قال رومانسيه قال

دي الصوره اللى طلعت ليه بعد الاختبار


مش عارفه ليه اصحابى بيتهمونى الاتهام الشنيع المريع الفزيع ده انى رومانسيه دا انا واحده صاحبه قلل وخرفان ابقى رومانسيه والنبى ده كلام دا انا بسمع حسن زعبوله ماشي يتسلى وبسمع نزلت على الشط اصطاد بط وانا عايم ههههههههه

وانا دايما انفى الكلام ده لانى فعلا مش رومانسيه انا طيبه اه هاديه اه مش قليله ادب اه انما رومانسيه كلا البطه خالص

حتى النهارده عملت اختبار على الفيس بوؤ المنيل


وكانت نتيجته ايه الرومانسيه دي كلها يا بخته

يمكن انا مبعرفش ارد الاسائه مبعرفش اشتم مبعرفش اكون حد مش كويس متربتش على كده انا ممكن احرج اه ارخم اه اقول كلام يوجع اه اصحابى بيقولوا ليه انت الشخص المؤدب اللى بيهزأ من غير ما حد يمسك عليه غلطه انما رومانسيه كلا البطه برضه دا انا برعي المفش يا جدعان فيه ايه انا عمري فى علاقتى بخطيبى او ارتباطي انى اسبل ولا انيل دا انا مطب صناعي من بتوع الحكومه الرخم ده اللى بيبوظ عفشه اي قلب فى الدنيا ههههههه

يمكن بكون بحلم بحد كويس فى حياتى مبعرفش اكون غير انا غير شخصيتى مبعرفش اكون شخصيتين ابدا انا ورا الكيبورد اللعينه هو انا فى الحقيقه انا طيبه وهبله ايوووووون لانى بامن للناس كتير اوي عادي يعنى بس ربنا بيكون جبنى دايما مبعرفش اخوض معارك قذره ايووون مبعرفش لكن انا بتعامل من منطلق تربيتى بس وقت الجد يا نهارده اسود اللى بيقع تحت ايدي يمكن رد فعلى مش وقتى لانى اتعودت مأخدش قرارات سريعه ولما تكون اذي ههههههه لازم اخد حقى على المدي البعيد وعلى نظافه مبضربش من تحت لتحت وبعلن مباشره وبعلن بعد ما بعمل بس ده لما اتأذى اوي

نيجى بقى لشويه اسئله واستمحان


واللى كانت نتيجته معايا هي

فأنتي رومانسيه وحالمه وحساسه، تفضلين المشاعر النقية المليئة بالحنان، الثقة أهم شيء لديك في ارتباطك بالطرف الآخر. وبعد اجتياز أزمة الخيانة يمكنك أن تستعيدي ثقتك بمن أحببتي تيررررراررررر تاتاتاتاتا وواااااواوووا


السؤال الاول

لمن تعطي اهتمامك الاول فى الارتباط

المظهر ... للمشاعر المتابادله ... للتوافق


السؤال التاني


هل ترفضوا الانسان

المهمل فى مظهره .....البذئ....الفظ


السؤال التالت


انت لا تسامحين من تحبين ابدا

اذا لم يعطي اهتمام دائم ....اذا نظر لامراه اخري او الست اذا نظرت لرجل اخر...اذا لم يصارحك بكل شئ


السؤال الرابع


اذا فجأك من تحبه بخيانته

هل ترغب فى الانتقام....هل ترغب فى تفسير ما حدث....هل تتركه


السؤال الخامس


بعد اكتشاف الخيانه


هل ترغب فى مواجهته .....هل ترغب فى مواجهه منافك او منافستك....هلى ترغب فى مواجهه نفسك


السؤال السادس


اذا تلقيت صدمه ماذا يحدث لك


هل يدب الياس فى نفسك ....هل تقرر الا تحب بعد ذلك ....هل تتالم كثير


انتهى الاختبار انا قولت اجيب لكم الاسئله علشان نواجهه نفسنا بمواقف بتحصل فعلا وبنتعرض لها كلنا من صاحب صحبه حبيب زوج اي ان كان المسمي الغرض عكس حاجه جوانا يعنى نبقى مرايات لبعض مش اكتر

ودي هديتى ليكوا بمناسبه العيد قبل الاجازه والسفر


كان معكم معلم اول نفسي بحتري افندي لواء متقاعد ابى هانم بتنجانى


حكمه الامبراطوره


لا تأمن للندل ولا تصاحبه ومن السهل انك تبقى قليل الادب بس صعب تبقى مؤدب

111 اخبط وقول رايك:

حنين القلب said...

ايوووووووووووووووووه يا جدعان
انا اول تعليق
انا مش مصدقه نفسى
بصى يا آبى انت فعلا انسانه نضيفه ومحترمه اوى علشان كده بيصعب عليكى التعامل مع ناس قذرة لانك زى ما قولتى دى مش طريقه تربيتك
بالنسبه للامتحان راجعه اجاوب عليه

طالب ثانوى said...

تانى تعليق

انا كنت هعملة بس لقيتة للبنات فقط انا عملت اختبار قبل كدة وقالولى مشكلتك انك طيب اوى والبنات بتحب تستعبطك متصدقش اى حد

وانا موافق على تعليق حنين القلب كلة

بصى يا آبى انت فعلا انسانه نضيفه ومحترمه اوى علشان كده بيصعب عليكى التعامل مع ناس قذرة لانك زى ما قولتى دى مش طريقه تربيتك
----------
وكنت اتمنى ترجعى الجايكو وتسيبك من الكلام دة لان كلنا عارفين من هى آبى بجد
---
واخيرا كل سنة وانتى طيبة وعيد سعيد

حنين القلب said...

بسم الله
السوال الاول لمن تعطى اهتمامك الاول فى الارتباط ...للتوافق
السؤال التانى هل ترفضوا الانسان...الفظ
السؤال التالت انت لا تسامحين من تحبين ابدا فى ...اذا لم يصارحنى بكل شىء
السؤال الرابع اذا فجأك من تحبه بخيانته...اتركه
السؤال الخامس بعد اكتشاف الخيانه ...ارغب فى مواجهته
السؤال السادس اذا تلقيت صدمه ماذا يحدث لك ...اتألم كثيرا

الاجابات اهه ياترى هنجح ولا ايه ؟؟
آبى
كل سنه وانتى طيبه يا حبيبه قلبى
ويا رب السنه الجايه تكونى محققه كل ما بتتمنى

mostafa rayan said...

آبي
من غير اسئلة ولا حورات
الأنسان لازم يتقبل نفسه زي ماهويشوف العيب اللي فيه ويحاول يصلحه والأخرين عليهمان يتقبلوه كما هو مدادم ارتضو انهم يعرفوه او يقربو منه
كل سنةوانتي طيبة يا ابي
وعيد سعيد عليكي وابقي كلي من الخروف

lyssandra said...

كل ده ومش رومانسيه ؟

ههههههههههههههههههههههه


-----------

يابنتي الكمبيوتر قال كلمته

وأصحابك كمان شايفينك كده

يبقي انتي محتاجه نظارة

أيون ن ن ن ن

محتاجه تراجعي نفسك بقي

الرومانسيه مش تسبيل

وكمان مش ضعف

ومش شخصية سهل تتكسر

ممكن تكوني جبل ورومانسي في نفس الوقت

ماعرفش ازاي بس ينفع

----------

وبعدين انتي فعلا حد جميل أوي يا آبي

فيها إيه لو تكوني رومانسية وقويه وبتسمعي حسن زعبلة ؟؟

هههههههه

==============

كل سنة وانتي طيبه وعيد سعيد عليكي يا رب

هابقي أشوفك بقي لأن عندي أجازة طويلة نوعا ما

سلام

Lyssandra

mohamed ghalia said...

أنا بقول بلاش فضايح وبلاش أجاوب لانى ضعيف جااااا فى الرومانسيةهههههههههه
كل سنة وانتى طيبة يا أجمل أخت
ترجعلنا بالسلامة
كل الود والتحية

جنّي said...

السلام عليكم

والله شاطرة وناصحة قوي دايما توقعينا وتخلينا نجاوب الاول لكن المرة دي كلمتي مش ها تنزل الارض ابدا ولازم تجاوبي انتي الاول ..

اما النصف الاول من البوست فردك ابلغ رد على اناس فقدو الاحترام وظنوا ان الخوض في اعراض الناس يشهرهم ..

شكرا وتحيتي

أحمد كمال said...

إيه ده؟ اختبارات نفسية من ورايا؟

نفسية دي ولا مش نفسية؟ :)

كل سنة و انت طيبة و مش نفسية

maha zein said...

لا بالعكس بشعر انك رومانسية
اه وربنا
كل اللى متخيل انه مش رومانسي بيبقه رومانسي
انتي بس بتحاولي تاخدي الحياه جد
عموما بغض النظر
استمتعي باى حاله انتى بتعيشيها وخلاص
سواء رومانسية او غير رومانسية
وبخصوص الناس الاشرار
سيبك سيبك
دول مرضي نفسيين

EmY said...

ابي هانم كعب الغزال

انكشفت و الي كان كان يا قمر و طلعت رومانسي و خلبوص كبيييير

هو يا حبيبتي ممكن تكوني رومانسيه مستخبيه

خجل بيخبي الرومانسيه و المشاعر الي جواكي دي

انا مش بعتبر الرومانسيه عيب بالعكس جميل انك تكوني رومانسيه بس عقلك يكون صاحي مش رومانسيه و عقلك طالع معاش مبكر

و انا اعتقد ان انتي عقلك شغال مع قلبك

كل سنه و انتي طيبه يا قمر

for you baby said...

انتى هتقوليلى انك برعى انا عارف كويس ده ومجرب بس برضه رومانسيه ومحدش يعرف ولا تقدري تنكري لانك طيبه جدا ومش راح قول انا مين انتى راح تعرفى قى يوم من الايام
بس انا مفتقد فعلا حاجات كتير من جنانك ده
اللى يضايقك حطيه تحت جزمتك القديمه واعلى فوقيهم واللى عاجبه انتى يبقى كويس مش راح يعجبه ارميه وراء ضهرك لان الناس دي متعرفكيش كويس وانتى ميلزمكيش حد فى العالم دي انتى اصحابك وحبايبك فى العالم العادي الحقيقى مش عالمكم المزور ده انتى طبيعيه وانا عارف
يبقى سيبك منهم انا قولت قبل كده ليكى من زمان انتى متنفعيش وسط الوسط ده انتى انظف من ناس كتير مصدقتيش
ريحاب متحطيش فى دماغك واعلى لفوق يا برنسيسه زي ما انا عارفك
i miss u so much

adel said...

كالعادة كلامك زي الفل :):)
انا هاعلق علي حوار قلة الادب و الشتيمة اللي بقيت ظاهرة زبالة قوي

انا ولد و عند الولاد الشتيمة دي عادي قوي قوي ...بس انا مثلا بطلت اشتم و جه واحد ابن حلال من يومين شتمني بامي و سبالي الدين فانا مردنش لكذا سبب ...بس الغريب ان كل الناس بتقولي مشتمتوش ليه ...كان الشتيمة دي عادي او شئ طبيعي
:(:(:(

بجد حتي لو الواحد كويس ... الناش بتجبره يكزن وحش

عادل
http://elbald-dy.blogspot.com/

romansy said...

هى الرومانسيه عيب ولا ايه
انتى اكيد رومانسيه طالما هاديه
الهدوء دا بدايه الرومانسيه
على فكره اجمل نتيجه بعد الاختبار
كل سنه وانتى طيبه

dreem said...

هالو ابى
بصى بقى
رومانسية او عقلانية وواقعية مش مهم يا قمر
المهم انك تكونى حباكى وراضية عنك وبتحاسبيكى اول بأول
ولا اييييه ؟
كل سنة وانتى طيبة وشقية ومبسوطة

محمد الكومي said...

و عندك شجرة و اتنين لمون هنا و رش مية و ازرع الارض نجيلة ياض

و يالا يا عم انت و هو هوي البلوج منك ليه
البنية بتقول رومانسية

يعني خللي عندكم حبة هامبلايظ و سوشيال بوليتيكال كومبريهينشن

و سيبوها لحد ماتفوق من النوبة دي و ترجعلنا تاني

طبعا يا رحاب دي اعراض حزن على الخرفانمش كدة ولا ايه

الرومـيصاء said...

السلام عليكم
اخيرا جيت مدونه ابى
عارفه كنت بسمع اسمك كتير
بس موقعتش مدونتك تحت ايدى
هههههههههه
كل سنه وانتى طيبه
انا قريت نصف البوست
لسه الاسئله
لما اصحى هبقى اكملهم
لانى مطبقه من امبارح صاحيه

ليه معرفش

تقبلى مرورى

دمتى بحفظ الله

maro_tatu said...

يا خبر ابيض و منيل

رو ايه ؟

ابى رومانسيه ؟

معقول ده ؟

لا ده وضع لا يمكن السكوت عليه ابدا

انا لو منك ارفع قضيه على كل واحد بيتهمك الاتهام الشنيع ده

يا بنتى ده انتى كده سمعتك هتكون على كل المدونات

و يقولوا تعرفوا رحاب الرومانسيه ؟

اقولك ايه بس ؟
انى برضوا السبب
مشغلالى على المدونه مش عارف مين اللى بتعيط دى قطعتى قلبى يا شيخه
كده غلط بجد بما انك اخت عزيزه لى قوليلى مين قال كده و انا اجيبلك حقك فورا

ههههههههههههههههه

سبونا بقى من الهزار

ايوه يا ست الكل

انتى فعلا طيبه و حنونه اوى

و مش بتحبى الغلط او السكوت على الغلط

لسانك طويل اه بس فى الحق

محترمه مع المحترم
و بتحبى تدافعى عن كل مظلوم

تلميذتى بقى

maro_tatu said...

ليه بقى الغلط ده على الصبح

يا فتاح يا عليم

رومانسيه ؟

رحاب رومانسيه ؟

معقول ؟

ده اكيد اللى بيقول كده مش يعرفك خالص

ده شوفوا حتى قمه الرومانسيه انتى كاتبه ايه ؟
لاش الفاظ مش كويسه
علشان مضربش بقله فى الدماغ على طول وانت الجانى على نفسك
ممنوع كتابه تعليقات من الحشرات الضاله علشان استوردنا ابو ورده وهيشتغل

فى واحده رومانسيه تقول قله ؟
هههههههههههههه

لاء يا رحاب
كده غلط

انا لو منك ارفع قضيه فعلا

يابنتى كده سمعتك هتكون على كل المدوونات

و يقولوا رحاب الرومانسيه

هههههههههههههه
يا رحاب بمان انك اخت عزيزه عليه قوليلى هما مين و انا جيبلك حقك
مع انى عارف انك مش محتاجه حد يجيبلك حقك

اتى تاكلى بلد
ههههههههههههه

سبونا من الهزار

بصى يا ست الكل

زى ما انا بقول انتى فعلا تاكلى بلد و زى ما بقول عليكى لاى حد

انتى بنت ب 100 راجل

مش بتحبى تشوفى الغلط و تسكتى عليه

ديما بتحاولى تجيبى الحق للمظلوم

و اللى يغلط فى كلمه بتقفى له زى الاسد

انتى فعلا طيبه

مش هنسى لكى موقف مستشفى السرطان

و فيكى جانب رمانسى و الدليل الاغنيه اللى مشغلاها على المدونه
اينعم انا مش عارف هى بتقول ايه

بس اهى واحده صدعتنى و خلاص
هههههههههههه

maro_tatu said...

تتك ضربه
انتى حافظه التعليقات ؟
و انا عمال اقول تعليقى راح فين

خلتينى اعلق مرتين

لازم التعب ؟

تتك ضربه

Dr Ibrahim samaha said...

حد طايل يا شخية

إيييه دنيا

بس على فكرة معظم اختبارات الفيس بؤدى نخع :)

تحياتى

د إبراهيم

Sherif said...

كل سنة وانت طيب ياجميل

أجمل شئ فى هذا البوست .. حكمة الأمبراطورة

دمت بكل خير

عمو said...

كل سنة وانتى طيبة يا جميلة

وعيد سعيد

بس طبعا مش هجيب سرة الخرفان خالص دلوقتى ، انتى لية مش عاملالهم حظر تجول اليومين دول

:)
علشان فى خطر عليهم



كل سنة والناس كلها بخير وسعادة
(F)

for you baby said...

هههههههه طيعا هتمومتى من امبارح وعاوزه تعرفى انا مين
مش راح قولك ولا بقولك راح قول انا نورا نونا يا بطوطه يا توتا يا ابى الدلوعه
هههههههههه هموت وانتى امبارح اتصلتى على كل اصحابنا سوري عن جد حبيبتى انا كنت نمت لما اتصلتى عليا والله واخويا الرخم مقالش انك اتصلتى على الفون بتاعه
توتا عاوزه اقولك فعلا محدش عارفك غيرنا محدش حسك غيرنا انا كتير مبسوطه انك رجعتى تاني لينا وللحياه الصح وكنا كلنا مضايقين من بعدك عننا لاننا افتقدنا الحب والابتسامه والعقل اللى بترسميه لينا وجوانا وقوتك فى انك تواجهي معانا مشاكلنا
ها جاهزه للباربيكو ولا لا
هنسافر يعنى
سلمي على ايمو حبيب قلب نورا قولى له موارا ونونا وتاتو وحشتهم قوي
انت وهاتو الحلوه
مستنياكي النهارده صباح الورد والياسمين واجمل بوكيه ورد ازرق ليكي وابيض للون قلبك يا حبيبتى ويا صديقه العمر كله
هستناكي لما بتصحي تكلمينى انا فى البيت تشاووو يا حبيبى
اه على فكره اخويا الرخم اللى قالى اكلمك بصيغه ولد علشان تحتاري وانتى فعلا احتارتي وزمان الفون خلص كريديت سوري عندي انا دي يا حبيبى

Wish I were a Butterfly ... said...

خارجة حالا فمش هعرف أعلق
بس كنت عايزة أقوللك حاجتين
ضحكتيني أوي أوي:)

تاني حاجة إني بحب الأغنية اللي انت حاطاها دلوقتي أويييي

هاجي تاني :). سلام يا بيبو

قلم رصاص said...

ازيك يا أخت أبي

هي الرومانسية بقت مش حاجة حلوة ولا ايه؟

انا شايف ان الوسطية هي أحسن حاجة في الحياة في كل حاجة

يعني انا مثلا شايف ان الرومانسية زيها زي غيرها من الصفات الانسانية ..وجودها نسبي عند كل انسان

بمعنى انه كل حد فينا عنده قدر من الرومانسية ، بيختلف القدر ده من شخص لأخر حسب طباعه وظروف حياته

فيظهر لك على واحد انه رومانسي ، والتاني مش رومانسي .. كده يعني

يبقى لازم تعرفي انك رومانسية طبعا ، لكن بالنسبة او القدر المناسب لشخصية أبي نفسها

وبعدين انا عاوز اللحمة بتاعتي ياأبي هانم..انا مش ماشي من هنا اما اخدها

كلا البطه
هههههههههههههههههه

وعلى فكرة انتي كنتي ممكن تكتبيها كده برضه..كلنا البطه
هههههههههههههههه

كل سنة وانتي طيبة

HERO said...

طيب وفيها ايه لما تكوني رومانسية انا حاسس انك فاكراها شتيمة ولا حاجة وبعدين الرومانسية مش بتسبيل العين او الحاجات دي ممكن تكون بافعالك بانك تكوني على طبيعتك بانك تكوني طيبة وحنينة مدي كلها رومانسية
مش كده ولا ايه ؟؟!!!

تحياتي

Eng. Ahmed Abo El-Ella said...

ياستي رومانسيه وماله, هيه ديه شتومه يعني؟
يمكن تكوني رومانسية وانت مش واخده بالك
صدقي صدقي

حد طايل؟!!!

micheal said...

جايز يكون جواكي رومانسية مكنونة في اللاوعلي المنبثق من اللاشعور
روقي كده يا سيادة النايبة
أنا حاسس أنك بدأتي تتعدي مني في حاجات كتير
ملاقتيش الا الريس ميشو يعني وتتعدي منه
:)

البت المشمشية حلوة بس شقية said...

انا دخلت انا كمان الاختبار

لمهم انتى اكيد رومانسية لانك هادية وهو ده البدايه للخطر


ههههههه


وبعدين رومانسية بعقل ودى حاجة مش موجودة فى بنات كتير



على فكرة جبنا خروف ولونو بمبى

وكتب عليه الست ابى هانم كعب الغزال يا متحنى كعب الغزال

وهندبحو اول يوم فى العيد هاهاهاها

حسن حنفى said...

جه العيد كبير ... والخرفان بقت كتير... وهابى نيو يير ... وحاجات حلوة وطراطير .... وجاتوه ومعاه وفطير ...... والاهلى نادي خطير ..... والريس لسه قدامه كتير.... وكل عام وانتو بخير

المهم تخلي بالك من الخرفان كويس

:d

ahmed_k said...

كل سنه وأنتي طيبه يا آبي
وبعوده عليكي الأيام بخير وسعاده,
ومن منطلق تجربتي في الحياه وتعارفي على ألوان وأنواع عديده من البشر فأنتي ممكن متكونيش رومانسيه حالمه لكنك قد تكوني رومانسيه واقعيه وده أفضل لأن درجة التحمل لديكي بتكون أكبر
وحتى موضوع القلل والخرفان بتدل على طيبتك وقلبك النقي مش وحشيتك وغضبك
فمتحاوليش
قافشينك ههههههههه

همس الاحباب said...

هههههههههه
رومانسية
طب تيجى ازاى
نطح الخرفان لا يتماشى مع الرومانسية
مع ان الخرفان البمبى رومانسية خالص ههههههه
كل سنة وانتى طيبة
وعيد سعيد عليكى وعلى اسرتك

مواطن مصرى نايم said...

كل سنة و انتى طيبة يا ابى
و حنجاوب الاختبار يا كبير
---------------
1-
للتوافق

2-
المهمل فى مظهره .....البذئ....الفظ
التلاتة يا ابى
بس المظهر ممكن نغيرة و الفظاظة ممكن نغيرها البذائه بقى
الحشرات الضالة تعرف اكتر منى

3-
اذا لم يصارحك بكل شئ

4-
هل ترغب فى تفسير ما حدث

5-
هل ترغب فى مواجهته

6-
هل يدب الياس فى نفسك ....هل تقرر الا تحب بعد ذلك ....هل تتالم كثير

التلاتة برضوا يا ابى
بس اكتر حاجة اللى ممكن كل الاحاسيس تندرج تحتها

اتألم كثيراً

لا تأمن للندل ولا تصاحبه ومن السهل انك تبقى قليل الادب بس صعب تبقى مؤدب

فالجون
;)

كل سنة و انتى طيبة يا اجدع اخت فالدنيا

WhItE HeArT said...

وانتي بالصحه والسلامه

ويارب يجعله عيد رومانتيكي على حضرتك

ال اسئلة وامتحانات ال

تحياتي

Abo 7anf said...

السلام عليكم

رومانسيه وصوره سيدى يسيدى

الظهار الكوسه فى التصحيح بقت فى الفيس بوك

كل سنه وانتى طيبه

متصدقيش الكلام الفوق

طب كنتى غشيشهم وحطى اجاباتك

الفاتح الجعفري said...

سلام الله عليكم ورحمته وبركاته
كل عام وانتم بخير وتقبل الله منكم صالح الاعمال
بداية انا دائما عندي اريتيكاريا من المصطلحات بتاعة الاقاليم زي رومانسية دي مثلا انا معرفهاش ومبحبهاش
بس عامة ان طالما الانسان عارف يوجه مشاعره في الاتجاه الصحيح واتجاه كل مايرضي الله فهو اكيد علي خير اما اذ كان في اي اتجاه اخر فطبعا هذا لايرضي الله عزوجل
هو دائما الانسان طالما صادق كلامه يزعج الكاذبين والمنافقين
فنسأل الله ان يمن عليكم من فضله وكرمه
وجزاكم الله كل خير

DR.HAMAS said...

قال رومانسية قال

انتى رومانسية انتى ؟؟

ظلموكى فقالوا رومانسية

ههههههههههههه

على فكرة الأسئلة صعبة قوى

لأن كل الاختيارات محتملة

و الموضوع محتاج تركيز شديد و فعص للذاكرة

على العموم هفكر فيهم تانى يمكن أوصل لحاجة





سلام عليكم




د.حماس

hager za3bal said...

ياجميل سيبك مالفيس بوؤ دا

انا جايه اقولك كل سنه وانتي طيبه

hager za3bal said...

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒

GeHaD-----(male) said...

معلش يا ابي لتاني مره مش هقدر البوست بتاعك
انا مش عارف بتجيبي الكلام دا كله منين

وعلي فكره انتي شكلك كدا يدي علي رومانسيه بالذات الصوره اللي انتي معلقاها في الاول دي
كنت هتمسك وانا بفتح المدونه بتاعتك دي
غيري الصوره والنبي

كل سنه وانتي طيبه
والخروف البومبي بيسلم عليكي

زهرة الجنة said...

هو في حد يطول يكون رومانسي
وبعدين كل الرومنسيين بيحبوا اللون البمبي (:
تبقي رومانسية والا لا؟ هههه
كل سنة وانتي طيبة
وعيد سعيد عليكي

Z_Diva said...

bosy b2a ya o5tchy sebk inty men elfake bo2 we imt7anato el5oza3blya de, bas elo3'nya elly inty 7taha "From Sara with love" ana bamout feha we ashkork b3onf 3alha walahy :D

ama belnsba lilistm7an da, brdo elfake bo2 elm7wel tal3ny b7b 3la nfsy, may3rfnesh elmawokous :D

وومن said...

برعي المفش إليك هذه الحقيقة المهمة

انت رومانسي رومانسي رومانسي

ومش لازم يعني تخديها علي انها رومانسيةمن بتاعتة مننييييييييييييي
احمااااااااااااااااااد

لا خوديها علي طيبة قلبك وحنيتك واسأليني انا علي حنيتك

برعي انت حونين يابرعي وبتدلدق حنية

تعامل مع الموقف بحكمة

كل سنه وانتي طيبة

كل سنة وانتي منورة

كل سنه وانا حتة واقعه منك

بوسات كتيريات كتيرات

هاروح اخد التست واقولك علي النتيجة

سلام يا قمر

النجمة الصامدة said...

كالعادة

آتي هنا من البعيد

لاستنشق بعض البهجة

ربنا يحفظك يا ابي يارب

كل سنة وانتي طيبة يا عسل

بجد وحشتيني ووحشتني كتاباتك

دعواتك ليا

عاشقة القمر said...

كل سنه وانتي طيبه ياقمر


رومانسية واقعية
مالوا رومانسيه
مادام انيك انيك
هاديه
مره من بوست عرفت انو بتخبي البحر هههههههههه اكيد رومانسيه بس


...................

صعب جدا تلاقيني
أنا جوهر بحر مكنون
أنا لوتقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد يا خلي
أنا كلي
بكل وصفي
بكل زيني
عجزت أوصل
ربع زينك

t3ban said...

انا عمري مكنت رومانسي
مش عارف ليه
علشان كدة مش حدي لنفسي الحق اني اجاوب علي الأسئلة
معني نفسي اجاوب والله
بس عموما انا عايز اقول
كل سنة وانت طيبة و اقرب الي الله

Love-Guru said...

و هي الرومانسية تهمة ؟ بداخلنا شئ جميل يمكن ان يضفي الدفئ في علاقتنا و لكن للاسف نكبت هذه الرومانسية لانها اصبحت تابوو اجتماعي يدل علي الضعف و عدم الواقعية و المراهقة العاطفية. فلتتحرر الرومانسية من كل القيود و مرحبا بك في عالم الرومانسيين

Love-Guru

الطائر الحزين said...

كل عام انت بخير

الاجابة بعد العيد ان شاء الله

بنت الاسلام said...

بصراحة يارحاب ليكي حق تنكري الرومانسية حتي لو فيكي اصلها بقت عار في الزمن ده بجد

كل سنة وانتي طيبة ياجميل

ونرجع نجاوب علي اسئلتك الرومانسية

!!! عارفة ... مش عارف ليه said...

بعيداً عن الرومانسية :)

-------------------

كل سنة وانت طيبة

وعيد سعيد عليكي إن شاء الله

جمعاوي صاحب "عيادة أسنان" said...

السلام عليكم ابى
ايه الرومانسية دى كلها
وايه الاختبار الكبير ده ؟!!!بجد بوست حلو اوى بس بصى بقى انا فعلا الحورات دى ببعد نفسى عنها وان شاء الله بوستين كده وهانزل حاجة عن الموضوع ده
------------
لا تأمن للندل ولا تصاحبه ومن السهل انك تبقى قليل الادب بس صعب تبقى مؤدب
-----------------
مش عارف ماشية معايا بالعكس ليه
طيب تعرفى وما لكيش على حلفان لسه واحد مبهدلنى من يومين علشان اقل ادبى شوية بدل ما انا مؤدب مع الناس كلها كده...على العموم خير

كل سنة وانتى طيبة والاهل جميعا ويلا سلام

بحبك يامصر said...

بكل الرومانسيه كل سنه وانتى طيبه

محمد ابراهيم said...

السلام عليكم
اولا كل سنة و انتي و كل اخواتي المدونين و المدونات بخير
ثانيا نيجي للموضوع الي بتتكلمي فيه ده
الرومانسية ممكن تكون موجودة جوانا مش لازم تبقي باينة في كل حركة و كل كلمة بتبقي في حياتنا
مش بالضرورة

تحياتي
محمد

صاحب المضيفة said...

رومانسية رومانسية بجد


انا متأكد من كده طبعا

:):):):)

ربنا يزيدك رومانسية واحلام

كل عام وانت بألف خير وعافية


تحياتي

جعلوني مريض نفسيا said...

كل عام وأنت والأسرة والأمة الأسلامية بخير

حـــــدوتـــــة said...

السلام عليكم

يا سيتى رومنسية ولا مش رومنسية
المهم كل سنة وانتى طيبة

سلالالالالالالالالالالالالالالالالالالالالالالالالالالالام

المحارب المتيم said...

آبى

انا طبعا مش هفكر أجاوب على الاسئلة

بس انا بحب أشير الى حاجة

لفظة رومانسية مش كلمة عربية

المهم ان معناها العربى العاطفه

لفظة العاطفة لفظة سواحة

يعنى ممكن تتفسر بأكثر من تفسير

المهم
ان فى الزمن ده قالوا على الانسان اللى بتحكمه مشاعرة رومانسى وده غلط
لأن الرومانسى لا ينفى العقل أطلاقا

بس بيحاول يخرج سلطة العاطفة للنور

ومبيبقاش مادى

وبعيدا عن تحليلات فى الادب والتاريخ

انا هقولك الخلاصة

الأنسان الغير مادى الطيب الهادى

اللى بيحب الناس على طبيعتهم واللى

بيحاول يعامل الناس بعفوية

كل دول عاطفين مع الملاحظة ان كلمة عاطفى كلمة كبيرة
ومهياش بالفهم اللى الشباب فاهمينه
وده طبعا مع وجود العقل فى كل شئ
يعنى ابراهيم ناجى كان رومانسى وهو دكتور
وعلى محمود طه رومانسى وهو دكتور

وأحمد شوقى رومانسى كلاسيكى

ده غير كتابات أدباء زى محفوظ وعبد القدوس
وغيرهم

مع الايمان ان عقلهم علمى والالف الف والباء باء

تحيتى يا رومانسية

المحارب المتيم said...

نسيت

كل سنة وانتى طيبة وبخير وبسعادة

أكتشف الاطباء خطورة أكل الكير من اللحمة خاصة فى الاعياد
على القلب والجهاز الهضمى والكبد ده غير الوزن الزايد اللى بضيفه لحمة الخرفان لما تحتويه من دهون وكوليسترول

صدقينى كدابين

هههههههههههههه

كل سنة وانتى بكل خير

ضــى القمــر said...

هههههههههههه
شكلك انتى اللى رافضه الرومانسيه .
بس الحكايه مش حكاية رومانسيه وهيام وبس .
لكن اعتقد أن الجمال أنك حابه طباعك وبس . سواء رومانسيه او لأ
فالاهم هو صدق احساسك .

أما اجاباتى .. فلى عودة لها .. لأن انا بصراحه بعشق الأسئله جدااا

واجمل تهنئه للعيد لكِ اختى

كل عام وانتِ بخير يا قمر

شباب روش طحن said...

يا رتني كنت عرفت يعني إيه رومانسية

لكمن للأسف الحياة ما أدتنيش وقت أحس فيه

لكن وعشان اكون صريح معاكي برضه

زمان عشت الرومانسية أو كنت رومانسي لكن وبعد فترة بقيت واحد تاني خالص
بحب أفكار وأشياء ومعاني وجمادات وبشر أموات
لكن بشر أحياء لأ

طـــائر الليــــل الحـــــزين said...

بجد مدونتك جميلة جداااا
واجمل ما فيها انها واضحة وبتتكلمى فيها بطريقة بنتكلم بيها كلنا
وبجد انا حبة اضيف للنتيجة بتاعتك ان شكلك بنوته جدعة جدااا
وشقية كمان بتحب الناس والحياة
وكمان بتحب تدارى رومانسيتها
عشان كده بتقول انك مش رومانسية
بالعكس هو ده الصح اننا نبقى رومانسيين بس طبعا مش فى كل الحالات
اكيد زيارتى دى مش هتكون الاخيرة
وكل سنة وانتى طيبة
واضحى سعيد عليكى وعلى الامة الاسلامية كلها
تحياااااااااتى

mahasen saber said...

ده المفروض اجاوب على الاسئله دى بينى وبين نفسى
ولا اجاوبها وانا قاعده اذاكر لابنى ههههههههه
الحمد لله امور الرومانسيه دى اتمسحت بمية نار من حياتى والامور بقت كولد وكول برضه

بس انا ابصم بالعشرين انك برغم لماضتك الا انك بتشعى رومانسيه حتى ولو قاعده وسط الخرفان

mahasen saber said...

كل عيد وانتى بالف خير يا رحاب
وخرفانك زيدين مش ناقصين بغم الأضحى
ومتنسيش خروف هديه لبيرو

ويا رب كل ايامك تكون اعياد
وعيد سعيد وجميل وهادى عليكى وعلى اسرتك وعلى اختك الجميله وعلى كل من تحبين

ahmed_k said...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

RaRa said...

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

«۩ AhMeD 3LaM۩» said...

والله حضرتك دماغ بالاغنيه الي شغاله دي انا بسمعها كتير

كل سنه وانتي طيبه يا آبي ويارب السنه الجايه تعملي كل الي نفسك فيه وخصوصا خصوصا يبطلو دبح الخرفان الي انا بردو بحب اتفرج عليهم وهما بيدبحو هههههههه

ghorBty said...

قال النبي صلى الله عليه وسلم "خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك، وله الحمد، وهو على كل شيء قدير"

كل عام وانتم بخير والامة الاسلاميه بخير وسلام

دمتم بخير

أليس في بلاد العجائب said...

كل سنة وانتي طيبة :)

دوختيني علشان الاقيلك حاجة تنفع يوم الخميس :)

شوفي دي كده يمكن تعجبك :)
http://coolest-birthday-cakes.shippony.com/images/animals/lambs/lamb-cake-03.jpg

ربنا يجعل عمرك في الخير يارب ويديكي اللي يرضيكي ..ملقيتش بمبي مشيها موف واعملي مش واخده بالك :)

حسام وريمان فى هاكونا مطاطا said...

السلام عليكم


عجبنى اوى خروفك البمبى ده يا آبى


كل سنه وانتى طيبه يا قمر

بس ايه الاسئله الجامده دى

؟

هههههههههه

اسئله محتاجه لاجابات جرئيه

بس والله انتى بجد شخصيه جميله اوى ولذيذه

والرومانسيه شىء كويس على فكره

مع كل تحياتى

وعيد سعيد عليكى

محمود الدوح said...

ابى هانم
كل سنة وانت طيبة
بصراحة انا مش داخل هنا لوجه الله
انا قلت بما اننا فى العيد الكبير
او عيد اللحمة على راى الصباغ
ومحتاجين اضحية
قلت اجى عندك
يمكن تدينى خروف هدية اضحى بية

عندك خرفان زيادة ؟

نيجار said...

كل سنه وانتي طيبه يا آبي
وعيد سعيد عليكي وعلى كل اللي بتحبيهم
بس تصدقي أنا كمان حاسه انك رومانسيه مش عارفه ليه
تحياتي ليكي

Oss said...

كل سنه وانت طيبه يا آبى
ويارب دايماً تكونى بصحه وسعاده
انت وأهلك وأصحابك وحبايبك وخرفانك
:)

وبعدين ازاى مش رومانسيه
عماله تقولى خرفان ومش خرفان
لأ رومانسيه مستتره تحت غطاء
وهاجرى علشان ماخدش قله فى دماغى
:)

تحياتى

هى فوضى said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

هى فوضى said...

ماااااااااااااء مااااااااااااااء
مااااااااااااء مااااااااااااااااااااااء ماااااااااااااااااااااااااء


عيد سعيد
وكل عيد اضحى وانت بخير
وان شاء الله العام القادم على عرفات متجمعين

Eman said...

عيد سعييييييييييييييييييييد يا آبي

وحافظي علي خرفانك الأيام دي خطر عليهم :)

وخصوصا الخروف اللميض البمبي

esraa said...

كل سنة وانتي طيبه ياجميله
ويارب يكون عيد سعيد عليكي

كاميليا said...

غاليتى اابى

كل عام وانتى بخير

كل عام وانتى سعيدة .. فى مكانك فريدة

عيد سعيد عليكى وعلى اسرتك الكريمة
وعلى كل احبابك

بحبك اوى

نهر الحب said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

نهر الحب said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

ضد التيار said...

كل سنه و انتى طيبه ياقمر

ماتنسيش بقى عديتى من الخروف البمبى

احم احم اقصد البننننننننننننننى

معلش اصل الكيبورد عندها عمى الوان وشقيه

:D

و مالها الرومانسيه دى حتى شاحه فى السوق

يعنى انتى عمله نادره

لا بجد يآبى نتكلم جد

انتى فعلا شكلك رومانسيه و اعترفى بقى

الانكار مش هايفيدك

المحارب المتيم said...

كل سنة وجميعكم بخير

كل سنة وجميعكم فى سعادة وهناء

كل سنة ونحن أوثق وأقرب

جمعنا الله معا على عرفات

klmat said...

انتى انسانه جميله وواضحه وبتقولى اللى فى قلبك. كل سنه وانتى طيبه ومحبوبه من الكل
ويحقق كل امانيكى
عيد سعيد

semsem said...

.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
::: (\_(\ ...*...*...*...*...*...*...*...*...*...*...*...*
*: (=' :') :::::::: Happy Ad7a :::::::::::
•.. (,('')('')¤...*...*...*...*...*...*...*...*...*...*...*
¸.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•

زوجه said...

السلام عليكم
ازيك يانسه ابي
كل سنه وانتي طيبه وبخير يارب
وإن شاء الله السنه الجايه تكوني حققتي كل اللي تتمنيه انتي وجميع الاسره
تحياتي

حاول تفتكرنى said...

كن مستقيما ولا تنظر إلى ظلك الاعوج

تحياتي

حاول تفتكرنى said...

كن مستقيما ولا تنظر إلى ظلك الاعوج

تحياتي

mado80 said...

كل سنه وانتي طيبه يا آبي
كل سنه وانتي بالف خير
:)

عاشقة القمر said...

لايزال اللأوفياء اللأقرب الي الانبياء من غيرهم وأنتم لكم في الوفاء مثل أعلي فهنيئا لكم
لنا بكم بالصحه والعافية
كل عام انتم بخير.....

tamer.sala7 said...

كل سنة وانتي طيبة وانشاء الله السنة الجاية تكوني اتجوزتي بقي علشان نخلص

سؤال رفيع :: هو انتي لسة عندك خرفان ولا بعتيهم ؟؟

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

كيكى said...

اييييييييييييييييييييية يا ابى
هى بقت تهمة ولا اية انك رومانسية
؟
دورى كويس بس وانتى هتلاقى نفسك رومانسية مووووت
(`'·.¸ (`'·.¸*¤* ¸.·'´) ¸.·'´)
♥*** happy feast ***♥

عووووووووووووو(¸.·'´ (¸.·'´*¤* `'·.¸) `'·.¸)

مواطن مصري said...

كل عام و انتم بخير

wanna b a physician said...

كل سنة وانتى طيبة يا اببى يا وحشه ياللى مش بتسالى على حد بس يلا سماح بقا عشان الخروف بتاع العيد
عيد سعيد عليكى يارب وان شاء الله المرة الجاية على عرفات باذن الله

tarek alghnam said...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد
كل سنه وانتى متألقه ابى

انا ودماغي said...

آبىىىىىىىىىىىىى

وحشانى أوى اوى أوى

كل سنة و أنتى طيبة يا رب و عيد سعيد عليكى إن شاء الله

مووووووووووووووووووووووووه

سنووايت said...

(`'·.¸ (`'·.¸*¤* ¸.·'´) ¸.·'´)
♥*** عيــــــــد سعيــــــــــــــــــد ***♥
(¸.·'´ (¸.·'´*¤* `'·.¸) `'·.¸)

دعاء مواجهات said...

كل سنة وانتى طيبة ورومانسية زى ما انتى ياقمر

ههههههههههههههههههه

وحشاانى يابنتى

shabfa2re said...

انا رومانسى خالص
طويل - ابيض - مرح
اشارك فى الاثاث

ňįĝŗő said...

آآآآآآآآآآآآآآآآبي
إزييييييييك يا رحوبة
أخبارك إيه؟
يااااااه
من أد إيه ماجيتش هنا؟
من كتييييير
كل سنة و انت طيبة يا واد يا أبو قلب أبيض يا رومانسي يا كبير
قصدي يا واد يا شرير ياللي مش رومانسي خالص

كل سنة و انت طيبة يا رحاب
ألف مليون مبروك لأختك
هي طبعاً جاية متأخرة
بس أنا أساساً كلي على بعضي جاي متأخر


كل سنة و انت طيبة يا آبي
ربنا يا رب دايماً يرزقك بالفرحة و السعادة و الهنا



يلا سلام

MAKSOFA said...

ماهو الإنسان المحترم الصادق مع نفسه ومع الآخرين والطيب بيقولوا عليه رومانسي لإنه أصبح عمله نادره

1==المشاعر المتبادله، التوافق ثم المظهر

لإن الأرتباط لايمكن أن يتم بناء على صفه واحده أو وسيله واحده


2===البذيء والفظ


3==ذا لم يعطي لي الأهتمام

4==أرغب في تفسير ماحدث

5==أرغب في مواجهته أولا ومن ثم الأشياء الأخرى

6=أتألم كثيرا

قوس قزح said...

كل سنة وانتى طيبة
و عيد سعيد عليكى

و على السريع كده
المشاعر المتبادلة
البذيء
لم يصارحنى بكل شىء
ارغب فى تفسير
مواجهة الكل
اتالم كثير

أنا حر said...

اي يا ابي الزعل ده كله على فكرة كونك رومانسية د حاجة مش وحشة قوي كده زي ما انت متخيلة
انا عن نفسي بحب الرومانسية والناس الرومانسيين قوي ودول اكتر ناس بقدر افهمهم واتعامل معاهم
عموما مش تضايقي نفسك يا قمر وكل سنة وانت طيبة
تحياتي

اقصوصه said...

كل عام وانتم بخير :)

الجنوبى said...

منعا لاستخدام ابو وردة وتنفيذا للامر بالتخريف فخدى عندك

انتى لو حسبتى الموضوع من الجانب الفسيولوجى هتلاقيه جائز عند الامام ابو حنيفة ولايحرك لكى ساكن قول الحاقدين ان الجانب اللامعقول المتلاحق من البؤرة الاصلية الغير متقاربة المربعة يمكن ان تتفق باى حال من الاحوال مع التطيب النضيف تحت السرير

هذا وبالله التوفيق

كل سنة وانتى طيبة


عمرو

enjy said...

كل سنة وانتى طيييييييييييييييبة بيب بيب بييييييييييييييييييب العيد فرخة مااااااااااااااء....كل سنة وانتى زى الفل يا ابى يا عسسسسسسسسل

انسان وبس ! said...

كل سنه وانتى بخير

my dream said...

ابي كل سنه وانت طيبه
مرتين مره علشان العيد ومره علشان عيد ميلادك
من بوستاتك واضح انك انسانه محترمه وكمان حالمه
بين قوسين (رومانسيه)
مه حبي
مروه

أحمد سعيد بسيوني said...

بسم الله

كل عام وأنتم بخير
كل عام وأنتم الى الله اقرب
كل عام وانتم على طاعة الله ادوم

كل عام والامة العربية والاسلامية عزيزة حرة شامخة

دمتم بخير

الراقـــص مع الذئـــــاب said...

السلام عليكم

كل سنة وانتي طيبة

محدش واخد منها حاجة...هي يا بنتي الكلمة الحلوة اللي بتبقي

كل شئ بيمشي ويروح

وعلي رأي المثل

اكفي القدرة علي فمها...يحتار عدوك فيك

بس انتي بس خلي بالك من نفسك واللي يزعلك بأي قلة علي طول

إيما ( أم البنين) said...

عيد سعيد عليك وعلى كل المسلمين
مفيش مانع تبقي زي ما بتقولي ورومانسيه برضو دي صفه جميله في المرأه المهم تلاقي إللي يقدر الرومانسيه دي ده مهم جدا ..أنا قولتلك أهو
تحياتي

~*§¦§ Appy §¦§*~ said...

كل سنه وكلكم طيبين وبخير يا رب مع انكم كروتونى ومحدش جاوب كتير بس يالا علشان العيد

فاروق مش هرجع لمكان عامل زي قاعده الشيلت والمصاطب ومفيش فيه اي جديد يا روقه غير قاعده النميمه وتصفيات شخصيه حقيره

كل سنه واللى بعيد وقريب طيب يا رب

والناس الجديده منوارنى اول مره ويا رب متكونش اخر مره