واحد مصرى للبيع



قرب قرب قرب اشترى واحد مصرى وعليه واحد تانى هديه
ما هو مسلسل حرق الدم مش هينتهى الاسبوع ده خالص
طول ما فى البلد دى اشكال متعبيه فى شيوال زى عايشه عبد الهادى ام نظارة كعب كوبايه
وذى تاجر العبيد والنخاسه اللى فى السفاره المصريه فى الكويت

قريت الخبر ده
اقروه بقى وشوفوا انا عاوزة افهم يعنى كذا نقطه
1- هما نسيوا المصريين بيتعمل معاهم ايه فى الكويت ولا نسيوا الولد اللى اتعذب من الشرطه هناك ولا اللى لبسه تهمة سرقه من شويه ناس بدون (اى ملهمش هويه ولا اصل وده فعلا الكويتى)

2- هما يعنى بتوع البنغال البغال لهم تمن عننا لما يعترضوا على المرتبات المتدنيه يعنى المصرى يرضى باللقمه اللى بتترمى وخلاص ومبقاش فيه كرامه
3- كمان هيودونا هناك زبالين اذا كان المهندس ولا الدكتور ولا الموظف المحترم بيتهان هناك امال الزبال هيكنسوا بكرامته الشارع

4- وطالبهم بضبط النفس انهى نفس دى افهم ويظبطوها على كام لا تفرقع منهم يعنى يرضوا بالشباشب فى بقهم وخلاص

5- على فكرة احنا بجد نستاهل اكتر من كده لاننا بنرضى بالاهانه وكمان المتعفنين الشوزات بتوع البلد واللى عاملين نفسهم حامى الحما وبيمثلونا بيرخصونا واحنا بنرضى

6- متبقوش تزعلوا لما الهمج المتخلفين بتوع البلاد التانيه اللى معندهمش حضارة وحضارتهم تنحصر فى الكلاب اللى عايشه معاهم يطلعوا اغانى وحشه علينا ونتحمق ونرد طيب اتوكسوا بقى الرد مش بأغنيه يا هايفين الرد بالفعل انك تبين له انك انظف منه
فى النهايه لكى الله يا مصر ولنا اكس بنصات البلد يرخصوا فينا ويبعونا فى مزاد علنى وسلم ليه على المصرى كريم العنصرين
اللى هما الحديد والنيلون هههههههههه

كان معكم من امام اكبر مزاد فى البلد للكرامه المصريه آبى هانم

139 اخبط وقول رايك:

الطائر الحزين said...

ما عاد هناك ثمن ندخل به المزاد

والرابح من يدوس اكثر

مهيج الجماهير said...

رغم كل ده و هتلاقى برضه مصررين هيروحوا و يرضوا باللى هيحصلهم
الناس مش لاقية
بس بصراحة برضه احنا نستاهل
تحياتى

Mercy Devil said...

والله العظيم المواطن الوحيد اللى مالهوش لازمة جوه بلده ولا براها هو المواطن المصرى وبلا فخر " لو لم أكن مصرى لما وددت أن أكون مصريا"
وبرضه
المواطن الوحيد اللى كل حاجة حوله بتغلى حتى الفول الذى نشاركه الحمير الا هو قيمته تتدانى ولا تغلى !!! عجبا علينا

بس المشكلة اننا لما مش لاقيين اى حاجة هنا من احترام ولا حتى اعتبار بنحاول نلاقيه بره بس للأسف أحلام عصافير

حسبنا الله ونعم الوكيل بصراحة مش لاقى أعظم منها
عن نفسى أعرف اناس سافروا منهم من عاد ومنهم من لم يعود ومنهم من لن يعود ابدا لانه قتل وقيل مات

رئيس جمهوريه نفسى said...

بتنجانى مش تستعجبى ولا تستغربى انى فى ناس مصريه حتروح وحتفضل تحلم باى طريقه انها تروح الكويت لو اتوافق على الموضوع ده عارف ليه لانى هنا ضياع الكرامة مجانى فرى بس الى هناك انك حتى لو كرمتك بتتباع وبتتهان بتقبضى عليها فلوس او ما يشبه الفلوس طول ما احنا كشعب مصري عامل زى الزومبى او الموتي الاحياء حيحصل فينا اكتر من كدة بكتيرررررررررررررررررر

Nsreen Bsunee said...

انا مش قادره اصدق انهم لما يحبو يبدلو البنغال يبدلوهم بينا
:((
انتى عارفه البنغالى بياخد كام فى الشهر 20 دينار عشريييييييين دينار وبيسكنوهم فى اماكن والله لا تصلح للحيوانات يعيشو فيها
بيسكنوهم كل 15 واحد فى غرفه واحده بحمام وغرفه وسخه كمان ومعفنه وبيرفضو ينزلوهم اجازات وفين وفين كل اربع ولا خمس سنين يوافقو ينزلوهم اجازه
واحد بنغالى من اللى كانو بيتظاهرو بيقول ان بقاله تلت شهور مقبضش ومن سنه 2001 منزلش اجازه
معامله غير ادميه مع انها بلد غرقانه فلوس فيها فلوس لا تتصوريها وفيها غنااااااااا فااااحش وثراء فوق الطبيعي يعني طبيعي جدا انك تشوفي عيل عنده 12سنه سايق رولزرويس ولا بورش ويدغدغها فى حادثه وتانى يوم ابوه يجيبله غيرها
ومع ذلك اكتر ناس يهضمو حق اللى بيشتغل عندهم سواء دكتور ولا سواق كله بيتظلم
حسبي الله ونعم الوكيل نقوم نعرض عليهم اننا نوردلهم عمال بدل البنغال
ليه يعني لييييييييييييه
طيب قبل ما نعرض حاجه زي كده مش يبقي لينا على الاقل شروط تضمن حق الغلابه اللى حييجو
حسبي الله ونعم الوكيل

النجمة الصامدة said...

للبيع اييييييييه يابنتي

انتي بتهرجي

لالالالا

احنا ملناش تمن للدرجة دي على فكرة

قصدك تقولي

واحد مصري وعليه فلوس

وقرب قرب ودووووووووس


اااااااااه يامراري

amal said...

والله فكرتينى بسوق العبيد بتاع زمان
احنا بنرجع ورا واحنا مش واخدين بالنا

حسبى الله ونعم الوكيل
بس يعنى حتى لو المواطن المصرى اعترض
فى الاخر هيخبط راسه فى الحيط ولا شئ هيجد

ما هى البلد ضاعت اساسا
مش عارفه اقول ايه بجد
ما هى كلها اتخصخصت اساسا
ولا حول ولا قوة الا بالله

هنتكلم فى ايه والا فى ايه بس
انا نفسى افهم مين دا اللى عنده القدره يشترى جهه حكوميه

يلا ربنا يزيدهم وبلاش احنا !!!

في حب مصر said...

انا مش فهمت ايه الحكاية بصراحة؟؟؟ هههه
يعني هما عايزين يبعتو مصرييت يشتغلوا زبالين في الكويت؟؟؟
حتى لو كدة دي اخف من انهم يبعتوا بنات يشتغلة في الدعارة ويبقوا جواري لشوية رعاة غنم معفينين جربانيين؟؟؟؟

بالمناسبة انا اسمع ان الكوايته اوسخ ناس.. بيسموهم يهود العرب..

احلى سلام.. وسمعيني اغنية لو سألتك انت مصري؟؟؟

تحياتي

kochia said...

هاي ابي
ازيك

ساعات المصري هو نفسه اللي مش بيعمل لنفسه تمن
لما يرضي بالاهانة عشان قرش
ولما يزل نفسه عشان قرش

احنا لو عملنا لنفسنا كرامة من الاول محدش هيقدر يعمل لنا حاجة

متفقة معاكي في كل اللي قلتيه
معترضة علي جملة
زى عايشه عبد الهادى ام نظارة كعب كوبايه
النظارة كعب الكوباية ملهاش دعوة خالص بالانسان اللي لابسها
ولما نحاسب انسان قصر في حق الاخرين او حقنا او حق نفسه حتي ملناش دعوة بضعف نظر او علة جسدية موجودة فيه
مش كدة ولا ايه ؟؟؟

انا مش لابسة نظارة علي فكرة
تحياتي

Sherif said...

الرضا بالقليل سببه قلة الحيلة

وهو بالمقارنة لهنا ليس بالقليل .. لهذا يذهب المصريون

لأن الكلام لن يوفر اللقمة .. والعلاج والسكن والتعليم والقائمة انت عارفاها ياآبى

اذا ماذا؟ نحن أحوج لتقديم حلولا عملية .. وأحوج للإشارة الى نماذج استطاعت شيئا .. عسى أن يحتذى بها من يستطيع

لاأدرى .. ربما كان هذا نظرة عملية ولو قليلا

وومن said...

أبي

مصري للبيع هو احنا اصلا لينا تمن يعني بعد ما القطر اتحرق ومتحاكمش اي حد وبعد ما قضية تلويث الدم تطلع افتراءات وظلم وبعد ما صاحب العبارة يطلع براءة ويروح ينام

اصبحنا فري والدستة منا بقرش اللي السيد زير الماليه لسه شالية في الخزانة
يالهوي

محمد فوزي said...

دي قلة أدب وسفاله

وإذا كانوا مسئولين بلدنا مش عارفين يقيمونا كشعب إلا كعماله تنظيف وبتوع زباله وبديل لعماله بنغاليه أصلا كانت متهانه ومش واخده حقوقها
ووصلوا الغلابه إنهم يقبلوا بده

يبقى كفايه كفايه
كفايه كفايه
كفايه كفايه

انتوا اللي وصلتونا لكده
بفشلكم وعجزكم وفسادكم

إرحمونا منكم بقى وإذهبوا إلى الجحبم

موجة said...

لما نبيع نفسنا ما نقدرش نلوم حد احنا رضينا يكون ثمنا كوباية ميه ولقمة عيش اللى اصلا ما لقناهمش فى بلدنا وللاسف احنا ما بعناش نفسنا بس احنا بعنا البلد كمان ....والمره دى احنا بس اللى مسئولين عن اللى بيحصل وعموما المصرى بيتهان فى بلده قبل بره ليه زعلانين قوى كده

samo said...

هو المصرى عامل كام دلوقتى

بس ياريت يكون بكرتونته ومش مستعمل


ولله احنا فعلا

شعب غلبان اوى

تسلم مواضيعك الجامده

ولك تحياتى

مواطن مصرى نايم said...

اخرتك وحشة
هههههههههه
يا بنتى ارحمى
و الا حبقى انا و انتى فى مارينا
خلى واحد فينا بس
عشان التنى يعمل بانر للافراج عنة
ههههههههههه
(حشيل بانر اسراء عشان خاطرك)
(مع انى اى بانر بحطة مش بشيله حتى لو الموضوع خلص)
ـــــــــــــــــــــــ
و بعدين انتى فاهمه ضبط النفس دا غلط

هما قصدهم على نفس الشيشة
و تكركر و انت بتشد النفس
و تضبط النفس كويس
و تغير حجر المعسل اللى محطوط

بوست جامد

ملحوظة
تحت بانر ممدوح اسماعيل

حطى بانر
لهانى سرور
و رامى لكح
و كل اللى هربوا بره البلد
او عملوا جريمة و اخدوا براءة
حتلاقى ان البلوج مش مكفى

سلام يا بتنجانى هانم
ياللى حتودينا فى داهيه

و الا اقولك انا كده كده رايح
هههههههه

اسلام

عايش ولكن said...

اااااااااااه يا بلد عايزه ولد
حطيتى ايدك يا ابى على جرح كل مصرى
متهانين بره ومتهانين جوه وبقينا ملطشه للشعوب
انا من شهر واحد سعودى رمه ميستاهلش اكلمه كلمتين كان عمال يحدف كلام ويقول انتوا يا مصريين بتيجوا تشتغلوا عندنا داحنا اللى مأكلينكوا دحنا .... واحنا
وللأسف احنا بقا بقينا ماضى بقينا بنبص لزمان وعلشان نتكلم على دلوقت مش هنلاقى غير حتة خرابه اسمها مصر نتكلم عنها
يارب ارحمها يارب مصرنا المحميه بالحراميه ونضفها منهم

nody_1987 said...

تصدقى بالله صديقتى فى الكويت مع جوزها
بتقولى المدرسه الصريه بتاخد تلت الى بتاخده الكويتيه هناك
واسمها مدرسه
يا ابلا يا حبيبتى الحكومه دى جايه علشان تحقق هدف واحد
كيفيه التخلص من اكبر عدد ممكن من الشعب
والى يتداس عليه فى بلده
يرموه للكلاب فى بلاد غيره
تحيا مصر

نعكشة said...

هما بيصدروا فراخ
ولا شوية معونات

إية اللي مصر تعلن استعدادها عن شحن شوية مصريين في علب كرتون دية

:S

لا حول ولا قوة إلا بالله

يا حرام
مش لاقيين هناك ناس تكنسلهم
فبعتولهم شحنة

اية القرف دة

يل خير

ربنا عالظالم

دمتي سالمة

سلامٌ عليكي

أفندينا said...

حقاٌ وصدقاٌ ...
هَذِي بـِلادٌ .. لمْ تـَعُـــدْ كـَبـِلادِي

حسن حنفى said...

عادي يعني المصري دايما مسامح

المسامح مصري

ههههههههه

مدحت محمد said...

احنا فى عصر

عش مصرى تموت مذلول

المنسى said...

أيوةأيوة
هنتكلم النهاردة على موضوع العمالة المصرية
إللى متهانة أه صح
هنتكلم
زى متكلمنا من أسبوع على المصريين اللى أعتقلوا فى أيطاليا لما الرئيس المصرى راح هناك

صح
هنتكلم

وإمبارح كنا بنتكلم عن ممدوح إسماعيل

وبكرة برضو هنتكلم عن
حكم الإستئناف بتاعه

ومن سنتين كنا بنتكلم عن العبارة
ومن كام شهر كنا بنتكلم عن المصرى إللى أتقتل على حدود الصهاينة

وه ده بس إللى بنعرف نعمله
والمتاح لينا بالفعل إننا نعمله

نتكلم
وبعد منخلص الكلام نعيده تانى ده إذا خلصنا أصلا
إيه رأيكم تيجوا نبطل نتكلم
يبقى الموضوع إللى جاى
هنتكلم عن إزاى إننا نبطل نتكلم

ههههههههههههههههه
نكتة دى

A7MeD F@hMy said...

ياااااااااا رب ارحمنا بقي من االذل دة
لحد امتي المصري هيفضل رخيص كدة
طيب ده في بلده اومال لو في بلد تانية كانوا عملوا ايه
يااااااااا رب

نونو said...

والله قلبى وجعنى
بس هنعمل اية ؟
حسبى الله ونعم الوكيل

وجهة نظري said...

أهي مناظركوا دي إلي مبوظه البلد!!! كل ما يطلع خبر مش عاجبكم. لأ بجد حرام والله. أنا زعلان منك يا آبي، مش معني إن عندك مدونه تنزلي ذم في الحكومه عمال علي بطال

مش عارف الحكومه تعملكوا إيه والا إيه، قتل وقتلتكم، سحل وسحلتكم، غرق وغرقتكم، حوادث وأقل حادث بيموت فيها تلاتين واحد، إعتقالات ومسابتش حد، تعذيب.... والا ما جسرنا معاكم... فلما تيجي تبعت عماله للكويت تحل محل البغال وتشتغل شغل الحمير مش أحسن برده من إنهم يموتوا فطيس في بلدهم من غير ما يوردوا علي دنيا؟؟

وبعدين بيتعمل مع المصريين إيه في الكويت؟؟ قصدي بيتعمل معاهم إيه مبيتعملش في مصر؟ دا حتي في الكويت بياخدوا بالدينار إلي هوا 12 جنيه ... أيام ما كنت في مصر يعني

وبعدين في الكويت، شالوا حمار وحطوا حمار بداله، حتفرق ... علي الأقل بيدوهم برسيم

وبعدين الكويت ودول الخليج ذات حضاره نفطيه عظيمه وقديمه .... بالدينار يشتروا الشطار .... إلي زينا يعني .... شطار ... والتكرار بيعلم مييييين؟؟ أدينا بنتعلم

لأ، أنا مش معاكي المرادي بقي. وبعدين مش يمكن وإحتمال كبير الناس إلي بتطلع الكويت دي ترجع عن طريق أي عباره؟؟ يعني عازه تمنعي قضي ربنا وتمنعي صرف تعويضات وكمان تأمين لأصحاب العبارات؟؟ بعد الشر طبعا، بس متعرفيش تخطيط الحكومه الإلكترونيه ممكن يوصل لإيه

بطلوا حقد علي البشر بقي، وسيبوا الناس تسترزق. حمير حمير، مش أحسن ما يموتوا في حادثة قطر وياخدوا 5000 جنيه أول عن أخر؟

قلب مصرى said...

عزيزتى آبى
مش بس اللى حاكمين البلد هما اللى بيرخصوا كرامتنا باللى بيعملوه، لكن إحنا كمان بنرخص نفسنا أكتر لما بنقبل ده وقال إيه الواحد بيستحمل علشان أكل العيش !!!!!!!!!!!!!
جتنا ستين نيلة

ana ga3an said...

الموضوع مش محتاج كل دة
المسألة ابسط من غير كدة الكويت مصنفا مش فاكر تالت او رابع دولة عالميا في الرقيق (نظام الكفيل عالميا يعتبر تجارة بشر)
ثانيا معلش انتو متضايقين ان مصريين هايروحو يشتغلو زبالين عند الكوايتة
علشان هم صعبانين عليكو المهانة ليهم ولا علشان منظر المصريين العام يعني ومنركم انتو شخصيا
لو علي اللي هايروحو يشتغلو زبالين و فواعلية
اطلعو انتو منها بس واضح انك مسمعتوش عن الناس اللي بتعيش علي جنية مصري في اليوم
من قاطني القري و المراكز و النجوع
اي واحد فيهم لو جالة شغل يطلع منة مايوازي الف جنية هايروح وكدة بالنسبة لة طاقة القدر انفتحتلة
لانة هو اساسا عايش في بلدهم 10 في اودة ويشاركههم فيها معزة وبعض الفراخ ان وجدت
فكفو ايديكم و السنتكم عنهم فملح الارض هؤلاء لا يجدو قوت يومهم
فمن كان لدية حل واقعي اخر اهلا وسهلا
اما غير ذلك
فا خليك في كوزك لما نعوزك
كلامي ليس موجة لشخص بعينة بل هو تنفيس عام

سومه...مجنونه فى بلد عاقل said...

شوفى يا ايبى اللى يوافق على كدا يستحق اللى يجراله الحكومه مش غلطانه احنا الغلطانين قوللى كم موظف مبيرتشيش كم مواطن مبيهينش نفسه لما يتقبل ضياع حقه
تفتكرى كم واحد بيقول لا للظلم
اعتقد سجون مصر لا تساعى 78 مليون مصرى والا حتضطر الحكومه تعيش هى فى السجن وتعتبرنا مسجونين برا فى البلد
تحياتى ليكى سومه_87

رئـــــيسـة حزب الأحلام said...

من الاخر المواطن المصرى المواطن اللى مالوش قيمه برة وجوة
وربنا يعينا
تحياتى لكى باقمر

Nsreen Bsunee said...

انا جعان
والله عشان تتكلم بقلب اوى كده لازم تكون عارف التفاصيل
الف جنيه مين وبتاع مين انت مشوفتش الاخبار ولا ايه
البنغالى بياخد 20 دينار يعني ما يعادل بالمصري 400 جنيه
400جنيه ويشتغل فى الحر اللى لا يطقيه بشر اكتر من 12 ساعه فى اليوم والمفروض ياكل ويشرب ويلبس ويبعت لاهله كمان
البنغال هنا عشان يعيشو بيشتغلو فى الدعاره وبيشحتو وبيمسحو عربيات وبياكلو من الزباله
الكفيل بيفضل معاه باسبور البنغالى حتى ميقدرش يهرب من الجحيم ده ويرجع بلده
هما البنغاليين كفرو وعملو مظاهرات من شويه
يبقي متقولش الف جنيه عشان ديه حتى مفيهاش الف جنيه حيبعتهم للعشر انفار اللى فى رقبته فى مصر
على الاقل لما وزاره العمل تعرض عماله مصريه من الزبالين يبقي تضمنلهم حقوقهم سكن واكل ومرتب يستحق الغلب والهم والشقا ده
واه انا زعلانه عشانهم عشان انا عارفه انهم حييجو هنا ومن تانى يوم محدش حيسأل فيهم ولا وزاره عمل ولا خارجيه ولا زفت وحاعيد تانى مدرسين ودكاتره ومؤهلات عليا هنا ومهانين وشايفين القرف كله بس بنقول العائد المادي احسن من مصر اقل مما نستحق بكتير بس احسن من غيرنا
دول حييجو ياخدو 20 دينار يعملو بيهم ايه ايييييييييييييه

زهرة الياسمين said...

كرامة مين بس يا آبى
ما راحت من زمان و معادش فيه منها باقى صالح للبيع

مصــــري..!! said...

آبي

قرأت ما عندك فعرفت قيمتي بالخارج ما هي.

ولكن ليس بداعي أن أقول أن من سوء حظي اني ولدت مصري.
البلد مالهاش دعوة.
الحكومة هي السبب.

مصر بريئة من ال....اللي حكمينها.

أسامة

Lady E said...

دايما بوستاتك بتضغط على جروحي علشان مصرية طبعا

لدرجة اني مبعرفش ارد واقول ايه غير عندك حق

واحنا فعلا ملناش لازمه جوه بلدنا وبالتالي ملناش لازمه بره بلدنا

بس لسه مش كل الناس عارفين ان كرامتنا وصلت للدرجة دي في بلدنا

ولسه لما بنسافر بره بلدنا بيحترمونا علشان معاملتنا اولا وعلشان مصريين ثانيا وطبعا دول الطيبين اللي مش عارفين

وان جيتي للحق معظم نماذج المصريين بره مصر وخصوصا في الخليج متشرفش ويستاهلوا معامله زي الزفت طبعا بعضهم مش كلهم

همس الاحباب said...

ولسه يا نشوف ونسمع
خلاص المصريين راحت عليهم جوه وبره
ولنا الله
وحسبى الله ونعم الوكيل
وربنا ينتقم من اللى باعونا وخلونا ما نسويش اى شىء
تحياتى

ana ga3an said...
This comment has been removed by the author.
ana ga3an said...

Nsreen Bsunee

عزيزتي انا متفق معاكي لا يوجد اختلاف وصدقيني انا باتكلم بقلب اوي كدة لاني عارف التفاصيل وسافرت تقريبا معظم دول مجلس التعاون الخليجي gcc
بالرغم اني اعمل في مجال متخصص واقوم بالسفر لاجل مشاريع يتم استدعائي لها بالاسم واقول ه>ا ليس من باب التفاخر ولكن اعلم جيدا كيف الحياة في الكويت للعمالة وخصوصا في منطقتي جليب الشيوخ والمهبولة،
بالتأكيد من يقبل بمثل تلك العروض فهو يعيش حياة مريرة في المحروسة وبدون دخل ثابت يذكر
و إذ عاش هذة الحياة الصعبة ايضا ولكنها براتب ثابت .. لو ادخر ربعه قد ينقذ أسرته ويرفعهم إلى حدود الفقر .. لأنهم قد يكونوتحت خط الفقر باربع شرط

إذا قلنا أن اكثر من نصف من سكان أسيوط يعيشون على أقل من 7 جنية في اليوم .. و الثلث من سكانها يعيشون على أقل من 5 جنية في اليوم ...

فأي واحد من دول يعتبر مثل هذة الفرصة مثل طاقة القدر انا بكلم هنا عن دخل ثابت

يمكننا النظر في الأمور نظرة شاملة وليست محدودة علشان نشوف الاطار باكملة

هناك في مصرنا الحبيبة من هم في فقر مدقع بل لم يصلو بعد لمرتبة الفقراء من شدة فقرهم

والوظائف دي بالرواتب دي اللي شايفنها قاسية ولا يجوز ان توجد يتقاتل عليها الكثيرون

بل ان ثمن حذاء او موبايل يستعملة احدنا قد ينتشل اسرة كاملة من مأساتها

ياليتنا نحس بمعاناة الاخرين حتي نستطيع ان نساهم في حل مشكلاتهم

ولا نزيد من شعورهم بالمهانة و الذل

فمن يقبل عمل مثل ذلك بل ويقاتل للحصول علية و ويقبل انة يعيش مع 15 في حجرة وياكل الفتات ويري اسرتة تتساقط واحد تلو الاخر بالتاكيد يعيش في مقبرة او خوص خشبي او من ورق الجرايد في مصر

نعيب علي بلدنا ومحكامها علي نظرتهم للناس من ابراجهم العاجية

ونحن نسكن في أبراج أحصن منها


معلش يا ابي هانم قلبناها ضلمة
عشمنا فيكي كبير

Nsreen Bsunee said...

لأ انا مش عايشه في برج عاجي ولا حاجه
انا حاسه اوى بالناس ديه وباحط نفسي مكانهم
الصوره مش واضحه عندهم هما فاكرين انهم حييجو يحطو رجليهم فى البلد ويلاقو شغل تانى فضل من شغل عامل انظافه
فاكرين ان الشركه حتأكلهم وحتكفل بيهم وحيبعتو كل مرتبهم مصر
ميعرفوش ان فرص العمل بقت شبه مستحيله وانهم حيصرفو على نفسهم ووعود اشركه بالسكن والتكفل بالاكل وبدلات التنقل وكل الكلام ده حيسيح اول ما يوصلو ارض المطار
ولما حيتنقلو من الدار لنار محدش حيسأل فيهم ولا حيدور على حقوقهم ولا خارجيه ولا سفاره ولا هباب
اه انا عارفه كويس ان فيه ناس مش عايشه اصلا بس ده مش حل ديه مشكله اكبر

همسة قلم said...

مصري .. وللبيع


لأ انتي اكيد غلطانة ياابي

لانه المصري لو كان ليه تمن ماكنش جراله اللى جرى

ابو اعصار said...
This comment has been removed by the author.
بطوط حبوب said...

ابى بجد انا هطالب بقفل موقع مصراوى ده عشان تستريحى

هتموتى صغيره بجد
شايله هم البلد كلها
حصل ايه يعنى

بس بينى وبينك هو الذل بره بفلوس انما هنا ببلاش

ابو اعصار said...

المسؤلين اللي عندنا عاوزين الولعه وبيكرهوا مصر اكثر من اي شئ والشعب اللي شايفينه بيعتبروهم حثاله البشر وعليه فلا مانع من الاهانه
تانيا بل المسؤلين دول بيعينوا الظلمه على ظلمهم اي استمروا في ظلمكم احنا هنوفر لكم الزبالين
ثالثا عندنا ناس عملاء لاسرائيل مو مستغرب انه يطلع زبالين
خلنا شوي صراح
رابعا بلاش لفة العنصريه من بعض الاخوة المعلقين اللي وصفوا الكوايته يهود العرب بدل ما نشتمهم نشتم اللي حطونا في الموقف ده
الكوايته منهم صلاح الراشد وطارق السويدان زيما منهم سيئن
اشكرك على الموضوع اللي حرق دمي

Oss said...

طاب والله العرب دول تييييييييييت ولا بيتمر فيهم
يعنى علمناهم ولبسناهم وبنينا بلدهم وفى الآخر
يدونا بالجزمه
الخلايجه دول اصلاً ولاد 60 فى 70
ومافيش غير الإماراتيين وقله أقلاء فى كام بلد

وهى الناس دى رايحه الكويت؟؟
دى الكويت ازبل دوله بتعامل المصريين
دى امريكا بتعامل العرب احسن منها
حاجه تشلّ

انا ماعنتش جاى هنا
انا مش عايز يجيلى ضغط
:)

وطني said...

السلام عليكم جميعا ورحمة الله وبركاته
اسمحولي بمداخلة في هذا الموضوع قد تكون مفيدة
أولا : اعتب على كل من وصف البنجال بانهم بغال ( واولهم انتي يا آبي بس من غير نطح الله يخليكي ) فهذا لا يليق اولا لانهم بشر كرمهم الله عز وجل وقانيا لانهم مسامون في الغالب الاعم , كما ان الفقر ليس عيبا , واذكركم باننا حتى وقت قريب كنا نتهكم على الهنود , انظروا الان للطفرة العلمية الهائلة التي وصلت اليها الهند
ثانيا : بخصوص موضوع العمالة اذكر الجميع بان الذي رضي بهذا الراتب القليل لم يكن امامه فرصة للاختيار واختار الاسوا , هل نسيتم الذي قتل اولاده ثم انتحر لانه لا يجد ما يطعمهم به ؟ وقد تكررت هذه الحادثة اكثر من مرة , وكما قيل ( ايه اللي جبرك عالمر ... ) الامر منه هنا يا سادة هو الجووووووووووووووووووووووووووع
الذي رضي بهذا العقد لم يذهب لتغيير موديل سيارة او لتجديد فرش الفيلا هو رضي بهذا لانه جاع واولاده جاعوا فلو وجد امامه فرصة ليطعم اولاده فلن يتردد
بل سيحارب من اجلها
ثالثا : اؤيد كل من قال اننا اللي عملنا في نفسنا كدة و طبعا اللي المفروض يعملنا قيمة حكومتنا المصون لان ببساطة لو عملتلنا قيمة جوة البلد حيبقى لنا قيمة برة .. اوعو تكونوا نسيتو العبارة وممدوح اسماعيل وطبعا الناس دي بتشوف وتقرا عن احوالنا ويمكن كلكم تفتكرو الكاتب الكويتي اللي كتب من فترة عن تعذيب المصريين بالكويت وقال : ما نتو بتعذبوهم في مصر هي جت علينا يعني !!!!!!!!!!! وزغرتي يا آبي
رابعا : هناك نقطة أخرىقد تكون صادمة للكثيرين وهي ان العمالة المصرية بالخارج من اسوا ما يكون و تعطي مثالا سيئا للغاية عن مصر والمصريين , فالمصري معروف عنه انه ابو الفهلوة !!! يعرف في كل شيء , وانا اقول لكم هذا الكلام عن خبرة عملية , اذكر لكم طرفة بعيدا عن هذا النكد ... منذ اسبوع كنت اتناقش مع مهندسي سوري في موقع في كيفية تنفيذ بعض اعمال بالزجاج و طريقة تثبيته والسمك المناسب و ما يمكن ان يتحمله من اجهادات و احمال ...الخ ( يعني مسالة هندسية بحتة تحتاج لحسابات دقيقة)
المهم اننا فوجئنا باحد العمال ( مصري طبعا) يتدخل في الحديث ويوجه لنا الحديث بكل ثقة قائلا ( مش حينفع يا باشمهندس ) طبعا نظرنا لبعضنا في دهشة وسكتنا
خامسا : اقول وبكل صدق وموضوعية ان دول الخليج ( انا جلست في السعودية والامارات ) سبقونا في اشياء كثيرة ونحن ما زلنا نغني على الاطلال وارجو منكم جميعا قراءة مقال الرائع عمرو الشوبكي اليوم في جريدة المصري اليوم
يكفي انك قلما تجد شرطي واقفا في اشارة مرور وفي نفس الوقت لا احد يكسر الاشارة
ويكفي ان هناك الاولوية للمشاة في عبور الطريق , وقد كنت اسير مع احد اقاربي ذات مرة فوقفت لاعطي فرصة لبعض المشاة لعبور الطريق ففوجئت بقريبي هذا يقول لي ( امشي ياباشمهندس متضحكش الناس علينا ) واكثر من مرة اقف لبعض البنات او السيدات فينظرن لي باشمئزاز وكانهن يرد القول ( عيب عليك يا راجل في السن دي وتعاكس ) والله حصلت اكثر من مرة
كفاية كدة لاني لوفتحت حخلص الصفحات الفاضية كلها
آسف للاطالة

blue-wave said...

مانتى عارفه يا ابى اننا بعنا كرامتنا من زمان وقبضنا بيها ريالات ودراهم
يلا ربنا يلطف بينا فى الأيام اللى جايه

wanna b a physician said...

طيب احنا نتباع بفلوس لكن برخص التراب ازاى راضيين
بلد وشعب عجيبين

جـيـداء said...

احنا اللى عملنا فى نفسنا كدة
و احنا اللى نستاهل كل ده

شعب بتاع شعارات و كلام و بق على الفاضى
لكن اجدع واحد يتاخد على قفاه من اللى يسوى و الىل ما يسواش

bar2ash said...

ازيكي يا ابي
وحشتيني ووحشتني مدونتك الشقيه

فعلا كل المصريين بيشتكوا من معاملة العرب ليهم دايما عشان فلوس البترول بيحسوا انهم اهم

ربنا يهدي

لكن انتي ايه رأيك في المصري اللي يكون سبب في قطع عيش المصري من الدول دي


بالتوفيق يا عسل

تحياتي

maha zein said...

كل حاجة بتغلا الا المصري بيرخص
تحياتي بجد
حتي ازازة الزيت بقت اغلي من الانسان
مش عرفة اقولك ايه
بس حاولى تهدي شوية
بحسك بتضغطي علي اعصابك
وغيرك نايم في العسل
ربنا يكرمك علي حمقتك
فعلا انتي وطنية وولاءك لبلدك
بس بردو متتعبيش نفسك اوي
بحسك فعلا مهتمة اوي بمشاكل البلد
ربنا يعزك

رصيف نمره خمســــــه said...

مزاااااد علنى واللى مايشترى يتفرج اهو ياخد فكره برده

كرمتنا اتباعت من زمان من غرق فوق 1000شخص وملهمش قيمة عندنا هيكون ليهم قيمة فى الكويت او غيرها واتباعت برده لما قطر الصعيد اتحرق وووو ومليون حاجة تثبتلهم اننا ببلااااش ومن غير تمن


عايزاكى بابوبو تهدى نفسك شوية وتكتبى حاجة فرفشة كده وتخرجى نفسك من المود عشان الكسبنصات بتوعنا مش حاسين باى حاجة


سلام

حنين القلب said...

والله دمى اتحرق
وهتلاقى برضه يا آبى اللى هيبيع نفسه وموافق ينداس عليه بالجزم
العيب من جوانا مش من اللى بيبيع بس لا واللى يقبل يتباع
حسبيا الله ونعم الوكيل
وحشتينى يا رحاب

حنين القلب said...

يعنى يا آبى انا ناقصه ضغط
البوست حرق دمى والتعليقات جابت ليه الضغط
ايييييييييييه اللى بيتعمل فينا ده ؟؟
والله حرام
حسبيا الله ونعم الوكيل
بس نصيحه يا آبى
بلاش تاخدى كل حاجه على اعصابك كده هتعملى اللى هما عايزينه وهتموتى قبل اوانك
ارحمى نفسك
سلام يا صوت الحق

alexandrany said...

يا ست رحاب
طيب انا قريت الخبر واتحرق دمي والحمد لله
وما رضيتش اقولوا للناس عشان ما يتحرقشي دمهم اكتر ماهو محروق
انا متهيألي خلاص من كتر ما اتحرق دمناواحنا ما بقيناش الدم احمر ز بقيت الخلايق
مش عارف انتي شوفتي ولا اتعاملتي مع البنجالة قبل كده ولا لأ
ومش عارف اللي بيتكلموا برضه اتعاملوا معاهم او شافوا وضعهم ولا لأ
بس كل اللي اقدر اقولهولك ان البنجالة دولا أقل حاجه تقدري تتخيليها
هنا بيقولك على اي حاجه هاتلك واحد بنجالة يعملهالك
نظرتهم ليهم نفسها نظرة في قمة التدني
حطي في اعتبارك ان نظرة دول الخليج دلوقتي للمصرين ابتدت اذا ما كانتش برضه نظرة متدنيه وفي نفس الوقت حاقدة ان احنا مصريين
لما تيجي انتي بمنتهى السهولة وتقوليله انا هابدلك البنجالة بالمصريين
البنجالة
البنجالة بالمصريين
يااااخي ملعون أبو الفلوس اللي بتعمل في الناس كده
والله العظيم انا لما قريت الخبر ربنا يعلم انا كان شعوري ايه
البنجالة

احكيلك موقف كده حصل معايا الاسبوع ده
واحد معايا هنا سعودي بيحكيلي على خبر قراه ع النت
ايه الخبر
؟
تحت عنوان يعني حاجه زي فرصه للشباب
فتح باب الاستقدام للعماله من دولتين طاقجستان ودولة تانيه شبهها كده
انا عرفت اللي فيها من اسم الدول امتداد لدول الاتحاد السوفيتي يعني مش جنوب شرق اسيا
خليكوا معايا
قولت استعبط عليه
يعني برضه مش فاهم
ايه اللي هايخلي الشباب يهيصوا
قاللي بيض بيض
قولتلوا ايه يعني
قاللي الخدمات هيبقوا بيض مش بنجالة يعني
ايوه يعني ايه يعني ايه اللي هتفرق بيض ولا صفر
قاللي الخدمات هيبقوا بيض والشباب هيهيص في البيوت

لا حول ولا قوة إلا بالله
لو حاجه زي تبديل البنجالة بالمصريين دي حصلت
انسي بقي خلاص كل حاجه ممكن تربطك باسم انا مصري
خلاص
منك لله يا آابي بجد اتضايقت جدا وانا باحاول ما افتكرشي الخبر ده

في حاجه تانيه على فكرة
اسم المصري هنا او لما بيقولوها اننا مصريين وفي ناس منهم بيقولوا ايوه يا عم من حقك مانت مصري
اسم المصري مرتبط بان الشغل يتنجز والحاجه اللي الناس ما اكنتش عارفه تفكر فيها وتحلها لما يدخل فيها واحد مصري خلاص حط في بطنك بطيخه صيفي
بعد كده هيبقي مرتبط بحاجه تانيه
هيبقي مرتبط بالمكنسة والجردل
وما حدش يقول بس الله يكرمكوا ان ماحدش بيبص على الناس الغلابة اللي عايشين في مصر
عايز اقول انك تشحت في مصر تشحت اكرملك من انك تبقي في مكان واحد بنجالي هنا

أقسم بالله انا ماحسيتش بالشعر اللي بيقول
بلادي وإن قست عليا عزيزة وأهلي وإن ضنوا كرام
الا لما جيت هنا
ياللا لما اشوفك بقي يا آابي هتشوفي
انا غلطان ان قولت اصبح عليكي كده يوم جمعه مفترجه
سلام

أنا حر said...

ولسا يا آبي فيه مليون مزاد غير المزاد ده
المصريين للبيع بس للاسف من غير ثمن لأن اللي ملهوش كرامة...ملهوش ثمن
تحياتي

محمد فوزي said...

يا جماعه إحنا إتسرعنا وإتحمقنا لكرامتنا وده في رأيي إذا حبينا نبقى موضوعيين ومتجردين للحق ومتواضعين لله غلط من ناحيتين

الناحيه الأولى إننا بننتقد الناس على حاجه إحنا بنعملها وللأسف متأصله فينا , يعني إحنا بننتقد تكبر الخليجيين علينا وفي نفس الوقت إحنا بنتكبر على البنغال وقبلهم الهنود وكان من قبلهم زمان شويه كده إخوانا السودانيين وانتوا فاهمين طبعا
وده فيه إذدواجيه وكبر

الناحيه التانيه إننا بصينا لمناظرنا وبرستيجنا ومكانتنا لكن مديناش نفس القدر لمعاناة الناس وفقرهم وغلبهم إلا القليل منا ويمكن أولهم الأستاذ أنا جعان

صحيح في ناس وانا واحد منهم برده باصص على حقوق العماله دول خصوصا في ظل غياب تام لدور السفاره المصريه في الكويت ودي وجهة نظر محترمه

وصحيح إني انا تحديدا بصتلها إيه اللي وصلنا لكده

لكن بعد تفكير عميق ومحاسبه وتفتيش في نيتي لقيت إن الموضوع بالنسبه لي لا يخلو من كبر

ولذلك رأيت أن أعتذر عن تعليقي الأول

son's egypt said...

السلام عليكم
من رضي بالاهانه فعليه تحمل عقابتها في اي مكان
لاننا للاسف اصبحنا بدون كرامة في اي مكان
حتي في بدنا

seven said...

نستاخل بجد
انا يجد مش عاوز اقلها
بس انا فرحان فينا
عشان بجد عندنا كم غباء لا محدود
انا مشفتش شعب بيسكت كده
ده حتى الانظمة الملكية بيبقة
فيها ثورات عننا
فى ايه بجد؟؟
انا مبقتش فاهم حاجة بجد

man in black said...

والله زهقت و قرفت ومش عارف اقول ايه واللا اقول ليه المدونات دي ليها قد ايه و هاتفضل قد ايه و كله بيتكلم و يسمع و يتكلم احنا ( ودا لو كان لي الحق اقول احنا واقصد المدونين لأني مدون زهقان وقرفان مابيدونش الا بسيط ومابيعلقش الا بسيط و يمكن عند لآبي بس ) باقول احنا كل اللي عملناه ان احنا نقلنا الكلام و الكلام و الكلام اللي بنقوله لبعض ع القهوة و في الشغل و في البيوت إلى صفحات الويب قبل ماتنيل اخش عالم التدوين كان عندي فكرة وردية عنه و كنت فاكر ان في شئ مختلف لكن لاقيته حرق دم فوق حرقة الدم اللي احنا فيها خلينا كدا نعدد و نولول و نشلشل زي الولايا عدمات الحيلة فيه حركة و اللا مافيش فيه فعل و اللا مافيش لو كان كدا يبقى دا وقت الحركة و كفاية كلام لو ماكانش يبقى فضوها سيرة بقى و كل واحد يروح يمسك ودان صاحبه و يبخ فيها زي ماهو عايز أنا عارف ان كل اللي هايقرا التعليق دا هايأيد ( كالعادة ) ويرد بكلام كلام كلام ( كالعادة ) عن اننا بنتكلم و بس ههههههههههههه نكتة والله اتكلم شاذباً الكلام أنا بادعو كل مدون ومدونة تعالو نتحرك و نتحرك صح تعالو نشوف ايه اللي لازم يتغير و ايه أقصى ما يمكن نعمله عشان نغير عايزين نتحرك و نتحرك صح تعالو نتفق على مكان و ليكن مدونة أحد المدونين يس بشرط مسيب براها أي انتماء إلا انتماءنا لمصر ( والله باحبها موت موت موت حب جايبلي القهر)لا مع أحواب و لا مع إخوان مع مصر و بس تعالو نشوف امكانياتنا لحد ايه و نقدر نستغلها ازاي تعالو نعمل جدول و خطة للتحرك في مجتمعاتنا في شارعنا في شغلنا ونغير تعالو نقول لو قادر اغير راح اغير لو مش قادر أنا لاوم اتغير و اغير مش عارف اذا كان كلامي دا هايكون له صدى و ان كان له هل هايكون الصدى الصحيح اللي يحطنا على الطريق الصحيح و اللا بردو هايكون كلام الله أعلم

مدونة الدفاع said...

السلام عليكم اسمحيلى بالزياره
وانا متشكر على زيارتك لمدونتى المتواضعه
ومنعا لتكرار الكلام فى الموضوع ده تانى ابقى اقرى تدوينة طهرنا فى الراديو للطائر الحزين والتعليقات اللى عليها
ومتشكر جدا على اهتمامك
واضح انك هاتحتاجى محامى قريب
احنا فى الخدمه
بس ما اوعدكيش بحاجه ربنا يستر علينا كلنا

المحارب المتيم said...

انتى عارفة ايه اللى قرف المصريين من بلدهم وخلاهم يقبلوا الاهانة

انهم اصلا فى بلدهم بتهانوا ومش عارفين ياخدوا حقهم

يعنى جوا زى برا

والله انا اليومين دول بطلت اكتب فى السياسة رغم حالة الكبت الموقوتة اللى هتنفجر فجأة فى وش كل الناس اللى بيحرقوا دمى

والمصرى اليومين دول فى مناقصة مش فى مزاد حتى

ايام زمان كان المصرى لما ينزل بلد عربى الناس تقف علشانة دلوقتى بيدوه بالجزمة

ما اهو خربها

كفاية كدة

Ma7moud So3ody said...

انتي مش فاهمة النظرية
هم عاوزين يطفشوا المصريين و يجيبوا بدالهم صينيين... ارخص ف المرتبات

عليه العوض و منه العوض

حتى المصريين بقوا صينيين

ياللا انا ماشي قبل ما ...أتضرب بالقلة

تحياتي ليكي
ولقلمك الاكتر من رائع

حـــــدوتـــــة said...

السلام عليكم

فى مثل سمعته من جدتى فى الصعيد زمان بيقول

اللى يعمل نفسه زباله تنكشه الفراخ

يعنى من الاخر محدش يشتكى
واللى كرامته بتوجعه يفضل فى مصر
على الاقل اتهان فى بلدى احسن

سلالالالالالالالالالالالالالالالالالالالالالالام

مجداوية said...

السلام عليكم
ازيك يا وحشة

الاحقك ازاى انا كده كل ده واحدة واحدة يا مولوانى وبراحة

المهم مقولتيش المزاد رسى على كام وعلى مين وعلى فين

ده مش مزاد ولا سوق نخاسة
ده نتيجة طبيعية لعبودية المال وحب الدنيا
الحكومة مش حتبيع ولا حتاجر فينا بدون رغبة مننا
ومتقوليش الظروف هى اللى خلتنا نقبل

اقرأى هذه العبارة وخمنى مين قالها ؟

،و الله لضربة بالسيف فى عزّ احب إلى من ضربة بسوط فى ذل


عرفتى ؟


تخيلى أن قائل هذه العبارة الرائعة امرأة !!!
هى السيدة أسماء بنت أبى بكر


لو نتعلم معنى العزة
زى ما كانوا بيعرفوها
ويعنى ايه كرامة وعزة نفس مكنتيش حتلاقى حد بيعرض نفسه فى سوق النخاسة
وكنا ناكلها بدقه ولا نذل نفسنا

ربنا سبحانه وتعالى قال :

للفقراء الذين أَحصروا فى سبيل الله لا يستطيعون ضربا فى الأرض يحسبهم الجاهل أغنياء من التعفف تعرفهم بسيماهم لا يسئلون الناس إلحافا وما تنفقوا من خير فإن الله به عليم

صدق الله العظيم

لما يكون الفقير كده ولما الغنى يؤدى الزكاة اللى عليه ويخرج الصدقات ويعرف ان المال مش ماله لكن مال الله وهو فقط أمين عليه حتلاقى الدنيا اتغيرت
والحكومة اتغيرت
وضغطك اتظبط
قولى يا رب

سلام يا وحشة

Do not Press F1 said...

السلام عليكم
يا بلاش بارخص الاتمان بيتباع المصرى وياريت عاجب بيتهان باقذر الالفاظ وياريت عاجب بيضرب ويتسجن وياريت عاجب.
المصرى بقى من ارخص العمالة فى الوطن وعلى ما اظن مرة قريت او سمعت مش فاكرة انه ياريت بيروح يشتغل فى الخليج بشهادته لا دا الكفيل بيخليه يشتغل بشهادة اقل من شهادته.

وتحيا العزة والكرامة.

سلاموز

أنونيمس said...

والله با آبي تلاقي برده المصري هناك تمنه أغلى من هنا شويه واهو انتي عارفه التجار يمشوا ورا الزياده لو ف آخر الدنيا

NIDAAL PAL said...

انا رايح الكويت
انا رايح الامارات
انا رايح السعودية
و بيبقى الشاب بيقولها وفرحان اوى و فى دماغه انه هيرجع معاه مليارات و يادوبك بعد ما يرجع و بعد ما تكون كرامته اتهانت و اتمسح بيها الارض
يتجوز بالقرشين الى عملهم و يرجع تانى يشحت و يشتغل اى شغلانة
جيمس باك الصحفى الامريكى الى اعتقل مع محمد مرعى يوم 8 ابريل بيتهيألى
محمد مرعى لسة طالع من قريب
لكن جيمس باك لم يقضى فى الزنزانة اكثر من 24 ساعة و كان حر بعدها
شوفتى السفارة بتشتغل على مصلحة رعاياها ازاى
لكن الشعب المصرى بايده حول نفسه لمجرد حيوان متكلم
اسف انى بقول كدة بس دى الحقيقة
حيوان بيتكلم و قال انا جعان
تديله الاكل حتى لو شوية صغيرين يخرس
بجد يا آآآبى و اسف
ايه _ سفن _ ايه
علشان الشعب المصرى ده عامل زى الاقرع و نزهى
عايز كل حاجة تيجى تحت رجليه
ليييييييييه؟
و بيخاف من كل حاجة حوليه
ده يروح يشوفله توربة يمدد فيها ساعتين
وعايزة تمسحى الكومنت ده امسحيه
بدون اى احراج
بس ده رايى يا آآبى مش اكثر فى الشعب المصرى
الغير ملتزم و الغير منظم و الغير مهتم و الغير واعى للاحداث و المغيب و السلبى
و البارد و الجبان و الجعان
و الى كرامته وسمعته بقت زى اللبانة على كل لسان
شعبى " ألا قليلاً " زى الح**** وبس

appy said...

اخى الطائر الحزين
================

مبقاش فيه تمن للى بيرخصوا نفسهم ودول كتير فى الزمن ده
ربنا يستر على الباقى من كرامتنا
نورت الكوكب






مهيج الجماهير
==============

عارفه ان فيه ناس هيروحوا لان هما مش فاهمين ابعاد الموضوع هيكفى انه يقولك انا سافرت بره لان معندهمش وعى لاننا وسط حكومه زباله مغيبه الناس عن اللى بيحصل
نورت الكوكب

appy said...

Mercy Devil
=============
اهلا بيك اول مرة بس الناس مش عاوزة تفهم كده انها تفضل وتتمسك بحقها مش تستسهل الحياه والمكسب السريع







رئيس جمهوريه نفسى
================
وازاى مسلم يا محمود يقبل على نفسه ضياع كرامته ما هو احنا لو ايد واحده صدقنى كانت اختلفت انما احنا فى زمن بيقول يالا نفسى

appy said...

نسرين بسيونى
==============
والنبى قولى للبهوات اللى بيقولوا يروحوا اهون من هنا مش عارفه بجد اصل يا رينا اللى ايده فى الميه البارده مش زى اللى ايده فى النار قولى لهم وانتى بتشتغلى حاجه محترمه وبرضه بيحصل ايه الناس دى لسه وهو الخليج عايش جواهم والله بقت حاجه قرف ما هو السبب الحكومه القذرة بتاعتنا
نورتى يا رينا يا جناح الكوكب اليمين






النجمه الصامده
================
ولسه يا جهاد يا ما هنشوف طالما بنهين نفسنا وبقينا عبد للفلوس
ربنا يستر وسلامه مرارتك يا قمر الكوكب

appy said...

amal
=======

لو رفضوا زى موضوع الخدامات ده يا امل هيبقى كويس انما المشكله انهم هيضحكوا عليهم
نورتى يا حبيبى






فى حب مصر
==========
لو سالنى انت مصرى هقول اممممممممم لا انا مش من البلد دى هههههههههههههه

والله العظيم كلامك ضحكنى ومش عارفه ليه اصل انا عارفه نظرتك ماشى لك يوم لما تنزل نورت الكوكب كله

appy said...

kochia
==========
بصى يا كوشيا اولا موضوع النضاره علشان قصر نظرها فى الفهم وده اللى اعرفه وعموما دى خريجه دبلوم وخدتها بالواسطه يعنى حد معندوش وعى انتى ناسيه موضوع الخدامات يعنى تبعت تهينا وانا هسكت انا مش بعايب على مرض فى الجسم وعموما قصر النظر فى العين افضل بكتير عن الفهم
وبعدين مهوش عله لان ممكن تعالجها فهمتى قصدى ولا لسه الهانم دى فاكره ان زبالين وخدامين ده منتهى الحلاوة يعنى وانها بتساعدنا لان بيئتها اللى خارجه منها هو ده اخرها ابقى اقرى عنها كويس
نورتى يا حبيبتى






Sherif
==========
معلش يا شريف لو باع مناديل فى بلده هيكسب له عشرين جنيه على الاقل فى اليوم
وبعدين اقرى رد نسرين يسيونى علشن تعرف ايه الموضوع لان دى عايشه هناك
وبعدين طيب ليه هما مش بيجيبوا من اهلهم هما يشغلوهم ولا عقده المصريين لسه عندهم وعاوزين يزلوا فينا باى شكل
يا شريف دا المصريين بيتنكوا على بعض ما بالك بحد تانى بقى هيعمل ايه وانت ترضاه على حد عارفه حتى لو من بعيد معتقدش بجد
نورت يا استاذنا

appy said...

وومــــن
==========

لينا بس رخصنا نفسنا يا ميرا ربنا على القوى الله يخرب بيوتهم يا رب

نورتى يا قلبى





محمد فوزى
=========
هنزل ارد عليك تحت لان وقعتك معايا صعبه اوى ههههههههههههه

appy said...

موجة
=====
عندك حق وهو ده اللى قولته احنا ليه كمان بنعمل فى نفسنا كده
نورت الكوكب





samo
=======
المصرى عامل رغفين عيش وبربع جنيه حلاوة ههههههههههههه
نورت الكوكب كله

appy said...

مواطن مصرى نايم
=================
اسلام حبيب القلب المتقمع لا بقولك ايه خليك بره انت بتعرف تعمل بانرات وافلامات اختك خيبه ممكن تعمل بانرات وافلامات خليك بره اختك خيبه ممكن تعمل بانر يدخلك عندهم على طول هههههههههههههه

وميرسى على ذوقك
بقولك ايه تيجى نعمل بلوج نحط فيها كل الهربانين بس ونقول ابحث مع الشعب المصرى ونعمل لهم تاريخهم الاسود
والله فكره
نورت يا سمسم





عايش ولكن
============
وابقى رد عليه وقوله انت بتيجى بلدنا تحس انك بنى ادم وعايش مش نكرة وملكش لازمه كفايه ان دماغهم مصدى
ومش بيفهموا
نورت الكوكب

appy said...

nody_1987
==========
وكتير فى الكويت وغيرها بيدبهدلوا يا بتى ما هو احنا بنجرى ورا اى حاجه وخلاص
نورتى يا قمر المنصورة





نعكشه
=======

يا ريت حصلنا ده وده يا بنتى الا خيبه ما بعدها خيبه
نورتى يا نعاكيش

appy said...

افندينا
=========
بقت بلادهم هما وعاوزين يقضوا علينا نورت يا افندينا






حسن حنفى
==========

على رايك المسامح مبقاش كريم بقى مصرى هههههههههههههه

appy said...

مدحت محمد
==========

لااااااااا طيب نرجع العصر شويه دا كده انا انتحر نورت يا مدحت






المنسى
========
والله مليش ذنب انك مش عارف عن الحمله اللى عملينها علشان موضوع العباره واننا رفعنا بانرات وهنعمل مدونه يتحط فيها المستندات واتعمل واقفه احتجاجيه ومؤتمر
ابقى تابع كويس وبعدين اتكلم احسنلك بطل يبقى لسانك سابقك يا هندسه والنبى اصلها مش ناقصه فقعه مرارة
وعلى فكرة حتى كلامنا كمدونين بيأثر عليهم لانه بيعبر عن الراى العام وده له ضغط فى حد ذاته وبرضه الهوجه اللى اتعملت ايام موضع الوزيرة والتخديم برضه جاب نتيجه من غير ما نروح نغتالها
نورت الكوكب

appy said...

A7MeD F@hMy
==============
احنا اللى بنعمل كده يا ريت نبطل احلام سريعه بس يا احمد نورت الكوكب اول مرة






نونو
=======
نوعى الناس نقول لا نفهمه ايه اللى بيحصل
نورت الكوكب يا نونو

appy said...

وجهه نظرى
===========
تصدق اقنعتنى بوجهه نظرك الوذعيه الخرفانيه الهوهاويه دى يعنى اللى جايه من الهوهوههههههههههههههههه
لا بجد انت لازم يحطومك عالم فىىىىى المتحف مثلا
بجد هموت من الغيظ والله العظيم وبقت حاجه تقرف وتهبل الله يحرقهم
نورت الكوكب يا عمنا






قلب مصرى
==========
والله عندك حق ومتفقه معاك
نورت الكوكب

appy said...

ana ga3an
=============
يا اهلا اهلا بالناس اللى بره البلد
طيب كويس انك عارف ان ده اسمه تجارة بشر يعنى بنبيع نفسنا زى بتوع البرستتيود للى يدفع اكتر واللى معاه القرش
مضايقين ليه
اممممممم والله يا جعان يا خويا اقولك اولا ليه الكوايته مش بيشغلوا منهم زبالين يعنى وليه مش بيعملوا تبادل معانا ويجبوهم برضه يشغلوهم هنا طيب هما على ايديهم نقش حنا وعلى فكرة الكوايته فيهم الجرابيع كتير وانت عارف وانا شخصيا عارف اللى عايشين عاله على غيرهم طيب بلدهم مش بتشغلهم ليه
اه صعبانين عليا مش هقبلها على حد قريبى ولا معرفه خصيه حتى من بعيد
مش هقبل حد يهينه مش علشان بيكنس الشارع لا (عادى انا بكنس سلم العماره هههههههه)
بس علشان مش هيتعامل معامله ادميهم وانا قولت بيكون دكتور ومدرس وبيتهان من ناس معندهمش مخ
ثانيا بقى والاهم مين قال انهم هيأخدوا الف جنيه
خلينى احسبها لك حساب تانى لو اللى انت بتقول عليه ده بيأخد 150 جنيه وده مش موجود طبعا عارف الزبال فى مصر بيأخد كده انا معاك بس شوف كام واحد مصرى بيعطف عليه ويساعده
اسلام الزبال عند ماما ابنه كان فى الجامعه وهو كان بيصرف على ابنه وعلمه كويس وده لان الناس كانت بتساعده هو بيشتغل فى الحكومه وبعد الضهر اللى عنده سطح بينظفه له واللى عنده سجاد بيغسله وبنديله كتير علشان نساعده من غير ما يمد ايديه
انت تبقى حنين على اخوك انما الغريب لا يا اسلام مهما كنا بنقسى على بعض ساعات بس بنرجع انما دول ايه اللى هيخلوهم يعملوا كده
ثانيا ليه الحكومه القذره تعمل كده علشان ايه بطفش الناس ولا ايه ومين قال ان ده هيكون له عيشه كريمه اول مصيبه هتحصل له ولا حد هيعبره خالص ولا السفارة نفسها
اسلام فى 7 فى ليبيا مصريين بيتعدموا فى ليبيا مش بلد تانيه ومحدش معبره يا اخى حرام نبيع كده
لو على القرى والنجوع
ههههههههههه فدول اغنى منى ومنك ععارف ليه لان عندهم ارض حتى مأجرنيها ولو مفيش الناس بتقف جنب بعض فى الفلاحين اكتر بكتييييييييير من المدن
وبعدين ايه كوزك دى هو فيه حد لسه كوز بعناه من بدرى يا اسلام بيه والله طول ما فيه زباله فى البلد دى
ونفس نفس براحتك بس براحه والنبى او اقولك قولى وانا اجيب لك منظم
نورت يا اسلام بيه
على فكرة نسيت اقولك حتى الدين يا اسلام مقلش انك تبيع كرامتك شكرا لكم








سومه...مجنونه فى بلد عاقل
========================
فيه ناس مش فاهمه يا سومه ولازم تتوعى الحكومه ممكن تضحك عليهم علشان تكسب الصفقه وبس وطز فى الناس
نورتى يا قمر

appy said...

رئيسه حزب الاحلام
===============
السلبيين هما بس اللى بيعملوا فى نفسهم كده يا حبيبتى ولازم مش نكون سلبيين

نورتى الكوكب





نسرين بسيونى
==============
حبيبى يا جناحى اليمين انت ايووووون انا موافق على اللى بتقوله شكرا لكم على تعاونكم

appy said...

زهرة الياسمين
==============
والله يا سمسمه احنا السبب فى كده ساعات كتيره اوى
نورتى وايه الغيبه دى






مصرى
====
والله قيمتنا وتمنا غالى بس لو نحافظ بالفعل مش بالكلام على كرامتنا
نورت يا اسامه

appy said...

Lady E
========

والله يا حبيبتى عارفه انهم ميشرفوش بس باقى الشعب مش يستاهل كده حرام يعنى يبقى بيع علنى
نورتى يا قمر





همس الاحباب
===========

معلش يا باولو هنعمل ايه دنيا فونيا وزمن كباس نورت يا خالود

appy said...

ana ga3an
==========
معلش يا باشا مضطرين نقلك حضرتك ونرد عليك هونا كومان يعنى اتحمل بنتين بقى دماغتهم شمال شويه انا ورينا يعنى هههههههههههههه

معلش يا اسلام يعنى ايه عارف ان الناس بيتمسح بيهم البلاط وموافق ان الحكومه تضحك عليهم ومين قال ان الحكومه هتقول لهم الاحوال هناك انا وانت وغيرنا عارفين ايه اللى بيحصل وعلى الرغم من كده فيه ناس بتقبل تبيع نفسها عادى يعنى مقابل الفلوس
انما دول مش عارفين يبقى نسيب البلد القذرة دى توديهم اوزاى يعنى لما تشوف واحد مش عارف يعدى الطريق يا صديقى يبقى تأخد بايده وتعديه مش تسيبه الدنيا تلطش فيه
اسلام الناس لو باعت مناديل فى الاشارات اليوم مش هيكون اقل من 20 جنيه مكسب صدقنى ومتقوليش انتى جربتيها اكيد لا بس عارفه احنا طيبين قد ايه وبنساعد بعض ازاى بطريقه او بأخرى
على فكرة حرقه دمنا دى علشان معاناة الناس الحكومه ملزومه انها تكفل الناس دى زى بلاد تانيه كتير زى الكويت ما بيعملوا نفسهم
ومتقوليش معندناش موارد اقولك اسفه عندنا بس هما ناهبينها الموضوع محتاج وقفه ونقول لا علشان هما يتراجعوا مش اننا نسلم ونروح اماكن تانيه ونطاوعهم انهم يبيعوا ويشتروا فينا
تعرف تقولى والنبى جايبين شركه اجنبيه فى مصر بتنظف القاهرة ليه
طيب ما يبقوا شركه مصريه وتعلى المرتبات احسن ولا هى صفقه واحنا كبش الفدا
اسلام احنا احن على بعض ولازم نقف ضدهم مش توصل لدرجه البيع العلنى يا بابا
وبعدين ابراج ايه ما احنا طالع عنينا يعنى سواء انا ولا انت ولا غيرنا والنبى نبطل نستسهل شويه بقى







همسه قلم
========
له تمن بس مرخصها يا حبيبى
نورتى بجد وسعيده بيكى

appy said...

بطوط حبوب
=========
والله يا ابو البطابيط يبقى عملت فيه خدمه او اقولك اعمل طلب باحاله اوراق الحكومه للمفتى واوعدك انى ساعتها اغير اسم عربيتى ههههههههههههههه
نورت يا محمود وميرسى ليك





ابو اعصار
==========

معلش حتى لو حد قال على الكوايته كده اكيد مش عمم يعنى بلاش نقول انه عمم
بس بينى وبينك الاغلبيه وحشين وانت عارف
ومعلش انى حرقه دمك اشمعنى انا يعنى انت احسن منى هههههههههههههههههههه
نورت الكوكب

appy said...

oss
=====

يا لهوى مش احنا اخوات يرضيك اختك الكبيرة كده دمها يتحرق وانت لا ههههههههههه
نورت يا اووس






وطـــــنى
===========

عليكم السلام يا استاذنا

اولا انت تتفضل فى اى وقت
وانا هرد على حضرتك واحده واحده

اولا :- عتاب حضرتك مش فى محله لسبب انت مفهمتش الكنايه مش دى كانت فى العربى برضه تشبيهى ليهم بالبغال النهم فعلا بيتحملوا الكتير اوى وعلى الرغم من كده انفجروا من الضغط اللى حصل تخيل لما حد اساسا واخد على البهدله والمرمطه يحنفجر يبقى ايه مدى الذل
يمكن التعبير خانى بس مش قصدته والله وربنا يسامحنى على استخدامه طبعا لانى مش بحب كده ابدا اهو من غير نطح خرفان

ثانيا :- اقرى ردى على انا جعان وحضرتك تعرف راى فى الموضوع كويس لانه طويل البلد فيها بس اللى يدور مش يستسهل تفتكر اللى بيتنازل عن حقه جوه البلد هيقدر يعمل حاجه براها

ثالثا:- حضرتك شوفت اهو نقطه من اللى بتكلم عنه يبقى اولى مش اروح ومحدش بيموت من الجوع بس الدين مقالش اننا نهين نفسنا خالص
رابعا:-عارفين طبعا ان معاملتهم مع بعض زباله واكتر كمان يبقى معامله الغير معانا ازاى
موضوع الاشارات طبعا معاك فيها وده لان القانون صارم فى الموضوع ده اوى يبقى هما برضه بيساقوا
وبعدين اكتب براحتك يا استاذنا الكوكب بتاعك نورت وسعيده بحضرتك

appy said...

blue-wave
===========

طيب يا ريت نبقى اوعى من كده ونضمن حقوقنا ومنبعش نفسنا
نورت الكوكب كله





wanna b a physician
===============
قال بيقولك لقمه العيش عيش ايه اللى يذل كده يا ناس فوقوا بقى بجد حاجه توجع القلب نورت يا دكتور

appy said...

جيداء
========

اهلا بيكى ونورتى الكوكب ومعاكى حق






bar2ash
===========
اهلا بيك ونورت من تانى مكان
اقول عليه ندل وحقير وزباله هقول ايه اكتر من كده نورت يا برقوووووووش

alexandrany said...

صباح الفل

appy said...

مها زين
=========

ما هو انا واحده نها يا مها يبقى هنعمل ايه مش لازم نتكلم ما هو حاجات بتتعب وتحرق الدم غصب عننا نورتى يا حبيبى






رصيف نمرة خمسه
===============
ايه رايك يا ايمى اكتب عن عماد زعرورو واعلانه اللى يغيظ هههههههههههههه اعمل ايه بس غصب عنى نورتى يا حبيبى

appy said...

حنين القلب
============
سلامتك يا حبيبى بجد من حرقه الدم ان شاء الله الوحشين يا حبى
وانتى كمان وحشتنى يا قمر





alexandrany
===========
طيب والنبى قول كلامك ده للى بيقولوا ليه لقمه العيش والعيشه ايه الخيبه دى والنبى ميرسى يا مصطفى انك كملت حرقه دمى عاااااااااااااا منك للى كلت دراع عروستها
نورت يا صوفى على فكرة انا عارفه طاجستان وعارفه بناتها يا خويا وعلى فكرة دى دول مسلمه كتي رمنهم وفعلا فيهم اللى عايشين فى السعوديه وبيتجوزا مصريين كمان من هناك وعادى ممكن تتجوز واحد متجوز اتنين
فكرتنى بالقرف ربنا يسامحك

ana ga3an said...

معلش يعني هو احنا بنلت و نعجن في اية؟؟؟
الاتفاقية لو اتمضت خلاص انتهي الامر
والمصريين بالكوم هايروحو
وكل واحد يرجع لكوزة تاني و ميوجعش دماغي

اللي غاوي بقي جعجعة فاضية وحمقة
يتفضل يعملو جروب علي الفيس بوك
يا يصرف علي
32%
من المصريين عند خط الفقر

appy said...

انا حر
=========

واللهاحنا فعلا السبب علشان سايبين حكومه قذره بتعمل فينا كده نورت الكوكب









محمد فوزى
=========
طيب يا محمد هرد عليك واحده واحده بس هتعبك معايا وهترجع لردى على ناس واتحملنى بقى شويه علشان فعلا انا مضايقه

اولا:- احنا مش بنتكبر وحتى لو اتكبرنا على الناس دى مش نفس ا الخليجين بيعملوا معانا محمد ما انت عايش فى الكويت و عارف ايه اللى بيحصل على فكرة الشغاله بتاعت خالتى هنديه وكويسه جدا خالتى معاها ومن اندونسيا كانت معاها واحده تانيه احنا مش عندنا نقص زى بتوع الخليج
موضوع البنغال البغال مش قصدتها بالمعنى الشتيمهه اقصد انهم بيتحملوا بلاوى لانهم معدومين فى بلدهم وعلى الرغم من كده اللى بيحصل ليهم خلاهم طهقوا
وبعدين مالهم السودانين ما مبهدلنا وقارفينا فى البلد ومعانا ومحدش اتكلم وبنتعاطف معاهم متربطش الحكومه بالشعب يا محمد افصل شويه

ثانيا:-
موضوع انه لا يخلو من كبر ده يخصك انت مش انا انا مش بصيت له كده خالص
اقرى ردى على انا جعان فى المرتين وانت تفهم وجهه نظرى ولو عاوز تتنناقش فى حاجه تانيه اهلا بيك
نورت الكوكب يا محمد

appy said...

son's egypt
==============

اوك بس الناس دى معندهاش وعى باللى هيحصل لها اسال اللى عايشين هناك وشوف ليه التانين رفضوا
نورت الكوكب





seven
========

عندك حق علشان احنا ساكتين بس فيه ناس غلابه مش فاهمين نورت الكوكب

appy said...

man in black
==============
اهلا بيك تانى
بص بقى يا سيدى بنتكلم ونصرخ ونزعق لان الحمد لله بقى لينا صوت مسموع مبقناش خرس زى الاول موضوع نتحرك ففعلا احنا بنتحرك بس يمكن اللى مش متابع مش عارف والله بنعمل حاجات كتير كويسه ومنها التوقيعات اللى جمعناها على موضوع 6 ابريل ومنها الوقفه بتاعت موضوع العبارة معلش انت مش متابع يبقى مش تعمم الموضوع تابع المواضيع بجديه هتعرف
اقلها رفعنا بانرات على ممدوح اسماعيل
يعنى لو تحب تشارك وده له اهميه جدا واسمه راى عام نورت الكوكب






مدونة الدفاع
==============
انا متابعه الطائر وحاضر هرجع لها تانى
وكان حقك انى اعتذر لان الحصل مش عجبنى ولا عجب غيرى بجد مش انا لوحدى
نورت وسعيده بيك

appy said...

المحارب المتيم
==============

والله اللى يقبل ان واحده يهينه يبقى هو غبر يعنى اللى بيعمل فيك كده مش احسن منك
صح ولا ايه حتى لو فى سلطه
نورت الكوكب كله






Ma7moud So3ody
================
يا ريتنا حصلنا الصين يا ابنى ده حتى لهم قيمه عننا
نورت الكوكب

appy said...

حـــــدوتـــــ
=================
والله الف تحيه ورحمه كمان لجدتك صح كلامها بس فيه ناس غلابه مش فاهمه
نورت الكوكب يا عسكور





مجداويه
==========
يا خبر يا نهار يا مش عارفه ايه
انا وحشه اه لكى حق كل يوم اقول اتصل وانشك فى صوابعينى مش اتصل غصبنا عنى وبعدين انا عارفه ان نسمه واخده منك البتوبوتر يا حبيبتى اعمل ايه اسسسسسسسسسسسسسسسسف بجد

يا ريتك كنتى اول تعليق يا بنتى كنتى رحمتنى من امخاخ تانيه غريبه زهقتنى طيب افهمهم ازاى دول بس
وحشتنى كالص ونورتى تانى

appy said...

Do not Press F1
====================
وكتير بتحصل اللى انت بتقوله والدنيا عارفه بس متربسين دماغتهم
نورت الكوكب اول مرة





انونيمس
==========
اهلا يا دكتور بس المستفيد الاكتر الحكومه مش الناس فى الصفقه دى

appy said...

نضال
=========
وامسح كومنتك ليه ده رأيك ومقدرش اشيله وبعدين انت مغلطتش فى حد يبقى اشيله ليه انت بتغلط فى الشعب اخليهم هما يعلقوك من رجليك هههههههههههههههههه

عارف يا نضال لو فكرنا صح شويه وراعينا ربنا زى ما مجداويه بتقول هيبقى افضل حاجه فى الدنيا
نورت يا ابو نضال





alexandrany
===========

صباح الفل والقشطات انت قاعد هنا ولا ايه طيب ما تشارك معايا فى المعارك يا خويا ايدك كده اللهى يسترك

appy said...

ana ga3an
==========

هو مين اللى بيلت ويعجن معلش انا حضرتك مش مسئوله يعنى عن عدم فهمك للى بقوله والله يا صديقى ركز شويه هتفهم
وبعدين مين قال ان الاتفاقيه اتمضت اها هو انت بتقرا الموضوع وانت مش عارف ابعاده يا حرام طيب معلش اخد فيك ثواب وافهمك بقى
لسه بيعرضوا يعنى لو قولنا لا ورفضنا ووقفنا ضدهم مش هيمضوها ولا الناس الغلابه هتتباع بالرخيص
وافتكر يوم لا قدر الله وحد فينا اتحط انه يتباع هتسيبه ولا هتمد له ايدك
طيب بقى طالما ده منطقك والنبى على قلبك ما تزعل لما يودوا البنات تشتغل فى الدعارة رسمى وتقولى انتم خايفين على منظركم وحتى يا اخى لو كدههو عيب ولا ايه انك تخاف على شكلك وكرامتك وعلشان شويه ناس مش فاهمه يأخدوا الباقى فى الرجلين
واقولك ازاى يعنى لما كلبه من كلاب السكك اللى بيركبوا عربيات مع الشباب من اى مكان وبفلوس نسيبها تعمل كده كل وقت عارف ده ودانا احنا لفين ان اى حيوان بيدور على شهوة بقى مش بيفرق وبيعاكس كل البنات بكل الاشكال وفاكر ان كله كده
السيئه بتعم والحسنه بتخص يعنى لما يقولك انت مصرى وشغال زبال عندى ساعتها متبقاش تتكلم
ولا احنا علشان مش نساعد الناس وندلهم زى ما بنلبس وبنجيب بالاف الجنيهات حاجات نقول نبيعهم
نورت الكوكب

صيدلانيه طالعه نازله said...

طول عمرنا بنرخص و حنرخص كمان و كمان طول ما حكومتنا المصونه بتتفنن بكل الطرق ازاى تبيعنا للغريب
من زمان و البلد العربيه بتتفنن ازاى تذل المصريين و تكسر عينهم
لانهم من جواهم عارفين مين هوا المصرى اللى للاسف اهل بلده و حكومته مش عارفينه و بتقتله باشكال متنوعه و بتدى للى قتله براءه

محمد فوزي said...

يا آبي أولا انا اتكلمت عن نفسي مقصدتش بالكبر حد تاني

وكل قصدي إننا نفصل الموضوع لشيئين
هل ضيقنا من إن المصريين مش هياخدوا حقهم وهيتهانوا

ولا خوفنا على منظرنا إحنا كمثقفين وخوفنا على سمعة المصريين

لو كانت الأولى يبقى تمام معاكم ميه في الميه ويكون الموضوع ده محل نقاش
ونقدر نقول لازم الحكومه تضمنلهم حقوقهم ولازم ميتهانوش ووووو


لو كانت التانيه ( فبرغم أهميتها عندي برده وحزني على وصولنا للدرجه دي ) إلا أني مقدرش أحرم شيء أحله الله وهو العمل الشريف أيا كان ,ومن ناحيه تانيه مقدرش أقهر حلم بني آدم عايش تحت خط الفقر عشان انا وغيري مش عايز اسمع كلام من حد يقول فيه انتوا يا مصريين بتوع نظافه
وإن كان على السمعه فكفايه قوي برامج التوك شو مبهدلانا


وصورتنا هتتحسن لما نبقى إحنا أحسن مش بالكلام وخلاص
لما المواطن نفسه يحس من نفسه إنه أكبر من كده ومش لازم يعمل كده


وملحوظه كده على جنب
العمال المصريين مش هينفعوا في الشغل ده من الأصل وإن شاء الله الإتفاقيه دي هتفشل

تحياتي

ana ga3an said...

هو لية الناس النهاردة واخدة الكلام علي صدرها
ثانيا اية اللي في كلامي بيقول اني مش عارف ابعاد الموضوع
ولا هو مجرد تشكيك في كلامي لغرض اثبات تفوق
يا ريت يا اخوانا نبعد في الردود عن استعراض العضلات و الفتاكة السياسية و اظهار المامنا بدهاليز السياسة
مادام اعترفنا قبل كدة اننا مش بنفكر احنا بنقول وجهة نظرنا بس

عزيزتي انا لما بتكلم بكون علي ارضية صلبة مش مجرد استعراض حصيلة لغوية او
اني بغلب حد في الكلام فهو سلاح عديمي المعرفة

ليكن معلوم عندكم
ان القرار اذا تم الاتفاق علي تنفيذة لن يردعة احد ولو خرج نص المصريين يطالبة بوقفة
وياريت محدش يسوق تشبية بقصة عائشة عبد الهادي
وان موضوع ارسال خادمات مصريات الي السعودية تم ايقاف تنفيذة بسبب اعتراض الناس
الموضوع تم تجميدة فقط
وذلك بسبب نقاش دار بين عدة اشاص في جهة سيادية مع السفارة المصرية ومسؤلين الحوار السياسي و الاقتصادي في السعودية
لمعرفة هل هم قادرين علي تحمل تبعات المشاكل المتوقع حدوثها في السعودية للنساء المصريات الخادمات ولا لا
لانهم ساعتها مش هايكونو حمل الراي العام و الفضح الاعلامي
اللي هايكون سانن سنانة ومنتظر اي هفوة او تقصير من السفارة المصرية هناك
وسوف يتم تضخيمها
فا دة السبب الوحيد لتجميد الموضوع
وللعلم في مذكرة التفاهم التي تم توقيعها مع الجانب السعودي مع سعد البداح رئيس اللجنة الوطنية للاستقدام بالسعودية
ستبدأ بمجرد وصول طلبات الخادمات والكوافيرات في فتح باب التقدم لراغبي العمل بالسعودية في مهن السابق ذكرها و المتوقع
ان تمرير العمالة سيبدأ بحلول عام 2010
والشخص الوحيد اللي كان مانع سفر المصريين في مهن متدنية او كخادمات او سفر النساء بشكل عام في مهن متدنية كان السادت الله يرحمة بقي

كلمة اخير انا معارض تماما لفتح الباب للعمالة المتدنية في الخليج من المصريين
وفي حالة قرف شديدة من حكومتنا لكن كل ذلك لا يمنعني من رؤية حقيقة الامر
مش ادخل اجعجع و الجلالة واخداني

appy said...

صيدلانيه طالعه نازله
=====================

ما هو علشان فيه قدامنا ناس كتير بتقولك عادى يعنى وايه المشكله نورتى يا قمر







محمد فوزى
=========

لا يا محمد انا اقصد الاتنين مش واحده بس صدقنى
يعنى بقى مش معنى كده موافقه على التوك شو والتوك زفت ده بس مش الموقف يفضل متدنى برضه فهمت قصدى

appy said...

ana ga3an
==============
مش عارفه ليه مصمم انك تستفذنى بس عموما حاضر هرد عليك ولو ان انا عارفه ان الحوار معاك هيودينى فى مكان مش بحبه خالص ومش احب استخدمه معاك
اولا انا مش عاوزة افرد عضلات عليك ولا يهمنى الموضوع ده بحاجه دى وجهه نظر وخلاص وانتهينا يعنى وبعدين والله معنديش عضلات اصل انا هفتانه شويه بعيد عن حضرتك سبت لك انت تفرد عضلاتك براحتك فى الوعى والمعرفه
وعلى فكرة حتى لو الموضوع اتجمد برضه الرأى العام له دور يعنى راى حضرتك اللى بدون اطلاع اللى هو عباره عن وجهه نظر وخلاص
ومعلش صدعنا حضرتك
اه على فكرة محدش بيتكلم فى الكوكب غيرى فمتعممش الكلام انا بس اللى برد عليك يعنى اللى واخده الكلام على صدرها حضرتى
معلش اصلى بعتز بنفسى وكرامتى وبعتبر ان اى مصرى بيهين كرامته كأن انا اللى هنتها اسفه على الموضوع ده بجد
وعموما حضرك معاها او مش معاها فدى مش قضيتى خالص لانك برضه معاها او مش معاها مش هيقدم ولا يأخر وده على حد قولك
نورت الكوكب

دمعاتي said...

دا نتيجة متوقعه لكل ما يحدث
ولكي لا اكون متشائما لن اقول القادم أسوأ
بل ساكون متفائل واقول القادم منيل بستين نيله

WhItE HeArT said...

حسبي الله ونعم الوكيل

وفعلا زي ماقال الطائر الحزين

الرابح من يدوس اكتر

تحياتي

Ma7moud So3ody said...

المجرة منورة بأصحابها
:D

دعاء مواجهات said...

واحد بس ياآبى

قوللى 80 مليون للبيع

بإستثناء

الإكس بانصااات طبعا

والمقامات محفوووظة ..

بيس

ahmed_k said...

يا آبي إسمحيلي أحكيلك قصه حدثت في الكويت بعد تحريرها أي سنة1990
بعد ما اتحررت الكويت بدأوا يعملوا إعاده لهيكل الرواتب عندهم بسبب مصروفات وخسائر الحرب
فتم تقليل مرتبات المدرسين بشكل كبير
فقام المدرسين بعمل إضراب وطبعا أكبر فئه مدرسين مصر
أما المدرسين السوريين تدخللهم الرئيس حافظ الأسد شخصيا ومحدش قدر يمس من مميزاتهم ورواتبهم وفضلنا إحنا وطبعا كانوا المصريين عاملين مشكله كبيره لأنهم الأكثر
وهنا خرج علي المواطنين وزير التعليم الكويتي وقال أحب أطمئن الأسر علي مستقبل أبنائهم فقد تحدثت مع أخي وزير التربيه المصري وأخبرني أن المدرس اللي حيمشي من عندك أبعتلك بداله عشره!!!هنا قامت الدنيا ولم تقعد بين تجمع المدرسين المضربين
ولم يتدخل ويحل مشاكلهم وتبنى قضيتهم سوي السفير السوري الذي أعطاهم حقوقهم أسوة بالمدرس السوري
وبتتكلمي يا أختي عن السفارات
أنا عشت في ليبيا والكويت ولو حبيت أحكيلك عن سفاراتنا هناك مش حسيب مكان لحد تاني يعلق
المصري بره بياخد حقه بدراعه
والسفاره بالنسبة له كأي مصلحه حكوميه عندنا مهانه وقلة أدب
لأ أتعامل مع المؤسسه المحليه أفضل من اللجوء للسفاره
ودي حال بلدنا وشعبنا في الخارج

وبعد كده يطلع علينا جوز ماما سوزي ويقول مصر أولا
يآخي ...وكفايه لحد كده

وسلاااااام بقه

كوارث said...

آبي هانم بتنجاني
المصري أحسن منهم
بس هوا يبقى مصري
ده كل الموضوع
وبعدين مهو بره بيتهان وهنا بيتهان
بس يتهان هناك احسن
خليه يعشم نفسه يرجع مصر ويلاقيها جميلة :)
على الاقل اجمل بالنسبة من هناك
كلاب المال والسلطة
مش عايز اقول يستاهلوا عشان سابوا مصر تغرق وهربوا عشان ربنا عارف بظروف كل واحد والهجرة مباحة في ظل الظروف المنيلة الحالية
بس احنا من امتى لينا تمن ؟
ما تلات جنود مصريين اتقتلوا وهما بيدافعوا عن حدود مصر وكانت النتيجة حضن كبير لعمو اولمرت والضغط على اسر الشهداء التلاته لحد ما اتنازلوا عن القضايا !
لا بجد من امتى المصري له تمن ؟
ما فيه 1000 واحد ماتوا في العبارة عشان ما شربوش اللبن قبل ما يركبوا فغرقت قضاء وقدر
من امتى بقه المصري له تمن ؟
عايزاهم لما يشوفوا حكومتنا بتعمل فينا كده
حكوماتهم تعمل فينا ايه ؟
لا لا
مالكيش حق خالص !

لورنس العرب said...

انا الحقيقه قرأت الخبر ولم أصدق انها قالت الكلام ده- أو بمعنى أصح ازاي تنصح الكويتيين باستبدال العماله المصرية بالبنغاليه دون طلبا منهم
انا كنت قرأت تعليقات في بعض المواقع من الكويتيين أنفسهم بيقولوا أو- بينصحوا- باستبدال العماله البنغالية بعماله عربيه- يعني مصريه- على اعتبار ان البنغاليين فيهم الكثير من المجرمين
لكن كان من الأولى ان الطلب ييجي منهم ولا نعرض احنا عليهم الوضع ده
كل اللي انا مستغرب له ازاي وزيره تقع في هذا التصريح الساذج المتخلف وهي عارفه ان بعد ما هاتقوله الناس في البلاد العربية هايتريقوا علينا لبكره

CAIROCOMPUTER said...
This comment has been removed by the author.
MIND TO THINK said...

هل كل ما يملكه الناس هو الغضب والحزن او الأستعانه بالنكت والتندر والسخريه لمواجهة موقف ماساوى؟
والهمس بالسؤال الحارق وما الحل؟
الجل فة ا ب السياسه الذى لم يتعود عليها الجمهور ولا حتى الكثير من المثقفين وهو بلورة مطالب محدده والضغط بكل وسيله حتى تتحقق
مثلا فى مهزلة العباره الكل يعرف ان هناك شخص يتستر وراء منصبه ويمسك بكافة الخيوط فى مسرح العرايس
هل طالبنا بالتحقيق معه بعد ايقافه عن العمل حتى لا يؤثر على سير التحقيق؟
نحن امام شخص يعبث بكل شىء دون خوف من مساءله او عقاب
لم نطلب بمعرفة حقيقة علاقته بممدوح اسماعيل وهل هو شريك فى الشركه؟
وكيف امكنه دس اسمه ليكون عضوا فى مجلس الشورى؟
ان البوليس فى اسرائيل يحقق مع رئيس الوزراء فى جرائم اقل بكثير
ويرغمه على التنازل عن السلطه

sebofy7alo said...

والله حاجة تضحك واللي ضحكني أكتر الصورة اللي أنت حاطاها
وبعدين شىء طبيعي
مصري يبقى يتعامل أزاي....؟
سلالالالالالام

appy said...

دمعاتى
==========
اهلا اهلا انا مش متشائمه انا هطق خلاص نورت الكوكب كله





القلب الابيض
=============

طيب الاول انت نجحت ولا عملت ايه طمنى يا ابنى

appy said...

Ma7moud So3ody
==============
ما هو انتم اصحابها برضه مش انا لوحدى






دعاء مواجهات
=============

لا انا لا والنبى مش عاوز شكرا انا مش للبيع يا دودو
نورتى يا قمر

appy said...

ahmed_k
=========
اهلا اهلا بالناس الجدعان قطعت فى فروتك انا والشنكوتى لما قولنا انك فطست خلاص ههههههههههه
انا عارفه اللى بيحصل بره والناس مش عاوزة تستوعب ده بس تقول ايه للامخاخ
واكتب براحتك البيت بيتك
نورت يا احمد






كوارث
=======
ما هو حتى لو مش عارفين نعمل حاجه على الاقل خالص نتكلم يمكن حد يسمع
نورت يا مصيبه افندى

appy said...

لورانس العرب
===============
انا نفسى افهم انت كنت مستخبى فين بقى وطلعت فجأه كده مش تيجى تشترك فى المعارك الاولى اللى عملتها
دا انتم اخوات اى كلام
يالا نورت وامرى لله ههههههههههه





MIND TO THINK صلاح حجازى
==========================
اولا تعليقك اللى مسحته واللى كان باسم كايرو كمبيوتر للاسف جالى على الميل
يا استاذ صلاح وانت عملت ايه دا انت حتى رايك بتكبته وانت متخفى افهم ليه بقى ده علشان طبيعه شغلك ولا لدواعى امنيه
بيتيهأ ليه يعنى على حد فهمى المحدود ان اللى بيعمل عويل وصويت وباسمه افضل بكتير باللى عامل ميه اكونت وداخل يزق فى الناس
يعنى انت حد كبير على انك تعمل كده عملت ايه قولى اتكلمت حتى فى البرنامج بتاعك
دا انت لما بتأخد شغلنا وتذيعه عندك بتختار الحاجات اللى بعيد عن السياسه يبقى انت زيك زينا فاللهى يسترك مش ناقصه نفسيات علينا
ومين قال بقى لحضرتك اننا مش عاملين حمله علشان الموضوع ده ومين قال ان مش واقفين احنا مع الناس بتوع العبارة اسر الضحايا
يعنى هو علشان حضرتك مش متابع ولا عارف ان كان فيه مؤتمر ليهم والناس راحته يبقى مبنعملش
طيب بقولك ايه ما تعلمنا السياسه كده ربنا يخليك يعنى اصل احنا لسه نونو وعاملين زى الستات او ستات بنولول
بس فى نظرى افضل بكتير من اننا نكون مستخبيين
وطالما انت عقل بتفكر يا ريت تقولنا فكرت فى ايه

ثانيا بقى لما دخلت ليه فى تعليق هايف وقولت ليه حددى اتجاهك
دلوقتى فهمت يا عينى تقصد انا مع الاخوان او ضد تصدق انك صعبان عليا ومش هرد عليك وهخليك كده تاكل فى نفسك لانى وضحت فى البوست ده انا ايه
بقولك ايه طلعنى من دماغك وبلاش انا وخليك فى الناس اللى انت بتدافع عنها وده بجد انذار موجهه ليك متحتكش بيه من بعيد ولا قريب
وابقى روح قدم انت البلاغ لو عندك الشجاعه فى ممدوح اسماعيل
ومن غير نورت الكوكب

appy said...

والنبى يا استاذ
عقل بيفكر انت
اللى هو صلاح حجازى هجيب لك تعليقك اهو علشان تعرف بس مين كداب وسبحان اللى على الافكار يعنى والناس اللى بتتمادى فى الغباء

والكدب كمان

اقرى التعليقين وشوف بقى مين فين اللى بيستهبل سواء كنت انت ولا حد من طرفك






CAIROCOMPUTER has left a new comment on your post "واحد مصرى للبيع":

سيستمر هذا الصراخ والعويل بلا جدوى مالم نحدد مطالب محدده ونركز على حمله لتلبيتها وهذا ا ب النضال السياسى
مثلا نركز الصراخ على عرايس مسرح العرايس ونتترك الممسك بالخيوط فى مهزله كبرى مثل العباره
بدلا من ان نطالب بالتحقيق فى دوراللاعب الحقيقى
الذى يهزا بالقانون ويفعل مايريد
فى حماية منصبه القريب من اعلى سلطه فى البلد
لماذا لا يجرى تحقيق بعد ايقافه عن العمل حتى لا ئؤثر على التحقيق
البوليس فى اسرائيل يحقق مع رئيس الوزراء ويدفعه للأستقاله على مخالفات اقل بكثير
بغير ذلك لن يجدى العويل
ولا البراعه فى الشخريه والتندر بالمآسى الكبرى
يجب مطالبة الرئيس مبارك والبرلمان وكل جهه بهذا والمثابره على الطلب


كده بقى شوف مين بيقول ايه

appy said...

وبرضه ادى اللى انا مسحته علشان تعرف انى مش بكدب ومفيش حد يشكك فى كلامى يا اخى عيب بلا ش. حا دبى بلا نيله




[Appyplanet] New comment on واحد مصرى للبيع.
From: MIND TO THINK (noreply-comment@blogger.com)
Add contact Add contact
Sent:
Sun 8/03/08 7:06 AM
To:
butterfly_549@hotmail.com



MIND TO THINK has left a new comment on your post "واحد مصرى للبيع":

الأخت العزيزه صاحبة المدونه
انت حره فى الطريقه التى تعاملين بها زوار ومعلقين لمدونتك ولكن رجاء لا تنسبى افكارى لمن لا اعرفهموعموما لن اعلق اذا كان هذا الطلب لا يروق لك
ش.ع
دبى



Posted by MIND TO THINK to Appyplanet at August 3, 2008 10:06 AM

CAIROCOMPUTER said...

ابى
اود ان اوضح لك اننى كتبت ما كتبت باسمى المعروف بفكره نقلتها من صاحبهابعد ان قراتها فى صحيفه عربيه ولما وجدته قد كتبها حذفت كلامى لأنه سيكون شىء مكرر
فلا تخفى ولا شىء اما بخصوص البرنامج واختيارى لما هو غير سياسى فهذا يرجع لطبيعة البرنامج وقد قدمت واقدم برامج سياسيه فى مصر وخارجها عندما تكون البرامج لها طابع سياسى
وعموما اشكرك على اسلوبك الرقيق

CAIROCOMPUTER said...

ابى
اود ان اوضح لك اننى كتبت ما كتبت باسمى المعروف بفكره نقلتها من صاحبهابعد ان قراتها فى صحيفه عربيه ولما وجدته قد كتبها حذفت كلامى لأنه سيكون شىء مكرر
فلا تخفى ولا شىء اما بخصوص البرنامج واختيارى لما هو غير سياسى فهذا يرجع لطبيعة البرنامج وقد قدمت واقدم برامج سياسيه فى مصر وخارجها عندما تكون البرامج لها طابع سياسى
وعموما اشكرك على اسلوبك الرقيق

appy said...

CAIROCOMPUTER
================

تصدق بالله انت صعبان عليه وبقولك ايه كفايه عليك كده والله كفايه الناس اللى شايفه كلامك ده تقول ايه
انت برضه مصمم انك تتدعى انكم اتنين هههههههههههههههه طيب عيب خلينى بقى حلوة ورقيقه كده بجد علشان الناس حتى اللى بتتعامل معاك وبليز حضرتك غير مرحب بيك هنا تماما وشكرا ليك اوى

امل said...

لا حول ولا قوة الا بالله
والله الواحد معدش عارف يعمل ايه ويروح فين
ربنا يتولانا برحمته

ahmed_k said...

أختي العزيزه آبي
مش عارف أعبرلك عن مدي سعدتي بردك الجميل علي تعليقي المتواضع في هذا البوست
ومتحرمش يا رب من زوقك وأخوتك انتي وأخي ايهاب الشنكوتي
ومعلش يا آبي في بعض زوار مدونتك أقل ما يقال أنهم من المستفزين
طبعا أنتي رديتي بما فيه الكفايه
لكن إسمحيلي أخاطب عقولهم قبل قلوبهم لظني انه ليس لهم قلوب
هل لو كان هذا العرض مقدم لقريب لأحدهم هل قبل له بتلك المهانه أو سيقبلها ويدعي عدم معرفته به
أظن أن الثانيه اقرب لفكرهم
ولكن يا أختي أمثال هؤلاء لا يختلفون كثيرا عن ذلك الجالس خلف التكيف في سفارتنا بالكويت ويعرض ابناء بلده في سوق النخاسه
أمثال هؤلاء من يقبلون الذل والمهانه مقابل حفنة دنانير هم من أوصلونا لما نحن فيه وللأسف إمتلأت بأمثالهم البلد نتيجة الظروف الإقتصاديه التي نعانيها منذ أكثر من خمسة وعشرون عاما
فكان الناتج الطبيعي لمثل تلك الظروف ظهور أناس باعوا الكرامه والعزه والشموخ مقابل الفلوس
يا أختي من هم الذين سمحوا لعباره لاتطابق أي مواصفات للسلامه بالملاحه أليسوا مصريين
من هم الضباط الذين لا هم لهم سوى التعزيب والتكبر علي خلق الله من ابناء بلدهم وأمام الغريب فئران أليسوا مصريين
من هم العاملون في سفاراتنا بالخارج ولا هم لهم سوي نهب ما يستطيعون اليسوا مصريين
من هم موظفين الحكومه (البعض)الذين يتعاملون مع المواطن كأنه يشحت من جيوبهم ولا هم لهم سوي بهدلة المواطن الذي له مصلحه لدي أماكن عملهم أليسوا مصريين

فلا تعجبي من أن يمر أمثال هؤلاء من هنا ويحاولون إظهار من له غيره علي كرامة بلده بأنه غير مدرك لحقائق الأمور وينظر للوضع السائد في البلد بمنظور ضيق

أختي يقول الله عز وجل في وصف المؤمنين بأنهم الذين إذا خاطبهم الجاهلون قالوا سلاما

وفي النهايه عايز أقول لهؤلاء وامثالهم

جاتكم نيله مليتوا البلد

يا آبي لو رأيتي أي تجريح فيما قلت فرجاء حذف تعليقي

وشكرا لسعة صدرك

في أمان الله وحفظه

حاجات جوايا said...

السلام عليكم
ازيك يا رحاب يا قمر وحشانى
انتى مزعلة نفسك ليه
المشكلة مش فى المصرى اللى بيرضى بالاهانة
المشكلة فى الاصل فى اللى علم المصرى يعيش مهان فى بلده مش قادر يطلع صوت ويطالب بحقوقه والا مصيره هيبقى خلف اسوار المعتقلات

وشئ طبيعى ان اللى يتهان فى بيته وبلده وناسه يقبل الاهانة من الغريب
لانه اصلا متعود على كده

وحسبى الله ونعم الوكيل
الفرج من عندك ياااااااااارب



سالى

norahaty said...

السلام عليكم ورحمة الله وبركاته
مالاقاية كلام ممكن يتقال بعد اللى قالوه(كل كل كل كل كل الناس الحلويين اللى قبلى دول )لكن ممكن او لو سمحتى انتى (وحاجات جوايا)اقتبس جزء من اجابتها لانها قالت المفيد
بتقول ايه؟
(المشكلة فى الاصل فى اللى علم المصرى يعيش مهان فى بلده مش قادر يطلع صوت ويطالب بحقوقه والا مصيره هيبقى خلف اسوار المعتقلات

وشئ طبيعى ان اللى يتهان فى بيته وبلده وناسه يقبل الاهانة من الغريب
لانه اصلا متعود على كده)

شفتى ازاى؟عودونا كده عيش جبان تموت مستور
وعندك حق حاجة تفور الدم

قوس قزح said...

يوووووووووه يا ابى
على طول كده مش فاهمة و ظالمة الحكومة

يا ستى دول بينضفوا البلد من الطبقة اللى مش عجباهم

مرة فى غرق عبارة

ولا فى قطارين يولعوا فى بعض

ولا فى عمالة لبلد اللى يروح ميرجعش

مش قالوا هنحارب الفقر ؟
اهم بيوزعوا الغلابة بأى وسيلة بقى

Cold air said...

جوه وبره فرشتلك و انت عوج مين يعدلك

Cold air said...

حسبنا الله هو نعم الوكيل

darkskies said...

انتى عارفة احسن حاجة ايه ان مصر دى فيها كل حاجة فعلا علم وجهل غنى وفقر مجون وتدين
مصريين بيتباعو ومصريين بيبيعوهم
المفروض تفرحى عشان الحاجات دى مش عند اى حد
:D

الشنكوتي الكبير said...

سيبك بقى من الحوارات دي ماله يعني لما المصري بيبيع نفسه دي حاجه متأصله فينا من قديم الزمان
طول عمرنا من ايام الفراعنه بنتباع زي الخرفان مش خرفانك العبيطه طبعا
حتى لما اتلغت العبوديه برده بقينا نتباع بس هم بقوا يبيعونا بالجمله القطاعي ممنوع دلوقتي فغصب عنهم لازم يبيعونا كلنا على بعض يبيعونا في شركات ناجحه بتتخصخص
يبيعونا في اراضي الدوله الغاليه اللي بتتباع بتراب الفلوس للحلوين الطعمين اياهم
يبيعونا بالأغذيه المضروبه
اكياس الدم الفاسده
العبارات الغارقه
بيبيعونا بالجمله كده علشان القطاعي منعوووووووووووووووه
يعني غصب عنهم برده

عارفه بقى حتى في الخارج بره مصر كنا بنتباع بالقطاعي بس كل واحد بيبيع نفسه بنفسه
دلوقتي برده الحكومه الرشيده حبت تنظم المسائل فقررت تبيعنا برده بره البلد بالجمله فقالك هنظم السفر وهنظم العلاقات الدوليه
وطبعا نظامهم زي وشهم
جميييييييييييييييييل
اما بقى المشتريين انتي عارفه بقى
دايما التاجر الشاطر لما يشتري بضاعه لازم يبخس بيها علشان محدش يعلي سعرها عليه
فلازم نتهان ونبقى حسالة الأرض ونتهان في كل مكان وزمان علشان السعر يقل ويشتروا بالجمله فيقل السعر اكتر
وياسلام بقى لما ياخد البضاعه دي - احنا يعني- ويستخدمها في اقل وضع بالتالي هتبقى قيمتك من قيمة عملك فسعرك يقل اكتر

بقولك يا بنتي احنا طول عمرنا بضاعه
الحكايه بس اننا بنتباع بالجمله

يا سلام لو بس الاقي حد يشتري مني بالقطاعي

سلااااااااااااااااااااااااااااام


انا فالح يا غجريه

appy said...

امل
====

زحشتينى يا قمر خالص خالص
نورتى الدنيا وربنا يستر والناس تفوق






احمد
=====
براحتك يا احمد بس هما ليهم وجهه نظر تانيه ان الناس غصب عنها واننا نرحمهم يعنى هما برضه مضايقين
نورت الكوكب

appy said...

حاجات جوايا
=============
سالى يا قمر وحشتينى كنت عارفه ان سمكه قرش اكلت النت بتاعك ههههههههه حمد لله على سلامتك تانى يا سكر انتى
ومعلش بكرة نتعلم
نورتى تانى






norahaty
==========
اهلا بيكى يا قمر اول مرة والدنيا اتملت كهربا قصدى نور
بس حتى ممكن نكون اتعلمنا الغلط يعنى نقدر نصلح
مبسوطه بيكى اوى يا حبيبتى خالص

appy said...

قوس قزح
==========
انا طول عمرى كده يا حبيبى مش بفهم بسهوله انتى عارفه بقى
نورتى يا قمر





Cold air
==========
اهلا بيكى اول مرة الكوكب متكيف على الاخر بجد

appy said...

darkskies
===========

عندك حق بجد هى دى مصر اللى اخيرا امنت بيها كده
نورت الكوكب





الشنكوتى
=========

هههههههههههههه اسمها فلاح مش فالح حتى جاهل ومش عارف تكتب يا لهوى عليك اعضك بقى واخلص منك
ماشى يا شنكوتى كلامك كله حكم

Mercy Devil said...

الناس بتفهم بس فى الوقت الضايع بس
يعنى لما يلاقوا نفسهم كده وسط اسماك القرش ساعتها بس هيفهموا

osama said...

كل الكلام ده مظبوط والسفارات المصريه فى الخليج ملهاش اي لازمه لكن لو بصيتى لمشكله الناس دي هتلاقيهم زي اللى بيغرقوا وهما رايحيين ايطاليا بيبقي عاربف انه 100%ميت وبرده بيسافر فده ارحم منه شويه بيبقي عارف انه هيتهزق بص فبيستحمل عشان عياله ميموتوش من الجوع
وعجبي عليك ياوطن

¨¨¨°~*§¦§ Appy §¦§*~°¨¨¨ said...

اسامه
=======
مقدره وعارفه بس الناس بتصعب عليا ان الفلوس تخليها تعمل كده فى نفسها
مبسوطه اننك متابع موضوععاتى كلها