اخبار بترتر

تحديث لاخر مره :- يخرب بيت التحديثات انا اللى عملت كده فى نفىسي وبقيت مؤدبه من الاول هشيل الالفاظ اللى بتجرح فى السيد ال.... شيخ الازهر بناء على طلب ناس بحبهم علشان بس ميزعلوش ودي اخر مره كلمتى هتنزل الارض وبرضه زعلانه منه ها بفى

تحديث تانى :- والنبى كلفوا خاطركوا واقروا اللينكات قبل ما حد يدخل يرد علشان يفهم انا اقصد ايه مش كل شويه هدخل اقول بجد انا تعبت وللتوضيح بس علشان مش عاوزه كلام من حد انا لما بنقد شيخ الازهر بنقد تصرفه لما قولت عره ااقصد التصرفات هو كشخص انا مبغلطش فيه ده بس للتنويه مش اكتر انا مبغلطش فى اشخاص انا معرفهاش انا مضايقه من تصرفات من ناس محسوبه للاسف علينا ومحسوبه على الازهر اللى هو منارة الاسلام

بما ان البلد بقت حاجه مفرحه اوى وقلبت مع حضرتى بانشكاح بصراحه وبقيت طول الوقت متنحه ومزبهله ومبقاش عندى اى رد فعل لاى حاجه فى الدنيا ورد الفعل هو الاكشن اللى بناخده اننا حتى نتعصب ولا نولول ولا نزغرط او حتى نلسع اللى قاعد جنبنا قفا فقلت احاول برضه اقرى اخبار بترتر لقيت الاخبار مشخلعه اوى ونفس الحاله المصاحبه بقيأ وهرش ونطح هى هى اول خبر بترتر

شيخ الازهر
=======

بما انه عيب يعنى اقول لراجل كبير عيب من باب العيب مش من اى باب تانى بس مضطره اسفه اقول انت راجل تصرفاتك مش مظبطه بصراحه طيب شيمون ابو بريزه وسلمت عليه وعملت مش واخد بالك وطلعت تقول ما هما اللى قالوا ليه انا مشفوتوش وجت بالصدفه واحنا حفاظا على مرارتنا استهبلنا وقولنا معلش انما جاى تقول دلوقتى انا مكنتش اعرف انهم محاصرين غزة يبقى اسفه بقى ليه هو الخبر مخبينه خوفا على سمعه غزة ولا يمكن علشان يجوزوها ويستروها فمش بيقولوا لك انها متحاصرة ولا خوفا على مشاعير حضرتك فمحدش قالك ويا راجل يا كوباره لما تقول فكواالحصار تقول لاسرائيل بس كخ كده وفكوا الحصار مش عارف تدور وشك هنا وتقولهم لموا نفسكوا شويه يا عم ترتر انت فعلا اثبت ان الازهر بيزدهر اى نعم والله حرام عليك هو فاضل ايه فى مصر متحولش لطراطير بترتر بسببكم روح يا شيخ منك للى كلت دراع جوزها انطح هنا الخبر متلقح اهو

خبر بترتر اتنين
========

وصوتى ياللى منتيش غرمانه كل يوم والتانى اخ قتل اخته اب قتل بنت عمة جوز خاله ام احمد الا مين ام احمد دى ما علينا واحد قطع شريان ايد بنت وهو بيسرق شنطتها وده حصل فى التجمع عندنا والحمد لله اتقبض عليه سحلو زوجه دكتور برضه وسرقو دهبها وعادى برضه كل الحوادث دى والحكومه تقولك مصر مفيش فيها بطاله ونسبتها بتقل واحنا نقول هما ادرى دول عارفين مصلحتنا احنا اللى سوداوين ومش شيفين الحياه والناس دى بتسرق وتقتل من باب الفشخره والفضا عادى يعنى بيروشوا على نفسهم وفى الاخر يرزعونا الخبر ده واخير الحكومه الرشيده النظيفه بنت ام عز اعترفت ان اساسا فيه بطاله انا ليه طلب قبل ما اموت اشوف حد اتعين من الهباب اللى بيقولوا عليه ده ولا حد بياخد مرتبات كويسه وبعدين هما بيصدروا الناس لبره علشان فى النهايه يقولوا مفيش بطاله ولما الطلبات يقل تبقى البطاله زادت هما الناس دول معندهومش من الاحمر اللى عند الناس

اخر خبر بتراااااااتير وحاجات بتطير
================

بما انى من اللى بيكرهو ايمن نور جدا وبحسه ممثل فزيع وفاشل كمان بس فى النهايه بقول يا رب فك سجن كل مظلوم اذا كان مظلوم ايمن بيه نور من فتره زعلان انه مبيصليش فى المسجد بتاع السجن ومعترض ورافع قضايا على دبان وشه والمحكمه حكمت له وبيقول ادارة السجن مرضيتش تنفذ الحكم ورافضه رفض شنيع مريع وتقوله كلا البطه يا وزة
طيب ده يبقى انتهاك للبتنجان والمصقعه بتاعته فى ايه
انما اللى انا مش فاهماه يعنى هو بيصلى علشان ربنا ولا علشان يتقال بصلى فى جامع ويعمل شوو هى الصلاه فيها شو هى عباده ربنا فيها شوو ما تصلى فى اى مكان بنبقى مسافرين على طريق وبنركن نصلى فى العربيه ايه لزمه الدوشه ووجع السنان ده مش قادره افهم كل اللى فهماه ان كل يوم بيزيد اعجابى بتمثليه وانه قادر يلفت انتباه المقروصه امريكا اللى رامى نفسه فى حضانها زياده ايمن انا بجد بكرهك ومبقتش تصعب عليا انت بقيت ممثل فاشل وبعدين هما نهوك عن الصلاه فى مكانك يا نووووووور افندى اللى عاوز يصلى بيصلى فى اى مكان رابعه العدويه كانت بتصلى فى سجنها وبيترمى عليها حشرات وبتصلى اتقى ربنا ومتاخدش من ده شو اعلامى انت مش ناقص بهلونات الخبر متلقح اهو لحرقه الدم اللى انا مش فهماها

واخيرا كده برضه انا لسه عندى حاله تناحه متناهيه وشايفه انى برضه مش فاهمه حاجه ومستغربه البلد دى كأنها مش موجوده وكانى فى عالم وهى فى مكان تانى وانا قررت مجبش سيره حد غايب بعد كده علشان عيب

كان معكم ابى هانم من امام عالم ديزنى هذا وبالله التوفيق واحترس البلد بتولع باللى فيها

حكمه الامبراطورة

تاج القيصر لا يمنعه عنه الصداع


121 اخبط وقول رايك:

محمد الكومي said...

شيخ الازهر ده راجل لطخ

راجعلك تاني يا بتنجاني

HERO said...

يابنتي حرام عليكي دنتي عيد ميلادك كان من كام يوم ولسة مخلصين العيد وفرحانين شوية ( المفروض يعني ) وبعدين دي مش حاجة جديدة على البهوات اللي ذكرتيهم كلهم وخاصة الشيخ
فمش تحطي في دماغك انا عارف انها فضفضة بس برضه اعصابك مش تستاهل حرقها يعني

تحياتي

sakayar said...

بصي بقى
انا داخل مغطي قفايا علشان لو حصلتلك حالة التتنيح اللي بتقولي عليها دي وحبيتي تضربي اللي ادامك على قفاه هتضربيني على قفايا همدك على رجليكي وانا اول تعليق هه
والله فعلا اخبار بترتر
بس برضه عمو الحاج شيخ الازهر كبر ف السن وعجز يعني اكيد نظره طشاش فمش هيشوف بيريز ده ولا اسمه ايه
وعن حصار غزة فالراجل برضه بحكم السن اكيد سمعه بقى على قده فمش بيسمع غير الرخاء الاقتصادي ف مصر والتنمية اللي عاملها متقال ... ولا انتي ليكي رأي تاني؟؟
عن البطالة بقى الحكومة عايزة تريح ولادها ... ليه يشتغلوا ويتعبوا نفسهم ... ما كل واحد يفضل جنب الحاجة الوالدة واهو ببركتها يعيش ... وبرضه اوعي تقولي ليكي رأي تاني
اما عن الخبر الاخير .... فالراجل اكيد قال الحديث بتاع اذا رأيتم الرجل يعتاد المساجد فاشهدوا له بالايمان ... عايزه تحرمي الراجل من الشهادة دي برضه؟؟؟ ممكن ياخدها يعلقها ف الصالون او يقدمها اذا عرف يخرج ويرشح نفسه مرة تانية ويحطها ف ضمن السي في بتاعه ليتقدم لوظيفة رئيس بلدية موزمبيق الحرة
ربنا يرحمنا برحمته بقى
انا مجالييش احباط لسه على فكرة
هركب انبوبة اكسجين بس جنبي لزوم تغيير لون الشعر مش علشان النفس ولا حاجة
على فكرة اول مرة اعلق عندك بس متابع المدونة على الريدر بقالي كام شهر ومعجب جدا بالحكم الامبراطورية اللي في اخر كل بوست
دمتي بخير

سمكه وحده said...

انا مبسوطه اني اول مره اعلق وابقي اول تعليق ده لو كنت بكتب وعلي ما كتبت حد تاني علق بقي
المهم
اولا كل سنه وانتي طيبه بمناسبه عيد ميلادك اللي ملي المدونات كلها وربنا يحبب فيكي خلقه كده علي طول يا ست ابي قولي امين
ثانيا البلد بقت حاجه تغم وتسد النفس وتكسف واحلي حاجه الناس الكبري بتعها وشيخ الازعر الجميل راجل رقيق وطيوبه كده ربنا يحميه والله ده كله استهبال ومش عارفين هيدوينا لحد فين فاكرين الناس هبل وهما بيزودوا في الهبل نقول ايه ما خلاص مفيش حاجه نقولها
علي رئيك عموكوا دياب
تقبلي مروري
سمكه
كان نفسي اعلق في عيد ميلادك بدل الاخبار اللي تحرق الدم دي ياله

زوجه said...

السلام عليكم
ولا حول ولا قوة إلا بالله
ده شيخ الازهر ده
يارب ارحمنا

AhMeD RaDy said...

الغريب فى موضوع الاخبار اللى انتى كتبتيه .. ان فضل سؤال محورى

بيزائز فى دماغى ..؟؟ هو الترتير فين ؟؟

اوعى تقولى لى ان الاخبار دى بترتر

لان كدا اسف هرفض اسم البوست واقولك

ان كل اخبارنا بترتر

Mohamed Hamdy said...

يخرب بيت حرقه الدم على الصبح

بالنسبه لشيخ الازهر بيحسسنى هو وكتير من المسئولين ان لازم يعملو لجنه فى الحكومه تراجع تصريحات المسئولين دى قبل ميقولوها بدل الفضايح والمساخر

بجد انا اتحرق دمى

adel said...

انتي كاتبة اخبار مينفعش ما اردش عليها :
1-شيخ الازهر ....يسلم ...هو حر ...مدام وافقنا علي التطبيع و ده مؤتمر اديان يبقي عادي ...لانهم مكونش بيتفقوا علي صفقة اسلحة
لكن عم الشيخ يطلع علي الهوا و يشمت الناس و المذيع و يقولك معرفش انهم محاصرين غزة
يبقي لامؤاخذة خالص
و كده ممكن نلم من بعض و نجبله دش عشان يبقي يشوف الاخبار
و بعدين لما الامام و مش شيخ عادي يخرج عن شعوره ... امال الناس بقي ليها حق تمشي في الشارع تشتم

2-الجرايم دي شئ عادي ...انا من حوالي شهر اتثبت في شارع رئيسي من 6 عيال باسلحة في شارع رئيسي بالمقطم الساعة 10:30 باليل و محدش وقف حتي يتفرج ...ولولا ستر ربنا كان زمان في التربة

3-ايمن نور....مليش مزاج ارد علي الصبح
راجل عبيط و خالص راحت منه

عادل
http://elbald-dy.blogspot.com/

الطائر الحزين said...

أزهر ايه هو فين الأزهر مواد التفسير والفقة
اصبح كتاب من تأليفة

محمد عتلم said...

ازيك يا استاذه ابى وكل سنه وانتى طيبه مع انها متأخره اوى بس اعذرينى
وعلى فكره التراتير المش كويسه دى مش حلوه بالمره وبجد حاجه تكسف وتجيب عته مغولى وبجد الراجل بقى شكله وحش اوى بس والنبى بلاش حكاية لسع القفا دى عشان الواحد مش عارف يستحمل مين ولا مين

عمرو said...

صباح الخير يا آبى
موضوع أيمن نور مش أنه يصلى فين و لكن الموضوع ليه يتسلب حق من حقوقه بدون وجه حق ؟
يعنى الراجل بيدور على حق متآخد منه بدون سبب منطقى و ده حقه برضو و ماينفعش نلومه

Eng. Ahmed Abo El-Ella said...

انت ايه اللي وداكي في سكة الأخبار ديه
ديه سكة اللي يروح فيها ميرجعش

السكة ديه راح فيها ناس كتير ويعيني مقدروش يستحملوا واختفوا في غياهب النسيان (حلوه غياهب النسيان ديه)

على كل حال, اللي بيحصل عادي

انت مبتسمعيش اغنية
يبأه انت اكيد اكيد في مصر

Foxology said...

اولا : شيخ الأزهر

مستنية ايه من سيد بيه اوكى ؟؟

ثانيا : البطالة

هو احنا هنفهم اكتر من الحكومة ؟؟ بلاش حقد بأة :))

ثالثا : ايمن نور

الأول كنت بحب اسمعله واقراله دلوقتى مش عارف ليه حاسس انه فعلا بقى ممثل وغاوى بروباجندا مع ان مفيش حد بقى مصدقه ولا مهتم يعرف اخباره حتى

واخيرا : وكل شئ فى مصر ينسى بعد حين

تحياتى :)

arsenalwy said...

جامده اخبارك

شيخ الازهر ده راجل محترم وللاسف
ده واجهة للازهريين دلوقتى

بقى مش عارف بيريز ياخرنج ده حتى باين على شكله انه يهودى ده بفرض انك متعرفوش

وبعدين بتسلم عليه بايديك الاتنين هو ماما؟؟؟ ناقص تبوس ايده ياخرنج

جنّي said...

الراجل دا كتر من ذنوبه قوي .. انا بقول نسلط عليه خروفك ينطحه ويجيب كرشه ونستريح منه ..

اما الحكومة غير الرشيدة وحزبها الفاسد وعلى راسهم وزير الاعتقالات عايزين قطيع خرافان يفرتكهم ..

وايمن هو والحزب الفاسد سواء ..

والله مرة وزير في الحزب الفاسد بيصلي العيد مع حسني وحاطط ايده الشمال على اليمين .. كلهم بتوع شو ..

سلام

كوارث said...

جدعه يا آبي
هيا ده الاخبار المفرحة ولا بلاش ؟
الا هناخد كاس العالم امتى بقه ؟
ان شاء الله لو بقيت شيخ الأزهر فكريني اطلع فتوى ان حضور مباريات الاهلي فرض عين على كل مسلم

البت المشمشية حلوة بس شقية said...

ايه ياحجة انتى ايه اللى وداكى دزنى
عشان تجيبى لنا الاخبار المنيلة دى
احنا عاملين نفسنا مش فاهمين عشان وجع البطن


بلنسبتو للموضوع الاولانى
معلشى بقه يا ابى الراجل كبر وخرف
ودماغو خلاص خرفت
عادى اعملى نفسك هبلة ومش واخدة بالك
لانو واحد زى ده اكيد مش هو اللى بيمثلنا
خلاص بقه راحت عليه



بلنسبة للخبر التانى
انتى ايه اللى زمعلك
عايزة الشباب يعنل ايه يعنى
يقعد على الكورنيش
ماهو بيسرق ويقتل وشغال زى الفل
ولا انتى عايزاه يقعد عاطل
بيسلى وقت فراغو


بلنسبة الاخ المناضل الفاضل ايمن نور

انا بجد استغربت من حكايه الصلاة دى
انا اعرف ناس بتكسف تصلى قدام حد عشان محددش يقول انهم بيمثلو
وهو بيحار عشان صلى فى المسجد
وهو ربنا مش هيقبلها غير فى المسجد يعنى
متصلى فى اى حتة بتوجع دماغنا ليه


بلنسبة للاخت ابى بقه
متروحيش ديزنى تانى

وحش متاكليش من عندو

mido said...

بمناسبة الاخبار يا أبى

أهديك المقال القصير ده

حيفيدك جدا و تحطيه حلقة فى ودانك :))

المقال

ساعات الموقع بيعلق اعملى ريفريش

سمو الأميرة سارة said...

لألألأ ماكنش العشم يا آبي كده تظلمي الراجل ؟؟ شيخ الازهر الكبارة .. انتى ما فهمتيهوش على فكرة
الراجل من كتر الاعتكاف والصلاة وقراية القرآن وزهده للدنيا ما اخدتش باله ان غزة محاصرة .. لآ يا آبي ظلمتيه ههههههه
هم يبكي وهم يضحك والله

بالنسبة لأيمن نور ، فبجد انتى زي ما تكوني فسرتيني .. انا بكرهه جداً لله في لله بس مش عارفة ليه ، بس في نفس الوقت ما يرضينيش انه يتحبس كده علشان تجرأ ودخل الانتخابات

سيبك من دا كله
وحشتيييييييييييييييييييييييييييييني بجد

صاحب المضيفة said...

أحلى ما في البوست

الحكمة الأخيرة بجد


كل سنة وانتي طيبة ويارب كل سنة وانتي في خير وطاعة وعافية

كل التحية

mido said...

صحيح بقى لك مدة مغيرتيش التمبلت ليه؟

بس لما تغيريه تخلى صورة البنت اللى فوق زى مهيا :)))

Abo 7anf said...

السلام عليكم

انا معاكى فى اول خبرين

بس مش موافقك فى كلمه عره
هو اينعم رجل غلطان و افعاله كتير منها عجيب
وملهوش اى اساس من الصحه
بس مش لازم يتشتم

وبعدبن ما اسرائيل قفله حدودها مع غزه
و عمله عليها حصار
مغزه ليها حدود مع مصر
ممكن كل حاجه هما عاوزينها يشتروها من مصر
دا بيحصل!!!

اما بالنسبه لايمن نور
هو اكيد من حقه يصى فى الجامع
و هو مش معتقل زى رابعه العدويه
ولا الواقفين على باب الزنزانه كفار
ونور كفر بالهتهم
فبالتالى من حقه
وبعدبن مش هو لوحده المرمى فى حضن امريكا
مصر كلها
وكلهم بيسمعوا الكلام

ست البيت said...

ايه دا كل دا حصل امتى ؟
دا هما كام يوم اللي غيبت فيهم عن المدونات
ارجع الاقي الدنيا مقلوبة كده ؟
شيخ الأزهر خلى صورته زفت قدام الناس
كان كفاية يقول دي أوامر عليا وسياسات دول كنا قلنا ماشي الراجل مضغوط عليه ...
أما انه يقول معرفش ان غزة _لو قال كده فعلا_ محاصرة دا يبقى راجل ......محتاج يراجع اقواله
كل عام وانت بخير يا آبي
كان نفسي آجي بس ملحوقة إن شاء الله أن آخر الشهر دا حكون في القاهرة
يارب يا رب يا رب
المرة دي اعرف اروح ويكون خير
اشوفكم كلكم على خير
ولو العمر ما كفااااش
عاوزاكوا تستغفرولي كتيييييييير
يالا سلام عليكم

سيكو said...

كل سنة وانتى طيبة يا ابى
واللله وحشتونى
بقالى كتير مزرتش المدونات
عامة كل سنة وانتى طيبة
وعيد ميلاد سعيد

سيكو said...

على فكرة نسيت اقولك مدونتى بقت تحفة جميله بجد

Dr Ibrahim samaha said...

حسبى الله ونعم الوكيل

ولا يغير الله ما بقوم حتى يغيروا ما بأنفسهم

حياتى

د إبراهيم

Abo 7anf said...

معلش مكنت موجود يوم عيد ميلادك
ولسه شايف الخبر
فكل سنه و انتى طيبه
وعقبال دشليون سنه
مع انى معرفش يعنى اه دشليون

قلم رصاص said...

انا فعلا بأييد رأي أخونا محمد حمدي
في انه لازم يعملوا لجنة تراجع تصريحات المسئولين قبل المصايب الاعلامية اللي بتأثر على نفساوياتنا بالشكل المستفز ده

اما عن الجهل والكدب فربنا هو اللي يحاسب الشيخ عليه

وبخصوص الدكتور أيمن نور
انا عاوز اقول اننا نقول اللي لينا واللي علينا

انا مش متعاطف معاه ابدا حالبا
لكن مقدرش انس له في فترة منتصف التسعينات لما كان عضو مجلس شعب عن حزب الوفد..بصراحة كان احسن برلماني بلا منازع في الفترة دي ياجماعه وكان مبهدل الحكومة ومسود عشيتها
وعشان كده حطه في دماغهم انهم يصفوه سياسيا ويشوهوه اعلاميا

هو لحد هنا كان تمام اوي وكويس جدا
لكن خرف اوي بقى لما لجأ للمجتمع الدولي وعلى رأسهم امريكا وبدأ يخبط في الحلل

النفس أماره بالسوء يا أبي

والانسان ظروفه اللي عايش فيها بتأثر على فكره..لكن انا مش معاه حاليا طبعا


وكل سنة وانتي طيبه
وعيد سعيد مرة تانية

تقبلي مروري مع اتنين كليو لحمه

امل said...

السلام عليكم ورحمة الله
كل سنة وانتي طيبة يا آبي مرة عشان عيد الأضحى ومرة تانية عشان عيد ميلادك ويااارب السنة الجاية تكون
أجمل وأسعد من السنين اللي عدت كلها
شيخ الأزهر مش بحبه وما قابلتش حد بيحبه قبل كده ربنا يتوب علينا منه

mado80 said...

آبـــــــي
أولا أولا كل سنه وانتي طيبه وعقبال مليون سنه
جايه متأخره معلش

ثانيا شيخ الأزهر زي ما قال الكومي راجل لطخ الله يخرب بيته زي ماخرب واساء للمنصب الشريف اللي هو فيه
تلاقيه لغايه دلوقتي مش عارف يعني شيخ ازهر

تعرفي ايمن نور برضه مش عارف ليه مش مستريحله بس برضه راجل مسجون وربنا يعينه علي اللي هو فيه

كل سنه وانتي طيبه تاني يا آبي يا قمر واسف لو كنت أتاخرت

كل التحيه والتقدير

raeys said...

هل منطقي انى الحكومه تسيب ايمن نور يكتب فى الدستور اكبر جريدة معارضه مصرية ويهاجم الرئيس والوريث والنظام كلة وتحرمه من حقه من الصلي ومش عارف كل شوية والتانيه بيقول مانديلا مصر طيب مانديلا يوم ما دفع الثمن فى السجون من عمرة دفعه وهو ساكت وما اتكلمش محاولش كل شوية والتانيه يقول انا مضهد انا مسجون واللة عرفنا انه مسجون ومع احترامى للجميع ايمن نور مسجون على ذمه قضيه جنائية مش سياسية لانه حتى لو مكنش زور توكيلأت بنفسه فهو قدم التوكيلات اللى لجنه الاحزاب ولو كانت التوكيلات مدسوسة من قبل بعض رجالة اللى هو اختارهم تبقى مصيبه لما هو مش عارف يختار رجاله وهو رئيس حزب امال لما يبقى رئيس جمهورية يعمل ايه وبعدين ليه كل شوية والتانيه جواب لاوباما وجواب للبرلمان الاوربي وتحويل قضيته لقضيه دوليه ولو عايز يصلى ما يصلى فى الزنزانه بتعته ده الارض كلها طهور ومسجد للمسلمين واللى عايز يصلى بيصلى من سكات لانها علاقة بين العبد وربة مش علاقة مظهرية يقول فيها اسهدو يا ناس انا عايز اصلى وده مكتفنى وبعدين مالهم الاخوان اللى بيقول انا بعيد عنهم مش هما دول اللى وعدهم بحزب سياسى لو بقى رئيس جمهورية فترة انتخبات الرئاسة ومش هما دول اللى ادو ليه اصواتهم دلوقتى بقيو وحشين raeys

Nubian said...

تحيا سياسه الالهاء اللي بتتبعها الحكومه مع الشعب المصري... بصراحه حكومتنا في منتهى الذكاء اللي في العالم. كفاية انها مش مخليه الشعب ياخد نفسه من خمسة عشر سنه. كل ما يحاول يفكر تطلع له بمصيبه او قرار جمهوري تشتت تفكيره وتخليه ما ينامش الليل .. طبعا انا بتكلم عن عامة الشعب اللي بيركبوا الاتوبيس والميكروباص والعربيات التص كم...اما البهوات مش هاممهم حاجه لانهم من الحكومة والعائله المالكه ..... سواء من قريب ولا من بعيد...المهم ان الشعب يفضل ملهي في الاكل والشرب والموبايل الجديد اللي بالتقسيط واللي ما يدفعش القسط ينسجن ويطلع عينه لانه مش ملهي مع الاخوان الملهيين من عامة الشعب.. على كل حال مش هيعدل الوضع الا الثورة ونحط الحكومة كلها على باخره من غير قبطان تاخدهم في البحر المتوسط وتروح بعيد ويارب يقبض عليهم القذافي واهم حاجه ما يكنش معاهم بطايق ولا جوازات سفر ولما يسألوا عنهم نقول ما نعرفهمش... وكل سنه وانتم طيبين

جمعاوي صاحب "عيادة أسنان" said...

alsalamo 3alykoom
elawal el key board bayza ma3lesh
3ala el foranco arabic dah

we ba3deen entey medayka nafsek we menarfeza nafsek kedah leeeeeh

ya3neey hea dee awel marah yet7ere2 damena fe elbalad de

we kaman elley betdayek demaghoo betwga3ooo mesh sensno
--------------
ايه لزمه الدوشه ووجع السنان ده
================

3ala el3omom hadeey nafsek 3alashan elnarfaza we7sha 3alashaneek

domtey bekhayr we yalla salam

Migo Mishmish said...

ابى
كل سنه وانتى طيبه ولو انها جت متأخرة ..معلش بقى مشمش مفوضانى اسلم عليكى واعدى على المدونه عشان اسلم عليكى ..لان الاخت مشمش مشغوله جدا بالبت ساندو ..معلش بقى اننا بقالنا كتير مش بنعدى
عيد سعيد مرة تانيه
ميجووووووو

fashkool said...

يا أبى يا جميله ان شاء الله انا حأخزن لك عيش وحلاوه وجبنه رومى كمان .. يا شيييييخه خلى الكلام على المتغطى مالك انت ومال شيخ الازهر هو الراجل عمل حاجه ما ببيعملهاش حد غيره .. الراجل موظف وبيعمل اللى يأمره بيه رئيسه فى الشغل .. خليك فى حالك يا آبــــى واكلمى على قدك وسيبى الراجل فى حاله يعنى هو دخل فى الـ80 سنه والسن له احكام وناس كتير دخلت فى ال 80 سنه وزادت وبرضه بينسوا يقولوا ايه وهما بيخطبوا وبيوضبوا لهم ورق وبيتوه منهم الكلام .. يا بنتى بلاش والا العيش والحلاوه موجودين .. بس الحلاوه بقت غاليه جدا .. طب نعمل لك ايه بقى .. على العموم فيه حلاوه صينى رخيصه حتنزل السوق قريب ونشترى لك منه اما ايمن نور سيبيه فى حاله هو ناقص .. يا أأأأأبــــــــى .. أخر انذار .. خليكى فى حالك عمك فشكول مش ناقص .. تحياتى يا أبى يا جميله

ماما أمولة said...

اخبار بترتر برضه

دي اخبار بالسكر والضغط والقهر

تتنيح ايه دا احنا اصبحنا

حجر ونحسنا من كتر اللي بنسمعه ونشوفه

خافي على شبابك يابنتي وبطلي تقرئي الاخبار

سلام يا ابي

خدي بوسة

وومن said...

يا آبي
اسلم وابوس في الأول
تعالي بقي انتي نزلتي الشغل انهاردة ولفيتي علي الجرايد وحرقتي دمك بقالك انتي كام يوم مش بتحرقي فقولتي عندي مخزون

حراااااااااااااام عليكي نفسك

وحرام عليكي حد زي قاطع الجرايد علشان حرقة الدم تجيبهاله انتي

وتقري بدالنا لا وسبحان الله بتنشني مع ان معظم الناس بتقرا صفحة الفن والكورة !!!!!!
بتجيبي الأخبار دي منين يا عفريتة ؟

nody_1987 said...

ابى شيخ الازهر خلاها خل بجد
الراجل ده شال فقه الجهاد من الثانويه الازهريه وحط مكانه فقه النكاح
وشال فقه الائمه الاربعه من عليهم وحط كتاب فقه من تأليفه
خلاص الله يرحم الازهر
اما بخصوص الحكومه
لما الحكومه تقول فيه شغل متوفر
وكمان المرتب بالعمله الصعبه
يبقى ده حقيقى
الحكومه دى امنا
حد يكدب امه؟

mahasen saber said...

يا ابى يمكن نفسه يصلى فى المسجد ايه المشكله عايز يحس بروحانيات المكان المقدس ده
بعدين انا عايزه افهم واحد مسجون يتمنع من الصلاه فى المسجد ليه خوفا من هربه ولا ايه بالضبط مش فاهمه

بعدين بالنسبه للسلام على اليهود هو الرسول صلى الله عليه وسلم ماتوهو راهن درعه عند واحد يهودى بس فى وقتنا هذا المساله مختلفه اعتقد

وشغل وفرص عمل الحكومه زى قلتها يا رحاب ده العقد بياخد 160 جنيه شوفتى البذخ

مصــــري said...

آبي هانم بتنجاني

شيخ الأزهر وأفعاله الغريبة دي هاتجنني والحمد لله بقيت متوقع منه أي شئ.

أما عن الحوادث طب ده اللي بيتكتب طب اللي مخفي بقي والأحداث اللي تحت الترابيزة.

أما أيمن نور فأنا لا أحبه وهذا لا يعني بالضرورة اني أكرهه ولكنه ظـُلم في عدد سنوات سجنه فقط ولم يستحق كل هذا التعذيب.

كل من في البلد يحاول جذب الانتباه له ولو بجريمة .
ربنا يستر

أسامة

سبهللة said...

كله كوك وشيخ الازهر دة كوم تانى
سوابقه كلها زفت
مافيش مرة قال رأيه فلا حاجة ورأيه عجبنى
حسبى الله ونعم الوكيل

حنين.. said...

شيخ الازهر... حسبى الله ونعم الوكيل
والله اللى انكثفوا ماتوا

Founoon said...

كل سنة وانتي طيبة عيد ميلادك والعيد ربنا يجعل ايامك كلها فرح ويرضى عنك ويرضيكي

بالنسبة لشيخ الازهر ماعنديش حاجة اقولها الا يا شيخنا ان كنت لا تدري فالمصيبة اعظم
منصبك مش منصب قليل ومقاسه كبير اوي عليك
كفاية بجد
كفاية !

بالنسبة لايمن نور عمري ما دخل زمتي بنكلة وعلى طول شايفاه ممثل ومعيش الناس في فيلم كبير

~*§¦§ Appy §¦§*~ said...

محمد الكومى
================
ايوه يبقى عرفت هضرب منيه على قفاه مش لطخ دى يعنى مضروب على قفاه






hero
=====
اعمل ايه انا فعلا بقيت بضحك من كتر اللى بيعملوه والله الا ما فيه مصداقيه فى حاجه طيب بزمتك دى حاجه كويسه طيب انا هاخد علاج وهحاول انبسط شويه شكرا يا هيرو

~*§¦§ Appy §¦§*~ said...

sakayar
==========
لا متخفش خد ساتر وانا مش هعمل حاجه
بص انا متفقه معاك انه بقى راجل بركه يبقى الاول يسال الشعراوى بجلاله قدرة مكنش بيتكسف يسال ولا يقول انه غلطان لو غلط يبقى ايه مبرر الحج ده تعب يسبها بقى ميوجعش قلبنا
لاانا مليش راى تانى اقول ايه هو فيه احسن من دعا الام خالص ههههههه ولا الشهاده اه تصدق دا انت سوسه عرفتها ازاى دى
ميرسى لمتابعتك وتشريفك ليه وسلامتك من الاكسجين بس لو عاوز ممكن اجيب لك بس ده لزوم لحام الصواميل اللى فكت عندنا بس هههههههه








سمكه وحده
===========
اهلا اهلا بيكى يا سمكه
وميرسى يا حبيبتى وكانك علقتى فى عيد ميلادى ما دى اخبار بترتر يعنى مفرحه برضه ههههههههه
نورتى الكوكب

~*§¦§ Appy §¦§*~ said...

زوجه
=======
اه والله مش شيخ المسجد بتاعنا ولا حاجه
نورتى







AhMeD RaDy
===============
بص على ايديك الشمين واضغط كليك شمال فى يمين هتلاقى الترتر على طول
نورت

~*§¦§ Appy §¦§*~ said...

lover knight
===============
ميرسى ليك خالص ولكلامك
بس على فكره الازهر مش حيثيه بس الا ا ايه حيثيه دى ما علينا
ايام الشعراوى الازهر ده كان بيتهز له بلاد فى العالم دلوقتى بجد مش عارفه ايه اللى بيحصل وحتى مدرسين المدارس الازهريه على فكره بقوا كمان حاجه سيئه وده لان الكبير بتاعهم سئ
نورت الكوكبه ومتخفش عليا








Mohamed Hamdy
================
ههههههههههه تصدق فكره يا محمد ايوه نسميها لجنه المراجعه النهائيه زى الامتحانات كده
نورت يا محمد

~*§¦§ Appy §¦§*~ said...

adel
=========
هو حر يسلم لااااا بتهزر يا عادل طيب وحر يكدب كمان يقول مكنتش اعرف عااااا كده كتير
مقطم الساعه 10 يا قلبك يا راجل دا احنا بنكون عيله وبنخاف نمشى لوحدنا لا خلى بالك بقى يا عادل وعلى فكره لم للراجل انت انا هتبرع فى حاجه واحده لو هيتنازل عن منصبه سيادته ههههههه






الطائر الحزين
==============
هههههههههه كمان بيالف اذا كان مش عارف اى حاجه فى اى حته طيب كويس عنده مخ اهو نفسى اقراها نفسى

~*§¦§ Appy §¦§*~ said...

محمد عتلم
==========
اهلا اهلا يا فنان لا قفا ايه دا احنا بقينا كل يوم الصبح بناخد مية قفا على سهوة بقولك ايه اعمل لنا صوره بترتر كده نعملها ضعار لاخبار بلدنا الحلوه
نورت يا فنان






عمرو
=======
بص يا عمرو لو تفتكر ان نور من اول ما دخل السجن مفيش اسبوع الا لما بيعمل قضيه اقرى الخبر وانت تفهم فى رده بيقولهم ما الاخوان بينى وبينهم سور يبقى هما خايفين من شئ وهماعارفينه وبعدين حقه لما يكون بينسحل بينضرب بيتهزا انما الصلاه لا كسر حقه هو عاوز بس باى شكل يبان فى الصورة قولى يا عمرو لو هما قهرينوه اوى كده حاجاته بتتنشر ليه ما ممكن يمنعوا نشرها هل هما ميقدروش
الفكره مش حق الفكره انه كل يوم والتانى لازم يطلع بشوو زى ما كان قبل المحكمه يقولك بيموت وعنده دم على هدومه وتلاقيه فى الجلسات قاعد زى البيه وشكله ولا تعبان ولا نيله وانت اكيد شوفت فهمت البوينت هو عاوز ميتنسيش فبيعمل اى منظر وخلاص وبيغطى بده بلاويه الزرقه المعروفه يا عمرو وانت اكيد عارف منها الكتير بس قول قول بس

~*§¦§ Appy §¦§*~ said...

Eng. Ahmed Abo El-Ella
=====================
لا يا بشمهندس لما يبقى كل يوم كل يوم يبقى كده كتير وكده انا فى جهنم مش مصر خالص مصر حلوه الناس دى اللى مفتريه ربنا ياخدهم
وايه غياهب دى يا لهوى يعنى النداهه
هتنادى عليه ربنا يستر علشان انا بسمع اصوات كتير اوى







Foxology
==========
هههههههههه سيد بيه اوكى حلوه دى اوى
نور فعلا ممثل ولو فكرت بعقل فى القضايا من ساعه لمااتسجن واللى بيعمله هتفهم
نورت يا فوكس بس انا مبنساش ابدا

~*§¦§ Appy §¦§*~ said...

arsenalwy
===========

اه مش عارفه عادى لا والادهى فعلا انه مش عارف ان غزة محاصرة شوفت الهنا معلش الزهيمر بقى
نورت الكوكب







جنى
=====
لاااااااااا لااااااااا انت عاوز تبوظ خرفانى ولا ايه دول خساره فيهم بجد ههههههههه
ويا لهوى طيب والنبى لو عندك الصورة هاتها اعمل سيرش عليها حتى نورت يا جنى

~*§¦§ Appy §¦§*~ said...

كوارث
==========
فرض عينى يعنى هنبقى بتلات عيون يا راجل هههههههه






البنت المشمشيه
=============
يا حبيبى لما يبقى شيخ الازهر والازهر له مكانته فى العالم يبقى مينفعش نغمض عنينا فهمتى يا قمر
وحاضر يا اوختى مش هروح ديزنى الا انا دوخت اصلا ههههههه نورتى يا قمرايه

~*§¦§ Appy §¦§*~ said...

ميدو
=========
ما هى دى كارثه يعنى ايه مطلوب مننا انزل بقى اسال ايمن ولا شيخ الازهر ولا اى هباب على عينه بنفسى طيب على فكره انا ببحث على الخبر فى اماكن كتير للتاكيد يا ميدو غير كده انا الحمد لله من ساعه لما بدات اكتب لغايه النهارده هتلاقى افكارى او اخبارى عكس او عقلانيه عن ناس كتير بيزيطوا فى الزيطه راجع اى تحليل ليه او راى وانت هتعرف وسبحان الله بعدها بيبان انى كنت صح
بس اللى بيقوله ده كارثه ومصيبه
ومش هغير التمبلت اصل ده حلو على الربيع بقى وعليك خير









سمو الاميره
===========
يا قلبى ما كتير دخلوا قدام المنيل فى الاستنخابات زوروا لا طبعا هو من زمان ومعروف ده وعلى الاقل لو ملوش علاقه يبقى يختار اللى معاه يا بنتى دول مهازل وقله ادب كلهم وحاجه قرف
انتى كمان وحشتينى متبعاكي والله وبطمن عليكى من وقت للتانى يا قمر

~*§¦§ Appy §¦§*~ said...

صاحب المضيفه
=============
ميرسي يا انس وانت بخير وطيب يا رب ويا سيدى اجيب لك كل الحكم اللى فى الدنيا








Abo 7anf
=============
انا بتكلم عن افعاله انها عره مش هو هو كشخص ولا يهمنى فى حاجه ابدا ابدا يا ابو حنف انما لما يكون شيخ الازهر اللى المفروض هو مناره العالم يبقى كده بقى كتير علينا فهمت القصد
ايمن نور مش قصه كفار وبعدين انت متعرفش سيره رابعه العدويه راجعها على فكره وانت تعرف
ومش الفكره كفار او غيره بالعكس دى كانوا عاوزنها ترجع وتمشى فى حاجه غلط
انما الادهى ايمن نور كان غلطان ومزور على الاقل ورامى نفسه لامريكا
بص يا ابو حنف ايمن نور لو عاوز يصلى هيصلىالفكره انه اليومين اللى فاتوا لما عمل ضحه وانه بيموت ومنعينه من المستشفى واى كلام ظهر بعدها فى الجلسه زى الفل وتخين ووشه مليان يعنى ولا بيموت ولا مسندينه زى ما كانوا بيدعوا فخلاص فقد مصداقيته يعنى الكام اللى جابته
غير كده بقى
هو كل شويه عاوز يعمل اى كلام علشان الناس تفضل فاكراه وميتنسيش بس المره دى لعبها غلط ليه لانه دخل من ناحيه الدين اقرا الخبر وانت تفهم بيستشهد بايه قرانيه تدينه هما مقولش له متصليش هما بيبعدوه عن المكان اللى فيه الاخوان اقرى الخبر اللى محطوط وانت تفهم نور بيعمل كل ده ليه بس ركز
غير كده اسفه مصر مش كلها فى حضن امريكا كلابها بس هما اللى عاملين كده الشعب البسيط لا يا ابو حنف انا عن نفسى نووووووووو نوووو

~*§¦§ Appy §¦§*~ said...

ست البيت
=============
دا قالها فى التى فى يا حبيبتى
وبعدين بطلى الغطاسات دى بقى علشان كده عيب هعضك بجد
تنورى وبعدين متقوليش ده انتى بتقلقينى ولا ايه





سيكو
=======
وانتى طيبه انتى فين يا بنتى ومدونتك مقفوله ليه بس

~*§¦§ Appy §¦§*~ said...

Dr Ibrahim samaha
===============
ما هما كابسين على نفسنا نغير ازاى بس مش عارفه
نورت يا دكتور






Abo 7anf
===========
وانت طيب وبخير يا رب

~*§¦§ Appy §¦§*~ said...

قلم رصاص
==========
لااااااا لااااااا استنى برطمانى مين ده بقى ودخل المجلس منين وانت عارف اللى بيدخلوا المجلس عاملين ازاى طيب طلع من الوفد ازاى وبعدها عمل ايه علشان يعمل حزب بعد ما عمل انقلابات فى الوفد وطلع منه بجلاجل ها ركز بقى وقول عارف ليه جاب مساعدين زوروا وهو ليه عمل كده علشان عارف انه اتكشف تانى حاجه لو على بهدله الحكومه شوف طلعت السادات بيعمل ايه
ومحدش بيعرف يمسك عليه حاجه علشان كده اسد وبيتلاعب على نظيف نما اللى سايبين ديول ليهم يا ابنى الحزب ده مسخره وهباب والله والكلام من اللى فيه فكر كده فيه ايام البنامج الانتخابى والله لو كان مسك كان سلم امريكا المفتاح من بدرى عموما انا من ايام الانتخابات كان عندى انخب ابو طربوش ده ومنتخبش ده تابع ايمن نور من الاول وركز وانت تفهم يا ريس
ومتقبله الاتنين كيلو لحمه وكلامك كمان يا قلم وهنشويها اللحمه ونعذبها بدل ما اعذبك انت ههههههههه





امل
=====
وانتى طيبه يا قمر وبلاش الغيبه دى يا بنتى بقى

~*§¦§ Appy §¦§*~ said...

مادو
========
ايوه ربنا يفك سجن كل مظلوم مش بهلوان يعنى
وانت طيب يا مادو وبخير يا رب وبصحه كويسه






raeys
=========
ما هو عاوز يرجع ليهم تانى يا ابنى والسجن هما اللى عارفين القصه مش قصه انهم مانعينه القصه بقى انه لقى موضوع التعب والهبل اللى بيعمله فشل ليه يا ريس لانه ظهر فى الجلسان مفيش فيه حاجه خالص ففقد مصداقيته
على فكره اعوانه لو هما اللى دسوا السم فى الاكل ههههههههه فاكيد هو فاهم قولى هو ساب الوفد ليه ها
عيبه انه فاشل من ايام ما كان بيطلع علشان يقول البرنامج الانتخابى بتاعه مش عارفه حساه امممم كلمه وحشه هبقى اقولها لك بعدين مش مريحنى من الاخر
وبعدين مانديلا مين يا ريس قلبك ابيض معلش اصل احنا شعب عاطفى شويه بس

~*§¦§ Appy §¦§*~ said...

Nubian
==========
يوووووووا من بدرى السياسه دى بس المره دى مش فاهمه الالهاء في ايه لانى بركز بصراحه
هو الالهاء جاى من نور افندى المره دى
وبعدين باخره من غير قبطان واحتمال حد بيعرف يعوم لاااااااا احنا نولع فيهم ونخلص وعلى فكره العيب مش الحكومه لوحدها العيب فى الشعب كمان صدقنى لاننا بقينا سلبين ومبنفكرش وغير كده بقينا عدوانين
نورت الكوكب كله اول مره







جمعاوي صاحب "عيادة أسنان
===========================
يا لهوى كان نفسى اقول حد ينزل بالترجمه يا جدعان بس تمت وقريت هههههههه حاضر ههدى نفسى هاكل صوباعين ديناميت هههههههه

~*§¦§ Appy §¦§*~ said...

Migo Mishmish
==============
اهلا اهلا
نورت اول مرة يا ميجو تيجى هنا سلم عليها كتير ومبروك البيبى انا مقصره معاكوا بس انا جاى حالا حالا







fashkool
===========

يا عمو هو انا جيت ناحيته الراجل ده كل ما تخلص له قضيه يطلع اى هطل
وشيخ الازهر كبر يسيبه عيييييييييييييب عليهم عيب بجد
وبلاش حلاوة يا عمو مش بحبها بقى بص باكل مربى وجبنه رومى تمشى

~*§¦§ Appy §¦§*~ said...

ماما اموله
===============
ما الاخبار هى اللى بتيجى يا ماما مش انا اللى بروح لها بس بزمتك مش بترتر بجد نورتى يا مامتى الجميله







وومن
=========
بقولك اخبار بترتر يبقى اكيد من عند سنيه شخلع هجيبها منين دورى على الصفحه وانتى تعرفى ههههههههه صفحه المسئولين للشخلعه
ومين قالك انى كنت هدنه انا كنت بقرا يا بنتى فى الخباثه
نورتى يا مرمر

~*§¦§ Appy §¦§*~ said...

نودى
=========
بصراحه لا مقدرش اكدبها يعنى ازاى ده عيب
وبعيدن شال ولا حط هو ملوش لازمه ومش عارفه موافقين عليه ليه حرام بجد






mahasen saber
==================
اقرى الخبر يا حبيبتى وانتى تفهمى اقرى ردى على ابو حنف وانتى تفهمى يا محاسن ايه القصه على فكره هما بيبعدوه كمان عن الاخوان فى السجن علشان كان واعدهم بحزب لما يمسك مصر علشان يقفوا جنبه فى الانتخابات نور من زمان وهو غاوي شوو مش قصه ليه يمنعوه اقرى بس ردى على ابو حنف ورد الريس وانتى تفهمى واقرى الخبر نفسه واناعارفه انك ذكيه
نورتى يا قمر

~*§¦§ Appy §¦§*~ said...

مصرى
=========
على فكره هو متعذبش وانا كنت زيك كده بص يا سيدى فاكر ايام محكمته ولما كانوا قبلها يقولك ده زوره طالع بره ومعدته فى قفاه والكلام ده راجع صورة فى المحكمه وانت تعرف ان كل ده تمثيل فى تمثيل وبعدين واحد زور او ساعد يبقى ميتحبس ليه هااااا قول بقى
دا طلعت السادات اللى معملش حاجه حبسوه وبرضه ولا بيهمه عادى
على فكره انا مبجريش ورا اخبار الا لما بكون ربطت احداث ببعضها
شيخ الازهر لازم يسيبه بقى لان كده بقت مهزله










سبهلله
==========
لا غير كده يا حبيبتى بجد عارفه كداب وكدبه منعكش يسلم ماشى قول اسف قول انا عملتها من باب القدروه بالرسول اى حاجه يعنى انما يقول مشوفتش او معرفوش يا سلام وزودى كمان بقى يقولك معرفش ان غزة محاصره طيب اقوله ايه

~*§¦§ Appy §¦§*~ said...

حنين
=========
لا مش ماتو دول انقرضوا من العالم كمان فيه والله بس هو خرف







Founoon
===========
ربنا يكرمك يا فنون جبتى الجون صح هو ده اللى عاوزه اقوله لشيخ الازهر
ايمن انا وفيته حقه بصراحه كفايه بقى عليه ههههههههه وانتى طيبه يا فنون يا قمر

إبـراهيم ... معـايــا said...

حلوة قووووي أخبارك، وبتختصر بلاوي كتييير


************


أنا داخل أقول لك كل سنة وإنتي طيبة، ولو إنها متأخرة بما إنك زميلة قوسيـة ديسمبرية


ويارب كل أيامك أحلى

أبو أسامة said...

الأول كل سنة وانتي طيبة
ثانيا : أنا مش هعلق على كل الأخبار اللى انتي قلتيها لأني متفق معاكي تقريبا في كل حاجة
بس عندي كلمة واحدة :
مش معنى إن رابعة العدوية كانت بتصلي في الزنزانة يبقى لازم أيمن نور هو كمان يصلى في الزنزانة
بمعنى إن الأصل إنه يصلى في المسجد
ولو منعوه يصلي في الزنزانة وفي نفس الوقت يحاول يوصل لحقه إنه يصلي في المسجد
وبعدين سؤال بريء :
هيعمل إيه بقى في صلاة الجمعة ؟
على فكرة انا قريت الخبر في الدستور إنهم مانعينه من صلاة الجمعة في المسجد .
كل عام وأنتم بخير
تقبل الله منا ومنكم

~*§¦§ Appy §¦§*~ said...

ابراهيم معايا
==============
وانت طيب يا زمل وبخير دايما يا رب







ابو اسامه
==========
اهلا بيك حضرتك يا ريت برضه تقرا الخبر عندى وتقرى ردى على ابو حنف وعمرو بخصوص ايمن نور
وحضرتك هتفهم
وبعدين محدش منعه من الصلاه فى الزنزانه ابدا فى المسجد علشان اختلاطه بالاخوان
غير كده ايمن كل كدبه اتكشف من ساعه ما كان بيطلع يقول انا تعبان وبموت وبيراسل امريكا ويبعت لاوباما
وفى الاخر طلع فى الجلسات كويس
انا مش ضد انه يصلى فى اى مكان بس ضد انه كل شويه يعمل شووو ولما لقى موضوع صحته مش جايب نتيجه
قالك ادخل لهم من ناحيه الدنيا ايمن عاوز يفضل متواجد طول الوقت فى الساحه والناس مش تنساه بس تنسى اللى عمله وتقول ده مظلوم واتبهدل انا عن نفسى لو الحكم هيطلع من مبارك لايمن نور لا يبقى يفضل مع مبارك ارحم
نورت الكوكب

nour shahen said...

هو انا مش فاكره بس عارفه ومتأكده ان دا اللي انا فكراه فما علينا من اللي انا نسيته خلينا فلى فاكرينه
فهمتى حاجه لا طبعا
طيب نقول تانى
سبنا من الاخبار اللي بترتر ملناش دعوه بيها لأنك قولتى قواله جامده مبعدهاش قواله
انا جيت اااااااااخ
جيت اقولك كل سنه وانتى طيبه
مش علشان العيد لا
انا باين قولتلك قبل كدا علشان العيد اه صح قولت
لالالا انا بقول كل سنه وانتى طيبه علي عيد ميلادك
ايون صح برافو عليا
متاخديش بالك من كل اللى فات
الأهم تفائلى بالسنه الجديده اللى جايه من عمرك
وعلى رأى شعبولا بس خلاص ....

mohamed ghalia said...

انتى مصممة تنكدى على نفسك فى عيد ميلادك
سيبك بقى من النكد ده شوية
ربنا يحفظنا

الرومـيصاء said...

يعنى الواحد ياابى يعلق يقول ايه

غير انها حاجه تقهر

بس الواحد مش مستنى منهم
حاجه احسن من كده
احنا خلاص اتعودنا على حرقه الدم
هما فاكرين انهم بيخاطبوا
شعب جاهل
لايفقه ما يقال

لما يقول انا معرفش ان غزه محاصره

يبقى اكيد كان على المريخ ولسه واصل

حمد الله على سلامته

معزور

~*§¦§ Appy §¦§*~ said...

نور
=====
يا ضنايا يا بنتى فيه ايه بس كل ده من الاخبار وانتي طيبه يا نور ومنوره الدنيا كلها






محمد الغاليه
===============
يا اخي العزيز هو فيه حد فى الدنيا دي دلوقتى عارف يفرح دي حتى الناس بقت مقفله دماغها نورت يا محمد ومتخفش عليا من حرقه الدم مش سهل حد يغير مودي ابدا

~*§¦§ Appy §¦§*~ said...

الروميصاء
==============
اهلا اهلا بالناس اللى بتكتب كلام فى مدونتها منعرفش نرد عليه من جماله اخر بوست بجد عندك حلو اوي ربنا يهدي وياخد باله بقى او يسبها ويحافظ على ما تبقى من الازهر
منووره دايما

micheal said...

أولا..سيبي الترتر لانه تميمة الأخت ميمي جزرة
(رذالة بقي)
:)
ثانيا..انا مش شايف اللي يسلم علي إسرائيلي مشكلة ..لحد امتي حنفضل ناسيين انها امر واقع حتي لو كانت حجرة علي قلبنا بس محبش نعيش عالم اليوتوبيا..ألمصيبة في رأيي أنه حاول يضحك ع الراي العام بحجة واهية
عجبتني أوي الحكومة الرشيدة أم عز دي وربنا يخليلنا تصريحات المسئولين اللي الواحد ميعرفش ينام الا لو سمعها
أما ايمون نور فزي ما قلتي شو والا فجاوبيني علي السؤال اللي محيرني ده
ايه لازمة صورة كل عيد والريس بيصلي..هي حتفرق مع الشعب في حاجة انه يشوف الريس بيصلي صلاة العيد
:)
تحياتي

نيجار said...

أبي هانم
اول حاجه كل سنه وانتي طيبه ومعلش علشان إتأخرت عليكي وعقبال 100000000000000سنه
وبعدين ايه يا بنتي الأخبار الحلوه دي
إنتي ناقصه حرقه دم وعلى فكره انا ذيك ما بطيقش ايمن نور ده نوهائي
يالله ربنا يهدينا جميعاً
سلام يا حبيبتي

يوميات فنانه مفروسه جداا said...

يلا حالا بالا بالا هنووو ابو الفصاد وييييك وييييك هيكون عيد ميلاده الليله اسعد الاعياد وييييك وييييييك فاليحيا ابو الفصاد هيييييييه
كل سنه وانتي طيبه يا احلي اابي ويارب متفوتش السنه ديه اصدي متفوتش السنه الجايه اصدي هوا في سنه مش هتفوت والا وكل حاجه تمام ان شاء الله نيههاهااهاهاهاهاه
لا بجد والله ربنا يديكي كل اللي تتمنيه ويجعلها سنه شعيده عليكي
****************
نيجي بقي للكلام المفيد
شييييييخ الازهر عره
والله يعره ويفضحه ويكسفه ويجرسه
واشوفه كده مفضوح فضيحة السمكه في طاسة القليه قادر يا كريم
اللي بعده
ايمن نور
معرفش ليه الراجل ده صعبان عليا والله يا اابي
فكرني بواحد اتخانق مع واحد عشان جاب في سيرة واحد صاحبه وبيحبه راح اللي بيحبه جاي عليهم لاقاهم بيتخانقوا اما مطوح الضرب فيهم هما الاتنين ويقولو يا عم انا بتخانق عشان خاطرك واللي بيضرب ولا هنا
فاهمه حاجه!!!!!!!!!! اكيد لا
ولا انا ههههاهههههههاهاهااهه
*************
ايه ده انا فييييييييين يا دي النيله عليا
المتحدثة تحمل شهادة معامله اطفال
ولووووووولي
سلام

مواطن مصري said...

معلش انا بقى مش شايف ان الشيخ الازهر مغلطش

يعني الراجل في مؤتمر حوار اديان ووا سرائيل حاضرة المؤتمر و في وقت
حملة شديدة على الدين الاسلامي على اننا عنصرين و ارهابين و دموين


دة سيدنا محمد علية افضل الصلاة و السلام كان لية جار يهودي يهودي كان بيرمي علية زبالة كل يوم و لما الجار اليهودي مرض

سيدنا محمد علية افضل الصلاة و السلام راح زارة و اطمن علية

طيب لو كان سيدنا محمد كان موجود الان وه و الي سلم علية
هل كان دة هيبقى رد فعلكم

انا مش شايف ان شيخ الازهر مغلطش و الناس الي هاجمتة ما تهاجم الي اعلى منة في السلطة

kochia said...

مش هعلق علي الشيخ وخلافه
عشان كل اللي قبلي قال واوفي

لكن الحكم البتنجاني دي
بتجيبيها منين ؟؟؟؟

حلوة بجد

EmY said...

آبي هانم بتنجاني شكل خرفانك عامله شغل جامد اليومين دول و الحله و الدبور شغالين ززززن

و شكلي هاجيبلك مربي و توست قريب يا قمر

شيخ الازهر ده بجد شيخ منصر و المفروض يعمل مشروع استثماري و يفتح ترابيزة 3 ورقات و ربنا يكرمه فيها
الراجل بيكدب و بيتهبل و بيبجح كمان ده ايه الجبروت ده
الله يكسفه زي ما كسفنا


عيب يا ابي لما تقولي بطاله في مصر ايه انتي مش حاسه بالرفاهيه الشعب عندو بدل الفيلا اتنين واحده في مارينا و التانيه في القطاميه هايتس و بيلعب بالهامر لعب و مش راضي يشتغل من كتر الفلوس الي معاه
الشوارع نظيفه و الرغيف كبيييييير و المياه نظيفه ربنا يخلي الريس
ادعوله ادعوله
عيب بقي لما تطلعي اشاعات و تقولي بطاله شكلك من الاعداء يا آبي

انا معاكي في كل كلمه علي ايمن نور

هدي اعصابك و يا واد طنش

العراف said...

ههههههه ربنا يكون فى عونك من الراجل ده يا اكيد هو راجل كبير يعنى لابيسمع ولا بيشوف ولا بيعمل اى حاجه فى حياته فى فروضه وواجباته استحملى وسيبك منه

مجداوية said...

السلام عليكم


كل سنة وانت بألف خير يا آبى ودعائى بعمر سعيد مديد إن شاء الله


بصى يا بنتى يا حبيبتى

اختلافنا مع شيخ الأزهر فى تصريحاته العجيبة طبعا مفيهاش نقاش لكن بلاش نستعمل سباب بتوريه وايحاءات لا تليق بينا احنا كمسلمين

احنا ممكن نقطعه نقد وهو يستحق هذا لكن ده بيفتح المجال لاستخدام السباب المعلن واللى مش متغطى من الغير
رغم حريتك التامة فى استخدام أى اسلوب يعجبك فى الكتابة فى مدونتك فلا أحد له حق فرض رأى معين عليكى لكن أنا بأقوله لأنه برضه فرض عليا أصدقك القول ولا أجاملك ولك مطلق الحرية فى تقبله أو رفضه وان كنت دائما تشجعينى على هذا بحسن تقبلك لكلامى
فربنا يبارك فيك يا رب



بالنسبة للحوادث والبطالة والفقر فتوقعى عودة لأيام ريا وسكينة
قريبا وعصابات الخطف والفدية والقتل للسرقة وعودة محمد رضا سارق الغسيل اللى بيقص حبل الغسيل لما يشوف الغسيل مهفهف من هنا ومن هنا وكان الله بالسر عليم لأننا مقبلين على أيام خروبى

واختى لسه بتحكيلى عن انتشار ظاهرة سرقة الشنط والموبايلات عندهم فى الشارع فى عز الظهر بواسطة صبيان على عجل أو موتيسكلات


بالنسبة لأيمن نور
أنت محقة تماما فى انه ممكن يصلى فى الزنزانهلكن ده فى حالة الاضطرار لإن صلاة الجماعة فرض على المسلم وهذا لا يعلمه الجميع الاسثناء للضروريات لصلاة الفرد ,,عشان كده المفروض جوامعنا تكون مليئة بالمصلين طول العام مثل رمضان لكن للأسف لأن هذه المعلومة غائبة عن كثيرين فتجديهم بعد رمضان فص ملح وداب

ويأثم من يترك صلاة الجماعة بدون عذر ويأثم من بجواره مسجد ويصلى فى البيت بدون عذر
والعذر هو المرض أو البرد القارص أو خوف من الحاكم أو على النفس
فيما عدا هذا فصلاة الجماعة فرض

فمن حق أيمن نور أوأى مسلم أن يكون له الحق فى صلاة الجماعة اذا أمكن فطلبه مش مستنكر ولا هو تمثيل كطلب مجرد أما نواياه فيعلمها الله

~*§¦§ Appy §¦§*~ said...

micheal
==============

ايه يا ميشو هو انا اتكلمت فى حته انه سلم ولا حتى اداله بوسه انا اللى فرسنى موضوع غزه اللى فرسنى اكتر واكتؤ انه يطلع يقولك مخدتش بالى طيب ارد اقوله ايه يقول مكنتش اعرف ان غزة محاصرة طيب تقول ايه فى ده بقى يا حبيبى يا ضنايا يا زواوى
لازمته بيورينا كبر قد ايه وبقى حلو بس ههههههههه







نيجار
=========
وانتى طيبه يا حبيبتى ربنا يخليكى
وربنا يفك سجنه ويهدى عقله اللى ضايع ده

~*§¦§ Appy §¦§*~ said...

يوميات فنانه مفروسه
======================
ايه البنت التايهه هنا دى انتى مين يا شاطره ها ممكن تقولى ليه انتى مين
اممممممم طيب هركز وهرد عليكى ههههههههه نورتى يا سمسمه ووحشانى







مواطن مصري
==============
هو انت قريت الكلام ولا العنوان بس علشان افهم
هو انت مش فاهم انا بتكلم عن ايه انا مبتكلمش عن السلام مع بريز انا بتكلم عن التصريح اللى طلع قاله حضرتك على انه ميعرفش ان غزة محاصره
وبعدين لو عاوزنا نقتاد بالرسول صلى الله عليه وسلم يبقى بعد اذنك تقول هو كان بيروح يسلم ولا لا
يعنى متجبش مثل بده واليهودى اللى بتقول عليه مكنش بيحرق ويقتل كل يوم واحد من مصر ومن جيرانك ومن اطفالنا على الحدود
ده لو انا سبت نقطه انتقادى له اصلا فى انه بيقول غزه مكنتش اعرف انها محاصره
فدى طامه تعالا تانى للسلام اللى عمله مع بيريز
لما الناس هجمته مكنش عنده الشجاعه انه يقول ما الرسول صلى الله عليه وسلم كان بيعمل وهو قدوتنا قالك لك مكنتش اعرف
فهمت حضرتك النقطه اللى بتكلم فيها فين ولا مش واخد بالك
وابقى اضغط على اللينكان وانت تعرف
ثانيا انا بنقد اى حد فى الدنيا ان شاء الله ام الخلول انا مبخفش راجع مدونتى قبل كده وانت تعرف يا ريس
نورت

~*§¦§ Appy §¦§*~ said...

كوشيا
==========
حكم بتنجانى تفتكرى هجيبها منين سوق الخضار اكيد هههههههه
نورتى يا قمر









ايمى
=====
عارفه يا ايمى لو عنده الشجاعه فى تصريحاته هقول اه ماشى انما يا نهار على المبررات بجد ده بجد مينفعش يمثل الازهر اذا كان هو بقى كده وكلامه كده عاوزين نقول الغرب بيعملوا فين كده ليه طيب بنشتكى ليه بقى
نورت يا ريس وكتر المربى

~*§¦§ Appy §¦§*~ said...

العراف
==========
يبقى يسبها يا سيدى ميفضلش فيها فيه ناس افضل منه بكتير اوى
نورت الكوكب






مجداويه
=========
وانتى طيبه يا حبيبتى
مش عارفه ليه المره دى انتى مش فاهمه ضيقتى وسباب فين انا وضحت بخط كبير انى مضايقه من تصرفاته ايه يا مجداويه ده كداااااااااااااااب
انا بينى وبين جامعه الازهر مفيش اقل من كيلو من عند شغلى الاسبوع اللى قبل العيد الدنيا والعه هناك مظاهرات علشان غزة
يقوم يطلع يقولك مكنتش اعرف ان غزة مش عارف ايه
لا بقى وتقولى ليه بلاش حرام عليك طيب ما انتى ادرى واحده عارفه ايه اللى بيحصل فى الازهر
يا شيييييييييخه دا ساكن عند ماما مدرس ازهرى وبالصدفه البحته اول مرة اقعد معاه هو مراته فى العيد كان نفسى اخبطه افتح قرنه هو مدرس فقهه يخلوه لغه عربيه وكمان بيتكلم بطريقه انا مش متخيله ان ده اساسا مدرس هو شيخ الازهر بس نايم يعنى ولا ايه
مجداويه فاكره الشعراوى لما كان بيغلط كان ايه اللى بيقوله مش كان يعترف
عارفه ده بيغلط وبرضه يكدب مره يقول معرفش مره يقول مخدتش بالى
يشيل مواد والامه الاربعه ويقولك مش عارف ايه
يا بنتى هو دلوقتى السياسه اللى ممشياه
مجداويه انتى عارفه الازهر ده مكانته المفروض فى العالم ازاى
وبعدين تيجى تقولى ليه توريه وباب متوارب لاااااااا حرام
طيب دا اللى معينه بنلعنه ليل ونهار ومبتقوليش كده اشمعنى لو من باب المبدأ يعنى انه ميصحش ولااعملى زى واحده وقولى ده رمز
انا شايفه انه رمز للحكومه انما مش للازهر والاسلام

ايمن نور مختلفه معاكى تماما والنبى اقرى الكلام يا مجداويه هو انتم بتكسلوا تضغطوا على اللينكات يعنى ولا ايه
واحد يقولك انا بعيد عن الاخوان يعنى مفهوم ايه غرضه من ورا الموضوع انه يرجع يضامن معاهم وخاصه انه كان واعدهم بحزب يعنى ولا دين ولا حاجه
ومعلش يا ستى غصبينه الكلاب الوحشين
عامل شوو كبير ليه
وكل شويه يطلع فى الجرايد طيب ما تخليه يبعت لاوباما يمكن يسمح له
بتاع الدين اللى بتقولى بيصلى وصلاه الجماعه اللى بيبوس كونداليز رايس
مجداويه والنبى اقفلينى من ناحيته
سيبك من الطيبه دى
ركزوا بس فى الكلام وانتم هتفهموا
معلش بقى المره دى طلعت منك اوت يا مانتى الحلوه
لانك مفهمتنيش كويس

الدرويش المرووش said...

أولا كل سنة وإنتى طيبه

ثانيا نصيحه أخويه ووصفه ذهبيه للصحه وطولة العمر

سيبك من المدونين وصداعهم
والفضائيات الإخباريه و قرفهم

و ركزى أسبوع واحد مع قناة إسترايك

هتلاقى إن لسه الدنيا بخير و لسه الطير بيطير

عاشقة القمر said...

كل سنه وانتي طيبه عيد ميلاد سعيد عليكي طبعا في مدونه عندك تورته
جيت قوليك مع سلامه لان اهنقطع شويه من مدونتي

عاقلة علي ارض الجنون said...

آآآآآآآبي

يخرب بيت اللي يزعلك

بجد أنا هبطل أجيلك

مش معقوله بقي

بجد أنا تعبت من البلد دي :(

------

جاتنا خيبه !!!!

حروف (دلو مرة ثانية وجرح ثاني سابقا) said...

مين بس اللي مضايقك شاوريلي علية اصل اليومين دول طالعة حملات خد حك بلجزمة انا بئا اللي مخوفني ياابي ان الجزم تغلي ومعرفش اجيب ونمشي حفي ويبئا حفي من كله وبعدين حنعمل ايه قولي ورايا انا مش انا والبلد دية مش هيا وانامين بس وخلينا تايهين حنعمل ايه زهقنا من كتر الكلام
بوست حلو كلعادة ياابي انا بقيت من معجبينك

bastokka طهقانة said...

البتنجان...تصدقي هافف عليا اليومين دول
مسقعة و مقلي و مخلل
تفتكري ليه؟
دي عوارض جنان و لا انا سوداوية اللوك؟
شيخ الازهر يا امي عنده الدغت فاية..مش بيقولوله الاخبار الوحشة زي حصار غزة و كده و بيفتحوله سبيس تون تفك على مراوحه فالبيه مش بيشوف نشرات و مصطبحش بخلقة شمعون بريز البتة
ميعرفش غير المحقق كونان


و صوتي يا اللي مش غرمانة

يا تدهوتيييييي
اوروفوار

mony said...

ازيك يا ابي

الاخبار دلؤتي كلها بقت بترتر

بروبرؤ

و بعدين شيخ ازهر مين يا ختشي اللي جاية تزعلي نفسك علشان خاطر

امال ايه اللي مقعدة معانا كده و مطول
ماهو علي كل لون ياباطستا
استك منه فيه


اما باقي الاخبار اللي بترتر

فتعليقي الوحيد هو الاكتفاء بالابسامة


بما ان مافيش حاجة تخلينا نضحك

mahasen saber said...

يا رحاب انا مقرتش الخبر لانى مش هبله ااقرا اخبار هههههههه مبقاش فيها مصداقيه
ولا خبر نور ده صحيح بالمعنى الدقيق للكلمه ولا اغلب اخبارنا صحيحه بالصوره اليى بنشوفها
وموضوع نور شايفه انه ميستحقش كل ده وقريت يا جميله وقريت تعليقك على ريس نفسه بس برضه يا رحاب
بعدين الراجل لا يستدعى كل هذا التحامل معتقدتش شوفى انا اتحامل على الاخوان لانى بكرهم لانه بيغمسوا الدين فى السلطه الحكم يعنى مش السلاطه بس موضوع حزب الغد مع انى والله ولا اعرف حد فيه بس شايفه انه ضخ دماء جديده فى ساحة الاحزاب المصريه ليه لا يا مرحب بكل جديد وكل واحد بيطرح اليى عنده والناس تشوف عايزه ايه
مع انى ولا مقتنعه باى شئ اصلا من ده كله
بس لزم التوضيح الصريح يا قمر

«۩ AhMeD 3LaM۩» said...

انا جاي بس اقولك كل سنه وانتي طيبه
عارف جاي متاخر بس انا عامل لنفسي اجازه
كل سنه وحضرتك بسعاده

وعمار يا مصر
بس عمار لانها البلد الي ميعديش يوم فيها من غير اخبار مؤسفه
دا في مليون حاجه الواحد ممكن يتكلم عليها
للاسف

mero-moory said...

السلام عليكم و رحمة الله و بركاته

والله عندك حق في الحالة اللي انتي فيها
بث اوعي تغيبي انتتي كمان
موث هفضل ماثية وراكم بقى

اتحثدتوا والله

بث تعرفي بغض النظر عن أيمن نور وأفعاله بس والله صعبان عليا رميته دي وهو مظلوم

وشيخ الأزهر ده جايز حايز يبقى له معجبين زي روبي وهيفا وكده فقال يدلع الدين ثويه
حسبي الله ونعم الوكيل

يلا ربنا يهدي

في رعاية الله

الجواز و سنينه said...

اولا كل سنه و انتى طيبه
معلش ماكونتش متابعه الفتره اللى فاتت
و يابنتى ارحمى نفسك
ده انتى لسه يادوب 3 سنين
هههههههههههه

كفايـة طيبـة said...

انا عندي سؤال ملوش علاقة بالبوست خالص

منكن اسأله ؟

هو ايه سبب تسمية نفسك آبي

عايزة اعرف معنى الاسم بس

:D

لورنس العرب said...

شوفي يا آبي
موضوع شيخ الأزهر انا ملتمس العذر له
هو قال انه مايعرفوش لكن مش معنى كده انه ميعرفش ان شيمون بيريز هو رئيس اسرائيل او مش معناه انه ميعرفش ان فيه حاجه اسمها شيمون بيريز في الدنيا
ولكن هو اول ما شافه لم يعرفه
يعني هو لم يكن جهل منه وانا لا اتوقع ان رجل كان مفتي مصر انه يكون جاهل أو أطلق عليه صفة الجهل
هو يعرفه ولكن عمره ما قابله
وبعدين الراجل كان في مؤتمر حوار اديان وكان لازم يسلم عليه
ولا تنسي ان شيمون بيريز نفسه ابن .... وكان حريص انه يسلم عليه عشان عارف ان الكاميرات هتكون عليهم وهايعمل مشكله
هذا ليس دفاعا عن شيخ الازهر نفسه لأنه في الاول والآخر موظف حكومه ويفعل ما يطلبه الرئيس منه حرفيا
لكنه كان توضيح للموقف

قلوب بتغنى said...

ابى ازيك
كل سنة وانتى طيبة
ده اولا يعنى
بعد كده بقى كل الى انتى كتباه يحرق الدم بصحيح وعلى فكرة انا كمان مبحبش ايمن نور بس برضه مش من حقهم انهم يمنعوه من الصلاة مكان ما هو عايز
شيخ الازهر ببببببببييب علشان الرقابة بس
بيستعبط
تحياتى

micheal said...

نصيحة:اقلبي علي بوست تاني وريحي دماغك
:)

الشنكوتي الكبير said...

يا ام دماغ فاصوليا

وانتي عارفه ليه طبعا

ابقي اساليني الأول

سلااااااااااااااااااااااااااام

~*§¦§ Appy §¦§*~ said...

الدرويش المروش
=================

يا دى النور والهنا لااااااا دى نصايح غاليه فعلا انت عاوز تخلصنى من عذابى وتجيب من الاخر بسكته قلبيه ربنا يكرمك ويجعلك ذخرفا لنا هههههههه






عاشقه القمر
==============
وانتى طيبه يا حبيبتى

~*§¦§ Appy §¦§*~ said...

عاقله على ارض مجنونه
=======================
يا بنتى خيبه اكتر من كده طيب ازاى






حروف
========
ايه ده انا معرفش اقول ده وبعدين محدش يعرف يزعلنى انا بيزعلنى بس الناس اللى مبتشغلش عقولها
اممممم وربنا يستر من الادمان اصل كده هتضطرى كل يوم دمك يتحرق
نورت يا قمر

~*§¦§ Appy §¦§*~ said...

طهقانه
=========

هههههههههه واحد صنيه مسقعه للمدام يا عوكل هنا
نورتى يا قمر






مونى
===========
دى اخبار مشخلعه انا بس صعبان عليا الازهر يا مونى خالص

~*§¦§ Appy §¦§*~ said...

محاسن صابر
===========
دم ايه ده دم للركب من ده لده يا قلبى لا تحزن بصى يا محاسن م شعلشان مش امشى فى الطين اروح اخد العمود الكهربا فى حضنى تابعى ايمن نور من الاول وانتى تفهمى يا حبيبتى وبعدين من ده لده يا قلى لا تحزن موضوع مفيهاش مصداقيه فاطمنك ان التى فى بيجيب وعموما لو تابعتى هتعرفى ان دى عادته من البدايه وبنشغل مخنا وبس





«۩ AhMeD 3LaM۩»
=================

وانت طيب وربنا معاك فى الاجازة

~*§¦§ Appy §¦§*~ said...

mero-moory
=============
لا متخافيش قاعده على قلبكوا لا تقلقى







الجواز وسنينه
============

تلاته مين الفتان اللى قالك

~*§¦§ Appy §¦§*~ said...

كفايه طيبه
=============
كلاكيت عاشر مرة اسمى هو ريحاب الحقيقى ابن اختى وهو عنده سنه بدا يقولى ابى فحبيت الاسم بس يا قمر






لورانس
=========
حتى انت حتى انت حتى انت
هو انا اتكلمت فى دى بزمتك انا بتكلم عن انه طلع يقول فى مؤتمر ان مكنش يعرف ان غزة محاصره انت بدات تقرا بعنيك زى الباقى ولا ايه خلتنى فقدت الامل حررررررررررررام عليك
بص لو هرجع للكلمه بتاعك عن السلام مع ان مكنش ابدا ابدا قصدى وسكت عن الموضوع ده مع رفضى ليه
هقولك مينفعش برضه يطلع يقول انا مكنتش اعرف لسبب واحد بس انه قاعد طول الحوار والاجتماع مع مين يعنى ولا مش مركز فهمت بقى

~*§¦§ Appy §¦§*~ said...

قلوب بتغنى
==========
اهلا اهلا
راجعى ردى على مجداويه ومحاسن وعمرو بخصوص ايمن نور
نورتى يا قمر





ميشو
========
هتشل يا خويا بجد شوفت اللى قولت لك عليه

~*§¦§ Appy §¦§*~ said...

الشنكوتى
==========
والنبى انت عبيط اجرى من هنا شوفت مين اللى فاصوليا بقى ههههههههههه

fashkool said...

يعنى يا آبى يا بتاعة الهيومن رسورس باعته لى تعلق كلمتين وبس وخلاص ..انت زعلانه من عمك فشكول قوى كده انت على العموم وما دام انتى مبسوطه .. انا كمان مبسوط ..فيه حد يبقى زعلان عشان بنته مبسوطه؟

محمد عتلم said...

على فكره يا ابى انا بدور على ترتر بجد عشان اصورهولك زى مانتى عايزه بس لو فيه مواصفات معينه للصوره انتى عايزاها قوليلى عليها عشان اعملها . ولا اصورها من دماغى ؟؟
وعلى فكره انا اللون المفضل عندى بجد هوا البتنجانى بس مش كل الدرجات وطبعا مش البتنجانى المقلى ولا البابا غنوج ابو سلاطاته

~*§¦§ Appy §¦§*~ said...

عمو فشكول
===========
يا نهار مفشكل ابدا انا ازعل منك طيب والنبى لاجى عندك وارغى لغايه لما تصدع






محمد عتلم
==========
ههههههههههه لا صور بمزاجك بقى علشان تبقى شعار للناس انا بثق فى ذوقك
وعلى فكره انا من مفضلى البتنجانى المخللى والمحشى كمان

محمد عتلم said...

بتنجانى مخلل بتنجانى محشى مشوى مقلى كل اللى ييجى منك حلو بس والنبى من غير بزر

أنا حر said...

متفق معاكي في موضوع شيخ الازهر جدا
اما بالنسبة لموضوع البطالة فده كان لازم تعرفي من الاول ان الحكومة دخلت الحرامية ضمن الفئات اللي بتعمل وبكده قلت فعلا نسبت البطالة
اخر حاجة بقى اللي مش معاكي فيها هو موضوع ايمن نور
ممكن تكوني حاسة انه بيمثل بس انا اتعاملتم عاه بشكل قريب قوي وقد ايه عرفت انه صادق
ممكن تكوني شايفة خبر الصلاه بتاعه شو اعلامي بس انا كنت عايز اقلك ان الخبر ده في اكتر من مكان بيتكلم على صلاة الجمعه والناس كلها عارفة ان صلاة الجمعه مش ممكن انها تتم غير في المسجد والا تبقى صلاة ظهر عادية
لما يتمنع يبقى تعدي على حريته الدينية لانه اتمنع من اداء فرض من فروضه وهو صلاة الجمعه
يارب تكون الصورة وضحت
تحياتي

enjy said...

معنديش تعليق غير ان البلد كلها بقت بطراطير وحاجات بتطير..ايوة طراطير مش تراتير ومش عايزة افسر بقى

الرومـيصاء said...

ازيك ياابى
عامله ايه
كل شويه اجى
اقول فيه بوست جديد
الاقى تحديث


اعمل فيكى ايه

ماشى
ماشى

المره الجايه لما تعملى بوست حلو

من كتر ما هيجبنى مش
هعلق عليه
هههههههه

DR.HAMAS said...

سأعلق على الخبر الأول

------------------

على مدار الزمن يوجد العالم الذى يبيع دينه

و لا ننتظر منهم أن ينصروا الاسلام فى موضع

هداهم الله

جزاكم الله خيرا






د.حماس

مدحت محمد said...

كل المسلمين اتضايقو مش انتى بس

طـــائر الليــــل الحـــــزين said...

أبــى
ازيك يا قمر
بصراحة انا شايفة موضوع البوست قوى جداااا وجميل
بس مش المفروض علينا كمدونيين او حتى كجماهير لما نحب ننتقد حد من الشخصيات اللى بيكون عليهم وعلى شخصياتهم جدال كتير اننا نتريق قوى كده
بس عارفة انا واثقة ان ده بيحصل من كتر الضغط اللى انتى حساه زينا
من كتر الاوضاع الغلط اللى موجوده حوالينا ومش عارفي نعمل فيها حاجة
وكمان عمليين نشوفها تزيد يوم بعد يوم
بس عموما انا معاكى فى رأيك
وانا كمان كتير لما بتكلم عن حد من اللى مدايقة من تصرفاتهم بتكلم وبقول اكتر من كده
انا بحييكى على الكلام الرائع ده يا ابى
وبتمنالك دايما رأى جميل يوصل للناس بمنتهى السرعة وبدون اى مجهود
تحيااااااااااتى

~*§¦§ Appy §¦§*~ said...

محمد عتلم
==========
لا احنا ننزع السلاح النووي بتاعه






انا حر
========
بص يا جميل كونك اتعاملته معاه بشكل شخصى او قرب برضه مش مبرر ليه انى اقتنع بحاجه تانيه لان الانسان لما بيحب انسان بيشوفه كل مميزات موضوع الصلاه واضحه جدا بالنسبه ليه ما هو لو مش فى دماغه الاخوان مكنش نوه ليهم وانه ملوش دعوه بيهم بس
نورت الكوكب

~*§¦§ Appy §¦§*~ said...

انجى
=====
ههههههههههه طيب اوعى حاجه تخبط فيكى بس من اللى بيطيروا





الروميصاء
=============
ايه ده انتى قاعده مستنيانى لا انا هكتب يا قمر

~*§¦§ Appy §¦§*~ said...

د/حماس
=========
الله يكرمك قلت اللى فى نفسي






مدحت
=======

طيب ما يحس بقى هو يا راجل هو كابس ليه كده

~*§¦§ Appy §¦§*~ said...

طائر الليل
=============
يا حبيبتى انا مش بتريق انا فعلا بسخر منهم جدا ودى طريقة كتابتى فى كل بوستاتى على فكره مش ده بس
نورتى يا كميل وسعيده بمتابعتك