMG!!
كيكى
========
يا ريت يجيب نتيجه يا ريت بس برضه يا ريت الناس تتحكم فى مشاعرها فعلا ومنقبلش كل اللى بيحصل
عاقله على ارض مجنونه
======================
عارفه معناها يا ياسمين عارف
احمد
======
ما هو ده السبب فيه اللى مكتومين كاتمه كحك العيد اللى مش عاوزين ينطقوا خلونا ناكل فى بعض وده اللى مش عاوزاه بجد بس للاسف اسرائيل نجحت فيه
محمد فوزي
=============
ربنا يكرمك يا دكتور كويس انى بعرف اشرح وجهه نظرك بطريقه متتفهمش غلط بس مش عاوزين حروب داخليه اكتر
hook
========
ما هو لو ينطق بس كان ريحنا سايبنا نتخبط شمال ويمين
عاقله على ارض مجنونه
======================
هيسامح يا ياسمين ربنا كبير كمان هيقف معانا وينصرنا بره وجوه صدقينى
مش عايزة ارد ولا اتكلم
ازيك يا ايبى كنت اتمنى اسلم عليكى فى ظروف افضل من دى بس انا مش مستغربه اللى بيحصل من الكبار اللى يستحل دم شعبه يستحل دم الدول المجاوره ...وفعلا ان كان برىء من اللى بيتقال يعمل زى ما ابراهيم عيسى قال على كل دوله عربيه متهمه اثبات عكس ذلك بالفعل مش بالبق والكلام
كيف تطلبين من الرئيس الحديث؟؟؟
يا عزيزتي هل تتكلم الاصنام؟؟؟؟
حسبنا الله ونعم الوكيل
تحياتي
السلام عليكم
ازيك يا أبي
احساسك بالأزمة فاق عميق لأبعد حدود
ان شاء الله النصر قادم
احنا مش عاوزين مصر تحارب لاعشاننا ولا عشان الفلسطينين ولا حد تاني كفاية حروب ووجع والم وخساره لحد كده
لكن على الاقل واضعف الايمان يطردوا الكلب بتاع اسرائيل من أرض بلدنا..ويسحبوا سفيرنا من عندهم
ويوقفوا تصدير الغاز..كفاياهم عااااااااااااااااار لحد كده
ربنا هينصرهم عما قريب
مشكورة يا أبي
كل سنه واحنا زى ما احنا وهما زى ما هما
حاجه تحزن
ابقى بصى على اخر بوست عندى يمكن تلاقى حاجه تفرح شويه
ابي
انت قلت كل الكلام بجد انا ما عنديش تعليق مش عارفه هل من كتر ما تكلمت في الموضوع ده النهارده ولا لان كلامك مالهوش حل وقولتي كل حاجه
وده تقريبا الارجح
سلام يابي
مروه
تصدقي والله العظيم يا ابي انا دخلت نمت امبارح الساعه 8 من الغم ومش عارفه اتخنقت والله لا عارفين نعمل حاجه
وعملين نشوف في الاخبار حجات تحرق الدم بجد هنفضل امتي لحد كده انا اول مره ابقي مضايقه اوي كده وحاسه مفيش فايده لا وكمان مظلومين
ايوه قوليله يعمل حاجه بدل ما نطق خلاص كده كفايه بقي
مش عارفه في كلام كتير ومش مترتب
بجد زهقانه جدااااااااااااااا
هاى ابى
مش عارف ايه اللى ممكن يتقال واعلق اقول ايه ؟؟ الكلام مينفعش فى الحالات دى احنا زهقنا كلام
نستنكر , ندين , نشجب , لن نوافق , نعترض , نتنيل , نتهبب , ولن نسمح لن نسمح لن نسمح... وبعدين ؟؟؟
كلام كلام كلام وكمان بيتقال نفس الكلام فى كل المواقف يعنى لما نيجى نشوف اى واحد ابن تـيـيـيـيـــــــت بيتكلم متعرفيش هوا بيتكلم فى انهى موضوع عشان هما بقين حمضانين كل الكراسى والمناصب حافظينهم نفسهم هما هما
؟
؟
حاشا وكلا
كوسا وباميا
كبشه وحله
عموما انا ناوى احطلك صوره هتروحى فيها لبعيد اوى واحتمال نروح هناك احنا كمان ونخلص
جميل كلامك يا آبي
لكن تعرفي مبارك ساكت ليه
اصله راجل تقيل -وعلى فكره انا بتكلم بجد- سايب الناس كلها تتكلم وتفرغ الشحنات اللي جواها وهاييجي وقت الكلام لكن مش دلوقت
يابنتي ده راجل صايع ومربي 80 مليون
مانتي شايفه عامل فينا ايه
عاوزه مين يضحك عليه
شوية دول تعبانه اعدادها 2 و 3 مليون واحد
ههههههههههههههههههه
نطقتي عما في صدري وداخلي
ربنا يعين اخواننا في غزة ويفك كربهم يارب
ازيك يا ابي
كل سنة وانتي طيبة ويارب سنة جديدة سعيدة عليكي وعلى كل اللي بتحبيهم
بوست مميز بس انا مش عايزة اعمل زي انجي للمرة التانية واقولك انا مش عايزة اتكلم
ربنا يوفقك ياابي
رنا
السلام عليكم
ممكن تكون البلد ردها دلوقتى سلمى
واضعف الايمان
واخرنا نودى بطاطين وادويه
واهى احسن من التنديد البيخلى العالم يتريق علينا
بس يترى هنعمل حاجه علشان دا ميتكررش
امتى هيجى يوم يبقى لينا فعلا كلمه مسموعه
لما نقول دا غلط العالم يقدر كلمتنا
الام عايزه تربى اولادها صح
مش عارفة اقول ايه بس حسيت بكل كلمة انتي كتبتيها النهاردة
يارب يفك كربهم قريبا جدااا
طيب .... العمل ؟؟؟
نبتدي نتحرك من فضلكوا
تبرع بالدم
تبرع بالمال
الدعاء
*************************
انا اسف .... بس دة اضعف الايمان ... وانا ضعيف .. مش فايدي حاجة ... اقتراحات تانية ممكن تكون مفيدة و تعمل حاجة لاخواتنا ... يكون افضل من الكلام
------------------------
الله المستعان
انا عارف أنها حاجة تزعل يا ابي وأن المنظر هناك مأساوي بكب معاني الكلمة بس احنا ندعي كلنا أن ربنا يفك عنهم الكرب وفي نفس الوقت يخلصهم من مجموعة الجهلة اللي بتدير شئونهم أما إننا نستني حاجة من حد فأنا معاكي من هنا لحد ما تبقي أنتي زعيمة حركة احم
:)
تحياتي دائما
الحمدلله مش مكتوب علينا نتهنى ابدا
اظاهر انها لعنة من اجدادنا الفرعونيين
لما مبارك اخيتاتون كان على العرش واطلق لعنة على المصريين بالسجن مدى الحياة داخل وخارج حدود بلدهم وانهم يشيلو الهم ويستحملو التهزيق والمرمطة
ومتتكلميش عن ان مصر السبب لان احنا مصر واحنا اللى مجروحين واحنا اللى نفسيتنا ادمرت
هى شوية رؤوس وعاوزة تتقطع والبلد هتنضف
اتمنى
لأ بلاش يطلع ويتكلم
لأنه لو أتكلم حيمرمغنا في الوحل أكتر
كفايه علينا الهمام السنيد بتاع الخارجيه اللي خلى روسنا في الوحل
خليه ساكت عشان فضيحة 2006 متتكررش تاني
يا أميرة الكوكب
ده مش وجت بكا خالص، بعد ما تفوت الغمة حيكون حدانا وجت كتير نداوي جراحنا و نبكي على أحبابنا. الوجت دلوك وجت نصرة. مش بيجولوا انصر أخاك ظالما أو مظلوما و أنا بازود و أمك و أبوك بردك. و لو لا سمح الله أخوك اللي بحج و حجيج هو اللي حاينجتل كنا بردك حنحط يدينا ع خدودنا و نجعد نعيط زي الولايا. ما حدش يسأل طب و أعمل إيه لأن اللي بيحاول ما يغلبش. ما تزعليش مني يا أميرة و أشكرك إنك استحملتي كلامي.
م الأخررررررررر
الريس مطاطي لحد
يقعد أبنه مكانه
انا كمان ياريس عايزاك تقول حاجة
بجد قول اي حاجة
وخلي ابو الغائط دا يسكت بقى كفاية
بيقولي احنا متأمرين ياريس والحقيقة ان دي مؤامرة علينا بيدفع تمنها اهل غزة المساكين
ياريس قول بقى اي حاجة الواحد تعبااااااان اوي
لا تأسفن على غدر الزمان....
يا ابي وجعتيلي قلبي اكتر مانا موجوعة
يارب فك كرب المكروبين وارفع غضبك عنا
احنا بقينا كبش الفدا والعدو الحقيقي
دا ناقص يقولوا احنا اللي حرضنا اسرائيل اساسا
ليه الفرقة دي ياعرب
لصالح مين ؟!
يا آبى
احنا للاسف مش مقتنعين ان الفلسطينين أخواننا
ياريت الناس تحس وتتحرك
وياريت لو تعرفى اى حاجة ممكن أساعد فيها ياريت تبلغينى
مظاهرة انقلاب وقفة اى حاجة
حتى لو حرب
انا قربت اتخانق مع نفسى
وابن الكلب الجبان بتاعنا ساكت ومدلدل لسانه
ولا أعتذار على اللفظ
أبي
والدموع في عيني والدم في ايدي وقلبي مكسور وبسأل زيك ليه كدة يا امي
لكن بتلومي امنا ليه يا ابي وهي مسجونة وسجانها اعمي واخرس واطرش
حابسها غول وحابسنا كلنا
بس برضة بنحبها امنا حد يكره امه
اشتركوا معانا يارجالة .. وقولوا يارب
وانشر الفكرة
مع غزة .... ولو باضعف الايمان
http://yallaqalb.blogspot.com/2008/12/blog-post_9396.html
ا
آآآبى
أذا كانت الام دى أستغنت عن ولادها كتير اوى اوى اوى
واخرها كان ضياع حقوق الاسرى المصرين الى دهسوا بالدبابات وهم عزل
هما دول مش من ضمن ولادها
يبقى أزاى بتحمى ولادها
الام دى باعت ولادها من زمان
من زمان اوى اوى اوى
الشباب الضايع دلوقتى .. هو ده مش من ضمن ولادها برده
الفلسطينين دول من ضمن ولادها
العرب كلهم من ضمن ولادها
المصريون فى الخارج و حقوقهم الضائعة بسبب سفراء العار .. دول مش ولادها
الى بيعتقلوا و بيتعذبوا لمجرد انهم قالوا رايهم دول مش ولادها
لما واحد عنده عشرين سنة بس و يتوجه له اتهام بالانضمام لخلية ارهابية !!!
علشان راح غزة فى الفتحة الاخيرة
هو ده مش من ضمن ولادها
اساساً الام دى نسيت انها ليها ولاد .. وبقت ماشية على هواها .
معاكي حق و ده احساسنا كلنا
بس حسني هو اس الداء و راس المصيبة
عموماً اقري التدوينة دي
ماذا أبقى الممانعون للنظام العربي الرسمي
أحمد موفق زيدان
أتابع بألم وحسرة ما يجري في غزة الإباء والعزة، وتزداد حسرتي وألمي حين أرى التماهي التام والشامل وحذو القذة بالقذة بين من وصفوا بمعسكري الاعتدال ومعسكر الممانعة والمقاومة، فإن كان المعسكر الأول يكتفي بالتظاهر وإرسال المعونات والدعم والمساندة، فما حجة المعسكر الآخر الذي صّدع رؤوسنا بالمقاومة والممانعة والمزايدة على الجميع،ونحن نراه صامتا صمت القبور في هذه الأيام التي من المفترض أن يكون غير ذلك حسب خطابه وعنترياته ، ماذا أبقى هؤلاء للشارع إن كان جل همهم هو الصياح والعويل....
العجيب والمدهش أن الصرخات والتهييج العربي انصب على مصر ونحن هنا لا نبرأ أحدا من المسؤولية ولكن وكأن مصر لوحدها هدمت المعبد على ساكنيه، أين هؤلاء من الوقوف إلى جانب حماس كما وعدوا وهددوا إلا إذا كان ثمة فرق بين أوقات المغرم والمغنم ، كنت أتابع خطاب زعيم حزب الله حسن نصر الله وهو يطالب الشعوب العربية والمصرية والجيش المصري بالخروج والانقلاب وتناسى نصر الله جيرانه الممانعين السوريين والإيرانيين، تناسى نصر الله كل هذا ، كان غيرنا بالطبع يتوقع الكثير من حسن نصر الله، كان يتوقع أن يضع النقاط على الحروف كما وعد ويحدد ما هو فاعل الآن، وما هي الخطوات التي سيتخدها، لكن بدأ يشرح لنا الأسطوانة المشروخة المعهودة وهي كربلاء والحسين والمعركة ويكرر لنا ما يراها أمجاد في تموز ...
إن المسألة باختصار هي أن حماس ليست بذلك الحليف الاستراتيجي لنظام الطوائف في دمشق وطهران والضاحية الجنوبية وإن حماس لن تكون حليفا استراتيجيا لهؤلاء أبدا، فهي حركة سنية قاومت الصهاينة وعملاءهم كما قاومت بصمت ودون ضجيج الظاهرة الصفوية في غزة، فامتداد حماس في العالم السني وبين الحركات السنية قبل أن توجد دولة الملالي وقبل أن توجد دولة الاستبداد الطائفي في سوريا وكذلك حزب الله، وبالتالي فلماذا وعلى أي أرضية يقف هذا المعسكر الطائفي إلى جانب حركة حماس، وهو المهموم والمشغول في تدريب وتنظيم أشخاص منبتيين لتنفيذ عمليات في البحرين ضد الحكومة هناك، أما أن يكون مشغولا في معركة الأمة فهذا بعيد عنه ولا يهمه ولا يشغله....
إن كان خامنئي يدعو إلى يوم حداد في طهران وحسن نصر الله يكتفي بمطالبة الشعب المصري بالتحرك، والنظام الطائفي في سوريا يسمح لغير السوريين بالتظاهر، فهل هذه هي الممانعة، وهل هذه هي مقتضاياتها، لنتذكر جرائم النظام السوري بحق الفلسطينيين في تل الزعتر والكرنتنينا والبداوي وحصار طرابلس، ومشاركة حلفائه في مجزرة صبرا وشاتيلا ، إن معسكر الممانعة شريك بجريمة الحصار والهجوم على غزة بنفس درجة المعتدلين، فهؤلاء الذين قرعوا طبول الحرب عليهم أن يدخلوها إن كانوا جادين، لكن نعي وندرك أن هذه المعارك ليست معاركهم، إن معاركهم فقط وفقط في افتعال معارك وهمية للأمة، معاركهم في شارع حيفا ضد الشعب الفلسطيني الأعزل في عاصمة الرشيد حين هبت الملشيات الطائفية الشيعية تنهش أجساده، معركتهم في منع أربعين فلسطينيا من دخول أرض الممانعين في سوريا وطردهم إلى تشيلي، إن معركتهم في ضرب قوى المقاومين الحقيقيين من السنة في العراق وأفغانستان خدمة للمعسكر الأميركي الغربي، إن معركتهم في الاصطفاف إلى جانب أعداء الأمة من خلال الدفع بعملائهم في الحكم ببغداد وكابول وربما غدا غزة نفسها لا ندري ...
متى نفهم ونعي أن أولوياتهم غير أولوياتنا، وأن الحاضر هو امتداد للماضي، متى نفهم ونعي أننا سنقلع شوكنا بأيدينا، والمراهنة على هؤلاء العملاء الخونة كمن يزرع في بحر، فالمطلوب هو رأس المقاومة بتواطؤ أو بدعم أو بمساندة أو بممانعة لا فرق
سلام الله عليكم ورحمته وبركاته
انتي عارفه المشكلة فعلا ان الحال اصبح زي ما يكون فيه قتيل والكل بيسرع بالتبرء من دمه وكله بيلقي التهم علي الاخر وسايبين القتيل مدرجا في دمائه
لو كل واحد يخليه في حالة ويعمل قدر جهده لنصرة اخوانه مكنش ده بقي حالنا انما مصر وسوريا وايران وحزب الله عمالين يتكلموا كلام جزافي ملوش معني وعمالين يبهدلوا بعض وده بقي حال المسلمين
ومش بعيد يوم الاربعاء نلاقي خناقات في اجتماع وزراء الخارجية
--
فعلا الحل
اللي يشتم مصر يشتمها واللي يشتم ايران وسوريا وفلسطين وحزب الله يشتم
ونعمل احنا لله عزوجل لان الحساب هيكون صعب جدا ومفيش حد هيشيل مع حد
الا هؤلاء الحكام واتباعهم دول بقي هيحملوا اوزارهم واوزار الذين يضلونهم مع اوزارهم
وحسبنا الله ونعم الوكيل
وجزاكم الله كل خير
عزيزتى آبى
الحنظل فى الأفواه يا صديقتى ولا نستطيع الكلام أو الأحتمال, ولكنك وكما قلتى صدقا, نرى دماء أخوتنا على أيادينا ولسنا بقاتلين, فاللهم عفوك الذى لا نملك غيره الآن
ـ ـ ـ
عزيزتى الشئ الوحيد الذى لم يعجبنى فى التدوينة هو أستجدائك للرئيس, فلو لم تعلمى يا عزيزتى وأظنك تعرفين ان ضرب غزة يحدث لأن أمثال مبارك جاثمين على صدورنا .. فاللهم عفوك
هاى ابى ... انا عايزك تشوفى المدونه دى
el-asfour.blogspot.com
بتاعة عبد المجيد عتلم (اخويا) هتعجبك اوى
انجى
========
نورتى على كل حال
سومه المجنونه
===============
وحشتينى خالص بصى يا سومه ممكن يكون غبى داخلى بس اتعشم انه يبقى ذكر خارجيا
انا حر
=========
اممممممممم يمكن يركب بطاريه بس هيرد هيرد ان شاء الله
قلم رصاص
=============
حتى طرده مش كفايه لازم تنقطع فعلا العلاقات بينا وبينهم خالص ويرجعوا يخافوا مننا
محمد حمدى
===========
كل سنه واحنا طيبين ورافعين راسنا يا رب
قريت واتنكدت ميرسى
my dream
=============
الحل اننا ندعى
بس نورتى
سمكه واحده
===========
مش فى ايد حد اى حاجه عارفه المشكله اننا سيبنا الاصل ومسكنا فى الصورة
محمد عتلم
==========
اه يا فنان عارفه انت هتودينى فين بس حلوه الصورة عجبتنى اوى
لورانس العرب
===============
ايوة صح تصدق ده مربى فاضل شويه ويطلعنا من هدومنا ودول ايه بس يا لورانس يا خويا دول مجعجعتيه واحنا شربنا الشوربه ولسعتنا خلاص
صاحب المضيفه
=============
امين يا انس يا رب
يوميات نائبه فى الارياف
======================
وانتى طيبه يا رنا يا جميله وبخير
ابو حنف
=========
عارف الحقيقه ضاعت ما بين الجزيرة وما بين التنديدات وما بين اى كلام بيتقال
كوشيا
=========
يا رب وتتحل المشكله دى من جذورها
عمرو
=======
ممكن تروح هيئه المصل واللقاح وتتبرع وتكتب عليه انه لغزة بس
ميشو
========
لا والادهى المزايدات الغبيه وكله قاعد ساكت وبعدين انا الزعيمه من دلوقتى او سمحت علشان نفسيتى بس
šσяšαяαα
=============
يا ريت يا صورصاره دى الرؤس السودا اللى بتطلع فى الوش اسهل فى شيلها من شويه الغجر اللى عندنا طيب نعمل عمل ونطلعهم ولا ايه
راح اللى راح معدتش فاضل كتير
احمد
=========
لا يا احمد على فكره بيتكلم ساعات كويس اى والله طيب يخلى جيمى طيب يطلع معنديش مشاكل بمناخيره دى
3asheg.nawara
==============
لا والله يا حج مش هقعد انا محدش بيعرف يدوس على خيال اخويا بعيد عنك بس فعلا دول بعيد عن ايدى بس ثقتى فى اهلى فى سينا انهم جنبهم مطمنناى شوفت ازاى وبعدين ايه اسمك الغريب ده يا حج اشمعنى يعنى يا عينى عليكى يا نواره هتلاقيها منين ولا منين
نورت العزبه قصدى الكوكب
عارفه مش عارف
===============
لا يا وليد هو مش مطاطى هو فيه حاجه مش طبيعيه مش فاهماها
فنون
========
عارفه اسرائيل لعبت صح يا فنون واختارت توقيت وتظبيط صح علشان توقع كله فى بعضه واحنا سيبنا الراس ومسكنا فى الرجلين
المحارب المتيم
==============
يا حج هو انت مش شايف انا قايله بلاش الفاظ وحشه بلاش نقول ابن كذا دى اقولك طالبين تبرع بالدم فى الاسماعيليه وروح هيئه المصل واللقاح اتبرع وقولهم لغزة بس بلاش وقفات علىالسلالام لانها مش بتجيب نتيجه
وومن
========
طيب الوم مين طيب عارفه المشكله انه كله بيخبط فى كله بدون داعى وسيبنا الراس ومسكنا فى الديل
نضال
==========
يا لهوى انا فتحت معبر من الغل عارفه يا نضال اللى بتقوله بس ساعات الام بتقسى للصالح بس انا بقيت شاكه فى كل حاجه وفاهمه كلامك
مهندس مصرى
==============
حلو اوى الكلام زود بقى ان كل القوى بما فيهم حماس نفسها عارفه وعرفت باللى هيحصل يا هندسه صدقنى لان لهم عيون نصر الله اللى طالع يلقح على مصر واول يوم جاب اسمها تانى خطاب بقى بيلقح بعد ما قالوا له اتلم
مبيبعتش ليه يساعدهم ممكن تقولى كله بيزايد وكله كان عارف وحاطط جزمه فى بقه
الفاتح الجعفرى
================
الله ينور عليك يا زميل المعارك تسلم يا رب
حازم سويلم
===========
اهلا اهلا بيك
عارف يا حازم بجد بقيت محتاره كله كله عارف وكله كله بيرمى التهم على مصر ومين اقرب بقى ومين اقوى مصر سابوا اسرائيل ومسكوا فى مصر
شايفاكى بتبكى وانتى بتكتبى السطور دى بجد
للاسف دموعك فى عيوننا كلنا
ومفيش فى ايدنا حاجة نعملها
بس بجد اللى بيحصل ده مستفز جدااا وموجع جدااا .. واتهامات البعض لمصر بالتواطؤ مع اسرائيل شئ لا يمكن تحمله
احنا قاعدين فى بيوتنا وعمالين نفتى وننادى ونتظاهر و رغم رفضنا لسياستنا الداخلية .. منقدرش نلوم على الريس موقفه الخارجى .. ولا ننكر انه بفضل الله حمى مصر من حاجات كتير
المعبر لو اتفتح بشكل دائم هتبقى رفح المصرية ارض فلسطينية واليهود هيستوطنوا غزة وده مرادهم ووقتها اهل فلسطين مش هيلاقوا مكان تانى غير رفح ومش هيخرجوا منها ويبقى احتلال وممكن اوى يبقى فيه تخريب وحروب داخليه بين مصر وضيوفها من ناحية وبين الحزب والاخوان من ناحية تانية واللى بيمثلها حركة حماس فى فلسطين
والله الواحد محتار ومش عارف ايه التصرف اللائق
لا احنا راضيين باللى بيحصل فى غزة
ولا احنا قادرين نسلمهم ارضنا
ولا احنا قادرين نستحمل اتهام العرب لنا بالخيانة والتواطؤ
خصوصا نصر الله الشيعى ده
ربنا ينتقم من الظالم أيا كان
آبي تحياتي
الريس استجاب لك يا آبي ...و لاول
مرة علي حسب ما أتذكر يخرج يتكلم بمناسبة العامين الجديدين الهجري و الميلادي....
أعتقد ان ما قاله كان واضحا...و اعتقد اننا الان جميعا متأكدين ان حماس
تريد الاستقلال بغزه....و تريد فرض ذلك
علي الجميع بما فيها مصر بحجة المعبر.
و كأنك كنت تستشرفين الغد...حين ناديتي
الرئيس ان يقول كلمته...و كأنه قد
استمع الي صرختك التي في نهاية البوست.
تحياتي و تقديري
آبي تحياتي
الريس استجاب لك يا آبي ...و لاول
مرة علي حسب ما أتذكر يخرج يتكلم بمناسبة العامين الجديدين الهجري و الميلادي....
أعتقد ان ما قاله كان واضحا...و اعتقد اننا الان جميعا متأكدين ان حماس
تريد الاستقلال بغزه....و تريد فرض ذلك
علي الجميع بما فيها مصر بحجة المعبر.
و كأنك كنت تستشرفين الغد...حين ناديتي
الرئيس ان يقول كلمته...و كأنه قد
استمع الي صرختك التي في نهاية البوست.
تحياتي و تقديري
حاجات جوايا
=============
عارفه ده اللى بقول عليه مينفعش فيه حدود ولازم تراعى والعرب وكله يبعد ايه عن مصر كل واحد ادرى بمصلحته فى اتفاقيات ما بين وبين السلطه الفلسطينيه نفسها مش مجرد قاعده كده وخلاص ربنا يستر
الربان
========
يا سلام لو كل مره يسمع كلامى ويطلع والنبى ادعيله باين مكشوف عنى الحجاب اى والله انا مبسوطه اوى تفتكر بيقروا ولا بيعرفوا اللى بنقوله يبقى كويس بجد
Post a Comment