عادتهم ولا هيشتروها

على فكره انا عملت خطه وهجيب كلب شبه الكلب اللى موجود ده بس ادعولى بقى عااااااااا اصل اصحابه ناس صعبه شويه




خروفى البمبى :- تعالى اقولك حاجه بسرعه يا جنونه هانم


ابى :- يا صباح قله ادب يا بنى مش قولنا نتلم علشان العيد قرب والناس عينهم اصلام اصلام عليكوا

ثم انا كنت ربطاك فى الكنبه وقفله بقك بقالى فتره ايه اللى طلعك بقى انت محرمتش من المره الاولى



خروفى البمبى :- استنى بس لما روحتى بؤجه الخير ورجعتى كنت اطلعت على الاخبار وشوفت خبر وفاه بنت ليلى غفران وصحبتها وشفت حاجت ياااا يعععععععع جابت ليه هرش وبقيت عاوز انطح انتى شوفتى الخبر شوفتى مرتزقى الصحافه والدلاديل بتوعهم




ابى :- والله عال خروف مثقف صحيح ادي اخره دلعي فيكم ايوه شوفت وجابت ليه ترجيع بعيد عنك ايه الخرف ده اللى بيكتبوا هما مالهم يا خويا ومال بتعمل سهره ولا بتشرب هما ليه بيخوضوا فى اعراض ميتين بدل ما يعاقبوا الجانى هيعلقوا البنات ويبقى بدل ما نقول البقاء لله نقول احسن يستاهلوا ده اللى عاوزينه




خروفى البمبى :- خرف خرف انتى بتشتمي تفكيري طيب مش هكلمك ولا اقولك لا علشان انا متغاظ من الصحافه دي ومن الناس المهبلتيه دي يعنى زي ما قولنا قبل كده مقياس الصح والغلط فى كل طبقه له اوضاعه ليه بنقيم الناس ونقول ابوها بيبعت لها وامها سيباها




ابى "- طيب طيب سد سد افصل فيه ايه بطل انا اسفه مهبلتيه اسمها مهللتيه يا منيل على قرونك دي وبعدين طبقات ايه واستك ايه استنى بس هى القضيه مش كده زي ما قولت لناس انها فكره نفسنه على الاقل ورخامه على الاعلى اولا البنت مش ذنبها ان اهلها اغنياء ولا ذنبها ان امها مشهوره والتانيه اهلها بره اهلها غلطوا انهم سابوها علشان القرش بس ميديش الحق لحد يخوض فى اعراض وعلى فكره الظباط اللى بيعينوا اول ناس بتدور على فضايح علشان يريحوا دماغهم ويقلك دي مشبوه




خروفى البمبى ":- ايوه صح كده يا لهوي لو كنتي بقيتى وكيل نيابه ولا ظابط يا ساتر عليكي ااااي من غير ضرب استنى زي ما خلاص اتفقنا قبل كده ان الحقايق بتختلف من مكان لمكان ومن شخص لشخص العيب بقى فى اللى بيقعدوا يجيبوا سيره الناس بالبطال والوحش والكويس اصلا ليه مش كل واحد يحط خيبته فى جيبه ويقعد يتفرج عليها ولا يصلحها




ابى :- يا لهوي انت عاوز الناس متتغلش بالاوشعات وتصدقها تبقى عبيط ولا حد يشخصن الموضوع ويطلع عقده على الاغنياء ولا ينفسن على الفقراء ولا يتنطط على نفس طبقته تبقى لسه معرفتش يا خويا نفوس البشر عااااااااا




خروفى البمبى :- طيب سد سد احنا هنقضيها عياط هتعملى ايه قولى اللى جواكي وسيبى اللى عاوز ياكل نظريه المؤامرة والشخصنه فى سندونشات هو حر واللى عاوز يشغل بلوتوث مخه يبقى اهلا وسهلا واللى يقفله يبقى هو الجانى على نفسه




ابى :- اسم الله عليك ايه النبهاهه دي جاتلك منين على العيد يا كميله انتى عموما المجتمع على راى بنت القمر الواحده تبقى متلخفنه فى هدومها بس فى النهايه لو رجعت متاخر شويه لاي ظرف ياكل فى لحمها اي حد




خروفى البمبى :- النبى ما انتى عارفه قيمتى دا انا قيمه وتنيه ههههههه بس عارفه اللى عايش عنده لسان يرد انما اللى مات ده ملهوش حد يرد عموما انتى عامله ايه دلوقتى هتجيبى الكلب ولا هتستكفى بيه




ابى :- هههههههه قول كده اه هجيب لا تكلك مش هيعمل فيك حاجه وعلى فكره اللى قالوا دول مدمنين عاوزه اقولهم انتم مكنتوش معاهم ويا ريت برضه كمسلمين ومسحيين واي حاجه نراعي ان الموت له حرمه وربنا على الظالم والايام بتلف ولازم كل واحد يطلع فيه القطط الفاطسه والادمان مرض يا ريت ندعي ان الناس تخف منه منعايرهمش علشان الايام بتلف والكره الارضيه بتلف والشتسمه بتلف وكل حاجه بتلفه وتلزق فى وش اللى قالها




اما عنى انا كويسه جدا وقيمت حاجات كتير فى حياتى اوي وعدلتها متقلقش انت عارف انى مش بتهد يا ابو لسان طويل يالا قوم فذ من هنا بدل ما اصدرك لحد محتاجك






خروفى البمبى :- بكره تندم يا جميل نيهاهاهاهاهاا


ابى :- طيب خد لك ساتر سامعه بوحه بينادي على خروف تايهه ههههههههههههه



فى النهايه انا وهو عندنا حق ولا بنهيس




شكر واجب :- لكل الناس اللى حضرت بؤجه الخير وساهموا وجم من سفر ماما اموله مبسوطه اوي انى شفتك وفخوره بيكي بابا ابو خالد مبسوطه انى سمعت صوتك ايناس وبتوع بورسعيد اللى بعتوا واللى جم شكرا شكرا خيخه موتنى من الضحك حرام عليكى دوللى تعيشيى وتاخدي غيرها ههههه مونى ربنا يخلى لكي ولادك احمد اللى جه من الغردقه اثبت ان الصعايده طول عمرهم رجاله بجد كل اللى شارك سواء بعت او جه بشكركم اوي ربنا يجعله فى ميزان حسانتكم يا رب سنكره معلش تعباك انا وبطوط معايا




حكمه الامبراطوره



اصحاب العقول فى العباسيه حد جااااي

65 اخبط وقول رايك:

لورنس العرب said...

هاموت وأعرف ازاي الخروف يبقى بمبي




راجع لك تااني

Dr Ibrahim samaha said...

بس هنعمل ايه هى الدنيا كده

فيه ناس بتاكل عيش من كده نقولهم لا؟!

د إبراهيم

مصــــري said...

آبي هانم

ايه الأخبار دي كلها

أنا مش متابع موضوع بنت ليلي غفران ده
بس اللي أقدر اتكلم فيه
هي صحافة الموالسة
من أول أسامة سرايا وكرم جبر
لحد عبد الله كمال وممتاز القط

انا مش عارف الناس دي جابت كماية النفاق دي منين

مهبلتية زي ما الخروف بيقول
بيتهيألي لأ
دي ناس عارفة هي بتعمل ايه
بيسوسوا دماغ الشعب
وبينخروا فيه ولا أجدع قراضة خشب

يعني سابوا غزة وماعليها ومسكوا في سوزان ومن بعدها بنت ليلي.

أنا مش باكره الموتي دول ربنا يحاسبهم بقي
بس كمان هايحاسب الوالسين والمغمضين عيونهم دول.

تحياتي
أسامة

Eng. Ahmed Abo El-Ella said...

خروف وبمبي
وده يدبح على انهي مذهب ده؟

همس الاحباب said...

هههههههههه
كله ده يطلع من خروفك البمبى
والله طلع خروف عاقل وعنده مخ احسن من الخرفان التانية
الصحافة دى اكل عيشهم اللت والعجن والخزعبلات
ربنا يهديهم
وكل سنة وانتى وخرفانك طيبين

maha zein said...

اممممممممممممممممممممم
هو فعلا ذي ما نتي بتقولي الناس مبقاش ليهم سيرة غير اعرضا الناس
ودي ماتت ودي كلها قطر ودي جوزها افشها مع الزبال فغزها خمس غزات
يعني
بيتهيقلي عدم النم والظن يمكن يكون الاصح للناس ولينا
عموما ربنا يرحم موتي المسلمين عادي
وربنا الاعلم بيهم

جنّي said...

تعرفي الناس دي في منتهى الهبل بسهولة شديدة يرتكبوا افظع الذنوب بكلمة سهلة تخوض في اعراض الناس ..

ومعاهم كمان الصحافة الصفرا والوشوش الصفرا والقبيحة التي تنشر الفضائح لتجني المال ..

اما خروفك البمبي هاتيلو بوحة يسلخ فروته وتبرعي بها وسيبيه من غير فروة .. بس تصدقي دا طلع خروف راجل وجدع كمان ..
سلام

ست البيت said...

منورة يا آبي

وميرسي على التهنئة اللطيفة دي

وربنا يجعل كل دا في ميزان حسناتكم

نفسي اجي القاهرة
ان شاء الله
يمكن على لاسنة الجديدة

عاشقة القمر said...

ياينتي انا من امس مستيك تنزل بوست تكون عن امس كيف كان يوم تجاي تقولي خروق بمبي وكلب هههههههههههههههه
بجد انا مبوسطه جدااااااااااااااااااااااامنكم بجد امس قالت لي نفسي ياريت لوكنت في مصر
ربنا يجعل في ميزان حسناتكم


ام نسبه ايه خروف مثفه داه هههههههه

بس مش عارفه قصة القتل داه ايه مثل احنا في بلدنا خلال 15 يوم كان في ثلاثه جرائم قتل شهر فات ايضا
ام اعراض ناس يقيت بسهول ناس بتنسي عندهم بنات اي احد يتكلم في عرض ناس اهحصلوا في اقرب ناس ايه
عارفه ابي داه علامة ساعه
ربنا يهدينا جمبعا
..................


علي فكرها عايزه قوليك حاجه
بس مشعارفه اهتنفع معاكم
ولالا
احنا بنعمل هنا كل واحد يتبعر بفلوس لوقيلي لوكثير
بنروح نشتري الخروف ونذبحو نقسموا علي
الفقر اي دارالعجز هي دارالايتام
يلا شوف اهقدرو ولالا ربنا يقدركم علي عمل الخير

Mohamed Hamdy said...

ابى
للاسف حال الصحافه فى مصر فعلا لا يسر عدو ولا حبيب .. انا بس عندى امل قوى فى جيل الصحفيين الشباب .. الى بتشرف بالانتماء ليهم اننا نقدر نعمل حاجه تغير مسار الصحافة دى .. عاوزين نطلع بيها من مستنقع صحافة الاسترزاق وصحافة المكاتب لصحافه تانيه احنا الى بنحلم بيها وبنحط قواعدها

تحياتى ليكى .. وابقى إنعمى عليا بتعليقات اطول شويه على بوستاتى عشان بجد رأيك يهمنى :) :)

سلام

mahasen saber said...

لا اله الا الله
ربنا يرحمهم
انا معرفتش خالخبر ده الا عندك
بس مجتمعنا لا يحسد فى الخوض فى اعراض اى حد حتى ولو اعراض البرد

وطبعا طبعا اى ست فى نظره مشيها بطال وسلوكها مشين الا اذا بقت فى جيب راجل
ويا سلام بئه لو الست او البنت دى مش محجبه يا سلام هيمصمصوا فى سيرتها للصبح مع ان الاخلاق لا بحجاب ولا بغيره
انا اعرف منقبات عايزين محرقةهتلر
واعرف مش محجبات احسبهم على خير وان مكانهم فى الجنه موجود

ربنا يرحمهم برحمته الواسعه
ويصبر مامتهم واهلهم

...اما اليوم الجميل ده كان نفسى احضر انا وابنى بس انشغلتقبلها واليوم ده كان يوم سبوع بنوتة اختى
عقبال البلوجر جميعا

adel said...

ههههههه انا ىعاوز خروف ازرق زي البمبي بتاعك

و بعدين هو جديد علينا الصحافة دي ... ده لسه قضية سوزان تميم شغالة و جبوا سيرتها بكل حاجة ... علي اساس انهم كانوا عايشين معاها ... و ادي كمان بنت ليلي غفران .... هيقولوا عليها نفس الكلام ... هي دي المهنة ... سمير رجب كان عامل فيها معلم و يشتم في كل واحد شوية ...و اول ما خد استمارة 6 ادلوه كلهم علي قفاه و فين يوجعك ....ولا نسيتوا حكاية الجاكوزي ههههههه

كفاية كده نجيب في سيرة الناس
:):)):)

عادل
http://elbald-dy.blogspot.com/

أخـــ مسلمة ـــت said...

فيه ناس كده
عايشة علي صحافة الفضائح
ربنا يهديهم
ويخليلك خروفك البمبي

مواطن مصرى نايم said...

باشا طول عمرك
و لا تطلع منك حاجة غلط ابدا
اذكروا محاسن موتاكم
عندك حق فعلا يا ابى
و الكلب شكلة جميل
لو التانى شبه يا بجد يستاهل الخطط
و ربنا يجازيكى خير يا رب على كل الاعمال اللى بتقوموا بيها يا رب

ماما أمولة said...

ازيك يا ابي وحشتيني كان نفسي تكملي اليوم معانا

معلش المرة الجاية ان شاء الله

ربنا يرحم امواتنا

ويهدي كل صحفي مالوش غير الكلام الفارغ

ويهدي نفوسنا

اللهم امين

عاوز عروسه بالمقاس said...

ربنا يقدركم على فعل الخير
موضوع البنت اللى ماتت دا اثر فى الواحد قوى مش عشان البت معرفه ولا من بقيت عيلتى لا عشان فى سته اكتوبر والواحد معسكر هناك

عاوز عروسه بالمقاس said...

تقبلى مرورى مدونه طازه لسه بس قريت كتير من المدونات قبل ما اقرر اعمل مدونتى

اقصوصه said...

loooooooooooooool

خاروفك الوردي ينطق بالحكم

ما شا الله عليه :)

تدوينه ممتعه

خاصه بوجود خروفك الوردي فيها:)

تقبلي مروري

البت المشمشية حلوة بس شقية said...

هههههههههه طب ربنا يخليكى لو لقيتى خروف موف هتيلى عشان يكون على الموضة او يكون اصفر فى اخضر عشان انا عايزة اعملو كلب واركبو وابقى نورى مدونتى

الفاتح الجعفري said...

لا حول ولاقوة الا بالله
المشكلة فعلا ان في صحفيين بيسترزقوا من الحجات دي ولا يعرفون انهم بتلك الاشياء القذرة يدمرون الناس ويهدمون بيوت ويحرقون قلوب
فمثلا عندما يكتبوا عن انسان ميت هذه الاشياء ويراها اهله واقاربه
فتخيلي حالهم
او مثلا عندما يهاجموا شخص فوق صفحات الجرائد
فتخيلي شكله وشكل اهله واولاده واقاربه امام الناس
فعلا شيء صعب جدا
وقد قال رسول الله صلي الله عليه وسلم
"من تتبع عورات الناس تتبع الله عورته"
ومن ستر مسلم ستره الله
ثم لاشفاعة في الموت
--
وجزاكم الله كل خير

رندا said...

انتــِ هتجيبى كلبــ على العيد يااابى ,,هيكون لونه بمبى برضة هههههه
كل سنة وانت طيبة يااجمل اابى وقلبى وروحى
بحبكــِ

الطائر الحزين said...

كل نفس بما كسبت رهينة

ربنا لا يؤاخذ أحد بذنب أحد


=========
ربنا يقدركم على فعل الخير

اسامه عبدالعال said...

سوزان تميم لما ماتت لقيت خبر بيقول ان الدكتور بتاع المعمل الجنائي اتفاجا ان جسمها كله سليكون خلونى عملت صوت بعمله وانا نايم منتهى السفاله ان حد يتكلم عن حد مات كده وبعدين كل واحد حر يسهر يسكر اللى كان بيديها فلوس يروح ياخدها
حاجه تقرف

الشنكوتي الكبير said...

وان جالك الطوفان حط ولدك تحت رجليك

معرفش ده ايه علاقته بالموضوع بس جه على بالي وخلاص وانا هاكتب التعليق

بصراحه الجو هنا سقعه وغامق كده وفي جو حزن مش عاجبني
صحصحي كده واتنشطي وكبري دماغك
اما بخصوص الخوض في اعراض الناس دي طبيعة البشر وشهوه عند الناس زي باقي الشهوات وعلشان كدره ربنا حرمها تحريم شديد زي كل الشهوات الوحشه
ربنا يهدي الناس
لكن لو مكانتش الناس عايزه تسمع ده وتتشفى في الأغنياء اللي بيشوفوهم قدامهم عايشين احلى عيشه مكانش الجرايد تكتب ده
خدي بالك من نفسك
واشربي الشاي في الصالون يا اختي محبكش تاخدي برد وترقدي وتصدعينا بعطسك بقى وبرابيرك

سلااااااااااااااااااااام
اخوكي ايهاب

Founoon said...

وتحسبونه هينا وهو عند الله عظيم

ربنا يسترنا دنيا واخرة وعند الموت

الناس وحشة اوي ومابترحمش

الحكاية دي مأثرة فيا اوي يا ابي انتي مش متخيلة ازاي

الناس بتستسهل الخوض في اعراض الناس اوي

ارحمنا يا الله

Foxology said...

الموت له حرمة بس محدش بيراعيها علشان محدش شايف غير نفسه ومعادش حد بيفكر بدماغه شوية كل اللى يهمه انه يسمع اى حاجة تيجى على هواه علشان يصدقها

انا زهقت بجد من طريقة تفكيرنا وطريقة اعلامنا

الربان said...

تحياتي

أُثُني علي وجهة نظرك...و اقدرها...ياريت الكل يحترم حرمة الموتي
وانهم انتقلوا الي رحمة الله تعالي و ان الله سبحانه و تعالي هو الرقيب و الحسيب

يا ريت نتوقف عن ذكر مساويء الغير لاننا كلنا مساويء و عيوب ...الافضل
ان تري عيوننا ما بداخلنا و تترك الخارج الي الخالق.

ليس فقط في حادث الفتاتين و لكن في كل الحالات بوجه عام...بلاش التفاصيل الدقيقة و الاجتهادات و بهارات التحقيق الصحفي لجذب القراء لانها حيلة في نظري رخيصه.

ربنا يهدينا جميعا و ينور بصيرتنا و يشغلنا بعيوبنا عن عيوب الاخرين.

تحياتي و تقديري

جمعاوي صاحب "عيادة أسنان" said...

السلام عليكم آبى
هى المشكلة فى الفضا اللى الناس فيه
يعنى لو كل واحد مشغول فى حاجة والله ما هيلاقى وقت يهرش

يلا سمعلش ربنا يستر اعراضنا جميعا

دمتى بخير آبى وشرفت بيكى والله العظيم ويلا سلام

«۩ AhMeD 3LaM۩» said...

اقول ايه بس حسبنا الله ونعم الوكيل
ويارب بجد نطهر قولبنا كلنا
عشان احنا الي بنعمل الشر وبعد كده ندور علي الخير
لو الناس مش بتفرح في المصايب مكنتش جريده او جورنا خصص صفحات كامله عشان حادثه ويقولو عليها فضيحه
وكل ده عشان تبيع اعداد زياده ماهي هيه الناس عايزه كده ونفس الناس بردو زعلانين من الخوض في اعراض الناس

احنا فعلا ناس هنعمل ايه نااااااااس

طب شوفتي حيوان بيتكلم عن حماره هربة مع عشيقها الحمار الوحشي وفي الاخر مسكوهم بيضربو حشيش تحت كوبري امبابه او في شقه في المهندسين
ههه

حـنــّا السكران said...

تسمعي عن الأطرش في الزفـّة ؟؟

أنا حاسس حالي كده هاليومين .. هو في إيه ؟؟

و إيه هي بقجة الخير دي ؟؟

معليش .. هو بس فاروق يروح عندي و يسأل يعني ؟ أنا بجي هون و بسأل كمان ..

esraa said...

انا ماقرتش اللي اتكتب عنهم
لكن سمعت باباها في البيت بيتك

بجد حرام اوي

مش كفايه ان الناس دي فقدت حد عزيز عليها

اكيد مش ناقصين كلام جرايد كمان

سارة نجاتى said...

ابى باشا

بصى يا ستى , فى جرايد شغلتها الفضايح , و لو قفلت معاهم و مفيش حبه يعملوا منها قبه , ح يخترعوا فدى لا عادتهم و لا ح يشتروها على رأيك

أما بخصوص , الجرايد التانية , فأنا مش شايفة أى حاجة أن احنا نقول أن التحقيقات أثبتت وجود خمور أو مخدرات , لأن دى حادثة , و لازم تتقال وقائعها , و ده لا يندرج تحت بند حرمه الموتى .
العيب فعلا هو أننا نتعامل مع وجود خمور أو هيروين على أنهم يستاهلوا , يعنى لو هم نفس البنات بس كانوا وجدوا عندهم باكو عسلية كانوا بقم خسارة , و يا حرام ؟؟

سلام يا قمر

tamer.sala7 said...

انا بقيت مش فاهم حاجة وعايز اوصلك ومش عارف

وومن said...

آبي

انتي وخروفك مش هاتجيبوها البر

والله خروفك ده عنده شويه فكريات ده جامده

دي حاجة توجع القلب لسه لا النيابه حققت ولا طبب شرعي عمل تقرير وكل صحفي من دول عاملي فيها كرومبو وشويه وهايقوا انا عرفت القاتل لو انت عرفته اتصل علي 09000 الخيبة القوية

والله ده حرام عاوزين ايه اكتير من الفتوي اللي صدرت بعدم جواز نشر صور سوزان تميم وهي ميته لأن الموت له حرمه

ولا علشان وقفوا النشر في قضية سوزان هايطبلوا ويزمروا علي حاجة تانية

ناس يعععععععععع بصحيح

micheal said...

هههههههههههههههه..ده أنتي مسخرة انتي وخروفك البمبي
بس تعرفي أن الاعلام العربي والمصري ده ُمرزق وحظه في ذيله
يعني اتقفل عليهم باب النشر في سوزان تميم أهو طلعتلهم بنت الست ليلي
وصاحبتها
:)
تحياتي للامبراطورة والنايبة

~*§¦§ Appy §¦§*~ said...

لورانس العرب
=============
تخيل يا سيدي ان لونه بمبي ايه المشكله بقى البوست الجاي ابقى اقولكم ايه السر





د ابراهيم
===========
اه طبعا نقول لا لما يبقى خوض فى عرض غير كده ده افترا وكدب طيب دول وبيسترزقوا والناس كمان ده رزقهم لا كده يبقى حرام

حسن حنفى said...

داخل اقول

كل عام وحضرتك بخير

دمتي بخير

Oss said...

والله يا آبى أنا أصلاً معترض على حوار نشر أخبار النجوم الخاصه
يعنى انت مثلاً لو لا قدر الله لا قدر الله بطوط (عربيتك) اتخدشت
ترضى تتنشر فى الجرايد
:)
والمشكله إنهم مش بينشروا بس
ده بينشروا ويزوروا حقايق
فعلاً
تنفيس لمركبات نقص

تحياتى

ومعلش على تأخرى على الكوكب
بس مهما يكن
أنا مواطن تابع لكوكب آبى
ومعايا البازابورت
:)

أليس في بلاد العجائب said...

السلام عليكم ورحمة الله وبركاته

يارب تكوني بخير

كل سنة وانتي طيبة وفي احسن حال يارب

انا عارفة انك عاملة مودريشن

ممكن متنشريش دا بس انا قولت اعيد عليكي و اسالك لو تعرف حاجة عن سبهللة المدونة بتاعتها اتمسحت ولا اتلغت ؟

ممكن لو تعرفي اكتبي الرد لو تحبي مش تنشريه

ولو متعرفيش ابقي بردة كسبت اني اعيد عليكي :)

EmY said...

ما تبيعي الخروف ه احنا في موسم خرفان و نقسم الفلوس بالنص

انا معاكي جدآ جدآ و شفت ابو البنت التانيه الي هي نادين في البيت بيتك و صعب عليا جدآ

الراجل بيقول يعني كفايه علينا الحزن من موتها و الطريقه الي ماتت بيا كمان بتشوها صورتها و تخوضوا في اعراضهم

دي مش صحافه ولا حريه دي قلة ادب و ناس معندهاش دم

تحياتي يا قمر

haneen said...

هههههههههه
عليكى افتكاسات عسل عسل ... مش عارفه انتى بتجيبى الكلام دا منين .. اصل الناس دى فاضيه يا ريرى وعندهم كبت يقوموا يطلعوه فى النم وسيرة الناس بالباطل .. حسبى الله ونعم الوكيل بس سيبك ربك ما بيسيبشى وليهم يوم .. كل سنه وانتى طيبه يا قمرو ياريت لو دبحتى خروفك البمبى ابقى اعزمينى على الفته فى العيد اوكى

fashkool said...

انت عارفه يا ابى المطبلتيه بتوع الجرايد دى بياخدو كام .. على قلبهم عشرات الالاف فى الشهر وعشان كدا لا زم يكتبوا زى ما هما عايزينهم يكتبوا والخروف بتاعك عنده حق .. بس انت مدلعاه قوى .. عشان يتأدب قولى له العيد الكبير قرب وهو يكمش فى نفسه وما يسمعكيش صوته .. تحياتى يا ابى

~*§¦§ Appy §¦§*~ said...

مصرى
========
والمشكله فى تزييف الحقايق كان حياه الناس يا اسامه مفيهاش خصوصيه
ربنا على الظالم
نورت يا اسامه





Eng. Ahmed Abo El-Ella
=====================
لا خرفانى مبتتبدحش ابدا ابدا انت هتهزر ولا ايه

~*§¦§ Appy §¦§*~ said...

همس الاحباب
===========
المشكله مش فى الصحافه بس يا ابو همس المشكله فى اللى وراها واللى بيرددوا الكلام بس من غير عقل وانت طيب وهموسه طيبه يا رب







maha zein
=============
مها يا حبيبتى المبدأ حتى لو حد بيعمل حاجه غلط وربنا ستره منفضحهوش فهمتى يا قمر

~*§¦§ Appy §¦§*~ said...

جنى
========
يعنى يا جنى طلع جدع اجيب له بوحه طيب ازاى يعنى بقى مش حرام طيب نسلخ التانين بقى






ست البيت
=========
يا قمر تنور القاهرة كلها

~*§¦§ Appy §¦§*~ said...

عاشقه القمر
===========
ربنا يجازيكم خير يا رب على اللى بتعملوه ولو تعرفوا تنفذوا بؤجه الخير عندكم يبقى هايل يعنى احنا فيه ناس مش مدونين برضه ومعانا فى الموضوع
ربنا يكرمك ان شاء الله






Mohamed Hamdy
===============
محمد الخوف ان الجيل ده ياخد مسلك تانى تبقى كارثه بس الامل فيك كبير وحاضر يا محمد عنيه

~*§¦§ Appy §¦§*~ said...

محاسن صابر
===========
المرة الجايه هتيجى يا ام عبد الرحمن لازم طبعا الا هرفع عليكى قضيه وانتى عارفه بقى ههههههههه
ربنا يخليه لكى ويكفينا شر الناس التانيه يا رب







adel
========
هههههههههه ايوه كفايه يا خويا علشان حرام ربنا يستر على الناس

~*§¦§ Appy §¦§*~ said...

اخت مسلمه
===========
ربنا يكفينا شرهم يا رب وربنا يرد كيديهم بعيد عنا خالص ويحفظ كل البنات
نورتى الكوكب






موطن مصرى
==========
انا بس تجيلى الجرأه انى اكلم اصحابه اصلهم حراسات خاصه يا خويا ومعايا فى نفس عمارة الشغل افتح باب الاسانسير الاقى باب تانى ههههههههههه بس انا اتجرا واطلب منه الكلب وربنا يسهل هو فعلا شبه بس اغمق درجه

~*§¦§ Appy §¦§*~ said...

ماما اموله
==============
انا اللى كنت سعيده بيكى وبجمال روحك اللى شوفته بس الكل بقى كان عاوز يقعد معاكى اعمل ايه ربنا يحبب فيكى الناس كلها






عاوز عروسه
===========
يعنى هو ده وانتى معسكره جنب بيتهم ولا ايه هههههههههه ربنا يحفظنا

~*§¦§ Appy §¦§*~ said...

اقصوصه
========
تخديه يصدعك شويه انتى تؤمرى بس نورتى وسعيده بوجودك







البت المشمشية حلوة بس شقيه
============================
كلب كلب حرام عليكى يا شيخه وبعدين دول مش بيتركبوا خالص

~*§¦§ Appy §¦§*~ said...

الفاتح الجعفرى
==============
ربنا عليهم ليو الدين يا زميل المعارك بجد
دول ناس ولا تعرف ربنا ولا تخاف منه
ربنا يحفظنا جميعا
منور الاقاليم يا ريس





رندا
========
ايوة انا مش بحب حد يدبح الخرفان اعمل ايه بقى لا مش بمبى هجيب بيج علشان يمشى مع هدومى ههههههه وانتى طيبه يا قمر

~*§¦§ Appy §¦§*~ said...

الطائر الحزين
===============

ربنا يكرمك يا حكيم الكوكب اللى استقال
ولا طنش






اسامه
=======
مش فكره اللى بيديها فلوس يروح ياخدها فكره ان الكلام ده مش صح اصلا وهماعرفوا منين وحرام التشويق اللى بيعملوه للناس على سمعه اموات وزى ما قولت الناس العايشه بيردوا انما دول ماتوا يعنى حرام

~*§¦§ Appy §¦§*~ said...

شنكوتى
========
حرام يا ايهاب دى الارزاق بتاعت ربنا يعنى هو الغنى ربنا اللى اداله يبقى نتشفى فى بعض ليه هو احنا مش بنى ادمين ده اكبر حرام حسبى الله ونعم الوكيل وبعدين غامق طيب اجيب لك رقاصه يعنى ولا اعمل ايه هههههههه
نورت يا اجدع اخ






Founoon
=========
ربنا يحفظنا يا رب جميعا من كل ده ويجازى اللى بيعمل كده نورتى يا قمرايه

~*§¦§ Appy §¦§*~ said...

Foxology
==========
وانا زهقت زيك والله وتعبت وبيصعب عليا الناس واللى بيموت واهله
ربنا يستر بقى






الربان
==========
ده اللى نفسى الناس تفهمه يا استاذنا انما محدش بيعى خالص كل واحد بيبان عليه اخلاق فى المواقف اللى زى دى

~*§¦§ Appy §¦§*~ said...

جمعاوي صاحب "عيادة أسنان
=====================
وانا كمان والله سعيده انى اشوف وفى عمل خير كمان ربنا يكرمك يا رب وتنورنا دايما







«۩ AhMeD 3LaM۩»
===============
بصراحه مشوفتش ومش هشوف وبعدين اتهد وارسى على شكل واحد بقى فى الصورة ايه الجنان ده هتلخبطنى ليه
نورت يا حج

~*§¦§ Appy §¦§*~ said...

حـنــّا السكران
=================
سلامتك يا جوو من الطرش معلش انت بطل تنام كتير وانت راح تفهم بس فاروق اذعر زى ما انت بتقول انما انت كبير وفاهم افهم على راححتك وتابع وانت هتعرف ده عن موضوع مقتل بنت ليلى غفران
نورت يا جو وصحى النوم بلاش كده
نورت الكوكل ومنوره دايما






esraa
============
والله كتبت من غير ما اشوفه واكد على كلامى كمان بتاع الطبعه الاولى بعد ما نولت البوست بيومين
نورتى يا قمر

~*§¦§ Appy §¦§*~ said...

سارة نجاتى
=============
بصى يا سارة المباحث نفت كل كلام الجرايد فى موضوع الخمور والكلام الفارغ ده بس دى تحبيشات لازم تصاحب اى حد حتى لو ولد عايش لوحده فهمتى يا قمر





تامر صلاح
=============
ههههههههههه طيب اعمل ايه بقى

~*§¦§ Appy §¦§*~ said...

وومن
=========
يععععع يعععععععع الف يع يا بنتى امال هيسترزقوا منين لا والانيل يا ميرا ان فيه ناس بتتشفى بغل ناس عاديه مش صحافه حاجه تقرف بجد
مش كل الاغنياء مش عندهم اخلاق ومش كل الفقرا برضه عندهم الاخلاق نورتى يا قمر






micheal
===========
اسكت نايبتك جتلها المراره يا خويا من كتر البلاوى اللى بتشوفها اى والله اعمل ايه بس جهز الاسئله بقى يا ريس

~*§¦§ Appy §¦§*~ said...

حسن حنفى
===========
وانت طيب يا حسن وبخير يا رب







Oss
=======
طبعا ومواطن من الدرجه الاولى
اما عن بطوط فاه ينشروا علشان الم تبرعات هههههههههههههههه

~*§¦§ Appy §¦§*~ said...

أليس في بلاد العجائب
====================
وانتى طيبه يا قمر انا بنشر اى تعليق متخافيش
سبهلله مسحت مدونتها بالغلط وهترجعها تانى نورتى







ايمى
=======
ايه يا سياده اللواء انت طمعان فىالخروف طيب عيب عليك بقى خليت ايه للناس التانيه
دول ناس مش قليله الادب دى ناس واطيه واطيه وربنا هيخسف بيهم الارض هما وكل اللى زيهم

~*§¦§ Appy §¦§*~ said...

حنين
========
اخص عليكى وانا اللى قولت انك مش من انصار دبح الخرفان عاااااااا ربنا يسامحك يا حنين
نورتى يا قمر






fashkool
===========
عارف ساعات الخروف ده صوته بينجلى اوى جوايا ويطلع كده ويزهزه فبسيبه بجد لانه بيتكلم صح ساعات
نورت يا عمنا

kochia said...

الخروف ده ذكي اوي
ممكن واحد ليا ومش هدبحه
متخفيش

المهم بقي ده العادي دلوقتي .. لو حد اتكلم بالحق وبالصح الناس متحبش تقرأ له ولا تصدقه مش عارفة ليه الكل صحافة وقراء بيحبوا المغالاة والفبركة

بس فعلا المفروض نفتكر ربنا لانه حرام جدا اننا نطلع علي حد كلام
ورمي محصنات
ربنا يرحمنا

~*§¦§ Appy §¦§*~ said...

كوشيا
=========
طيب وعد وعد ده مش للدبح حرام عليكى
نورتى وموافقه على كلامك

مواطن مصرى نايم said...

بوب يا كبير معلش انى اتأخرت فالرد يا ابى
انتى عارفة انى كنت بطارد الحشرات الضالة
هههههههههه
بس انا عينى على خروفك ده
تعرفى انى مش بحب اللحمة الضانى خالص
و كمان اصلا مش بحب اللحمة
انا باكل فالعيد اى حاجة من بره
يعنى الخروف فأمان
هههههههههههه

بس عاجبانى اوى دماغ الخروف
و عجبنى رأية وفر بنت ليلى غفران

ربنا يخلى لك خروفك و يبعد عنة سكينة الجزار
اللى يستاهلها ناس تانية

محمد عتلم said...

حلو الخروف البمبى ده يا آبى